Kvennaliðið heimsækir Yeovil

Núna á eftir hefst næsti leikur kvennaliðsins, en þá munu stelpurnar okkar heimsækja Yeovil í deildinni.

Eins og komið hefur fram hefur gengi liðsins ekki verið nógu gott upp á síðkastið, og liðið er nú í 8. sæti deildarinnar af 11 liðum. Nánar tiltekið, þá er staðan svona:

Hluti af ástæðunni eru meiðsli sem hafa verið að hrjá leikmenn. Þannig voru t.d. bara fjórir leikmenn á bekknum í síðasta leik. Þessari meiðslahrinu er ekki lokið, Rinsola Babajide er t.d. ennþá frá, og í dag vantar varamarkvörð á bekkinn.

En svona er liðinu stillt upp í dag:

Preuss

S.Murray – Bradley-Auckland – Matthews – Robe

C.Murray – Coombs – Rodgers

Clarke – Sweetman-Kirk – Daniels

Bekkur: Linnett, Little, Jhamat, Roberts, Fahey

Yasmine Matthews er sem betur fer komin til baka og byrjar í vörninni. Ashley Hodson byrjaði að æfa aftur í vikunni eftir meiðsli, en er greinilega ekki komin nógu langt til að vera í liðinu. Jhamat og Roberts eru báðar nýkomnar úr unglingaliðinu, Jhamat kom inná í fyrsta skipti fyrir aðalliðið í síðasta leik, og Roberts átti sína fyrstu innkomu í desember.

Undirrituðum er ekki kunnugt um að leikurinn sé sýndur einhversstaðar á netinu, en ef slík útsending finnst verður því deilt í athugasemdum.

Við uppfærum svo færsluna með úrslitum að leik loknum.


Rétt eins og fyrri leik liðanna lauk með marki í uppbótartíma (frá Jesse Clarke í þeim leik), þá lauk leiknum með marki frá Courtney Sweetman-Kirk þegar 2 mínútur voru komnar inn í uppbótartíma. Okkar stúlkur hirtu því stigin þrjú með því að sigra 1-2.

Liðið er vissulega áfram í 8. sæti, nú með 13 stig, en aðeins 3 stigum frá West Ham sem tapaði gegn City 1-3 og eru því áfram með 16 stig. Bristol unnu hins vegar góðan útisigur á liði Birmingham og fóru því upp í 18 stig. Ef ég man rétt er næsti leikur einmitt á móti West Ham, þar verður því algjör 6 stiga leikur. Á toppnum urðu svo þau tíðindi að Arsenal tapaði sínum fyrsta leik, á heimavelli gegn Chelsea, þannig að City náði að skjótast upp í fyrsta sætið. Arsenal eiga þó leik til góða og eru með mun betra markahlutfall.

9 Comments

  1. Kærar þakkir til ykkar stjórnenda KOP.is að flytja fréttir af kvennaliðinu. Gaman að fylgjast með öllu Liverpool tengdu.
    Efast ekki augnablik að 3 stig koma í dag. Eru þessi meiðsli í herbúðum Liverpool fólks ekki grunsamlega mikil?

  2. Ég hef ekki séð neina tölfræði varðandi meiðsli kvennaliðsins, eða hvort okkar stelpur séu að meiðast meira en hjá öðrum liðum. Hvað veldur í þessu tilfelli skal ég ekki segja um. Mögulega er Vicky að keyra þær út á æfingasvæðinu, þó ég svosem efist um það.

  3. Liverpool stelpurnar komnar yfir: Yana Daniels var felld í teignum, Courtney Sweetman-Kirk tók vítið og skoraði.

  4. Jæja, þetta er skyldusigur! Verður að byrja einhvers staðar að saxa á Bristol. Er það rétt skilið hjá mér að það falli aðeins eitt lið?

  5. Mér finnst það mjög líklegt, en get þó ekki staðfest það. Held það hljóti að vera óþægilegt til lengri tíma að hafa oddatölufjölda liða í deildinni. Á Wikipedia (https://en.wikipedia.org/wiki/FA_Women%27s_Super_League) er svosem bara talað um að það eigi að vera á bilinu 8 – 14 lið í deildinni, en ekkert fullyrt um hve mörg þau verða á næsta tímabili.

  6. Yeovil stelpur jöfnuðu, 5 mínútum eftir að síðari hálfleikur hófst.

  7. Sæl og blessuð.

    Takk fyrir þetta. Ekkert nema sjálfsagt að birta fregnir af kvinnunum.

    Deyja fyrir klúbbinn.

    kvLS

    ps má Keita spila með þeim?

  8. Flott að vinna þennan leik! Nú er bara að tengja saman sigra og fikra sig upp töfluna!

Brighton 0-1 Liverpool

Meiðslalistinn – opinn þráður