Jafnteflis tap á Old Trafford og svekkjandi helgi í boltanum en sigur í miðri viku.
Amorim að nálagst Anfield? Fréttir vikunnar og nýtt Ögurverk lið aldarinnar.
Næst hjá Liverpool eru tveir leikir á Anfield.
Stjórnandi: Einar Matthías
Viðmælendur: Óli Haukur og SSteinn
Þökkum að vanda samstarfsaðilum þáttarins fyrir að hjálpa okkur að halda síðunni úti.
Egils Gull / Húsasmiðjan / Verdi Travel / Jói Útherji / Ögurverk ehf / Done
MP3: Þáttur 470
[...]ATH: Næsti þáttur er væntanlegur annað kvöld (þriðjudag) – Fyrst smá þjónustutilkynning
Fyrir þá sem fá ekki nýustu þættina af Gullkastinu upp í hlaðvarpsveitum endilega leita aftur að Gullkastið og gerast áskrifendur þar sem þessi mynd er við þáttinn (svarta logo-ið).
Hér er sem dæmi rétt slóð á þáttinn í gegnum Apple: https://podcasts.apple.com/is/podcast/gullkasti%C3%B0/id1473530074?i=1000651080896
Hér er linkur beint á Podcast Addict (Android) https://podcastaddict.com/podcast/gullkastid/11737
Hér erum við á Spotify https://open.spotify.com/show/2P5TpNe7GsPC3AbWys7O0e
Liverpool fór á Old Trafford í dag og koma til baka með eitt stig, en hefðu með eðlilegri færanýtingu átt að koma með öll þrjú.
0-1 Díaz (23. mín)
1-1 Fernandes (50. mín)
2-1 Mainoo (67. mín)
2-2 Salah (víti) (84. mín)
Þetta var fyrsti hálfleikurinn í sögu leikja milli United og Liverpool þar sem annað liðið nær ekki skoti á mark. Okkar menn hins vegar með einhver 15 skot held ég, full mörg þeirra hittu ekki á rammann, en markið hjá Díaz var hins vegar mjög gott og forystan í hálfleik var fyllilega verðskulduð, hún bara hefði þurft að vera stærri eins og kom á daginn.
Snemma í seinni hálfleik gerði Quansah sig sekan um slæm mistök þegar hann átti þversendingu í öftustu vörn nálægt miðlínu, en boltinn fór í hlaupalínuna hjá Bruno Fernandes sem skaut viðstöðulaust á markið. Kelleher gerði hetjulega tilraun til að verja, og hefði líklega fengið rautt ef það hefði tekist, a.m.k. var hann óþægilega nálægt vítalínunni. Svosem tómt mál að tala um, boltinn fór í netið og kakkalakkarnir búnir að jafna. Eftir rúman klukkutíma fóru Szoboszlai og Bradley útaf fyrir Gomez og Jones, eðlilegt að Bradley færi út af því hann var á gulu. Jones hins vegar komst aldrei í takt við leikinn og var linur trekk í trekk. Á 67. mínútu komast svo United í sókn, Mainoo fær boltann rétt fyrir innan vítateigslínu, fékk nógan tíma til að snúa sér við, og setti boltann óverjandi út við stöng. Klopp var hér orðinn brjálaður – réttilega! – og setti Elliott og Gakpo inn fyrir Endo og Nunez. Elliott var líflegur, og náði að fiska víti á 84. mínútu eftir góðan sprett hjá Quansah. Salah fór á punktinn og skoraði gríðarlega mikilvægt jöfnunarmark. Okkar menn voru svo miklu líklegri á síðustu mínútunum, Díaz fékk gott færi nálægt markteig, en setti boltann yfir. Undir lokin fengu svo okkar menn aukaspyrnu þegar Casemiro hefði átt að fjúka útaf með rautt, en náðu ekki að nýta sóknina, og eitt stig niðurstaðan.
Færanýtingin hjá okkar mönnum. Hún bara VERÐUR að lagast! Vonandi er Diogo Jota að koma til baka núna í vikunni, en hann einn og sér getur ekki reddað þessu. Hinir verða allir að stíga upp, og okkar menn fengu fuuuulllt af færum til að klára þetta.
