Hæ og velkomin(n) á Liverpol Bloggið!
Við heitum Einar Örn Einarsson og Kristján Atli Ragnarsson og við stofnuðum þessa síðu í maí árið 2004. Við áttum það sameiginlegt að blogga alltof mikið um Liverpool á okkar eigin síðum, þannig að við ákváðum að stofna sérstakt Liverpool blogg og færa okkar knatttengdu pælingar hingað. Okkur fannst vanta grundvöll fyrir skemmtilegar umræður um Liverpool á Íslandi. Við ákváðum því að setja inn pælingar okkar á þessa síðu auk þess að skrifa leikskýrslur um alla leiki og fjalla um öll mál tengd Liverpool.
Smám saman hefur þessi síða vaxið í vinsældum og nú er það svo á hverjum degi koma hundruðir Liverpool aðdáenda við á síðunni. Einnig hefur umfang síðunnar stækkað og höfundarnir eru núna fimm: Aggi bættist við í ágúst 2005 , síðan Hjalti í janúar 2006 og nú síðast Sigursteinn í ágúst 2006. Með fleiri pennum hefur uppfærslum fjölgað og einnig hefur fjölbreytileiki skoðana aukist mikið. Við erum allir forfallnir Liverpool aðdáendur, þannig að við höfum aldrei lagt alltof mikla áherslu á önnur lið eða reyna að vera hlutlausir í umfjöllun okkar um enska boltann. Við höfum þó eftir besta megni reynt að fjalla á skynsaman og gagnrýninn hátt um Liverpool og allt sem tengist því liði.
Með Liverpool-kveðju, Einar Örn og Kristján Atli
Undirsíður:
