Maggi
Úff hvað maður beið þvílíkt spenntur eftir kickoff í dag!!!
Þó fannst mér eitthvað skrýtið við liðið og hvernig því var raðað upp, en ennþá meira undrandi þegar ég sá Dirk Kuyt á vinstri kantinum, en hann átti örugglega að verjast hægri bakverði Hull, sem þó var ekki Mendy í dag.
Byrjunarliðið var:
Arbeloa – Skrtel – Carragher – Insua
Alonso – Mascherano
Benayoun – Lucas – Kuyt
Torres
Bekkur: Cavalieri – Agger – Ngog – Dossena – Riera – Aurelio – El Zhar.
En svo komu vonbrigði frá mínútu nr. 1 og upp í 44. Liðið afar óstyrkt fannst mér, varnarmennirnir auðsjáanlega stressaðir og mér fannst fæstir leikmennirnir í raun vilja boltann. Sennilega bara of hátt spennustig. Þó fannst mér Insua, Alonso og Benayoun þeir skástu.
Á 44.mínútu fiskaði Javier Mascherano svo aukaspyrnu sem sennilega átti ekki að dæma. Ekki það að við eigum svoleiðis dóma vel inni!
Xabi Alonso tók spyrnuna, hún var ömurleg og endaði í varnarveggnum. Boltinn hrökk til baka og þá tók Alonso sig til og smellhitti hann gríðarlega fast svo boltinn söng í netinu hjá Myhill, algerlega óverjandi. Stuttu seinna flautað til hálfleiks. 0-1, ekkert sanngjarnt endilega en von manns var að nú kæmu okkar menn hressir til síðari hálfleiks í sólinni á KC Stadium.
En mikið óskaplega voru fyrstu 15 mínútur seinni hálfleiks eins og félagsvist! Liverpool ragir að sækja og Hull reyndu að pressa. Á 60.mínútu hélt maður að komin væru ákveðin straumhvörf í leiknum þegar Caleb Folan ákvað að „do a Pepe“ og ákvað að sparka hraustlega til Martin Skrtel. Dómaratríóið sá hvað var í gangi og Folan fékk að sjálfsögðu rautt. Skulum ekki láta okkur detta í hug að láta segja okkur neitt annað, bara það að sparka í áttina að leikmanni er beint rautt spjald!
Tveimur mínútum seinna kom svo annað mark Liverpool. Boltinn barst til Skrtel upp úr horni, hann átti misheppnað skot að markinu sem Dirk Kuyt karlinn stangaði í netið. 0-2. Leikurinn hlýtur að vera búinn?
Ónei. Ömurlegur kaflli kom í kjölfarið þar sem að okkar menn virtust bara vera í reitabolta á lágu tempói og auðvitað tók Hull sig til og skoraði á 72.mínútu. 1-2 með marki frá Geovanni eftir hrottalega dapran varnarleik allra fjögurra varnarmannanna og game on. Það sem eftir lifði virtist bara spurningin vera hvort okkur tækist að halda þremur stigum gegn 10 leikmönnum heimamanna sem ekki hafa verið að spjara sig að undanförnu. Ekkert í okkar spilum fannst manni. Viðurkenni fúslega að ég var pirraður!
En á 89.mínútu náðum við að tryggja stigin þrjú sem voru í boði. Eftir ágæta sókn upp hægri kantinn tók Kuyt frákast eftir að Myhill varði frá Arbeloa, 1-3 og ljóst að toppsætið var okkar, allavega í einhverja klukkutíma og bara komið að því að vonast til að Spurs geri okkur greiða…
Auðvitað var liðið ekki að leika vel, en í dag skipti algerlega öllu máli að hirða þrjú stig sem í boði voru í Hull-borg í dag. Varnarleikurinn virtist ótraustur allan tímann og mér fannst liðið líka ragt að sækja af fullum krafti. Lucas náði alls ekki takti í leiknum og mér fannst liðið sjaldan ná að búa til breidd í sínum leik. Þegar það gerðist gekk afar illa að koma boltum inní, sérstaklega frá hægri þar sem Arbeloa átti dapran dag.
Þegar kemur að því að velja mann leiksins tilnefni ég fjóra. Insua sem lék vel í 89 mínútur en stóð sig afar illa í marki Hull. Dirk Kuyt sem var sívinnandi og skoraði gríðarlega mikilvæg mörk. Aðallega voru þó tveir sem stóðu upp úr, Yossi Benayoun sem var sífellt að reyna að skapa þó hann hafi ekki átt lykilþátt í mörkunum og Xabi Alonso sem allt gekk í gegnum og skoraði fyrsta markið, sem er þessu liði okkar yfirleitt mikilvægast.
Ég vel Xabi Alonso að lokum, fannst hann frábær í dag og lykilmaður í sigrinum.
Sigri sem kemur okkur á toppinn, við áttum alveg inni að spila leik illa en vinna hann svo samt! Nú bara höldum við áfram að trúa!!! Næst tökum við á móti Alan Shearer og lærisveinum hans í Newcastle nk. sunnudag, 3.maí.
Þá ætlum við að komast í 77 stig og halda áfram að einblína á titilinn….
