Search

Menu
Search

Latest stories

  • Steingeld miðja Liverpool

    24 Comments

    Það hefur legið fyrir í langan tíma að mesta svigrúm til bætinga í liði Liverpool er á miðjunni og leikaðferð Klopp gerir það hlutverk hvað erfiðast að fylla í liðinu. Naby Keita og Fabinho komu sumarið 2018 fyrir samtals um €100m. Ox kom sumarið áður fyrir €35m. Ágætis taktur í þeirri endurnýjun en síðan þá hefur Liverpool varla sett nokkurn pening í þessa stöðu vallarins þrátt fyrir að glíma við viðvarandi endalaus meiðsli Ox og Keita.

    Ótrúlegt en satt þá hjálpaði ekkert að láta áreiðanlegasta miðjumanninn (Wijnaldum) fara þó að Thiago fyrir €22m séu sannarlega góð kaup og auðvitað tombóluverð fyrir slíkan leikmann. Vandamálið er að hann hefur alla tíð verið meiðslagjarn og frá því hann kom til Liverpool hefur hann spilað 54% deildarleikja fyrsta tímabilið, 45% á síðasta tímabili og 51% af þessu tímabili.

    Liverpool þarf að hætta að reiða sig endalaust á þessa leikmenn sem geta ekki spilað nema helminginn af leikjunum. Ox og Keita ná því nota bene ekki nærri því samanlagt. Vonarstjarnan Curtis Jones hefur verið í nákvæmlega sama meiðslaflokki og Keita og Ox undanfarin ár. Liverpool verður að vera miklu meira brutal gagnvart svona leikmönnum.

    (more…)

  • 3-1 Sigur á Southampton! (skýrsla uppfærð)

    24 Comments

    Það var ekki hægt að kvarta yfir að leikur Liverpool og Southampton á Anfield færi hægt af stað. Eftir aðeins þrjár mínútur var fyrsta gula spjaldið komið á Duje Caleta-Car fyrir brot á Salah og bakverðir Liverpool stóðu yfir boltanum. Trent Alexander skokaði yfir boltann og Andy Robertson þrumaði fastri fyrirgjöf inn í teig. Þar reis Roberto Firmino upp eins fuglinn Fönix, með bakið í markið og skallaði boltann listilega yfir alla leikmannahrúguna og í fjær hornið. Greyið markmaður Southampton átti aldrei séns og þurfti að horfa á eftir boltanum í netið. Anfield sprakk úr gleði og Si Senhor ómaði um allan völl.

    Því miður endist ekki þessi algleymingur. Nokkrum mínútum seinna fengu Southampton aukaspyrnu. James Ward-Prowse sendi boltann rétt fyrir aftan háa varnarlínu Liverpool. Rétt á milli Joe Gomez, Virgil Van Dijk og Alisson. Þar náði Che Adams að lauma sér og skallið yfir Alisson og jafnaði leikinn. Tíu mínútur og klukkunni, gult og tvö mörk komin. Myndavélarnar klipptu á áhyggjufullan Jurgen Klopp í forstjóra boxinu.

    Eftir þetta gengu leikmenn Liverpool fagmannlega til verks og hægt og rólega tóku öll völd á vellinum. Salah hefði átt að koma okkur fyrir eftir korter, en bölvaður Bazunu varð frábærlega. En eftir tuttugu mínútna leik bar pressan árangur. Eftir að Salah mistókst að skora mistókst Southampton að hreins boltann, Bobby gerði sig líklegan til að taka til sín knöttinn en ungstirnið Elliot tók snertingu, leit upp og vippaði yfir teiginn á Darwin Nunez. Úrúgvæinn knái skaut í fyrsta lúmskur skoti framhjá markmanninum og í fjærhornið. Gullfallegt mark og hann var ekki búin ennþá!

    Samspilið fyrir þriðja mark Liverpool hefði ekki getað verið mikið einfaldara. Thiago sendir boltann á Firmino sem tekur eftir að Andy Robertson er að hefja sprett. Brassinn sendi bolta í hlaupaleið Robbo sem negldi fastri og lágri fyrirgjöf í hlaupaleið Darwin Nunez sem aftur slúttaði í fyrsta og staðann orðin 3-1 fyrir Liverpool. Með þessari stoðsendingu jafnaði Robbo met Leighton Baines fyrir flestar stoðsendingar varnarmanns, þó manni gruni einhvernvegin að samherji Robertson í hinum bakverðinum muni hirða það met á endanum…

    Seinni hálfleikur.

