Search

Menu
Search

Latest stories

  • Upphitun: Cardiff í bikarnum

    6 Comments

    Eftir þetta 783 ára langa vetrarfrí (tíminn er afstæður sjáið til) er loksins komið að því að við sjáum okkar ástkæra lið aftur á Anfield. Reyndar á afskaplega ókristilegum tíma, því það verður flautað til leiks kl. 12 á hádegi. Vonum bara að strákarnir okkar vakni nú í tæka tíð.

    Andstæðingurinn er lið Cardiff, og þetta er leikur í 32ja liða úrslitum FA bikarsins.

    Fyrri leikir

    Cardiff er lið sem komst upp í efstu deild í fyrsta skipti fyrir ekkert svo mörgum árum, og hefur náð heilum tveim tímabilum í efstu deild síðan þá. Í ljósi þessa þarf ekki að koma á óvart að liðin hafa ekki mæst neitt mjög oft á síðustu árum, eða sex sinnum á síðustu 15 árum. Leikur liðanna í deildarbikarnum 2007 (sem Liverpool vann 2-1) var sá fyrsti síðan 1959. Eftir það hafa liðin mæst fjórum sinnum í deildinni (þessi tvö tímabil sem Cardiff hefur verið í úrvalsdeild), og svo í úrslitaleik deildarbikarsins 2012 þegar okkar menn unnu í vítaspyrnukeppni. Þá var það enginn annar en Gerrard sem klúðraði víti fyrir sína menn, þ.e. Anthony Gerrard, frændi Steven. Deildarleikirnir enduðu allir með sigri Liverpool, þar á meðal 3-6 leikur þar sem Skrtel skoraði 2 og Sturridge lagði upp mark fyrir Suarez með hælspyrnu (þið munið, tímabilið þegar Liverpool var með hripleka vörn en skoraði á móti bara fleiri mörk en andstæðingurinn – svona langoftast). Það var góðkunningi okkar Ole Gunnar Solskjaer sem stýrði þeim tímabilið 2013 – 2014, og svo annar góðkunningi – Neil Warnock – sem stýrði þeim gegn Liverpool í tveim leikjum tímabilið 2018 – 2019.

    Andstæðingarnir

    Lið Cardiff leikur sem stendur í næstefstu deild, og verður nú ekki sakað um að vera að gera neina atlögu að því að komast í deild þeirra bestu, allavega ekki um þessar mundir. Sem stendur er liðið í 20. sæti af 24. Sá sem mun stýra þeim á sunnudaginn heitir Steve Morison, og tók við þeim í nóvember sl. Í ljósi stöðunnar í deildinni er kannski ekki skrýtið að þar á bæ hafi verið ákveðið að skipta um mann í brúnni, en téður Steve er vissulega með yngri mönnum í þessari stöðu. Hann er fæddur 1983, lagði skóna á hilluna árið 2019 og fór að þjálfa, en þetta er fyrsta aðalliðið sem hann stýrir. Semsagt, kornungur (ok, hann er jafngamall Pep Lijnders, svo við skulum ekki dæma hann út frá aldrinum svona strax a.m.k). Annars ætlar pistlahöfundur bara alls ekki að þykjast þekkja nokkurn einasta leikmann liðsins, en upptalning á ferli næstum allra leikmanna myndi sóma sér vel í hópnum “Algjörlega óáhugaverðar fótboltaupplýsingar”.

    En þeir verða nú samt alveg örugglega sýnd veiði en ekki gefin á sunnudaginn. Þetta er jú bikarleikur.

    Okkar menn

    Okkar menn munu að sjálfsögðu gera sitt besta til að endurtaka leikinn frá síðasta bikarleik gegn Cardiff, það er að vísu ekki bikarinn sjálfur í boði á sunnudaginn, heldur sæti í 16 liða úrslitum (með tilheyrandi auknu leikjaálagi í byrjun mars hið minnsta). Hópurinn sem Klopp hefur yfir að ráða er bara með albreiðasta móti. Tveir ansi mikilvægir leikmenn eru vissulega enn í Afríkukeppninni, og munu einmitt mætast í úrslitaleik á sunnudagskvöldið. En svo koma þeir aftur, og gætu mögulega náð Leicester leiknum sem er á fimmtudagskvöldið (tæpt, en ekki útilokað). Tveir aðrir yfirgáfu hópinn tímabundið: Nat Phillips og Neco Williams, sem munu reyndar etja kappi þann 23. apríl nk. þegar Fulham og Bournemouth mætast í leik sem gæti vel orðið toppslagur í deildinni. En svo hafa menn verið að tínast inn á æfingasvæðið eftir meiðsli: Divock Origi er mættur, Thiago sömuleiðis (veiktist reyndar eitthvað í vikunni en verður líklega í hóp), nú og svo er búið að staðfesta að Harvey Elliott verður í hóp á sunnudaginn. Byrjar hann? Ekki hugmynd.

