Lið Liverpool gegn Udinese í kvöld er sem hér segir:
Reina
Johnson – Coates – Carragher – Robinson
Allen – Henderson – Shelvey
Downing – Borini – Assaidi
Bekkur: Jones, Skrtel, Wisdom, Gerrard, Sahin, Sterling, Suarez.
Sterkt lið og sterkur bekkur. Koma svo!
Næsti leikur okkar manna er í Evrópudeildinni og nú eru það leikmenn Udinese sem ætla að heimsækja Anfield. Þetta er fyrsti leikurinn í 6 leikja seríu sem Liverpool FC mun leika í Liverpoolborg. Það eru sem sagt 5 leikir framundan á heimavelli, plús svo einn á útivelli sem einnig fer fram í borginni. Nú er lag eins og einhver myndi segja, því allir þessir leikir ættu að vera vel vinnanlegir. Það er alltaf erfitt að segja til um nokkurn hlut þegar liðið okkar á í hlut, en mikið lifandis skelfing gæti staðan verið breytt ef þessir 6 leikir myndu nú vinnast. Ekki geta menn allavega kennt ferðaþreytu um.
Ég verð nú að viðurkenna það að ég veit afskaplega lítið um þetta Udinese lið. Þeir eru í 15 sæti í ítölsku deildinni, hafa unnið einn leik, gert þrjú jafntefli og tapað tveimur. Þeir hafa skorað 6 mörk í þessum leikjum sínum og fengið á sig 9. Eini leikmaður þeirra sem maður þekkir eitthvað að ráði er Antonio Di Natale. Hann hefur skorað helming af þessum mörkum þeirra í deildinni og virðist vera þeirra lang hættulegasti maður. Í Evrópudeildinni hafa þeir spilað einn leik í riðlakeppninni og gerðu þar jafntefli 1-1 á heimavelli gegn Anzhi. Þeir skoruðu mark sitt í uppbótartíma og náðu þar með í eitt stig. Ég hugsa að maður gæti fjallað aðeins meira um þá ef útileikurinn hefði verið fyrst, allavega vissum við meira um borgina og sögu liðsins eftir eitt stykki greiningu frá Babú. En það verður að bíða betri tíma.
Ég ætla því ekki að þykjast geta fjallað neitt frekar um þessa mótherja okkar, þar sem ég bara hreinlega hef hvorki tíma né mikinn áhuga á að leggjast í mikla heimildavinnu á netinu um einstaka leikmenn þeirra. En það er aðeins einfaldara mál að fjalla um okkar menn. Óvenju lítið er um forföll hjá okkar mönnum. Martin Kelly verður lengi frá og hreinlega óvíst hvort hann verði meira með á þessu tímabili, og þó svo að Lucas sé byrjaður í léttum æfingum, þá er ekki búist við honum til leiks fyrr en í fyrsta lagi í nóvember og líklegast ekki fyrr um miðjan þann mánuð. Spurningamerki hvílir yfir Jose Enrique, en hans vegna vona ég svo innilega að hann sé búinn að jafna sig af meiðslunum og fái að sýna eitthvað smá í þessum leik. Hann er bara hársbreidd frá því að gera feitt og gott strik undir veru sína hjá félaginu nema hann fari að girða sig all hressilega í brók, og það gerir hann ekki í sjúkraþjálfun. Joe Cole er svo annar sem maður var hreinlega búinn að gleyma að væri hjá félaginu, hann spilaði sem sagt með U-21 árs liðinu í vikunni og virðist vera nær því að geta talist heill.
Það hefur nefninlega ansi mikið breyst á stuttum tíma, bara eingöngu vegna þess hve vel þessir ungu strákar sem sénsinn hafa fengið, hafa spilað. Núna lítur bara allt út fyrir að menn eins og Enrique, Downing og Cole séu hreinlega að reyna að komast inn á völlinn í þeim eina tilgangi að vekja áhuga einhvers annars félag á að fá þá til liðs við sig. Dagar þeirra á Anfield virðast nánast vera taldir og það þarf eitthvað gríðarlega mikið að gerast til að það breytist. Þess vegna held ég að Evrópudeildin verði þeirra vettvangur fram að áramótum. Hvar er betra að láta ljós þitt skína, sér í lagi ef þú færð ekki tækifæri á því í deildinni. Það að nota þá í þessari keppni opnar líka fleiri dyr heldur en að leyfa þeim bara að spila í deildarbikarnum, því félög út um alla Evrópu fylgjast með Evrópudeildinni, þó svo að hún sé ekkert í vinsældum á við Meistaradeildina. Auðvitað er kannski orðið full hart að dæma þessa þrjá leikmenn svona nánast til dauða hjá klúbbnum, svona snemma. En það er einmitt vandamálið þeirra, þeir hafa gert þetta sjálfir. Allt leikmenn með fullt af hæfileikum á ákveðnum sviðum, en hafa þeir verið að grípa sín tækifæri? Nei, svo sannarlega ekki. Enrique var slakasti maðurinn á vellinum gegn Young Boys. Downing hefur ekki sýnt neitt af viti þegar hann hefur fengið sénsinn og Joe Cole, já hann hefur bara verið Joe Cole og meiðist nógu reglulega til að maður nánast gleymi því að hann sér hjá okkur.
