Search

Menu
Search

Latest stories

  • Gluggadagur…uppfært í gegnum daginn

    16 Comments

    20:00
    Einhver áhugi kviknaði á Tyler Morton hjá Middlesboro, en svo kom víst ekki nægilega hátt tilboð í hann. Sem stendur lítur út fyrir að hann verði áfram hjá Liverpool út tímabilið a.m.k., en sjáum til hvort eitthvað hreyfist fyrir kl. 11.

    14:00

    Stefnir í lélegasta leikmannagluggadag sögunnar. Ekkert bara enn að byrja að fara í gang.

    Ekki það að við reiknum með neinum stórum fréttum af okkar liði í dag þá er vert að samt halda öllu opnu, stundum gerast óvæntir hlutir (segjum við Lakersmenn í dag) og búast má við einhverjum brottförum yngri leikmanna.

    Setjum líka ef að eitthvað merkilegt gerist í Premier League þegar kemur að kaupum og sölum.

    Komnir

    Engir

    Farnir

    Stefan Bajcetic skipti um lánslið, frá Salzburg til Las Palmas
    Marcelo Pitaluga – Fluminese (frítt)

    Fréttir úr EPL

    Leikmaður Frá Til
    Marcus Rashford Man.United Aston Villa (lán út tímabilið)
    Mathias Tel Bayern Tottenham
    Evan Ferguson Brighton West Ham (lán út tímabilið)
    Marco Asensio PSG Aston Villa (lán út tímabilið)

  • Stelpurnar mæta West Ham – aftur

    1 Comment

    Eftir að hafa heimsótt West Ham konur í miðri viku og hafa unnið þann leik 5-0, þá er komið að heimaleik í deildinni, og núna er það hlutverk West Ham að setjast upp í rútu og heimsækja okkar konur, í leik sem hefst núna kl. 14.

    Sigurinn í miðri viku var vissulega verðskuldaður, en það hve stór hann varð litast klárlega af þeirri staðreynd að andstæðingarnir misstu mann af velli rétt fyrir hálfleik og spiluðu því rúmlega heilan hálfleik einum færri. Við getum því lesið mismikið í þau úrslit, og ekki hægt að gera ráð fyrir auðveldum leik í dag.

    Nýju leikmennirnir – Sam Kerr og Julia Bartel – hafa komið sterkar inn, en það er óneitanlega galli að þær skuli bara vera lánsmenn. Í fullkomnum heimi þá hefði félagið bara keypt þær, en það virðist ekki vera í boði. Þriðji lánsmaðurinn bættist svo við á föstudaginn þegar Alejandra Bernabé kom til félagsins, einnig frá Chelsea rétt eins og Julia Bartel. Hún er bakvörður að upplagi, og með því að bæta henni í hópinn er hugsanlega verið að viðurkenna að það að endurnýja ekki við Emmu Koivisto hafi verið mistök. Lucy Parry er vissulega ung og ekki bara efnileg eins og sást á markinu sem hún skoraði í vikunni, en hún er líka búin að vera að slást við meiðsli og vaxtarverki, og hefur því ekki verið áreiðanleg þegar kemur að því að stilla upp liðinu. Alejandra er þó ekki í hóp í dag, enda hefur hún í mesta lagi náð einni æfingu með hópnum.

    Liðið sem Matt stillir upp í dag er að mestu leyti kunnuglegt:

    Micah

    Fisk – Clark – Evans

    Parry – Höbinger – Kerr – Holland – Hinds

    Kiernan – Smith

    Bekkur: Laws, Bonner, Daniels, Bartel, Nagano, Shaw, Kapocs, Enderby, Roman Haug

    Það kemur alveg smá á óvart að Gemma Evans sé valin fram fyrir nöfnu sína Bonner, og eins kemur líka aðeins á óvart að Fuka Nagano sé sett á bekkinn. En svo má líka segja að frammistaðan hjá Nagano gegn Leicester um síðustu helgi hafi ekki verið það góð, svo má líka alveg reikna með að leikjaálagið sé aðeins farið að spila þarna inn í. Vissulega spila stelpurnar mun færri leiki en strákarnir, en núna er þetta þriðji leikurinn á viku og þá má alveg fara að rótera aðeins. Þannig hefði maður líka alveg átt von á að sjá Roman Haug í byrjunarliði, en þar spilar sjálfsagt inn í að hún er nýkomin úr meiðslum og að Leanne Kiernan hefur verið að finna fjölina sína og á alveg skilið að byrja.