    Svo er það nýji leikmaðurinn. Luis Díaz. Hann mætti á æfingasvæðið og æfði aðeins í einrúmi, en er enn að venjast tímamismuninum og ferðalaginu. Klopp vildi þó ekki útiloka að við fengjum að sjá kappann á vellinum, sem bendir til þess að það sé búið að græja alla pappíra sem þarf. En það hefur margoft komið fram að Klopp er lítið í því að henda mönnum út í djúpu laugina, og vill að nýir menn fái góðan tíma til að aðlagast borginni, leikmönnum, æfingasvæðinu, leikkerfinu og öðru (sjá Fabinho, Robertson, Tsimikas o.fl.). Það er því ákaflega hæpið að við sjáum kappann byrja, en ég hef lúmskan grun um að hann verði á bekk og fái jafnvel einhverjar mínútur í lokin ef staðan í leiknum býður upp á það. Ætli það verði ekki tekin endanleg ákvörðun á æfingu á laugardeginum.

    Klopp vill örugglega spila sínu besta liði í gang eftir vetrarfríið, engin ástæða til að hvíla neitt á þessum tímapunkti. Það eru alls konar smáatriði sem spila inn í, fyrst og fremst þá hvernig er leikformið á þeim sem voru að koma til baka.

    En prófum að stilla þessu upp svona:

    Alisson

    Trent – Matip – Virgil – Robbo

    Hendo – Fab – Thiago

    Ox – Firmino – Jota

    Hér er ég að gefa mér að Alisson fái þessa keppni, en satt að segja held ég að það skipti ekki öllu máli þó Kelleher verði þarna í staðinn. Hugsanlega fær Konate sénsinn við hliðina á Virgil í vörninni. Miðjan er meira spurningamerki: verður Harvey hent beint í byrjunarliðið? Kannski þykir hann ekki klár í þann slag alveg strax, ég er frekar að veðja á það. Það er svosem ekkert víst að Thiago sé klár heldur, og þá gæti Jones komið inn, nú eða Keita. Þarna þarf að meta stöðuna á æfingasvæðinu, og ég er ekki ennþá kominn með passa þangað (sjálfsagt bara tafist í pósti). Framlínan er líka ekki alveg geirnegld, ég geri ráð fyrir að Ox verði verðlaunaður fyrir að vera með stabílli mönnum síðustu mánuði, en svo gætu Origi eða Minamino alveg dottið þarna inn sömuleiðis.

    Og spáin? Hún er ekki góð, það eru jafnvel líkur á rauðri viðvörun á mánudagsmorguninn. Ég held að sunnudagurinn verði líka rauður, bara öðruvísi rauður. Enda á Liverpool alltaf að vinna Cardiff, og reyndar hvaða lið sem er sem er í neðri hlutanum á næstefstu deild.

    Spáum 3-0 og málið dautt.

    KOMA SVO!!!

  • Diaz er mættur á svæðið

    7 Comments

    Luis Fernando Díaz Marulanda eða Luis Diaz er mættur á svæðið og að sjálfsögðu fær hann Klopp faðmlag.
    Þetta er falleg stund og er þetta líklega ekki síðasta faðmlag sem hann fær frá Klopp.

    Hverjar eru þínar væntingar til Luis Diaz fyrir þetta tímabil og svo framtíðina? Verður þetta kaup sem við munum tala um eins og Salah, Mane, Firmino og Jota eða fer þetta í Benteke, Downing og R.Keane söguna?

    Við erum að minnsta kosti spenntir hér á Kop.is og höfum bullandi trú á stráknum.

    YNWA – Vertu velkominn strákur

  • Hvernig koma liðin undan janúarglugganum?

    13 Comments

    Tökum léttan snúning á helstu breytingum á leikmannahópum úrvalsdeildarliðanna, hvaða lið voru að bæta sig mest o.þ.h.

    Liverpool

    Luis Diaz var skemmtilega óvænt viðbót við sóknarlínu Liverpool sem hefur aldrei verið eins vel mönnuð í ensku úrvalsdeildinni. Klopp hafði fyrir úr alveg nægum mannskap að velja en Luis Diaz kemur með gæði sem ógnar töluvert byrjunarliðssæti Sadio Mané og fara kaupin á honum algjörlega í flokk með kaupunum á Salah, Mané, Jota og jafnvel Firmino. Það er auðvitað ekkert lögmál að hann standi sig eins vel og þeir hjá Liverpool en hann fær öll tækifæri til þess, er í sama verðflokki og með sambærilega tölfræði auk þess sem hann ætti að henta leikstíl Liverpool fullkomlega.

