Search

Menu
Search

Latest stories

  • Tímabilið að byrja hjá kvennaliðinu

    3 Comments

    Það er komið að fyrsta leik hjá stelpunum okkar, en núna í dag kl. 13 mæta þær Leicester á heimavelli.

    Heimavöllur segirðu, hvaða völlur skyldi það nú vera?

    Jú, eftir að hafa fengið að nota Prenton Park í allnokkur ár, þá hafa stelpurnar okkar flutt sig um set, og spila núna á St. Helens. Þetta er völlur sem er aðeins fyrir utan Liverpool, nálægt því að vera mitt á milli Liverpool og Manchester, og er að upplagi rugby völlur. En rugby tímabilið er að mestu á vorin og sumrin, svo það er lítil skörun þar á milli. Leikmenn a.m.k. báru vellinum vel söguna eftir æfingaleik gegn Everton um síðustu helgi, og hann leit vel út í sjónvarpi. Það er svo búið að gefa það út að þrír leikir verði spilaðir á Anfield í vetur.

    Breytingar á liðinu

    Eins og gengur þá verða alltaf breytingar á liðinu í sumarglugganum. Áður var komið fram að liðið sótti Oliviu Smith frá Sporting, hún varð dýrasti leikmaðurinn í sögu félagsins þrátt fyrir ungan aldur. Jafnframt bættust tveir nýir leikmenn við: framherjinn Cornelia Kapocs kom frá Linköping í Svíþjóð, en hún skoraði 18 mörk í 25 leikjum á síðasta tímabili. Þá kom varnarmaðurinn Gemma Evans frá United. Engar áhyggjur, hún er púlari í húð og hár og uppáhalds leikmaðurinn hennar er Steven Gerrard. Fleiri leikmenn komu nú ekki nýir inn, en við megum alveg reikna með að sjá nöfn á leikskýrslum eins og Hannah Silcock, Zara Shaw, og sjálfsagt fleiri úr akademíunni. Talandi um akademíuna, þá er ljóst að Lucy Parry mun fá stærra hlutverk eftir að Emma Koivisto hélt á brott eftir síðasta leikinn í vor, og Lucy verður með númer 2 á bakinu héðan í frá.

    En svo eru það slæmu fréttirnar. Missy Bo Kearns – the scouser in the team – sá að hún var ekki að fara að byrja leiki með liðinu, og ákvað því að færa sig um set til að tryggja að hún fái spilatíma. Hún er því farin og gekk til liðs við Aston Villa. Helvítis skellur verður að viðurkennast, en samt alveg ljóst að Holland, Höbinger og Nagano voru alltaf að fara að byrja á miðjunni á undan henni. Við vonum bara að hún eigi eftir að þroskast og dafna sem leikmaður, og koma svo aftur rétt eins og Gemma Bonner og Natasha Dowie gerðu á sínum tíma. Og treyjan með Kearns nafninu hangir enn uppi í skáp hjá undirrituðum og er ekkert að fara neitt. Við vonum a.m.k. að þetta komi best út fyrir alla aðila, og skiljanlegt hjá Missy Bo, enda var hún t.d. á standby með enska landsliðinu í vor, og alveg ljóst að hún þarf að byrja sem flesta leiki til að staðna ekki sem leikmaður.

    Fyrir vikið þá má segja að liðið sé helst til þunnskipað á miðjunni, því fyrir utan HHN þríeykið þá er Sofie Lundgaard í raun eini “senior” miðjumaðurinn. Zara Shaw er vissulega miðjumaður sömuleiðis, en ung og nýkomin úr ACL meiðslum. Sjáum til hvað verður með miðjuna, og hvort það verði keypt inn í janúarglugganum.

    Hin liðin

    Tökum örstuttan skrens yfir hin liðin. Chelsea mæta inn í tímabilið sem ríkjandi meistarar, en núna er Emma Hayes hætt sem stjóri og tekin við bandaríska landsliðinu, og Sonia Bompastor kom til þeirra frá PSG. Jafnframt fengu þær Lucy Bronze frá Barcelona, og eru ekkert illa skipaðar þrátt fyrir að hafa misst nöfn eins og Fran Kirby til Brighton. A.m.k. var það þannig að Niamh okkar Charles var ekki einusinni á bekk í opnunarleik þeirra gegn Villa á föstudaginn. Kannski er hún meidd, en ef hún er dottin úr náðinni þá væri nú margt vitlausara en að sækja þennan púlara aftur.

