Search

Menu
Search

Latest stories

  • Aston Villa 1 – Liverpool 2

    51 Comments

    Drengirnir okkar allra brugðu sér austur til Miðlandanna í dag, nánar tiltekið til Birmingham þar sem þeir léku gegn fallbaráttuliði Aston Villa.

    Rodgers ákvað að geyma það að stilla upp fjórum sóknartýpum og fór í hefðbundnara 4-3-3 leikkerfi með öflugri miðju, liðið svona:

    Reina

    Johnson – Carragher – Agger – Enrique

    Lucas – Gerrard – Henderson

    Downing – Suarez – Coutinho

    Bekkur:Jones, Coates, Skrtel, Shelvey, Sterling, Suso, Sturridge.

    Sagan á twitter var reyndar líka að Sturridge væri tæpur en uppstillingin var klárlega sú að stilla Gerrard og Lucas fyrir aftan Hendo eftir að ekki hafði gengið vel að vera með þrjár sóknartýpur fyrir aftan senter í síðustu leikjum.

    Fyrstu 20 mínútur leiksins voru í daufari kantinum þar sem lítið var um færi, þó vorum við meira með boltann. Uppúr því fóru þó heimamenn að ógna og á 31.mínútu skoraði hálftröllið Benteke eftir að Agbonlahor lagði boltann á hann utan teigs. Mér fannst Johnson ekki líta vel út í þessu mómenti en við lentir undir. Tölfræði þeirra leikja þar sem við lendum 0-1 undir fyrir þennan leik var ekki góð. í 11 slíkum leikjum höfum við náð 4 jafnteflum en tapað 7.

    Það sem eftir lifði hálfleiksins fengum við færi til að jafna en Guzan varði frábærlega frá Suarez og Gerrard svo að í hálfleikinn fórum við 1-0 undir.

    En leikurinn vannst á fyrstu 15 mínútum síðari hálfleiks. Coutinho lagði frábærlega upp mark fyrir Jordan Henderson strax á 47.mínútu með enn einni magnaðri sendingu í gegnum varnir andstæðingsins. Hendo var afskaplega glaður auðvitað og hljóp trylltur að “travelling Kop”, game on. Coutinho brenndi af einn í gegn og Johnson dúndraði í stöng áður en komið var að sigurmarki leiksins. Johnson stakk inn í vítateiginn á Suarez sem klobbaði varnarmann sem kom á ferðinni og straujaði Úrúgæjann, eina mögulega útkoman var víti en dómarinn gleymdi að spjalda varnarmanninn, sem var vissulega sérstakt.

    Captain Fantastic sigldi leiknum í höfn, því Gerrard skoraði úr vítaspyrnunni i kjölfarið og þann hálftíma sem eftir lifði bjargaði gamli stórkostlega á línu skalla frá Benteke og hélt sínu liði við efnið til loka leiks. Villamenn virtust lítil svör hafa og þegar flautað var til leiksloka var um sanngjarnan 1-2 sigur að ræða líkt og galdramaður gærdagsins (ég) spáði í upphituninni.

    Liðið átti í heildina fínan leik. Reina varði vel og virkaði traustur allan tímann. Varnarlínan náði að standa Benteke af sér að mestu leyti, þessi leikmaður er algert tröll og ekki einfalt við að eiga en við náðum að standa af okkur fullt af sendingum inn í teiginn, þar fannst mér Agger sterkastur meðal jafningja. Þriggja manna miðjan okkar virkaði hundflott, Lucas á enn eftir að taka einhver skref áfram en var flottur í hjálparvörninni. Gerrard lék afar vel í vörn og sókn og Hendo var þvílíkt hreyfanlegur og átti markið skilið. Coutinho er mjög flottur fótboltamaður, um það þarf ekkert að ræða og þegar hann verður kominn í líkamlegan styrk og form þá nær hann enn lengra. Suarez hefur oft leikið betur og var óheppinn að skora ekki, en hann er yfirleitt maðurinn á bakvið okkar hættu og fékk vítið sem sigurmarkið kom úr. Downing var solid án þess að gera miklar rósir, kannski eins og liðið í heild. Bestan okkar manna í dag vel ég Steven Gerrard sem fór fyrir sínu liði og heldur áfram að spila hverja einustu mínútu í deildinni, sem er býsna magnað!

    Fínn útisigur gegn liði sem hefur verið í góðu formi að undanförnu og heldur okkur inni í slagnum við Everton um 6.sætið og leyfir okkur að dreyma áfram um ótrúlegan endasprett sem gæti skilað einhverju.

    En fyrst og síðast er ég glaður með að við höfum nú eytt einni tölfræði enn undir stjórn Rodgers, við getum unnið leiki sem við lendum 1-0 undir og við viðhöldum því að undir hans stjórn höfum við aldrei tapað tveim leikjum í röð.

    Pollýanna Þór Jónsson kveður í bili!

  • Liðsuppstilling gegn Aston Villa

    60 Comments

    Gleðilega páska öll!

    Þá er liðið gegn Aston Villa mætt, hér kemur það:

    Reina

    Johnson – Carragher – Agger – Enrique

    Lucas – Gerrard – Henderson

    Downing – Suarez – Coutinho

    Bekkur:Jones, Coates, Skrtel, Shelvey, Sterling, Suso, Sturridge.

    Semsagt, Sturridge á bekknum og Coutinho inni á vellinum frá byrjun. Suso kominn á bekkinn eftir fjarveru…þetta verður eitthvað.

    KOMA SVO!!!!!!!!!!

  • Aston Villa á morgun

    21 Comments

    Eftir enn einn gleðitímann þar sem okkar drengir fóru víða um heim að leika með landsliðum sínum þá er komið að deildarleik á ný.

    Viðfangsefni okkar drengja er að fara niður til Birmingham og leika við lærisveina Phil Lambert hjá Aston Villa. Ég ætla með algerri vissu að tala ekkert mikið um fyrri leik þessara liða annað en það að við skíttöpuðum 1-3 heima í leik sem ég tel enn þann versta á leiktíðinni hjá alrauðum Poolurum.

