Dýrari týpan

54 Comments

Luis Suarez lék landsleik í gær. Það hafði fyrirsjáanlegar afleiðingar:

http://www.youtube.com/watch?v=kP50faieWnk

Þetta mark er einfaldlega dýrari týpan. Eitt af þessum mörkum sem bara Suarez gæti skorað. Hann fær boltann úr innkasti, virðist missa hann til andstæðings en berst fyrir sínu og nær honum aftur. Gefur á samherja og tekur strikið inn í teig á meðan boltinn berst út á kant. Þaðan kemur fyrirgjöfin á fjær þar sem Suarez mætir og tekur hann í fyrsta, á lofti, utanfótar, í fjærhornið.

Allt við þetta mark er svo erfitt. Allt við þetta mark er svo augljóst þegar Suarez á í hlut. Allt við þetta mark er geggjað.

Suarez er næstmarkahæstur í forkeppni S-Ameríku með jafnmörg mörk og Messi í færri leikjum. Jafnmörg og Messi. Í færri leikjum.

Við erum heppin að hafa þennan strák í Liverpool-liðinu.

fb-share-icon
Tweet

54 Comments

  1. Er ekki alveg sammála þér þarna með heppnina því HANN er heppinn að fá að vera í jafn frábæru og glæsulegu liði og Liverpool er gleymið því aldrei að það er ekki til betra lið en Liverpool þó svo að við erum ekki sáttir með stöðuna í dag þá er og verður Liverpool alltaf besti og mesti klubbur sem leikmaður getur spilað fyrir

  2. Ekki er Gylfi Sig. sammála þér í því Hól 🙂

    Virkilega flott mark og það má ALDREI skilja Suarez svona einan ódekkaðan í teignum. Mikið rosalega er ég feginn að hann sé í LFC.

  3. Svakalega vel gert.

    En ekki er þetta Coates sem á skallann innfyrir í seinna markinu, vona ekki hans vegna. Er hann ekki örugglega dottinn útúr landsliðinu?

  5. djöfull væri gott að fá torres aftur. hann og suarez myndu verða besta sóknarpar í heimi

  7. Já merkilegt nokk,

    Suarez skorar en varnarmistök koma í veg fyrir að lið hans vinni leikinn.

    Hljómar eins og eitthvað sem ég hef heyrt áður……..

  8. Já ég verð að viðurkenna að ég væri til í Torres aftur, hef aldrei talað illa um hann og gjörsamlega dýrkaði hann meðan hann var hjá okkur. Þó að hann sé ekki jafn hraður og hefur ekki fundið sig hjá chelsea þá á hann ennþá helling inni. Svo er reyndar ótrúlegt hvað hann hefur nánast ekkert meiðst síðan hann fór frá okkur.

  9. Nr. 8 Enda spilað miklu miklu minna en hann gerði hjá okkur, en ég væri svo sannarlega til í Torres aftur en hann er aldrei eftir að koma aftur held ég! Verðum bara að eignast nýjan Torres til að spila með Suarez frammi! Hann hlýtur að leynast einhversstaðar þarna útí þessum stóra heimi 🙂

  12. Ef Suarez fer frá Liverpool í sumar, hvern/hverja sjáiði fyrir ykkur koma í staðinn? Auðvitað vilja allir halda honum en það ætti engum að koma á óvart ef hann færi

  13. Hann fer ekki fet! Verður hjá okkur í nokkur ár í viðbót. Engar áhyggjur.

  14. Það er ekki séns að Suarez verði eitt tímabil í viðbót… Bróðir hans er umboðsmaður Gardiola hvert haldi þið að hann fara ????

  15. Liverpool á ekki að hlusta á tilboð undir 150 milljón pund annars bara neita að selja þessi leikmaður verður bara betri og betri elska að hann sé hjá okkur 🙂

  16. 14 – Er það ekki öfugt… er bróðir Guardiola ekki frekar umboðsmaður Suarez ?

  17. Fyrir mér er Luis Suarez sá besti í heiminum í dag. hvernig hann klárar þetta færi er bara djók.
    Svo þarf ekkert að ræða það að hann er bestu kaup í EP frá upphafi !

  18. Bestu kaup frá upphafi! vá hvað þið eruð að missa legvatnið yfir þessum manni! myndi nú halda að Henry, Shearer ofl væru betri kaup en maður sem að hefur spilað vel í ca. 2 ár…..Engu að síður er hann frábær og ekkert annað um það að segja, en bestu kaup frá upphafi kommon

  19. Ég held að það sé einfaldlega ekki líffræðilega hægt fyrir Suarez að skora “ljót” mörk. Honum tekst (yfirleitt) alltaf að gera eitthvað áhugavert og flott þegar hann skorar.

    Það er hrein unun að fylgjast með þessum manni spila fótbolta og ég get ekki beðið eftir því að sjá hann um helgina gegn Aston Villa.

  20. Eg atti sma spjall við stuðningsmann man utd i dag og þar minntist eg a nafn Suarez og þa fekk okkar maður besta hros sem hamn gay fengið en þegar eg nefndi hann a nafn kom bara veistu eg get ekki einu sinni heyrt þetta nafn, vibbi sko, langar að æla við tilhugsunina. Þessi orð segja allt sem segja þarf, öfundin og afbryðisemin er svo gigantisk þvi það sja allir hversu stórkostlegur þessi drengur er. Hann er ekki bara besti leikmaður i sogu Liverpool heldur sennilega einn af tvem bestu knattspyrnumonnum i sogu ensku urvalsdeildarinnar asamt ronaldo. ..

    Eg vona að stuðningsmenn okkar muni eyða allri sinni orku i það að syngja nafnið hans ut þetta leiktimabil þvi það er dauðadomur okkar að missa þennan dreng. Það kemur ENGINN i hams stað, einu mennirnir sem gætu fyllt hans skarð eru messi og ronaldo og liverpool er ekkert að fara fa annan þeirra.

  21. Suarez er alveg drepleiðinlegur knattspyrnumaður en hann er suddalega góður og spilar fyrir Liverpool. Ég held að hann geti kennt öðrum leikmönnum hvernig á að berjast og vinna. Það væri mikil eftirsjá í honum. Minn uppáhaldsleikmaður ekki spurning.

  22. Mér finnst athyglisverðast í þessari umræðu að einhver skuli kalla sig Myglusvepp

  24. Aðalbúningurinn er mjög flottur, hinir eru versti horbjóður sem ég hef séð!

  26. Hvað eru menn alltaf að kvarta yfir landsleikjahléum. Fórum taplausir í gegnum þessa helgi.

  28. Til að taka af allan vafa þá eru þetta réttu búningarnir sem vignirk (#23) vísar á hér að ofan. Ég get staðfest það.

    Rauða treyjan er flott en ég myndi ekki láta sjá mig dauðan í hinum tveimur…

  29. Get nú ekki verið sammála þessu um rauða búninginn, finnst hann nú sístur af þeim.

  30. Varabúningurinn gæti verið sá ljótasti í sögu félagsins. Þetta hlýtur að vera eitthvað grín. Held að þessir nýju kanar sem búa til Being Liverpool og bjóða uppá þessa búninga séu í verri málum en mig grunaði.

  31. jæja.. Kevin Davies á lausu ! Þetta er goð og hví ekki að picka þennan snilling upp til að hafa á bekknum og vera on standby. Getur pottþétt látið gott af sér leiða og svo skorar hann alltaf eitthvað !

  32. Hver sér um hönnunina á búningum ?? held að þeir þurfi að skoða það aðeins betur því ég held að hann sé blindur… þvílíkur viðbjóður, mun ALLS EKKI verlsa þessa búninga !

