Liverpool 2 – Bolton 1

Úfffffffffffff.

Manni var svo létt eftir þennan leik að ég gat eiginlega bara ekki fagnað. Shit hvað maður elskar þetta lið sitt, var að reyna að sannfæra mig að það væri bara allt í lagi að fá jafntefli en svo auðvitað var það ekki. Dembum okkur í skýrslu.

Byrjunarlið Hodgson fannst mér lýsa því að hann ætlar sér að halda sínu plani og taktík fram í það síðasta. Sumir myndu kalla það hugrekki og sannfæringu en mér finnst það töluvert hrokafullt. 4-4-2 með áherslu á að koma boltanum hratt upp völlinn á senterana. Gerrard og Kyrgiakos út úr liði, Konchesky út úr hóp!

Reina

Johnson – Skrtel – Agger – Aurelio

Kuyt – Lucas – Meireles – Maxi

N’Gog – Torres

**BEKKUR:** Jones, Cole, Babel, Kelly, Poulsen, Gerrard, Kyrgiakos.

Gerrard kom svo inn fyrir meiddan Meireles eftir 20 mínútur, enn ekki frést hvað þessi meiðsli voru alvarleg.

Ætla að renna hratt yfir fyrri hálfleikinn. Hann var lélegur. Neita að tala um jákvæðar breytingar frá Wolves-leik, því hann var sá lélegasti í tugi ára, jafnvel verri en Northampton, trúið mér, ég horfði á þá hörmung.

Maxi var ljósið í myrkrinu og var óheppinn að skora ekki með flottum skalla í þverslá, en stressið og skorturinn á sjálfstrausti var augljós. Það sást augljóslega í stanslausum bullbrotum okkar á hættulegum stöðum og því að varla nokkur maður þorði að koma á ferðina á varnarmenn Bolton eða skjóta á markið. Það kórónaði svo delluna þegar Aurelio hraunaði leikmann úti á kanti og fékk á sig aukaspyrnu á hættulegum stað. Há sending á fjærstöng og enn einn ganginn þennan veturinn leit dekkun liðsins alveg skelfilega út. Menn bölvuðu svæðisvörninni á sínum tíma, en svakalega lítum við illa út í þessum set-piece atriðum í vetur. Spurning hvað Andy Gray finnst. Nei annars, hlustum ekkert á hann!

Lucas fékk svo dauðafæri til að jafna strax í næstu sókn en brenndi af á fáránlegan hátt.

Allan fyrri hálfleik voru kannski þrjár sóknir sem fóru eftir jörðinni, hápressan á vörn Bolton klikkaði stanslaust og ég studdi hávært Anfield-baulið heils hugar. 0-1 og skelfingin við völd.

Torres töluvert létt eftir jöfnunarmarkiðSeinni hálfleikur virtist ætla að verða eins en þá kom “Captain Fantastic” to the rescue. Snilldarsending hans eftir 51 mínútu á Fernando Torres var afgreidd glæsilega í Kop-netið, velkominn Nando sem ekki hafði átt góðan dag, staðan jöfn og game on.

Allt annað var að sjá til liðsins á köflum í seinni hálfleik. Agger karlinn náttúrulega breytir töluverðu varðandi spilið út úr vörninni og Aurelio sem leit afskaplega illa út í fyrri 45 mínútunum fór að fá tilfinningu fyrir leiknum, Maxi, Lucas og Gerrard létu boltann fljóta sín á milli og Torres var nærri því að skora. Bolton voru þá aldrei dánir og Reina þurfti að verja frá þeim líka.

Joe Cole kom inná eftir 83 mínútur í stað örþreytts N’Gog sem átti erfiðan dag. Tíminn leið og stefndi í jafntefli, Kop – stúkan var byrjuð að tæmast hressilega og áfram virtist pirringurinn ráða!

Það var svo á 2.mínútu í uppbótartíma sem við í fyrsta skipti í vetur fengum heppni í hendur. Langbesti maður liðsins í dag, fyrirliðinn knái átti flotta sendingu á fjærstöng þar sem Maxi var í baráttunni við varnarmann, sá varnarmaður sendi boltann inn í markteiginn þar sem Joe Cole átti síðustu snertinguna í netið og á að eiga það. Fyrstu viðbrögðin voru að hann væri rangstæður en mitt mat er það að þar sem varnarmaðurinn sendi hann inní á Cole þá var það í lagi.

Cole setur hann!
En skítsama var mér, við áttum alveg inni smá heppni og þessi þrjú stig skiptu auðvitað máli. Næst Blackburn, ég vona að við fáum að sjá sama byrjunarliðið og endaði í dag, Meireles á bara að hvíla fram að OT. 4-2-3-1 með Cole fyrir aftan Torres.

