Newcastle 2 Liverpool 0

Ég gæti skrifað venjulega leikskýrslu. En ég nenni því ekki.

Ég gæti skrifað um hvernig þetta er sjötta tapið í síðustu sjö leikjum Liverpool í deildinni. Hvernig leikmennirnir eru hættir að trúa á sjálfa sig og hvor aðra og farnir að pirrast á öllu inná velli. Hvernig Dalglish virðist algjörlega ráðþrota gagnvart þessu gengi – svo ráðþrota að hann beið enn og aftur þangað til það var allt of seint með að skipta inná og breyta einhverju. En ég nenni því ekki.

Ég gæti skrifað um hlægilega dýfu Carroll, hendi Simpson á marklínu sem dómarinn dæmdi ekki á og rak hann ekki út af fyrir, ömurlega vörn Liverpool í báðum mörkunum, skelfilega nýtingu við mark andstæðinganna enn einu sinni og heimskulega brottvísun Pepe Reina sem verður til þess að hann missir af næstu tveimur deildarleikjum og Wembley-leiknum gegn Everton. En ég nenni því ekki.

Þetta tímabil er einfaldlega orðið að martröð. Sigur í Deildarbikarnum skiptir engu máli núna því liðið er að skíða aftur á bak í deildinni og ég sé ómögulega hvernig við eigum að gera eitthvað betur gegn Everton í eina leiknum sem eftir er sem skiptir einhverju máli. Ég gæti skrifað um þetta allt, en ég nenni því ekki.

Liverpool er klúbbur sem þarf að gera upp við sig hvort menn vilja halda áfram að lifa á fornri frægð eða byggja bjarta framtíð. Sagan tryggir þér engin stig í deildinni í dag og hún á heldur ekki að hlífa neinum einasta starfsmanni klúbbsins, sé hann ekki að skila sínu í dag. Skiptir þá engu máli hvort menn heita Dalglish, Gerrard, Carragher eða eitthvað annað.

Ég nenni þessu liði ekki. Vekið mig þegar næsta tímabil hefst.

173 Comments

  1. Tími kominn á KK og Reina Toppar lélega framistöðu í vetur hjá Lúserpool.

  2. Ég veit ekki hvað skal segja eftir svona leik. Í burtu með Kenny er það fyrsta sem mér dettur í hug.

  3. Sælir félagar

    Það er orð að sönnu að dómgæsla þessa leiks er fyrir neðan allar hellur og kapítuli útaf fyrir sig. Hitt er ljóst að leikur þeirra rauðu frá aftsta manni til hins fremsta er með þeim hætti að ekki er ástæða til að gleðjast yfir henni svo vægt sé til orða tekið.

    Uppsetning og stjórn liðsins er líka eitthvað sem hægt væri að ræða og er ekki ólíklegt að þeir sem vilja hafa KD sem stjóra amk. eitt tímabil í viðbót séu farnir að efast. Bara svo eitt dæmi sé tekið þá er sérkennilegt að skipta ekki inná fyrr en eftir 75 mín. þegar liðið er tveimur mörkum undir og ekkert að gerast hjá þeim rauðu. Frammistaða fyrirliðans í þessum leik setur líka spurningarmerki við leikform hans og aldur þrátt fyrir frábær fyrri störf.

    Frammistaða af þessu tagi er fyrst og fremst sorgleg fyrir okkur stuðningsmenn en segir líka til um þá stöðu sem liðið er í um þessar mundir. Þrátt fyrir tiltekt og hreingerningar í sumar sem leið er ekkert sem bendir til annars en álíka vinna þurfi að fara fram á sumri komanda. Leikmannahópurinn hæfir aðeins miðlungsliði og það er ekki ásættanlegt fyrir lið eins og Liverpool.

    Það er nú þannig.

    YNWA

  4. Úfff. Minnti að leikurinn ætti að byrja 14.30 .. var að plögga mig inn á leikinn þegar leikurinn var flautaður af. Ekki oft sem skipulagsleysi bjargar heilli viku

  5. Getur einhver réttlætt það að Dalglish haldi áfram með liðið, hann á að fara strax… hef alltaf verið á því að hann ætti að vera áfram, en nú er nóg komið, í burtu með hann strax…. Liverpool er ekki að fara vinna einn einasta leika það sem eftir lifir tímabils með Dalglish við stjórnórninga…

  6. Leyfa KD að klára þetta tímabil og fá svo nýtt blóð. Hann er ekki maðurinn til þess að taka liðið þangað sem það á heima.

  7. Jæja ég nenni nú ekki að ræða brandarakallinn með flautuna, en Reina bauð upp á þetta rauða spjald.

    Hins vegar verð ég að minnast á það að við áttum einu sinni besta tæklara deildarinnar sem hét Stevie G, ég er búinn að sjá hann hoppa upp úr öllum tækifærum til að vinna boltann með tæklingum í dag…. ég held að það segi meira um andann í liðinu en margt annað þegar hann leggur það ekki á sig að tækla bolta til að vinna hann.

    Svo og Suarez sem hefur ekki getað neitt í þessum leik.

    Andy Carroll hefði fengið frábæra einkunn frá mér ef hann hefði tekið þessa dýfu kominn einn í gegn, var að berjast frábærlega og vinna alla skallabolta.

    og þá er komið að kónginum, hann er ekki með þetta lengur, hann hefði átt að hætta eftir síðasta tímabil og láta einhvern annan taka við. Ég verð trítilóður ef hann hakkar ekki dómaratríóið í sig eftir þennan leik og tekur þá bara bannið sem hann fær frá brandarasambandinu, ef ekki þá heimta ég uppsögn hans strax í kvöld bara fyrir að hafa ekki pung. Ég hef fulla virðingu fyrir kónginum en það eru takmörk hvað menn fá að hanga lengi í starfi á fornri frægð.

  8. Jæja… þá fáum við allavega að sjá hversu handónýtur Doni hlýtur að vera eftir að hafa verið alla leiktíðina á bekknum!

  9. hvernig væri nú að fara að ræða það loksins sem er augljóst ? þessi hópur leikmanna sem er þarna er óásættanlegur fyrir LFC , það er ekki einn einasti stjóri í heiminum sem gæti skilað þessu liði í núverandi mynd í topp 4 í pl miðað við hin liðin. 1-2 admin-ar hérna hafa haldið því fram að þetta lið sé af nægum gæðum fyrir LFC, það er kjaftæði og þetta vita allir augljóslega í dag.

    núna þarf aðra hreinsun á þessum slaka hóp í sumar, hóp sem er ekkert mörgum klössum fyrir ofan gæðin sem voru í liðinu fyrir hreinsunina seinasta sumar. þó má ekki fría kenny allri sök, hann keypti þessa menn og þarf að taka áb á þeim. kenny og comolli, nú er komið að ykkur að laga þetta, eða stöf ykkar verða auglýst laus.

  10. er ekki bara hægt að kenna Roy Hodgson um þetta? svona til að einföldunar og til að særa ekki viðkvæma.

  11. Þetta var hræðilegt.

    Annaðhvort heldur Dalglish áfram á næsta tímabili og hreinsar vel í hópnum, eða þá að Dalglish hættir. Það að Dalglish haldi áfram með sama hóp er einfaldlega óásættanlegt. Það er augljóst að þessir leikmenn hafa engan karakter eða að Dalglish er ekki stjórinn til að ná fram þeirra karakter.

    Við þurfum breytingar. Mér er svo sem nokkuð sama hvað gerist frá 1.apríl og fram á sumar – Dalglish má klára þetta tímabil, en hann getur varla farið inní annað tímabil með þessum hóp.

    Ég er búinn að verja Dalglish í allan vetur, en þetta ástand sem hefur verið á liðinu frá því um áramótin er einfaldlega svo slæmt að það er ekki hægt að verja það.

  12. Voðalega hlýtur Reina að vera andfúll, maðurinn nánast steinrotaðist. Var alltaf ljóst að Atkinson myndi gefa rautt á eitthvað svona, ég vissi það.. Reina hefði átt að vita það. Newcastle augljóslega betra liðið, óþarfa aðstoð frá dómurum.

  13. Það er algjörlega fáranlegt að fara kenna dómaranum um þetta tap. Liðið var eins og höfuðlaus her og hauslausar hænur í seinni hálfleik. Það er rúið öllu sjálfstrausti og leikmennirnir virðast ekki hafa trú á verkefninu. Það er einfaldlega ekki fræðilegur möguleiki að lið, sem er í svona ástandi, fari á Wembley og vinni í undanúrslitum. Hvað þá úrslitum. Menn geta því hætt að hugsa um FA-bikarinn sem einhverja sárabót, því það þarf róttækar breytingar.
    Liðið og við stuðningsmenn þurfum að taka hausinn útúr rassgatinu á okkur. Sjálfur hefði ég ekki verið flutningsmaður slíkrar tillögu að láta Kenny fara. Það er hins vegar hlutverk stjórnar LFC að taka ákvarðanir sem eru kannski ekki líklegar til vinsælda en eru liðinu til bóta. ,,Það er enginn stærri en klúbburinn,” sagði Dalglish þegar hann seldi Torres og það á því miður við um King Kenny sjálfan. Liðið þarf að fá ferskt blóð rétt eins og Sunderland og Chelsea. Þetta er komið gott…því miður

  14. Sælir félagar

    Takk fyrir leikskýrsluna hjá KAR og hún var og er vel við hæfi. Eitt sem ég hefði viljað minnast á varðandi þennan leik og undanfarna leiki og hefur valdið mér áhyggjum. Þetta áhyggjuefni mitt er algjört ráðaleysi KD í þeim stöðum sem hafa komið upp í undanförnum tapleikjum sem nota bene eru fleiri en sigurleikirnir.

    Þegar stjórinn er ráðalaus og hugmyndalaus og hefur engar lausnir og breytir seint liðinu og þá þegar hann gerir það þá bara til að gera eitthvað en ekki af því að hann sé með einhverjar hugmyndir til að snúa leikjunum við og vinna þá. Þá verð ég verulega áhyggjufullur og langar að vita hvort svo er um fleiri?

  15. Það er algjörlega fáranlegt að fara kenna dómaranum um þetta tap

    Það er enginn að kenna dómaranum um þetta tap. Það er þó alveg í lagi að benda á mistök dómarans, þótt að Liverpool hafi verið alveg nógu slappir til að tapa þessum leik án hjálpar.

  16. Eins og síðustu töp voru svekkjandi og pirrandi þá veit þetta tap ekki á gott. Ég var ánægður með ýmislegt í þessum leik, Carroll var duglegur eins og margir í liðinu. Ég er nefnilega óvart kominn á þann stall að hugsa um LFC eins og landsliðið, ef menn leggja sig fram þá er ég sæmilega ánægður. Það að liðið skuli tapa sannfærandi þrátt fyrir að vera að berjast og reyna sitt besta segir nefnilega margt um það í hversu vondum málum liðið er í.

  17. Mér finnst bara eins og leikmennirnir á vellinum hafi bara ekki hugmynd um hvert þeirra hlutverk sé. Sóknarleikurinn í molum og engin taktík virðist vera á liðinu. Ég vonast til þess að Benitez fái að klára tímabilið og svo verði enduskipulagt eftir tímabilið. Ég vil allavega ekki sjá Kenny stjórna einum leik í viðbót. Svona fótbolti ef fótbolti skyldi kallast er ekki hægt að bjóða uppá lengur.

  18. Fyrirlidinn andlaus eins og venjulega tessi trenna um daginn var bara papering over the cracks enda oll morkin a silfurfati hefur ekki getad neitt i langan tima time to face the facts

  19. Þegar maður er hættur að vera hissa á tapi þá hjá Liverpool FC þá er fokið í öll skjól.

    YNWA

  20. Í blogginu hér að undaförnu tala menn um að það þurfi mann sem kemur liðinu þar sem það á skilið að vera, HVAR EIGUM VIÐ SKILIÐ AÐ VERA ??? Nákvæmlega þar sem við erum, Liverpool er bara miðlungslið og það lélegt miðlungslið, með stjóra sem hefur ekki það sem til þarf og það þarf að skipta honum út og það strax það er ekkert sem réttlætir það að hann verði áfram með liðið, þó svo að hann heiti Dalglis þetta snýst ekki um það og í raun ætti hann að sjá sóma sinn í að stíga til hliðar og það starx. Það gæti hver sem er komið og gert betur en það sem við erum að gera núna.

    Ég trúi því ekki að eigendurnir sitji rólegir og láti Dalglish klára tímabilið, það væri bara rangt. Það þarf nýjan stjóra og það STARX !!!!!!

    Og eins og pistla höfundur þá nenni ég ekki að skrifa meira um þetta að sinni, bara hef einfaldlega ekki eirð í mér til að rífa mig meira niður….

    Áfram LIVERPOOL…. YNWA….

  21. Já, Einar, auðvitað er allt í lagi að benda á dómarann. En það þýðir ekkert í þessum leik, Atkinson gerði rétt þegar Carroll kaus að fleygja sér niður í stað þess að dúndra hann inn, hann var víðsfjarri þegar Suarez klúðraði dauðafæri og hann gerði rétt að vísa Reina af velli. Jú, hann dæmdi kannski ekki víti þegar Simpson fékk hann í hendina en hann var í mjög erfiðri stöðu að sjá það atvik. Og því miður, kannski, var Atkinson ekki bara þjálfari Liverpool, hann hefði allavega nýtt sínar skiptingar fyrr.
    Ef Dalglish notar dómara-afsökunina þarf hann að líta sér nær; hann fjárfesti í þessum leikmönnum en er ekki að ná að virkja þá. Því miður, eftir að hafa leikið Pollýönnu eftir áramót og trúað á þessa goðsögn þá er hann kominn á endastöð með liðið. Ef okkur langar í FA-bikarinn og bjarga tímabilinu þá þarf nýjan mann í brúnna….

  22. Skitan heldur áfram : (

    Að mörgu leiti fannst mér Liverpool spila vel, sérstaklega í fyrri hálfleik.
    En vandræðin og úrræðaleysið fyrir framan markið halda áfram að vera vandræðaleg og til skammar.

    Carroll gerði sig að algeru fífli með þessari aumingjalega tilraun til að fiska víti, og þar með markmann Newcastle útaf, ef hann hefði bara hugsað um að koma boltanum í netið hefði þessi leikur farið öðruvísi, takk fyrir það Carroll.
    Að öðru leiti fannst mér Carroll standa sig vel, það var mikið brotið á honum og lítið dæmt.

    Ég hef miklar áhyggjur af Steven Gerrard, hann virkar slappur leik eftir leik, vantar allan drifkraft í hann og þá munar um minna.

    Enrique? Í alvöru, havð er málið með þann mann sem fyrir áramót var af mörgum talin frábær kaup, en hefur ekki getað blautann á þessu ári.

    Gæðin á bekknum okkar eru lítil og þá sást óþægilega vel þegar skipt var inná undir lok leiks. Hefði þó viljað sjá Maxi koma inná en hann er líklega of sóknarþenkjandi til að það gerist.

    Reina gat lítið gert í þessum mörkum sem liðið fékk á sig í dag, en hann missti sig í dag og fær 3 leikja bann fyrir vikið.
    En ég velti fyrir mér hvort það sé ekki bara akkurat það sem hann þarf?
    Hann hefur alls ekki verið nálægt sínu besta í vetur og það gerir honum ekkert gott að geta gengið að stöðunni sinni vísri sama hvernig hann spilar.
    Vonan bara að Doni reynist nægjanlega sterkur til að vera raunveruleg samkeppni í markmannsstöðuna.

    Kenny, aumingja Kenny. Hvað getur hann sagt eftir leikinn í dag, engin þreyta til að kenna um eftir viku hvíld……..dómarinn kannski?
    Dómarinn var slappur, allavega þegar kom að Liverpool. Sleppti augljósu víti skömmu fyrir fyrra markið hjá Newcastle og svo var seinna markið að mínu mati klárlega rangstaða þar sem Cisse hagnaðist á því að vera langt fyrir innan þegar sendingin kom upprunalega.

    Ég trúi varla að maður sé að horfa á Liverpool fá ekkert úr öllum þessum leikjum sem þrátt fyrir allt eru að spilast oft á tíðum vel.

    Maður er hreinlega búinn að fá nóg af þessu helvíti en pínir sig samt sem áður til að halda áfram að horfa.

    Fokk!

  23. Það verður sent út tilkynning fyrir þá stuðningsmenn Liverpool sem nenna ekki þessu liði lengur og þegar velgengnin er kominn aftur. Ekki missa af því og endilega taka þátt í gleðinni þá. Þið getið farið í frí núna og stutt liðið þegar allt er betra.

    Það eru allir húndfúlir eftir þetta arfaslaka og skammarlega gengi.
    Ég er vægast sagt brjálaður en mér dettur ekki í hug að hætta að styðja liðið.
    Eina sem getur reddað þessu tímabili er FA bikarinn og girða sig alminnilega í brók í deildinni.

  24. Tek undir með #24; leikmennirnir virðast ekki vita hvert þeirra hlutverk er og spilið endar of oft í vandræðalegum misskilningi. Átti von á betri útkomu því í byrjun voru fíni taktar hjá Carroll og Shelvey… en svo datt allt í sama gamla ömurlega formið. Það er komið nóg af þessu og breytinga er þörf. Trú leikmanna er farin og Dalglish er ráðalaus. Hann þarf einfaldlega að fara þó leikmennirnir tala oft um hve miklu hann hafi breytt eftir að hann kom inn. Það tala allir leikmenn þannig þegar nýr stjóri tekur við, sama hvert liðið er:-(

  25. Koma svo skrifa meiri drullu um liðið… Þeir hafa ekki trù á þessu vegna þess að við höfum ekki trù á þessu…

    Skiptir mig ekki máli hvort KD eða RB eða Jòn Jònsson er að stjòrna þessu liði ég stend og fell með rauðaliðinu og ekki séns ég falli grenjandi. Hysja upp um sig bera sig vel og mæta ì næsta leik…

  26. Aðeins um dómarann þar sem menn eru að tína til það sem hann hefði átt að gera en gerði ekki. Jú við hefðum átt að fá víti, hefur þetta ekki skeð áður í fótbolta jú og mun ske aftur. Hefði Reina ekki átt að fá rautt spjald, jú algerlega hann hefði ekki þurft að skalla mannin, hann ógnaði honum og það er nóg, algerlega rétt spjald.

    Það var fyrst og síðast Liverpool sem voru ekki nógu góðir og því fór sem fór, það er ekki dómaranum að kenna, og frekar ódýrt að kenna því um…

    Áfram LIVERPOOL… YNWA….

  27. Komin tími á að menn vakni úr þyrnirósarsvefninum og átti sig á því að Daglish er ekki með þetta lengur, liðið er illa motiverað, leikurinn taktlaus, engin stemming i leikmannahópnum og fyrir utan allt þá hlýtur kallinn að eiga Bretlandsmet yfir flestu misheppnuðu kaupin á einu tímabili.

    Þurfum þjálfara sem skilur nútímaknattspyrnu og það er nokkuð ljóst að það þarf hreinsanir í þessum leikmannahóp.

    Meira að seigja Steven G, lýtur einsog gamall ryðdallur úti á hafi, sem er bara bull hann á nóg eftir, sjáið bara Lampard, Scholes, þetta er eingöngu hörmuleg stjórnun á liðinu á höndum Daglish sem lætur nánast all liðsmenn LFC líta út einsog viðvaninga.

    Vil nýjan mann í brúnna sem fyrst, þannig að sá hin sami geti myndað skoðanir sínar á leikmannahópnum og gert áætlanir með kaup í sumar.

    King Kenny þú hefur gert marga frábæra hluti fyrir klúbbinn sem leikmaður og (fyrrum) þjálfari, enn því miður þá ertu ekki með það sem til þarf í nútímafótbolta.

  28. höfum samt allveg á hreinu að það að fá víti og mögulega rautt á 12 mínutu hefði breytt leiknum talsvert mikið (ef við skorum úr vítinu, sem er reyndar frekar ólíklegt).

