Search

Menu
Search

Latest stories

  • Liðið gegn West Ham

    1 Comment

    Áhugavert lið:

    Bekkur: Kelleher, Konate, Gomez, Tsimikas, Bajcetic, Jones, Szoboszlai, Salah, Nunez

    Semsagt; Konate, Nunez, Salah og Szoboszlai allir á bekk. Hafa verður í huga að það er stutt síðan liðið kláraði leik, en í ljósi þess að fæstir mættu til leiks á Goodison er þá hægt að tala um að þeir séu þreyttir? Allavega, þetta verður áhugaverð uppstilling.

    Nokkuð ljóst að núna þarf kraftaverk ef það á eitthvað betra en 3ja sætið að verða niðurstaðan. Og n.b. þá hefði maður líklega alveg tekið 3ja sætinu plús Carabao bikarinn í upphafi leiktíðar, en í augnablikinu virkar þetta samt eins og vonbrigði. Líka ef maður tekur með í reikninginn stöðuna á United og Chelsea.

    Nóg um það. Næst síðasti útileikur Klopp. Njótum á meðan á því stendur.

    KOMA SVO!!!!!

    [...]

  • Upphitun: Hádegisleikur gegn West Ham

    3 Comments

    ATH: Arne Slot tekur við Liverpool- Liverpool og Feyenoord hafa náð munnlegu samkomulagi
    Sá nánar umræðu í færslu fyrir neðan upphitun

    Það er erfitt að huga að næsta leik þegar liðið er búið að kasta frá sér öllum titlum á síðustu vikum en þannig er bara staðan. Eftir tapið gegn Everton kúplaði ég mig alveg út og var bara komast að því núna þegar ég byrjaði á upphitun hvernig leikur City fór í gær.

    Nú er hinsvegar bara tími til að setja hausinn upp, enginn pressa bara klára tímabilið og kveðja stjóran með stæl og fara svo að undirbúa (líklega) stjórnartíð Arne Slot, meira um það í færslunni hér fyrir neðan.

    Á morgun mætum við West Ham í hádegisleik og endurheimtum þar Gakpo sem var fjarverandi gegn Everton því konan hans var að eignast barn og við söknuðum hans mjög.

    Spurningin er kannski helst hvern hann leysir af í fremstu víglínu því þó Nunez sé að fá fyrirsagnirnar fyrir slaka frammistöðu hefur Salah ekki verið mikið betri eftir að hann snéri aftur úr meiðslum.

    Geri ráð fyrir þessu liði. Gakpo inn fyrir Nunez, Quansah fyrir Konate og Gravenberch fyrir Jones og hinir átta geta þakkað fyrir að fá að halda sæti sínu eftir síðasta leik.

    Fjórir leikir eftir undir stjórn Klopp, hefðum við viljað enda á tilti? Vissulega en það eru hverandi líkur á því þannig endum með fjórum sigrum og minnumst góðu tímana sem Klopp færði okkur áður en við höldum í nýja tíma.

    [...]

  • Uppfært: Arne Slot næsti stjóri Liverpool?

    25 Comments

    Uppfært: Liverpool og Feyenoord hafa náð munnlegu samkomulagi, Arne Slot verður næsti stjóri Liverpool.

    Aðstoðarstjórinn og head of performance koma líka í teymið

    Arne Slot og hans menn í Feyenoord eiga leik í Eredivisie núna í dag og fyrir leik var hann spurður út í orðróm um að hann væri að taka við Liverpool. Svarið var á þessa leið:

    Það verður því að teljast verulega líklegt að hann verði næsti stjóri Liverpool, það væri verulega úr karakter fyrir FSG að láta svona orðróm ganga það langt að stjórinn er opinberlega farinn að tjá sig um þetta. Vandræðalegt í meira lagi satt að segja ef þetta verður svo ekki að veruleika.

    Hvort félögin séu enn í samningsviðræðum eða bara að bíða eftir rétta tækifærinu til að tilkynna Slot er annað mál, mín spá er að þetta sé svo gott sem frágengið. Eins er svosem vel hægt að skilja það að hann var ekki kynntur í gær eða dag þar sem Liverpool áttu að spila gegn Everton í gærkvöldi (mættu reyndar ekki) og Feyenoord er að spila í kvöld. Eigum við að segja að morgundagurinn er tilvalinn í þetta? Það getur a.m.k. ekki skaðað formið á okkar mönnum neitt meira.

