Liverpool 1 Robin Van Persie 2

Liverpool lauk í dag þátttöku í keppninni um Meistaradeildarsæti þetta árið með 2-1 tapi á Anfield gegn Arsenal. Eftir leikinn eru Arsenal með 10 stiga forskot á Liverpool, sem á þó leik til góða. Liverpool hafa fengið 5 stig af 21 mögulegu í deildinni á árinu 2012, eftir eru 11 umferðir en Liverpool hefur aldrei unnið meira en tvo leiki í röð í deildinni í vetur. Það þarf ekkert að skoða töfluna frekar. Þetta er búið spil.

Ég nenni ekki að fara mikið yfir gang leiksins í dag. Suarez fékk víti en Szczesny varði frá Kuyt og frákastið líka. Svo skaut Suarez í stöng, svo skaut Adam framhjá, svo skaut Suarez yfir fyrir opnu marki, svo skaut Kuyt í stöng. Aðeins meira jafnræði var í seinni hálfleik en Liverpool sótti þó meira og klúðruðu m.a. fyrir opnu marki (Kelly), tveir gegn markverði (Downing á Suarez en sendingin fór beint á Szczesny) og Kuyt (framhjá). Walcott átti eitt skot úr þröngu færi í fyrri hálfleik og eitt úr góðu færi í seinni hálfleik, en Reina varði þau bæði. Annars sóttu Arsenal ekkert, fyrir utan mörkin.

Við þurftum hjálp Arsenal-manna til að komast yfir. Koscielny sendi fyrirgjöf Henderson í eigið mark. Síðan var bara komið að eina matchwinnernum á vellinum til að útkljá þennan leik. Martin Skrtel hafði Robin Van Persie í vasanum í allan dag en í þau tvö skipti sem hann náði að losa sig og sækja á Jamie Carragher skoraði hann. Í fyrri hálfleik jafnaði hann með skalla eftir fyrirgjöf Sagna og í uppbótartíma losaði hann sig aftur frá Carra og sett’ann viðstöðulaust í nærhornið eftir fyrirgjöf.

Tvö færi. Tvö mörk. Bæði viðstöðulaus eftir langar fyrirgjafir. Stórkostlegur leikmaður.

Þannig er það bara í vetur. Liverpool nær ekki Meistaradeildarsæti, og geta bara sjálfum sér um kennt. Liðið hefur klúðrað sex vítaspyrnum (!!) í deildinni í vetur og skotið 21 sinnum í tréverkið, langoftast allra. En það er ekki allt, því liðið bara getur ekki skorað jafnvel þótt opið mark blasi við, eins og Suarez og Kelly sönnuðu enn og aftur í dag.

Það skiptir engu þótt færin hafi verið hundrað á móti fjórum í dag. Það lið sem nýtir færin sín vinnur leikinn, og á skilið að vinna. Við vorum að mæta einu lélegasta Arsenal-liði seinni ára í dag og þeir gátu ekki rassgat í þessum leik – en Van Persie spilar fyrir þá, á meðan jólajeppar sem gætu ekki hitt hlöðuna þótt þeir stæðu í dyrunum spila fyrir Liverpool.

Þannig er þetta bara. Þetta Liverpool-lið er með góða vörn og frábæran markvörð, fína miðju sem getur stjórnað leiknum jafnvel þótt það séu „bara“ Spearing, Adam og Henderson gegn hraðri miðju Arsenal. En sóknin er í molum og hefur verið í allan vetur. Arsenal eru búnir að skora næstum því helmingi fleiri mörk í deildinni! Það er bara eitthvað sem verður að skoða.

Suarez þarf að skammast sín eftir þennan leik. Kuyt þarf að skammast sín. Downing líka, og Adam, og Henderson, og svo framvegis, og svo endalaust framvegis.

Tölfræði vinnur ekki leiki. Mörk vinna leiki. Og Liverpool skora ekki mörk. Það er galið að reyna að telja sér trú um að þetta lið geti náð í Meistaradeildarsæti.

Dalglish þarf líka að skammast sín. Bellamy fékk heilar 10 mínútur í dag af bekknum, og Carroll 2-3 eftir að þeir komust yfir í uppbótartíma. Af hverju notar maðurinn ekki bekkinn þegar löngu er orðið ljóst að liðið er ekki að koma helvítis tuðrunni yfir marklínuna í svona leik?

Æji, ég nenni þessu ekki í dag. Það eina sem er eftir hjá Liverpool er að vinna Everton í deildinni og leggja svo allt kapp á FA bikarinn. Það er ekki allt skelfilegt þótt Meistaradeildarsætið hafi ekki nást á þessu tímabili. En í sumar verða menn að gjöra svo vel og læra af lexíum þessa tímabils og leggja allt kapp á að kaupa matchwinnera. Menn sem geta skipt sköpum. Því það er ekki nóg til af þeim leikmönnum í Liverpool í dag.

120 Comments

  1. Það vantar sorglega mikil gæði í þetta lið okkar.

    CL 2012-2013.. BLESS!!!!

  2. Liverpool er búið að skora 30 mörk á tímabilinu. Van persie er búinn að skora 25 mörk. Þarf eithvað að segja meira?

  3. Ég hef bara held ég aldrei verið jafn orðlaus eftir einn leik en samt vissi ég allan tímann hvað var að fara gerast……

    Skammarverðlaun dagsins fá Kelly og kuyt fyrir að geta ekki drullast til að skora úr bestu færum leiksins, og svo Adam fyrir að vera lélegasti maður liverpool í leiknum en samt ekki vallarins því flestir arsenal mennirnir voru verri en okkar menn.

    Eins og Daglish gerði nú frábæra hluti fyrstu 60mín, leikskipulagið hans gekk frábærlega upp, yfirspiluðum arsenal fyrir utan þetta mark þeirra þá ætla ég að breyta honum úr hetju í pappakassa fyrir að DRULLAST EKKI TIL AÐ SKIPTA þreyttum mönnum útaf!!

    Líklegast einn besti leikur okkar í langan tíma en same shit different day!

  4. Holy shit hvað van Persie er góður. Ætli Gunners séu til í skipti á vP og Downing + 5 mills?

  5. Það ógeðslegasta sem ég hef séð.

    Af hverju var ekki búið að gera útaf við þennan leik.

    Það ógeðslegasta sem ég hef séð

  6. Með fullri virðingu, en Carra má fara að finna sér eitthvað annað að gera en að spila fótbolta. Ég skrifa bæði mörkin á hann, allt of hægur og staðsetningarnar í rugli(sbr. skallamarkið)
    En heilt yfir fannst mér liðið spila mjög vel og áttum klárlega að vinna þetta með 3-4 mörkum.

  7. Alveg stórmerkilegt. Arsenal skoraðið öll mörkin í leiknum og samt fengum við víti!!! Fátt jafn ömurlegt og sóknarmenn sem virðist fyrirmunað að skora mörk:-(

  8. Sælir félagar

    Þó ég hafi ekki lagt það í vana minn að gagnrýna KK þá geri ég það núna. Fyrir það fyrsta, af hverju er Dirk Kuyt látinn taka víti þó hann hafi skorað mikilvægt mark úr víti í bikarleiknum þá hefur hann verið arfaslakur í skorun úr vítum og færum fram að þessu og það breyttist ekki í dag. Af hverju er Carroll ekki kominn inn á fyrir löngu. Af hverju koma skiptingar svona seint og af hverju Downing en ekki Kuyt fyrir Bellamy. Af hverju í andskotanum er Adam í þessu liði. Og svo mætti lengi telja.

    Í öðru lagi hvað þurfa þessir aumingjar í framlínu Liverpool mörg færi til að skora mörk. Þar virðist enginn vera undanskilinn. Það er sama hvort það er bakvörður, miðjumaður eða sóknarmaður. Þessir menn geta ekki skorað, það er sama úr hvað færi það er. Ég er svo reiður við þessa menn (menn?) að ég ræð mér ekki. Andskotinn eigi þá bara alla sem einn og stjórann með. Stýring og skiptingar hjá honum ömurlegt og draumurinn um fjórða sætið fokinn til andskotans. En það var auðvitað bara bulldraumur í leik sem snýst um að skora mörk. Það er hlutur sem þessu liði er fullkomlega fyrirmunaður.

    Það er nú þannig.

    YNWA

  9. Brjálaður – farinn í sund með börnin mín.

    Henderson, Downing, Suarez og Kuyt eiga að SKAMMAST sín fyrir frammistöðuna á síðasta þriðjungi vallarins og það er ÖMURLEGT að sjá skiptingarnar hjá þjálfarateyminu í dag.

    Ekki nokkur ástæða til að fegra neitt í dag, sama vandamálið í allan vetur, vandræðalega léleg frammistaða á síðasta þriðjungnum, ef við hefðum Van Persie værum við efstir í þessari deild. Þurfum ekki lengur að hugsa um CL – sæti og þá er spurning um að fara að gefa nýjum mönnum séns, þetta er ekki neitt nema skelfilegt. Held að við séum að stefna í versta heimavallarárangur í ansi mörg ár og satt að segja held ég að við höfum aldrei nokkurn tíma skorað svo fá mörk á Anfield.

    Það er blaðamál að sjá hræðsluna við skiptingar í deildinni. Í FA bikarnum og Carling hafa menn komið inná og tryggt sigur, í deildinni er stöðugt haldið trausti við þá 11 sem byrja leikinn, þó þeir séu algerlega sprungnir og hættir að skapa hættu. Hvaða grín er það að sjá fyrstu skiptingu á 88.mínútu og nota senter sem spilaði 120 mínútur á sunnudag og 90 mínútur í frosti í Rúmeníu á miðvikudag en ekki þann sem spilaði 100 á sunnudag og ekkert í miðri viku.

    Er alveg sultureiður en nú er engin pressa lengur í deildinni og þá vonandi fara hlutir að breytast. Carling Cup titillinn er að tryggja okkur Evrópusæti á næsta ári, við erum ekki að fara að enda í topp 5 sætum í deildinni og í sumar þarf að kaupa 2 leikmenn sem geta skorað mörk. Víð eigum í dag engan sem gerir það…

  10. Ætlar einhver að segja mér hvað sóknarþjálfari Liverpool er að gera ??? Hvað er nýtingin okkar í hornum á þessu tímabili ? eða aukaspyrnum eða vítum ? Hvað erum við búnir að klikka á mörgum dauða dauða færum ? Það þarf að senda heila skeiningarsveit á sóknarþjálfara Liverpool og reyna að byggja upp einhvað djöfulsins sjálfstraust hjá þessum gúrkum.

    Liverpool dreptu mig ekki

  11. Arsenal-menn vita bara út á hvað fótbolti gengur. Ekki hversu mörg færi þú átt, ekki hversu mikið þú ert með boltann, ekki hversu margar hornspyrnur þú færð,,,,, NÝTA FÆRIN SÍN OG SKORA!!!!
    Charlie Adam vs Meireles = Meireles sigurvegari alla daga ársins,, hvaða fáviti innan LFC ákvað þessi skipti á miðjunni??? Brottrekstrarsök

  12. Sorglegt hvað það féll lítið með liðinu í dag eins og svo oft áður á þessu tímabili, vil meina að þetta sé gæðaleysi. Verulega óverðskuldaður sigur hjá Arsenal.

  13. Magnaður árangur hjá Arsenal að fá tvö færi í leiknum en skora 3 mörk. Legg til að Liverpool hætti að eyða tíma í þessar hornspyrnur, gefa markmanni andstæðinganna bara útspark strax.

    AAAAAAAAAAAAAAAAAAAHHHHHHHHHHH!!!!!!!!!!!!!!!!!!!!!!

  14. Mér þykja þessi úrslit mjööög ósanngjörn, en í fótbolta er ekki spurt um sanngirni; bara hversu vel þú nýtir þau færi sem þú færð. Því miður nýtti Arsenal sín færi betur en við og því fór sem fór.

