Search

Menu
Search

Latest stories

  • Bloggsíða. Þetta er BLOGGsíða.

    25 Comments

    SSteinn félagi minn setti inn litla færslu hér að neðan til að kynna golfmót Liverpoolklúbbsins á Íslandi 2009. Í kjölfarið varð allt vitlaust í ummælakerfinu þar sem við síðuhaldarar vorum beinlínis skammaðir fyrir að leyfa slíkri færslu að vera efst á síðunni, í stað leikskýrslu við 4-0 sigurinn á miðvikudag og/eða umfjöllun um nýja leikmanninn, Kyrgiakos.

    Það skal því að gefnu tilefni tekið fram, svo enginn vafi leiki á, að þetta er BLOGGSÍÐA. Síðan Kop.is ber titilinn Liverpool Bloggið, ekki Liverpool Fréttaveitan, og er mikilvægt að menn reyni að hafa þetta í huga þegar þeir koma hér inn. Við erum sex sem skrifum á þessa síðu og við reynum yfirleitt að fjalla um það sem er að gerast hjá LFC hverju sinni, nú eða bara koma með pælingar út í loftið ef okkur sýnist svo, en við erum EKKI bundnir neinum skyldum að fjalla um hvert einasta fréttnæma efni um leið og það fréttist.

    Við erum bloggsíða. Ef þið viljið fá stöðugar uppfærslur frétta bendi ég mönnum á að lesa Liverpool.is sem er uppfærð oftar á dag en við. Þar getið þið lesið nýjustu fréttirnar á íslensku um leið og þær berast, auk þess sem þið getið skoðað mýmargar íslenskar og erlendar fréttasíður þar sem fylgst er með öllu. Þar er nefnilega fólk sem vinnur við að segja fréttir af Liverpool og enskri knattspyrnu.

    Við erum bloggsíða. Hér fjöllum við um það sem er að gerast þegar við:

    a) Höfum áhuga á að fjalla um það.
    b) Höfum tíma til að setja inn færslu.

    Þar sem við störfum allir við aðra hluti en þessa síðu höfum við beðið fólk um að sýna biðlund þó það komi ekki alltaf inn færslur samstundis og hlutirnir gerast (svo sem með Kyrgiakos í dag, það mun einhver okkar fjalla um hann fljótlega en við erum ekki í neinu kapphlaupi) og ef það er bið á að inn komi færsla um tiltekið málefni hafa lesendur síðunnar yfirleitt verið duglegir að uppfæra sjálfir í ummælakerfunum og koma umræðunum af stað þar.

    Við erum ekki fréttasíða, né heldur í samkeppni við slíkar síður. Hér skrifa Liverpool-áhugamenn um það sem þeim þykir áhugavert hverju sinni. Að þessu sinni þykir okkur golfmótið Liverpool Open 2009 áhugavert og því er fullkomlega eðlilegt að það sé efsta færsla á síðunni, enda er það nýjasta færslan (fyrir utan þessa, að sjálfsögðu) og færslur á síðunni eru einfaldlega birtar í tímaröð, án fordóma.

    Við viljum því af gefnu tilefni biðja menn um að sýna síðuhöldurum smá kurteisi og rjúka ekki í ummælakerfin með skammir eða annars konar lágkúrur þegar bið er á færslu um nýjustu Liverpool-tengdu fréttina eða þegar verið er að ræða eitthvað sem ekki allir hafa áhuga á. Ef menn nenna ekki að ræða um golfmót geta menn einfaldlega sleppt umræðum við þá færslu og haldið áfram að ræða Stoke-leikinn í næstu færslu þar fyrir neðan, þar sem ummælin eru enn opin og umræðan í fullum gangi.

    Virðingarfyllst,
    Kristján Atli og Einar Örn, ritstjórar Kop.is.

  • Liverpool Open 2009

    43 Comments

    Ég ætla að misnota aðeins aðstöðu mína hér á blogginu og vekja athygli á golfmóti sem Liverpoolklúbburinn á Íslandi stendur fyrir þann 30. ágúst nk.:

    Þann 30. ágúst nk. mun Liverpool Open golfmótið verða haldið á Setbergsvelli í Hafnarfirði. Mótið er opið öllum stuðningsmönnum Liverpool FC og fara skráningar fram á www.golf.is.

    Mótsfyrirkomulagið verður eftirfarandi:

    Ræst út á öllum teigum samtímis klukkan 13:00 stundvíslega og er mæting klukkan 12:00 á svæðið.

    Punktakeppni með forgjöf

    Hámarksforgjöf 24 (karlar) og 28 (konur)

    Verðlaun fyrir fyrstu 3 sætin

    Nándarverðlaun á 2. og 5. braut

    Teiggjöf

    Skráning á GSÍ www.golf.is og hjá golfklúbbnum Oddi í síma 565-9092

    Þátttökugjald er kr. 2.500 og greiðist fyrirfram með kreditkorti.