    Svo virðist ekkert búið að tala um það að mark 2 hjá NCU var mögulega eitt mesta rangstæðis mark tímabilsinns. þannig að dómarinn átt nú ekki að fá að komast hjá því að fá gagnrýni fyrir framistöðu sína í dag.

    En spilamennskan hjá okkur var allveg skelfileg og 1-1 jafntefli hefðu sosum ekki verið sanngjörn úrslit…

  29. Ég er farinn að vera tvístíga í stuðning við Kenny Dalghlish. Að sjá ekki ástæðu fyrir að skipta inn á mönnum fyrr á 75 mín í stöðunni 0-2 er óskiljanlegt. Ég skil ekki þetta leikkerfi sem var í leiknum. Það kom engin sókn upp vinstri kantinn allan leikin. EKKI NEIN! Það engin leikmaður sem reyndi að stinga sig í gegnum vörnina allan leikinn. ENGIN. Eina sóknir leiksins voru í gegnum hægri kant, miðjuna og föstum leikatriðum! Það er bara ekki vænlegt til árangurs. Stjórinn á að byggja upp árangusríkan sóknarleik en er ekki að gera það, hvorki með skipulag né inná skiptingum. Það þurfa allir í klúbbnum, stjórar, þjálfarar og leikmenn að fara verulega að hugsa sinn gang! ALLIR

  30. Liverpool lifir á fornri frægðþ fátt um jákvæða drætti í þessu liði í dag. leikamannakaupinn undanfarinn ár hafa ekki verið svona léleg síðan senegalarnir diao diuof komu. hvað má kalla þetta? álög ? lélegur stjóri? lélegur móral í liðinnu? lélegir leikmenn? áhugalausir? metnaðarlausir? óheppnir? listinn er ótæmandi enn gengi liðsins í deildinni 2012 er Skelfilegt.það er bara ekki hægt að verja þetta lið lengur. segir ekki mikið að ég hef aðeins horft á einn leik eftir áramót og ég er die hard fan fór meira segja á leik á liverpool fyrir áramót……. læt ekki bjóða mér þetta lengur hættur að fylgjast með þessu skítum upp á bak liði þetta tímabil.

  31. Vitiði hvað er sameiginlegt með Liverpool og kennurum?

    Þeir vinna ekki um helgar.

  32. Einhvern veginn finnst mér hnignun liðsins fara saman við endurkomu Gerards. Það væri athyglisvert að sjá tölfræði um frammistöðu liðsins eftir að hann kom til baka úr meiðslum. Gerard hefur verið frábær en frammistaða hans í þessum leik og undanförnum leikjum (að frátöldum Evereton leiknum) hlýtur að setja spurningarmerki við leikform hans og aldur.

  33. Liverpool eiga varla skilið að spila í efstu deild,miðað við framistöðunna eftir áramót.

  34. Ég horfði á leikinn með öðru auganu. Annars sat ég með eins árs gamalli dóttur minni og við skoðuðum bækur saman. Svo horfði ég á eldri tvíburasystur hennar leika sér saman, og svo útbjuggum við lítinn hádegismat handa mömmu þeirra sem var að koma heim frá útlöndum.

    Á svona stundum þá bara skiptir litlu mál hvernig Liverpool spilar, hvort Kenny eigi skilið annað tímabil eða hvort Gerrard hafi átt lélegan leik. Lífið snýst um meira en fótbolta, og það er hollt að minna sjálfan sig á það svona endrum og eins. Það er algjör óþarfi að láta eins og himinn og jörð séu að farast … það verður annar leikur í næstu viku og annar leikur á eftir þeim leik.

    (sérstaklega þegar illa gengur)! 🙂

    Homer

  35. Það er tvennt í stöðunni.

    Annað hvort er það Kenny sem er að klikka eða þá að bestu leikmennirnir úr Aston Villa (Downing) Blackpool ( Adam) Sunderland (Henderson) Newcastle ( Carrol ) Ajax (Suarez)

    Ég held einfaldlega að það sé Kenny sem er ekki að ná að nýta alla þessa hæfileika sem þessir menn hafa uppá að bjóða.

  36. Benitez, Sama ´rómantíkin og að ráða Dalglish aftur? Houllier, Souness & Evans eru líka atvinnulausir.

    Kommon, hugsa frammá við. Liðið var í tómu bulli síðasta tíma bil Rafa. 68 milljón pundum var varið í Robbie Keane, Riera, Aquilani & Glen Johnson. Ef einhver metnaður er í þessum nýjum eigendum þá verður Mourinho boðið starfið í sumar. Eða kannski dugar svipað smokescreen og í fyrra, að tala um Aguero og Phil Jones, en kaupa Bellamy og Coates. Samt virtust allir sáttir, og mig minnir að að allir postular þessarar síðu að KAR undanskildum hafi talað um að óþarfi væri að styrkja liðið sl. janúar.

  37. Auðvitað getur maður sagt að dómarinn hafi lagt sitt að mörkum
    dæmi : hann spjaldar Carroll fyrir leikaraskap sem var rétt en sleppir hinsvegar Arfa fyrir það sama nokkrum mínutum áður, Tiote átti að vera fokinn útaf um það leyti sem hann fékk loksins spjald.. Carroll átti að fá vít þegar það var haldið utan um hann en kall greyið fær aldrei dæmt með sér en það er alltaf dæmt á hann.. Eftir korter hefði LFC átt að fá augljóst víti og rautt spjald á mann sem varði með hendi á línu, það hefði auðvitða breytt leiknum alveg og sennilega værum við að fagna ef að dómararnir hefði staðið vaktina betur.. Svo er hinsvegar ekki og leikmenn liðsins eiga það til of oft að missa hausinn þegar þeir fá á sig mark og svo toppaði það daginn þegar ncastle skoraði mark nr 2 sem var augljóstasta rangstæða sem ég hef séð á tímabilinu.. Reina ákvað svo að fullkomna daginn og tímabilið með frábærri ákvörðun, þetta er hætt að vea fyndið!! Reina að spila sitt langversta tímabil fyrir Liverpool eins og margir aðrir og þessi kaup á Henderson, Carroll og Adam eru að verða einn mesti brandari fótboltans frá upphafi

  38. …dreymdi að Rafa tæki við Liverpool í sumar. Góður draumur maður. Nenni ekki að horfa meira á LFC í ár. Gegndarlaus vægð í þessu liði.

  39. ahhh….. Þetta er þriðji leikurinn i röð með liverpool sem eg ákveð að horfa ekki á.. Nenni ekki að horfa à miðlungslið og þaðan af siður að svekkja mig à getuleysi liðsins!

  40. Byrjaði að horfa á leikinn í upphafi seinni hálfleiks, gafst upp eftir 20mín eða þegar seinna markið kom. Hló svo þegar ég fékk sms í gegnum Live Score að Reina hefði fengið rautt.

    Prump!

  41. Etthvað mikið að, nenni ekki að ræða málin, ef mál skal kalla.

  42. Á öðrum nótum. Er að horfa á Tottenham – Swansea og staðan er 1-0 í hálfleik. En svei mér hvað Gylfi er lang, lang tekníkasti og jafnvel hættulegasti maður í liði Swansea.

    Gaman að láta sér líða svona þjóðlega stundum. 🙂

  43. Það sem ég held að margir verði að átta sig á er að Liverpool er ekkert að spila eins og neitt miðlungslið. Þetta lið væri að skítfalla m.v. spilamennsku undanfarið. Hugsið ykkur ef síðustu 12 leikir hefðu verið fyrstu tólf leikir tímabilsins!

    Ég hef hægt og rólega verið að missa trúna á þessu hjá Dalglish og svona leikur eins og við sáum í dag var bara hroðalega pirrandi á að horfa. Hann virðist ekki hafa grænan grun um hvernig hann eigi að láta liðið spila og flestir ef ekki allir leikmenn liðsins eru mjög illa nýttir og enginn er að sýna nema rétt brot af því sem hann getur. Ég er á því að þetta lið er ekki eins lélegt og af er látið en ráðleysi og allt of mikið hringl með stöður og leikkerfi sé að rústa þessu hjá okkur. Meira að segja Steven Gerrard hafði ekki hugmynd um hvert hans hlutverk var í dag og Suarez var í svipuðum málum. Taktíkin virðist ekki vera til staðar og ef plan A klikkar, hvert svo sem það er þá er ekkert plan B.

    Ég hef ekki áhuga á öðru svona tímabili. Kenny Dalglish getur kvatt í vor með ágætri sæmd, hann kom inn á góðum tíma og rétti skútuna að mörgu leyti af, skilaði 1-2 bikurum og gerði liðið betur undirbúið fyrir næsta skref. En eins og staðan er núna er hann ekki að sýna mér að hann sé rétti maðurinn til að stóla á til að taka þetta næsta skref.

    Að auki má sá sem hafði yfirumsjón um leikmannakaupum fyrir þetta tímabil fá frí fyrir næsta tímabil. Við fjármögnuðum þetta Newcastle lið að miklu leyti. Á meðan við keyptum Carroll á uppsprengdu verði keyptu þeir Ba og Cisse. Báðir eru þeir mun reyndari og tilbúnari til að koma inn í topplið og það hefur sést vel í vetur. Carroll hefur auðvitað valdið vonbrigðum en ég nenni ekki aftur svona ungum efnilegum strákum sem þurfa 1-2 tímabil til að verða í nógu góðum klassa. Cisse er svo gott dæmi um að það er alveg hægt að finna leikmenn í janúar…svona eins og okkar lið ÖSKRAÐI á þetta tímabilið.

    Við keyptum Henderson, efnilegan enskan miðjumann á uppsprengdu verði á meðan kaupa þeir einn besta miðjumann frönsku deildarinnar af meisturunum á kúk og kanil. (ATH við erum með franskan ofur-scout). Henderson er dottin úr liðinu þrátt fyrir að það vanti tvo miðjumenn á meðan hinn hefur verið frábær í vetur. Tiote og Ben Arfa kostuðu svo ekki mikið heldur hjá Newcastle og höfðu hvorugur spilað í Englandi þegar þeir fóru til Newcastle.

    Auðvitað hefur þetta verið framar vonum hjá Newcaslte en er þetta eins mikil tilviljun og af er látið? Þeir eru að kaupa góða leikmenn á flottum aldri með reynslu af alvöru fótbolta í góðum deildum, menn sem eru klárir í slaginn eins og skot.

    Segi ekki að Adam, Enriquie og Downing eru allt leikmenn sem áttu að detta beint inn í liðið klárir í slaginn og gerðu það að mörgu leyti í byrjun. En hversu mikla ábyrgð ber þjálfarateymi Liverpool á spilamennsku þessara manna í vetur? T.d. Adam, hann hefur sjaldnast fengið að spila þá stöðu sem gerði hann svo eftirsóttann. Downing fær varla leik með Carroll og þegar þeir fá leik þá er hann settur hægra megin svo hann geti alls ekki krossað fyrir markið…svona mætti telja áfram.

  44. má tala ljótt núna? hér er sölulistinn og einhverja má hreinlega gefa:

    Reina…burtu…hann er gufa
    Carroll….blessbless…u are no class at at all.
    Kuyt…finndu þér áhugamannalið til að bera vatnið hjá.
    Carragher…hættu að spila áður en við förum að vorkenna þér. Aureilio…hver er það?
    Adam…farðu í rétta deild. Henderson…leiddu varaliðið næstu 10 árin. Downing…say no more.
    jose enrique..efast um að nokkur vilji þig i uk.
    Þetta er aumingjarnir sem þurfa að fara. Ciao.

  45. Sjáiði svo leikinn hjá Tottenham, allt svo einfalt, fljótur kantmaður sendir inní og þar kemur stór framherji og skallar boltann inn, en hjá Liverpool neeei ekki hægt

  46. 31 stig í toppinn, 15 stig í CL sæti og 14 stig í fallsæti.
    Svakalegt.

  47. Liverpool ætti að reyna að veiða Moyes frá Everton. Held að allir hafi séð sem horfðu á leikinn var að hinir svartklæddu voru einfaldlega með mun betri hóp, þrátt fyrir að hafa selt tvo leikmenn til hinna rauðklæddu.

  48. Aðeins búinn að róa mig niður,innlegg 11 hjá Babú fékk mig meira að segja til að hlæja.
    Reifst hér ásamt 8 guttanum mínum við pabba sem er gamall dómari (held það sé kallað milliríkjadómari) þannig að hann sagði ógnunin er nægjanleg til að réttlæta rauðaspjaldið ég gaf mig alls ekki en kallinn hefur oftast haft rétt fyrir sér 🙁
    hann sagði líka að þarna í blálokin er hrinding út við hægri kant að mig minnir sem ætti að vera rautt á newcastle manninn samkvæmt bókinni.
    En eina sem maður getur gert er að halda áfram að stiðja liðið sitt það geta ekki alltaf verið jólin í þessu ég hef fullatrú á að eigendurnir geri eitthvað róttækt í sumar þurfum kannski ekki eins marga leikmenn og í fyrra en við þurfum gæði og mögulega nýjan stjóra.
    Fyrir mér er ekki nóg að vinna bikar og jafnvel báða en enda neðar í deildinni heldur en í fyrra.

  49. 65/66
    Já já, kenndu dómaranum um, það er nákvæmlega ekkert að liðinu.

  50. Shearer….Liverpool voru fullfærir um að tapa fyrir Newcastle í dag án þess að heimamenn fengju gjafir frá dómara leiksins. Ásmundur getur alveg klórað sér í hausnum yfir fáránlegri dómgæslu leiksins án þess að gera eitthvað lítið úr spilamennsku Newcastle.

    Þetta var rangstöðumark.
    Þetta var víti og rautt.

    Breytir því ekki að Liverpool voru slappir og hauslausir á vellinum.

    Annars held ég að það þurfi algjöra uppstokkun á Anfield.

  51. Er hann ekki búin að segja upp ennþá ????

    Þetta bull hans um að enginn sé stærri en klúbburinn á greinilega við um alla aðra en hann sjálfan !!

  52. jose enrique stóð sig frábærlega í markinu… spurning hvort að hann sé að spila í réttri stöðu hjá okkur…..

  53. Þetta var alltaf hendi og rautt, ekki spurning.

    En maður spyr sig með rangstöðuna, augljóslega taldi línuvörðurinn að hann hefði ekki áhrif á leikinn á þeim tímapunkti sem hann var langt fyrir innan.

    http://a1.sphotos.ak.fbcdn.net/hphotos-ak-ash3/539176_381381808560501_118450714853613_1222955_402713188_n.jpg

    Eins og þið vitið var þessi sending ekki á Cisse. Maðurinn sem er að koma þarna á hlaupinu tók boltann og kom honum svo á Cisse sem var ekki rangstæður í þeirri sendingu.

    Væri gaman að fá comment frá einhverjum sem þekkir þetta almennilega.

    Ekkert sem segir að þú megir ekki vera kolrangstæður þegar sent er á liðsfélaga (ef þú hefur ekki bein áhrif á það action), svo framarlega sem þú ert orðinn réttstæður þegar það kemur sending á þig.

  54. Eftir að hafa horft á viðtalið við Kenny eftir leikinn fannst mér eins og hann væri alveg búinn á því og ég er ekki viss um að hann og hans menn hafi mikið meira til málanna að leggja. Og ef að Rafa var búinn að tapa klefanum þá er Kenny það líka núna,. Ég held líka að við ættum að hætta að tala um þennann FA bikar,þetta lið vinnur ekki Everton og alls ekki Tottenham eða Chealsa í úrslitum.
    Vonleysið og frusteresionen skein af leikmönnum Liverpool nema kanske Carra og Gerrard, þeim virtist bara alveg standa á sama.
    því fyrr sem Kenny ákveður að hætta því betra af því að þetta gengur því miður ekki upp hjá honum.
    Eða eins og Homer segir þá skiftir fleira máli en fótbolti og kanske best fyrir suma okkar að hugsa stundum meira um fjölskylduna okkar heldur en Liverpool,alla vega ætla ég ekki meira að taka töpin út á minni fjölskyldu eins og mér hefur hætt til undanfarin ár, konan mín á betra skilið en það.

  55. Sælir félagar

    Veit nokkur hvað KD segir um leikinn? Annars er ég að bíða eftir greiningu á stöðunni frá stórkanónunum Magga, SSteini, KAR, Babú og öðrum sem hafa gefið sig út fyrir að vita meira en við pöpullinn og hafa oft á tíðum vitað meira en við.

    Það er allan hátt greinilegt að það er meira en lítið rotið í danaveldi og fróðlegt væri að fá einhverja hugmyndir um hver ástæðan fyrir rotnuninni og þar með orsökin fyrir gengi og stöðu liðsins er. Það fer ekki fram hjá neinum sem fylgist með liðinu okkar að árangur þess er ekki í nokkru samræmi við þær væntingar sem menn gerðu til þessa mannaskaps.

    Það býr meira í þessu liði en árangurinn á árinu sýnir.. Liðið hefur oft á tíðum sýnt frábæran leik og það jafnvel í leikjum sem hafa tapast. Má þar til nefna Arsenal leikinn og örugglega fleiri. Hver er ástæðan fyrir því að KD nær því ekki út úr leikmönnum sem þeir hafa að gefa. Eða er þetta rangt hjá mér og eru leikmenn liðsins bara svona lélegir.

    Eru þetta ekki sömu menn og hafa yfirspilað Manure. Man. City, Arsenal, Tottenham en samt ekki náð þeim árangri að vinna þessi lið í deildinni. (ATH Arsenal). Hvað er það sem hindrar liðið í að ná eðlilegri niðurstöðu í leikjum sem það stjórnar og hefur yfirtök í nánast frá fyrstu til síðustu mínútu?

    Sem sagt hvað er að, og ef það er hægt að finna það verður að ráða bót á því strax hversu sársaukafullt og erfitt sem það reynist. Á skal að ósi stemma og ef menn komast fyrir örsökina verður að skera meinið burtu hversu stórt sem það er og hversu sársaukafull sem sú aðgerð verður.

    Það er nú þannig.

    YNWA

  56. Nr. 76 SigKarl

    Veit nokkur hvað KD segir um leikinn? Annars er ég að bíða eftir greiningu á stöðunni frá stórkanónunum Magga, SSteini, KAR, Babú og öðrum sem hafa gefið sig út fyrir að vita meira en við pöpullinn

    Líklega bara illa orðað hjá þér en spyr engu að síður, hvenær gáfum við okkur út fyrir að vita meira en “pöpullinn” ?

  57. Babú, ég hjó líka eftir þessu orðalagi meistara Sigkarls, og mig grunar að þarna sjáist álit Sigkarls á ykkur, en ekki að þetta sé eitthvað sem þið hafið gefið út : )

    Annars er ég sammála Sigkarli, hlakka til að lesa ígrundaða greiningu á Liverpool frá ykkur.

  58. Sæl öll.

    Enn eitt tapið orðið staðreynd og þunglyndið sækir að manni eftir hverja helgi, EN það er ekki séns í helvíti að ég hætti að halda með þessu liði ég er búin að halda með þeim síðan 1978 og fer ekki að breyta því. Ég hef skipt um mann,vinnu,flutt landshorna á milli skipt um saumaklúbb og hárgreiðslukonu en aldrei um fótboltalið og það er sama þó Liverpool fari að spila í Íslensku 1. deildinni eða 1.deildinni í Englandi ég mun alltaf styðja mína menn. Ég veit ekki frekar en aðrir hvað er til ráða annað en að bíða bara þar til þessari leiktíð lýkur og sjá svo til hvað gerist. Ég er að fara á Anfield 20-23 apríl og ætla að njóta þess að upplifa stemminguna fyrir leik og jafnvel eftir leik. Njóta þess að vera í þessari frábæru borg sem er mín Mekka.

    Nú er meiri þörf fyrir okkur en áður og við sendum því sterka strauma til þeirra og syngum lagið góða You Never Walk Alone.

