Upphitun: Brentford mætir á Anfield

Fjórir leikir eftir og möguleikinn á Meistaradeild enn á lífi eftir tap Manchester United í vikunni. Hinsvegar skiptir kannski enn meira máli í þessum loka leikjum að sanna það bæði fyrir okkur sjálfum og öðrum að við getum tekið þátt í alvöru baráttu á næsta ári, eins og við gerðum í lokaleikjunum 20/21. Fimm sigurleikir í röð og ekki tapað síðan gegn City fyrsta apríl, vissulega hafa frammistöðurnar verið mismunandi en stigin eru að koma í hús annað en en fyrr á tímabilinu þegar við vorum óstöðugir.

Helsta vandamálið í vetur hefur verið miðsvæðið en Fabinho og Henderson hafa verið skárri undanfarið og Jones komið ágætlega inn í þetta en gegn Fulham sáum við að lappirnar eru aftur farnar að segja til sín og var seinni hálfleikurinn í þeim leik hægur og fyrirsjáanlegur. Vandamálið er hinsvegar að eftir enn ein meiðsli Thiago fyrir síðasta leik ásamt því að Keita og Bajcetic eru frá og Chamberlain var ekki í hóp í síðasta leik er erfitt að sjá hvernig við stillum upp miðju sem ræður við iðnaðinn í miðju Brentford og er það líklegt til að verða okkur að falli á morgun.

Anfield er þó enn virki þar sem við höfum aðeins tapað einum leik þar í vetur, tap gegn Leeds í október. Höfum einnig verið að ná að að stýra leikjum aðeins í byrjun leikja undanfarið á meðan við spilum okkur inn í leikinn og mikilvægt að gera það gegn Brentford þar sem þeir eru mikið kraftalið og geta gert útaf við leikinn áður en við vöknum annars.

Góðu fréttirnar eru að síðan í byrjun febrúar hefur Ivan Toney skorað í öðrum hverjum leik og hann skoraði gegn Nottingham Forest í síðustu umferð og miðað við þá tölfræði mun hann ekki skora gegn okkur á morgun.

Brentford liðið hefur heillað flesta eftir að þeir komu upp og líta alltaf út eins og þeir geti gefið hverjum sem er leik. Hinsvegar kemur á óvart að þeir hafa aðeins tvisvar unnið leik gegn liði í topp fimm sætunum.

Robertson mun án efa koma inn fyrir Tsimikas og Jota er enn að jafna sig eftir meiðsli og mun líklega byrja á bekknum. Eins og áður sagði er miðsvæðið mesti hausverkurinn því annaðhvort Fabinho eða Henderson byrja í sexunni og býst því við að Henderson byrji, þar sem hann var hvíldur gegn Tottenham, hann taki fyrsta klukkutíman og þeir skipti svo. Milner er eini miðjumaðurinn sem við eigum í liðinu sem gæti komið inn í svona bardagaleik og gæti svo séð Klopp byrja með Gakpo inn á miðsvæðinu eins og í seinni leiknum gegn Real og fá að vera pressudýr á miðjunni sem kemur svo sem auka sóknarmaður þegar við sækjum þar sem ég sé hann ekki treysta Elliott sem átti erfitt í fyrri leik liðanna. Væri vissulega óhefbundið og gæti verið að hann reyni að fá Fabinho til að taka einn leik í viðbót svo er rúmlega vika í Leicester leikinn.

Spá

Hef litla trú á að við höldum hreinu gegn Brentford en hef trú á að við höldum áfram að klóra út erfiða sigra. Spái 2-1 sigri þar sem Salah skorar í níunda Anfield leiknum sínum í röð og jafna þar með Gerrard sem þriðji markahæsti leikmaður Liverpool frá upphafi.