Search

Menu
Search

Latest stories

  • Chelsea heimsækja Anfield

    8 Comments

    Fréttirnar um að Klopp ætli að hætta í lok leiktíðar skullu á okkur eins og flóðbylgja síðastliðinn föstudag. Þetta var eitthvað sem við máttum alveg vita að myndi að lokum gerast, en innst inni vorum við held ég langflest að vonast til þess að það væri ekki komið að þessum tímapunkti, a.m.k. ekki alveg strax. Klopp ætlaði jú upphaflega bara að vera til 2024, en svo settust hann og Ulla Klopp niður við eldhúsborðið sitt í Liverpool eitt kvöldið, og ákváðu að þau sæu ekki fyrir sér að yfirgefa borgina. Klopp samdi til 2026 í framhaldinu. En svo breyttist sú sýn, og líklega getum við þakkað Ullu fyrir að Klopp gekk ekki frá borði á miðju tímabili á síðasta ári. Svo ég hálf-vitni nú í ágætan mann: “Ulla við elskum þig”. En sumsé: í sjálfu sér er það bara þessi framlenging sem Klopp er að bakka með. Ef það er einhver huggun, sem það er nú líklega ekki.

    Völdu Klopp og klúbburinn slæman tíma til að tilkynna brotthvarfið? Ég held ekki. Núna fáum við ákveðið ráðrúm til að meðtaka að þessu tímabili er að ljúka, og fáum gott tækifæri til að virkilega vera þakklát fyrir þann tíma sem við þó fáum saman. Það má yfirfæra þetta yfir á svo margt annað í lífinu. Þið ykkar sem eruð með ung börn: kannski finnst ykkur það yfirþyrmandi og mikil vinna. En svo eigið þið eftir að vakna einn daginn og átta ykkur á að þið hafið ekki haldið á börnunum ykkar í einhvern tíma, og eigið sjálfsagt aldrei eftir að gera það aftur. Eða að þið vaknið upp við það einn daginn að börnin eru flutt út. Það er því kannski ágætis tækifæri fyrir okkur að nota þessar fregnir til að vera þakklát fyrir það sem við höfum, og muna að njóta þess sem við höfum á meðan það er enn í boði. Því öll tímabil renna sitt skeið á enda að lokum.

    Og nú er það ljóst að Klopp tímabilið er að renna sitt skeið á enda. Við eigum 21 leik eftir með Klopp við stjórnvölinn. Vonandi fleiri, þ.e. ef liðinu gengur vel í 16 liða úrslitum FA bikarsins og svo í 16 liða úrslitum Evrópudeildarinnar. Ef allt gengur að óskum, og liðið kemst í úrslit í báðum þessum keppnum, þá bætast 8 leikir við. Semsagt: að hámarki 29 leikir (ok 30 ef ákveðinn leikur verður spilaður aftur, en við skulum ekki halda niðri í okkur andanum við að bíða eftir því).

    Ég veit ekki hvers konar kaldhæðni það er, en það stefnir í að rétt tæplega 10% af þessum leikjum verði gegn Chelsea (2 af 21). Jafnvel meira, ef Liverpool og Chelsea dragast saman í FA bikarnum, við gætum þess vegna séð 3 leiki af 22. Ekkert hægt að útiloka að það gerist.

    Næsti leikur er semsagt gegn Chelsea. Á Anfield.

    Það má alveg gera ráð fyrir að þetta verði aftur tilfinningarík stund á Anfield. Sjálfsagt munu áhorfendur byrja að syngja “I’m so glad that Jürgen is a Red” örlítið fyrr en í síðasta leik. Sjálfsagt munu einhver tár falla, kannski hjá áhorfendum, og kannski hjá Klopp sjálfum.

    En þó við megum alveg sýna tilfinningar, þá má heldur ekki láta þær bera sig ofurliði. “There is a title to be won”, og titlar vinnast ekki nema með blóði, svita og tárum. Og baráttu. Helling af henni. Okkar menn þurfa núna að bretta upp ermar og fara í næstu orrustu. Andstæðingarnir verða alveg örugglega sýnu erfiðari viðfangs heldur en Norwich um helgina. Alveg sama þó Chelsea séu bókstaflega um miðja deild. Klopp sagði sjálfur að þeir væru ólseigir, og við skulum ekki gera ráð fyrir neinu öðru. Ef tölur um xG eru skoðaðar, þá eru Chelsea mun ofar þar heldur en í stigatöflunni. Hættan er sú að slíkt þýði að liðið sé að spila undir getu, og að á einhverjum tímapunkti þá snúist gæfan þeim í vil. Það er því ALLS EKKI hægt að líta á þetta sem leik sem megi meðhöndla af einhverri léttúð.