    Það var ekki hægt að kvarta yfir að seinni hálfleikur byrjaði og líflega. Okkar menn voru ekki í sama takt og í lok seinni hálfleiks og suðurstrendingar voru bara ekki í neinum takt. Þjálfa Southampton tókst þó að breyta þessu jafnvægi með þrefaldri skiptingu þegar korter var liðin af seinni hálfleik.

    Hvort sem það var taktískt upplegg, eða ferskar lappir, þá breytti þessi skipting leiknum. Þeir fóru að koma sér í hættulegri og hættulegri færi. Klopp (sem var víst með beint talstöðva samband við bekkinn, sem manni finnst gera þetta „bann“ hálf tilgangslaust) reyndi að snúa taflinu við með því að setja Chamberlain inn fyrir Firmino og Milner inn fyrir Elliot, en það gerði ekki gæfumuninn. Liverpool voru vissilega ekki að spila illa, en andstæðingurinn hafði stjórn á leiknum.

    Það var einum manni að þakka að Southampton náði ekki að nýta sér færinn sem sköpuðu. Nýrakaður Alisson Becker tók af allan vafa um hver yrði í marki Brasilíu á Katar með hverri vörslunni á fætur annari. Vissulega varði hann „bara“ þrjú skot, en aðeins einn af hverjum hundrað hefði varið þessi skot.

    Southampton menn blésu og blésu en kofinn hélt og Liverpool fóru brosandi inn í landsleikjahléið með þrjú stig.

    Maður leiksins.

    Það er ekki oft sem framherji skorar tvö og á ekki skilið þessa nafnbót, en maður minn Alisson, án þín hefði þessi leikur einfaldlega tapast.

     

    Vondur dagur.

    Það var engin áberandi lélegur í þessum leik, en Gomez, Fabinho og Trent hafa allir leikið betur en í dag. Ég held í vonina að eftir Katar komi þeir fílefldir til leiks og við fáum aftur að sjá þá aftur upp á sitt besta, þá sérstaklega Fabinho.

    Punktar eftir leik.

    Fjórir sigrar í röð, komnir áfram í meistaradeild og (þegar þetta er skrifað) bara sex stigum frá fjórða sæti. Þrátt fyrir að spilamennska liðsins hafi verið álíka stöðugt og rafmyntavísitala þá er alveg hægt að vera bjartsýnn.

    Ef ég finn stað þar sem ég get veðjað á að Salah fái ekki eina vítaspyrnu í ensku deildinni í vetur, þá myndi ég sitja mánaðarlaun á það. Að hann hafi ekki fengið víti þarna í lok leiks er rannsóknarefni, en hvað er svo sem nýtt við það?

    Það myndi vekja mikla gleði ef maður vissi að Konate og Van Dijk yrðu saman út tímabilið í hjarta varnarinnar.

    Skildi það vera að pressan frá Tsimikas sé að gera Robbo betri? Skotinn er búin að vera frábær undanfarið, megi það lengi halda áfram.

    James Milner er búin að spila SEXHUNDRUÐ leiki í efstu deild á Englandi. Það er ansi magnað afrek!

    Næst á dagskrá.

    Næstu sex vikur er heimsmeistaramót sem furðu fáir leikmenn Liverpool taka þátt í og svo tekru alvaran við. Farið vel með ykkur gott fólk, Liverpool spilar almennt betur eftir áramót, við sjáum hvað Klopp getur töfrað fram nú víst að hann fær alvöru vetrafrí í fyrsta sinn á Englandi.

  • Upphitun: Dýrlingarnir mæta á Anfield

    8 Comments

    Allt tal um HM eða sölu liðsins fær aðeins að bíða á meðan að við klárum þennan leik.

    Southampton stofnað 1885
    2.sæti árið 1984 (Liverpool 1.sæti)
    FA Cup meistara 1976
    Goðsagnir: Alan Shearer, Ricky Lambert, Steve Moran, Matt Le Tissier(kóngurinn), Alan Ball og Peter Shilton
    Helstu leikmenn sem hafa spilað með Liverpool og Southampton: Virgil Van Dijk, Kevin Keegan, Sadio Mane, Bruce Grobbelaar, Danny Ings, Adam Lallana, Sammy Lee, Dejan Lovren, Minamino, Ox, Jamie Redknapp, Neil Ruddock, Barry Venison, Mark Walters, Mark Wright og David Speedie

    Eins og sjá má á þessari talningu þá hafa verið sterk tengls á milli þessara liða og þá sérstaklega síðustu ár þar sem við höfum verið duglegir að næla okkur í þeirra bestu leikmenn.

