**Úffffff!**

Andriy Shevchenko skrifaði áðan [undir 4 ára samning við Chelsea](http://news.bbc.co.uk/sport2/hi/football/teams/c/chelsea/5035604.stm) og við það tilefni tilkynnti Mourinho líka að hann vildi kaupa [Roberto Carlos frá Real Madrid](http://news.bbc.co.uk/sport2/hi/football/teams/c/chelsea/5033138.stm). Eftir það ættu Chelsea menn að vera sáttir við kaup sumarsins.

Við bjuggumst svosem við þessu. En athyglisverð eru komment frá Didier Drogba, sem komu [fyrr í dag](http://news.bbc.co.uk/sport2/hi/football/teams/c/chelsea/5034458.stm), þar sem Drogba sagði Lyon mönnum að Mourinho ætlaði að byggja liðið í kringum Drogba og Shevchenko. Sem er athyglisvert, þar sem þá þyrfti Jose að breyta 4-5-1 leikaðferðinni sinni. Ætlar hann þá að fara í 4-4-2, eða ætlar hann jafnvel að spila 4-3-3 án hefðbundnu vængmannana sinna, svipað einsog t.d. Barcelona?

Þetta gæti verið svona – 4-4-2:

Vandamálið við þessa uppstillingu er að þarna er enginn Makalele, sem hefur verið fastamaður hjá Chelsea. Í raun getur Chelsea varla spilað með bara tvo miðjumenn, þar sem maður hefði haldið að allir Makalele, Lampard og Ballack væru pottþéttir í byrjunarliðinu.

Gæti þetta því verið svona – með Ballack enn framar – hæpið, þar sem Ballack mun varla spila í þessari stöðu?

eða með Ballack á miðjunni og J.Cole eða Robben frammi

Svona þegar ég hugsa þetta, þá þykir mér þetta einna líklegust af uppstillingunum. Hvernig sem maður reynir að stilla þessu upp, þá er í raun breiddin í þessu Chelsea liði orðin ógnvægleg. Ef við tökum það sem gefið að 4 manna vörnin sé eins, þá hefur Mourinho bara 6 stöður til að raða þessum leikmönnum í lið (að því gefnu að Eiður Smári verði allavegana seldur): Essien, Lampard, Makalele, Ballack, Shevchenko, Drogba, Robben, Wright-Phillips, Duff, J. Cole, Kalou, (Crespo).

Þetta er hreinasta geðveiki. Í hverjum einasta leik verða að minnsta kosti 5 toppklassa miðju- og sóknarmenn ekki inná. Ekki bara góðir leikmenn, heldur leikmenn sem eru fastamenn í landsliðum og kæmust inní flest önnur lið í heimi.

Ef að þetta Chelsea lið smellur saman, þá get ég ekki séð að nokkuð lið í enska boltanum geti stöðvað þetta samansafn af leikmönnum. Von hinna liðanna hlýtur að vera að þetta lið geti ekki smollið saman og að Chelsea hljóti sömu örlög og Real Madrid. Þessi sumarkaup Chelsea bera allavegana ansi sterkan keim af “galacticos” stefnunni hjá Real Madrid.

Annars hljótum við að bjóða Shevchenko velkomin í ensku deildina.
Jerzy biður að heilsa.

Andriy Shevchenko er að öllum líkindum á leið til Chelsea vegna þess að þar fær hann margar, margar rúblur hann vill að sonur sinn [læri ensku](http://news.bbc.co.uk/sport1/hi/football/europe/5000208.stm).

Auk þess að vera fyndnasta útskýring á félagaskiptum í sögu mannkyns (AUÐVITAÐ hefur þetta ekkert með peninga að gera, ekki satt? ), þá eru þetta náttúrulega stórtíðindi fyrir enska knattspyrnu. Það er ekki beinlínis skemmtileg tilhugsun að ætla að fara að mæta Ballack og Schechenko á Stamford Bridge, en þetta sýnir bara að á endanum þá sigra peningarnir og allt tal um tryggð við félag (Shevchenko ætlaði sko aldrei að yfirgefa Milan) er oftast nær innihaldslaust þvaður.

En þetta sýnir það líka vel að þörfin fyrir að styrkja okkur hefur vaxið. Á meðan að Chelsea hefur (að öllum líkindum) tryggt sér Shevchenko og Ballack, þá er það eina sem hefur gerst varðandi Liverpool að Morientes er farinn. Jæja, það er vonandi að það fari eitthvað að gerast því þetta eru ekki beinlínis uppörvandi fréttir. Ef við kaupum Andy Johnson í sömu vikunni og Chelsea kaupir Shevchenko þá lokum við þessari síðu.

En fyrir Shevchenko, þá getum við svo sem komið því á framfæri að í Liverpool borg eru líka ágætis enskukennarar. Þá gæti hann líka spilað fyrir sama félag og gamla goðið hans, Ian Rush.

Jæja, það eru merkileg tíðindi að gerast hjá Arsenal. Thierry Henry [ætlar að verða áfram hjá liðinu og skrifa undir nýjan samning](http://news.bbc.co.uk/sport1/hi/football/teams/a/arsenal/4996270.stm). Væntanlega eru allir Arsenal aðdáendur í skýjunum.

Fyrir okkur þýðir þetta að Arsenal liðið verður enn sterkara á næsta tímabili. Það er alveg ljóst að þeir verða ekki jafnlélegir og þeir hafa verið á þessu tímabili. Því verður keppnin um titilinn enn erfiðari. Og nauðsyn okkar á að fá nýjan framherja er enn greinilegri. Við getum ekki ætlast til að vinna deildina ef að hin 3 liðin, sem eru að keppa við okkur eru með Henry, Rooney og Shevchenko (ef maður trúir slúðrinu) sem aðalframherja á meðan við erum með (hinn annars ágæta) Peter Crouch.

Jæja, Man U ætla að gera sitt besta til að lífga við baráttuna um 2. sætið í deildinni. Við höfðum fyrir nokkrum leikjum gefið upp alla von, en núna hafa Man U menn aðeins náð 4 stigum túr síðustu 4 leikjum á meðan að við höfum unnið síðustu 10 leiki.

Man U gerðu voru að gera jafntefli við Middlesboro í leik sem Man U hefði þess vegna getað tapað þrátt fyrir að þeir hefðu verið sterkara liðið. Van Nilsteroy misnotaði m.a. vítaspyrnu.

En allavegana, staðan fyrir lokaumferðina er því svona:

Chelsea 91 stig – 52 mörk í plús
Man U 80 stig – 34 mörk í plús
Liverpool 79 stig – 30 mörk í plús
Tottenham 65 stig – 16 mörk í plús

Semsagt, ef við vinnum síðasta leikinn okkar þá verður Man U að vinna sinn leik til að halda 2. sætinu. Þetta er í rauninni í höndunum á Man U, en ef að þeim mistekst að vinna Charlton (sem eru að spila í síðasta sinn undir stjórn Alan Curbishley) þá eru möguleikar okkar ágætir, en við eigum að spila við Portsmouth, sem er búið að tryggja sér sæti í deildinni.

Jæja, Man U var að klára Tottenham í leik, þar sem Tottenham var betra liðið nær allan tímann. Þessi úrslit hafa nokkra hluti í för með sér:

* Þriðja sætið er öruggt, núna getur ekkert lið náð okkur
* Meistaradeildarsætið er tryggt, þegar við eigum 3 leiki eftir. Miðað við undanfarin tímabil, þá er það gríðarleg framför
* Nema að Man U tapi öllum leikjunum, sem eftir eru, þá munu þeir enda í öðru sæti.

En semsagt, þriðja sætið í ensku deildinni, 16 liða úrslit í Meistaradeildinni, SuperCup bikarinn og vonandi enski bikarinn líka. Það væri hreint ekki slæmur árangur á öðru ári Rafa Benitez við stjórn Liverpool.

Það eru fleiri en við stuðningsmenn Liverpool [sem eru hneysklaðir](http://home.skysports.com/list.asp?hlid=379253&CPID=8&clid=14&lid=2&title=Rafa+shocked+at+Momo+snub) yfir því að Momo var ekki tilnefndur sem besti ungi leikmaðurinn, nefnilega Rafa Benitez.

“I don’t understand how they decide on the nominations. It was a surprise to me. Perhaps they think he is not 21 but 30. I’m sure anybody who has played against him would say he is one of the best…”

Ég veit í raun ekki út frá hverju er dæmt þegar leikmenn eru tilnefndir en t.d. að tilnefna Joe Cole sem einn af bestu leikmönnunum er afar undarlegt (líklega bara að því hann er Englendingur) og síðan Aaron Lennon og Anton Ferdinand á undan Momo Sissoko er náttúrulega skandall Bragi (bergmann).

Þá er búið að nefna þá sex, sem [koma til greina](http://home.skysports.com/list.asp?hlid=378631&CPID=8&clid=8&lid=2&title=Chelsea+trio+on+PFA+short-list) í kjöri á leikmanni ársins í ensku deildinni. Þeir eru:

* Joe Cole – Chelsea
* Thierry Henry – Arsenal
* John Terry – Chelsea
* Steven Gerrard – Liverpool
* Wayne Rooney – Man U
* Frank Lampard – Chelsea

Ok, semsagt Steven Gerrard er tilnefndur, enda hann búinn að eiga frábært tímabil með Liverpool.

Wayne Rooney og Thierry Henry eiga svo sannarlega skilið að vera þarna líka, enda hafa þeir verið tveir bestu framherjarnir í ensku deildinni. Joe Cole hefur líka leikið virkilega vel og á skilið að vera þarna.

John Terry á líka skilið að vera þarna. Hann er undirstaðan í Chelsea vörninni, sem er undirstaðan fyrir góðu gengi Chelsea. En ef að John Terry er á listanum, AF HVERJU Í ANDSKOTANUM ER JAMIE CARRAGHER EKKI TILNEFNDUR? **AF HVERJU?** Ég er ekki að segja að John Terry eigi ekki að vera tilnefndur. Alls ekki. Hann er einn af tveim bestu varnamönnunum í enska boltanum í vetur. En af hverju er hinn ekki tilnefndur?

Hverjum hefði þá átt að sleppa af listanum spyr þá einhver. Ég skal segja þér: FRANK FOKKING LAMPARD! Hvað hefur hann getað á seinni hluta tímabilsins? Nákvæmlega ekkert. Ég skal vel viðurkenna að í fyrra var hann besti miðjumaður á Englandi og ég held að ég hafi m.a. talað um það á þessari síðu. En í ár hefur hann hins vegar versnað svo mikið að blaðamenn á Englandi eru farnir að gagnrýna hann, sem var áður óhugsandi.

Semsagt, ég er sáttur við að 5 af 6 leikmönnum á listanum. Ég er sáttur við að þarna séu 2 frá Chelsea og 1 frá hinum toppliðunum. En ég er EKKI sáttur við að Lampard sé þarna umfram Jamie Carragher.

(annars vekur athygli að þarna er aðeins einn “útlendingur”)

**Uppfært (EÖE)**: Ég gleymdi að setja inn [tilnefningar fyrir efnilegustu leikmennina](http://home.skysports.com/list.asp?hlid=378632). Þeir eru:

* Darren Bent
* Wayne Rooney
* Cristiano Ronaldo
* Anton Ferdinand
* Aaron Lennon
* Cesc Fabregas

Ég spyr þá í framhaldi, HVAR Í ANDSKOTANUM ER **MOMO**? Bent er fæddur 84 en Momo 85.

Xabi Alonso er maður helgarinnar hjá okkur. Hann er sá eini, sem kemst í lið vikunnar hjá fjölmiðlum.

[Sky](http://home.skysports.com/list.asp?hlid=377914) – þar er Xabi

[Á BBC](http://news.bbc.co.uk/sport1/shared/spl/hi/football/squad_selector/team_of_the_week/html/ss_team.stm) er enginn úr Liverpool liðinu.

[Á ESPN](http://soccernet.espn.go.com/columns/story?id=364365&root=england&cc=5739) er Xabi svo í liðinu.

Núna sem oftar þá er ekki mikið samræmi milli vefmiðla en við eigum þó leikmenn í þeim þremur sem ég skoðaði þrátt fyrir að leikur okkar gegn WBA hafi ekki verið rismikill.

[SkySports:](http://home.skysports.com/list.asp?hlid=376056) Þar eigum við heila þrjá leikmenn. Þá Carragher, Alonso og Cisse. Já Cisse í liði vikunnar… það er langt síðan það hefur gerst en hann skoraði og lagði upp mark. Vel gert hjá honum.

[BBC Sport:](http://news.bbc.co.uk/sport1/shared/spl/hi/football/squad_selector/team_of_the_week/html/ss_team.stm) Þar eigum við einn leikmann, John Arne Riise. Jájá norski Beckham stóð sig ágætlega gegn WBA.

[ESPNsoccernet:](http://soccernet.espn.go.com/columns/story?id=363682&root=england&cc=5739) Þar eigum við spánverjan Alonso eingöngu.

Alan Stubbs leikmaður Everton á nokkuð til síns máls í því sem fer hér á eftir… Hann segir að erlendir leikmenn í ensku úrvalsdeildinni séu stöðugt að reyna að hafa áhrif á dómara með því að reyna að fá þá til að spjalda menn eftir að brotið hefur verið á þeim, bara erlendu leikmennirnir? Það held ég nú ekki…!
Þetta er einmitt einn af hlutum knattspyrnurnnar sem ég þoli gjörsamlega ekki, sama hvort sem það er leikmaður Liverpool eða einhvers annars liðs. Þetta fer næstum því jafn mikið í taugarnar á mér og leikaraskapur….

Maður skilur samt leikmenn að hluta til… það er kannski brotið nokkuð illa á þeim og þeir vilja auðvitað að mönnum sé refsað fyrir brotið á annan hátt en að gefa bara aukaspyrnu. En á móti kemur að það er dómarinn sem dæmir leikinn og það á ekki að vera hægt að hafa áhrif á hann en vissulega gerist það…

Stubbs segir þetta eftir að Luis Garcia heimtaði að David Weir fengi gult spjald í leiknum um helgina:
>Þetta hefur síast inn í knattspyrnuna undanfarið en þetta er komið erlendis frá. Garcia gerði það bara einu sinni, en erlendu leikmennirnir þeirra tala góða ensku, það er ekki eins og þeir viti ekki hvað þeir eru að gera. Erlendu leikmennirnir hafa komið með marga góða hluti inn í úrvalsdeildina en líka nokkra slæma hluti.”

Ég er sammála honum að vissu leiti, erlendu leikmennirnir hafa að sjálfsögðu komið með frábæra hluti inn í úrvalsdeildina, en var til dæmis leikaraskapur til áður en erlendu leikmennirnir komu?

Jæja góður sigur í gær gegn Newcastle og erfiður bikarleikur á morgun gegn Birmingham. Furðulegt að við skulum spila á sunnudegi þegar það er bikarleikur á þriðjudegi og Rafa [er ekki sáttur](http://home.skysports.com/list.asp?hlid=372729&CPID=8&clid=&lid=2&title=Rafa+unhappy+with+fixture+pile-up) við enska knattspyrnusambandið.

“It’s crazy. You simply cannot play a big competition like the FA Cup within two days with the same players,”

Lið helgarinnar:
[Sky Sports](http://home.skysports.com/list.asp?hlid=372212&clid=&channel=football_home&title=Team+of+the+Weekend): Þar erum við með einn mann, já Stephen Warnock af öllum. Gott hjá honum enda átti hann fínan leik.
[BBC Sport](http://news.bbc.co.uk/sport1/shared/spl/hi/football/squad_selector/team_of_the_week/html/ss_team.stm): Þar er enginn Liverpool maður.
[ESPNsoccernet](http://soccernet.espn.go.com/columns/story?id=362226&root=england&cc=5739): Þar er Harry Kewell sá eini sem kemst í liðið frá okkur.
[Premierleague.com](http://www.premierleague.com/fapl.rac?command=forwardOnly&nextPage=teamOfTheWeek): Þar er enginn frá okkar liðið.

Alltaf gaman af þessu, sérstaklega hvað það er lítið samræmi á milli blaða hvaða leikmenn eru í liði vikunnar.

Jæja, úrslit helgarinnar virðast ætla að vera öll slæm fyrir Liverpool. Öll hin toppliðin virðast vera að vinna sína leiki.

Man U vann, Arsenal vann, Blackburn vann, Bolton vann og Tottenham er að vinna. Staðan er því svona fyrir leik Liverpool og Newcastle (að því gefnu að Tottenham klári sinn leik):

Chelsea 29 – 75 stig
Man U 29 – 63 stig
Liverpool 30 – 58 stig
Tottenham – 30 52 stig
Arsenal 30 – 50 stig
Blackburn 30 – 49 stig
Bolton 28 – 49 stig.

Segjum sem svo að við myndum tapa, þá gæti Bolton *jafnað* okkur að stigum með því að vinna þá leiki, sem þeir eiga inni, Tottenham gætu komist þrem stigum á eftir okkur og Arsenal 5 stigum.

Þannig að krafan er sú að við töpum alls ekki á morgun. Jafntefli er lágmark og vonandi tekst okkur að vinna Newcastle. Við eigum að geta það, sérstaklega þar sem að Michael Owen er ekki með þeim.

Það er athyglisvert að skoða árangur Liverpool að undanförnu og ýmsa tölfræði tengda því. Þrátt fyrir að við höfum nú unnið 9 leiki í röð, þá erum við ennþá 15 stigum á eftir Chelsea í ensku deildinni. Jafnvel þó að við eigum tvo leiki inni, þá er þessi munur með hreinum ólíkindum.

Ef við vinnum þessa tvo leiki, sem við eigum inni, þá erum við komnir með 43 stig, en Chelsea eru með 52 núna þegar þeir eru hálfnaðir með sitt prógramm.