    Á þeim tíma höfðu Villamenn átt afar erfitt en við á góðu róli, ekki ósvipað okkar síðustu upplifun fyrir landsleikjahlé þegar við steinlágum gegn Southampton eftir góða törn þar á undan. En breytingin er sú að heimamenn að þessu sinni hafa átt góðu láni að fagna. Ef teknar eru saman upplýsingar fyrir síðustu sex umferðir þá sitja þeir í sjötta sæti en við erum staðsettir í níunda sæti þeirrar töflu.

    Þetta gengi þeirra hefur skilað þeim upp úr fallsætunum en þeir eru í dag í 17.sæti og í bullandi fallhættu. Ein stærsta ástæða þeirra bættu frammistöðu er að varnarleikurinn hefur lagast mikið og tröllið Benteke, sem við ættum að þekkja vel eftir fyrri viðureignina hefur verið grimmur framarlega á vellinum. Það er alveg ljóst að þeir munu koma argandi brjálaðir til leiks sem þeir þurfa klárlega að fá stig úr til að viðhalda sínu formi.

    En okkar menn þurfa fyrst og síðast að hysja upp um sig buxurnar eftir slaka frammistöðu síðast þó vissulega sé erfitt að láta eins og við séum að miklu öðru að keppa en að safna sem flestum stigum sem mögulegt er fram á vor. Mér finnst ekki ástæða alla vega til að reyna að halda því fram að á ferðinni sé einhver úrslitaleikur um eitthvað. Því miður.

    Þegar kemur að því að velja liðið virðist af fréttum allt vera á eðlilegum nótum þegar kemur að liðsvali, engin meiðsl urðu á lykilmönnum okkar og því ætla ég að tippa á að þetta lið hér hefji leikinn á Villa Park.

    Reina

    Johnson – Carragher – Agger – Enrique

    Lucas – Gerrard – Henderson

    Downing – Sturridge – Suarez

    Ég held semsagt að BR hafi lært af tveimur síðustu leikjum og styrki nú miðsvæðið sitt verulega, ekki síst þar sem að hætta Villa liggur mikið í skyndisóknum þar sem fimm manna miðja þeirra sækir hratt í yfirtölu. Við höfum ekki efni á að hafa Suarez inni á miðsvæðinu í svoleiðis leik.

    Þegar kemur svo að því að finna út hvernig leikurinn fer er ég eiginlega mát. Ég vona virkilega að menn séu staðráðnir í að enda tímabilið vel og þrátt fyrir heimshornaflakk séu menn tilbúnir til að taka hraustlega á móti Villamönnum sem verða á fullu gasi.

    Ég ætla að vera sá bjartsýni og segja að við vinnum þennan leik 1-2 í miklum baráttuleik. Suarez og Downing setj’ann.

    KOMA SVO!!!!!!!!!!

  • Leikmannakaup – varnarmenn

    28 Comments

    Brendan Rodgers hefur frá því hann kom til Liverpool keypt tvo sóknarmenn (Sturridge og Borini), einn sóknartengilið (Coutinho) og einn miðjumann (Allen). Allt leikmenn sem líklega á að nota áfram á næsta ári. Þar fyrir utan hafa komið leikmenn sem (líklega) eiga ekki framtíð fyrir sér hjá félaginu (Assaidi og Sahin).

    Hann hefur eftir þetta tímabil haft eitt ár til að meta hópinn sem hann er með í höndunum og er núna kominn með njósnaranet og starfslið sem á að notast við, öfugt við það sem hann hafði að eigin sögn síðasta sumar.

    Það er ekki búið að versla neinn varnarsinnaðan leikmann síðan Enrique (og Coates) komu til Liverpool og morgunljóst að eitthvað nýtt kemur inn í þær stöður.

    Mig langar aðeins að skrá niður það sem við erum með í höndunum og velta upp nokkrum raunhæfum (huglægt mat) kostum í stöðunni sem Liverpool gæti skoðað í sumar. ég er núna eingöngu að hugsa um varnarmenn (og markmenn).

    Ég nenni ekki að henda upp öllum leikmönnum í heiminum, við vitum að við erum ekki að fara kaupa frá vissum liðum, því tel ég bara upp þá sem ég sé sem raunhæfa. Endilega bætið við þeim leikmönnum sem þið sjáið fyrir ykkur og útskýrið afhverju. Ég er að gleyma mjög mörgum og vann þetta ekkert vísindalega.

    Markmenn: Reina, Jones.
    – Mjög líklegt að þessa deild þurfi að styrkja og ég yrði ekkert of hissa þó Rodgers myndi selja Jones og reyna að fá inn mann sem myndi berjast við Reina um stöðuna. Ég efa það a.m.k. stórlega að Reina hafi heillað nýtt þjálfarateymi mikið undanfarið. Ég ætla þó að tippa á að Reina verði hjá okkur a.m.k. eitt ár áfram og því lítið að velta mér upp úr því sem er í boði á markmannamarkaðnum.

    Vinstri bakverðir: Enrique, Robinson (Johnson).
    Þarna fórum við einfaldlega of fáliðaðir inn í mótið og nánast öruggt að Rodgers vilji betra cover í þessa stöðu. Enrique gæti svosem verið inn í myndinni og Robinson á að heita eitt mesta efni Englands í dag en það er nánast öruggt að Liverpool kaupi leikmann sem spilar þessa stöðu eða geti í það minnsta leyst hana.

    Davide Santon: Fyrir mér væri þetta einn líklegasti kosturinn. Kaupa enn á ný frá Newcastle. Þeir eru þarna með ungan (1991) og mjög efnilegan bakvörð sem hefur verið að vaxa ágætalega og er kominn með reynslu í bæði Englandi og á Ítalíu. Hann er 22 ára og tikkar í ansi mörg box hjá FSG sem sóknarsinnaður bakvörður. Eins vitum við að hjá Newcastle er allt til sölu fyrir “rétt” verð.

