Liverpool vann ekki deildarleik, það gerðist síðast 3.mars þannig að auðvitað var þörf á krísufundi og áfallahjálp áður en hægt að spá í næstu leikjum gegn Genk og Tottenham.
Stjórnandi: Einar Matthías
Viðmælendur:SSteinn og Maggi
MP3: Þáttur 258
Kop.is á Facebook og Twitter – Endilega fylgið okkur þar líka.
Undanfarin ár hafa verið nokkurskonar gullöld í Belgískum fótbolta, þeir hefur framleitt heimsklassa knattspyrnumenn undanfarin ár og er með eitt besta landsliðið í boltanum. Félagsliðin heimafyrir hafa hinsvegar ekki verið að marka sérstaklega djúp spor í Evrópukeppnunum og er því mjög jákvætt fyrir Belgískan fótbolta að þeir eru með tvö lið í riðlakeppninni og tvö önnur í Evrópudeildinni á þessu tímabili.
Genk er í sögulegu samhengi ekki eitt af stóru liðunum í Belgíu. Liðið varð til árið 1988 við sameiningu tveggja liða sem höfðu flakkað milli tveggja efstu deildana. Tíu árum seinna vann Genk bikarinn í Belgíu og komst fyrir vikið í Evrópukeppnina. Strax þá voru belgarnir farnir að sýna kænsku á leikmannamarkaðnum því fyrir næsta tímabil keyptu þeir Þórð Guðjónsson af þýska Bundesliga liðinu Bochum. Þórður small vel við liðið sem tryggði sér sinn fyrsta meistaratitil þá um vorið. Kaupin á Þórði voru svo góð að þeir keyptu báða bræður hans einnig til liðsins og voru þeir um tíma allir á mála hjá Genk.
Eitthvað er rétt í uppeldi knattspyrnumanna í Belgíu því að frá því þeir unnu þennan fyrsta titil um aldarmótin hafa nokkrir alvöru leikmenn komið þar við. Bæði uppaldir leikmenn hjá Genk og eins leikmenn sem þeir fengu til sín unga og seldu svo áfram.
Byrjunarlið leikmanna sem hafa verið á mála hjá Genk gæti litið einhvernvegin svona út:
Misstór nöfn auðvitað og leikmenn sem stoppuðu misjafnlega lengi við en Genk liðið væri öllu sterkara með Courtois í markinu, Koulibaly í vörninni, Milinkovic-Savic, De Bruyne og Ndidi á miðsvæðinu og Benteke frammi. Allt leikmenn sem eru enn fullu fjöri.
Belgíska deildin er auðvitað fyrir neðan stærstu deildir Evrópu í fæðukeðjunni og byggir módelið þeirra því á að selja sína allra bestu leikmenn með góðum gróða þegar þeir hafa vaxið upp úr Belgíska boltanum. Undanfarin 10 tímabil hefur Genk gengið vel á leikmannamarkaðnum og selt leikmenn fyrir €182m en þeir eru alveg óhræddir við að eyða þessum peningum einnig og hafa á sama tíma keypt leikmenn fyrir €120m sem maður myndi ætla að sé nokkuð heilsusamlegt rekstrarmódel fyrir félag af þessari stærðargráðu.
Síðasta sumar seldi Genk leikmenn fyrir €47m en keyptu í staðin fyrir €33m Deildin í Belgíu er fyrir neðan þær stærstu en mjög góður viðkomustaður fyrir leikmenn á uppleið. Genk liðið í dag er má segja í smá uppbyggingarfasa því byrjunarliðið í Meistaradeildinni í vetur hefur verið með undir 22 ára meðalaldur og fóru helstu lykilmenn síðasta tímabils í sumar.
Genk hefur unnið deildina þrisvar sinnum til viðbótar eftir titilinn sem Þórður vann með þeim og í öll skiptin komist í riðlakeppni Meistaradeildarinnar í kjölfarið. Síðast voru þeir með tímabilið 2011-12 þar sem þeir gerðu jafntefli í öllum heimaleikjunum, m.a. gegn Chelsea og Valencia. Spánverjarnir unnu hinsvegar 7-0 á Mestalla og Genk endaði í neðsta sæti í riðlinum.
