Guardian staðhæfa í dag að Liverpool hafi fest kaup á Joao Carlos, 19 ára miðjumann frá Sporting Lissabon. Hann var víst aðalmaðurinn í þessu Sporting liði, sem að slátraði unlingaliði Liverpool í NextGen mótinu – en Sporting vann liverpool 8-1 í tveim leikjum.

Er ekki orðið mátulega langt síðan síðasti félagaskiptagluggi lokaði? Er ekki um að gera að fá smá slúður núna? Það held ég nú.

Samkvæmt Supersport – afrískum fótboltamiðli – er Liverpool nálægt því að tryggja sér bakvörðinn Samuel Inkoom frá Ghana, sem leikur í dag fyrir Dnipro í Úkraínu. Inkoom er 22ja ára hægri bakvörður, mjög sókndjarfur víst og samkvæmt Sirjandeep Das á Twitter hefur hann verið eilítill meiðslapési.

Þetta er allajafna svona frétt sem maður myndi hunsa ef ekki væri fyrir þá staðreynd að Inkoom staðfestir þetta sjálfur:

“Very soon a deal would be complete. My agent is still in talks with them. A scout of Liverpool came over some time back and that was how it started. A deal will soon be done.”

“I cannot say what it will be exactly because nothing has been decided yet on whether I will join Liverpool on loan or move permanently.

Það er spurning hvað Liverpool hefur með annan hægri bakvörð að gera, sérstaklega mann sem á erfitt með meiðsli, en við erum fyrir með Glen Johnson, Martin Kelly og John Flanagan í þessa stöðu. Þetta flokkast því undir slúður í dag, en það er áhugavert að leikmaðurinn skuli staðfesta þetta sjálfur.

Hvað halda menn? Er verið að kaupa staðgengil Glen Johnson þarna, eða er Inkoom bara að ljúga þessu til að fá launahækkun eins og við höfum séð oft áður?

Hér er svo að sjálfsögðu YouTube-myndband af kappanum undir tónlist frá … Akon, að sjálfsögðu.

Sjáum hvað setur, en þetta er allavega slúður dagsins.

The Guardian segja frá því í kvöld að Liverpool sé að takast að selja þá Paul Konchesky og Milan Jovanovic.

Samkvæmt fréttinni fer Konchesky til Leicester fyrir um 1,5 milljón punda (uppfært EÖE: Salan er staðfest). Nokkur lið hafi svo áhuga á Jovanovic, þar á meðal Lille og Anderlecht. Ben Smith blaðamaður Times segir á Twitter að Jovanovic muni fara ókeypis frá Liverpool.

Þetta er fínt mál. Þessir leikmenn eru að sögn á háum launum og eiga lítinn sjens á að komast í Liverpool liðið. Ben Smith segir svo líka á Twitter að hann telji líklegt að mál Stewart Downing muni þróast í rétta átt (það er að hann komi til Liverpool) seinna í þessari viku.

Samkvæmt nýjustu grein Tony Evans hjá The Times (sem hægt er að lesa hér á RAWK, þarf áskrift til að lesa Times) er Liverpool nálægt því að klára kaupin á bæði Charlie Adam frá Blackpool og Stewart Downing frá Aston Villa.

Evans, sem ásamt Tony Barrett hjá The Times er sennilega áreiðanlegasti blaðamaðurinn þegar kemur að Liverpool, segir í grein sinni að Adam muni líklega kosta 8m punda upphaflega með 2m í viðbótarklausum á meðan talið sé líklegt að Downing muni kosta í kringum 16m punda. Við erum því að fá tvo vinstrifótarmenn á miðjuna og vænginn hjá okkur fyrir um 24-26m punda samtals.

Ég er hrifinn af þessum kaupum, ef af verður. Ég merki þetta slúður þar sem þetta eru bara blaðafréttir (hinir miðlarnir eru samt allir að segja sömu sögu: Daily Mail, Mirror (Downing), Mirror (Adam), Sky, Blackpool Gazette) en þegar Tony Evans er annars vegar getum við trúað því nokkuð áhyggjulaus. Þessi tvennu leikmannakaup eru greinilega í vinnslu.

Við erum hér að fá, eins og ég sagði áður, tvo vinstrifótarmenn á miðjuna okkar. Adam er playmaker sem getur opnað þéttar varnir með góðum sendingum auk þess að vera frábær skytta og stórhættulegur spyrnumaður í föstum leikatriðum. Hann er líka leiðtogi, eins og veturinn með fyrirliðaband Blackpool-liðsins sýndi. Ef hann getur sýnt okkur svipaða frammistöðu fyrir Liverpool og hann sýndi tvisvar gegn Liverpool síðasta vetur á hann eftir að slá í gegn á Anfield.

Downing er líka mjög áhugaverður kostur. Fyrir tveimur árum, þegar Middlesbrough féllu og Liverpool var í öðru sæti deildarinnar vildi ég ekki sjá hann þegar við vorum orðaðir. Hann fór til Aston Villa og mér fannst hann ofmetinn. Hann hefur hins vegar spilað talsvert betur með Villa, og verið stöðugt betri en ekki ójafn eins og fyrir Boro, og eiginlega hrifið mig meira og meira. Hann er þessi öskufljóti kantari sem vill keyra upp að endalínunni og finna svo ennið á mönnum eins og Andy Carroll. Á pappírnum ættu þeir tveir sérstaklega að smellpassa saman en við verðum að sjá hvernig Downing gengur að spila undir pressunni sem fylgir rauðu treyjunni. Hann var ekki beint að höndla pressuna með enska landsliðinu síðustu árin, vonandi er hann reiðubúinn í þennan slag.

Það verður í öllu falli að teljast jákvætt, ef þetta klárast fyrir mánaðarmótin, ef Comolli og Dalglish geta farið út á Evrópumarkaðinn frá og með 1. júlí með Henderson, Adam og Downing nú þegar í farteskinu. Ég sé ekki hvernig við getum kvartað yfir því. Við þurfum meira í sumar en þá þrjá, en þetta er ágætis byrjun.

Echo greina frá því í dag að Liverpool sé líklegt til að reyna að klára kaupin á Connor Wickham á næstu dögum. Sunderland hafa víst gert tilboð í Wickham uppá einhverjar 8 milljónir punda.

Wickham er samt Liverpool stuðingsmaður og flestir virðast telja að hann sé ákveðinn í að koma til Liverpool. Ben Smith hjá Times orðaði þetta ágætlega á Twitter:

#LFC’s chase for Wickham is not a ‘battle’. Player wants to Anfield move, Dalglish very keen. #SAFC know this

Semsagt, Wickham heldur með Liverpool og hann vill koma til okkar. Sunderland geta gleymt þessu.

Hérna er ágætis myndband með mörkum Wickham og Fernando Torres. Sum þeirra eru nokkuð lík.

Wickham hljómar mjög spennandi. Ef við kaupum hann þá höfum við á síðasta rúma hálfa ári keypt sennilega 3 af 4 heitustu ensku leikmönnunum, sem hafa skipt um lið á þessum tíma. Og þeim fjórða misstum við af til ensku meistaranna. Það er greinilegt hver stefna FSG er og ég er mjög hlynntur henni.

Það er laugardagskvöld og ég nenni varla að skrifa, en ég verð að reyna að koma þessu á blað til að fá eitthvert vit í slúðrið. Þannig að hér hefst tilraun mín til að skilja hvað í fjandanum er í gangi með sölu Phil Jones frá Blackburn.

Eftir því sem ég best veit af því að lesa Twitter og fréttamiðlana alla vikuna er atburðarásin þessi:

• Við lok tímabilsins var vitað að Liverpool, Manchester United og Arsenal hefðu áhuga á honum.
• Samkvæmt blaðamönnum á Twitter voru Liverpool búnir að tékka óbeint á honum, væntanlega með því að tala við umbann hans eins og venjan er, fyrir síðustu helgi og fá þau svör að hann væri til í að koma til Liverpool.
• Eftir því sem ég kemst næst buðu Liverpool svo u.þ.b. 10m punda í hann í byrjun vikunnar, og í kjölfarið fóru menn að tala eins og hann stefndi örugglega til Liverpool.
• Á þriðjudeginum breyttist það þó þegar fregnir af 16,5m punda tilboði Manchester United bárust. Þessi upphæð er sögð virkja klausu í samningi hans sem gerir honum kleift að semja við viðkomandi félag.
• Á miðvikudeginum, á sama tíma og Jordan Henderson er í læknisskoðun hjá Liverpool, fer Jones í læknisskoðun hjá United og samþykkir samningstilboð þeirra. Fer svo til Danmerkur með U21-landsliði Englendinga í þeirri trú að hann sé United-leikmaður, ásamt nýja Liverpool-leikmanninum Henderson.
• Á fimmtudag fara að vakna spurningar því Liverpool kynna Henderson formlega en ekkert heyrist enn frá United og Blackburn varðandi Jones.
• Á föstudeginum heyrast fréttir af því frá Blackburn að þeir vilji meina að klausan í samningi Jones sé aðeins þannig að 16,5m punda tilboð sé nóg til að leyfa honum að ræða við félagið, en Blackburn þurfi samt sem áður ekki að taka lægsta tilboði ef þeir fá fleiri en eitt tilboð yfir þessari upphæð í leikmanninn.
• Blöðin ytra segja svo frá því í gær að Liverpool hafi ekki gefist upp og séu búin að bjóða 22m punda í leikmanninn.

Í dag segja The Telegraph frá því að United búist við að leysa flækjuna og tilkynna Jones sem sinn leikmann strax á morgun, sunnudag. Þetta gæti því verið orðin úrelt færsla hjá mér þegar sum ykkar vakna á hádegi á morgun og lesa þetta vitandi að Jones sé formlega orðinn United-maður.

Hins vegar segir Daily Mail í dag frá því að áætlanir United séu í tætlum, að moldríkir eigendur Blackburn og stjórinn Steve Kean hafi fundað í Mumbai síðustu tvo daga og ákveðið að berjast gegn sölunni til United. Þeir vilji helst halda Jones enda metnaður í gangi á þeim bænum en ef hann vilji fara muni þeir selja hann til hæstbjóðanda.

Sá hæstbjóðandi virðist í dag vera Liverpool með 22m punda tilboð sitt en Daily Mail segir einnig frá því að Arsenal hafi stokkið inn með tilboð sem er hærra en tilboð United. Þannig að það gætu verið a.m.k. tveir klúbbar að bjóða hærra en United í leikmanninn.

Þetta er hið flóknasta mál allt saman. Vilja Blackburn selja? Þurfa þeir þess? Ætla þeir að neyða Jones í annað félag en United ef hann hefur ákveðið að fara þangað? Hvernig virkar þessi klausa í samningnum hans eiginlega?

Ég geri fastlega ráð fyrir að Phil Jones verði orðinn leikmaður Manchester United áður en langt um líður, þó ekki sé nema bara út af því að hann hafi ákveðið sig og þegar klárað læknisskoðun þar. Það væri eiginlega óhugsandi að sjá hann enda hjá Liverpool eða Arsenal eftir að hafa gengið svo langt í að semja við erkifjendurna. Þannig að ég hef nákvæmlega 0% trú á því að hann komi til Liverpool eftir allt saman, þótt við eigum hæsta tilboðið.