Chelsea hefur leikið 19 leiki. Unnið 17, gert eitt jafntefli og tapað einum. Það, dömur og herrar, er fokking ótrúlegur árangur. Ef þeir halda svona áfram, þá myndu þeir enda með **104 stig** og slá þannig stigametið sitt frá því í fyrra um heil 9 stig. Getur þetta lið haldið svona áfram?

Látum okkur dreyma um að vinna næstu tvo leiki í deildinni. Það þýðir að við myndum vera með 43 stig eftir 19 leiki, það er þegar mótið er hálfnað. Segjum svo að seinni hlutinn yrði eins. Þá myndum við enda með 86 stig í deildinni. Við yrðum þá 18 stigum á eftir Chelsea og myndum sennilega lenda í öðru sæti. En 86 stig er hins vegar frábær árangur.

86 stig hefðu til dæmis dugað til að vinna úrvalsdeildina [árið 2003](http://soccernet.espn.go.com/tables?league=eng.1&season=2002&column=none&order=false&cc=5739) þegar Man U vann og einnig árið [2001](http://www.toffeeweb.com/season/00-01/table.asp) þegar að Man U vann líka. 86 stig hefðu líka dugað [1999](http://www.toffeeweb.com/season/98-99/prem_table.htm), [1998](http://www.toffeeweb.com/season/97-98/prem_table.htm), [1997](http://www.toffeeweb.com/season/96-97/tables.htm) (hefðum rústað þeirri deild), [1996](http://www.toffeeweb.com/season/95-96/final_table.html) og svo framvegis og framvegis.

Semsagt, árangur Liverpool á fyrri hluta þessa tímabils er frábær. Árangur Chelsea er hins vegar stjarnfræðilega góður.

Til að hafa smá samanburð, þá er þetta stigafjöldi Liverpool síðustu 10 árin. Það er ekki furða að við séum ánægð með okkar menn í ár.

1995: 74
1996: 71
1997: 68
1998: 65
1999: 54
2000: 67
2001: 69
2002: 80
2003: 64
2004: 60

*Skrifað í gærkvöldi*

Smá [tölfræði](http://home.skysports.com/matchreport.asp?fxid=278774&cpid=8) úr leiknum í gær.

Skot: Liverpool: 19, Newcastle: 1
Með boltann: Liverpool: 62%, Newcastle: 38%

Þetta er magnað.

Já, og Gerrard [er fúll yfir púinu á Owen í leiknum í gær](http://news.bbc.co.uk/sport1/hi/football/teams/l/liverpool/4561822.stm). Ég hefði persónulega ekki púað á Owen, en ég skil þó ágætlega þá, sem það gerðu. Það er ekki einsog Owen hafi verið alsaklaus í þessu máli öllu, því hann lét samninginn sinn renna út og fór svo til Real til að vinna titla.

Hins vegar er Owen búinn að taka út sína refsingu fyrir þá heimsku. Það er nógu slæmt að hann hafi þurft að horfa á Istanbúl leikinn í sjónvarpinu, heldur þarf hann núna að spila með Newcastle. Maðurinn hefur þurft að þjást nógu mikið.

Jæja, menn voru ekki fyrr búnir að kyngja jólasteikinni að þeir hentu af sér rauðu húfunum og silkihönskunum og hófust handa við að gera Liverpool lífið leitt. Eða reyna það, allavega. Freddy Shepherd er t.d. brjálaður út í Rafa Benítez, sem *vogaði* sér að segja í síðustu viku að hann vildi ekki útiloka það að Michael Owen kæmi aftur til Anfield í framtíðinni.

Shepherd er ekki sáttur við þessi ummæli og finnst þau bera vott um virðingarleysi og eitthvað slíkt. En hann veit sannleikann jafn vel og við: Rafa gaf bara pólitískt svar við oft spurðri spurningu. Hann var spurður út í Owen og hann sagði einfaldlega, “anything is possible.” Eða eitthvað á þá leið, en þetta var allavega pólitískt svar. Hann sagði ekki, “nei hann kemur ekki til okkar,” og hann sagði heldur ekki “við viljum fá Michael Owen.” Bara að allt væri opið, sem er pólitískt svar við erfiðri spurningu.

Shepherd veit hins vegar vel sem er að þótt hann útvegi Owen 68 nýjum hreinum meyjum í hverri viku og gefi honum jagúar í morgunmat alla daga ársins, þá mun sá knái ekki hika við það í framtíðinni að ganga til liðs við Liverpool, gefist honum færi á því. Með fullri virðingu fyrir Newcastle og Freddy Shepherd, þá er Liverpool einfaldlega betra lið í dag og Owen veit það. Og með rétt tæplega hálfri virðingu fyrir Graeme Souness, þá á hann ekki einu sinni skilið að vera nefndur í sömu andrá og Rafa Benítez.

Shepherd og Owen munu fá vísbendingu #1 um það hvar framtíð Owen liggur síðdegis í dag.

Æjá, og við getum gleymt Nemanja Vidic, miðverðinum hjá Spartak Moskvu. Þrátt fyrir að vera orðaður við alvöru klúbb eins og Liverpool sýndi hann fram á skort sinn á heilastarfsemi og gekk til liðs við Man U … sem þýðir að hann er ekki nógu gáfaður til að spila við hlið Sami og Carra. Þannig að gangi honum vel að berjast við Rio “show me the money!” Ferdinand um sæti.

Jæja, leikur framundan … verður spennandi að sjá.

Já, ég veit að þessi síða fjallar um Liverpool. Og já, ég veit að einhverjir eru pirraðir útaf umfjöllun okkar um Chelsea. En ég bara verð…
Continue reading →

Ahahahahahahahahahahahahaha!

*draga andann djúpt*

Ha ha ha ha hahahahahahahahahahahaaaaa!

[Jose Mourinho tók ekki í höndina á Arsene Wenger eftir leikinn um helgina](http://news.bbc.co.uk/sport1/hi/football/4544682.stm) af því að hann er svo fúll yfir því að Wenger svaraði ekki **jólakorti** frá sér. Þetta er það hálvitalegasta sem ég hef lesið í langan tíma.

Sjáið Shankly fyrir ykkur í fýlu útí annan framkvæmdastjóra af því að hann fékk ekki jólakort frá honum? Eða sjáiði Benitez nenna að standa í svona rugli? En haldið þessu endilega áfram, Arsene og José. Þetta er stórskemmtilegt.

Everton vann gerði jafntefli við Man U [rétt áðan](http://news.bbc.co.uk/sport1/hi/football/eng_prem/4494844.stm). Það þýðir að við erum í öðru sæti núna þegar að Liverpool liðið heldur til Japan. Staðan er því svona:

Chelsea 43
Liverpool 31
Man U 31
Tottenham 27
Bolton 27
Arsenal 26

Semsagt, við erum jafnir Man U en með betra markahlutfall. Og við erum 5 stigum á undan Arsenal. Chelsea er með 12 stiga forskot á okkur, en við eigum leik til góða. Annað sætið er því í okkar höndum.

Jahá, einsog við vorum búin að heimta hér á síðunni, þá var [Rafa kjörinn þjálfari mánaðarins í ensku úrvalsdeildinni](http://icliverpool.icnetwork.co.uk/0500liverpoolfc/0100news/tm_objectid=16465562%26method=full%26siteid=50061%26headline=manager%2dof%2dthe%2dmonth%2djoy%2dfor%2dbenitez-name_page.html).

Að sögn Echo, þá vann Rafael Benitez þennan heiður með nokkrum yfirburðum. Liverpool unnu auðvitað alla leikina í nóvember.

Tilkynnt verður um leikmann nóvember mánaðar seinna í dag og þar koma Steven Gerrard, og varnarþrennan okkar: Pepe, Sami og Carra sterklega til greina.

Á myndinni útskýrir Rafa muninn á sér og öðrum þjálfurum í deildinni.

Annars, þá talar Rafa um hugsanleg leikmannakaup og [hvernig leikmenn hann vilji sjá hjá Liverpool](http://icliverpool.icnetwork.co.uk/0500liverpoolfc/0100news/tm_objectid=16465573%26method=full%26siteid=50061%26page=2%26headline=the%2dend%2dof%2dthe%2dbeginning-name_page.html):

>”The players we need may not be the most expensive in the world. I’m looking for specific types of player,” he explained.

>”I like good professionals, not what some people call ‘star’ players. My idea of a star player may be different to others. When I tell Steven Gerrard I need him to play on the right, and he does this to the best of his ability, that defines him as a star player in my eyes.

>”I don’t like players who only play for themselves. They are selfish. It’s those who understand the needs of the team who are the best.

>”It’s not my idea of a successful team to have one individual as top goalscorer in the league, winning lots of personal awards as his team finishes fifth. There’s no point being the best in a bad team. You want to be the best in a good team and collect trophies.”

Jammmm, vel mælt.

**Uppfært (EÖE)**: Robin van Persie Arsenal [var valinn leikmaður mánaðarins](http://news.bbc.co.uk/sport1/hi/football/teams/a/arsenal/4515002.stm).

Það er svo sem ýmislegt að frétta í dag, og þá eru Wigan-menn duglegir að koma sér í fréttir. Til dæims, þá er Paul Jewell hundfúll út í áhangendur Wigan, sem hafa gerst svo dónalegir að *gagnrýna* leikmenn Wigan-liðsins, sem hefur núna tapað tveimur deildarleikjum í röð:

>”I keep forgetting we are Wigan and we should be top of the league week in and week out,” said Jewell. “But I know some of the supporters are getting a bit anxious because we’ve lost to Arsenal and Tottenham. We’ve slipped to fifth in the league, so we are really panicking.”

Það er ekki hægt að vera ósammála honum. Við erum að tala um nýliða, lið sem var í þriðju deildinni fyrir fjórum árum, og þeir eru í fimmta sætinu, byrjuðu nóvember í öðru sætinu og eru nú þegar nánast öruggir með sæti sitt í deildinni, og í baráttu um Evrópusæti.

Hvernig er hægt að kvarta yfir því? Í fyrra var þetta hálfgerður míní-brandari í Championship-deildinni, en Wigan unnu þá deild nokkuð auðveldlega þrátt fyrir að spila jafnan heimaleiki sína fyrir hálftómu húsi. Wigan-völlurinn er fullur í nær hverri viku, en það er fyrir rúgbý-liðið sem er eitt það besta í Englandi. Knattspyrnuliðið hefur hins vegar ekki unnið sér neitt til frægðar, ekki fyrr en þeir komust upp í Úrvalsdeildina í vor og byrjuðu svo með látum nú í haust.

Og enn, þrátt fyrir frábært gengi, virðast áhangendur liðsins ákveðnir í að sýna hversu slappir þeir eru:

>”Let’s have it right. We’ve lost two games, the first against Arsenal who we pushed all the way in front of 25,000.

>Then we play Tottenham and we lose 2,500 off the gate. How’s that? How does that work?”

Heimaleikur gegn Tottenham Hotspur er greinilega ekki nógu spennandi fyrir “aðdáendur” Wigan, sem eru greinilega vanir einhverju betra í gömlu þriðju deildinni …

Annars, fyrir þá sem ekki vita, þá er Jewell Liverpool-maður í húð og hár, þannig að það verður örugglega sérstök lífsreynsla fyrir hann að leiða lið sitt út á Anfield-völlinn á morgun.

Já, og einn leikmaður Wigan mun aldrei fyrirgefa Rafa syndir sínar. Ég fíla Henchoz og er honum þakklátur, hann og Sami voru frábærir saman í nokkur ár hjá okkur, en Rafa gerði rétt í að láta hann fara. Hann var orðinn of gamall, og Carra var einfaldlega búinn að hirða af honum stöðuna. Henchoz kom alltaf fram af mikilli prúðmennsku þegar hann lék fyrir Liverpool, en virðist ekki geta þagað um það hversu stór og vondur kall Rafa sé eftir að hann fór frá klúbbnum í janúar.

Vonandi verður samt tekið vel á móti honum á Anfield á laugardag. Hann á ekkert minna skilið: frábært fagn og mikið klapp frá The Kop … og svo tvær eða þrjár straujanir frá Carra. Þið vitið að það mun gerast … ;)

Það segir sína sögu að maður sem lék allan sinn (alltof stutta) feril á Englandi fyrir Man U skuli komast upp með að vera kallaður “fimmti Bítillinn.” Í raun segir það allt sem segja þarf um þann gríðarmikla missi sem enska knattspyrnan – og fótboltaunnendur almennt, urðu fyrir í dag þegar George Best lést, 59 ára gamall.

Fyrir um ári síðan lést Emlyn Hughes, fyrirliði gullaldarliðs Liverpool, og það fráfall var syrgt af öllum unnendum enskrar knattspyrnu. Og nú ári síðar verður það sama gert fyrir Best, sem þrátt fyrir að hafa leikið fyrir Man U og verið kenndur við Bítlana (þvílík ósvífni!) þá verður það að segjast, sem Liverpool-aðdáandi, að Best er einn besti leikmaður sem ég hef séð á velli. Ég var vitaskuld ekki fæddur þegar hann lék á stóra sviðinu með United, en hef eins og flestir knattspyrnuunnendur séð ótal svipmyndir frá ferli hans, og hann var ótrúlega góður.

Það sorglegasta við þetta allt saman er það hversu illa fór fyrir honum að lokum. Hann hætti að spila 27/28 ára, týndi sér alveg í alkóhólisma og peningavandræðum og lést svo í dag, 59 ára, lítandi út eins og sjötugur maður. Það er langur vegur frá hinum unga og stórglæsilega Best sem heillaði Bretlandseyjarnar á sjöunda áratugnum.

Það er svo ótrúlegt að enn þann dag í dag er til fólk sem viðurkennir ekki alkóhólisma sem sjúkdóm, fólk sem talar illa um menn eins og Best og segja að hann hafi verið heimskur að drekka frá sér allt vit og sóa þeim hæfileikum sem hann hafði. Auðvitað er það kjaftæði, þetta er sjúkdómur og hann gerir ekki upp á milli manna frekar en heilaæxlið sem felldi Emlyn Hughes.

Það verður pottþétt haldin mínútuþögn á öllum völlum Englands á morgun og er það vel. Einn besti leikmaðurinn í sögu ensku knattspyrnunnar er fallinn frá og þótt hann hafi verið United-maður finnst mér við hæfi að við Púllararnir vottum honum líka virðingu.

George Best – R.I.P.

Ok maður lítur stundum á lið vikunnar á hinum ýmsum miðlum til að sjá hverjir eru að standa sig vel almennt í deildinni. Ekki veit ég eftir hverju þessir miðlar fara, hvort það hrein tölfræði eða huglægt mat hins vegar er ljóst að ef maður ber saman lið vikunnar hjá nokkrum netmiðlum þá er ekki mikið samræmi.
[BBC lið vikunnar](http://news.bbc.co.uk/sport1/shared/spl/hi/football/squad_selector/team_of_the_week/html/ss_team.stm). Þar eru þeir Reina og Zenden.
[Sky Sports](http://home.skysports.com/list.asp?hlid=326576). Þar er Hyypia.
[ESPNsoccernet.com](http://soccernet.espn.go.com/feature?id=349713&cc=5739). Þar er Peter Crouch.
[Premierleague.com](http://www.premierleague.com/fapl.rac?command=forwardOnly&nextPage=teamOfTheWeek). Þar er Steven Gerrard.

>>Everton skíta á sig … Moyes er harmi sleginn … lægsti punktur ferils hans … Everton-aðdáendur í þunglyndiskasti … þeir fengu ekki einu sinni að styðja liðið!!!

Ég veit að Einar Örn var búinn að segja þetta í vor, en ég verð að endurtaka það, því furða mín er orðin algjör í kvöld: Hvernig í andskotanum gátum við endað fyrir neðan þetta lið í deildinni???

Í alvöru. David Moyes, sem ég hef reyndar hitt í Skotlandi og er fínasti náungi, sagði í vor að þessi tvö stig sem þeir höfðu á okkur eftir 38 umferðir sönnuðu svo ekki væri um villst, að Everton væru laaangbesta liðið í Liverpool-borg.

Og í dag hafa þeir fallið út úr forkeppni Meistaradeildarinnar, eru á leiðinni út úr Evrópu eins og hún leggur sig, og eru þegar búnir að tapa tveimur leikjum í Úrvalsdeildinni.

En hvað er ég að blaðra um Everton? Látum sjérfræðíngínn um þetta, gefum Moyes sjálfum orðið:

>”I can’t give you an explanation.”

Hann getur ekki útskýrt þetta, ég get ekki útskýrt af hverju þeir enduðu fyrir ofan okkur í vor, það virðist ekkert í heimi hér meika sens!

Sem betur fer er heimurinn hættur að standa á haus, allt er nú eins og það á að vera … og Mersey-áin er aftur bara heimili eins góðs knattspyrnuliðs. Og þeir spila ekki í bláu! :D

p.s.
Ég er núna búinn að skrifa hálfgerðar níð-greinar um bæði Man U og Everton á innan við sólarhring. Ég er, skiljanlega, í fokking himnaríki hérna … út á þetta gengur stuðningur við Liverpool FC, að gleðjast yfir óförum erkifjendanna!?! Er það ekki annars … ?

Jæja, seinni leikdagur Meistaradeildarinnar kláraðist í kvöld og nú fara liðin aftur að snúa sér til heimahaga. Fyrir okkar menn þýðir það bara eitt: Man U á sunnudaginn!

Í fyrra unnu United-menn okkur bæði heima og úti; á Old Trafford misstum við Steven Gerrard útaf með meiðsli og í seinni leiknum á Anfield þurftum við að leika án Xabi Alonso, Djibril Cissé og beggja hægri bakvarða okkar, Josemi og Steve Finnan.