Díaz var líflegur í fremstu víglínu, þó hann hefði að sjálfsögðu mátt nýta fleiri færi eins og liðsfélagar hans. Mac Allister var öflugur en náði ekki sömu hæðum og í síðustu leikjum. Robbo var góður, Virgil sömuleiðis, og Quansah var góður fyrir utan augljós mistök. Hann þarf að fá að taka þau út eins og fleiri, munum nú að Virgil og Alisson áttu nú ein slík gegn Arsenal hér fyrr í vetur. Quansah lét a.m.k. þessi mistök ekki rugla of mikið í hausnum á sér og átti góða spretti síðar í leiknum.
Jújú, færanýtingin er þar númer eitt tvö og þrjú. Menn verða bara að taka auka skotæfingar á næstu dögum. Mistökin hjá Quansah og innkoman hjá Jones eru svo auðvitað ömurleg, en bendið mér á unga leikmenn sem gera engin mistök, og bendið mér á leikmenn sem koma í fullum rytma inn til baka eftir meiðsli.
Það má velta sér upp úr staðreyndum eins og þeim að United var þarna í fyrsta skipti að eiga hálfleik þar sem þeir náðu ekki skoti á mark gegn Liverpool, en stóra spurningin sem við veltum fyrir okkur er auðvitað sú hvaða áhrif þetta jafntefli hafi á titilvonir liðsins. Höfum það á hreinu að þessi völlur hefur alltaf verið erfiður, svo það þurfti svosem ekkert að koma á óvart. Hins vegar – í ljósi tölfræðinnar – þá eru þetta tvö töpuð stig. Nú ef Arsenal vinna rest, þá verða þeir meistarar – ekki nema okkar menn nái að vinna upp markamuninn sem er Arsenal í hag í augnablikinu og vinnst ekki upp svo auðveldlega. Undirritaður er á því að Arsenal eigi klárlega eftir að tapa stigum, og líklega City líka, ef við gefum okkur það þá er klárlega ennþá glóð í titilbaráttueldinum. Við a.m.k. höldum í vonina.
Svo er kannski rétt að taka fram að dómgæslan hjá Anthony Taylor hefur oft verið verri. Jú hann hefði alveg getað gefið Casemiro rautt undir lokin, en það hefði líklega engu breytt fyrir okkur, þetta var það djúpt inni í uppbótartíma. Annars var hann bara furðu góður.
Leikur gegn Atalanta á fimmtudaginn í 8 liða úrslitum Evrópudeildarinnar, og svo Crystal Palace um helgina. Báðir leikir á Anfield. Það koma svo FJÓRIR útileikir eftir það, þar á meðal hádegisleikur gegn West Ham í lok apríl, en “den tid, den sorg” eins og máltækið segir.
[...]Klárt hverjir byrja inná gegn United, ekkert sem kemur á óvart:
Bekkur: Adrian, Gomez, Tsimikas, Konate, Gravenberch, Jones, Elliott, Gakpo, Danns
Skýrsluhöfundur spáði því að Gomez myndi byrja í hægri bak en niðurstaðan er sú að Conor Bradley byrjar, og ekkert sem kemur á óvart þar. Það að Quansah byrji deildarleik úti gegn United segir svolítið hversu mikils metinn hann er í hópnum. Bekkurinn er annars bara ansi góður, og í raun er það bara Jayden Danns sem er fulltrúi ungu kynslóðarinnar þar. Þegar svo Trent, Jota og Alisson mæta aftur til æfinga þá þarf hreinlega að sleppa einhverjum leikmönnum úr aðalliðshópnum þegar leikskýrslunni er stillt upp, og það er fyrstaheims vandamál sem við höfum ekki glímt við í talsverðan tíma núna.
Brighton og Palace voru lítið að hjálpa okkur í gær, enda er það svo að okkar menn verða bara að stóla á sjálfa sig það sem eftir lifir leiktíðar. Öll utanaðkomandi hjálp verður pjúra bónus.
