Reading 1 – Liverpool 1 (uppfært)

Ný keppni og bikar að keppa um, kuldi en ágætur völlur í Berkshire og þrír Íslendingar andstæðingar okkar manna.

Byrjum á klassíkinni, byrjunarliðið

Reina

Darby – Carragher – Skrtel- Insua

Kuyt – Lucas – Gerrard – Aurelio

N´Gog – Torres

Bekkur: Cavalieri, Aquilani, Benayoun, Kyrgiakos, Babel, Spearing, Degen.

Reyndar settu sjónvarpsmennirnir upp að N’Gog væri fyrir aftan Torres í 4231, en um leið og leikurinn hófst var ljóst að þetta var hefðbundið 442.

Reading byrjaði sterkar, hávær völlur og stemmingin með þeim. Við byrjuðum illa og vorum reknir til baka í byrjuninni, náðum engum tökum á miðsvæðinu, alltaf minnst manni færri. Reading bombarderuðu á vörnina okkar og voru einfaldlega miklu duglegri.

Ekki var mikið um færi en á 24.mínútu braut Insua klaufalega af sér. Aukaspyrnunni dúndrað á hið sívinsæla fjarstangarsvæði og þar fékk senterinn að “húkka” boltann inn í markteig þar sem Simon Church potaði honum í netið. 1-0 og að mínu mati sanngjarnt.

Við markið fórum við aðeins í gang og náðum langbesta kafla okkar í leiknum. N’Gog og Aurelio skutu rétt framhjá og Torres átti að gera betur í góðu skallafæri. Jöfnunarmarkið kom svo á 36.mínútu þegar Insua vann boltann af harðfylgi og sendi hann á Captain Fantastic, hann stillti upp og skaut að marki, Kuyt karlinn fylgdi inn í teig og hleypti boltanum í gegnum klofið á sér, þaðan skoppaði hann í jörðina og í fjærhornið.

Eiginlega eina framlag Steven Gerrard í leiknum, 1-1 og við ofaná. Það hélst út hálfleikinn en færin urðu engin og þannig var farið inn í hléið.

Seinni hálfleikurinn var endurtekning þess fyrri, við komum í bullinu úr hléinu og Reading voru með yfirburði á miðsvæðinu, án þess að skapa sér færi. Ég var farinn að öskra á skiptinguna eftir 48 mínútur en Rafa beið með hana þar til á 68.mínútu, N’Gog var frelsaður frá sínu hlutverki sem alls ekki gekk upp, Aquilani fór inn á miðjuna og Gerrard var ýtt framar.

Þar með tókst okkur að vinna okkur varnarstöðuna á miðjunni en satt að segja var nú ekki mikilvægur fótbolti í gangi síðustu 20 mínúturnar, Reading voru á fullri ferð og líklegri til afreka á meðan okkar menn náðu fáum sterkum sóknum. Torres hefði svo einhvern tíma stolið sigrinum í uppbótartímanum en skallaði yfir varamarkmann Reading sem nýkominn var þá inná vegna meiðsla aðalmannsins. Sá fór þó yfir og leiknum lauk með 1-1 jafntefli sem þýðir replay á Anfield þriðjudaginn 12.janúar.

Uppfært

Strax búið að færa leikdaginn, verður miðvikudaginn 13.janúar, vegna þess að við spilum við Tottenham á sunnudegi.

Maður leiksins hjá okkur í dag fannst mér Lucas Leiva sem kannski segir margt um leikinn. Hann braut upp margar sóknir Reading, var alltaf til í að fá boltann og fáar sendingar sem klikkuðu. Aðrir voru undir getu, nema Reina átti góðan leik, Kuyt var duglegur eins og oft og Darby vann sig vel inn í leikinn eftir slaka byrjun.

Maður leiksins í dag fannst mér Íslendingur, vel má vera að ég sé hlutdrægur en Gylfi Sigurðsson var allt í öllu hjá heimamönnum og gaman verður að sjá hann á Anfield. Kannski Gunnar Heiðar verði þar með líka.

Í lokin langar mig að fá smá útrás…

1. Ég SKIL EKKI hvað verið var að gera með 4-4-2 leikkerfi með þennan leikmannahóp. Þetta leikkerfi snýst um það að miðjumenn séu eilítið passívir, minnst annar og kantmenn vaði upp kantana til að komast á bak við varnarlínur. Kuyt og Aurelio ERU EKKI VÆNGMENN og það er fullkomlega út í hött að reikna með því! Eina sem mér dettur í hug er að verið sé að kaupa kantmenn og nýta hafa átt leikinn til að hlaupa í gegnum kerfið. En það var steindautt í 55 mínútur og allt annað flæði kom í leikinn þegar Aquilani kom inn.

2. Tengt leikkerfinu, Steven Gerrard ER EKKI BEST NÝTTUR SEM MIÐJUMAÐUR, hvað þá í þessu kerfi. Sóknarhættan af honum hverfur og hann er einfaldlega ekki nógu duglegur varnarlega í þetta hlutverk, Lucas lent oft í að vera einn gegn þremur!!!

3. Martin Skrtel, er það að verða fullreynt? Var mjög slakur og í raun var ég með lífið í lúkunum allan leikinn gagnvart hans frammistöðu, hvort sem var varnarlega eða þegar hann var með boltann.

4. Upphaf seinni hálfleiks. Gamla vofan komin aftur, steindauðir úr hléinu. Verður að lagast.

5. Kantmenn takk. STRAX!!!

Næsti leikur er sunnudaginn 10.janúar gegn Tottenham í deildinni, það verður fínt að fá þessa daga eftir törnina til að vinna í liðinu og vonandi bæta í hópinn. Ekki veitir af!

77 Comments

  1. í fyrsta skipti á ævinni sofnaði ég yfir liverpool leik, ég er farinn að vilja sjá breytingar…
    þýðir ekkert annað en láta kallinn fara

    ég vill skemmtilegri fótbolta hjá liverpool, það er alveg skelfilegt að horfa uppá þetta, það var eins og við værum í coca cola deildinni og þeir í pl
    skelfileg frammistaða hjá aurelio, insua, kuyt, ngog, darby
    þessir leikmenn eiga ekki heima í byrjunarliði LFC

    YNWA

  2. Hvað í andsk…. var þetta? Hvernig stendur á því að liðið dettur alltaf í þá gryfju að spila á sama leveli og andstæðingurinn? Ef við spilum við Manu að þá er glimrandi spilamennska en ef við mætum liðum úr neðri deildunum að þá spilum við eins og við séum í sömu deild. Vonandi að menn fari að finna punginn á sér og fari að spila eins og menn. (já það er ekki bara Benitez sem þarf að finna á sér kúlurnar)

  3. Þar sem ég missti af þessum stórleik þá spyr ég : voru þetta sanngjörn úrslit ?

  4. sanngjörn… ? Nei, Reading á klárlega sigurinn skilið. Liverpool voru afleitir!

  5. Sem betur fer borgaði maður sig ekki inn á þennan leik, svakalega lélegt.
    Vonandi fara menn að rífa sig upp fyrr en seinna annars er ekkert nema meðalmennskan í boði.
    Er en að reyna að átta mig á Kuyt lætur Lucas lýta vel út. Ótrúlegt að sjá hann á 92 mínútu með Torres, Gerrard og fleiri fyrir framan sig og ná einhvernveginn að klúðra því.
    Fannst eins og okkar menn væri á æfingu, þarf eitthvað að spara sig? 8dagar í næsta leik!

  6. Getur einhver útskýrt fyrir mér afhverju liðið mitt kæra getur ekki spilað nærri því jafnvel og á síðasta tímabili?
    Þoli ekki þetta “sjálfstrausts” kjaftæði, það vita allir þarna að þeir eru góðir fótboltamenn og það að sjálfstraustið þeirra hafi áhrif á að þeir geti ekki valtað yfir Reading er bara léleg afsökun.
    Ekki var Xabi Alonso svona svakalega mikilvægur? Ekki er Rafa búinn að eyðileggja liðið síðan síðasta vor….

  7. Vá svakalega spilar liverpool leiðinlegan fótbolta það er hörmung að sjá þetta,benitez verður að fara opna augun og taka þá lukas og kuyt út úr þessu liði,við getum alveg eins spilað 2 færri eins og hafa þessa menn inná.

  8. Þetta var slöpp frammistaða, það er engin önnur leið til að orða það.

    Þetta byrjaði ágætlega. Reading-menn voru fullir af orku og pressuðu grimmt en okkar menn voru að skapa sér færi. Svo skora þeir upp úr engu en nokkrum mínútum síðar er Gerrard búinn að jafna og þá hélt maður að þetta myndi detta aðeins okkur í hag framvegis.