    City fengu Vivianne Miedema frá Arsenal – og hún mun einmitt mæta sínum gömlu félögum núna í hádeginu. Þær verða því baneitraðar með þær Bunny Shaw í fremstu víglínu.

    United eru búnar að ganga í gegnum alls konar breytingar, misstu allnokkra leikmenn í sumar, þannig fór t.d. Mary Earps til PSG, Nikita Parris fór til Brighton og Katie Zelem fór til Bandaríkjanna. Maður kemur í manns stað, og United stúlkur unnu öruggan sigur á West Ham í fyrsta leik í gær.

    Everton fengu til sín tvö nöfn sem við ættum að kannast við: Melissa Lawley og Rylee Foster. Sú síðarnefnda er sem betur fer að koma til baka eftir að hafa verið í lífshættu eftir bílslys fyrir 3 árum, slys sem gerði út um vonir hennar um að festa sig í sessi sem aðalmarkvörður Liverpool. En hún er ennþá með YNWA tattóverað á vinstri handlegginn. Lawley fékk svo ekki framlengingu á samningi í vor, og ákvað að fara ekki mjög langt í Liverpoolborg. Hvorugar þeirra komu þó við sögu í 4-0 tapi Everton gegn Brighton í gær.

    Svo má fara niður um deild og skoða London City Lionesses. Þar er kominn nýr eigandi: Michelle Kang er sterkefnaður viðskiptamógúll, og eftir að hafa keypt liðið í sumar er hún búin að vera að raða til liðsins alls konar sterkum leikmönnum. Þær eru þó EKKI í efsta sæti eftir tvær umferðir, en sjáum hvernig málin þróast í vetur.

    Leikur dagsins

    Okkar konur koma inn í þennan leik hafandi lent í fjórða sæti í deildinni í vor. Auðvitað viljum við stefna hærra, en það verður heldur betur erfitt enda meira en að segja það að gera betur en Chelsea, City og Arsenal. Munum þó að okkar konur unnu tvö þessara liða í fyrra, svo við skulum ekki útiloka neitt.

    Það eru nánast allir leikmenn heilir, Grace Fisk er þó ennþá meidd og verður frá í einhverjar vikur til viðbótar. Olivia Smith er til þess að gera nýkomin frá CONCACAF Gold Cup hvar hún hlaut nafnbótina “Ungi leikmaður mótsins”.

    Liðið sem byrjar lítur svona út:

    Laws

    Clark – Bonner – Evans

    Parry – Nagano – Hinds

    Holland – Höbinger

    Smith – Roman Haug

    Bekkur: Spencer, Fahey, Silcock, Matthews, Daniels, Lundgaard, Kapocs, Kiernan, Enderby

    Teagan Micah er greinilega ekki leikfær því akademíumarkvörðurinn Spencer er á bekk í hennar stað. Það verður svo lítið mál að skipta út í sókninni í dag.

    Varnarlínan í dag er svo Jenna, Gemma og Gemma.

    Til að horfa á leikina á netinu þarf ekki lengur að nota The FA Player, megnið af leikjum verður á Youtube á rás Barclays Women’s Super League. Hér er slóð á Liverpool – Leicester leikinn. Það er ekki útilokað að einhverjir leikir verði á Viaplay í vetur, en ekki í dag a.m.k.

    Það væri mjöööööög gaman að byrja á þrem góðum stigum í dag.

    KOMA SVO!!!

  • Liverpool 3-0 Bournemouth

    22 Comments

    Mörkin

    1-0 Diaz (26.mín)
    2-0 Diaz (28.mín)
    3-0 Nunez (37.mín)

    Hvað réði úrslitum

    Stutta svarið er rúmlega tíu mínútna kafli í fyrri hálfleik þar sem liðið skoraði þrjú mörk og gerði í raun út um leikinn. Nákvæmlega það sem maður hefur saknað í talsverðan tíma, að geta farið tiltölulega stresslaust inn í lokakafla leiks og hvílt menn eftir þörfum.