  59. Babú #77Sæll meistari. Segir bara álit mitt á ykkur stórkanónunum. Engar aðrar meiningar þar að baki.

    Það er nú þannig

    YNWA

  60. Ef maður dettur inn í vítateig er það þá dýfa fávitar.
    Hann ætlaði að fiska víti með snertingu frá markmannstussunni,en áttaði sig á því að hann var ekki að fara í ‘ann svo hann reynir að krabbla í boltann og missir jafnvægið.
    Í stöðunni 0-0 átti Liverpool að fá víti og rautt spjald, ætli leikurinn hafi ekki þróast eitthvað öðruvísi þá, sama gamla sagan öll vafa atriði detta ekki með okkur.
    Rautt á Reina var auðvitað rétt heimskulega gert þó það hafi verið lítil sem enginn snerting. Sóknarmaðurinn sparkar í Reina og fær gult fyrir það átti hann ekki að fá annað gula spaldið og rautt fyrir að detta svona eins og hann hafi verið skotinn.
    Talandi um að skipta um hann í brúnni er auðvitað brandari. KD er þegar búinn að vinna einn titil og á möguleika að vinna einn í viðbót sem er talsvert meira en síðastliðnu fimm ár.
    KD þarf að hreinsa til í sumar og kaupa eitthvað að viti.
    Ég hef trú á því að það muni gerast.

  61. í framhaldi af umræðu einhverra um að við hefðum átt að fá víti hefur það margsinnis sýnt sig á þessu tímabili að það hjálpar okkur bara alls ekkert! Ég efast stórlega að það hefði breytt gangi leiksins á nokkurn hátt.
    Algert knattspyrnulegt getuleysi læknast ekki á einni eða tveimur ákvörðunum dómara. Ef að við hefðum einhverntíma mætt til leiks á St James’ hefðu slíkar ákvarðanir kannski eitthvað að segja.

  62. Það hvílir á klúbbnum einhver örlög sem ekki er hægt að útskýra. Manni fynnst allt vera á móti okkur. Núna er Reina kominn í 3ja leikja bann og missir af leiknum í FA-bikarnum gegn Everton. Nú reynir vikilega King Kenny og hans menn að ná upp öllu þessu niðurbroti.

    Stöndum saman og ÁFRAM LIVERPOOL!!!!!!!!!!!!!!!!!!!!!

  63. 2012: Groundhog day.

    Allir leikmenn eru ömurlegir.

    Rekum stjórann, hann er skelfilegur, minnst tíu nöfn sem ráða betur við djobbið, og reyndar flestir sem skrifa hingað inn.

    Versla ROSALEGA í sumar og selja helst alla.

    Sama ræða og hefur heyrst, fyrst um Rafa, svo um liðið í fyrra og núna er það Kenny. Stundum aðrir einsöngvarar en yfirleitt sami kórinn.

    Ég hlakka til að horfa á næsta leik með Liverpool, eins og hvers einasta frá því 1977. Kannski er kominn tími til að horfa í spegilinn og sjá hvort það gerir mann að sorglegum móhóíkana sem að ætti kannski bara að tala við vinalínuna.

    En þá það!

    You’ll never walk alone…

  64. Kenny þarf að svara mörgum áleitnum spurningum á næstu dögum. Auðvitað er barnaskapur að kenna einum manni um ófarirnar en rétt eins og skipstjórinn þarf að svara fyrir þegar hann dregur ekki bein úr sjó er eðlilegt að velta hlut Kennys fyrir sér.

    Nú horfi ég á 3 knattspyrnudeildir reglulega; þá ensku, spænsku og þá þýsku. Að mínum dómi hefur enska deildin dregist aftur úr hvað gæði varðar borið saman við þessar deildir. En það skiptir ekki máli nema að það er vísbending um hvert á að leita fyrirmynda.

    Aðalatriðið er að velta fyrir sér leik LFC og hvort Kenny hafi mójóið eða ekki? Ég held að þjálfarinn verði að taka töluverðan hluta af ábyrgðinni á sig. Eitt af því sem vekur athygli er hvað vinnusemin í liðinu er ótrúlega lítil borið saman við flest önnur lið. Hreyfing án bolta of lítil sem er helsta ástæða þess hvað gæðin á síðasta þriðjungi er takmörkuð. Það er auðvelt að hrauna yfir Downing en dæmigert er að hann hlaupi upp kantinn en verði síðan að leika til baka. Ástæðan er að einhverju leyti skortur á sjálfstrausti en að mestu leyti er það sökum þess að það er enginn til að gefa á. Menn eru bara ekki mættir sem er vandamál fyrir kantara. Sama má segja um Enrique greyið sem vill sækja upp með boltann en lætur hirða af sér boltann og lítur út eins og hálfviti fyrir við. Hann hreinlega kemur ekki boltanum frá sér því menn hlaupa ekki fyrir hvorn annan til að skapa eyður og engin að gefa á.

    Um daginn sá ég tölfræði um hvað spánskt lið hleypur að meðaltali per leikmann í leik. Fjarlægðin eru um 11 km. Hjá Barca er þetta 11,5 km og hjá Athletic Bilbao 11,8 km muni ég rétt. Leikmenn LFC hlaupa að meðaltali tæpa 10 km í leik eða um 15-18% minna gott spánskt lið. Það er eins og Kenny hafi ekki áttað sig á þessari breytingu og stillir upp leikkerfum sem eru löngu gengin sér til húðar. Fótbolti í dag snýst miklu meira í dag um að vinna saman heldur en uppstillingar. Enda er Kenny mjög hikandi og veit varla sitt rjúkandi ráð gangi ekki töflufundurinn fyrir leik upp.

    Ég geri ráð fyrir að svona sé þetta alls staðar. Ég geri ekki ráð fyrir að gítarleikari sem hefði ekki snert Fenderinn í 10 ár kæmi og spilaði alla upp úr skónum.

    Það sem hefur gerst eftir áramót til viðbótar því að aðrir hafa lært á hugsunarhátinn hjá Kenny er að formið á liðinu er hreinlega lélegt. Það sást t.d. gegn Cardiff að þeir virtust í betra formi en LFC ef eitthvað var. Á síðustu mínútum framlenginarnar voru rmenn okkar orðnir alveg fótalausir og gáfu Cardiff tvö dauðafæri. Formið á leikmönnum er á ábyrgð þjálfarans og þarf ekkert að diskútera það.

    Hvað er til ráða? Ég geri ekki ráð fyrir að Kenny haldi áfram með liðið úr þessu. Ég geri heldur ekki ráð fyrir að það verði neitt vandamál. Kenny mun einfaldlega bíta á jaxlinn, taka hagsmuni klúbbins framfyrir og aðstoða nýjan mann að komast inn í starfið ef eftir því er óskað (sem ég efast raunar um). Spurningin úr þessu er meira hvenær Kenny fer en hvort og svo vitanlega hver eftirmaðurinn verður?

    Sjálfur tel ég að LFC eigi að leita fanga í þýska hluta Evrópu eða á Spáni. Í þessum hlutum Evrópu er fótboltinn kominn lengra á þróunarbrautina í dag en í Englandi. Við LFC menn getum gleymt mönnum eins og Mourhino, Guardiola, Klopp, Van Gaal, Capello eða Bielski. Þeir eru ekki í færi eins og er.

    En menn eins og Deschamps, Bruno Labbadia, Heiko Vogel og jafnvel Huub Stevens gætu verið það. Jafnvel Klinsman og Michael Laudrup gætu verið réttu mennirnir.

    Allavega; þetta

  65. Núna þegar ég sitt og horfi á Þetta aftur, já ég er að horfa á þetta aftur. Mesti pirringurinn að fara, þá get ég ekki annað en bara vorkennt Kenny. Ég hef ekki hugmynd hvað er gangi en ég veit ég virði Kenny og treysti honum til að gera það rétta ef hann telur að hann geti gert betur þá skal ég baka hann upp og gefa honum tíma. Þetta er sammt langt frá að lýta vel út.
    Fer til Liverpool á miðvikudaginn og verð í viku og ég get lofað því að ég garga úr mér lungun á meðan á leik stendur og mun alltaf gera þegar Liverpool á í hlut, þetta er erfitt núna en at the end of the storm……

  66. Nennið þið að halda með þessu lélega liði þeir eru drullulélegir það er svo að Everton eru ofar á töfluni maður er búin að fá nóg

  67. Liverpool komið í þá stöðu að vera underdoga gegn Everton á Wembley. Það gefur manni von að liðið nái að gíra sig upp í þann leik 🙂

  68. Svolítið síðan ég hef kommentað hérna.
    Hef verið á þeirri skoðun að leikskipulagið sé okkar versti óvinur. Svo ég komi með smá sýnishorn:

    – Carroll er oftar útá kanti en í boxinu
    – Suarez er stundum einn frammi í stað þess að vera á kantinum
    – Henderson er spilaður útá kanti en ekki inn á miðju
    – kick and run boltinn er ennþá ráðandi

    Ég neita að trúa því að við séum með það viðbjóðslega lélega leikmenn til þess að vera AT LEAST í 5-6. sæti. Mér finnst við ekki vera nægilega direct og við spilum of “random” fótbolta. Það vantar aga og sjálfstraust í leikmenn og Kenny virðist vera alltof seinn að gera breytingar. Ég vona innilega að Kenny segi upp í sumar og fái starfið hans Comolli og láta svo leikmannakaup alfarið í hönd stjórans. Minn draumastjóri er Bielsa hjá Athletic Bilbao, hef kynnt mér hann svolítið og mér finnst aðferðafræðin hans mjög góð. Ekki verra að Guardiola er búinn að hrósa honum í hástert.

    OFF TOPIC: Lesið efsta póstinn inná þessari síðu og leggið þessu málefni í lið! http://www.facebook.com/LiverpoolFCIceland

  69. Ég var einn af mörgum hérna sem taldi rétt að gefa KK séns a.m.k. út tímabilið, en þessi frammistaða liðsins er gersamlega út úr öllu korti. Hvað þarf eiginlega að fara marga áratugi aftur í tímann til að finna jafn ömurlegan árangur liðsins á heimavelli á einu tímabili?
    Held að menn hér séu kannski full fljótir að dæma einstaka leikmenn. Ég hef t.d. trú á að það búi meira í Downing og Carrol er að koma sterkari inn. Það er hins vegar leikskipulagið og hreyfing manna án bolta sem er alls ekki nógu gott. Athyglisvert t.d. að lesa póstinn hér að framan hvað okkar menn hreyfa sig lítið miðað við leikmenn í topp liðum í Evrópu. Það er t.d. gersamlega óþolandi hvað það eru fáir menn komnir upp á topp þegar sendingar koma frá kantinum.
    Einnig sammála að Reina er búinn að eiga sitt langversta tímabil með LFC og ég óttast að hann hafi enga trú á liðinu og vilji fara eitthvað annað. Hann er algerlega frosinn á línunni.
    Kóngurinn verður bara að viðurkenna að þetta er ekki að ganga hjá honum og stíga til hliðar. Sjálfstraustið hjá liðinu er nákvæmlega ekki neitt og breytinga er þörf strax.
    Áfram LFC!

  70. Voðalegt væl er þetta hérna. Einn bikar kominn í hús, Liverpool er aftur í Evrópukeppni næsta tímabil og komnir í undanúrslit FA bikarsins. Mér finnst þetta ásættanlegt miðað við að hópurinn er frekar nýr. Það virðist henta þessu liði betur að spila útsláttar leiki heldur en deildarleiki. Í deildinni vantar allann stöðugleika og hefur reyndar gert í langan tíma, meira að segja fyrir tíma KD.

    En ég neita að taka þátt í aftökunni á KD og leikmönnum sem megnið af mönnum á þessari síðu vilja svo heitt. Maðurinn á einfaldlega meira respect skilið fyrir allt sem hann hefur gert fyrir klúbbinn. Magnað að sjá hversu margir “sannir” Liverpool aðdáendur eru fljótir snúast gegn sínum mönnum.

    Reynum að hafa í huga að bjartsýni og jákvæðni smitar jafn mikið frá sér eins og svartsýni og neikvæðni.

    Koma svo! Gera betur næst!

  71. Sælir!

    Ég held að vandamálið sé aðallega illa spilandi leikmenn og ömurleg þjálfun. Þá á ég meira við þátt Steve Clarke og þjálfarateymisins frekar en bara Dalglish, þó hann er vissulega hluti af því teymi. Ef að hópurinn úr síðasta tapleik er nánast óbreyttur (fyrir utan meiðsl) í þeim næsta hlýtur það að þýða að þjálfarinn hafi kennt téðum mönnum lexíu og treyst á þá til að gera ekki sömu mistök aftur. En allt kemur fyrir ekki. Menn eru að gera sömu mistök, aftur, klikka á x, aftur, áhugalausir, aftur. Taktíkin er vissulega vandamál en mín skoðun er sú að þegar lið sem einfaldlega á að vera í toppbáráttu alltaf er komið á svona losing streak verður mórallinn svo slappur að það má nánast henda taktínni út um gluggann. Alveg eins og það á ekki að rótera winning formúlu á að brydda duglega upp á tapformúlu. Af hverju er Maxi á bekknum? Af hverju var Sterling ekki í hópnum?

    YNWA!

  72. Bara ef lífið væri svo gott að eg gæti hætt að halda með þessu drullu metnaðarlausu aumingjum sem lið mitt fra eigendum ofan i skópússara virðist vera… eg því miður get það ekki þar sem liverpool er i blóði mínu og eg mun aldrei geta hætt að halda með þeim þótt eg vildi að eg gæti það. Eg man þegar pabbi hringdi i mog i halleik 25 mai 2005 fra benidorm og eg hraunaði hann fyrir að hafa latið mig halda með þessum drulluklubb sem hafði latið mig þjàst þa i ein 12-13 àr, auðvitað heyrdi eg i kallinum aftur eftir leik gratandi ur gleði og þakkaði honum fyrir að hafa latið mig halda með þessu liði, eg hafði gleymt þjaningunum og uppskat mestu gleðistund ævi minnar og su stund verður aldrei toppuð og stundin þegar eg eignaðist dóttur mina 2009 var langt fra þvi að vera jafn goð og þessi kvoldstund 25 mai 2005. Juju 2006 kom ein dolla en siðan þa verdur utlitið svartara og svartara og svo svart að united vinir minir eru fyrir longu hættir að bögga mig þeir vorkenna mer svo mikið fyror að vera dæmdur til þess að halda með jafn ömurlegu og metnaðarlausu liði. Hvernig stendur a þvi að john henry geri ekkert i malinu? Hvað er kenny að gera enn við stjórnina? Af hverju var þetta ömurlega lið okkar ekki styrkt i januar þegar það augljoslega þurfti a þvi að halda? Hvad er henry betri en gillett og hicks? Ekki se eg það ennþa allaveganna, hann virðist ekki hafa metnaðinn sem hann sagdist hafa daginn sem hann keypti felagið. Af hverju eru þeir ekki byrjaðir að byggja leikvanginn sem þeir lofuðu? Af hverju rekur hann ekki stjorann eijs og flest lið gera þegar gengið er þessu líkt? Nei eg bara spyr. Henry þarf að atta sig a þvi að liðið þarf lagmark 100-150 milljonir i sumar ef hann vill keppa um sæti 1-4, þetta sagdi eg lika her i fyrra að þyrfti siðasta sumar og ekki voru allir sammala þer en mer synist eg hafa haft rett fyrir mer þegar eg sagdi að það
    þyrfti 3-4 stk 25-40 milljon punda kalla en ekki nokkra meðalskussa. Þa vantar gæði og mikið af þeim. Eg gef henry sens i sumar en hef enga tru a honum held hann se sami ræfillinn og fiflin tvö sem voru a undan honum og hann se bara að hugsa um að græða peninga. Eg meika ekki ad horfa a eitt sumarið enn a okkat menn i metnaðarleysinu kaupa meðalskussana a medan city, united, chelseea og tottenham kaupa goðu kallana en vandinn er að eg elska enska boltann og mun aldrei geta hætt að halda með þessu liði okkar en eity skal eg glaðut segja og það er það að eg vildi oska þess að fyrsti buningurinn sem pabbi minn setti mg i 3 ara gamlan hefði verið treyja en treyja liverpool, eda oft a tiðum er eg a þeirri skoðun…. afsakið ef þessi texti er i kàssu og stafs villur, skrifað a síma….. afsakið lika reiði mína en stundum fær maður nóg. …. ov viðar skjoldal

  73. Þetta er alveg 100% örugglega spurning um hugarfar leikmanna. Hver einn og einasti leikmaður á að geta gert betur, og Kenny á að geta gert betur sem þjálfari.

    Hvort það sé rétt að skipta um þjálfara eða tiltekinn hluta leikmannahópsins er ekki gott að segja. Það er til þess að gera nýlega búið að gera það, og ekkert víst að það takist betur til að skipta um leikmenn núna. Plús það að við lendum í þessari chicken-and-egg dilemmu: bestu leikmennirnir vilja ekki koma út af því að liðið er ekki í Meistaradeildinni, og liðið kemst ekki í Meistaradeildina fyrr en árangurinn batnar. Maður hefur líka á tilfinningunni að þegar núverandi leikmenn eru í góðum gír geti þeir unnið hvaða lið sem er.

    Spurningin er: mun nýr þjálfari geta híft upp sjálfstraust leikmanna? Hver? Og hvernig?

  74. Newcastle slapp við víti og rautt spjald. Heildina litið áttu þeir því sigurinn ekki skilið þótt þeir hafi spilað mjög vel. Liverpool hefðu átt að vera beittari, kantarnir og vörnin voru sérstaklega slakir.

    Kenny Dalglish eitt ár í viðbót. Förum nú ekki að láta Evra og Ferguson málið velta kónginum úr sessi. Fylgjum stefnumörkum og enga skammtíma græðgi takk fyrir eða örvæntingu.

    YNWA

  75. Mikið er ég sammála mönnum sem tala um eintóma rómanrík. Því Liverpool Football Club er ekki að verða mikið meira en ein stór RÓMANTíK….

    Fornfrægt félag sem hefur ekki unnið deildina síðan á síðstu öld. Ráðum Kenny Dalglish aftur í klúbbinn sem augljóslega hefur ekki hundsvit á taktík (aldrei spiluð sú sama leik eftir leik), leikmannakaupum og hvernig á að stjórna alvöru fótboltaklúbbi. Fyrir utan þá djöfulsins vitleysu að kaupa eimtóma hæfileikalausa breska leikmenn. Það er engin tilviljun að enska landsliðið getur ekki neitt á alþjóðavettvangi, það endurspeglast bara í þeim leikmönnum sem enskir hafa upp á að bjóða.

    Svo tala menn alltaf um að Carroll hafi verið duglegur blablabla. Skiptir ekki nokkru máli þó að þú hlaupir út um allan völl ef þú getur ekki neitt í fótbolta. Sbr. Dirk Kuyt. Liverpool hefur unnið einn bikar síðan Kuyt kom til félagsins… Þvílíkur winner!

    Búnir að fjárfesta gríðarlega mikið í leikmenn sem styrkja liðið ekki neitt.
    Adam er langt frá því að vera betri en Mereiles.
    Carrol og Suarez eru lélegri saman en Torres var hjá klúbbnum.
    Svei mér þá er Konchesky er ekki bara jafn góður (lélegur) og Enrique.
    Shelvey miklu betri en Henderson.
    Hver er þessi Downing?

    Kominn tími til að sætta okkur við þá staðreynd að Kenny Dalglish getur ekki farið með Liverpool Football Club inn í framtíðina. Við þurfum þenkjandi stjóra með vit á nútíma-fótbolta og leikmannakaupum. Ekki gamlan skota sem veit allt um sjöunda áratuginn.

    Skelfilegt tímabil að verða búið, en mín tilfinning er samt að “lengi getur vont versnað”….

  76. #58 babu.. það er bara fokking grín að þú sért að verja miðlungsmennina downing og adam ennþá , bara gjörsamlega ótrúlegt að tala um þá útúr stöðu, downing hefur í allan vetur fyrir utan í örfáum leikjum spilað á vinstri kantinum. drullar reglulega uppá bak, og getur ekki tekið einn einasta bakvörð á , já þar á meðal tony hibbert, sem er lélegasti bakvörður í sögu pl … og það þarf ekkert að tala frekar um adam, allir með örlítið vit á fótbolta hafa afskrifað hann sem LFC leikmann

  77. Mér finnst fáránlegt að ég fái ekki 4 stig á enrique fyrir að halda hreinu í Fantasy!

  78. @Viðar Skjóldal – Ég vona að þitt fólk muni aldrei sjá eftirfarandi athugasemd: “…uppskat mestu gleðistund ævi minnar og su stund verður aldrei toppuð og stundin þegar eg eignaðist dóttur mina 2009 var langt fra þvi að vera jafn goð og þessi kvoldstund 25 mai 2005.”