    Síðustu viðureignir þessara liða hafa líka ekki verið eitthvað sérstaklega afgerandi. Reyndar þarf að fara aftur til ársins 2021 til að finna leik milli þessara liða sem ekki lauk með jafntefli í venjulegum leiktíma. Ef eitthvað er að marka söguna ættum við því að sjá 0-0 eða 1-1 leik á Anfield.

    En við vonum að nú bíti okkar menn í skjaldarrendur og hristi þennan jafnteflispúka af öxlinni. Eins og kom fram í podcastinu, þá má líka segja að liðið okkar skuldi Klopp það að taka Chelsea og rasskella því. Einfaldur 1-0 sigur myndi líka alveg virka fyrir undirritaðan.

    Hvernig stillir Klopp liðinu upp? Jú hann spilar á sínu sterkasta liði, eftir að tillit hefur verið tekið til líkamsástands leikmanna, sem og í hvaða leikformi þeir eru.

    Nokkrar stöður á vellinum ættu að vera sjálfvaldar. Alisson í marki, Virgil og Konate í miðvörðunum. Eru Robbo og Trent tilbúnir í að byrja? Hugsanlega, og þá byrja þeir. Ef ekki, þá bíða Gomez og Bradley á hliðarlínunni, eldheitir. Miðjan er aðeins stærra spurningamerki. Gerum ráð fyrir að Mac Allister byrji, þó hann hafi verið of tæpur um helgina. Er Szoboszlai tilbúinn í að byrja? Mögulega. Við værum svo líklega að sjá Jones byrja sem þriðja mann, en Gravenberch og Elliott eru ekkert langt undan. Eigum við að þora að nefna Thiago á nafn? Hann er reyndar bara nýbyrjaður að æfa, og ég efa að við sjáum hann nema kannski rétt svo á bekk.

    Miðað við hvað Gakpo var ískaldur (í neikvæðu merkingunni) í síðasta leik þá er líklegast að hann fari á bekkinn, og það verði Díaz, Jota og Nunez sem fái það hlutverk að sjá um að halda markaskoruninni uppi.

    Spáum þessu svona:

    Maður yrði samt í raun ekkert hissa að sjá í raun hvaða leikmann annan sem er í liðinu. Conor Bradley í byrjunarliði? Bara frábært! Quansah við hliðina á Virgil eða Konate? Pís of keik. Elliott á miðjunni? Fyllilega verðskuldað. Gakpo í framlínunni? Stórhættulegur.

    Við vitum þó að við sjáum engan Owen Beck, engan Nat Phillips, og engan Calvin Ramsay enda voru þeir allir að fara á láni. Líklega verður Bobby Clark ekki heldur á skýrslu, slúðrið segir að hann fari á lán út tímabilið á næstu tveim dögum.

    Jafnframt vitum við að Endo er enn upptekinn með Japan, Salah er upptekinn við að ná sér aftan í læri, Tsimikas er á góðri leið til baka en ekki klár, og Bajcetic er ekki langt undan heldur. Sjáum líklega engan þeirra á skýrslu. Kannski Thiago. Kannski.

    Ég ætla að spá 3-0 sigri, Nunez með þrennu. Lásuð það fyrst hér.

    KOMA SVO!!!!!

  • Gullkastið – Byrjunin á endanum

    11 Comments

    Við erum mjög langt í frá búnir að jafna okkur á Svarta Föstudeginum en neyðumst nú til að velta hinu óhugsandi fyrir okkur, hver tekur við af Klopp næsta sumar? Ekki bara Klopp heldur öllum hans helstu samstarfsmönnum líka?

    Liðið hélt annars áfram að malla vel í vikunni og fór áfram í báðum bikarkeppnum, nú er bara Wembley eftir í Deildarbikarnum og í FA Cup fáum við Southampton næst og þar með tækifæri til að nota áfram lagerinn af akademíustrákum sem hafa verið að grípa sín tækifæri rosalega vel undanfarið.

    Framundan er svo stærsta vika tímabilsins það sem af er, Chelsea á miðvikudaginn ofan í allt Klopp dramað og svo er það Arsenal úti um helgina. Þurfum góðar fréttir úr þessum leikjum.

    Stjórnandi: Einar Matthías
    Viðmælendur: Maggi og SSteinn.