    Það gerðist samt aldrei. Of mikið taktleysi í spilinu, allt ALLT of mikið af ónákvæmum sendingum sem káluðu öllum sénsum á að opna svæði, og hreinlega taugatitringur í varnarleiknum eftir að þeir náðu að skora markið sitt. Reading-menn spiluðu eins og mátti við búast, þetta var þeirra bikarúrslitaleikur og alltaf erfitt að mæta svoleiðis liðum, en svo eftir svona 65-70 mínútur sá maður að orkan var að klárast hjá þeim (enda búnir að vinna of mikla vinnu á þeim tímapunkti til að geta enst í 90 mínútur) en jafnvel þá var eins og okkar menn hefðu ekki yfirvegun og kraft til að sigla fram úr og klára dæmið.

    Dauðafærið hjá Torres undir lokin var eins og leikurinn í hnotskurn; góður séns en sendingin ónákvæm og enginn kraftur til að stýra boltanum rétta leið.

    Tökum þá á Anfield en það er svekkjandi að þurfa að taka aukaleik á þetta. Vonum að liðið spili ekki svona illa aftur á árinu 2010.

  9. Þetta var nú bara vanmat dauðans í dag. Menn virtust flestir hverjir á hálfri ferð. Helst yngri piltarnir, Lucas (í fyrri hálfleik fyrir utan markið), Darby og Insúa sem gátu eitthvað og svo gáfu haffsentarnir ekki færi á sér. Skrtel gerði reyndar fátt til að ógna sæti Agger í liðinu. Torres er alltaf hættulegur en náði ekki að skora og því flokkast þessi leikur sem failure hjá honum. Hvar var Gerrard eftir markið? Hvað var Aurelio að gera allan tímann? Hvað var Aquilani að gera eftir að hann kom inn á? Kuyt var þokkalegur, virkaði þokkalega ógnandi á köflum og N’Gog var að mörgu leyti ágætur.

    Það sem vantaði algjörlega í þennan leik var fyrst og fremst áhugi á að tækla og vinna boltann. Reading fengu allt of mikinn tíma til að athafna sig og það var eins og menn væru að spara sig, væru hræddir við meiðsli. Allt of margir virtust vera að spila með vinstri og það dugar ekki gegn neinum, ekki einu sinni botnliði í 1. deild. Varamarkmaðurinn fékk ekki skot á sig og var ekki refsað fyrir óákveðni í úthlaupum.

    Vandamálin í þessum leik voru þó allt annars eðlis en vandamálin sem hafa verið að hrjá okkur undanfarna mánuði og varla ástæða til að örvænta yfir þessu að öðru leyti en því að hugarfar leikmannahópsins virðist ekki vera í lagi.

    Svo er bara eitt, af því að Óli Jó er alltaf að lesa þetta hérna, af hverju hefur Gylfi ekki verið í landsliðinu? Mun betri en fjöldi leikmanna þar…

    http://www.knattspyrna.bloggar.is

  10. Það er skelfing að horfa á liðið um þessar mundir. Það má selja helminginn af byrjunarliðinu í dag og það myndi ekki skipta neinu máli fyrir Liverpool FC.

    Mikið herfilega missti ég einhvern veginn trúna á þessu öllu saman í dag hjá Rafa Karlinum.

    YNWA

  11. Fyrirgefðu Ívar Örn. En þessi setning “Helst yngri piltarnir, Lucas (í fyrri hálfleik fyrir utan markið)” meikar ekki alveg sens fyrir mér. Lucas skoraði ekkert mark mér aðvitandi 😉

    Annars voru allir inná vellinum annaðhvort skelfilegir eða hræðilegir. Reading var miklu betra spilandi, meiri kraftur og tæknilega miklu betri. Áttu bara sigur skilið og svo er alltaf talað um að okkar menn séu svo óheppnir! 🙂 ZZZzzz.

  12. Ívar Örn hvar horfðir þú á leikinn, koyt var lélegastur af öllum hann er meira að segja hættur að hlaupa, á þessu ári gat hann hlaupið en það er farið líka, Aurelio var líka hræðilegur, af hverju skiptir hann ekki Babbel inn á líka, voru hinir svona góðir? Ég er alveg að gefast upp á innáskiptingunun hjá Beneites. afsakið stafsetninguna

  13. Verður ekki leiknum um næstu helgi flýtt þar sem aukaleikurinn er á þriðjudag eða miðvikudag ?

  14. Gaui Berta: Kuyt var skárri en margur, átti ágæta krossa og var ógnandi þótt tötsið hans sé alltaf það sama. Í sjálfu sér merkilegt að hann hafi ekki klúðrast fyrir boltann í markinu hans Gerrard.

  15. Miðað við þau comment sem eru komin, þá er ég guðslifandi fegin að hafa misst af þessum leik.

    Er búin að segja upp sýn pakkanum og dettur ekki í hug að borga fyrir þetta slappa spil, ef það eru einhverjir leikir sem að ég nenni að horfa á þá kíki ég bara á pöbbinn.

    Lengi getur vont versnað!

  16. Svör óskast við eftirfarandi pirringsspurningum:

    Af hverju vinna miðjumenn Liverpool ekki skallabolta?
    Af hverju eru flestir leikmenn Reading fljótari að hlaupa en leikmenn Liverpool?
    Af hverju þora leikmenn Reading, en ekki leikmenn Liverpool, að taka menn á?
    Af hverju er spil Liverpool svona HÆGT?!
    Af hverju geta slakari knattspyrnumenn (Reading) staðið algerlega upp í hárinu á viðurkenndum landsliðsmönnum (Liverpool)?
    Af hverju er spil Liverpool svona auðlesið?
    Af hverju er….?
    osfrv.!
    Þetta var dapurt í dag:-(

  17. Toppleikur í dag. Insúa klárlega besti maður Reading en Kuytinn gefur honum lítð eftir. Þvílíkir hæfileikar sem þessir leikmenn búa yfir. Ég tek allt til baka sem ég hef sagt um Insúa. Gríðarlega fljótur, frábær skallamaður og brýtur aldrei af sér á hættusvæðum. Keep up the good work mr. Insúa.
    Besti leikmaður Liverpool fc klárlega Reina.

  18. Tók leikinn upp á videó og mun senda hann beint út til Rafa og félaga þannig að þeir geti lært eitthvað af baráttu Readingmanna

  19. Ef Liverpool vinnur FA-Cup og UEFA-Cup og nær fjórða sætinu í deildinni (Nota Bene: Þetta er aldrei að fara að gerast) þá er það samt ekki nóg til þess að ég vilji halda Benitez áfram. Fjórða sætið í deildinni er ekki árangur sem ég vil sjá hjá Liverpool. Að vinna einhvern sárabóta-bikar eftir ömurlegan árangur í Meistaradeildinni er ekki neitt til að hrópa húrra fyrir.

    Það sem ég er að reyna að segja er að sama hvað gerist hér eftir þá verður þetta tímabil alltaf glatað. Benitez þarf að fara (helst eigendurnir líka og þó nokkrir leikmenn), helst sem fyrst en í allra síðasta lagi eftir þetta tímabil.

    Leikmenn sem ég myndi vilja sjá á sölulista sem allra fyrst eru: Lucas, Kuyt, Babel, Degen, Voronin og Dossena.

    Leikmenn sem ég myndi vilja halda hjá liðinu eru: Torres, Gerrard, Johnson, Reina, Carragher og Aquilani.

    Restin má fara eða vera en ég geri mér samt grein fyrir því að ekki er hægt að selja meirihluta leikmanna á einu bretti. Agger, Skrtel, Aurelio, Insua, Riera, Benayoun og N’gog væri svo sem allt í lagi að hafa áfram.

    Nr. 1, 2 og 3 er að kaupa klassa kantmann/kantmenn. Væri ekki verra að kaupa eins og einn alvöru striker til að hafa með Torres.

    Fá síðan nýjan þjálfara, nýtt leikkerfi, nýja varnataktík, meiri áherslu á sóknarleikinn og skemmtilegra Liverpool-lið.

    Ég nenni ekki lengur að horfa á þetta rusl sem þessir Liverpool leikir eru orðnir í dag. Maður verður þunglyndur af því að halda með þessu liði.

  20. Vægast sagt skelfileg framistaða.
    Reina: Solid leikur, stóð fyrir sínu. Verður ekki sakaður um markið.

    Insua: Einn slakasti leikmaðurinn á vellinum í dag. Hægri kantur Reading fór illa með hann og Insua uppskar gult spjald eftir að hafa verið fiflaður á kantinum. Gaf aukaspyrnuna sem markið kom uppúr þegar hann hindraði kantmanninn sem var á spretti framúr honum.

