Árshátíð Liverpoolklúbbsins og Jamie Carragher

Já, það er enginn smá gestur sem Liverpoolklúbburinn á Íslandi er búinn að fá til að heiðra sig með nærveru sinni. Sjálfur Jamie Carragher mætir á svæðið og er einhver í vafa með það hvort hann hafi skoðanir á hlutunum? Nei, ég hélt ekki. Árshátíðin er óvenju seint þetta árið, en að sjálfsögðu er það vegna þess að Carra er fastur hjá Sky í vinnu þar til tímabilið klárast.

Forsala miða til meðlima klúbbsins hefst í kvöld og er um að gera að hafa hraðar hendur, hver vill ekki fá tækifæri á að hitta þennan snilling. Sjálfur hef ég orðið þeirrar gæfu aðnjótandi að rabba nokkrum sinnum við hann og hann stóð svo sannarlega undir væntingum og rúmlega það.

Árshátíðin verður sem sagt haldin að kvöldi þess 24. maí nk. og verður haldin í hátíðarsal í Kórnum í Kópavogi. 24. maí er miðvikudagur, en sem betur fer er frí daginn eftir, enda afmælisdagur kraftaverksins í Istanbul.

Nánari upplýsingar er að finna hérna.

Tweet 20

Podcast – Eins og boxbardagi á Etihad

Peningamál 2017