    Úr umræðu í þættinum

    • Stjórar sem helst koma til greina næsta sumar 
    • Leikmannakaup Chelsea í samanburði við Liverpool 

    Þeir sem eru líklegastir eru líklega þessir fjórir

    Þetta getur breyst algjörlega fram janúar til maí enda það heil eilífð í fótbolta

    Alonso

    • Vann allt galleríið sem leikmaður og lykilmaður hjá Liverpool, Real, Bayern og Spænska landsliðinu. Spilaði fyrir Guardiola, Ancelotti, Mourinho, Benitez og Del Bosque
    • Þjálfaði Real Sociedad í þrjú ár í þriðju deild til að öðlast reynslu í kjölfarið á einu tímabili með unglingalið Real Madríd
      • Fór upp í 2.deild á öðru tímabili með B-liðið (fyrsta skipti svo hátt síðan 1962)
      • Féllu tímabilið á eftir en Alonson var klár í slaginn og ráðin til Leverkusen.
    • Tók við Leverkusen í næst neðsta sæti 5.10.2022 – 5 stig eftir 8 umferðir (21% stigasöfnun)
      • 45 stig í næstu 26 leikjum skiluðu 4 sæti (58%)
      • Eru með 49 stig núna í 19 leikjum (86%) 50 mörk / 14 á sig
    • Leikkerfið er jafnan 3-4-2-1

    De Zerbi  – Kominn tími á að prufa hans fótbolta á hæsta leveli. Tekur pottþétt við stærra liði á næstu 1-3 árum.

    • Hætti að spila 34 ára og fór að þjálfa tvö neðri deildarlið frá 2013-16 – alls um 110 leiki
    • Tók við Palermo í Seria B árið 2016, 13 leikir og 8% sigurhlutfall!
    • Tók við nýliðum Benevento í okt 2017 en féll með þá
    • Tók við Sassuolo í kjölfarið (2018) og vakti heimsathygli fyrir frábæran fóbolta, náði 8.sæti tvö ár í röð með þetta smáfélag.
    • Tók við Shaktar Donetsk 2021. Hætti árið eftir vegna innrásar Rússa
    • Tók við af Graham Potter hjá Brighton og er í dag mun hærra skrifað nafn
    • Guardiola um RDZ
      • “Roberto De Zerbi is one of the most influential managers in the last 20 years” and on Brighton, said that “the way they play, I’ve never seen in 20 years”.
    • Adam Lallana um Roberto De Zerbi:
      • “The manager? I don’t know how he does it. The prep for every game. He will have his Italian coaches around his house, the chef cooking food, watching games, it’s his life.
      • De Zerbi stays away from creating one-man teams and focuses on creating a connection that will be followed by fluidity and successful actions.
      • His family are in Italy and he sacrifices so much. He puts everything into it. It is not luck, I will tell you that. He is obsessed. He’s a different breed.”

    Ruben Amorim

    • Spilar 3-4-3
    • Stjórnaði B liðinu bara 11 leiki hjá Braga og aðalliðinu 13 leiki áður en Sporting keypti hann á metfé (10m)
    • Er með um 70% vinningshlutfall sem stjóri Sporting!

    Nagelsmann – Lengst verið orðaður við að verða eftirmaður Klopp

    • Byrjaði bara 28 ára að stjórna Hoffenheim og bjargaði frá falli á fyrsta ári. Fór svo með þá í Meistaradeild og toppbaráttuna í Þýskalandi
    • Tók við Leipzig 2018
    • Var keyptur á metfé (25m) til Bayern 2021
    • Rekinn 2023 með 71% sigurhlutfall – Tuchel tók við og er ekkert betri
    • 2023 – Þýskaland – Tók aftur við af Hansi Flick og varð yngsti landsliðsþjálfari þjóðverja í sögunni. Ráðin út EM 2024 sem er í Þýskalandi
    • Laus næsta haust

    Önnur nöfn sem misjafnlega mikið hafa verið í umræðunni

    Enginn af þeim er nálægt því að vera Jurgen Klopp það er vandamálið

     

    Chelaea á miðvikudaginn

    Það þarf einhver að útskýra fyrir okkur hvernig Chelsea er ekki mikið í FFP vandræði eftir eyðslu félagsins undanfarin ár. Megnið af liðinu kom síðustu tvö tímabil og kostnaðurinn er sturlaður. Hópurinn var síður en svo ódýr fyrir.

    Frá 2020 til 2024 er Chelsea búið að kaupa leikmenn fyrir €1.444m

    Af þeim leikmönnum sem félagið átti fyrir árið 2020 tókst þeim að selja leikmenn fyrir €390m. Auk þess hafa þeir fengið €153m til baka í kassann fyrir sölu leikmanna sem þeir keyptu undanfarin fjögur ár. Samtals því selt leikmenn fyrir €543m.

    Nettó eyðsla Chelsea frá 2020 er því €903m! 

    • Félagið er ekki í Meistaradeild núna og verður það líklega ekki næst.
    • Völlurinn þeirra er minni en Anfield var fyrir 10 árum!