    Šime Vrsaljko: Gríðarlegt efni sem spilar ennþá með uppeldisfélaginu Dinamo Zagreb. Hann hefur spilað með öllum landsliðium Króata og er núna kominn í A landsliðið. Ég hef eðlilega ekki séð hann spila mikið en ef þetta er ekki leikmaður sem hefur verið skoðaður mikið verð ég mjög hissa enda líklegur til að vera rísandi stjarna og strákur sem hefur spilað mikið undanfarin ár Hann er 1992 módel og með um 80-90 leiki í heimalandinu. Vrsljko er hægri bakvörður að upplagi en getur leyst vinstri bak líka sem ætti að henta mjög vel. Hann verður keyptur í eitt af stóru liðunum í Evrópu, það er bara spurning hvert þeirra.

    Marcos Rojo: Argentínumaður fæddur 1990 sem hefur spilað í Argentínu þaðan sem hann fór til Rússlands og er núna kominn til Sporting í Portúgal þar hann hefur verið að spila í miðverðinum. Ég hef ekkert slúður séð um hann en hann gæti alveg verið svona týpa af fjölhæfum varnarmanni sel Liverpool er að leita að.

    José Ángel: Spænskur vinstri bakvörður sem Luis Enrique fékk til Roma árið 2011. Hefur spilað með unglingalandsliðum Spánverja en er núna á láni hjá Real Sociedad frá Roma. Fæddur 1989, semi óþekktur leikmaður með nokkuð flotta ferilsskrá, ætti að heilla FSG.

    Jetro Willems: Hollenskur bakvörður fæddur 1994 sem er bara pottþétt að fara í stærra lið en PSV á næstunni. Hann er fastamaður hjá PSV og nú þegar kominn í landslið Hollendinga. Það er spurning hversu mikla trú menn hafa á Robinson því leikmaður eins og Willems er á sama aldri og í sömu stöðu og væri því alltaf líklega að koma í staðin fyrir Robinson. Klárlega eitt mesta efni Evrópu í stöðu vinstri bak engu að síður.

    Cheikh M’Bengue: Leikmaður Touluse í Frakklandi frá því hann var 7 ára og spilaði með unglingslandsiðum Frakka áður en hann ákvað að spila frekar með Senegal. Fæddur 1988 og með um 120 leiki í Franska boltanum. Ekki þekktasta nafnið í boltanum en hann hefur tvisvar á ferlinum fengið langt bann í Frakklandi fyrir glórulausar tæklingar. Erfitt að skjóta á virði svona leikmanns en eins og Newcastle hefur sýnt þá er fullt af góðum leikmönnum í Franska boltanum á mun betra verði en gengur og gerist í Englandi.

    Lucas Digne: Frakki fæddur 1993 og leikmaður Lille sem hefur spilað með öllum yngri landsliðum Frakka. Þetta er leikmaður sem spáð er að fari í stærra lið á næstu árum og er án vafa á radar Liverpool sem og fleiri liða. Fljótur leikmaður sem getur líka spilað vinstramegin á miðjunni.

    Erik Pieters: Annar vinstri bakvörður á mála hjá PSV. Pieters er stór (1,86) af bakverði að vera og getur vel leyst fleiri stöður í vörninni. Hann er með yfir 130 leiki í Hollandi og spilar með landsliðinu. Ég veit ekki afhverju hann er ennþá í PSV en stór lið í leit að varnarmönnum skoða hann alveg pottþétt.

    Elderson: Landsliðsmaður Nígeríu sem spilar með Braga Brynjars í Portúgal. Hann er fæddur 1988 og á 25 landsleiki nú þegar. Hann hefur verið hjá Braga síðan 2010 og kominn á aldur til að taka næsta skref upp.

    Jorge Torres Nilo: Landsliðsmaður Mexíkó fæddur 1988 sem spilar ennþá í heimalandinu. Hann á rúmlega 30 landsleiki og gæti verið með reynslu og á góðum aldri til að færa sig yfir til Evrópu.

    Diego Contento: Efnilegur Þjóðverji fæddur 1990 og á mála hjá FC Bayern. Hann er ættaður frá Napoli og ef þið hugsið hvað var að gerast í Napoli árið sem hann fæddist þá áttið þið ykkur á því hvaðan nafnið hans kemur. Vanalega ættu leikmenn Bayern ekki að koma til greina en líklega gæti hann ekki verið með mikið betri leikmenn fyrir framan sig í goggunarröðinni heldur en hjá einmitt Bayern. Hefur spilað með yngri landsliðum Þjóðverja.

    Luke Shaw: Líklega er þessi efnilegi leikmaður Southamton meira en velkominn á Anfield eins og flest alla aðra velli. Tekur því varla að telja hann upp í svona vangaveltum enda undir smásjánni hjá ansi mörgum liðum og verður allt annað en ódýr. Hann er fæddur 1995 og er einfaldlega eitt mesta efnið í boltanum.

    Neil Taylor: Rodgers hatar ekkert leikmenn Swansea og Taylor sem er fæddur 1989 tikkar alveg í nokkur box. Útilokum hann a.m.k. ekki í þessari upptalningu.

    Þarna eru hugmyndir af nokkrum leikmönnum sem eru ekkert alltaf í umræðunni og gætu vel verið undir smásjá Liverpool. Allir eiga þeir það sameiginlegt að vera á “réttum” aldri.

    Miðverðir: Agger, Skrtel, Carragher, Coates (Kelly, Wisdom).
    Persónulega spái ég því að Carragher og Coates yfirgefi Liverpool í sumar. Agger og Skrtel verði áfram og Kelly verði svo hugsaður framar í goggunarröðinni þar til hann meiðist snemma í ágúst.

