Dregið verður í 8-liða úrslit Evrópudeildarinnar í dag. Drátturinn verður sýndur í beinni á UEFA.com og Vísi.is (og eflaust víðar) og mun eiga sér stað kl. 11:00 að íslenskum tíma og verður dregið í Evrópudeildinni um leið og búið er að draga í upphitunardeildina.
Það getur vel verið að þetta sé keppni nr. 2 í Evrópu en þegar við skoðum liðin sem eru í pottinum fyrir þennan drátt verður ljóst að þetta er samt engin smá keppni:
Atletico Madrid
Benfica
Fulham
Hamburger SV
Liverpool
Standard Liege
Valencia
Wolfsburg
Fulham eru klárlega spútnikliðið í þessum hópi en þess utan eru bara stórnöfn og frábær lið í þessum pakka. Ætli Standard Liege sé ekki slappasta liðið á pappírnum auk Fulham en það væri líka gaman að mæta liðum eins og Benfica, Valencia eða Atletico.
Ég uppfæri þessa færslu í hádeginu um leið og drátturinn liggur fyrir. Hverjir eru óskamótherjarnir?
Við erum komnir áfram í 8 liða úrslit í Evrópudeildinni eftir fínan sigur á Lille í kvöld þar sem ég var aldrei stressaður yfir sigri okkar manna. Í raun líður mér eins og þetta hafi verið fín upphitun fyrir LEIKINN á sunnudaginn, Torres með 2 mörk og Gerrard virkaði beittari en undanfarið.
En byrjunarliðið var eftifarandi:
Reina
Johnson – Carra – Agger – Insúa
Mascherano – Lucas
Kuyt – Gerrard – Babel
Torres
Á bekknum: Cavalieri, Benayoun, Kyrgiakos, Ngog, Degen, El Zhar, Kelly.
Mér fannst við miklu betri en Lille fyrsta stundafjórðunginn en það dró til á 8 mínútu þegar Lucas fékk dæmda vítaspyrnu sem Gerrard skoraði örugglega út. Mikilvægt að fá mark snemma í leiknum og núna var einvígið jafnt. Við markið komust Lille aðeins betur inní leikinn en við héldum áfram að fá nokkur hálffæri ma. Glen Johnson en hann gerði allt rétt nema þetta síðasta! Stuttu síðar fékk Lille sitt besta færi þegar táningurinn Hazards prjónaði sig í gegnum vörnina en Reina varði vel með kálinu. Bæði sýndu tilburði til að sækja án þess að fá dauðafæri.
Mér leið vel eftir fyrri hálfleikinn og fannst þetta bara vera spurning hvenær annað markið kæmi og þá myndi leikurinn verða okkar. Seinni hálfleikurinn var nýhafinn þegar Torres skoraði þetta mikilvæga mark og kom okkur í forystu í einvíginu 2-0. Leikurin þróðist síðan svipað og sá fyrri, bæði lið sóttu án dauðafæra en stundum fannst mér Carra/Agger vera svolítið tæpir án þess að lenda í miklum vandræðum.
Á endanum var það svo Torres sem lokaði leiknum í blá lokinn þegar hann fékk boltann til sín eftir gott skot Gerrard og lyftinum boltanum snyrtilega yfir markmanninn, 3-0 og sigurinn endanlega tryggður.
Heilt yfir var þetta solid frammistaða okkar manna, ekkert ósvipað leiknum gegn Portsmouth þe. við vorum betri en samt ekkert að yfirspila andstæðinginn, gerðum það sem þurfti (og kannski aðeins betur). Liðið var að spila vel og er alveg á tæru að sjálfstraustið ætti að vera betra eftir tvo góða sigra í vikunni þegar við mætum Man Utd á sunnudaginn.
Við erum núna komnir í 8 liða úrslit og verður dregið á morgun. Ég segi að við eigum skýlaust að stefna á þessa dollu og síðan bjarga andlitinu með því að vinna nokkra eftirminnilega sigra núna á vormánuðum. Er þá ekki tilvalið að byrja á næsta leik?