Fyrsta tímabilið þeirra í Meistaradeildinni var 2002-03 og þá gerðu þeir fjögur jafntefli, m.a. gegn Real Madríd. Það dugði hinsvegar ekki til og aftur endaði Genk í neðsta sæti.
Núna hófu þeir leik á rassskellingu í Salzburg en náði enn einu sinni mjög öflugu jafntefli á heimavelli gegn Napoli, eina liðinu sem hefur unnið Liverpool síðan 1.maí.
Það er engin ástæða til að tala Genk liðið of mikið upp en það er ástæða fyrir því að þeir eru í Meistaradeildinni og það að fá Evrópumeistarana í Liverpool í heimsókn er stórmál í Genk. Liverpool á að vinna þetta en sagan segir okkur að það þarf heldur betur að hafa fyrir öllum stigunum þremur á Luminus Arena.
Genk vann Belgísku deildina á síðasta tímabili með sjö stiga forystu en af 30 leikjum unnu þeir “bara” 18 leiki sem gera 12 leiki sem þeir unnu ekki. Líklega þurfum við stuðningsmenn Liverpool að horfa á stöðuna í öðrum deildum til að átta okkur á hversu sturluð toppbaráttan hefur verið og er ennþá á Englandi. Liverpool missti stig í átta leikjum á síðasta tímabili og þar af enduðu sjö þeirra með jafntefli, þrátt fyrir það dugði það á einhvern óskiljanlegan hátt ekki til sigurs í deildinni.
Genk hefur ekki byrjað tímabilið eins vel núna og er strax komið tíu stigum á eftir toppliði Club Brugge, hinu Meistaradeildarliðinu úr Jupiter League. Þjálfari Club Brugge, Philippe Clement fór einmitt frá Genk eftir síðasta tímabil og tók við Brugge.
Ferðalagið til Genk verður skemmtileg tilbreyting fyrir þá örfáu stuðningsmenn Liverpool sem fá miða á útileikinn því þessi lið hafa aldrei mæst áður. Genk var í byrjun 20.aldarinnar 2.000 manna þorp í austurhluta landsins en stækkaði hratt í byrjun aldarinnar í kjölfar þess að kolanámur fundust í nágreninu og er í dag 66.000 manna borg.
Kolavinnslan leið endanlega undir lok á níunda áratugnum þegar síðustu námunum, Winterslag og Waterschei og var lokað. Forverar knattspynuliðsins K.R.C. Genk hétu einmitt Waterschei Thor og KFC Winterslag sem gefur okkur kannski hugmynd um mikilvægi námana í sögu borgarinnar.
Hvort erum við að fara spila við liðið sem RB Salzburg keyrði yfir með látum eða liðið sem vann Napoli 0-0? Satt að segja á það ekki að skipta máli, það eru himinn og haf milli liða þessara liða en okkar menn verða að sýna það. Liverpool var mjög ósannfærandi á útivelli í riðlakeppninni á síðasta tímabili og tapaði m.a. fyrir Rauðu Stjörnunni, liði sem er ekkert sterkara en Genk.
Jurgen Klopp hefur haft tvær vikur til að skipuleggja viku sem inniheldur heimsókn á Old Trafford, útileik í Meistaradeildinni og svo heimaleik gegn Tottenham. Það er ekki hægt að keyra á sama byrjunarliðinu í öllum þessum leikjum og ef það er einhversstaðar svigrúm til að nota hópinn ætti það að vera í þessum leik. Hann var sannarlega ekki að finna upp hjólið fyrir United leikinn.
Klopp er aldrei að fara gera einhverjar róttækar breytingar en það eru vissulega nokkrir á bekknum sem ættu vel að ráða við þetta verkefni og þurfa sannarlega mínúturnar til að sýna sig. Fyrstur á blað er auðvitað belginn Divock Origi sem verður vonandi áfram í byrjunarliðinu þrátt fyrir að Salah sé farin að æfa aftur.
Einhvernvegin svona milliveg gæti ég séð fyrir mér að Klopp fari. Salah verði áfram á bekknum og Origi spili í sínu heimalandi. Milner kemur pottþétt inn og vonandi förum við að sjá Keita miklu meira í liðinu. Ef ekki hann koma Ox og Lallana einnig til greina.