    Leikinn má sjá á Youtube rás deildarinnar eins og áður.

    KOMA SVO!!!!!

  • Bournemouth 0-2 Liverpool

    25 Comments

    Liverpool vann ansi mikilvægan 2-0 sigur á útivelli þegar liðið heimsótti Bournemouth sem hafa verið á miklu skriði á leiktíðinni og reynst mörgum liðum ansi erfiðir – þeir til að mynda pökkuðu Nottingham Forest saman umferðina áður.

    Leikurinn byrjaði nú ekki brjálað sannfærandi og Liverpool byrjaði strax á að tapa boltanum og Bournemouth komust í skotfæri en svona heilt yfir þá spilaðist leikurinn nokkuð jafnt á milli liðana tveggja sem bæði áttu ágætis færi yfir allan leikinn. Báðir markverðir þurftu í nokkur skipti að verja vel og tréverkið bjargaði Liverpool í tvígang.

    Um miðjan fyrri hálfleik komst Liverpool yfir á nokkuð “ódýran” hátt þegar Gakpo var felldur þegar hann komst framfyrir varnarmann sem rak fótinn í aftari fót Gakpo sem missti jafnvægið. Lítur út fyrir að vera mjög soft og á einhvern hátt var það eflaust soft en vítaspyrna dæmd, snertingin átti sér stað og klárlega tók sóknarmann úr jafnvægi og mótmælti varnarmaðurinn þessu ekki einu sinni að ráði. Mo Salah steig á punktinn og skoraði af öryggi.

    Í seinni hálfleik hitnaði nú aðeins í kolunum og menn fóru að brjóta svolítið og virtist um stund að dómarinn færi að missa tökin á leiknum en svo virtist þetta bara svolítið fjara út þó svo að ákefðin í leiknum hafi þó aldrei minnkað.

    Það var svo Mo Salah sem innsiglaði sigurinn með sínu öðru marki í leiknum þegar hann skrúfaði boltann upp í fjærhornið af hægri hlið vítateigs eftir góðan undirbúning Nunez og Jones sem voru nýlega komnir inn á af bekknum.

    Alisson átti 2-3 risa vörslur í seinni hálfleik og átti á sinn hátt “match winning” leik og var hann að mér fannst upp á sitt besta í dag og einn af þremur mönnum Liverpool sem mér fannst standa hvað mest upp úr. Hinir tveir voru Salah og Gravenberch sem voru báðir frábærir í dag, Salah með sín tvö mörk og Gravenberch – bara vá, hann er einn af bestu miðjumönnum heims í dag ef ekki hreinlega bara sá besti.

    Sem stendur er Liverpool núna með níu stiga forskot á næstu lið, Forest vann sinn leik í dag 7-0 og á morgun mætir Arsenal liði Man City sem hafa verið að vinna á stigasöfnun sína undanfarið og er farið að glitta í þá í baksýnisspegli Arsenal, það gæti því verið mjög áhugaverður leikur á morgun sem gæti haft mikið að segja um það hvernig deildin gæti spilast svona seinni hluta leiktíðar.

    Næsti leikur er seinni viðureignin gegn Tottenahm í undanúrslitum Deildarbikarsins, svo er það Plymouth í bikarnum og næsti deildarleikur er svo hinn alræmdi útileikur gegn Everton sem var frestað fyrr í vetur.

  • Byrjunarliðið gegn Bournemouth

    43 Comments

    Bekkur: Kelleher, Quansah, Tsimikas, Bradley, Endo, Jones, Elliott, Nunez, Jota

    Ekkert sem kemur á óvart í uppstillingunni á byrjunarliðinu. Það sem kemur helst á óvart er að Jones nær á bekk, sem og Jota. Gomez og Chiesa eru hvorugir á bekk – Gomez að koma til baka en var byrjaður að æfa í gær – og Chiesa nýbúinn að klára 90 mínútur í fyrsta sinn síðan guðmávitahvenær og er örugglega bara feginn að fá smá andrými. Þetta þýðir einfaldlega að það eru allir heilir. Já ég hélt að þetta myndi maður aldrei skrifa.

