Liverpool – Bournemouth (Leikþráður)

Leikurinn endaði með jafntefli, frábært…

88.mín: Oh! Matip með skalla rétt framhjá og Origi hársbreidd frá því að ná boltanum á fjærstönginni.

86.mín: 2-2… að sjálfsögðu. Liverpool gengur illa að hreinsa eftir inkkast og King skorar fyrir Bournemouth. Frábært. Arsenal vinna sinn leik og Spurs snúa við tapi í 3-1 sigur í uppbótartíma, þetta yrði svakalegur skellur ef þetta endar svona.

64.mín: Skipting hjá Liverpool. Matip kemur inn fyrir Coutinho og Liverpool setur upp í þriggja hafsenta vörn, Klopp ætlar ekki að taka sénsa og vill þétta pakkann.

59.mín: 2-1! Frábært!!! Wijnaldum á frábæra rispu inni í teig Bournemouth og lyftir honum fyrir markið þar sem Origi stangar hann inn af stuttu færi. Origi skorar þrjár gerðir af mörkum – föst skot af löngu færi, klárar stungusendingar og þetta. Origi átt góðan dag og heldur áfram að skora – frábært hjá honum!

48.mín: VÁÁÁ! Clyne með frábært skot utan úr teignum sem er á leiðinni upp í fjærhornið en Boruc í marki Bournemouth nær smá snertingu (sýnist mér) og ver hann í tréverkið. Þetta var ansi nálægt og hefði verið sturlað mark! Ansans, gat hann ekki dottið inn þessi.

Hálfleikur: Fínt að jafna þetta fyrir hálfleik. Þetta var mikilvægt mark hjá Coutinho.

40.mín: 1-1! Loksins kom það, frábær sókn frá Liverpool. Langur bolti fram, Firmino tekur seinni boltann, drepur hann niður og leggur inn fyrir á Coutinho sem missir smá af boltanum en gerir vel og klárar skotið. Flott og vonandi kveikir þetta í liðinu.

34.mín: Liverpool er með tökin á þessum leik og er að komast í ágætis stöður og fá sæmileg tækifæri. Bournemouth eru þó að minna á sig og áttu gott færi eftir hornspyrnu – það er ákveðinn skjálfti í vörn Liverpool og er maður hálf stressaður hérna.

7.mín: 0-1 Je minn eini. Liverpool gefur Bournemouth mark. Wijnaldum ætlar að senda til baka á Mignolet en sendingin er alltof laus og Afobe var í sníkjunni fyrir aftan og læddist á milli og skoraði auðveldlega. Sendingarnar í vörninni hafa verið skelfilegar hingað til og þetta var alveg eftir því.

1.mín: Þá er leikurinn byrjaður. Fallegt yfir Anfield í kvöld. Kenny Dalglish situr í Kop-stúkunni, smá minningarathöfn um Hillsborough fyrir leik. Sem stendur þá hefur Lazar Markovic skorað fyrir Hull og Tottenham eru að tapa fyrir Swansea. Sæmileg byrjun í öðrum leikjum kvöldsins.

18:30: Sigur í dag – sem er algjör skyldusigur by the way, gæti komið Liverpool í nokkuð góða stöðu í baráttunni um eitt af fjórum efstu sætunum, sér í lagi þar sem mörg liðana í samkeppninni eiga eftir að mætast innbyrðis í næstu leikjum.

18:00: Þá er Jurgen Klopp búinn að velja liðið sem mætir Bournemouth eftir um það bil klukkutíma. Það er nú svo sem ekkert rosalega mikið óvænt í byrjunarliðinu en það var nú alveg vitað að Mane yrði allavega ekki með í kvöld og Origi kemur í hans stað.

Klopp var eitthvað búinn að gefa í skyn að hann gæti skoðað breytingu á uppstillingu en miðað við liðið í dag þá efast ég um að þetta verði eitthvað ólíkt því sem við sáum gegn Everton – ekki nema Lucas fari þá í miðvörðinn í þriggja manna vörn og Milner og Clyne færast framar en ég reikna nú svo sem ekki endilega með því.