  79. Enn og aftur….KK er og verður alltaf Legend hjá LFC. Hvað er bara til ráða núna? Horfumst í augu við hlutina eins og þeir eru. Sjálfstraustið í liðinu er í núlli. Liðið er 2-0 undir og fyrsta skiptingin kemur hvað á c.a. 70 mín.? Leikskipulagið er ekkert. Einstaklingsframtakið er ekkert. Hvaða leikmaður, annar en kannski Suarez reynir að taka mann á? Kemur ekkert úr hornspyrnum eða aukaspyrnum hjá okkur. Menn eins og hauslausar hænur út um allan völl. Þetta snýst ekki bara um einstaka leikmenn heldur líka leikskipulagið og sjálfstraust liðsins. Sé því miður ekki að hlutirnir séu að fara að breytast nema gripið verði til drastískra aðgerða. Vil samt taka fram að ég er ekki hrifinn af því að vera alltaf að skipta um þjálfara þegar á móti blæs….en come on, þetta er búið að vera alger hörmung eftir áramót. Það má samt ekki gleyma því að okkur vantar tvo bestu menn liðsins, Agger og auðvitað Lucas.

  80. 6 orð og 2 tölustafir.!!
    Kertafleyting við tjörnina á morgun klukkan 18.

    Býr einhver svo vel að eiga snöru handa mér? Ég bara meika ekki vinnuna á morgun.

  81. Já.

    Ég veit það ekki.

    Nú eru margir hérna, og ég þar á meðal búnir að greina ýmsar ástæður fyrir arfaslöku gengi okkar manna. Það byrjaði ekkert um áramót, það byrjaði töluvert fyrr, sennilega í fyrsta leik, þegar við áttum leiki gegn minni spámönnum og fengum lítið út úr þeim leikjum.

    Plúsinn þá var þó að við vorum að yfirspila andstæðingana, rétt eins og á köflum í dag. En þessir góðu kaflar hafa orðið sífellt styttri og gefið okkur sífellt minna, og nú er svo komið að sóknarleikurinn er orðinn mjög ráðleysislegur, ekki tekst að skapa þennan mýgrút af færum sem okkur tóks að klúðra svo eftirminnilega framan af tímabilinu. Það er orðið frekar einfalt að verjast liðinu og vonleysið svífur yfir vötnum. Vörnin er orðin míglek og Dalglish og Clarke virðast engin ráð hafa. Andstæðingarnir sjá þetta og nýta sér að við másum og blásum en þeir vita að þeir fá sín færi á móti okkur og nýta þau vel.

    Ég var svosem ekkert bjartsýnn fyrir þennan leik. Maður er samt fúll eftir svona tap, menn voru bara ekkert að spila vel upp til hópa.

    Ég er samt ósammála þeim sem vilja Dalglish burtu og enn eina yfirhalninguna í leikmannamálum. Þessi leikmannahópur er ágætur til að byggja ofan á. Þeir sem eru rétt við hóp núna geta farið ef aukin gæði koma inn í byrjunarliðið. Það vantar mikið þegar Johnson, Agger og Lucas eru ekki með en þeir sem ættu öllu jöfnu að halda byrjunarliðssæti sínu á næsta tímabili auk þessara eru Skrtel, Enrique og Gerrard. Aðrir þurfa verulega að hugsa sinn gang, og ekki síst hann Reina blessaður, sem þarf verulega yfirhalningu í sumar. Þetta spjald í dag var bara rjóminn á kökuna á ömurlegu tímabili hans. Og auðvitað Suarez og Carroll.

    Hvað varðar Kenny Dalglish, þá þarf hann og starfslið hans að skoða alvarlega hvað hefur farið úrskeiðis í vetur. Ég hef mínar skoðanir, ég hef grun um að æfingarnar séu gamaldags, 5-a-side, alltof stóran hluta vikunnar. Það vantar meiri taktík, föst leikatriði og “leiðindi” á æfingarnar. Menn verða að æfa hlaup og sendingar, “combination”, tímasetningar og slíkt. Ég er hreinlega efins um að það sé gert í nógu miklum mæli því maður sér önnur lið hitta mun betur á sína sóknarmenn, fyrstu og aðra bylgju. Ég hef líka grun um að Dalglish og Clarke ofmeti miðjumennina okkar allverulega. Ef Spearing er að spila þá þarf einfaldlega annan djúpan með honum og þá er uppálagt að spila 4-2-3-1. Hann ræður ekkert við að vera einn djúpur.

    En nóg að sinni, þetta er ömurlegt og ég er búinn að segja upp Stöð2Sport2 fyrir tímabilið. Það þýðir þó ekki að ég styðji ekki mína menn fram í rauðan dauðann. Það gerði maður þegar Souness var að hálfdrepa mann úr leiðindum og Houllier og þegar liðið hans Evans var að fá á sig 3-4 mörk í leik…

  82. Hjörtur th komment numer 104 .. auðvitað var kvoldið sem ég eignaðist dóttur mína frábært en hvað annað en ömurlega knattspyrnuliðið sem ég held með gat eyðilagt þá stund fyrir mér ? Mánudagskvöldið 24 ágúst 2009 var konan á fæðingardeildinni og ég líka nema ég var í sjónvarpsstofunni á landsspítalanum og sá okkar menn drulla á sig gegn Aston Villa 1-3 minnir mig og á Anfield, þetta var sennilega annar leikurinn á seasoni og ég sá þarna strax að seasonið yrði ömurlegt sem það svo varð, ég gat bara ekki verið í góðu skapi þetta kvöld enda með gríðarlegar væntingar fyrir leiktíðinni hjá okkar mönnum, sá fram á æislegt fæðingarorlof þar sem okkar menn myndu raka inn sigrum eftir að hafa náð öðru sæti í deildinni nokkrum mánuðum áður en á þessu augnabliki var það tekið frá mér, það eina jákvæða við þetta ömurlega mánudagskvöld var það að´eftir leikinn stormaði ég inná fæðingarstofuna þar sem konan var hvalin og klukkan sirka 21 og ég man að ég sagði við konuna það er eins gott fyrir þig að bíða með þetta barn fram yfir miðnætti, ég vill ekki að dóttir mín fæðist sama dag og ég sá mína drulla uppá bak og eyðileggja næstu vikur fyrir mér… Konan vard við bóninni og kom með dótturina skömmu eftir miðnætti og því miður eins og ég var sáttur með að hún hafi beðið fram yfir miðnætti þá bara var ömurlega knattspyrnuliðið mitt búið að setja mig í vont skap….

    Besta kvöld ævi minnar er klárlega eftir sigurinn í istanbúl það má þettta lið sem ég held með eiga að hafa gefið mér en á móti mega þeir líka eiga það að þeir hafa gefið mér MARGAR af mínum ömurlegustu stundum og niðurlægingum ævi minnar…

    ÉG HEIMTA metnað frá öllum í þessu félagi NÚNA…. John Henry sýndu eitthvað og það strax…. Mæli með að hann bjalli á Mourinho og segist vera með 150 milljón punda ávísun klára handa honum sem hann fær til að eyða í leikmenn plús það sem hann selur fyrir og strax á eftir því þakki hann dalglish fyrir vel unnin störf og setji hann í eitthvað notalegt sendiherra starf fyrir félagið aftur….

  83. Sælir félagar

    Já bölmóðurinn flæðir hér yfir síðuna og það er ekkert skrítið. Það er ekki ástæða til að skamma menn fyrir að vera verulega bölsýnir og leiðir eftir gengi okkar manna undanfarið. Það er bókstaflega ekkert lengur sem gleður mann í leik liðsins. Þeir leikkaflar sem manni fannst vera góðir og lofa góðu styttast og skila engum árangri frekar en endranær. því er mér spurn af hverju mega menn ekki vera fúlir yfir þessu. Það er ekk ástæða til að skammast yfir því.

    Hvað þeð varðar sem Ívar segir hér fyrir ofan er ég sammála honum um flest nema Enrique. Mér finnst hann afar slakur leikmaður og það hefur ekki breyst eftir leikinn í dag. Hvað hina varðar hafa þeir oft leikið betur en í dag og sérstaklega þó Gerrard. En það breytir því ekki að hann er frábær leikmaður þó eitthvað plagi hann þessa dagana eins og fleiri.

    Það er nú þannig.

    YNWA

  84. @108. Þú hlýtur að vera að djóka? Þessi pistill verður að vera grín hjá þér, please!

  85. Gaman að sjá að CAPS-LOCK herinn hefur engu gleymt. 🙂

    Slökum aðeins á. Goosfraba, Goosfraba. Goosfraba. Það vill enginn vera þessi gaur! http://www.youtube.com/watch?v=Fscuv4PIjws

    Það var algerlega vitað fyrir 2 mánuðum að meistaradeildin væri horfin úr augsýn og við öruggir í Evrópudeildina næsta tímabil. Höfum að engu að keppa í deildinni lengur og það sést á leik liðsins. Það eina sem ég hef áhuga núna á eru frammistöður Dalglish í blaðamannaviðtölum eftir tapleiki, hvernig hann tekur á greinilegum móralsvandræðum innan liðsins og FA-bikarinn. Annað er tilgangslaust að æsa sig yfir.

    Áfram Liverpool.

  86. Komment nr. 108 hlýtur nú að vera það allra sturlaðasta sem ég hef lesið lengi.

  87. Hahaha það þarf virkilega að taka komment 108 og ramma það inn einhvers staðar. Hrein og klár sturlun þar á ferðinni.

  88. Ég hef misst af sárafáum leikjum sl. 10 ár eða svo. Hef meira að segja langt ýmislegt á mig til þess að ná tilgangslausum æfingarleikjum á hverju sumri.

    En comment 108 veldur mér verulegum áhyggjum. Forgangsröðunin á þeim bænum virkilega virkilega röng. Sjúkleg hugsun og ég vona innilega að þetta sé einhver að “trolla”.

  89. Ætla ekki að ræða leikinn sem slíkan.

    Setningar eins og þær að menn “heimti að við eyðum *** milljónum punda (með þriggja stafa tölu) eru algerlega gerðar til þess að fá mig til að missa slag úr mínu hjarta, og að “John Henry sýni nú metnað”.

    Það er augljós vísbending um það að eigendum Chelsea og Man City er að takast það að eyðileggja fótboltann sem íþrótt, sem er eitthvað sem mér hefur vissulega þótt líklegt. Liverpool fótboltaklúbburinn skilaði metplús úr rekstri ef ég man rétt nú nýlega og sá hagnaður var ansi langt frá því að vera 100 milljón pund, held að hann hafi verið minna en 50 milljónir ef ég man rétt.

    John Henry var að mínu mati bara ansi hugrakkur að kaupa svo ofurskuldsett fyrirtæki sem Liverpool FC var, beinlínis tæknilega gjaldþrota, og snúa rekstrinum í þá átt sem hann hefur gert. Það er metnaður.

    Það er einfalt að standa á örgunum eftir að hafa keypt sér Liverpool búning á 12 þúsund krónur, sem er u.þ.b. 0,05% af vikulaunum Gerrard karlsins, og bara heimta það að reka og reka og kaupa og kaupa.

    Svoleiðis lið hefur Liverpool ekki verið og vonandi verður það ekki svoleiðis lið í nútíma eða framtíð. Slíkt skilar ekki miklu í mínum huga, það lið sem eitt getur keppt við ofurrisana er lið sem hefur farið þá leið að byggja upp innan frá jafnhliða utanfrá og stjórinn þeirra hefur verið við völd í 26 ár, líka þrjú titlalaus. Það er eina leiðin, nema að við viljum setja okkur lið í sömu stöðu og City og Chelsea, sem eru félög sem eru rekin í botnlausum taprekstri og háð vafasömum einstaklingum í rekstri. Um leið og vasarnir tæmast á þeim bæjum vita allir hvað verður.

    En allt slíkt virðist víkja hér þegar við töpum þessum leikjum í röð. Það er ógeðslega leiðinlegt að tapa leikjum og fá glottbros frá vinum sínum. En sá sundrungargrátur sem dynur þessa dagana, þar sem allir eru tilbúnir að reka þá sem eru fyrir og bara kaupa sér framtíð (sem gæti leitt til hruns) er ekki sá veruleiki sem leiðir til neins.

    Deildarkeppnin okkar er í “meltdown” fasa eins og Tomkins talaði um á sínum tíma. Fram á vor mun Dalglish horfa upp á leikmennina sína og sjá hverjir ná að snúa sínu eigin blaði við og verða verðir þess að leika í treyjunni. Skulum ekki gleyma því að margir þarna voru ansi vafasamir líka á síðustu vikum Rafa og satt að segja sá ég þá nú fæsta spila betur undir stjórn Hodgson.

    Það eru vissulega stór spurningamerki, en alls ekki bara um þjálfarann. Tíminn núna frá áramótum er ansi magnaður sálfræðilega, fyrst með stærsta áfanga í fimm ár og síðan versta árangri í deild bara ansi hreint lengi. Á hverri einustu æfingu verða menn að sýna fram á hvað þeir geta og síðan klára leikina sína, nýta þau tækifæri sem gefast og halda haus.

    Þetta eru engin geimvísindi og a.m.k. 85% í fótum leikmannana sem eru að spila. Það að ná að einbeita sér að því að rífa þá niður frá mínútu eitt. Er það að skila einhverju? Auðvitað veit ég að þeir vita fæstir hvað við erum að hugsa um á Íslandi, en við hljótum að gefa tóninn.

    Og ég ætla að fá að vera á þeirri skoðun að sá tónn sé falskur. Leiðin út úr mótlæti er ekki að grafa hausinn í gólfinu.

  90. Ég mælist til að umsjónamenn síðunnar ættu að gera Viðari Skjóldal #108 þann greiða að fjarlægja ummælin nema þetta sé tilraun til að vera fyndinn 1. apríl.

    Hvernig að misgóð frammistaða LFC getur eyðilagt hamingju manns sem eignast heilbrigð börn með konunni sinni er óskiljanlegt! Fótbolti skiptir meira máli en lífið sagði Bill Shankly en þetta er to much.

    Strákar, takið þetta út; þetta er særandi fyrir aðstandendur þessa blessaða manns.

  91. Tek undir með Guederian. Eigendur kop.is ég biðla til ykkar að taka mínar athugasemdir og eyða þeim og að sjálfsögðu að eyða athugasemdunum tveimur hjá Viðari.

    Takk fyrir.

  92. #108 Það er naumast hvað forgangsröðunin er ekki alveg eins og flestir myndu hafa hana… Mjög furðulegt

  93. jahà. Liverpool nr 1… Fjölskyldan nr…? Tetta er natturulega sturlun!!!

  94. “Dalglish wanders in like a senile old man. Gerrard shoos the king away.”
    http://www.101greatgoals.com/gvideos/steven-gerrard-shoos-kenny-dalglish-off-the-pitch-newcastle-2-liverpool-0/

    Hjó einmitt eftir þessu atviki þegar ég sá leikinn. Rosaleg óvirðing og pirringur sem Steven Gerrard er þarna að sýna yfirmanni sínum Kenny Dalglish. Eiginlega alveg ótrúlegt að sjá þetta. Það er augljóslega eitthvað stjarnfræðilegt búið að ganga á bakvið tjöldin sem við höfum ekki frétt af og skýrir betur hörmulegan gang liðsins. Dalglish virkar líka voða daufur í dálkinn í viðtölum eftir leiki núorðið. Hljómar eins og maður sem er við það eða búinn að missa búningsklefann og virðingu mikilvægra leikmanna og veit af því.

    Hérna er svo Jonjo Shelvey að segja Carroll að drullast inní hel***** boxið.
    http://www.101greatgoals.com/gvideos/jonjo-shelvey-tells-andy-carroll-to-get-in-the-fing-box/
    Sóknarleikur Liverpool 2012 í hnotskurn.

    Þetta er ekki eðlilegt. Þessi leikmannahópur getur spilað svo miklu miklu betur. Ég hallast æ meir af því að núverandi ástand sé á ábyrgð Dalglish fremur en leikmanna.

  95. Já,. þetta var ekki skynsamleg frammistaða hjá okkar mönnum. En að vera stuðningsmaður Liverpool er mikið meira en að horfa á þá á góðum degi. Tímabilið var búið hjá okkar mönnum fyrir nokkrum leikjum síðan en samt sest maður fyrir framan sjónvarpið og horfir á þá um hverja helgi. Við megum ekki missa okkur niður í eitthvað volæði. Það hjálpar engum. Við eigum ennþá séns á okkar öðrum titli á leiktíðinni og það er meira en nánast öll liðin í deildinni geta státað sig af. Ég er alveg sammála flestum hérna að ofan að breytinga er þörf en þær verða ekki gerðar fyrr en í sumar. Þangað til verður að stappa stálinu í núverandi mannskap og við sem stuðningsmenn verðum að taka þátt í þeirri baráttu.

    Ég hef allaveganna ekki gefist upp.

  96. Ef kona nr 108 les þetta, þá efast ég um að hann fái ‘sugu yfir seinfeld’ á næstunni.

  97. Jæja, góðir hálsar.

    Ég sá Arsenal leikinn. Það var ótrúlegt að við skyldum ekki klára þann leik. Sá ekki leikinn gegn Sunderland. Ég sá Everton leikinn og Stoke leikinn. Ég þurfti að hætta að horfa á QPR leikinn í stöðunni 2-0 til að fara á æfingu. Síðan hef ég verið að standsetja íbúð og því ekki getað horft á síðustu 2 leiki. Guð, hvað ég er feginn að hafa ekki þurft að upplifa þá. Fékk bara alltaf óþægileg sms skeyti frá úrslitaþjónustu Símans.

    Ástandið er vægast sagt slæmt. Ég hélt einhvernveginn að Dalglish myndi spila sóknarbolta, en Liverpool er með 3 mörk í plús í deildinni. Ég hef verið þolinmóður og beðið með að örvænta, en nú eru Everton fyrir ofan okkur í deildinni. Þá er ljóst að mig langar til að ýta á CAPS LOCK og hamra gremjulega á lyklaborðið.

    En ég geri það ekki. Kæru félagar, það er freistandi að kalla þá sem commenta misgáfulegt hér inni hálfvita. Það er líka freistandi að drulla yfir stjórann, leikmennina, eigendurna, læknana, aðstoðarþjálfara, starfsfólk í mötuneytinu, vallarvörðinn og fólkið í miðasölunni á anfield.

    Ekki gera það. Ekki segja heldur að við verðum að vinna næsta leik. Við ÆTLUM að vinna næsta leik og við ÆTLUM að hafa trú á okkar mönnum það sem eftir lifir leiktíðar. Vissulega eru til leikmenn sem eru betri í fótbolta en þeir leikmenn sem núna eru í Liverpool. Þá verður bara að hafa það. En ég held samt með þessum leikmönnum, því ég hef ekkert betra.

    Ef ég vissi númerið hjá Kenny, þá myndi ég hringja í hann og minna hann á að það er skylda hans að taka menn úr liðinu sem eru að spila illa og setja þá á bekkinn. Hann var miskunnarlaus í að taka menn úr liðinu þegar hann var síðast stjóri hjá Liverpool. Hann þarf að minna sjálfan sig á það að enginn leikmaður er stærri en liðið. Þetta er einfalt, þeir sem eru að spila illa munu ekki spila betur bara við það að vera alltaf í liðinu. Þeir þurfa kannski hvíld og smá bekkjarsetu til að ná áttum og koma svo sterkir inn á nýjan leik.

    Þegar ég lít á heildina yfir þennan hóp, þá finnst mér hann vera nógu góður til að gera atlögu að meistaradeildarsæti. Það hefur bara allt gengið okkur í mót í deildinni á þessu tímabili og þetta vitið þið. Mótlætið er núna farið að hafa mjög slæm áhrif á leikmennina, eins og highlights úr síðasta leik benda til.