Nú virðist sem United-menn fái hugsanlega að kynnast því hvernig var að vera í okkar sporum í fyrra. Fyrir leik kvöldsins gegn Villareal meiddist Roy Keane fyrirliði, og verður víst frá í nokkrar vikur. Í kvöld missti Wayne Rooney stjórn á skapi sínu, aðra vikuna í röð, og fékk rautt spjald fyrir. Og það aðeins viku eftir að hafa rifist við dómarann, samherjana og áhorfendur í leik gegn N-Írlandi, og svo slegist við David Beckham í búningsklefanum í hálfleik.

Og næsti leikur Wayne Rooney er gegn Liverpool á Anfield, þar sem hann mun fá talsvert mikið af upphrópunum, frammíköllum og almennu mótlæti. Glæsilegt … á maður ekki bara að hringja í veðbankana og setja 10 pund undir á að hann fái rautt á sunnduaginn?

Til að gera málin síðan enn verri fyrir rauðu djöflana var Gabriel Heinze borinn útaf meiddur í kvöld, og eftir leikinn staðfesti Alex Ferguson að hann verði líklegast frá í nokkrar vikur.

Sem sagt, United án Roy Keane og Gabriel Heinze í næsta leik? Það þýðir að þeir munu stilla upp nokkurn veginn þessu liði hér:

Sko … það er enginn í þessari vörn þarna sem getur haldið Peter Crouch út úr leiknum, og því síður einhver sem getur tekið Djibril Cissé á sprettinum. Og ætlið þið að segja mér að Paul Scholes, Darren Fletcher og Alan Smith geti tekið Steven Gerrard, Xabi Alonso og Momo Sissoko/Didi Hamann í miðjubaráttunni?

Og á Rooney, í reiðiskasti, að hafa eitthvað í Carra og Sami að gera?

Auðvitað geta United gert okkur skráveifur í þessum leik, sérstaklega er ég hræddur við að Cristiano Ronaldo taki það að sér að vinna leikinn fyrir þá einsamall … en ég kemst samt ekki hjá því að hugsa með mér að við fáum sjaldan eða aldrei jafn góðan séns á að vinna Man U !!

Maður á ekki að gleðjast yfir óförum annarra, og eflaust segja einhverjir að þessi færsla muni koma í bakið á mér á sunnudaginn, en mér er sama. Við erum á leiðinni í stríð við okkar hötuðustu óvini, ég er þegar búinn að stofna til deilna við þá tvo samstarfsaðila mína sem halda með Man U (og senda einum frænda hate-mail) og því finnst mér sjálfsagt að peppa mína menn upp með fréttum af því að fyrirliði þeirra (Keane), besti leikmaður síðasta tímabils (Heinze) og heili stórstjörnunnar þeirra (Rooney) verði allir fjarri góðu gamni á sunnudaginn kemur!

Game on…

Þessi mynd verður aldrei gömul! :-D

Ég veit ekki með ykkur, en ég er að verða verulega spenntur fyrir umferðinni um helgina. Mér finnst frekar óvenjulegt hvað ég er orðinn spenntur, reyndar, þar sem þessi leikur gefur kannski ekkert sérstakt tilefni til. Ég meina, tímabilið er rétt að hefjast og því ekkert um neina örlagastund að ræða, og það er ekki eins og Tottenham séu einhverjir erkifjendur eða neitt slíkt.

Nei, ég held ég sé aðallega svona spenntur vegna þess að við erum að fara að spila við svo skemmtilegt lið. Tottenham-liðið hefur verið á uppleið síðustu misseri og ég viðurkenni það fúslega að fyrir utan Liverpool þykir mér Tottenham, ásamt kannski Arsenal, einfaldlega spila skemmtilegasta boltann í deildinni í dag. Þannig að ég hlakka til að sjá mína menn berjast við Defoe, Keane, King, Reid, Davids, Carrick, Young-Pyo og félaga á laugardaginn kemur.

Þetta má síðan að miklu leyti þakka einum manni, Martin Jol, sem er einhver viðkunnalegasti framkvæmdarstjóri sem ég man eftir að hafa séð. Það er hreinlega óhugsandi að einhverjum líki illa við þennan gæja, hann er eins og frændinn sem gefur manni alltaf sleikjó þegar hann kemur í heimsókn. Alltaf brosandi, hlýleg rödd, bangsalegt útlit (lesist: John Candy) og skemmtileg svör við spurningum blaðamanna.

Nú tjáir Jol sig um leikinn við Liverpool sem framundan er, og hefur meðal annars þetta að segja um Liverpool-liðið:

>”Looking back to the Champions League final in May, I thought it was going to be a disastrous final, maybe the worst for a team ever. It was 3-0 and I thought it might be five or six at the end. They came back, I don’t think they did anything particularly differently but they had Steven Gerrard and he is a top class player – the best midfielder in England.

>…

>Liverpool have another piece of silverware now with the Super Cup and Rafa Benitez is doing well for them. The league is different and they know that, they had a difficult season last time but are getting better and better. They have made some good signings and are team who can easily finish in the top three in England.”

Hann fer sem sagt fögrum orðum um okkar menn, Rafa Benítez og minnist úrslitaleiksins í Istanbúl. Þá talar hann um að Xabi Alonso og Steven Gerrard séu þeir leikmenn Liverpool sem Tottenham þurfi helst að passa (vonandi gleymir hann að reikna með Sissoko :D ) … Þetta er fínn pistill hjá Jol, mæli með að allir lesi hann.

Annars er það helst í fréttum að Fernando Morientes er ekki eins illa meiddur og óttast var fyrst. Vöðvinn rifnaði ekki alveg þannig að hann ætti að vera orðinn klár í slaginn fyrir leikinn gegn Man U eftir rúma viku – en hann missir pottþétt af Tottenham-leiknum um helgina og Real Betís í næstu viku.

p.s.
Tölvan heima hjá mér hefur verið biluð í 2 vikur núna og ég því bara getað uppfært í vinnunni, sem þýðir að ég hef ekki getað uppfært eins oft og ég hefði viljað. Ég biðst afsökunar á þessu, en þar sem þetta er núna komið í lag lofa ég að verða duglegri að uppfæra á næstunni. Það eru stórir leikir framundan hjá okkar mönnum, næstu 10 dagar geta haft ansi stór áhrif á það hvernig haustið spilast hjá okkur! :)

p.p.s.
Eins og lesendur þessarar síðu vita, þá er Einar Örn á ferð og flugi um Mið-Ameríku næsta mánuðinn í sannkölluðu draumafríi. Hann skrifar svo reglulega ferðasögur á sína eigin síðu, og þar sem ég veit að hann færi aldrei að plögga þetta sjálfur hérna inni fannst mér sjálfsagt að ég bendi mönnum á þetta. Pistlarnir hans frá Mið-Ameríku eru ótrúlega skemmtilegir, frábær lestur fyrir þá sem eru forvitnir um þann heimshluta og/eða ævintýri Einars. Kíkið á það.

Í liði vikunnar [á Soccernet](http://soccernet.espn.go.com/feature?id=340985&cc=5739) eru þrír fyrrverandi Liverpool leikmenn. Það er ágætis árangur. Danny Murphy (sem er að ég held búinn að vera í liðum vikunnar allar vikurnar í ár), Emile Heskey (!!!) og Milan Baros.

Í lið vikunnar hjá BBC komast [tveir fyrrverandi Liverpool menn](http://news.bbc.co.uk/sport1/shared/spl/hi/football/squad_selector/team_of_the_week/html/ss_team.stm): Milan Baros og Emile Heskey. Þeir báðir komast svo líka í lið [vikunnar á Sky](http://skysports.planetfootball.com/list.asp?hlid=302369&CPID=&clid=&channel=football_home). Hvað er eiginilega málið?

Hérna eru lið vikunnar í enska boltanum:

[Soccernet](http://soccernet.espn.go.com/columns/story?id=339261&root=england&cc=5739)
[BBC](http://news.bbc.co.uk/sport1/shared/spl/hi/football/squad_selector/team_of_the_week/html/ss_team.stm)

Það góða við þetta er að herra Meiðsli, Chris Kirkland er í liðum vikunnar hjá báðum netmiðlum (og hann var líka í liðinu hjá Sky, en ég finn það ekki núna). Steven Gerrard er svo í BBC liðinu.

John nokkur Nicholson [ræðir](http://www.football365.com/opinion/john_nicholson/story_159467.shtml) það hvað spádómar í upphafi tímabils geta verið heimskulegir við lok þess. T.d. hafi Liverpool gert hann að algjöru fífli í fyrra þegar þeir unnu meistaradeildina. En hann telur að Liverpool eigi góða möguleika á að blanda sér að alvöru í toppbaráttuna í vetur.

… bretinn hefur húmor og hérna eru nokkur comment um leikmenn, þjálfara og lið sem áhugavert og fyndið er að lesa. [Partur 1](http://www.football365.com/opinion/f365_opinion/story_159132.shtml) og [partur 2](http://www.football365.com/opinion/f365_opinion/story_159244.shtml).
M.a. er rætt um kaupin á Crouch:

Yet there is more to Crouch than an obvious advantage in the air. He has a first touch that would be proudly boasted by a midget, never mind someone the size of Everest.

Mikið vona ég mikið að Crouch standi sig með Liverpool.

Í The Guardian [fjalla](http://football.guardian.co.uk/News_Story/0,1563,1544076,00.html) stuðningsmenn allra liðanna í úrvalsdeildinni um sín eigin lið. Tala m.a. um í hvaða sæti þau lenda og hvaða lið og leikmenn þeim er illa við.

Það er aðeins einn stuðningsmaður sem spáir Liverpool titlinum og styður hann Man. City. Þeir leikmenn sem flest lið hata eru þeir Craig Bellamy og Robbie Savage… ég þoli t.d. ekki vælið í O’Leary sem og Souness. Hvað leikmenn varðar þá er enginn Adams eða Keown lengur til pirra sig yfir, sjáum til hvað gerist í vetur.

Ensku blöðin birta í sunndagsútgáfunum upphitun fyrir ensku deildina, sem byrjar um næstu helgi. The Times taka fyrir [öll liðin hér](http://www.timesonline.co.uk/section/0,,2093,00.html) og sjá svo samantekt [hér](http://www.timesonline.co.uk/article/0,,2093-1724084,00.html). Það kemur svo sem engum á óvart að Times spá Chelsea öruggum sigri og svo verði Arsenal, Man U og Liverpool á eftir þeim. Semsagt, einsog á síðasta tímabili.

Umfjöllunin um [Liverpool er hér](http://www.timesonline.co.uk/article/0,,2093-1724265,00.html).

Ég var að enda við að horfa á Chelsea vinna Benfica 1-0 í einhverjum sýningar/vináttuleik á heimavelli þeirra síðarnefndu, og það var bara ein hugsun sem sat í mér allan leikinn:

Við getum unnið þetta Chelsea-lið!

En í alvöru. Ég er alveg á þeirri skoðun að við séum ekki með verra lið en Chelsea, ekki síst ef við fáum Figo til liðs við okkur og einn góðan miðvörð. Við getum tekið þetta lið. Það eru svo sem ekki þeir sem við þurfum að hafa áhyggjur af á næsta tímabili – við hefðum getað unnið báða leikina gegn þeim í deildinni og þeir hefðu samt orðið 25 stigum á undan okkur og samt orðið meistarar – heldur þessi hérna lið:

Middlesbrough, Bolton, Fulham, Tottenham, Manchester City, West Bromwich Albion, nýliðar Wigan, West Ham og Sunderland.

Og, að sjálfsögðu, Everton. Við megum ekki tapa fyrir þeim á næstu leiktíð, það bara má ekki gerast!

Allavega, ég var sem sagt að horfa á Chelsea spila í kvöld og, þótt nýji búningurinn þeirra sé mjög flottur, finnst mér við eiga vel að geta tekið þetta lið í deildinni á komandi mánuðum. Ef Rafa getur lokað fyrir þessi óþarfa töp gegn liðum sem eiga að vera miklu verri en við verðum við talsvert mikið nær “þremur efstu” í vetur en fólk heldur.

Við getum alveg tekið þetta. Djöfull er ég að verða spenntur, ágústmánuður getur ekki komið nógu fljótt!!! ;)

Eitt af því góða við Rafael Benitez er að hann er ekki sínöldrandi í fjölmiðla útaf óréttlæti þessa heims. Þetta sást best þegar að Liverpool átti í sem mestum meiðslavandræðum á síðasta tímabili.

Hjá Lundúnarliðunum stóru eru hins vegar menn, sem hefja væl uppá næsta stig. Mourinho er byrjaður að væla útaf leikjaplaninu (samkvæmt honum er allur heimurinn sífellt að leggjast gegn honum). Wenger finnur sér svo alltaf eitthavð nýtt til að væla yfir. Síðast var það hversu mikla peninga Chelsea eiga. Ætli hann komi ekki næst og væli útaf brotthvarfi Patrick Vieira.

Í kjölfar frétta af þeim félögum, [Mourinho](http://news.bbc.co.uk/sport1/hi/football/teams/c/chelsea/4675879.stm) og [Wenger](http://news.bbc.co.uk/sport1/hi/football/teams/a/arsenal/4669433.stm), þá ákvað ég að skella upp smá könnun.

Og kjósið nú!

Jæja, listinn yfir leiki vetrarins í enska boltanum er kominn. Ekki byrjar tímabilið vel, því í fyrsta leik förum við á Riverside að spila við Middlesboro, þar sem við höfum oft tapað.

Official heimasíðan er með [lista yfir alla leiki vetrarins](http://www.liverpoolfc.tv/news/drilldown/N149153050623-1000.htm)

Fyrsti stórleikurinn er gegn Arsenal á Anfield, 27.ágúst, Man U kemur á Anfield 17.september og Chelsea 1.október. Þannig að í fyrstu átta umferðunum þá spilum við við Chelsea, Man U og Arsenal, öll á Anfield. Það verður fjör

Athyglisverð grein í International Herald Tribune um [Chelsea og óheiðarlegar aðferðir þess liðs](http://www.iht.com/articles/2005/06/05/sports/CHELSEA.php). Hegðun þeirra í máli Ashley Cole og Frank Arnesen ætti svosem ekki að koma neinum á óvart, þar sem að yfirmönnum liðsins virðist vera nokk sama þótt þeir dragi orðspor liðsins niðrí svaðið. Einsog nokkrir Liverpool aðdáendur á Anfield bentu á, þá geta menn ekki keypt klassa.

Einn góður punktur, sem við Liverpool menn könnumst vel við:

>Chelsea appears to have no regard for the sport’s rules or for its reputation at home and abroad. It wants something, or someone, so it takes them, and Abramovich will pay the fines if his lawyers cannot argue ways out of them.

>…

>Even if Chelsea fails to lure the players, the effect is to destabilize rivals. Worse, it contaminates the very basis of the league to which Chelsea, the runaway English champion, belongs.

Þetta seinna er einmitt mikilvægur punktur, því tilgangur Chelsea með aðferðum sínum er ekki bara að lokka leikmenn (einsog t.d. Steven Gerrard) til liðsins, heldur einnig að setja allt á hvolf hjá félögum, sem eru í samkeppni við Chelsea. Þetta er nákvæmlega það sem gerðist hjá Liverpool síðasta sumar og Gerrard hefur sjálfur viðurkennt að þetta stanslausa Chelsea slúður hafi haft veruleg áhrif á frammistöðu hans á tímabilinu.

>Even lifelong Chelsea fans ask why their club, having reached the pinnacle of English soccer for the first time in 50 years, disregards public perception.

>It could be that the fines are flicked off like dandruff by an owner whose $14.7 billion wealth from Russian oil earns more in a day than the league dare fine him in a year. The haste to win things, to buy trophies, might also have its roots in the jailing of fellow oligarch Mikhail Khodorkovsky.

>Abramovich is governor of two estates – the remote province of Chukotka, and Chelsea in chic west London. Russians in high places are asking why he spends more time and seemingly more money in London than in Siberia. Time may not be on his side.

Það er svo sem erfitt að skrifa um Chelsea án þess að báðir Chelsea aðdáendurnir á Íslandi gagnrýni mann og kalli mann öfundsjúkan útí gengi Chelsea (þrátt fyrir að liðið mitt sé nú Evrópumeistari), en það er alveg ljóst að eitthvað mun gerast varðandi Chelsea á næstu árum. Að mínu mati gengur það ekki að milljónamæringar útí heimi geti gjörbreytt landslagi knattspyrnunnar með peningum sínum.

“Já, en Manchester United hafa vaðað í peningum öll þessi ár” segja Chelsea aðdáendur þá á móti. Málið er einfaldlega að á þessum tveim liðum er grundvallarmunur. Manchester United hefur byggt upp stórveldi með aðstoð aðdáenda sinna og með því að fjárfesta vel. Liðið hefur smám saman stækkað og þegar árangurinn hefur verið góður hefur liðið nýtt sér aukið fjármagn til að fjárfesta skynsamlega í leikmönnum og til að styrkja viðskiptahlið liðsins.

Chelsea var hins vegar gjaldþrota lið, sem var bjargað með illa fengnum olípeningum frá Rússlandi. Þar er það ekki traustur hópur aðdáenda eða stjórnenda, sem byggir liðið upp, heldur einungis stanslaust flæði af utanaðkomandi peningum.

Það er einungis tímaspursmál þangað til að annar Abrahamovits kemur inní enska boltann og umbyltir öllu aftur. Eigum við að leyfa því að gerast? Hvað verður um vel rekin lið einsog Arsenal, Man U og Liverpool? Munu þau þurfa að treysta á að fá sinn eigin milljarðamæring til að dæla pening inní liðið?