  33. Eg vill ADIDAS aftur takk. Þetta eru horbjoðslegir buningar.. eg var buin að sja uppkast um dagin af hvitum varabuning liverpool sem eg innilegaði vonaði að yrði buningurinn þvi su treyja var fallegasta liverpool treyja sem eg hef seð, mer er það hulin raðgata hvernig menn foru að þvi að hanna þennan annan og þriðja buning, þeit menn hljota að hafa verið a einjverju oðru en kaffibolla, dettur einna helst sýra i hug þvilikur er viðbjóðurinn, varabuningurinn er ljotur en þriðji buningurinn er natturulega bara kjarnorkuslys, þetta er hlægilegt..

  34. Til þess að kæfa aðeins þessa leiðinlegu tískuumræðu sem hefur ekkert með fótbolta að gera, þá langar mig að benda á magnað myndband sem var að detta inn á youtube.

    Þarna er farið yfir síðustu ár á frábæran hátt og hnausþykk gæsahúð gerir vart við sig þegar okkar eigin Sigur Rós kemur inn í spilið.

    Hlustið, horfið, njótið.

    http://www.youtube.com/watch?v=iDWlqJPmJTA&feature=youtu.be

  35. Rakst á þessa mynd á netinu http://i.imgur.com/Lds4hQ5.jpg, mikið vona ég að þeir skipti um skoðum með þessa búninga og noti einhverja svona hönnun í staðinn, þá er ég að meina varabúninginn sérstaklega.

  36. Ég er kannski svona spes en mér finnst aðaltreyjan mjöööög flott og fyrri varabúningurinn frekar flottur þótt hann hafi nú oft verið flottari. Þriðji búningurinn er aftur frekar mikil hörmung. En ég hugsa að ég fái mér aðalbúninginn næsta vetur.

    Af öðru þá fannst mér þetta athyglisverð frétt. Vona að Suarez sé að hvetja Cavani til að koma bara til Liverpool en ekki Englands bara og annað lið.

    http://www.433.is/frettir/england/suarez-reynir-ad-sannfaera-cavani-ad-koma-til-englands/

  37. Var að horfa á vinnusamt lið Chile leika sér að Uruguay þar sem Cavani , Suarez og félagar áttu hreinlega ekkert svar við leik Chile manna. Þar var miðjumaður hjá Chile sem heillaði mig uppúr skónum, sá heitir Matías Fernandes, hann var eins og hershöfðingi á miðjunni hjá Chile, á átti hana skuldlaust. Sá að þessi leikmaður er hjá Fiorentina, veit ekki meira. Spurning um að skipta á honum og Allen á sléttu 😉

    Chile vann þennan leik 2-0.

  38. Það eina sem Warrior menn hafa gert rétt í búningahönnun fyrir Liverpool er að koma Liver Brid aftur á. Mér finst þetta allt frekar misheppnað hjá þeim.

    Ég kaupi mér ekki búninga, en á samt treyju sem þótti forljót á sínum tíma, keypt fyrir aldarmót, græn og hvít, merkt Fowler, fyrir mér er sú algjör classic, enda sá ég Fowler skora í eins treyju.

    Ef liðið nær árangri skiptir þetta engu, og menn eins og Fowler og Suarez gera alla þessa búnnga flotta. Það er svo annað mál með mig sjálfan, ég læt þetta alveg vera enda á ég bágt með að ímynda mér ljótari flík en til dæmis varabúningin.

  39. United menn eru örugglega ekkert að svekkja sig svakalega yfir því að vera að vinna Englands titilinn í borðdúkstreyju ; )

  42. Sem Liverpool maður mun ég alltaf styðja og dýrka Suarez amk. á meðan hann er leikmaður Liverpool. Skil ekki annan þankagang

  43. Það er ekkert verið að taka eitthvað létt á Suarez þarna, maðurinn fitlar grimmt í pungnum á honum og á einfaldlega skilið smá hnefun.

  45. Já vonandi í svona 3-5 leikja svo Liverpool missi hann ekki í leiðinda landsleiki á næstunni. En þetta á ekki að sjást og Suarez hefur engar málsbætur fyrir þessu.