Can og Matip voru víst nokkuð tæpir fyrir leikinn en Can byrjar í kvöld og er það flott. Matip sest hins vegar á bekkinn og þar eru nöfn sem við höfum nú ekki séð þar lengi. Grujic er aftur á bekknum en hann var það líka síðast og Daniel nokkur Sturridge er aftur í leikmannahópnum og er á bekknum. Fínt að fá hann aftur inn í þetta á þessum tímapunkti enda mörg leiðindar meiðsl að ganga yfir liðið.

Mignolet

Clyne – Klavan – Lovren – Milner

Can – Lucas – Wijnaldum

Firmino – Origi – Coutinho

Bekkur: Karius, Matip, Moreno, Alexander-Arnold, Grujic, Woodburn, Sturridge

Minni svo á að nota #kopis á Twitter og hér má fylgjast með umræðunni.


83 Comments

  1. 1
    Bjössi

    Vil sja Grujic…

    (4)
  2. 2
    Dude

    Vill sjá Alexander-Arnold fá fleiri sénsa. Helst framar á völlinn. Hann er alveg að springa út þessi strákur.

    (3)
  3. 3
    Doremí

    Nú verðum við að hefna ófaranna í fyrri leik liðanna, þau úrslit eru sennilega þau allra allra leiðinlegustu þetta tímabilið. Langt síðan við höfum skorað 4 mörk í einum leik, held þeir smelli í sýningu tileinkaðri Mané.

    4-2 í stórskemmtilegum leik.

    (0)
  4. 4
    Höddi B

    Af hverju ekki Matip ? Guð minn góður klavan ?????

    (0)
  5. 5
    eyþór

    Er einhver búinn að finna stream á leikinn?

    (0)
  6. 6
  7. 7
    Dúddi

    Matip tæpur í baki, virðist ekki geta spilað meira en 2-3 leiki í röð? Sem er áhyggjuefni..

    (0)
  8. 8
    Gunnar Á

    Ef við værum að mæta Barcelona væri ég rólegri. Skíthræddur við þessi litlu lið

    (0)
  9. 9
    Dude

    Er hræddur um að Matip sé Agger all over again.

    (1)
  10. 10
    Mummi

    aggh datt ut af blabseal. og nu komid password.#$%^

    (0)
  11. 11
    RH

    SLOPPY SLOPPY SLOPPY

    (1)
  12. 12
    RH

    hvað í andskotanum var winjaldum að gera????

    (1)
  13. 13
    ingó

    veit einhver passwordið á blabseal?

    (2)
  14. 14
    RH

    þvílík skita

    (1)
  15. 15
    Dúddi

    Hvaða æði er þetta að reyna senda alltaf á Mignolet í gríð og erg!

    (2)
  16. 16
    Örn(fuglinn)

    Hvernig væri að spila fram völlinn en ekki alltaf til baka

    (1)
  17. 17
    Trausti

    Skilaboð þjálfara litlu liðanna hljóta að vera ansi einföld: Bíðið þar til varnarmaður tognar á heila og nýtið ykkur það. Ekki flókið.

    (1)
  18. 18
    gettra

    Líður næstum illa að deila linkum eins og leikurinn er að spilast.
    En jæja – ef þið eruð pínu sadó þá má finna fullt hérna:
    https://soccerstreams.net/streams/5305/liverpool-123_vs_afc-bournemouth-1008

    (2)
  19. 19
    Deus

    Takk winjaldum fyrir að tryggja bouble hjá bourmoth þvílíkt rugl eins og það sé ekki nógu auðvelt að skora á okkur fyrir.

    (1)
  20. 20
    RH

    þetta var svo mikil skita hann hlítur að sjá að það er maður þarna fokkins greinilega

    (1)
  21. 21
    Trausti

    Auðvitað eru City og Tottenham að tapa sínum leikjum. Við náttúrulega erum undir bölvun. Helvítis liðleskjur leyfi ég mér að kalla þá, í því skapi sem ég er í.

    (1)
  22. 22
    Trausti

    Hróa Hattar syndromið in full effect. Hlægilegt.

    (1)
  23. 23
    Ingi Sig

    Afhverju er ekki milner framar, miðjan og alberto i hans stað?
    Er það kannski villeysa að nota þessa menn sem við eigum ?