    Stjórinn verður ekkert rekinn á þessarri stundu. Það er ekki hægt að kaupa leikmenn núna. Hættum að eyða orkunni í að tuða yfir þessu. Næsti leikur er það sem skiptir máli núna og við skulum ekki hugsa um neitt annað. Verkefni allra Liverpool manna um allan heim er nú að hafa trú á stjóranum og liðinu það sem eftir lifir leiktíðar. Ekki orð um það meir!

    Áfram Liverpool!!!

  98. Því fyrr sem gerrard og carra drulla sér í burtu því betra smákóngar sem hafa varla unnið neitt að viti kk er líklega eini maðurinn sem er stærri enn liverpool fc vann allavega eithvað af viti það er einn stjóri ekki þrír hvaða rök eru fyrir því að carra sé í liði getur ekki blautan og sg á leik og leik .carra og gerrard eru meira vandamál enn menn halda smákóngar sem þarf að losna við ef það á að fara að líta til framtíðar.

  99. #120: Veit ekki til þess að framkvæmdastjóri megi fara inn á völlinn og sýnist Gerrard bara vera að koma honum út áður en vandræði hljótast af.

  100. Mikið væri nú gaman ef stuðningsmenn Liverpool tækju sig saman og sendu skeyti á liðið, eitthvað á þessa leið:

    “Við höfum fulla trú á ykkur, og stöndum við bakið á ykkur. Við hlökkum til þegar þið sýnið hvað virkilega í ykkur býr. ”

    Eða eitthvað í þá áttina.

    Allavega eitthvað sem væri til þess fallið að ýta undir sjálfstraust leikmanna. Við hljótum að geta gert eitthvað. Og þá meina ég eitthvað annað en að drulla yfir leikmenn á spjallborðum.

  101. Enn og aftur tekst mönnum hér að ná nýjum lægðum í kommentum á þessari síðu. Sem betur fer eru menn hér eins og Maggi og fleiri sem geta horft pínu raunsætt á þessi mál.
    Vandamál Liverpool er klárlega eitthvað meira en bara það að Dalglish sem útbrunninn þjálfari. Bara til að rifja upp fyrir mönnum þá var Liverpool í 6. sæti í fyrra og 7. sæti árið þar á undan og það bendir allt til þess að liðið verði á svipuðum stað þetta árið. Á þessum tíma hafa 3 þjálfarar verið við stjórnvölin eða jafn margir og voru við stjórnvölin frá ´91 til ´04. Liverpool hefur verið klúbbur sem var þekktur fyrir það að vera ekki mikið að reka þjálfara og það hefur marg oft verið talað um the Liverpool way. En núna á allt í einu að stefna að því að vera með sömu stefnu í þálfaramálum og Chelsea.

    Ég get alveg skilið það að menn efast um að Dalglish sé rétti maðurinn í starfið útaf þessum úrslitum sem hafa verið að koma núna í síðustu leikjum. En allt tal um að nú þurfi að fara að hreins til og henda út hálfu liðinu og skipta um allt frá þjálfara í vatnsberana er út í hött. Halda menn virkilega að liðið muni ná einhverjum árángri á þann hátt? Halda menn að þetta virki bara eins og í FM og menn sem eru að spila fótbolta séu bara vélmenni?

    Ég man eftir umræðunni í sumar þegar menn sáu hverjir voru keyptir og þá voru menn að tala um að þetta væru nú allt gæða leikmenn og fáir voru að gagnrýna þessi kaup ekki nema þá bara fyrir það hvað þeir kostuðu. Flestir voru nú sammála um að þetta væru gæðaleikmenn sem myndu styrkja liðið. Núna eru þetta allt aumingjar sem eiga bara að spila í 1.st deildinni eða neðar og lélegustu kaup aldarinnar eða frá sögu Liverpool og ég veit ekki hvað.
    Það er klárlega eitthvað að hjá Liverpool því ég man t.d ekki eftir því að það hafi verið keyptur breskur leikmaður til liðsins sem hefur náð að blómstra hjá Liverpool og hafa þó nokkur stór nöfn verið keypt til liðsins undan farin ár.
    Harry Kewell (veit að hann er ástrali en er alinn upp knattspyrnulega á Englandi),
    Robbie Keane, Peter Crouch, Craig Bellamy (þegar hann kom fyrst), Emile Heskey og sjálfsagt einhverjir fleiri sem ég man ekki eftir í augnablikinu. Þetta finnst mér mjög skrítið og maður spyr sig afhverju þetta sé. Það er hins vegar alltaf gott að vera vitur eftir á og segjast hafa vitað það að þessir leikmenn væru lélegir.

    Liverpool er í uppbyggingar ferli og eins og ég og fleiri hafa bent á þá mun það taka tíma að byggja það aftur upp. Maður byggir ekki upp með því að hreinsa út á hverju ári og skipta líka um þjálfar hvert ár það telst ekki uppbygging heldur tryggir það stöðnun eða í besta falli að uppbyggingin mun taka mun lengri tíma. Ég held að það sé alveg ljóst að Liverpool er ekki að fara vinna deildina næstu 2-3 árin (jafnvel lengur) alveg sama hvaða þjálfari verði ráðinn til liðsins. Ef menn hafa ekki þolinmæðina til þess að bíða eftir því þá er mjög gott að fara að styðja lið eins og City eða jafn vel Man U. Það er alveg kominn tími til að menn hætti að haga sér eins og ofdekraðir krakkar og heimti hitt og þetta.

    Liverpool er búið að vinna einn titil í vetur og á góða möguleika á að vinna annan þannig að liðið er nú þegar búið að tryggja það að vinna fleiri titla en annað hvort Manchester liðið og gæti tryggt að vera með fleiri titla en þau tvö til samans þetta árið. Fyrir mér gæti mér ekki verið meira sama hvort Liverpool verði í 12 eða 5 sæti því á næstu leiktíð kemur það ekki til með að skipta neinu máli. Bikara eru hins vegar eitthvað sem menn muna eftir og við Liverpool aðdáendur eigum góða möguleika á að fagna tveimur bikarsigrum á þessari leiktíð það hlýtur að geta fært bros á varir manna.

  102. já, það er athyglivert, að síðustu 3 tímabil, undir stjórn þriggja stjóra hefur gengið í deildinni verið skelfilegt. Allir voru sammála því að fyrrverandi eigendur bæru mikla ábyrgð á því og um það verður ekki deilt, Rafa var umdeildur og Hogdson fékk varla tækifæri, en ljóst var, strax frá upphafi að Roy var ekki rétti maðurinn í starfið. Nýir eigendur, með kónginn við stjórn náðu að rétta skútuna örlítið við en frammistaða liðsins á þessu ári er sú versta í manna minnum. Á árinu höfum við spilað 12 leiki í deildinni og uppskeran er skitin 8 stig.

    Talandi um fyrirliðann okkar þá eru vissulega farnar að renna á mann tvær grímur. Vandamál LFC snéru ekki einungis að ömurlegum eigendum, Rafa & Roy. Allan þennan tíma hefur frammistaða Gerrards verið langt undir væntingum. Vissulega var hann einn besti knattspyrnumaður heims árið 2009 en síðan hefur leiðin legið hratt niður á við. Inn á milli hafa komið fínir stuttir kaflar, en sjaldnast hefur hann átt fleiri en tvo góða leiki í röð, og á þessum þremur árum hefur það ekki oft gerst að liðið vinni fleiri en 3 leiki í röð. Eftir 1-2 sigurleiki vanmetur liðið ávallt andstæðinga sína í neðri hluta töflunnar, og finnst mér Gerrard yfirleitt í þeim leikjum vera fyrsti maður til að hengja haus, og oft á tíðum hef ég haft á tilfinningunni að nærvera hans eitri út frá sér.

    Á síðasta tímabili batnaði spilamennskan töluvert með tilkomu Kenny,,, þá var Gerrard víðs fjarri, og gengið fram að áramótum var að mörgu leyti sæmilegt,, þó ekki gott, en oft fannst manni lítið vanta uppá. Eftir að fyrirliðinn kom til baka hefur gengið ekkert batnað, heldur snarversnað. Vissulega hefur liðið bæði spilað illa án hans og leikið vel með hann innanborðs, sbr. Everton leikurinn og fjarvera Lucasar hefur haft slæm áhrif.

    Maður las að köldu hafa andað milli Rafa og Gerrards á síðasta tímabili þess fyrr nefnda, og ef slík samskiptavandamál hafa áhrif á frammistöðuna inni á vellinu þá er ljóst að maðurinn er ekki karakter til að bera fyrirliðabandið. Frammistaða Gerrards undir stjórn Hodgson var honum persónulega til skammar, en samt var það stjórinn sem fékk allar skammirnar.

    Vissulega má skoða aðra þætti eins og meiðsli Gerrards sem hafa óneitanlega sett strik í reikninginn. En það breytir ekki skoðun minni að mér finnst eins og hann gangi manna fremst í að vanmeta smærri lið, enda hefur frammistaða liðsins, gegn minni liðum verið óásættanleg, alla hans fyrirliðatíð, eða síðan 2003, undir 4 stjórum, sem ávallt hafa tekið skellinn.(og hrósrið reyndar líka þegar það á við, því enginn deilir um að í mikilvægum leikjum hefur Gerrard oftast staðið sig frábærlega)

    Ég var líka hissa á umræðunni hérna þegar menn hneyksluðust á að Gerrard hafi ekki verið valinn fyrirliði landsliðsins. Hér er um að ræða mann sem hefur aldrei staðið undur væntingum með landsliðinu og hingað til brugðist á öllum stórmótum. Burt séð frá hæfni Scott Parker til að bera bandið.

    Ekkert breytir að Gerrard er frábær knattspyrnumaður og var á tímabili einn sá besti í heiminum. Það sem leikmenn eins og Lampard og Scholes hafa alla tíð haft fram yfir hann er það að komið hafa tímabil sem Lampard og Scholes hafa átt allt að 50 góða leiki í röð, og slæmu leikirnir sjaldan margir.

    Gerrard ætti samt að eiga töluvert eftir sem leikmaður, en hefðu hann og Liverpool ekki gott af því að skiljast næsta sumar, þegar enn eitt uppbyggingarskeiðið mun líklegast hefjast með nýjum stjóra?

    Það sama á við um Carragher. Síðustu 3 tímabil hefur hann verið slappur og gert fjöldamörg mistök sem hafa kostað okkur stig og í raun og veru skil ég ekki þá rómantík í kringum þetta hjarta hans. John Barnes, Ian Rush, Bruce Grobbelaar, Steve Nicol ofl. eru í mínum augum mun meiri hetjur en Carragher, en allir þessir leikmenn þurftu að finna sér ný lið þegar þeir fóru að eldast og duttu út úr Liverpool liðinu. Hvers vegna ekki Carragher sem í ofan á lag er að hriða 90 þús. pund á viku? Enginn deilir um að maðurinn er ekki lengur nægilega góður til að spila í byrjunarliðinu. Gætum fengið heimsklassa leikmann inn fyrir þau laun.

  103. First thing’s first. Leikurinn.

    Engin ósköp út á uppstillinguna að setja nema hvað að ég tel Spearing of slakan leikmann til að vera fastamaður í alvöru liði. Fylgist með því í báðum mörkunum hvernig Ben Arfa fíflar hann og flýgur framhjá honum eins og ekkert sé. Í þriggja manna miðju fannst mér ekki þörf á Spearing (sérstaklega í þessu formi) og hefði alveg viljað sjá Henderson þar í staðinn. Vera með þrjá boltaspilandi miðjumenn og athuga hvort að það myndi ekki bæta sóknarflæðið. Svo hefði Sterling átt að vera á bekknum eftir fína innkomu í síðasta leik.

    Jákvætt við leikinn var fín frammistaða Shelvey á köflum og hann sýndi vilja til að spila boltanum fram á við. Mér finnst hann vera vaxandi og mætti fá fleiri sénsa. Carroll var grimmur og líflegur í fyrri hálfleik en þetta var alls ekki hans dagur þrátt fyrir það. Flanagan var þokkalegur og er að læra sitt hlutverk. Ennþá efnilegur framtíðarleikmaður og góður skóli fyrir hann. Fleira var ekki jákvætt.

    Neikvætt…. allt annað við leikinn. Frammistaða allra annarra var ámælisverð, sérstaklega hjá lykilmönnum. Taktíkin var bærileg á köflum en menn misstu of oft einbeitinguna og fóru að bomba löngum boltum á Carroll. Einnig er eitthvað að í móralnum þegar Reina er að missa sig og fúkyrðin eru að fjúka manna á milli. Ekki gott.

    KK fær líka falleinkunn fyrir að bregðast ekki við fyrr en allt of seint. NUFC kemst í 2-0 á 59. mín. en hann bíður í korter með að gera breytingar, þrátt fyrir algert andleysi og vonleysi inni á vellinum! Og breytingarnar?? Enginn sérstakur sóknarhugur til að reyna að bjarga einhverju og fækkaði sóknarmönnum ef eitthvað var. En þetta er ekki í fyrsta sinn í vetur sem KK er slakur á hliðarlínunni og ekki með puttann á púlsinum.

    Svo fannst mér viðtalið eftir leik ekki beint öflugt frekar en fyrri daginn. Sem betur fer var engin aum afsökun í boði í þetta skiptið en karlinn virkaði ráðalaus. Var eins og hann þyrði hvorki að skamma né styðja Carroll og Reina fyrir að missa stjórn á sér og úr varð eitthvað hálft í hvoru. Ekki sterkt.

    Jæja, leikurinn afgreiddur. Tjái mig síðar um heildarmyndina.

  104. Það er ekki hægt að taka einn eða tvo menn út og kenna um slakt gengi. Það bera allir sameiginlega ábyrgð. Það er ljóður á ráði margra þeirra sem tjá sig hérna að taka menn fyrir og rakka þá niður. Ég er þar auðvitað ekki undan skilinn en það gerir ekki verknaðinn skárri fyrir vikið.

    Þetta snýst um að greina orsök frá afleiðingu. Sjálfur hef ég komist á þá skoðun eftir langa umhugsun að Kenny hafi ekki verið tilbúinn í starfið. Vissulega kom halo effect þegar hann tekur við og svo sannarlega hefur Kenny að mörgu leyti staðið sig frábærlega. Gleymum því aldrei að Kenny, Carra, Gerrard o.fl. eru synir LFC og ótrúlega lélegt að menn geri lítið úr þessum frábæru einstaklingum.

    Kenny tók við LFC á ögurstundu. Það hefði verið auðvelt að halda áfram að spila golf eða mæta í kokteila til að tjatta sem ambassador LFC; þess í stað tók Kenny slaginn eins og sannur karlmaður. Ég mun a.m.k. ekki gleyma því; aldrei.

    EN það hefur ekki dugað til og deildin hefur algjörlega sökkað og við því verður að leita skýringa. Ég hef mínar tilgátur og hef sett þær fram á þessum þræði.

    Eftirá að hyggja tel ég að Kenny hafi ekki verið klár í byggja upp liðið. Er það sök kóngsins? Að hluta en líka þeirra sem réðu hann. Kenny hefur örugglega talið að hann væri að gera rétt. Það getur á hinn bóginn engin verið dómari í eigin sök og í baksýnisspeglinum sér maður að það stappar geggjun næst að ráða miðaldra mann sem ekki hefur þjálfað í meira en áratug og fela honum, á þeim tíma, erfiðasta þjálfarastarf á Englandi. Vera má að FSG hafi hreinlega ekki áttað sig á hvað leikurinn hefur þróast mikið eftir að Barca o.fl. lið þróuðu Cruyff stílinn til þess sem hann er í dag og hefur skilið England eftir á þróunarbrautinni eins og almennt er viðurkennt held ég.

    EN so be it, water under the bridge. Núna er einfaldlega að halda áfram og byggja á því sem hófst með því að Kenny tók við. Þetta gat aldrei orðið auðvelt en við púlarar megum ekki gera andstæðingum okkar þann óleik að pönkast á okkar bestu sonum.

  105. Sælir félagar

    Það eru mörg komment hér inni sem eru býsna góð og málefnalegt innlegg í umræðuna um stöðu liðsins, hvað er að og hvað sé til ráða. Þessi innlegg ber ekki öll að sama brunni og skríbentar eru ekki allir sammála um ástæður, leikmenn, stjóra og úrræði. Ekki ætla ég að gerast dómari í þessum málum en augljóst er að eitthvað mikið er að hjá klúbbnum. Og menn vilja ræða það og skilja.

    Það væri því tilvalið að taka nýjan þráð um málefni klúbbsins og pælingar um hvað sé að og hvað sé til ráða í bráð og lengd. Augljóst er að til skamms tíma er ekki mikið hægt að gera og verður að líkindum lítið gert fyrr en leiktíð lýkur. En eitthvað ætti að vera mögulegt að gera til að stoppa í stærstu götin á frammistöðu liðsins til vors.
    Hvað svo er til ráða er mikil ráðgáta því mér sýnist ljóst (og eðlilegt) að ekki verður farið að eyða hundruðum milljóna punda fyrir næstu leiktíð. Jú það er einnig ljóst að eitthvað þarf að kaupa en ég held að nýir eigendur muni ekki sukka á þeim vettvangi.

    En sem sagt taka upp nýjan þráð um nútíð og framtíð klúbbsins okkar. Vera með harða ritstýringu og krefjast málefnalegrar og rökstuddrar umræðu þar sem menn koma fram með raunhæfar hugmyndir og tillögur að lausnum á skilgreindum vandamálum.

    Það er nú þannig.

    YNWA

  106. Ekki er það glæsilegt. Svo sem 7 leikir eftir af tímabilinu til að gera betur… eða verr.

    http://www.guardian.co.uk/football/2012/apr/02/liverpool-dismal-league-campaign

    3 Liverpool have lost six of their last seven league games. The last time they endured such a poor run of form was in 1953-54, when they were relegated.

    6 Liverpool have never had a season in which both their points and goal per game ratios were so low. The closest is 1923-24, when they recorded 41 points in 42 games (0.98) and 49 goals (1.17).

    7 Liverpool’s home form has been particularly poor, winning only five of their 15 games at Anfield, or 33%. Again we need to go back to 1953-54 for the last time when they won so few, seven of 21 in the relegation season

  107. Þegar ástandið er eins og það er í dag dugar því miður ekki að líta til þess hverjir eru bestu synir Liverpool osfrv. og hvort það að taka að sér stjórasætið hafi verið hetjuskapur að hálfu KK eða ekki. Það verður hins vegar ekki litið framhjá hlutverki fyrirliða og varafyrirliða þegar árangurinn undir stjórn þriggja stjóra á sl. þrem árum er að öllu leyti óviðunandi. Og ég tel engann vera að gera lítið úr þessum mönnum með að setja spurningarmerki við framtíð þeirra og ábyrgð. Maður hefur t.d. lesið að vald Gerrard og Carragher sé óeðlilega mikið og nái út fyrir hlutverk þeirra sem fyrirliða.

    Vissulega liggur sökin víðar, en engu að síður er eðlilegt að menn velti því fyrir sér hvar rót vandans er að finna, því skýringarnar sem talað hefur verið um sl. ár hafa yfirleitt verið G&H, Roy Hodgson eða Benitez. Þeir eru allir farnir ásamt fjölmörgum öðrum leikmönnum. Fjárhagsáhyggjur eru ekki lengur til staðar en samt versnar gengi liðsins. Þetta er í það minnsta furðulegt

  108. Ég held menn ættu stundum að anda með nefinu áður en þeir fara að mynda sér skoðun á stöðu og horfum. Venjulegur áhorfandi sem sötrar bjór og borðar franskar í aðeins of þröngri Liverpool-treyju á íslenskum bar er ekki alltaf sérlega dómbær á bestu kostina í stöðunni þrátt fyrir að hann sé ofnæmur fyrir því sem aflaga fer. Ég held að margir stuðningsmenn liðsins þurfi að endurskoða sýna áhorfs- og stuðningstaktík. Það að vera sífellt að leita að blórabögglum – einhverjum einstökum leikmönnum sem kenna á um slakt gengi er t.d. eitthvað sem má missa sín. Það að hatast við Lucas í fyrradag, Carroll í gær og Gerrard í dag er fjandakornið engin stuðningsmennska – og, eins og dæmin sanna, alls ekki endilega réttlátt eða skynsamlegt.