Það verður nefninlega fróðlegt að sjá hvernig Rodgers stillir upp liðinu á morgun. Eftir að hafa séð uppstillinguna gegn Young Boys þá var ég algjörlega sannfærður um taktík hans í Evrópudeildinni. Hann ætlaði að fljúga ungu strákunum og þessum svokölluðu “fringe players” í útileikina og stilla svo upp öflugra liði heima til að komast sem lengst í keppninni. Sem sagt treysta á heimavöllinn og sleppa lykilmönnum við löng ferðalög. Svo bara tóku kjúllarnir sig til að kláruðu Young Boys á útivelli. Nú er ég hreint ekki svo viss um að Brendan hleypi alltof mörgum lykilmönnum í leikinn, þó á heimavelli sé. Engu að síður, þá held ég að hann leggi áherslu á góð úrslit heimafyrir og það er ekki eins og að þessir lykilleikmenn okkar séu að drepast neitt úr þreytu, hefur nánast enginn þeirra spilað meira en einn leik í viku þar sem Brendan hefur verið duglegur að rótera. Ég reikna því með blönduðu liði á morgun. Shelvey á einn leik eftir í banni, en það bann gildir ekki fyrir Evrópudeildina og því spilar hann alveg 100% með á morgun.
Þetta verður sem sagt hausverkur dauðans, en auðvitað verður maður að skjóta. Það er stutt í næsta deildarleik og því held ég að Brendan stilli upp sterkum bekk en noti áfram svipað byrjunarlið. Það er talsverður hausverkur að stilla upp hægri bakverðinum. Mér finnst ólíklegt að hann hætti Johnson í allan leikinn, og svo hefur Wisdom spilað mikið undanfarið. Ég hallast þó að því að Wisdom verði látinn spila áfram, sér í lagi þar sem ég held að Flanagan sé meiddur og Kelly að sjálfsögðu líka. Carra gæti líka verði settur þangað og jafnvel Wilson í miðvörðinn með Coates, en ég reikna síður með því. Svo ef Enrique er heill, þá bara HLÝTUR hann að vera í hinum bakverðinum. Shelvey verður inni á miðjunni með Henderson, en svo verður þetta spurning um þriðju miðjumannsstöðuna. Mér finnst ólíklegt að Sahin verði látinn spila, því þá mun hann spila 4 leiki á rétt um 2 vikum. Finnst þó líklegra að sjá Allen bara spila leikinn, því ég held að Cole sé ekki klár í heilan leik strax. En auðvitað myndi það liggja beinast við að hafa hann fremstan á miðjunni fyrir framan hina tvo. Svo er auðvitað möguleiki á að Suso spili bara þarna. Eigum við ekki að segja bara að það sé líklegast. Downing hlýtur að fá sénsinn hægra megin og Assaidi vinstra megin. Ég ætla svo að tippa á að Borini muni byrja fremstur. Svona spái ég þessu sem sagt:
Jones
Wisdom – Coates – Carragher – Enrique
Shelvey – Henderson – Suso
Downing – Borini – Assaidi
En Borini er líka stórt spurningamerki, gæti alveg verið að Pacheco kæmi þarna inn annað hvort fyrir Suso eða hreinlega Borini eins og þetta var gegn Young Boys. En einhvers staðar verður maður nú að byrja og enda þetta og því ætla ég bara að standa við þessa spá. Ég hef heyrt það að ítösku liðin taki þessa keppni ekki alvarlega, en hvort það eigi bara við um liðin sem eru að berjast í efri hlutanum eða ekki, það veit ég ekki fyrir víst. Ég man allavega eftir einu stykki Napólí liði fyrir ekki löngu síðan, sem stillti upp sínu sterkasta liði á Anfield og voru þeir nú ekki sérlega lágt skrifaðir blessaðir. Ég reikna því með hörkuleik og enn einni prófrauninni á okkar unga lið. Vonandi halda þeir áfram að standa undir væntingum og nái fram góðum úrslitum. Þetta gæti verið lykilleikur í þessari keppni, því ég gæti hugsað að þetta yrði okkar erfiðasti heimaleikur í þessum riðli. Ég ætla bara að vera bjartsýnn áfram og spá okkar mönnum sigri í hörkuleik sem endar 3-1 fyrir okkar menn. Auðvitað skorar Di Natale fyrir þá, en um okkar mörk sjá þeir Shelvey, Assaidi og Henderson. Þar hafið þið það.
Jæja, þá er góðri helgi lokið og það er vissulega mikill léttir að geta glaðst yfir jákvæðri umferð í Úrvalsdeildinni. Liverpool vann fyrsta sigur sinn og sumir af erkifjendunum töpuðu stigum þannig að útlitið er aðeins jákvæðara í dag en það var.