Engu að síður sé ég mikla ástæðu til að gleðjast yfir því að Dalglish, Comolli og FSG skuli ekki gefast upp og bjóða 6m hærra en United í leikmanninn. Við getum lesið eftirfarandi atriði úr þeim aðgerðum:

• Menn eru klárlega ekki hættir að eyða fyrst þeir eru tilbúnir að borga 22m fyrir Jones án þess að hafa ekki enn náð að selja einn einasta leikmann. Mjög jákvætt, peningarnir virðast vera til staðar.
• Það er ákveðin grimmd í gangi um að klára mál sem fyrst og gera það sem til þarf til að landa fyrstu valkostum, hvað sem þarf til þá verður það bara gert til að klára málin.
• Það er verið að senda United ákveðin skilaboð: ekki búast við að sitja einir að bestu bitunum í krafti nafns og hefðar næstu árin. King Kenny er til í slaginn. Mikið höfum við beðið lengi eftir að sjá þessi skilaboð send.
• Jones er þrátt fyrir allan ruglinginn nánast orðinn United-leikmaður, að ég tel, en tilhugsunin um að þeir þurfi að borga 6-7m punda meira en þeir ætluðu sér fyrir hann vegna frekju í Liverpool fær mig til að brosa breitt. Mjög breitt. Get ekki að því gert. :)
• Liverpool er að bjóða 22m punda í miðvörð. Jafnvel þótt Jones sé ekki að koma er ljóst að við ætlum að kaupa miðvörð í sumar. Leikur enginn vafi á því lengur.

Mín spá: Phil Jones verður leikmaður Manchester United á næstu dögum. Gæti tafist eitthvað af því að nú er hann að spila á fullu með U21-landsliði Englendinga en um leið og flækjurnar á milli United og Blackburn leysast (ég giska á að United hækki tilboð sitt á endanum til að ljúka málinu) mun þetta samt klárast. Ég skal éta hatt minn ef hann spilar fyrir annað lið en United á næsta tímabili.

Í kjölfarið mun Liverpool festa kaup á annað hvort Scott Dann eða Mahmadou Sakho. Þeir verða að lifa með því að vera annar eða þriðji valkostur en í þetta sinn verður varla hægt að sakast við klúbbinn. Ég vona bara að sá þeirra sem kemur reynist vera réttur kostur.

Það er allavega ljóst að Liverpool eru mættir á leikmannamarkaðinn. Það hefur ekki farið framhjá neinum, ekki einu sinni Sir Alex Ferguson. :-)

Ja hérna. Maður er ekki fyrr að átta sig á staðfestum félagaskiptum Jordan Henderson að næsta sprengja fellur. The Times segja frá því í kvöld að Liverpool hafi boðið 5m punda í vinstri bakvörð Arsenal, Gael Clichy. Það er ekki hægt að lesa grein The Times án áskriftar en The Guardian og Daily Mail hafa líka tekið fréttina. Tony Barrett skrifar samt fréttina fyrir The Times og ef hann segir eitthvað er varla hægt að kalla það slúður, þannig að við getum treyst þessu.

Clichy er á 26. ári og á ár eftir af samningi sínum við Arsenal. Heimildir segja að hann hafi tilkynnt Arsenal að hann ætli ekki að endurnýja samning sinn og sé því falur fyrir 5-6m punda. Þó er talið næsta víst að þessu fyrsta boði verði hafnað, að þeir muni vilja meira en 6m punda fyrst það er Liverpool sem býður og muni örugglega reyna að berjast gegn því að missa hann til keppinauta eins og okkar. Þannig að þótt áhuginn sé sterkur hjá okkar mönnum er langt í land með að þetta geti orðið að veruleika.

Hvað Clichy sjálfan varðar veit ég ekki hversu hrifinn ég er af þessu. Hann er vissulega betri kostur í mínum huga en Jose Enrique, Emilio Izaguirre og fleiri sem ég hef heyrt nefnda en er hann nógu góður? Það er spurningin. Hann bætir allavega talsvert það sem við höfum fyrir og getur leyst vandamálastöðu á meðan Jack Robinson er bara 17 ára og því ekki enn tilbúinn að taka yfir þessa stöðu.

Við sjáum hvað setur.

Já, og ég átti samtal við United-aðdáanda í dag sem reyndi að pirra mig eitthvað með því að Phil Jones hafi valið þá Manchester United fram yfir Liverpool og Arsenal. Ég minnti hann góðfúslega á að hjá Liverpool er ungur, enskur miðvörður sem heitir Martin Kelly og ég er ekki að kaupa það að Jones sé neitt betri en Kelly. Og við þurftum ekki að eyða 16m punda í Kelly. Þannig að þá vitið þið hverju þið eigið að svara ef einhver United-aðdáandinn reynir að spæla ykkur. ;-)

5,4,3,2,1 … here we go!

Fyrsta staðfesta slúður sumarsins er dottið inn og það er Jordan Henderson sem vinnur silly season þetta árið. Seint í kvöld settu nær allir stærstu miðlarnir ytra inn sömu fréttina; Liverpool hafa boðið 13m punda í Henderson en ekki er vitað hvort Sunderland hafa tekið því eða vilja hærra verð. Sjá fréttir m.a. hjá Guardian, Daily Mail, The Independent og Daily Express.

Ég var mjög hrifinn af Henderson í vetur, fannst hann frábær og þá sérstaklega á fyrri helmingi tímabilsins. Þetta er tvítugur, enskur miðjumaður sem svipar mjög að leikstíl til Steven Gerrard. Hann er sókndjarfur, með gott auga fyrir að opna vörnina og skorar mörk en getur líka setið aftar og barist um yfirráð eða stjórnað spilinu. Af öllum leikmönnum í deildinni, ef ég ætti að velja einn sem gæti verið „arftaki Stevie G“ þá væri það hann. Ég setti hann ekkert á neina óskalista í huganum því maður heyrði snemma að það væri búið að eyrnamerkja hann Manchester United fyrir næsta tímabil og því er þetta heldur betur óvænt ef satt er.

Það er samt athyglisvert að skoða samhengið ef þessi kaup verða að veruleika. Þýðir þetta að Charlie Adam, James McCarthy eða Alberto Aquilani verða ekki hjá okkur á næstu leiktíð? Og ef við erum að eyða 13m+ í tvítugan miðjumann, hvaða skilaboð gefur það Jonjo Shelvey og Jay Spearing? Og hefur svona fjárútlát í miðjumann nokkuð neikvæð áhrif á budduna sem er til fyrir vængmennina sem við þörfnumst svo sárlega?

Kemur í ljós, kemur í ljós. Það eina sem við vitum fyrir víst er að fyrsta alvarlega slúður sumarsins er komið. Hlutirnir verða bara áhugaverðari næstu daga og vikur.

Guardian segja frá því í dag að vængmaðurinn Stewart Downing neiti að skrifa undir framlengingu á samningi sínum við liðið. Downing segir sjálfur:

“I know the club are keen for me to extend my contract as I only have two years left on my deal and that my agent [Struan Marshall] had a recent meeting with our chief executive [Paul Faulkner]. However, I am 26 and at a major crossroads in my career so I won’t be committing to a new deal at the moment.”

Semsagt, hann vill fara frá Villa. Ég held að þetta verði ekki mikið skýrara. Aston Villa voru auðvitað gríðarlega erfiðir í samningaviðræðum útaf Gareth Barry, en liðið hefur verið að missa sína sterkustu leikmenn á hverju sumri síðustu ár (Barry, Milner) og það er líklegt að Downing, sem var valinn maður tímabilsins hjá Villa, sé næstur.

Það er talað um að Arsenal hafi líka áhuga á Downing ásamt Liverpool og að Liverpool séu líka spenntir fyrir Ashley Young og Friedel hjá Villa.

Andy Hunter á The Guardian segir frá því dag að líklegast sé að Ashley Young hjá Aston Villa muni fara til Liverpool í sumar á um 15 milljónir punda. Talið er að hann velji Liverpool frekar en Manchester United, sem hafa verið sterklega orðaðir við Young.

Young verður á næsta tímabili á síðasta tímabili samnings síns og hann hefur dregið það að framlengja hann. Það verður því að teljast afar líklegt að Young fari frá Villa í sumar og einungis spurning hvar hann endar.

Einnig er tekið fram í greininni að Charlie Adam sé enn á óskalistanum auk miðvarðar og þá er helst talað um Phil Jones eða Gary Cahill.

The Guardian (sem eru nú oftast hvað áreiðanlegastir í fréttum af leikmannakaupum) segja að Liverpool séu að undirbúa 10 milljón punda tilboð í Alex Oxlade-Chamberlain, 17 ára leikmann Southampton.

Alex leikur sem framliggjandi miðjumaður og er að sögn Guardian af mörgum hjá Southampton talinn efnilegri heldur en Theo Walcott. Alex samræmist ágætlega stefnu FSG og væntanlega Damien Comolli að fjárfesta í ungum leikmönnum. Ég tel ekkert ólíklegt að félagið sé tilbúið að leggja til umtalsverðan pening þegar að um er að ræða unga leikmenn.
Continue reading →

Það var sett Milan Jovanovic á sölulista fyrir janúarið! :)

Greyið Jova fær Robbie Keane-verðlaun ársins. Það undarlegasta við þetta allt er að hann er í rauninni búinn að spila svo lítið að við höfum ekkert getað dæmt hann. Getum ekki rifist um hvort menn eru sammála eða ósammála því að láta hann fara því menn vita enn varla hvað hann getur í búningi Liverpool. Skoraði eitt mark gegn Northampton, annað gegn Steua. Skaut í slá gegn Utrecht í síðustu viku. Byrjaði inná gegn Arsenal í ágúst. Hefur annars bara verið duglegur að mæta á æfingar.

Eitthvað hlýtur það að hafa verið samt fyrst Roy Hodgson er reiðubúinn að losa sig strax við hann. Fréttin hér að ofan nefnir að launin hans gætu verið vandamál (hver samþykkti að borga honum 50 þúsund pund á viku?!?) en annars verður að teljast líklegt að Jova fari frá okkur strax í janúar.

Það talar Roy Hodgson um að sig þurfi að kaupa fleiri leikmenn handa liðinu sem það á í janúar! :)

Hodgson talar um það við blaðamenn að hann verði að fá að setja meira mark á leikmannahópinn áður en hann geti farið að taka fulla ábyrgð á gengi liðsins. Bendir á að hann sé bara að vinna með Meireles, Poulsen og Konchesky, og svo leikmenn sem hann erfði. Vill væntanlega meina að gengið hingað til sé ekki honum að kenna. Eflaust er það rétt að einhverju leyti, við vitum að leikmannahópurinn var ekki nógu góður þegar hann tók við og að lítið var af fé til að styrkja liðið sl. sumar en þótt hægt sé að kenna fleiru en bara Hodgson um ber hann líka mikla ábyrgð, sama hvað hann segir.

En ókei, það virðist næsta ljóst að hann fær allavega út þetta tímabil. Við skulum leyfa honum að versla í janúar og fylgjast svo með því þegar liðið byrjar allt í einu að spila blússandi jákvæðan sóknarbolta eins og þeir Konchesky, Poulsen og Meireles hafa verið að reyna en hinir leikmenn liðsins hafa ekki viljað styðja…

Það eru tæpar tvær vikur í áramótin og enn merkilega lítið um slúður. Frá því að við skrifuðum síðast um slúðrið hefur lítið annað verið að frétta af leikmönnum sem eru orðaðir við Liverpool. Einna helst hefur maður heyrt því fleygt að við ætlum að bjóða í Daniel Sturridge hjá Chelsea en ég sé það ekki gerast, hvað þá að þeir selji þar sem hann er einn fárra heimalninga hjá Chelsea.