Þetta var ekkert smá mikill nailbiting leikur. Mjög illa spilaður á köflum, en sem betur fer hafðist þetta á endanum. Nú er bara að vona að Keane og Lennon afgreiði ManU.
Það er sagt að Lennon hafi haldið með Liverpool 😉
John þá?
Ja, ekki var það beysið.
Áfram Spurs!
Getur einhver sagt mér hvar ég finn tölfræðina hjá kuyt yfir veturinn (mörk/stoðsendingar) í öllum keppnum?
Getur einhver sagt mér hvar ég finn tölfræðina hjá kuyt yfir veturinn (mörk/stoðsendingar) í öllum keppnum??
http://soccernet.espn.go.com/players/stats?id=11189&cc=5739
3 stig og málið er dautt.
Næsti leikur!
Leiðinda leikur þrátt fyrir 3 mörk, og alveg ömurlegt að sjá vörnina klikka í Hull markinu, allt gaaaal opið.
En 3 stig og við höldum í vonina um að Man Utd geti misstigið sig á lokasprettinum.
Koooma svo Robbie Keane!
Hvað finnst mönnum um Lucas Leva. Ég get bara ekki skilið hvers vegna þessi maður er í liðinu? Hann er hægur, slakar sendingar, engar tæklingar, lélegur í loftinu. Hvað er þá annað sem hægt er að sjá við þennan leikmann.
Ég elska tottenham
Sjitturinn!
Tottenham 2-0 yfir þegar fyrri hálfleikur er að verða búinn : )
Ok, hvað var Insua samt að gera í markinu hjá Geovanni?
Annað mál… Er ekki eina vitið að reyna að fá Aron Lennon næsta sumar? Hann er búinn að vera rugl góður í vetur
Fannst leiðinlegt að sjá Insua í markinu sem við fengum á okkur, hann var búinn að eiga fínan leik, svona þannig séð
kuyt og alonso bestir. vörnin þarf að fara í naflaskoðun, annars bara áfram með þetta 🙂
Insua er mjög ungur, og hefur verið að standa sig framar vonum að mínu mati, auk þess er hann svo gott sem búinn að tryggja sér stöðu á vellinum og hefur þar skákar Ítölskum landsliðsmanni t.d.
Hann átti fínan leik í dag fyrir utan eitt augnablik sem kostaði okkur mark, en það á hann ásamt öðrum og reyndari mönnum í vörn Liverpool.
Hvað varða Aron Lennon er ég algerlega sammála þér Jökull, hann vil ég fá en held að það gæti orðið erfitt.
Eruði að horfá Utd leikinn ?
Tottenham eru að spila eins og topplið. Utd á ekki breik í momentinu!
Kemur á óvart. Scum var gefin vítaspyrna! Auladómari.
Sammála með Lennon. Hann hefur verið að gjörsamlega að rústa Evra í dag…allavega í fyrri hálfleik. Klárlega maður sem ég vil fá fyrir næsta tímabil.
ég trúi þessu ekki.. guð minn góður
Var eitthvað sett út í teið sem að tottenham fékk??
hvað er í gangi… var ekki spurs yfir 2-0 :S nú er 3-2 fyri ógeðin :S arg hvað maður getur verið fúll..
nei æ 4-2
Þetta var of gott til að vara satt 🙁
Helvítis!
Þeir hafa sennilega fengið matareitrun, sem kick-aði inn í hálfleik. Þvílíkt drasl-lið.
Ég er ansi hræddur um að United hafi farið langleiðina með að tryggja sér titilinn með þessum hálfleik. En maður gefst svo sem ekki upp fyrr en þetta er búið. 🙂
scums eiga eftir að tapa stigum gegn arsanal og fleirum með sinni slæmu vörn. Eins gott að við klárum okkar!
nákvæmlega.. en hvaða lið eiga eftir að vinna united.. þeir verða að tapa 6 stigum :S
Middlesbro úti
Man. City heima
Wigan úti
Arsenal heima
Hull úti
kanski Arsenal :S en held að það verði mjög óvænt ef það verður eithvað annað sem tekur stig..
og já 5-2 vó..
Ef við lendum í 2 sæti þá tek ég fylleri eins og eg hafi unnið deildina því það er ekki hægt að keppa við svindl svo einfalt er það bara !!!!!!! greinileg mútur í gangi í man utd tottenham leiknum því þetta er bara óraunverulegt tottenham menn ekki að nenna þessu eflasut buið að legga sma pening inn á reikninginn þeirra opnið augun fólk þessir menn eru á brjáluðum launum og því meira sem þú átt því meira viltu manchester átti að vinna þessa deild var buið að ákveða það
Kæru framkvæmdarstjórar liða á Englandi,
má ég gefa ykkur örlítið ráð ef þið skylduð stjórna liði sem lendir í þeirri stöðu að vera einu, jafnvel tveimur eða meira að segja þremur mörkum yfir í hálfleik gegn Man Utd á Old Trafford?
Ekki leggjast í vörn. Lesið þetta aftur, hægt: Ekki. Leggjast. Í. Vörn.
ÞAÐ VIRKAR EKKI!