Maður leiksins: Torres, skoraði tvö mörk og virðist vera að stíga upp.
ps. Gaman að Höddi Magg. skyldi lýsa leiknum (var hann ekki hættur að lýsa LFC leikjum).
Á bekknum: Cavalieri, Benayoun, Kyrgiakos, Ngog, Degen, El Zhar, Kelly.
Semsagt, þær tvær breytingar sem að allir vildu. Kuyt inn fyrir Maxi (sem er bikar-bundinn) og Lucas inn fyirr Aqulani sem er með vírus eftir óhóflegt pasta-át. Það er svo sem erfitt að mótmæla þessu. Fyrst að þeir tveir duttu út þá var Rafa í smá vandræðum, sérstaklega er varðar miðjuna. En allavegana, vonandi dugir þetta til að klára Lille.
Árið 2010. Evrópudeildin. 16-liða úrslit. Seinni leikur. Anfield. Andstæðingarnir eru Lille, liðið í þriðja sæti Ligue 1 og þeir hafa 1-0 forystu eftir fyrri leikinn. Leikurinn á morgun mun ráða úrslitum um það hvort liðið fer áfram í 8-liða úrslit.
Það sem mun ekki ráða úrslitum á morgun eru andstæðingarnir, hvernig þeir stilla upp eða leikform þeirra. Lille-liðið er gott, í titilbaráttu í Frakklandi og sýndu í fyrri leiknum að þeir meina hlutina. Þeirra hlutverk í leiknum annað kvöld verður hins vegar lítið annað en sviðsmynd fyrir það sem mun ráða úrslitum.
Það sem mun ráða úrslitum á morgun er einföld spurning: hversu mikið langar Liverpool-liðið í 8-liða úrslit í þessari keppni? Ef svarið er „mjög mikið“ eða eitthvað þaðan af jákvæðara, og stemningin á Anfield er eins og við eigum að venjast á Evrópukvöldum, þá mun Lille-liðið hafa lítið með úrslit leiksins að segja. Sé svarið „ekkert frekar“ eða eitthvað þaðan af neikvæðara munu Lille-menn fá 8-liða úrslitin upp í hendurnar nokkuð vandræðalaust.
Persónulega myndi ég helst vilja geta stillt upp nákvæmlega sama liði og spilaði besta leik okkar í margar vikur sl. mánudag. Það verður því miður ekki því mér sýnist á öllu að Rafa verði neyddur til a.m.k. tveggja breytinga; ég geri ráð fyrir að Dirk Kuyt komi inn fyrir Maxi Rodriguez sem er ólöglegur í þessari keppni eins og áður, og svo berast þær fregnir frá Melwood í dag að Alberto Aquilani sé með magakveisu og því tæpur fyrir leikinn á morgun, sem þýðir væntanlega að Lucas Leiva kemur einnig inn í liðið.
Maxi og Aquilani út, Kuyt og Lucas inn. Reynið að halda aftur af neikvæðninni.
Liðið ætti því að öllu óbreyttu að vera svona skipað:
Reina
Johnson – Carra – Agger – Insúa
Mascherano – Lucas
Kuyt – Gerrard – Babel
Torres
MÍN SPÁ: Ég talaði um tvo möguleika hér að ofan og ég ætla að tippa á þann fyrri, þ.e. að okkar menn mæti grimmir til leiks vitandi það að þeir þurfa að skora mörk, og einnig að áhorfendur verði í góðum gír á Anfield. Torres datt í gang á mánudaginn og eins áttu menn eins og Babel, Gerrard og Mascherano toppleiki. Insúa og Johnson eru einnig sókndjarfir og ég á sterklega von á að okkar menn selji sig dýrt á morgun.