    Mér finnst boltinn sem Dalglish er að reyna að innleiða flottur. Það koma núna reglulega sprettir þar sem menn gefa boltann hratt á milli og eru hættir að hanga með boltann í fimm sekúndur fyrir hverja sendingu sem síðan á helst að vera stoðsending. Leikmennirnir hafa síðan ótvíræða styrkleika. Suarez er góður í að troðast með boltann inn í teig. Carroll er góður í að ná valdi á boltanum með menn á bakinu. Bellamy er frábær í að hlaupa á hárréttum tíma af stað framhjá varnarmanni.

    Liðið er ekki eins gott í að vera tilbúið að fá boltann frá Suarez þegar hann er búinn að draga í sig tvo og kominn inn í teig, vera komið á sprettinum til að nýta plássið sem Carroll skapar eða gefa boltann á réttu augnabliki á Bellamy. Og liðið hættir ítrekað að hreyfa sig án boltans þegar líða fer á. Þá reynist hinu liðinu auðvelt að loka á góðar sendingar og skapa pressu á þann með boltann, sem stendur ráðalaus og leitar að sendingu sem hann ekki finnur. Þess vegna ratar boltinn of oft aftur á bak þegar kreppa fer að.

    En þegar menn gera það sem þeim er greinilega sagt – sem er að hreyfa sig án bolta, taka á móti og senda frá sér boltan í tveim-þrem snertingum, gefa hratt á milli upp við teig andstæðings og sprengja í gegn þá glittir í snilldina og fegurðina. Fegurðina sem er svo miklu mikilvægari en nokkur leikmaður sem hægt er að kaupa eða skipta inn á. Snilldina sem vinnur leiki þegar reyndin er sú að einstaka menn eru löngu hættir að geta það.

    Vandi Liverpool er sá sami og stuðningsmannanna: Uppgjöfin. Það vill svo til að liðið hefur efni á að þróa nýjan leikstíl. Það lærir enginn að ganga án þess að detta á bossann, það lærir enginn að hlaupa nema hrufla á sér hnén. Það skiptir enginn um leikstíl nema tapa nokkrum leikjum.

    Það er ekki leikstíll Dalglish sem er að tapa leikjum. Það er úthaldsleysi leikmanna og uppgjöfin. Það er óttinn sem augljóslega blossar upp þegar menn missa tökin á því sem þeir eru að gera. Það er örvæntingin sem krefst þess að í hverri deild séu a.m.k. sjö lið sem vinni hvern einasta leik, líka innbyrðis. Það er skorturinn á því að gefa hlutunum tíma. Það er tilfinningarússíbaninn sem fólkið umhverfis fótboltann er búið að tjóðra sig við.

    Slökum bara á. Reynum að landa dollum og fá sterka leikmenn þegar færi gefst – en reynum fyrst og fremst að styðja liðið okkar í því að spila betri bolta. Það er ástæða fyrir því að lið hafa hangið í varnarsinnuðum dúndrum-fram-völlinn bolta frá örófi. Hann er sú taktík sem skilar mestum árangri með minnstri hæfni.

    En það er líka ástæða fyrir því að Ajax vann alla leiki sem það spilaði eftir að menn þar fundu upp total football og að Barcelona fróar fótboltanördinum í okkur öllum. Ástæðan er sú að fegurðin er eina byltingaraflið í fótboltanum. Lengst af urðum við að láta okkur nægja að horfa á hana í einum og einum leikmanni sem geislaði af á meðan liðsfélagar hans voru bölvaðir þursar. En nú hefur skapast möguleikinn á að heil lið sindri.

    Menn eru enn voða uppteknir af snilligáfu einstaklinga og trúa því að betri framherji, varnarmaður eða knattspyrnustjóri muni skila þessu. Raunin er sú að með betri fótbolta geta meira að segja miðlungsslök lið stöðvað jafnvel stórkostlega einstaklinga. Maður þarf að búa til stórkostleg lið.

    Dalglish er að rembast við það. Hann er á frumstigum enn þá. Liðið skelfur í hnjánum og dettur reglulega á bossann. En hjá því verður ekki komist. Neikvæður andi umhverfis fótboltaklúbb er orðinn að verulega hættulegu afli umhverfis íþróttina. Lið sem er fast í tuði, neikvæðni, bauli og leiðindum og heimtar leynivopnið eins og Hitler í búnkernum festist í fari. Og fer brátt að fæla frá sér bæði fjármagn og fólk.

    Lið sem á stuðningsmenn sem veita raunverulega einhvern stuðning, hafa einhverja ástríðu og áhuga á því fallega við íþróttina eru þyngdar sinnar virði í gulli.

    Enginn klúbbur á neitt í líkingu við kop.is á Íslandi. Allir aðrir klúbbar eru dottnir í gamalgróið tuðfar og vanvirkni.

    Nú erum við pínu á leiðinni þangað.

    Það er vitlaus átt.

  109. Skoðið bara árangurinn hjá Ferguson fyrstu 5 árin: 11. sæti (voru í 4. sæti árinu áður), 2. sæti, 11. sæti, 13. sæti, 6. sæti.
    Öll árin var United að setja met í eyðslu í leikmenn.
    Markaðsdeild Utd var hins vegar að gera góða hluti og peningarnir fóru að flæða inn upp úr 1990 með hlutafélagavæðingu klúbbsins. Þannig að þrátt fyrir slæmt gengi varð klúbburinn sífellt ríkari.
    LFC hefur á köflum verið að spila frábæran bolta en vantar ennþá consistency. Liðið hefur núna misst allt sjálfstraust og gerir fullt af klaufamistökum.
    Hins vegar hefur liðið unnið titil og á ennþá möguleika á öðrum. Titlarnir telja in the long run, ekki sætin í deildinni.
    Það vantar fleiri flair leikmenn í sóknina og alvöru markamaskínu.

  110. #137

    Dottið í gamalgróið tuðfar og vanvirkni? Hefur þú verið að fylgjast með? Leikur liðsins er hruninn og orðinn ekki að engu. Liðið er andlaust og skorar ekki mörk. Hversu lengi ætla menn að tala um fína spilamennsku í tapleiknum á heimavelli gegn Arsenal? Stjórinn er úrræðalaus. Úthaldsleysi og uppgjöf eru að öllu leyti óásættanlegir þættir hjá liði sem er ekki í Evrópukeppni og maður hugsar með hryllingi til þreytunnar sem hefði hrjáð liðið værum við á annað borð í Evrópukeppni eins og liðin fyrir ofan okkur í töflunni hafa verið í vetur.

    Uppskeran á árinu er 8 stig af 36 mögulegum sem að Wolves liðinu undaskyldu sú versta í deildinni. Vissulega geta menn haldið í bjarsýnina og vonina um að ástandið lagist og árangur komi með kalda vatninu. Að vissu leyti var það gert í janúar með að gefa stjóranum og mannskapnum áframhaldandi traust. Að mínu mati er tími aðgerða framundan og ég spái því að framtíð LFC verði byggð upp á öðrum stjóra. Sjáum hvort Kenny og félagar hafa einhverjar lausnir fram að færa í næsta leik. Ef ekki, þá hvað?

  111. Kenny á aldrei eftir að komast með liðið á endastöð, það er staðreynd. Hann hefur ekki sýnt neitt sem bendir til annars.

    Hver getur sætt sig við annað svona tímabil.

  112. Gleymdi að lesa kommentið að ofan, yfir, sett það inn aftur”lagfært”.
    #137

    Dottið í gamalgróið tuðfar og vanvirkni? Hefur þú verið að fylgjast með? Leikur liðsins er hruninn og orðinn að engu. Liðið er andlaust og skorar ekki mörk. Hversu lengi ætla menn að tala um fína spilamennsku í tapleiknum á heimavelli gegn Arsenal of fleiri leikjum sem við höfum fengið að halda boltanum án þess að skora? Stjórinn er úrræðalaus. Úthaldsleysi og uppgjöf eru að öllu leyti óásættanlegir þættir hjá liði sem er ekki í Evrópukeppni og maður hugsar með hryllingi til þreytunnar sem hefði hrjáð liðið værum við á annað borð í Evrópukeppni eins og liðin fyrir ofan okkur í töflunni hafa verið í vetur.

    Uppskeran á árinu er 8 stig af 36 mögulegum sem að Wolves liðinu undaskyldu er sú versta í deildinni. Vissulega geta menn haldið í bjartsýnina og vonina um að ástandið lagist og árangur komi með kalda vatninu. Að vissu leyti var það gert í janúar með að gefa stjóranum og mannskapnum áframhaldandi traust. Að mínu mati er tími aðgerða framundan og ég spái því að framtíð LFC verði byggð upp á öðrum stjóra. Sjáum hvort Kenny og félagar hafa einhverjar lausnir fram að færa í næsta leik. Ef ekki, þá hvað?

  113. @ Gummi (#138)

    Gummi, getur þú nefnt mér fleiri sambærileg dæmi en Fergie þar sem 6-7 ára bið hefur skilað ríkulegum verðlaunum? Hins vegar er til fjöldinn allur af nýlegum dæmum um lið sem ná góðum árangri á fyrstu 1-2 árunum með stjóraskiptum. Wenger, Mourinho, Ancelotti, Benitez (LFC og Valencia) o.fl. o.fl. Er einhver sérstök dyggð að berja höfðinu við steininn? Fengi maður ekki höfuðverk á slíku, sérstaklega með höfuðsteinabarsmíð í 6-7 ár?

    Ég setti svarið hér fyrir neðan fyrir ca. viku síðan varðandi Fergie. Á vel við að endurtaka þá vangaveltu.

    “Er Ferguson-fresturinn ekki margnotuðustu rök allra tíma gegn brottrekstri stjóra? Hversu oft hefur þetta verið rökstutt sem ríkuleg verðlaun fyrir þolinmæði og tryggð sem margborgar sig?

    En málið er að þetta er ansi einstakt í sögunni enda sörinn ansi einstakt fyrirbæri í fótboltanum. Þetta er engin formúla til að eltast við og sagan verður ekkert endurtekin útaf óskhyggju. Hvert mál og hver stjóri er kapituli út af fyrir sig og þarf að vega meta óháð Ferguson.

    Átti Souness og Hodgson að fá 6 ár?? Auðvitað ekki. Eins ágæt og þolinmæðisrökin eru þá eru alveg jafn sterk rök fyrir því að drífa í því að losa sig við stjóra sem nokkuð útséð er með að sé ekki nógu góður eða að annar stjóri gæti líklega gert betur. Í sjálfu sér er ekkert útséð með það hjá KK enda er tímabilið ekki enn búið og gæti brugðið til beggja vona. Þess vegna eru stuðningsmenn margklofnir og áhugavert að sjá að það sem af er könnunarinnar hér að ofan þá er rétt rúmlega þriðjungur sem vill halda KK.

    En til að afgreiða Ferguson-formúluna þá þarf að taka nokkra hluti fram:

    Þegar Ferguson tók við ManYoo á miðju tímabilið árið 1986 þá var hann bráðefnilegur 45 ára stjóri sem hafði unnið 10 titla á 8 árum með Aberdeen (þ.m.t. 3 deildartitla og 2 í Evrópu). Það má segja að hann hafi verið mjög líkur Rafa að því leyti að vera einn eftirsóttasti stjórinn á þeim tíma með frábært record og þá sérstaklega í að brjóta upp einokun stórvelda í heimalandinu.

    Á fyrsta heila tímabilinu sínu þá endað ManYoo í 2.sæti (1987-88) á eftir Liverpool og það gaf vísbendingu um hans getu. Næstu tvö tímabil voru klárlega slök í deildinni en hann var að gera góða hluti með uppbyggingu og innkaup á ungu liði (Bruce, McClair, Pallister, Ince). Hann var klárlega valtur í sessi eins og frægt er orðið þegar kom að bikarleik árið 1990 en hann vann þann leik og bikarinn sjálfan þannig að í raun var eðlilegt að hann fengi gálgafrest. Næstu tvö tímabil vann hann silfur á hverju ári (Cup Winners Cup, Super Cup og League Cup) og því eðlilegt að hann væri enn stjórnvölinn er hann braut múrinn í deildinni árið 1993.

    Á þessum árum var heldur ekki sú gulrót að 4.sæti tryggði gullpott í aðalkeppni álfunnar þannig að oft fór deildarformið til fjandans þegar ljóst var að lið væru ekki að keppa um titilinn það árið. ManYoo voru líka í þeirri sömu tilvistarkreppu og LFC er núna hafandi ekki unnið deildina í meira en tvo áratugi. Við viljum auðvitað ekki hafa hina ömurlegu stefnu Chelskí en það er engin sérstök hætta á því sama hvernig fer með KK enda allt öðru vísi þenkjandi eigendur og stuðningsmenn hjá LFC.

    Áður en Kenny var ráðinn þá vildi ég fá ungan, ferskan stjóra með winning record líkt og Rafa er hann kom fyrst til Anfield. Einhvern með blússandi sjálfstraust, nýjar lausnir en þó mann með virðingu og vegsemd. Fyrir mér var Kenny meira bakköpp-plan ef enginn annar góður fengist og hann var rétta ráðningin á eftir Hodgson þó að ég hefði verið til í að sjá Rijkaard spreyta sig á þessu enda atvinnulaus á þeim tíma. Brilljant byrjun tryggði honum fastráðningu og fyrsta tímabilið hefur sannað hans kosti en líka opinberað gömlu gallana. Kannski má segja að hans framtíð sem stjóra LFC hangi hálft í hvoru á einum bikarleik líkt og hjá Ferguson forðum daga. En hann þarf þá líka helst að endurtaka söguna og vinna dolluna til að gulltryggja sér gálgafrestinn og afsanna efasemdirnar. Sviðið er hans. Sjáum hvað setur. Ég óska honum og Liverpool að sjálfsögðu velgengni 🙂

    YNWA”

  114. BB 73#

    Það er kolrangt hjá þér að þetta hafi ekki verið rangstaða. Það er enginn annar Newcastle maður sem kemur við boltann á leiðinni svo þetta er pjúra rangstaða.

    Hér er svo mat Graham Poll, fyrrverandi dómara, á atvikum leiksins. Þar kemur m.a. fram að þetta var klár rangstsaða.

    Liverpool penalty appeal: Penalty, plus a red card for Danny Simpson. After Andy Carroll knocked the ball towards goal, Simpson, the Newcastle defender on the post, moves his arm deliberately and prevents the ball crossing the line.
    Almost impossible for referee Martin Atkinson to see, but if he had then Liverpool would have a penalty and Simpson a red card.

    Pepe Reina red card: Dubious. After James Perch tripped Reina, the Liverpool goalkeeper reacted stupidly by running at Perch and barging him. He then lowered his forehead towards the opponent.
    It appeared to make contact but the second angle on replay indicated that there was no contact as Demba Ba kept Perch and Reina apart.
    Perch’s reaction was disgraceful – as bad as Andy Carroll’s blatant dive in the ninth minute. Reina should know better but he could win an appeal.

    Newcastle second goal: Offside. As Ba plays the ball through, Papiss Cisse is clearly in an offside position. Hatem Ben Arfa tries to play the ball; if he touches it Cisse would be onside and it’s a different phase of play.
    As he does not touch it, Cisse should have been given offside from the original through-ball.

  115. Loksins kominn stöduleiki i liðið og samt eru allir alltaf að væla

  116. Ef ég gæti veitt athugasemd Óskarsverðlaun gæfi ég Ragnari Þór Péturssyni þau. Algerlega lyfta mér upp í sál og sinni.

    Takk fyrir það Ragnar!

  117. Svona að öðru þá er ég að vinna í Kristiansand í Noregi þessa stundina sem er ekki í frásögu færandi nema að þetta svæði er þekkt fyrir mikla kirkjusókn og marga sértrúarsöfnuði.

    Í einum kaffitímanum um daginn var múrari á svæðinu sem er víst mjög trúaður og mikið fyrir að reyna að veiða fólk í söfnuðinn sinn. Hann sá í mér nýtt fórnarlamb og fór að ræða við mig á alvarlegu nótunum og athuga hversu ginkeyptur ég væri fyrir þessu. Sem betur fer var búið að vara mig við honum og tjáði ég honum í snarhasti á mjög bjagaðri norsku að ég væri mjög trúaður og að ég reyndi að fara til Mekka eins oft og ég gæti.

    Er du en muslim? spurði hann mjög undrandi en var svo snöggur út í reiðikasti þegar hinir nojararnir hlógu sig máttlausa eftir að ég tjáði honum að það væri Liverpool sem ég trúði á.

    Insjallah all you scousers out there

  118. Horfði á varaliðsleik á milli aston villa og Liverpool.
    Á um 60 mínútu, þá fannst mér eins mínir menn væru farnir að þreytast mikið og villa að komast meira og meira inn í leikinn.
    Allveg nákvamlega eins og hjá aðal liðinu.
    Eitthvað er ekki verið að gera rétt á æfingasvæðinu, þegar maður er farinn að sjá þetta hjá varaliðinu einnig.
    En annars fannst mér Raheem nokkur Sterling eiga frábærann leik.

  119. Bannað að gefast upp og eins og Borgþór nefnir hér fyrir ofan að þá er það að vera stuðningsmaður Liverpool mikið meira en að horfa á þá á góðum degi. Sjæse hvað ég er sammála því!

    Þegar ég byrjaði að fylgjast með enska boltanum á mínu 6.aldursári þá voru Liverpool nánast ósigrandi og manjúr gátu nánast ekkert. Þeir unnu ekki deildina í 26ár (1967-1993). Því miður snérist þessi þróun við á seinni tímum og auðvitað er maður langeygður eftir þessum eftirsótta titli.

    Þegar mikið reynir á stuðninginn þá má fólk ekki detta í bölmóðinn og vinna gegn klúbbnum. Og hvað svo þegar vel gengur aftur? Á þá að segja bara djók? Meinti þetta ekki?
    Alvöru stuðningsmenn Liverpool verja lið sitt og bera höfuðið hátt enda er liðið okkar eitt það sigursælasta í veröldinni og með stórbrotna sögu.

    Ég ætla að kaupa tvær treyjur fyrir næsta season en ekki bara eina eins og venjulega!

    YNWA!

  120. @ Gummi 138

    Á ekkert að taka það fram að Ferguson tók við þeim 6. nóvember þegar liðið var í 19. sæti ( og endaði í 11. sæti það ár)? Hann tók semsagt við þeim í 19. sæti og kom þeim í 2. sæti á sínu fyrsta heila tímabili með liðið. Ok. Miðum við það!

  121. @ ABS (#153)

    Ekki “Gaalin” hugmynd 🙂

    Afar öflug ferilskrá og er á lausu. Hans lið spila sóknarþenkjandi bolta en þó er mikill agi á skipulaginu. Hver leikmaður þarf að kunna sitt hlutverk upp á hár, en van Gaal er venjulega fastari á sínu knattspyrnukonsepti en ákveðinni taktískri uppstillingu. Afar sérlundaður og fylginn sér, en nær árangri.

    Svo hafði ég ekki áttað mig á Ripley – Downing samhljóminum þó að Shearer – Carroll dæmið væri augljóst:

    When the Scot last won the title, at Blackburn Rovers in 1995, he did so with an almost exclusively British squad. Key components included a Geordie striker called Alan Shearer and a former Middlesbrough winger named Stuart Ripley but Dalglish’s attempts to make history repeat itself at Anfield with a raft of British buys including the Gateshead born Carroll and the Teesside bred Stewart Downing threaten to ensure this season ends in tears

    http://www.guardian.co.uk/football/blog/2012/apr/02/kenny-dalglish-liverpool

  122. Hef verið að lesa pistla bresku blaðanna sem virðast flestir vera sammála um að Kenny eigi að fá að stjórna liðinu þar til um næstu jól. Það séu leikmenn sem skuldi honum “big time” og þeir verði að fara greiða tilbaka. Með vöxtum. Ian Wright nefnir að eigendur liðsins megi gjarnan láta í sér heyra fyrir mikilvæga viku sem er framundan og ég verð að vera sammála honum þar; ef þeir ætla ekki að reka hann þá geta þeir allavega látið það í ljós að þeir styðji við bakið á honum.
    Þá hefur það einnig verið reifað að Dalglish hafi verið einstaklega óheppinn. Liðið hafi til að mynda sett heimsmet í skotum í tréverkið, liðið hafi verið án Stevie G, meiðsl Lucasar, Glen Johnson og Daniel Agger hafi ekki bætt úr skák og átta leikja bannið hjá Suarez bætti gráu ofan á svart.