Svo auðvitað væri kjánalegt að skrifa þessa skýrslu og fjalla ekki um mál málanna, stjórann. Mér fannst fyrri hálfleikur ömurlegur og sýna mér það að ofurstressaður skjálfandi Hodgson réði ekki við verkefnið. Í dag var það maður leiksins, Gerrard sem dró vagninn og mér fannst stjórinn lítið koma að þeirri endurreisn. Örþreyttur N’Gog var látinn spila 15 mínútum of mikið og loksins þegar skiptingin kom hafði hann beðið um hana sjálfur. Ég virkilega vona og vona að karlinn hafi átt einhvern þátt í þessu en ég held að þetta hafi lítið hjálpað honum að halda starfinu.

Mér sýndist Dalglish ekki vera á vellinum sem væri þá bara til að létta pressunni á Hodgson, ég tippa nú á það að við sjáum breytingu fyrir OT.

En mikið innilega er ég glaður að 2011 byrjar með sigri, treysti á alla guði alheimsins að það sé ávísun á betri tíma, ekki síst að sjá Torres og Cole á skoraralistanum…

Næst er það Blackburn sem virðist í frjálsu falli á útivelli. Einhvern tíma hefði maður stólað á þrjú stig þar, en ekki núna… Forvitnilegir tímar framundan!

76 Comments

  1. Góður sigur. Breytir engu um framtíð Hodgson sem á að reka ekki seinna en í dag! Af hverju á einn sigur á heimavelli að breyta einhverju um hið stóra samhengi?

  2. Gerðist þetta í alvöru? kom Liverpool tilbaka eftir að hafa verið 1 undir? :O

  3. Jæja þetta var það besta sem ég hef séð frá liðinu frá því í Chelsea leiknum og er ég sáttur með þessi 3 stig og frammistöðu flestra manna á vellinum.
    Torres góður að klára þetta færi,J.Cole að skora sitt mikilvægt mark og frábært að fá Agger til baka en fyrirliðinn er maður leikins.

    Vonandi þíðir þetta ekki að Hodgson verði áfram.

  4. Sælir félagar og gleðilegt nýtt ár.

    Ánægjulegur sigur en ég sé ekki ástæðu til þess að hann lengi líf RH hjá félaginu.

    Það er nú þannig.

    YNWA

  5. Nú reka þeir ekki RH. Styð RH eftir þetta. Vandamálið eru leikmennirnir sem RB keypti.

  6. Frábært að sjá Agger aftur, spilið allt annað en á móti Wolves. Vona að liðið fái sjálfstraust eftir þetta, en Hodgson má láta sig hverfa núna, ágætt að enda á sigurleik.

  7. Afar dýrmæt 3 stig í hús …. 🙂 Allt annað hefði verið hrikaleg niðurstaða. Deildin er jafnari en oft áður og það er bara ekkert grín að vera leika sér að eldinum í 10 neðstu sætunum. Liverpool þurfti á sigri að halda í dag.

    Óskiljanlegt að Liverpool skuli ekki spila þennan sóknarbolta og hápressu 90 mínútur hvern einasta leik sem þeir sýndu í seinni hálfleik.

    YNWA

  8. Flott að byrja árið á svona mikilvægum sigri og virkilega mikilvægt að fá Torres og Gerrard í gang.
    Ég er mjög sáttur að fá Aurelio þarna í vörnina og fannst menn hérna ansi grimmir þó hann hefði átt vafasama tæklingu þarna, hann sýnir þó baráttu og er með baneitraðar sendingar úr hornum og aukaspyrnum.
    Og að fá Agger til baka er ótrúlega róandi enda styrkir þessi drengur vörnina mikið og var góður í dag.
    En vonandi fáum við að sjá fyrirsögnina í kvöld ( Hodgson drekinn staðfest)

  9. Hodgson var svo sáttur við frammistöðuna að hann hefði alveg sætt sig við jafntefli!! Hvað er með þennan mann og jafntefli?

  10. Nú er maður farinn að þekkja sitt lið.
    Gerrard spilaði eins og Kóngur í dag og er klárlega maður leiksins.
    Roy fer núna á næstu dögum, fáum 1-2 góða í glugganum game on.

  11. Roy sagði í viðtalinu eftir leik að við hefðum spilað alveg frábærlega. Sigurinn er frábær en etta heitir að rétt slefa í sigur.

    Hann hefði verið sáttur við jafntefli-það er bara eitthvað mikið að þessum manni og svona hugsunarháttur er undirrót vandans.

    YNWA

  12. Liverpool vann loksins leik og spiluðu vel og ef þið tókuð eftir því þá vannst þessi leikur ekki á leikmönnum Hodgson.. !! Bara leikmenn sem fyrir voru hjá klúbbnum

  13. Það voru ekki nema 35.400 manns á vellinum áðan, sem sagt 10.000 manns sem keyptu ekki miða á völlinn og það hefur örugglega áhrif á eigendur liðsins sem hljóta að sjá það að fólk nennir ekki að horfa á Hodgson stjórna þessu liði.

  14. Það sem var merkilegast við leikinn var að í seinni hálfleik var boltinn látinn ganga á milli manna og reynt að spila út úr vandræðum í stað þes að sparka bara eitthvað. Skildu leikmennirnir hafa ákveðið þetta sjálfir í hálfleik?:-) Ég óttast samt að þetta þýði að tími Hodgeson verði lengdur um e-r vikur sem væri alveg skelfilegt.

