Liverpool 0 – West Ham 0

Fyrirgefið orðbragðið, en…

HVAÐ Í FOKKINGS ANDSKOTANS HELVÍTIS FOKKINU VAR ÞETTA?

Ok, Einar Örn, draga djúpt andann.

1.2.3.4.5.6.7.8.9.10….


Ég horfði á þennan leik á bar á Södermalm í Stokkhólmi. Var þar oní kjallara nánast einn og ég var svo kol-band-brjálaður að ég er enn sár í hendinni eftir að hafa lamið einum of oft í borðið.

Ég veit að menn eiga eftir að koma inn og kommenta við þessa skýrslu byggt á nokkrum punktum, sem eru margir hverjir fyrirfram ákveðnir. Þeir sem hata Yossi gagnrýna hann, þeir sem hata Kuyt gagnrýna hann og svo framvegis og framvegis. Þar sem ég hef reynt eftir bestu getu að dæma leikmenn ekki of hart, þá ætla ég að reyna að koma á blað einhverjum punktum, sem innihalda færri en fimm blótsyrði og nálgast það vonandi að vera skrifaðir án of mikilla fordóma gagnvart ákveðnum mönnum.

1. Ég veit ekki hvort það var bara ég, en mér fannst Liverpool oft á köflum leika stórskemmtilega. Liðið spilaði ótrúlega hraðan bolta, við vorum nánast alltaf með boltann og í þau fáu skipti sem að West Ham náði boltanum, þá voru okkar menn komnir einsog hrægammar á þá og náðu boltanum aftur. Yfirburðir Liverpool voru oft á tíðum með ólíkindum miklir. EN…

2. Þetta lið er oft á tíðum lygilega hugmyndasnautt þegar það nálgast vítateiginn. Okkur mistókst nánast algerlega að nýta okkur þessa fullkomnu yfirburði á vellinum. Við vorum ALLTAF með boltann, en samt komu hættulegustu færin eftir hornspyrnur. Alonso (sem mér fannst gera sumt stórkostlega í leiknum) og Gerrard voru alltof oft að treysta á einhverju stórkostlega magnaða stungusendingu á framherja, sem heita því miður ekki Fernando Torres. Ef að Torres hefði verið með, þá hefðum við skorað í dag. En aftur á móti var Torres með gegn Fulham og ekki skoruðum við þar.

3. Tveir menn, sem menn elska að hata á þessari síðu: Yossi Benayoun og Dossena. Mér fannst þeir fínir. Benayoun var ágætlega ógnandi upp kantinn og hann átti bestu marktilraun okkar í leiknum. Dossena var greinilega með miklu betra sjálfstraust en í fyrri leikjum og þessi leikur hefur án efa gert honum gott.

4. Robbie Robbie Robbie… Ég hef varið þig oft á tíðum á þessari síðu. En þú verður! Þú HREINLEGA VERÐUR að fara að sýna að það hafi ekki verið stundarbrjálæði hjá Rafa Benitez að spandera 20 milljónum punda í þig. Ég veit að þú ert að reyna og ég hef verulega samúð með þér þar sem þú augljóslega elskar þetta lið einsog við og þú berst fyrir þínu. En manstu eftir gamla Robbie Keane, sem raðaði inn mörkum fyrir Tottenham og tók þetta óþolandi kollhnísa-fagn nánast í hverri viku? Já, þessi! Við viljum fá að sjá hann í rauða búningnum. Ef það fer ekki að gerast á næstunni, þá mun þín alltaf vera minnst á meðal leikmanna einsog Craig Bellamy. Fínir hjá meðal-liðum – slappir hjá stórliðunum. Ekki láta það gerast! Plís!

5. Ég elska Pepe Reina.

6. Albert Riera, sem byrjaði stórkostlega fyrir Liverpool, er ekki búinn að spila vel í nokkrar vikur. Það þarf að breytast.

7. Ekki heldur Dirk Kuyt. Hann fer að nálgast það stig að hann fari að fara aftur í taugarnar á mér, sem hefur ekki gerst í tæpt ár. Kannski er það að fara illa með hann að hann sé áskrifandi að sæti í liðinu. Allavegana með svona frammistöðu, þá er nákvæmlega ekkert sem gefur það í skyn að hann eigi það skilið.

8. Hvað varði þessi Ilunga boltann oft með hendinni? Hann hlýtur að vera boltahræddasti maður sem ég hef séð spila sem atvinnumaður.

9. Hyypia var frábær. Arbeloa líka. Þeir eru menn leiksins. Alonso og Carra voru fínir.

10. Gerrard þarf nauðsynlega að stilla skotin sín.

11. N’Gog hefur ekkert sýnt í leikjum liðsins, sem sýnir að hann hafi eitthvað erindi í þetta lið.

Og að lokum, punktur númer 12.

Drögum andann djúpt, lokum augunum, reynum að láta allan þennan uppbyggða pirring hverfa, opnum augun aftur og horfum á þetta: Þetta er staðan í enska boltanum 1.desember 2008.

Já, ég er ólýsanlega pirraður eftir þennan leik. En við erum jú einir í efsta sætinu.

Við höfum séð það svartara.

YNWA!

82 Comments

  1. 1
    Hafliði

    Sorglegt að fá ekki nema 1 stig úr þessari viðureign.
    Og annað sem er sorglegt er að ef Gerrard á ekki topp leik þá gerist ekkert hjá okkur.
    Við erum þó komnir á toppinn en ég get ekki verið sáttur við liðið þegar þeir taka ekki þrjú stig á Anfield gegn West Ham og áhorfendur voru greinilega sammála mér þegar þeir púuðu þegar loka flautið gall.
    Djöfull er ég pirraður yfir þessu!

    (0)
  2. 2
    Andri Fannar

    Jesúúúúús!
    Getur desember byrjað eitthvað verr?

    Þetta var einhver leiðinlegasti og lélegasti fótboltaleikur sem ég hef séð, toppar Fulham og Stoke leikina. Menn eru staðir, lélegir, klaufalegir, ragir og svo ætlar Gerrard alltaf að sigra heiminn þegar hann skýtur á markið.

    Úff..þetta getur verið alltof pirrandi :(

    (0)
  3. 3
    DaðiS

    Væri ekki einhver lausn ef föst leikatriði virkuðu beittari (s.s. horn)? Á móti svona liðum sem verjast á 15 mönnum myndi það hjálpa eitthvað.

    (0)
  4. 4
    Bjarki

    Ég er að verða pirraður á að liverpool nái ekki að klára „svona“ leiki!

    „svona“ leikir eru sirka 60% af leikjunum!

    (0)
  5. 5
    Kristján V

    hvað í helvítinu er í fokking gangi….. AAAAAAAAAAA djöfull er þetta pirrandi og þeir vita það sjálfir. 2 aumingja jafntefli í röð á heimavelli, og við ættum að vera 6 stigum á undan Chel$ki….. endilega látið mig vita ef þig eruð ósammála mér….

    áfram LFC

    (0)
  6. 6
    Lolli

    Afhverju er Hyypia ekki sóknarmaður, hlýtur að vera skárri en þessar geitur sem við höfum í dag.

    Nenni ekki að tjá mig meira um þennan óbjóð enda enginn tilganguri fyrir því, nema þökk sé Liverpool þá er ég komið með hálfgert ógeð á að horfa á fótboltaleiki og það í fyrsta skipti í mínu lífi.

    (0)
  7. 7
    Bobby

    Not enough quality í þessu liði, sést langar leiðir :(

    (0)
  8. 8
    Olli

    enginn oddur í sóknarleiknum hjá liverpool. robbie keane enn og aftur afar sorglegur í framlínunni. leikmenn eru engan veginn nógu frjóir í sambandi við hlaup og þegar hlaupin inn fyrir koma loksins þá er leleg sending eða hún kemur of seint o.s.frv.

    við söknum torres sárt, hann er sá eini sem getur búið til e-ð af þessum framherjum okkar. hann og gerrard VERÐA að spila saman frammi eftir áramót ef þeir haldast báðir heilir þ.e.a.s, ef þeir fá ekki að spila saman þá er ég ansi hræddur um að við eigum eftir að sjá fleiri svona leiki. þetta er hörmung að horfa á, er í próflestri og ég fór í miðjum síðari hálfleik því ég hafði ENGA trú á að liðið myndi opna west ham vörnina og klára færið, ENGA.

    (0)
  9. 9

    Aumingjaskapur og ekkert annað. Að geta ekki drullað tuðrunni frammhjá þessum lélega markverði sem átti ábyggilega sinn besta leik á þessari öld er alveg út í hött. Gerrard lélegastur í kvöld og Dossena og Benayoum bestir.

    (0)
  10. 10
    Stefán J.

    Bobby hitti á naglann!

    (0)
  11. 11
    Maggi

    Ég held ég lesi bara skýrslu meistara Einars á morgun.
    Þetta var enn ein óásættanleg frammistaða á heimavelli. Enn sýnir Rafa að mínu mati sérkennilegt liðsval með því að setja Kuyt inn fyrir aftan senter og Yossi á kantinn, Gerrard á miðjuna. Kuyt sást ekkert í þessari stöðu því miður. Skiptingin þegar Ngog kom inná olli mér velgju, enda þessi strákur svo langt frá því að vera tilbúinn og sýndi minna en Keane, sem segir nú margt. Babel kemur svo seinna inná.
    Ég hrósaði Rafael í hástert eftir Wigan heima, en það er ljóst að hans vandi er áfram mikill þegar kemur að því að leika á heimavelli gegn líkamlega sterkum liðum sem liggja til baka.
    Að skora ekki gegn Stoke, Fulham og West Ham á heimavelli er vandræðalegt, að eiga í þeim leikjum hámark fimm dauðafæri er hreint ömurlegt.
    Flestir bestu leikir liðsins í vetur eru utan Liverpoolborgar og það er augljóslega farið að fara í taugarnar á bestu aðdáendum í heimi!!!!
    Það gleður mig ekki neitt að þetta stig skilar okkur í efsta sætið, þessi þriggja heimaleikja syrpa nú að undanförnu var gríðarlega döpur og nú þarf eitthvað að gerast hratt!