Það er einfaldlega lítið að frétta. Vonandi er það góðs viti, vonandi eru menn að vinna í hlutum og hafa lært á nýjan leik að gera það fyrir huldum tjöldum. Ég hefði ekkert á móti því að láta koma mér þægilega á óvart á nýju ári. Vonum það allavega.

Nú er innan við mánuður í að nýju eigendurnir fái að skella sér út í djúpu laugina í fyrsta skipti á leikmannamarkaðnum með Liverpool. Það vita allir að það þarf að styrkja leikmannahópinn, eflaust munu einhverjir leikmenn fara en það er nokkuð ljóst að það koma sennilega fleiri nýir en fara nú í janúar.

Það sem ég óttast mest er að meiðsli Jamie Carragher muni skyggja á nauðsynlegustu kaupin í janúar og gefa Roy Hodgson tækifæri til að setja enn og aftur aðaláhersluna á vörn og/eða miðju á kostnað sóknar. Ég segi enn og aftur því síðan Robbie Keane yfirgaf Liverpool eftir stutt stopp hefur skammarlega lítið verið fjárfest í framlínunni okkar og því er hún eins og hún er í dag.

Enda virðist það ætla að vera að menn eru aðallega að ræða varnarmenn í dag. Daniel Agger segist ekki vera á förum frá Liverpool en það virðist ekki hafa stoppað menn í að undirbúa tilraun til að kaupa Ryan Shawcross frá Stoke í janúar. Eða Gary Cahill frá Bolton. Eða Brede Hangeland frá Fulham. Eða, eða, eða, bara einhvern miðvörð.

Sko, Carra er meiddur og Agger virðist ætla að fjara út í meiðslarugli eins og Harry Kewell gerði á sínum tíma, en sjáið hverja við eigum fyrir utan þá tvo: Martin Skrtel, Sotirios Kyrgiakos, Danny Wilson, Martin Kelly, Daniel Ayala. Þetta eru FIMM miðverðir, og Carra verður kominn aftur eftir tvo mánuði. Er ekki alveg eins hægt að kalla á Ayala heim í janúar en að eyða peningum í nýjan miðvörð?

Fyrir mér má setja varnarstöðurnar á hilluna í janúar og einbeita orkunni – og fénu – alfarið í það sem liggur mest á: nýr framherji (einn eða fleiri) og líka nýr vængmaður (einn eða fleiri). Ekki annað hvort vængmann eða framherja, bæði og helst fleiri en einn af hvoru!

Við höfum heyrt sögur undanfarið af Eden Hazard og Gervinho hjá Lille í Frakklandi og nú er verið að orða Sylvain Marveaux hjá Rennes við okkur líka. Þá voru bæði Loic Remy hjá Marseille og Ola Toivonen orðaðir sterklega við okkur í sumar en ekkert gerðist, auk þess sem gula pressan í Englandi neitar að hætta að ræða möguleikann á að Carlton Cole komi.

Fyrir mér má sleppa Carlton Cole. Hann er góður leikmaður en við höfum ekkert við enn einn meiðslapésann að gera. Við þurfum unga, kraftmikla leikmenn til að bæta framlínuna og vængina hjá okkur, einhverja sem geta orðið góð fjárfesting til framtíðar en um leið bætt byrjunarliðið strax núna.

Ef ég mætti teikna upp óskalista myndi ég vilja sjá þennan Ola Toivonen, sem er sjóðheitur í Hollandi, koma í framlínuna og svo Eden Hazard og Charles N’Zogbia með honum. Ef við fengjum t.a.m. þá þrjá myndi mér strax lítast miklu betur á sóknargetu liðsins á seinni hluta tímabilsins og ef einhver peningur væri afgangs eftir slík kaup mætti nota þau í að kaupa varnarmann, en ekki fyrr.

Hvað finnst mönnum? Vantar okkur nauðsynlega einn miðvörðinn til viðbótar í fjarveru Carra eða eiga Comolli og Hodgson að leggja allt kapp á að bæta sóknargetu liðsins í janúar?

Eftir WBA leikinn hefur Hodgson verið að tjá sig um leikmannaslúður. Beisiklí þá segir hann:

• Við viljum framherja
• Toivonen er ekki sá framherji, sem við viljum. Hver þá? Gæti það verið C.Cole?
• Konchesky er á leiðinni. Það sem tefur það mál er sú staðreynd að Dalla Valle fer til Fulham í sama díl og hann hefur ekki staðist læknisskoðun.
• Hodgson er spurður hvort að Lucas sé á leið frá félaginu. Hann neitar því ekki 100%, en segist ekki vera hrifinn af því að láta leikmenn fara frá liðinu svo stuttu fyrir lokun gluggans.

Semsagt, við erum að fá vinstri bakvörð í Konchesky, en enn er allt óljóst í framherjamálum. Slúðrið síðustu daga hefur verið að Ryan Babel gæti verið á leið til West Ham uppí kaup á Carlton Cole. Ég verð að segja að ég væri nokkuð hrifinn af þeim skiptum, miðað við hversu mikið Babel hefur spilað síðustu tvö tímabil hjá Liverpool.

Allavegana, þetta verða spennandi dagar. Hodgson getur einbeitt sér að leikmannamálum næstu tvo daga, þar sem núna er að byrja landsleikjahlé.

Ég var rétt í þessu að horfa á blaðamannafund Roy Hodgson með nýju leikmönnunum í dag þegar Twitterinn minn pípti með nýjustu fréttum frá Englandi: Guardian halda því fram að við séum að kaupa Luke Young frá Aston Villa á 2.5m punda.

Fréttin sagði upphaflega að við hefðum boðið 2.75m punda í hann en Villa hefðu ekki tekið því enn en svo, hálftíma síðar, var fréttin uppfærð og nú er því haldið fram að Villa hafi tekið 2.5m punda tilboði okkar.

Luke Young er 31s árs gamall Englendingur sem getur spilað bakvörðinn bæði hægra og vinstra megin og jafnvel sem kantmaður í harðindum. Ég hef verið hrifinn af honum lengi, finnst hann fínn leikmaður (þó ekki í heimsklassa, en allavega Úrvalsdeildarklassa og landsliðsklassa) og hefði því ekkert á móti því að fá hann EF við erum líka að kaupa vinstri bakvörð með honum. Ef Young, sem er yfir þrítugu og hefur átt erfitt með meiðsli sl. tvö ár, er hugsaður sem nýji vinstri bakvörðurinn okkar erum við í vondum málum, en ef hann er fenginn til að vera kóver fyrir Johnson hægra megin og/eða bakvörð vinstra megin er ég hæstánægður með það.

Flokka þetta sem slúður á meðan bara Guardian halda þessu fram. Sjáum hvað setur en það er ljóst að menn eru enn í fimmta gírnum á markaðnum.

Ef það er eitthvað sem er 100% á hreinu í þessum leikmannaglugga, þá er það að Liverpool mun kaupa a.m.k. einn vinstri bakvörð á næstu 50 dögum. Samkvæmt Daily Mail, sem hafa stundum rangt fyrir sér en stundum rétt og virðast vera með þessa frétt á hreinu, hafa Fiorentina á Ítalíu samið um 5m punda kaupverð á argentínska ungstirninu Emiliano Insúa frá Liverpool.

Með öðrum orðum, þá eigum við engan vinstri bakvörð eftir. Dossena fór til Napoli í janúar, Aurelio var látinn fara með lausan samning í vor og nú erum við að selja Insúa. Það er Evrópuleikur eftir tvær vikur en ég hef meiri áhyggjur af því að það eru núna fjórar vikur og þrír dagar í fyrsta deildarleik. Á þeim tíma þarf að vera kominn a.m.k. einn vinstri bakvörður inn í liðið.

Þar að auki skil ég söluna á Insúa ekki alveg. Hann stóð sig ágætlega á köflum í fyrra en illa þess á milli, átti frekar kaflaskipt tímabil, en er nú kominn með mjög góða reynslu og þekkingu af bæði enskri knattspyrnu og Evrópukeppni, miðað við ungan aldur. Ef við ætlum að kaupa annan reyndari bakvörð, var ekki allt í lagi að leyfa Insúa að vera áfram líka? Eða bókstaflega varð að selja hann til að fá pening til að kaupa annan bakvörð? Eða, er það eins og Hodgson sagði sjálfur í síðustu viku þegar hann viðurkenndi að hann yrði að spyrja klúbbinn hvort Insúa yrði seldur eða ekki, að hann ráði ekki leikmannasölum og það sé verið að selja menn upp í skuldir?

Enn og aftur, þá vona ég að ég hafi rangt fyrir mér. Að Hodgson fái hvert pund úr leikmannasölum til baka til að styrkja hópinn. En eins og staðan er í dag erum við hvað sterkast orðaðir við Paul Scharner, James Beattie og aðra slíka leikmenn sem gætu komið frítt til okkar. Jovanovic kom einnig frítt, og á móti virðumst við vera að selja fyrir tugi milljóna punda (Yossi og væntanlega Insúa þegar farnir).

Ég er, í dag, stressaðri fyrir þessum leikmannaglugga en öllu næsta tímabili. Fyrir mér er það enn fyllilega raunhæfur möguleiki að verið sé að selja leikmenn upp í skuldir og Hodgson fái aðeins brot af sölufénu til að styrkja hópinn á ný. Ég vona innilega að ég hafi rangt fyrir mér og mun fagna því ef svo reynist og glaður éta hatt minn með mæjónesi og tómatsósu í september ef það reynist raunin. En ég treysti einfaldlega engu frá klúbbnum fyrr en ég sé það staðfest.

Hvað Insúa varðar þakka ég honum fyrir (of fáar) góðar minningar. Hann mun spjara sig stórvel á Ítalíu, efast ekki um það. Ég vona að eftirmaður hans verði af því kalíberi að við hugsum ekki mikið um Insúa næsta vetur.

Eins og við mátti búast er slúðurvélin komin í yfirgír núna, nokkrum dögum eftir ráðningu Hodgson. Hér eru nokkrar af þeim helstu sem ég hef séð…

Telegraph – Roman Abramovich farinn til S-Afríku til að freista Fernando Torres. Fréttin virðist áreiðanleg en ég á samt erfitt með að trúa því að Abramovich fái að tala við Torres á þessum tímapunkti, rétt fyrir undanúrslitaleik Spánar, þegar hann vill ekki tala við Hodgson eða neinn hjá Liverpool fyrr en eftir keppni. Torres á sjálfur að hafa sagst vilja vita nákvæmlega hver staðan er hjá Liverpool áður en hann ákveður sig.

Ég held að það sé lang líklegast í þessu. Torres og Gerrard vilja sjá hvað Liverpool ætlar sér, tala við Hodgson og fá staðfest að það sé til peningur til að styrkja liðið. Ef þeir sjá það ekki biðja þeir um sölu, annars verða þeir kyrrir. Því miður er ég ekkert allt of bjartsýnn á að þær tölur sem við erum að heyra – að Hodgson hafi 12m punda plús pening úr leikmannasölum til að kaupa – séu nóg til að heilla þá félaga. Ekki samanborið við lið eins og Man City og Barcelona sem eru þegar búnir að eyða talsvert meiru en 12m punda.