  15. Sælir félagar.

    Góður og kærkominn sigur og frammistaða liðsins góð.

    Hef samt áhyggjur af getuleysi liðsins í loftinu og Johnson verður að skila varnarhlutverkinu miklu betur ef Kelly á ekki að fara að slá hann út. Spurning hvort Kyrgiakos komi svo ekki inn í liðið næst á kostnað Skrtel.

    Ótrúlegur munur að fá svo Aurelio og Agger inn í liðið. Allt annað að sjá uppspil liðsins úr vörninni frá því sem verið hefur.

    Er samt á því að Hodgson eigi að fara en ef liðið heldur áfram á þessari braut mun ég skipta um skoðun og styðja kallinn.

    Nú reynir á eigendur liðsins. Þeir verða að styrkja liðið í janúarglugganum og ekkert múður.

    Vonum að þessi sigur sé fyrirboði um betra gengi Liverpool á árinu 2011 en á 2010 sem er vafalaust eitt það versta í sögu liðsins.

    Áfram Liverpool!

  16. Týpískt, leikur sem ég ákveð að horfa ekki á og þá vinnum við!

  17. Afhverju fékk Hodgson að stýra okkur í þessum leik?
    Þvílíkt rugl að það sé ekki búið að reka hann!

    En mjög gott að vinna engu að síður!

  18. Ef Hodgson setti upp þennann leik og “mótevaraði” leikmenn, er það mér algjörlega hulin ráðgáta, afhverju í ósköpunum svona spilamennska hefur ekki viðgengist í vetur. Allir leikmenn Liverpool voru að spila mjög vel og sýndu svo maður fann það í gegnum sjónvarpið að þeir höfðu allan tímann trú á því að þeir gætu skorað og unnið leikinn. Allan tíman var boltanum spilað í gegnum miðjuna en ekki sparkað yfir hana. Það var mjög greinilegt í þessum leik að leikmenn voru alltaf að reyna skipulagðan sóknarleik. Einfaldan og árangursríkan…. keyrum á bakverði andstæðingana og í svæðið fyrir aftan þá. Sóknarleikur að mínu skapi.

    Aðeins eitt sem ég set útá í sóknum Liverpool. Mér finnst Kuyt ( þegar hann er á hægri kanti ) vera allt of oft á d-boga í fyrirgjöfum frá vinstri frekar en að dekka svæði á fjær stöng. Það eru of margar fyrirgjafir sem leka framhjá fjær stönginni. Láta miðjumann um d-boga og kantur sér um fjær svæðið. Þetta var eitt af aðalsmerkjum Liverpool á árum áður, það var alltaf maður á fjær.

  19. Það fór eins og ég bjóst við að ég fengi fjölda þumla eftir síðustu skrif. En þetta sem ég sagði er bara staðreynd. Vandamálið er hugsunarháttur leikmanna og vitlaus kaup á leikmönnum í tíð RB. RH þurfti að búa til lið úr rústunum og hann gefur það í skyn í viðtali eftir leik í dag að vandamálið er lengra en sex mánaða! Nú ætti kallinn geta andað léttar og farið að undirbúa sig að kaupa leikmenn í janúarglugganum. Ég bíð spenntur eftir að sjá hvaða leikmenn hann kaupir, en þar sem Evrópukeppni er ekki örugg næsta keppnistímabil er ég ekki viss um að mjög sterkir leikmenn vilja koma til okkar. Svona er þetta bara.

  20. er það HB ?? en vannst ekki leikurinn í dag þegar allir 3 leikmennirnir sem Roy fékk voru ekki INNÁ !! og 2 af þeim eru þeir lélegestu á síðast áratug þori að fullyrða það !

  21. og 22 HB “RH þurfti að búa til lið úr rústunum” þessar rústir sem RB skildi eftir sig voru aldrei svona slakir á síðasta tímabili þegar hann stjórnaði vorum aldrei nálægt fallbaráttu !! Hef aldrei séð jafnmikið bull

  22. Ég ætla að giska á það að HB sé stuðningsmaður Manchester United!

  23. Ég veit ekki hvort HB er að grínast eða ekki. En sú söguskýring að Rafa hafi skilið eftir sig lélegan leikmannahóp er svo fáránleg að það hálfa væri nóg!

    Ég get tekið undir það að við höfum ekki haft fyllilega sterkan hóp til að vinna deildina þrátt fyrir að hafa verið nálægt því vorið 2009 að hafa þann hóp. Hópurinn sem Rafa skildi eftir sig endaði í 7.sæti og mönnum fannst það lélegt. Það sem gerist síðan er ráðning á metnaðarlausum og hugmyndasnauðum stjóra sem er að reyna að tala markvisst niður þennan hóp til að bjarga eigin skinni. Hópurinn er alveg nógu sterkur til að keppa um 4-6 sæti eins og hann er í dag svo fremi að stjórnandinn (Hodgson) kunni sitt fag.