    Þegar Salah og Mané skila sér frá Kamerún verða Origi og Minamino sjötti og sjöundi maður í frammlínuna hjá Liverpool svo lengi sem Ox, Elliott eða Gordon byrja ekki á undan þeim!
    (more…)

  • Miðar á Anfield

    2 Comments

    Í dag settum við loksins inn formlegan hlekk sem miðar að því (orðaleikur ætlaður) að benda fólki á aðgengi að miðum á heimaleiki Liverpool FC.

    Leiðbeiningar og frekari upplýsingar er að finna í línunni fyrir ofan en einnig er hægt að smella hér á.

    Miklar breytingar hafa orðið á miðasölu á Anfield þetta leiktímabil og umrædd síða er með opinbera miða og hótel ef óskað er.

  • Fimm fræknu

    11 Comments

    Fimm fræknu hjá Liverpool
    Það eru örugglega mörg lið sem öfunda okkur af þessum valkostum. Við erum með Salah, Mane og Firmino sem hafa unnið alla stærstu bikara sem stórhættulegt sóknar þríeyk. Við höfum svo bætt við Jota og Diaz sem eru báðir mjög góðir í dag og eru líklega hugsaðir sem arftakar. Það má segja að Jota hafi nú þegar stolið hlutverkinu af Firmino og Mane fær nú alvöru samkeppni frá Diaz sem ætti nú bara að gera honum gott(ekki eins og Origi eða Minamino voru að ógna honum mikið).

    Part 1
    Firmino(2015) 312 leikir 94 mörk 67 stoðsendingar. 29m pund
    Mane(2016) 244 leikir 107 mörk 37 stoðsendingar. 30m pund
    Salah(2017) 299 leikir 148 mörk 52 stoðsendingar. 44m pund
    Part 2
    Jota(2020) 58 leikir 27 mörk 2 stoðsendingar. 41m pund (gæti farið í 44m)
    Diaz(2022) 37,5m pund (gæti farið í 50m)
    Það eru spennandi tímar frammundan hjá Liverpool og er ég viss um að margar varnarlínur bíða ekki spenntar eftir að mæta okkar strákum.
    YNWA

  • Gullkastið – óvænt gluggaendalok

    8 Comments

    Leikmannaglugginn endaði á óvæntan hátt, við náðum í a.m.k. einn alvöru leikmann og vorum að slást um einn efnilegan.

    Maggi og Steini settust niður í fjarveru Einars, skoðuðu leikmannagluggann hjá LFC og öðrum liðum auk þess að líta til Cardiff leiksins.

    Spjallarar: SSteinn og Maggi

    MP3: Þáttur 366

  • Gluggadagur: Liverpool ekki hættir á markaðnum? UPPFÆRT

    32 Comments

    Uppfært kl. 22:12
    Talað um að það sé búið að ganga frá samningum varðandi Carvalho, en á eftir að klára læknisskoðun og pappírsvinnu. Slegist við klukkuna. Lang líklegast að hann klári tímabilið með Fulham.

    Neco gæti farið þangað í staðinn, en þar er líka slegist við klukkuna.

    Erum við að fá spennu á lokametrunum?

    Uppfært kl. 17:55

    Liverpool fá 1,5m pund fyrir að lána Phillips til Bournemouth en sú upphæð getur hækkað í 1,75 m punda ef þeir komast upp.

    Liverpool eru en þá að reyna að ná í Fabio Carvalho.

    Minamino er líklega ekki að fara frá Liverpool í þessum glugga.

    Andy Carroll og Mario Balotelli eru ekki á leiðinni til Liverpool en það voru engar líkur á því en langaði bara að gleðjast yfir einhverju í dag 🙂

    Þessir tveir hittust svo í gær milli leikja og eru ágætar líkur á því að þeir keppa á móti hvor öðrum í úrslitaleik Afríkukeppninnar 6.feb

    Uppfært kl. 15:30

    Nat Phillips mættur til Bournemouth, mögulega photoshoppaðar myndir af honum í útgáfu AC Milan búnings að fara um netið en þó ekkert staðfest nema hjá Sky.

    Í slúðrið hefur þó bæst við, Atalanta að bjóða í Divorck Origi og það virðist vera að nokkur lið séu að eltast við Neco Williams sem vill ólmur komast á lán. Loris Karius er í viðræðum um að verða “free agent” þar sem það virðist ljóst að hann nái ekki að finna nýtt lið í dag, ef hann er samningslaus á hann nokkra daga í viðbót til að finna lið.