    Því sé ég nauðsyn fyrir a.m.k. einum alhliða varnarmanni sem getur leyst allar stöður í vörninni og svo annan sem er hreinræktaður miðvörður. Einhvern sem er betri en Carragher, Coates og Skrtel. Ashley Willams hefur mest verið orðaður við Liverpool í þessu samhengi en persónulega efast ég stórlega um að hann sé á leiðinni á Anfield. Ég held að við séum að horfa í yngri leikmann og mögulega rísandi stjörnu eins og Coates átti reyndar að vera. Frekar þá að við fengjum einhvern sjóaðan alhliða varnarmenn með.

    Stefan de Vrij: Fyrirliði Feyernoord hefur verið mjög mikið orðaður við Liverpool rétt eins og Williams og er ákaflega líklegt að hann sé einmitt sá leikmaður sem verið er að leita að. Hann er 1992 módel og búinn að spila 100 leiki í Hollandi og hefur spilað með öllum landsliðum Hollands. Leikmaður sem er að öllum líkindum að fara hækka í virði á næstu árum og tikkar pottþétt í öll boxin hjá FSG. Rodgers á að hafa farið og skoðað hann nú þegar.

    Kyriakos Papadopoulos: Ég veit ekki hvort Liverpool hafi möguleika á þessum landsliðsmanni Grikkja fæddum 1992 en hann er fastamaður í liði Schalke og hefur spilað með öllum landsliðum Grikkja. Schalke er a.m.k. líklega ekkert að leitast eftir því að selja hann.

    Benedikt Höwedes: Reyndar ef við værum að fara kaupa miðvörð frá Schalke væri Höwedes kannski mun meira spennandi kostur. Hann er fæddur 1988 og hefur spilað með öllum landsliðum Þjóðverja.

    Neven Suboti?: Líklega er Suboti? ennþá ólíklegri enda í afar góðum málum hjá Dortmund. En hann er fæddur 1988 og það má aldrei vanmeta hvað félög sem eru rekin eins og Dortmund eru tilbúin til að selja.

    Bruno Martins Indi: Annar gríðarlega efnilegur varnarmaður Feyernoord sem hefur verið orðaður við Liverpool í vetur. Hann er líka fæddur 1992 og getur spilað í miðverði sem og vinstri bakverði. Martins hefur spilað með öllum yngri landsliðum Hollands og á 9 landsleiki. Ef að Feyernoord verður einhverra hluta vegna með 2 fyrir 1 útsölu í sumar er nokkuð ljóst að Liverpool mætir og gerir tilboð.

    Mamadou Sakho: Ef sögur þess efnis að hann sé óánægður hjá PSG  eru réttar, þar sem hann er á bekknum þá er ljóst að Liverpool hefur áhuga. Þetta er gríðarlega efnilegur leikmaður fæddur 1990 sem getur spilað bæði miðvörð og vinstri bakvörð. Líkamlega sterkur leiðtogi og mjög vinnusamur leikmaður. Sakho hefur spilað með öllum landsliðum Frakka og er núna í A landsliðinu.

    Mário Figueira Fernandes Brassi fæddur 1990 sem fór frá Gremio til CSKA Moskva árið 2012. Þetta er fjölhæfur varnarmaður sem er góður í loftinu og með góðar sendingagetu. Spurning hvort hann sé nokkuð á leiðinni frá Rússlandi í bráð en er þó talinn vera töluvert efni.

    Simon Kjær: Maður áttar sig ekki á því en Kjær sem hefur oft áður verið orðaður við Liverpool sem ög önnur lið er bara 1989 módel. Hann er kominn með góða reynslu og er fastamaður í landsliði Dana og einhver sem verður að teljast líklegur til að gera meira en að spila með Wolfsburg mikið lengur. Ég veit ekki nógu vel hvernig hann hefur verið að spila undanfarið en ef það er áhugi hjá Liverpool þá eigum við einn sem þekkir Kjær vel og ætti að vera snöggur að ná takti í vörninni með honum.

    Nicolas N’Koulou: Leikmaður frá Cameron fæddur 1990 sem hefur spilað yfir 130 leiki með Monaco og Marseille í Frakklandi. Hann á líka tæplega 40 landsleiki. N’Koulou var orðaður við Arsenal í janúar og er víst ekki búinn að skrifa undir nýjan samning við Maseille.

    Sokratis Papastathopoulos: Annar öflugur Grikki sem er á góðum aldri og í félagi sem hægt væri að kaupa leikmenn frá. Hann er fæddur 1988 og spilar með Werder Bremen og hefur gert frá 2011. Var mjög mikið efni á árum áður og m.a. keypur til AC Milan eftir góða dvöl hjá Genoa.

    Mehdi Benatia: Landsliðsmaður Marokkó og leikmaður Udinese sem við höfum mætt á þessu tímabili. Benatia er af innflytjendaættum í Frakklandi og fór þaðan til Ítalíu. Fæddur 1987 og ágætlega reyndur leikmaður.

    Serdar Tasci: Miðvörður Stuttgart og landsliðsmaður Þjóðverja af Tyrkneskum ættum. Tasci er fæddur 1987 og á tæplega 200 leiki með Stuttgart og 15 landsleiki. Hann er fyrirliði Stuttgart í dag.

    Toby Alderweireld: Miðvörður Ajax og einn af þessum ungu (1989) og efnilegu Belgum sem eru að koma upp um þessar mundir. Mjög líkamlega sterkur og með góðar sendingar. Hann er miðvörður að upplagi en getur leyst fleiri stöður í vörninni. Á um 120 leiki nú þegar hjá Ajax og verður að teljast líklegur til að leita í stærra lið von bráðar. Hann hefur einnig spilað 23 landsleiki með Belgum og í öllum yngri landsliðum Belga.

    Dejan Lovren: Króati á mála hjá Lyon í Frakklandi. Afar efnilegur miðvörður fæddur árið 1989 og hefur spilað um 70 leiki með Lyon og tæplega 20 landsleiki.

    Þetta er eins og áður segir langt frá því að vera tæmandi listi og bara svona hugmyndir af leikmönnum til að koma umræðu af stað í þessu leiðinda landsleikjahléi. Eins var ég að athuga hvort það væri ekki alveg fleiri kostir en Ashley Williams hjá Swansea í sumar!