    (0)
  12. 12
    Sigkarl

    Sælir félagar
    Þetta er í besta falli sorglegt en versta falli stjóranum RB og liðinu til skammar. Þvílik tilþrif í ömurlegheitum. WH átti hættulegustu tilraunir leiksins sem segir ansi mikið. Þessi heimavöllur sem var einusinni óvinnandi vígi er nú orðinn heimavöllur drulluframmistöðu. Leik eftir leik leikur liðið jafnteflisleiki á þessum heimavelli við andstæðinga sem eiga að vera auðveld bráð fyrir lið sem er í efsta sæti deildarinnar. Maður hlýtur að fara efst um að liðið eigi skilið að vera í þessu sæti. Ég vil bara minna á það sem Benni Jón hefur verið að segja um sóknarleik liðsins og hefur hlotið mikið ámæli fyrir. Þessi leikur sannaði mál hans.
    Það er nú þannig

    (0)
  13. 13
    Kristinn

    Hugsi þið ykkur hvað við erum heppnir.

    Erum við í 20. sæti? Nei
    Erum við í 19. sæti? Nei

    Erum við í 18. sæti? Nei

    Erum við í 17. sæti? Nei
    Erum við í 16. sæti? Nei
    Erum við í 15. sæti? Nei
    Erum við í 14. sæti? Nei
    Erum við í 13. sæti? Nei
    Erum við í 12. sæti? Nei

    Erum við í 11. sæti? Nei

    Erum við í 10. sæti? Nei
    Erum við í 9. sæti? Nei
    Erum við í 8. sæti? Nei
    Erum við í 7. sæti? Nei
    Erum við í 6. sæti? Nei

    Erum við í 5. sæti? Nei

    Erum við í 4. sæti? Nei
    Erum við í 3. sæti? Nei
    Erum við í 2. sæti? Nei

    Erum við í 1. sæti? JÁ!

    En samt erum við hundfúlir. Húrra!

    (0)
  14. 14
    Gummi

    Okeeeeeeeeeeeeeeeey!

    Andvarp

    Sorglegt…. þrátt fyrir að vera einir á toppnum… Sorglegt!

    Eitthvað sem heitir skapandi sóknarleikur var ekki fyrir hendi í dag. Svo einfalt er það nú.
    Sjálfstraust er eitthvað sem skortir leikmenn Liverpool þessa daganna og mín skýring er að sálræna hliðin er ekki að höndla pressuna… Pælið í því að Liverpool hefur undanfarin ár ekki hafið sína leiktíð fyrr en í nóvembermánuði… Ástæðan fyrir því er sú að þá eru þeir dottnir úr titilbaráttunni og engin pressa! Nema þá jú að ná efstu 4 sætunum… eða ná 4. sætinu til að hafa þetta alveg rétt…

    Það er búið að ske áður að við höfum haft tækifæri á að komast 3 stigum framúr þegar Chelsea hefur misstigið sig og hvað gerist ? Þetta er sálrænt ekkert annað! Getum alveg spilað bolta sem skilar mörkum… jafnvel með þessa menn inná vellinum…

    Hyypia fínn… segir slatta um mennina að það er enginn sem getur unnið skallabolta inní teig andstæðingana nema hann…

    Keane var skelfilegur vægast sagt…en það er hægt að segja um flesta reyndar… þó held ég að enginn hafi verið eins slakur og Keane greyið…

    Greinilegt að Rafa sagði Dossena að halda sig í vörninni til að byrja með..og stilla strengi með Hyypia og félögum…

    Ótrúlegt að segja það en í raun og veru heppnir að ná í stig, þrátt fyrir yfirburðina… En eitthvað þarf að gera í sálrænu hliðinni og já jafnvel smá taktískt dæmi:)

    ps. er hægt að fá að spila heimaleikina okkar annarsstaðar ? S.s. Reebok stadium eða City og stadium? alveg viss um að við myndum ekki standa okkur verr á þeim stöðum, þessa stundina…

    Niðurstaða… stórefast um titillinn eigi nokkurn séns á að koma til okkar þetta árið… Þar sem við virðumst vera of hræddir við hvað gæti gerst þegar hann loksins kemur… en getum sjálfsögðu glaðst yfir að vera á toppnum… en þetta verður erfitt sérstaklega miðað við spilamennskuna…

    Næsti leikur úti á móti Blackburn minnir mig…. svo þetta ætti að vera meiri sigurlíkur en í þessum leik…

    Allir að anda svo inn út nokkrum sinnum áður en menn skrifa…

    YNWA!

    (0)
  15. 15

    Ég er svo pirraður að það er ekki venjulegt og þessi pirringur óx með hverri mínútu í þessum leik. Þetta var í þriðja skiptið á allt of stuttum tíma sem við látum svo langtum lélegra lið fá þrjú stig frá Anfield að það er ekki venjulegt. Mér er skítsama og stöðu okkar í deildinni og titilbaráttuna, þessi leikur var bara alls ekki góður og ég var þræl ósáttur við minn mann í dag, Rafa Benitez.

    Fyrir það fyrsta þá hlítur að vera farið að grynnka í heittrúarhópi Dirk Kuyt, allavega vona ég að þessi ást á honum fari að ljúka svo betri fótboltamenn fái sénsinn gegn liðum eins og West Ham, Fulham og Stoke, þó ekki væri bara í þannig leikjum. Að vanda var hann bara fyrir þegar hann var frammi. Hljóp mikið og reyndi mikið og duglegur að venju, en það kom akkurat ekkert út úr því og lítil sem engin hætta skapaðist af honum.

    Svipaða sögu er að segja af Benayoun, hann er fyrir það fyrsta ekki hægri kanntur, hefur líklega aldrei verið það og verður það að öllum líkindum aldrei. Hann var alls ekki góður í dag, en það háði hans leik að þeir menn sem hann reynir hvað mest að leita að, Kuyt og Keane gerðu afar fátt að viti og týndust í strangri gæslu West Ham manna. Ég fullyrði að meira að segja Pennant hefði verið mikið skárri kostur í þessum leik.

    Keane var svo ekki staðfestur í byrjunarliðinu á sumum miðlum í fyrri hálfleik því hann bara sást ekki inná. Í seinni reyndi hann aðeins meira en auðvitað háir það leik hans að makkerinn hans frammi er vita gagnslaus í þeirri stöðu (er of pirraður til að tala undir rós með það í dag). Keane losnaði aldrei úr gæslunni, skapaði ekkert og þessar frammistöður hans (ásamt þeirra sem ég nefndi hér á undan) eru farnar að kosta okkur stig, bókstaflega.

    Svo staðfesti Benitez líklega það sem ég var að tala um í hálfleik, Babel hefur líklega gert eitthvað af sér, því loksins þegar hann álpaðist til að skipta setti hann franskt barn inná, en ekki hollendinginn fljúgandi.
    Loksins þegar hann fékk svo sénsinn, á fokkings 77.mín, var það fyrir Riera, sem þrátt fyrir slakan leik er alltaf mun hættulegri heldur en Benayoun og Kuyt. Sérstaklega þegar hann er með góða menn í kringum sig.

    Gerrard og Alonso áttu svo auðvitað miðjunna og West Ham sótti svo lítið að Dossena var bara nokkuð góður í dag. Sama á vi um Arbeloa, þeir voru að alveg að koma krossum inní….þ.e. þegar Illunga varði ekki.

    Maður leiksins hjá mér er síðan Sami Hyypia. Okkar langmesta ógn og bara óheppinn að skoa ekki 2-3 mörk.

    (0)
  16. 16
    Bobby

    (13) Kristinn: Miðað við frammistöðu Liv í undanförnum leikjum þá er gengi þess of hátt skráð. Vonandi fellur það hins vegar ekki eins skarpt og krónan. Blessuð sé minning hennar :(

    (0)
  17. 17
    Jonas

    Bíðið nú við, hvenær vorum við síðast númer eitt fyrsta des?

    (0)
  18. 18
    Þórhallur Jónsson

    Ætla svo sem ekki að vera langorður er of dofinn eftir þessa hörmung. Hr Benitez er búinn að missa þau prik sem ég gaf honum í haust. Þarf svo sem ekki að rökstyðja það neitt frekar. það er nóg að horfa á spilamennsku liðsinns undanfarið. Menn drulla endalaust yfir keane en ég spyr hvað fékk hann margar sendingar í lappir? þ.að var endalaust verið að dæla háum boltum fram á hann. Svo kemur franska markamaskínan inná með þessari skipingu var verið að kasta hvíta handklæðinu inn á og sætta sig við jafntelfi. Hvar er Nemet?

    (0)
  19. 19
    HDadi

    Við erum amk einir í efsta sæti – en þá er það jákvæða upptalið !
    Er sammála Bobby nr.7 það er bara ekki nógu mikið quality í þessu liði, allt of margir fringe leikmenn.
    Keane getur ekkert og ekki séns að réttlæta 20 mills, Ngog ekki tilbúinn og það sást í kvöld þessar fáu mín sem Babbel spilaði að hann er ekki gera neitt sem réttlætir byrjunarliðssæti og væl um það. Það er svo margt annað neikvætt en ég nenni ekki að velta mér upp úr því, ætla þess í stað að slaka á og njóta þess að við erum þó þrátt fyrir allt einir á toppnum !

    (0)
  20. 20
    einsi kaldi

    Á ekki til orð

    (0)
  21. 21

    Kristinn, toppsætið lagar ekki neitt pirringinn yfir þeirri ömurlegu staðreynd að við nýtum ekki yfirburði í leik sem þessum.

    Ég held að Rafa reyni að kaupa sóknarmann í janúar, einhvern sem fyllir það skarð sem Crouch skilur eftir sig, það var afar slæmt að missa hann og það sést í svona leikjum. Eins er N´gog engin lausn, ekki á þessu tímabili og Kuyt er ekki sóknarmaður sem virkar hjá okkur, allavega ekki miðað við hvernig við spilum sókn

    Babbel spilaði að hann er ekki gera neitt sem réttlætir byrjunarliðssæti

    Babel hefur nú bara ekki gert neitt til að réttlæta að fá ekki tækifæri frammi í byrjunarliði, að halda öðru fram eftir sýningu eins og við fengum i kvöld finnst mér fáránlegt. Hann, á þessum allt of stuta tíma sem hann fékk „í rangri stöðu“, var mun nærri því að klára þennan leik heldur en Kuyt, Keane og Benayoun samanlagt allan leikinn

    (0)
  22. 22
    einare

    Lið sem ekki vinnur Stoke,Fulham eða West Ham á heimavelli verður aldrei meistari!.
    Of margir miðlungsleikmenn eru í liðinu en þrátt fyrir það ætti það að duga til að vinna miðlungslið á heimavelli. Málið er að sjálfstraustið er ekki til staðar og sóknarleikur liðsins er algjörlega hugmyndasnauður. Það er ótrúlegt að liðið skuli enn og aftur, leiktíð eftir leiktíð vera glíma við sömu vandamálin.