    Uppfært Mánudagur 31.jan

    Við höldum þessum þræði hér uppfærðum í gegnum daginn fram að podcasti sem verður í gangi í kvöld – svona upp á ef að eitthvað kemur upp nýtt.

    Núna kl. 13:00 er slúðrið úr okkar herbúðum annars vegar það að Nat Phillips er líklega á lán til Bournemouth út tímabilið, lið ekki tilbúin að greiða 15 milljónir punda fyrir hann, Newcastle buðu í hann minna en það en þegar LFC sögðu nei keyptu þeir Dan Burn frá Brighton á 13 milljónir.

    Hitt slúðrið vísar Einar í hér í upprunalegu færslunni, Fabio Carvalho hjá Fulham. Liverpool á að hafa fengið ákveðna tölu sem yrði samþykkt, sú hærri en þeir hugsuðu sér að greiða. Kappinn rennur út á samningi í sumar og getur farið frítt utan Englands, nokkuð sem virðist svolítið vera að skekkja málið. Það er klárt að allir dílar honum tengdir verða virkjaðir í sumar, hann mun ljúka tímabilinu hjá Fulham.

    Upprunalega greinin

    Kaupin á Luis Diaz frá Porto voru staðfest í morgun en ef marka má slúðrið í dag er líklegt að Liverpool láti ekki þar við sitja í þessum glugga. Fabio Carvalho 19 ára leikmaður Fulham er sterklega orðaður við Liverpool einnig, hann á 6 mánuði eftir af samningi og er talað um að Liverpool sé tilbúið að bjóða 5m í hann og lána hann til Fulham út tímabilið. Hann hefur verið frábær í toppliði Fulham í Championship deildinni.

    Liverpool fékk einmitt Harvey Elliott frá Fulham eftir að samningur hans rann út, Fulham hefur klárlega engan áhuga á að lenda aftur í slíku en geta lítið gert neiti Carvalho að skrifa undir nýjan samning. Einnig er talað um að Fulham skuldi Liverpool bróðurpartinn af 12m kaupverði Harry Wilson.

    Carvalho er fæddur í Portúgal en uppalin frá 12 ára aldri hjá Fulham og hefur spilað fyrir yngri landslið Englendinga. Hann er ekki ósvipað Elliott miðjumaður sem getur spilað á vængnum eða í framlínunni í svona Firmino hlutverki, mjög góður í pressuvörn, teknískur og góður skotmaður.

    Hann fékk sénsinn hjá Fulham á síðasta tímabili (18 ára) en hefur verið fastamaður það sem af er þessu tímabili með sjö mörk og fjórar stoðsendingar í 18 leikjum. Það gerir þáttöku í marki uppá 0,78 mörk per 90 mínútur. Gríðarlega spennandi tölur fyrir svo ungan leikmann

    Áhugaverð greining á honum

    Hlutverk hans hjá Fulham í vetur hefur að mestu verið í holunni í 4-2-3-1 leikkerfinu og mæðir ekki síður á honum varnarlega, hann er 180cm og því töluverður skrokkur rétt eins og félagi hans í framlínu Fulham.

    Liverpool er alls ekki eina liðið sem er að sýna þessum strák áhuga og því ljóst að þetta er langt frá því að vera staðfest ennþá en ljóst að áhugi Liverpool er til staðar og verið að reyna klára þetta núna í janúar úr því allir helstu blaðamenn með tengingar við Liverpool hafa tjáð sig um þetta.

    Það verður því eitthvað til að fylgjast með á morgun fyrir okkur þó að búið sé að ganga frá kaupum á Luis Diaz

    Það stefnir allt í fjörugan lokadag á leikmannamarkaðnum almennt og því spurning hvort takist að losa eitthvað af leikmönnum Liverpool sem mega fara annað?

    Nat Phillips er klárlega nógu góður til að nýtast fjölmörgum liðum

    Divock Origi náði að minna ágætlega á sig á fyrri hluta þessa tímabils sem gæti skilað honum nýju heimili í janúar

    Minamino hefur verið orðaður við nokkur lið og er Liverpool sagt hafa hafnað tilboðum frá Leeds, eins er Monaco orðað við hann. Er ekki búið að ganga frá sölu á honum samhliða kaupum á Diaz?

    Joe Gomez er svo klárlega leikmaður sem þarf að spila meira en hann er að gera og gæti sannarlega verið eftirsóttur. Hvort sem Liverpool vill selja er annað mál.

    Neco Williams er svo líklega að fara til Bournemouth á láni

    Annað mögulegt á gluggadegi?