Henderson hefur verið afar dapur undanfarið og er líklega í mestri hættu með að missa byrjunarliðssæti sitt, bæði m.v. frammistöður og eins vegna samkeppni um hans stöðu. Hef hann sem djúpan í þessum leik til að hvíla Fabinho en myndi þá vilja sjá hann á bekknum gegn Tottenham um helgina. Klopp var of varfærin gegn United og stór partur af því var að keyra áfram á Henderson – Wijnaldum miðjunni í leik sem öskrað á miklu meiri ógn frá miðsvæðinu.
Vörnin velur sig svo nokkuð sjálf. Trent fór ekki með til Belgíu og Matip var ekki heldur með á æfingu í dag.
Spá
Þetta lið tapar ekki mikið á heimavelli í Evrópu og Liverpool er í mjög þungri viku og líklega að eitthvað þurfi að rótera hópnum. Held að þetta verði frekar ósannfærandi 0-2 sigur. Mané og Lovren sjá um mörkin.
Leikurinn hefst klukkan 19:00 og minnum við að sjálfsögðu á heimavöll okkar, Sport & Grill í Smáralind. Boltatilboð yfir leikjum og um að gera að hafa samband uppá að panta borð.
1-0 Marcus Rashford (36 mín)
1-1 Adam Lallana (85 mín)
Klopp mætti í dag með lið sitt til Manchester á Old Trafford þar sem hann hafði ekki unnið til þessa í ensku úrvalsdeildinni. Sem því miður breyttist ekki í dag. Það var umtalsvert stress í báðum liðum til að byrja með eins og oftast í leikjum þessara liða. Fyrstu mínúturnar náðu United menn oft að komast í ágætis stöður upp kantana en fáir inni á teignum og komust aldrei í almennilegt færi. Eftir tæpar tíu mínútur náði Sadio Mané svo að skalla langan bolta inn fyrir vörnina á Firmino sem var í mjög þröngu færi en hitti boltan einstaklega illa og hamraði honum upp í stúku. Nokkrum mínútum seinna lék Wijnaldum léttilega á báða varnarmiðjumenn United og komst í skotstöðu en setti boltan beint á David De Gea í markinu. Í kjölfarið komst Liverpool betur inn í leikinn og fór að pressa stífar en United hélt þó góðu skipulagi og alltaf hætta af hraða sóknarmanna þeirra í skyndisóknum. Á tuttugustu og áttundu mínútu fékk Wan Bissaka boltan úti hægra megin með teiginn fullan af mönnum reyndi fyrirgjöf sem fór beint í Robertson en boltinn barst aftur á Wan Bissaka sem átti mun betri fyrirgjöf sem var þó hreinsuð af Van Dijk.
Eftir rúman hálftíma átti Matip flotta sending upp völlinn á Mané og var Liverpool þá komið í þrír á þrjá stöðu. Mané átti sendingu á Firmino sem tók skot sem var ekki nægilega gott. Stuttu seinna átti Firmino svo góðan skalla eftir sendingu frá Henderson sem var vel varinn af De Gea en var dæmdur rangstæður. Mínútu síðar brýtur Lindelöf á Origi og McTominay kemur boltanum á Daniel James sem flýgur upp kantinn og átti geggjaða sendingu yfir á Rashford sem kom boltanum í netið og VAR vildi ekki breyta ákvörðun dómara frekar en fyrri daginn.
Rétt fyrir hálfleik kom long sending fram á Sadio Mané sem var í baráttu við Lindelöf þar sem Lindelöf var alltof hikandi og Mané náði að koma sér fram fyrir hann og jafnaði leikinn en í endursýningu sést að boltinn fer í hendina á Mané þegar hann tekur við boltanum og því markið réttilega dæmt af.
Fyrri hálfleikur búinn og hann hreinlega bara mjög slakur af hálfu Liverpool og frekar lélegur heilt yfir.