    Sigur gegn Bolton á heimavelli hefði einhvern tíma þótt sjálfsagður skyldusigur og ekkert til að hrópa húrra yfir. Svona svipað og tap gegn Úlfunum á heimavelli hefði þótt fáránlegt.

  24. Roy hefur verið gerður að blóraböggli ömurlegrar frammistöðu leikmanna sem gefast upp er á móti blæs. Þessi maður tók landslið Finna úr rústum og kom þeim næstum á HM, hann hefur stjórnað Juventus og tekið lið í ensku deildinni og komið þeim í úrslit UEFA Cup.

    Þeir sem vildu láta reka Rafa, reka Roy, eru svona gæjar sem vilja láta hausa fjúka eftir hvern tapleik. Láta tilfinningar stjórna sér en ekki rökhugsun. Það er oft gott að hlusta á hjartað, en við rekstur knattspyrnufélags þarftu aðallega heilann.

    Einnig finnst mér það til votts um heilaþvottinn hérna að menn eru rakkaðir í skítinn ef þeir eru sammála hivemindinu og herferðinu gegn stjóranum.

    Ég er enginn aðdáandi RH en að reka á miðju tímabili í þessari stöðu er heimskulegra en það var að reka Rafa, sem ég vildi ekki.

    RH er kannski passífur taktískt séð en það útskýrir ekki ömurlegar frammistöður lykilmanna né er það orsök þess. Leikmenn þurfa einfaldlega að fara að vinna fyrir laununum sínum. Upp með sokkana árið 2011.

  25. Þegar menn eins og HB koma hérna inn, skrifa með rassgatinu, reyna að hræra uppí hlutunum og æsa menn, þá á einfaldlega að þumla þá niður og svara ekki stakri línu sem frá þeim koma.
    Þetta eru asschester utd menn í 99% tilfella a.m.k og við eigum að vita betur.

    Flottur sigur í dag, en ekki RH að þakka held ég, svo hann og pokinn hans eiga ennþá að yfirgefa Melwood sem fyrst.

    Gleðilegt nýtt ár.

  26. Góð stig. Úr því sem komið var.

    Hvað er annars langt síðan Liverpool vann deildarleik eftir að hafa lent undir? Í man síðast eftir því vorið 2009 á móti Portsmouth!

  27. Sæmilegur sigur í höfn í dag, en mitt álit á þessu að þessi leikur á ekki að létta á pressunni á Hodgson og á að láta hann fjúka strax í gær. Liverpool spilaði ekki vel gegn veiku liði Bolton, en gott fyrir hjartað að sjá Torres skora í þessum leik. Burt með Hodgson, þrátt fyrir 3 stig í dag.

    Takk fyrir YNWA

  28. Liverpool spilaði það vel að Hodgson hefði sætt sig við jafntefli… Seriously Roy?

    Án nokkurs vafa hugarfar sigurvegara! Bolton voru ekki góðir og í raun átti Liverpool að klára þennan leik allan tímann, jafntefli eða tap átti bara aldrei að vera í myndinni.

    Annars fínt að fá sigurleik, getur nú samt ekki verið að þetta bjargi starfi Roy eitthvað en maður sá nú þegar flautað var til leiksloka hve þungu fargi var létt af mönnum, þá einna helst Roy. Ég held að ef það voru einhverjir leikmenn í liðinu sem nauðsynlega þurftu á því halda að skora mark þá eru það án nokkurs vafa Torres og Cole, vonandi gefur þetta þeim smá spark í rassinn fyrir næstu leiki.

    Gleðilegt árið allir og mikið er nú fínt að byrja árið 2011 með langþráðum sigurleik, megi þeir nú koma á færibandi þetta árið!

  29. Nenni ekki í eina enn Benitez eða Hodgson umræðu núna. Þessi sigur var mjög hressandi og alltaf gaman að ná inn sigurmarki á síðustu mínútunni og mikið held ég nú að Joe Cole hafi haft gott af þessu. Leikur liðsins var annars að mestu mjög fínn í seinni hálfleik. Boltinn gekk manna á milli, góð hreyfing á mönnum og ekki þetta endalausa kick and hope leikkerfi sem liðið hefur boðið uppá í vetur.

    Þetta Bolton lið var reyndar ekki neitt sérstaklega sterkt og að mínu mati hefði ég viljað sjá okkar menn skapa sér enn fleiri færi og klára þennan leik mikið fyrr en andskotinn hafi það, það hefur ekki verið upp á teningnum undanfarið og því ekki hægt annað en að vera sáttur með þetta.