    Skylda er að klæðast Liverpool treyju, brot á þeirri reglu þýðir frávísun úr mótinu.

    Ath. skráning á netinu er eingöngu til að velja sér ráshóp því ræst verður út á öllum teigum klukkan 13:00.

    Mótsstjóri: Svavar Geir Svavarsson

    Dómari: Hákon Jónsson

  • Liverpool – Stoke 4-0 (19.08.09)

    120 Comments

    Það voru ekki gæfulegar fréttir sem komu af klúbbnum í aðdraganda leiksins í dag, ofan á endalaust leiðinlega og neikvæða viku fóru þeir að halda því fram að Rafa Benitez hefði yfirgefið klúbbinn og þegar hann hafði ekki gert það þá var hann að fara gera það eftir leikinn. Ekki kippti maður sér nú mjög mikið upp við þetta en mikið óskaplega er maður orðinn leiður á svona fréttum… og bara þessum staurblönku eignendum okkar.
    Nóg um þá og neikvæðar fréttir, Benitez mætti allavega til leiks og kvöldið var sögulega gott.

    Reyndar áður en ég byrja verð ég að afsaka hvimleiðan tourette sjúkdóm sem ég virðist hafa áunnið mér í kvöld og bitnar það smá á skýrslunni…

    Burnley Burnley Burley

    Um þennan fyrsta heimaleik okkar á þessum vetri er það síðan helst að segja að Liverpool liðið sem endaði tímabilið í fyrra mætti aftur til leiks og nú með nýtt vopn í búrinu staðsett í hægri bakverði af öllum stöðum. Háværar gagnrýnis og efasemdaraddir undanfarinnar viku ættu að fá smá hvíld eftir þennan leik í kvöld enda miðlungsgott varnarlið tekið og pakkað saman.

    Byrjunarliðið var svohljóðandi:

    Reina

    Johnson – Carragher – Ayala – Insua

    Lucas – Mascherano
    Kuyt – Gerrard – Benayoon
    Torres

    Bekkur: Cavalieri, Dossena, Voronin, Riera, Ngog, Babel, Kelly

    Skrtel var meiddur og því fékk hinn ungi Ayala séns í byrjunarliðinu og auk hans kom Benayoon inn í byrjunarlið Liverpool á kostnað Babel.

    Fyrri hálfleikur:

    Eftir fyrri hálfleikinn var það aðallega tvennt sem ég velti fyrir mér, djöfull voru Stoke heppnir að vera bara 2-0 undir og mikið afskaplega var gaman að sjá Liverpool sem við þekkjum og elskum svara efasemdarmönnum með stæl í næsta leik eftir slæmt tap. Til að einfalda þetta þá áttu okkar menn fyrri hálfleikinn bara frá A – Z og Stoke komst varla yfir miðju nema með því auðvitað að henda boltanum. Svo lítið sannfærandi voru Stoke að Tony Pulis hringdi skv engum heimildum í Ástu Árna í hálfleik enda með það í huga að fá fleiri sem kunna að taka innkast í Stoke liðið.

    Burnley Burnley Burnley

    Frá fyrstu mínútu var greinilegt að Liverpool liðið var mætt til leiks með það að markmiði að pressa og bæta upp fyrir dapran leik sl. sunnudag. Lucas fékk snemma gott færi sem hann bombaði beint í fangið á Tómasi Sörensen. Á 4.mínútu tók Gerrard svo á rás í átt að teignum, tók smá þríhyrning og fékk boltann aftur inni í teignum með hálft Stoke liðið í kringum sig, engu að síður fann hann Fernando Torres sem afgreiddi boltann í mitt markið og stimplaði sig með því formlega inn í ensku úrvalsdeildina í ár.

    Fram til 20.mínútu komust Stoke varla yfir miðju og leikurinn var með öllu undir stjórn okkar manna. Þó fengu þeir aukaspyrnu á hættulegum stað sem þeir, ótrúlegt satt, eyddu í skemmtilega útfærslu, þ.e. eitthvað annað en bombu inn í boxið. Þetta fór auðvitað hrapalega illa hjá þeim og Torres náði boltanum, tók á rás upp kanntinn þar til hann sá Insua einan og yfirgefin á fjarstönginni. Fyrirgjöfin frá Torres var þrælfín og maður rétt náði að hætta við að fagna þar sem Insua náði af þónokkru óöryggi að setja boltann framhjá.