    Man City

    Þeir hafa ekki keypt neitt það sem af er þessum glugga en selt F. Torres til Barcelona. Þeir voru að reyna við 100m sóknarmann í sumar og hafa fækkað um einn síðan þá, þetta gengur ekki alveg upp er það? Sprengja frá þeim á morgun?

    Eins má ekki gleyma því að þeir hafa verið ótrúlegir í styrktarsamningum, eru nýlega búnir að gera þrjá fáránlega stóra styrktarsamninga við félög sem eru fyrir tilviljun með bein tengsl við Abu Dhabi og stjórnvöld þar, eins er að koma í ljós að þeir hafa undanfarin ár verið með styrktarsamninga við félög sem eru ekki einu sinni í rekstri og með enga starfsemi sem hægt er að færa sönnur fyrir. Ótrúlegt alveg.

    Man Utd

    Mason Greenwood gæti hreinlega hafa spilað sinn síðasta leik fyrir félagið miðað við ömurlegar fréttir dagsins. Verulega sorglegt mál og m.v. nýjustu fréttir var hann handtekin í dag og United búið að gefa út að hann æfi ekki né spili með félaginu á meðan rannsókn stendur.

    Frá sjónarhóli United gætu þeir þarna verið að missa 75-100m leikmann og eina skærustu framtíðarstjörnu félagsins. Auk þess eru þeir nýbúnir að lána Martial til Spánar og van der Beek er á leiðinni til Everton.

    Það er því spurning hvor þeir ætli sér að gera eitthvað á morgun, eða jafnvel bara prufa þennan Sancho sem þeir keyptu í sumar?

    Virðast a.m.k. ekki vera styrkja sig það sem af er janúarmánuði öfugt við það sem maður bjóst við í byrjun mánaðar.

    Tottenham

    Liverpool og Barcelona virðast hafa eyðilagt laglega helstu plön Spurs í janúar, þeir voru langt komnir með tilboð í Diaz og voru einnig sterklega orðaðir við Adama Traore sem er núna farinn á láni til Barcelona.

    Þess í stað versla þeir tvo leikmenn frá Juventus sem reyndar eru báðir mjög spennandi, annarsvegar Rodrigo Bentancur frá Uruguay og hinsvegar svíann Dejan Kulusevski sem er gríðarlegt efni.

    Spurs eru á móti mögulega að losa sig við Bryan Gil, Lo Celso og Ndombele í janúar. Allt stór kaup sem hafa ekki gengið upp hjá Spurs undanfarin ár.

    Aston Villa

    Gerrard er nú þegar búinn að fá Philippe Coutinho, Lucas Digne, Calum Chambers og er líklega ekki hættur. Þeir voru t.a.m. að spá í Rodrigo Bentancur áður en Spurs kláraði það.

    Newcastle

    Hvað gerir svo Saudi Arabía? Þeir eru nú þegar búnir að eyða 80m Bruno Guimarães, Kieran Trippier og Chris Wood. Guimarães frá Lyon er sérstaklega mikið statement frá þeim það sem af er þessum glugga og líklega eru þeir ekki hættir þar.

    Everton

    Frank Lampard er að taka við þeim á morgun og tekur líklega Donny van der Beek með sér

     

    Meira í gangi?

     

    Tökum svo upp Gullkast annað kvöld (mánudag) og förum yfir þetta allt saman.

  • Bikarleikur hjá kvennaliðinu gegn Lincoln

    Comments Off on Bikarleikur hjá kvennaliðinu gegn Lincoln

    Þó enska deildin sé í pásu þessa helgina þá getum við samt fengið að sjá Liverpool spila, því stelpurnar okkar mæta Lincoln City í bikarkeppninni á Prenton Park núna kl. 14.

    Það hefur verið allt of lítið um leiki hjá þeim sem hafa verið aðgengilegir á netinu, t.d. léku þær gegn Crystal Palace um síðustu helgi, á nákvæmlega sama tíma og strákarnir okkar spiluðu á móti karlaliði Palace, og báðir leikir unnust eins og kom fram í leikskýrslunni. Okkar konur eru því enn með 7 stiga forskot á London City Lionesses, en þær eiga leik til góða. Sætið í efstu deild er því fjarri því að vera tryggt, en klárlega eru stelpurnar okkar í eins góðri stöðu og þær geta verið í á þessum tímapunkti.

    Þá léku þær gegn Spurs í 8 liða úrslitum í Continental Cup fyrir 10 dögum síðan, sá leikur fór 1-0 fyrir Spurs. Þetta var þó ágætis tækifæri fyrir liðið til að máta sig gagnvart andstæðingum í efstu deild, Tottenham hafa verið að gera fína hluti og eru í efri hluta deildarinnar, og því ljóst að okkar konur eru alls ekkert fjarri þeim í gæðum.