Hins vegar er allt í lagi að benda á það að þótt þetta hafi verið fyrsti sigurinn í Úrvalsdeildinni er liðið búið að hálfpartinn laumast til að fara á smá “rönn” síðustu vikur. Hér eru síðustu fimm leikir Liverpool í öllum keppnum:
Þetta eru sem sagt 3 sigrar, 1 jafntefli og 1 tap í síðustu 5 leikjum. Og fjórir þessara leikja voru á útivelli. Og það er ekki eins og liðið hafi leikið illa eða átt skilið tap í þessum eina leik. Þannig að þótt liðið hafi beðið til 29. september til að vinna fyrsta deildarleikinn hefur liðið unnið 4 af 5 Evrópuleikjum (sá fimmti var jafntefli gegn Hearts) og erfiðan útileik í Deildarbikarnum það sem af er á tímabilinu. Og eins og við höfum margoft farið yfir hefur liðið verið að spila flottan bolta á köflum í deildinni en nánast allt gengið gegn því þar, þar til nú um helgina.
Það sama má segja um vörnina. Í fyrsta deildarleiknum var liðið að spila vel þegar Zoltan Gera skoraði frábært mark og breytti gangi leiksins. Í upphafi seinni hálfleiks missti Liverpool mann út af og fékk á sig tvö víti og endaði í stórtapi. Í næsta deildarleik yfirspilaði liðið Manchester City á heimavelli (Yaya Touré sagði það erfiðasta leik sem hann hefur spilað á Englandi) en svakaleg mistök Martin Skrtel gáfu meisturunum stig undir lokin. Í næsta leik þar á eftir komu Arsenal í heimsókn og eru sennilega eina liðið á leiktíðinni sem hefur hreinlega spilað betur en Liverpool og verðskuldað sigur. Því næst fór liðið til Sunderland þar sem lélegur varnarleikur gaf heimamönnum mark, aftur var Skrtel vafasamur auk Glen Johnson og Pepe Reina, sem hafði gefið mjög klaufalegt mark gegn Hearts nokkrum dögum áður.
Því næst fór liðið til Sviss þar sem hálfgert varalið gaf þrjú mörk en aðeins eitt þeirra var eitthvað sérlega klaufalegt, þegar Jose Enrique klúðraði hreinsun í fyrsta marki Young Boys. Næsti leikur var svo gegn United þar sem ekkert var við vörnina að sakast og þótt það virtist sem Brad Jones hefði gefið klaufamark í upphafi leiks gegn WBA sýndu endursýningar að Jonas Olsson setti höndina í andlit hans og það mark hefði ekki átt að standa. Um helgina gaf liðið svo aftur tvö klaufamörk, fyrst Pepe Reina í stöðunni 4-0 og svo Martin Skrtel í stöðunni 5-1 en þau mörk komu ekki fyrr en leikurinn var orðinn útkljáður og því kannski frekar hægt að skrifa þau á einbeitningarleysi frekar en einhverja erfiðleika í spilamennsku.
Mitt mat er það að þótt vörnin hafi verið lek í upphafi tímabils og liðið ekki enn haldið hreinu sé leikur liðsins klárlega að batna dag frá degi og vörnin sé þar engin undantekning. Pepe Reina er gæðamarkvörður og þótt hann hafi í 2-3 skipti gert sig sekan um slæm mistök í upphafi tímabils treysti ég honum til að rétta úr kútnum og það er rétt að minna á að fyrir utan þessi 2-3 atvik hefur hann verið að spila mjög vel. Menn tala helst um að staða Martin Skrtel sé í hættu vegna einstaklingsmistaka og þess að Sebastian Coates sé að banka á dyrnar en ég lít Skrtel sömu augum og Reina – hann spilar frábærlega fyrir utan þessi 2-3 skipti í upphafi tímabils sem hann hefur að mínu mati misst einbeitningu frekar en spilað illa.
Ég hef fulla trú á að þetta sé allt að smella nokkuð laglega saman hjá okkur. Að sjá liðið spila jafn vel og það gerði um helgina, á útivelli, með nokkra lykilmenn frá vegna meiðsla, var mjög jákvætt en sú bjartsýni sem í mér býr í garð Brendan Rodgers og þessa liðs er ekki bara byggð á einum góðum deildarsigri. Hún er byggð á því að í fyrstu 12 leikjum tímabilsins í öllum keppnum hefur liðið aðeins einu sinni verið lakari aðilinn í leik (Arsenal) og það er núna á flottu skriði þegar síðustu fimm leikir eru skoðaðir.
Fram undan eru fjórir heimaleikir í Evrópu og Úrvalsdeild gegn Udinese, Stoke, Anzhi og Reading áður en liðið heimsækir Everton í lok október. Ég er nánast sannfærður um að liðið á eftir að bæta við sig þeim sex stigum sem eru í boði og styrkja stöðu sína á toppi Evrópuriðilsins áður en það fer yfir garðinn í heimsókn til nágrannanna í bláu.
Brendan Rodgers er á réttri leið með þetta lið.
Þetta er opinn þráður – ræðið það sem þið viljið.
Í dag er 29.september og sjötta umferð í ensku deildinni. Það er afar jákvæður dagur í alla staði, þar sem fyrsti, en alls ekki síðasti deildarsigur Brendan Rodgers sem stjóri LFC vannst!