    Svona er hópurinn og kaupverð raðað niður á lengd samningsins sem hver leikmaður gerði við félagið.

    Félagið er að greiða 187m á þessu ári og nú þegar búið að skuldbinda sig til að greiða það sama á næsta tímabili, áður en þeir kaupa fleiri leikmenn.

    Launatölur ber að taka með fyrirvara en svona eru laun leikmanna Chelsea skv. þeim gögnum sem hægt er að finna – Það er ekki séns að þetta segi nærri því alla söguna. 

    Liverpool til samanburðar

    Liverpool liðið hefur verið miklu betra en Chelsea í nokkuð mörg ár núna og er samt að borga mun minna í laun flest árin. A.m.k. grunnlaun en leikurinn jafnast líklega mjög þegar kemur að bónusum. Veit ekki hvað Chelsea ætti að greiða í bónusa fyrir…

    Kaupverð deilt á samningstíma

    Chelsea er búið að skuldbinda sig með núverandi leikmannakaupum til að borga hærri fjárhæð (€81,6m) vegna leikmannakaupa tímabilið 2029/30 en Liverpool var að greiða fyrir leikmannakaup á síðasta tímabili (€79,4m]!

    Laun leikmannahóps Liverpool og lengd samningstíma 

    • Líklega átt við grunnlaun. 

     

    Þökkum að vanda samstarfsaðilum þáttarins fyrir að hjálpa okkur að halda síðunni úti.
    Egils Gull / Húsasmiðjan / Verdi Travel / Jói Útherji / Ögurverk ehf / Done

    MP3: Þáttur 459

  • Liverpool 5-2 Norwich

    24 Comments

    Mörkin
    1-0 Curtis Jones 16.mín
    1-1 Gibson 22.mín
    2-1 Darwin Nunez 28.mín
    3-1 Diogo Jota 53.mín
    4-1 Virgil van Dijk 63. mín
    4-2 Sainz 69.mín
    5-2 Ryan Gravenberch 95.mín

    Hvað réði úrslitum?
    Til að gera langa sögu stutta þá var það nú bara fyrst og fremst gífurlegur munur á gæðum liðanna tveggja sem réði þessum úrslitum. Liverpool voru beinskeyttir í sóknarleik sínum, sköpuðu sér mikið af færum og svona heilt yfir nýttu þau bara ágætlega. Já og akademía Liverpool átti risa part í þessum sigri.

    Norwich náði hins vegar að setja tvö mörk á Liverpool, það fyrra eftir fast leikatriði og slaka dekkingu og það seinna með virkilega góðu langskoti. Í raun kannski ekkert endilega vandræða mörk til að fá á sig en hefði í raun ekkert þurft og þrátt fyrir að þeir hafi skorað tvö voru yfirburðir Liverpool það miklir að Norwich var bara aldrei inn í leiknum.

    Liverpool byrjaði með nokkuð sterkt en líka róterað lið. McConnell byrjaði sinn fyrsta alvöru leik með Liverpool og var hreint út sagt frábær og lagði upp fyrsta markið á Jones með frábærri sendingu. Conor Bradley lagði svo upp annað markið á Darwin Nunez sem skoraði með góðu skoti. Jones svo eiginlega lagði upp þriðja markið með langri sendingu upp völlinn en hann átti smá viðkomu í varnarmann áður en Jota þrumaði honum viðstöðulaust í netið.

    Fjórða markið var hins vegar ekki beint með akademíu tengingu heldur var það rándýrt – Szoboszlai kom inn á aftur eftir að hafa jafnað sig af sínum meiðslum (líkt og Andy Robertson og Trent Alexander Arnold) en hornspyrna hans rataði beint á ódekkaðann Virgil van Dijk sem stangaði boltann þægilega í netið. Fimmta mark Liverpool var svo ansi laglegt þegar Luis Diaz tekur á móti boltanum á vinstri vængnum með miklum töktum, dansar aðeins með hann og skiptir honum yfir á Conor Bradley sem mætir boltanum með viðstöðulausri sendingu/skoti sem fer í jörðina og beint í kollinn á Gravenberch sem skoraði með skalla af stuttu færi. Í raun ótrúlegt hvernig Gravenberch hafði ekki tekist að skora í tvígang í leiknum en ævintýralegar bjarganir Norwich skemmdu það fyrir honum, Gakpo fékk sömuleiðis góð tækifæri sem hann nýtti ekki og Nunez átti hörku skot í stöngina.