    Við verðum mjöööööög þakklát fyrir strákana okkar ef þeir krækja í 3 stig í dag.

    KOMA SVO!!!!!

  • Laugardagsheimsókn til Bournemouth

    2 Comments

    Eftir að B-liðið skrapp til Hollands í miðri viku, þá er komið að því að A-liðið heimsæki suðurströndina og mæti þar einu heitasta liði deildarinnar í augnablikinu.

    Í upphafi leiktíðar voru sjálfsagt ekki margir sem áttu von á að stórleikur síðustu umferðar yrði leikur Bournemouth og Nottingham Forest. Því síður að sá leikur færi 5-0 fyrir heimaliðið, svona í ljósi þess að Forest kom inn í þann leik sem liðið í 3ja sæti yfir þau lið úrvalsdeildarinnar sem höfðu fengið fæst mörk á sig það sem af er leiktíðar. En svona er þetta og því má alveg færa rök fyrir því að stórleikur morgundagsins verði þessi leikur, enda um að ræða liðin í 1. og 7. sæti deildarinnar. En svo er nú ansi stór leikur á sunnudaginn þegar liðin í 2. og 4. sæti mætast, og úrslitin í þeim leik gætu alveg spilað allstóra rullu í toppbaráttunni sömuleiðis.

    Andstæðingarnir

    Eins og áður sagði eru Bournemouth eitt heitasta lið deildarinnar um þessar mundir, enda nýbúnir að vinna liðið í 3ja sæti (Forest) 5-0, og liðið í 5. sæti (Newcastle) 1-4 á útivelli. Jafnframt tóku þeir sig til og unnu City (4. sæti) í byrjun nóvember og Arsenal (2. sæti) um miðjan október, ásamt því að gera jafntefli við liðið í 6. sæti (Chelsea) núna í janúar. Þá er orðið talsvert síðan liðið tapaði leik í öllum keppnum, en það gerðist 23. nóvember þegar þeir lutu í gras fyrir Brighton á heimavelli.

    En þeir hafa vissulega tapað í haust, og þar á meðal á Anfield seinnipartinn í september, þegar okkar menn skoruðu 3 mörk gegn engu marki gestanna. Svo það er hægt að vinna þetta lið, bara fjarri því að vera eitthvað sjálfgefið.

    Þjálfari félagsins er hinn 42ja ára gamli Spánverji Andoni Iraola. Það var enginn annar en Richard Hughes sem réði hann til Bournemouth þarsíðasta sumar, eftir að Bournemouth höfðu endað í 15. sæti deildarinnar vorið 2023 undir stjórn Gary O’Neil sem var látinn fara í kjölfarið. Iraola stýrði þeim svo í 12. sætið í vor, og félagið hefur aldrei náð í jafn mörg stig á einu tímabili eins og þá, þegar þeir náðu sér í 48 stig. Núna er liðið í 7. sæti með 40 stig og eiga eftir að spila 15 leiki. Uppgangurinn dylst því engum, og nokkuð ljóst að stigamet félagsins mun falla aftur í lok leiktíðar.

    Iraola hóf þjálfaraferilinn árið 2018 hjá kýpverska félaginu AEK Larnaca, kannski má tala um að “fall sé fararheill” því hann var rekinn þaðan eftir 7 mánuði þegar liðið hafði ekki unnið leik í 2 mánuði samfellt. Þaðan fór hann í næstefstu deild á Spáni, fór svo til Rayo Vallecano árið 2020, og kom svo þaðan til Bournemouth sumarið 2023. Stjarna hans er farin að skína það skært að maður yrði ekkert hissa að sjá hann fara til einhvers allnokkuð stærri klúbbs fljótlega.