Byrjum á liðsuppstillingunni:
Reina
Wisdom – Skrtel – Agger – Johnson
Gerrard – Allen – Sahin
Suso – Suárez – Sterling
Bekkur: Jones, Carragher, Henderson, Downing, Assaidi, Coates, Borini.
Ég var stressaður um hversu mikið sjálfstraust væri í liðinu okkar, en eftir 65 sekúndur varð manni strax ljóst að það væri til staðar! Allen og Johnson unnu sig upp vinstri kantinn og sendi bakvörðurinn inn í teig þar sem Sahin átti flott hlaup, varnarmaðurinn pikkaði boltanum frá honum í fæturnar á Luis Suarez sem tók eina snertingu á vítateigslínunni og klíndi boltanum í markið. Leikurinn varla byrjaður og við strax yfir.
Næstu tíu mínúturnar held ég að Norwich hafi verið 15% með boltann, við einfaldlega stýrðum allri traffík en náðum ekki að skapa mörg færi. Þá kviknaði smá lífsmark hjá heimamönnum og þá varði Reina vel. Gerrard skallaði að marki eftir rúman hálftíma en Ruddy varði svakalega vel og Suarez komst einn í gegn og klúðraði framhjá við mikinn fögnuð heimamanna sem létu hann heyra það. Norwich tók útsparkið, varnarmaður þeirra gleymdi sér augnablik, Luis Suarez stal boltanum af honum, klobbaði viðkomandi í ofanálag og klíndi hann utanfótar í markið – talandi um að vera svalur!!! Bara hlýtur að verða til að Norwichaðdáendur hugsi sig um áður en þeir bulla yfir hann – eða hvað?
Þannig lauk fyrri hálfleik.
Á fyrstu 90 sekúndum síðari hálfleiks fengu Norwich tvö dauðafæri sem þeir nýttu ekki en þá var komið að stoðsendingu fyrir Úrúgæjann okkar magnaða, fékk flotta sendingu að vítateig, vann sig framhjá vörninni og eftir að varnarmenn stoppuðu fyrstu sendingu hans sendi hann aftur inn í markteig á Nuri Sahin og staðan 0-3. Á 57.mínútu var svo komið að því að Suarez fullkomnaði þrennuna sína annað árið í röð á Carrow Road þegar hann skrúfaði boltann í fjærhorn enn af vítateignum.
Því miður gáfum við svo mark á mínútu 61, Reina kastaði illa út á bakvörð sem komst í skotfæri, Reina varði boltann illa út í teig þar sem Morrison klíndi hann í markið og staðan 1-4. Norwich ætluðu að pressa áfram og gera eitthvað en á 68.mínútu kláraði Steven Gerrard leikinn eftir vel útfærða skyndisókn. Verulega góð afgreiðsla. Þaðan fórum við bara að halda boltanum en því miður gerðum við enn varnarmistök, nú á 87.mínútu þegar Martin Skrtel missti boltann klaufalega undir sig og Grant Holt kláraði það færi.
En leiknum lauk með okkar sigri, 2-5 í afar góðum fótboltaleik.
Liðið okkar lék afar vel allan tímann. Mér fannst sérstaklega miðjan frábær, þeir Sahin, Gerrard og Allen algerlega stýrðu öllu sem þeir vildu. Kantmennirnir héldu vídd, þó Sterling hafi átt betri leiki, og Suarez var algerlega magnaður.
Varnarleikurinn er enn ekki nógu góður, Reina átti fyrra markið að mínu mati og Skrtel það seinna. Agger og Johnson voru frábærir, Wisdom stressaður í byrjun en vann sig vel í leikinn. Varamennirnir sem inn komu, Assaidi, Hendo og Carra komu inn þegar leikurinn var búinn.
En maður leiksins er einfalt val í dag, Luis Suarez var stórkostlegur. Punktur og pasta.
Leitt að enda neikvætt, en það varð algerlega ljóst (ef einhver var í vafa) að Luis Suarez þarf að láta lífið inn í teig til að fá víti. Það að Leon Barnett var ekki rekinn útaf og við fengum víti er svo hlægilegt að meira að segja allir lýsendur Setanta í dag bentu á þetta, kölluðu það “Stonewall penalty”. Rodgers hringdi í Mike Riley í vikunni til að kvarta, veltið fyrir ykkur vítunum sem WBA og United hafa fengið gegn okkur í vetur, berið saman við þetta og svarið svo hvort að deild sem krefur ákveðinnar línu af dómurum sínum og talar um samkvæmni eigi ekki aðeins að skoða málin.
En nóg um það, brandarnir þessa helgina verða ekki um okkur, nú erum við með frábært tækifæri til að virkilega ramma sjálfstraustið inn hjá okkar mönnum, fjórir leikir á Anfield eru einmitt það sem við nú þurfum!
Í dag er 29.september og sjötta umferð í ensku deildinni. Það er afar jákvæður dagur í alla staði, þar sem fyrsti, en alls ekki síðasti deildarsigur Brendan Rodgers sem stjóri LFC vannst!