Betri fréttir: Daily Mail – Liverpool reyna að fá Joe Cole og Maynor Figueroa til sín. Einnig: Daily Mail – Bryan Ruiz er á óskalista Hodgson. Joe Cole þarf vart að kynna frekar, Maynor Figueroa er varnarmaður sem sló í gegn hjá Wigan í fyrra og Bryan Ruiz var framherji í meistaraliði Twente í Hollandi. Það kemur í ljós á næstu dögum hvað er til í þessu en maður vonar, vonar, VONAR að það sé eitthvað af þessu kalíberi á leið til klúbbsins. Ekki síst miðað við allt að því óhjákvæmilegar brottfarir.

Í dag er 6. júlí. Mig grunar sterklega að leikmannahópur Liverpool verði orðinn talsvert breyttur eftir tæpa tvo mánuði, þegar glugginn lokar.

So it begins. Daily Mail segir frá því í dag að Chelsea ætli sér að reyna að „stelast fram fyrir“ Manchester City í kapphlaupinu um Fernando Torres og hafi þegar sett sig í samband við rétta aðila með það fyrir augum að bjóða 70m punda í kappann.

“Amid the chaos at Anfield, fears have already been expressed that Torres, who joined from Atletico Madrid for around £20m in 2007, will leave Liverpool this summer.

It was only last year that he made a commitment to the Merseysiders by signing a new four-year contract worth £110,000-a-week.

But the Liverpool landscape has since changed significantly, with under-fire manager Rafa Benitez now on the verge of leaving for Juventus, yet more uncertainty over the future ownership of the club, and the team’s failure to qualify for next season’s Champions League hanging over Anfield.”

Sko, við flokkum þessa grein undir slúður að svo stöddu og þegar ég les í gegnum hana finnst mér nokkuð ljóst að verið er að fylla upp í ansi margar eyður til að komast að niðurstöðu sem er efni í safaríka frétt. Í fyrsta lagi þykist blaðamaðurinn hafa séð á líkamstjáningu Torres er hann rölti heiðurshringinn um Anfield sl. sunnudag að hann sé reiðubúinn að yfirgefa liðið. Ekki beint rannsóknarblaðamennska þar á ferðinni.

Í öðru lagi gerir greinin nánast ráð fyrir því að Rafa fari, og í þriðja lagi gerir greinin nánast ráð fyrir því að framtíð Torres hjá Liverpool ljúki sjálfkrafa um leið og framtíð Rafa lýkur, þrátt fyrir að fregnir þess eðlis hafi í besta falli verið mjög tvíbendis.

Engu að síður, þótt þetta sé pjúra slúður og algjörar getgátur, er vert að benda mönnum á að brynja sig upp fyrir komandi sumar því þessar slúðursögur eiga bara eftir að ágerast á meðan eigenda- og þjálfaramálin eru í upplausn. Það eru margir gómsætir bitar í þessu Liverpool-liði og þeirra verður allra freistað í kringum og/eða eftir HM ef óvissuskýin verða þá enn yfir félaginu.

Það versta sem við gætum gert í dag er að taka Fernando Torres sem gefnum hlut. Hann er drengur góður og hefur sýnt að hann hefur frábært hugarfar og að hann er Liverpool-maður, en hann var ekki uppalinn, á engin sýnileg tengsl við liðið eða svæðið fyrir utan samninginn sinn og því er eðlilegt að spyrja sig hvort hann vilji ekki bara fara frekar en að hanga mikið lengur með liði sem er í frjálsu falli.

Ég myndi ráðleggja mönnum að taka svona fréttir ekki alvarlega að svo stöddu en ef langt líður á sumarið og HM klárast áður en búið er að greiða úr stærstu flækjunum hjá félaginu skulu menn alveg fara að gera sig klára fyrir fjöldaflótta margra bestu leikmanna liðsins í júlí og ágúst. Það eru takmörk fyrir því hvað heimsklassaleikmenn láta bjóða sér.

Ég get ekki sagt að ég hafi lesið slúðurdálka ensku dagblaðanna af miklum áhuga síðustu mánuði. Lítið hefur verið fjallað um Liverpool, enda eru slúðurdálkarnir oft uppspuni og það er lítið fjör í að skálda upp sögur um lið sem flestir telja að eigi ekkert sérstaklega mikinn pening. Svo hafa aðallega verið uppi síðustu daga sögur um Fernando Torres og það að Man City ætli að gera tilboð í hann. Torres hefur auðvitað margoft sagt að hann hafi ekki áhuga á að fara neitt, Liverpool vill ekki selja og svo framvegis. Ef að nýjir eigendur koma að liðinu einsog búist er við á næstu vikum eða mánuðum þá væri nokkurn veginn það heimskulegasta sem þeir gætu gert það að selja þann leikmann, sem ég leyfi mér að giska á að svona 99,5% af Liverpool aðdáendum telja okkar besta og mikilvægasta leikmann (hann hefur klárlega tekið þann titil af Steven Gerrard á síðustu tveim tímabilum).

Allavegana, Guardian, sem er sæmilega ábyggilegt þegar að kemur að svona málum (þá miðað við önnur bresk blöð þótt að vissulega rætist svo sem ekki há prósenta af þeirra slúðri) heldur því fram að menn frá Liverpool hafi hitt ráðamenn hjá Real Madrid þegar þeir voru í Madrid í vikunni og rætt þar um leikmenn, sem að Real vill selja.

>Club officials met in the Spanish capital before Liverpool’s Europa League semi‑final against Atlético Madrid on Thursday, with Real taking the opportunity to try to offload several players deemed surplus to requirements by the club president, Florentino Perez

Sá leikmaður sem að Liverpool hefur víst mestan áhuga á er hollenski landsliðs-miðjumaðurinn Rafael van der Vaart. Real Madrid hafa verið að losa sig við hvern Hollendinginn á fætur öðrum og talið er að Liverpool og Real Madrid gætu komist að samkomulagi um að kaupa van der Vaart á sirka 11 milljónir punda. Þetta er að mínu mati nokkuð spennandi kostur. Við sjáum hvað gerist á næstu vikum. Það verður að teljast líklegt að menn vilji klára svona kaup áður en að HM byrjar.

Áður en ég skanna helstu fréttir af slúðrinu langar mig að hrósa okkar manni hjá Liverpool, hinum 16 ára gamla Kristjáni Gauta Emilssyni fyrir frábæra byrjun hjá klúbbnum, en hann spilaði sinn fyrsta leik fyrir U-18 ára liðið um helgina er hann kom inná gegn Manchester United og kláraði leikinn með með góðu skallamarki. Þetta hefur vakið ágætis athygli innan herbúða Liverpool og var t.a.m. skemmtilegt viðtal við hann á Opinberu síðunni sem sjá má hér.

Stimplaði sig inn með skallamarki

Slúðrið

En þar fyrir utan þá eru bara tveir dagar eftir af leikmannaglugganum, þ.e.a.s. dagurinn í dag og morgundagurinn þar sem síðasti dagur mánaðarins ber upp á helgi.

Benitez til Juventus: Það hefur mikið verið rætt um að Benitez yrði næsti þjálfari Juve og jafnvel bara núna strax í janúar. Svo þegar ráðið var nýjan stjóra þar þá hefur slúðrið snúist í þá átt að hann muni yfirgefa klúbbinn í sumar og taka við Juventus. Það hafa ekki verið neinar alvöru fréttir um þetta mál og persónulega hef ég ekki nokkra einustu trú á þessu, hvorki að hann væri að fara núna né að hann sé búinn að samþykkja að taka við öðru liði í sumar. Hann þarf þó að geta verið samkeppnisfær á leikmannamarkaðnum ef hann á að nenna þessu stappi hjá okkur frekar en að taka við klúbb sem vill endliega fá hann til sín.

Keane til Sunderland og þ.a.l. Jones til Liverpool: Þetta longshot í besta falli en svo er bætt enn í söguna að ef af þessu yrði þá gæti Babel endað á að fara til Birmingham. En þeir bláu eru víst líka heitir fyrir Jones skv. slúðrinu. Það hafa alveg furðulegri hlutir átt sér stað og staða Keane sem yfirgaf Liverpool fyrir akkurat einu ári síðan er ekki góð hjá Spurs og batnaði ekki með komu Eiðs Smára.

Stöðu þessa Kenwyne Jones hjá Sunderland er erfitt að greina, Bruce vill halda honum en líklega vill Jones fara í stærri klúbb. En það örlitla sem ég hef séð af honum sýndi að hann er ágætur leikmaður og ef njósnara her okkar er svona spenntur fyrir honum býst ég við að hann geti nú eitthvað fyrir sér. Hann hefur skorað alveg heilt mark í síðustu 11 leikjum og Steve Bruce er á því að orðrómur varðandi framtíð hans hjá félaginu sé þar helst ástæðan. Hef samt alveg verið spenntari fyrir leikmanni sem er orðaður við Liverpool. En á móti segi ég hell yeah við stórum sóknarmanni sem hefur reynslu af ensku úrvalsdeildinni og heitir ekki Emile Heskey.

Býst þó við að á morgun verði Babel ennþá á sýnum stað og Jones komi ekki til okkar.

James Tomkins frá West Ham: Mirror slær því upp að Benitez hafi áhuga á að fá þennan unga bakvörð frá West Ham. Veit voðalega lítið um þennan leikmann utan að hann er nokkuð efnilegur og auðvitað enskur. Efa að hann myndi leysa neinn vanda á þessu tímabili samt enda ekki svo langt í að Johnson komi aftur. Þar að auki eigum við tvo unga pjakka + Degen sem geta spilað hægri bakvörð ásamt því að Tomkins nafnið er auðvitað upptekið hjá klúbbnum.

Tilboði Birmingham í Babel ekki tekið: Sky segir að Liverpool hafi aftur hafnað tilboði frá Birmingham í Ryan Babel, líklega er ekki stefnt að því að selja neinn nema það komi annað í staðin, enda ekki endalaust hægt að minnka og veikja hópinn.

Hicks á Anfield í gær: Gleðigjafinn Tom Hick mætti á Anfield í gær og hafa í kjölfarið sprottið um hinar ýmsu sögur í tengslum við það. Ég nenni ekki að finna linka á þetta en eftir að stuðningsmenn sáu hann á Anfield í gær var hrópað í tvo tíma Yanks Out fyrir utan Anfield eftir leik. Einhversstaðar las ég að hann hefði verið drukkinn á leiknum í gær :) og annarsstaðar las ég að hann væri kominn til Englands til að ræða við forráðamenn Juventus útaf Benitez.

En ég las ekki á neinum stað orðróm um að hann hefði bara mætt á Anfiled til að horfa á leik hjá liðinu sem er í hans eigu! Segir kannski eitthvað um þá að það er alltaf stórfrétt þegar þeir mæta á leik, ég myndi varla missa af æfingu ætti ég Liverpool!

Owen á förum: Ekki að þetta skipti okkur máli á neinn hátt þá er meira gaman af svona fréttaflutning þeirra megin heldur en okkar megin svona til tilbreytingar.