    Ég er sammála Magga (mjög góð leikskýrsla btw) með þetta 4-4-2 kerfi. Þetta fer rosalega í taugarnar á mér og lengstum í leiknum var svo hróplega augljóst að við vorum nánast einum færri í sóknarleiknum meðan Torres og N´Gog spiluðu nákvæmlega sömu stöðu. Ég talaði um það mest allann seinni hálfleikinn að ég vildi sjá Cole koma inná fyrir N´Gog sem mér fannst ekki koma mikið út úr í dag til að þétta miðjuna. Er samt ekkert að meina að N´Gog hafi verið slappur í dag og hann gerði líklega það sem fyrir hann var lagt, en hann og Torres vinna hvorn annan ekkert upp, linka ekkert sérstaklega saman og eru í raun frekar líkir leikmenn (utan þess að Torres er svona 5x betri).

    En fyrir N´Gog var Cole auðvitað eiginlega eini valkosturinn til að breyta um kerfi af úrvalinu á bekknum því hinir möguleikarnir voru annarsvegar Poulsen inn á miðju og Gerrard í holuna eða þá Babel fyrir N´Gog. Poulsen auðvitað gengur ekki og maður óskar ekki eftir að fá hann inná og Babel hefði bara farið í sama hlutverk og N´Gog var í og gert jafn lítið. Á heimavelli gegn Bolton eigum við að mínu mati að spila 4-2-3-1 eins og við höfum gert undanfarin ár og pressa þá í kafi. Eftir jöfnunarmarkið í dag kom mikið meira sjálfstraust í liðið og þessar einföldu sendingar manna á milli fóru að heppnast og leikmenn fóru að hlaupa í auðu svæðin og bjóða sig…já og innköstin fóru að takast líka! En ég vill sjá meiri pressu og hungur til að vinna leikinn. Það var alveg til staðar í dag en ekki í nægjanlegu magni sem sést svo ágærlega í viðtali eftir leik þar sem það fyrsta sem þjálfarinn talar um er að hann hefði alveg sætt sig við jafntefli hefði það orðið raunin.

    Hodgson reyndar gerði þessa skiptingu á 83.mín sem var auðvitað of lítið til að segja til um hvort þessi pæling hafi verið rétt (betri en að hafa N´Gog þ.e) og sigurmarkið svaraði því nú kannski ekki alveg enda hefðu allir í heiminum nema Lucas Leiva og SSteinn skorað úr færinu sem Joe Cole fékk.

    En engu að síður væri ég mjög mikið til í að sjá þessa breytingu frá byrjun í næsta leik, N´Gog á bekkinn og Joe Cole inn og aðeins fyrir aftan Torres. Ég hef alls ekki viljað taka undir þá gagnrýni sem Torres hefur fengið á þessu tímabili því að þjónustan sem hann hefur verið að fá í vetur er oftast ömurleg. Þegar liðið nær að spila sig í gegn og finna Torres í grend við teiginn þá er enginn hættulegri og þetta trademark mark þeirra Gin & Tonic í dag var algjörlega geggjað.

    Roy Hodgson greyið er svo auðvitað búinn með sénsana hjá félaginu og þessi sigur ætti engu að breyta þar um, en hann væri ekki í þessari stöðu núna hefði hann fengið liðið til að spila líkt og það gerði lengstum í seinni hálfleik, þó hann þyrfti líka að fara í þjálfun hjá hæfum PR þjálfara.

  30. Svona comment eins og þetta númer 35 á ekki að sjást á svona góður spjallborði.

    – innsk. Afgreitt (núna er þitt Nr.35 😉

    En hvað má lesa í þetta ?
    Hodgson: “I spoke to the owners and they wished me good luck and sympathised with the frustration I must have been feeling after Wednesday.”

  31. Gott að fá Agger inn aftur og Aurelio líka, þetta eru fótbolta menn..
    Eina sem Aurelio gerði rangt var í markinu þeirra, hann braut mjög asnalega og gaf Bolton séns á marki enda eru þetta þeirra bestu færi, þeas aukaspyrnur og önnur föst leikatriði…

    Johnson þarf hinsvegar að fara að læra að dekka, reyndar skil ég ekki alveg hvernig þessu er stillt upp, afhverju var Johnson að dekka Davies og afhverju var Skrtel að dekka Carroll í markinu sem Newcastle skoraði í byrjun Des. Þetta hlýtur að skrifast pínu á managerinn…

    Það er ótrúlega margt sem þarf að laga í þessu liði okkar en það er strax jákvætt að sjá menn sem geta rekið boltann og sent hann frá sér sæmilega eins og Agger og Aurelio…

    Þessar skiptingar síðan hjá Hodgson eiga að koma fyrr, td sá maður það að Ngog var löngu búinn á því og það voru allir að bíða eftir því að hann færi útaf…

    Vonandi færir þessi sigur ekki meiri tíma fyrir ugluna…
    Burt með Hodgosn, hann getur þakkað Cole að hann er enþá stjóri í dag

  32. það er eitt sem ég skil ekki.., þið eruð að segja að enginn af leikmönnum sem RH keypti hafi verið inná.. ég sá nú ekki betur en að það hafi verið Joe nokkur cole sem tryggði sigurinn ? og kom hann ekki með Hodson..
    En flottur sigur !
    YNWA

  33. Ánægður með sigurinn, fannst leikmennirnir virkilega vilja leggja hart að sér en voru á sama tíma stressaðir og stundum einbeitingarlausir. Virkilega gott að sjá Torres og Cole setja mark og við hefðum hæglega geta skorað fleiri. Áttum nokkur hættuleg skot, aðalega Gerrard sem var óheppinn að hitta ekki rammann í þau skipti. Svo Maxi skallinn og Lucas slysaskotið.