    Maður leiksins kemur úr akademíu Liverpool og þið megið velja hvort það sé McConnell, Jones eða Bradley. Sjálfur myndi ég velja Bradley, sá hefur komið frábærlega inn í liðið í fjarveru Trent. Liverpool saknar auðvitað Trent en Bradley fær okkur svo sannarlega til að gleyma því!

    Hvað þýða úrslitin?
    Liverpool heldur nú áfram í 5.umferð bikarkeppninnar og mætir þar annað hvort Southampton eða Watford en liðin skildu jöfn í dag og þurfa að leika annan leik. Liðið sem vinnur þar mun koma í heimsókn á Anfield.

    Þessi úrslit þýða að það er að minnsta kosti einn auka leikur sem Klopp mun stýra Liverpool í og vonirnar um að vinna alla fjóra titlana sem eru í boði lifa enn ansi fínu lífi.

    Hvað hefði betur mátt fara?
    Í raun er erfitt að ætla að týna eitthvað til sem hefði mátt fara betur, það er í raun bara frekja að ætla að finna eitthvað. Jú liðið fékk á sig tvö mörk en þau virkuðu ansi mikil “shit happens, what are you gonna do” mörk sem óþarfi er að dvelja lengi við. Ætli það sé ekki bara kannski færanýting í ákveðnum stöðum sem hefðu mátt fara betur en þegar liðið skorar fimm þá er svo sem frekja að ætla að heimta fleiri.

    Næsta verkefni
    Næsta vika verður strembin og ansi mikilvæg fyrir Liverpool og titilvonir þeirra í deildinni. Á miðvikudaginn kemur Chelsea á Anfield og næstu helgi er það heimsókn til Arsenal.

    Stór vika framundan og fari hún vel gæti það verið alvöru statement um það sem koma skal og vonandi verður það raunin!

  • Stelpurnar mæta Arsenal

    Comments Off on Stelpurnar mæta Arsenal

    Við rjúfum dagskrána til að minna á að strax eftir bikarleikinn gegn Norwich, þá byrjar leikur hjá kvennaliðinu í deild gegn Arsenal, og verður leikið á Prenton Park. Fólk á staðnum segir að það gæti litið út fyrir metaðsókn á leik kvennaliðsins á téðum velli, en látum það koma í ljós. Svo kemur að sjálfsögðu leikskýrsla strax þegar Norwich leikurinn klárar.

    Liðið lítur svona út, og Matt Beard róterar slatta eftir leiðinlegt tap gegn City um síðustu helgi:

    Laws

    Fisk – Bonner – Fahey – Matthews

    Holland – Nagano – Lundgaard

    Lawley – Daniels – van de Sanden

    Bekkur: Micah, Parry, Koivisto, Clark, Höbinger, Missy Bo, Roman Haug, Enderby

    Taylor Hinds varð fyrir hnjaski á æfingu í vikunni og er ekki með, og Kiernan er að ná sér eftir smá bakslag. Nú þá fór Natasha Flint til baka til Celtic á láni af einhverjum ástæðum.

    Leikurinn verður sýndur á Viaplay, og sjálfsagt víðar.

    KOMASO!!!

  • Byrjunarliðið gegn Norwich

    23 Comments

    Þá er byrjunarliðið sem mætir Norwich komið. Nokkrar breytingar eru á því frá síðasta leik og eitthvað er um róteringar eins og við er að búast.

    Van Dijk og Mac Allister tilla sér á bekkinn ásamt Harvey Elliott og Luis Diaz. McConnell byrjar á miðjunni og Quansah tekur sér stöðu með Konate í miðverðinum og sterk framlína.

    Alisson

    Bradley – Konate – Quansah – Gomez

    Gravenberch – McConnell – Jones

    Jota – Gakpo – Nunez

    Bekkur: Kelleher, Elliott, Trent, Szoboszlai, Van Dijk, Beck, Robertson, Clark, Diaz

    Trent, Szoboszlai og Robertson eru mættir aftur í hóp sem er frábær styrking. Róterað en sterkt byrjunarlið og alvöru bekkur!

  • FA Cup – fjórða umferð

    10 Comments

    Þessi upphitun og leikurinn líklega líka fellur nú verulega í skuggann af tíðindum gærdagsins, Jurgen Klopp hættir með Liverpool þegar tímabilinu lýkur. Það er mjög sjaldgæft að svona mikill einhugur ríki um framkvæmdastjóra stórliða eins og ríkir um Jurgen Klopp. Ég hef trú á því að Anfield eigi eftir að gera eitthvað magnað á sunnudaginn.

    En…þá er komið að enn einum bikarleiknum, þeim fjórða og síðasta í janúar. Mótherjarnir eru Kanarífuglarnir, Skallagrímur Englands, frá Norfolk sýslu sem kenna sig við borgina Norwich.