    Bournemouth hafa gert sniðug kaup í síðustu gluggum, sumarið 2023 kom Milos Kerkez frá AZ Alkmaar á 15 milljón pund, Tyler Adams frá Leeds á 22.5m pund og Justin Kluivert frá Roma á 9m pund sumarið 2023, og síðasta sumar kom Dean Huijsen frá Juventus á tæpar 13m punda, bara svo örfáir séu nefndir. En svo eru þeir líka með öfluga leikmenn sem hafa verið lengur hjá félaginu, þannig er t.d. Ouattara sem skoraði þrennu gegn Forest í síðustu umferð búinn að vera hjá þeim síðan sumarið 2022. Við höfum séð þetta oft áður að stundum detta ensku klúbbarnir í þann gír að hitta á nægilega marga til þess að gera ódýra en efnilega leikmenn, búa til umhverfi fyrir þá þannig að þeir ná að blómstra, og ná þannig annaðhvort að hífa sig upp töfluna eða í versta falli selja þá með góðum afgangi. Sem betur fer er þetta fjarri því að vera sjálfgefin eða auðfáanleg uppskrift, og hægt að finna allmörg dæmi þess að klúbbar hafi fallið gjörsamlega á þessu prófi *hóst*United*hóst*.

    Nóg um andstæðingana í bili. Það er a.m.k. alveg ljóst að þetta eru verðugir andstæðingar og okkar menn þurfa að hafa sig alla við.

    Talandi um okkar menn…

    Okkar menn

    Já það var ungt og ferskt lið sem spilaði í Meistaradeildinni á miðvikudaginn, á meðan megnið af aðalliðinu sat heima og safnaði vopnum sínum. Allnokkrar tilraunir voru gerðar í þeim leik, eins og að spila Robbo í miðverði. Sú tiltekna tilraun var ekkert endilega að ganga upp í fyrstu atrennu, en á móti kemur líka að þegar um er að ræða lið sem hefur lítið spilað saman þá er það nú oft alveg nóg til að þýða að hrynjandinn í liðinu fýkur veg allrar veraldar. Það voru líka aðrar tilraunir eins og að spila Danns uppi á topp, og þó það hafi kannski ekki skilað sér í vikunni þá er engin ástæða til að afskrifa þann efnilega leikmann.

    Af byrjunarliðinu sem má reikna með að byrji á morgun voru það aðeins Robbo og Gakpo sem spiluðu í miðri viku, og voru báðir komnir útaf á 65. mínútu. Nunez átti væntanlega að byrja gegn PSV en veiktist fyrir leik. Tsimikas spilaði allan leikinn og verður því sjálfsagt á bekk á morgun. Það er því nokkuð ljóst hvernig liðið mun líta út:

    Alisson

    Trent – Konate – Virgil – Robbo

    Gravenberch – MacAllister

    Salah – Szoboszlai – Gakpo

    Díaz

    Auðvitað gætu veikindi eða eitthvað slíkt breytt þessum plönum, en þar fyrir utan er ansi líklegt að þetta verði byrjunarliðið.

    Slot sagði í morgun að Jota, Gomez og Nunez hefðu allir mætt til æfinga í dag, en það var ekki ljóst hverjir þeirra verði leikfærir á morgun. Hugsanlega verða einhverjir þeirra á bekk, en það hljómaði líka eins og Slot hefði alls ekki hugsað sér að henda neinum þeirra of snemma út í djúpu laugina, enda er breiddin í hópnum í raun með albesta móti og nóg af öðrum leikmönnum til taks. Í reynd hefur hópurinn líklega aldrei verið jafn breiður og jafn vel staddur hvað meiðsli varðar á þessum tíma árs, í minningunni er a.m.k. ansi langt síðan meiðslalistinn var svona stuttur. Það er semsagt bara Jones sem er frá og nokkuð ljóst að hann verði ekki á bekk. Vissulega er þá miðjan kannski sá hluti liðsins sem er hvað þynnstur, en mögulega er þá að opnast gluggi fyrir McConnell sem sýndi í leiknum á miðvikudaginn að það er ýmislegt í hann spunnið. Reyndar svo mikið að Slot talaði um að hann myndi fyrir vikið alls ekkert senda hann út á lán á seinni hluta leiktíðarinnar, svo kannski verður hann á bekk.