    Southampton menn eru að mæta á svæðið en þeir voru að reka þjálfarann sinn Ralph Hasenhuttl en ástæðan fyrir því er einfaldlega sú staðreynd að þeir hafa ekki átt merkilegt tímabil hingað til. Þeir sitja í fall sæti með 12 stig eftir 14 leiki.
    Þeir voru þó ekki lengi að næla sér í nýjan stjóra en það er Nathan Jones sem hefur verið knattspyrnustjóri hjá Luton þar sem liðið þótti spila flottan fótbolta og voru ekki langt frá því að komast upp í úrvalsdeild á síðustu leiktíð. Luton lentu í 6.sæti í championship og komust í úrslitakeppnina þar sem þeir duttu út gegn Huddersfield. Hann hefur verið að vinna með þriggja manna varnarlínu hjá Luton þar sem 3-4-3 eða 3-5-1 hafa verið mikið notað en ekki er víst að hann fari strax í það hjá Southampton gegn okkur í fyrsta leik.

    Svona hafa leikir þeirra farið það sem af er tímabili.
    Tottenham úti 1-4 tap
    Leeds heima 2-2
    Leicester úti 2-1 sigur
    Man utd heima 0-1 tap
    Chelsea heima 2-1 sigur
    Wolves úti 0-1 tap
    A.Villa úti 0-1 tap
    Everton heima 1-2 tap
    Man City úti 0-4 tap
    West Ham heima 1-1
    Bournemouth úti 1-0 sigur
    Arsenal heima 1-1
    C.Palace úti 0-1 tap
    Newcastle heima 1-4 tap

    Eins og sjá má á þessari talningu þá eru 11 af þessum 14 leikjum mjög jafnir þar sem lið skilja jöfn eða eitt mark skilur að liðin. Deildin er mjög jöfn og skilur t.d aðeins 4 stig Southampton í 18.sæti og Brentford í 11.sæti.
    Það sem ég er að reyna að koma frá mér að við megum ekki vanmeta þennan andstæðing en ég neita að trúa því að við gerum það eftir að hafa tapað á móti Forest og Leeds. .
    Þeirra skærasta stjarna í dag er án efa James Ward-Prowse og má reikna með að hann stopar ekki alltof lengi hjá þeim en vitiði ég nenni ekki lengur að eyða tíma í að fjalla um Southampton fyrir þennan leik. Því að mér finnst þessi leikur mjög lítið snúast um þá heldur hvernig við mættum til leiks.

    LIVERPOOL

    Það er komið að loka leik fyrir HM og gríðarlega mikilvægt fyrir sálartetrið að ná í 3 stig og setja stefnuna á top 4 og að gera eitthvað af viti í þessum bikarkeppnum. Þetta er ekki óska staða sem við erum í en enga síður það er ekki hægt að breytta fortíð(annars hefði maður fyllt M.Thomas fyrir loka leik árið 1989 eða látið Gerrard prófa aðra skó árið 2014) en það er hægt að vinna í nútíð og reyna að breytta framtíð. Fyrir þennan leik hefði ég haldið að Southampton menn myndu vera stjóra lausir en ekki við en það er staðan fyrir þennan leik. Því að Jurgen Klopp tekur út leikbann í þessum leik. (more…)

  • Liverpool – Derby 0-0 (3-2 eftir vítaspyrnukeppni)

    32 Comments

    Klopp gerði 11 breytingar frá því í sigurleiknum gegn Spurs s.l. sunnudag og nánast allir þeir ungu leikmenn sem hafa viðloðnir aðaliðið fengu tækifæri í kvöld í bland við reynslumeiri leikmenn sem hafa þurft að sætta sig við bekkjarsetu undanfarið. Kelleher var í markinu með þá Tsimikas, Phillips, Gomez og Ramsey fyrir framan sig. Á miðjunni voru það Bajetic, Ox og Clark með Frauendorf, Carvalho og Stewart að leiða línuna.