    Lengri útgáfan er blanda af því formi sem Diaz er í, sem er nú kominn með fimm mörk (fjöldi sem hann náði ekki fyrr en í febrúar á síðasta tímabili), miðjan spilaði einnig stórt hlutverk, stjórnuðu leiknum á stórum köflum þar sem að Mac Allister og Gravenberch voru enn og aftur allt í öllu í miðjuspili liðsins og síðast en ekki síst var miðvarðarparið virkilega öflugt og þá einna helst Konate sem var frábær í dag. Þetta er n.b. hans þriðji leikur á einni viku. Það hefur aldrei verið nein spurning um þá hæfileika sem hann býr yfir, heldur hefur meiðslasagan og sú staðreynd að þar til nú hefur hann ekki getað spilað 2-3 leiki í viku – ef Slot og félagar finna lausnina við því þá er það gríðarlegur liðsstyrkur fyrir félagið. Við þurfum kjarna sem spilar 85%+ af leikjum liðsins, eitthvað sem við höfum ekki getað treyst á síðustu misseri.

    Hvað þýða úrslitin

    Það er frekar einfallt, toppsætið er okkar þar til á morgun þegar City  tekur á móti Arsenal. Auðvitað svíður tapið gegn Nottingham Forrest ennþá en ef menn horfa til spilamennsku liðsins, þá staðreynd að liðið er komið með 12 af 15 stigum í deild, haldið hreinu í 4 leikjum af 5 (í deild) og farið á San Siro og unnið sannfærandi í fyrsta leik í CL þá er erfitt að vera annað en sáttur.

    Hvað hefði mátt betur fara?

    First things first. Sama hver andstæðingurinn er, það að vinna þriggja marka sigur í deild eftir CL leik í miðri viku er alltaf jákvætt, meira að segja virkilega jákvætt.

    Ef það er eitthvað sem er hægt að benda á að hefði mátt betur fara þá er það kannski sú staðreynd að Bournemouth var með hærra en 1.0 í xG, sem er heldur hátt fyrir aðkomulið, sérstaklega lið sem líklega verður ekki í top 3-4 sætunum. Það verður þó að horfa á þetta í samhengi, Liverpool setti að vissu leyti í hlutlausan gír eftir að vera komnir í 3-0 og gátu leyft sér að spara aðeins orku, skipta mönnum inn og hvíla aðra.

    Næsta verkefni

    Það er leikur núna á þriggja daga fresti næstu vikurnar. Í vikunni sem nú er á enda var það meistaradeildin, næst er það West Ham í deildarbikarnum (miðvikudaginn) áður en við heimsækjum Úlfana um næstu helgi.

    Þar til næst

    YNWA

  • Liðið gegn Bournemouth – Darwin byrjar!

    33 Comments

    Þá er það næsta verkefni. Eftir vonbrigðin um síðustu helgi þá svaraði liðið vel á San Siro. Nú er tækifæri til þess að bæta fyrir þann leik, á sama stað í sömu keppni.

    Slot sagði á blaðamannafundinum fyrir leik að Alisson væri tæpur. Ég man ekki eftir markverði sem á í jafnmiklum vandræðum með vöðvameiðsli og þessi frábæri markvörður en hann er frá í dag og inn stígur Kelleher.

    Vörnin er óbreytt frá því í leiknum gegn Nottingham Forrest (Robertson kemur inn frá því í leiknum gegn AC Milan), miðjan einnig en á toppnum er það Darwin sem kemur inn í stað Jota og leiðir línuna ásamt Salah og Diaz. Í öðrum fréttum þá er Chiesa á bekknum í sínum fyrsta deildarleik – væri gaman að fá að sjá meira til hans í dag en á San Siro – sjáum hvað setur.

     

    Þrjú stig takk.

    Koma svo!

    YNWA

  • Upphitun: Bournemouth á Anfield

    6 Comments

    Á morgun mæta suðurstrandastrákarnir í Bournemouth á Anfield. Bournemouth enduðu síðasta tímabil í tólfta sæti eftir afleita byrjun þar sem var mikið rætt um hvort þjálfari þeirra Iraola myndi missa starfið en hann náði að snúa því við og enda um miðja deild.

    Í fyrstu tveimur umferðunum gerðu þeir jafntelfi við Nottingham Forest og Newcastle áður en þeir unnu ævintýralegan 3-2 sigur á Everton í leik sem þeir voru 2-0 undir á 87.mínútu. Í síðustu umferð mættu þeir svo Chelsea og voru óheppnir að tapa leiknum 1-0 og alveg ljóst að Bournemouth eru engir muggar.