    Salah skoraði ekki í fyrri leik liðanna, og brennur alveg örugglega í skinninu að setja a.m.k. eitt mark á morgun. Enda er það svo að ef hann ætlar að bæta eigið met (sem hann á með Thierry Henry) að skora hjá flestum liðum deildarinnar á einu tímabili, þá verður hann að gjöra svo vel að skora á morgun því annars nær hann ekki að skora hjá fleirum en 17 liðum að hámarki – sem er núverandi met. Þ.e. það að hafa ekki náð að skora gegn Forest þýðir að nú er enginn slaki upp á að hlaupa.

    Er þetta leikur þar sem við yrðum sátt við jafntefli? Mögulega… ég held að það sé samt þannig að í öllum jafnteflisleikjum tímabilsins þá vitum við að liðið hefði alveg átt að geta gert betur og náð í stigin þrjú. Tilfinningin er sú að ef menn mæta vel stemmdir til leiks, og ef orkustigið verður hátt, þá eiga okkar menn mjög góðan möguleika á að koma heim með 3 stig í farteskinu. Það er bara svo alls ekki sjálfgefið.

    Spáum því nú samt að þetta endi 1-3, með mörkum frá Salah, Gakpo og MacAllister.

    KOMA SVO!!!!!

  • Gullkastið – Meistara-deildarmeistarar

    4 Comments

    Liverpool endaði á toppi deildarinnar í Meistaradeildinni þrátt fyrir tap gegn PSV í lokaumferðinni og ljóst hvaða fjórum liðum okkar menn geta mætt í 16-liða úrslitum. Flottur sigur á Ipswich í deildinni og toppsætið ennþá okkar.
    Það er mjög margt svipað núna og fyrir ári síðan í deildinni en með undantekningum þó sem vonandi eru okkar mönnum í vil, skoðuðum það aðeins.
    Leikmannamarkaðurinn er opin til mánaðarmóta og töluvert slúður þar þessa dagana, lítið tengt Liverpool reyndar.
    Nýtt Ögurverk lið og stór helgi framundan í enska boltanum.

    Stjórnandi: Einar Matthías
    Viðmælendur: SSteinn

    Þökkum að vanda samstarfsaðilum þáttarins fyrir að hjálpa okkur að halda síðunni úti.


    Egils Gull / Húsasmiðjan / Verdi Travel / Ögurverk ehf / Done

    MP3: Þáttur 506

  • PSV Eindhoven 3-2 Liverpool

    11 Comments

    Mörkin

    0-1 Gakpo (28.mín, víti)

    1-1 Bakayoko (35.mín)

    1-2 Elliott (40.mín)

    2-2 Saibari (45.mín)

    3-2 Pepi (45.+6. mín)

    Hvað gerðist markvert í leiknum

    Auðvitað var kannski ekki við miklu að búast, b-liðið nánast í heilu lagi inni á vellinum. Það undarlega til að byrja með var að Darwin Nunez var ekki með og Andy Robertson var miðvörður. Cody Gakpo fékk rómantíska innkomu gegn uppeldisfélaginu sínu og launaði það með marki, sem var þó ansi skrautlegt. Eftir almennt frekar dapra pressu fyrstu 15-20 mínútur leiksins, náði Chiesa að pota boltanum til Elliot, sem skoraði, en var felldur á frekar soft hátt, tæpt víti. Á Englandi hefðu þeir eflaust tekið vítið til baka og dæmt markið af, gefið dómarakast til Eindhoven. En við erum ekki á Englandi í þessari keppni – sem betur fer kannski.

    Bakayoko skoraði geggjað Suarez mark á 35. mínútu og jafnaði leikinn. Hann tók við sendingu á vítateigslínunni, checkaði með vinstri yfir á hægri, rassaði báða miðverðina og lagði hann í hornið. Fallegt mark hjá spennandi leikmanni. Hann verður kominn í eitthvað miðlungslið í úrvalsdeildinni innan skamms.

    Liverpool komst aftur yfir fljótlega, þetta var alveg bilaður kafli í leiknum, þar sem mörk og færi komu á færibandi. Gott skot frá Chiesa sem markvörður PSV varði beint til Elliott sem lagði hann í netið af stuttu færi.