    Darby: Ágætis leikur. Skapaði lítið fram á við og gerði engin mistök varnarlega.

    Carra og Skrtel: Sá fyrrnefndi var traustur en sá síðarnefndi var ansi tæpur á tímum. Greinilega langt frá því formi sem hann var í fyrra. Það verður að treysta á að Carra og Agger meiðist ekki.

    Lucas: Slakur. Dekkaði ekki manninn sem lagði upp mark Reading. Braut vissulega niður einhverjar sóknir Reading en það kom nákvæmlega ekki neitt sóknarlega frá honum. Annað vandamál var að hann drap niður allt tempó í sóknarleiknum með að “toucha” boltann alltof mikið.

    Gerrard: Var slakur en skoraði þó mikilvægt mark. Vantaði allan kraft og áhuga í fyrirliðann í þessum leik.

    Aurilio: Ég spyr Mr. Benitez….Hvort er líklegra til árangurs að setja Aurilio eða Babel á móti Brynjari Birni með fullri virðingu fyrir íslenska leikmanninum sem stóð sig vel. Aurilio var skelfilegur.

    Kuyt: Var fínn í fyrri hálfleik en datt í slenið í seinni hálfleik.

    Ngog: Var hann inná??…..Gerði nákvæmlega ekki neitt þann tíma sem hann var inná.

    Torres: Fékk úr litlu að moða. Fékk tvo góða skalla sénsa sem öll jafna hann hefði skorað úr.

    Varamenn: Aquilani kom inná og var slakur, eiginlega sorgleg innkoma. Benayoun komst aldrei í takt við leikinn.

    Niðurstaða: Vægast sagt skelfilegur leikur hjá Liverpool. Hreinlega skil ekki af hverju Benayoun byrjaði ekki leikinn og Babel hafi verið settur á Brynjar Björn. Það kom nákvæmlega ekkert útúr kantspilinu í dag með örfáum undantekningum þegar Kuyt fékk boltann á kantinum í fyrri hálfleik. Liðið var í 1. gír allann leikinn og tempóið alltof lágt. Menn hoppuðu uppúr öllum návígum og Reading menn nýttu sér það til hins ýtrasta. Þessi framistaða kostar aukaleik sem tekur orku af leikmönnum sem myndi nýtast betur í deildinni.

    Tottenham eftir viku og sá leikur er ekki síður mikilvægari en leikurinn á móti Villa. Klárt mál að liðið verður að leika betur en í dag og helst betur en í síðustu leikjum ef liðið ætlar að vinna þann leik.

  21. @ Elías Hrafn nr. 24.

    Vá, það er ótrúlega erfitt að svara þessu. Fyrir sirka mánuði síðan hefði ég örugglega svarað Glen Johnson en síðustu leiki hefur hann verið arfaslakur.

    Ætli ég myndi ekki velja Torres og Reina, þó hafa þeir verið svo milljón sinnum lélegri en í fyrra. Það er eiginlega skondið að ég sé að að velja þá en segir kannski mikið um gengi liðsins í vetur.

  22. Ætla svosem ekkert að reyna að rífa menn upp, ef menn vilja velta sér uppúr pirrningnum ætla ég ekki að stoppa þá.

    En bendi þó á að enski FA – bikarinn er einmitt svona týpa af keppni, hún snýst auðvitað um það að komast áfram í næstu umferð og það er það jákvæða sem hægt er að draga út úr deginum. Við verðum í hattinum fyrir næstu umferð og það skiptir alltaf öllu!

    Man eftir á gullöldinni að við sluppum naumt með jafntefli frá liðum eins og York City og Walsall…

    Svo er ég á því líka að það sé bara alls ekki alvont að fá leik á Anfield 13.janúar, sérstaklega ef við verðum búnir að fá nýja leikmenn. Vonandi verður Riera orðinn heill og jafnvel Martin Kelly. Það verður fínt að fá mínútur fyrir þá, og Aquilani. En þar þarf að vinna og spila almennilega.

    Svo vill ég líka hrósa Reading liðinu. Fylgist svona útundan mér með því og það er alveg ljóst að þeir léku afar vel í dag – með svona leik verða þeir ekki mikið lengur í ströggli í Championship.

    En okkar menn áttu að sjálfsögðu að leika betur.

  23. Það er skelfing að sjá þá rauðklæddu spila þessa dagana. Sorglegt en satt. 🙁

  24. einar e: Var það ekki lélegri dekkun Darby að kennað að markið kom? Annars sammál hinu öllu 😉

  25. “Jöfnunarmarkið kom svo á 36.mínútu þegar Insua vann boltann af harðfylgi og sendi hann á Captain Fantastic, hann stillti upp og skaut að marki” Ertu að grínast ???

    Þetta var klárlega fyrirgjöf… Annars voru Reading fínir í dag. Baráttulið.

  26. ég segi nú bara eins og félagi minn um Dirk Kuyt…. his second touch is a tackle….. sáu þið þegar hann var að hlaupa upp kantinn einn og yfirgefinn með boltann svo var boltinn kominn allt í einu 30m fram úr honum… what the hell…. annars frekar aumur leikur og Reading óheppnir að vinna ekki… eru með flott lið,,, sérstaklega Gylfi.. hann er flottur og framtíðarmaður “landsliðsins”

  27. Hörmung, áttum svosem færin til að skora í þessum leik en þrátt fyrir það var þessi leikur drepleiðinlegur. Hvaða hálofta þema er í gangi hjá okkur þessa dagana. Það er mikil þörf á breytingum hjá okkar ástkæra liði þessa dagana, í eigendamálum, þjálfaramálum, markaðsmálum og leikmannamálum.

    Vona að fyrir næsta leik verði búið að styrkja hópinn með eins og tveimur leikmönnum. Fannst samt Gylfi vera helvíti góður í þessum leik, fín boltatækni, barátta og góð skot. Kannski að það verði 4 Íslendingar í byrjunarliði andstæðinganna á Anfield? Hefur það einhvern tímann gerst áður?

  28. (Upphitun)Maggi: Það er semsagt 4-4-2 í dag! Ekki leiðinlegt og alveg ljóst að verið er að stilla upp afar, afar sterku liði.

    (Eftir leik)Maggi: Ég SKIL EKKI hvað verið var að gera með 4-4-2 leikkerfi með þennan leikmannahóp.

    Ætlaru svo að suða um 442 í næsta leik?

    Kuyt var sá eini sem var líklegur til þess að búa eitthvað til, en þar sem hann og Lucas hafa verið slappir á þessu tímabili þá ákveða menn að rakka þá báða niður.

    Það er frábært að fylgjast með ykkur púlurum þessa dagana.

    • Dirk Kuyt…. his second touch is a tackle

    Þessu þarf ég líklega að stela enda afskaplega sönn örð.

    • sáu þið þegar hann var að hlaupa upp kantinn einn og yfirgefinn með boltann svo var boltinn kominn allt í einu 30m fram úr honum… what the hell

    Þetta fór nærri geðheilsu minni enda gerist þetta hreint ótrúlega oft hjá honum ef mið er tekið af því leveli sem hann er að spila á.

    Annars er ekki hægt að segja annað um leik okkar manna að þeir litu allir með tölu út eins og hræddar kellingar, áttu ekkert svar við kröftugum leik Reading manna, þorðu ekki í tæklingarnar við þá og tóku aldrei stjórn á leiknum! Lucas og Gerrard voru herfilegir í leiknum enda létu þeir hetjur eins og Brynjar Björn, Kirkju og Gylfa Sig standa í sér og pressa sig nánast út úr leiknum.

    Hraðinn í liðinu er ÖMURLEGUR, og sóknarleikurinn er hreint út sagt ógeðslegur með kantana þar fremsta í flokki. Kuyt er hrein hörmung og Aurelio á að spila sem bakvörður, sérstaklega gegn stórliði Reading. Það er ekki til neins að spila 4-4-2 ef EKKERT kemur frá kantinum eða miðjunni og þeir ná aldrei að komast upp að endamörkum til að senda fyrir eða opna vörnina.

    Það var skömm af þessari frammistöðu í dag og við þurfum gríðarlega á því að halda að styrkja hópinn með hröðum og leiknum sóknarþenkjandi mönnum.

    Liverpool hefur allt þetta ár virkað eins og frosið í handbremsu, maður veit að þeir geta hæglega rúllað liðum upp líkt og gert var á fyrri hluta síðasta árs, en það þarf að fara taka úr handbremsu og það strax.