Í landi milljarðamæringanna, Bandaríkjunum, geta milljarðamæringar keypt sér lið í öllum íþróttum. Þannig keypti Mark Cuban, internet milljarðamæringur, Dallas Mavericks og Paul Allen, Microsoft maður, keypti Portland Trailblazers. Hvorugur þeirra getur hins vegar dælt peningunum sínum stanslaust í liðin sín einsog Roman getur gert hjá Chelsea. Ástæðan er sú að launaþak er á öllum atvinnumannadeildunum. Ef það væri ekki, þá myndu allar íþróttir í Bandaríkjunum verða að nokkurs konar tafli milli milljarðamæringa, þar sem sá ríkasti myndi nær alltaf vinna.

Það er einungis tímaspursmál þangað til að eitthvað verður gert í fótboltanum, því þróunin getur ekki haldið svona áfram. Er það til dæmis eðlilegt að Liverpool og Chelsea séu með [jafnháan launareikning árið 2003](http://news.bbc.co.uk/sport1/hi/football/4071136.stm) en að árið 2004 sé Chelsea komið með 110% hærri laun en Liverpool? Chelsea gæti auðveldlega tvöfaldað launin aftur, án þess að Roman myndi taka eftir því. Er þetta það, sem við viljum sjá?

Auðvitað snýst fótboltinn um peninga í dag og hann hefði gert það með eða án Roman Abramovich. En það var hins vegar lögmál að ef að liðin voru illa rekin (einsog t.d. Leeds), þá fóru fjármálin á endanum í rugl á meðan að vel reknu liðin (Man U, Arsenal og Liverpool) náðu góðum árangri. Ef að við leyfum þróuninni að halda svona áfram, þá skiptir það engu máli hvaða lið er vel rekið, heldur einungis hversu ríkur og athyglissjúkur eigandi liðsins er. Það er slæm þróun, sama hvaða liði við fylgjum.

Það er ekki oft, sem ég hef samúð með Manchester United mönnum. Reyndar man ég ekki hvenær það hefur gerst.

En við hljótum að geta verið sammála um að [þetta](http://news.bbc.co.uk/sport1/hi/football/fa_cup/4558271.stm) var náttúrulega brandari.

Jæja, þá er maður kominn heim úr helgarfríi. Liðið okkar endaði á sigri og Cissé fullkomnaði öskubuskusögu sína með tvennu, sem boðar bara góða hluti fyrir næstu viku þegar við mætum AC Milan í Istanbúl. Eins og komið hefur fram hér mun Einar fara út á leikinn á meðan ég horfi á hann heima í sjónvarpinu eins og þið hin. Einar = fáviti, ég = saklaust fórnarlamb … og því mun ég áskilja mér rétt til að vera fúll og pirraður út í Einar alla þessa viku! ;)

En allavega, við fengum þá hugmynd að velja okkar lið ársins í ensku Úrvalsdeildinni fyrir tímabilið 2004/05. Hér kemur minn skammtur, Einar bætir svo sínu liði við. Ég ákvað að velja enga Liverpool-menn í mitt lið, einbeita mér frekar að öðrum liðum í deildinni í þetta sinn, en annars hefðu Carragher, Finnan, Alonso og García alveg getað verið í svona liði ársins að mínu mati. En að Liverpool-liðinu undanskildu, þá er þetta 11-manna súperlið Úrvalsdeildarinnar fyrir nýafstaðinn vetur. Leikkerfið er 4-4-2, þannig get ég valið tvo menn í hverja stöðu:

Leikmaður ársins: Frank Lampard, Chelsea.
Efnilegastur: Francesc Fabregas.
Þjálfari ársins: David Moyes, Everton.

Þetta lið finnst mér vera nokkuð augljóst, allavega fannst mér mjög auðvelt að velja bestu mennina í ár. Petr Cech var yfirburðamarkvörður í ár, en annars voru þeir Paul Robinson hjá Tottenham og Gabor Kiraly hjá Crystal Palace góðir.

Chelsea-vörnin var yfirburðavörn í ár en ég er samt ekki nógu hrifinn af Paulo Ferreira, og Wayne Bridge spilaði ekki nóg í vetur til að teljast með. Þá hef ég aldrei fílað Ricardo Carvalho nógu vel, ákvað þess í stað að velja William Gallas með John Terry í vörnina. Gallas er að vissu leyti Carragher-týpa þeirra Chelsea-manna, hann er fjölhæfur og sinnir jafnan þeirri vinnu sem ætlast er til af honum. En hann fær aldrei nógu mikið hrós fyrir frammistöðu sína, að mér finnst, og því ákvað ég að velja hann í þetta lið.

Á hægri kantinn setti ég Shaun Wright-Phillips hjá Manchester City, en mér finnst hann hafa verið yfirburðakantmaður í deildinni í ár. Þar sem mér fannst enginn vinstri kantmaður standa upp úr í ár, og af því að mig sárvantaði pláss fyrir þriðja miðjumanninn, setti ég þar Francesc Fabregas – kaup ársins og án efa leikmaður ársins hjá Arsenal. Hann hefur verið frábær og það er ótrúlegt að hugsa til þess að hann sé enn bara 18 ára gamall. Spánverjar eru heppnir að geta byggt upp landslið í kringum hann og Xabi Alonso á miðjunni.

Þeim við hlið eru Frank Lampard – leikmaður ársins í deildinni að mínu mati – og Tim Cahill, sem er eini leikmaður Everton sem ég væri til í að sjá hjá Liverpool. Ég tel Gerrard enn vera miklu betri en báðir þessir leikmenn, en hins vegar hefur form fyrirliðans okkar valdið vonbrigðum í vetur á meðan þessir tveir – og þá sérstaklega Lampard – hafa blómstrað.

Frammi eru sjálfvaldir hættulegustu framherjar deildarinnar, sem þó eru mjög ólíkir. Andy Johnson bar einn ábyrgð á því að Crystal Palace áttu yfirhöfuð séns á að bjarga sér frá falli á sunnudag, án hans hefðu þeir verið löngu fallnir. Og Thierry Henry sannaði það enn og aftur í vetur, þrátt fyrir að hafa hægar um sig en venjulega, að hann er besti framherjinn í Úrvalsdeildinni. Þó ber ég þá von að Djibril Cissé gæti stolið þeirri tign af honum á næstu árum ;)

Þjálfari ársins, þar kemur bara einn til greina. Á meðan José Mourinho fékk allt upp í hendurnar, Arsene Wenger var með meistaralið á sínum snærum og Alex Ferguson gleymdi að kaupa miðjumann þurfti Moyes að keppa við ótrúlegan mótbyr. Rooney fór í upphafi tímabils og Gravesen í janúar, liðið var á barmi gjaldþrots sl. sumar og spáð falli. En hann fór með þetta lið – þetta ömurlega slappa Everton-lið – alla leiðina í 4. sætið í ár, sem er stórkostlegur árangur. Þegar litið er á hversu lélegt þetta lið er á pappírnum finnst mér ljóst að afrek Moyes er ennþá merkilegra fyrir vikið!

Þannig var nú mitt val.

**Viðbót (Einar Örn)**: Jammmmm… Svona er mitt lið. Ég byrja með Roy Carroll í markinu… nei djók.

Leikmaður ársins: Frank Lampard, Chelsea
Efnilegastur: Francesc Fabregas, Arsenal
Þjálfari ársins: Jose Mourinho, Chelsea

Ég lenti í mesta baslinu með miðvörð númer tvö, hægri bakvörð og annan framherjann. Ég hefði í raun valið Finnan og Carragher í vörnina, þar sem mér finnst þeir hafa verið frábærir og svo er ég ekki alveg sannfærður um getu Andy Johnson. Vissulega hefur hann skorað og skorað, en ég er ekki alveg viss um hann. En hins vegar, þá fyrir utan hann og Thierry Henry, þá skoraði [enginn framherji fleiri en 13 mörk í vetur](http://uk.sports.yahoo.com/football/fapremiership/scorer.html), sem er með hreinum ólíkindum. Robert Pires og Frank Lampard skora meira en þeir framherjar, sem koma á eftir Johnson og Henry. Johnson skoraði 8 mörkum fleiri en næsti framherji og því hlýtur hann að vera í liðinu.

Líkt og Kristján ætla ég að leyfa mér smá hringl líka með vörnina og setja Gallas í vitlausa bakvarðarstöðu, einfaldlega vegna þess að hann og Heinze hafa verið miklu betri en nokkur hægri bakvörður í deildinni. Ég tel að Robert Pires eigi erindi í liðið, sem og Robben og því erum við alveg ósammála um kantmennina. Ég vel einnig Makalele í staðinn fyrir Cahill.

Við erum sammála um mann deildarinnar og þann efnilegasta, en ósammála um þjálfarann.

Við ætlum að bíða með að tilnefna leikmenn ársins hjá Liverpool þangað til *eftir* úrslitaleikinn í Meistaradeildinni, sem Kristján mun einmitt horfa á í Hafnarfirði.

Ekki það að ég hafi sérstakan áhuga á eignarhaldi Man U, en Malcolm Glazer er núna [búinn að eignast ráðandi meirihluta í liðinu](http://news.bbc.co.uk/2/hi/business/4540939.stm). Ástæðan fyrir kaupunum samvkæmt BBC: “to exploit the strength of the Manchester United **brand** in the US”. Feitletrun mín.

Everton [tapaði í kvöld](http://news.bbc.co.uk/sport1/hi/football/eng_prem/4528611.stm) fyrir Arsenal

**SJÖ – NÚLL**

Hvað erum við að gera fyrir neðan þetta lið í deildinni?

Svo að umfjöllun okkar um Skjá Einn verði ekki of einhæf, þá verð ég að koma því á framfæri að umfjöllun Skjásins um enska boltann hefur verið til fyrirmyndar í vetur. Það að hafa þetta ókeypis hefur ekki sparað mér neinn pening (þar sem ég er með Sýn, sem hefur ekki lækkað í verði), en vissulega hefur þetta verið frábært fyrir marga fótboltaunnendur.

Takk fyrir það.

En núna hefur Skjár Einn tilkynnt það að á næsta ári verði enski boltinn í áskrift í gegnum Breiðbandið. Þetta vissum við náttúrulega og það sáu allir að boltinn var bara ókeypis vegna þess að dreifikerfið var ekki tilbúið undir áskriftarsjónvarp.

Þetta þýðir þá að til að fylgjast með Meistaradeildinni og enska boltanum, þá þurfa menn að borga tvær stöðvar og vera með tvo afruglara á sínu heimili.

Á stöðinni, sem Skjár Einn ætla að reka virðist ekki eiga að vera neitt efni fyrir utan enska boltann. Ég veit ekki hvað ég ætla að gera. Ætli besti kosturinn sé ekki einfaldlega að fá sér gervihnött. Í þeim pakka fær maður bæði ITV (Meistaradeildin) og Sky (enski boltinn). Það er náttúrulega fáránlegt ástand á Íslandi að þessar sjónvarpsstöðvar geti ekki komið sér saman um dreifingu á efni.

Jæja, þá er orðið opinbert það sem við höfum öll vitað síðustu 6 mánuðina eða svo. Með 2-0 sigri á Bolton í dag eru Chelsea orðnir Englandsmeistarar árið 2005. Mig langar til að óska Chelsea-stuðningsmönnum til hamingju, og að sjálfsögðu gleðjast flestir Íslendingar yfir því að Eiður Smári er í þessu liði. Til hamingju Chelsea-menn, þið áttuð þetta skilið. Njótið vel, mínir menn munu reyna að skemma fyrir ykkur gleðina á þriðjudag ;)

Og fyrir ykkur sem pirrið ykkur yfir velgengni Chelsea vill ég bara segja eitt: það voru þó allavega ekki Man U sem að unnu þetta í ár :)

John Terry var í kvöld valinn leikmaður ársins af leikmönnum Úrvalsdeildarinnar fyrir veturinn 2004/05. Hann hafði betur í kosningu en hinir útnefndu leikmennirnir: Petr Cech og Frank Lampard hjá Chelsea, Thierry Henry hjá Arsenal, Andy Johnson hjá Crystal Palace og okkar eigin Steven Gerrard.

Hvað getum við Púllarar annað gert en óskað Terry og Chelsea-stuðningsmönnum til hamingju? Þeir eru margir leikmenn Chelsea sem hafa blómstrað í vetur og þetta er vissulega þeirra ár – allavega hingað til, við breytum því vonandi á miðvikudag :) – en ég held það geti enginn mótmælt því að John Terry hefur einfaldlega staðið upp úr. Hann er sennilega búinn að vera besti varnarmaður í Evrópu í vetur, í fullri alvöru, og er leitun að öðrum eins leiðtoga á velli og honum. Vissulega gæti fyrirliðinn okkar, sem einnig var tilnefndur, lært eitthvað af því að sjá hvernig Terry og Jamie Carragher, sem hefði frekar átt að vera tilnefndur en SG að mínu mati, leiða lið sín á vellinum í orði og verki. En allavega, réttur maður vann þetta í ár og var það verðskuldað.

Í öllu furðulegra vali var Wayne Rooney valinn efnilegasti leikmaður deildarinnar í sömu kosningum í kvöld. Það skil ég ekki. Ég hefði valið Arjen Robben eða Shaun Wright-Phillips fram yfir hann hvenær sem er – jafnvel Jermain Defoe. Þessir þrír hafa allir verið miklu, miklu betri en Rooney í vetur að mínu mati og ef Robben hefði ekki misst úr mikinn hluta í vetur vegna meiðsla hefði hann örugglega tekið þessi verðlaun. En svona getur þetta verið skrýtið.

Þá langaði mig fyrir háttinn að benda á góða grein um Andy Johnson, sem einnig var tilnefndur í kvöld og skoraði sitt 20. mark í deildinni gegn okkur í gær: AJ leads the way.

Þarna fjallar The Insider, góður penni hjá SoccerNet, um frammistöðu AJ gegn Liverpool í gær og veltir því fyrir sér hvort hann sé nógu góður fyrir stóru liðin.

Hvað finnst ykkur? AJ var títtnefndur í sambandi við Liverpool í janúar og sumir vilja meina að hann komi pottþétt til okkar í sumar ef CP falla. Eftir leikinn í gær, þar sem hann skoraði flott mark og var að mínu mati gríðarlega öflugur og gerði varnarmönnum okkar mjög erfitt fyrir, finnst mönnum Andy Johnson vera leikmaður sem gæti bætt framlínuna okkar?

**Uppfært (Einar Örn)** Hérna er [lið ársins](http://news.bbc.co.uk/sport1/hi/football/eng_prem/3569808.stm) og á miðjunni með Frank Lampard er Steven Gerrard. Af einhverjum óskiljanlegum ástæðum er Rio Ferdinand með Terry í vörninni. Það þykir mér skrítið val. Var Rio ekki í banni stóran hluta leiktíðarinnar?

Í liði leiktíðarinnar eru 4 Chelsea menn, 2 Man U, 2 Arsenal menn og einn frá Manchester City, Liverpool og Crystal Palace.

Einnig þá er ég sammála Kristjáni varðandi Wayne Rooney. Held að hann hafi að stóru leyti verið að njóta árangursins af EM í þessu vali. Ef að byggt væri á frammistöðu leikmanna í deildinni, þá hefði ég valið einhvern af hinum, sem voru tilnefndir.

Jæja, þökk sé Kevin Phillips þá töpuðu Bolton tveim stigum í kvöld. Þeir gerðu [jafntefli við Southampton 1-1](http://news.bbc.co.uk/sport1/hi/football/eng_prem/4451293.stm).

Ef að við vinnum Portsmouth og Man U vinnur Everton, sem á í raun að gerast samkvæmt öllu, þá erum við komnir uppí fjórða sæti (reyndar á þá Everton leik til góða á okkur).

Ég er að fara til útlanda á miðvikudaginn. Fyrst til Póllands og svo til Svíþjóðar. Það lendir þannig að næsta laugardag og næsta miðvikudag verð ég í Stokkhólmi.

Því langar mig að vita hvar ég get horft á Liverpool leikina í Stokkhólmi. Veit það einhver? Eru einhverjir Liverpool pöbbar í Stokkhólmi? Ég missi af Portsmouth leiknum og höndla því ekki að missa af hinum leikjunum.

Smá viðbót við síðustu færslu um leikmann ársins. Rafa kemur fram í dag og segir að [Jamie Carragher eigi heima á listanum](http://www.teamtalk.com/teamtalk/News/Story_Page/0,7760,1776_410325,00.html)

>For the PFA award we have Steven in. Sure, he has a chance of winning it but why is Carragher not nominated?

>”Jamie has had a fantastic season, but I want to see him scoring goals. That is my challenge now!

>”I know it is not easy to select a list and when you are winning you have more players included, as Chelsea have. But Jamie is playing very well. He needs to score goals and I will make that work.”

Nákvæmlega!

Ég held því nefnilega fram að munurinn á John Terry og Jamie Carragher og ástæðan fyrir því af hverju Terry fær mun meira hrós en Carra hafi alls ekkert með varnarvinnu að gera, heldur þá einföldu staðreynd að Terry skorar mörg mörk, en Carra ekki. Að mínu mati er það ekki flóknara en svo.

[Takk](http://news.bbc.co.uk/sport1/hi/football/eng_prem/4384253.stm), W.B.A.