En vonum það besta og eitthvað hressandi gerist fyrir lokun þessa leikmannaglugga, við höfum núna selt fyrir mun meira heldur en við höfum keypt og það er pirrandi miðað við gengi liðsins á þessu tímabili.

Í dag er nákvæmlega ein vika þangað til félagaskiptaglugginn lokar í bili. Hingað til hafa okkar menn gert ágætis viðskipti – losað sig við Dossena og Voronin, fengið Maxi Rodriguez inn – en það er vert að skoða hvað slúðrið segir að geti gerst næstu vikuna.

Samkvæmt slúðurpakka Guardian (og fleiri miðlum) er Liverpool búið að bjóða Milan Jovanovic samning fyrir sumarið. Ég veit ekki mikið um þennan leikmann en hann er markahæsti maður Standard Liege, 28 ára Serbi sem kallaður er „Snákurinn“ og hann getur víst líka spilað á vinstri kanti. Það er athyglisvert að við séum að bjóða bæði honum og Marouane Chamakh hjá Bordeaux samning á frjálsri sölu í sumar. Er Rafa að vonast eftir að fá annan af þeim eða báða?

Þá segir sami slúðurpakki að Dynamo Moskva ætli að bjóða stórt í Yossi Benayoun þessa vikuna, að sögn einhverjar 7m punda. Ég veit að Rafa vantar pening til að geta keypt Kenwyne Jones en ég verð að viðurkenna að ég sé ekki vitið í að selja einn af þeim sem er að spila virkilega vel til að kaupa annan sem gæti kannski spilað vel. Mögulega. Hugsanlega. Efast því um að af þessu verði.

Ég væri frekar til í að sjá okkur selja Ryan Babel uppí kaupin á Jones frá Sunderland, en Click Liverpool (sem ég veit ekki hvort við getum talið áreiðanlegan miðil) halda því fram að Arsenal ætli sér að berjast við Birmingham og fleiri lið um Babel. Sumir eru hikandi við tilhugsunina um að missa Babel til keppinauta okkar en ég myndi fagna því. Halda menn að hugarfarið hjá Babel – sem er höfuðástæða þess að hann er ekki að spjara sig hjá Liverpool – yrði eitthvað öðruvísi hjá Arsenal og hann myndi því skyndilega vera stórkostlegur þar? Seljum hann, hirðum peninginn af þeim ef við getum.

Sama frétt segir svo loks að ónefnd ítölsk lið ætli að reyna að fá Damien Plessis fyrir lokun gluggans. Yrði kannski ekki mikil eftirsjá af honum en þó hélt ég að hann væri einn af fáum sem ætti séns í aðalliðið til lengri tíma. Við höfum þó orðið fyrir vonbrigðum með efnilega stráka áður.

Þetta er svona það helsta. Jovanovic og/eða Chamakh í sumar, Jones frá Sunderland í vikunni EF við getum selt Babel fyrst og Moskvu-liðar að reyna við Yossi en fá hann sennilega ekki.

Vika eftir. Sjáum hvað setur, hvað er mikið til í slúðrinu.

Auðvitað fór allt á fullt í kvöld. Í kvöld var eina kvöldið sem allir pennarnir á Kop.is voru fjarri skjánum yfir heilt kvöld, þar sem við tókum reglulegan Kop.is-hitting okkar á góðu veitingahúsi og enn betri ölstofu fram eftir kvöldi í kvöld. Kvöldinu var að ljúka núna á öðrum tímanum og ég að renna í hlað heima. Ákveð að kíkja örsnöggt á síðuna áður en ég fer að sofa og hvað sé ég?

Times Online segja frá því að við séum að eltast við Marouane Chamakh hjá Bordeaux. Chamakh hefur verið eftirsóttur síðasta árið og fór næstum til Arsenal síðasta sumar en er enn hjá Bordeaux og verður samningslaus hjá þeim í sumar. Því er bæði hægt að gera samkomulag við hann núna um að fá hann frítt næsta sumar eða kaupa hann ódýrt frá Bordeaux strax núna í janúar.

Sama frétt nefnir einnig að mjög líklegt sé að Andrea Dossena sé að fara til Napoli fyrir um 5m punda og að Ryan Babel sé til sölu. Þar sem heimildarmaður Times er Tony Barrett myndi ég segja að þetta séu ágætlega traustar heimildir.

Independent fylgja þessu eftir með því að segja frá því að Carson Yeung, nýr eigandi Birmingham, vilji sýna metnað með því að bjóða 8m punda í Ryan Babel. Ef það er satt eigum við að bíta af þeim höndina. Það væri frábært að fá svo mikið fyrir hann.

Þá segir á This Is Anfield að ítalskir fjölmiðlar haldi því núna fram að við séum búnir að semja við Napoli um 4.4m punda sölu Andrea Dossena til Napoli. Sama frétt nefnir einnig að Andriy Voronin sé á leið til Dynamo Moskvu fyrir 1.5m punda, en nefna þó engar traustar heimildir fyrir því.

Talað er svo að lokum um að salan á Dossena muni gera Rafa kleift að klára að fá Maxi Rodriguez til liðsins.

Þannig að það virðist allt vera að gerast. Ef við seljum Dossena, Voronin og Babel og fáum Maxi Rodriguez og Chamakh til liðsins í janúar verð ég sáttur og spenntur að sjá nýju leikmennina. En auðvitað er þetta aldrei svona auðvelt. Verður athyglisvert að fylgjast með framvindu mála.

Sky Sports halda því fram að Liverpool eigi í samningaviðræðum við Atletico Madrid útaf hinum argentíska Maxi Rodriguez. Maxi er 29 ára gamall argentískur landsliðsmaður (á afmæli í dag), en hann hefur af einhverjum ástæðum lítið spilað með Atletico á þessu tímabili. Sky halda því líka fram að Benitez sé að leita að bakverði til að fylla skarð Glen Johnson, sem verður frá í mánuð. Þar er nefnt nafn Vasil Torosidis, sem ég hef ekki hugmynd um hver er.

Sky telja að Maxi (sem er samningslaus í sumar) geti komið fyrir lítinn pening. Það verður að teljast spennandi kostur svona í janúar-glugganum að fá svo reyndan og góðan leikmann fyrir lítinn pening.

The Daily Star greinir frá því í dag að Rafa Benítez sé að hugsa um að reyna að fá Carlton Cole frá West Ham í janúarglugganum fyrir 12m punda.

Ég kaupi þessa frétt samt eiginlega ekki. Það er vitað mál að West Ham eiga við lausafjárvanda að stríða og gætu þurft að selja leikmenn, og það er einnig vitað mál að Carlton Cole vill komast til stórliðs og spila í Meistaradeildinni. Svo sjá allir að við þurfum a.m.k. einn háklassaframherja til að vera með Torres og Ngog í hópnum okkar. Hins vegar er ég ekki viss um að Carlton Cole sé sá maður, þótt ég hefði ekkert á móti því að fá hann.

Svo er það líka Daily Star sem segir frá þessu. Legg ekki mikinn trúnað í það blað.

Þetta eru svo sorglegar fréttir: þýski landsliðsmarkvörðurinn Robert Enke framdi sjálfsmorð í gær, stökk fyrir lest og batt enda á líf sitt aðeins 32ja ára gamall.

Ég man eftir að sjá Enke spila fyrir Barcelona, þar var fínn markvörður á ferð. Hann var í fríi frá landsliðinu þetta sinnið vegna þess að hann er nýstiginn upp úr meiðslum en Joachim Low, landsliðsþjálfari, hafði áður sagt að Enke yrði í hópnum á HM næsta sumar og sennilega aðalmarkvörður Þjóðverja. Hann og kona hans misstu víst dóttur árið 2006 vegna veikinda en ættleiddu annað barn í vor.

Þetta er allt saman ótrúlega sorglegt mál. Svona getur þunglyndið farið með bestu menn, jafnvel fræga, ríka knattspyrnumenn sem eru í þokkabót nýbakaðir feður og hafa HM í knattspyrnu til að stefna að. Hvernig skyldi Sebastian Deisler líða í dag?

Allavega, hvíl í friði Robert Enke.

Slúður. Mikið er langt síðan við fjölluðum um smá djúsí leikmannaslúður. En hressandi.

Það stefnir allt í athyglisverðan janúarglugga þennan veturinn. United sitja enn á Ronaldo-peningunum og hljóta að ætla að styrkja sig í janúar, og þá var það staðfest í dag að Chelsea-banninu verður frestað fram yfir janúargluggann á meðan áfrýjun þeirra verður tekin fyrir. Þannig að Chelsea geta keypt í janúar og svo líklega ekki næstu tvo glugga þar á eftir, sem þýðir að Abramovich bara hlýtur að draga fram tékkheftið. Menn eru þegar byrjaðir að tala um nöfn eins og Aguero og Ribéry á þeim bænum.

Hvað með okkar menn? Samkvæmt Daily Mail í dag eru Gillett & Hicks að vinna hörðum höndum að því að beina 100m punda innspýtingu í klúbbinn og á hluti af því að fara í leikmannakaup. Fréttin segir að þeir átti sig á því að þeir beri ákveðna ábyrgð á stöðu liðsins í dag og að þeir sjái að það verði að styrkja hópinn ef liðið ætlar sér að geta gert betur á næstu mánuðum. Bara jákvætt ef þeir eru loksins búnir að átta sig á því.

Nýjasta slúðrið er svo það að við eigum víst að vera að eltast við Eljero Elia, ungan, hollenskan miðjumann hjá Hamburg SV í Þýskalandi. Elia þessi á að vera stórefnilegur og er nýbúinn að brjóta sér leið í hollenska landsliðið.

Ég veit ekkert um þennan leikmann. Snögg leit á YouTube gaf af sér þetta myndband með nokkrum klippum með kauða. Hann er sem sagt ungur og efnilegur Hollendingur sem lítur vel út á YouTube. Eigum við ekki einn slíkan fyrir?

Ef af verður skal ég vera spenntur þegar í ljós kemur að þetta sé nýr hörkuleikmaður Liverpool. Þangað til anda ég rólega, en ég verð þó að viðurkenna að ég nýt þess að geta hugsað um eitthvað annað til tilbreytingar heldur en ástandið.

Já, og Adrian Mutu er meiddur og missir af síðustu tveimur leikjum Fiorentina í Meistaradeildinni. Ég hef skrifað tvo pistla á síðustu árum og varið Mutu í Chelsea-málinu og samúð mín er öll hjá honum en þetta er harður heimur og þessi meiðsli eru klárlega Liverpool í hag. Við þurfum á allri hjálp að halda í þessum riðli. Kannski er lukkan að snúast okkur í vil?

Hvað segja menn annars? Hverja mynduð þið vilja sjá Rafa kaupa fyrir peningana frá Gillett & Hicks í janúar, ef af verður? Á hann að taka sénsinn á ungum strákum eins og þessum Elia, eða reyna við reyndari menn? Er Carlton Cole málið (þráir víst að komast frá West Ham)? Eigum við að fá Momo Sissoko aftur (kemst ekki í liðið hjá Juve vegna Diego)? Vilja menn taka sénsinn á Klas Jaan Huntelaar?

Slúðrum aðeins. Við höfum gott af því.