    En nóg um það. Liðið á eftir verður skipað sem hér segir:

    Clarke

    Robe – Silcock – Moore

    Wardlaw – Holland – Bailey – Hinds

    Kiernan – Stengel – Humphrey

    Bekkur: Laws, Roberts, Fahey, Missy Bo, Furness, Daniels

    Í ljósi þess að Lincoln er að spila í þriðju efstu deild (og eru í fjórða efsta sæti í “Division One Midlands” hluta hennar), þá leyfir Matt Beard sér að stilla upp liði sem er ekki sterkasta uppstillingin. Charlotte Clarke fær markvarðarstöðuna, ungstirnið Hannah Silcock er í byrjunarliði í annað sinn, og á miðjunni ætla þær Carla Humphrey og Jade Bailey að ráða ríkjum í þetta skiptið (EDIT: Humphrey virðist vera í hægri framvarðarstöðunni, en Ceri Holland á sínum stað á miðjunni). Á meiðslalistanum erum við áfram með Rylee Foster, ásamt því að Melissa Lawley er frá og Rhianna Dean varð fyrir einhverju bakslagi í sinni meðferð.

    Það verður Taylor Hinds sem mun bera fyrirliðabandið á eftir, og gerir það í fyrsta skipti.

    Leikurinn á eftir verður sýndur á helstu streymisveitum Liverpool, þar á meðal á YouTube. Við uppfærum svo færsluna að leik loknum með úrslitum.

    Leik lokið með öruggum 6-0 sigri hjá stelpunum okkar, en þær voru líklega svona 85% með boltann. Mörkin röðuðust þannig að þrennu skoraði – wait for it – Leighanne Robe, með tvö skallamörk eftir föst leikatriði, og svo fékk hún að taka víti í seinni hálfleik til að fullkomna þrennuna. Þar fyrir utan átti hún a.m.k. tvo aðra skalla í þverslá og líklega einn eða tvo bolta til viðbótar sem hefðu með smá heppni getað endað í netinu. Þetta eru víst fyrstu mörk hennar fyrir klúbbinn, þvílík innkoma inn á markaskorunarlistann. Síðan skoruðu Katie Stengel, Meikayla Moore og Charlotte Wardlaw eitt mark hver.

    Næsti leikur er á sunnudaginn eftir viku þegar þær fá Coventry í heimsókn, viku síðar koma stelpurnar í Sunderland í heimsókn, og svo heimsækja þær höfuðborgina og mæta þar London City Lionesses, í leik sem gæti vel verið toppslagur seinni hluta tímabilsins.

  • Breytingar á innkaupastefnu Liverpool?

    18 Comments

    Frá því að Liverpool keypti hinn 19 ára Lazar Markovic á €25m frá Benfica sumarið 2014 hefur Liverpool ekki keypt einn leikmann beint frá Portúgal. Rétt tæplega 1/3 af Suarez peningnum fór í Markovic í glugga þar sem kaupin á honum voru ekki einu sinni þau verstu. FSG lærði sína lexíu í þessum glugga og hafa verið hálf ótrúlegir á markaðnum síðan þá.

    Mögulega er það tilviljun en undanfarin ár hefur Liverpool ekki ekki sett háa fjárhæð í neinn leikmann sem ekki er með reynslu af ensku úrvalsdeildinni eða einhverri af hinum stærstu deildum Evrópu (Seria A, Bundesliga, La Liga eða Ligue 1). Engin risakaup hafa komið beint frá Portúgal, Hollandi, Austurríki, Sviss, Brasilíu o.s.frv.

    Hluti af ástæðunni er auðvitað sú að Liverpool hefur hreint ekki keypt marga leikmenn dýrum dómi á þessum tíma. Eins hefur það mögulega spilað inn í að stórliðin þrjú í Portúgal hafa verið að selja mjög vel undanfarin ár. Þau hafa notið góðs af því að reglur voru slakari gagnvart leikmannakaupum frá S-Ameríku og þeir áttu auðveldara með að aðlagast lífinu í Portúgal enda kúltúrinn nær þeirra heimaslóðum. Sumir af bestu umboðsmönnum í heimi eru einmitt frá Portúgal.