Seinni hálfleikur hófst ekkert mikið betur og var lítið af frétta eftir um klukkutíma leik gerði Klopp sína fyrstu skiptingu þá kom Chamberlain inn fyrir Origi og stuttu seinna komst hann í ágætis skotstöðu en setti boltan framhjá markinu. Eftir nokkur hálffæri á bæði lið og leikurinn leit út fyrir að vera að fara deyja út sendi Naby Keita boltan út á vinstri vænginn á Andy Robertson sem sendi boltann fyrir og á fjærstöng beið Adam Lallana sem potaði boltanum í netið.
Alexander-Arnold og Oxlade-Chamberlain áttu báðir ágætis skot rétt framhjá á lokamínútum leiksins á loka andartökunum fór síðan dómur í VAR þar sem leit út fyrir að Fred hafði fengið boltann í hendina innan teigs en í endursýningu sást að það var klárlega öxl og Liverpool fékk því réttilega ekki víti og jafntefli niðurstaðan.
Bestu menn Liverpool
Það var lítið um góðar frammistöður í þessum slaka leik. Robertson var ágætur þó það væri lokað vel á hann. Hann vann flest sín návígi og skilaði fyrirgjöfinni sem jafnar leikinn. Innkoma Lallana var hans besta í langan tíma vann tvær aukaspyrnur stutt eftir að koma inn á, spilaði sig nokkrum sinnum úr erfiðum aðstæðum og skilar svo jöfunarmarkinu.
Vondur leikur
Flest allir aðrir leikmenn liðsins, Mané byrjaði hress en dró svo hrikarlega úr honum og hann var nánast ósýnilegur allan seinni hálfleikinn. Fyrirliðinn Jordan Henderson átti óvenjulega erfiðan leik sem og Divok Origi fyrir utan nokkra spretti fyrstu mínúturnar.
Umræðupunktar
Næstu verkefni
Næst er það Tottenham á heimavelli sem er annað sært dýr og það er ljóst að svona frammistaða verður ekki í boði á sunnudaginn næsta.
Þá er komið að leik okkar manna í leikhúsi draumanna en við höfum ekki riðið feitum hesti þar á undanförnum árum en ferðumst nú þangað án Mo Salah sem er ekki í leikmannahópnum í dag vegna meiðslanna sem hann varð fyrir í síðustu umferð gegn Leicester. Liðið okkar í dag er eftirfarandi
Bekkur: Adrian, Lovren, Gomez, Milner, Keita, Chamberlain, Lallana
Alisson kominn aftur í markið og Matip snýr aftur en enginn eiginlegur sóknarmaður á bekknum þar sem Brewster fær ekki traustið og Salah og Shaqiri í meiðslum því þurfa Keita, Wini eða Chamberlain líklega að leysa þar af ef það þarf að rótera þar í leiknum. Andstæðingarnir í dag stilla svona upp
Bekkur: Romero, Rojo, Williams, Garner, Mata, Martial, Greenwood
Meiðsli De Gea greinilega ekki jafn slæm og fyrst var óttast og hann byrjar. Lítur út fyrir að þeir séu í þriggja hafsenta kerfi en þó gæti verið að Tuanzebe sé í vinstri bakverði og Young sé að spila hærra uppi á vellinum en efast um það.
Nú er rétt rúmlega hálftími í leik og vonandi að allir séu að keyra sig í gang.
Minnum annars á umræðuna hér fyrir neðan, eða á Twitter undir #kopis myllumerkinu.
YNWA
Uppfært:
Axel Tuanzebe meiddist í upphitun hjá Rauðu djöflunum og Marcus Rojo kemur inn fyrir hann og Phil Jones kemur inn á bekkinn
Það verður nóg um að vera hjá báðum aðalliðunum okkar í dag, strákarnir heimsækja jú Old Trafford og sá leikur hefst kl. 15:30, en í millitíðinni munu stelpurnar okkar heimsækja Coventry í ContiCup bikarkeppninni, og hefst leikurinn kl. 13:00 að íslenskum tíma. Því miður virðast ContiCup leikirnir ekki vera sýndir í FA Player, svo við verðum að gera okkur að góðu að fylgjast með leiknum eftir öðrum leiðum, t.d. í gegnum Twitter síðu LFC Women.