Sigur í dag og sleppa við meiðsli. Bið ekki um annað.
KOMA SVO!!!!!
[...]Það er komið að deildarleik nr. 31 á leiktíðinni. Átta úrslitaleikir eftir, og sá næsti er ekkert slor því okkar menn mæta á Old Trafford á morgun í enn einum “must-win” leiknum. Staðan er jú þannig að ef okkar menn vinna rest, þá hampa þeir titlinum í lok maí. Svo einfalt er það. KANNSKI má gera eitt jafntefli, en aðeins ef Arsenal tapa stigum (sem þeir munu gera). Það þurfti auðvitað að vera þannig að af þessum átta úrslitaleikjum sem eru eftir, þá erum við með einn leik á Old Trafford, og annan á Goodison Park, en þetta eru líklega þeir leikir sem hafa gengið hvað verst í stjóratíð Klopp. Það er því óhætt að fullyrða að þetta verði prófraun fyrir okkar menn.
Ef við skoðum síðustu 4 leiki þessara liða, þá er niðurstaðan ekkert ægilega girnileg fyrir liðið okkar. Tveir sigrar hjá United (í upphafi 2022-2023 tímabilsins og svo bikarleikurinn núna í mars), eitt jafntefli á Anfield fyrir jól, en svo erum við nú enn að ylja okkur við minninguna um 7-0 sigurinn á Anfield fyrir ári síðan. Við munum gera það a.m.k. einhverja áratugi til viðbótar, og ekki séns að við leyfum þeim leik að falla í gleymskunnar dá.
Persónulega hefði ég frekar viljað vinna alla þessa leiki 1-0, og góður maður (Jürgen Klopp nánar tiltekið) sagðist frekar vilja vinna 7 leiki 1-0 heldur en einn leik 7-0. En þessi 7-0 leikur er staðreynd, og engin ástæða til annars en að rifja hann upp reglulega.
Hvernig mæta liðin inn í þennan leik? Skoðum fyrst United. Það eru talsverð meiðsli að hrjá hópinn hjá þeim, og merkilegt nokk er þeirra meiðslalisti lengri heldur en hjá okkar mönnum á þessum tímapunkti, en það er líklega í fyrsta skipti á leiktíðinni sem staðan er þannig. Þannig eru þeir t.d. orðnir frekar fáliðaðir í öftustu röð. Erik Ten Hag notaði suma leikmenn frekar lítið í síðasta leik, þannig komu bæði Rashford og McTominay bara inná undir lokin, og því nokkuð ljóst að þeir byrja.
Talandi um þennan síðasta leik hjá United, hvernig fór hann aftur? Jú þeir voru 2-3 yfir þegar það voru komnar 90+8 mínútur á klukkuna, en enduðu svo á að tapa leiknum 4-3, og settu þar með met sem verður vonandi seint slegið. Sumsé, ekkert lið hefur verið yfir þegar jafn langt var liðið á leikinn en samt tapað leiknum.
Mögulega mætti setja þetta á lista yfir “einsdæmi sem gerist nánast aldrei”, nema fyrir það að í leiknum á undan voru United AFTUR yfir í uppbótartíma, og djúpt inn í hann þar að auki, en enduðu á að gera jafntefli. Maður á ekki að gleðjast yfir óförum annarra, og þá sérstaklega þessara miðjumoðsliða, en ég held að fólki sé fyrirgefið fyrir að brosa aðeins út í annað yfir þessum úrslitum.
Hvaða áhrif hafa þessir síðustu tveir leikir á stemminguna hjá United? Það er í sjálfu sér engin leið að segja, kannski nær ETH að fylla þá fítonskrafti. En svo gæti þetta líka sest á sálina hjá þeim, og eigum við ekki bara að vona að sú sé raunin? Það má líka vona að úrslitin í bikarleiknum fylli þá fölsku sjálfstrausti. En fyrst og fremst þá vonar maður að það verði okkar menn sem mæti betur stemmdir til leiks. Bæði ætti orkustigið að vera hærra, og svo eru menn vonandi enn með óbragð í munni eftir tapið. Mestu líkurnar á því að úrslitin verði góð á morgun eru ef okkar menn byrja leikinn um leið og dómarinn flautar til leiks og þá með hausinn rétt skrúfaðan á, og halda fullum dampi allt til leiksloka.