    Kannski að maður hafi verið einum of fljótur að afskrifa King Kenny, kannski læknar tíminn öll sár, kannski þurfa ungu mennirnir að venjast því að spila fyrir jafn stóran klúbb og LFC er. Kannski er ég bara með hausinn uppí rassgatinu á mér…..? En ég ætla að vera límdur við skjáinn og horfa á LFC, liðið mitt og láta mig dreyma um að það rífi sig upp á rassgatinu, ég ætla allavega ekki að missa af því ÞEGAR það gerist. (djöfull er maður mikill Ragnar Reykás).

  123. Ég er með lausn á þessu, við látum kenny þjálfa liðið og undirbúa það undir stóru leikina, fá svo einhvern sem upprennandi snilling sem sér um minni liðin og getur lært af kenny.

  124. Mér fynnst menn vera að tala í mótsögn við sjálfan sig þegar umræður snúast um knattspyrnustjóra, Júnæted og Chelsea.

    Fótbolti snýst um að vinna, eins og jú allar aðrar íþróttir.

    Síðan að Abramovic eignaðist Chelsea hefur klúbburinn verið með fjölmarga stjóra í brúnni. Júnæted aðeins einn. Á þessum tíma hefur Chelsea landað fleiri titlum (skv. umfjöllun sem ég sá á espn um daginn).

    Og þar sem fótbolti og allar aðrar íþróttir snúast um að vinna, þá gæti mér ekki verið meira sama þó okkar ástkæri klúbbur skipti um stjóra daglega ef það skilar titlum í hús. Þó að það sé að sjálfsögðu ekki óskastaða.

    Það sem Liverpool skortir eins og flestir benda á er stöðuleiki. Þýðir ekkert að vinna Chelsea og tapa fyrir QPR og Wigan. Eins og ég hef sagt áður þá er ég ansi hræddur um að Dalglish sé kominn með liðið eins langt og hann kemst. Enda er það nokkuð borðleggjandi að ef við eigum að gefa þessu einhver 6-7 ár eins og sumir eru að stinga upp á þá verður okkar Kenny líklegast kominn langleiðina á grafarbakkann…

  125. Mikið fór það í taugarnar á mér að sjá hann Aurelio ítrekað skjælbrosandi á bekknum hjá okkur í leiknum á móti Newcastle. Meira að segaj í sömu andrá og Pepe var rekinn útaf þá var sýnd mynd af Doni ásamt Aurelio og það vara bara glens í gangi. Semsagt, skítsama !

  126. Ég las innslag Ragnars Þórs Péturssonar og hann skrifar nákvæmlega það sem ég hugsa. Þetta er besta innlegg í umræðuna hér og ég vona að allir lesi þetta og taki hann svo til fyrirmyndar. Maggi vill láta hann fá óskarinn fyrir þetta innlegg og ég er algjörlega sammála. Sýnum liðinu okkar allan þann stuðning sem við eigum til og gefumst ekki upp og þá uppskerum við fallegan fótbolta með flottu sigurliði sem öll önnur lið óttast. Meira að segja lið sem ætla sér að kaupa titla með því að safna saman frábærum fótboltamönnum sem allir ætla að slá í gegn en virka illa í hóp, en eins og allir vita þá fótbolti hópíþrótt og byggist ekki upp á einstaklingsframlögum. Þegar okkar ástkæra lið verður farið að spila Barcelona bolta þá verður það liðið sem gerir það ekki einhver einn liðsmaður og þá munum við ekki eftir þessum erfiðu tímum þegar allt gekk á afturfótunum og hallarbylting skipulög eftir hvern leik. Það eru bjartir tímar framundan hjá okkur en fyrst þurfum við að standa af okkur storminn. Ragnar Þór Pétursson ég tek hatt minn niður fyrir þér og þú ert sannarlega ímynd hins sanna Poolara.

    YNWA

  127. Nú er Liverpool kannski ekki alveg mitt lið, en kommon. Nokkrir hlutir til að hafa í huga:

    #1 að þá er það sjúr ðíng að þegar stjórnir félaga lýsa stuðningi við stjórann að þá er brottrekstur handan við hornið. Þannig að ekki óska ykkur þess, í Fowlers bænum.

    #2 þá var að Massey Ferguson ekkert sérstklega sigursæll með ManU fyrsta tímabilið sitt og var einmitt korter í uppsögn. Í nútímaumhverfi hefði hann aldrei haldið djobbinu. En gamli er nú búinn að gera sitt hvað með “miðlungs”lið þessa leiktíðina og nokkrar þar á undan. Þolinmæði, stöðugleiki og traust geta skilað sínu.

    #3 að þá er sjálfstraustið í liðinu bara í molum og það er langtímaverkefni að byggja það upp. Ef maður skyti jafnoft stöngin út og þetta lið væri maður einhverstaðar að sjúga þumalinn. Þetta er langtímaverkefni, maður hefði reyndar haldið að dolla í hús yki á sjálfstraustið en það var svo brothætt að smá mótlæti og allir aftur í sama farið.

    #4 þá verður auðvitað að fá einhvern leiðtoga í liðið annan en StevieG og sérstklega á miðjuna. Carra er orðinn of tæpur getulega til að menn fylgi honum. Hefur eiginlega varla verið svona einstaklingur í liðinu síðan Xabi Alonso fór en eftir það hrynur eiginlega spilamennskan. Þegar mér fannst Mereles vera að stíga upp og verða þessi maður var hann losaður út (eða fór eftir atvikum). ég er ekki að segja að allir miðjumenn liðsins séu rusl, áður en heilög vandlæting setur inn, heldur að segja að leiðtögann, drífandi tappann vantar. Gerrard ræður ekki við þetta alltaf einn.

    Róm var ekki byggð á einni nóttu, Daglish er með hjartað og ástríðuna á réttum stað, þolinmæði mínir kæru Púllarar. Þetta kemur. Skil ekki hvaða ógleði þetta er og allra síst skil ég þá sem að heimta Roy Hodgson aftur.

  128. FótboltaFan 160.

    Ef þú fattaðir það ekki þá var þetta í algjöru gríni sagt að fá Hodgson til baka. Er annars sammála þér. Óþarfi fyrir okkur púlara að panica strax. Leyfa kallinum að byggja smá upp!

  129. Hef ekki lesið ofangreind comment en hér er smá til varnar Dalglish og co.

    Þetta hefur klikkað á tímabilinu:
    1. Suárez málið og brjálæði fjölmiðla í hálft ár. Það hefur leitt til mikillar neikvæðrar pressu.
    2. Meiðsli Lucas. Spearing á ekkert í hann og þessi staða er gríðarlega mikilvæg.
    3. Downing, Henderson og Carroll hafa spilað mun verr en allir spáðu. Þeir eru allir betri leikmenn en þeir hafa sýnt hingað til. Ekki hefur Adama staðið sig neitt sérstaklega hingað til.
    4. Gerrard hefur ekki spilað eins og hann á að sér.
    5. Að ná ekki að drepa leiki sem við höfum stjórnað og leikirnri sem við höfum stjórnað er mikill meirihluti leikja síðan Dalglish tók við, nema kannski rétt að undanförnu.
    6. Svo getum við farið í að gagnrýna Dalglish.

    Grunnurinn okkar er þarna. Ungir leikmenn sem munu bæta sig frá ári til árs, t.a.m. Jonjo Shelvey, sem er gífurleag efnilegur. Aðrir ungir leikmenn eins og Flanagan, Jack Robinson og Raheem Sterling eru stórefnilegir. Takið eftir orðinu “grunnurinn”. Maður byrjar á því næstbesta í uppbyggingu og færir sig svo upp. Í sumar þarf góð kaup til að bæta við hópinn.

    Þetta er langtímaverkefni hjá Dalglish. Þetta tímabil hefur farið ansi illa hingað til, en hversu illa hefur það t.d. farið ef við náum 6. sæti á endanum og vinnum tvo bikara?

    Sýnið smá þolinmæði og við munum uppskera það sem við sáum á endanum. Dalglish á skilið eitt tímabil til viðbótar. Annað fjölmiðlaraus, sem maður sér alla daga núna, er hrein og bein þvæla.

    Ummæli Ferguson á tímabilinu segja allt. Hann hefur reynt að grafa undan Dalglish. Hví hefur hann gert það? Jú, hann veit hvað Dalglish getur gert. Ferguson fer ekki í fjölmiðlastríð við einhvern án þess að vera hræddur um samkeppni frá þeim aðila. Það er staðreynd. Spyrjið Benitez.

  130. #162

    Nokkrir punktar:

    1 – Afhverju gekk Liverpool betur án Suarez en þegar hann hefur og er að spila? Hún virðist allavega ekki hafa haft það mikil áhrif fjölmiðlaumfjöllunin…

    2 – Sir Alex sagði fyrir tímabilið að Liverpool yrði við toppinn, ekki er hann að gera lítið úr Dalglish með því er það? En ef þetta var sálfræði hjá Sir Alex, þá er 1-0 fyrir honum!

    3 – Spurðu líka Benitez hvernig hann fór út úr sálfræðistríðinu við Sir Alex, ekki vel er það og það er “fact”. Getur líka farið í smá rannóknarleiðangur og tékkað á Kevin Keegan hérna um árið og Mancini þetta tímabil… það virðast bara allir breytast í eina taugahrúgu ef Sir Alex talar…

    4 – Og varðandi vandamál Liverpool, erfitt að segja. Þegar sjálfstraustið fer þá gengur bara illa af sjálfu sér. Málið er kannski ekki að fara í einhverja sótthreinsingu, en menn geta byrjað á Dalglish sem hefur ekki verið viðriðinn fótbolta í áratug áður en hann tók við síðasta vetur, er hann nógu mikið inn í nútímafótbolta?

  131. Þegar sparkspekingar eru varla á einu máli um hvað hrjáir okkar lið, hvernig geta þá sófaspekingar eins og ég og fleiri hér inni sett puttann á púlsinn? Það ber þó að hrósa kommennti Ragnars Þórs #137 en manni finnst hann ná vel þeim merkilega sið að anda með nefinu þótt tímarnir séu okkur erfiðir. Það er mjög góður kostur hjá fólki að ná því. Anda inn, anda út.
    Ég veit varla hvernig ég á að koma þessum örfáu orðum sem mig langar að koma frá mér á skjáinn. Ég er eins og ég segi bara einhver sófaspekingur og lítið merkilegur fyrir það. Hef þó óhugnalega gaman af liðinu okkar, þrátt fyrir lélegt gengi, og reyni hvað ég get að horfa á alla leiki. Tók mig meir að segja til og fór út að sjá okkar menn sem ég bjóst við að tækju Wigan í bakaríið en það fór eins og menn vita á annan veg. Þrátt fyrir tap er alltaf jafngaman að koma til Liverpool borgar og ég ætla aftur, og aftur.
    Það sem ég taldi mig sjá í Wigan leiknum var svolítið í takt við það sem Ragnar kemur inn á í sínu innleggi og fleiri hafa nefnt. Leikurinn var alveg að spilast, að mestu, í lagi framan af. Fengum á okkur mark sem var óþarfi en það gerist víst í þessum bolta við og við. Í hálfleik þegar Carroll hljóp inn á völlinn var mikið fagnað á vellinum. Fólk sá að nú átti að setja þá félaga tvo upp á topp og sækja. Suarez jafnar og allt verður vitlaust skal ég segja ykkur. Suarez bætir síðan öðru marki við, allir í stúkunum halda sér ekki vegna fögnuðar og einhverju síðar átta menn sig á að markið var dæmt af. Fúlt maður. Okei, leikurinn heldur áfram en þá er eins og menn hætti að bjóða sig í hlaup og að spila boltanum hratt á milli. Jonjo kom inn á og á tíma fannst manni bara hann og litli maðurinn Spearing þeir einu sem væru eitthvað að bjóða sig. Andleysið fór að hellast yfir leikmenn á vellinum eins og dökkt rigningarský á hálendi Íslands. Það var ofboðslega gaman að upplifa stemminguna þegar svo ungstirnið Sterling kom inn á í sínum fyrsta leik fyrir aðalliðið. Þeim gutta var sko fagnað af áhangendum og var það gaman. En það bætti ekki andrúmsloft annarra leikmanna og við fengum á okkur annað mark í þessum leik og töpum honum gegn liðinu sem er í neðsta sæti. Draugfúlt. Þegar flautað var til leiksloka gerðist svo það að fólk púaði á liðið. Ég met það svo að það var púað á þá leikmenn sem virðast vera með hangandi haus en ekki að það væri að púa á þjálfarateymið. Það var nokkuð sérstök upplifun að vera á vellinum og heyra þetta og mér fannst það koma jafnt úr öllum stúkum.
    Þá kemur að því sem Ragnar og fleiri eru að nefna. Það má líka alveg reyna að rifja upp síðast leik og hvernig við vorum að spila framan af í honum. Við vorum alveg inni í þeim leik eins og við höfum verið inni í mörgum leikjum í vetur. Við áttum alveg séns og þrátt fyrir sumar slæmar ákvarðanir á ögurstundu hjá t.d. Carroll (met það að hann hefði getað farið framhjá markverðinum og skorað) þá vorum við alveg inni í leiknum. Fáum á okkur mark sem setur okkur pínu út af laginu en svo fer þetta algerlega frá okkur á síðustu 30 mín. Dökka skýið er mætt aftur.
    Nútímabolti er svolítið skrítinn upp á umfjöllun að gera. Allstaðar er fólk að skrifa allskonar vitleysu og oft erfitt fyrir mann að grisja á milli. Oftar en ekki þurfa fjölmiðlar að básúna skrif sín eða umfjöllun með einhverju krassandi. Tók eftir því þegar ég horfði t.d. á innslag Sunnudagsmessunnar með fyrirsögninni: Liverpool í frjálsu falli. að í því innslagi var t.d. sýnt síðara mark RVP þar sem við yfirspiluðum Arsenal liðið og þetta var í reynd eins og Babu minnir mig að hafi skrifað í fyrirsögn leikskýrslu: Liverpool 1 – RVP 2. RVP er auðvitað klassastriker sem má ekki fá neinn séns og ég geri alls ekki lítið úr honum. Það sem ég á við er að mörgum finnst gaman að fjalla um aðstæður okkar og nota allskonar til að reyna að styðja sitt mál. Þessi umfjöllun hlýtur að einhverju leiti að vera farinn verulega í okkar leikmenn. Það hefur jú flest allt gegnið okkur í mót þetta tímabilið.
    Núna verður maður auðvitað að reyna að summera þetta upp og koma með eitthvað niðurlag í þetta, hver er staðan og hvað á að gera. Tek þann enn og aftur fram að ég er sófaspekingur sem nennir ekki einu sinni að spila FM svo mér er sennilega fátt til tekna í þessu sambandi.
    Oft höfum við séð liðið okkar spila framúrskarandi bolta. Pass‘n‘move. Við fengum frábæra þjálfara þá Steve Clarke og Kevin Keen sem menn héldu varla vatni yfir. Nenni ekki hér að rifja upp þeirra record en það hefur verið gert hér á þessari síðu. Framan af hefur vörnin okkar verið andskoti solid og við vorum ekkert að hleypa of mörgum aðilum að markinu og það auðveldar hvaða markmanni sem er vinnuna sína. Hér á síðunni hefur þó verið bent á nánast augljósa ástæðu slakrar varnar undanfarið. Agger meiddur og Carragher er orðinn gamall (samt ekki eins gamall og ég). Það er eins og að Coates sé ekki alveg treyst enn sem komið er til að spila stóru leikina hvað svo sem er á bakvið það en sá kann sko að skora með bravör þegar það gerist 🙂
    Sóknin hefur að mörgu leiti verið afskaplega beitt þ.e. við höfum fengið urmul tækifæra fyrir framan markið. Var ekki í einum leiknum sem Suarez átti 11 skot á rammann og er það met ef ég man rétt? Samt hefur, eins og menn vel vita, boltinn ekkert verið ofvirkur við það að fara réttum megin í netið þetta tímabilið hjá okkur. Ég er einn þeirra sem er sannfærður um það að hann vinur okkar hann Torres greyið sé enn að bölva sér fyrir að hafa viljað fara miðað við hvernig boltinn hefur verið að dælast þarna inn í teig andstæðinga. Er alveg sannfærður um að ef Torres væri hjá okkur þá væri hann með markahæstu mönnum í deildinni í ár.
    Það verður ekki í raun mikið klagað upp á þjálfarateymið varðandi þessi atriði. Það má alveg klárlega gagnrýna þá fyrir að bregðast ekki nógu snemma við aðstæðum í leikjum o.sv.fr. En ég held að heilt yfir hafi þeir verið að gera það sem þeir ætluðu sér. Þá komum við nefnilega að leikmönnunum sem ég er á því að eiga mesta sök í augnablikinu á stöðunni. Sumir þeirra leikmanna hafa verið fyrir hjá okkur hafa ekki verið að gera gott mót. Sumir þeirra sem komu til okkar síðast sumar hafa heldur ekki verið að gera gott mót. Þetta voru þó þeir leikmenn sem sköruðu framúr í sínum liðum sem þeir komu frá. Comolli sagði síðast sumar að þeir hefðu náð öllum þeim sem þeir vildu en það væri ekkert gefið að þeir muni pluma sig hjá okkur. Nú væri boltinn hjá þeim. Varðandi gæði leikmanna sem komu þá hefur það alveg komið fram að við vildum fá nokkra aðra, stærri nöfn, en þau nöfn vildu fara annað. Gott og vel.
    Niðurstaða mín, þess ómerkilega spekings, er að við eigum ekki að breyta þjálfarateyminu okkar. Þeir skoða sín mál örugglega og velta fyrir sér hvað þeir geta gert betur t.d. varðandi leikmannamál, leikskipulag o.fl. Það getur bara ekki nokkur efast um heilindi stjórans okkar eða metnað hans til LFC. Við þurfum hinsvegar að skoða vel leikmannamál okkar í sumar. Efa reyndar að einhverjum stórum summum verði eytt í sumar. Ég held, því miður, að núna þurfi að taka nokkrar mikilvægar ákvarðanir í leikmannamálum og líklega þurfa stjórnendur LFC að sýna pung. Mig langar svo sem ekki að taka einstaka menn út en okkur sárlega vantar mann til að leiða liðið í gegn um erfiða tíma. Það getur alveg verið okkar #8 en mér persónulega finnst hann þurfa að girða sig í brók og leiða liðið áfram. Hann getur það alveg en ef hann er að fá upp í kok þá þarf breytingu.
    Svo mörg voru þessi örfáu orð. Nenni ekki að lesa þetta yfir því þetta er skrifað nákvæmlega eins og ég hugsa…..en það þarf ekki að vera skýrt 🙂

  132. Algerlega sammála um að nú þurfum við púlarar að þjappa okkur saman og standa þétt við bakið á okkar lið, enda ekkert annað í boði! Hitt er svo annað mál að það logar nú á öllum aðvörunarljósum. Sjálfstraustið hjá leikmönnum er í molum. Eins og það er frábært að horfa á flottan pass and move bolta þá finnst mér vanta verulega upp á einstaklingsframtakið, þ.e. að menn reyni að drippla boltanum sjálfir og taka menn á þegar slík tækifæri gefast. Ég hef það oft á tilfinningunni að menn hreinlega vilji ekki fá boltann og reyna að losa sig eins fljótt við hann og þeir geta. Þá er skelfilegt að fylgjast með því að hvað hreyfing án bolta og staðsetningar leikmanna á vellinum eru oft lélegar. Menn seinir fram á við og loksins þegar bolti kemur fyrir frá vængnum þá eru alltaf fáir leikmenn komnir inn í boxið. Auðvitað á KK að klára tímabilið, en ef liðið tapar fyrir Everton þann 14. og hrapar áfram niður töfluna í deildinni þá er ég ekki viss um að hann fái að halda áfram með liðið. Ég er ekki sammála mörgum hér sem vilja nánast selja megnið af leikmönnum okkar, þó nokkrir hausar munu örugglega fjúka eftir þetta tímabil. Held að við höfum ágætis grunn sem þarf að byggja á. Ekki gleyma því að bestu leikmenn okkar, Agger og Lucas, eiga eftir að snúa aftur. Auðvitað þarf að bæta við nokkrum mjög góðum leikmönnum (og þá alls ekki endilega einhverjum breskum). Að mínu mati liggur vandamálið aðallega í hausnum á leikmönnum og í leikskipulaginu. Held að það búi miklu meira í flestum þessara leikmanna. Það er reyndar ekkert smá verkefni sem KK og félagar bara verða að leysa einn, tveir og þrír. Koma svo Liverpool!!