Liðið sem hefur leik lítur svona út:
Jane – Bradley-Auckland – Robe – Purfield
Linnet – Bailey – Charles
Babajide – Hodson – Clarke
Bekkur: Preuss, Roberts, Murray, Rodgers, Lawley, Sweetman-Kirk
Uppstillingin er svolítið skot í loftið, því þær Kirsty Linnet, Niamh Charles, Rinsola Babajide, Ashley Hodson og Jesse Clarke eru allar vanar að spila sem partur af fremstu 3, einna helst að Charles hafi spilað á miðju áður. Mögulega er verið að prófa að færa Linnett niður á miðjuna.
Sophie Bradley-Auckland (t.h.) og Vicky Jepson (t.v.) þegar sú fyrrnefnda framlengdi samning sinn við klúbbinn núna í sumar.
Fyrirliðinn okkar, Sophie Bradley-Auckland, á afmæli í dag, og deilir því afmælisdegi með Ian Rush. Það væri nú aldeilis gaman ef þau fengju tvöfaldan sigur í afmælisgjöf, ekki satt?
Við uppfærum svo færsluna með úrslitum að leik loknum.
Leik lokið með öruggum sigri okkar kvenna, 1-5. Það var Niamh Charles sem opnaði markareikninginn strax á 2. mínútu, þá tók Kirsty Linnett heldur betur við sér og setti þrjú mörk, og að lokum skoraði Jesse Clarke í sínum 50. leik fyrir félagið.
Sama hvaða lið eru steruð upp af olíumilljónum, sama hvaða bláklæddir nágrannar halda, sama hvernig lið Arsene Wenger, Guardiola, Mourinho og allir hinir ná að byggja upp, þá er bara eitt rétt svar við „hver er stærsti rígurinn í enskri knattspyrnu:“ Liverpool og Manchester United.
Það er sama hvaða mælistika er notuð: flestir titlar, stærstu augnablikin, sagan, ljótustu atvikin eða bestu leikmennirnir. Alltaf komum við niður á rauðu liðin tvö. Rígurinn nær aftur 19. aldar í það minnsta og þó liðin hafi ekki verið í titilbaráttu við hvort annað nema tvisvar eða þrisvar á þessari öld þá eru þetta alltaf stærstu leikir tímabilsins.
Á morgun fer topplið Liverpool í heimsókn til stórveldisins sem er (lítur á töfluna á símanum, flettir niður, langt niður) í tólfta sæti, tveimur stigum fyrir ofan Everton sem eru í fallsæti. Með sigri jafnar Liverpool metið fyrir flesta unna leiki í röð í deildinni. Ekkert mál, eða þannig.
Manchester United – Hvað í ósköpunum er í gangi.
United-menn eru ekki hræddir við neitt, nema líklega þá stund þegar Sir Alex tilkynnir það að hann sé hættur. – Ritstjóri Rauðu Djöflanna árið 2013, nokkrum vikum áður en rauðnefurinn tilkynnti að hann væri að hætta.
Í undirbúningi fyrir þessa upphitun fór ég að grúska í gömlum upphitunum á Kop.is (ég hafði of mikinn tíma og of lítinn fótbolta, næst þegar landsleikjahlé hittir á fríhelgi bið ég um aukavakt) til að sjá hvernig stemninginn fyrir þessa leiki hefur breyst.
Það er í raun ótrúlegt hversu mikið vatn hefur runnið til sjávar á ekki lengri tíma. Ferguson hætti. Síðan þá hefur United eytt 33 milljónum punda í það eitt að reka þjálfara, eytt næstum milljarð punda, brúttó, í nýja leikmenn og verið utan meistaradeildarinnar þrisvar . Þeir hafa náð í þrjá bikara á þessum tíma, sem hjá flestum liðum þætti frábært en stuðningsmenn, ekki endilega eigendur, vilja setja markið miklu hærra. Sérstaklega þegar þessi gífurlega eyðsla er tekinn inn í reikninginn og fæstur hafa trú á því að fleiri dollur séu á leiðinni.