Þetta snýst náttúrulega ekkert um Liverpool, en það er bara svo lítið að frétta af því liði. Langaði aðeins að fjalla um annað mál:

Atburðarrás síðustu daga í [máli Anders Frisk](http://footballmsn.skysports.com/list.asp?hlid=262255&CPID=5&CLID=&lid=2&title=Frisk:+Blues+fans+forced+me+out&channel=Football_Home):

* Anders Frisk tekur í höndina á Jose Morinho fyrir leik Barcelona og Chelsea á Nou Camp. Hann gleymir hins vegar að taka í höndina á Frank Rijkaard.
* Í hálfleik tekur Frisk í höndina á Rijkaard.
* Í seinni hálfleik yfirspila Barcelona Chelsea menn
* Frisk gefur Didier Drogba rautt spjald, sem sumir vilja meina að sé *strangur* dómur, en enginn dómari hefur haldið fram að sé rangur dómur
* Chelsea tapar og Morinho fer í fýlu. Hann krefst þess að fá Collina sem dómarar í næsta leik.
* Í stað þess að ræða leik sinna manna, eyðir Mourinho öllum sínum tíma í að kenna dómaranum um niðurstöðu leiksins, þrátt fyrir að Barcelona hafi átt 30 fleiri skot að marki Chelsea.
* Vælið í Mourinho heldur áfram í viku
* Collina er settur sem dómari í seinni leiknum
* Í seinni leiknum skorar Chelsea kolólöglegt sigurmark, en Mourinho minnist ekkert á að dómarinn hafi bjargað deginum í seinni leiknum.
* Chelsea aðdáendur um allan heim senda tuga hótunarbréfa heim til Anders Frisk í kjölfar fyrri leiksins.
* Frisk, einn besti dómari í heimi, hættir dómgæslu og lýsir því yfir að það sé vegna [hótana frá Chelsea aðdáendum](http://footballmsn.skysports.com/list.asp?hlid=262255&CPID=5&CLID=&lid=2&title=Frisk:+Blues+fans+forced+me+out&channel=Football_Home)

Ætli Mourinho sé sáttur núna?

Fyrir einu ári þá hefði hjartað í manni tekið kipp við þessar fréttir: [Keegan ends his reign at Man City](http://news.bbc.co.uk/sport1/hi/football/teams/m/man_city/4338665.stm).

Kevin Keegan, einn allra besti leikmaður Liverpool er semsagt hættur að þjálfa. Þegar ég var í versta Houllier þunglyndinu þá talaði ég um að Kevin Keegan væri [óskaþjálfarinn minn fyrir Liverpool](http://www.kop.is/gamalt/2003/10/21/05.35.20/index.php).

Síðan þá hefur margt breyst og í dag er ég auðvitað fegin því að Liverpool réðu Rafa Benitez í staðinn fyrir Alan Curbishley, Martine O’Neill eða Kevin Keegan

Kæru Blackburn leikmenn,

Viljiði vinsamlegast [vinna Everton í dag](http://news.bbc.co.uk/sport1/hi/football/teams/e/everton/live_text/default.stm), svo að við getum enn haldið í þá veiku von að þriðjudags- og miðvikudagskvöld næsta vetur verði ánægjuleg fyrir okkur Liverpool aðdáendur.

Kveðja,

Einar Örn

Viðbót (Kristján Atli): Ég veit ekki með ykkur hina Púllarana, en ég sit núna límdur við skjáinn og ætla að horfa á þennan leik af mikilli athygli. Gæti jafnvel laumað inn smá hugleiðingar um þennan leik í kvöld … mér finnst ég verða að horfa á þetta, ekki bara til að styðja Blackburn heldur einnig til að meta þetta Everton-lið. Eru þeir virkilega með nógu gott lið til að geta staðið sig í Meistaradeildinni á næsta ári, eða munu þeir hrynja út í forkeppninni strax næsta ágúst?

Sjáum til. Áfram Blackburn.

Jæja, Chelsea komust áfram í deildarbikarnum. Chelsea [unnu Manchester United](http://news.bbc.co.uk/sport1/hi/football/league_cup/4197611.stm) á nákvæmlega eins marki og Ryan Giggs skoraði gegn okkur um árið. Þá var Jerzy Dudek kennt um markið, en það verður þó að segjast Dudek og Howard til varnar að þetta er gríðarlega erfiður bolti fyrir markmenn, því allir eiga von á að einhver nái að skalla boltann.

Leikurinn verður því á Litla Anfield í Cardiff, sunnudaginn 27.febrúar eftir 32 daga. Ok, þorir einhver að veðja við mig. Ég skal veðja 1000 kalli á það að þulirnir í úrslitaleiknum minnist á “Gerrard til Chelsea” að minnsta kosti fimm sinnum í upphitun og yfir leiknum.

Það er alveg ljóst að þetta verður topp úrslitaleikur og ólíklegt að skipuleggjendur ensku bikarkeppninnar verði jafn heppnir með úrslitaleikinn í FA bikarnum.

Þetta Chelsea lið hefur verið svakalega gott og þeir hafa nánast ekki orðið fyrir einu einasta áfalli í allan vetur. Ef maður skoðar [meiðslatöfluna](http://www.physioroom.com/news/table_current.shtml), þá sést það að allir þeir, sem myndu komast í byrjunarliðið hjá Chelsea eru heilir fyrir utan Carvalho (Gallas er nú ekki slæmur varamaður). Liverpool mun hins vegar verða án Pongolle, Kirkland, Alonso og Cisse. Vonandi verða þá Hyypia, Josemi og Harry KEWELL orðnir heilir fyrir þenann leik. Ef þeir verða heilir munu þó sennilega aðrir þrír fótbrotna.

En án þess að vera að afsaka okkur, þá líst mér bara vel á þetta. Við vorum miklu, miklu betri en Chelsea á Anfield og á góðum degi getum við vel unnið þetta lið. Á Anfield voru hvorki Morientes né Baros með, en vonandi verða þeir með í Cardiff. Chelsea liðið er hins vegar ótrúlega sterkt og erfitt að finna veikan blett.

En allavegana, við getum merkt 27. febrúar inná dagatalið.

**Liverpool – Chelsea**
**Úrslit í deildarbikar.**

**Drogba gegn Morientes, Kewell gegn Duff, Carra og Terry, Gerrard gegn Lampard, Benitez gegn Mourinho!!!**

Þetta verður sko gaman!

Það kom mér vissulega verulega á óvart að sjá að Mauricio Pellegrino komst í lið vikunnar hjá [BBC](http://news.bbc.co.uk/sport1/hi/football/eng_prem/3569808.stm) ásamt Luis Garcia! Þetta kemur eflaust mörgum á óvart.

Neeeei, djók! Ok, og hér með lýkur gagnrýni minni á Pellegrino fyrir frammistöðuna á laugardaginn. Ég læt hér með einsog sá leikur hafi ekki gerst og mun því gefa öllum sjens á ný. Ég verð reyndar að viðurkenna að ég gerði þetta oft með Emile Heskey, en það virkaði ekki alltaf. En þar sem Pellegrino er með svo svipaða hárgreiðslu og ég (reyndar aðeins síðara sko), þá fær hann sjens hjá mér. Svo er hann líka frá Argentínu og Argentína er jú æði.

En annars, í liði vikunnar hjá BBC eru þrír Southampton leikmenn. Hversu dapurt er það? Jamie Redknapp er sá eini, sem er líka í [Soccernet liðinu](http://soccernet.espn.go.com/feature?id=322760&cc=5739)

• 
• Hæ, við ætlum að pakka þessum Man U viðbjóði saman á morgun!!!

Jæja, Steven Gerrard var valinn [leikmaður mánaðarins í desember í ensku úrvalsdeildinni](http://news.bbc.co.uk/sport1/hi/football/teams/l/liverpool/4174779.stm). (Jol hjá Tottenham var valinn þjálfari mánaðarins). Þeir, sem hafa hlotið þessa nafnbót í vetur eru:

Ágúst: Reyes
September: Ledley King
Október: Andy Johnson
Nóvember: Robben
Desember: Gerrard

Gott mál. Enda hefur Gerrard verið stórkostlegur eftir að hann kom tilbaka úr meiðslunum. Maður stendur sjálfan sig að því að minnast varla á það þegar Gerrard á frábæra leiki, því standardinn er svo hár hjá honum.

Hvernig væri að hann myndi nú fagna þessu með því að leggja upp nokkur mörk á morgun á móti Man U: Gerrard to Garcia to Morientes GOOOOAAAL!!

Annars athyglisvert að meðan við erum að styrkjast, þá er liðið í sætinu fyrir ofan okkur að selja sinn [langbesta leikmann](http://news.bbc.co.uk/sport1/hi/football/teams/e/everton/4167127.stm). Gott mál!

Einnig þá er Demento að halda því fram að [Giggs og Ferdinand séu tæpir](http://www.breakingnews.ie/2005/01/14/story184724.html) fyrir leikinn á morgun. Aha, nákvæmlega. Alveg einsog Henry átti að vera meiddur fyrir Arsenal leikinn. Ég skal éta hattinn minn ef að Ferdinand verður ekki með á morgun!

• 
• Hæ, ég heiti Milan og er SNILLINGUR!!

Milan Baros er eini Liverpool maðurinn, sem kemst í lið vikunnar bæði hjá Soccernet og BBC.

Ég veit ekki almennilega hvað Xabi Alonso þarf að gera til að komast í lið vikunnar, því hann var stórkostlegur í gær. En Scholes og Lampard eru í báðum liðum vikunnar.

Ég sá þá ekki spila, þannig að ég get lítið sagt um hversu góðir þeir voru. Scholes skoraði þó tvö mörk, þannig að það hefur verið erfitt að komast í liðið.

En allavegana, Milan Baros OG Harry Kewell komast [í lið vikunnar hjá Soccernet](http://soccernet.espn.go.com/feature?id=319791&cc=5739). Frábært að sjá Kewell þarna inni. Það er ágætt að fólk er farið að taka eftir þeim miklu framförum, sem Kewell hefur verið að taka síðustu vikur.

Hjá [BBC er það bara hinn magnaði Milan](http://news.bbc.co.uk/sport1/hi/football/eng_prem/3569808.stm), sem kemst í liðið.

Já, og Michael Owen er að spá í að [æfa með Liverpool](http://www.liverpoolfc.tv/news/drilldown/N147188041220-0952.htm) yfir hátíðirnar. Hann verður á vellinum á móti Southampton.

Talandi um Real Madrid, þá hefur þjálfari Madrid nú [viðurkennt að Morientes gæti farið í janúar](http://icliverpool.icnetwork.co.uk/0500liverpoolfc/0100news/tm_objectid=14996852%26method=full%26siteid=50061%26headline=morientes%2dmulling%2dover%2dexit%2d%2d%2dmadrid-name_page.html). Einsog er virðast engin önnur lið en Liverpool vera orðuð við Morientes. Talið er að Liverpool sé tilbúið að borga 5 milljónir punda, en Madrid vilji 8.

Reglulega gerir Gallup fjölmiðlakannanir, sem eru birtar á heimasíðu fyrirtækisins. Þar er mælt áhorf á einstaka dagskrárliði hjá stöðunum.

Það er athyglisvert í kjölfar [umræðunnar um Skjá Einn](http://www.kop.is/gamalt/2004/11/10/08.34.13/index.php) og hversu háværir við Liverpool menn væru í kvörtunum að skoða hvaða leikir fá best áhorf á sjónvarpsstöðunum. Ég er reyndar bara með tölur fyrir október og nóvember.

Byrjum á Sýn. Hvaða fótboltaleikur skyldi vera í efsta sæti? Er það ekki örugglega Chelsea, sem allir dýrka og dá? Nei, LIVERPOOL-Monaco er í [efsta sæti](http://gallup.is/main/view.jsp?branch=693700) af fótboltaleikjum á Sýn í nóvember mánuði með 8,3% áhorf!

Ok, þetta hlýtur að vera tilviljun. Allir vita að Chelsea, Arsenal og Man U eru vinsælustu liðin, ekki satt?

[Október](http://gallup.is/main/view.jsp?branch=712452&e342RecordID=445&e342DataStoreID=707745) á Skjá Einum? Vinsælasti leikurinn? [Chelsea - LIVERPOOL](http://gallup.is/main/view.jsp?branch=712452&e342RecordID=445&e342DataStoreID=707745). Nóvember á Skjá Einum. Vinsælustu leikirnir: Man U-Charlton og jú, LIVERPOOL-Middlesboro.

Af þeim leikjum, sem komast á topp 10 hjá þessum tveim stöðvum í október og nóvember og innihalda ensk félagslið, þá er staðan svona:

Liverpool 4
Man U 3
Chelsea 2 (móti ManU og Liverpool)
Arsenal 1

Þetta sýnir einfaldlega hvaða lið eiga stærstu stuðningsmannahópana. Aðeins einn Arsenal leikur kemst þarna inn og Chelsea leikirnir eru þarna (að mínu mati) frekar vegna þess að þeir eru við Man U og Liverpool.

Ástæðan fyrir því að S1 heldur áfram að sýna svona mikið af Liverpool leikjum er ekki einhver góðgerðarstarfsemi við Liverpool, sem hefur gengið illa á tímabilinu. Nei, þeir sjá einfaldlega að það er okkar ástsæla lið, sem fær besta áhorfið af öllum liðum í enska boltanum. Svo einfalt er það.

Lið vikunnar

BBC og Soccernet staðfesta það að Gerrard hafi verið að spila vel á móti Aston Villa. Báðar vefsíðurnar setja hann og Frank Lampard á miðjuna í liðum vikunnar. Annars eru liðin svona:

[BBC](http://news.bbc.co.uk/sport2/hi/football/eng_prem/3569808.stm)
[ESPN Soccernet](http://soccernet.espn.go.com/feature?id=318411&cc=5739)

Athyglisvert við ESPN liðið er að þar er einnig Steve Finnan! Þar segir um Finnan:

> Steve Finnan hasn’t always produced the form for Liverpool he showed for Fulham before his switch to Anfield in the summer of 2003, but he was the stand-out defender at Villa Park on Saturday.

Finnan was back to his rampaging best, offering his team much-needed width down the right-hand side and driving forward at every opportunity.

With a palpable lack of wide-men available to Rafa Benitez, Finnan needs to continue this sort of form if the Reds are to achieve Champions League football next term.

Gott mál. Ekki veitir af því að þessir blessuðu hægri bakverðir okkar fari að spila almennilegan fótbolta. Þetta hefur verið veikasta staða liðsins hingað til á tímabilinu.

Eru [engin takmörk](http://news.bbc.co.uk/sport1/hi/football/eng_prem/4049409.stm) fyrir heimsku El-Hadji Diouf?

Við megum ekki gleyma því að hann er ennþá “eign” Liverpool og er aðeins í láni hjá Bolton. Ég vona svo sannarlega ennþá að hann rétti úr kútnum og hætti að hrækja á leikmenn og áhorfendur og fari að sýna það, sem hann getur á knattspyrnuvellinum.

Jæja, þá er maður aðeins að komast niður á jörðina eftir gærdaginn.

Allavegana, auðvitað eru Liverpool menn í liðum vikunnar. Það vill svo til að það eru þeir sömu. Gerrard er AUÐVITAÐ í liði vikunnar hjá bæði BBC og Soccernet og einnig er hetja gærdagsins Neil Mellor í liði vikunnar.

Var ég búinn að taka það fram að Steven Gerrard er ÆÐI! Allavegana, hér eru liðin:

[BBC](http://news.bbc.co.uk/sport1/hi/football/eng_prem/3569808.stm)
[Soccernet](http://soccernet.espn.go.com/feature?id=299985&cc=5739)

Mér finnst reyndar að Vieira hefði líka átt að vera í liðinu, en kannski fær hann mínus-stig fyrir stórkostlega dýfu :-)

En, að lokum, þá var Rafa Benitez valinn þjálfari vikunnar hjá Soccernet, enda á hann það svo sannarlega skilið. Mér þótti gaman að lesa kommentið, sem fylgdi Rafa:

>Managing this rather unlikely eleven is the man who somehow managed to mastermind a win over a side that had lost just one of their previous 54 Premiership games going into the weekend fixtures, Arsenal, and what’s more he had to do it with what can only generously be described as a lengthy injury list: Rafa Benitez; not only did the Spaniard coax what was without doubt the best performance of the season to date from his side, but **not once in the build-up to the game did he mention the players, in particular his strikers, he did not have at his disposal**.

Nákvæmlega! Rafa var ekkert að kvarta yfir meiðsla vandræðunum, heldur einbeitti hann sér bara að því að gera sitt besta með þá leikmenn, sem hann hafði til taks. Fyrir það á hann svo sannarlega skilið hrós.

Samkvæmt BBC, þá eru Liverpool og Everton að [hefja viðræður um að deila heimavelli](http://news.bbc.co.uk/sport1/hi/football/eng_prem/4045159.stm).

>The cost of Liverpool’s proposed new 60,000-seat stadium has risen from an original £80m to more than £100m, according to reports.

>But Rick Parry, the Anfield chief executive, has said his club would pull out of building their new ground if costs spiralled, rather than share with Everton.

>Everton previously had plans to build their own new ground at King’s Dock but that was shelved due to cost.

>Now, however, it appears the idea is very much back in discussion.

**Uppfært (Einar Örn)**: jæja, Liverpool eru búnir að koma fram og segja að þetta sé [bara bull](http://www.liverpoolfc.tv/news/drilldown/N146877041126-1304.htm).

Svo virðist sem Skjár 1 menn læri ekki af [reynslunni](http://www.kop.is/gamalt/2004/11/10/08.34.13/) og ætli aftur að troða [Chelsea inní beina útsendingu á Liverpool leik](http://www.orvitinn.com/2004/11/19/11.52/#2514). Matti skrifar góða færslu um þetta [hér](http://www.orvitinn.com/2004/11/19/11.52/#2514).

Magnað hversu mikil þessi Chelsea dýrkun er hjá Ská Einum. Chelsea stuðningsmenn geta einfaldlega farið á bari þegar þeirra lið er ekki í sjónvarpinu. Ef marka má mætingu hjá Chelsea mönnum á barina, þá eru þeir nú býsna fáir á Íslandi.