    Bournemouth misstu sinn hættulegasta mann í sumar þegar Solanke fór til Tottenham og hefur eftirmaður hans Evanilson ekki náð að heilla eins og er og klúðraði meðal annars víti í síðasta leik. Það þýðir þó ekki að Bournemouth hafi enginn vopn því þeir hafa hættulega menn á miðsvæðinu. Helst ber að nefna Semenyo sem hefur verið flottur í byrjun tímabils og Justin Kluivert ásamt Sinistera sem kom inn af bekknum gegn Everton og bjargaði þeim leik. Við höfum stundum verið orðaðir við vinstri bakvörð þeirra, ungan Ungverja, Milos Kerkez.

    Okkar menn

    Eftir svekkjandi tap gegn Nottingham Forest um síðustu helgi svöruðu okkar menn því vel með frábærum leik á San Siro og vonandi að við sjáum framhald að því á morgun. Vikan hefur þó ekki verið eintóm hamingja því í morgun hafa verið að berast fréttir af því að Alisson hafi meiðst lítillega og verði ekki með á morgun og fáum við þá að sjá Kelleher í rammanum. Kelleher fínasti markmaður og hef í raun ekkert á móti honum en þessi síendurteknu meiðsli hjá Alisson fara að verða virkilega pirrandi.

    Sáum Slot rótera liðinu sínu í fyrsta skipti gegn Milan þar sem Tsimikas og Gakpo komu inn í liðið fyrir Jota og Robertson og eigum á næstu vikum líklega eftir að sjá ansi oft eina til tvær breytingar á liðinu til að halda mönnum ferskum. Gakpo stóðst prófið með glæsibrag og ef Diaz hefði ekki líka byrjað tímabilið vel væri enginn spurning að frammistaða hans hefði gefið honum sæti í byrjunarliðinu. Tsimikas átti kaflaskiptan leik, leit mjög illa út í markinu sem við fengum á okkur en lagði einnig upp mark.

    Ég sem sagt geri ráð fyrir að hann fari aftur í byrjunarliðið sem hann hefur haldið sig við fyrstu leikina, fyrir utan Alisson. Gakpo bankar fast á dyrnar og gæti alveg byrjað frekar en Diaz en ég á ekki von á því. Fer einnig að styttast í að menn fari að hvíla af miðsvæðinu en held að menn eins og Curtis Jones þurfi aðeins fleiri mínútur inn af bekknum áður en ég þori að spá honum byrjunarliðssæti.

    Spá

    Ég held að menn komi á miklu flugi inn í þennan leik og vilji ekki sjá neina endurtekningu af síðustu helgi og við skorum snemma og siglum heim 3-0 sigri með mörkum frá Salah, Szoboszlai og McAllister.

  • Milan 1-3 Liverpool

    22 Comments

    Arne Slot stýrði Liverpool í fyrsta skiptið í Meistaradeildinni í kvöld þegar liðið heimsótti AC Milan. Slot og leikmenn liðsins höfðu talað um að þurfa að sýna rétt svar við slæmu tapi gegn Nottingham Forest um síðastliðna helgi og tókst það heldur betur með mjög flottri frammistöðu og góðum 3-1 sigri á Milan.

    Það voru tvær breytingar gerðar á byrjunarliðinu frá því um helgina en það voru þeir Tsimikas og Gakpo sem komu inn fyrir Robertson og Diaz. Báðir áttu nú heldur betur eftir að koma við sögu í leiknum.

    Hvað gerðist marktækt í leiknum?
    Leikurinn byrjaði nú ekki vel þegar Liverpool var strax lent undir á þriðju mínútu leiks eftir mjög kjánalegan varnarleik hjá Tsimikas sem skildi vörnina eftir mjög illa setta og Christian Pulisic skoraði með góðu skoti. Í fyrstu virtist koma smá svona ónota tilfinning í liðið en nokkrum mínútum seinna náðu þeir sér niður á jörðina og tóku öll völd á leiknum.

    Liverpool átti fín færi og Salah til að mynda átti tvö skot í tréverkið úr fínum færum en Liverpool jafnaði svo metin þegar Trent átti fyrirgjöf eftir aukaspyrnu sem fór á kollinn á Konate sem var örugglega kominn einhverja tíu metra upp í loftið og stangaði boltann af krafti í netið. Flott mark hjá honum og vonandi munum við sjá þetta reglulega hjá honum í vetur. Það var svo svipuð uppskrift af markinu sem kom Liverpool yfir en þá átti Tsimikas góða hornspyrnu á VVD sem sömuleiðis skoraði með kröftugum skalla.