Leikurinn fer 2-0 fyrir okkar menn. Við komumst snemma tveimur mörkum yfir og lendum í að hanga á því undir lokin í einhverjum taugatitringi en það ætti að nægja okkur til að komast í næstu umferð.
Castrol Rankings er kerfi sem miðast við að finna út hverjir standa sig best burtséð frá stöðum á vellinum. Menn fá hér t.a.m. jafn mörg stig fyrir tæklingu eða markvörslu sem bjargar marki eins og sóknarmenn fá fyrir að skora mörk.
Af hverju er ég að nefna þetta? Jú, ef við skoðum stöðuna á Castrol-listanum í Evrópu akkúrat núna er fátt sem kemur á óvart. Fátt, en þó eitthvað.
Ef þú ert í vandræðum með ástina, óttann, sársaukann eða hvað sem er, þá er um að gera að senda bara spurningu á Andrey Arshavin og hann leysir vandamálin.
Til dæmis þessi spurning frá lesanda:
Hi, Andrey! Some people say that the rain comes when the angels cry; some people say that it is a natural process. What do you think? Do you like rain?? Hi to Julia and the kids !!!!!
Arshavin á auðvitað svar við þessu:
Arshavin: No, I do not think that it’s angels’ tears. It’s simply a natural phenomenon. Although it sounds more romantic the way you put it.
Ég horfði á leikinn í gær og skrifaði leikskýrslu en þökk sé líflegum samræðum við sessunauta mína yfir leiknum tókst mér algjörlega að missa af aðalumræðuefninu eftir leikinn. Þegar átján mínútur voru eftir af leiknum lenti Steven Gerrard og Michael Brown saman:
Það er engin leið að fegra þetta. Michael Brown er sennilega grófasti leikmaður deildarinnar og átti þetta blessaða hnakkahögg skilið og vel það en það er með ólíkindum að Gerrard hafi sloppið með rauða spjaldið.
Í dag berast fréttir af því að enska knattspyrnusambandið (FA) muni rannsaka þessa árás Gerrard á næstunni. Dómari leiksins, Stuart Attwell, sá atvikið og gaf aukaspyrnu en sleppti því að spjalda Gerrard sem á skv. reglunum að þýða að hann geti ekki fengið refsingu eftir á, en samt virðast þeir ætla að rannsaka þetta og biðja Attwell um að gefa skýrslu um atvikið.
Strax eftir leikinn í gær fóru af stað samsæriskenningar þess eðlis að mikil áhrif Manchester United innan enska knattspyrnusambandsins myndu þýða að þeir myndu einhvern veginn finna leið til að refsa Gerrard eftir á fyrir þetta og koma honum í bann fyrir leikinn næsta sunnudag. Ef þeir svo rannsaka þrátt fyrir að reglurnar segi að hann eigi að sleppa úr því hann fékk ekki spjald í leiknum verður frekar erfitt að mótmæla slíkum kenningum, í hreinskilni.
Hver svo sem niðurstaðan verður, þá átti Gerrard að vita betur. Brown er erkifífl en Gerrard kallaði væntanlegt leikbann yfir sig vitandi að næsti leikur væri gegn United. Hann hefði átt að vita betur.
Okkar menn fengu í kvöld botnlið Portsmouth í heimsókn á Anfield og þrátt fyrir dapurt gengi að undanförnu gat ekki einu sinni Liverpool-liðið klúðrað heimaleik gegn Portsmouth, en lokatölur urðu 4-1.
Bekkur: Cavalieri, Kyrgiakos, Kelly (inn f. Johnson), Lucas, Benayoun (inn f. Gerrard), Ngog (inn f. Torres), Kuyt.