    Caution út um gluggann er það sem þarf.

  29. Sælir félagar

    Nenni ekki að tjá mig um þennan skítaleik hjá okkar mönnum. Frábær leikskýrsla Magga segir allt sem þarf að segja um leikinn. Liðinum til skammar að vera lélegri aðilinn gegn liði sem er 30 sætum neðar. Oj barasta.

    Það er nú þannig.

    YNWA

  30. Manni leið eins og Liverpool leikmenn væru með lóð á ökklunum til að koma þeim í form en svo fattaði maður að þeir eru ekki í betra formi en raun bar vitni. Persónulega fannst mér vinstri kanturinn okkar alveg skelfilegur. Bæði Aurelio og Insua voru hræðilega lélegir, reyndu hvorugir að koma boltanum í spil heldur spörkuðu boltanum bara upp í loft eða upp kantinn í von að einhver myndi hirða upp sendinguna þeirra og gera eitthvað af viti. Darby var síðan alveg svakalega slakur og gerði nákvæmlega ekkert af viti. Að mínu viti klikkaði hann á fjærstönginni þegar við fengum á okkur markið. Ég var með öllu virkilega ósáttur með spilamennsku okkar liðs í kvöld, veit ekki hvað var í gangi. Áttum ekkert skilið úr leiknum.

  31. Úff, ekki byrjar nú árið 2010 vel. Lið LFC virkaði á mig eins og slappt lið í sömu deild og Reading. Hörmung að horfa á þetta. Ég trúi því að þetta geti ekki versnað, án þess að liðið falli bara. Ég bara spyr, hvað kom fyrir í sumar ??? fyrir utan sölur og kaup leikmanna. ??? Guð minn góður ! ! ! !

  32. Maðurinn sem sat við hlið mína talaði um að þetta hefði verið fyrirfram ákveðin úrslit, eitthvað með peninga að gera. Liv er ekki að spila fótbolta þeir eru að athuga hver skýtur fastast.

  33. Sófasérfræðingarnir hafa margir hverjir beðið um að breyta um kerfi, koma á óvart með “ferskri” liðsuppstillingu og þannig var nálgunin á þennan leik.
    Ætla ekki að fara í einhver djúp skoðanaskipti um ágæti hvers og eins leikmanns í gær, en Rafa setti á sig stóra punginn og breytti talsvert til með þessari 4-4-2 liðsuppstillingu úr hefðbundinni 4-2-3-1. Og hann stillti upp sterku liði gegn liði sem er að berjast í fallslag Kóka Kóla deildarinnar. Það kom síðan í ljós að leikmennirnir voru að ekki að skilja liðsuppstillinguna og sumir leikmenn, þar á meðal Gerrard, ákváðu að það væri gaman að horfa frekar á leikinn en að taka þátt í honum, sjá svona hvernig þetta virkaði.
    Liðið sem LFC var að leika við, ákvað að þetta yrði eini leikurinn sem það spilaði liggur við á þessu ári, og ég sagði í hálfleik að þeir ættu ekki kraft í að klára þetta en “they proved me wrong”. Hattur ofan hér.

    Það kom mér eilítið á óvart að Aquilani byrjaði ekki leikinn en miðað við tempóið og tæklingarnar átti hann nú helst ekkert að koma inn á. Ngog hefði betur klárað leikinn. Lucas þufti þar með að vinna tveggja og hálfs miðjumanna vinnu þar sem Gerrard var þá orðin algjörlega áhorfandi af leiknum, á meðan Aquilani var algjörlega á hælunum.

    Ég er ekki að átta mig alveg á því af hverju lið sem var næstum búið að vinna dolluna stóru í fyrra, getur ekki tekið sig til með sinn næstum sterkasta mannskap, og skellt liði í fallbaráttur í 2 deild en það er ljóst í mínum huga að það er eitthvað stórt að. Áhugaleysi sumra leikmanna er áberandi sem og pirringur. Mér sýnist Rafa vera að reyna hvað hann getur bæði með leikmenn og hópinn en þetta er bara ekki að virka!
    Hvað er eiginlega í gangi?

  34. Alveg með ólíkindum að heira menn tala niður til félagsins sem þeir stíðja…. Þetta var bikarleikur og þetta eru eingin geimvísindi að minni liðin eiga oft á tíðum frábæra bikarleiki, það er bara þannig og svo skulu menn ekki heldur gleima því að þetta er ekki búið það verður annnar leikur…. Við vorum ekki að spila vel, en svona er þetta oft í bikarleikjum…. þetta verður gott ár, hef ég trú á….

  35. …ja valli rétt hjá þér..en liðið er að spila svo leiðinlegan fótbolta að það er hörmung að sjá og horfa upp á það.

  36. Sælir félagar

    Rafa keypti á sínum tíma brasilíumann. Fabio Aurelio. Eini brassinn sem hann fann sem ekki hefur betri boltatækni en miðlungs enskur leikmaður. Insua er af svipuðum gæðaflokki. Þriðji Suður – Ameríkumaðurinn Lucas Leiva er í sama flokki og hinir tveir. Það þarf sérstaka hæfileika til að kaupa þrjá menn frá Suður-Ameríku sem ekki eru betri en þessir.

    Ég er sammála því sem komið hefur fram að kantarnir hjá okkur eru ónýtir. Aurelio og Kuyt eru arfaslakir, ekki bara sem kantmenn heldur bara sem fótboltamenn. Af hverju var Babel ekki í byrjunarliði í þessari uppstillingu??? Hvað mænuna í liðinu varðar þá var hún úti á þekju, allir nema Reina og Carra.

    Að lið, sem er nærri 30 sætum neðar í ensku deildakeppninni, skuli stjórna leiknum að mestu gegn liði sem telur sig stórlið er til háborinnar skammar. Auðvitað vita allir, þar með leikmenn og stjóri Liverpool, að í svona leiki koma þessi lið alveg brjáluð og berjast til síðasta blóðdropa. Því eiga athugasemdir eins og #43 engan röklegan grunn.

    Lið eins og Liverpool eiga einfaldlega að stjórna svona leikjum og gæðamunur(?) leikmanna á að vera það mikill að djöfulgangurinn fari fyrir lítið.

    Það er nú þannig

    YNWA

  37. Vissulega eru það oft þessi óvæntu úrslit sem gera þessa keppni svo skemmtilega en í þessu tilviki þá notaði Benitez sterkt lið sem átti að klára þetta frekar lélega Reading lið.
    Spurning hvort að það hafi verið svona hrikalegt vanmat hjá leikmönnunum, allavega voru þeir ömurlegir eins og allt of oft í vetur.
    Ég skil svo ekkert í þessum Benitez, jújú vissulega var skemmtilegt að sjá hann þora að spila 4-4-2 en við eigum samt ekki leikmenn í þetta kerfi nema jú kannski Babel og Riera. Kuyt og Yossi eru EKKI kantmenn og ég er alveg komin með algjört ógeð af svona frammistöðu míns liðs og ég vil fara að sjá róttækar breytingar. Ég vil að Babel fái núna 4-5 leiki í röð í byrjunarliðinu og fái þannig tækifæri á að sýna hvað hann getur, mér finnst vera búið að fara frekar illa með hann hjá Liverpool enda fær hann fá tækifæri en Duracell á hinum kantinum spilar alla leiki bara af því að hann er duglegri leikmaður en með miklu miklu minni hæfileika á vellinum.
    Okkur vantar meiri hraða í leikina okkar og þar tel ég Kuyt vera þann mann sem stoppar allt flæði í leiknum okkar. Ég vona að Maxi komi til okkar en eftir nýjustu fréttum þá virðist hann vera að fara til Argentínu að spila með Boca.

  38. Ekki til að verja okkar menn, en Reading spilaði langt fyrir ofan getu, börðust eins og ljón um hvern einasta bolta allar 94 min.

    Það hlýtur að vera erfitt fyrir lið sem “á að vinna” að koma inn og fá á sig bandbrjálað lið eins og Reading var í gær. Men tala um hneiksli og skandala, ég er algerlega ósamála, þetta var bikarleikur nákvæmlega eftir bókini, þar sem Davíð gefur sig 200% á móti Golíat og nær jafntefli (Golíat gaf sig reyndar ekki meira en 50%) Í þessum töluðu orðum er Leeds að yfirspila Man.utd í sömu keppni.

    Þetta er ekkert nýtt í FA cup

  39. Svo ég svari VDS (sem væntanlega er skammstöfun fyrir Van Der Saar) þá viðurkenni ég alveg að hafa verið spenntur að sjá hvort við náðum að spila 442, en lýsi ekki nógu sterklega hversu svekktur ég varð með niðurstöðuna og þá sá maður líka greinilega hvar vandinn lá, í kantmönnum sem ekki eru tilbúnir í þessa stöðu.