Byrjum á liðsuppstillingunni:
Reina
Wisdom – Skrtel – Agger – Johnson
Gerrard – Allen – Sahin
Suso – Suárez – Sterling
Bekkur: Jones, Carragher, Henderson, Downing, Assaidi, Coates, Borini.
Ég var stressaður um hversu mikið sjálfstraust væri í liðinu okkar, en eftir 65 sekúndur varð manni strax ljóst að það væri til staðar! Allen og Johnson unnu sig upp vinstri kantinn og sendi bakvörðurinn inn í teig þar sem Sahin átti flott hlaup, varnarmaðurinn pikkaði boltanum frá honum í fæturnar á Luis Suarez sem tók eina snertingu á vítateigslínunni og klíndi boltanum í markið. Leikurinn varla byrjaður og við strax yfir.
Næstu tíu mínúturnar held ég að Norwich hafi verið 15% með boltann, við einfaldlega stýrðum allri traffík en náðum ekki að skapa mörg færi. Þá kviknaði smá lífsmark hjá heimamönnum, fengu m.a. eitt dauðafæri sem Reina vel. Eftir um hálftíma leik skallaði Gerrard að marki eftir frábæra sendingu frá Suarez en Ruddy varði svakalega vel.
Á 38.mínútu komst svo Suarez einn í gegn og klúðraði framhjá við mikinn fögnuð heimamanna sem létu hann heyra það. Norwich tók útsparkið, varnarmaður þeirra gleymdi sér augnablik, Luis Suarez stal boltanum af honum, klobbaði viðkomandi í ofanálag og klíndi hann utanfótar í markið – talandi um að vera svalur!!! Bara hlýtur að verða til að Norwichaðdáendur hugsi sig um áður en þeir bulla yfir hann – eða hvað?
Þannig lauk fyrri hálfleik.
Á fyrstu 90 sekúndum síðari hálfleiks fengu Norwich tvö dauðafæri sem þeir nýttu ekki en þá var komið að stoðsendingu fyrir Úrúgæjann okkar magnaða, fékk flotta sendingu að vítateig, vann sig framhjá vörninni og eftir að varnarmenn stoppuðu fyrstu sendingu hans sendi hann aftur inn í markteig á Nuri Sahin og staðan 0-3. Á 57.mínútu var svo komið að því að Suarez fullkomnaði þrennuna sína annað árið í röð á Carrow Road þegar hann skrúfaði boltann í fjærhorn enn af vítateignum.
Því miður gáfum við svo mark á mínútu 61, Reina kastaði illa út á bakvörð sem komst í skotfæri, Reina varði boltann illa út í teig þar sem Morrison klíndi hann í markið og staðan 1-4. Norwich ætluðu að pressa áfram og gera eitthvað en á 68.mínútu kláraði Steven Gerrard leikinn eftir vel útfærða skyndisókn. Verulega góð afgreiðsla. Þaðan fórum við bara að halda boltanum en því miður gerðum við enn varnarmistök, nú á 87.mínútu þegar Martin Skrtel missti boltann klaufalega undir sig og Grant Holt kláraði það færi.
En leiknum lauk með okkar sigri, 2-5 í afar góðum fótboltaleik.
Liðið okkar lék afar vel allan tímann. Mér fannst sérstaklega miðjan frábær, þeir Sahin, Gerrard og Allen algerlega stýrðu öllu sem þeir vildu. Kantmennirnir héldu vídd, þó Sterling hafi átt betri leiki, og Suarez var algerlega magnaður.
Varnarleikurinn er enn ekki nógu góður, Reina átti fyrra markið að mínu mati og Skrtel það seinna. Agger og Johnson voru frábærir, Wisdom stressaður í byrjun en vann sig vel í leikinn. Varamennirnir sem inn komu, Assaidi, Hendo og Carra komu inn þegar leikurinn var búinn.
En maður leiksins er einfalt val í dag, Luis Suarez var stórkostlegur. Punktur og pasta.
Leitt að enda neikvætt, en það varð algerlega ljóst (ef einhver var í vafa) að Luis Suarez þarf að láta lífið inn í teig til að fá víti. Það að Leon Barnett var ekki rekinn útaf og við fengum víti er svo hlægilegt að meira að segja allir lýsendur Setanta í dag bentu á þetta, kölluðu það “Stonewall penalty”. Rodgers hringdi í Mike Riley í vikunni til að kvarta, veltið fyrir ykkur vítunum sem WBA og United hafa fengið gegn okkur í vetur, berið saman við þetta og svarið svo hvort að deild sem krefur ákveðinnar línu af dómurum sínum og talar um samkvæmni eigi ekki aðeins að skoða málin.
En nóg um það, brandarnir þessa helgina verða ekki um okkur, nú erum við með frábært tækifæri til að virkilega ramma sjálfstraustið inn hjá okkar mönnum, fjórir leikir á Anfield eru einmitt það sem við nú þurfum!
ATH: Við ætlum að fjalla um þennan leik í rauntíma (að sjálfsögðu) og skýrsla kemur strax eftir leik. Bara ábending fyrir ykkur sem ætlið að horfa á leikinn kl:16 að slökkva á netinu núna.