    (1)
  24. 24
  25. 25
    Kristján R

    úff var að koma heim og kveikja á tölvuni, og Kúturinn róaði mig aðeins þarna :)

    (1)
  26. 26
    Eyjólfur

    Gestir á Feita fílnum á Egilsstöðum ánægðir með mark Kútsins!

    (6)
  27. 27
    RH

    Kúturinn er komin aftur og góð sending frá Firmino

    (1)
  28. 28
    Kristján Aðal

    Þá er Coutinho búinn að jafna Juninho sem markahæsti Brasilíumaðurinn í premier league.
    Og auðvitað vonum við að hann skori annað í leiknum.

    (0)
  29. 29
    Doremí

    1-1 í hálfleik er alls ekki svo slæmt.

    Ef einhver leikmaður á inni ein svona stór mistök þá er það Gini Wijnaldum, en algjör óþarfa sending til baka hjá honum. Heppnir að hafa ekki lent 0-2 undir en annars höfum við nokkurnveginn náð að stjórna. Can aðeins að klikka og stundarbrjálæði í Lucas gaf honum gult spjald.

    Við eigum helling inni og Klopp er greinilega að fara að taka gott team talk, hann strunsaði inní klefa.

    KOMA SVO!!

    (1)
  30. 30
    Selfyssingur

    Get ekki sagt að ég sakni Jordon Ibe, mikið rosalega er hann búinn að vera slakur.

    (2)
  31. 31
    RH

    ORIGI !!!!!!!!!!

    (3)
  32. 32
    RH

    flott sending frá Winjaldum þetta skiptið :)

    (2)
  33. 33
    Bjössi

    ÞARNA !

    (2)
  34. 34
    Eyjólfur

    Þetta gerði Wijnaldum fáránlega vel!

    (2)
  35. 35
    Kristján Aðal

    Gini búinn að borga fyrir mistökin í fyrri hálfleik. Hann er kominn með tvær stoðsendingar í leiknum.
    Og að sjálfsögðu Divock Origi!!!!!

    (1)
  36. 36
    RH

    Djufull er ég ánægður með Origi , þurfum á honum að halda og hann er að delivera þessa stundina

    (3)
  37. 37
    Kristján Aðal

    Emre „the tank“ Can hefur verið mjög góður í síðustu tveimur leikjum. Hann er að stíga upp á góðum tíma þegar að margir eru frá vegna meiðsla.

    (2)
  38. 38
    RH

    jæja þetta var slap in the face

    (1)
  39. 39
    Ingi Sig

    Anskotinn, skipti inna þarna klopp man

    (1)
  40. 40
    svanur

    klavan aftur jesús minn hvað hann er lélegur varnarmaður

    (1)
  41. 41
    Trausti

    Þetta blessaða lið okkar…. Það eina sem veldur manni ekki vonbrigðum er að þeir gleyma aldrei að valda manni vonbrigðum. Ágætis stöðugleiki í því.

    Ég ætla út í göngutúr til að kæla mig niður. Ógeðslegt.

    (3)
  42. 42
    RH

    Bournemouth ekki búnir að geta blautan allan leikin og fá gefins mörk

    (0)
  43. 43
    Kristján Aðal

    Þvílíkir aumingjar við erum með fimm manna varnarlínu en þeir ná samt ekki að halda þeim frá því að skora!

    (1)
  44. 44
    Dúddi

    Afhverju fórum við samt í að halda frá 65 mínútu? Klára leikinn í 3-1 og þá hefði mátt gera þetta andskotinn hafi þetta

    (2)
  45. 45
    Yngvi

    Þetta skrifast á Klopp að byrja ekki með Matip. Ef hann getur eitthvað spilað þá á hann að byrja!

    (1)
  46. 46
    RH

    Bournemouth on target 2 goal 2 þetta er bara sama shittið aftur og aftur og aftur og aftur

    (1)
  47. 47
    Dassinn

    Maður á bara ekki að horfa á leiki við lið neðar en 8 sæti. Besta liðið i deildinni að klúðra því!

    (2)
  48. 48
    Davíð Leó

    Þessi Klavan klúðrar við bæði mörk,,, jesús

    (2)
  49. 49
    birdarinn

    Skrifast á klopp skíta skipting á 65 mín vorum búnir ad vera 75 % með boltann.