    Ég vill ekki sjá þetta leikkerfi aftur fyrr en við höfum fengið kantmenn sem ráða við að taka bakverði á!

    SigKarl er með þetta varðandi pirring minn á gærdeginum, það að Reading stjórnaði löngum köflum í leiknum vakti mér ekki gleði, úrslitin ekki alslæm en það að við vorum ekki að stjórna fannst mér skelfilegt.

    Ég er hins vegar ósammála meistara SK varðandi bæði Insua og Lucas. Þar eru á ferð stórefnilegir fótboltamenn sem munu ná langt í íþróttinni. Vissulega átti Insua sök á brotinu sem gaf af sér mark Reading en hann vann boltann vel sem hann svo skilaði á Gerrard sem skoraði. Við megum ekki missa okkur í pirring yfir 20 ára leikmanni sem hefur byrjað feril sinn vel hjá okkar liði. Er búinn að horfa á leikinn aftur og stend við val á manni leiksins! Lucas stoppar 8 – 10 sinnum sóknarmenn Reading á okkar vallarhelmingi og skilar boltanum afar vel frá sér. Hins vegar skiluðu mennirnir sem fengu boltann frá honum ekki vel af sér! Báðir þessir leikmenn verða vel verðugir treyjunni á ferli sínum…

    Svo er ég eins mótfallinn því að fá Babel nú reglulega í liðið og hægt er! Vill bara fá pening fyrir hann, höfum ENGAN tíma framundan í einhverja tilraunastarfsemi. Veit að hann er meiri kantmaður en Aurelio og Kuyt en í staðinn er hann kærulaus í færum, ragur að taka menn á og hundslakur varnarlega.

    Bara pening fyrir nýja kantmenn takk!

  40. Svo framarlega sem liðið kemst áfram þá finnst mér óþarfi að mála skrattann á vegginn strax, það er ekkert nýtt að lið í neðri deildum velgi stóru liðunum undir uggum. Man Utd var t.d. að falla úr keppni á sínum eigin heimavelli fyrir liði sem Liverpool vann á erfiðum útivelli með hálfgert varalið. Leikurinn í gær var arfaslakur af hálfu okkar manna, Reading stjórnaði leiknum nánast frá A – Ö án þess þó að þeir hafi náð að ógna marki Pepe að ráði.

    Ég verð að segja að mér er fyrirmunað að skilja hvernig hægt er að velja Lucas mann leiksins en gaman af því hvað menn hafa ólíka sýn á fótboltann 🙂 fannst hann eiga fínan leik gegn Villa en mjög slappur í gær eins og liðið í heild. Í fljótu bragði þá fannst mér nú enginn skara fram úr til að verðskulda að vera útnefndur maður leiksins.

  41. Sælir félagar

    Maggi minn góður, hvað á Lucas lengi að vera efnilegur. Hvað er langt síðan hann kom til okkar og hann er búinn að vera efnilegur síðan. Enga tilraunastarfsemi segir þú. Lucas er ein lengsta tilraun í sögu fótboltans. Nei kannske ýkjur en samt… Insúa kom mjög sterkur inn á síðustu leiktíð en hefur ekki getað blautan á þessari. Hvað á að gera margar tilraunir með hann. Fabio Aurelio??? Hann er búinn að sanna að hann verður aldrei annað en miðlungsleikmaður ef hann nær því. Og svo maður taki nú liðið í heild. Hvað á einn maður að fá langan tíma í tilraunastarfsemi sína með liðið. (les. Benitez). Ég er sammála því að tilraunastarfsemi á ekki að vera í gangi en nhvað er það sem er í gangi á Anfield???

    Það er nú þannig.

    YNWA

  42. Eigum við ekki allavega að taka til baka neikvæðniraddirnar frá sigri okkar á Elland Road í haust. Þetta Leedslið er hörkulið og sló Scum sannarlega sanngjarnt út.

    Ógleymanleg gleði að sjá andlit manna eins og Rauðnefs, Nevilleblakmannsins og Shrek að leik loknum.

    FA-bikarinn líkist engri keppni í heimi. VDS, hvað finnst þér???

  43. SigKarl, sammála með Aurelio. Hann má og á að fara, eins og Babel, Voronin, Degen og jafnvel Skrtel að mínu mati.

    Lucas finnst mér fínn varnarsinnaður miðjumaður, því miður hefur hann of oft í vetur verið í playmakerhlutverki sem hann á ekki að vera í. Ég held ennþá að Masch fari í sumar og þá vill ég halda Lucasi, sem DM.

    Insua finnst mér hafa leikið vel í vetur, þó hann hafi átt erfiðan leik í gær. hann er nú ansi langt frá því að fá sömu sénsana og Babel hingað til og hann er betri en bæði Dossena og Aurelio. Ég myndi vilja losna við þá báða og kaupa vinstri bakvörð með Insua. En Insua finnst mér afar efnilegur.

    Hef áður rætt Benitez og stend við að hann gæti alveg þurft að fara, en fyrst og fremst þarf að fá peninga til að kaupa 2-3 leikmenn upp á 15 milljónir punda án þess að þurfa að selja hálft lið í staðinn, þ.e. ef við viljum berjast á toppnum strax.

    En dagurinn er Leeds-ara, hjartanlega til hamingju með hann!

  44. Það er talað um að kaupa mannskap en vantar peninga, Alonso seldur og AA kom meiddur og er rétt að birja að spila, nú spyr ég, var þetta rétt hjá RB, var kanski ekkert annað í boði eða hvað? gaman ef menn mundu tjá sig um þetta,,,, fagna með Leeds,, frábært….

  45. Þetta var mjög slappt hjá mínum mönnum í dag, alveg skelfilegt. En United eru þó allavega með í hinum keppnunum, það eru Tragidy Hunters ekki 😀

  46. Már, Alonso vildi fara og þá er ekki hægt að halda honum. Sérstaklega þegar RM borgaði fáránlega háa upphæð fyrir hann. Þeir voru jú að reyna að prútta í heilt sumar sem tókst ekki.
    Rafa hefur ekki náð að snúa Alonso til að halda áfram, eftir að Rafa reyndi að selja hann sumarið 2008 en án árangurs til t.a.m. Juve og fleiri liða. Sumir segja að heimþrá hafi líka átt stóran hlut að máli en ég gæti trúað að Maggi lumi á raunverulegri afsökun kappans 😉

    En það er gaman að sjá að niðurrifsgengið er mætt á svæðið og byrjað að hrauna ….

  47. Ég sé sömuleiðis að menn eru að kvabba yfir því að ástæðan fyrir því að þetta hafi gengið svo illa í gær sé sú að við höfum verið með svo lélega kantmenn. Ég get ómögulega séð hvernig slíkt á við rök að styðjast. T.d. átti Dirk Kuyt einhvern sinn albest leik í vetur í gær. Hann átti algjörlega hægri kantinn og nýtti vel það gífurlega svæði sem Gylfi Sigurðsson skyldi eftir með ömurlegum varnarleik sínum. Baráttuna á milli hægri kants okkar og vinstri kants þeirra áttum við algjörlega skuldlaust. Hvað hinn kantinn varðar var baráttan jafnari.

    En ef ástæðan fyrir því að Liverpool vann ekki leikinn var sú að við höfðum ekki kantmenn til að spila þetta tiltekna leikkerfið – hver er þá ástæðan fyrir því Reading náði á annað borð jafntelfi? Þrátt fyrir að vera með mun lakari kantmenn en við?

    Áður en lengra er haldið vil ég taka það fram að mér finnst 4-4-2 leikkerfið alveg ömurlegt. Úrsérgengið og gamaldags. Og yfirleitt set ég samasemmerki milli þess að vera fylgismaður þess leikkerfis og þess að vera illa að sér taktískt séð.

    Annað sem ég hata er þegar einhverjir vitleysingar halda því fram að spila eigi Steven Gerrard á miðjunni. Það er kjaftæði. Hæfileikar hans nýtast einfaldlega best fyrir aftan Torres framar á vellinum þar sem hann hefur tvo miðjumenn að sinna fyrir sig varnarvinnunni.

    Að kenna leikkerfinu um leikinn í gær – er einfaldlega alveg mögnuð röksemdafærsla!

    Í stað þess að láta leikinn snúast um taktíska stöðubaráttu ákvað Rafa Benitez að láta gæðin skipta máli.