    Áfram hélt Liverpool stjórninni og gerði AC Milan eiginlega neitt að viti fram á við eftir að þeir lentu undir og Liverpool meira en minna bara stýrðu hraðanum á leiknum og umferðinni. Milan reyndi að sækja aðeins á bakvið þá og svona en gerðu í raun ekkert sem Liverpool réði ekki nokkuð þægilega við.

    Það var svo Szoboszlai sem innsiglaði sigurinn í seinni hálfleik með flottu marki eftir frábæran undirbúning Gakpo sem var óstöðvandi í leiknum.

    Bestu menn leiksins
    Það voru ekki margir leikmenn Liverpool sem voru ekki að eiga fínan leik. Tsimikas gerði sig sekann í marki Milan og var úti á þekju en bætti það upp með stoðsendingunni og átti heilt yfir mjög fínan leik. Trent lagði upp en fannst fara töluvert minna fyrir honum heilt yfir þar sem uppleggið fór rosa mikið upp í gegnum þá Tsimikas og Gakpo.

    Mac Allister átti flottan leik á miðjunni og þeir Konate og Van Dijk voru frábærir, ég er ekki viss um að þeir hafi þurft að svitna mikið í þessum leik. Það sem þeir þurftu að gera gerðu þeir bara svo rosalega vel og auðveldlega. Salah átti nokkrar fínar rispur og óheppinn að skora allavega ekki eitt mark. Szoboszlai var stanslaust að og skoraði gott mark en lengi vel fannst mér hann pínu ekki í takti en margar jákvæðar rispur.

    Þeir sem ég tel hafa staðið hvað mest upp úr voru þeir Gravenberch og Gakpo. Gravenberch heldur áfram að vera frábær í þessu miðjumannshlutverki sem hann spilar í vetur og Gakpo byrjaði sinn fyrsta leik og var hreint út sagt frábær, einn af hans betri overall leikjum held ég hjá Liverpool í langan tíma. Gravenberch, Gakpo eða Van Dijk – held við getum hent verðlaunum á einn af þeim og ég verð bara sáttur.

    Hvað hefði betur mátt fara?
    Liverpool hefði getað skorað fleiri og svo sem kjánalegt mark að fá á sig svo fyrir utan það þá var í raun ekkert mikið út á þennan leik að setja. Fínar sóknir og vörðust vel. Ég nenni allavega ekki að reyna að týna bara einhver atriði til að reyna að finna neikvæðan vinkil á þetta – æ jú, segjum bara að við fengum alltof fáar mínútur af Chiesa á vellinum!

    Næsta verkefni?
    Næsti leikur er heimaleikur við Bournemouth um næstu helgi og svo bikarleikur gegn West Ham í miðri viku eftir það. Við viljum klárlega sjá meira svona í þeim leikjum heldur en það sem við sáum gegn Nottingham Forest takk!

  • Liðið gegn AC Milan – fyrsta rótering Slot

    35 Comments

    Meistaradeildin hefst aftur innan skamms eftir árs pásu hjá Liverpool og er nú með nýju uppleggi og hefur Liverpool leik á San Siro og mætir AC Milan.

    Arne Slot hefur gert tvær breytingar á byrjunarliði sínu frá því í tapleiknum gegn Nottingham Forest um helgina.

    Alisson

    Trent – Konate – Van Dijk – Tsimikas

    Szoboszlai – Gravenberch – Mac Allister

    Salah – Jota – Gakpo

    Bekkurinn: Kelleher, Jaros, Gomez, Endo, Diaz, Nunez, Chiesa, Jones, Robertson, Quansah, Morton, Bradley.

    Tsimikas kemur inn fyrir Robertson og Gakpo fyrir Luis Diaz. Þá er Chiesa í fyrsta skiptið í leikmannahópi Liverpool síðan hann gekk nokkuð óvænt til liðs við Liverpool í lok sumargluggans.

    Sjáum hvernig Liverpool tekst eða tekst ekki að svara fyrir svekkjandi úrslit um síðastliðna helgi.