    Ætla ekki að vera eyða mörgum orðum í leikmenn eins og Keane, Kuyt, Dossena (átti sinn skásta leik í kvöld) Benayoun en frammistaða þeirra var sorgleg.
    Hins vegar ítreka ég það að Rafa virðist á góðri leið með eyðileggja Babel. Drengur hefur nákvæmlega ekkert sjálfstraust þegar hann kemur inná. Held að hann skuldi skýringar á því af hverju hann byrji aldrei inná, af hverju eru menn eins og Keane, Riera, Kuyt, Ngog eða Benayoun teknir fram yfir hann, þegar enginn af þeim er að gera nokkurn skapaðan hlut!!!!!

    (0)
  23. 23
    Magnús Agnar

    Fæst orð hafa minnstu ábyrgð…… ég á ekki orð!

    Ætla að sofa þessu.

    (0)
  24. 24

    Hr Benitez er búinn að missa þau prik sem ég gaf honum í haust

    Já, sjitt maður Benitez er búinn að vera hræðilegur. Horfum bara á töfluna, ekki lýgur hún. Ömurlegur þjálfari! :rolleyes:

    (0)
  25. 25

    Þetta er í annað sinn sem þetta gerist. Alveg eins og þegar liðið gerði markalaust jafntefli við Stoke á Anfield í september, situr það í kjölfarið eitt á toppi Úrvalsdeildarinnar, og okkur aðdáendunum stekkur varla bros yfir því.

    Þetta er mjög skrýtin tilfinning. Ef einhver hefði boðið mér að vera með eins stigs forskot á Chelsea, sex stiga forskot á United og átta stiga forskot á Arsenal eftir 15 umferðir, og sitja einir á toppi deildarinnar, hefði ég hoppað hæð mína í loft upp af kæti og öskrað, „jáhá!“

    Nú hefur þetta gerst en því miður er spilamennska liðsins að valda manni það miklum áhyggjum í síðustu þremur heimaleikjum (sé Marseille-leikurinn talinn með) að maður hreinlega efast um það hvort einveran á toppnum muni endast mikið lengur.

    Raunsætt: Liverpool-liðið er eitt á toppi Úrvalsdeildarinnar því það hefur náð betri úrslitum en hin nítján liðin í deildinni. Frábært.

    Raunsætt: Liverpool-liðið er eitt á toppi Úrvalsdeildarinnar, ekki af því að það er að spila ljósárum betur en í fyrra (þó talsvert betur, en ekki svo rosalega) heldur af því að keppinautarnir eru að fara hægar af stað fyrir áramót en oftast áður. Gott fyrir okkur, en gefur ranga mynd af þróun liðsins.

    Í dag er ég glaður af því að okkar menn eru á toppnum þann 1. des. og við getum verið bjartsýn á næstu mánuðina af því að okkar menn eru að ná betri úrslitum en keppinautarnir. Í dag er ég hins vegar einnig hundfúll af því að gamla, góða hugmyndaleysið á heimavelli er farið að láta á sér kræla aftur.

    (0)
  26. 26
    Stefán Kr

    Þetta var óhemju lélegt í kvöld. Liðið var álíka beitt fram á við og smjörhnífur. Alltof margir slakir leikir á heimavelli það sem af er á þessu tímabili. Flugið verður hratt niður töfluna ef fleiri svona frammistöður líta dagsins ljós. Gjörsamlega andlaust og Robbie Keane og Kuyt gerðu álíka mikið gagn inn á vellinum og línuvörðurinn.

    (0)
  27. 27

    Hárrétt KAR, svo er líka nauðsynlegt að fylgja aðeins eftir frábærum sigrum á toppliðunum, ekki núlla þá leiki nánast út gegn liðum sem við bara eigum að vinna.

    Villa jafnteflið úti var í lagi og líklega ágæt úrslit bara, tapið gegn Spurs var rán en góður leikur hjá okkur, sem tapaðist á ……wait for it……….þvi að nýta ekki dauða dauðafærin.
    Stoke var agalegur, extra pirrandi þar sem við reyndar skoruðum í þeim leik, Fulham og West Ham hafa svo bara verið harmleikir í sóknarleik.

    Með í þessu eru svo sigrar sem voru afar afar tæpir. Viðvörunarbjöllur hringja hátt, en munum þó að liðið getur líka hrokkið í gang, við vitum það öll að þetta lið á fáránlega mikið inni. Eða sko þessi hópur, ekki þetta byrjunarlið sem við sáum ídag.

    (0)
  28. 28

    Segi bara amen við því sem KAR segir (nr. 25) … ég er enn á því að við getum orðið meistarar. Við spilum betur eftir áramót… lélega tímabilið okkar hefur verið í gangi í smá tíma og við erum enn á toppnum. Ég er eftir allt ennþá mjög bjartsýnn, þangað til annað kemur í ljós.

    Auðvitað er ég furious yfir þessum úrslitum í kvöld. Ef ef ef … og allt það. Þýðir ekki að tækla þetta núna. Ef við hefðum unnið … ef …

    Ég trúi á það sem hefur verið ríkjandi upp á síðkastið: betri spilamennska eftir áramót …

    (0)
  29. 29
    Andri Fannar

    Okey, nokkrir glaðir yfir að við séum á toppnum. Auðvitað er það jákvætt en viljum við ekki sjá framfarir hjá liðinu okkar? Gerum við ekki kröfur? Höfum við ekki meiri metnað en þetta? Ég ætla allavega að vona að leikmennirnir vilji meira en eins stigs forskot.

    Það vantar svo mikil gæði í þetta lið, horfði á Arsenal í gær og þeir voru með Denilson, Nasri, Fabregas, Adebayor, van Persie t.d. í sókninni, þetta eru allt menn sem geta tekið menn á, eru quick og með gott touch. Riera, Torres, Gerrard, Babel – einu mennirnir okkar sem hafa vott af þessu hjá okkur.

    (0)
  30. 30

    Benitez í viðtali eftir leikinn:

    „Clearly I can guarantee that we are not going for Michael Owen.“

    Gott.

    (0)
  31. 31
    Óskar Barnes

    Með sömu spilamennsku er liðið á góðri leið með að gera svefnlyf óþörf. Maður hefur þurft að berjast við að halda sér vakandi í síðustu þremur heimaleikjum.
    Ég vil almennilegan hægri kantara plíííííííís. Arshavin já takk.

    (0)
  32. 32
    Hafliði

    Já ég skammast mín eiginlega fyrir að vera svona fúll en ég er bara hand viss um að við verðum ekki lengi á toppnum, við vorum það ekki eftir Stoke leikinn og verðum það ekki heldur núna.
    Eigum Blackburn á útivelli næstu helgi en Chelsea á útileik gegn sjóðheitum Bolton.
    Man Utd á auðveldan heimaleik gegn Sunderland og Arsenal fær Wigan í heimsókn.
    En ég ætla svo sannarlega að njóta þess að skoða stöðuna sem oftast bæði á neti og í textavarpinu næstu daga, allavega fram að næstu helgi :)

    (0)
  33. 33

    Ég get ekki alveg skilið hvernig menn geta borið saman þennan leik við Fulham leikinn. Að mínu mati var þessi leikur miklu, miklu betri. Já, þetta var hræðilegt jafntefli, en það er óþarfi að lýsa hlutum allta á versta mögulega hátt.

    (0)
  34. 34
    Reynir Þ.

    TOP OF THE LEAGUE, YEAAAAAHH!!!! :)

    Keane, Gerrard, Riera, mennirnir sem maður telur svona fyrirfram að eigi að skapa hættuna gerðu það vægast sagt ekki. Ég sá bara Benayoun, Kuyt og Hyypia koma sér í færi, sé þá fá að mér finnst ósanngjarna gagnrýni( tala nú ekki um Rafa ). Tel hún eigi frekar rétt á sér gagnvart þessum 3 sem ég nefndi efst.

    Annað sem kemur eftir hvert einasta jafntefli eða tap er her af mönnum sem segir að lið sem vinnur ekki lið x eða y vinnur aldrei titilinn!! Rafa mun aldrei vinna titilinn!!
    Please, stop. Glórulausar athugasemdir sem þjóna engum tilgangi.

    (0)
  35. 35
    Grétar

    Kannski er það bara ég, en mér fannst Dossena og Benayoun bara mjög frambærilegir í kvöld. Liðið var ekki alslæmt, það vantaði bara að það væri beitt fram á við. Hundleiðinlegt að vinna þennan leik ekki, en það er óþarfi að dramatísera hlutina of mikið.

    (0)
  36. 36
    Daði

    Deildin er alltaf að verða sterkari. Það er ekkert bókað að neinn vinni aðra lengur.

    Þessar vikurnar hefði verið gott að hafa Peter Crouch en vonandi fer Rafa og reddar einum klassaframherja í safnið. Það veitir ekki af því í samanburði við önnur topplið og til að halda út.

    (0)
  37. 37
    Birnir

    Ég set þennan tapleik í mínum augum, algjörlega á Benitez, ég skil ekkert í manninum stundum. Um leið og hann henti N´gog inn á var þetta búið. Eftir það varð sóknarleikurinn enginn, í mínum huga átti hann að leggja allt í sóknina, taka Dossena út af og setja Babel fram með Keane. Það hafði verið frábær skilaboð til allra hina, að allt væri lagt í sóknarleikinn og það kæmi ekkert annað en sigur til greina. Ekki nógu ánægður með Kóng Rafa í dag, óskiljanlegt fyrir mér – ekki sáttur.

    (0)
  38. 38
    maggggi

    Ekki að ég ætli að fara verja frammistöðu Robbie Keane hér á síðunni þar sem hann hefur verið alveg skelfilegur í vetur en verð samt að benda á það að það er verið að spila honum útúr stöðu í öllum leikjum.