Byrjunarliðið er svona:
Reina
Wisdom – Skrtel – Agger – Johnson
Gerrard – Allen – Sahin
Suso – Suárez – Sterling
Bakkur: Jones, Carragher, Henderson, Downing, Assaidi, Coates, Borini.
Liðið er eins sóknarlega og SSteinn var með í upphitun enda Rodgers búinn að gefa hint í þá átt. Sóknarlínan inniheldur Sterling, Suarez og Suso og miðjan er mjög sterk. FRÁBÆRT að sjá að Agger er leikfær í dag og Borini er ekki meira meiddur en svo að hann er á bekknum.
Eina sem gæti komið á óvart er að Wisdom heldur sæti sínu í hægri bakverðinum á kostnað manna eins og Enrique og Downing.
Það er alveg ljóst að það skiptir engu máli hvað þú heitir eða hvað þú hefur gert áður, ef þú ert að standa þig NÚNA færðu séns. Stewart Downing og Joes Enrique sem báðir kostuðu sitt fyrir rúmlega ári síðan hafa fengið gula spjaldið og rúmlega það frá Rodgers sem óbeint segir þeim að hann vilji enga aumingja í sitt lið. Svonalagað fær mann til að vilja knúsa gaurinn. Enrique ætti að slökkva á FIFA núna og Downing þyrfti að fara á djammið með Andy Carroll og finna einhverja grimmd og áræðni aftur. Að Wisdom sé í liðinu frekar en þeir er þéttingsfast högg utanundir.
Lýst vel á þetta lið og langar alls ekki að koma með látum niður á jörðina eftir síðasta leik.
Sigur í dag, mér er skítsama hvernig.
Þetta er fáránlega gaman, leikirnir koma alveg hægri vinstri og endalaust af fótbolta. Það má svo sannarlega segja það að þessir ungu strákar okkar hafa verið að kynda mann heldur betur með sinni frammistöðu í Evrópudeildinni og núna í deildarbikarnum. Babú komst vel að orði í einu kommentinu þegar hann líkti þessu við strætóstoppistöð. Maður bíður og bíður eftir strætó og svo allt í einu koma þeir í bunum. En við verðum nú engu að síður að halda okkur niður á jörðinni, þessir guttar okkar (þó góðir séu) eru ekki að fara að leggja heiminn að fótum sér bara en, to, tre. Engu að síður hefur þessi upprisa þeirra gert það að verkum að þetta lið okkar sem hafði nánast enga breidd eftir að leikmannaglugginn small aftur, er allt í einu kominn með bara fína breidd. Það er í rauninni fyrst og fremst staða fremsta manns sem virkilegur skortur er á henni.
Nú er það deildin og það er ekkert sem heitir, nú þurfa að fara að detta inn sigrar, það er ömurlegt að sjá okkur þarna neðst í töflunni. Ég er handviss um að Brendan sé að stimpla það inn í menn þessa dagana að nú sé deildin að byrja, hún byrjar á morgun. Ég fer fyrst að hafa áhyggjur ef við náum ekki að skella eins og einu stykki Norwich liði, þó það sé á þeirra heimavelli. Þetta eru bara leikir sem VERÐA að vinnast, no matter what. Einn sigur og liðið gæti hoppað upp í miðja töfluna.
Norwich er lið sem ég spáði að myndi hrapa beint niður um deild þetta tímabilið, og það hefur ekkert gerst sem fær mig til að breyta þeim “spádómi”. Þetta er að mínum dómi verst mannaða lið deildarinnar og maðurinn sem hélt þeim uppi síðast, hefur yfirgefið skútuna og tekið við Aston Villa. Þeir eru eins og við, án sigurs í deildinni og sitja í sætinum fyrir ofan okkur. Þeir hafa skorað heil 2 mörk í þessum 5 leikjum sínum og bestum úrslitum náðu þeir þegar þeir gerðu 1-1 jafntefli við Spurs á White Hart Lane. Þar kom líka annað markið þeirra. Þeir hafa fengið 8 mörk á sig og hafa spilað við Fulham, QPR, Tottenham, Newcastle og West Ham. Þeir Jackson og Snodgrass eru langmarkahæstir hjá þeim með eitt mark hvor. Það er í rauninni ekkert sem ég hræðist við þetta lið þeirra, okkar menn eiga bara einfaldlega að vinna þennan leik og það örugglega. En við vitum nú betur en svo að þetta verði eitthvað walk in the park hjá okkur.
Þá að okkar mönnum. Það hafa allir skoðun á því hvernig Brendan eigi að stilla upp liði sínu. Það eru stór spurningamerki í kringum það hvort þeir Agger og Borini séu klárir í slaginn, ég held að það verði ekki tekinn neinn séns á þeim og því byggist spá mín á því að þeir verði ekki til taks um helgina, þó svo að ég yrði ekkert hoppandi hissa á að sjá Borini byrja leikinn. En nú hefur maður séð hér í kommentakerfinu margar útfærslur og að mínu mati alltof margar þar sem búið er að bekkja Steven nokkurn Gerrard. Ég næ því satt að segja bara alls ekki. Það er alveg sama hvaða táning menn draga fram, það er enginn þeirra kominn með þann talent og Stevie er með. Jú, menn eiga sína döpru leiki og allt það, en horfðu menn á hann gegn Man.Utd um síðustu helgi? Eru menn í alvöru að tala um að núna sé rétti tíminn til að droppa honum? Sorry, but no freaking way.