    Lok hálfleiksins voru síðan furðuleg, PSV jafnaði aftur, 4 mínútum bætt við og á 6. mínútu uppbótartíma skoruðu þeir svo fáránlegt mark með viðkomu í þremur leikmönnum og gott ef hann klobbaði ekki Kelleher. Sem varði by the way ekki neitt þegar hér var komið sögu.

    Á Rauða Ljóninu sat ég með heldri manni sem sagði að nú yrði heldur betur veislan, það yrði nóg af mörkum í seinni hálfleik. Auðvitað var það algjört jinx, en erfiðar aðstæður og aðeins betri varnarleikur ásamt lítilli orku gerði það að verkum að seinni hálfleikur var heldur daufari og ekkert mark var skorað. Fullt af guttum fengu sénsinn, Morton spilaði sennilega best, Nallo kom inn á og fékk rautt fjórum mínútum síðar (!) og Nyoni var alveg í lagi án þess að breyta leiknum eitthvað af viti. Hann skrifaði þó nafn sitt í sögubækurnar þar sem hann er núna yngsti leikmaðurinn í sögu Liverpool til að spila Evrópuleik.

    Hverjir stóðu sig vel?

    Það var raunar mjög fátt sem kom á óvart og eiginlega ekkert sem breytir skoðun Arne Slot á því sem hann veit nú þegar. Elliot og Chiesa voru öflugir á köflum, mér fannst Conor Bradley valda smá vonbrigðum sem og Quensah og Tsimikas. Ungu strákarnir…Danns olli vonbrigðum, virkaði latur og pressan var úti á þekju megnið af leiknum. Eins náði miðjan engri stjórn en þetta er kannski viðbúið þegar meðalaldurinn er 13,5 ár. Endo líka, hann heillaði alls ekki og hefði átt að gera mun betur í einu marki PSV. Elliot var fyrir mér besti leikmaður Liverpool og sá eini sem gerir tilkall að meiri spilatíma eftir þennan leik. Chiesa er alveg skemmtilegur leikmaður en mín tilfinning er að hann sé bara of hægur í enska boltann.

    Hvað hefði mátt betur fara?

    Engir sleggjudómar, ungir strákar að öðlast reynslu, efsta sætið í þessum nýja riðli Meistaradeildarinnar. Auðvitað hefði sigur verið frábær en ef við ætlum að tapa einhverjum leikjum í vetur þá eru það svona leikir og leikir eins og gegn Spurs þar sem verður hægt að laga úrslitin í seinni leiknum. Byrjunarliðið fékk nánast allt hvíld. Ég á von á að Robbo og Gakpo byrji á laugardaginn, aðrir bara alls ekki, nokkrir komast á bekkinn. En fyrst spurningin er þessi, þá hefðum við mátt vinna þennan leik.

    Umræðan eftir leik

    Úthvílt lið gegn Bournemouth. Efstir í deild og Meistaradeild. Vel spilað hjá Slot, ekkert hægt að kvarta yfir þessu.

    Næstu verkefni

    Bournemouth á laugardaginn. Byrjunarliðið fékk kærkomna hvíld og engar afsakanir gegn liði á þvílíku rönni. Leikurinn verður mjög erfiður og jafntefli verður alveg ásættanlegt. Við stoppuðum sigurgöngu Nottingham Forest um daginn, stoppum líka Bournemouth.

    Stelpurnar

    Það var veisla hjá stelpunum okkar í kvöld, unnu 0-5 þar sem Lucy Parry og Sam Kerr skoruðu sín fyrstu mörk fyrir félagið. Næsti bikarleikur hjá þeim verður gegn stórliði Rugby Borough eftir 10 daga, en þær spila aftur gegn West Ham um helgina, bara á heimavelli í það skiptið.

    Svo er komin dagsetning á árshátíð Liverpoolklúbbsins, tökum 22.mars frá!

    YNWA

  • Liðið gegn PSV Eindhoven

    32 Comments

    Liðið sem mætir PSV í kvöld er fyrirsjáanlega mjög mikið breytt.