Virðingartómast,
Kristján Atli, drullupirraður Púllari
Styrkir frá FL Group kannski? Nei þeir eru farnir á hausinn!
Tottenham er skítadrasl sem ég vona að falli, vonandi fara þeir í greiðslustöðvun og það verða dreginn 20 stig af þeim. Draumur, svona lið á ekki heima í PL.
Auðvitað þurfti samt scum mútu víti til að kveikja á sér.
Hárrétt Kristján Atli! Það virkar ekki. Sóknin er besta vörnin, það veit Ástþór og talandi um hann. Er farinn á kosningavökuna hans á Bessastöðum enda hlýtur sá staður að vera mannlaus.
Skál í boðinu!
Ég veit ekki hvað er að ykkur en Liverpool tapaði fyrir Tottenham, tvisvar, á þessu tímabili. Og gerði jafntefli í þriðja leiknum. Hvernig væri að væla frekar yfir þessum fáránlegu vítum sem United fær á OT heldur en spilamennsku Tottenham? Kannski af því þið hafið ykkar eigin sérfræðing í að bjarga ykkur úr sticky situations með vafasömum vítum. Síðan að lokum getiði kennt ykkur sjálfum um að vera ekki á toppnum, 72 jafntefli í röð gegn miðlungsliðum eru ástæðan fyrir því að þið vinnið ekki titilinn.
Rétt hjá þér Gunnar, mæl þú manna heilastur.
Menn mega ekki gefa upp vonina,ég er sannfærður um að boro vinni þá um næstu helgi, leikur sem kemur inn á milli leikina vip Arsenal, utd slær arsenal út í cl og gera þá Arsenal menn reiða sem hefa svo í deildinni og þá verður okkar lið að vera á tánum til að nýta sér þetta verðandi klúður þeirra og vinna rest af sínum leikjum
Ég sá þó einn jákvæðan punkt þegar Man utd. var komið í 5-2 og Keane kom á skjáinn í fyrsta skipti á 83. mín, sá er að við náðum að selja hann strax. 😛
Ég blótaði samt Corluka mest, sem og Redknapp af ástæðunni sem Kristján kemur með í #29.
með leik okkar manna í dag voru ákveðinn þreytumerki í liðinnu. búið að vera hátt tempo og spila við topplið trekk í trekk og mætum svo Hull. menn hafa bara mætt til leiks og haldið að þetta væri komið 4-0 og við þyrftum ekki einu sinni að reyna að skora svoleiðis feeling var ég með þegar ég horfði á þennan leik. Benayoun var eini sem var að spila á því leveli sem ég heimta.
Með seinni leikinn hummm ef það voru þreytumerki á liverpool í dag. þá er ekki hægt að koma orðum yfir hvaða lið hjá man u mætti til leiks í dag. Seinni hálfleikur hjá Scums einn sá besti sem þetta lið hefur spilað í allan vetur. greinilegt að Sirinn hefur dúndrað skó í smettið á Rooney sem hefur ekki þorað annað en að leggja upp 3 mörk og skora 2,,, er ekki komin tími á hann brotni enn einu sinni í ökklanum :S
úff.. hversu óþolandi er að eiga tvo bræður, systur, mág og pabba sem öll styðja Man Utd.? Vitiði um einhverja góða ættleiðingarstofu hér á landi?
Já og tengdapabba!
Nei, en ég veit að það eru seldar byssur í Útilífi í Glæsibæ 🙂
Beggi.
Varlega hvers þú óskar. En það var samt óþarfi hjá honum að vera að spila svona vel.
Ég verð að játa að ég er nú þegar orðinn nokkur spenntur fyrir leikmannamarkaðinum í sumar, held að Rafa láti snemma til sín taka.
Afsakið þráðrán : /
Hverjir koma, hverjir fara…úúúúú spennó : )
En er ekkert að frétta?
Mér finnst að það eigi að vera regla að að hver póstur megi bara vera uppi í 1 dag, ekki meira….tja nema þegar dolla vinnst..sem verður því miður ekki þetta árið, og þó?
Afsakið frekjuna en ég meina bara að ég kíki á þessa síðu oft á dag og verð að sjá einhverja umræðu hérna, en líklega er einhver þynnka í mannskapnum í dag : )
@ Hafliði. Þá er ég bara alveg sammala með leikmannakaupin, og væri alveg til í að sjá eins og einn pistil um möguleg kaup í sumar hérna á kop.is ? Það væri bara mjööög fínt 🙂
Já, svona er maður ofalinn : )
Maður vill alltaf meira : )
En hvað finnst mönnum um að Giggs hafi verið valinn leikmaður ársins???
Þetta er nú alveg hætt að vera fyndið.
http://www.mbl.is/mm/enski/frettir/2009/04/26/giggs_leikmadur_arsins/
Þetta er djók… Í byrjunarliðinu í heilum 12 leikjum, 12 sinnum inná sem varamaður, 1 mark og 7 stoðsendingar….. frábært season… var virkilega engin annar betri ?!?!?!?!?!?!?!?
http://soccernet.espn.go.com/players/stats?id=8853&cc=5739