    Hann er ekki lone striker, og hann er ekki góður í holunni. Hann er bara góður í 4-4-2 með annan striker við hliðiná sér.

    (0)
  39. 39
    Biggi

    Ég er sáttur með stöðu liverpool í dag. Ég er brjálaður yfir þessu jafntefli.
    Sóknarleikurinn er bara ekki að gera sig, bara engan veginn. Ég trúi því ekki að Benitez sé ekki skarpari stjóri en það að hann geti ekki fundið leið fram hjá liði sem pakkar í vörn á Anfield. Þetta er bara farið að gerast alltof f*****g oft.

    Ég veit ekki með ykkur en er ekki betri leið þegar varnarmenn pakka í vörn að spila kerfi með tvo strikera frammi sem teygja á þessari blessuðu vörn. Benitez hefur alltaf verið með einn striker á toppnum á móti þessum liðum og það virðist lítið ganga, þeir spila það aftarlega að hann fær lítil sem engin tækifæri til að stinga sér fyrir aftan þá. Og þó að við fáum bakverðina upp með góð hlaup og fyrirgjafir þá virkar það bara frekar lítið þegar einn sóknarmaður okkar er inní teignum með 3-4 varnarmenn í kringum sig.

    Ég er eins og ég sagði farinn að hafa virkilegar áhyggjur af hugmyndaleysi Benitez við spilamennsku liða sem sækja okkur heim á Anfield. Þau virðast öll spila sömu rútínuna sem gengur upp. Það þarf að greina þennan vanda og finna lausnir við honum sem virka, ekki tilviljanakenndann sóknarleik þar sem menn virðist skorta alla hugmynd um hvaða leið sé best að markinu.

    Djöfull er ég pirraður.

    (0)
  40. 40
    Haukur

    Ég gat sem betur fer bara horft á fyrri hluta fyrri hálfleiks og sá á þeim mínútum að þegar ég kæmi heim myndu bíða mín þær fréttir að enn eitt markalaust jafnteflið væri staðreynd.

    Efsta sætið svo sem okkar og bara okkar en það er ekki út af gæða spilamennsku Liverpool heldur feilsporum aðal keppinauta okkar. Arsenal óstöðugir, Chel$ki búnir að tapa tveimur leikjum heima og Man Urinated byrjuðu tímabilið afleitlega. Ég held að við þurfum ekki að hafa áhyggjur af Arsenal ennþá. Chel$ki eitthvað að hiksta en engu að síður gríðarlega sterkir og eiga ekki eftir að tapa mörgum stigum í viðbót. En aftur á móti eru Man Urinated búnir að sækja í sig veðrið og ef að okkar menn fara ekki að taka sig saman í andlitinu verður fyrsta sætið bara minning frá því í desember. Það lið sem ætlar sér að fagna sigri í maí gerir ekki markalaust jafntefli á heimavelli við Stoke, Fulham og West Ham. Við getum eins og oft hefur komið fram huggað okkur við það að vera í fyrsta sæti eins og er og að örlögin eru ALGJÖRLEGA í höndum RB og liðsins. En þau örlög verða enn lengri bið eftir þessum titli ef að eitthvað róttækt fer ekki að gerast því að keppinautar liðsins í fyrsta sæti bíða átekta eftir að það misstígi sig svo þeir geti sætt lagi og skotist upp fyrir liðið á töflunni og það kemur til með að gerast eftir því sem svona leikjum fjölgar.

    (0)
  41. 41
    Baros

    Ég er sem fyrr algjörlega sammála Babu. Það er alveg grátlegt að horfa á Babel á bekknum meðan Keane og jafnvel franska undrabarnið leiða sóknina. Auðvitað er gott að vera í fyrsta sæti og jákvætt að Benitez stillti ekki upp tveimur varnarsinnuðum miðjumönnum eins og í síðasta heimaleik í deildinni. En sóknarleikur okkar manna var afleitur og hefur verið það í síðustu leikjum.

    Líkast til er bara eitt ráð við því, spila meira á Keane, Kyut og Rieira. Duglegir strákar, hlaupa mikið, mjög mikið, ekkert sérstaklega hættulegir framávið, en það dettur inn hjá þeim mark við og við. Varasamt að fara að hleypa inná mönnum sem geta tekið menn á og skapað usla með hraða og leikni. Best að þeir komi við sögu á c.a. 60 mín ef ekki hefur náðst skot á mark en 75 mín annars. Ef möguleiki er að ná þriggja stiga forystu í deildinni á heimavelli gegn miðlungsliði borgar sig alls ekki að gefa þeim meira en rúmlega 10 mín og þá eftir að búið er að skipta inná varaliðsmönnum. Óhugsandi er að slíkir menn fái að byrja inná.

    (0)
  42. 42
    Gummi Halldórs

    Það er vissulega ánægjulegt að horfa á stöðuna í deildinni. Við erum jú í efsta sæti eftir allt saman. En það hræðir mig mjög að 6 stig eru farin í súginn gegn slökum liðum á Anfield. Sorry en mér finnst að allir þessir þrír leikir eigi að vinnast hjá liði sem ætlar sér meistaratitilinn. Slysin verða en þau eru nú þegar orðin þrjú og desember er nýbyrjaður. ÚFF… koma svo Liverpool!

    (0)
  43. 43
    Maggi Bjögg

    Það er eðlilegt að allir séu ósáttir með Keane og ég hugsa að hann sé að öllum líkindum verstu kaup tímabilsins til þessa. Málið er samt að það er einfaldlega ekki verið að nota hann rétt. Það verður að láta hann fá boltann í lappirnar milli miðju og vítateigs og leyfa honum að reyna að skapa eitthvað, hlaupa á einhverja gæja. Það þýðir augljóslega ekki að bomba háum boltum á hann og hann er ekki Micheal Owen svo stungusendingar virka ekkert ótrúlega vel. Þegar Keane er með í leiknum og menn eru að finna hann þá skorar hann kannski en hann er ekki svona „pjúra“ framherji sem klárar færi upp úr engu og stelst til þess að ýta boltum inn einstaka sinnum, ég allavega sé það ekki gerast.

    (0)
  44. 44

    Ok, spyrjið ykkur að einu:

    United hefur tapað 14 stigum gegn:

    Aston Villa (J)
    Arsenal (T)
    Everton (J)
    Chelsea (J)
    Newcastle (J)
    Liverpool (T)

    Chelsea hefur tapað 12 stigum gegn:

    Arsenal (T)
    Newcastle (J)
    Liverpool (T)
    Man U (J)
    Tottenham (J)

    Liverpool hefur tapað 11 stigum gegn:

    West Ham (J)
    Fulham (J)
    Tottenham (T)
    Stoke (J)
    Aston Villa (J)

    Hvað er verst af þessu? Er verra að tapa fyrir litlu liðunum eða að choke-a algerlega gegn stóru liðunum (Liverpool er með 6 stig af 6 gegn hinum stóru 4 – Chelsea er með 1 af 9 og Man U með 1 af 9).

    Jæja, núna er ég búinn að reyna mitt besta að finna eitthvað jákvætt. Ég er farinn að sofa.

    (0)
  45. 45
    Hössi

    Af hverju spilum við ekki Gerrard bara í haffsentinum? Jú vegna þess að hann er okkar hættulegasti sóknarmaður og á að spila frammi. EKKI á miðjunni þar sem hann þarf að sinna varnarskyldum. Á að vera inn í teig – ekki fyrir utan hann. Annars skil ég ekki Benitez í augnablikinu. Liðsuppstillingarrugl og skiptingar. Elska hann samt fyrir 1. sætið – þó nokkur framför og vonandi var þetta slæmi leikurinn lengi. Áfram Liverpool!

    (0)
  46. 46
    Sigurjón Njarðarson

    Keane: Verður. Bara verður að fara að girða í brók.
    Youssi: Var mjög góður.
    Kuyt: Duglegur auðvitað. Ég held að hans hlutur sé vanmetinn (eins og venjulega) þegar menn hrósa Arbeloa.
    Dossena: Ef hann heldur þessu áfram er Aurelio ekkert að fara aftur í byrjunarliðið, Einfaldlega mjög góður í kvöld.
    Babel: Áður en menn fara að bölsóttast út í RB, mega menn ekki gleyma að það er hann sem sér Babel á æfingasvæðinu. Ég bara einfaldlega neita því að hann setji Ngog inn á undan honum bara út af einhverri þrjósku. ég held að hann fari í janúar.

    (0)
  47. 47
    Nonni

    mér finnst það vera hálf ógeðsleg hugsun að við gætum verið 6 stigum á undan chelsea hefðum við unnið fulham og west ham á anfield, það eru svona hlutir sem munu eyðileggja þessa titilbaráttu fyrir okkur

    (0)
  48. 48

    United hlægja alla leiðina að endamarkinu á meðan Chelsea og Liverpool heltast úr lestinni…

    (0)
  49. 49
    • Kuyt: Duglegur auðvitað. Ég held að hans hlutur sé vanmetinn (eins og venjulega)

    Nei Sigurjón, það er bara ekki hægt að tala um hans hlutur sé vanmetin, það er svo ofboðslega reynt að gera mikið úr hans hlut að það er fyndið á köflum. Í dag var hann ekki á hægri kannti þar sem hann nýtist ágætlega, hann var dýpri týpan af striker (Forward) í 4-4-2 kerfi. Keane gat ekki neitt og fékk ekki úr neinu að moða. En eins og einhver sagði þá er hann ekki Owen, hann á frekar að fá tuðruna í lappirnar. Í dag hefði ég viljað sjá hann akkurat í því hlutverki sem Kuyt var í og með einhvern fljótan upp á topp, svona til þess að einhver náið þessum sendingum sem við reynum endalaust að beita.
    Krafan um Babel er að verða þreytt lumma, en hún verður bara háværari þegar við horfum á svona leiki. Það er líka óþolandi að sjá Riera alltaf fara útaf þegar Babel kemur inná. Benayoun og Kuyt combo-ið virkar ekki og ég man varla til þess að það hafi nokkurntíma virkað, ekki frekar en 4-4-2 hjá Liverpool reyndar.