Miðað við leikinn gegn WBA, þá verður valið líklegast svolítið strembið fyrir Brendan þegar kemur að vali á miðjumönnum. Á hann að láta draum sinn rætast og spila Allen aðeins framar (þar sem hann hugsar hann þegar Lucas kemur aftur) og setja Henderson í þá stöðu. Eða á hann að halda Allen á sínum stað og setja Sahin inn sem direct replacement fyrir Shelvey? Báðir áttu þeir flottan leik, en ég er á því að Sahin komi inn í liðið og spili á miðjunni með þeim Allen og Gerrard. Reina kemur svo aftur inn í rammann og ég vil persónulega fá Johnson á sinn stað í hægri bakvörðinn. Þar er hann bestur, en ekki vinstra megin. Ég ætla jafnframt að spá því að Coates fái sénsinn við hlið Skrtel, þar sem mér fannst hann eiga frábæran leik gegn WBA. Enrique kemur svo inn vinstra megin, og sá þarf að byrja að sanna sig upp á nýtt. Hef orðið fyrir ferlega miklum vonbrigðum með kappann. Nú er að hætta að hanga bara á augnhárunum, bretta upp skinnið og bróka sig almennilega (eða var það að girða sig í brók?). Luis kemur svo inn í framlínuna, ásamt Sterling og stóra spurningin verður svo varðandi hægri kantinn. Ég ætla að tippa á að Suso fái sénsinn (jafnvel að hann skipti um stöðu við Gerrard). Svona spái ég því liðinu:
Reina
Johnson – Coates – Skrtel – Enrique
Sahin – Allen – Suso
Gerrard – Suárez – Sterling
Bekkur: Jones, Carragher, Wisdom, Downing, Henderson, Assaidi og Pacheco
Ég er bara nokkuð bjartsýnn á þennan leik, menn þurfa bara að halda áfram að spila svipað og þeir hafa verið að gera, þetta hlýtur að fara að smella í deildinni líka hjá okkur, bara trúi ekki öðru. Ég ætla að tippa á að við hristum vel af okkur slenið, höldum hreinu í fyrsta skipti síðan elstu menn muna og skorum þrjú mörk. Eigum við ekki að segja að þessir hefðbundnu, Gerrard og Suárez verði með sitt hvort markið og svo setji Sterling litli eitt líka. Málið er látið.
Hér er þáttur númer tuttugu og sjö af podcasti Liverpool Bloggsins!
Þið getið hlustað á þáttinn beint með því að nota spilarann hér fyrir ofan en þið getið líka smellt á DOWNLOAD-takkann og sótt mp3-skrána ykkur til hæginda. Einnig er hægt að gerast áskrifandi að þættinum á iTunes með því að setja þennan link, í RSS-áskrift undir podcast-lið iTunes.
Ég (Kristján Atli) stýrði þættinum sem fyrr og með mér að þessu sinni voru SSteinn, Babú og Maggi.
Í þessum þætti ræddum við Hillsborough-skýrsluna, leikina gegn Sunderland, Young Boys, United og WBA, ungu strákana hans Rodgers og John Terry-dóminn.
John Terry fékk í dag fjögurra leikja bann fyrir kynþáttaníð í garð Anton Ferdinand. Ræðið það hér ef þið viljið eða hvað annað sem ykkur dettur í hug. Þetta er opinn þráður.
Eins og flestir muna vann Liverpool eina dollu á síðustu leiktíð og sú titilvörn hófst í kvöld. Strákarnir okkar heimsóttu WBA á The Hawthorns í kvöld í þriðju umferð ensku Deildarbikarkeppninnar, rétt rúmlega mánuði eftir að aðalliðið steinlá 3-0 á sama velli í fyrstu umferð deildarinnar. Nánast allt aðalliðið frá því um síðustu helgi var hvílt algjörlega en það breytti engu því kornungt Liverpool-lið vann verðskuldaðan 1-2 sigur og tryggði sér farseðilinn í næstu umferð.
Brendan Rodgers var án Borini, Kelly, Lucas, Agger og Cole (meiðsli) og Shelvey (leikbann) og ákvað að hvíla restina af aðalliðinu. Byrjunarliðið var sem hér segir:
Jones
Wisdom – Coates – Carragher – Robinson
Downing – Henderson – Sahin – Assaidi
Pacheco – Yesil
Bekkur: Gulacsi, Sama, Wilson, Coady, Sterling, Suso (inn f. Pacheco), Sinclair (inn f. Yesil).
Meðalaldur þessa liðs: 23.6 ár. Meðalaldur varamanna: 18.7 ár. Sennilega yngsta lið og leikmannahópur sem Liverpool hefur nokkru sinni stillt upp. Og það án þess að unglingar eins og Morgan, Flanagan, Shelvey, Kelly og McLaughlin væru í hóp.