    Ég er aftur á móti ánægður með þróun liðsins. Mér fannst hápressan virka mjög vel í þessum leik og fannst mér við stjórna honum mestan part tímans. Við spiluðum vel á síðasta þriðjungnum og fannst mér við vera að nýta vel þær opnanir sem okkur bauðst, en því miður var það nýtingin fyrir framan markið sem klikkaði að þessu sinni. Mín eina gagnrýni á Dalglish er að hann skildi hafa tekið Spearing útaf undir lokin. Við þá skiptingu fannst mér við missa tökin á miðjunni og gátum ekki nýtt okkur þann sóknarþunga sem við höfðum byggt upp allan leikinn.

  15. Er síðan 100% sammála Dóra stóra hérna að ofan, mér finnst menn vera missa sig fullmikið í svekkelsinu. Við spiluðum nefnilega mjög vel 90% af leiknum og mér fannts sóknarleikurinn vera virkilega góður, vantaði bara að klára þetta

  16. Frábærlega skemmtilegur leikur, Liverpool hafði algera yfirburði allan leikinn.
    Okkar menn hinnsvegar geta ekki skorað mörk, hvorki núna né það sem af er vetri.

    Okkar menn eiga flest skot allra í tréverkið af öllum liðum í deildinni og mér skilst að Suarez eigi þau flest.

    Ég er algerlega orðlaus eftir þessi úrslit, einhverjir myndu segja að okkar menn hafi átt sigurinn skilinn, en þannig virkar ekki fótboltinn.
    Arsenal vann útaf því að þeir skoruðu 2 mörk ( 3 reyndar) og okkar menn ekkert!
    Við nýtum ekki einu sinni vítin sem falla okkur í hlut, hvernig er það hægt?

    C.L. sætið hefur verið að fjarlægjast okkur hægt og rólega eftir því sem líður á veturinn, og ekki nálguðumst við það í dag því miður.
    En vonin er enn til staðar, en til að eiga séns VERÐA MENN AÐ BYRJA AÐ SKORA!
    En það er því miður ekkert sem bendir til þess að það sé að fara að gerast, ég meina ef menn hafa ekki getað nýtt færin í vetur af hverju ættu þeir fyrir eitthvað kraftaverk að byrja núna?

    Ef við horfum framhjá þeirri blóðugu staðreynd að menn skoruðu ekki í dag þá fannst mér liðið spila flottan fótbolta, eini leikmaðurinn sem mér fannst ekki alveg á pari við aðra var Adam.
    Svo vil ég benda á að Pepe Reina átti að gera betur í sigurmarkinu hjá Van Persie.
    Reina var á hnjánum þegar skotið kom á milli markvarðar og stangar, eitthvað sem á ekki að sjást hjá markverði eins og Reina : (

    C’est la vie.

  17. Dalglish og Commolli geta skammast sín fyrir það að hafa haldið að þeir gætu náð meistarardeildar sæti án þess að versla góðan leikmann í janúar. Til dæmis einhvern til að filla skarð Lucasar og svo einn góðan kanntmann. Því við eigum ekki einn góðan kanntmann. Svo væri ekki verra að eiga markaskorara, kannski erfitt að finna þannig mann í janúar. En þetta var ömurlegt. Svo hefði ég látið Coates spila í staðin fyrir Carra, alveg búinn að vera hann Carra. Coates á þó allavega séns á að vera góður.

  18. Sorglegt, tveir menn Liverpool skáru sig úr í dag, Adam fyrir lélagan leik og Dalglish fyrir að bregðast ekki við FLJÓTLEGA í seinni hálleik þegar ljóst var að það þurfti að skerpa á sóknarleiknum eftir goðan fyrri hálfleik,vá vá hvað var Dalglish eiginlega að hugsa kallinn,,,, vá hvað ég er fúll,að skipta hættulegum leikmanni inn á á 87min og öðrum á 90+ er ekki ásættanlegt,,,við sáum það allir að fljótlega í seinni hálfleik þurfti nýtt blóð og frískar fætur til að skapa sömu pressu og við vorum að skapa í fyrri hálfleik, það jákvæða við þennan leik er náttúrlega að við sjáum nú hvað langt er enn í land,við vitum það allir að klúbburinn okkar þarf MIKLU meira gæði í þennan leikmanna hóp til að geta farið að gera tilkall til að vera alvöru Liverpool lið,lið sem andstæðingar okkar eiga að hræðast og virða og lið sem setur stefnuna á að vera á toppnum allstaðar.

  19. Það er auðvelt að vera vitur eftir á hvað varðar Carroll og Bellamy. En ég vildi thó róttækar skiptingar um 10 mín fyrr en raun var á.

    RvP er skrambi góður.

    Henderson var slappastur hjá LFC. Súaréz fékk víti sem er jú nokkuð Kristján A.

  20. Lélegt hjá Reina í seinna markinu og við áttum að vera búnir að skora.

    En það var eins og þessi línuvörður hefði eitthvað á móti Kyut maður.

    Finnst mjög pirrandi að sjá hvað þetta Arsenal lið getur verið lélegt og treyst bara á einn mann. Þeir voru hörmulegir og yfirspilaðir en þessi eini maður bjargaði þeim. Það væri gaman að sjá hvar Nallarnir væru ef Robin hefði ekki verið með á tímabilinu.

  21. Nokkrir punktar:

    1) Er Coates svona agalega lélegur að honum er aldrei treyst, meira ad segja útbrunninn Carragher labbar fram fyrir hann í röðinni.

    2) King Kenny þarf að fara að taka niðrum sig og athuga hvort kúlurnar séu ekki enn til staðar því hugrekki hans í innáskiptingum eru í besta falli hörmung. Sama má segja um hans taktík en hann veit allavega hvað vantar í sumar til að bæta liðið. Skotleyfið á King Kenny hefst, að mínu mati, um áramótin næstu, fyrr ef breytingar verda lítilvægar í sumar.

    3) Ég gæti pikkað út ALLT lið LFC til að nökdra yfir en þetta sinn (eins og svo oft áður) tek ég út Suarez. Ég veit að allir LFC fans elska hann en ég er kominn med uppí kok á honum. Hann virðist vera menningarlegt slys að öllu leyti en þessar stanslausu djöfulsins byltur í grasið er hætt að virka. Dómarinn féll fyrir dýfunni í dag en sem betur fer varði GK það. ÞEGAR Suarez setur undir sig hausinn og ákveður að spila fótbolta er hann góður. Það er bara farið að sjást of sjaldan. Ég veit að hann fer ekkert en ég myndi selja hann ef vid fengjum pening til að kaupa tvo í staðinn sem myndi bæta liðið.

    Er of fúll til að segja meira. Hörmuleg frammistaða en sanngjarn Arse sigur þar sem eini world class leikmaðurinn á vellinum kláraði hann.

  22. Liverpool tapaði útaf því þeir voru lélegir, og nýttu ekki færin. Arsenal þurfa ekki eins mörg færi til að skora of þess vegna unnu þeir. Við erum að tala um að Liverpool þarf minnst 25 marktilraunir til að ná einu marki. Það er ekki vænlegt til árangurs. Áttum að vinna þetta 7-1 en töpum 1-2, þannig er fótboltinn.

    YNWA

  23. Liverpool þarf bara að eyða öðrum 150 milljónum pundum í sumar í leikmannakaup en þá í gæðaleikmenn, ekki efnilega og ekki miðlungsleikmenn, og þá verða allir sáttir.

  24. það verður gaman að sjá hvaða matchwinnerar vilja koma til liðs sem endar í 6-7 sæti ensku úrvalsdeildarinnar

  25. Ég átta mig ekki alveg á gagnrýninni hérna. Af hverju að skipta inn á mönnum þegar liðið er einfaldlega að yfirspila andstæðinginn? Ég er reyndar á því að það hefði átt að skipta Henderson útaf eftir atvikið með Arteta enda hlýtur slíkt að fara á sálina á mönnum. En liðið var bara að spila vel, það vantaði bara að slútta (tvö atvik sem voru hrikaleg, annars vegar sendingin frá Downing sem fer beint á markvörð og dauðafæri Kelly). Vítið var lélegt og frákastið lélegra (en liðið komsti yfir stuttu síðar svo það breytti kannski ekki öllu á endanum). Tvö stangarskot.

    En það er stundum gott að koma á þessa síðu eftir tapleiki og lesa athugasemdir manna sem eru svo reiðir að þeir vita varla hvað þeir eru að segja. Það róar mann. En úrslitin eru svekkjandi, ekki spurning.

  26. ef það er einhver sóknarþjálfari hjá liverpool þá á að láta hann fara en það verður ekki gert,það vantar mann sem klárar öll þessi færi sem við erum að fá,í staðinn fyrir alla þessa menn sem verða einhverntímann góðir og verið er að bíða eftir að blómstri.allt annað skilar engu eins og sést bara.

  27. Liverpool spilaði mjög vel í fyrri hálfleik. Leikmenn spiluðu á háu tempói og yfirspiluðu Arsenal á stundum. Nenni ekki að velta mér uppúr þeim færum sem klúðruðust því þau skipta engu máli þegar uppi er staðið. Þegar blásað var til hálfleiks var nokkuð ljóst að það yrði erfitt spila annan eins seinni hálfleik á sama hraða.

    Seinni hálfleikur var fínn fyrstu 20 mín en þá var augljóslega farið að draga af leikmönnum Liverpool. Það KK og SC skuli ekki hafa gert skiptingu á þeim tímapunkti er mér algjörlega óskiljanlegt. Það var áberandi að Downing, Adam, Henderson og Kuyt voru hættir að geta hápressað. Á bekknum hefði klárlega mátt setja Shelvey, Bellamy og Carroll inná á þessum tímapunkti. Fyrsta skiptingin kom á 88 mín og sú næsta á 95 mín. Hvað eiga menn að gera þegar þeir koma inná völlinn í blálokin. Það tekur menn yfirleitt nokkrar mín að koma sér inní leikinn og ná skrokknum af stað.

    Arsenal lá tilbaka og freistaði þess að beita skyndisóknum. Þeir fengu þrjú góð færi og skoruðu tvö mörk. Hugsanlega má skrifa annað markið og þreytu leikmanna sem kostaði einbeitningaleysi. Amk var Song grunsamlega einn og óáreittur á miðjunni þegar hann fékk boltann og lagði upp markið.

    Jæja, maður þarf ekki að pirra sig meira á leikjum í deildinni í vetur þar sem liðið hefur ekki að neinu að keppa lengur. Nú er bara að fókusera á FA Cup og vona að liðið landi einni dollu í viðbót.

  28. Ég elska LFC! Koma. Svo KD, Fullt af leikjum eftir.

    Allir að róa sig í neikvæðni og væli takk!

  29. Einn leikmaður í þessu Arsenal liði sem þurfti að hafa gætur á í 98 mín. Það var ekki gert, sanngjörn úrslit.

  30. er einhver annar herna en eg sem saknar matchwinnerinum okkar Fernando Torres??? a svokölluðu lelegu timbili hja honum skoraði hann meira en suarez og carroll eru bunir að skora siðan þeir komu til liverpool.. # lelegkaup #lelegsala #leiðinlegtfotboltaliðeinsoger

  31. Verð bara að segja eitt,ef hinn almenni áhangandi Liverpool er ánægður með leik dagsins þá fer ég að skilja hvers vegna við erum í þeirri stöðu sem við erum í,mér persónulega er skítsama hvað við stjórnum mörgum leikjum eða hvað við erum miklu betri í öðrum,leikur eins og í dag tapast af því að leikmennirnir gátu ekki skorað og það er ekki í fyrsta og ekki í annað skipti í vetur.

    Við hefðum getað spilað fram að páskum án þess að skora og ég get bara ekki verið ánægður með það þó við höfum verið með 60-70 prósent í posession eða hvað það var.

    Einhver sagði að Carra hefði verið með af því að það væri enginn annar möguleiki!!!!
    Var Coates keyptur til að halda bekknum heitum eða…??? Dýr bekkjarvermir það.