    (2)
  50. 50
    RH

    fokkins skita lið sem átti 2 eða 3 færi skorar 2 mörk á okkur þetta er lögreglurannsókn

    (1)
  51. 51
    Davíð Leó

    Alltof mikið af drasli enþá til staðar, Þessi Klavan á ekki heima nálægt byrjunarliði

    (4)
  52. 52
    Örn(fuglinn)

    Jurgen Klopp á þetta tap

    (5)
  53. 53
    RH

    2 glötuð stig

    (1)
  54. 54
    Gunnar Á

    Ég heiti Jurgen Klopp ég ætla að lána Sakho sem er einn besti hafsent í deildinni og nota frekar Ragnar Klavan, einn versta hafsent í deildinni. Meira var það ekki.

    (9)
  55. 55
    Robbi

    Ha ha ha ha auðvitað töpum við niður unnum leik djöfulsins aumingjar.

    (2)
  56. 56
    Deus

    Þvílík skita

    (1)
  57. 57
    Omar

    Segi nú bara eitt,,,,,, SAKHO hefði aldrei leyft þetta ekki, skrifa allfarið nokkur mörk á Klopp út að láta Sakho fara,, aftur og aftur er þessi vörn bara grín.

    (4)
  58. 58
    RH

    Þetta snýst um að halda dauðatangarhaldi á 3-4 sætinu núna og núna menn að tala um að Coutinho hafi meiðst ? ef rétt reynist þá fer þetta verða eins og léleg sápuópera.

    (1)
  59. 59
    Björgvin

    Klopp á þetta jafntefli skuldlaust fer í 5 manna vörn á 65 min á heimavelli eins og ræfill voru miklu betri á þessum tímapunkti en staðinn fyrir að klára leikinn þá er farið í vörn.

    (2)
  60. 60
    Kristján R

    Manni hefnist oft við varnaskiptimgar……. andskotans.

    (1)
  61. 61

    #54 gunnar á
    sakho reyndar tognaði á heila i sumar og var ekki að fylgja reglum klúbbsins og ég er 100% sammála því að nota hann ekki ef hann er ekki með hausinn rétt skrúfaðan á, það efaðist enginn um hversu góður varnarmaður hann er.

    (4)
  62. 62
    Dassinn

    Og menn eru svo jákvæðir á meistaradeild því við erum búnir með öll toppliðin. Það veldur meiri áhyggjum! 1 stig gegn bornemouth í 2 leikjum útaf 25 mínútna skitu!!! Aular

    (3)
  63. 63
    Stefán

    Jurgen Klopp og hrokinn að vera ekki með Sakho og Bournmouth ,, of lítið lið “ fyrir fyrir leikstíl Klopp að vinna heima ?

    (4)
  64. 64
    Magnús Ólafsson leikari

    Við verðum að ná Meistaradeildarsæti. Þessi meiðsli eru að gera okkur lífið leitt.

    (0)
  65. 65
    Sölvi

    Hef ekki gagnrýnt klopp áður hérna en þessi taktíska breyting hjá honum með að pakka í vörn var hrein hörmung – og Klavan eins og skólastrákur gegn King þarna áðan og átti ekki roð í hann,algjörlega týndur. – Já,ég skil ekki af hverju Sakho er ekki með okkur,bara skil það ekki.

    Tvö mörk eiga að duga gegn svona liði,en hópurinn er þunnskipaður svosem.

    Það er enn möguleiki,en ég veit svo sem ekki hvað þeir hafa að gera í CL og vinna ekki svona lið….Takk fyrir mig.

    (3)
  66. 66
    RH

    #61 en það er akkurat málið Liverpool nær alltaf að rúlla yfir stóru liðin eða halda þeim í skefjum en á móti liðum eins og bournemouth og swansea þá er bara drulla uppá bak þetta þarf að breytast vörnin er vandamálið þið sjáið alveg hvað chelsea og tottenham eiga sameiginlegt , frábæra vörn og markmenn.
    þetta er svona nánast eins og það sé verið að draga stundum úr hatt hver er í vörn hjá okkur orðið þreytandi hringl fram og til baka aftur og aftur það mun ALDREI virka.