    Köfum betur ofan í hver þetta svo er í raun og veru þegar við fáum (Staðfest) á þetta. Arne Slot er að mörgu leik með svipað CV í Hollandi og Amorim í Portúgal, en klárlega ekki fyrsta nafn hjá neinum yfir næsta stjóra Liverpool, við sem fögnuðum endurkomu Edwards verðum líklega að treysta því aðeins núna að þeir viti hvað þeir eru að gera.

    Hér er annars ágætur þráður um kappann

    [...]

  • Everton 2-0 Liverpool

    57 Comments

    Jæja, nú þarf maður að reyna að koma einhverjum orðum yfir þennan gífurlega vonbrigða leik hjá Liverpool sem tapaði – nei, skíttapaði – fyrir Everton með tveimur mörkum gegn engu og hreinlega bara áttu varla breik í eina einustu baráttu í þessum leik.

    Allt frá því að leikurinn var flautaður á þá varð Liveprool undir í öllum baráttum og þær sem þeir náðu að vinna fengu Everton alltaf aukaspyrnur svo fljótt sá maður að hausinn á Liverpool liðinu fór að síga neðar og neðar. Dómarinn dæmdi víti snemma en tveir sóknarmenn Everton voru rangstæðir svo það var réttilega dæmt af en hefði átt að vera víti til varnaðar – en nei, áfram hélt Everton að spila sig yfir og í gegnum varnarlínu Liverpool.

    Þeir skoruðu svo líklega ljótasta mark sem ég hef séð Liverpool fá á sig síðan Sudnerland skoraði sundboltamarkið fyrir einhverjum fimmtán árum síðan eða eitthvað þar um bil held ég. Everton réttilega komið yfir en svaraði Liverpool fyrir sig á réttan hátt? Nei.

    Áfram hélt framlínan að klúðra færum og svo þegar Everton komust í 2-0 þá gerði Klopp einhverja voða skrítna varnarsinnaða skiptingu þegar Elliott kom inn ásamt Quansah og Endo. Ekki breyttist neitt við það og varð bara bitlausara og þegar tíu mínútur voru eftir og Liverpool enn tveimur mörkum undir og ekkert að frétta þá komu þeir Tsimikas og Gomez inn – sem gerði allt bara enn bitlausara.

    Þetta var svo þrotlaust, hugmyndansautt og lélegt. Allar 90 mínúturnar og fyrir utan Fulham leikinn sem var nokkuð góður þá hefur þetta verið trendið undanfarið og kostað þetta góða lið alltof mikið og því miður er maður líklega bara búinn að átta sig á því núna að þessi tvö óþarfa töp gegn Everton og Crystal Palace á skömmum tíma hafi endanlega gert út um vonir manns um ævintýralegan endi á tíma Klopp hjá Liverpool.

    Ég get alveg lifað með og dílað við tapleiki en þeir mega ekki vera svona. Tap þar sem liðið virkar loftlaust, lint og hugmyndasnautt er bara ekki boðlegt, það á ekki að sjást hjá svona reyndu og góðu liði og því miður er það orðið leiðinlega mikill vani hjá þeim upp á síðkastið. Þetta þarf að laga – það er því miður líklega of seint núna en það er þó enn mikkilvægt að enda deildina á fínu róli og þarf þetta að lagast strax í hádeginu á laugardaginn þegar Liverpool heimsækir West Ham.

    [...]

  • Síðasti Merseyside derby Klopp: liðið klárt

    101 Comments

    Svona stillir Klopp upp í sínum síðasta leik gegn Everton:

    Bekkur: Kelleher, Gomez, Tsimikas, Quansah, Endo, Elliott, Clark, Gravenberch, Danns

    Cody Gakpo er frá þar sem konan hans er komin á steypirinn ef hún er ekki bara búin að eiga. Diogo Jota meiddur eins og Klopp talaði upp á síðasta blaðamannafundi, svo þá er Jayden Danns næsti sóknarmaður inn af bekknum – ekki nema við teljum Elliott sem sóknarmann, hann gæti jú komið inn fyrir Salah.