  32. Sælir félagar

    Ég hef alltaf farið eftir þeirri heimsspeki í lífinu að reyna taka það jákvæða út úr sérhverjum aðstæðum sem maður finnur sig í. Eftir þennan leik er auðvelt að horfa á það neikvæða og bölsótast út í hinn og þennan leikmann fyrir að hafa ekki; a) nýtt færi b) skorað úr víti c) gefið almennilega fyrirgjöf d) dekkað besta leikmann hins liðsins almennilega e) skipt nógu snemma og margt fleira sem fór úrskeiðis í dag og orsakaði þetta mjög svo svekkjandi tap.

    Af okkar mönnum verður það þó ekki tekið, og þetta er það sem ég kýs að horfa frekar á, að þeir spiluðu frábærlega í þessum leik og yfirspiluðu eitt af bestu liðum knattspyrnunnar sem að hafði slátrað sterku liði Tottenham fyrir tæpri viku síðan. Leikskipulag KK gekk fullkomlega upp (inn í leikskipulaginu var í sjálfsögðu ekki tekið fram að klúðra færum), leikmenn voru greinilega rétt tjúnaðir upp í leikinn og hápressan skilaði mörgum dauðafærum í fyrri hálfleik og með temmilega eðlilegri færanýtingu hefðum við átt að vera 3-1 yfir í hálfleik. Staðreyndin var sú að við vorum það ekki.

    Mér blöskrar sum skrifin hérna inni, frá fullorðnum mönnum. Sigtryggur missir virðingu mína með miður fögrum orðum um leikmenn liðsins. “Í öðru lagi hvað þurfa þessir aumingjar í framlínu Liverpool mörg færi til að skora mörk. …(sic) andskotinn eigi þá bara alla sem einn og stjórann með.” Hvernig er hægt að kalla sig stuðningsmann, eða fullorðinn mann ef út í það er farið, og látið svona hluti út úr sér. Ég ætla vona að það séu engir nemendur þínir hér inni sem hafa lesið þessa hatursræðu, ég skil vel að menn séu pirraðir en við hljótum að geta gætt hófs og rædd það sem miður fór á skynsaman og rökfastan hátt, án þess að þurfa grípa til svona dylgna og upphrópanna.

    Þið getið kallað mig pollýönnu fyrir að benda á þetta en ég get ekki horft á leikinn öðruvísi en að við spiluðum frábærlega, vissulega er ég gríðarlega svekktur en þetta er þó bara einn leikur. Í stærra samhengi hlutanna er þetta lið ekki á leiðinni neitt annað en upp í töflunni. Grunnurinn af endurbyggingunni er byggður á sterkri vörn, samheldni í leikmannahópi og þeirri fótboltafílasófiu að halda boltanum innan liðsins; eitthvað sem tókst frábærlega upp í dag. Ég veit það getur verið erfitt að sjá þessa hluti í dag en trúir því einhver virkilega að Liverpool muni halda áfram að klúðra öllum þessum færum sem þeir eru að skapa, til eilífðarnóns? Að sjálfsögðu ekki. Og þegar sá dagur kemur þá verð ég ánægður með að hafa litið á þessa leiki sem leiddu upp að þeim tíma með jákvæðum augum, studd lið mitt og leikmenn þess sama hvað á bjátar, held my head up high when walking through a storm og get skrifað yfirlætislega hingað inn “I told you so”.

  33. Er ekki tími komin til hjá KK að taka vídó og hornspyrnur svolítið í gegn, þetta er til skammar hvað lítið kemur úr þessu FOKK FOKKING FOKK.

  34. @eikifr 26
    Ég gæti pikkað út ALLT lið LFC til að nökdra yfir en þetta sinn (eins og svo oft áður) tek ég út Suarez. Ég veit að allir LFC fans elska hann en ég er kominn med uppí kok á honum. Hann virðist vera menningarlegt slys að öllu leyti en þessar stanslausu djöfulsins byltur í grasið er hætt að virka. Dómarinn féll fyrir dýfunni í dag en sem betur fer varði GK það. ÞEGAR Suarez setur undir sig hausinn og ákveður að spila fótbolta er hann góður. Það er bara farið að sjást of sjaldan. Ég veit að hann fer ekkert en ég myndi selja hann ef vid fengjum pening til að kaupa tvo í staðinn sem myndi bæta liðið.

    Sjálfsagt er það sjálfsmorð að segjast sammála þessu, en Suarez er og verður krabbamein Liverpool. Over and out ég er farinn.

  35. Sælir félagar

    Það er mikið til í því að fullorðnir menn eiga ekki að missa sig í ömurleika þeirra úrslita sem Liverpool liðið hefur alltof oft verið að bjó,ða stuðningmönnum sínum uppá í vetur. Hitt er svo annað að ég ætla ekki að fara í einhvern pollýönnu leik við Hörð þenna. Þann leik getur hann leikið við sjálfan sig.

    Það er ómótmælanlegt að fótbolti snýst um að gera mörk og þá helst fleiri mörk en andstæðingurinn. Menn sem geta ekki skorað mörk eiga annað hvort ekki að spila fótbolta eða spila þær stöður á vellinum að þess sé ekki krafist.

    Nú er það svo að framherjar, kantmenn og sóknartengiliðir og stundum bakverðir og jafnvel einstaka miðverðir sem eru öflugir skallamenn er kallaðir til að skora. En fyrst og fremst er ætlast til þess af sóknarmönnum liða. Það er því ekki hægt að segja að það séu ósanngjarnar kröfur til manna að þeir skori úr alla vega þriðja til fjórða hverju færi sem þeir fá. Og þá er ég að tala um færi en ekki einhver hálffæri og klafs.

    Ef Herði finnst það ósanngjarnt af mér að láta það pirra mig að “menn” standi ekki undir þeim kröfum þá er það hans vandamál. Eins er það hans vandamál ef hann telur sig stuðningmann liðsins af “hæsta gæðaflokki” og okkur beri að taka hann sér til fyrirmyndar. Eins er það hans vandamál ef hann telur ástæðu til að draga starf mitt inn í þessa umræðu. Það lýsir “jákvæðni” hans og “stórmennsku” betur en ég get gert.

    Það er nú þannig.

    YNWA

  36. Hefði mátt skipta um menn fyrr og nota allar skiptingar fyrir 70 mín, ég set TVO síðustu leiki alfarið á KK,
    semsagt ekki verið að spila rétt.

  37. Sagði fyrir rúmum mánuði að við ættum að gleyma þessu 4.sæti í ár, afskrifa þetta tímabil í deildinni og gefa nýjum leikmönnum nóg af leikjum til að sanna sig og fá svör við hverjir eiga heima í byrjunarliði Liverpool. Við fengum einhver svör í dag…

    Maður fyllist bara reiði yfir þessari meðalmennsku. Hvenær varð standardinn hjá Liverpool að kaupa leikmenn eins og Charlie Adam? (ég skrifaði einmitt líka hvað það væri linkulegt að Adam þorði ekki að krefjast þess að taka víti og aukaspyrnur við teiginn og virkilega stjórna miðju og leik Liverpool)
    Carragher er fullkomlega búinn á því og bara má ekki spila í svona mikilvægum leikjum, hann á stóran þátt í báðum mörkum Van Persie. Hvar er þessi Coates sem var keyptur til Liverpool úr landsliði Úrúgvæ 7m punda? Bara getur ekki verið verri en Carra í dag. Var hann bara keyptur sem einhver leikfélagi fyrir Suarez eða eru scout-ar Liverpool svona lélegir?

    Skiptingar Dalglish í leiknum auðvitað lélegur brandari. Kuyt var strax á 65.mín búinn að hlaupa sig ofaní jörðina og aldrei að fara skora. Bara fullkomlega óskiljanlegt að Bellamy eða Carroll hafi ekki verið settir inn gegn þreyttum varnarmönnum. Dalglish verður að segjast hefur verið mikil vonbrigði í mínum augum. Sýnist hann vera orðinn rosalega íhaldssamur með árunum. Hann hefur ekki komið með það sjálfstraust inní liðið sem ég bjóst við og tekið nokkrar hryllilegar ákvarðanir í leikmannakaupum. Að hafa ekki boðið Meireles samning en svo kippt Adam inn er t.d. magnaður gjörningur.

    Held það sé ekki rétt hjá Kristjáni Atla að við þurfum aðallega matchwinnera í Liverpool. Við þurfum að mínu mati helst af öllu þungaviktar leikstjórnanda og leiðtoga á miðjuna. Einhvern sem HATAR að tapa og öskrar liðið áfram. Einhvern sem allir bera virðingu fyrir og þora ekki annað en að klára færin fyrir. Einhver sem færir ró yfir liðið, stjórnar og gefur því sjálfstraust. Það er hryllingur að vera með miðjuna Spearing, Henderson, Downing og Adam í svona stórleik. Enginn leiðtogi að neinu marki. Þess utan er Gerrard ekki mikill leikstjórnandi og Leiva ekki heldur. Þegar svona ástand er klúðra menn opnum færum trekk eftir trekk. Menn frjósa bara þegar þeir komast inní vítateig andstæðinganna og gefa barnaleg mörk eins og í dag. Við erum algjörlega sundrað lið í augnablikinu, enginn ákveðinn karakter yfir liðinu og verið að gera stanslausar tilraunir með leikmenn og láta þá gela saman. Ekkert virðist haldast og andinn í búningsklefanum örugglega frústrering þrátt fyrir bikarsigurinn gegn Cardiff.

    Maður gefur Dalglish þangað til næstu áramót að finna lausnir. Sóknarleikurinn okkar gekk frábærlega í fyrra og við skoruðum hrúgu af mörkum með hröðum sóknarleik en svo reif Dalglish það hjarta út og keypti allt alltof hæga leikmenn í staðinn. Það sem gekk vel hætti að virka, menn misstu trúna og biðu eftir endurkomu Gerrard sem átti að laga allt. En gerði það ekki því hann er bara ekki týpan til að vera leikstjórnandi.
    Við verðum að stórbæta hraðann, leikskilning og skottækni í liðinu fyrir næsta ár og ákveða hvernig lið við ætlum að vera, sérstaklega hraða. Ýmislegt ágætt til staðar samt fyrir framtíðarlið Liverpool. Þetta pass-it-around lið Dalglish í dag er þó allavega engan veginn nógu gott fyrir Liverpool FC.

  38. Flottur leikur slæm úrslit. Hættum svo að væla yfir miðjunni og kantmönnum, sköpum fullta af færum en sóknarmenn okkar nýta mjööööggg fá. Er þá ekki frekar eitthvað að á þeim bænum? Spyr sá sem ekki veit.

  39. Mér þykir leitt Sigtryggur ef þú hefur lesið það úr mínum orðum að ég teldi mig vera þér eða öðrum æðri stuðningsmaður vegna þess að ég vildi horfa jákvæðari augum til framtíðarinnar, í stað þess að dvelja við þennan svekkjandi leik og bölsótast á internetinu út í allt sem í honum fór úrskeiðis.

    Að sjálfsögðu er ég pirraður, að sjálfsögðu er ég reiður og svekktur og er búinn út allan tilfinningaskalann á þessum 2 tímum síðan leikurinn endaði. En það afsakar samt ekki að koma hringað, á opinveran vettvang og hella svo hressilega úr skálum reiðar sinnar að andskotinn megi hirða alla leikmenn liðsins og stjóra þess. Ég er ekki að sjálfsskipa mig ritstjóra þessa spjalls eða einhvern postul góðs og almenns siðferðis, en mér fannst kommentið þitt áðan (#11) fara fram úr því góða hófi sem venjulega gegnir hér á þessu spjalli. Það er mín einlæga skoðun að stuðningsmenn ættu að styðja lið sitt, sama hvað á gengur. Sbr. þann hluta Anfield sem söng eftir að Arsenal skoraði seinna markið sitt áðan. Mér þykir það leitt ef sú skoðun mín hljómaði yfirlætislega í þínum eyrum, það var ekki meiningin.

    Annars ætla ég ekki munnhöggvast frekar við þig, við erum báðir svekktir en kjósum að líta þetta tap mismunandi augum. Við því verður ekkert gert.