Þetta Portsmouth-lið er lélegt. Því miður, það er augljóst að það hefur verið illa farið með þetta lið og þeir eru bara ekki svipur hjá sjón. Það kom því ekki á óvart að okkar menn höfðu yfirhöndina allan leikinn og unnu auðveldan sigur. Sigurinn var innsiglaður á sex mínútna leikkafla eftir um hálftíma leik en þá skoruðu okkar menn þrjú mörk; fyrst skoraði Torres eftir mistök markvarðar Portsmouth, svo lagði hann upp mark fyrir Babel og loks lagði hann upp mark fyrir Aquilani sem skoraði fyrsta mark sitt fyrir Liverpool.
Staðan í hálfleik því 3-0. Torres bætti við fjórða markinu með einleik um kortéri fyrir leikslok en svo datt þetta niður í eitthvað kæruleysi og Belhadj eyðilagði hreina lakið fyrir Pepe Reina. Lokatölur því 4-1 í allt of auðveldum leik til að hægt væri að lesa eitthvað út úr honum. Það var vissulega jákvætt að vinna öruggan sigur í dag og skora fleiri en tvö mörk í aðeins fjórða sinn í deildinni í vetur en við sjáum meira hvað spunnið er í þetta lið í næstu tveimur leikjum, gegn Lille og Man Utd.
MAÐUR LEIKSINS: Torres skoraði tvö mörk og lagði upp hin tvö. Þrátt fyrir að mér hafi fundist Aquilani og Gerrard virkilega góðir í kvöld og næstum því freistast til að gefa Aquilani heiðurinn er ekki hægt að ganga fram hjá tveimur mörkum og tveimur stoðsendingum. Torres er maður leiksins, kominn núna með 15 deildarmörk í 19 deildarleikjum. Geri aðrir betur.
Læt þetta nægja í bili. Vonum að þetta sé vísir að betri dögum hjá liðinu. Næstu sex dagar munu gefa okkur ágætis vísbendingar um það hvort við getum farið snemma í sumarfrí eða hvort ólíkleg, jákvæð endalok eru framundan á þessu tímabili.
Ég hef eiginlega lítið um þetta að segja. Þetta er sterkt lið á pappír en það er sama hvernig við stillum upp, það getur allt gerst með þetta lið þessa dagana.
Nær allir fjölmiðlar á Englandi skýra frá því í dag að peningasjóðurinn Rhône Group hafi lagt inn tilboð í 40% eigendahlut í Liverpool FC. Tilboðið ku hljóma upp á einhverjar 100-110m punda í reiðufé sem myndi gera þeim Hicks & Gillett kleift að halda klúbbnum í sumar. Þeir yrðu hins vegar ekki lengur meirihlutaeigendur þar sem þeirra hlutur myndi minnka niður í 30% hvor en Rhône Group myndi eignast 40% og því vera stærsti hluthafinn.
Flestar fréttirnar halda því fram að þetta verði aðeins fyrsta boðið af nokkrum í svona ráðandi hlut í klúbbnum og að það sé alls ekki víst að þetta boð endilega verði árangursríkt. En hvað sem kemur á næstu vikum er allavega ljóst að það er loksins að komast alvöru hreyfing á eigendamálin, nokkuð sem er gjörsamlega nauðsynlegt ef við ætlum okkur að bæta liðið eitthvað í sumar og á næstu tímabilum.
Dæmi: Fernando Torres varar klúbbinn við að voga sér ekki að sýna metnaðarleysi í sumar. Rafa Benítez staðfestir að titilbaráttur skipti Torres öllu máli og Torres sjálfur segir orðrétt, þegar hann er spurður um framtíð sína hjá Liverpool:
“It’s too early to talk about that.”
Bing! Viðvörunarbjöllur … þið megið hringja núna. Ef við ekki fáum inn fólk sem getur fjárfest í leikmannahópnum og sett af stað byggingu nýs vallar gætum við endað á því að ákveðnir lykilmenn liðsins hreinlega fari fram á sölu í sumar. Það yrði mikið reiðarslag fyrir alla tengda klúbbnum.
Vonandi komast eigendamálin í réttan farveg á næstu vikum. Við þurfum á því að halda.
(