    Vinsamlega höldum þessum þræði um hugsanlega varnarmenn/markmenn og ekki koma með mjög óraunhæfa kosti af leikmönnum sem þér finnst að Liverpool ætti að kaupa sama hvað. Reynum að miða meira við það sem við getum lesið í ummæli og fyrri kaup FSG/Rodgers og leikmenn sem Liverpool gæti átt séns á að fá.

  • Dýrari týpan

    54 Comments

    Luis Suarez lék landsleik í gær. Það hafði fyrirsjáanlegar afleiðingar:

    http://www.youtube.com/watch?v=kP50faieWnk

    Þetta mark er einfaldlega dýrari týpan. Eitt af þessum mörkum sem bara Suarez gæti skorað. Hann fær boltann úr innkasti, virðist missa hann til andstæðings en berst fyrir sínu og nær honum aftur. Gefur á samherja og tekur strikið inn í teig á meðan boltinn berst út á kant. Þaðan kemur fyrirgjöfin á fjær þar sem Suarez mætir og tekur hann í fyrsta, á lofti, utanfótar, í fjærhornið.

    Allt við þetta mark er svo erfitt. Allt við þetta mark er svo augljóst þegar Suarez á í hlut. Allt við þetta mark er geggjað.

    Suarez er næstmarkahæstur í forkeppni S-Ameríku með jafnmörg mörk og Messi í færri leikjum. Jafnmörg og Messi. Í færri leikjum.

    Við erum heppin að hafa þennan strák í Liverpool-liðinu.

  • Knattspyrnuskóli Liverpool á Íslandi í sumar

    Comments Off on Knattspyrnuskóli Liverpool á Íslandi í sumar

    Afturelding í samstarfi við Þór og Warrior kynnir:

    Knattspyrnuskóli Liverpool verður á Íslandi í sumar, þriðja árið í röð. Haldin verða tvö námskeið, á Tungubökkum í Mosfellsbæ dagana 6. – 8. júní og á Þórsvellinum á Akureyri 9. – 11. júní. Námskeiðið er 15 tímar, kl. 10:00 til 15:00, í þrjá daga.

    lfcaKnattspyrnuskóli Liverpool er fyrir fótboltastráka og stelpur á aldrinum 6 – 14 ára (7. – 4. flokkur). Liverpool starfrækir knattspyrnuskóla víða um heim sem leggur mikla áherslu á þjálfun barna og unglinga og hefur starf þeirra alið af sér heimsklassa knattspyrnumenn eins og Steven Gerrard.

    Allir þátttakendur á námskeiðinu verða undir stjórn þjálfara frá Liverpool og mun hver þeirra stýra hópi með um 16 börnum. Þeim til aðstoðar verða íslenskir þjálfarar sem munu m.a. sjá um að túlka á íslensku. Skipt verður í hópa eftir aldri og sérstakir æfingahópar verða í boði fyrir markmenn.

    Þátttaka er takmörkuð og því mikilvægt að tryggja sér sæti sem fyrst með greiðslu þátttökugjalds sem er kr. 22.500. Innifalið í því er morgunhressing, heitur hádegisverður og LFC fótbolti til eignar í lok námskeiðs.

    Skráningarbeiðnir og fyrirspurnir sendist á lfca@simnet.is

    Allir þátttakendur fá 20% afslátt hjá ReAct í Bæjarlind 4. ReAct er með mesta úrval landsins af Liverpool vörum.

  • Opinn þráður – Owen

    62 Comments

    Ferill hjá atvinnumanni í knattspyrnu nær ekki yfir ýkja stóran hluta starfsævinnar þó launin og frægðin sem því fylgir geti líklega fleygt mönnum langt árin þar á eftir. Maður myndi ætla að flestir vilji að þeirra sé minnst með hlýjum hug, því betur sem menn þjóna sínu félagi þeim mun betur verði orðspor þeirra eftir ferilinn. Ég er svo einfaldur að halda að svonalagað skipti miklu máli hjá leikmönnum og þeir leikmenn sem gefa skít í “sitt” félag sjái eftir því seinna meir. Þetta er auðvitað ekki algilt en sumar línur máttu bara ekki fara yfir ef þú vilt halda ímyndinni.

    Ég fór á minn fyrsta Liverpool leik árið 1997, útileikur í ágúst gegn Wimbeldon sem helst fer í sögubækur fyrir að Paul Ince og Danny Murphy voru að spila í fyrsta skipti fyrir Liverpool. Líklega er engin tillviljun að það er ennþá sungið um Super Danny Murphy þegar hann mætir Liverpool á meðan enginn minnist Ince, hvorki stuðningsmenn Liverpool eða United þar sem hann var þó vel metinn áður. Hann fór líklega yfir þessa línu gagnvart stuðningsmönnum United er hann gekk til liðs við Liverpool þrátt fyrir að hafa spilað á Ítalíu í millitíðinni (ekki það að Ince hafi verið það mikil hetja til að byrja með).

    Ef ég man rétt var þetta líka fyrsti leikur Michael Owen í byrjunarliði. Þessi 17 ára pjakkur hafði komið inná sem varamaður undir lok tímabilsins á undan og skorað en var þarna kominn í liðið og skoraði aftur, nú úr vítaspyrnu sem hann “stal” af Murphy sem ætlaði að taka hana.

    Það var ekkert lítið buzz í kringum þennan unga leikmann og átti bara eftir að aukast árin á eftir. Hann var frábær leikmaður þessi ár sín hjá Liverpool og hafði þegar upp var staðið skorað 158 mörk í 297 leikjum. Ég efa að nokkur leikmaður í sögu félagsins með svona feril hefði getað gefið eins lítið fyrir feril sinn og Owen gerði seinna á ferlinum.