  40. Hörður! Mér finnst ástæða til að þú hafir manndóm í þér til að biðjast afsökunar á að dragas starf mitt inn í þessa umræðu. Ef þú gerir það get ég sæst á skiptan hlut.
    Það er nú þannig.

  41. Ótrúlega svekkjandi úrslit. Liðið spilaði mun betur en Arsenal. Vissulega er það ekki tölfræði sem skorar mörk en þegar liðið spilar svona þá hlýtur það að skila árangri með tíð og tíma. Eins og Wenger bendir sjálfur á þá áttu þeir menn leiksins, annar spilaði fremst hjá Arsenal og hinn aftast.

    Ég hef trú á þessum mannskap og þó ég hafi ekki á móti því að gera góð kaup næsta sumar þá tel ég að það sé hægt að byggja á þessum mannskap næsta vetur, það eru gæði til staðar.

    Shit, fæ svona “Deja Vu” tilfinningu þegar ég stend mig að því að vera farin að tala um næsta tímabil og að þá muni allt gerast 🙁

  42. Ég er sammála því sem Hörður skrifar að einhverju leyti; það verður ekki af LFC tekið að liðið spilaði stórkostlega á köflum og hreinlega keyrði Arsenal í kaf. Og liðið er á réttri leið, sama hvað hver segir. Hins vegar vantar herslumuninn og nú varpa ég fram spurningu: Dalglish hefur bætt liðsandann og komið mönnum um skilning um hvað það þýðir að spila fyrir Liverpool. En hefur hann þennan herslumun? Sjáum til í lok tímabils, ef liðið vinnur FA bikarinn þá held ég að Dalglish fái eitt tímabil í viðbót.

    Commolli sagði í viðtali að liðið ætlaði ekki útí jafnmiklar fjárfestingar á síðasta ári. Þar held ég að hann hafi hitt naglann á höfuðið. Það vantar ekki mikið uppá að liðið fari að berjast á vígstöðvum þeirra bestu. Eitt stykki framherja með tuttugu mörk (þessi einstaki hæfileiki leikmanna LFC að setja bolta í stöng hlýtur að fara rat í heimsmetabækur Guinness). Það vantar eitt stykki varnarsinnaðan miðjumann og einn sóknarþenkjandi sem getur brugðið sér í allra kvikinda líki.

    Henderson átti sinn besta leik fyrir LFC og ég hef mikla trú á þessum dreng. Suarez er farinn að líkjast sjálfum sér og Downing finnst mér alltaf verða meiri og meiri ógn. Adam átti fína spretti og Spearing var glettilega góður. Hann er hins vegar of mistækur. Hins vegar nær Arsenal að skapa sér tvö færi og í bæði skiptin er það okkar ástkæri Carragher sem er þar nærri. Og nú ætla ég ekki að fara hengja hann eða þræða uppá tein en hvað liðið saknaði Daniel Agger, ó boy, ó boy. Enrique var sömuleiðis mistækur, vonandi var ég ekki eini maðurinn sem öskraði á hann þegar Bacary Sagna mundaði fótinn í mestu rólegheitum og sendi hann beint á kollinn á Van Persie.

    Menn mættu samt anda aðeins rólegra, vissulega var takmarkið topp fjögur og það tekst ekki. So be it. En liðið er í dauðafæri að komast í úrslitaleik FA Cup og það er komið í Evrópudeildina og það er búið að tryggja sér einn bikar. Góðir hlutir gerast hægt, sem betur fer er uppbyggingin hafin á Melwood, liðið á allt einu unga stráka sem hafa allt til brunns að bera og efnilega drengi sem banka á aðalliðsdyrnar. Menn mega síðan gera sér í hugarlund þá miklu kreppu í herbúðum Chelsea þegar það kemst ekki í CL. LFC er búið að fara í gegnum þá eldraun (þá fá hinir bláklæddu að kynnast því hversu erfitt það er að hafa enga sögu).

    ps. Ég fylgdist með upphitun fyrir leikinn á LFC TV og þar kom meðal annars fram að strákur að nafni Raheem Sterling hefði fengið að hita upp með liðinu fyrir þennan leik og á Wembley.

    Storminn fer að lægja, þolinmæði þrautir vinnur allar og allar þessar heitu tilfinningar sem brjótast um í brjóstum manna eftir leik sanna aðeins eitt; að menn elska virkilega þetta félag….

  43. Biðja um að færa heimaleiki á útivöll, helvítis boltinn bara einfaldlega nennir ekki í netið á Anfield!

  44. Það er fullt af jákvæðum hlutum sem má taka úr þessum leik og réttilega svo. Liverpool heilt yfir lék mjög vel gegn góðu liði Arsenal og hefði heimurinn verið sanngjarn þá hefðu Arsenal aldrei tekið öll stigin í þessum leik.

    Einhverjir leikmenn liðsins hafa oft leikið betur og aðrir stóðu sig með miklum sóma en því miður féll þetta bara ekki með liðinu – enn einu sinni!

    Þetta er bara kennslubókardæmi um það að maður vinnur ekki leiki nema með því að skora mörk og þú þarft ekki alltaf að vera betri aðilinn í leiknum til að skora og vinna, sem er auðvitað oft mjög fúlt. Liverpool veður í færum og nær aðeins einu marki á meðan Arsenal fá mun færri en skora tvö, þarna liggur munurinn.

    Persónulega var ég í alvöru að gæla við þá hugmynd að Robbie Fowler kæmi aftur til Liverpool út leiktíðina fyrst þetta ævintýri hans í Indlandi virðist hafa fallið um sig. Hann er ekkert unglamb enn þá og kannski ekki sami leikmaður og hann var en anskotinn hafi það ég held að hann myndi samt alltaf geta skorað mörk fyrir Liverpool!

    Ef við lítum á heildarmyndina á tímabilinu, hvernig svo sem fer fyrir þessu 4.sæti, þá er uppganga Liverpool mikil, hún gæti verið meiri en hún gæti líka verið minni. Menn tala um langtímaáform hjá félaginu og eitthvað í þeim dúr og hvað það varðar þá held ég að ástandið sé ekki eins slæmt og maður vill stundum halda. Það yrði frábært að komast aftur í Meistaradeildina en þó það takist kannski ekki í ár þá held ég ekki að Liverpool muni hrynja. Það er kominn titill í hús og við eigum séns á öðrum, liðið er ekki langt (en alveg nógu langt) á eftir 4.-5.sætunum og það má sjá margt jákvætt í leikjum liðsins i vetur.

    Always look on the bright side of life…

  45. Nenni ekki að ræða þetta lengur en dómarinn dæmdi okkar menn rangstæða ansi oft en ekki þegar að seinna markið kom hjá Arsenal sem var rangstæða…..

  46. Voru það mistök að reka hodgson?

    kenny daglish komin með 5 stig eftir ára mót.
    hodgson komin með 13 stig.

    hvernig er hægt að verja kenny daglish?

    A. hann er búin að fá alltof mikin pening
    B. hann er en að spila liðinu saman
    C. það er ekki hægt að verja hann

    A,B eða C hvað er rétt svar?

  47. Rökræðum já, drullum yfir hverja aðra NEI. Það er scumstíllinn og á ekki heima á þessu spjalli.

  48. Atli hvort finnst þér skemmtilegra að horfa á liðið þitt spila skemmtilegan og sókndjarfan bolta og vera yfirleitt betra liðið en gengur hægt að skora eða horfa á liðið þitt spila ömurlegan bolta yfirleitt lakara liðið og yfir höfuð ekkert jákvætt hjá liðinu.? Eina sem vantar hjá okkar liðið er að nýta færin og það mun koma. Það var ekki hægt að segja það þegar Hodson var þá var allt svart og ömurlegt.

  49. Alveg magnað hvað við getum öll séð leikinn með ólíkum augum, hreint ótrúlegt 🙂
    Ég var allan tímann að dást af baráttugleði og frábæru flæði Liverpool sem var mun líkara því sem við sáum í vor og haust en ekki þetta óendanlega hugmyndaleysi í sóknarleik og vandræðalegheit.
    Það verður ekki litið framhjá því að vítið var vel varið og ég tala nú ekki um þessa súperman skutlu sem kom á eftir, hreint rosaleg. Hann var sjóðandi í markinu í dag. Við stjórnuðum þessum leik nánst frá upphafi til enda og leikurinn hárrétt settur upp að mínu mati. Það er ekki á hverjum degi sem Arsenal fá 4 færi á 90 min. Ég meina sáuð þið þá ekki fyrir viku síðan???
    Ég er alls ekki sammála því að skiptingarnar hefðu mátt koma fyrr því við vorum að skapa færi og mun betri, færin voru bara ekki nýtt. Carroll gat ekkert á móti Cardiff og hvað þá Bellamy, eða það fannst mér.

    Auðvitað er ég drullu svekktur og pirraður yfir úrslitunum en í dag af öllum dögum finnst mér þjálfarinn og megnið af leikmönnum hafa skilað góðu starfi og því ótrúlegt hvað allir eru að missa það hér.

    Og hvað er þetta hjá mönnum og þessi vanvirðing við einn mesta liverpool mann síðari ára? Carra á betra skilið en þetta, það komu 2 VANGEFNAR sendingar á einn besta leikmann deildarinnar sem nýtti það 100% og skilaði það sigri.

    Ég hef oft verið brjálaður og heimtað hinn og þennan út úr liðinu en eftir þennan leik er ég svo langt frá því.

    Æ ég veit ekki hvað ég er að tjá mig hérna….
    Áfram Liverpool.

  50. Svenni,það væri allt í lagi að Liverpool spilaði ömurlega svona eins og annan hvern leik og stæli svo sigrinum því eins og þú veist þá snýst þessi leikur um að skila 3 stigum í hús eins oft og mögulegt er!!!

  51. svenni. mér finnst árangurinn miklvægari en skemmtilegur fótbolti…..árangurinn hjá roy er meiri en hjá kenny þessa dagana….og yfirleitt hefur nú skort skemmtilegan fótbolta hjá liverpool á þessu tímabili, þanig að ég skil ekki þessa spurningu hjá þér

  52. Sund róar mann vissulega en enn meira svekkjandi er að sjá daginn eftir enn eitt tap Chelsea. Þar á bæ er ástandið í sögulegu lágmarki og hlýtur að vera ljóst að Vilas Boas er á síðasta séns.

    En að okkar mönnum, er sammála Kristjáni Atla um nær allt í skýrslunni en ætla að skrifa pistil á morgun um hvað það er í stöðunni sem að pirrar mig mest, það að við höfum glímt við sama vandamál frá því eftir að við unnum Wolves 2-1 á Anfield. Að breyta góðum leik úti á vellinum í mörk.

    Þar leyfi ég mér að vera ósammála því að allt sé ömurlegt hjá félaginu. Við sköpum okkur yfirleitt 5 – 7 góð færi, þar af 3 – 4 dauðafæri úti á vellinum með fínni spilamennsku. Á varnarþriðjungnum og á miðþriðjungnum leysum við pressu vel og látum leikinn fljóta. Í fyrri hálfleik léku Adam og Spearing að mínu viti afskaplega vel og stungu boltum inn á sóknarþriðjunginn.

    Þar hins vegar klikkaði flest sem klikkað gat, hvort sem var sendingar eða skot. Í síðari hálfleik áttu Adam og Spearing ekki góðan leik og þá fannst mér okkar stjóri bregðast bara alltof seint við. Hann hefur alltaf verið íhaldsamur þjálfari og því ætlar hann ekki að breyta svo glatt. Stundum virkar það vel en í dag fannst mér það ekki vera að gera sig.

    Tölfræðin í leikjum vetrarins varðandi posession og tilraunir á mark sýnir stjarnfræðilega breytingu til hins betra milli leiktímabila. En við höfum held ég aldrei skorað eins fá mörk á heimavelli og í vetur, við þurfum ekki að vera Nóbelsverðlaunahafar í eðlisfræði til að skynja hvar vandinn liggur.

    En eftir standa enn ein ömurleg úrslit í leik sem við stjórnuðum í 100 mínútur. Því breytti sundið ekki.