    (2)
  67. 67
    Svavar Station

    Jú, við höfum einmitt í CL að gera því við spilum alltaf best á móti sterkum liðum, ekki satt?

    (2)
  68. 68
    Hossi

    Klopp á þetta bara alls ekki skilið. Þriggja manna varnarlínan var að virka fínt og nákvæmlega ekkert hægt að gera við markinu.

    Lið sem fær eitt færi eftir klafs á ekki skilið jafntefli á Anfield.

    Óheppni og ekkert annað og ekki hægt að setja út á frammistöðu liðsins þó úrslitin séu vonbrigði.

    (6)
  69. 69
    Sigurður Einar

    Svekjandi töpuð 2 stig.
    Liverpool spilaði mjög vel í þeim síðari byrjaði af krafti náði forustu og hefðu getað bæt við hana.
    Já hann tekur Coutinho útaf sem er ekki með kraftin eða vinnusemina út á vellinum og virkaði tæpur.
    Matip kemur inná sem nýtist okkur í að þétta í föstum leikatriðum og færir E.Can aðeins framar sem hann gerði vel í að nýta sér.

    Markið sem liverpool fær á sig undir lokinn er auðvita bara klafs. Það kemur skot á markið eftir innkast og boltinn skopar beint fyrir King sem fær hann beint í skotstöðu og skorar. Já menn verða auðvita að finna sökudólg og það var Klavan en markið var samt bara klafs mark.
    Eftir þetta mark þá fékk liverpool eiginlega þrjúfæri á að skora. Matip með skalla framhjá sem manni fannst Origi hafa auðveldlega getað skorað úr ef hann notar vinstri fótin sinn. Svo átti Klavan skalla en hann var of nálagt markmaninum og því fór sem fór.

    Liverpool áttu skilið 1 stig einfaldlega af því að þeir fengu 1.stig en heilt yfir var Liverpool með þennan leik og fengu gestirnir varla færi í leiknum og þurfti Mignolet eiginlega ekkert að gera í leiknum.
    Þetta var svekjandi en engin heimsendir.7 leikir eftir og næsti leikur verður enþá erfiðari en þá er bara að halda áfram og reyna aftur við 3 stig.

    (2)
  70. 70
    Sigkarl

    Sælir félagar

    Jurgen Klopp á þetta jaftefli algerlega án íhlutunar annara. Að ætla að láta þessa drulluvörn halda í hálftíma er svo glórulaust að maður á ekki orð yfir það. Og eins og einhver bendir á þá telur hann að Liverpool hafi efni á því að lána frá sér einn besta varnarmann deildarinnar í stað R. Klavan. Matip hvað? Taka heitasta sóknarmanninn útaf og setja einn af þessum varnarsnillingum inná í staðinn?????

    Tap fyrir Bournemouth á útivelli og drulluheppið jafntefli á heimavelli. Það er ekki boðlegt og mér er sama hverjir eru meiddir. Jurgen Klopp fer inn í þessa leiktíð með 11 manna hóp sem getur stundum spilað fótbolta en ef einhver meiðist eða fer í bann þá hrynur þetta lið saman og skítur upp á bak. Ég er gjörsamlega brjálaður yfir þessum úrslitum sem eru Klopp, liðinu og öllu staffinu til skammar en þó fyrst og fremst Klopp.

    Það er nú þannig

    YNWA

    (6)
  71. 71
    RH

    of þunnskipaður hópur það verður pottþétt verslað en hver vill koma nú er stórt spurt?

    (0)
  72. 72
    Rikki

    Ótrúlega lélegt þetta lið, þetta var bara til skammar, ekkert annað hægt að segja. Þónokkrir af þessum hauslausu aumingjum ættu að byrja að pakka saman og fara í sumar.

    (1)
  73. 73
    RH

    spáið í því við erum næstum búnir að fá á okkur helmingi fleiri mörk en tottenham á þessu tímabili það segir nákvæmlega allt sem segja þarf.

    (2)
  74. 74
    Snjólfur

    Róa sig gott fólk,róa sig……

    (3)
  75. 75
    eikifr

    Jæja, þar fór meistaradeildin. Verum raunsæ. Við getum ekki ætlast til að hoppa inn í meistaradeildina með þennan hóp. Næstu leikir eru Stoke og WBA ti og svo C Palace heima en eftir þessa 3 leiki vænti ég þess að við verðum dottin niður í 5.-6.sæti því ég tel það bara kraftaverk ef við vinnum EINN af þessum þremur. Því miður.