  46. Kýlir hann leikmenn reglulega?
    Eigum við ekki að slaka aðeins á í bullinu.

    Hinsvegar var þetta ljótt atvik og á hann skilið amk 3 leikja bann í Suður Ameríku keppninni.

  47. Þegar Rooney gaf JM hjá wigan olnbogaskot hér um árið þá man ég ekki eftir því að ManUtd aðdáendur hafi “verið komnir með nóg af honum” og/eða kallað hann ódýra týpu eða eitthvað í þá áttina. Eru það bara við, Liverpoolstuðningsmenn, sem eru með svona snillinga innanborðs ?

    http://www.youtube.com/watch?v=IjVU6Twg2lg

    Þetta á auðvitað ekki að sjást (Suarez atvikið, og önnur ef út í það er farið) og er illa gert, svo að vægt sé til orða tekið, en þetta er bara hluti af þessu. Maradonna & Cantona hafa tekið karatespörk, takkana á undan, annar á áhorfanda, hinn á andstæðing. Keane reyndi að rota Shearer hér um árið, Scholes sló til Alonso o.s.frv.

    Suarez er langt frá því að vera einhver kórstrákur inná vellinum, og eflaust finnst einhverjum hann vera skíthæll. En hann er okkar skíthæll, guði sé lof.

  48. @45 Örn.
    “En þetta á ekki að sjást og Suarez hefur engar málsbætur fyrir þessu.”

    Jú hann á sér einmitt málsbætur, ég get lofað þér því að er einhver karlmaður grípur í fjölskyldudjásnið mitt, fær viðkomandi hnefa í andlitið.

    Horfum á heildarmyndina áður en sleggjan fer á loft.

  49. Mér sýnist að Síle-maðurinn klípa í punginn á Suarez rétt áður en hann kýlir hann. Má það (skoðið Youtube tengilinn að ofan)?

  50. Get ekki séð að Suarez sé a kýla manninn, nuddar hnefanum við kinnina á honum… Gæjinn hefði steinlegið ef Suarez hefði kýltt hann 😉

  51. Eru menn virkilega að reyna að verja þetta hjá Suarez? Þótt hann klípi hann í punginn réttlætir það ekki að kýla manninn til baka. Þótt Suarez sé okkar skíthæll þá er það engin tilviljun að hann lendir í öllu því skítlega sem gerist í hans liði. Hvort sem það er landsliðið eða félagsliðið.

  52. Vill koma einu á framfæri! Ég var að lesa mig til um bloggara síðunnar hann Babu og þetta kemur upp “Ég hef aldrei pælt neitt rosalega í uppáhaldsleikmönnum þannig séð, Barnes og Rush voru báðir rosalega góðir og í miklu uppáhaldi. Fowler er guð og kom eins og stormsveipur inn í liðið. Á einhverju stigi málsins hélt ég þó nokkuð upp á McManaman. Árið 1997 sá ég fyrsta byrjunarliðsleik Owen live og það barn gat spilað fótbolta, seinna voru það Hamann og Hyypia sem voru í uppáhaldi. Í dag eru það svo auðvitað Carra, Gerrard og elsku kúturinn minn hann Fernando Torres.” Væri hægt kannski að uppfæra þetta elsku kútarnir mínir? Þetta svíður svo í augun!

  53. Haha vel spottað Nr. 52.

    Ég er ekki viss um að ég hafi skoðað þetta síðan ég byrjaði. Þetta fer á dagskrá fyrir árið 2013. Næ þessu samt varla fyrir þinglok. – Uppfærði þetta lítillega.
    DJöfull náði þér að leiðast í landsleikjahléinu Gamli 🙂

  54. Jú ég ver þetta hjá Suarez. Gott hjá honum að láta þennan gaur finna fyrir því að það er ekki í lagi að halda utan um hann og grípa í punginn.

Knattspyrnuskóli Liverpool á Íslandi í sumar

Leikmannakaup – varnarmenn