  53. Jesús minn, eru menn byrjaðir að pæla í Woy?

    Framfarir Liverpool eru gríðarlegar hvað spilamennsku varðar, hreinlega allt annað að horfa á liðið spila heldur en undanfarin 2 tímabil á undan.

    Vörnin er sú næst besta í deildinni, aðeins toplið deildarinnar hefur fengið á sig færri mörk og miðjan hefur oftast spilað vel, það á meðal í dag.
    Það eina sem vantar eru mörk.
    Hvernig sem marka skorunin verður bætt, þá þarf það að gerast.

    Svo er ég sammála þeim sem segja að Coates hljóti að fá sénsinn núna í fjarveru Agger, Carra er legent, en hann er búinn.

  54. Ég sé nú engan veginn hvernig hægt er að kenna Dalglish um þetta tap. Hann og þjálfaraliðið gera nákvæmlega það sem hægt er að gera, mótivera liðið, leggja leikinn upp þannig að liðið veður í færum. Ekki er það hann sem klúðrar færunum.

    Vissulega hefðu skiptingarnar átt að koma fyrr og jafnvel vera aðrar. Ég tek hins vegar undir með Herði að þetta er svo sannarlega á réttri leið hjá Dalglish og félögum. Liðið spilar brilljant fótbolta 85% af vellinum.

    Ég veit það er erfitt að hugsa til langrar framtíðar og markmiðin virðast ekki vera að nást en það vantar svo lítið upp á að það er lygilegt. En það sem vantar upp á er lykilatriði í fótbolta og það þarf mannskap sem getur klárað. Núverandi mannskapur virðist ekki vera fær um það.

  55. Strákar strákar. Liðið þarf ekkert skammast sín. Skutum í báðar stangarnir, eigum 13 hornspyrnur á móti engri og spilið fram á við var bara fínt á köflum í dag.

    Liverpool er búið að ganga í gegnum gríðarlega breytingar og þetta er allt á réttri leið. Við höfum verið gríðarlega óheppnir í vetur en 21 skot hefur lent í stöng eða slá! 21 skot!!!! Það væri bara allt önnur staða ef helmingur þeirra skota hefði lent inn. Ég bara trúi því ekki að við eigum eftir að sjá svona mörg skot í stangir og lélega vítanýtingu á næsta tímabil.

    Ef Liverpool missir sinn besta mann höfum við ennþá massívt lið í höndunum. Ef Arsenal missir sinn besta mann verða þeir í fallbaráttu. Huggum okkur við það.

    Læt Bill Shankly eiga lokaorðið en það á vel við miðað við hvað ég hef lesið hér í dag: “If you can’t support us when we draw or lose, don’t support us when we win”

  56. Mikið er ég ósammála leikskýrslunni hér að ofan.

    Þegar menn setja sér markmið að ná meistaradeildarsæti eftir að hafa eytt miklum fjármunum í leikmenn þá er allt annað en að ná því markmiði vonbrigði. Þá sérstaklega fyrir stuðningsmenn.

    Annars fannst mér liðið leika vel í dag, en það er mikill munur á því sem við gerum á sóknar-þriðjungi vallarinns miðað við Arsenal. Þeir fengu tvo færi, skoruðu tvö mörk. Við fengum ca. 50 færi og skoruðum ekki mark.

    Alveg klárt frá mínum bæjardyrum séð að okkur sárvantar markaskorara. Leikmennirnir sem keyptir hafa verið til að skapa færi gera það. Þegar kemur hins vegar að því að skora mörkin eru mennirnir sem eiga að sjá um það búnir að valda miklum vonbrigðum. Suarez hvorki að leggja upp né skora og Carroll einfaldlega flopp þó hann hafi sýnt undanfarið að hann sé kanski virði 1/5 af því sem hann var keyptur á.

    Liverpool-stuðningsmenn verða að skilja það að fótbolti snýst ekki um að klobba menn út á velli eða sína glæsileg tilþrif eins og Suarez gerir t.d. Við verðum að SKORA MÖRK. Síðast þegar að ég gáði þá vinnur liðið sem skorar fleiri mörk.

  57. Hvernig get menn verið að væla um Woy og jafnvel segja að Suarez sé krabbamein Liverpool. Ef Suarez hefði ekki verið með þá hefði Liverpool sennileg ekki átt hættulegt færi í leiknum, menn þurfa aðeins að draga hausinn út úr rassgatinu á sér áður en þeir byrja að rakka menn niður.

  58. Við stefnum hraðbyr í að verða 30 stigum eða rúmlega það á eftir efstu liðunum á töflunni, það eitt og sér er brottrekstrarsök fyrir KK . Það eru ekki svo ekki svo mörg tímabil síðan að hér varð allt brjálað þegar við enduðum tímabilið 20 stigum frá efsta liði deildarinnar og samdóma álit allra hér inni að það væri algjör skandall og mætti aldrei gerast aftur. Tími KK er liðinn og vona ég að honum beri gæfa til þess að láta sjálfviljugur af störfum í vor.

  59. Mér fannst Suarez okkar besti maður í dag, einfaldlega frábær. Sáuð þið kannski ekki þegar hann fór fram hjá fjórum leikmönnum og aðeins frábær markvarsla kom í veg fyrir mark. Svo fiskaði hann víti. Hann var frábær í leiknum og Arsenal réð ekkert við hann. Ég vona að Suarez verði um aldur og æfi hjá Liverpool Og… ég þori að veðja að markmaður Arsenal verði í liði vikunnar.

    Liðið spilaði mjög vel þó dregið hafi af mönnum í seinni hálfleik. Þetta var einfaldlega gríðarlega svekkjandi tap. Og þessi neikvæðni og hvernig menn geta leyft sér að hrauna yfir leikmenn eins og gert er hér statt og stöðugt ef Liverpool vinnur ekki er frekar lélegt. T.d. fannst mér barasta Adam eiga fínan leik heilt yfir.

  60. shit nenni ekki að lesa öll commentinn maður verður bara þunglyndur, kannski er þetta komið hérna á undan. Eigum við ekki bara að leifa Coates að fara að spila núna í staðinn fyrir Carra bara svona fyrir hann uppá reynsluna þar sem við höfum að engu að keppa lengur , ekki séns á meistarad. og komnir í evrópud. Já og leifa ungliðum úr varaliðinu að fá sénsinn, prófa framherjana þeir geta ekki skorað minna en þeir í aðalliðinu………..

  61. Besti leikur Liverpool á tímabilinu, en hann tapaðist samt. Það er sæmilegt högg í andlitið. Liðið heldur bara áfram og er sigurstranglegt.

  62. Jæja ég veit ekki hvað maður á að segja mér fannst nú rangstöðu lykt af seinna markinu, en þetta var alveg eftir bókinni eins og Liverpool hefur spilað og með þessu áfram haldandi vel spilandi án marka þá erum við ekki að fara ná í meistaradeilarsæti.

  63. #3 held samt að allir Liverpool leikmenn séu tæknilega séð ekki búnir að skora fleiri en 24 mörk ef frá eru tekin sjálfsmörkin sem hafa dottið með okkur…. það segir ýmislegt. RVP með einu marki meira á tímabilinu en ALLIR Liverpool menn til samans.

  64. Var illa brjálaður eftir leikinn, en ef við horfum á þetta þegar maður hefur róað sig finnst mér annsi margir vera að missa sig hér bæði skýrsluritari og fleiri með því að tala um að ákveðnir menn eigi að skammast sín, mín skoðun (aðeins mín skoðun þið megið hafa ykkar þó ég gagnrýni hana smá) er sú að þegar liðið okkar yfir spilar arsenal þá sé það lítið til að skammast sín fyrir það að ná ekki að skora er eitthvað sem er svo alvarlegt mál, en að skammast sín held ekki, ég hefði verið meira reiður ef okkar menn hefðu bara lagst niður og látið keyra yfir sig þá á að skammast sín, menn sem gefa allt í leikinn eiga að geta borið höfuð hátt þrátt fyrir tap.
    Ég sá ekki bikarleikinn gegn man utd en hef heyrt að þar hafi scums verið mun betri aðilinn sem dæmi en okkar menn sigra, svona er einfaldlega fótboltinn.
    Eftir að hafa sagt allt þetta velti ég samt fyrir mér hvað er að ské frammi með þetta lið eru menn í keppni í að skjóta í stöng, það er greinilega einhver gloppa í þessu á æfinga svæðinu því þetta helvíti er ekki einleikið.

    YNWA

  65. Gleymdi að minnast á eitt.

    Ég man ekki betur en að í upphafi leiktíðar hafi verið gerð könnun um væntingar á gengi Liverpool í deildinni.

    Niðurstöðurnar voru nokkuð skýrar, fæstir gerðu kröfu um að ná meistaradeildasætinu hvað þá meir.

    En í dag er allt í einu krafan önnur…. 🙂

    Gaman að velta sér upp úr þessu haha…

  66. Skrýtin staðreynd.. Liverpool hefur ekki unnið einn einasta leik í deildinni í vetur þegar Gerrard er í byrjunarliðinu. Ég er ekkert að bauna neitt á Gerrard með þessu, mér fannst þetta bara ferkar ótrúlegt þegar ég heyrði þetta og ákvað að tékka á þessu sjálfur. En svona er þetta!

  67. Hvað eru menn að drulla yfir Carra? Fyrsta markið var röð að mistökum. Bakvörður langt frá manninum með fyrirgjöfina. Hvað var Skrtel, hann var bara einn á flakki þarna og var Carra ekki að sópa upp eftir hann, farinn yfir í manninn. Carra leggur sig 110% fram og í gegnum tíðina að sópa upp eftir aðra. Seinna markið vara bara snild og engin sem getur stoppað það, frekar að skoða markvörðin og nærstöngina í því marki.

    Ef menn eru að tala um leikmenn sem eru búnir þá má byrja á Kuyt. Maður sem fær borgað fyrir að skora eða skapa er ekki að gera mikið af því. Það mætti tala um fleiri þannig. En allt eiga menn sameiginlegt og það er að þeir eru að leggja sig fram. Alltaf gott þegar menn eru að gera það og þá er einu vandamáli færra.

    Er ekki málið að skapandi leikmenn eru ekki til hjá okkur. Við erum með framherja smá þurfa að skapa sér færi sjálfir. Vængmenn sem hitt alltaf á fyrsta varnarmann og miðjan er svo mikið til baka og skapandi leikur er ekki til hjá henni. Svo er einn miðjumaður sem er að reyna of mikið af hlutm sem hann ræður ekki við.

    Nú er tími til að gefa yngri leikmönnum tækifæri, við sáum hvað það gerði þegar Kenny tók við á sínum tíma.

  68. Tók út tröllakomment og dónaskap á skýrsluskrifara, auk þeirra sem kölluðu réttilega eftir útstrokun þess rassatals.

    Högum okkur!

  69. Ég sagði í gær og endurtek það. Carrager átti aldrei séns í að dekka RVP. Formið á þeim gaur er svo rosalegt núna og sjálfstraustið að það verður bara allt að gulli sem þessi drengur snertir. Ótrúlegur leikmaður og niðurstaðan er nákvæmlega eins og ég hélt.
    http://www.kop.is/2012/03/02/14.54.28/#comment-131885

    Í dag var ég bara ferlega stoltur LFC aðdáandi.
    Í fyrri hálfleik átti LFC leikinn og það var í raun rán um hábjartan dag að þeir jöfnuðu, með jú varnarmistökum Carrager. Þú átt aldrei að standa öfugu meginn við manninn sem þú dekkar. Carrager er líkamlega sterkur og les leikinn vel en lét algjörlega taka sig í bakaríið þarna. Ok, svosem hægt að væla og skæla yfir hinu og þessu, álögin halda áfram og LFC skorar bara ekki.
    Í gær sagði ég líka að leikurinn frá því á sunnudaginn sem og landsleikjavitleysan myndi fara að hrjá menn og jú viti menn hún gerði það þegar fór að líða á síðari hálfleik. Það dró greinilega af mönnum og Nallarnir komust meir og meir inn í leikinn. En eins og Maggi bendir á þá gerði Kenny nákvæmlega ekkert og skipti loksins Belló inn á, á 81 mínútu eða eitthvað svoleiðis, maður fyrir mann. Hann var ekki að breyta um taktík eða gera eittnvað nýtt, þetta var dæmigerð Hodgeson skipting.
    Af svona reyndum manni eins og Kenny er er ég gríðarlega ósáttur. Hann leggur upp í leikinn 4-4-2 og það kerfi er að ganga nokkuð vel upp fram að c.a. 60 mínútu, þá hefði hann átt að taka til einhverra ráða og reyna að breyta til, þannig að hann spilaði inn á veikasta hlekkinn í hjá Nöllunum. Á bekknum var hann með Maxi, Shelvey, Carrol og Bellamy sem hefðu getað komið inn með nýja vinkla í stöðunni. Hann kaus að gera það ekki, og ég skil bara ekki svoleiðis Heima á íslandi fyrir framan tölvuna, horfandi á Sky stream var þetta augljóst að liðið var að þorna upp, bæði í krafti sem og leikkerfi og það þurfti að breyta til. Ég er Ferlega fúll með það.