Svo er það dómgæslan. Anthony Taylor verður á flautunni, og maður vonar bara að hann dæmi sanngjarnt. Er ég bjartsýnn á það? Ekkert sérstaklega. En lifum í voninni.
Hvernig má svo ímynda sér að Klopp stilli upp? Næsti leikur er ekki fyrr en á fimmtudaginn gegn Atalanta á Anfield, og því í sjálfu sér engin ástæða til að hvíla menn eitthvað sérstaklega. Bæði lið voru að spila á fimmtudagskvöldið, og leikur United og Chelsea byrjaði ögn síðar en leikur Liverpool gegn Sheffield. Það verður því ekkert hægt að afsaka sig með að álagið á okkar menn hafi verið of mikið, eða að það sé of stutt í leikinn þar á eftir. Jones og Robbo komu til baka í síðasta leik, Endo var líklega hvíldur frekar en að vera beinlínis meiddur, a.m.k. er talað um að hann eigi að geta byrjað. Í öllu falli erum við frekar í því að fá menn til baka heldur en að missa fleiri í meiðsli. Það er svo talað um að Trent og Jota gætu komið til æfinga í næstu viku, en það hjálpar okkur ekkert á morgun.
Varðandi byrjunarliðið, þá er helsta spurningin kannski sú hvort Konate sé að byrja tvo leiki í röð. Quansah hefur verið öflugur í þau skipti sem hann hefur spilað, og ég ætla að veðja á að hann byrji, en það að sjá Konate byrja myndi ekkert þýða að hakan færi í gólfið. Alisson er svo ekki enn farinn að æfa á fullu, og það þýðir að ef Kelleher byrjar (sem allt bendir til), að þá mun hann hafa byrjað fleiri leiki heldur en Alisson í öllum keppnum á tímabilinu. Frammistaða Robbo þegar hann kom inn var þess eðlis að það er erfitt að sjá annað en að hann byrji – NEMA læknateymið meti það svo að hann höndli ekki álagið eftir meiðslin sem hann fékk í landsleikjahléinu. Að lokum ætla ég að gerast djarfur og segja að Bradley fari á bekkinn en Gomez byrji í hægri bak. Myndi alveg fagna að sjá Bradley byrja samt.
Við gætum svo alveg séð Jayden Danns á bekk, en hann var EKKI í hóp með U23 núna í morgun gegn Blackburn, ólíkt t.d. Clark, McConnell, Koumas og Kaide Gordon, sem allir spiluðu í dag.
Við skulum því reikna með liðinu svona:
Spá: 3 stig. Í raun er ég til í hvaða sigur sem er, skítamark og 0-1 sigur frá Díaz á 90+7 væri vel þegið. Ég á bara alls ekki von á öðru en að stuðningsmenn Liverpool þurfi að draga fram sprengitöflurnar.
KOMA SVO!!!!!
[...]Fyrir leikinn þá hafði maður sjá áhyggjur af því að við myndum ekki ná að gíra okkur upp fyrir þennan leik og mér finnst það gerast.
Mörkin
Nunez 1-0 (17 mín)
Bradley sjálfsmark1-1 ( 58 mín)
Mac Allister 2-1 (76 mín)
Gakpo 3-1 (90 mín)
Hvað réði úrslitum?
Mér fannst við ekki byrja þennan leik. Sheffield fékk dauðafæri strax í upphafi leiks og er það áhyggjuefni að annan leikinn í röð gefum við andstæðingum okkar færi í byrjun leiks og það á Anfield. Við tókum hægt og rólega völdin á vellinum án þess að skapa eitthvað og fengum svo þetta trúða mark frá Nunez. Nunez skoraði eftir að hafa skokkað í átt að markverðinum sem hafði nægan tíma til að spyrna og sparkaði beint í Nunez og inn fór boltinn.
