Á morgun förum við til Vicarage Road og heimsækjum fyrrum félaga Heiðars Helgusonar, Elton Johns og Vialli. Waford er sem stendur í öruggu fallsæti eða neðsta sæti deildarinnar með heil 12 stig eftir einn sigur og 9 jafntefli í 20 leikjum. Það er ekki langt síðan við spiluðum við Watford á Anfield þar sem við [unnum góðan 2-0 sigur.](http://www.kop.is/gamalt/2006/12/23/16.56.03/)

Waford er jó-jó lið og er því oftast eitt tímabil í úrvalsdeildinni og næstu 2 í þeirri fyrstu. Síðast þegar við spiluðum á Vicarage Road þá var það í undanúrslitum deildarbikarsins og [við unnum þá 1-0.](http://www.kop.is/gamalt/2005/01/25/21.45.13/) Síðast þegar við mættum þeim í deildinni á Vicarage Road var tímabilið 1999-2000 og unnum við þá 3-2 í hörkuleik. Þá skoruðu fyrir okkur þeir Patrik Berger (sem Sigursteinn er hrifinn af), David Thompson og Vladimir Smicer. Þetta var fyrsta mark Smicer fyrir Liverpool. Byrjunarliðið þá var eftirfarandi:

Bekkurinn: Nielsen, Staunton, Traore, Murphy og Smicer.
Ekki margir eftir frá þessu liði eða eingöngu þeir Hyypia, Carra og Gerrard. Allir hinir hafa verið seldir, gefnir eða ekki fengið nýjan samning.

Ég tel að það lið sem sem Rafa stillir upp á morgun er betra en þetta lið þrátt fyrir þau meiðsli sem hafa herjað á okkur nýverið. Það er ljóst að Kewell, Garcia, Gonzalez, Zenden, Sissoko og Warnock eru ekki með vegna meiðsla. Það styttist vonandi í að Kewell og Sissoko verði klárir en þeir hafa verið lengi frá en þeir Gonzalez og Warnock eru frá í 2-3 vikur. Hvenær Zenden verður klár hef ég ekki hugmynd og er slétt sama. Hvernig stillir Rafa þessu upp? Ég ætla að giska á það:

Bekkurinn: Dudek, Hyypia, Guthrie, Paletta og Crouch.

Þetta er gott lið sem á að geta unnið Waford um hverja helgi! Hins vegar er ljóst að sjálfstraustið hjá okkar mönnum hefur beðið hnekki eftir útreið gegn Arsenal í ensku bikarkeppnunum. Þetta er því mikilvægur leikur fyrir liðið og að vinna þennan leik sannfærandi myndi gera mikið fyrir liðið, þjálfarana og stuðningsmennina. Tap eða jafntefli væri afar slæmt og í raun óhugsandi niðurstaða. Við þurfum á sigri að halda og ég held að leikmennirnir séu klárir slagsmál gegn Aidy Boothroyd og félögum.

Spá: Við vinnum þennan leik og við vinnum stórt 4-1. Við viljum sanna okkur tilbaka og við munum gera það. Við náum að breyta yfirburðum okkar yfir í mörk og skorum 2 mörk í hvorum hálfleik. Kuyt (2), Bellamy og Gerrard skora mörkin fyrir okkur.

Koma svo… hendum í gang!

Á morgun eigum við leik gegn Arsenal í Deildabikarnum. Leikurinn hefst klukkan 19.45 og verður í beinni útsendingu á Sýn.

Ég tel mig vera nokkuð dagfarsprúðan dreng. Ég tel mig líka vera harðan stuðningsmann Liverpool. Ég eyði samt sem áður yfirleitt ekki miklu púðri í að pirra mig á hlutum, eins og því hvort Liverpool hefði unnið leikinn gegn Arsenal á laugardaginn ef Dudek hefði ekki verið í markinu. Það skiptir mig engu máli, leikurinn er búinn og þessu verður ekki breytt. Auðvitað er pirrandi að tapa fyrir liði eins og Blackburn en ég læt þetta samt ekki eyðileggja fyrir mér daginn.

Það skiptir mig heldur engu máli hvort ég horfi á leik heima í stofu, á einhverjum klúbbi, með einhverjum eða ekki, hvort ég sé örugglega í happatreyjunni minni (á reyndar enga sérstaka þrátt fyrir nokkrar treyjur), í Ecco inniskónnum mínum eða hvort að kanínufóturinn sé á sínum stað. Það sem ég geri, eða ekki, hefur engin áhrif á úrslit Liverpool. Ég er því ekki mjög hjátrúafullur.

Eins og ég sagði áðan þá reiðist ég sjaldan þegar liðið fær á sig mark, það bara gerist. Ég nenni ekki að velta mér upp úr því lengur, en ég tek það fram að ég hef ekki alltaf verið barnanna bestur í þessum efnum. Ég reiddist þó alveg ótrúlega mikið þegar Rocicky skoraði annað mark sitt í leiknum gegn Arsenal á laugardaginn, eitthvað sem okkar menn þurfa að læra af fyrir leikinn á morgun í deildabikarnum. Ég sendi Kristjáni Atla meðal annars orðið SKANDALL í sms-i, með hástöfum þegar Tékkinn skoraði.

Ég skil ekki af hverju Kuyt og Garcia gerðu ekki betur, af hverju Alonso stóð bara og horfði á eftir að Henry sendi framhjá honum, af hverju Carra fór ekki út á móti, af hverju Finnan gerði ekkert og sama má segja um Gerrard en þessi tímamótamynd sem ég setti sig saman útskýrir sig nokkurn vegin sjálf 🙂 Þetta gerði mig pirraðan. Við megum ekki við því að gera svona fáránleg mistök á móti liði eins og Arsenal, sem er með mjög gott lið eins og allir vita.