Viðbót (Kristján Atli): Ég skrifaði nú ítarlegan pistil um þetta klúður hjá S1 í síðustu viku og vonaði þar með að þetta rugl þeirra væri úr sögunni, þar sem ég veit að pistli mínum var fylgt eftir með miklum mótmælum af hálfu Liverpoolklúbbsins á Íslandi.

Það hafði greinilega ekki áhrif, þeir halda áfram að berja höfðinu við steininn og sleikja gö*nina á Chelsea-aðdáendum þessa lands, sem ég fullyrði að hafi flestir ekki haldið með liðinu nema í minna en tvö ár. Flestir. Allavega, Matti vitnar í bréf sem hann fékk frá Snorra Má en hann virðist halda að með því að skipta yfir á Chelsea-leikinn, en hafa Liverpool-leikinn í gangi á meðan í litlu boxi efst uppí horninu á skjánum séu þeir að “bæta enn við þjónustuna við áhorfendur enska boltans”.

Hvaða bull er það? Liverpool eru í beinni. Góð þjónusta við þá sem eru að horfa á Liverpool í beinni … er að sýna Liverpool í beinni! Á öllum skjánum!!! Ekki að sýna Liverpool-leikinn á skjánum, nema þegar eitthvað gerist hjá Chelsea … þá er Liverpool-leikurinn í örflögumynd uppí horninu á sjónvarpstækjum landsmanna.

Það er rugl. Liverpool-menn eru að horfa á Liverpool-leik. Þeir eru ekki að “bæta” eitt né neitt með þessu rugli. Þeir eru að DRAGA ÚR þjónustu við áhorfendur leiksins Middlesbrough og Liverpool.

Í pistli mínum fyrir rúmri viku sagði ég að það væri sama hvaða lið ættu í hlut, ef leikur væri auglýstur sem aðalleikur ætti hann bara að vera á skjánum allan tímann og ekkert rugl. Málið er bara það að nú er þetta að gerast í annað sinn, og þar með er farið að myndast mynstur í hegðum S1. Mynstrið er nokkurn veginn svona:

1: Ef Liverpool er að spila á sama tíma og Chelsea, og Liverpool eiga að vera í beinni, þá skal skipta yfir á Chelsea þegar eitthvað markvert gerist.

2: Ef önnur lið en Liverpool eru að spila á sama tíma og Chelsea, og þessi önnur lið eiga að vera í beinni, þá er allt í lagi að leyfa þeim leik að njóta sviðsljóssins.

3: Hins vegar þá skal sýnt frá Chelsea-leik með einum eða öðrum hætti hverja einustu fjandans helgi. Ennfremur skal Chelsea-liðið vera eina liðið af tuttugu í ensku Úrvalsdeildinni sem nýtur þessara forréttinda.

4: Eiður Smári spilar með Chelsea, og því teljast reglur 1-3 sjálfkrafa réttar og góðar.

Fokking rugl… það liggur við að maður sleppi því að horfa á þennan leik á morgun, í mótmælaskyni. Myndi kannski gera það ef ég gæti, en ég er háður mínu liði og verð því að horfa … en það er einmitt það sem S1-liðar treysta á, að við beygjum okkur bara fram og tökum við því aftan frá og höldum samt áfram að horfa, af því að við verðum að horfa á Liverpool.

Rugl. Hvenær rennur samningur S1 við Úrvalsdeildina út? Ég ætla að leggja inn framlag í boltasjóð Sýnar þannig að þeir fái þetta örugglega aftur eftir tvo-þrjú ár…

Það kemur kannski fáum á óvart að Milan Baros er valinn í lið vikunnar hjá öllum helstu fótboltamiðlum.

Hann er hins vegar eini Liverpool maðurinn, sem kemst í liðin að þessu sinni. Sjá hér:

[BBC](http://news.bbc.co.uk/sport2/hi/football/eng_prem/3569808.stm)
[Sky](http://skysports.planetfootball.com/list.asp?hlid=237811&CPID=&clid=&channel=Championship)
[ESPN Soccernet](http://soccernet.espn.go.com/feature?id=316419&cc=5739)

Soccernet fær hins vegar stóran mínus fyrir bjánalegt komment:

>The only blemish of the Cech’s copy book, at least in the eyes of Eagles’ fans, was the ease in which he went to ground under challenges in the box

Hvaða bull er þetta eiginlega? Ég er kannski ekki hlutlausasti maður í heimi, en báðir vítaspyrnudómarnir voru að mínu mati hárréttir. Það er tóm tjara að halda öðru fram.

Ég íhugaði það vandlega um síðustu helgi hvort að ég ætti að fjalla eitthvað um þetta mál hér á síðunni en ákvað svo að bíða með það þangað til ég gæti rætt málið við Einar. Nú höfum við rætt málið og ákveðið að setja það hér inn sem grein.

Nú er Skjár Einn búinn að vera með Ensku Knattspyrnuna til sýninga það sem af er liðið vetri og þykir víst ganga vel, þeir eru að auglýsa metáhorf á boltann í haust.

Hvað um það, ég fór á Players á laugardaginn en þar horfðu Liverpool-menn á Liverpool
gegn Birmingham í beinni á Skjá Einum.

Liðin sem voru að leika í beinni hétu: Liverpool og Birmingham.

Fyrir leikinn var “upphitun” með Snorra Má. Þar var Sveppi,
Chelsea-aðdáandi sem játaði að fylgjast ekkert með boltanum nema bara
þegar Eiður skorar, og svo einhver tappi sem var Manchester United-aðdáandi.
Þeir spjölluðu í 25 mínútur um gengi Chelsea og leikinn þeirra á
laugardeginum, gegn Everton, og gengi United og leik þeirra á
sunnudeginum gegn City.
Continue reading →

Núna um helgina er ég að fara á minn fyrsta leik í ensku deildinni. Í raun vildi ég óska þess að hann væri með Liverpool. En svo er ekki. Ég er að fara á leik með…

Man U

Ástæðan fyrir þessu er að mér er boðið á leikinn og því gat ég ekki valið hvaða leik ég myndi fara á. Þannig að ég er víst að fara á Old Trafford á sunnudaginn að sjá Man U tapa fyrir Manchester City. Vonandi get ég þó séð Liverpool leikinn í sjónavrpi á laugardag. Veit einhver hvort hægt sé að sjá Liverpool leiki á Englandi á laugardögum? Er ekki eitthvað black-out á slíkum leikjum?

Ég mun auðvitað styðja Manchester City af heilum hug enda fullt af góðum mönnum hjá City einsog Stevie McMannaman, David James og auðvitað **Robbie Fowler**. Ég vonast sérstaklega til að sjá Fowler spila og fullkominn dagur myndi auðvitað þýða að Fowler myndi skora þrennu,

Þegar ég kem heim ætla ég að reyna að skrifa um ferðina og greina frá því, sem ég kemst að í höfuðstöðvum óvinarins. Þannig ætla ég að reyna að svara spurningum einsog:

* Er hlið að helvíti í kjallaranum á Old Trafford?
* Hversu margir borða rækjusamlokur á Old Trafford?
* Eru Rooney, Gary Neville og co jafn myndarlegir og þeir virðast vera í sjónvarpi?
* Dettur Ronaldo þegar það koma sterkar vindhviður?

Eru fleiri spurningar tengdar Old Trafford, sem brenna á mönnum og menn vilja að ég reyni að svara? Setjið þær þá í ummælin við þessa færslu.

Já, þetta verður eflaust fróðlegt.

BBC voru aðeins hrifnari af Liverpool leiknum um helgina en ég var. Í [liði vikunnar hjá þeim](http://news.bbc.co.uk/sport1/hi/football/eng_prem/3569808.stm) eru 3 Liverpool leikmenn: Xabi Alonso (verðskuldað), Riise og Baros. Grunar að Riise og Baros hafi farið í liðið vegna þess að þeir skoruðu. Baros lék reyndar vel, þannig að hann átti þetta sennilega alveg skilið.

Soccernet eru hins vegar ekki hrifnir og enginn Liverpool maður er í [þeirra liði](http://soccernet.espn.go.com/feature?id=315016&cc=5739).

Já, og hér með útnefni ég Alex Ferguson [mesta vælukjóann í enska boltanum](http://soccernet.espn.go.com/headlinenews?id=315035&cc=5739). Mikið er pirrandi að hlusta á þetta endalausa nöldur í honum og Man U leikmönnum.

Liðið í dag er komið og það lítur svona út:

Bekkurinn: Dudek, Kewell, García, Diao, Warnock.

Þannig að García náði ekki að komast í tæka tíð frá Spáni til að vera í byrjunarliðinu, og Finnan fer í hans stað á kantinn og Josemi í bakvörðinn. Þá heldur Traoré réttilega stöðu sinni í bakverðinum.

Ég veit ekki. Þetta er sterkt lið, þessir leikmenn hafa verið að spila vel að undanförnu og það er mikið sjálfstraust í liðinu. En samt læðist að mér sá grunur að þetta gæti verið aðeins of varnarsinnuð uppstilling. Vonandi hef ég rangt fyrir mér.

Það getur vel verið að það sé fullt af fólki þarna úti sem er ósammála mér – en þið verðið bara að fyrirgefa þótt ég segi þetta.

Chelsea eru aumingjaklúbbur, ekkert minna. Þeir ráku í dag Adrian Mutu frá félaginu, eða öllu heldur sögðu upp samningi hans við klúbbinn. Fjárhagslega skiptir það Mutu ekki miklu máli, þar sem hann fær helming af þeim launum sem hann átti að fá fram að samningslokum. En það sem skiptir meira máli í þessu er það að skyndilega er Adrian Mutu í einskismannslandi, og það þegar hann mátti þess síst við.

Setjum málið aðeins í samhengi: Adrian Mutu er frábær knattspyrnumaður, fyrirliði Rúmeníu og fyrirmynd ungra drengja um alla Austur-Evrópu. En hann er meira en það. Hann er líka veikur maður, maður sem hefur að einhverjum ástæðum fallið dópinu að bráð. Þetta kemur fyrir besta fólk – það er bara eitthvað í sumu fólki sem finnur mikla samsvörun í ánetjandi efnum, hvort sem það séu eiturlyf, áfengi, spilafíkn eða annað.

Og hvað gera Chelsea í málinu? Hjálpa þeir leikmanninum – sem er á þeirra vegum – í erfiðleikum sínum? Nei, þeir reka hann. Alveg eins og þeir ráku Mark Bosnich.

Tökum sambærileg dæmi: þegar Paul Merson viðurkenndi eiturlyfjafíkn þá studdu Arsenal við bakið á honum. Hann fór í meðferðina vitandi það að – ef hann gæti tekið sér tak og náð stjórn á lífi sínu aftur – þá stæðu honum dyrnar að Highbury ávallt opnar. Það sama gilti þegar Tony Adams viðurkenndi að hann væri orðinn áfengissjúklingur og skellti sér í meðferð. Aftur sýndu Arsenal-menn stuðning og biðlund og í bæði þessi skipti bar stuðningur klúbbsins ávöxt, þar sem þessir menn unnu báðir titla með Arsenal eftir að hafa snúið aftur úr meðferð.

Þegar Bosnich féll á lyfjaprófi þá gátu Chelsea-menn ekki losnað nógu snemma við hann, og það sama virðist því miður hafa gerst hér. Hvað hefði gerst ef Manchester United-menn hefðu losað sig við Eric Cantona eftir að hann var dæmdur í bann fyrir að sparka í áhorfanda. Hvað hefði gerst ef þeir hefðu losað sig við Rio Ferdinand þegar hann var dæmdur í bann vegna lyfjahneykslis?

Ef einhver leikmaður Liverpool FC myndi nokkurn tímann gerast svo ólánssamur að ánetjast eiturlyfjum, áfengi, veðmálum eða karate þá myndi ég allavega vilja geta haldið það að klúbburinn myndi standa við bakið á viðkomandi – jafnvel þótt það væri ekki það sem er fjárhagslega best fyrir klúbbinn í stöðunni.

Ég meina, hvað hefði verið það versta sem hefði gerst ef Mutu hefði fengið að vera áfram? Chelsea hefðu getað gefið frá sér þá yfirlýsingu sem þeir gáfu út í dag, að þeir væru alfarið á móti notkun eiturlyfja og vildu alls ekki hvetja til þeirra. En þeir hefðu líka getað sagt eitthvað eins og: “En þar sem Mutu hefur gerst svo ólánssamur að verða þessum djöfli að bráð þá munum við að sjálfsögðu gera okkar besta til að hjálpa leikmanninum að ná sér aftur á strik. Chelsea FC stendur við bakið á sínu fólki.”

Hefði það litið svo illa út fyrir klúbbinn? Mutu hefði verið dæmdur í bann – lengdin skiptir ekki öllu máli – og þann tíma hefði hann notað í að fjarlægja sig frá sviðsljósinu og skella sér í meðferð og ná tökum á þessum vanda. Hann hefði síðan getað snúið aftur eftir meðferð og haldið blaðamannafund, eða tekið nokkur viðtöl, þar sem hann hefði getað lýst því yfir hvað líf hans sé miklu betra án eiturlyfjanna og að hann geti ekki beðið eftir því að launa Chelsea FC fyrir stuðninginn.

Hann hefði snúið aftur í Úrvalsdeildina sem hetja – gölluð hetja en samt … einhver sem gat sigrast á vanda sínum. Hann hefði sennilega verið vinsælli þegar hann hefði snúið aftur en hann er í dag, svipað og þeir Cantona, Ferdinand, Merson og Adams.

En neinei … Chelsea vilja ekki hafa hann lengur og því er honum hent til hliðar. Sem gerir hans andlegu baráttu erfiðari – því nú er hann ekki aðeins að berjast við dópdjöfulinn heldur líka þá ógn sem stafar af framtíð hans í knattspyrnunni.

Nær Adrian Mutu sér nokkurn tímann aftur á strik? Það yrði sjónarsviptir af honum ef hann skyti aldrei aftur upp kollinum, þar sem þetta er súpergóður fótboltamaður. Hann er eins konar Eiður Smári þeirra Rúmena … þannig að þið getið ímyndað ykkur hversu sárt þetta er fyrir samlanda hans.

Ég persónulega vona að Adrian Mutu nái sér aftur á strik og að við fáum einhvern tímann að sjá hann spila knattspyrnu aftur. Og ef það gerist einhvern tímann að hann mætir Chelsea-liðinu á knattspyrnuvelli, þá veit ég hvort liðið ég mun styðja.

Ykkur er frjálst að vera hjartanlega ósammála mér, að sjálfsögðu – en ég efast um að það geti nokkur maður þrætt fyrir það að Chelsea-liðið veitti Mutu í dag þungt högg, þegar hann mátti þess síst við!

**Viðbót (Einar Örn)**: Frábær pistill! Ég er svo innilega 100% sammála þér, Kristján!

Chelsea ætti umfram allt að vera knattspyrnu**lið**. Ef ég væri í fótboltaliði í dag, þá myndi ég óska eftir því að **liðið** mitt myndi standa á bak við þá, sem eiga erfitt. Fótbolti er liðsíþrótt. Á milli lítils hóps af strákum eða stelpum myndast ákveðinn andi og í gegnum allt reyna menn að standa á bakvið hvern annan. Ef einhver leikur illa reyna hinir leikmennirnir að gera betur, svo **liðið** standi sig vel. Ef einhver gerir mistök, þá stendur liðið saman og hjálpar þeim manni.

Mutu hefur klúðrað sínum málum og ég ætla EKKI að reyna að rétlæta það, sem hann hefur gert. En hann er 25 ára, for crying out loud. 25 ára strákar gera mistök! Trúið mér, ég þekki það vel! Guð má vita að ég hef gert nóg af mistökum og þau hefðu sennilega ekki verið færri ef ég væri snillingur á knattspyrnuvellinum og fengi tugi milljóna í laun. Honum hefur gengið illa hjá liðinu og hann hefur leiðst útí vitleysu. Hann hefur gert mistök og hann gerir sér eflaust fyllilega grein fyrir því. Hann hefur ollið mörgum aðdáendum Chelsea og Rúmeníu vonbrigðum.

Það, sem er sérstakt við að eiga sér uppáhaldslið í fótbolta, er að maður finnur samband við liðið. Þeir sem styðja Liverpool finna þetta sennilega sterkar en stuðningsmenn flestra annarra liða vegna þess sem að liðið okkar og hinir stuðningsmenn liðsins hafa gengið í gegnum. Ég finn til með okkar leikmönnum þegar þeim gengur illa, hvort sem það er inná vellinum eða utan hans.

Ég veit að ef að svipað mál gerðist hjá **liði** einsog **Liverpool**, þá vildi ég svo innilega óska þess (og ég trúi því reyndar statt og stöðugt) að **liðið** myndi standa á bakvið leikmanninn. Segjum að þetta væri t.d. Milan Baros. Ég veit að leikmenn Liverpool myndu styðja við bakið á honum til að koma sér útúr þessu rugli. Ég veit að við stuðningsmenn myndum styðja við bakið á honum og ég er fullviss um að stjórnin myndi gera hið sama.

Chelsea er einfaldlega í dag ekki **lið** einsog við stuðningsmenn Liverpool viljum styðja. Chelsea er fyrirtæki, sem er rekið fyrir egó þriggja manna, Abrahamovits, Kenyon og Mourinho. Þeir vildu hvítþvo sig af öllum Mutu málum og *sparka honum því í burtu í stað þess að hjálpa honum*. Svona hlutir gerast í fyrirtækjum, ekki hjá liðum. Ef einhver starfsmaður er í vandræðum, þá getur fyrirtækið rekið hann og þannig látið einsog ekkert hafi gerst.