    Það eru alveg nokkrir leikmenn þarna sem skulda alvöru frammistöðu eftir síðustu vikur. Já við erum að horfa á ykkur Salah, Jones, Nunez og Díaz, svo nokkrir séu nefndir.

    Þrjú stig takk. Eina.

    KOMA SVO!!!

    [...]

  • Everton – Liverpool (upphitun)

    22 Comments

    Minni á nýjasta þátt af gullkastinu frá því fyrr í dag þar sem er m.a. hitað upp fyrir morgundaginn.

    Þá er komið að næsta verkefni og það er stórt. Merseyside derby slagur þegar við heimsækjum þá bláklæddu og freistum þess að halda titilvonum okkar áfram lifandi. Það er merkilegt með þessa leiki að hlutir eins og form og staða í deild virðist ekki skipta neinu máli þegar blásið er til leiks. Hver veit, miðað við síðustu 2 vikurnar eða svo þá kannski hjálpar það okkur í þetta skiptið.

    (more…)

    [...]

  • Gullkastið – Byrjunin á endanum

    7 Comments

    Loksins sigur eftir hreint hræðilega viku hjá Liverpool.
    Amorim er alls ekkert að koma til Liverpool, Arne Slot líklegastur núna! Eða hvað?
    Derby slagurinn á morgun og West Ham í hádeginu á laugardaginn.

    Stjórnandi: Einar Matthías
    Viðmælendur: SSteinn og Bragi Brynjars formaður Liverpool klúbbsins

    Hér er svo hægt að kaupa miða á Árshátíð Liverpool Klúbbsins 2024

    Þökkum að vanda samstarfsaðilum þáttarins fyrir að hjálpa okkur að halda síðunni úti.


    Egils Gull / Húsasmiðjan / Verdi Travel / Jói Útherji / Ögurverk ehf / Done

    MP3: Þáttur 471

    [...]

  • Amorim ekki heldur á leiðinni?

    27 Comments

    Samkvæmt David Ornstein er Amorim alls ekkert inni í myndinni hjá Liverpool sem næsti stjóri, en ku víst vera á radarnum hjá West Ham og er annaðhvort á leiðinni eða þá kominn til London til að ræða við Lundúnafélagið um að taka þar við af David Moyes.

    Ef þetta er rétt – og Ornstein þykir nú með þeim allra áreiðanlegustu – þá eru allar líkur á að tölfræðiteymi Liverpool hafi vegið það og metið að Amorim væri ekki rétti kosturinn í starfið. Einhverjir tvítverjar héldu því fram að Amorim væri á leiðinni til Englands til að ræða bæði við West Ham OG Liverpool, en trúum við því? Ef knattspyrnustjóri ætti kost á því að fara til Liverpool, myndi hann líka velta fyrir sér möguleikanum á að fara til miðjumoðsklúbbs eins og West Ham? Þá erum við n.b. að taka með í reikninginn veðrið í Liverpool, niðurstaðan ætti SAMT að vera frekar augljós.

    Svo þá spyrjum við enn og aftur: hver verður næsti stjóri Liverpool?

    [...]

  • Fulham 1-3 Liverpool

    28 Comments

    Mörkin

    0-1 Trent Alexander Arnold (32.mín)

    1-1 Timothy Castagne (45+2.mín)

    1-2 Ryan Gravenberch (53.mín)

    1-3 Diogo Jota (72.mín)

    Gangur leiksins

    Fyrri hálfleikur var nokkuð góður til að byrja með, nokkur færi í opnum leik fóru forgörðum eins og undanfarið og Fulham fékk nánast ekkert að vera með boltann. Það var töluverður ferskleiki sem lauk með marki Trent, beint úr aukaspyrnu. Eftir markið komst Fulham inn í leikinn og átti nokkur hálffæri þangað til þeir skoruðu rétt fyrir hlé. Kannski rétt að minnast á að skömmu fyrir markið var skyndisókn þar sem voru sex sóknarmenn gegn fjórum varnarmönnum. Það er löngu kominn tími á að teikna svona færi upp og taka þau fyrir á æfingasvæðinu því þetta er alveg rándýrt og eiga bara að vera nánast örugg mörk.