    Hjá Liverpool náði Owen samt aldrei að komast með tærnar þar sem Fowler var með vindinn á eftir sér, hvað þá hælana. Ég hef lesið ævisögu Owen sem var skrifuð áður en hann fór til United og þar sýndi hann og sannaði að þarna er enginn karakter á ferð, bara 0. Hann bara átti aldrei eins upp á pallborðið hjá stuðningsmönnum Liverpool eins og Fowler eða McManaman og svo seinna Gerrard og Carragher. Hann hefur lengi verið kallaður “England´s Michael Owen” í Liverpool borg (líka áður en hann fór til Real Madríd) á meðan Fowler var “Our Robbie Fowler” í Liverpool borð jafnvel þó hann væri að spila fyrir Leeds eða Man City.

    Michael Owen dró félagið svolítið á asnaeyrunum þegar hann fór til Real Madríd. Flestir gátu fyrirgefið honum það að fara til Real (a.m.k. með tímanum) en hann náði að klúðra því eins og svö mörgu öðru eftir að hann fór að það var mjög lítill vilji til að óska honum góðs gengis. Þegar Owen fór var hann einn heitasti bitinn á leikmannamarkaðnum og fjórfalt meira virði en þessar 8 milljónir +Nunez sem við fengum fyrir hann frá Madríd. Þetta var samt ekki það sem eyðilagði feril hans í augum stuðningsmanna Liverpool, McManaman fór með mun undeildari hætti og er ennþá vel séður á Anfield.

    Heppni Owen sá til þess að í stað þess að hann ynni til stórra verðlauna hjá Real Madríd unnu vinir hans sem urðu eftir hjá Liverpool stærsta titil sem hægt er að vinna og það á svo æðislegan hátt að líklega verður þeirrar stundar og þeirrra leikmanna sem tóku þátt í þeim viðburði minnst um ókomin ár. Sló gjörsamlega við besta degi sem Owen gaf okkur 4 árum áður en hann vann FA Cup nánast upp á sitt einsdæmi.

    Hann vildi ólmur koma til Liverpool árið eftir en fékk ekki Ian Rush come back-ið því Freddy Sheapard stjórnarformaður Newcastle bauð guðs blessunarlega fáránlega upphæð í kappann og gerði endurkomu ómögulega. Hann fór frá Liverpool á 8m þannig að Rick Parry var ekki einu sinni svo vitlaus að kaupa hann aftur ári seinna sem hálfgert flopp á 15m. Tíminn hjá Newcastle var meiðslum hrjáð sorgarsaga. Owen sem er ekkert lítið bitra týpan gaf út þessa “ævisögu” sína sem er ekkert annað en réttlæting á ákvörðunum hans og hann fékk slæmar móttökur á Anfield er hann kom þanngað með Newcastle, ekki hver sem er sem nær því á Anfield. Ennþá hefði tíminn líklega læknað það sár og flestir gátu skilið stöðuna sem hann var í þegar hann fór til Newcastle þó þetta hjálpaði ekkert peningagræðgisstiplinum sem var á honum.

    En þegar ferillinn var svo gott sem búinn og hann kominn að lokasamning náði hann endanlega að hlaupa á harðaspretti úr hjörtum stuðningsmanna Liverpool og bara fórna glæsilegum ferli sínum þar. Það er alveg hægt að skilja ákvörðun hans frá fótboltalegu sjónarmiði enda hafði hann ekki úr miklu að velja þannig. Fótbolti er ekki alltaf sanngjarn og allt það, en hver sá sem þykir eitthvað vænt um ímynd sína hjá Liverpool, vill að sín sé minnst eftir að ferlinum líkur um ókomin ár, jafnvel eiga afturkvæmt næstu ár og áratugi í viðburði tengdum Liverpool, t.d. líkt og Didi Hamann ætlar að gera hér á landi á næstunni. Sá maður gerir bara ekki svona og það alls ekki fyrir bekkjarsetu í 1-3 ár og meiri tíma í hesthúsinu.

    Hann getur réttlætt það fyrir sjálfum sér að hann fékk með þessu betra sæti til að sjá lið vinna deildina, jafnvel hærri laun en hann hefði t.d. átt kost á hjá West Ham eða Stoke. Hann getur fundið til hvað sem er og hann á pottþétt eftir að gefa út bók um það von bráðar. En maður sem gerir svona, sama á hvaða forsendum skrifar sig með þessu úr hjörtum stuðningsmanna Liverpool. Hann hafði reyndar aldrei náð að festa sig almennilega í sessi hvort eð er.

    Eftir á að hyggja sluppum við líklega vel með Owen, fengum öll góðu árin hans. En það er ekki hægt að segja annað en að ferill hans sé alveg sorglegur m.v. hvernig hann byrjaði. Þetta er eini leikmaður Liverpool til að vera valinn knattspyrnumaður Evrópu (Keegan var hjá Hamburg). Þann titil fékk hann að mestu líklega fyrir þátt sinn í FA Cup árið 2001 en auðvitað líka sem markamaskína í þrennutímabili Liverpool. Getið þið nefnt mér annan sigurvegara Ballon d´Or verðlaunanna sem skilur jafn lítið eftir sig og Michael Owen, náði jafn litlum árangri og er eins óvinsæll hjá stuðningsmönnum þess liðs sem hann vann þessa nafnbót hjá? (Höfum auðvitað í huga að þetta er glæsilegur félagsskapur)

    Hér er listinn yfir alla sigurvegara Ballon d´Or frá upphafi (þessi frá 1960 í mestu uppháhaldi hjá mér)..

    Líklega hefðu einhverjir alveg trúað því að æskuvinirnir Jamie Carragher og Michael Owen myndu enda knattspyrnuferilinn sama dag.  Ég efa hinsvegar að nokkur maður hefði trúað því árið 1997 að það yrði Carragher sem yrði minnst sem ein af helstu goðsögnum félagsins á meðan Owen væri einhver sem menn muna með semingi. Virði fyrir það sem hann gerði fyrir Liverpool en vilja þó helst gleyma.