En knattspyrnan á að vera eitthvað aðeins meira. Auðvitað snýst fótboltinn um viðskipti að mörgu leyti í dag. En fótboltinn snýst líka um móralinn og **liðsheildina**. Liðsheild virðist ekki vera til staðar hjá Chelsea. Allavegana virðist þeim vera alveg sama þótt að einn af þeim sé í vandræðum. Það er sorglegt.

Álit mitt á Chelsea hefur minnkað umtalsvert eftir þetta. Svona gera **lið** ekki.

Það er vissulega gaman að skoða [lið vikunnar á BBC fyrir síðustu helgi](http://news.bbc.co.uk/sport2/hi/football/eng_prem/3569808.stm).

Þarnar eru hvorki fleiri né færri en 4 Liverpool menn, enda var Liverpool að leika geysilega vel. Í liðinu eru þeir Xabi Alonso, Luis Garcia, Riise og Milan Baros. Hamann var eini maðurinn á miðjunni hjá Liverpool, sem komst ekki í liðið.

Gott mál. Vonandi eigum við eftir að sjá svona oftar.

Vá!

Af einhverjum óskiljanlegum ástæðum kemst Xabi Alonso EKKI í [lið vikunnar](http://skysports.planetfootball.com/list.asp?hlid=227981&CPID=&clid=&channel=Football_Home_Page) á Sky Sports.

Á miðjunni í því liði eru Lee Bowyer og Frank Lampard. Eru menn ekki að fokking grínast? Lee Bowyer hefur ALDREI á ævinni spilað jafnvel og Xabi Alonso gerði á laugardaginn og hann mun aldrei gera það í framtíðinni. Ég sá ekki Chelsea leikinn (það er talsvert skemmtilegra að sofa en að horfa á þetta hundleiðinlega Chelsea lið) en ég stórlega efast um að Lampard hafi leikið betur en Alonso.

En allavegana, það eru þó ÞRÍR Liverpool menn í liði vikunnar, sem verður að teljast mjög gott. Luis Garcia er á kantinum (fyllilega verðskuldað), Sami Hyypia er í vörninni og svo er Djibril Cisse frammi.

Xabi Alonso kemst hins vegar í [lið vikunnar á Soccernet](http://soccernet.espn.go.com/feature?id=311528&cc=5739), ásamt Djibril Cisse. Þannig að Cisse komst í lið vikunnar bæði á Sky og Soccernet. Gott hjá honum.

**Uppfært (Einar Örn)** BBC er líka búið að [birta lið vikunnar](http://news.bbc.co.uk/sport1/hi/football/eng_prem/3569808.stm). Þar eru Alonso og Bowyer saman á miðjunni. Einnig er Milan Baros í framlínunni.

Veit einhver hvar eg get sed enska boltann i New York borg? Thad er bar, thar sem eg get horft a Fox Sports World?

Einnig ef einhver veit um bar i Boston. Oll hjalp er vel thegin. Eg get ekki hugsad mer ad missa af Man U a moti Liverpool

Jæææja. Góð helgi, ekki satt? Ég horfði á fótboltaleiki í gær, nema hvað? Sá Manu rétt sleppa með stig gegn Blackburn. Það er freistandi að afskrifa United vegna þess að þeir eru að spila illa núna … en svo man ég að þeir eiga enn eftir að fá Van Nistelrooy, Heinze, Brown, Ferdinand, Roy Keane, Phil Neville, Solskjær og hugsanlega Wayne Rooney inn. Það er heilt lið af toppleikmönnum (nema Neville-systirin, að sjálfsögðu). Þannig að eins lengi og þeir ná að plokka einhver stig út úr þessum fyrstu 4-6 leikjum tímabilsins og halda sér í nálægð við toppinn þegar þeir fá þessa leikmenn inn þá verða þeir í toppslagnum í vetur. Um það efast ég ekki.

Svo sá ég Chelsea vinna sannfærandi sigur gegn Southampton. James Beattie kom So’ton yfir eftir 11 sekúndur … og eftir það áttu þeir ekki skot á mark. Chelsea sóttu í 90 mínútur án afláts og uppskáru eitt slysamark (Beattie sjálfsmark) og eitt víti sem var algjör gjöf, það var ekkert í gangi þegar So’ton-gaurinn ákvað að kýla fyrirgjöf með hendinni.

Þannig að Chelsea sýna enn og aftur að þeir eru mjög skipulagðir, mjög sterkir varnarlega og halda boltanum rosalega vel. Chelsea sýna líka enn og aftur að þeir eiga í stökustu vandræðum með að skora mörk. Og fyrir lið sem skartar leikmönnum á borð við Drogba, Eið Smára, Kezman, Duff, Lampard, Joe Cole og Tiago í sínu liði þá er það hálf neyðarlegt að geta ekki sótt almennilega.

Hins vegar er Mourinho bara nýbyrjaður og eins og með okkar ástkæra Rafa Benítez, þá verðum við að gefa honum smá tíma. Þetta Chelsea-lið verður orðið hrikalega erfitt viðureignar fyrir jól … þeir eru það nú þegar, en þeir verða bara betri. Og hafið í huga að ef þeir vinna fjóra fyrstu leiki sína á meðan þeir eru að spila illa … hvernig verða þeir þegar þeir eru að spila vel?

Ekki jafn góðir og Arsenal, er svarið við þessari spurningu. Ég sá Arsenal vinna Norwich 4-1 í gær … og eins og venjulega var þetta eins og að drekka vatn. Hversu gott er þetta lið maður? Þetta er bara hálf fáránlegt hvað þeir eru góðir.

Ef þetta er þegar orðið hátt í 10 stiga munur á okkur og toppliðunum þá óttast ég að það verði spennufall hjá liðinu … ég er skíthræddur við að vera úr leik í baráttunni um titilinn aftur fyrir jól, eins og í fyrra. Ég átta mig á því að við náum líklega ekki að enda fyrir ofan Arsenal í ár, og kannski ekki heldur Chelsea, en ég vill allavega vera með í baráttunni fram í apríl-maí. Ég þoli ekki að vera úr leik of snemma!

Allavega, leikur í dag við Bolton. Bolton eru eins og heitur hver … liggur í dvala og er bara pollur í klukkutíma og svo SPLÚSHJ! Bolton spila eins og snillingar svona einu sinni í mánuði, en þeir spila líka eins og utandeildarlið svona einu sinni í mánuði.

Hvort það verður á móti okkur veit enginn, en ef við hittum á Okocha og félaga í stuði í dag verður þetta eeerfiður leikur. Hins vegar hef ég fulla trú á okkar mönnum í dag. Liverpool-liðið mætir grimmt til leiks og fullt sjálfstraust með tvo nýja menn í byrjunarliðinu.

Skv. áreiðanlegum heimildum sem ég hef mun mörgum bregða í brún við að sjá byrjunarliðið og leikaðferðina í dag. Ef mínar heimildir eru réttar verður byrjunarliðið einhvern veginn svona:

Og hana nú! Benítez virðist ætla að prófa 4-3-2-1 kerfið sitt ástkæra í dag, enda er hann með tilkomu Xabi Alonso og Luis García loksins kominn með þá leikmenn sem hann þarf til að gera það. Þannig að hann tekur þrjá menn út úr byrjunarliðinu frá síðasta leik, til að rýma fyrir innkomu Xabi Alonso, Luis García og Stephen Warnock.

Stephen Warnock?!?!?

Ókei … ég skrifaði grein um daginn til að verja Harry Kewell en ég verð að viðurkenna að hann var alveg ömurlegur gegn Graz á þriðjudaginn. Þá er Warnock búinn að standa sig rosalega vel þegar hann hefur komið inná og á hreinlega skilið að fá leik í byrjunarliðinu. Þá held ég að þetta gæti komið Harry Kewell til góða líka, hann hefur alltaf virkað á mig sem maður sem má alls ekki vera öruggur með sæti sitt í liðinu. Hann er frábær leikmaður, en hann þarf stundum smá spark í afturendann til að spila á fullri getu.

Gleymið því ekki að þótt hann spili á hægri kanti er Luis García örfættur. Þegar Nunez kemur inn úr meiðslum, ef hann spilar vel, er ekkert ólíklegt að hann eigni sér hægri vænginn … og Luis García eigni sér þá vinstri vænginn! Og hvað verður um Kewell þá?

Jæja … nóg um það í bili. MÍN SPÁ er sigur fyrir Liverpool. Við erum að prófa nýja leikmenn og nýtt leikkerfi í dag þannig að ekki búast við einhverju Arsenal-flæði. Þetta verður erfitt, það verður eitthvað um að menn séu að venjast breytingum en á endanum geri ég ráð fyrir að gæðamunurinn á liðunum segi til sín.

Í hnotskurn: Liverpool-sigur í dag. Áfram Liverpool!!!

Þurfa menn eitthvað jákvætt til að jafna sig eftir afhroð gærkvöldsins?

Í dag voru þeir Xabi Alonso og Luis García kynntir formlega á blaðamannafundi í Liverpool. Þetta var mjög afslappaður og góður blaðamannafundur fannst mér og það var ljóst að Benítez hafði ástæðu til að brosa á þessum fundi. Hann sagði meðal annars að þeir myndu líklegast spila með gegn Bolton á sunnudaginn og að hann væri ánægður með kaupin, enda bæta þessir tveir menn verulega þá möguleika sem Rafa hefur í liðsuppstillingarmálum.

Nú, Xabi Alonso talaði góða ensku og sagðist vonast eftir að vinna titla með Liverpool, og er það vel. Mér líst alveg feykilega vel á þennan dreng, hef dáðst að honum í tvö ár í spænsku deildinni og með fullri virðingu fyrir Hamann þá held ég að þessi kauði verði orðinn fastamaður við hlið Stevie G á miðjunni frá og með Bolton-leiknum á sunnudag. Þessi gaur verður okkur ómetanlegur næstu árin, um það efast ég ekki!

Þá talaði Luis García um það hversu erfitt það var fyrir hann að fara frá Barcelona, þar sem það er einn af allra stærstu klúbbum í heimi. En hann sagði að á endanum hafi hann ekki getað neitað boðinu um að koma og leika fyrir Liverpool, sem hann segir að sé líka einn stærsti klúbbur í heimi, sem og undir stjórn síns gamla stjóra Rafa Benítez.

Ég veit ekki með ykkur en mér líst svoleiðis þrusuvel á þessa náunga. Framundan eru 36 leikir í deildarkeppninni, tvær enskar bikarkeppnir og a.m.k 6 leikir í riðlinum í Meistaradeildinni. Þetta gerir a.m.k. 44 leiki, jafnvel fleiri ef við dettum ekki út í fyrsta leik í bikarkeppnunum. Það er nóg til að hlakka til í vetur og svei mér þá ef við lítum ekki til baka eftir svona hálft ár og eigum erfitt með að ímynda okkur hvernig Liverpool-liðið spilaði áður en þeir Luis García, Xabi Alonso, Josemi, Antonio Nunez og Djibril Cissé gengu til liðs við liðið!

;)

**Uppfært (Einar Örn)**: Ég er staddur í útlöndum og því verða uppfærslur frá mér í lágmarki næstu vikurnar. Ég verð þó að segja hversu ofboðslega það gleður mig mikið að sjá þessa tvo Spánverja í Liverpool búningi.

Allt frá því að við minntumst fyrst á [Xabi Alonso orðróminn](http://www.kop.is/gamalt/2004/08/07/19.29.01/) hef ég verið gríðarlega spenntur. Það er ótrúlega spennandi tilhugsun að hugsa sér hvernig Alonso og Gerrard verða saman á miðjunni. Við getum með stolti sagt að við erum með tvo af bestu og efnilegustu miðjumenn Í HEIMI á miðjunni hjá Liverpool.

Þetta eru pottþétt stærstu kaup Liverpool síðustu 10 árin. Harry Kewell var stór á sínum tíma, en samt ekkert í líkingu við Alonso. Við erum að fá mann, sem brilleraði í erfiðustu deild í heimi, mann sem valdi okkur fram yfir Real Madrid og mann sem er aðalmaðurinn í spænska landsliðinu. Við erum að kaupa efnilegasta miðjumanninn úr sterkustu deild í heimi. Það eru engar smá fréttir!

Luis Garcia er líka frábær. Ég hef séð hann spila nokkrum sinnum fyrir Barcelona og var hann alltaf góður.

Það er í raun með hreinum ólíkindum að hugsa til þess hvernig þetta sumar hefur gengið. Í mínum villtustu draumum átti ég ekki von á því að þetta yrði svona gott. Þegar maður hugsar til þess hversu [ömurlega dapur](http://www.kop.is/gamalt/2004/04/15/06.21.04/) maður var yfir gengi Liverpool fyrir aðeins FJÓRUM MÁNUÐUM. Þá var allt ömurlegt, en núna getur maður ekki nema verið bjartsýnn.

Houllier er farinn, Benitez er kominn í staðinn. Heskey er farinn, Cisse kominn í staðinn. Danny Murphy og Bruno Cheyrou eru farnir, Luis Garcia og Nunez komnir í staðinn. Og að auki erum við búin að kaupa Xabi Alonso.

Það er hreinlega ekki hægt annað en að vera þakklátur fyrir ástandið einsog það er í dag. Eftir þjáningar síðustu ára er svo sannarlega gaman að geta aftur verið stoltur og ánægður með það að vera Liverpool aðdáandi.

Núna virðast það vera nokkuð pottþétt [að Patrik Vieira sé á leið til Real Madrid](http://news.bbc.co.uk/sport1/hi/football/teams/a/arsenal/3530524.stm).

Fyrir utan það að breyta ÖLLU varðandi styrkleikahlutföll í ensku úrvalsdeildinni í vetur, þá mun þetta væntanlega verða til þess að blöð fara að bendla Steven Gerrard við Arsenal. Áður en menn fara að tapa sér í einhverri slíkri vitleysu, þá getum við verið 100% viss um eitt: [Gerrard mun EKKI fara til Arsenal](http://www.mirror.co.uk/sport/sporttop/tm_objectid=14472419&method=full&siteid=50143&headline=gerrard–i-will-never-move-to-chelsea-name_page.html).

Ef hann fór ekki til Chelsea, þar sem allir peningar heimsins eru í boði og hann átti að spila með Frank Lampard á miðjunni, þá mun hann ekki fara til Arsenal, sem er í fjárhagsvandræðum og býður væntanlega uppá Gilberto Silva á miðjunni.

Þannig að við getum alveg verið róleg, sama hvað blöðin bulla.

Ég veit að Liverpool er ekki í tísku hjá Morgunblaðinu. Á meðan að leikmannakaup og þjálfaramál hjá “toppliðunum þremur” verða að heilsíðufrétt, þá er minnst á Liverpool mál í hliðardálkum.

Mér fannst þó verulega athyglisverð þessi fyrirsögn hjá Mogganum í morgun: [Föstum skotum skotið á Chelsea](http://www.mbl.is/mm/frettir/show_framed_news/?cid=3&nid=1095596).

Þarna er viðtal við Rick Parry, þar sem hann lýsir því að með liðsheildinni geti Liverpool unnið titilinn og að þeir geti ekki leyft sér að eyða peningum einsog Chelsea. Má ég biðja einhvern um að benda mér á þessi “föstu skot á Chelsea”? Eru það skot að Parry viðurkenni að Liverpool geti ekki eytt jafnmiklum pening og Chelsea?

Enski boltinn á Skjá Einum var umfjöllunarefni í Kastljósþætti í dag. Þar mættust Hörður Magnússon, íþróttafréttamaður á Sýn og Snorri Már Skúlason, verkefnisstjóri enska boltans á Skjá Einum. Hægt er að [nálgast upptöku af þættinum á heimasíðu RÚV](http://www.ruv.is/main/view.jsp?branch=2576969).

Tilefni þáttarins var grein, sem Hörður skrifaði í Moggann. Þar gagnrýndi hann harðlega þá ákvörðun Skjás Eins að sýna enska boltann án íslenskra þula. Hörður sagði það vera lögbrot og auk þess metnaðarlaust hjá Skjá Einum að hafa ekki íslenska þuli.

Ég viðurkenni það fúslega að ég hef gaman af því að fylgjast með ensku knattspyrnunni á Sky. Ensku þulirnir eru á leiknum, þeir eru vanalega tveir, og kunnátta þeirra á leiknum er frábær. Einstaka skipti, sérstaklega þegar einn ákveðinn þulur á Sýn var að lýsa Liverpool leikjum, þá fór ég útúr húsi bara til þess að sleppa við að hlusta á íslenska þuli á leikjum í enska boltanum.

Hins vegar verð ég að segja að það, sem Skjár Einn er að gera, er skandall.

Þrátt fyrir að krakkinn hans Snorra Más Skúlasonar nenni ekki að horfa á heilan fótboltaleik, þá er fullt af krökkum, sem horfa á enska boltann. Þrátt fyrir að krakkar spili tölvuleiki, þá er enskukunnátta 8-9 ára krakka *mjög takmörkuð*. Líkurnar á því að krakkar geti fylgst með enska boltanum minnka því gríðarlega. Það er mun erfiðara að halda áhuga uppi þegar fólk skilur ekki þulina og leikskilningur hjá krökkum minnkar til muna þegar það hefur ekki hugmynd hvað er að gerast inná vellinum.

Ég geri mér fyllilega grein fyrir því að þeir, sem fara á Players og líka staði vilja frekar sjá enska þuli. Þeir eru líka hávær hópur. Kannski eru þeir í meirihluta, en það réttlætir ekki það að hafa leikina á ensku. Þrátt fyrir að Snorri Már fái bréf frá þessum hópi, þá gerir það samt ekki afstöðu Skjás Eins betri.