    Seinni hálfleikur hófst eins og sá fyrri, Fulham sá eiginlega ekki til sólar og Liverpool fékk slæðing af þokkalegum færum. Ég var farinn að halda að það væri ekki hægt að skora gegn Fulham nema með glæsimörkum þegar Diogo okkar Jota skoraði þriðja markið. Pressan var nokkuð góð og Fulham náði lítið að byggja upp sóknir, ekki einu sinni skyndisóknir. Skiptingarnar skiluðu ágætis ferskleika og sigrinum var siglt í örugga höfn.

    Hverjir stóðu sig best?

    Mér fannst Cody Gakpo og Luis Diaz vera mjög ferskir í sókninni þrátt fyrir að skora ekki, Jota var kannski sístur af þeim þrátt fyrir markið. Miðjan hvarf eftir markið frá Trent Alexander Arnold en náði svo góðum tökum á leiknum aftur í seinni hálfleik og lét þau tök ekkert af hendi restina af leiknum – en leikurinn datt aðeins niður eftir allar skiptingarnar. Vörnin var mjög stabíl og kannski lítið hægt að kvarta undan þeim í markinu.

    Mörk hins vegar eru það sem telja og skipta mestu máli í fótbolta. Ég vel því Trent Alexander Arnold mann leiksins. Hann var með margar tilraunir til að senda sóknarmennina í gegn, skoraði glæsilegt mark og stóð vörnina vel að mestu.

    Hvað réði úrslitum?

    Gæðin í leikmannahópnum. Liðið réði lögum og lofum á vellinum meira og minna í 80 mínútur af þeim 100 sem voru spilaðar. Þetta var liðssigur sem gefur byr undir báða vængi í baráttunni framundan.

    Hvað þýða úrslitin

    Við erum með. Fimm úrslitaleikir eftir. 15 stig fara með okkur í 89 stig, það gæti dugað, en kannski ekki. Góð dreifing á álagi enda örstutt í næsta leik. Fleiri leikmenn að komast í leikæfingu eftir meiðsli.

    Hvað hefði mátt betur fara?

    Jöfnunarmark rétt fyrir hlé, slök leikstjórnun hefði alveg getað kostað meira en það gerði. Miðjan hvarf eiginlega eftir markið, Gravenberch og Elliot náðu ekki að halda dampi, hvorki sóknarlega né varnarlega. Höldum bara hreinu, þá vinnum við þessa leiki for crying out loud.

    Næsta verkefni

    Það er stutt á milli stríða. Næsta verkefni er grannaslagur gegn Everton á Goodison Park á miðvikudaginn. Þar kemur auðvitað ekkert annað til greina en sigur. Ég trúi!

     

    [...]

  • Liðið gegn Fulham

    27 Comments

    Þótt flestir hafi álitið leikinn gegn Atalanta á fimmtudaginn vonbrigði vannst hann sem slíkur. Jurgen Klopp og þjálfaraliðið gerir samt ansi miklar breytingar, hvernig sem við kjósum að útskýra það. Ég held að þetta sé bland af róteringu og því að hann er að reyna að finna bestu blönduna fram á við. Svo er bekkurinn orðinn alveg feykisterkur og vel hægt að vinna leikinn með réttum innáskiptingum.

    Mér finnst reyndar líklegt (og ekki hægt að stilla því þannig upp í þessu liðsuppstillingaforriti) að Diaz og Jota verði fremstu menn, báðir nokkurs konar níur eða innherjar, og Gakpo þar fyrir aftan – í tíu hlutverki eða falskri níu. Það hefur nú samt eiginlega enga merkingu því eins og við vitum þá flæða þessir fremstu þrír alveg endalaust og reyna að finna sér pláss.

    Bekkurinn:

    Joe Gomez, Ibrahima Konaté, Dominik Szoboszlai, Darwin Núnez, Alexis MacAllister, Mohamed Salah, Curtis Jones, Kostas Tsimikas, Caominh Kelleher.

    Nóg um það, áfram með smjörið og áfram Liverpool.

    [...]
Load More
Congratulations. You've reached the end of the internet.

© 2019 KOP.is

Back to Top
Close