Síðustu vikur hefur mikið verið skrifað um vandræði United. Niðurstaðan er alltaf sú sama: Endalausar skyndilausnir, eigendurnir eru eitur sem komust yfir klúbbinn með vafasömum hætti og engin innanhús virðist hafa yfirsýn yfir hvert klúbburinn stefnir. Þegar Ferguson hætti skyldi hann eftir gapandi tómarúm í klúbbnum, leikmannahóp á síðasta söludag og eftirmaður hans hafði það helst á ferilskránni að vera skoskur.
Þeir fimm þjálfarar sem hafa stýrt liðinu síðan í maí 2013 hafa haft gífurlega mismunandi skoðanir á hvernig skal spila knattspyrnu og í hvert sinn sem einn þeirra nær í einhvern smá árangur fara væntingarnar upp úr öllu valdi. Þegar næsta óhjákvæmilega bakslag kemur er það stærra en síðast, sem krefst nýrra skyndilausnar. Þetta er vítahringur sem liðið mun vera fast í þangað til að eitthvað breytist hjá þeim, sem verður vonandi ekki í bráð. Ég ætla að taka út alla sú þórðargleði sem ég get á meðan, eftir áratugi af því að hafa þurft að horfa upp töfluna til að finna erkifjendurnar.
Minntist ég á að United er tveimur stigum fyrir ofan fallsæti?
Yessss Ole is officially at The Wheel… Signed, Sealed, Delivered! Manager of @ManUtd! ?? I hope my Thank You is in post Ole ???? #MUFC #Ole pic.twitter.com/lUUel4f6zw
— Rio Ferdinand (@rioferdy5) March 28, 2019
Þegar United menn voru endanlega búnir að fá nóg af José Mourinho þurfti ferskan andvara inn í liðið. Þeir hefðu ekki getað fundið ólíkari mann til að taka við stjórninni. Ole er goðsögn hjá félaginu, hefur aldrei unnið titil, gefur ungum mönnum spilatíma og vill spila sóknarbolta. Til að byrja með virtist þetta vera að virka. Beislinu var sleppt og Ole náði í nokkra sigra í röð áður en hann toppaði með því að slá út PSG í meistaradeildinni. Viskubrunnar eins og Rio Ferdinand heimtuðu að hann fengi langtíma samning, stjórnin hlustaði og gengi liðsins hrundi. Síðan Ole skrifaði undir langtímasmaning hefur liðið ekki unnið nema fimm leiki!
Það er samt ekki alveg allt í rúst hjá þeim. Vörnin virðist vera að smella, hafa ekki fengið á sig nema 8 mörk í deildinni í fyrstu átta leikjunum. Bara Liverpool, Leicester og Sheffield hafa fengið færri á sig. Meiðsli hafa líka vera að hrjá liðið og ef lykilmenn snúa aftur eru allar líkur á að þeir nái að slíta sig úr botnbaráttunni og jafnvel gert atlögu að Evrópudeildarsæti.
Ég myndi reyna að lýsa leikstíl þeirra eitthvað en ein stærsta gagnrýninn á Ole er að hann virðist ekki vera að koma neinu kerfi á liðið. Sóknarbolti fyrstu leikjanna er horfinn og þeir munu kláralega leggja stærstu rútu sem þeir finna fyrir framan markið gegn Liverpool.
Það eru kenningar á kreiki að Pogba sé í raun heill heilsu og muni byrja.Rökin að Ole sé að reyna að koma Klopp á óvart. DeGea er hins vegar klárlega ekki að fara að spila. Spurningarmerki hanga yfir Phil Jones og Lingard. Líklega snúa Martial og Wan-Bissaka aftur í byrjunarliðið. Luke Shaw heldur áfram að vera á meiðslalista. Byrjunarliðið er líklega sirka svona:
Okkar menn
Þetta landsleikjahlé var okkar mönnum blíðara en maður er vanur. Engin hefur meiðst, Alisson er komin í gott stand, Matip með brakandi ferskan samning og flestir hafa fengið sex eða svo daga í frí. Það er ekki alveg öruggt að Salah og Matip séu orðnir alveg heilir, aðrir eru frískir.