Þarna hélt maður að liðið myndi komast ennþá meira í gang og fara að ógna af einhverju viti en það eiginlega gerðist ekki í fyrri hálfleik. Jújú við vorum betri og meira með boltan en vorum ekkert að opna þá mikið og var það helst skot fyrir utan teig sem voru helstan ógnin.
Í síðari hálfleik var þetta sama drullan áfram. Við betri án þess að ógna mikið og það kom á því að við fengum mark á okkur. Það var auðvitað gegn gangi leiksins en ef menn spila eins og þetta sé æfingarleikur þá getum við fengið svona mark á okkur.
Maður veltir fyrir sér á þessum tímapunkti hvað Klopp var að hugsa að taka Salah af velli þegar 30 mín voru eftir og okkur vantaði mark og viti menn ég er en þá að velta því fyrir mér.
Mac Allister kom svo með geggjað mark og við ógnuðum þeim og hótuðum þriðja markinu og það kom svo á 90 mín.
Hverjir stóðu sig best?
Mac Allister er kóngurinn á Anfield í dag og réði miðsvæðinu og skoraði stórkostlegt mark á tímapunkti þar sem panic var að nálgast hámark.
Diaz var líflegur og mér fannst koma aukinn kraftur í liðið þegar Andy, Elliott og Jones komu inn á völlinn með dugnað og vinnusemi sem okkur vantaði.
Hvað hefði betur mátt fara?
Fyrir utan úrslitin þá nánast allt. Við virkuðum ekki eins og lið sem var að reyna að komast í toppsætið. Við virkuðum eins og lið sem hafði engu að keppa að lengi vel. Já það getur verið erfitt að brjóta varnarmúr en það vantaði alla ákefð að einfaldlega ganga frá þessum andstæðing sem er klárlega nokkrum gæðaflokkum fyrir neðan okkur.
Bradley fannst mér eiga í vandræðum. Konate fannst mér eiga í vandræðum, Gomez fannst mér vera í vandræðum og Gravenberch var ekki að sína okkur að hann eigi að byrja marga leiki með þessari frammistöðu. Salah var svo alveg týndur lengi vel og ef við horfum bara á frammistöðuna hjá honum þá skilur maður skiptinguna hjá Klopp en vill maður ekki alltaf hafa Salah inn á þegar okkur vantar mark?
Hvað þýða úrslitin?
Þá er komið að máli málana starfsmannasjóðurinn eða ok þetta var lélegt næturvaktargrín en mál málana er að við erum komnir á toppinn aftur. Tveimur stigum fyrir ofan Arsenal og þremur stigum fyrir ofan Man City.
Umræðan eftir leik
Ég vona svo innilega að menna vakni eftir þennan leik. Átti sig á því að við erum að fara að kveðja Klopp og að hver einn og einasti leikur er úrslitaleikur. Ef við ætlum okkur titilinn þá þurfum við að spila betur en við gerðum í kvöld en við vitum samt að það eina sem skiptir máli er þú og ég(ok, ég er hættur). Eina sem skiptir máli eru þessi 3 stig og við náðum þeim í kvöld.
Næst á dagskrá.
Man Utd á útivelli næsta sunnudag. Við þurfum að vera gíraðir í þann leik en við vitum að þeir myndu elska að skemma fyrir okkur tímabilið með því að sigra okkur en við mætum vonandi í vígahug.
YNWA
Liðið er komið og er ekkert óvænt.
Endo var eitthvað tæpur og því fær Gravenberg að spreyta sig. Klopp ætlar ekki að taka neina áhættu og er með okkar allra sterkasta lið í dag.
Sheffield, Sheffield, Sheffield. Hvar á maður að byrja? Lélegasta liðið í sögu ensku úrvaldseildarinnar? Nei kannski ekki alveg. Örugg þrjú stig? Sennilega, best að jinxa engu samt.
Sheffield er nokkuð stór borg í Suður Jórvíkurskíri, rétt austan við Manchester.