Auðvitað eru líkur á því að þetta sé einfaldlega klúður hjá Skjás Eins liðum. Þeir ætluðu í upphafi að koma stoðum undir áskriftarstöðina Skjá 2 með því að ná enska boltanum. Víst sú stöð hrundi, þá koma þeir núna einsog einhverjar hetjur og segjast vera að “gefa okkur enska boltann”. Það er náttúrulega bull. Tími minn er mikilvægur og sá tími, sem ég ákveð að horfa á auglýsingar í hálfleik á enska boltanum, er mikilvægur fyrir Skjá Einn.

Það sem Snorri gleymir að minnast á er að náttúrulega snýst þetta um að spara peninga. Ensku þulirnir eru ekki vegna þess að það séu svo margir, sem vilji fá þá (ef S1 menn grunaði það, þá myndu þeir gera könnun á því hvort fólk vilji enska þuli, áður en ákvörðun var tekin). Ástæðan er sú að Skjár Einn gat ekki boðið uppá enska boltann í lokaðri dagskrá og því ætla þeir að spara peninga með því að sleppa því að lýsa leikjunum á íslensku. Þessi tugga um að allir vilji enska þuli, er eingöngu til að láta sparnaðinn líta vel út.

Það er svosem ágætt að enski boltinn sé í opinni dagskrá í ár, en svona mun það ekki vera áfram, til þess getur Skjár Einn aldrei selt nógu margar auglýsingar. Þetta verður líka til þess að við fótboltafíklar fáum meira af boltanum, því Sýn mun sýna frá ítalska og fjölga leikjum í spænsku deildinni og Meistaradeildinni.

Sýn hefur sinnt enska boltanum og Meistaradeildinni frábærlega, þannig að það er skiljanlegt að liðsmenn þeirra séu sárir og svekktir. Hins vegar er megininntak gagnrýni þeirra mjög sanngjarnt. Hörður einblýndi mikið á að Skjár Einn væri að brjóta útvarpsréttarlög. Mér finnst það svo sem ekki vera merkilegasta mál í heimi.

Aðalmálið er algjört metnaðarleysi Skjás Eins, sem veldur því að hluti þjóðarinnar, sem vill fylgjast með enska boltanum, getur ekki gert það vegna takmarðar tungumálakunnáttu. Skjár Einn gerir þetta til að spara peninga, ekki vegna þess að fólk vill þuli, sem tala útlensku. Ég efast um að það sé annað land í heiminum þar sem vinsælasta sjónvarpsíþróttin er send út á öðru tungumáli en máli heimamanna.

Benitez virðist vera sallarólegur á markaðinum þessa dagana og ekki einu sinni verstu slúðurmiðlar reyna að orða hann við leikmenn. Það er í raun enginn leikmaður, sem er orðaður sterklega við liðið þessa dagana.

Þannig að verður maður ekki bara að skrifa um önnur lið? Það er svo sem margt að gerast. BBC [taka saman](http://news.bbc.co.uk/sport1/hi/football/eng_prem/3889781.stm) ágætis grein um það hvað liðin eru að gera.

Chelsea hafa án efa styrkst mest allra liða. Arjen Robben á vinstri kantinum og Peter Chech í markinu voru báðir stjörnur á EM og munu án efa bæta liðið. Einnig eru þeir búnir að kaupa [Mateja Kezman](http://news.bbc.co.uk/sport1/hi/football/teams/c/chelsea/3888313.stm) frá PSV. Kezman var orðaður við nokkurn veginn öll lið á Englandi, þar á meðal Liverpool.

Ég verð einnig að játa að ég tel það vera alveg frábært að hafa fengið Mourinho í enska boltann. Maðurinn gjörsamlega dýrkar sjálfan sig. Held að það sé erfitt að finna annan mann á þessari jörð, sem er meira upptekinn af sjálfum sér. En það er pottþétt að það er stórskemmtilegt að fylgjast með honum. Ég hlakka allavegana til að sjá hann á móti Sir Nutty í fyrsta leiknum á næsta tímabili. Mourinho sagði [allavegana í viðtali](http://football.guardian.co.uk/News_Story/0,1563,1258542,00.html):

>I am not worried about pressure. If I wanted to have an easy job, working with the big protection of what I have already done before, I would have stayed at Porto – beautiful blue chair, the Uefa Champions League trophy, God, and after God, me.

Já, hann er skemmtilegur hann Mourinho.

Það er líka ljóst að Chelsea mun kaupa [Didier Drogba frá Marseille](http://news.bbc.co.uk/sport1/hi/football/teams/c/chelsea/3889473.stm). Marseille hafa neitað 18 milljóna tilboði, en að lokum mun Chelsea bjóða nógu mikið og Marseille munu selja.

Á næsta tímabili mun Liverpool byrja á því [að keppa við Tottenham](http://news.bbc.co.uk/sport1/hi/football/eng_prem/3835401.stm) á White Hart Lane. Það er ljóst að það verður erfiður leikur. Fyrsta umferðin verður 14. ágúst.

Í næstu umferð á eftir mun Liverpool spila við Manchester City á Anfield.

[Hér má nálgast lista yfir alla leikina í ensku deildinni](http://news.bbc.co.uk/sport1/hi/football/eng_prem/fixtures/default.stm)

Liverpool verður á Old Trafford 18. september, á Stamford Bridge 2. október og Arsenal kemur á Anfield 27. nóvember. Síðasti leikurinn verður svo á heimavelli gegn Aston Villa, 14. maí 2005.

Það er ekki miklar fréttir að hafa af þjálfaramálum Liverpool þessa dagana. Benítez er enn langlíklegastur til að taka við og maður bíður bara þolinmóður eftir því að einhverjar frekari tilkynningar berist um málið, annað hvort frá honum sjálfum eða frá Liverpool FC.

Á meðan við bíðum er þó ekki úr vegi að velta aðeins fyrir sér framtíð liðanna í efri hluta deildarinnar á næsta tímabili. Vissulega munu nýliðar eins og Norwich, W.B.A. og Crystal Palace eiga erfitt uppdráttar og tel ég einnig að lið eins og Portsmouth, Blackburn, Middlesbrough, Southampton og Bolton muni eiga erfitt tímabil fyrir höndum. Vissulega áttu Bolton-menn frábært tímabil sl. vetur en það áttu Southampton og Blackburn líka árið þar áður. Ég er á því að Bolton-menn muni ekki ná að fylgja þessu frábæra gengi sínu eftir á næstu leiktíð, nema alvarlegar fjárfestingar í leikmannahópnum eigi sér stað.

Reyndar heyrði ég af því á spjallsvæði RAWK að Sam Allardyce vilji kaupa Danny Murphy og Djimi Traoré frá Liverpool, þannig að kannski eru einhver leikmannakaup á dagskrá hjá honum. Engu að síður tel ég að Bolton-liðið muni, eins og hin liðin sem ég taldi upp áðan, eiga erfitt uppdráttar og eflaust verma neðri hluta deildarinnar á næsta tímabili.

Nú, hvað toppinn varðar er það alveg fyrirséð. Eins og venjulega verða Arsenal, ManU, Newcastle, Chelsea og Liverpool þarna uppi við tindinn. Það verður spennandi að sjá hvernig Mourinho tekur til hendinni hjá Chelsea, skv. fréttum í dag ætlar Peter Kenyon honum að gefa æsku liðsins sérstakan gaum, sem hljóta að teljast góðar fréttir fyrir menn eins og Wayne Bridge, Joe Cole, Damien Duff, Glen Johnson og Scott Parker. Þá hefur mér þótt skrýtið hvað lítið hefur heyrst af leikmannamálum hjá Newcastle. Slúðrið er að segja okkur að þeir séu reiðubúnir að selja Dyer, Bellamy og Bramble fyrir rétt verð, sem túlkast sem tveir sem meiðast of oft og einn sem getur ekki neitt verði að víkja til að hægt sé að kaupa a.m.k. tvo góða sem hægt er að treysta á að spili heilt tímabil og það vel. En að öðru leyti er lítið fjallað um kaup hjá Newcastle. Þó tel ég algjöra vitleysu að afskrifa þá, eftir lélegt tímabil er þeim eflaust jafn mikið í mun og okkar mönnum í Liverpool að ná að bæta sig.

Nú, fyrir utan þessi klassísku topp-5-lið þá eru nokkur sem gætu farið á hvorn veginn sem er, þ.e. lent í botnbarátturugli eða barist um Evrópu- og jafnvel Meistaradeildarsæti á komandi vetri. Að mínu mati eru þetta lið eins og: Birmingham, Aston Villa, Charlton, Fulham, Manchester City og Everton. Vissulega fúlsa sumir við því að ég hafi Everton og ManCity þarna en gleymum því ekki að fyrir rétt rúmu ári var þetta Everton-lið að spila hörkubolta og sækja hart að sæti í Meistaradeild ásamt Liverpool. Manchester City-liðið er enn hörkuvel mannað og ef Keegan nær að koma taktískum málum í lag og kaupa a.m.k. einn flottan miðvörð í sumar (þar sem hann er með einhverja slöppustu vorn sem ég hef lengi séð) þá ætti skemmtilega liðið í Manchester-borg vissulega að geta gert okkur hinum skráveifur næsta vetur. Nema við kaupum Shaun Wright-Phillips, þá verður þetta bara erfitt fyrir þá…

Nú eru 19 lið upptalin og aðeins eitt eftir. Lið sem, að mínu mati, gæti orðið það lið sem bætir sig mest á næsta vetri: Tottenham Hotspur. Jú, eins og Einar gat um í færslu hér fyrr í dag voru Spurs að ráða landsliðseinvald Frakka, Jacques Santini sem framkvæmdarstjóra sinn næsta vetur. Hann mun taka við Spurs-liðinu eftir að Frakkar hafa lokið þátttöku í Evrópukeppni Landsliða sem hefst eftir rúma viku. Það verður að teljast líklegt að þeir fari alla leið í undanúrslitin, að minnsta kosti. Þá voru þeir nýlega að reka David Pleat sem umsjónarmann knattspyrnumála hjá liðinu og réðu Danann snjalla, Frank Arnesen sem starfað hefur við góðan orðstír hjá hollenska stórliðinu PSV í hans stað.

En ef við horfum á t.d. Aston Villa-liðið þá ættu menn alveg að geta sagt sér að ef þjálfaramálin verða loksins tekin í gegn hjá liðinu þá er ekki eins og það þurfi að eyða fleiri tugum milljóna í að kaupa nýtt lið. Síðan O’Leary tók við Villa fyrir ári síðan hefur hann aðeins verslað tvo leikmenn: markvörðinn Thomas Sorensen sl. sumar og svo Nolberto Solano frá Newcastle í maí sl. Að öðru leyti treysti hann á ungu strákana í Villa-liðinu, auk þess að vekja Kólumbíumanninn Juan Pablo Angel upp frá dauðum. Sá maður átti 0% framtíð í liðinu undir stjórn Graham Taylor en er undir stjórn O’Leary orðinn einn skæðasti framherji deildarinnar.

Ef við lítum á leikmannahóp Tottenham Hotspurs sést glögglega að svipuð staða er uppi á teningnum:
Markmenn: Paul Robinson, Kasey Keller og hinn ungi Rob Burch

Varnarmenn: Stephen Carr, Mauricio Taricco, Goran Bunjevcevic, Gary Doherty, Mbulelo Mabizela, Ledley King, Anthony Gardner, Dean Richards og hinn ungi Stephen Kelly

Miðjumenn: Jamie Redknapp, Michael Brown, Rohan Ricketts, Dean Marney, Johnnie Jackson og Simon Davies

Framherjar: Fréderic Kanoute, Robbie Keane, Hélder Postiga, Jermain Dafoe og hinir efnilegu Lee Barnard og Mark Yeates

Eins og sést glögglega eru nokkrar stöður sem þarf að fylla í, en kjarninn er til staðar. Í Paul Robinson (nýkominn frá Leeds) og Kasey Keller eru þeir með eitt af betri markvarðapörum deildarinnar, í vörninni geta þeir byggt í kringum kjarnann sem samanstendur af Stephen Carr (hægri bak), Ledley King, Dean Richards og Anthony Gardner (miðverðir). Á miðjunni hafa þeir góða menn í Simon Davies (hægri kantur), Jamie Redknapp, Michael Brown og hinum unga Rohan Ricketts (miðjumenn) og í framlínunni hafa þeir frábæra fernu í Kanoute, Keane, Defoe og Postiga.

Það þarf augljóslega að fylla upp í vinstri vænginn hjá liðinu. Eins og er hafa þeir engan góðan vinstri bakvörð og því síður vinstri kantmann. Þá þurfa þeir eflaust að kaupa einn góðan mann á miðjuna þar sem Jamie Redknapp er allt of meiðslagjarn. Ef hann nær að verða heill einhverja mánuði í einu þá er hann gulls ígildi fyrir liðið enda einhver hæfileikaríkasti enski miðjumaðurinn síðasta áratuginn. En það er bara allt of sjaldan, ég man varla hvenær hann náði síðast að spila 10 leiki í röð án þess að meiðast alvarlega. Þannig að þeir verða að fá góðan mann með Brown og Ricketts á miðjuna.

Að öðru leyti eru þeir vel staddir: Flottir markverðir, flottir hægri-menn í Carr og Davies, flottir landsliðsmiðverðir í Richards, King og Gardner og flott framherjaferna. Það þarf ekki mikið til að þetta Tottenham-lið verði alveg stórhættulegt fyrir okkur hin, og miðað við aldur og fyrri störf Santinis (gerði Lyon að Frakklandsmeisturum 1996) ætti hann að vera meira en hæfur til að fylla í þessar tvær-þrjár stöður í byrjunarliðinu sem þarf til að liðið verði öflugt.

Þá er annað sem hann þarf að gera og það er að losa Tottenham við Igor Biscan þeirra Lundúnarbúa: Gary Doherty. Ég get ekki ímyndað mér að Biscan komist í vörnina hjá nýjum þjálfara Liverpool, er hreinlega reiðubúinn til að éta sokkana mína (eða verða morðóður) ef ég sé Biscan aftur í miðri vörn Liverpool þegar Benítez er (væntanlega) tekinn við. Á sama hátt verð ég gjörsamlega hlessa ef, einhverra hluta vegna, Gary Doherty fær leik fyrir Tottenham undir stjórn Jacques Santini.

Við Einar munum spá betur í væntanlegt tímabil þegar nær dregur byrjun mótsins í Englandi en ég þori alveg að spá því hér og nú, í kjölfar ráðningar Santinis, að Tottenham eru mjög líklegir til að verða spútniklið næsta veturs.

Að lokum: Einar, það tók Tottenham 10 mánuði að ráða nýjan stjóra. Er það ekki svolítið ósanngjarnt að við séum óþreyjufullir eftir 9 daga? ;)

Jæja, þá loksins eru Chelsea menn búnir að tilkynna að [Ranieri hafi verið rekinn](http://news.bbc.co.uk/sport2/hi/football/teams/c/chelsea/3742477.stm).

Þá ættum við að geta bókað það endanlega að Mourinho fari til Chelski.

JJJJJJAAAAAAAHHHHÁÁÁÁÁÁÁÁÁÁÁÁÁÁÁÁÁÁÁÁÁÁÁÁÁÁÁÁ!!!!!!!!!!!.

Takk fyrir.

Ég veit ekki alveg hvort ég á að hafa áhyggjur af þessum leik eða ekki. Það virðist vera einlægur vilji á meðal þjálfara og leikmanna Liverpool til að vinna síðustu fimm leiki tímabilsins og tryggja okkur síðasta sætið í Meistaradeild Evrópu, sem skiptir öllu máli fjárhagslega sem og uppá metnaðinn. Gérard Houllier stjóri segir leikmennina skulda aðdáendum sínum Meistaradeildarbolta og ég er sammála því. Þessi orð hans benda líka til þess að hann sé loks hættur að kenna dómurum, veðri, þreytu, meiðslum, leikbönnum og morgunmatnum um lélegt gengi og farinn að láta þessa gæja í liðinu vita að það verður ekki liðið að þeir spili jafn illa í næstu leikjum eins og þeir gerðu um páskana. Sem er gott.

Svo er aldrei að vita hvað sumarið hefur í för með sér. Houllier heldur víst starfinu óháð því hver lokaniðurstaða tímabilsins verður, þannig að nú horfa menn einna mest til leikmannakaupa og er því nú spáð að það verði útsala á Anfield í sumar og spurningin er aðeins: hverjir fara? Þetta er a.m.k. góð grein með góðar hugmyndir um það hverjir eigi að fara. Annars kemur þetta allt í ljós…..en fyrst og fremst verður að einbeita sér að leiknum í dag, hann verður að vinnast!

Ég er bara ekkert viss um að við vinnum, því miður…

UPPFÆRT: Við gerðum jafntefli, núll-núll. Þvílíkur skandall. Stevie G fyrirliði klikkaði á vítaspyrnu og við sóttum hart að þeim síðustu 10 mínútur leiksins en að öðru leyti voru það Fulham-menn sem fengu öll bestu færin. Yndislegt…..það eru svona 99% líkur á því að við missum af fjórða sætinu í deildinni miðað við hvernig við erum að spila núna. Fjórir leikir eftir og ég verð að viðurkenna að ég verð hissa ef við vinnum fleiri en tvo. Reyndar yrði ég hissa ef við náum að vinna tvo, þar sem næsti leikur er…. gegn Manchester United. Á Old Trafford. Gleðileg jól.

Mínir menn í Liverpool FC voru að spila við Arsenal í morgun. Arsenal búnir að tapa tveim leikjum í röð, gegn Manchester United og Chelsea, voru sýnd veiði en ekki gefin í þessum leik en maður leyfði sér þó að vera bjartsýnn, enda Liverpool með sjálfstraustið í lagi eftir 4-0 sigur um síðustu helgi og ágætis spilamennsku undanfarið.
Continue reading →