    Það sem eftir lifði hálfleiks var síðan svipað, Liverpool réði lögum og lofum en náðu ekki að brjóta Stoke almennilega á bak aftur… ekki fyrr en á 45.mínútu. Þá fáum við horn sem Gerrard sendi inn í teiginn, enginn af lurkunum í Stoke náði að skalla boltann í burtu og hann endaði á kollinum á Kuyt sem horfði á skalla sinn varinn á línu af James Beattie sem fyllti auðvitað út í markið. Af honum skoppaði boltinn til besta leikmanns Liverpool í kvöld by far Glen Johnsons sem var ekkert að tvínóna neitt við þetta og klippti boltann í netið eins og verslunarstjóri í Vouge. Snilldar mark sem markaði frábæran hálfleik hjá Johnson. Strax þá var hann búinn að ógna marki andstæðingana svipað mikið og Arbeloa gerði í fyrra.

    Burnley Burnley Burnley

    Seinni hálfleikur:

    Það tók Stoke svona fimm mínútur að gleyma hálfleiksræðu Tony Pulis, en á þessum fimm mínútum náðu þeir aðeins að ógna marki Liverpool og t.d. þurfti Pepe Reina í eitt skipti að taka á honum stóra sínum þegar Rory Delap sem er víst líka með fætur átti hörkuskot með vinstri í hornið, glæsileg markvarsla sem hefði gert Magnús Ver stoltann.
    Eftir það var þetta aftur einstefna að marki Stoke og var á tímum vandræðalegt að sjá hvað þeir bara komust ekki yfir miðju. Á 53.mín átti Gerrard t.a.m. hörkuskot sem Sörensen varði út í teiginn og beint á Dirk Kuyt, hann fékk boltann hinsvegar herfilega fyrir sig og kláraði færði líkt og ég myndi gera í sömu stöðu, yfir.

    Burnley Burnley Burnley

    Á 60.mín súmmaði Beattie leik Stoke fullkomlega upp þegar hann vann boltann á miðjunni og ákvað bara að skjóta þaðan, en hey, þeir komust allavega yfir miðju. Á 65. mínútu fékk Shawcross síðan leið á þessu og ákvað að taka aðeins þátt í sóknarleiknum. Þessir einu sóknartilburðir miðvarðarins voru ekki langt frá því að enda í netinu en hann skallaði góða fyrirgjöf frá Dirk Kuyt að marki en Sörensen varði vel (Shawcross er ennþá í Stoke).

    Áfram hélt sókn Liverpool og á 78.mínútu voru Mascherano og Gerrard aðeins að leika sér fyrir utan, eftir nokkrar sendingar fengu þeir leið á þessu, Gerrard tók á rás í átt að endalínu þar sem hann tók snilldarvel við fínni sendingu frá Mascherano, þessi móttaka fyrirliðans gaf honum auðan sjó í teignum sem hann nýtti til að koma góðum bolta fyrir, beint á kollinn á Dirk Kuyt sem skallaði í netið.

    Burnley Burnley Burnley

    Áfram hélt sókn okkar manna, Gerrard, Torres og Kuyt komu útaf fyrir Riera, Voronin og N´Gog sem kláraði leikinn með sínu fyrsta marki í ár. Glen Johnson tók enn einn sprettinn upp hægri kanntinn í kvöld, tók nokkur góð skæri (hann ætti að fara vinna í Vouge) og kom að lokum með góða fyrirgjöf/skot sem Sörensen náði að slá í, af honum barst boltinn til frakkans unga sem skallaði í slánna og inn af línu. 4-0 sigur staðreynd.

    Frammistaða leikmanna:

    Reina – hafði ekki mikið að gera en þegar á hann reyndi var hann með allt á hreinu og átti eina snilldar vörslu. Topp markvörður sem enn einu sinni hélt hreinu.

    Insua – flottur leikur hjá honum, tók mikinn þátt í sóknarleiknum og sýndi enn einu sinni að hérna eigum við svakalegt efni.

    Carra – Var Carra inná? Sá hann ekki mikið og það er oftar en ekki merki um góðan leik hjá miðverði.

    Ayala – erfitt að dæma hann út frá þessum leik, en við héldum allavega hreinu og maður var aldrei smeykur við Stoke þó hann væri þarna í miðverðinum. Hressandi að sjá kjúkling fá traustið og standa sig. Þó að Grikkinn Guðmávitahvðaopolus sé víst á leið í læknisskoðin skv. LFC TV

    Glen Johnson – gjörsamlega frábær í leiknum, gerði lítið úr Higginbotham hvað eftir annað. Þvílík snilld að hafa loksins bakvörð sem getur sótt eins og engin sé morgundagurinn. Klárlega næstbesti leikmaður kvöldsins og lofar hrikalega góðu.

    Mascherano – oft hefur hann nú talist hálf óþarfur gegn liðum eins og Stoke en það var aldeilis ekki raunin í kvöld, var grimmur út um allt og meira að segja nokkuð liðtækur frammávið lika.

