Joey er BARA SNILLINGUR

Í þunglyndi dauðans eftir hörmungar gærdagsins, þá er alltaf hægt að sjá ljós við enda ganganna. Ég var lengi að velta því fyrir mér hvort ég ætti að leyfa mér þann munað að tjá mig um málið opinberlega, og ég komst mjög fljótlega að þeirri niðurstöðu að allir punktar sem gerðu það að verkum að lundin myndi léttast, ættu hreinlega að fara á prent. Hvað er ég að tala um? Jú, ég er að staðfesta það endanlega að JOEY BARTON ER BARA SNILLINGUR. Mér er nokk sama þótt einhverjum þyki þetta ekki siðferðislega rétt að hampa mönnum fyrir svona lagað, en vitið þið hvað? Mér er nákvæmlega sama.

Stuðningsmenn Everton fengu að sjá hans bestu hliðar í gær: Joey, þú ert hetja.

Ok, eftir þessa litlu sólarglætu þá er ég aftur farinn í felur og ætla að halda áfram að bölva og ragna öllu því sem snýr að fótbolta og þá sérstaklega gjörsamlega vanhæfum blindum línuvörðum sem héldu virkilega að 15 sekúndna frægð myndi færa þeim jákvæða hluti. Piff, piff, piff.

P.S. Joey Barton þú ert Snillingur.