    Einstaka leikmenn spiluðu undir getu, sumir alveg jafn mikið undir getu og ég myndi vilja hafa getu einstakra LFC manna en þeir fá samt alltaf að vera í liðinu. Þannig er það bara og það breytist greinilega ekki. Ég vil þó taka Henderson sérstaklega upp hérna og benda á að núna var hann að spila dálítið meira í sinni stöðu en venjulega og mér fannst hann bara drullu flottur. Spearing var að berjast á miðjunni og gerði það bara vel.

    Þannig að í dag var ég frekar stoltur LFC aðdáandi og ég verð það á morgun líka. Og mikið væri það gott að eiga leikmann eins og RVP. Dísess maður.

    Og svo að lokum. Þetta var ekki úrslitaleikurinn um 4 sætið, eins og sumir ykkar kalla þetta. LFC er í dag ekki með það lið sem þarf að vera með, svo við eigum heima í CL. Ég vil eiginlega ekki gera liðinu það að fara í þá keppni eins og staðan er í dag.

  70. #83 horfðu á endursýningar á mörkunum. Skrtel sleppir RVP og fer á labbið með engan mann. Carra tekur upp eftir honum og þarf að elta manninn. Seinna markið er RVP bakvið bakvörðin og Carra tekur hlaupið og er í raun lengra frá manninum en hægri bakvörðurinn þannig að ég skil ekki þetta með formið og hversu lélegur hann á að vera. Kannski væri betra að hann færi bara að hengja haus og væri ekkert að bakka alla upp. Eitt er hægt að segja um hann að hann er hægari en hann var en samt sem áður er maðurinn tekinn af lífi á þessari síðu sem hann á ekki skilið.

  71. Eigum við ekki bara tala um Gylfa Þór Sigurðsson til að lifta okkur eða bara að koma á stað orðrómi um að hann sé alveg við það að ganga í raðir Lfc.

  72. Sigkarl drullar hressilega yfir leikmenn liðsis og stjóra, en reynir síðan að grenja út afsökunarbeiðni því einhver í sakleysi sínu vogaði sér að nefna starf hans….og gerði það í frábærri og mjög málefnanlegri grein. Held að sumir ættu aðeins að hugsa sinn gang og ég segji fyrir mitt leiti að ég myndi ekki vilja vera nemandi hjá þér Sigkarl ef kennarahæfileikinn er eitthvað í líkingu við þann mann sem þú sýnir okkur hérna!

  73. Thad sorglegasta vid thetta tap eru vidbrøgd margra studningsmanna herna.
    Eg sa ekki leikinn, sem betur fer en hef sed umfjøllunina og thetta er lygilegt!
    Thad er fokkings lygilegt hvad arsanal voru heppnir i dag og ja audvitad bara reka thjalfarann og uthropa allan leikmenn og drulla yfir.

    Veit ekki betur en ad Liverpool hafi yfirspilad thetta lid sem kom a Anfield i dag og att sigurinn fyllilega skilid en thad er sjaldnast spurt um sanngirni i ithrottum enda gerir thad sportid skemmtilegra fyrir vikid, nema thegar Liverpool a ad vinna audvitad.

    Lidid mitt er a rettri leid og mikill stigandi er i leik lidsins, thad er ekki sens i helvitinu ad eg vilji reka Kenny thratt fyrir ,,slakt” gengi i vetur. Ekki var gengid betra med hodgson sem margir hverjir tøldu hann vera harrettan mann fyrir lidid okkar.

    Thad eru bjartir timar framundan hja Liverpool. Eigendurnir eru kokhraustir, nyr leikvangur i vinnslu og leikur lidsins er alltaf ad verda betri og betri.

    Mig reyndar grunar ad nokkrir sem kommenta svona a lidid okkar herna seu manjurmenn og fa kipp i ann vid ad fara thessa leid.

  74. Er ég sá eini hérna sem ætlar að leyfa sér að hafa áhyggjur af Reina? Það virðist vera sem það sem drífur á markið lendi í möskvunum? Mér þykir orðið langt síðan hann hefur sýnt markvörslu eins og við sáum frá Zesnizkisicizy í dag, og það sem Hart hefur sýnt hjá City t.d.

  75. Það sem ég hugsaði þegar staðan var 1:1 var að það versta sem gæti gerst væri að leikurinn endaði þannig. tvær ástæður:

    1. Að vinna væri auðvitað fyrsti kostur og gæfi okkur frábæra möguleika á að finna blóðbragðið og sjá úr hverju liðið væri gert, værum þá hársbreydd frá 4. sætinu(áður en ég vissi að Chelsea hefðu tapað)

    2. Að tapa væri glatað, en það myndi þá bara sanna að við hefðum ekkert að gera í CL á næsta ári, þyrftum betri mannskap, meiri uppbyggingu áður. Og…ekki gleyma því að ef við vinnum Chelsea þá eru töluverðar líkur á að þeir endi fyrir neðan okkur í deildinni. Það eitt væri stór plástur á það sár sem fyrrum hetjan mín FT skapaði með för sinni og misheppnuðum orðum strax á eftir. Þó er ég næstum farinn að vorkenna greyinu, ég hélt að karma biti menn í rassinn í næsta lífi….. 🙂

    Allan leikinn var ég handviss um að LFC myndi vinna leikinn. Þeir gjörsamlega yfirspiluðu Arsenal. Henderson var góður, ekki frábær en mjög góður. Adam fór í taugarnar á mér en hann var þó að reyna að koma með sendingar sem gætu skapað mörk ef hefðu heppnast. Suarez er enn og aftur frábær….án þess að nokkuð komi úti úr því. Verð að segja að ég þoli ekki helv. vælið í honum endalaust þegar hann dettur og tekur óskarsverðlaunaleikistilrauninina, allir búnir að fá nóg af þessu og vinnur bara gegn honum og okkur um leið. Ef hann á eins tímabil á næstu leiktíið þá vil ég cash-a inn á honum á meðan það er hægt. Gengur ekki að vera með frábæran sóknarmann sem gerir stórkostlega hluti í hverjum leik…en skorar ekki og gefur ekki stoðsendingar sem gefa mörk….Og aular svo svona svakalega eins og í þessu gjaldmiðlamáli. Ég meina hvernig er hægt að vita það ekki að það er bannorð að segja Negro, Nigger eða eitthvað líkt því?

    En sem sagt, að tapa leik þar sem við spiluðum frábæran bolta og börðust rosalega vel nánast allan leikinn er ferlega súrt, tvö skot í stöng, varið víti og svo frv. Svakalega svekkjandi en hefur sínar björtu hliðar eins fáránlegt og það nú er.

    Ég meina, vill einhver mæta í CL með okkar frekar nýlegu sögu í þeirri keppni og detta út á fyrstu metrum þeirrar keppni með þetta lið?
    Frekar vil ég að eigendur fái það óþvegið í andlitið að liðið er ekki betra en staða þess í deildinni segir til um og það þarf að laga með klassakaupum í sumar!

    Góðar stundir
    Islogi

  76. Goggurinn er harður Púllari! Um það skal enginn efast!

    Það er því þó óviðkomandi og breytir því ekki að leikskýrslan var þvílík og önnur eins buna af leiðindum og harmakveinum að ég legg til að hún verði flokkuð sem “tröllakomment” og fjarlægð af þessari blessuðu síðu.

    Bitte.

  77. er að horfa á Alan Hansen, Alain Sherer og Gary Liniker.
    Þeir eru að hæla LFC í hástert fyrir leik sinn í dag. Hansen segir þetta besta leik LFC allt tímabilið. Merkilegt. Greinilegt að hann er með önnur augu en margir hérna.
    En klárlega allir sammála um markaþurrðina og hvað sé í gangi þar. En góður leikur án marka vinnur vinnur bara ekki baun.
    Ef þið skautið á 101greatgoals.com ættuð þið að geta pikkað upp þessa umsögn þeirra á morgun / seinna í kvöld.

  78. Góður leikur og algjör yfirspilun hjá okkar mönnum í fyrrihálfleik, ósanngjörn úrslit.
    Fyrstu kaup sumarsins : Gylfi Sigurðsson

  79. er ég sá eini sem hef tekið eftir því hvað allt var á góðri leið ÁÐUR en suarez kom aftur og hvað allt er á niðurleið EFTIR að hann kom aftur, ég er ekki að drulla yfir hann eða neitt þannig en áður en hann fór í bann vorum við að gera ekkert annað en að skjóta í stöng en svo þegar hann fór í bannið þá fórum við að skora, Suarez kemur aftur og þá er þetta byrjað aftur. (bara pæling)
    Liverpool yfirspilaði Arsenal og það er ekki oft sem lið gera það, og núna spyr ég ?
    ef við hefðum skorað úr þessum færum væri þetta svo slæmur leikur fyrir okkur…..
    við erum komin með mjög gott lið en okkur vantar ALVÖRU markaskorara….
    það er mjög erfitt fyrir Adam; Downing eða Henderson að eiga Stoðsendingar ef sóknarmennirnir geta ekki skorað (Halló) , en liðið er í uppbyggingu og það tekur alltaf smá tíma að láta allt smella saman…. Margir hérna hélu að meistaradeildarsæti væri úr sögunni í okt eða nov en við vorum það ennþá í dag og hvað vitum við með morgundaginn ? Hvað ef VAN Persie meiðist ( annað eins hefur skeð) og chelsie er í ruglinu….. þetta er langt frá því búið……

  80. meinti byrjunina svona….
    er ég sá eini sem hef tekið eftir því hvað allt var á góðri leið ÁÐUR en suarez kom aftur og hvað allt er á niðurleið EFTIR að hann kom aftur, ég er ekki að drulla yfir hann eða neitt þannig en áður en hann fór í bann vorum við að gera ekkert annað en að skjóta í stöng en svo þegar hann fór í bannið þá fórum við að skora + vinna leiki, Suarez kemur aftur og þá eru stangarskotin byrjuð aftur. (bara pæling)

  81. Nú er tækifæri til að leyfa ungum strákum að fá reynslu og sjá hvað þeir hafa fram að færa , td Raheem Sterling . Held að það gæti hjálpað okkur að sjá hvaða leikmenn eru að stíga upp í aðlaliðið og hverjir ekki . Nýta rest af tímabilinu til að undirbúa okkur fyrir það næsta ,