  • Gullkastið – Skítur Skeður

    3 Comments

    Liverpool tók þessa líka hvellskituna í fyrsta leik eftir landsleikjahlé og sparkaði öllum jákvæðum straumum eftir byrjun tímabilsins langt út á haf. Afleit byrjun á rosalegu leikaprógrammi fram að næsta landsleikjaglugga. Lið sem ætlar sér eitthvað í Úrvalsdeildinni má hreinlega ekki tapa fyrir Forest heima, það er ekki í boði.
    AC Milan bíður næst á San Siro og svo er það Bournemouth úti um helgina.

    Stjórnandi: Einar Matthías
    Viðmælendur: SSteinn og Maggi

    Þökkum að vanda samstarfsaðilum þáttarins fyrir að hjálpa okkur að halda síðunni úti.


    Egils Gull / Húsasmiðjan / Verdi Travel / Ögurverk ehf / Done

    MP3: Þáttur 486

  • AC Milan – Liverpool

    1 Comment

    AC Milan í Meistaradeildinni? Já takk, ég er til í það.

    (ATH: Gullkast þáttur vikunnar er hér fyrir neðan)

    Eftir árshlé frá Meistaradeildinni eru okkar menn komnir aftur þangað og það er bara einfaldlega risaslagur framundan. AC Milan eru hluti af Evrópuelítunni rétt eins og Liverppol FC. En áður en við byrjum þá er ágætt að lesa þessa frábæru upphitun Einars frá 2021 þar sem hann fer rækilega í sögu félagsins, héraðsins og borgarinnar Mílanó. Því tek ég annan pól í hæðina í þessari upphitun. Mig langar að kynnast aðeins liði AC Milan í dag.

    Þeir eru, eins og liðin á Englandi, búnir að spila fjóra leiki í Serie A. Þeir voru án sigurs í fyrstu þremur en öfugt við Liverpool rústuðu þeir fjórða leiknum sínum, Íslendingaliðið Venezia (ég veit reyndar ekkert hvort einhverjir Íslendingar séu eftir þar) var fórnarlambið í 4-0 sigri AC Milan.

    Byrjunarliðið þeirra er nokkuð sterkt. Í markinu stendur franski landsliðsmarkvörðurinn Mike Maignan. Klárlega mjög sterkur markvörður sem getur skipt sköpum í svona leikjum. Varnarlínan verður líklega Emerson Royal sem hægri bakvörður, Tomori og Pavlovic miðverðir og Theo Hernandez vinstri bakvörður. Royal og Hernandez ættu flestir að kannast við, frá Tottenham og franska landsliðinu og engir aukvisar þar á ferð. Oluwafikayomi Oluwadamilola “Fikayo” Tomori er 26 ára gamall enskur miðvörður sem kom frá Chelsea en hefur lítið spilað fyrir þá en verið mest á láni. Hann á þó fimm landsleiki fyrir England. Serbinn Strahinja Pavlovic er með honum í hjarta varnarinnar. Sá er 1,94 á hæð, best að vera ekkert að senda Jota í skallabolta gegn honum. Hann er serbneskur landsliðsmaður, 23 ára sem á samt 40 landsleiki. Það er alveg þokkalega efnilegur varnarmaður.

    Miðjan verður væntanlega skipuð Loftus Cheek, Fofana og Reijnders. Loftus Cheek er svo annar Chelsea leikmaðurinn sem er hjá AC Milan. Hann á 10 landsleiki, er 28 ára, hefur ekki náð neinum gríðarlegum landsliðsferli með Englendingum og er líklega ekki nógu góður til að fá 15 ára samning hjá Chelsea. Fofana er 25 ára franskur landsliðsmaður sem kom frá Mónakó fyrir nákvæmlega mánuði síðan og loks er Hollendingurinn Tijjani Reijnders, sem sló bara þokkalega í gegn á EM í sumar þarna líka. Hann var sterklega orðaður við Liverpool eftir EM og það er ekki ólíklegt að okkar menn reyni við hann næsta sumar. Þetta er bara ágætis miðja, kannski helst að Loftus Cheek sé veikleiki.