    Síðustu áratugir hafa verið nokkuð skrautlegir hjá félaginu, það hefur verið skoppandi á milli deilda, ekkert náð að festa sig í sessi og hafa á köflum verið hálfgert fallbyssufóður fyrir stærri liðin – ja eða ákveðna leikmenn þeirra (les. Luis Suarez). Nú um stundir situr liðið í áttunda sæti Championship deildarinnar eftir 1-0 tap gegn Leeds í síðasta leik. Þeir eru tveimur stigum frá umspilssæti en 18 stigum frá því að komast beint upp um deild, sem gerist varla héðan af, nema þeir komist á eitthvað svakalegt skrið. Nágrannarnir í Ipswich sitja í öðru sæti þannig að stemmingin hjá Norwich er sennilega ekkert alveg súper.

    Norwich City Football Club var stofnað árið 1902, á svipuðum tíma og flest atvinnumannafélög Englands. Árið 1908 flutti félagið á sinn fyrsta heimavöll, Hreiðrið (The Nest). Árið 1934 flutti félagið síðan á núverandi heimavöll sinn, Carrow Road, völlur sem tekur í dag 27.150 manns.

    Næstu áratugina þvældist félagið um neðri deildirnar með misjöfnum árangri og árið 1962 tókst þeim að landa fyrsta titli félagsins. Þeir unnu deildarbikarinn (nú Carabao Cup) þrátt fyrir að vera í 2.deild (sem er núna Championship deildin). Þeir komust loks upp í efstu deild árið 1971 og léku fyrsta tímabilið sitt þar. Næstu áratugir voru líklega þeir bestu í sögu félagsins. Liðið vann sinn annan deildarbikar árið 1985, sem hefði undir eðlilegum kringumstæðum komið þeim í Evrópukeppni, en atburðir sem gerðust á Heysel-leikvanginum í Brussel urðu til þess að enskum liðum var vikið úr Evrópukeppnum. Áfram hélt góður árangur félagsins í efstu deild og árið 1993 náðu þeir þriðja sæti deildarinnar, sem gaf Evrópusæti þar sem banni ensku liðanna hafði verið aflétt. Þar fengu þeir ágætis mótherja, fóru í gegnum Bayern Munchen með sigri á Ólympíuleikvanginum í Munchen – sem engu öðru ensku liði tókst að gera – og Inter Milan, sem var þá með lygilega gott lið. Enda fór litla Norwich ekki í gegnum bæði Bayern og Inter. Gaman að segja frá því, fyrir áhugasama um ítalska boltann á þessum tíma, Inter vann báða leikina 1-0. Ég held að þeir hafi unnið flesta sína leiki á þessum tíma 1-0.

    Árið 1996 urðu svo eigendaskipti, þegar núverandi meirihlutaeigendur keyptu sinn hlut í félaginu. Það eru þau Delia Smith og Michael Wynn Jones. Síðan þau tóku við hefur félagið skoppað á milli Premier League og Championship. Yfirleitt verið í toppbaráttunni í Championship en verið of lélegir og stundum allt of lélegir fyrir úrvalsdeildina.

    Helstu nöfnin sem maður kannast við eru t.d. markvörðurinn Angus Gunn, varnarmaðurinn Grant Hanley og sóknarmaðurinn Ashley Barnes. Ekki veit ég hvort þeir allir spili leikinn gegn okkur. Gunn spilaði síðasta leik og Barnes kom inn á en Hanley spilaði ekki.

    En þá að okkar mönnum.

    Eins og áður sagði, þá eru helstu fréttirnar, og það sem á eftir að lita andrúmsloftið á Anfield, yfirvofandi brottför Jurgen Klopp. Það er alltaf áhætta að tilkynna svona á miðju tímabili og ómögulegt að segja hvaða áhrif þetta hefur á leikmenn, stjórann og starfsliðið. Vonandi þýðir þetta að menn eiga eftir að þjappa sér saman á bak við Klopp og gera síðasta dansinn hans með félaginu ógleymanlegan. Eftir allt sem hann hefur gefið okkur þá er það nákvæmlega það sem hann á skilið. Anfield þarf að reyna að telja honum trú um að halda áfram, Anfield þarf að styðja hann og leikmenn, Anfield þarf að þakka honum fyrir. Anfield hefur núna fjóra mánuði til að gera allt þetta, gera síðustu stundirnar með honum ógleymanlegar. Ok, kannski full dramatískt. En samt, maðurinn er legend.