    Liverpool átti að fá mikið meira og mun fleiri ár út úr tveimur af bestu sóknarmönnum sem komið hafa frá Englandi undanfarna áratugi, báðir hættu ungir og voru meiddir allt of mikinn part ferilsins. Við skulum sjá til eftir 5ár, 10ár og 15ár hvor þeirrra verður ennþá partur af sögu Liverpool og hvor verði alveg steingleymdur, ég tippa á þennan á neðri myndinni.

    Owen - Fowler

  • Kop.is Podcast #35

    10 Comments

    Hér er þáttur númer þrjátíu og fimm af podcasti Liverpool Bloggsins!

    KOP.is podcast – 35. þáttur

    Þið getið hlustað á þáttinn beint með því að nota spilarann hér fyrir ofan en þið getið líka smellt á DOWNLOAD-takkann og sótt mp3-skrána ykkur til hæginda. Einnig er hægt að gerast áskrifandi að þættinum á iTunes með því að setja þennan link, í RSS-áskrift undir podcast-lið iTunes.

    Ég (Kristján Atli) stýrði þættinum sem fyrr og með mér að þessu sinni voru Babú, SSteinn, Einar Örn og Maggi.

    Í þessum þætti ræddum við sigurleikina gegn Swansea, Wigan og Tottenham, tapið gegn Southampton, ákvarðanir Brendan Rodgers og margt fleira.

  • Southampton – Liverpool 3-1

    70 Comments

    Liverpool bara verður að kýla aðdáendur liðsins niður kalda með reglulegu millibilli, helst gegn liði sem á að vinna nokkuð þægilega og alltaf þegar örlitlar væntingar hafa vaknað. Þetta var sannarlega einn versti dagur tímabilsins ef ekki sá versti og persónulega er ég að skrifa þetta að öllu leyti á Brendan Rodgers. Hann gerði fáránlega breytingu á liðinu í dag sem veikti það mjög fyrirsjáanlega og vanmat um leið andstæðinginn illa. Ég hef ekki verið svona reiður út í stjóra Liverpool síðan Hodgson var að stýra liðinu. (Ég er að tala um þennan leik, ekki allt tímabilið).

    Byrjunarliðið var svona:

    Jones

    Johnson – Skrtel – Agger – Enrique

    Downing – Gerrard – Allen

    Suarez – Sturridge – Coutinho

    Bekkur: Gulacsi, Wisdom, Henderson, Shelvey, Lucas, Suso, Ibe.

    Brendan Rodgers tók af illskiljanlegum ástæðum þá ákvörðun að stilla Joe Allen upp á miðjunni með Steven Gerrard en hafa Lucas Leiva og Jordan Henerson á bekknum. Aðeins nokkrum dögum eftir að hann sagði okkur að Allen hefur verið meiddur frá því í nóvember og þarf að fara í aðgerð.  Joe Allen hefur nákvælega engu bætt við leik Liverpool undanfarna mánuði á meðan Lucas hefur verið að líkjast sjálfum sér meira og meira. Ef eitthvað er að Lucas þá er Henderson líka á bekknum, ekkert meiddur og miklu miklu betri en Allen. Fáránleg ákvörðun og hún kostaði okkur þennan leik.

    Hitt er svo að hann var áfram með fjögurra manna sóknarlínu þrátt fyrir að taka varnatengiliðin úr liðinu. Ég veit ekki hvað það er nákvæmlega sem Rodgers bjóst við í dag en ég var ekki hissa og nánast feginn að staðan var bara 2-1 í hálfleik. Southampton sem hefur gengið afar illa undanfarið gekk gjörsamlega á lagið og þakkaði þetta vanmat kærlega.

    Martin Skrtel var annars kominn í liðið aftur eftir tveggja mánaða fjarveru (í deild) vegna meiðsla hjá Carragher og hefði það enn frekar átt að gefa tilefni til að taka ekki varnar elementið af miðjunni.

    Leikurinn byrjaði hræðilega og Schneiderlin skoraði strax á 5.mínútu er hann vann steinsofandi Martin Skrtel  í baráttu um boltann og potaði honum í netið. Aðdragandinn var langur bolti inn í teig sem fór yfir Johnson og var skallaður fyrir markið. Liverpool vaknaði ekkert við þetta mark nema síður væri og á 9.mínútu var Lambert kominn einn í gegn en Jones náði að bjarga vel.  Tíu mínútum seinna fengu Lallana og Rodriguez dauðafæri sem endaði með skoti frá Rodriguez yfir markið.  Tveimur mínútum seinna bjargaði Enrique boltanum í horn á síðustu stundu eftir frábæra fyrirgjöf frá Rodriguez.

    Heppnin virtist ætla að vera með okkur á 27.mínútu er varnarmaður Southampton rann á vellinum og Suarez slapp aleinn í gegn. En því miður sá einn maður á vellinum þetta atvik sem brot á Suarez og dæmdi aukaspyrnu. Suarez kom ekki við manninn og þetta var galinn dómur.

    Fimm mínútum seinna fengu heimamenn ódýra aukaspyrnu nokkuð langt frá marki sem Lambert setti í Sturridge í veggnum. Boltinn breytti um stefnu þannig að Jones átti ekki séns í hann og lak í hornið. 2-0 og erfitt að segja að það væri ósanngjarnt þó þetta mark hafi verið algjör grís.

    Brendan Rodgers gerði nákvæmlega engar breytingar á liðinu sem náði varla 3 sendingum sín á milli allann hálfleikinn.

    Á 38.mínútu var Rodriguez rétt búinn að koma heimamönnum í 3-0 en skot hans fór rétt framhjá.

    Coutinho var síðan aðalmaðurinn síðustu mínúturnar. Hann komst aleinn í gegn og var ekki dæmdur rangstæður eða brotlegur til tilbreytingar en náði ekki að komast framhjá Boruc í markinu sem lokaði vel á hann.