    Þegar keppt er á móti sterkari andstæðing er líklegasta leiðin til sigurs að beita öðrum aðferðum en andstæðingurinn. Koma í veg fyrir að úrslitin ráðist á getu og hæfileikum heldur frekar á útsjónarsemi og skynsemi. Koma andstæðingnum í opna skjöldu og nýta sér veikleika hans til hins ýtrasta. Ergo: Að láta blaðið sigra steininn.

    Þegar aftur á móti er keppt á móti veikari andstæðing er líklegasta leiðin til sigurs að beita nákvæmlega sömu aðferðum og andstæðingurinn. Koma í veg fyrir að úrslitin ráðist á taktík, heldur frekar á hreinræktuðum hæfileikum og getu. Núlla út hina örfáu styrkleika andstæðingsins og nýta sér eigin styrkleika til hins ýtrasta. Ergo: Að láta stein mæta steini – en þú veist að þinn steinn er sterkari en steinn andstæðingsins.

    Þetta gerði Rafa Benitez í gær. Ekkert taktíst kjaftæði var skipunin! Núllum út þeirra styrkleika. 4-4-2 á móti 4-4-2. Dúkkulísur eins og Benayoun og Aquilani voru settar á bekkinn og sjálfur Steven – He’s big and he’s fucking hard – Gerrard var settur á miðjunna til að tækla þessa 2. deildar stráka í herðar niður.

    Það sem gerist síðan er það að stórlið Liverpool og drasllið Reading gera með sér 1-1 jafntefli. Og það var ekki eins og Liverpool hafi stjórnað leiknum, fengið haug af dauðafærum og verið óheppið að klára ekki leikinn. Það er ekki eins og Reading hafi pakkað rútunni í boxið. Nei og nei!

    Reading átti miðjunna. Stórlið Liverpool átti í svo miklum erfiðleikum með drasllið Reading að sóknarleikur Liverpool liðsins fólgst næstum einungis í því að dúndra boltanum fram. Miðjuspilið í liðinu var nákvæmlega fokkinn ekkert!!!

    Baráttan í liðinu var nákvæmlega fokkinn enginn!!!!

    Af hverju náði Liverpool ekki að vinna?? Það er ekki eins og við höfum verið að hvíla menn. Hver einasti leikmaður í Liverpool liðinu í gær var mörgum klössum betri en sá Reading leikmaður sem hann var að kljást við. Og það er ekki eins og þetta hafi verið taktískur ósigur. Við spiluðum nákvæmlega sama kerfið og Reading en með þúsund sinnum betri mann í hverri einustu stöðu.

    Eina skýringin á þessum úrslitum hlýtur því að vera fullkominn aumingjaskapur leikmanna.

    Þessu leikur tapaðist á miðjunni. Reading gjörsamlega rústaði okkur á miðjunni. Lucas spilaði reyndar ágætlega – var duglegur að vinna bolta – ekki við hann að sakast. En Steven fokkin GERRARD! Er sá leikmaður sem eitt sinn var okkar skærasta stjarna virkilega orðinn svo lélegur og áhugalaus að við getum ekki lengur treyst honum fyrir því hlutverki að eigna sér miðjunna á móti B deildarliði Reading? Er hann virkilega svo mikill farþegi í þessu liði að við þurfum að vera með þriggja manna miðju gegn tveggja manna miðju B. deildarliðs til þess að eiga einhvern séns? Er það virkilega rétt að eitthvað lið á Ítalíu vilji kaupa manninn(30) á 40m punda?

  48. Og svo ég reyni nú að vera leiðinlegur, þá má segja ömurlegri og áhugalausri frammistöðu leikmanna Manchester United til varnar að þeir hafa um stærri og merkilegri bikara að hugsa um en Fa-bikarinn. Slíka afsökun geta leikmenn Liverpool hinsvegar ekki notað til þess að afsaka ömurlegt áhugaleysi sitt í leiknum í gær.

  49. Árni Jón :Ég er ekki að meina söluna á Alonso, heldur kaupinn á AA

  50. Frábært komment númer 57, Kristinn.

    Annars er mér drullusama um hvaða afsakanir Man U stuðningsmenn kokka upp á næstu dögum – þeir töpuðu fyrir Leeds og eru dottnir útúr FA bikarnum, – það veitir mér mikla ánægju. 🙂

    Annars tökum við þetta á Anfield – þetta var slappur leikur í gær og þetta formleysi Steven Gerrard er farið að valda mér verulegum áhyggjum.

  51. Bið menn um þolinmæði gagnvart Insua. Drengurinn er 20 ára og að spila í erfiðustu deild í heimi með liði sem er búið að vera í ströggli í allann vetur. Of mikil krafa að hann blómstri við slíkar kringumstæður. Man að Carragher var nú ekki uppá marga fiska sín fyrstu ár og mátti þola mikla gagnrýni, sérstaklega í bakvarðarstöðunni. Sýnum kappanum smá biðlund, það gæti borgað sig eftir eitt-tvö ár.

    Sammála Einar #60, en málið er ef að Gerrard fer ekki að drullast í form þá verður þessi vetur lítið annað en ströggl fram á síðasta leik. Þegar Gerrard spilar vel þá spilar Liverpool vel. Því miður hefur Gerrard ekki spilað neitt vel á þessu tímabili, virkað þungur og áhugalaus.

    Það var vitað að Aquilani væri meiddur í einhverja mán þegar hann kom til Liverpool eftir erfið meiðsl. Þegar hafa verið í slíkum meiðslum getur tekið þá 2-3 mán að komast í gott leikform. Þar að auki er Aquilani að venjast nýjum aðstæðum og nýjum fótbolta. Ég sagði fyrir tímabilið að það mætti ekki búast við neinu að Aquilani fyrr en í fyrsta lagi febrúar/mars á þessu ári og ég held að það verði raunin.

  52. Við áttum aldrei að láta Igor Biscan fara. Þá væri Liverpool ekki í þessu rugli í dag.

    Það er nú þannig.

  53. flott að fá heimaleik… kominn tími til að komast e-ð áfram í þessari keppni, ekkert komist að ráði síðan 2006… síðan þá hafa Arsenal (3rd round), Barnsley (5th round) og Everton (4th round) slegið okkur allt of snemma úr keppni

  54. Að minnsta kosti var Liverpool ekki niðurlægasta lið í FA CUP af öllum liðinum eftir jafntefli við Reading af því Man UTd var niðurlægt í Old Trafford gegn Leeds United

  55. Kristinn: við getum tekið upp þráðinn síðan fyrir nokkrum vikum varðandi taktíkina. Hún skiptir nákvæmlega engu máli ef menn ætla ekki í tæklingar og það er grunnurinn að slakri frammistöðu í gær. En varðandi 4-4-2 og 4-2-3-1 þá verð ég að mótmæla því að 4-4-2 sé úr sér gengin taktík. Það er síður en svo lögmál að öll lið þurfi að hafa tvo djúpa miðjumenn til að vernda vörnina. Lengi vel spilaði t.d. Chelsea og Real Madrid með Makelele sem eina djúpa miðjumanninn. Hjá Liverpool var Hamann, Man U notaði Keane og Arselan Viera. Kannski er vandamálið það að leikmennirnir sem spila þessa stöðu í dag eru ekki af sama kaliberi og þessir sem ég nefni hér.

    Munurinn í grunninn á þessum leikkerfum er einfaldlega þessi. Einn eða tveir djúpir miðjumenn. Kantútfærslur geta verið mismunandi í báðum kerfum og líka hversu sókndjarfir kantmennirnir eru. Senterarnir í 4-4-2 geta spilað annað hvort á dýptina eða breiddina og þá spila kantmennirnir í takt við það.
    Svo er auðvitað tígulmiðjan sem ég reikna ekki með að þú sért að úthúða í þessu tilfelli. Almennt skipta samt færslur mestu máli í taktískum skilningi. Ég reikna með því að þú hafir séð þessar síður hérna: http://www.uefa.com/trainingground/index.html#34002 þar sem Lars Lagerbeck og Ray Hodgson fara yfir ólíkar útfærslur í taktík.

    http://www.knattspyrna.bloggar.is

  56. persónulega finnst mér þetta ekki snúast um það hvort við erum að spila rétta taktík eða ekki. Við höfum spilað í allan vetur svipaða taktík og í fyrra, þar sem við spiluðum fanta vel. Málið er einfaldlega það að það eru ekki nógu margir góðir leikmenn í liðinu, þega sterkir leikmenn meiðast eða hreinlega eiga slæma kafla, þá er hreinlega engin til að taka við. Benitez talaði um fyrir þetta tímabil að allt þyrfti að ganga upp til að við gætum verið með í baráttunni en þetta hefur allt farið á hinn veginn. Um leið og við eigum í meiðslum þá hreinlega veikist liðið of mikið, leikir tapast og um leið fer sjálfstraustið og svo mórallinn. Vonandi getum við fengið einhverja leikmenn í glugganum sem styrkja liðið, en það verður samt áfram þannig að það mun þurfa að selja í staðinn, og um leið mun breiddin ekki aukast, sem mun fella okkur á endanum nema við séum heppnir og menn haldist heilir. Ég held að það sé engin tilviljun að Benitez hefur róterað mönnum svona mikið í gegnum tíðina. Viði þurfum breiðari hóp af góðum leikmönnum.