  82. Ég neita að trúa því að Liverpool stuðningsmenn séu svona miklir vælukjóar og niðurrifsmenn, að halda með þessum klúbb eru forréttindi og að renna yfir þennan þráð gerir mig þunglyndari heldur en að lesa vælið á dv.is og barnalandi! Strákar og menn(já ég segi ekki konur því ég sé þær ekki vera að skæla hér eftir hvern jafnteflis eða tapleik) hættið þessu væli og farið að styðja liðið ykkar, það er hrikalegt að fara á marga bari bæjarins og heyra vælið byrja strax á 1 mínútu leiksins og til enda leiksins! Selja þennan, selja hinn! Þessi er ömurlegur! Djöfull getur hann ekki neitt! Burt með Daglish! jaríjarí endalaust væl! Síðan kemur maður hingað inn og les vælið útí eitt hjá 80% manna sem kommenta hér, ef Liverpool er virkilega svona ömurlegt lið og allt vonlaust, hættið þá að horfa á fótbolta eða farið að styðja eitthvað annað lið 🙂 Það er ekki skrýtið að stuðningsmenn annara liða skemmtið sér yfir óförum Liverpool manna, þið eruð eins og verstu kellingar (núna fer ég í albúmið karlar sem hata konur) Já má vel vera að ég sé að væla en ég er að væla yfir vælurunum, ekki liðinu sem hefur gefið mér svo endalaust af gleðistundum og mun bara færa mér fleiri á næstu árum! Ég er þakklátur að vera Liverpool stuðningsmaður og styð mína menn jafnt í blíðu og stríðu 🙂 YNWA

  83. Vona að Suarez sé búinn að jafna sig í sköflungnum eftir vító dóminn!!!!
    Spurning um að ofgera

  84. ‘eg missti af leiknum en ég mætti hörðum arsenal aðdáenda í verslun seinnipartinn.Hann tilkynnti mér það að Suares hafi verið magnaður og hann hafi verið með hálfgert skítabragð í munni yfir að fagna þessum sigri,Liverpool liðið hafi verið mörgum klössum yfir arsenal(já ég skrifa arsenal með litlum staf)En svona er fótboltinn menn verða að nýta færin sín við þurfum einhvern alvöru slúttara.Spurning um að klæða Rush í stuttbuxur og henda honum inná alveg viss um að hann myndi setjann:) Þá er það bara næsti bikar Walk on

  85. Var enginn hérna sem pirraði sig á þessum fáránlegu endursýningum á vítinu sem voru sýndar 8 sinnum í SEINNI HÁLFLEIK?? Hvað er að þessum helvítis ensku fjölmiðlamönnum? Ég sá þá ekki fara svona rækilega yfir vítið hjá Bale á móti sama liði fyrir viku síðan. Þetta er hætt að vera fyndið hvað blessaður maðurinn fær alltaf að finna fyrir því.

  86. Sammála síðasta ræðumanni.
    Hugsaði enginn annar í dag “deisjavú”? Svona er þetta tímabil bara, stöngin út. Er það bara “pollíana” að segja að það vanti bara herslumuninn? Á maður kannski að segja að við séum bara of lélegir? Einhverja hluta vegna vill maður alltaf telja sér í trú um að þetta sé allt á réttri leið. Hvað finnst ykkur um það?
    Litli vési er ykkur flestum þákklátur, hann fékk sitt seint á sunnudaginn, hann þurfti þó að hafa fyrir því eins og hinar skytturnar hjá LFC.

  87. er ég sá eini sem skilur ekki af hverju markmaður Arsenal fékk ekki rautt þegar við fengum vítið? Var viss um að við mundum ekki vinna leikinn fyrst hann fékk ekki rautt sem ég hefði haldið að hann ætti að fá.

  88. Hefði haldið að þetta væri gult fyrri dýfu á Suarez eða rautt á markmanninn

  89. Mér fannst mjög skondið þegar Persie var að fagna seinna markinu þá var hann byrjaður að toga í Arsenal merkið á treyjunni (til að kyssa það og sýna tryggð) en hætti við á síðustu stundu, hann er augljóslega að fara frá Arsenal í sumar ! 😉

  90. Drengir drengir!

    Sumarið verður frábært. Steven Fletcher, Lee Cattermole, Matt Jarvis og Matthew Upson koma allir í sumar fyrir 72 milljónir punda samanlagt. Enn ein snilldarkaupin hjá King Kenny og með þessa menn innanborðs munum við loksins gera atlögu að sjöunda sætinu og ná því aftur frá Stoke eða Norwich eða Swansea!

    Vá hvað ég er spenntur fyrir því að sjá Carroll, Fletcher og Suarez saman frammi hjá okkur. Það er sko sókn sem lætur Barcelona líta illa út á hverjum degi!

    YNWA In Kenny we trust og ef einhver vogar sér að segja að Suarez sé ekki besti leikmaður deildarinnar, ef ekki í heiminum, þá er hinn sami, ekki alvöru LFC-Fan eða munið hvað Bill Shankly sagði: “We murdered them 0-0.”

    Stoke andinn ræður hér ríkjum!

  91. Ég bara hreinlega get ekki beðið eftir að fá sýn Babú á þetta mál.

    Þetta var auðvitað herfilega lélgt,að ná ekki að drusla einu marki í viðbót í netið. Guð veit að við fengum færin, og eitt alveg hreint ágætt, þegar við fengum dæmda vítaspyrnu, en við vitum allir hvernig það fór.

    Auðvitað er maður svekktur, og auðvitað er maður fúll. En ég sé akkúrat enga ástæðu til þess að vera drulla hérna yfir liðið eða stjórann. Vissuelga var fnykur í dag, og fnykurinn stafaði af skitu… renni skitu alveg hreint, sem menn eiga bara að viðurkenna !! Við yfirspiluðum eitthvað lið, frá A- Ö en náðum ekki að troða tuðrunni á þartilgerðan stað, eða í fokkíng netið!! Þetta er ekki flókið, og var aldrei flókið í dag !!
    Við bara skoruðum ekki markið sem þurfti að skora, og afskaplega lítið annað um það að segja.

    Hverju það sætir svo, að við séum með svona fáránlega bjánalegan árangur á heimavelli, er svo önnur Elín, og henni verður ekki riðið hér, það er alveg ljóst !!

    En dagurinn í dag einkennist fyrst og fremst af vonbrigðum yfir leiknum (og eftirvæntingu yfir að sjá hvað Babú hefur að segja um þennan leik), en ekki spilamennsku liðsins.

    það er ekkert annað hægt en að styðja liðið áfram, en það líður langur tími þangað til ég jafna mig á þessari niðurstöðu, í þessum leik.

    Insjallah..

    Carl Berg

  92. Helvítis fokking fokk. Ég held að ég hafi bara aldrei verið jafn pirraður eftir tapleik eins og eftir þennan leik í gær. Ég reyndar fatta ekki 80% af kommentunum hérna þegar það er verið að tala um hvað allir voru lélegir í þessum leik. Voru menn að horfa á sama leik og ég!!!!!!! Ég meina Cardiff var betra á sunnudaginn heldur en Arsenal í gær. Ef Liverpool hefði nýtt færin sín jafn vel og venjuleg lið þá hefði Aresnal verið að sjá annað 8-2 tap eða eitthvað álíka. Ég er sammála Hansen og þessum sérfræðingum sem hann Árni Þór nefnir hérna. Liverpool liðið var að spila frábærlega í þessum leik fyrir utan þegar það átti að skjóta á markið.

    Ég er að velta því fyrir mér hvort það séu nokkuð mörk á æfingarsvæði Liverpool alla vega miðað við þessa færanýtingu þá efast ég um það einnig mætti fara að æfa leikmenn í hornum.

    Það er hægt að gagnrýna Kenny fyrir þennan leik fyrir það að koma seint með skiptingar en það má kannski segja honum eitt til varnar en það er að liðið sem var inná var bara skila mjög góðri vinnu.

    Stunum held ég að menn sem eru að tjá sig hérna hafi ekkert vit á fótbolta (ekki það að ég sé einhver sérfræðingur) Menn segja að Henderson hafi verið lélegur !! og aðrir miðjumenn líka en samt voru þessir lélegu miðjumenn Liverpool að jarða miðjumenn Arsenal.
    Menn tala líka um Carra að Coates hefði nú átt að byrja þennan leik. Já einmitt það væri það sem allir myndu gera setja óreyndan ungan miðvörð í staðinn fyrir einn reyndasta leikmann liðsins í stórleik. Ég hefði skilið það að láta Coates byrja á móti Stoke en ekki á móti Arsenal. Ég spyr bara hvað hafa menn séð til Coates sem réttlætir það að hann byrjar í svona leik? Í þeim leikjum sem ég hef séð hann spila þá hefur hann verið ágættur en gert mörg mistök.

    Það var í raun bara ein ástæða fyrir því að Arsenal vann þennan leik og það er Van Persie í raun bara fáránlegt hvað hann er búinn að bjarga þessu liði á þessari leiktíð. Ég myndi hafa mun meiri áhyggjur ef ég væri Arsenal aðdáandi því einn leikmaður getur ekki haldið liði upp lengi og hvað gerist ef hann meiðist?

    Það er alveg klárt að leikmenn Liverpool eru ekki að klára sín færi ég get reyndar ómögulega séð hvernig það er Kenny Daglish að kenna ekki nema menn ætlist til að hann komi inná og klári þessi færi, sem ég held reyndar að hann myndi gera í dag í úlpunni. Þetta er ekki bara óheppni né heldur er þetta vegna þess að menn séu svo lélegir því allir þessir leikmenn hafa skorað fullt af mörkum áður þetta er eitthvað sem er komið í hausinn á mönnum. Held að menn séu meira að hugsa um að klúðra ekki færinu frekar en að hugsa um að skora. Minnir að það hafi verið Valdimar Grímsson sem sagði um árið að hann trúði því alltaf þegar hann var að taka víti að hann myndi skora önnur hugsun komst ekki að.

    Það er engan hátt eðlilegt að vera með verri vítanýtingur en Shaq og það í fótbolta þar sem vítanýting er vanalega í krignum 85-90% en hjá Liverpool nær hún varla 50%. Það er heldur ekki eðlilegt að vera með einver 20 skot í stöng á tímabilinu eða næstum jafn mörg og mörkin. Þetta er klárlega vandamálið sem Kenny þarf að finna lausn á og í raun ekki það erfitt að það sé ómögulegt að laga.

  93. Góðan daginn öll.

    Við erum öll Poolarar hér er það ekki alveg víst? Þó svo að okkar menn hafi tapað leiknum þá er það nú ekki heimsendir við erum enn Bikarmeistarar síðan um síðustu helgi, við erum komin í sömu Evrópukeppni og Man,Utd og City við eigum möguleika á bikar númer 2 er það ekki bara fín frammistaða miðað við hvernig staðan var hjá okkur haustið 2010. Góðir hlutir gerast hægt og við verðum bara að sjá til og bíða þolinmóð og láta þá vita að þeir gangi ekki einir við erum öll í þessu saman og látum ekki andstæðingana horfa upp á þetta endalausa niðurrif og nöldur við erum LIVERPOOL. Lið sem var í molum frá innsta kopp og út verður að byrja að byggja upp innan frá og út og ég trúi því að það sé það sem er verið að gera á Anfield. Bíðum bara þolinmóð og njótum þess að horfa á okkar menn spila flottan bolta sem ratar að vísu ekki alltaf í markið en SO….. Syngjum lagið okkar alla daga og sendum jákvæða strauma. Við erum vön því að það gangi illa á móti´”litlu” liðunum en bráðum verður breyting á.
    Koma svo allir POOLARA tölum okkar menn ekki niður heldur upp. Því eins og sálfræðingur sagði ef þú tala nógu illa og niðrandi um manneskju þá getur hún ekki hagað sér vel.
    Þangað til næst…YNWA

  94. Sammála skýrlsunni að deildinn er búinn. Leggja bara áherslu á FA bikar og gefa ungum efnilegum strákum séns. Við eigum víst að eiga nóg af þeim. Leifa Coates að spila meðan Agger er meiddur, Shelvey, Sterling, Coady, Wisdom, Robinson og Flanagan. Þeir verða aldrei neitt nema efnilegir ef þeir fá ekki séns.