    Lucas – hvað segiði eigum við að ræða Lucas eitthvað núna? Ég veit ekki einu sinni hver var á miðjunni hjá Stoke í kvöld.

    G&T – voru báðir líkir sjálfum sér í kvöld, sem þýðir að þeir hafi verið með bestu mönnum vallarnis, kom engum á óvart að það hafi verið þeir sem brutu ísinn.

    Kuyt – var fínn í kvöld, tókst ekki allt sem hann var að reyna en þegar upp er staðið átti hann mark og nokkur hættuleg færi. Linkaði líka stórvel við Johnson.

    Benayoon – fékk mann til að blóta þeim 75.mínútum sem hann spilaði ekki gegn Spurs, minn þriðji besti leikmaður í kvöld.

    Robert Blake – klárlega besti leikmaðurinn í kvöld… og ég sá ekki mínútu af hans leik. Eins er á að fýla Jansen sem varði víti

    Frá Stoke get ég eiginlega bara hrósað stuðningsmönnum þeirra, bestu stuðningsmenn gesta sem ég hef heyrt í á Anfield lengi.

    Framhaldið:
    Það er ekki hægt að miða við Stoke, en að einhverju leiti má segja að Liverpool eru mættir til leiks í ár. Ég hef mikla trú á að liðið eins og það spilaði í kvöld geti breytt jafnteflum ársins í fyrra í sigur, bakverðirnir okkar eru mörgum ljósárum betri í sóknarleik í ár heldur en í fyrra.

    Þakkir
    Sjálfur þakka ég mínum mönnum fyrir stórkoslegan leik í afmælisgjöf…. og ekki síður snillingunum í Burnley Burnley Burnley, vantaði bara þetta til að toppa kvöldið 🙂

    …og að lokum BBC fyrir myndirnar sem í þessari færslu eru

    Já og ef ég heyrði rétt á LFC TV þá er Rafa ekki að fara neitt.

  • Liðið gegn Stoke – Ayala og Carra miðverðir

    36 Comments

    Það vantar ekki að gróa á leiti sé í stuði… einhverjir miðlar tala um að Benitez hafi hætt fyrir þennan leik (eða sé af því, nenni ekk að lesa þetta). En nóg af drykkjulátum Gróu.

    Liðið er komið og það sem helst vekur athygli er að það er 18 ára barn í miðverðinum að fara takast á við lurkana í Stoke og Benayoon kemur afar lítið óvænt inn í liðið á kostnað Babel. Riera er svo kominn á bekkinn ásamt N´gog.

    Reina

    Johnson – Carragher – Ayala – Insua

    Lucas – Mascherano
    Kuyt – Gerrard – Benayoon
    Torres

    Bekkur: Cavalieri, Dossena, Voronin, Riera, Ngog, Babel, Kelly

    Skítt með hvaða börn við stillum upp á móti Stoke og hvað er að gerast innan herbúða okkar manna, sigur á Stoke og ekkert annað.

  • Stoke á Anfield á morgun

    96 Comments

    Framundan er fyrsti heimaleikur okkar manna á þessu tímabili gegn sjálfum íslandsvinunum í Stoke…  helv***  Stoke!! Ef ég man þetta rétt þá skuldar Stoke okkur tvö stig eftir leikinn á Anfield í fyrra, önnur tvö fyrir seinni leikinn og þar með má segja sem svo að þeir skuldi okkur titilinn.

    Helv*** Stoke.

    Ég man afar vel eftir fyrri leiknum frá því í fyrra enda stóð þar hæst uppúr að Gerrard skoraði fullkomlega löglegt mark úr aukaspyrnu sem því miður var dæmt af án ástæðu.

    Miðað við úrslit og frammistöðu síðasta leiks er nokkuð ljóst að okkar menn þurfa að spýta hressilega í lófana og koma með sannfærandi leik gegn Stoke, jafntefli eða tap er einfaldlega ekki í boði. Segja má að Liverpool sé svolítið komið með bakið upp við vegg núna og ekki hafa fréttir að klúbbnum í þessari viku verið að fylla menn neinni óstjórnlegri bjartsýni. Skrtel gerði heiðarlega tilraun til að éta Carragher og er því tæpur fyrir leikinn gegn Stoke. Það hefur reynar verið talað um tvær vikur frá hjá Skrtel en þar sem hann er ekki alveg eins og fólk er flest þá er hann bara nokkuð líklegur í leikinn á morgun. Carragher er hinsvegar ekki ætur og því klár í slaginn. Þriðji miðvörðurinn daninn Daníel Agger er svo ennþá meiddur og verður það í 2-3 vikur áfram. Hinn 18 ára Ayala verður allavega klár með kúkinn í buxunum (enda ekkert grín að þurfa að mæta nautunum í Stoke).