    Liðið mun taka mið af síðasta leik og næsta leik. Við eigum að fara þægilega í gegnum Norwich með góðri blöndu af aðal- og varaliði. Fáir þurfa hvíld en jafnframt þarf að spila nokkrum í gang. Ég tippa á að Robertson byrji en fari út af eftir 45-60 mínútur – eða að hann komi inn síðust 30. Jones verður eflaust hvíldur og þá eru litlar sem engar líkur á því að Szoboszlai og Trent spili leikinn. Liðið er þó ansi mikil ágiskun en here goes:

    Þetta gæti þó alveg eins litið einhvern veginn allt öðruvísi út.

    Spáin: Öruggur 4-1 sigur fyrir okkur. Elliott, Gakpo og Jota með tvö.

  • Gullkastið – Klopp hættir eftir tímabilið!

    21 Comments

    Þessi föstudagur gat ekki byrjað mikið verr, Juregn Klopp tilkynnti í morgun að þetta tímabil verði hans síðasta sem stjóri Liverpool og ekki nóg með það þá hætta einnig allir hans nánustu samstarfsmenn í þjálfarateyminu.

    Reyndum að ná utan um þetta í neyðar Gullkasti og spá aðeins í hvert framhaldið verður.

    Það þarf á köflum aðeins að taka viljan fyrir verkið hvað hljómgæði varðar

    Stjórnandi: Einar Matthías
    Viðmælendur: Maggi, Einar Örn og Sveinn Waage

    Þökkum að vanda samstarfsaðilum þáttarins fyrir að hjálpa okkur að halda síðunni úti.
    Egils Gull / Húsasmiðjan / Verdi Travel / Jói Útherji / Ögurverk ehf / Done

    MP3: Þáttur 458

  • Jurgen Klopp hættir í vor!

    68 Comments

    — Hlöðum í NeyðarGullkast um fimmleytið í dag —

    Verstu fréttir síðan vorið 1991 hafa raungerst.

    Jurgen Klopp hefur tilkynnt það sem virðist hafa verið ljóst nokkuð lengi innanbúðar, þ.e. að hann mun yfirgefa Liverpool FC núna í vor eftir þá 8 og 1/2 ár sem stjóri okkar.

    Í stuttu máli eru þetta ástæðurnar sem hann gefur upp í ansi mögnuðu viðtali á opinberu síðunni sem basically setti tár í augað, ókei. Augun!

    I love absolutely everything about this club, I love everything about the city, I love everything about our supporters, I love the team, I love the staff. I love everything. But that I still take this decision shows you that I am convinced it is the one I have to take. It is that I am, how can I say it, running out of energy. I have no problem now, obviously, I knew it already for longer that I will have to announce it at one point, but I am absolutely fine now. I know that I cannot do the job again and again and again and again. After the years we had together and after all the time we spent together and after all the things we went through together, the respect grew for you, the love grew for you and the least I owe you is the truth – and that is the truth. That’s it, pretty much.

    Liverpool FC hafa staðfest að Pepijn Lijnders, Peter Krawietz og Vitor Matos muni hætt með honum. Þannig hefur það alltaf verið þegar hann hættir, hann er að fara í hvíld en ekki hætta. Hvar hann endar kemur í ljós en þá munu þeir örugglega fylgja honum að lokum. Þó er talað um að Lijnders vilji verða stjóri og í fyrstu líkum sem vefsíður gefa upp er hann í öðru sæti varðandi næsta stjóra félagsins, efst þar hvílir Xabi Alonso og í þriðja sæti er De Zerbi á flestum stöðum.

    Sjitt ekki fréttirnar sem við vildum fá. Við uppfærum þráðinn í gegnum daginn, mögulega podcast á leiðinni.

    Sigga hugleiðingar.

    Blendnar tilfinningar.

    SORG
    – Þetta snýst um að missa stórkostlegan framkvæmdarstjóra en líka stórkostlegan mann sem náði til stuðningsmanna liðsins.
    – Maður vissi að þessi tímapunktur kæmi en kannski ekki alveg svona fljót, þetta var eins og vera kýldur í magan.

    ÞAKKLÆTI
    – Þakklæti um allt sem hann hefur gert fyrir liðið. Rífa það upp og koma liðinu aftur á toppinn með bestu liðum heims.
    – Þakklæti fyrir að láta okkur fara úr þeim sem efast í þá sem trú.
    – Þakklæti fyrir alla minningarnar

    HRÆÐSLA
    – Hræðsla um hvað kemur næst.
    Getur næsti stjóri haldið þessu áfram? Getur næsti stjóri skilið stuðningsmenn liðsins? Getur næsti stjóri haldið áfram að spila skemmtilegan fótbolta? Er hægt að ná árangri ef maður tekur við liði eftir Klopp?