    Nr. 44. EÖE
    Það fer bara eftir því hvernig á þetta er litið. United og Chelsea eru að klúðra sínum málum þegar þau vinna ekki „stóru litlu liðin“, þau hinsvegar rúlla allajafna nokkuð sannfærandi yfir Boro, Sunderland, Fulham,STOKE og West Ham. Það hefur alltaf verið eitthvað vanmat, skortur á trú, hæfileikum eða einhverju í andskotanum hjá okkur þegar kemur að þessum litlu liðum, sem pakka í vörn. Þetta eru hræðileg töpuð stig sem tilkomin eru vegna daprar frammistöðu í hugmyndasnauðum sóknarleik, ég hefði skilið þetta betur værum við að tala um töpuð stig gegn stærri liðum eða svona one off leik eins og gegn Spurs þar sem þetta var bara klárlega ekki okkar dagur.

    Auðvitað er ánægjulegt að ná toppsætinu, en það er áhyggjuefni að nýta tækifærið ekki betur á heimavelli, við vissum stöðuna fyrir leik og „choke-uðum“ því að nokkru leiti gegn West Ham. Liðið þarf að vera mikið mun meira sannfærandi og sýna okkur að þeir geti höndlað pressuna, sem er orðin gríðarleg.
    Fyrir þá sem eru meira fyrir það að horfa á björtu hliðarnar þá er pistill Paul Tomkins frá því fyrr í dag nokkuð góður að vanda. Þó mér sé slíkur hugsunarháttur ekki efst í huga akkurat núna. Ef við verðum efstir í lok maí eftir svona frammistöðu skal ég fagna manna mest, en ég geri það sannarlega ekki í byrjun desember.

    p.s. var bara ekki búinn að lesa skýrsluna, en hún var hin fínasta hjá þér EÖE, ekki skemmtilegati leikurinn til að fjalla um :p

    (0)
  50. 50
    Þórir Eiríksson

    Alveg er það merkilegt hvað Liverpool eru hugmyndasnauðir upp við mark andstæðinganna en eru samt miklu betri en andstæðingurinn en ná ekki að vinna alveg skelfilegt en eru samt á toppnum hvað segir það okkur ? Hin liðin eru bara verri????,,,,….hvað eru þá hin liðin að gera ????

    (0)
  51. 51
    Þórhallur Jónsson

    ummæli 24. Alltaf jafn málefnalegar þegar þú geri lítið úr mér Einar minn. Vona bara að þú sofir vel í nótt.

    (0)
  52. 52
    S.Jónss

    Á hvaða ruslahaug fannst þessi Dossena? Guð minn eini jesús pétur.
    WH kom ekki á anfield til að sigra. þeir komu til að tapa ekki. ef einhverjir kunna þá list þá eru það ítalar. ég er viss um að við hefðum sigrað þennan
    leik ef hann hefði verið spilaður sl. laugardag.

    (0)
  53. 53
    Sigmar

    Ég er algjörlega sammála þessum pistli. Það er eins og að við reinum að vera jafn lélegir og hitt liðið.. eins og West Ham spiluðu hörmulega í fyrri hálfleik. við hreinlega ÁTTUM að skora. Satt hjá Einari að við spiluðum skemtilega á köflum, en samt er þetta leiðilegt. Síðustu mínúturnar bjóst ég næstum við tapi, vegna þess að það er eins og að Liverpool bara kunni ekki / geti ekki verið fremstir!
    annars, til hamingju púlarar. 1. sætið er ekki slæmt!

    (0)
  54. 54
    einsi kaldi

    Keane strákar Keane, hann verður að vera 3-4 kosturinn, Voronin er þónokkuð betri. það er bara þannig

    (0)
  55. 55
    Palli G

    Skelfilega pirrandi leikur, held að allt sem hægt sé að segja um það sé þegar komið fram hér að ofan. Jákvætt að Dossena var góður að mínu mati.

    En menn hafa hér verið að leita að einhverju varðandi þennan leik til að lýsa upp tilveru sína. Þá mæli ég með því að skoða aftur atvikið þegar Gerrard tók hann á kassann og ætlaði að smella kvikyndinu með vinstri og „greip“ í tómt og flaug svo illilega á rassgatið að annað hefur vart sést. Þá gat maður séð í hvað stefndi í sóknartilburðum okkar manna. Leikurinn var glataður en þetta var ólöglega fyndið.

    Er á meðan er, verum glaðir! Megi Liverpool sitja sem fastast þarna uppi!

    (0)
  56. 56
    Magnús Agnar

    Eftir að hafa sofið á leiknum og lesið skýrsluna hans EÖE hef ég ekkert við þennan leik að bæta. Let´s move on.

    (0)
  57. 57

    Já góð leikskýrsla hjá Einari og það þarf ekkert að ræða þetta í þaula. Ég blótaði Keane allan tíman en eftir á þá var hann ekkert að skera sig úr í slappheitum. Það vantaði einfaldlega meiri gæði og sjálfstraust (sem kemur reyndar með meiri gæðum) í þetta lið.

    Næsti leikur takk!

    (0)
  58. 58
    Stebbi

    Það er á svona stundum sem rétt er að vitna í fræg orð goðsagnarinnar Bill Shankly:

    „Ay, here we are with problems at the top of the league.“

    (0)
  59. 59
    valli

    Það verður ekki sagt annað en að þetta hafi vreið lélegur leikur af okkar hálfu, það sem mér fans einkenna þennan leik hjá Liverpool var hvað menn voru lítið á hreifingu og engin vara að hlaupa í eiðurnar og sýna sig til að skapa eitthvað. Mér er algerlega óskiljanlegt afhverju Rafa er svna lengi að koma með skiptingar og svo þegar hann kemur með skiptingu þá kemur hann með menn sem eru ekki að spila neitt og hafa ekki það sem þarf í svona leiki saman ber Ngog, og svo kemur Babel inn þegar enn minni tími er fyrir hann til að komast í takt við leikinn, bara skil þetta ekki. Við erum á topnum núna og það er núna fyrst sem við fáum að sjá úr hverju leikmenn Liverpool eru gerðir og hversu mikið þá þyrstir í að halda þessari stöðu. Varðandi að fá Owen til okkar þá held ég að það væri ekki slæmt, hann kann að skora mörk og hefur alltaf kunnað, nokkuð sem Keane er ekki að gera og maður fer að hafa verulegar áhyggjur af því hvað hann er legi að aðlagast þessu liði. Það voru tveir leikmenn sem stóðu upp úr að mér fannst, Hyppia og Dossena og þar við sat áhuginn var engin og útkoman eftir því…. Nú verðum við að snúa okkur að næsta leika og ná í þrjú stig… áfram Liverpool…

    (0)
  60. 60
    Kristinn

    Sælt verið fólkið og til hamingju með stöðuna í deildinni.

    Við erum efstir. Við erum liðið sem hin liðin þurfa að ýta úr vegi. Í dag er 2. desember. Við höfum ekki verið efstir í deildinni á þessum árstíma síðan Stan Collymore var í liðinu. Ég var 8 ára þá. Ég er tvítugur í dag.

    Það var (og er) aldrei raunhæft markmið að fara úr 4. sætinu í 1. sætið. Slíkt er einfaldlega afskaplega fátítt og hefur ekki gerst í manna minnum. Raunhæft markmið hefur alltaf verið að ná fram bætingu frá ári til árs. Hækka stigafjöldan um nokkur stig og enda í 2-3 sætinu.

    Í dag erum við með 34 stig eftir 15 leiki á meðan við vorum með 30 stig á sama tíma í fyrra. Eftir 19 umferðir í fyrra vorum við með 37 stig. Við þurfum fjögur stig í fjórum leikjum til að að bæta þann fjölda. Bætingin er umtalsverð.

    Um áramótin síðustu leit út fyrir að seinni hluti tímabilsins yrði hörð barátta við lið eins og Everton um sæti í UEFA-bikarnum. Í dag, 2. desember erum við hinsvegar efstir í deildinni.

    Á sama tíma og við höfum verið að bæta okkur hafa hin liðin verið að hiksta. Chelsea, ManUtd, og Arsenal hafa ekki verið að skila jafn mörgum stigum í hús og þau hafa verið að gera seinustu árin.

    Við hinsvegar, höfum skila fleiri stigum í hús, þrátt fyrir meiðsli lykilmanna og allir sjái að við eigum mikið inni. Það er eitt af einkennum liða Rafael Benitez að þau standa sig betur seinni hluta tímabils en þann fyrri. Þegar endanleg staða og stigafjöldi Liverpool í deildinni síðustu ára er skoðaður skal hafa það í huga að á vormánuðum hefur liðið yfirleitt verið langt komið í meistaradeild á meðan það hefur ekki haft að neinu að keppa í deildinni. Notaðir hafa verið fringe players í lokaleikjum deildarinnar. Liðið hefur tapað stigum, sem ólíklegt er að hefðu tapast hefði liðið haft einhverju að keppa.

    Mér hefur aldrei liðið jafn vel yfir Liverpool-leik þennan veturinn og yfir Tottenham-leiknum. Mjög góður leikur. Við með yfirhöndina, 1-0 yfir. Þriggja stiga forskot á toppi deildarinnar í augsýn og stuðningsmennirnir syngjandi ,,We’ll be coming, we’ll be coming, we’ll be coming down the road allan leikinn. Síðan gerðist það, við fengum ekki bara á okkur eitt mark heldur tvö og toppsætið horfið úr augsýn.

    Frá þeim degi var ég svartsýnn. 1. sætinu fylgir nefnilega sálfræðilegt forskot og sjálftraust sem slæmt er að missa.

    Ég var svartsýnn að við næðum því aftur. En ef við myndum ná því aftur, myndum við ekki gera sömu mistök og gegn Tottenham.

    Eftir að Chelsea tapaði sínum stigum á sunnudaginn, var mér skítsama þó við myndum pakkka rútunni inn í teignum og hanga á jafnteflinu í West Ham leiknum. Það að komast upp í efsta sætið var vítal. Alveg ótrúlega mikilvægt. Ef við hefðum klúðrað þessu, þá væri ég svartsýnn. Þetta var kannski ekki glæsilegt en við stóðumst prófið og við erum í efsta sætinu í dag.