    Hann gæti þó sloppið því skv. afar óvæntum fréttum virðumst við vera ansi nærri því að “landa” grískum miðverði Sotiris Guðmávitahvaðopolus sem hefur gert garðinn “frægan” hjá liðum eins og Rangers, snillingunum í E. Frankfurt og AEK Athens. (förum betur í það þegar öruggari heimildir berast).

    Ofan á þetta hafa síðan flestir helstu miðlar bretlands verið að flytja fréttir af því að Benitez fái bara tvær milljónir punda til að styrkja hópinn enn frekar, eitthvað sem er bráðnauðsynlegt að margra mati. Þannig að ofan á hræðilegan leik gegn Spurs hefur bæst við skortur á miðvörðum og peningum til að kaupa nýja leikmenn.

    En það þýðir ekki að væla meira yfir því, það eru fá lið betri þegar þau eru með bakið upp við vegginn heldur en einmitt Liverpool, hópurinn okkar er ekki svo ýkja ósvipaður hópnum sem var hársbreidd frá því að vinna mótið í fyrra og Stoke bara fær ekki stig á Anfield tvö ár í röð!

    Að giska á byrjunarlið er örlítið flókið þar sem maður veit ekki hverjir verða í miðverðinum:

    Reina

    Johnson – Carragher – Skrtel – Dossena

    Lucas – Mascherano
    Kuyt – Gerrard – Benayoon
    Torres

    Bekkur: Cavalieri, Kelly, Ayala, Insua, Babel, Voronin, Spearing.

    Ég tippa á að Skrtel “bíti á jaxlinn” (eða ekki) og spili þennan leik og ítalska hetjan Andrea Dossena verði eina breytingin á vörninni og komi inn í vinstri bakvörðinn fyrir Insua.
    Lucas verður mikið meira ógnandi heldur en í síðasta leik og fær ferðaleyfi fram frá vini sínum Javier Mascherano. Í svona leik, gegn liði eins og Stoke ætti Lucas jafnvel að nýtast betur heldur en t.d. Alonso gerði enda með meiri yfirferð og sóknargetu.

    Ef við miðum við síðasta leik þá er alveg pottþétt að annaðhvort Babel eða Kuyt þarf að víkja fyrir Benayoon og það þarf engan vísindamann til að átta sig á hvorum verður fórnað. Ég er all for it að leyfa Babel að fá nokkra leiki í röð í byrjunarliðinu, en hann verður að fá að spila mun framar heldur en hann fær á vinstri kanntinum, hann var ekkert annað en farþegi í síðasta leik og við megum ekki við því gegn Stoke. Gerrard var sæmilegur gegn Spurs en greinilega ekki í 100% standi og frændi hans Torres mætti alveg endilega hefja tímabilið á morgun, hann sá sér því miður ekki fært að mæta á Wihte Hart Lane um síðustu helgi.

    Hjá gestunum er ekki mikið um meiðsl, þeir hafa líkt og í fyrra sitt kraftakalla lið sem mökk leiðinlegt er að horfa á, þeirra mest spennandi leikmenn eru líklega Ryan Shawcross enda mikið í umræðunni undanfarið og þrálátlega orðaður í burtu frá klúbbnum. Sóknarlínan inniheldur síðan kempur eins og Etherington, Ricardo Fuller og sjálfan James Beattie.

    Dean Whitehead leikmaður Stoke var eitthvað að útvarpa sinni skoðun í aðdraganda þessa leiks:

    “I think Alonso is going to be a major miss for them – he seemed to run the game when he was playing”

    Skarpur strákur. Núna er það í höndum Lucas og co að sýna að missir Alonso er ekki eins mikill og við óttumst.

    Spá: Á morgun á ég afmæli og ef strákarnir klúðra leiknum dæmi ég helsta sökudólginn til að hlusta á tveggja tíma fyrirlestur frá SStein um Höbbn í Hoddnafirði. Það vill engin lenda í og því verður fínn 2-0 sigur staðreynd með mörkum frá Torres og Lucas.

    p.s. stundum finnst mér að okkar mönnum (og fleiri liðum reyndar) vanti snillinga eins og Jimmy Bullard í sitt lið, sama má segja um okkur stuðningsmenn, upp með húmorinn.

  • Við. Erum. BLANKIR! – Uppfært

    74 Comments

    Tony Barrett, áður hjá Liverpool Echo en nú hjá Times, staðfestir hversu mikil martröð staðan er hjá klúbbnum í dag:

    Rafael Benítez, the Liverpool manager, will step up his pursuit of much-needed central-defensive reinforcements in the coming days, armed with a budget of no more than £2 million.

    Despite having recouped at least as much as he has spent in the transfer market this summer, Benítez has been told that there are no significant funds available to supplement his first-team squad and is scouring the bargain basement for a potential recruit.”