    Leikurinn byrjaði afskaplega rólega og var það í raun þessar fyrstu 45 mínútur. Það dróg fyrst til tíðinda á 15 mínútu þegar Ox tók boltann, sem barst til hans eftir hornspyrnu frá Tsimikas, í fyrsta en skotið var naumlega framhjá.

    Besta færi okkar manna féll þó til Stewart á 30 mínútu, eftir góða pressu frá Stewart þá vann hann boltann af Cashin, tók þríhyrning við Carvalho og átti fínt skot en naumlega yfir.

    Afskaplega lítið gerðist það sem eftir lifði hálfleiks, jú einhver krafa um vítaspyrnu á Gomez en mér fannst afskaplega lítið í því  og staðan þvi 0-0 í hálfleik.

    (more…)

  • Upphitun: Derby mætir á Anfield

    12 Comments

    Titilvörnin í Deildarbikarnum hefst á heimavelli gegn Derby á morgun. Liðin mættust síðast í þessari keppni fyrir sex árum síðan þar sem Liverpool vann 3-0 sigur og skoraði þar Ragnar Klavan sitt fyrsta mark fyrir Liverpool. Sá leikur var á Pride Park en liðin mættust síðast á Anfield þegar Derby var síðast í Úrvalsdeildinni 2007 en þá vann Liverpool 6-0 sigur og Derby endaði á að falla með aðeins ellefu stig og mínus 69 í markatölu.

    Það hefur mikið gegnið á hjá Derby síðan þá. Fyrstu árin eftir fallið voru Derby í neðri hluta næstefstu deildar en á árunum 2013-2019 fóru þeir svo fjórum sinnum í umspil en komust ekki upp. Liðið fór í gegnum nokkra eigendur á þessum tíma hver öðrum verri og á endanum fengu þeir 21 stiga refsingu á síðasta ári liðið stóð sig hetjulega undir stjórn Wayne Rooney en allt kom fyrir ekki og liðið endaði í næst neðsta sæti og féllu niður í League One deildina.

    Eftir fallið yfirgaf Rooney félagið fengu þeir Paul Warne fyrrum stjóra Rotherham United til að fylla í skarðið. Þeir sóttu fjórtán leikmenn í sumar sem allir voru samningslausir eða komu á láni þar sem aðeins fimm leikmenn voru aamningsbundnir félaginu þegar nýi eigandinn náði að klára kaupin á félaginu í sumar.

    Í liðinu eru þó margir ellismellir sem hafa verið í neðri hluta Úrvalsdeildarinnar á síðustu árum þar ber helst að nefna Conor Hourihane fyrrum miðjumann Aston Villa, David McGoldrick fyrrum sóknarmann Sheffield United og James Chester fyrrum varnarmann Aston Villa sem komu allir í sumar.

    Liðið hefur ekki farið svo vel af stað í League One deildinni en þeir sitja í sjöunda sæti með 25 stig eftir sextán leiki og þurfa að spila annan leik í FA-bikarnum eftir 2-2 jafntefli gegn utandeildarliðinu Torquay United síðustu helgi.

    Liverpool

    Eftir baráttu sigur gegn Tottenham um helgina eru allar líkur að við sjáum miklar breytingar á liðinu og minni spámenn fái spilatíma. Það er kannski ekki mikil ástæða til að hvíla þar sem eftir leikinn gegn Southampton næstu helgi kemur landsleikjahlé vegna HM þar í lok desember en geri ráð fyrir að Klopp vilji nýta hópinn og gefa sumum spilatíma. Pep Lijnders gaf vísbendingar um þetta á blaðamannafundi í gær þegar hann hrósaði frammistöðum Conor Bradley, Keide Gordon og Harvey Blair í keppninni í fyrra.

    Í markinu er Kelleher loks kominn aftur og hefur verið á bekknum í undanförnum leikjum og verður líklega milli stanganna á morgun.

    Nat Phillips fær ekki marga leiki í ár og fær því líklega að byrja á morgun og allar líkur á að Gomez verði með honum í vörninni og Van Dijk og Konate byrji um helgina. Calvin Ramsey fær vonandi sinn fyrsta byrjunarliðsleik og Tsimikas í hinum bakverðinum.

    Miðjan er erfiðust þar sem ansi fáir eru heilir. Bajcetic hefur verið mikið í kringum hópinn og var flottur á undirbúningstímabilinu og gæti fengið verðlaun fyrir það á morgun og ef Klopp vill hvíla byrjunarliðsmennina verða líklega Chamberlain og Jones með honum á miðjunni.