    Kaupverð bestu leikmanna Porto, Benfica og Sporting hefur því bara alls ekkert endilega verið lægra en sambærilegra leikmanna með reynslu af stóru deildinum fimm. Mögulega er landslagið aðeins að breytast hvað þetta varðar, úrvalsdeildarlið eins og Leicester, Aston Villa, Southampton og Wolves þurfa alls ekkert að selja sína bestu leikmenn til að láta enda ná saman á meðan Porto, Benfica og Sporting verða að treysta á sölu sinna bestu manna. Flest liðin í ensku úrvalsdeildinni eru núna meðal ríkustu liða í heimi, Barcelona var t.a.m. að fá leikmann Wolves að láni í þessum glugga!

    Engu að síður hefði maður búist við því að Liverpool myndi láta meira til sín taka á þessum markaði undanfarin ár enda góðar tengingar innan herbúða Liverpool við Portúgal. Pep Ljinders kom til Liverpool frá Porto þar sem hann þjálfaði m.a. Ruben Neves, Diogo Jota og fleiri góða. Julien Ward var njósnari Liverpool á þessu svæði og vann með landsliði Portúgal. Auk þess sem Liverpool hefur núna mætt Porto sex sinnum á nokkrum árum.

    Á hverju sumri selja stóru liðin þrjú í Portúgal nokkra mjög góða leikmenn úr deildinni, mig langaði í tilefni af væntanlegum kaupum Liverpool á Luis Diaz frá Porto að skoða þessi kaup aðeins.

    Luis Diaz vs Ruben Dias

    Það er of snemmt að meta þá sem voru keytir sumarið 2021, byrjum því á sumrinu 2020

    2020

    Wolves er auðvitað aðeins sérstak tilfelli með alla sína portúgölsku leikmenn. Fabio Silva er einn efnilegasti leikmaður í heimi í dag og Wolves vonast klárlega til að ávaxta pundið vel eftir einhver ár en er á sama tíma lið sem getur gefið honum séns og þann spilatíma sem hann þarf. Kaupverðið sýnir samt að þú ert ekkert að fá neitt gefins í Portúgal þó deildin sé ekki meðal þeirra bestu. Sambærilegur leikmaður frá Hollandi, kostar hann svona mikið?

    Ruben Dias frá Benfica hefur komið frábærlega inn í vörn Man City og er þegar talinn einn besti miðvörður í heimi. Kaupverðið gefur til kynna að það var alveg vitað fyrir.

    Alex Telles hjá United er svo squad leikmaður og kostaði svipað og squad leikmenn kosta hjá því illa rekna félagi. Bestu leikmenn Portúgal eru að fara í ríku liðin (og Wolves).

    2019

    Gluggarnir 2019/20 sýna enn betur að bestu leikmenn portúgölsku deildarinnar eru að fara í ríku liðin í Evrópu (og Wolves).

    Felipe sem hafði verið frábær í vörn Porto lengi og festi sig fljótlega í sessi í frábærri vörn Atletico enda ekkert unglamb þegar hann skipti yfir.

    Militao fór ekki beint í liðið hjá Real Madríd enda mun yngri og harðari samkeppni en hefur verið að festa sig í sessi síðan. Hann er einmitt einn af þeim sem við vildum að Liverpool myndi skoða eftir eina af viðureignum Liverpool og Porto.

    Kaupverðið á Joao Felix sem var ekki orðin tvítugur er ennþá alveg magnað og sýnir kannski hvað best afhverju FSG hafa ekkert verið ólmir í að vinna á þessum markaði. Verst fyrir hann að fara þarna í lið sem hentar honum alls ekki eins vel og hægt er að ná út úr honum, hann hefur alls ekki verið €127m virði.

    Raul Jiminez voru frábær kaup hjá Wolves og enn einn leikmaðurinn frá Portúgal sem flestir töldu of góðan til að fara í Wolves.

    Luca Jovic er gott dæmi um frábært njósnaranet portúgölsku liðanna, hann kom frá Serbíu til Benifca, var lánaður í tvö tímabil til Frankfurt sem keypti hann á endanum. Hann er núna hjá Real Madríd. Fengu nota bene svipað mikið fyrir þessi kaup á enfilegum serba og þegar þeir seldu Lazar Markovic.

    Bruno Fernandes eru leikmannakaup beint frá Portúgal til Englands sem kannski líkjast hvað mest kaupum Liverpool á Luis Diaz. Fernandes var búinn að vera bestur í deildinni í smá tíma en engu að síður voru miklar efasemdir um hvort hann gæti ráðið eins vel við ensku deildina. Fernandes fór á sama aldri og Diaz er núna og kaupverðið var svipað. Vonandi kemur Diaz með svipað impact inn í deildina, hann fær hjá Liverpool mun betri stjóra og lið með miklu betri holningu en Fernandes fékk hjá United.