    Við höfum komist þangað með herkjum. Tveir markalausir jafnteflisleikir á heimavelli gegn liðum í neðri hlutanum. Svo við tölum nú ekki um alla seinustumínútu sigrana, Stóke-jafnteflið og Tottenham tapið þar á undan, En við erum komnir þangað, og eigum það skilið því við höfum staðið okkur betur en hin liðin.

    Jújú, vissulega væri það yndislegt að ef við hefðum unnið Fulham og West Ham, Gerrard aukaspyrnan hefði verið tekin gild gegn Stók og við hefðum unnið 7-0 og Tottenham leikurinn hefði verið flautaður af í hálfleik. En ég væri samt ekki tilbúin að skipta á því og 1. sætinu. Gerum okkur grein fyrir því, að við höldum með liði sem hefur ekki verið á þessum slóðum á þessum árstíma í 12 ár og njótum þess.

    Þessi kafl sem við erum í núna, frá Tottenham leiknum og fram að Arsenal leiknum, er erfiður, hefur verið það og mun vera það áfram. Það hefur legið fyrir síðan snemma í haust að vandamálið okkar þessi misserin væri að brjóta niður smærri liðin – sérstaklega á heimavelli. Ég hugsaði með mér að ef við kæmumst í gegnum þennan kafla klakklaust, værum við í góðum málum. Það kom mér ekki á óvart að við myndum tapa stigum í þessum kafla en að við myndum tapa fjórum stigum og samt vera á toppnum 2. des, því hefði ég ekki búist við.

    Það hefur komið á daginn, en það þýðir ekkert að æsa sig yfir því. Þú vinnur ekki titilin gegn smáliðum en þú getur tapað honum.

    Kosturinn við stórlið eins og Liverpool er sá að slæmu kaflarnir eru yfirleitt stuttir, og á eftir slæmu köflunum kemur asskoti góður kafli. Að enda slæman kafla í efsta sætinu er einfaldlega draumi líkast.
    Ég tel það ansi ólíklegt að við munum missa stig þriðja leikinn í röð. Ég er bjartsýnn fyrir Blackburn-leikinn. Sama má segja um Hull leikinn.

    Staðreyndin er einfaldlega sú að það er ólíklegt að við séum að fara að misstíga okkur frekar alveg á næstunni og það er ólíklegt að forystuna munum við láta af hendi í næstu leikjum. Það var fínt að stigamissirin skyldi koma núna. Efsta sætið og sá léttir sem fylgir því að vera þar, skyggir á stigamissinn. Það væri verra ef jafnteflið myndi koma um næsta helgi. Þá myndi hrikta í og forystan sem hefið unnist þessa helgina væri unnin fyrir gíg.

    Stærsta spurningin þessi misserin sem ég tíminn er enn að leiða í ljós er, hvernig verður staða okkar þegar við förum inn í Arsenal-leikinn? Verðum við búnir að tapa svo mörgum aumingjastigum að allt verður farið til andskotans eða verðum við bara búnir að tapa hæfilega mörgum aumingjastigum? Verðum við nokkuð búnir að missa af lestinni?

    Við vitum það að við munum mæta spólgraðir í þennan Arsenal-leik. Okkar menn eru með sjálfstraustið í botni gegn stórliðinum eftir glæsilega sigra gegn Chelsea og Man.Utd. Mig hlakkar til. Að fara inn í slíka leik á þessum árstíma – eigandi minnsta séns á titli er eitthvað sem við höfum vart átt að venjast seinustu árin. Ó, hve rosalega verður það skemmtilegt. Staða okkur gæti jafnvel verið orðið svo góð að við hefðum efni á tapi í þeim leik án þess að titilvonir myndu klúðrast.

    En þegar allt er tekið saman. Þá eru titilvonir óraunhæfar. Úr fjórða sætinu í það Fyrsta væri einfaldlega of stórt stökk. 2-3 sæti og 80-85 stig væri mikil framför. Staðan í dag er hinsvegar mikið betri. Miðað við áframhaldandi stigasöfnun stefnum við á 86 stig. Sem væri langbesti árangur okkar í 20+ ár á sama tíma og deildin virðist vera jafnari, liðin að tína stig hvert af öðru og færri stig munu ef til vill þurfa til að tryggja titilinn. Ef við bætum síðan inn í jöfnuna beittari Liverpool liði á seinni hlutanum (eins og Benitez leggur upp með), og jafnvel heilum Torres að auki, þá eru hlutirnir bara helvíti flottir.
    Eins og þetta lítur út fyrir mér, þá getum við leyft okkur stórfenglegt klúður án þess að tímabilið fari í fokk.

    En þessa vikuna erum við í efsta sæti. Það gætu verið 12 ár í næstu. Njótið!

    Btw. Þá er ég sár og hneykslaður yfir því að telja mig knúinn að rita hér varnarorð þegar við erum efstir í deildinni.

    (0)
  61. 61
    Magnús Ólafsson

    Ef að þessi jafnteflishrina heldur áfram á heimavelli, þá getum við gleymt einhverjum titlum.
    Þvílíkt metnaðarleysi hjá liðinu!!!!!!!!!!!!!!!!!!!!!!

    (0)
  62. 62
    Rúnar Geir

    Það getur verið varasamt að tapa sér í tölfræði þegar svona stutt er liðið af tímabilinu, en það eru þó 15 leikir búnir af 38. Það er 40% og því óhætt að athuga hversu mörgum stigum meistar fyrri ára hafa verið að tapa.
    00/01 til 07/08 = 34, 27, 31, 24, 19, 23, 25, 27 stig
    Við erum þegar búnir að tapa 11 stigum. Ef tímabilið þróast á sama hátt til enda (þá yrðum við reyndar meistarar 2 stigum á undan chelsea og Torres meiddur 80% tímans) þá myndum við tapa 28 stigum en það hefur aðeins dugað 2 meisturum síðan 2001.
    Það vill reyndar til að manutd byrjaði illa (eins og í fyrra…. ehemmm), Arsenal er nánast úr leik og Chelsea hefur ekki byrjað eins illa síðan rússinn keypti liðið.

    (0)
  63. 63

    Ég hreinlega hneigi mig fyrir þessu innleggi frá Kristni, virkilega þarft innlegg í umræðuna.

    Ég var svo hrikalega hundsvekktur í leikslok í gær að ég fæ því ekki lýst með orðum. Eins og vanalega þegar ég er pirraður eftir Liverpool leiki, þá sleppi ég því algjörlega að lesa spjallsíður og blogg, og ég gerði enga breytingu þar á í gærkvöldi. Ég er alltaf jafn ánægður með þessa ákvörðun :)

    Við ræddum það fram og aftur á Players í gær að liðið var ekki að leika mjög illa, mun mun betur en gegn Fulham og er ég algjörlega sammála Einari Erni með það. Við nýttum samt ekki færin og Robert Green átti klassadag í markinu. Ég skil til dæmis aldrei svona komment eins og góður félagi minn Babu setti inn:

    Babel hefur nú bara ekki gert neitt til að réttlæta að fá ekki tækifæri frammi í byrjunarliði, að halda öðru fram eftir sýningu eins og við fengum i kvöld finnst mér fáránlegt. Hann, á þessum allt of stuta tíma sem hann fékk “í rangri stöðu”, var mun nærri því að klára þennan leik heldur en Kuyt, Keane og Benayoun samanlagt allan leikinn

    Mér finnst menn tapa sér ansi hressilega þegar á móti blæs og úrslitin ekki rétt. Benayoun átti til dæmis frábært skot og einungis stórbrotin varsla Green kom í veg fyrir að við kæmumst yfir þar. Þá hefði væntanlega allt annað hljóð komið frá okkur. Kuyt kom sér einnig í tvígang í fín færi en Green náði að verja í bæði skiptin. Ég er aftur á móti sammála með Keane, hans framlag var ekki upp á marga fiska.

    Ég er jafnframt sammála því að Dossena átti fínan dag. Var traustur varnarlega (reyndi reyndar ekki mikið á hann þar) og var að koma með fína krossa fyrir markið og tók virkan og góðan þátt í spili. Menn gagnrýna Kuyt mjög fyrir sína frammistöðu, hann var mikið í boltanum, var að skila honum vel frá sér og meira að segja voru móttökurnar fínar líka. Hann kom sér í færi og átti sendingar á menn sem hefðu átt að skila meiru. Ég er ekki að segja að hann hafi átt stjörnuleik, en hann var alls ekki slakur. Benayoun fannst mér bara sæmilega sprækur líka. Riera átti síðan einn sinn slakasta dag frá því að hann kom og ég var búinn að kommenta á Keane. Stevie var svo ekki með sjálfum sér, skotfóturinn ekki á og á hann mikið inni. Við vitum öll hvað hann getur á normal degi.

    Heilt yfir þá sundurspiluðum við West Ham. Við skoruðum ekki, en náðum að skapa okkur fín færi sem við nýttum ekki. Auðvitað hefðum við mátt skapa okkur fleiri slík, en miðað við hversu rosalega WH pakkaði fyrir aftan miðju, þá verður alltaf minna um færi og því verður að nýta þau sem gefast. Það gerðum við ekki og því fór sem fór.

    Varðandi Babel, þá væri ég alveg til í að sjá meira af honum. En halda menn virkilega að Rafa haldi honum fyrir utan liðið af því að hann sé svo þrjóskur? Gæti það eitthvað haft með að gera hvernig hann er að acta á æfingum eða fyrir utan leikina sjálfa? Sjálfum finnst mér hann ekki vera sannfærandi þegar hann hefur fengið tækifærin, en veit jafnframt að það býr mikið í honum. Ég veit aftur á móti ekki hvort hausinn sé í lagi þar á bæ, það vita menn sem umgangast hann daglega. Ég yrði afar kátur með að sjá hann í fremstu víglínu í stað Robbie í næsta leik, svo mikið er víst.

    Heilt yfir fannst mér liðsuppstillingin í fínu lagi, Rafa gerði það sem maður var að vonast eftir, taka Javier út þar sem engin þörf er á tveim defensive á miðjuna gegn svona liðum á Anfield. Hann var með marga sókndjarfa leikmenn inna sem eiga að geta klárað svona leiki. Það tókst ekki því menn nýttu ekki færin. Þessi leikur hefði alveg getað endað 4-1, en hann gerði það ekki. Það er svo stutt á milli hláturs og gráturs í þessu. Ein aðeins betri snerting á boltann og vollahhh.