  133. Sælir félagar

    Vegna orða Braga #162 um hvernig menn kikna undan átökum við Ferguson þá má benda á það að enska pressan étur allt upp sem hann segir eins og guðsorð. Þar með eru tilfallandi mótaðilar Rauðnefs komnir með alla prassuna á móti sér og það er meira en segja það að standa það af sér. Því ættu menn sem Rúdolf hneigir orð til að hafa vit á að ansa Hreindýrinu ekki hvað sem það tautar og raular.

    En að öðru. Ég fylgist mjög vel með umræðunni hér inni og les hvert einasta komment og sum tvisvar. Það er með mig eins og Njál á Bergþórshvoli forðum að sumt vill maður láta segja sér tvisvar þó ekki sé ég jafn spakur maður og Njáll forðum.

    Umræðan hefur verið að þróast ansi greinilega finnst mér. Í upphafi hennar, fyrst eftir leikinn og fram á næsta dag var hún afgerandi á móti KD og liðsmönnum hans. Áhyggjur manna og vanlíðan í mótlæti liðsins voru yfirgnæfandi og þær raddir hjáróma og og lágværar sem mæltu liðinu og KD bót.

    Svo fóru þær raddir sem styðja KD að styrkjast og eflast og fá meira af þumlum og nú er svo komið að þær hafa yfirhöndin. Þær eru yfirleitt á þann veg að þar er talað á rólegum og yfirveguðum nótum þar sem fólk er beðið að anda með nefinu og gefa sér tíma til að láta sárindin sjatna og geðið stillast.

    Nú sýnist mér svo komið að æ fleiri vilja bíða og sjá til hvort Eyjólfur hressist. Hvort fleiri bikarar koma í hús og hvort KD og félögum tekst ekki að berja í brestina, þjappa liðinu saman og ná vopnum sínum. Auðvitað eru menn enn óánægðir með frammistöðu liðsins en telja að ekki eigi að taka neinn af lífi á næstunni. Nauðsynlegt sé að klára þetta tímabil og sjá hvað setur í sumar. Greinilegt er að enskir sparkspekingar telja að KD sé alls trausts verður og ef svo er ættu stuðningsmenn að hafa þolinmæði með einum af sínum bestu sonum og liðsmönnum hans.

    Sem sagt umræðan hefur verið að þróast í átt til afgerandi jákvæðari tóns og eru menn held ég nokkuð fleiri hér inni sem styðja óbreytt ástand amk. til loka leiktíðar og þá eigi að bæta hópinn og KD að halda áfram í það minnsta fram að næstu áramótum. Þannig upplifi ég stemminguna hér inni og held að ég fallist bara á hana. Öndum með nefinu og tökum niðurstöðu tímabilsins með jafnaðargeði. Bætum í glufurnar í sumar þar sem þess þarf og gefum KD frið amk. til næstu áramóta.

    Það er nú þannig.

    YNWA

  134. Greinarskilin sem ég setti samviskusamlega inn í póst #164 fóru,eins og gengi okkar í deildinni, út í veður og vind. Kannski einhver stjórnenda geti ýtt nokkrum sinnum á enter fyrir mig?

  135. Hjálmar í #163:

    1. Satt er það að Liverpool gekk betur án Suárez. Vilt þú þá að við losum okkur við Suárez? Sá stuðningsaðili sem vill það veit ekki um hvað hann talar, ég segi það bara hreint og beint út. Þetta er leikmaður sem hefur öll gæði til að komast í topp10 í heiminum og það ætti að byggja lið í kringum hann. Fjölmiðlaumfjöllunin hefur haft áhrif á allt liðið. Fyrir það eitt að segja “Nei, hann er saklaus” og að hafa haldið okkur við það, hefur dunið yfir liðið neikvæð fjölmiðlumfjöllun trekk í trekk, ekkert bara um Suárez, heldur flesta aðra liðsmenn! Það er það sem ég á við að fjölmiðlaumfjöllunin hafi haft neikvæð áhrif á liðið. Og gleymum því ekki að atvikið átti sér stað í október, við náðum 1,5 mánuði á tímabilinu þar sem pressan var “lítil”.

    2. Ferguson er mjög raunsær maður þegar hann segir satt. Flestir af þeim sem spáðu að LFC yrði við toppinn fyrir þetta tímabil voru ekki raunsæir. 4. sætið átti að nást með þessum hópi og var það yfirlýst markmið LFC, að ná 4. sætinu og komast í Meistaradeildina. Þannig að það sem Ferguson sagði var lygi. Ferguson byrjaði því á að segja þetta til að fá aukna pressu á okkur strax. Svoleiðis vinnur hann, hann setur pressu á alla sem eiga minnstu möguleika á að vera í kringum hann í stigatöflunni eða annars staðar. Það er svona 10-0 fyrir Ferguson í sálfræði á móti Dalglish. Ástæðan er einföld. Dalglish fylgir Liverpool spekinni og hún er sú að tala einungis um liðið sitt en engin önnur. Dalglish fer hreinlega ekki út í svona sálfræðistríð, hann er það sem kallast herramaður. Það er einnig alveg hreint með ólíkindum að horfa á viðtöl við Dalglish á heimasíðu LFC og sjá svo hvað birtist í fjölmiðlum. Dalglish er í vörn í hverju viðtali en eitthvað orðalag er mögulega túlkað sem einhver stormur. Sbr. allar fyrirsagnir fjölmiðla þegar Carroll “stormaði” út af eftir Newcastle leikinn.

    3. Þetta sem Benitez reyndi skaust allsvakalega tilbaka, það var tilraun Benitez til sálfræðistríðs við sálfræðimeistarann, sem tókst því miður ekki. Samt var árangur LFC ekki slakur eftir þetta svokallaða “rant” (þetta voru staðreyndir sem hann sagði, gleymum því ekki), en árangur MUFC var bara betri.. Það eru margir sem breytast í taugahrúgu þegar Ferguson talar já, það er að hluta til út af því að hann hefur fjölmiðlana í vasanum og getur gert flest sem aðrir geta ekki gert í deildinni. Sá t.d. grein í morgun þar sem Mancini var kennt um hvernig Balotelli hagaði sér. Enska pressan er strax byrjuð og mun bara aukast á Mancini, sér í lagi ef þeir komast einhverju nær MUFC.

    4. Sjálfstraustið er farið, satt er það. En það er nú þannig líka að ákveðin tilraunastarfsemi er byrjuð, sem sést að sterkasta liðið er ekki spilað. Undirbúningur fyrir næsta tímabil er hafið og vona ég að við munum sjá Shelvey spila gott hlutverk þar. Auðvitað er Dalglish nógu mikið inni í nútímafótbolta. Sjálfur Benitez mælti með honum sem næsta knattspyrnustjóra en Dalglish var þegar kominn í vinnu hjá LFC þegar Benitez var knattspyrnustjóri. Þetta er langtímaverkefni og hann á skilið eitt tímabil í viðbót þar sem allt fer að öllum líkindum til andskotans, bæði innan vallar sem og utan.

    Gefðu þessu smá tíma. Henderson er ’90 árgerð og hefur spilað með öllum yngri landsliðum Englands við góðan orðstír og átti góð tímabil með Sunderland. Carroll er ´89 árgerð og svona framherjar slá eiginlega alltaf í gegn á síðari hluta ferlanna sinna (þó ég haldi að hann fari í sumar). Jonjo Shelvey er ’92 árgerð og ótrúlegt efni. Við munum fá pening aftur í sumar til að kaupa. Og það er eiginlega enginn möguleiki á því að við skorum aftur svona lítið eins og við höfum gert á þessu tímabili.

    Þú byrjar einfaldlega ekki á Dalglish þegar ytri aðstæður eiga meirihlutann af þessum vandræðum okkar.

  136. @ Jói #5 (#164)

    Þú segir:
    “Við fengum frábæra þjálfara þá Steve Clarke og Kevin Keen sem menn héldu varla vatni yfir. Nenni ekki hér að rifja upp þeirra record en það hefur verið gert hér á þessari síðu.”

    Alveg sammála þér með Clarke og hann virðist hafa gert ágæta hluti með varnartaktíkina. En hvaða er svona frábært við Kevin Keen?? Fátt á ferilskránni sem segir að hann sé yfir meðallagi. Miðlungs leikmaður og starfað hjá miðlungs klúbbum þar til hann kom til LFC, líklega útaf góðum vinskap við Clarke. What’s so great?

    Einnig hefur markmannsþjálfarinn John Achterberg verið gagnrýndur, sérstaklega af snillingunum á The Anfield Wrap. Hann hefur heldur ekkert spes ferilskrá og kom til okkar 2009 til að vera með youth team & reserves en hann tók við aðallinu af Xavi Valero árið eftir. Mörgum finnst hann ekki valda starfinu og það endurspeglist í lélegu formi á Reina sl. 2 tímabil.

    Rodolfo Borrell, Darren Burgess og Peter Brukner þykja afar öflugir á alþjóðlegum mælikvarða og voru ráðnir undir Rafa en mér þykir ekki sem þjálfarateymið sé ekki jafn sterkt og það var hjá Rafa með Sammy Lee, Paco, Valero o.fl.

    Einnig finnst mér skrýtið að KK sé ekki með ákveðin stöðugildi líkt og Rafa var með á sínum tíma. Þar voru við vinnu Angel Vales sem Head of technical analasys og einnig Dave McDonough sem Head of opponent analysis. Ég sé ekki að neinn hjá LFC sé með þessa stöðutitla þó að eflaust sé einhver með tæknigreiningu og að tékka á andstæðingi. En einhver leiðréttir mig þá bara ef ég fer rangt með þetta en ég fann ekkert um þetta á aðalsíðunni né á Wikipedia eða öðrum stöðum.

    Mér þykir það afar “old school” og þá ekki á jákvæðan hátt ef þessu er ekki sinnt sem skyldi. Það er ekki nóg að setjast með tebolla í boot room lengur og spjalla lauslega um taktík og áherslur. Það þarf að notast við öll tiltæk ráð til að skipuleggja sig og þar var Rafa í fararbroddi. Svo er náttúrulega ekki bara að notast við tækni heldur líka að hafa vit á að nýta sér hana á réttan hátt.

    En talandi um Rafa þá er hér stórfínt viðtal við hann:

    http://www.fifa.com/worldfootball/clubfootball/news/newsid=1608576.html?cid=rssfeed&att=

  137. Bragi #168

    Til að leiðrétta smá misskilning (kom reyndar ekki nægilega fram hjá mér fyrst) að ég er United maður;)

    En…
    1 – Suarez er góður spilari, hann hefur alveg sannað það hjá Ajax á sínum tíma, en reyndar ekki á hærra leveli. Að mörgu leyti svipar Suarez til Rooney á þegar hann var yngri, hæfileikar og skapofsi. Rooney hafði réttu mennina og stjórann til að beina skapofsanum í rétta átt og gera hann ennþá betri, er Suarez með svipað teymi á bakvið sig? Hunteelar gerði góða hluti í Hollandi en brást í stærri deild og hefur ekki sést síðan nema hjá þeim sem fylgjast með þýska boltanum.
    Er það ekki einmitt styrkur góðs liðs að standa upp þegar á móti blæs, það er einmitt sá karakter sem ég hrífst mest að hjá mínu liði United!

    2 – Lygi eða ekki lygi hjá Sir Alex, það á ekki að skipta máli. Allir bestu stjórar í dag beina athyglinni frá sínu liði enda er það rökrétt til að halda mönnum frá pressu og líka það sem meira er að halda mönnum á jörðinni þegar vel gengur. Ef ég man rétt þá bannaði Sir Alex Ryan Giggs þegar hann var að koma fram á sjónarsviðið að lesa blöðin svo hann ofmetnaðist ekki.

    3 – Benitez ákvað sjálfur að fara í sálfræðistríð á sínum tíma. Eftir þetta viðtal lá leiðinn niður ávið hjá Liverpool. Það getur vel verið að Sir Alex hafi fjölmiðlanna á bakvið sig, en það er þá eftir 25 ára vinnu og velgegni.

    4 – þessi tilraunastarfssemi byrjar árlega á þessum tíma hjá Liverpool, ekkert nýtt þar.

    Ég er ekki að segja að það eigi að reka Dalglish, í rauninni skiptir það mig engu málu þannig séð. En að mínu mati var hann frábær kostur á sínum tíma til að skapa ró um klúbbinn og átti hann bara að vera út tímabilið. Á því tímabili átti að fara fram skipulagsvinna… meðan allir væru sáttir. Dalglish er ekki maðurinn til að stjórna liðinu eða byggja upp til lengri tíma, hann er kominn á efri ár og búinn að vera lengi frá boltanum. Það er mín skoðun, en þú sem stuðningsmaður Liverpool hefur eðlilega meira um það að segja ef það er hægt að orða það þannig.

    Og að lokum, stórt vandamál Liverpool er að það er allt öðrum að kenna. Hvað Sir Alex segir í fjölmiðlum, hvað fjölmiðlar leggja Liverpool í einelti o.s.v.fr. Þetta svipar svolítið til Mourinhio nema hann nýtir sér mótlætið og kemur sterkari tilbaka.

    Annars sem United maður þá er ég farinn að tala of mikið “in Liverpool favor” í að greina og leysa vandamál liðsins;)

  138. Hjálmar #169

    1. Enginn með réttu ráði heldur því fram að LFC sé með jafn sterkt lið og MUFC. Já, ég hef tekið eftir breytingu hjá Suárez um að skapofsinn sé að beinast í rétta átt. Held að hann gefi LFC eitt tímabil í viðbót til að reyna að ná meistaradeildarsæti. Ef það næst ekki, þá fer hann og maður sættir sættir sig bara við það. Það er rangt að hann hafi ekki sannað það á hærra leveli. Hann hefur sannað það með landsliði sínu, bæði á HM og svo S-Ameríkukeppninni, þar sem hann var valinn maður mótsins. Einnig hefur hann verið mjög góður með LFC og tætt sumar varnir í sig þrátt fyrir að hafa verið niðurlægður stanslaust í hálft ár. Hann er mjög sterkur andlega og einungis tímaspursmál hvenær hann springur út. Það er engin tilviljun að hann hafi verið gerður að fyrirliða hjá Ajax á sínum tíma. Það er styrkur góðs liðs að standa upp þegar á móti blæs og það er akkúrat það sem mun gerast.

    2. Það er eitt að beina athygli frá liði sínu og annað að stunda sálfræðistríð við alla fyrir neðan beltisstað. Fyrir stuttu síðan átti t.d. MUFC leik á móti Spurs. Fyrir leikinn setti Ferguson mikla pressu á Redknapp með að röfla endalaust um hversu tilvallinn Redknapp væri fyrir starfið. Svo vann United leikinn og loksins þá steig FA fram og sagði Ferguson að halda sér saman. Að mínu mati er Ferguson ekkert annað en svartur blettur á fallegustu íþrótt heims, ég líki honum gjarnan við lyginn og gjörspilltan einræðisherra.

    3. Leiðin lá ekkert svo mikið niður á við eftir þetta sálfræðistríð hans, stóðum okkur mjög vel, bara ekki jafn vel og MUFC. Ef Ferguson hefði látið út úr sér svipaða hluti um keppinaut sinn eins og Benitez gerði, þá hefðu fjölmiðlar logað í mánuð með tilheyrandi pressu á andstæðinginn. Það heyrðist varla múkk í fjölmiðlum eftir þessar yfirlýsingar Benitez.

    4. Það er rangt, hún byrjar eiginlega alltaf mun síðar en núna en síðustu 3 ár hafa verið hörmuleg. Gífurleg peningavandræði vegna skítlegu Kananna gerði það að verkum að liðið hrundi á sínum tíma, sem leiddi svo til á endanum að Benitez var látinn taka pokann sinn, sem að mínu mati átti aldrei að gerast.

    Jæja, LFC aðdáendur og MUFC aðdáendur geta verið sammála um eitt. Það á ekki að reka Dalglish. Við teljum að það sé vegna þess að hann sé með langtímaverkefni, þið teljið að það sé vegna þess að hann sé slakur þjálfari og að við munum ekki ná neinum árangri. Það verður bara að koma í ljós hvað gerist. Dalglish var einmitt maðurinn til að taka við þegar liðið var að dragast ofan í “Leeds-svarthol” nánast. Hann viðheldur gildum félagsins, er gífurlega virtur innan félagsins og hefur mikla reynslu af því sem hann gerir. Þegar langtímaplani hans er lokið kemur svo Benitez aftur og mun “knock United off their fu***ng perch”, eins og “virtur sir” sagðist á sínum tíma ætla að gera við Liverpool. Hinum “virta sir” tókst það með óheiðarlegum hætti og er því ekkert í mínum bókum, núll og nix. Eins og liðið sem þú heldur með. Áður bar ég virðingu fyrir árangri ykkar en eftir þetta atvik í vetur, þar sem augljóslega sást í gegnum lygavefi stjóra þíns og háttvirtum fyrirliða, er ekki neitt sem mun valda því að ég muni bera virðingu fyrir manneskjunum og persónunum Ferguson og Evra. Hvað þá liði þínu.

    Mourinho er annar óheiðarlegur skítakarakter og svo skemmtilega vill til að það er maðurinn sem mun svo taka við Ferguson þegar hann hættir.

    Það sem mun helst leysa vandamál Liverpool er einmitt að annara manna stuðningsmenn reyni að leysa vandamálin, því í flestum tilvikum vitið þið ekkert um hvað þið eruð að tala og alið bara á neikvæðni. Ef þú lítur á fyrsta póstinn minn sem þú svaraðir gagnrýndi ég t.d. mjög marga “lykilmenn” liðsins sem stóðu sig ekki. Að missa eina hæfa DM okkar í Lucas var líka hrikalegt blow. Liðið hefur einfaldlega ekki staðið sig nógu vel, það er bara þannig. Þrátt fyrir það hefur spilamennskan undir stjórn Dalglish verið mjög góð oft á tíðum, en eftir áramót hafa farið að sjást mjög margir leikir þar sem hún hefur verið slæm og stundum hræðileg.

  139. Það væri skemtilegt að halda þessu áfram, en þegar menn eru farnir að tala um að líklega sigursælasti (nb. ekki einn af sigursælustum) þjálfari allra tíma í boltanum og þó víða væri leitað utan sem innan íþróttaheimsins sé núll og nix þá er held ég að sé tími til að hætta.

    Vissulega “dansar” Ferguson oft á línunni og er á gráusvæði en hann hefur líka margoft fengið bönn og gott ef ekki ef hann sé bara ekki sá þjálfari sem hefur fengið flest bönn. Kæmi mér ekki á óvart…

    Þú kemur alveg með marga góða punkta í síðasta kommentinu þínu og það skemmtilega er að þú ert kominn í andstöðu þína á mörgum stöðum miðað við það sem þú áður sagðir, en hvað um það…

    Og að lokum, Evra er skíthæll og Suarez er það líka þannig að þeir jafna kannski hvort annan bara upp, lifðu heill:)

Liðið gegn Newcastle

Opinn þráður