    Raphinha sem margir vildu/vilja einmitt fá til Liverpool er enn einn af þessum brössum sem stoppa við í Portúgal á leið sinni í Evrópska boltann, hann fór þetta sumar í Ligue 1 og þaðan til Leeds. Hann er núna 25/26 ára og farinn að nálgast hátind ferilsins, klárlega tilbúinn í eitthvað meira en Leeds.

    2018

    Á einu tímabili seldi Porto frá sér Dalot, Pereira og Boly úr varnarlínunni. Allir fór þeir beint í ensku úrvalsdeildina. Landsliðsmarkmaðurinn Rui Patrício einnig. Dalot var svo ungur að það hefur tekið hann tíma að fóta sig en hinir fóru allir beint í liðið hjá sínum nýju félögum.

    Eins héldu Madrídarliðin áfram að versla í Portúgal.

    2017

    Stærstu leikmannasölurnar tímabilið 2017/18 voru að vanda til stórliðanna (og Wolves). Lindelöf kom með mjög gott orðspor til Man Utd og kostnaði slatta af pening, ruglið innan herbúða félagsins hefur klárlega ekki hjálpað honum en hann hefur varla staðið undir verðmiðanum. Man Utd keypti nota bene leikmann frá Portúgal öll þessi ár sem við erum að skoða (2017-2018-2019-2020)

    Ederson fyrir €40m er þjófnaður og ljóst að City hafa gert öllu betri kaup í Portúgal en nágrannarnir í Utd. Sýnir líka hvað það er mikilvægt að koma inn í heilsteypt lið með góða holningu og leikstíl. Lindelöf, Fernandes eða Telles hefðu allir átt auðveldara með að skína hjá City en þeir hafa náð hjá Utd.

    Kaup Wolves á Neves komu þó mest á óvart þetta sumar og hjálpuðu örugglega helling til við leikmannakaup þeirra í kjölfarið. Hann er núna kominn á það stig að hann þarf að fara huga að næsta skrefi á sínum ferli, núna með góða reynslu af úrvalsdeildinni.

    Af hverju engin til Liverpool?

    Af þeim leikmönnum sem hafa yfirgefið Portúgal undanfarin fimm ár eru ekki margir sem maður myndi flokka sem klúður af hálfu Liverpool að kaupa ekki. Það eru engir faldir demantar í stóru liðunum í Portúgal og það þarf að borga til að fá þá. Luis Diaz hefur verið í umræðunni í 1-2 ár þó hann hafi ekki byrjað að springa út fyrir alvöru núna á þessu tímabili. Það eru fjölmörg lið búin að setja sig í samband við umboðsmenn hans undanfarna mánuði.

    Fabio Silva og Ruben Dias eru sem dæmi báðir mjög spennandi en kostuðu líka fullt verð og rúmlega það. Liverpool á fyrir sambærileg gæði. Sama má segja um Joao Felix sem er þó velkominn á Anfield á einhverju stigi síns ferils.

    Eftir á að hyggja hefðum við skipt á Keita og Fernandes vegna meiðsla Keita en Liverpool var svosem búið að ganga frá kaupum á Keita tveimur árum áður en Bruno fór til Manchester. United greiddi líka sannarlega uppsett verð fyrir hann.

    Á þessu tímabili sem við erum að miða við, 2017-2020 keypti Liverpool eftirfarandi leikmenn: Alisson, Van Dijk, Salah, Fabinho, Robertson, Keita, Jota, Thaigo, Ox, Shaqiri, Minamino og Tsimikas,

    Þetta er ótrúlegt succsess rate í leikmannakaupum. Þeir sem hafa kostað yfir €30m hafa flestir rúmlega staðið undir væntingum og jafnvel virkað ódýrir, sama hvert kaupverðið var. Allir fyrir utan Ox og Naby Keita sem væru sannarlega meðtaldir væri ekki fyrir endalaus Harry Kewell-esq meiðslin.

    Andy Robertson vegur einn og sér upp á móti og guð minn góður ef við teljum Trent Alexander-Arnold með líka sem kostaði ekki neitt.

    Thiago er með Keita og Ox í pirrandi flokknum ennþá en kom blessunarlega á frjálsri sölu.

    Shaqiri, Tsimikas og Minamino kostuðu svo allir mun minna og hafa aldrei verið hugsaðir annað en squad leikmenn.

    Niðurstaða:

    Það sem stendur eftir og kom mest á óvart við að rannsaka þetta er að Lazar Markovic er bara 27 ára í dag! Hann ætti að vera toppa núna!

     

     

Load More
Congratulations. You've reached the end of the internet.

© 2019 KOP.is

Back to Top
Close