Eins og það væri ekki næg pressa á þessu kornunga liði byrjaði leikurinn hörmulega. Eftir þriggja mínútna leik voru heimamenn komnir yfir. Þá kom há fyrirgjöf frá vinstri inná teig þar sem Brad Jones kallaði á boltann, stökk upp til að sækja hann óáreittur en hélt honum ekki og Tamas sett’ann í autt markið. 1-0 fyrir heimamenn og ég verð að viðurkenna að mér leist verulega illa á blikuna hér.
Það tók liðið nokkrar mínútur að jafna sig og heimamenn hefðu hæglega getað bætt við öðru á næstu mínútum, fengu nokkur færi til þess. Eftir ca. 10 mínútur var Liverpool-liðið þó komið í gírinn og eftir það sáu West Brom-menn varla boltann það sem eftir lifði hálfleiks. Liverpool-liðið lék frábærlega, hélt boltanum og pressaði og það var bara skortur á ógn uppi við vítateig andstæðinganna sem hélt þessu jöfnu í hálfleik.
Einmitt, jöfnunarmarkið. Það var ekki síður klaufalegt hjá Ben Foster sem lét fast en viðráðanlegt langskot frá Nuri Sahin leka undir hendur sínar og í markið.
Staðan 1-1 í hálfleik og okkar menn áttu vart minna skilið eftir flottan hálfleik.
Eftir hlé jafnaðist þetta aðeins, leikurinn einkenndist af stöðubaráttu og stöku hálffærum án þess þó að annað hvort liðið næði yfirhöndinni. Liverpool voru meira með boltann og pressuðu stöðugt en West Brom voru skeinuhættir hinum megin, og þá sérstaklega þegar Lukaku komst maður á mann gegn Carragher sem réði illa við hann í kvöld.
Á 80. mínútu var brotið blað í sögu Liverpool FC þegar Suso og Jerome Sinclair komu inná fyrir Yesil og Pacheco. Sinclair þessi er uppalinn hjá WBA, kom til Liverpool fyrir áramót og er í dag 16 ára og 6 daga, eða 244 dögum yngri en Jack Robinson var vorið 2010 þegar hann varð yngsti leikmaður í sögu klúbbsins. Nú á Sinclair þann titil.
Sinclair kom þó lítið við sögu mínútu síðar í sigurmarkinu en félagi hans af bekknum, Suso, lék þar stórt hlutverk. Eftir stutt og flott spil á miðjunni barst boltinn inná Suso sem hafði pláss til að sækja upp miðjuna að vörninni. Hann dró til sín tvo menn, sendi boltann út á Assaidi á kantinum sem sendi hann strax fyrir markið þar sem Sahin var mættur og vann leikinn fyrir strákana!
MAÐUR LEIKSINS: Fyrst það neikvæða: Brad Jones gerði hörmuleg mistök strax í upphafi en hélt hreinu það sem eftir lifði, en það verður að segjast að hann gerði sér enga greiða í kvöld. Stewart Downing heldur áfram að vera vandræðalega bitlaus, sérstaklega með fullt af skeinuhættum unglingum í kringum sig og Assaidi á hinum kantinum en sá er ógnandi og áræðinn á alla þá vegu sem Downing skortir. Pacheco var ekki með í fyrri hálfleik en vann sig betur inn í þeim seinni og Yesil barðist vel en mátti lítið við margnum og ógnaði lítið.
Allir aðrir voru góðir. Vörnin var mjög góð, einna helst í vandræðum þegar hinn aldni Carragher lenti einn á móti Lukaku en hann stóðst nú yfirleitt áhlaupið þótt enginn afgangur væri af því. Assaidi var sem fyrr segir frábær á vinstri kantinum og innkoma Suso undirstrikaði enn frekar að hann á bjarta og mikla framtíð fyrir sér hjá Liverpool.
Lykillinn að þessum sigri var þó á miðjunni. Þeir Jordan Henderson og Nuri Sahin voru frábærir í kvöld, stýrðu öllu spili og áttu miðjuna frá upphafi til enda. Þetta var gríðarlega jákvætt hjá þeim báðum og hreinlega erfitt fyrir Rodgers að velja hvor þeirra tekur stöðu Jonjo Shelvey um helgina.
Minn maður leiksins er þó klárlega Nuri Sahin sem áorkaði það umfram Henderson að skora bæði mörk liðsins í kvöld. Hér sýndi hann okkur hvers vegna Rodgers var svona ákafur í að fá hann, hér minnti hann mig á miðjukónginn sem ég sá hjá Dortmund fyrir tæpum tveimur árum. Meira af þessu, Nuri.
Það er orðið ljóst að liðið mætir Swansea á Anfield í næstu umferð í október. Ég hlakka til að sjá meira af ungu strákunum í þeim leik og mér finnst við hæfi að The Kop fái að klappa fyrir þeim eftir kvöldið í kvöld. Einnig grunar mig lúmskt að Rodgers bíði óþreyjufullur eftir þeim leik.
Þetta var mjög jákvætt. Ég vona að aðalliðsmennirnir heima hafi verið að horfa. Meira af þessu um helgina, takk!
Kristján Atli
SSteinn
Maggi
Einar Matthías