  57. Í alvörunni! Var enginn hérna að horfa á leikinn?

    Liverpool þorir ekki að spila boltanum, Sú staðreynd að carragher gefur svona 40 langar sendingar í leiknum, Skrtel 30 og bakverðirnir 20 er svo ótrúlega sorgleg.

    Fyrstu 40 mínúturnar í seinni hálfleik vara bara neglt fram, Reading mennirnir voru svo mikið líkamlega sterkari en Torres að þeir átu þessa bolta, Alla!

    Er skrítið að miðjumennirnir okkar geti ekki neitt þegar að það eina sem þeir gera er að stara á boltann fyrir ofan hausinn á sér. Carragher og Skrel geta vara gefið 10 metra rúllubolta. En samt negla þeir fram í tíma og ótíma þegar það er enginn pressa.

    Mig langar að æla.

  58. Sælir,
    hann er stundum svolítið langur í mér “fattarinn”. Þannig að ég bið ykkur forláts. Ef um alvöru færslu er að ræða bið ég höfund afsökunar á skilningsleysi mínu. Er komment nr. 57 grín eða ekki.

  59. Sælir félagar

    Skemmtileg úrslit á gamla klóinu bæta fyrir leik okkar manna í gær. Eða þannig.

    Ég er ekki vanur að taka einstaka menn fyrir í ummælum um leiki. Ekki síðan ég var með Aurelio á heilanum um árið 😉 Ég ætla ekki að taka það upp aftur svo ég geri bara slétt við og segi pass.

    Málið er auðvitað að liðið verður að fara að rífa sig upp úr þessum ömurlegheitum og mæta til leiks. Það er ekkert flóknara en það og þar er enginn maður undanskilinn.

    Það er nú þannig.

    YNWA

  60. Já, það er ekki leiðinlegt að spekúlera í taktík. Vill þakka Ívari fyrir að koma með linkinn á fyrirlestrana hjá Lagerback, Hodgson og fleirum. Hafði ekki séð þetta áður – áhugavert.

    Til að setja einhvern pakka undir tréð á móti mæli ég eindregið með skrifum Jonathan Wilson. Er þessa dagana að lesa bók hans ,,Inverting the pyramid” þar sem hann fer yfir þróun leiksipulags í knattspyrnu, frá því byrjað var að spila leikinn, og hefur til hliðsjónar (van)þróun leiksskilnings og leikskipulags enskra – frábær bók sem ég mæli með fyrir alla.

    Sömuleiðis mæli ég með greinadálki hans á The Guardian, The question, þar sem reynir að varpa ljósi og útskýra ýmsa þætti í þróun leikskipulags í nútímaknattspyrnu.

    Grein sem mig langar sérstaklega að mæla með sem innleg í hugleiðingar Ívars hér að ofan er greinin ‘Is the box-to-box midfielder dead?’ Og mun ég ræna og vitna óspart í þá grein í þessari athugasemd. Sjá hér: http://www.guardian.co.uk/sport/blog/2009/apr/22/where-have-box-to-box-midfielders-gone

    Það eru nokkrir eiginleikar sem gera það að verkum að mér er almennt illa við 4-4-2[er ég þá ekki að tala um tígul 4-4-2]. Kerfið reynir mjög mikið á miðjumennina. Kerfið byggir sömuleiðis að miklu leyti á fyrirgjöfum. Að koma boltunum upp í hornin og gefa hann fyrir.

    Almennt er mér illa við að byggja leikkerfi mikið upp úr fyrirgjöfum (þrátt fyrir að það fari náttúrlega mikið eftir því hvaða lið eiga í hlut). Mér finnst þær einfaldlega of erfiðar í framkvæmd og hættulegar ef þær mistakast.

    Fyrst þarf að koma boltanum í hornin. Fyrirgjöfin sjálf þarf að vera hárnákvæm og sjaldnast er færið sem fyrirgjöfin skapar dauðafæri. Færið er oftar en ekki skallafæri – sem eru fyrir flesta leikmenn erfið færi.

    Komi ekki mark úr fyrirgjöf endar hún oftas með því að hitt liðið vinnur boltann. Komi fyrirgjöfin of aftarlega getur varnarliðið hafið skyndisókn á meðan sóknarmennirnir sem voru komnir inn að markteig sitja á rassinum. Ef liðið nær hinsvegar skoti/skalla er færið oftast erfitt og possession glatast.

    Lykilllinn að því að sigra knattspyrnuleik tel ég vera þann að halda boltanum innan liðsins og gera það eins framarlega á vallarhelmingi andstæðinga og kostur er. Svo ég leyfi mér að vitna í fyrrnefndan Wilson. ,,Goals don’t win games, you scores goals by winning games”.

    Halda boltanum, halda boltanum, halda boltanum. Bíða eftir að opnist glufa. Sjálfur tel ég það bæði skapa betri færi auk þess sem það bíður ekki upp á samskonar skyndisóknir og leiksipulag sem byggist upp á fyrirgjöfum.

    Hlutverk kantmannanna í 4-2-3-1 finnst mér vera mun auðveldara en hlutverk þeirra í 4-4-2. Þeir spila framar á vellinum og ekki jafn einangraðir út á kantinum. Þeir gegna stærra hlutverki í sóknarleiknum, eiga auðveldara með að hjálpa sóknarmönnunum/miðjmönnunum í spili en í 4-4-2. Þar sem þeir spila bæði framar á vellinum og nær miðju en í 4-4-2 eru fyrirgjafir þeirra styttri og auðveldari. Þeir eru sömuleiðis nær bakverðinum og eiga auðveldara með að taka þá á með því að sækja inn að marki.

    Áhugaverð er ennfremur sú þróun í knattspyrnunni að ógnandi leikmenn eru sífellt að draga sig aftar á völlinn. Lið eru hætt að vera með tvo frammi. Tían spilar aftar nú en fyrir tíu árum, bakverðir eru að verða meiri ógn heldur en kantmenn og sum lið eru jafnvel farin að spila án framherja. (Arsenal í dag, United 07/08 o.fl.).

    Einhverjir gætu talið þessa þróun varnarsinnaða – svo tel ég alls ekki vera. Enda sést það að þau lið sem beita þessari aðferð eru yfirburðalið í sínum deildum – sóknarlið sem standa helst frammi fyrir því vandamáli að brjóta varnarmúr andstæðinganna á bak aftur.

    Einn angi þessarar sömu þróunar birtist í því að Liverpool (og alveg pottþétt mun fleiri lið) eru byrjuð að reka alla sína minn inn í box þegar andstæðingarnir fá auka-og hornspyrnur. Hugsunin á bak við þetta er síst byggð á hræðslu við föst leikatriði andstæðingana heldur frekar sú að vera enn hættulegri í föstum leikatriðum.

    Ef Reina grípur boltann – dúndrar framm á Torres – er Torres algjörlega einn þangað til hinir ná að hlaupa fram og hjálpa honum – Torres verður auðveld bráð fyrir varnarmennina.

    Ef hinsvegar allir eru inn í teig – Reina grípur boltann – kastar honum fram á Kuyt, Gerrard, Torres, Benayoun og hinir hlaupa fram vita varnarmennirnir tveir ekki sitt rjúkandi ráð.

    My point is – það er erfiðara að verjast því þegar sóknarlið skilur eftir opin svæði heldur en þegar allir leikmenn þess eru komnir í sitt svæði.

    En þetta var úturdúr. Annar galli sem mér finnst vera við 4-4-2 er sá að oft vill vera of mikið bil á milli einstakra leikmanna. Það er of langt í næsta mann. Kosturinn við hágæða lið sem spilar 4-4-2 er hinsvegar sá að bilið frá aftasta manni til hins fremst er mun styttra en í 4-2-3-1. Liðið sem heild er því þéttara.

    En þar liggur líka að mínu mati kötturinn grafinn. 4-4-2 tel ég einungis vera á færi afburða knattspyrnuliða. Leikkerfið krefst mun meiri fjölhæfni af leikmönnum en 4-2-3-1.