Fyrsta markinu kenni ég engum sérstaklega um, nema kannski Riise (ég sé að ég er ekki sá eini, sem betur fer, af því hann er farinn að bögga mig smá, sá norski). Ég held að Reina hefði ekki varið þennan bolta frekar en Dudek. Minni líka á að um daginn sagði ég að Dudek yrði líklega seldur í sumar og Carson yrði markmaður númer tvö á næsta tímabili. Ég stend við það!

Carragher hef ég mikið verið að hugsa um undanfarið. Honum var boðinn góðgerðarleikur fyrr í vikunni þar sem hann er á sínu tíunda ári í aðalliði Liverpool og nálgast nú óðfluga 450 leiki. Hann er svona “no-nonsense” varnarmaður sem hefur það mottó að ef boltinn er ekki nálægt eigin marki þá er andstæðingurinn ekkert að fara að skora. Ég negli þessum bolta bara í burtu, ekkert mál, við höldum áfram. Hann klikkaði illa á því í síðasta leik gegn einum besta leikmann heims sem gerði grín að honum og skoraði frábært mark.

Carragher er ekki besti varnarmaður ensku úrvalsdeildarinnar en hann er einn sá hliðhollasti og fáir spila af meiri ástríðu og hann. Carra mun aldrei fara frá Liverpool, aldrei. Honum óx ásmegin á síðari hluta tímabilsins, á þessu ári, eftir dapra byrjun þar sem hann gerði mörg mistök (eins og svo margir í liðinu). Hann er einn af mínum uppáhaldsmönnum og hann lærir auðvitað af þessum mistökum sem hann gerði.

Það er alveg ljóst að Liverpool þarf EKKI að leika betur gegn Arsenal á morgun til að vinna leikinn. Við þurfum bara smá heppni með okkur, það er allt og sumt. Við stjórnuðum þessum leik, nánast frá A til Ö, en því miður skorti okkur þessa síðustu snertingu til að skapa dauðafærið. Það kemur vonandi á morgun. Það sem skildi á milli á laugardaginn voru einstaklingsframtök af bestu gerð.

Þessi leikur á morgun gæti orðið skemmtilegur, ég veit ekkert um það, en ég hef það á tilfinningunni að Wenger stilli upp einhverju kjúklingaliði. Þessir kjúklingar eru samt sem áður góðir og það er spurning hvað Rafa gerir.

Staðreyndin núna er sú að liðinu okkar hefur farið fram á hverju ári eftir að Benítez tók við því. Ef það á að halda áfram þarf liðið að vinna Meistaradeildina aftur, svo einfalt er það, “bikaralega séð” auk deildarkeppninnar. Ég held að það efist enginn um það að liðið er miklu, miklu, já miklu betur mannað en þegar Houllier var með það og er að spila betri bolta.

Ég gef ekki ýkja mikið fyrir þennan Deildabikar en samt sem áður yrði gaman að vinna hann, engu að síður yrði það bara sárabót. Það er mín skoðun. Mér er satt best að segja alveg sama um hvernig Arsenal stillir upp á morgun, ég nenni ekki að pæla í því. Ég nenni heldur ekki að vera að finna til einhverja tölfræði um leiki þessara liða og svo framvegis, þessi keppni er aukaatriði í huga flestra, á þessu stigi amk. Þetta verður allt annar leikur en á laugardaginn…..

Hópurinn okkar er ágætlega breiður núna. Það er erfitt að segja til um hvað Benítez gerir á morgun. Ef Riise verður ekki hvíldur og Aurelio kemur inn yrði ég mjög undrandi. Rafa er ekkert heimskur, hann sér alveg eins og við hin að Riise hefur átt í erfiðleikum undanfarið. Af hverju veit ég ekki. Kannski skortir hann sjálfstraust eða kannski varð hann fyrir áfali í fjölskyldunni nýlega, í það minnsta er hann ekki upp á sitt besta.

Ég ætla bara að tippa á þetta lið, en stuðullinn er ekki ýkja hár hjá mér:

Bekkurinn: Reina, Carra, Alonso, Riise, Kuyt.

Dudek var lofað að hann spili alla bikarleiki á tímabilinu. Peltier gæti komið inn fyrir Finnan en mér finnst það ólíklegt. Paletta gæti líka verið í miðvarðarstöðunni fyrir annanhvorn. Ég veit ekki hvort Paul Anderson sé tilbúinn til að byrja á hægri kantinum og líklegt er að Rafa reyni að gefa Alonso eða Gerrard smá pásu. Guthrie lærir mikið af því að spila með manni eins og Gerrard.

Gonzalez á vinstri, þarf ekkert að bakka það upp svosem og svo hlýtur Fowler að fá tækifæri, hvenær á hann annars að fá það? Bellamy hefur verið að ná sér vegna meiðsla en það er bara kjaftæði að hann hefði ekki getað spilað, komið inn á, á laugardaginn útaf meiðslum. Af hverju setti Rafa hann þá á bekkinn? Hann er ready og kemur sér vonandi í leikform í þessum leik.

Mér er alveg sama hvernig Arsenal stillir upp…

Mín spá: Kristán Atli sagði að við myndum vinna tvo leiki gegn Arsenal af þremur á Anfield á þessu tímabili. Eitt tap komið í hús, næst er það því sigurleikur enda trúi ég Kristjáni alveg! Við vinnum þetta 2-1 og Fowler skorar annað markið, Bellamy hitt.