Sepp van der Berg til Liverpool (Staðfest)

Vangaveltur um að Liverpool myndi ekki gera stór innkaup þetta sumarið reyndist innistæðulaus ótti þar sem að í dag var stór leikmaður keyptur á kjaraprís miðað við aldur og fyrri stærð. Heilir 1.89 cm fengust á litlar 1.5 milljónir á borðið sem gerir innan við 10 þús. pund á sentimetrann en það ku vera kjarakaup á markaðnum í dag miðað við mælda meðalhæð.

Stráksi ku enn vera að stækka og miðað við lauslegan Excel-útreikning þá ætti hann að vera orðinn 2.22 m er hann verður tvítugur, 2.77 um 25 ára og jafnvel 3.33 metrar um þrítugt. Ekki amalegt að hafa slíkan mann til að verjast háum boltum í teignum.

Ekkert hallæri þegar kemur að því að halla sér að veggjum Melwood

Eftir hágæða reynslu af hávöxnum hollenskum hafsentum hóf Liverpool leit að fleirum slíkum og niðurstaðan var seitján ára undrabarnið Sepp van den Berg sem hefur verið að spila reglulega í aðalliði PEC Zwolle þennan veturinn í Eredivisie. Liverpool hafði betur í kapphlaupinu um kauða en meðal keppinauta voru Bayern Munchen, Ajax og PSV Eindhoven. Heimasíða LFC gerir pilti góð skil í fréttum sínum í dag og um að gera að renna yfir fyrsta viðtalið við hann.

Sepp fetar í fótspor rauðbirkinna varnarmanna sem gert hafa garðinn frægan á Anfield og sá glæsti hópur rauðliða samanstendur af David Burrows, Steve Staunton og John Arne Riise. Einnig var finnska varnartröllið Sami Hyypia keyptur beint frá Hollandi og því ekki leiðum að líkjast ef Sepp tekst að vera góð blanda af öllum þessum leikmönnum. Klopp er ekki mikið fyrir að fá leikmenn til liðsins nema að hann hafi mikla trú á þeim og því eru það mikil meðmæli fyrir ungan pilt að vera keyptur með viðhöfn til félagsins.

Velkominn til Liverpool mijnheer van der Berg.

YNWA

9 Comments

  1. Liverpool hafa verið duglegir að fjárfesta í ungum leikmönum en staðreyndin er sú að flestir komast ekki í aðaliðið en flestir skila samt hagnaði.
    Ég vona að þessi strákur eins og allir aðrir eigi eftir að eiga glæstan feril með Liverpool.

    Annars er það að frétta að það er ekkert að frétta af leikmannakaupum liverpool(s.s fyrir utan þennan unga) en Keita meiddist í gær sem er áhyggju efni því að Liverpool var búið að vara við þessu að hann færi of fljót af stað.

    3
  2. Ef þessi gaur býr yfir sambærilegum gæðum og Gomez hafði á þessum aldri, þá eru þessi kaup hverrar krónu virði. Það er einhver ástæða fyrir því að stórlið voru að gefa honum gaum og fenginn reynsla af njósnurum Jurgen Klopp er afar góð. Verr og miður kemur væntanlega ekki ljós fyrr en um 2022 hvort við höfum keypt köttinn í sekknum í þessu tilfelli eða sannkallaðan gullkálf.

  3. Hollenska tröllið okkar býr til skrímsli úr þessum lásuð það fyrst hér!

    2
  4. Tel svona næsta víst að þessi sé keyptur samkvæmt ábendingu VvD. En það á allt eftir að koma í ljós, kannski, kannski ekki. Mögulega eru þetta hreinræktuð Klopparakaup, gera eithvað flott úr stráknum.

    YNWA

    1
  5. Hvernig er það tæknimenn, er ekki hægt að henda þessum hálfvitum út?

    5
  6. Framtíðin er svo björt að ég verð að vera með sólgleraugu 😉

    5
  7. Er ekki malid ad negla bara eitt stk Eriksen fra Tottenham sem vill ekki semja og a bara ar eftir af samningi, Tottenham baud hann vist til Real fyrir 70 kulur sem aftakkadi. Yrdi rosaleg styrking fyrir okkar menn og 70 kulur gott verd, Tottenham vildi vist i fyrra nær 150 kulum en ta atti hann 2 ar eftir af samningnum. Daniel Levy mun aldrei vilja losa hann fritt a næsta ari.

    1

One Ping

  1. Pingback:

Gullkastið – Hvar og hvernig er hægt að styrkja Liverpool?

Löng leið í byrjunarliðið