Og svo er konan ólétt

Ótrúlegasta frétt sumarsins hvað okkar menn varðar er komin: Barcelona eru reiðubúnir að bjóða Liverpool Samuel Eto’o í skiptum fyrir Javier Mascherano. Og þar sem Eto’o er eldri og á lengra eftir af samningi sínum gætu þeir þurft að borga okkur pening með Eto’o fyrir skrímslið.

HVAÐ?!?

Ég elska Mascherano, en ég elska líka Eto’o. Ég er til í að byrja næsta tímabil með Ngog sem back-up fyrir Torres ef það þýðir að Mascherano er ennþá hjá okkur, en ég er líka til í að byrja næsta tímabil með Lucas á miðjunni við hlið Alonso og Gerrard ef það þýðir að Eto’o er að spila við hliðina á Torres í framlínunni. Hvort tveggja dugar mér bara ágætlega, takk.

En svo er það þetta, allt hitt slúðrið síðustu tvo daga:

• Við ætlum að kaupa Javier Saviola. Gæti orðið skiptimynt í kaupum Real á Xabi Alonso (eða ekki (eða hvað?)).
• Við ætlum að kaupa Alvaro Negredo. Gæti orðið skiptimynt í kaupum Real á Xabi Alonso (eða ekki (eða kannski ásamt Saviola? (eða bara einn? (eða hvað? (um hvað var ég aftur að fjalla?))))).
• Barca vilja víst líka fá Yossi Benayoun, en hann vill ekki fara. Eða, hann vill örugglega fara því þeir eru fokking Barcelona og Evrópumeistarar FTW og auðvitað vilja allir fara þangað? Nema Eto’o? Eða Yossi og Mascherano?
• Dossena bað tótallí um að fá að fara í síðustu viku en vill núna alveg vera kyrr hjá Liverpool af því að Liverpool er svo frábær borg og svo lík ítölskum borgum? Og hann talaði við Juventus í fyrra en hefur aldrei heyrt í þeim? Og hann setur skilyrði fyrir því að vera kyrr? Sem eru væntanlega þau að hann fái að stilla upp bakvarðastöðunni eftir sínu höfði í hverjum einasta leik? Af því að hann skoraði á Old Trafford og er svo frábær?
• Við erum líklega að fá Glen Johnson af því að hann vill frekar koma til okkar en við eigum samt ekki pening fyrir honum en Chelsea hafa fengið sínu tilboði tekið af því að þeir eiga pening en við erum samt alveg að fara að fá hann af því að Rafa er svo bjartsýnn, í alvöru talað, ég er að segjaðérða.

Ég endurtek: HVAÐ?!?

Mér líður svona núna …

Ég er með vont í hausnum. Ég hata sumarslúðrið. Ég ætla að slökkva á tölvunni núna … sendið mér SMS þegar einhver af þessum vitleysingum birtist við hlið Rafa á blaðamannafundi í rauðri treyju.

Marca, sem hefur oft verið sakað um að vera sérstakt málgagn Real Madrid er með slúður tengt Liverpool í dag.

Aldrei þessu vant, þá fjallar slúðrið ekki um að Benitez sé á leið til Real Madrid eða að einhver leikmaður Liverpool sé á leiðinni til spænsku höfuðborgarinnar. Nei, Marca halda því nefnilega fram að helsta skotmark Rafa Benitez í sumar verði Hollendingurinn Arjen Robben. Talað er um að mögulegt söluverð sé 20 milljónir punda.

Ég set þetta eingöngu inn vegna þess að þetta slúður fjallar um Real Madrid og Marca er tengt því liði. Þar sem að þetta slúður kemur Real ekkert sérlega vel, þá er þetta athyglisvert. Robben er 25 ára (sjá Wikipedia).

Robben hefur verið besti leikmaður Real Madrid á þessu tímabili og einn besti leikmaðurinn í spænska boltanum. Það vita allir hvað hann getur gert þegar hann er heill og í stuði, en hvort hann passar inní lið einsog Liverpool er svo allt annað mál. En allavegana, til að byrja með þá er þessi færsla kyrfilega merkt “slúður”.

Stór hluti af mér er frekar hræddur við að setja þessa umræðu af stað, þar sem mig grunar að þetta verði eins og að opna öskju Pandóru gagnvart mörgum Púllurum. En, þar sem það eru enn tæpir þrír sólarhringar í Stoke-leikinn og ekki margt annað í fréttum getum við svo sem fundið okkur verri hluti að ræða.

Um síðustu helgi birtist í News of the World frétt þess eðlis að Aston Villa og Liverpool væru að íhuga að gera tilboð í Emile Heskey, framherja Wigan Athletic, þegar janúarglugginn opnar.

Já, þið lásuð þetta rétt. Emile Heskey. Sá sami og skoraði 60 mörk í 223 leikjum fyrir Liverpool undir stjórn Gérard Houllier og var seldur vorið 2004, rétt áður en Rafa Benítez tók við liðinu.

Þessi frétt vekur upp ýmsar kenndir hjá manni og margt sem ég ætti að minnast á hér. Í fyrsta lagi finnst mér rétt að leggja áherslu á að miðillinn sem segir frá þessu – News of the World – er ekki hátt skrifaður á meðal enskra fjölmiðla og almennt talið til hinna svokölluðu götublaða / sorprita sem hafa hingað til ekki látið sannleikann hindra sig í að ljúga til að geta birt góða frétt. Reyndar hefði ég aldrei birt þessa frétt út frá þessum miðli einum og sér, en þar sem þessi frétt hefur vakið allmikil viðbrögð á spjallborðum Púllara erlendis og menn bæði á RAWK.com og YNWA.tv svona hálf ýjað að því að það geti mögulega, hugsanlega, kannski verið eitthvað til í því að útsendarar Liverpool séu svona hálfpartinn að skoða Heskey, þá finnst mér í lagi að setja þetta í loftið.

Sem sagt, miðillinn sem segir frá þessari frétt er mjög vafasamur og sem stendur eru svona 90% líkur á að þetta sé algjört rugl.

Hvað ef þetta er samt ekki rugl? Þannig séð er þetta ekki alvitlaus hugmynd; Heskey hefur spilað mjög vel fyrir Wigan, sérstaklega eftir að Steve Bruce tók við stjórn þess liðs um mitt síðasta tímabil, og er orðinn fastamaður í enska landsliðinu á ný eftir fjögurra ára fjarveru (eða síðan hann yfirgaf Liverpool). Hann varð þrítugur í janúar síðastliðnum og skv. frétt NOTW rennur samningur hans við Wigan út næsta sumar svo að ef hann gerir þeim ljóst að hann ætli að fara gæti hann fengist fyrir tombóluverð í janúar (NOTW-greinin talar um 3m punda).

Þetta er heldur ekki svo alvitlaust því hann gæti verið týpa sem hentar í leikmannahóp Liverpool. Við eigum alhliða súperstjörnu í Torres, vinnuhest í Kuyt, lunkinn stuðningsframherja í Keane og ungan og óslípaðan demant í Ngog en eftir brottför Crouch verður að viðurkennast að okkur skortir talsvert upp á að geta látið andstæðingana finna fyrir okkur í háloftunum og þá sérstaklega fyrirgjöfunum. Að því leytinu til passar Heskey eins og flís við rass inn í núverandi leikmannahóp Liverpool, auk þess sem samvinna hans með sér flinkari framherjum (Owen, Defoe, Rooney, Walcott) hjá enska landsliðinu gefur manni von um að nærvera hans og leikreynsla gæti hjálpað Torres, Keane og Babel sérstaklega á næstu tveimur árum eða svo. Þá er Fabio Capello enginn vitleysingur og ef Heskey er nógu góður fyrir hann ættum við varla að kvarta, er það?

Hins vegar … þá er þetta Emile Heskey. Sami leikmaðurinn og gat verið algjörlega óstöðvandi þegar hann lék fyrir Liverpool áður, en eftir því sem árin liðu hvarf sá leikmaður æ oftar og í hans stað mætti jafnan út á völlinn stór klunni sem var með eindæmum bitlaus í vítateig andstæðinganna. Við Liverpool-menn þekkjum Heskey betur en flestir og þótt hann sé eldri og reyndari nú en þegar hann lék í rauðu treyjunni hefur hann ekki skorað jafn mikið fyrir Birmingham og Wigan og hann gerði á sínum fyrstu árum með Leicester og Liverpool, og því í raun ekkert sem segir manni að hann myndi endilega standa sig mikið betur í annað sinn.

Hvað finnst mönnum? Ég þori varla að spyrja, en væri gáfulegt að kaupa Heskey fyrir lítið fé og hafa hann í leikmannahópnum næstu 2-3 árin eða svo? Eða er þetta – ef rétt reynist – algjört glapræði sem okkar menn ættu að forðast með öllum ráðum?

Daily Mail segir frá því að Paul Ince sé að fara að gera tilboð í Jermaine Pennant þar sem ljóst þykir að hann nær ekki að halda David Bentley hjá félaginu en hann ku vera á leið til Spurs.

Ef þetta gengur eftir þá yrði ég afar glaður enda hef ég í raun aldrei sætt mig við tilveru Pennant hjá félaginu, mér finnst hann einfaldlega ekki nógu góður. Hann á einn og einn leik en heilt yfir er hann alls ekki nógu góður leikmaður til að vera hjá Liverpool.

Ó dísus kræst, þetta verður skemmtilegra með hverjum deginum!

**Uppfært (Kristján Atli – 21:04):** Andvarp. Í allt sumar hef ég andað rólega yfir þessu máli af því að ég vissi að þetta myndi gerast. Spurningin var ekki hvort heldur hvenær. Það sama mátti segja um söluna á Alonso. Við erum að selja hann og ég er búinn að kveðja.

Nema hvað, Juventus munu pottþétt ekki kaupa Alonso eftir að þeir keyptu Poulsen, Barry er snúinn aftur til æfinga hjá Villa og okkar menn eru farnir í æfingaferð til Sviss.

Ég vil ekki sveiflast frá einum öfgunum út í aðrar; í stað Juve eru menn nú farnir að spá hvort við munum nota Alonso sem gullstöng uppí kaupverðið á Kun Aguero hjá Atletico, og ég held ennþá að kaup okkar á Barry velti að öllu leyti á honum sjálfum. Ef hann er ákveðinn í að koma til Liverpool á hann að bregðast við þessu þrátefli með því að fara formlega fram á að vera settur á sölulista, og svo lýsa því yfir að það þýði ekkert að ræða við Arsenal því hann vilji aðeins spila hjá Liverpool og hvergi annars staðar.

Auðvitað gerist það samt aldrei. En það á mikið eftir að gerast í þessari sápuóperu áður en sumarið er úti.

Ég veit bara ekki hvað mér á að finnast um þetta. Ég, persónulega, væri alveg sáttur við að hafa Alonso hjá okkur áfram í stað þess að fá Barry. Ég hef mikið álit á Barry en ég held að Alonso hljóti að vera hungraður til að hrista af sér slenið, fái hann annað tækifæri. Hins vegar finnst mér einstaklega neikvætt ef Rafa getur ekki klófest sinn helsta óskamann í sumar, eftir að Villa-menn opnuðu dyrnar fyrir okkur og spörkuðu Barry út í innkeyrsluna (gátu vart gert okkur hlutina auðveldari).

Gott eða slæmt? Við sjáum til, sagði zen-meistarinn.