    Firmino fékk þær fréttir í gær að hann fær ekki að fara með Brasilíu á HM en held að hann verði í sóknarlínunni með Carvalho og Elliott. Bobby Clark gæti svo fengið mínútur af bekknum ef vel gengur. Stóra spurningin er svo Mo Salah sem vill spila alla leiki og er ekki að fara á HM en ég held að hann byrji á bekknum og taki síðust 30 í staðinn fyrir Firmino.

    Spá

    Bikarkeppnin gaf okkur mikla gleði í fyrra og ég held að það haldi áfram með 2-0 sigri með mörkum frá Firmino og Carvalho. Öruggur sigur þar sem bekkjarmenn fá að láta ljós sitt skína og fylla okkur af jákvæðni fyrir lokaleik fyrri hluta tímabilsins gegn þjálfaralausum Southampton mönnum næstu helgi.

  • Gullkastið – Félagið til sölu?

    6 Comments

    Það hefur verið nóg að gera á skrifstofum þeirra sem fylgjast með og fjalla um Liverpool undanfarna tvo sólarhringa. Fyrst var það góður baráttusigur í London, sá fyrsti á útivelli í deildinni í vetur. Næst var Real Madríd dregið upp úr pottinum í Meistaradeildinn í 16-liða úrslitum og svo komu sprengjufréttir um að Liverpool væri til sölu. Nóg að ræða í þessari viku.

    Stjórnandi: Einar Matthías
    Viðmælendur: SSteinn og Maggi

    Þökkum að vanda samstarfsaðilum þáttarins fyrir að hjálpa okkur að halda síðunni úti.


      Egils Gull       Húsasmiðjan          Sólon           Jói Útherji         Ögurverk ehf

    MP3: Þáttur 403

  • Liverpool til sölu!!!

    34 Comments

    Heldur betur óvæntar risafréttir að leka núna strax í kjölfarið á drættinum í Meistaradeildinni. FSG eru sagðir hafa sett Liverpool á sölu!!! David Ornstein á The Athletic kemur með þessa sprengju og hann er vel áreiðanlegur

    Fenway Sports Group (FSG) has put Liverpool up for sale.

    A full sales presentation has been produced for interested parties.

    FSG has looked at opportunities in the past but decided against moving forward with them. It is unclear whether or not a deal will eventually be done, but FSG is inviting offers.

    Goldman Sachs and Morgan Stanley have been retained to assist with the process.

    Red Bird Capital fjárfestinahópurinn keypti hluti í liðinu á síðasta ári og er nógu öflugt til að kaupa félagið en það er líka ljóst að stuðningsmenn Liverpool sætta sig síður en svo við hvaða eigendur sem er og því mikil og óþægileg óvissa framundan. Hvað þá ef þetta ferli tekur svipað langan tíma og þegar David Moores seldi félagið á sínum tíma… og klúðraði því fullkomlega.

    Svo er stóra spurningin, eru FSG að gefast upp á að reyna keppa við ríkisstyrktu Olíufélögin? Það hefur ekkert í regluverki knattspyrnunnar staðist síðan þeir keyptu félagið.

    Á móti gæti Ornstein verið að leggja saman 2+2 og fá út 7

    Þetta er ekki alveg það sama og að setja allt félagið á sölu

  • Real í 16 liða úrslitum Meistaradeildarinnar

    7 Comments

    Þá er búið að draga í 16 liða úrslitum Meistaradeildarinnar. Óhætt að segja að verkefnið verði líklega ekki stærra, því það verða Real Madrid sem verða andstæðingar Liverpool. Fyrri leikurinn verður á Anfield, og sá seinni í Madríd.

    Það eru blendnar tilfinningar gagnvart þessu, auðvitað væri gaman að vinna helvítin og jafna örlítið leikana síðan í vor, en það er bara meira en að segja það. Óhætt að segja að Liverpool þarf að eiga topp leiki í 180+ mínútur.

    Þá er bara ekkert annað í boði en að eiga tvo topp leiki!

    (og svo 5 topp leiki til viðbótar í framhaldi af því í Meistaradeildinni…)

Load More
Congratulations. You've reached the end of the internet.

© 2019 KOP.is

Back to Top
Close