Borgin á, eins og flestar stærri borgir Englands, ansi ríka sögu. Fyrstu merki um mannabústaði eru tæplega 13.000 ára gömul og í gegnum aldirnar og árþúsundin hefur auðvitað verið rifist og slegist um rétt til búsetu á svæðinu. Á miðöldum var borgarstæðið á landamærum Merciu og Norðumbralands, þeir sem hafa horft á ákveðnar Netflix seríur vita hvað um er rætt.
Á 14. öld var Sheffield þegar orðin þekkt fyrir hnífaframleiðslu sína, rétt eins og Stoke fyrir leirkeraiðn og Luton fyrir hattagerð svo eitthvað sé nefnt. Merkilegt nokk að félögin á þessum stöðum taki gælunöfn sem tengjast fornri iðn staðarins.
Hnífagerðin, sem var reyndar búin að þróast yfir í almenna járn- og stálsmíði, fékk síðan dæmalausa innspýtingu þegar hnífagerðarmenn Sheffieldborgar fundu upp á nýrri leið til að gera hnífapör. Þeir náðu að bræða saman þunnt lag af silfri ofan á koparplötu sem varð síðan þekkt undir nafninu Sheffield plate. Ég veit svo sem ekki hvort þetta sé enn gert, efast reyndar um það, en hver veit nema við séum að nota hnífapör frá Sheffield daglega? Gæti vel verið. Og vel að merkja, gælunafn félagsins er The Blades.
Í Seinni heimsstyrjöldinni réðust nasistar rækilega á Sheffield, sem hafði þá verið breytt í hergagnaframleiðsluborg með sínum öflugu verksmiðjum. Eftir stríðið byggðist borgin svo hratt upp með fjölbýlishúsavæðingu. Í febrúar gerði svo rok í Sheffield, sem kallaðist The Great Sheffield Gale, en orðið gale er oftast notað yfir strekkingsvind. Strekkinsvindur þessi náði 156 km/klst hraða, eða heilum 43 metrum á sekúndu. Það er talið slæmt en ekki endilega ófært undir Hafnarfjalli nema bílar séu með hestvagna eða hjólhýsi aftan í sér. Húsin voru þó ekki betur byggð en það að rokið skemmdi 2/3 af byggingum borgarinnar.
21.öldin hefur verið borginni nokkuð góð, svona til þess að gera. Borgin stendur á bökkum ánna Don og Sheaf og þar eru flóð regluleg, síðast urðu flóð árið 2019 en mikil uppbygging hefur átt sér stað, svona rétt eins og í mörgum enskum borgum.
Þeir sem komnir eru á miðjan aldur tengja Sheffield miklu frekar við Miðvikudagsdrengina í Sheffield Wednesday. Á níunda áratuginum voru þeir nokkuð erfiðir, með Howard nokkurn Wilkinson sem framkvæmdastjóra. Skagamaðurinn knái, Sigurður Jónsson lék með þeim um stund, ég held þó að leikstíllinn hafi ekki beint hentað honum enda var kannski ekki þörf fyrir miðjumenn í þeim bolta – route 1, kick and run af bestu gerð gamla skólans. Það skilaði þeim Deildarbikarmeistaratitli árið 1991. Sheffield United var í efstu deild frá 1990-1994.
Mesti harmleikur í sögu ensku knattspyrnunnar varð í Sheffield, á Hillsborough-vellinum þann 15. apríl árið 1989.
Sheffield United hafa átt skárra gengi að fagna á 21. öldinni. Þeir hafa komist nokkrum sinnum upp í úrvalsdeildina og náðu meira að segja að halda sér þar og enda í efri helmingnum tímabilið 2019-2020. Næsta tímabil féllu þeir svo með stæl, eins og þeir eru á leiðinni að gera núna.
Það er ekki eins og maður bíði súperspenntur að horfa á þetta lið um hverja helgi. Þeir eru rígfastir, langneðstir í deildinni og eiga ekkert erindi í þessa deild og de fakto skítfallnir. Þeir eru með 15 stig að 29 leikjum loknum, fá rúmlega hálft stig að meðaltali í leik, sem mun skila þeim 19 stigum í lok tímabilsins. Á heimavelli hafa þeir fengið 9 af þessum stigum en það sem er merkilegt þar er að þeir hafa fengið á sig 45 mörk í 15 heimaleikjum, þrjú mörk að meðaltali í leik. Þeir fengu á sig 6 mörk gegn Arsenal, 5 gegn Brighton en hafa þó gert jafntefli í síðustu tveimur leikjum, 2-2 gegn Bournemouth og svo 3-3 gegn Fulham.