    Ngog fannst mér eiga fínan leik, vildi samt sjá hann útáf á sirka 60mín enda búinn að vinna vel og var drulluþreyttur. Kuyt var eins og unglingur í nammideildinni og stal eflaust fleirum en 15 boltum af mótherjanum. Torres var líka mun ákveðnari en í Wolves leiknum en mikið fór það í taugarnar á mér hvað hann missti boltann oft þegar hann gat hæglega sent á einhvern annan. Þá er ég samt ekki að tala um þegar hann klárar með skoti því ég vill frekar að Torres skjóti úr þröngu færi en Ngog í vítapunktinum. Hann má líka hætta að tuða svona mikið þó á móti blási, ég vil fá þennan Killer spanjóla sem við þekkjum og elskum aftur og mér finnst eins og að hann sé að detta í gang.

    Maður leiksins er hiklaust Gerrard en hann kom sterkur inná og var allt í öllu á miðjunni okkar, átti báðar stoðsendingarnar. Reina á svo heiður skilið fyrir góðan leik og að verja gott skot í blálokin.

    Hodgson segist hafa stuðning leikmanna og leikmenn hikuðu ekki við að fagna sigrinum með honum, Pepe Reina knúsaði gamla af lífi og sál getur vel verið að svo sé. Ég hugsa að leikmennirnir séu ekki svo barnalegir að halda að RH beri allan böggulinn einn og vilja eflaust sýna okkur hvað þeir geta. Mín skoðun er þó enn sú sama, hann verður að fara og við að fá ungan, góðan (ekki bara efnilegan) þjálfara sem stýrir Liverpool til sigurs næstu 20 árin, eins og Fergie hefur gert hjá United. Velti svo fyrir mér hvað það þýpir að Konch var skilinn eftir heima… Ætli Hodgson sé að gera hann að blóraböggli….

    Fyrst og fremst ánægður með stigin, baráttuna og brosið á smettinu á mér, nú er bara að sýna tennurnar í næsta leik og fá einn góðan 6-0 fyrir Liverpool!

  34. nr 38 Bjöggi, fylgjast betur með, Hodgson var ekki maðurinn sem fékk Cole til þess að koma

  35. Hef ekki grænan hvort þetta skipti okkur einhverju máli en eitt nafn í viðbót inn í umræðuna sem kannski hefði átt að vera komið fyrr

    Paul Tomkins
    Ralf Rangnick has resigned as Hoffenheim manager. “Studious empire builder” + his teams play great football, according to @karlsentk

  36. nr 40 Hallur , Hodgson hefur sagt að Purslow hafi verið komin í viðræður við Cole og fengið stuðning frá sér um að klára dæmið.

    Babu ætli Gylfi komi með ?????????????????????

  37. Góður sigur. Missti (sem betur fer) af fyrri hálfleik, en seinni hálfleikur var fínt þynnkumeðal.

    En fyrst Bolton er í kastljósinu, þá er það lið ágætis mótrök gegn þeim öllum sem stagla sífellt á því að Hodgson hafi erft svo lélegan leikmannahóp frá Benitez. Bolton endaði í 16. sæti í fyrra (ef ég man rétt), nú er kominn nýr þjálfari og nýtt leikskipulag og árangurinn lætur ekki á sér standa: Bolton eru í 7. sæti, voru í því 6. fyrir leikinn í dag, og það sem er svo merkilegt er að þetta er nánast sami leikmannahópur og lenti í 16. sæti í fyrra. Munurinn er sá að í fyrra var spilaður varnarbolti og boltanum þrykkt fram á Elander, sem virtist ekkert geta. Nú er annað upp á teningnum, lögð meiri áhersla á spilið og Elander fær úr meiru að moða, og hefur skorað fleiri mörk en á síðastliðnum 2 tímabilum samanlagt. Liverpool fór auðvitað akkúrat öfuga leið, hjá Benitez var áhersla lögð á spil og 7. sætið var versti árangurinn, nú er þetta varnarbolti a la gamla Bolton, og árangurinn (eða skortur á honum) lætur ekki á sér standa.

  38. Eru einhverjar aðrar heimildir en Tomkins að Rangnick hafi sagt af sér? Ég sé ekkert um þetta á netinu annars staðar? Virðist samt vera flottur gaur.

  39. Hvað er Rangnick búinn að vera lengi með Hoffenheim? Kom hann þeim upp?

    Gylfi er Manchester maður og myndi held ég aldrei koma….