    Efsta sætið, og ég ætla að njóta þess :)

    (0)
  64. 64

    Mjög mjög öflugt innlegg hjá Kristni, meira svona.

    Það er auðvitað ágætt að líta á hlutina í samhengi þegar líður á vikuna og fagna því að vera á toppnum. Það breytir því ekkert að maður má líka alveg vera pirraður yfir því að vinna ekki lið sem við yfirspilum.

    Ég er reyndar á móti því að það sé of stórt stökk að fara úr 4.sæti í það fyrsta á einu tímabili. Þeir sem trúa því ná því samt aldrei nokkurntíma. Það var t.d. ekki séns í helvíti að vinna stórveldið AC Milan eftir að hafa verið 3-0 undir í hálfleik!!
    Ef ég man þetta rétt vorum við einhverjum 11 stigum á eftir toppliði United í fyrra. Stigum sem við ættum að vera nú þegar búnir að vinna mikið til upp með sigrum á Chelsea og United sem við tókum ekki í fyrra. 11 stiga sveifla milli tímabila er síður en svo einstkt, langt í frá. Ef þetta hefur ekki gerst á toppnum áður þá er Liverpool alveg tilvalið til þess að byrja á því. Ég hef alveg trú á því að þeir geti einmitt gert það.

    • Mér finnst menn tapa sér ansi hressilega þegar á móti blæs og úrslitin ekki rétt. Benayoun átti til dæmis frábært skot og einungis stórbrotin varsla Green kom í veg fyrir að við kæmumst yfir þar. Þá hefði væntanlega allt annað hljóð komið frá okkur. Kuyt kom sér einnig í tvígang í fín færi en Green náði að verja í bæði skiptin. Ég er aftur á móti sammála með Keane, hans framlag var ekki upp á marga fiska.

    Skil svosem alveg hvað þú ert að fara Steini, málið hjá mér er bara að ég er orðinn svo langþreyttur á gjörsamlega hugmyndasnauðum sóknarleik þegar þeir fóstbræður Kuyt og Benayoun sjá um aðalhlutverkin að ég nennti ekki að tala undir rós með mína skoðun í gær og „tapaði mér því gjörsamlega“. Eitthvað sem ég hef stundum gert til að koma í veg fyrir að sandkassaleik þar sem maður er sakaður um persónulegt hatur á þessum mönnum. Ekki misskilja sem svo að ég hafi verið eitthvað sáttur við Riera og Keane.
    Hávær hróp á að Babel eigi að fá séns eru að mínu mati tilkomin vegna þess að hann er fyrir það fyrsta oft að sína glimpse af hæfileikum og krafti sem mjög margir væru til í að sjá á kostnað nokkura mínútna frá Kuyt, Keane, Benayoun og hvað þá N´gog. Leikmenn eins og Kuyt og Benayoun fá spila framarlega á vellinum og fá því alltaf sinn skerf af færum og jafnvel, þegar vel liggur á þeim þá nýta þeir þau. En mér finnst við grunsamlega oft vera að röfla yfir þessum færum sem þeir klikkuðu og afar oft að tala um þessi færi sem þeir komu sér í en aðeins stórbrotin markvarsla kom í veg fyrir. Ég er allavega á þeirri skoðun að maður eins og Babel gæti komið sér mikið oftar í hættuleg færi fengi hann til þess sömu tækifæri, líklega verður þeirri skoðun minni ekki breytt fyrr en annað hefur verið sannað. Þá er ég að meina nokkra sénsa, ekki einn leik í byrjunarliði, útaf á 65.mín og svo aftur á bekkinn í næsta leik.

    Hvaða ástæður Rafa hefur fyrir fjarveru Babel veit ég ekki, hann hefur ekki útskýrt þær og þvert á móti sagt að hann komi til með að fá séns. Hann sé að æfa vel og sé viljugur. Keane hefur ekki getað blautan í mörgum leikjum og varla sést, en ég vil gefa honum mun meiri séns og þá helst í þerri stöðu sem Kuyt spilaði í gær, fyrst við ætlum að rembast við þetta 4-4-2 kerfi.

    (0)
  65. 65
    Halldór

    Ömurlegt að geta ekki skorað á heimavelli tvo deildarleiki í röð.

    Torres hefur spilað 6 deildarleiki, skorað 5 mörk. Keane hefur spilað 13 deildarleiki, skorað 2 mörk (bæði á móti West Brom, óumdeilanlega langlélegasta liði deildarinnar). I rest my case

    (0)
  66. 66
    Stefán Kr

    Kristinn, ég var tvítugur síðast þegar við vorum efstir í deildinni og Stan “the man” Collymore spilaði með liðinu. Einu skemmtilegasta Liverpool liði fyrr og síðar. Liði sem hélt boltanum best innan allra liða í deildinni, en liði sem líkt og í dag gekk oft erfiðlega að brjóta niður varnir andstæðinga sinna og klára leikina. Þetta hefur reyndar verið akkilesarhæll liðsins síðustu ár. Okkur hefur skort festu og stöðugleika. Góður sigur á sterku liði í deildinni og svo jafntefli á móti Wigan eða Fulham. Ekki líklegt til þess að skila titli, eða hvað?
    Ég sagði líkt og Ian Rush fyrir tímabilið og segi enn, að Liverpool verður að gera atlögu að titlinum í ár. Benitez hefur lokið þróunarvinnunni og nú er kominn tími á að hann stefni á titilinn. Það er alveg hægt að fara í e-n stigaleik að hætti Reynis Péturs til að finna út ásættanlega bætingu á milli ára eða jákvæða þróun. Staðreyndin er hinsvegar sú að sigurvegarar hugsa ekki um bætingu á milli ára, þeir hugsa um titilinn. Það er hugarfarið sem leikmenn, þjálfarar og stuðningsmenn klúbbsins ættu að hafa, það er hugarfarið sem skilar meistartitli. Sama hvað sagan segir okkur. Sögunni er breytt til þess að vera skrifuð aftur. Eða kannski er ég bara orðinn svona gamall og óþolinmóður?

    (0)
  67. 67

    Ég hef kannski tjáð mig of mikið um West Ham leikinn

    Líklega hefði bara dugað að láta Gerrard lýsa þessum leik fyrir mig ;)

    Eins og maður segir, þetta gæti komið upp á næstu æfingu, hann er ní einu sinni í hóp með Carra og fleiri slíkum!

    (0)
  68. 68
    Sölvi

    Ég blæs nú á að þetta langa innlegg Kristins hafi verið mjög þarf og gott.

    Ég er ansi hræddur um að Rafa hafi fengið nógu langan tíma (5ár) til að gera atlögu að 1.sætinu. Að þeim tíma liðnum á hópurinn að vera orðinn fullmótaður. Sjálfur útilokaði hann ekki á fyrsta árinu að Liverpool ætti séns á titlinum.

    Jújú hann hefur fengið mikið mótlæti frá yfirstjórninni og ekki alltaf getað keypt þá leikmenn sem hann langaði í. Hann hinsvegar tók ákvörðun um kaup á Keane og Dossena í sumar. Leikmenn sem áttu að styrkja sóknarleikinn og gera okkur að meistaraliði. Keane virkar „out of his element“ og Dossena er einfaldlega hræðilegur varnarlega og stöðugt hlaupandi útúr stöðu. Gæti nefnt fleiri leikmenn sem hann kaupir eins og Babel sem hafa valdið miklum vonbrigðum.

    Liðið er hrikalega vel skipulagt varnarlega en hugsunin í sóknarleiknum virðist fullkomlega engin. Tilviljanakennt kaos. Það hefur einmitt verið aðalmerki Chelsea og Man Utd undanfarin ár að þau hafa skilvirkan sóknarleik sem klára þessa leiki gegn liðum í 10-20 sæti. 85-90%, sérstaklega á heimavelli. ÞANNIG VINNA LIÐ ENSKA MEISTARATITILINN.
    Það sem heldur okkur í toppbaráttunni eru sigrarnir gegn Chelsea og Man Utd og nokkrir comeback-sigrar gegn miðlungsliðum.

    Við skulum heldur ekki gleyma því að Rafa hefur verið að spila mjög mikið á aðalliðinu framan af sem hefur kostað meiðsli hjá lykilmönnum. Við vitum ekkert nema Torres sé að fara lenda í þrálátum álagsmeiðslum á læri o.s.frv.
    Þessi rök um að lið undir stjórn Rafa spili alltaf betur seinni hluta tímabils eru því ekki haldbær í ár. Við höfum klúðrað af einstökum aulaskap heilum 6 stigum á heimavelli gegn Stoke, Fulham og West Ham. Að liðið geti ekki skorað mörk gegn þessum liðum á Anfield er óafsakanlegt. Ættum að vera með 7 stiga forskot, forskot sem gæfi okkur yfirburða sálfræðilegt tak á öðrum liðum í deildinni.

    Ég er nokkuð viss að Liverpool vinnur ekki aftur báða leikina gegn Chelsea og Man Utd eftir áramót. Við munum einnig halda áfram að hökta gegn minni liðum í deildinni og munum tapa einhverjum af þessum leikjum (Wigan, Man City o.fl.) þar sem við erum manni fleiri að vinna upp forskot. Við munum fá brottrekstra á okkur fyrr eða síðar og missa stig eftir áramót helgina eftir Meistaradeildarleiki.

    Ef við vinnum á útivelli gegn Arsenal og fáum sömu heimsklassa samvinnu milli Torres og Gerrard og var síðasta tímabil eigum við séns á titlinum. Einnig bara verða Skrtel, Riera, Kuyt, Babel o.fl. að koma mun sterkari tilbaka eftir áramót. Svo þurfum við að kaupa 1 góðan leikmann í janúarglugganum. Helst Targer-Striker.
    Við þurfum líka afburða frammistöðu frá 1-2 fringe leikmönnum og að hryggsúlan í liðinu haldist heil spilandi á fullum dampi eftir áramót. Annars sígum við niður töluna í baráttu við Arsenal um 3.sætið.

    Mér finnst ég sjá merki þess að það skortir ákveðin gæði í leik Liverpool og liðið vinni í mesta lagi FA eða deildarbikarinn í ár nema stórkostlega breytingar komi til. Bara raunsæi því miður.