    Couthino bætti upp fyrir það í uppbótartíma er hann fékk boltann eftir darraðadans í teignum og setti í netið. Sturridge fær stoðsendinguna en boltinn kom frá honum til Brassans unga. Þetta var líka svokallað grísamark en við tökum því með báðum höndum. http://www.dailymotion.com/video/xy921c_sot2liv1_sport

    Staðan var því 2-1 í hálfleik og það vel sanngjarnt, ef eitthvað er þá hefðu heimamenn átt að skora meira.

    Rodgers rankaði við sér 45 mínútum of seint er hann áttaði sig á getumun Allen og Lucas og gerði loksins þessa skiptingu.  Miklu meiri ró var á Liverpool í seinni hálfleik og betra jafnvægi en þegar leið á fjaraði baráttan bara út eins og áður í vetur og við náðum ekki að skipta um gír. Fleiri skiptingar komu ekki fyrr en skaðinn var aftur skeður og í restina virkaði úthvílt lið Liverpool dauðþreytt gegn baráttuglöðum nýliðum.

    Jay Rodriguez gerði út um leikinn á 80.mínútu er hann hljóp í gegn frá miðju, fór á milli Lucas og Skrtel sem var eins og stytta gegn honum og náði skoti á markið sem  Jones varði, hann náði þó frákastinu og setti í netið.

    Þá sá Rodgers ástæðu til að skipta og henti Henderson inná í restina fyrir Sturridge sem hefur fjarað hrikalega út eftir góða byrjun hjá Liverpool.

    Maður leiksins:

    Leikmenn Liverpool komast ekki á blað fyrr en í svona 13. sæti í þessari kosningu. Jones gat lítið gert af þessum mörkum og varði oft ágætlega. Vörnin var hinsvegar ömurleg og spurning hvort hann nái ekki að stjórna henni nógu vel. Johnson átti einn af sínum slæmu dögum og hefði farið útaf ef það væri einhver sem gæti spilað þessa stöðu. Enrique var líklega okkar besti varnarmaður í dag en einungis vegna þess að Skrtel og Agger voru áfram bara skugginn af sjálfum sér. Það er með öllu fáránlegt hvað þetta lið hefur oft fengið á sig 2-3 eða fleiri mörk í leik í vetur.

    Á miðjunni var Joe Allen algjörlega hræðilegur enda með litla hjálp og bara mátti ekki við margnum. Ég er ekki viss um að það hafi verið farið nógu vel yfir það fyrir leik hvað hann ætti að gera í dag eða þá hvort það hafi gleymst að gera ráð fyrir andstæðingnum þegar verið var að æfa fyrir þennan leik. Gerrard var í svipuðum málum þó hann hafi eins og liðið komist betur í gang þegar Lucas kom inná.

    Coutinho og Downing voru ekki að hjálpa mikið til varnarlega í dag og við áttum ekki miðjuna fyrr en of seint. Coutinho samt líflegur, skoraði mark og átti færi til að gera fleiri. Hann var alveg búinn um miðjan seinni hálfleik en kláraði samt leikinn.

    Suarez komst einn í gegn í dag en var ranglega dæmdur brotlegur. Fyrir utan það var þetta einn af hans verri leikjum. Hann var svosem með betri mönnum Liverpool en það var bara vegna þess að samkeppnin var engin. Daniel Sturridge gat síðan ekki neitt í þessum leik, hann var tekinn útaf fyrir miðjumann þegar staðan var 3-1 og meira þarf ekki að segja um hans leik.

    Þetta var þannig  leikur að Brad Jones fær mann leiksins frá mér, þrátt fyrir að hafa fengið á sig 3 mörk.

    Þetta tímabil er þar með búið, allt build up fyrir þennan leik fór með látum í vaskinn og öll önnur úrslit fóru á versta veg. Það er augljóslega verið að móta nýtt lið hjá Liverpool og við höfum bæði séð það oft og talað um það að svona slys koma inn á milli, það er eðlilegt. Þetta var einn af þessum dögum og vonandi að menn læri af þessu fyrir næsta tímabil. Það sem fer mest í taugarnar á mér eftir þennan leik fyrir utan mistök Rodgers er hvað liðið virkaði gjörsamlega búið á því í restina og gat ekki skipt um gír gegn nýliðum Southampton, afhverju er það eiginlega?

    Næsti leikur er eftir 3 mjög löng ár vegna landsleikjahelgar næstu helgi.

  • Liðið gegn Southamton

    151 Comments

    Rodgers gerir tvær breytingar á liðinu sem vann Tottenham, Lucas fer út fyrir Allen og Carragher er meiddur og fer út fyrir Martin Skrtel.

    Liðið gegn Southamton:

    Jones

    Johnson – Skrtel – Agger – Enrique

    Downing – Gerrard – Allen

    Suarez – Sturridge – Coutinho

    Bekkur: Gulacsi, Wisdom, Henderson, Shelvey, Lucas, Suso, Ibe.

    Repe Reina ferðaðist með liðinu en er ekki orðinn nógu góður og því ekki með í dag. Carragher er lítillega meiddur og Martin Skrtel kemur inn í hans stað. Hann hefur lítið spilað undanfarið og verið í tapliði í síðustu þremur leikjum sem hann hefur spilað.

    Það sem ég skil enganvegin í þessu er að Joe Allen er í liðinu á kostnað Lucas Leiva. Fyrir það fyrsta hélt ég að Allen væri meiddur og þar fyrir utan skil ég bara ekki að taka Lucas út og setja á bekkinn þegar það er ekkert leikjaálag. Prove me wrong Allen.

    Bekkurinn er svo mjög áhugaverður og ungur en þetta er líklega í fyrsta skipti sem Jordon Ibe er á bekknum, hrikalega mikið efni þar á ferð.

    Þetta er líklega allt í senn, 4-2-3-1, 4-3-3 og 4-4-2.

    Vonandi er þetta of mikið fyrir Southamton og við vinnum þetta 0-2. Sturridge og Gerrard með mörkin.

Load More
Congratulations. You've reached the end of the internet.

© 2019 KOP.is

Back to Top
Close