    P.s Góð leiksskýrsla

  40. Hann kom þeim fyrst upp úr annari deildinni og svo beint upp í bundesliguna.

  41. Nei var að lesa þetta hann kom Hannover up eftir 13 ára veru í annari og Hoffenheim upp úr þriðju deild á jafnmörgum árum.
    Gæti verið spennandi kostur

    • Hvað er Rangnick búinn að vera lengi með Hoffenheim? Kom hann þeim upp?

    Ég veit ekki mikið um þennan mann en hann gæti passað vel við hugmyndir NESV og ég held að hann kunni ensku mjög vel.

    Hann kom Hoffenheim upp um tvær deildir og stendur fyrir mjög góðan fótbolta. Hér er ágætt viðtal við hann þar sem hann t.d. talar um að hann þolir ÁKAFLEGA illa að tapa http://www.spiegel.de/international/germany/0,1518,598721,00.html

    Hér er svo farið aðeins yfir ferilinn hans http://en.wikipedia.org/wiki/Ralf_Rangnick

    Hef ekki lesið mig til um hann áður en hann er strax meira spennandi en Roy Hodgson og er klárlega enginn aukvisi eða nýgræðingur í faginu.

  42. @ 15

    Það verða víst ekki borgaðar út bætur íá Englandi fyrr enn á morgun og flestir íbúar Liverpool eru nú þegar á svörtum lista hjá Hraðpeningum ehf. 🙂

  43. I’m not a good loser. When I was a child, I once threw a toy fire truck at my great grandfather after he beat me at a board game. Even today, it’s not a good idea to approach me if we’ve lost a match because we made a few mistakes.

    SPIEGEL: After the final whistle in Munich, it looked as though you were blaming your defender Andreas Ibertsberger for having messed up before Bayern Munich’s second goal.

    Rangnick: No. Looking for scapegoats isn’t our thing. Actually, I was more upset after the 4-5 loss to Werder Bremen.

    Þetta er allt annað attitude dude sem virkar vel á mig.

  44. hahahaha vil benda á það að það var gert grín af Poulsen í skaupinu XD en hvern mynduði vilja fá sem eftirmann RH? 🙂

  45. Líst vel á þennann þýska, skil ekki af hverju Roy er enn á starfi það hefði átt að reka hann samstundis fyrir að gangrýna hörðustu stuðningsmennina eftir úlfahneykslið. Leikurinn ´æi dag var slakur og ekki Roy að þakka að hann vannst. Þetta var hreinn heppnissigur.

  46. Mig minnir að Coyle sé púlari, ég er samt ekki 100% viss, en mig minnir að ég hafi heyrt það einu sinni…
    Ég vona nú að hann verði ekki stjóri hjá Liverpool, við þurfum stærra nafn og betri stjóra að mínu mati þó að Coyle sé finasti stjóri og persóna

  47. Varðandi stjóra Hoffenheim, þá er sagt að hann sé hættur vegna ósættis um sölu leikmanns til Bayern Munchen. Owen Coyle er held ég ekki kominn með pedigree til að taka við Liverpool FC þótt hann hafi gert skemmtilega breytingu á Bolton. Owen þessi gæti hins vegar verið góður sem aðstoðarmaður hjá erlendum stjóra, þess vegna þeim þýska.

  48. Er alltaf að verða hrifnari af Owen Coyle. Magnað viðtal og verulega vinalegt að heyra skoskan hreim hjá stjóra.

    Bara King Kenny með honum fyrst um sinn, og svo negla á það!

  49. Ok sá ekki leikinn þar sem ég var í brúðkaupi í dag. Ákvað meira að segja að kíkja ekkert á það hvernig leikurinn fór til að eyðileggja ekki fyrir mér ánægjuna. En allavega gott að ná sigri í dag. Ég held að það sé alveg á hreinu að þessi sigur hefur ekkert með það að gera hvort Hodgson haldi starfi sínu lengur eða skemur. Hann er “dead man walking” og hefur verið í þó nokkurn tíma. Það er vonandi að við losnum við hann fyrr en seinna. Fyrir mér er það algjört rugl að tala um að hann hafi erft lélegt lið frá Rafa, við erum að tala um að liðið sem er núna er að mestu þeir sömu og voru óheppnir að vinna ekki titilinn fyrir tæpum 2 árum síðan og hafa allir (ok flestir, Lucas) sýnt miklu betri leik en núna í ár. Þetta snýst allt um modiveringu og hún er engin, í besta falli, frá Hodgson. Manni hefur frekar fundist sigurleikirnir vera þrátt fyrir Hodgson heldur en vegna Hodson. Án þess að ég vilji gera þetta að Rafa vs. Hodgson punkti þá hef ég ennþá þá trú að Rafa hafi staðið sig ótrúlega vel miðað við þá aðstöðu sem hann þurfti að búa við. Hans tími er nú liðinn og við þurfum að horfa fram á við.