    Sóknarlínan samanstendur svo af Rafael Leao, Tammy Abraham og Cristian Pulisic. Leao þarf vart að kynna, hann var mjög góður með Portúgal í sumar og hefur vakið töluverða athygli, er öskufljótur og leikinn með boltann og hefur líka örugglega verið undir smásjá okkar manna í sumar og verður eitthvað áfram. Tammy Abraham var hjá…you guessed it…Chelsea áður en þeir seldu hann til Roma þaðan sem hann kom til AC Milan á láni í sumar. Ágætis senter sem virkaði nú bara ágætlega í ensku deildinni, skoraði t.d. 25 mörk í 37 leikjum fyrir Aston Villa tímabilið 2018-2019. Þriðji sóknarmaðurinn var líka í Chelsea. Christian Pulisic er leikmaður sem Liverpool var eitt sinn að eltast við en er nú kominn til AC Milan. Flottur leikmaður sem hefur þó átt upp og ofan feril.

    Sem sagt. Byrjunarliðið hjá AC Milan er skipað 5 Chelsea rejects og svo nokkrum öðrum frekar sterkum leikmönnum. No comment á hversu sterkir þessir Chelsea rejects eru, en þetta eru allt ágætis leikmenn. Bekkurinn er síðan þrælsterkur, í hópnum eru t.d. Davide Calabria fyrirliði, ítalski landsliðsmaðurinn Alessandro Florenzi, alsírski landsliðsmaðurinn Ismael Bennacer, Evrópumeistarinn Alvaro Morata og serbneski senterinn Luka Jovic svo einhverjir séu nefndir. Það er því alveg óvíst að byrjunarliðið verði eins og ég giska á það hér en einhverjir af þessm eru meiddir, t.d. Calbria fyrirliði, en hann er tæpur fyrir leikinn.

    En þá að okkar mönnum.

    Liverpool fór í gamlan takt um helgina og eftir landsleikjahlé tapaði liðið á heimavelli fyrir…ja bara helvítis leiðindaseggjum í Nottingham Forest. En þannig er jú fótboltinn, þú þarft að finna leiðir til að vinna leiki og Forest gerði það, Arne Slot og drengirnir hans voru ekki nógu góðir.

    En sá leikur er búinn, algjör óþarfi að hengja sig eitthvað í hann, heldur bara mæta á fullu gasi á San Siro. Þetta er alveg snúinn útileikur en miðað við hvernig Slot hefur brugðist við hingað til getum við alveg átt von á miklum breytingum á byrjunarliðinu því það voru allnokkrir leikmenn sem spiluðu ekki vel gegn Forest. Að því sögðu þá gerðu varamennirnir svosem ekkert stórkostlega hluti heldur. En leikjaálagið er komið í gang og það er meira “í lagi” að tapa stigum í Meistaradeildinni þannig að ég spái liðinu svona:

     

    Þarna fram á við verða alls kyns róteringar, Aðallega þó Gakpo, Jota og Nunez. Það er kominn tími á að Gakpo og Nunez fái sénsinn, kannski verður Diaz samt inni, jafnvel Szoboszlai líka. Eða Jones. Snúið að spá til um þetta.

    Það er alveg klárt að leikurinn verður erfiður, AC Milan á San Siro verður aldrei walk in the park. Ég segi 1-1, frekar súr leikur, en Chiesa fær að koma inn síðasta hálftímann eða svo og það verður gleðilegt.

  • Liverpool 0 – 1 Forest

    54 Comments

    Velkominn í raunveruleikann Arne Slot! Við hefðum alveg kosið að þetta raunveruleikatékk hefði borið að öðruvísi, en svona er þetta.

    Markið

    0-1 Hudson-Odoi (72. mín)

    Hvað gerðist markvert í leiknum?

    Okkar menn virtust ekki alveg vera komnir í gang í fyrri hálfleik, þetta leit svolítið út eins og 12:30 leikur á köflum. Engu að síður þá átti Díaz skot í stöng eftir að hafa unnið boltann vel af Yates. Jota átti skot af markteig eftir góða sendingu frá Macca, og sá síðarnefndi átti svo góðan skalla sem var varinn. Markvörður Forest var nálægt því að skora sjálfsmark en bjargaði á síðustu stundu.