    (0)
  69. 69
    Óskar Barnes

    Sammála Stefáni Kr. nr. 66, eins og talað úr mínu hjarta. Hugarfarið skiptir ótrúlega miklu máli í íþróttum.

    (0)
  70. 70
    Sigkarl

    Sælir félagar
    Sæll Sölvi #68. Mjög gott innlegg og sparaði mér skriftir ;-)
    Það er nú þannig

    YNWA

    (0)
  71. 71

    Sölvi, vá.

    Nei, bara, VÁ.

    Það er annar desember, liðið er í FYRSTA SÆTI Úrvalsdeildarinnar, hefur tapað fæstum leikjum og stigum allra toppliðanna, og þú kemur hér inn og nánast skrifar minningargrein um stjórnartíð Rafa, eins og það sé bara spurning um daga eða vikur hvenær hann verði látinn fara.

    Ég er orðlaus. Þetta er örugglega heimsmet í bölsýni. Til hamingju með það.

    (0)
  72. 72
    Benni Jón

    Algjörlega sammála Sölva, frábær pistill í alla staði…

    …fyrir utan Babel þáttinn. Eina sem hefur valdið vonbrigðum með Babel er ákvörðun Rafa um að eyðileggja hann sem leikmann. Ég ætla nú bara að gerast svo grófur og nota orð Babel: „You get better and develop when you play. On the bench, nothing happens“.

    Menn verða að átta sig á að þó við séum efstir þá er ekkert þar með sagt að allt sé í blóma. Menn verða líka að átta sig á að þó menn gagnrýni liðið og Rafa er algjör óþarfi og bara argasti dónaskapur að kalla þá bölsýnismenn eða eitthvað þaðan af verra.

    Réttara orð væri raunsægismenn og ætla ég að geta mér þess til að Kristján Atli hafi meint það.

    (0)
  73. 73
    IngiB

    Ég get ekki annað en endurtekið kröfu mína að fá að sjá Daniel Pacheco fá sénsinn, ég sé bara ekki hverju við höfum að tapa. Þegar aðrir standa sig ekki, eiga einmitt ungu mennirnir okkar að fá sénsinn. Ég vil ekki að Rafa rjúki á markaðinn og kaupi einhvern miðlungs framherja á 6 millur eða eitthvað…meðan að ungu mennirnir bíða eftir tækifærinu. Ef ungir leikmenn geta spilað fyrir Arsenal, afhverju ekki Liverpool líka. Þetta er jú sama deildin. Ég er ekki endilega að tala um byrjunaliðs sæti fyrir kauða, bara koma inná af varamannabekknum. ……Annars er ég heilt yfir ánægður með topp sætið í deildinni(skil ekki hvernig er hægt að vera annað). Mörkin fara að koma, sanniði til……

    (0)
  74. 74
    Kristinn

    Árið 1996 var merkilegt ár.
    Tölvur voru ennþá risastórir gráir kassar. Örfáa Liverpool-leiki sá maður á ári. Úrslit leikja og markaskorar sá maður í mogganum daginn eftir. Vigdís Finnbogadóttir lét af embætti forseta Íslands, John Major var forsætisráðherra Bretlands. Rafa Benitez var rekinn sem knattspyrnustjóri 2. deildarliðsins Osasuna eftir aðeins einn sigur í 9 leikjum á meðan Fernando Torres fagnaði 12 ára afmælinu sínu. Unga kynslóðin hjá Manchester United leikur við hvurn sinn fingur, Paul Scholes og David Beckham slógu í gegn ungir að árum. Liverpool liðið spilaði leikkerfið 5-3-2 með Mark Wright, John Barnes og Robbie Fowler sem hryggjarsúlu liðsins. Liðið er á toppi ensku úrvalsdeildarinnar í desember, ekki síst vegna frammistöðu manna eins og Stig Inge Björnebye og Stan Collymore.

    Það var einn soldið skrýtinn kall sem bjó í blokkinni minni á þetta árið. Hann fylgdist vel með boltanum, en hélt með United. Eitt sinn þegar ég var að leika mér á ganginum dimman desemberdag árið 1996 opnaði hann hurðina og sagði:

    ,,Hahahaha! Liverpool mun aldrei aftur komast í toppsæti ensku úrvalsdeildarinnar þegar þetta langt er liðið á leikímabilið! Hahaha!
    Áður en það mun gerast munu hlutabréfamarkaðir fyllast oftrú á tölvufyrirtækjum áður en þau munu hríðfalla í verði aftur. Grikkir munu verða evrópumeistarar í knattspyrnu og tæknilegur ráðgjafi Frakka verður ráðin knattspyrnustjóri Liverpool. Á Íslandi munu bankar verða einkavæddir og hér mun hefjast góðæri. Öll þjóðin mun drekkja sér í plasma-skjám og yfirdráttarheimildum og telja sig stórustu þjóð í heimi, allt þangað til hún fer á hausinn aftur.

    Áður en Liverpool mun komast á toppinn aftur í desember mun Ólafur Ragnar Grímsson eignast nýja forsetafrú frá Ísrael sem myndir prýða munu öll fínustu slúðurblöð Bretlandseyja. Íslenska landsliðið í handbolta mun komast í úrslit á ólympíuleikum. Rússneskur auðkýfingur mun kaupa Chelsea og gera það að besta liðinu á Englandi, Manchester United verður búið að vinna 7 enska meistaratitla til viðbótar, Liverpool verður búið að selja Robbie Fowler og kaupa hann aftur, Gary McAllister mun tryggja ykkur sigur gegn Everton á 93. mínútu á Goodison Park, þjálfarin sem í seinustu viku var verið að reka frá spænsku 2. deildarliði verður ráðinn til Liverpool.

    Áður en það gerist munu Tölvur verða á hverju einasta heimil – jafnstórar og stílabók. Í gegnum þær getur þú ferðast í gegnum svokallað internet. Fjórðu deildarliðið Wigan Athletic mun vinna sig upp í úrvalsdeild og Leeds mun komast í undanúrslit meistaradeildarinnar áður en það verður gjaldþrota og fellur í 3. deild.

    Áður en það mun gerast mun Björgólfur Guðmundsson, formaður knattspyrnudeildar KR kaupa West Ham United og Amerískir hafnaboltaeigendur munu kaupa Liverpool og Manchester United.

    Áður en Liverpool kemst aftur á toppinn mun liðið tvisvar keppa til úrslita í meistaradeildinni. Í bæði skiptin gegn AC Milan. Það mun lenda undir í bæði skiptin. Það mun tapa öðrum leiknum en hinn leikin munu þeir vinna í vítaspyrnukeppni eftir að hafa verið 3-0 undir í hálfleik. Meira að segja KR mun verða Íslandsmeistari áður en Liverpool kemst aftur á toppinn í desember! Hahahaha!“

    Njótið vikunnar kæru vinir.

    (0)
  75. 75

    Þetta (nr 74) er besta komment, sem ég hef lesið í langan, langan tíma Kristinn. Takk kærlega! :)

    (0)
  76. 76

    Snilld Kristinn. Lyftir kommentakerfinu á annað plan.

    Verst að þessi framsýni nágranni þinn hafi ekki sagt þetta í lok maí og það sé verið að stinga upp í hann þá líkt og gert er núna. ;)

    (0)
  77. 77
    Hafliði

    Ég gef mér að það sami Kristinn sem skrifar bæði komment #60 og svo #74.
    Vil bara segja að það er sjaldgæft að lesa 2 svona vel orðuð innlegg við sömu færsluna og hvað þá frá einum og sama pennanum :)
    Vel gert.

    (0)
  78. 78
    Lolli

    Komment 74 getur ekki valdið öðru en stóru brosi. Gleðilegan desember Kristinn!

    (0)
  79. 79
    arnbjörn

    Betur má ef duga skal – maður vonaðist eftir tímabili þar sem LFC leiðir örugglega. En þetta er svo sannarlega betra en síðustu ár.

    Væri áhugavert að fá smá samantekt á athugasemd KAR nr 25 – hvað erum við með mörg stig samaborið við sama leikjavjölda í fyrra, og sama fyrir hin efstu liðin. Liðin í deildinni virðast líka vera jafnari í styrkleika en oft áður, stigataflan bendir allavega til þess.

    Keane er varla 10 milljóna punda virði og vildi gjarnan sjá Babel í byrjunarliðinu. Verð því miður að hallast að þeirri athugasemd hér að ofan að Babel hefur hríðversnað á bekknum – það var allt önnur sjón að sjá hann í fyrra.

    Rafa fær punkt í kladdann fyrir að stilla upp nánast sínu sterkasta liði í gær.

    Góðar stundir.

    (0)
  80. 80
    Árni Jón

    Það er oft gott að taka dissið á þetta, þ.e.a.s. vera ekki að búa til geðvonskublogg rétt eftir leik.
    Samt þreytandi svona leikir og mjög frústrerandi að enda 0-0 með 25 misgáfuleg skot, 68% ball possession o.fl.
    Svo verður maður að gera sér grein fyrir því að enginn af leikmönnunum eða Rafa bað um svona leik og svona úrslit. Það er nú bara þannig. Hamrarnir komu með það eitt í huga, að verjast og það tókst. Rafa þarf að hugsa betur um það að draga liðið til baka, til að toga mótherjana fram i svona stöðu. Það er fjandi erfitt með 5 varnarmenn í teignum, og 3 fyrir utan boxið að koma blöðrunni inn.

    En núna 3 desember er staðan jafn góð og á mánudaginn, einir á toppnum, sem er frábært. Merkilegt samt, sem segir manni að hin liðin eru líka að gera í brók reglulega. Það er nú það sem gerir leikinn skemmtilegan.

    (0)
  81. 81
    Arnar Ó

    Mér finnst nú bara fínt að vera í efsta sæti og eiga samt fullt inni. Það segir ansi margt.

    (0)
  82. 82
    Jón

    Þetta var góður leikur NEMA við getum bara klárlega ekki skorað..!
    Ngog.. mer fannst hann gera meira en Keane allaveganna
    Keane þarf að fara skora nú!
    Og Torres hætta að meiðast.. Hahaha Gerrard hitti ekki boltann einu sinni og það kemur POTTÞÉTT inná youtube sem Blooper Gerrard hahaha
    En 1st er bara fínt en það eru allaveganna 6 stig sem við erum búinn að missa við kúkalið.

    (0)