Ég ætla að tippa á að báðir byrji og þá er eiginlega bara spurning hverjir verða á miðjunni. Hendo og Wijnaldum spiluðu báðir helling í landsleikjahléinu, þannig að ég held að Milner komi inn fyrir annan þeirra, veðja á Gini. Þá mun þetta líta svona út:
Spá
Í fyrsta lagi spái ég að það verði rosaleg stemning á Sport&Grill í Smáralind, sem er staðurinn okkar í vetur. Þetta eru leikirnir sem maður vill horfa á í hóp.
Ég nenni ekki einhverri raunsýni, ég nenni ekki neinni bölsýni. Liverpool er með miklu, miklu betra lið en United. Þetta fer 0-4 fyrir Liverpool, Matip skorar fyrsta merkið, svo Salah með tvennu og Milner nær í eitt í lokið fagnar með að setja upp einn fingur fyrir hvern Evrópumeistaratitil Liverpool!
Koma svo strákar!
??? Happy Friday! https://t.co/Y2TYVOWhQT
— Liverpool FC (@LFC) October 18, 2019
Kamerúninn Joel Matip skrifaði fyrr í dag undir nýjan fimm ára samning við Liverpool. Hann er 28 ára gamall og hefur verið spilandi með Liverpool síðan 2016.
Matip kom frítt til Liverpool á sínum tíma og lék sinn fyrsta keppnisleik í deildarbikarnum 2016. Hanns skoraði sitt fyrsta mark gegn Crystal Palace í október. Í nóvember var hann svo valinn leikmaður mánaðarins. Hann virtist vera á góðri leið með að verða geirnegldur byrjunarliðsmaður en meiðsli settu mikin strik í reikninginn. Þegar hann var loksins orðin alveg heill af þeim virtist hann vera orðin fjórði kostur í miðvörðinn.
Undir lok tímabilsins 2018/19 vann hann sig aftur inn í liðið og hefur hann tekið miklum framförum. Hann náði sér í sínu einu stoðsendingu í úrslitaleik Meistaradeildarinnar og á þessu tímabili hefur hann verið algjör lykilmaður. Hann hefur líklega þurft að vinna meira en margir hafsentar, þar sem sóknarmenn reyna hiklaust hlaupa frekar á hann en turninn við hlið hans. Ekki segja það hátt, en hann er mögulega búin að vera betri hafsent Liverpool það sem af er tímabils.
Þetta eru auðvitað frábærar fréttir. Hann er á hátindi ferilsins og geggjað að hann vilja spila sín bestu ár hjá Liverpool. Nú eru aðeins Gini, Milner og Lallana sem eru ekki á langtímasamningum hjá Liverpool.
Matip hefur þegar spilað 107 leiki með Liverpool og skorað fimm mörk.
Annars legg ég til að Matip fagni þess um með skallamarki á Old Traffort sunnudaginn!
YNWA!
PS: Stenst ekki mátið að skjóta þessu með, Matip að sýna hvað honum finnst um það þegar menn dýfa sér:
Joel Matip is a parody of himself pic.twitter.com/nZU92Ymu89
— Town Bible (@TheTownBible) January 22, 2018
Rétt eins og þegar United var á toppnum þá á það sama við núna þegar þessu er öfugt farið, Liverpool – Man Utd er stærsti leikurinn í fótboltanum. Það er nóg að frétta innan sem utanvallar hjá United og því tókum við vel á þeirra sápuóperu.
Stjórnandi: Einar Matthías
Viðmælendur:SSteinn og Maggi
MP3: Þáttur 257
Kop.is á Facebook og Twitter – Endilega fylgið okkur þar líka.
Nú er nýhafinn leikur Liverpool gegn Bristol á Prenton Park, og þar munu okkar konur gera allt sem þær geta til að ná í fyrstu stig liðsins á leiktíðinni. Óhætt að segja að fyrstu leikirnir hafi ekki endað eins og við höfum vonað.
Liðinu er stillt upp svona:
Jane – Bradley-Auckland – Fahey – Robe
Roberts – Bailey
Clarke – Lawley – Charles
Sweetman-Kirk
Bekkur: Kitching, Murray, Purfield, Babajide, Hodson, Linnet
Líklega einhverskonar 4-2-3-1 með Lawley fremsta á miðjunni, Jesse Clarke og Niamh Charles á köntunum og Sweetman-Kirk uppi á topp.