Chri Wilder er aftur kominn í stjórasætið hjá þeim en ég held að leikmannahópurinn sé bara svo vonlaus að það er bara lítið hægt að gera í þeirra málum.
Líklegt byrjunarlið þeirra er svona (liðið í síðasta leik):
Grbic
Holgate – Ahmedhodxic – Jack “okkar” Robinson
Bogle – Souza – Arblaster – Hamer – Osborn
Brereton – McBurnie
Eitthvað er um meiðsli hjá þeim, veit ekki hvort það breyti miklu, en þynnir vissulega möguleikana hjá slöku liði. Rhian “okkar” Brewster, Tom Evertonmaður Davies, George Baldock og nokkrir fleiri eru meiddir.
The march goes on!! Poetry in motion!! Top of the league!!
Hvað er hægt að segja um okkar menn. Þeir standast hverja raun, þeir styrkjast við hvert mótlæti og gera það sem þarf. Klopp er búinn að berja saman þvílíkt lið, þvílíkan hóp, þvílíka karaktera. Það hefur gerst trekk í trekk, núna síðast gegn Brighton, að maður skilur hvorki upp né niður í ákvörðunum dómara og VAR-herbergisins. Nunez rifinn niður, Salah bara pjúra felldur, Doku með takka í öxl(!!!) – allt innan teigs og ekkert dæmt. Sumt virðist varla vera skoðað. En áfram höldum við þó að vinna leikina. Ég held að við værum með svipaða markatölu og Arsenal ef við fengjum einhvern tímann eitthvað dæmt með okkur. En, nóg af dómarvæli, liðið:
Nokkurn veginn það sama og gegn Brighton, Konate kemur inn fyrir Quansah.
Þetta er bara feykisterkt lið þótt enn vanti mikilvæga leikmenn. MacAllister var geggjaður gegn Brighton, Endo og Szoboszlai ekki síður. Salah og Nunez voru ekki á skotskónum (þótt Salah hafi skorað) en verða það heldur betur í þessum leik. Ég myndi vilja sjá Tsimikas í vinstri bakverðinum en ég er ekki viss um að Klopp sé sammála mér með það.
Þetta verður 6-0 fyrir Liverpool. Strikerarnir verða allir funheitir, Salah skorar þrjú, Nunez tvö og svo skorar Joe Gomez fyrsta markið sitt í meistaraflokki!!
We´re gonna win the league, we´re gonna win the league
and now you gotta believe us, and now you gotta believe us
and now you gotta believe us
We´re gonna win the league!!
[...]Okkur á kop.is langar að verða öflugri en við erum á samfélagsmiðlum.
Ef þú hefur áhuga á að verða hluti af þeirri framtíð og taka þátt sem virkur penni á Facebook, X eða jafnvel leggja inn á undraheima Instagram og/eða TikTok undir merkjum kop.is þá viljum við heyra frá þér.
Stuttur tölvupóstur á maggimark14@gmail.com með ástæðum umsóknar og vísun í samfélagsmiðlanotkun og þú gætir orðið partur af stórsigrum framtíðar (eða bara svona þið vitið að við náum lengra á þeim vettvangi sko).
Öllum umsóknum svarað!
[...]Súper Sunnudagur og Liverpool einir á toppnum eftir þessa viku. Stórar fréttir af þjálfaraleit Liverpool og tveir hrikalega mikilvægir leikir framundan.
Fengum meistara Bjössa Hreiðars til að spá í spilin með okkur að þessu sinni.
Stjórnandi: Einar Matthías
Viðmælendur: Maggi og Sigurbjörn Hreiðarsson.
Þökkum að vanda samstarfsaðilum þáttarins fyrir að hjálpa okkur að halda síðunni úti.