    Barrett segir svo frá því í greininni að Benítez sé að reyna að gera það besta úr stöðunni og redda varnarmanni á láni einhvers staðar frá, en það er nokkuð ljóst að við fáum aldrei nein alvarleg gæði á láni því lið eins og t.d. Stoke mun ekki lána okkur Shawcross sem er mikilvægur hlekkur í liði þeirra.

    Fokk!

    Bara svo það sé á hreinu, þá er Tony Barrett almennt talin áreiðanlegasta heimildin meðal blaðamanna í Englandi í dag, hvað Liverpool-málefni varðar. Ef hann segir að við séum blankir, að Rafa eigi nánast engan pening eftir til leikmannakaupa þrátt fyrir að vera í plús eftir kaup og sölur sumarsins, þá er það svoleiðis.

    Helvítis fokking fokk! Klúbburinn er greinilega í verulega vondum málum, peningalega. David Silva? Við höfum ekki einu sinni efni á Sylvain Distin.

    UPPFÆRT – SSTEINN

    Ég hef velt þessu peningadæmi mikið fyrir mér undanfarið, og það er alveg sama hversu mikið ég hugsa þetta mál, ég skil ekki bofs í því. Nú skilaði félagið hagnaði á síðasta starfsári (þá er ég ekki að tala um Kop holding þeirra furðufugla heldur Liverpool FC). Jú, það er búið að endurnýja samninga við nokkra leikmenn liðsins sem kostar peninga. Á móti kemur (ég byggi allar mínar tölur á þessu ári 2009) þá hafa nokkrir launaháir farið út. Launapakkarnir hjá Keane og Hyypia vor feitir og góðir, Alonso var mun hærri en Aquilani er á, en á móti kemur þá er Johnson mun hærri en Arbeloa. Pennant var ekki á launaskrá hjá okkur frá áramótum og við erum aftur byrjaðir að borga Voronin laun, sem eru reyndar ekki svo ýkja há. Sem sagt að launalega séð erum við ekkert að auka neitt stjarnfræðilega við okkur.

    En þá kemur að leikmannakaupum og sölum. Enn og aftur miða ég við áramótin, því allt þar á undan var budget-að fyrir. Skoðum innkomuna fyrst (set inn einn lið þar sem er skuldin frá Portsmouth vegna Crouch, því hún var notuð í þeim kaupum):

    Innkoma:

    Robbie Keane – 16.000.000

    Jack Hobbs – 1.200.000

    Paul Anderson – 250.000

    Sebastian Leto – 3.000.000

    Alvaro Arbeloa – 3.500.000

    Xabi Alonso – 30.000.000

    Adam Hammill – 650.000

    Skuld v/ Crouch – 8.000.000

    Samtals gerir þetta 62.600.000 punda sem allajafna ætti að vera tiltækt til leikmannakaupa fyrir utan árlegt budget. En skoðum þá útgjöldin:

    Glen Johnson – 17.500.000

    Alberto Aquilani – 17.100.000

    Samtals höfum við því eytt 34.600.000 pundum. Þetta ætti því að þýða að mismunur á út og inn hjá félaginu í leikmannakaupum frá áramótum ætti að vera um 28.000.000 punda. Ef ég við hugsum okkur hið hefðbundna transfer budget miðað við eðlilegt ár, þá ætti það að vera í kringum 20 milljónir punda. Ef allt væri eðlilegt þá ættum við að geta splash-að út tæpum 50 millum, en núna segja fréttir að Rafa sé að ströggla við að raka saman 2 milljónum punda fyrir backup varnarmanni.

    Annað hvort er þetta gott trix hjá honum til að láta líta út fyrir að við séum staurblankir, eða það sem ég óttast meira, við erum staurblankir og eigendurnir eru að nota fjármunina til að borga niður tap Kop Holding og afborganir þess félags. Ég hef ekki legið á þeirri skoðun minni að þessir eigendur okkar haldi aftur af félaginu, en nú sýnist mér það koma í ljós betur og betur. Vonandi hef ég rangt fyrir mér í þessu og Rafa fái að byggja frekar upp á Anfield.

    Ljósi punkturinn er þó að við erum með frábært lið (þó vanti upp á breiddina) og ég reikna fastlega með því að við berjumst um titilinn til enda tímabilsins.

  • Liverpool: stórasta lið í heimi!

    14 Comments

    Að ósk margra í ummælunum er hér komin bjartsýnisfærsla með bjartsýnisfyrirsögn. Það er rétt að taka fram að í þessari færslu er hvergi minnst á þá knattspyrnu sem kann eða kann ekki að hafa verið leikin í gær.

    Annars fjallar þessi færsla varla um neitt. Það eru TVEIR dagar í næsta leik, sem væri yfirleitt frekar stutt en virðist sem heil eilífð eftir knattspyrnuna sem mig dreymdi í svitakófi í gær.