Það er a.m.k. afar ánægjulegt að hin skoska Christie Murray er komin til baka úr meiðslum og byrjar á bekknum.
Við minnum á að leikurinn er sýndur beint á FA Player, bæði í appinu og á vefsíðunni.
Færslan verður svo uppfærð með úrslitum að leik loknum.
Næsti leikur er í Conti Cup, en þá heimsækir liðið Coventry. Þar á eftir kemur svo leikur í deildinni, en þá heimsækir liðið Birmingham sem er sem stendur eina liðið sem er án stiga í deildinni.
Pep Guardiola hefur leynt og ljóst verið með Liverpool svolítið á heilanum undanfarna mánuði og skal svosem engan undra enda aðalsamkeppni Man City um þessar mundir. Botnin tók svolítið úr í sumar þegar hann og aðrir forráðamenn Man City ruku upp til handa og fóta yfir því að Klopp og aðrir tengdir Liverpool væru að tala um eyðslu Man City, ekki síst núna undir stjórn Guardiola. Maður hefði haldið að aðeins Donald Trump væri nógu heimskur til að halda því fram að eyðsla Liverpool og Man City væri eitthvað nálægt því að vera sambærileg en svo var víst ekki.
Liverpool.com gerði nokkuð góða samantekt á eyðslu liðanna undir stjórn Guardiola og Klopp skv. tölum frá Transfermarket.com. Niðurstaðan eftir þann lestur er að við verðum að njóta Jurgen Klopp á meðan hann er hjá okkur því þetta gengur ekki svona til lengdar.
Kaupverð þeirra leikmanna sem Pep Guardiola hefur keypt til Man City er £298m meira en Liverpool hefur borgað á sama tíma. Pep tók nota bene við best mannaða liði Englands á meðan Jurgen Klopp hefur nánast þurft að skipta um lið. Sterling, De Bryune, Silva, Aguero, Kompany, Fernandinho og Otamendi voru allir fyrir hjá City svo dæmi sé tekið. Burðarrásir liðsins undanfarin fjögur tímabil.
Liverpool er búið að kaupa leikmenn fyrir samtals £401m sem er aðeins £103m meira en mismunurinn er á nettó eyðslu félaganna. Manchester City er búið að kaupa leikmenn fyrir £400m meira nettó en Liverpool þessu fjögur tímabil eða £100m á hverju tímabili. Hvernig Liverpool er ennþá samkeppnishæft og jafnvel betra er í raun og veru ótrúlegt. FSG sagði strax frá upphafi að þeir þyrftu að vera gáfaðari en andstæðingarnir á leikmannamarnaðnum, well…
Að því sögðu er áhugavert að skoða hópana hjá þessum liðum og bera saman hvar munurinn liggur á breidd liðana. Það er allt að því lögmál að tala um hvað hópurinn hjá City en mikið stærri/betri en hópurinn hjá Liverpool, skoðum það aðeins og höfum bara öll toppliðin með.
Hver hópur hefur sýna styrkleika og breidd á mismunandi stöðum, Klopp og Guardiola leggja t.a.m. ekkert endilega mikið upp úr því að vera með risastóra hópa heldur mun frekar fjölhæfa leikmenn sem geta leyst margar stöður. Það er því mjög erfitt að fylla inn í svona töflu yfir varamenn því að fyrstu varamenn fyrir flestar stöður eru nú þegar partur af byrjunarliðinu.
Liverpool er að sýna það núna að þeir geta leyst tímabil án Alisson. Liverpool og City eru engu að síður mjög svipuð á pappír í þessari stöðu og tvo bestu markmenn deildarinnar. Auðvitað hjálpar það þeim að vera með bestu varnarlínur deildarinnar fyrir framan sig.
De Gea gæti allt eins misst byrjunarliðssæti sitt í landsliðinu til Kepa haldi hann svona áfram, stuðningsmenn United blésu ekki í neina lúðra þegar hann framlengdi um daginn. Hugo Lloris er á niðurleið virðist vera.
Einar Matthías
Hannes Daði Haraldsson
Daníel Sigurgeirsson
Ingimar Bjarni Sverrisson