    Eitt sem ég ætla að nefna bara til að vera smámunarsamur.
    “Arsenal eru búnir að skora næstum því helmingi fleiri mörk í deildinni!”
    Þetta er ekki alveg rétt, þar sem helmingi meira en 30 mörk er 30+15= 45 mörk. En Arsenal eru næstum því búnir að skora tvöfalt meira af mörkum en við 30*2=60mörk, eða við erum næstum búnir að skora helmingi minna af mörkum en þeir 55/2=27,5. Smá stærðfræði til að vekja kátínu 🙂

  95. Kóngurinn Kenneth Mathieson Dalglish á afmæli í dag.
    Óska ég honum innilega til lukku með daginn : )

  96. Á sama hátt eins og úrslitaleikurinn í Carling bikarnum var dæmi um leik þar sem Liverpool lék illa en vann, þá var leikurinn í gær dæmi um leik þar sem liðið lék vel en tapaði. Það var bara þetta minor issue með að klára færin.

    Menn eru að segja að nú getum við kvatt það að komast í meistaradeildina. Jú, líkurnar eru litlar. Þær væru mun betri ef eins og eitt eða tvö af þessum færum hefðu dottið inn, og leikurinn unnist. En líkurnar eru ekki 0. Ef ég man rétt þá var maður nú ansi svartsýnn á að vinna bikarinn eftir tvær vítaspyrnur fyrir viku síðan. Örugglega margir sem hugsuðu þá “þetta er búið”. En þetta hafðist. Gerrard orðaði það á þá leið að þetta væri leiðin sem liðið færi gjarnan – þ.e. Fjallabaksleiðin (þó svo ég efist um að Gerrard hafi farið þá leið). Er svo ólíklegt að það gerist líka í deildinni? Ólíklegt, en ekki ómögulegt. En vissulega er orðið óþægilega mikilvægt að stóla á að önnur lið klúðri sínum málum.

    Persónulega sé ég enga ástæðu til að úthúða leikmönnum eða krefjast mikillar hreinsunar í liðinu, hvað þá að fara fram á að fá nýjan stjóra. Vil bara minna á stöðuna fyrir rúmu ári síðan, hve margir nefndu Villas-Boas þá sem mögulegan arftaka? Hvernig hefur hann verið að standa sig?

    En vissulega mættu menn fara að æfa föst leikatriði betur, og þetta litla smáatriði að koma h******s tuðrunni yfir línuna.

  97. Kenny er búinn að gera frábæra hluti með félagið. Eins og einhver benti á í þessum þræði reiknuðu fæstir með CL sæti í upphafi tímabilsins. Þá voru flestir með báða fætur á jörðinni og litu á þetta tímabil til uppbyggingar til frekari afreka síðar. Allt annað hefði verið bónus en sá vinningur er ekki að fara að falla með okkur í þetta skiptið.

    Margt hefur gengið eftir og þarf ekki annað en að vísa á fyrri hálfleikinn gegn Arsenal í gær. Frábær knattspyrna, aragrúi færa en því miður no cigar.

    Ég hef dáðst að því hvernig Kenny hefur fóstrað nýju mennina sem áttu hvað erfiðast uppdráttar. Bæði Downing og Adam hafa stórbætt sinn leik og vantar aðeins herslumuninn. Carroll er einnig að koma til þótt ég telji að hann verði seldur í sumar. Carroll var áhætta sem ekki gekk upp að mínum dómi. Þá er slatti af efnilegum leikmönnum að verða tilbúnir t.d. Kelly, Shelvey og Coates.

    Suarez er einn besti leikmaður heims og ég tel að þeir sem tala um hann sem byrði á liðinu séu vart með réttu ráði. Suarez á bara eftir að verða betri. Vandamálið er að efnafræðin milli hans og Carroll er ekki til staðar.

    Kenny á aðeins við eitt alvarlegt vandamál að stríða sem er markaskorun. Ég held að Carroll sé ekki framtíðarsenter fyrir LFC. Draumurinn væri að fá sóknarmann eins og Cavani samlanda Suarez. Ef menn vilja litli og stóri formúluna er Baskinn Llorente málið en hann er raunar orðinn 27 ára. Mest spennandi senterinn í dag finnst mér Pólverjinn ungi Lewandowski.

    Allavega verður að fá frambærilegan sóknarmann til LFC í sumar, annað er í rauninni í góðu lagi. Við sáum klassasenter í miðlungsliði að störfum í gær og ekki þarf að orðlengja frekar um það.

    Ég held að við ættum ekki að tala svona mikið niður til okkar manna. Mér sárnar þegar okkar góðu menn eru kallaðir aumingjar, og þaðan af verra, jafnvel þótt þeir tapi, raunar mjög óverðskuldað. Þetta er ekki sæmandi umræða.

    Ræðum frekar um hvernig hægt er að þróa frekar það frábæra starf sem Kenny og kó hafa komið af stað. Hvernig leysum við sóknarvandræðin t.d.?

  98. Það er alveg með ólíkindum hvernig skrifað er hérna á þessum vef. Djöfull eru margir góðir framkvæmdastjórar hérna, og skrítið að þeir eru ekki við störf í ensku úrvalsdeildinni! Halló strákar þetta er fúlt að spila góðan bolta í fyrri hálfleik, og tapa 2-1 fyrir einum manni, en að drulla yfir lið sem þið segist halda með það finnst mér full langt gengið.

    Nallararnir hlæja og trúa þessu ekki. Segir meira en mörg orð um þá. En þið farið á kop.is og hendið fram stóryrtum lýsingarorðum um leikmenn sem spila fyrir liðið okkar. Sömu lýsingarorð og þið notið gegn ákveðnu liði frá Manchester borg. Mætti halda að margir ykkar hati Liverpool og allt sem þeim viðkemur, og maður hlýtur að spyrja sig hvað er í gangi?

    Ég held með Liverpool og hef gert síðan 1977! Hvað er ég búinn að upplifa með því að fylgja þessu liði? Fleiri dollur en nokkurt annað félagslið á Englandi.
    Ég hlýt því að fylgja liðinu á erfiðari tímum ekki satt? Við erum að byggja upp, við vinnum og töpum það er lögmál sem viðgetum ekki breytt. Þetta er vegurinn í gegnum storminn.

    Menn hafa fullann rétt á að vera tapsárir og fúlir, en ég minni á leik við man.utd um daginn þar sem við hentum þeim úr bikarkeppninni, leikurinn vannst 1-0 ef ég man rétt, utd menn sögðust hafa verið betri blabla og þið minntuð á að mörkin telja. Nú snerist dæmið við og þið grenjið. Mörkin telja.

    Vandamálið er að liðið okkar er bara ekki með þá breidd sem þarf í svona úthald. Það hefur marg oft komið fram. sjálfstraustið laskað, lagast með tilkomu dollunnar um daginn og þeirri næstu. Það tekur lengri tima að byggja upp liðið en eitt tímabil. Saurinn eftir Gillet/Hicks árin er enn að velta upp, við vorum heppnir að verða ekki gjaldþrota og dæmdir niður um deild, en kanski hefði það verið betra. Aldrei fastari viðspyrna uppá við en frá botni. Ég vona að menn spari drulluna á liðið sem við elskum og noti hana í önnur lið, en gagnrýni það sem gagnrýni vert er málefnalega.

  99. ,Endurbygging liðsins krefst mikils tíma og stuðningsmenn liðsins verða að sjá og skilja það.” Þetta er reyndar ekki maður tengdur LFC heldur þjálfari Juve á Ítalíu. Og stuðningsmenn LIverpool verða að átta sig á því að Róm var ekki byggt á einum degi. Liðið var í molum þegar Dalglish tók við því, það hafði rétt sloppið við gjaldþrot, það logaði allt í innanbúðardeilum, styrkaraðilar voru að undirbúa flótta af hinu sökkvandi skipi.
    Raunar er ótrúlegt hvert liðið er komið. Ég er ekki viss um að eigendur liðsins hefðu látið sig dreyma um að vinna titil á þessu ári. Þeir settu vissulega markið hátt og mig minnir að Henry hafi talað um að meistaradeildarsæti væri takmarkið. En bikarinn held ég að bæti upp fyrir það. Og ég hef sannast sagna mikla trú á því að nú verði allt kapp lagt á FA-cup og að enda fyrir ofan Chelsea….svona fyrst fjórða sætið er nú úr sjónmáli 🙂
    En ég endurtek spurninguna sem ég varpaði fram hér að ofan; það vantar augljóslega herslumuninn hjá LFC, liðið má ekki við miklum skakkaföllum (sbr. fjarveru Gerrard, Johnson, Agger og Lucas, sjitt hvað liðið hefði rústað Arsenal ef þessir menn hefðu verið heilir). Stóra spurningin er hvort KK hafi þennan herslumun; hann hefur X-factorinn ef hann skilar tveimur bikurum í hús á sínu fyrsta tímabili…án nokkurs vafa.

  100. Þetta lið gæti nánast ekki skorað þó svo boltinn væri á línunni og hitt liðið gæfi þeim séns á að reyna að skora án þess að gera neitt í því, þá myndi sá er tæki ábyrgðina að reyna að skora detta á hausinn rétt fyrir framan boltann og slá hann inn og fá dæmda á sig hendi og rautt spjald!!! Þetta er alveg ótrúlegt helvíti…..

  101. Spurning hvort WBA þurfi að ná okkur að stigum til þess að menn viðurkenni að það voru mistök að reka Roy. Spurning hvort hann hefði eitt fáránlegum fjárhæðum í menn eins og Henderson, Adams, Carrol og Downing. Held að menn þurfi að horfast í augu við það að Kenny er ekki þjálfari árið 2012. Hann er taktískt og hugsjónarlega úr leik í nútíma knattspyrnu.

  102. Anægdur med throun spjallsins herna. Greinilegt ad svekkelsid er ad renna af folki.

    Eg skil ekki af hverju menn eru ad tala um ad van persie hafi unnid thennan leik einn a moti Liverpool. Hann ju afgreiddi tvø færi en var annars ekkert serstakt ad gera. Mørkin tvø voru eftir flottar stodsendingar, hann gaf thær ekki sjalfur a sig. Eins vardi markvørdur arsanal viti, ekki van persie.
    Liverpool skaut nokkrum sinnum i støngina, ekki var thad van persie sem vardi tad.

    Eg get ekki betur sed en ad Liverpool hafi gjørsamlega yfirspilad utilidid i gærdag og att sigurinn fyllilega skilid, viku eftir bikartitil og djammeri.
    Sorry en eg hlusta ekki a thetta bull ad reka eigi Konginn og ad leikmenn seu i ruglinu.

  103. ég óskaði félaga mínum sem er Arsenal maður til hamingju með sigurinn fyrir leik þegar ég var búinn að sjá uppstillingu liðsins fyrir leikinn ekki síst vegna þess þegar ég sá að Suarez var í byrjunarliðinu

  104. Ég hef ekki komið hér inn áður en ætla samt að taka þátt í umræðum sem hér hafa verið. Ég var ekki ánægður með hvernig leikurinn fór hjá okkar luiði á laugardaginn. Samt fannst mér margt mjög gott í leiknum. Hinsvegar þarf liðið okkar að skora mörk svo það vinni leikinn. Það er alveg rétt. Mér finnst King Kenny hafa breytt miklu til hins betra hjá liðinu og allt sé á réttri leið þar.

    Það er líka annað sem ég vil ræða. Af hverju skiptir það máli við hvað menn vinna sem skrifa hér inn. Ég á við það sem Hörður skrifar um Sigkarl. Það má kannski segja að Sigkarl hafi farið yfir eitthvert strik. En samt þarf ekki að ráðast á starfsheiður hans fyrir það. Hvað gerir þessi Hörður? Verða menn að skrifa undir starfheiti til að sé tekið mark á þeim. Mér finnst það ekki rétt. Ég ætla til dæmis ekki að segja við hvað ég vinn. Mér finnst það ekki koma málinu við. Ég má hafa skoðanir á liðinu mínu og hvernig það leikur án þess að ég sé dæmdur eftir því við hvað ég starfa. Athugasemdir eins og hjá Marra finnast mér frekar ömurlegar og ættu ekki aðstand því svona persónuárásir er slæmar.

    Takk fyrir mig.
    Fiddi

Liðið gegn Arsenal:

Opinn þráður: Chelsea reka Villas-Boas