    Allavega, hér eru nokkrir tenglar sem menn hafa bent á í ummælunum við ímyndaða leikskýrslu mína í gær:

    * This is Anfield – greining á leiknum sem var alveg örugglega ekki leikinn í gær, minnir mig. Sýnir glöggt á hverju okkar menn voru að klikka í sóknarleiknum í gær.

    * David Pleat, fyrrverandi stjóri Spurs, fjallar um það hvernig leikplan Harry Redknapp gekk vel upp í gær í einhverjum leik sem þeir unnu. Ágætis greining á því hvernig hægt er að stöðva stórasta lið í heimi.

    * The Kop End – ný Liverpool-bloggsíða sem virðist ætla að vera mjög góð. Ég hef lengi lesið síður eins og Arseblog, Chelseablog og The Scratching Shed (Leeds-síða) og beðið eftir að það kæmi góð Liverpool-bloggsíða. Kopblog er ágæt en ekki á pari við hinar síðurnar og því er fínt að fá loksins góða Liverpool-bloggsíðu. Hún er ung en ég vona að hún geti haldið dampi í vetur, gæti komið með gott innlegg í Liverpool-umræðuna á netinu í vetur ef svo heldur fram sem horfir.

    Að lokum, þá langar mig að minna ykkur á hvað Liverpool eru góðir í fótbolta:

    Horfið á fjórða markið, sérstaklega (u.þ.b. 4:45 mín. í myndbandinu). Alonso horfir á á meðan Gerrard og Lucas taka frábært samspil á miðjunni, fyrirliðinn leggur svo upp í epískt gegnumhlaup og Lucas matar hann á hárfínustu stungusendingu Úrvalsdeildarinnar á síðasta tímabili. Svo er sagt að sá brasilíski geti ekki mögulega verið skapandi leikstjórnandi á miðjunni?

    Hann getur það alveg. Munurinn á honum og Alonso er að hann er yngri og því kannski erfitt að ætla honum að gera svona hluti reglulega, en hann getur þetta vissulega og ég hef trú á honum fyrir veturinn. Meiri trú en Aquilani, sem er leikmaður sem ég ætla ekki að búast við neinu af fyrr en ég sé spila. En mikið vildi ég að menn hættu að skammast í Lucas þegar hann á enga sök. Skoðið t.d. greiningu This Is Anfield sem ég vísaði á hér að ofan. Er Lucas einhvers staðar tekinn fyrir þar fyrir að hafa ekki valið réttan sendingarkost? Nei, það er fjallað um eldri lykilmenn sem hefðu átt að geta betur.

    Allavega, upphitun fyrir Stoke á morgun og svo bíðum við öll spennt eftir að sjá Magga birta samantekna spá okkar fyrir efstu sætin í deildinni í vetur. Þetta er allt að gerast.

  • Tottenham 2 – Liverpool 1

    89 Comments

    Já, þið segið það? Gott veður úti og svona?

    Okkar menn hófu Úrvalsdeildina þetta tímabilið í dag með því að steinliggja á White Hart Lane gegn Tottenham. Lokatölur urðu **2-1 heimamönnum í vil** og þeir hefðu getað skorað meira, auk þess sem mark okkar kom gegn gangi leiksins og úr nánast einu sókn okkar af viti í leiknum.

    Rafa stillti upp eftirfarandi liði í dag:

    Reina

    Johnson – Carragher – Skrtel – Insúa

    Lucas – Mascherano
    Kuyt – Gerrard – Babel
    Torres

    **Bekkur:** Cavalieri, Kelly, Ayala (inn f. Skrtel), Dossena, Benayoun (inn f. Babel), Voronin (inn f. Kuyt), Spearing.

    Þetta byrjaði svona týpískt, stöðubarátta og þess háttar og jafnræði í tíðindalitlum leik, þangað til eftir um kortérs leik að Carragher og Skrtel lentu í samstuði þegar þeir fóru í sama skallaboltann. Skrtel skallaði boltann og um leið kjaftinum á sjálfum sér í ennið á Carra svo báðir þurftu aðhlynningu. Skrtel fékk greinilega slæmt högg á kjaftinn og maður óttast kinnbeinsbrot eða eitthvað þar af verra, á meðan Carra fékk vænan skurð á ennið og var vafinn það sem eftir lifði leiks.

    Meiðslin voru þó ekki slæmu tíðindin því eftir þetta var eins og þeir félagar vissu varla hvaða mánuður er í gangi núna, hvað þá hvernig ætti að leika vörn í Úrvalsdeildinni. Þá var eins og liðið dytti algjörlega úr takti við stoppið þegar hugað var að þeim félögum því frá og með þessu var nánast ekkert að gerast hjá okkur fram á við það sem eftir lifði leiks.