    Stemmingin var svolítið sú að “jújú, menn líklega aðeins lúnir eftir ferðalögin í landsleikjahléinu, en þetta hlýtur að koma í seinni hálfleik”. Svipað og í Ipswich leiknum. En það gerðist ekki, liðið var á svipuðu tempói í seinni hálfleik. Slot skipti Nunez, Gakpo og Bradley inn fyrir Díaz, Jota og Macca, þar spiluðu ferðalögin hjá Suður-Ameríkumönnunum örugglega inn í. Skiptingin gerði hins vegar ekkert til að bæta leik liðsins. Og þegar tæplega 20 mínútur voru til leiksloka náðu Forest menn að pota inn marki. Í framhaldinu skipti Slot Tsimikas og Jones inná fyrir Robertson og Konate, og skipti í 3ja manna vörn. Það hins vegar hafði ekki tilætluð áhrif og Forest menn sigldu leiknum í höfn.

    Bestu menn leiksins

    Þarna er helst hægt að nefna Gravenberch, Virgil og Konate. Restin hefur oft spilað betur.

    Hvað hefði mátt betur fara?

    Frammistaðan hjá nánast öllum öðrum leikmönnum. Tökum kannski Alisson út fyrir sviga, hann hefði hugsanlega getað verið betur staðsettur í markinu, en skotið fór í stöngina inn og erfitt að ætlast til að menn verji slíkt. Szoboszlai var áberandi lélegur og komst aldrei almennilega í takt við leikinn, en Salah átti líklega sinn alversta leik fyrir félagið. Trekk í trekk var hann kominn inn í teig hægra megin, reyndi að senda boltann á samherja en sendi hann í staðinn á varnarmann.

    Tökum samt ekkert af þessu Forest liði sem mætti á svæðið til að berjast, og gerði það mjög vel.

    Umræðan eftir leik

    Alveg ljóst að Slot fékk hérna sína fyrstu alvöru eldskírn í enska boltanum. Menn munu velta fyrir sér hvort skiptingarnar hafi verið réttar, en erfitt að sjá hvaða aðrir leikmenn hefðu átt að breyta einhverju. Eftir á að hyggja hefði verið gott að hafa Chiesa til að koma í staðinn fyrir Salah, vandamálið með Salah er auðvitað hvað hann getur verið alveg út úr heiminum en samt dúkkað upp með stoðsendingu eða mark þrátt fyrir það, og sjálfsagt var Slot að vonast eftir því í dag. Jota var ekki nógu mikið í boltanum þangað til hann var tekinn út af, og spurning hvort það hefði ekki þurft að tækla það öðruvísi en með því að skipta honum út af. Annars er þessi leikur líka áfellisdómur yfir Nunez og Gakpo, þegar menn fá ekki að byrja en koma inn af bekknum þá er bara ekkert annað í boði en að mæta eins og argandi ljón inná. Ekki hægt að segja að það hafi verið málið.

    Hvað er framundan?

    Nú skella menn sér upp í flugvél og spila leik á San Siro á þriðjudagskvöldið, en taka svo á móti Bournemouth eftir viku. Það er ljóst að í þessum tveim leikjum verða menn að koma til baka úr þessari lægð sem liðið var í í dag.

  • Liðið gegn Forest

    39 Comments

    Það er lítið verið að finna upp hjólið í liðsuppstillingum þessa dagana, sama byrjunarlið og síðast:

    Bekkur: Kelleher, Gomez, Tsimikas, Quansah, Bradley, Endo, Jones, Gakpo, Nunez

    Bekkurinn frekar varnarsinnaður, og Jones og Endo í raun einu miðjumennirnir. Enn sést ekkert til Chiesa, en þannig er einfaldlega staðan þegar megnið af hópnum eru heilir heilsu og leikfærir, að þá verður einhver að vera utan hóps. Hins vegar eru nú allar líkur á að þetta breytist á næstu 20 dögum eða svo, þ.e. leikjaálagið er slíkt að Slot mun líklega neyðast til að rótera.

    Það væri náttúrulega frábært að krækja í eins og einn sigur, og enn betra væri ef liðinu tækist að halda hreinu. “Slæmar hefðir er best að rjúfa” sagði Stjörnu-Sævar forðum, og þessi hefð að fá á sig mark í upphafi leiks (eða bara að fá á sig mark yfirhöfuð) var orðin mjög þreytt.

    Fyrstu tveir leikirnir fóru 2-0, er þá ekki bara við hæfi að næstu tveir fari 3-0?

    KOMA SVO!!!!

Load More
Congratulations. You've reached the end of the internet.

© 2019 KOP.is

Back to Top
Close