Liverpool er núna aftur orðað við Sergio Aguero, sem við töluðum um áður en hann var keyptur til Atletico Madrid og varð einn besti leikmaður spænsku deildarinnar. Umboðsmaður hans segist hafa fengið tilboð í Aguero (sem er metinn á um 35 milljónir punda) og það sé frá ensku liði, sem er ekki Chelsea:

>”I’ve had interest from a leading English team and they’ve asked me to approach Atletico with a bid. I can’t say more until I’ve spoken to the club about the offer.

>”All I can tell you is that it’s one of the best teams in Europe and it’s not Chelsea.”

Semsagt, væntanlega Everton.

Djók! Þetta er því væntanlega Man U, Arsenal eða Liverpool. Guardian segja að Man U hafi gert tilboð í Berbatov og Demento hefur sagst bara ætla að kaupa einn leikmann í sumar, þannig að ef að Man U kaupir Berbatov (sem verður að telja líklegt ef að sagan um boðið er rétt, því hann vill ábyggilega fara) þá eru bara Liverpool og Arsenal eftir. Í einhverri fréttinni er velt upp þeim möguleika að Xabi Alonso myndi hugsanlega fara til Atletico líkt og Luis Garcia gerði þegar að Fernando Torres var keyptur.

Aguero á að hafa sagt í blaðaviðtali að hann hefði ávallt verið Liverpool stuðningsmaður (sjá hér gamalt viðtal).

Eitt það skemmtilegasta við það að reka þessa bloggsíðu er að reyna að átta sig á því hvað Rafa meinar þegar hann talar um leikmannakaup. Í gær talaði hann um David Villa og sagðist hafa áhuga á honum. Í dag er hann hættur að hafa áhuga og fer að tala um Robbie Keane. En svo segir hann Keane bara vera á listanum, sem er væntanlega sami listi og Villa var á.

Allavegana, Reuters búa til frétt um þetta, sem segir í fyrirsögninni: “Benitez says Valencia’s Villa not a target but Keane is” þrátt fyrir að í viðtalinu bendli Rafa okkur ekkert frekar við Keane en David Villa. Svona birtist textinn á lfc.tv

>”I said the other day that Villa is one of the names we had on our list, but I can say at this moment that it is not an option for us.

>”We know Villa is a very good player, we know the price and we know the players we have, so when you consider everything we decided he was one of the names, but at this moment, not our target.

>”Keane is one of the other names and, okay, we are working on other names. We were in contact and we will see now.”

Túlki þetta hver einsog hann vill.

Ég og Kristján ræddum þessa Villa frétt nokkuð lengi í gær og vorum eiginlega sammála um að það yrðu pínkulítið blendnar tilfinningar ef að við myndum kaupa hann. Hvað myndi þá gerast fyrir leik-kerfið? Yrði reynt að troða Villa á kantinn einsog Kuyt? Eða þyrfti að skipta um leikkerfið sem gafst svo vel og fara að spila 4-4-2? Hver á þá að vera á hægri kantinum? Hvernig eiga þá Barry, Gerrard og Masche að spila saman?

Allavegana, þá væri Robbie Keane eðlilegri kaup miðað við að Rafa ætli að leika 4-2-3-1 á næsta tímabili, einsog verður að teljast líklegt.

Það er svo sem ekki margt nýtt í blöðunum í morgun. Tvennt þó sem vakti athygli mína.

Fyrir það fyrsta, þá halda blaðamenn Times því fram að Aston Villa muni vera tilbúið í að selja Gareth Barry núna þegar að Liverpool hafa ákveðið að bæta Steve Finnan með í dílinn. Þetta hljómar einsog ágætis lausn þar sem að Finnan spilaði ekki svo mikið á síðasta tímabili og Liverpool er búið að kaupa Degen í hans stað. Talið er að Villa muni kaupa Steve Sidwell í stað Barry.

Einnig þá hefur Lucas verið valinn í Ólympíuhóp Brasilíu. Félagslið geta ekki bannað leikmönnum undir 23 að spila á mótinu. Það þýðir að nokkrir þekktir leikmenn einsog Anderson hjá Man U, Jo hjá City og Pato hjá Milan munu spila með Brasilíu á mótinu. Ef að Mascherano spilar líka með Argentínu, þá verður miðjan hjá okkar mönnum heldur fáskipuð í upphafi móts. Það ætti vonandi að gefa Gareth Barry gott tækifæri til að sanna sig í liðinu.

Samkvæmt staðfestum fréttum BBC hefur Liverpool FC gert áhuga sinn á Robbie Keane opinberan með því að bjóða Peter Crouch auk penings í þennan írska varafyrirliða Tottenham Hotspur. Ég kalla þetta opinberar fréttir af því að BBC-síðan skellir þessu á forsíðuna hjá sér, og það er Phil McNulty sjálfur (ritstjóri) sem skrifar fréttina. Virtasti frétatmiðill Englands hefur öruggar heimildir fyrir þessu fyrst hann þorir að skella þessu svona kröftuglega fram.

BBC eru samt ekki fyrstir til að halda þessu fram. Í gær birtist frétt í Daily Mail þess eðlis að Liverpool væru búnir að bjóða Peter Crouch og 5m punda í Keane, sem hefði brugðist við með því að leggja inn beiðni hjá forráðamönnum Tottenham um að hann fái að fara, enda Liverpool liðið það lið sem Keane studdi víst í æsku og dreymir um að spila með. Svo á hann svo góða vini í Liverpool, þá Gerrard og Carragher, sem þið sjáið stilla sér upp á mynd með honum hér fyrir ofan.

Annars vorum við á Liverpool Blogginu löngu búin að skúbba þessari frétt, en í aprílbyrjun birtist hér gestapistill eftir Vilhjálm Liverpool-aðdáanda þar sem hann hafði eftir ummæli Phil Thompson þess eðlis að Keane vildi ólmur koma til Liverpool og að það væri góður möguleiki. Þannig erum við hérna á blogginu bara, jafnan þremur mánuðum á undan stóru miðlunum með fréttirnar. ;)

Annars líst mér mjög vel á það ef Robbie Keane er að koma. Hef lítið annað um málið að segja en það að Keane er leikmaður sem myndi prýða þetta lið. Tala nú ekki um ef hann er Púllari frá barnæsku, og yrði þá væntanlega hoppandi æstur í að standa sig vel fyrir liðið. Líst vel á þetta (ef af verður)! :)

Rafa kemur fram í fjölmiðlum í dag og hafnar þeim sögusögnum að hann hafi krafist þess að fá 50 milljónir punda til leikmannakaupa (skv. einhverjum snillingum til að kaupa Barry, Silva og Dani Alves). Rafa segir við Echo að þetta sé einfaldlega lygi.

>“The stories are ridiculous. Total rubbish. They have me trying to sign Daniel Alves, who already has an agreement with Barcelona, so how could I be trying to sign him?

>“I am working hard with Rick Parry, who is in regular contact with the Americans, and there are no problems.

>“The reports are just unbelievable.”

Echo segja líka að Liverpool hafi hafnað 9 milljón punda tilboði Portsmouth í Peter Crouch. Talið er að Benitez vilji fá allavegana 10 milljónir punda fyrir Crouch.

The Guardian halda því fram í dag að næsta stóra nafnið á óskalista Rafa Benitez sé hinn spænski David Silva hjá Valencia. Í blaðinu er því haldið fram að Silva sé til sölu fyrir um 20 milljónir punda.

Silva er auðvitað frábær leikmaður og þrátt fyrir að vera bara 22 ára gamall er hann orðinn fastamaður í spænska landsliðinu og hefur verið lykilmaður í liði Valencia. Hann yrði klárlega frábær kostur fyrir það leikkerfi sem að Rafa hefur spilað að undanförnu, þar sem hann getur í raun spilað allar þrjár framliggjandi stöðurnar, sem að Gerrard, Babel og Kuyt spiluðu í stærstu leikjunum í fyrra.

The Guardian tala þó um það að Liverpool þurfi að klára ákveðnar sölur áður en að þeir geti keypt Silva, en mennirnir sem eru talaðir um í því samhengi eru nú ekki slakir leikmenn, þannig að ég tel litlar líkur á að þeir seljist ekki á góðu verði (Pennant, Crouch, Alonso og Scott Carson).

David Bentley, sem við höfum verið orðaðir við nokkuð lengi hefur gefið út alveg skýra línu um það að hann vilji fara frá Blackburn, sama hver taki við af Mark Hughes hjá liðinu.

>”I made it clear to the club what I wanted to do. The situation is I want to move on. I want to be playing Champions League football, or in Europe. I’ve been here for three years and I love the club and I love playing for them but I feel like I’ve done everything I can. I want a new challenge. I believe I have done as much as I can at the club and want to push on somewhere else.”

Þetta verður ekki mikið skýrara og því alveg ljóst að Blackburn mun selja Bentley í sumar. Hann hefur helst verið orðaður við Tottenham (sem mun ekki einu sinni spila í UEFA keppninni á næsta tímabili, hvað þá Meistaradeildinni) og Liverpool, sem virðist vera líklegasti áningastaður Bentley vilji hann spila í Meistaradeildinni á næsta tímabili.

Bentley hefur auðvitað verið í enska landsliðshópnum bæði undir stjórn McClaren og Capello þannig að mati enskra landsliðsþjálfara er hann allavegana betri en Jermaine Pennant og einnig nokkuð yngri. Ég er ekki enn viss um þessi kaup, en þetta ætti þó að styrkja hópinn og það er líka ljóst að Bentley mun bjóða uppá aðra vídd en Dirk Kuyt ef að Rafa ætlar sér að hafa þá bítast um þessa stöðu.

Liverpool Echo greina frá því að Liverpool hafi áhuga á að kaupa hinn 26 ára Ítala Andreas Dossena, sem spilar sem vinstri bakvörður fyrir Udinese. Talið er að kaupverðið geti numið allt að 8 milljónum punda og myndi hann þá væntanlega keppa við Aurelio og Insúa um vinstri bakvarðarstöðuna, þar sem að Riise er væntanlega að fara frá liðinu.

Það er þó alveg augljóst að Rafa er ekki að fara að kaupa neinn varamann fyrir 8 milljónir punda. Hann yrði þá dýrasti varnarmaður Liverpool. Samkvæmt Echo þykir Dossena afar sókndjarfur, sem hljómar vissulega vel.

Dossena hefur leikið 1 lansleik fyrir Ítalíu. Meira veit ég ekki.

Hvernig væri að drullast til að spila almennilegan fótbolta áður en þú ferð að væla í norskum fjölmiðlum yfir því að þú skulir ekki vera valinn í hvern leik?

>“I am used to playing in 80 per cent of all the games, but if I don’t get to play as much as I want to I have to make a choice this summer as to whether I should stay or not.

Gangi Riise vel að finna lið af svipuðu kalíberi og Liverpool þar sem hann fær að spila 80% af leikjum liðsins með álíka frammistöðum og hann hefur sýnt á þessu tímabili.

Ég gjörsamlega þoli ekki svona væl.

Þetta er með fáránlegri fréttum janúarmánaðar ef satt reynist: Er verið að neyða Rafa Benítez til að selja Momo Sissoko?

Sko, við höfum öll okkar skoðun á Momo og ferli hans hjá Liverpool. En þetta snýst ekki um álit okkar á leikmanninum né þá skoðun mína (og margra annarra) að ferli hans sé sennilega betur komið hjá öðru félagi en Liverpool.