Egils Gull / Húsasmiðjan / Verdi Travel / Jói Útherji / Ögurverk ehf / Done
MP3: Þáttur 469
Til stuðnings umræðu í þætti – Hér er munurinn á leikjaálagi Liverpool og Arsenal það sem af er þessu ári og hversu mikið lykilmenn liðanna hafa verið að spila það sem af er tímabili
Það er kannski ekki skrítið að þeir hafi sloppið aðeins betur við meiðsli. Arsenal hefur einu sinni spilað þrjá leiki þar sem þeir fengu bara 2-3 daga í hvíld á milli. Þessa einu viku töpuðu þeir ósannfærandi gegn Porto. Seinni leikurinn sem kom tveimur dögum á eftir Brentford var nú ekki sannfærandi heldur og endaði í vító.
Það er alls ekki þar með sagt að þeir geti það ekki en þeir hafa alls ekki verið að glíma við alvöru leikjaálag það sem af er tímabili, það er að breytast núna í apríl sem er ansi þéttur hjá þeim rétt eins og auðvitað Liverpool og Man City.
Liverpool til samanburðar
Liverpool spilaði í janúar einum leik minna en Arsenal í janúar og febrúar. Þar af voru tveir af þessum leikjum milli Liverpool og Arsenal. Alveg magnað að vængbrotið lið Liverpool hafi virkað þreytt í leiknum á Emirates í byrjun febrúar. Apríl inniheldur átta leiki sem er galið og það er samt vegna þess að Liverpool tapaði (blessunarlega?) í bikarnum! Þetta er loksins a.m.k svipað galið hjá Arsenal og vonandi erum við að endurheimta nokkra lykilmenn fyrir lokakaflan sem hafa verið lengi í meiðslum.
Ef allt er eðlilegt þarf Arsenal að nota breiddina í næstu leikjum því þeir hafa komist upp með það hingað til að spila á nánast öllum sínum lykilmönnum í vetur.
Hvernig Liverpool er á toppnum m.v. meiðsli og leikjaálag fer ekki nógu hátt í umræðunni um þetta tímabil, rétt eins og menn eins og Van Dijk, Mac Allister og Salah eru ekki nærri nógu mikið í umræðunni um bestu menn þessa tímabils.
Sjö lykilmenn Arsenal hafa spilað um og fyrir 80% af deildarleikjum tímabilsins og þeir sömu spila líka megnið af Evrópuleikjunum. Raya er “bara” með um 80% því Ramsdale var í byrjunarliðinu í sumum leikja Arsenal í byrjun tímabilsins. Sumir af þeim sem ná ekki yfir 80% er vegna þess að þeir eiga ekki alveg fast sæti í byrjunarliðinu og eru partur af róteringu Arteta.
White, Gabriel, Saliba og Rice hafa allir spilað meira í vetur en Van Dijk sem hefur spilað langmest fyrir Liverpool. Ödegaard og Saka reyndar líka. Van Dijk er eini leikmaður Liverpool sem hefur spilað meira en 75% af deildarleikjum liðsins í vetur, eini af ellefu!
Það þarf ekkert að vera að þetta sé betra eða verra fyrir okkar menn en vonandi fáum við lykilmenn fyrir lokakaflann sem koma með þann kraft í liðið sem þarf til að klára mótið. Það tala allir um að Arsenal sé mun sterkara í ár heldur en í fyrra sem má vel vera rétt en þeir voru á sama tímapunkt tímabilsins í fyrra með 72 stig (sjö stigum meira en þeir eru með núna) og fengu bara 12 af 27 mögulegum í síðustu níu umferðunum, þá voru þeir ekki í neinni keppni annarri en deildinni frá mars.
Það er áhugavert að skoða (skv. WhoScored.com) hvað hefur verið ríkjandi leikkerfi hjá toppliðunum í Evrópu í vetur. Sérstaklega þar sem þeri sem helst eru orðaðir við Liverpool stilla upp með þriggja manna vörn.
Einar Matthías
Daníel Sigurgeirsson
Siguður Einar Einarsson
Ívar Örn Reynisson
Maggi