    Næsta sumar fer svo í þetta venjulega „Moneyball“ kjaftæði (lesist: reynt að fá leikmenn fyrir ekkert, helst á frjálsri sölu), sem á endanum þýðir að við endum uppi með leikmenn sem voru mun neðar á innkaupalistanum en við vildum. Þessir miðlungs leikmenn verða glaðir að koma til LFC enda klúbbur sem borgar bestu laun allra liða til miðlungs leikmanna. Neikvæðni? You bet!

    (2)
  76. 76
    LFC Forever

    Þetta var ROSALEGA svekkjandi. Klavan verður ekki aftur í byrjunarliðinu hjá Liverpool, það er morgunljóst. Úrslitaleikur á móti Stoke í næstu viku. Sá leikur verður að vinnast, það er bara þannig. Stórefa að við náum topp4 ef við hirðum ekki öll stigin í þeim leik. Ég veit, það er til mikil ætlast að vinna Stoke á Brittania með vængbrotið lið.

    (0)
  77. 77
    kaldi

    Bara eitt sem kom upp í hugan strax eftir leikinn Mané.

    (0)
  78. 78
    Hafliðason

    Liverpool voru heppnir að lenda ekki 0-2 undir um miðjan fyrri hálfleik. Eftir jöfnunarmarkið sem kom á frábærum tíma var bara eitt lið á vellinum. Mér fannst þessi skipting á 65min furðuleg og ég held hún hafi kostað liðið sigurinn.

    Allt tal um Sakho er bara rugl. Hann er ekki lengur í liðinu, og ekki heldur Markovi? sem skoraði í kvöld fyrir Hull. Þó þessir menn séu að eiga góða leiki í fallbaráttunni þýðir ekki þeir væru að breyta úrslitum á Anfield.

    Mér fannst annars Divock Origi eiga góðan seinni hálfleik.

    (1)
  79. 79
    BrynjarH

    Graeme Souness sagði nokkuð eftir Everton leikin um markið sem Everton skoraði sem súmmerar þetta vandamál nokkuð vel upp.
    „Það skiptir engu máli hvaða leikkerfi er spilað, ef einstaklingarnir klikka þá fær liðið á sig mark.“ Og það er nákvæmlega það sem er að gerast. Einstaklingarnir eru að gera svo mikið og tíð einstaklingsmistök að það jarðar við holskeflu. Getið þið ímyndað ykkur hvernig er að vinna með svona mönnum?

    (2)
  80. 80
    Krulli

    Getum við skipt um leikjaprógram við Utd?

    (1)
  81. 81
    Sigurður Einar

    Klopp var að segja að Coutinho þurfti að fara af velli af því að hann var veikur. Hann sagðist ekki hafa viljað taka hann af velli en hafði þurft þess.

    (0)
  82. 82
    kaldi

    Ég fór að ganni að skoða liðið sem allir tala um að sé það besta í deildinni þó svo Chelsea sé það lang besta ! þetta eru síðustu 4 leikir Man City þurfum ekki að skoða Man Utd eru með jafnteflinn eins og flestir vita ég er á því að LFC verið í 3 sæti í ár og Man City og Man Utd berjist um 4 sætið vona svo sannarlega að það rætist held að þetta Bournemouth sé draugur sem við ótumst af óþarfa og komumst yfir hann á næstu leiktíð með góðum viðbótarmönnum sem koma glaðir til liðs við LFC til að spila í CL.

    Man City 0:0 Stoke
    Man City 1:1 Liverpoolh
    Arsenal 2:2 Man City
    Chelsea 2:1 Man City

    (1)
  83. 83
    Rúnar

    Vil bara minna menn hérna á að Klopp er mörgum klössum fyrir ofan það sem við getum ætlast til með þjálfara. Einstaklingsmistök eyðilögðu fyrir ágætri frammistöðu liðsins og þjálfarans. Skellið ykkur bara í kalda sturtu og fáið ykkur svo heitt kókó.

    (3)