Þetta snýst um þá einföldu staðreynd að samkvæmt frétt Daily Mail eru eigendur félagsins, Hicks & Gillett, að krefjast þess af Rafa Benítez að hann selji Sissoko til að greiða fyrir féð sem fór í kaupin á Martin Skrtel. Fyrir vikið virðist Rafa hafa fáa aðra kosti en að bjóða Momo á tombóluverði til þeirra fáu sem hafa áhuga, og því gæti Sissoko, sem hefði getað farið til Juventus fyrir 10m punda fyrir tveimur vikum síðan, endað hjá sínu gamla félagi, Valencia, fyrir 7m punda sem er talsverður afsláttur miðað við fyrrnefndan verðmiða. 7m punda eru líka nokkurn veginn sú upphæð sem við borguðum fyrir hann á sínum tíma, og miðað við frétt Daily Mail færi þessi peningur ekki í að kaupa fleiri leikmenn heldur hreinlega í að hjálpa mönnum að ná sléttu eftir að hafa borgað 6.5m punda fyrir Skrtel.

Þessi frétt, ef sönn er, segir bara allt um það í hversu miklu rugli stjórn þeirra Gillett & Hicks er. Hvar eru milljónirnar sem voru eyrnamerktar Gabriel Heinze í ágúst, og við töldum víst að væru að borga fyrir Skrtel? Hvað varð um loforð Ameríkana um að styðja Benítez á leikmannamarkaðnum? Nú, tæpu ári síðar og eftir að hafa þegar gert sig að athlægi hvað varðar byggingu nýs leikvangs og yfirvofandi lángreiðslna hjá Royal Bank of Scotland (sem lánuðu þeim kumpánum fyrir kaupin á klúbbnum), eru þeir beisiklí að segja Rafa að hann hafi ekki neinn aur til að kaupa nema hann selji fyrst, og því verði hann að drullast til að koma Sissoko út með öllum tiltækum ráðum í janúar til að koma sér ekki í vandræði fyrir að hafa vogað sér að kaupa Skrtel?

Maður heldur að þessi sápuópera hafi orðið eins slæm og hún getur, en á hverjum degi sér maður eitthvað nýtt. Ég var harður á því að vilja losna við þessa hraðlygnu Kana áður, en ef þessi frétt reynist rétt og það er virkilega verið að þrýsta á/neyða Rafa Benítez til að selja leikmann sem hann vill kannski ekki sjálfur láta fara (allavega ekki á tombóluverði) liggur við að ég sendi sjálfur bréf til Dubai-manna og biðli til þeirra um að losa klúbbinn úr þeirri ánauð sem hann er augljóslega staddur í.

Ég vildi taka umræðuna um fréttina í NOTW útúr síðustu færslu, þar sem sá pistill er afburðagóður og fínt að fá umræður um hann.

Allavegana, Chris Bascombe sem skrifaði áður í Liverpool Echo skrifar í dag baksíðufrétt í News of the World þar sem hann segir að Rafa verði rekinn og Jose Mourinho muni taka við Liverpool. Vanalega myndu menn taka þessu sem hverju öðru rugli, en Bascombe hafði (allavegana einu sinni) tengsl inní Liverpool og er stuðningsmaður liðsins, þrátt fyrir að hann hafi oftar haft rangt en rétt fyrir sér að undanförnu.

Continue reading →

Það hrúgast hratt inn slúðrið í þessu síðasta landsleikjahléi ársins. Nú birtir The Daily Mail frétt þar sem því er haldið fram að Rafa sé búinn að missa þolinmæðina gagnvart Peter Crouch og sé reiðubúinn að selja hann fyrir lágmark 10m punda í janúar. Fréttin segir að Rafa telji Crouch hafa vaxið í sjálfsálitinu eftir að hann sló í gegn með enska landsliðinu í fyrra og það hafi komið niður á hugarfari hans sem leikmaður Liverpool, og því hafi Rafa sett forráðamönnum klúbbsins það verkefni að selja Crouch hæstbjóðanda í janúar.

Rafa er ekki sá eini sem er nóg boðið, því samkvæmt fréttinni gæti Momo Sissoko einnig verið á leiðinni í burtu frá Liverpool. Fréttin heldur því fram að Sissoko hafi misboðið þau fáu tækifæri sem hann hefur fengið hjá liðinu í upphafi leiktíðar og heimtað neyðarviðræður við Rafa, þar sem hann muni annað hvort fá þau svör sem hann vill (sem væru: „þú ferð strax inn í liðið og verður þar fastamaður til eilífðarnóns“) ellegar muni hann heimta tafarlausa sölu frá félaginu.

Ég hef tvennt um þetta að segja:

Í fyrsta lagi er rétt að minna á að þetta flokkast enn sem komið er bara undir *slúður*, enda bara frétt frá einu blaði sem gæti verið sönn, en gæti líka allt eins verið tómur uppspuni til að reyna að selja fleiri eintök í gúrkutíð þeirri sem jafnan fylgir landsleikjahléum. Þannig að taka ber þessum „fréttum“ með fyrirvara.

Í öðru lagi, þá verð ég að viðurkenna að salan á þessum tveimur leikmönnum væri mér minna áhyggjuefni nú heldur en fyrir ári síðan. Fyrir ári síðan vorum við með gamlan Fowler, misjafnan Bellamy og nýsleiktan Kuyt í framlínuhópi liðsins og því var Crouch – sem var heitasti enski framherjinn um þær mundir – nánast ómissandi fyrir tímabilið framundan. Nú, ári síðar hafa Torres og Voronin komið í stað Bellamy og Fowler, og báðir komið sterkir inn í liðið og skorað slatta nú þegar, auk þess sem Kuyt hefur verið hér árinu lengur og aðlagast vel, þótt hann hafi leikið illa í síðustu leikjum. Við erum einfaldlega miklu betur mannaðir frammi núna og salan á Crouch myndi einfaldlega opna á tækifæri til að taka þann pening sem fyrir hann fengist, sem og mögulega peninginn fyrir sölu á Sissoko *og* aukainnlegg frá Gillett & Hicks, og kaupa jafnvel enn betri framherja en þá sem fyrir eru (að Torres undanskildum, auðvitað, enda jafningjar hans teljandi á fingrum annarrar handar).

Hvað Sissoko varðar er það sama uppi á teningnum. Fyrir ári síðan deildi hann tveimur miðjuplássum með Gerrard og Alonso en síðan þá hafa bæði Mascherano og Lucas bæst við og báðir komið sterkir inn. Mascherano er klárlega framar en Sissoko í goggunarröðinni þessa dagana og ég er ekki á því eftir undanfarna daga að Rafa sé jafnvel farinn að velja Lucas fram yfir malíska skriðdrekann. Þannig að ef Sissoko færi í janúar sé ég ekki einu sinni brýna þörf á að kaupa neinn í staðinn, þar sem Lucas myndi einfaldlega fylla hans skarð í hópnum.

Ég yrði sem sagt sáttur við hvora útkomuna sem er; ef þeir verða kyrrir er ég sáttur því mér líkar vel við báða þessa leikmenn og það sem þeir færa liðinu, en ef þeir fara finnst mér það langt því frá það versta sem getur gerst. Ef þeir fara spái ég því að Harry Redknapp hjá Portsmouth bæti Sissoko í afríkuskotna útlendingahersveit sína og að Newcastle muni borga uppsett verð fyrir Crouch. Á meðan aðrir myndu bjóða 8-10 millur í hann sé ég eyðsluseggina fyrir norðan fyrir mér vera nógu vitlausa til að borga fimmtán …

… en þetta eru auðvitað allt getgátur. Við sjáum til í janúar. :)

Marca heldur því fram að Liverpool sé á höttunum eftir Ezequiel Garay, 21 árs gömlum argentískum varnarmanni, sem spilar fyrir Racing Santander. Fjölmargir enskir fjölmiðlar taka svo upp þessa sömu frétt í dag, þar á meðal [Daily Mirror](http://www.mirror.co.uk/sport/football/2007/11/14/liverpool-in-hunt-for-garay-89520-20105349/).

Garay hefur að sögn spilað frábærlega í spænsku deildinni fyrir Santander og þrátt fyrir að hann sé bara 21 árs gamall þá hefur hann nú þegar spilað fyrir argentíska landsliðið. Hann hefur einnig verið orðaður við Real Madrid og Manchester United. Talið er að Rafa vilji kaupa hann í janúar og að verðið verði um 10 milljónir punda.

Þjálfari Santander hefur þegar líst því yfir að líkur séu á að Garay fari til stærra liðs á næsta ári. Garay er jafnhár og Daniel Agger og einu ári yngri en Daninn.

**Uppfært (EÖE)**: Hérna er grein í [Echo um Garay](http://icliverpool.icnetwork.co.uk/0500liverpoolfc/0100news/tm_headline=rafa-benitez-lines-up-move-for-argentine-defender-ezequiel-garay%26method=full%26objectid=20105267%26siteid=50061-name_page.html).

Jæja, fyrsta janúar slúðrið á Liverpool blogginu þennan veturinn!

Daily Post halda því fram í dag að Liverpool menn íhugi fjárútlát í janúar og að stærsta skotmarkið í þeim glugga verði [Alfonso Alves, leikmaður Heerenveen í Hollandi](http://icliverpool.icnetwork.co.uk/0500liverpoolfc/0100news/tm_headline=liverpool-eye-brazilian-star-afonso-alves%26method=full%26objectid=19926639%26siteid=50061-name_page.html). Alves, sem er brasilískur landsliðsmaður hefur leikið ótrúlega í Hollandi (skoraði 34 mörk í 31 leik í fyrra) og skoraði um síðustu helgi 7 mörk í einum leik.

Talið er að Alves kosti um 8 milljónir punda, sem er væntanlega ekki ósvipað þeirri upphæð, sem að Rafa gæti fengið fyrir Peter Crouch.

Nú er ég yfirlýstur aðdáandi Peter Crouch, en það er alveg ljóst að sá Crouch, sem við höfum séð í vetur, er vita gagnslaus. Þar sem að Kuyt hefur ekki verið neitt spes þá hef ég verið að pæla í því að undanförnu að Liverpool liðið þurfi nauðsynlega að bæta við alvöru framherja (Crouch sirka 2005 væri góður kostur, en hann er einfadlega ekki svipur hjá sjón núna og virðist vera búinn að sætta sig við að fara). Ég hef verið að vonast til að Rafa fengi Nicolas Anelka til liðsins, en það mun sennilega ekki gerast. Alves hljómar allavegana á pappírnum sem frábær kostur.

Einnig er Liverpool í sömu grein orðaðir við skærakónginn Mancini hjá Roma, sem við könnumst vel við, sem og hægri bakvörðinn Mendy hjá PSG (sem spilaði með Bolton fyrir nokkrum árum).

Svipuð grein er skrifuð af Dave Maddock í [The Mirror í dag](http://www.mirror.co.uk/sport/football/2007/10/10/benitez-set-for-spree-89520-19926238/). Þar er lína, sem ætti að gleðja ansi marga:

>Benitez has been disappointed with the form of so many of his players and for the first time in his Anfield reign he has been openly critical of his team. He knows that he still needs more quality and that is why his scouts have been working overtime across Europe.

Jammm… þetta verður spennandi.