    Hvað um þetta lífið heldur áfram en það verður ekki alveg eins sem stuðningsmaður Liverpool.

    YNWA – Klárum þetta tímabil með stæl

  • Fulham – Liverpool 1-1 (2-3)

    21 Comments

    Mörkin
    Diaz 0-1   11 mín
    Diop 1-1   76 mín

    Fyrri Hálfleikur
    Eins og við máti búast þá var þetta frekar opinn  leikur. Fulham þurftu að sækja og við erum aldrei að fara að pakka í vörn. Við vorum klárlega sterkari aðilinn í leiknum og komust nokkrum sinnum í góðar stöður en Fulham mætu grimmir til leiks en samt ekkert þannig að maður var eitthvað stressaður. Þessi grimmd datt vel niður á 11 mín þegar   Diaz skoraði flott mark(s.s flott fyrir okkur en Leno markvörður Fulham hefði líklega átt að gera betur)  eftir stoðsendingu frá Quansha sem hefur verið duglegur að leggja upp mörk.

    Eftir þetta þá virtumst við ætla að klára þetta einvígi með öðru marki strax en inn vildi boltinn ekki eða reyndar er það ekki alveg rétt því að  Diaz setti boltann í netið en Nunez var rangstæður í undirbúningnum.

    Vörnin okkar er traust, miðjan okkar stjórnar leiknum nokkuð vel og sókarlínan minni reglulega á sig.
    Þessi orð eru skrifuð í hálfleik: Ég á von á svipuðu í síðari hálfleik en Fulham vantar tvö mörk til að jafna einvígið og það þýðir að þeir verða galopnir varnarlega. Við náum að bæta við tveimur mörkum og klárum þetta 0-3 er mín spá (bæði núna og fyrir leikinn)þ Vona að Andy fái nokkrar mín og engin meiðist(7,9,13)    

     

    Síðari Hálfleikur

    Fór ekki alveg eins og ég hélt. Við vorum miklir klaufar að vera ekki búnir að gera út um þennan leik áður en Diop jafnaði leikinn korter fyrir leikslok og gerði þetta smá spennandi.
    Það vantaði ekki færin í síðari. Þau skiptust ekki alveg jafnt en við fengum mun fleiri en þeir hefðu samt getað jafnað aðeins fyrr eftir skógarhlaup hjá Kelleher.
    Eftir að MacAllister fór af velli þá datt takturinn alveg úr miðjunni okkar sem segir manni hversu mikilvægur hann er liðinu en maður er eiginlega pínu fúll út í liðið að leika sér of mikið af matnum og ekki klára þetta dæmi meira sannfærandi.
    Það var flott útspil hjá Klopp að henda Konate inn á undir lokinn og fórum við í fimm manna varnarlínu. Bæði til þess að loka svæðum og við vissum að þeir myndu reyna að nýta sér föst leikatriði en það reyndi reyndar ekki mikið á okkur eftir að þeir jöfnuðu og kannski var það út af því að við þéttum þetta aðeins og focusinn fór aftur í gang.

    Hvað þýða úrslitin?
    Úrslitaleikur gegn Chelsea 25.feb á Wembley 

    Hverjir stóðu sig vel?

    Mér fannst Diaz vera að hlaupa úr sér lungun og skoraði markið okkur og átti fínan leik.  MacAllister fannst mér mjög öruggur á miðsvæðinu. Gomez ótrúlega traustur í þessu vinstri bakvarða Trent hlutverki(kemur inn á miðsvæðið í sókn) og hefði getað verið valinn maður leiksins en ég ætla að velja hin unga Bradley sem virkar eins og að hann sé búinn að spila þarna í mörg ár. 

    Hvað hefði betur mátt fara?
    Einfaldlega að við hefðum mátt vera löngu búnir að klára þetta einvígi og var þetta óþarfa stress í restina. Mér fannst engin vera að spila eitthvað sérstaklega illa í þessum leik en Kelleher fannst mér ekki alltof sannfærandi en maður er auðvitað alltaf að bera hann saman við Alisson og er það ósanngjart. 

    Hvað er framundan

    Það er bikarleikur gegn Norwich næstu helgi áður en við tökum á móti Chelsea á heimavelli 31.jan.

    YNWA – Það er alltaf gaman að komast á Wembley og vonandi náum við að klára Chelsea aftur í úrslitum.

  • Liðið er komið

    21 Comments

     

    Quansah fær að byrja fyrir Konate og Jota á bekknum. Annars er flest annað eftir bókinni.
    Virkilega gaman að sjá Andy á bekknum.

    YNWA – Klárum þetta verkefni strákar

Load More
Congratulations. You've reached the end of the internet.

© 2019 KOP.is

Back to Top
Close