    Þar sem maður er nú einu sinni Liverpool-maður finnst mér áhugavert að reyna að mændfokka hugmyndir Rafa Benitez varðandi leiksipulag og hlutverk miðjumanna.

    Eins og segir í greinninni er Rafa Benitez ,,probably the most Sacchian manager English football has known” Sem er líklegasta mesta understatement allra tíma. Rafa Benitez ídolíserar hugmyndafræði Arrigo Sacchi. Hugmyndafræðing sem aðhyllist þá hugmyndafræði að spila 4-4-2 fram í rauðann dauðann og gefur ekki mikið fyrir 4-3-2-1?

    Sem vekur upp spurninguna af hverju er Rafa Benitez að spila 4-2-3-1 á meðan maður skyldi ætla að 4-4-2 hugnist honum betur?

    Eftir að hafa lesið ævisögu Steven Gerrard fékk ég þá tilfinningu að Rafa Benitez hafi jafnvel viljað losa sig við hann og fá pening fyri hann á sínum tíma – en að sjálfsögðu ekki getað hent honum út nauðugum viljugum.

    Ofangreindur pistill Jonathans Wilsons staðfesti þennan grun minn. Rafa Benitez vildi losa sig við Steven Gerrard. Fannst hann ekki henta í sitt leiksskipulag. Þegar útséð var hinsvegar með það að Steven Gerrard væri ekkert að fara frá Liverpool byrjar hann að laga móta liðið eftir því og kaupir menn eins og Sissoko og Mascherano. Menn sem eru geldir sóknarlega (og henta þar með ekki þeirri Sacchisku hugmyndafræði sem Rafa vinnur eftir) en eru nauðsynlegir Steven Gerrard.

    Auk þess er vert að hafa í huga að Rafa Benitez byrjaði ekki að nota 4-2-3-1 að ráði fyrr en snemma árs 2008. Breyting sem allt bendir til að virðist hafa verið skyndiákvörðun. Liðið var búið að skíta upp á bak í þónokkurn tíma með 4-4-2. Xabi Alonso var að spila illa, Dirk Kuyt að spila vægast sagt mjög illa og liðið í heild að spila illa.

    Eins og þruma úr heiðskíru lofti er sóknarmaðurinn Kuyt færður út á hægri kantinn og Xabi og Gerrard – er gefið skýrari og afmarkaðri hlutverk. Liðið byrjar að blómstra og Benitez hefur haldið tryggð við þetta kerfi síðan.

    Annað atriði sem Jonathan Wilson bendir á eru þær breytingar sem urðu á knattspyrnunni eftir að rangstöðureglan var útþynnt. Lið er orðin teygðari – vörnin getur ekki spilað jafn framarlega – lið eru í auknum mæli farin að spila í fjórum ,,línum” í stað þriggja áður.

    En ég held að niðurstaðan sem ég er búin að tala min inn á sé sú að ég hef ekkert á móti 4-4-2. Liðin sem spila slíkt kerfi þurfa hinsvegar að vera algjör yfirburðalið – gríðarlega þétt – með fjölhæfa menn í öllum stöðum.

    Þið afsakið orðlengdina, og þið afsakið samhengisleysið. Ég held þetta sé komið nóg í bili.

    ÞHS: Þetta er allt saman grín.

  61. hahah vá þetta er snilldar færsla hjá þér Kristinn… þetta er eins og úr einhverri bók um “how to win a football match, step by step”

  62. Hér kemur skemmtileg spurning ef Frúin í Hamborg gæfi þér jafnmikið pening og eigandi Man City hvaða þjálfara myndi þú ráða og hafa leikmenn myndir þú vilja fá til Liverpool. Hér kemur mitt lið

    Þjálfari: Pep Guardiola

    Leikskipulag 4-2-3-1
    *
    Reina
    * * * *
    Maicon Sergio Ramos Gerard Pique Pilipp Lahm

                         *                     *       
                       Xavi               Andrés Iniesta
    
            *                      *                           *
          Lionel Messi      Steven Gerrard       Arjen Robben
    
                                   *
                      Fernando Torres
    

    Bekkur:Peter Gulacsi, Daniel Agger,Davide Santon,Alberto Aquilani,Antonio Cassano,Pedro,Mesut Özil

  63. Já Kristinn, þetta er bara gaman…

    Ef ég skil þig rétt þá telurðu lið almennt ná betri árangri með 4-2-3-1 heldur en flata miðju í 4-4-2 vegna þess að hlutverk leikmanna (miðjumanna) eru sérhæfðari og fyrir leikmenn er kerfið auðveldara í framkvæmd. Er þetta rétt skilið? Og jafnvel hafi liðið farið að spila betur þegar það fór að velja sér auðveldara kerfi? Ég get í sjálfu sér ekki mótmælt því.

    En ég verð að vera ósammála þér með nokkur atriði.

    Fyrirgjafir eru helsti markagjafinn í knattspyrnu. Fyrirgjafir þurfa ekki að koma frá endamörkum þótt þær séu að sumu leyti hættulegri þannig en mjög hættulegar fyrirgjafir geta komið hvaðan sem er af kantinum. Fyrirgjafir þurfa ekk endilega að vera á hausinn, spyrnufæri frá vítateig er oftar en ekki hættulegri heldur en skallakross og þá er auðvitað líka hægt að senda lágar fyrirgjafir sem bjóða líka upp á hættuna á sjálfsmarki. Gallinn við framkvæmdir fyrirgjafa í nútímafótbolta er að kantmennirnir vilja hanga of mikið á boltanum og þessvegna er allt orðið stopp í teignum þegar boltinn kemur loks fyrir sem verður mjög auðvelt að verjast. Tímasetningar og hraði er það sem gerir fyrirgjafir hættulegar, hvort sem er á haus eða löpp.

    Það er rétt að þegar fyrirgjafir mistakast þá gefur það andstæðingnum færi á skyndisókn en að öllu jöfnu eru leikmenn andstæðinganna á svipuðum slóðum og sóknarliðsins, ef ekki þá eru einfaldlega fleiri sóknarmenn í teignum sem hlýtur að þýða að færið verði þeim mun betra.

    Varðandi það að halda boltanum, þá man ég eftir tölum sem sýna að langflest mörk eru skoruð eftir fáar snertingar sóknarliðs. Mig minnir að innan við 5 snertingar innan liðs skapi 90% marka. Þannig að það að halda boltanum skapar ekki endilega mörk heldur kemur frekar í veg fyrir að hinir skori – gamla ítalska leiðin. Því fleiri snertingar, því meiri tími fyrir andstæðinginn til að koma sér til baka og stilla upp í sterkan varnarmúr.

    Annað sem ég hef verið að aðhyllast upp á síðkastið er að Liverpool er ekkert að spila 4-2-3-1 heldur miklu frekar 4-5-1. Hlutverk kantmanna á borð við Kuyt og Aurelio er alls ekki sókndjarfara eða auðveldara heldur en hlutverk hefðbundins útherja (kantmanns) í 4-4-2. Sem þýðir að leikaðferðin er orðin ansi varnarsinnuð – sem ég er á móti því ég vil sjá flottan sóknarleik með leiknum leikmönnum – sem er ekki raunin í dag hjá Liverpool. Sem þýðir þá líka að kannski er leikmannahópurinn þannig samsettur hjá félaginu að það verður að spila tiltölulega varnarsinnaða taktík. En nú er ég kominn út fyrir pælinguna.

    Já, bottom line-ið er þá kannski að fyrir slakari lið (erum við að viðurkenna að okkar sé þannig) þá hentar betur að spila 4-2-3-1 eða 4-5-1 því þá þarf ekki að skora eins mörg mörk til að vinna leiki?

    Ég veit það ekki, ég er að mörgu leyti enn á þeirri skoðun að Steven Gerrard spili ekki ólíkt hlutverk og Kenny Dalglish gerði á sínum tíma. En það sem Dalglish og Rush höfðu fyrir aftan sig voru leikstjórnendur á borð við Souness, Whelan og McMahon. Og kannski er það pointið í þessu, að líkt og segir í greininni að þegar Zidane, Figo og Raul skiluðu sér ekki til baka þá þurfti að nota leikmann eins og Makelele til að stoppa andstæðingana. En hann var fullkomlega ófær um að skila boltanum frá sér. Og þá hugsar maður til Alonso, var hann ekki þessi box-to-box miðjumaður? Sem við höfum þá ekki lengur? Bara spekúlasjón…

    http://www.knattspyrna.bloggar.is

Liðið komið

Búið að draga í 4.umferð FA