    Ég hef mikla trú á þessum eigendum Liverpool og held að þeir muni sýna okkur úr hverju þeir eru gerðir núna í janúar, enda hef ég trú á því að við þurfum ekki nýtt lið heldur örfáa góða leikmenn og umfram allt þjálfara sem kann að módivera leikmenn okkar. Við erum með fullt af háklassa álvöru leikmenn sem geta töluvert meira en þeir hafa sýnt í vetur.

    Það er flott að byrja árið með sigri og vonandi er þetta leikurinn sem við gátum sagt bless við Hodgson og byrjað að horfa fram á veginn.
    kv
    Óli

  50. Fínn og sanngjarn sigur hjá okkar mönnum fannst mér.
    SG maður leiksins og algerlega frábært að sjá hinn ofur pirraða Torres umbreytast eftir þetta flotta mark hans.

    Vonandi að þetta pot hjá Joe Cole verði til þess að hann vakni úr rotinu.

  51. Sá á ynwa.tv að menn voru að tala um að Elia og Wolfsvinkel væru ,,done deal´´ og að þetta væru Commoli kaup

    Ég óttast að þessi sigur hafi tryggt RH meiri tíma, mér líst vel á þennan þýska eða einhvern annan ungann og upprennandi stjóra

  52. Mér fannst seinni hálfleikurinn góður. Maður hafði aldrei neinar áhyggjur, en það var einsog það vantaði plan þegar komið var inní vítateiginn. Hafði á tilfinningunni að leikmennirnir hefðu tekið völdin og Roy væri ekki lengur við stjórnvölinn.

  53. Fyrra mark Liv er eitt það flottasta sem ég hef séð lengi… Gaman að sjá þessa snilling sýna hvað þeir geta og ætla að gera á næsta tímabili undir stjórn einhvers fagmanns.

  54. Eru menn í alvörunni að missa sig yfir grísasigri á Bolton á heimavelli með potmarki á ögurstundu? Liðið er því miður rjúkandi rúst og verður það því miður um eitthvert skeið áfram. Það er enginn áhugasamur góður fótboltamaður á leiðinni og við verðum ekki í meistaradeildinni á næsta ári. Engir peningar, enginn vilji og ömurlegur stjóri. Hvernig eigum við að lokka til okkar betri menn? Við þurfum betri menn. Það þarf allt að breytast, ekki bara stjórinn.

  55. Ein pæling fyrir síðuhaldara

    Setja inn link á blaðamannafundinn með stjóranum pre leik, og svo í umfjöllun um leikinn (eftir leik)væri gaman að sjá viðtal við stjóra/leikmenn eftir leik.

    Myndi gera það að verkum að þá þyrfti maður ekki að sniffa þetta upp af öðrum síðum enda er þessi frábæra síða yfirleitt með allt sem maður þarf. 🙂 Takk fyrir frábæra síðu strákar

  56. Tek heils hugar undir komment 65… það væri bara til þess að gera mjög góða síðu enn betri.

  57. …og svona til þess að bæta ofan á mjög góða hugmynd hjá #65 þá mætti setja inn MOTD Highlights líka inn í leikskýrsluna, það má finna nokkrum mínútum eftir að það er sýnt á snilldarsíðunni 101greatgoals.com.

    Hér er td. linkur inn á MOTD Highlights úr leiknum gegn Bolton, betri umfjöllun á og brot úr leiknum færðu ekki:
    http://www.101greatgoals.com/videodisplay/liverpool-bolton-motd-8034378/

    • Setja inn link á blaðamannafundinn með stjóranum pre leik, og svo í umfjöllun um leikinn

    Fín hugmynd þó ég viti reyndar jafnan ekki hvar þetta er að finna nema á e-season eða bara á LFCTV. En ef þetta væri aðgengilegt þá nenni ég ekki að spá í þessu fyrr en við fáum annan stjóra 🙂

  58. Ok, Babu er þetta þá loforð? 🙂

    Þegar við fáum nýjan stjóra þá höldum við upp á það með því að poppa upp umfjöllun fyrir og eftir leiki með linkum á þessa hluti :)…..er reyndar hægt líka að gera sem embedded youtube video á þessum wordpress síðum og fella þetta þá með flottum hætti inn í textann.

  59. Ætlaði að reyna að pósta svona embedded link, en gekk ekki betur en þetta.
    Afsakið það 🙁

  60. Mæli með að menn splæsi í E-Season Ticket, kostar minna en ein treyja á ári… og ef mönnum finnst það mikið þá er um að gera að splæsa bara nokkrir saman.

  61. Nú er Joe Cole að blaðra um það að allir leikmennirnir standi við bakið á RH.Mér hefði nú fundist best að hann hefði haft vit á að halda kjafti eins illa og hann hefur leikið. En það virðist vera svo að RH fái fleiri sénsa,alla vega er ekkert að heyra frá eigendonum sem mér finnst frekar dapurt því að þessi sigur í gær var langt frá því að vera sannfærandi og að aðeins hafi mætt 35.000 manns á völlinn á nýársdegi er náttúrulega bara skandall.

Liðið komið á “Roy Hodgsons’ D-Day”!

Stjóramálin – tímabundin eða varanleg lausn