    Pepe Reina bjargaði í tvígang vel frá Keane úr algjörum dauðafærum er leið á fyrri hálfleikinn og Spurs gerðust aðgangsharðari en hann kom ekki neinum vörnum við þegar **Benoit Assou-Ekotto** dúndraði einni rakettu úr frákasti eftir misheppnaða aukaspyrnu og beint upp í markhornið fjær. Óverjandi og ekkert minna en heimamenn áttu skilið. Staðan 1-0 í hálfleik.

    Þegar um fimmtán mínútur voru liðnar af seinni hálfleik átti Glen Johnson svo einu góðu sókn okkar manna í dag. Hann lék á tvo úti á hægri kanti og braust af miklum krafti inná vítateiginn þar sem Gomez kom aðvífandi úr markinu og felldi hann, klárt víti. **Steven Gerrard** skoraði örugglega úr því og maður hélt að liðið ætlaði loksins að lifna við og innsigla sigurinn … en þá skoruðu Tottenham aftur. Modric að ég held smellti aukaspyrnu lengst utan af velli inn í teiginn hjá okkur og þar klikkaði Carra sjálfur á svæðisvörninni, hleypti **Sebastien Bassong** fram fyrir sig á vítapunktinum og sá skallaði boltann óverjandi í netið. 2-1 og það urðu sanngjarnar lokatölur leiksins.

    Ég átti svo sem alveg von á tapi í dag. Um leið og ljóst var hvert við færum í fyrsta leik fór ég að búa mig undir vonbrigði á fyrsta degi og því kemur þetta mér ekki á óvart. Það sem kom mér hins vegar á óvart var andleysið og algjör skortur á hugmyndum í sóknarleik okkar manna. Þeir Torres, Gerrard, Babel, Kuyt, Mascherano, Skrtel og Carragher áttu einfaldlega HÖRMULEGAN leik fyrir okkur í dag. Ég myndi segja að Insúa og Lucas hafi verið skítsæmilegir, þó ekki meira en það, á meðan Johnson náði að dylja slappa frammistöðu með einu ofurhlaupi sem skilaði markinu okkar. Yossi Benayoun var okkar langmest skapandi maður eftir að hann kom inná og hlýtur að byrja næsta leik, á meðan þeir Andryi Voronin og Daniel Ayala gerðu lítið af viti eftir að þeir komu inná undir lokin.

    Vonbrigðin fyrir mér felast sem sagt í raun ekki í úrslitunum, þótt það sé alltaf erfitt að tapa fyrsta leik, heldur í frammistöðu liðsins. Rafa á mikið verk fyrir höndum að berja þetta lið saman í spilandi heild fyrir næsta leik, sem er eftir aðeins þrjá daga. Þökk sé andleysinu í dag höfum við gefið Man Utd, Arsenal, Chelsea og Man City þriggja stiga forgjöf strax í upphafi móts og því VERÐUR næsti leikur að vinnast. Hvaða leikur er það? Jú einmitt, Stoke á heimavelli.

    **MAÐUR LEIKSINS:** Pepe Reina. Án hans hefðum við tapað enn stærra.

  • Liðið komið!

    65 Comments

    Jæja, þá fer þetta loksins að rúlla af stað hjá okkar mönnum. Chelsea, Arsenal og Man City unnu öll fyrstu leiki sína í gær og Man Utd virðist vera að gera það sama í þessum töluðum þannig að nú er komið að okkar mönnum að spreyta sig.

    Rafa Benítez hefur valið sitt fyrsta byrjunarlið í vetur og er það sem hér segir:

    Reina

    Johnson – Carragher – Skrtel – Insúa

    Lucas – Mascherano
    Kuyt – Gerrard – Babel
    Torres

    **Bekkur:** Cavalieri, Kelly, Spearing, Dossena, Benayoun, Ayala, Voronin.

    Líst ágætlega á þetta, okkar sterkasta miðað við meiðsli. Það er fínt að Carra og Skrtel séu heilir sem og Gerrard og eins kemur á óvart að Babel sé valinn fram yfir Benayoun á kantinn, og að Riera sé ekki einu sinni í hóp. En við lesum í þetta allt síðar, nú er að einbeita sér að þessum leik.

    Áfram Liverpool!

  • Spá Kop.is sæti 7 – 13

    Comments Off on Spá Kop.is sæti 7 – 13

    Sæl öll.

    Af persónulegum ástæðum lenti ég í því að þurfa að fresta uppfærslu spárinnar okkar, en ef allt gengur vel ætti ég að ná að koma spánni af mér í dag og á morgun, við byrjum allavega á sæti 7 – 13.

    (more…)

Load More
Congratulations. You've reached the end of the internet.

© 2019 KOP.is

Back to Top
Close