    Það er óhætt að segja að þetta sé mjög áhugavert lið. Robertson í miðverði líklegast, ekki á það eftir að hægja á hjartslættinum. Gakpo fær leik gegn sínum gömlu félögum, bara ánægjufaktor þar, og svo fær Chiesa langþráð byrjunarliðssæti. Og rúsínan í pylsuendanum, Danns byrjar, fróðlegt að sjá hvernig það kemur út.

  • Heimsókn í ljósaborgina: Upphitun fyrir PSV

    17 Comments

    Á morgun er komið að síðasta leik af deildar hlutar Meistaradeildarinnar í ár. Það er margt sem getur skeð í þessari risa umferð um alla álfuna, ef markmiðið með breytingunni var að tryggja spennu í lokin hefur það klárlega, þó ég persónulega þoli ekki breytinguna úr riðlakeppninni. Okkar menn geta með stigi tryggt sér efsta sætið en andstæðingurinn er einn af risunum í Hollandi, PSV Eindhoven.

    Borgin

    Árið 1232 veitti Henriki fyrsti, hertogi Barbant, þorpinu Eindhoven borgaréttindi. Á þessum tíma í Niðurlöndum keyptu byggðarkjarnar réttinn til að vera taldir borgir, sem þýddi að þeir fengu ýmis réttindi og aðallinn missti ákveðin völd frá sér. Slíkar sölur voru oft leið hertoga til að bæta fjárhaginn tímabundið.  Bæjarbúar nutu líka ákveðins frelsis sem sveitungar höfðu ekki. Leiddi það til hollenska málsháttarins Stadslucht maakt vrij, það er að segja borgarloftið frelsar þig. Í aldanna rás olli þetta því að aðallinn missti mikið af valdi sínu til bæjanna, ekki var hægt að afturkalla rétt þeirra þegar búið var að selja þá einu sinni.

    Þegar réttindin voru veitt samanstóð Eindhoven af um 170 húsum og litlum kastala í nágrenninu. Bærinn fékk rétt til að skipuleggja markaði og bændurnir í kring var skylda að selja vörur sínar á staðnum. Næstu aldir stækkaði samfélagið hægt og bítandi. Saga borgarinnar er í grófum dráttum svipuð flestra borga í Niðurlöndunum, það er að segja heill hellingur af styrjöldum, umsátrum og öðrum viðburðum sem er gaman að lesa um og hefði verið skelfing að upplifa. Eindhoven var lengst af aðeins ein af mýmörgum smáborgum Hollands (eða annarra aðila sem réðu yfir landsvæðinu svo sem Spánar og Frakklands), en það breyttist þegar iðnbyltingin hóf innreið sína.

    Undir lok Nápóleonstríðsins tók Holland á sig sú mynd sem við þekkjum í dag, þegar norður og suður hluti landsins (þar sem Eindhoven er) voru sameinuð undir sama konung, en Belgía í vestri var varanlega klofin frá ríkinu. Landið hafði hrifsað til sín nýlendur víða um heim og voru mikilvægastar lönd sem í dag eru Suður-Afríka og Indónesía. Landið hóf að flytja til sín hráefni þaðan og fjárfesta í nútíma innviðum. Hið fræga skipaskurðakerfi landsins var að miklu grafið út á nítjándu öld, í suðri opnuðu nokkrar kolanámur og hafnarborgirnar Amsterdam og Rotterdam stækkuðu og stækkuðu.

    Það voru ekki bara stórborgirnar sem stækkuðu á nítjándu öld. Árið 1815 bjuggu um 2700 manns í Eindhoven sjálfri, 105 árum hafði íbúafjöldinn næstum tuttugufaldast. Til að byrja með var iðnaður borgarinnar aðallega tengdur textíl og tóbaki, en árið 1891 þegar maður að nafni Gerard keypti tóma verksmiðju og hóf að framleiða ljósaperur. Eins og oft er skýrði hann nýja fyrirtækið í höfuðið á sjálfum sér, Philips. Fyrirtækið átti eftir að vaxa í eitt þekktasta vörumerki heims og í Hollandi er heimaborgin Eindhoven oft kölluð Lichtstad, Ljósaborgin. Það er þó einhver deila um hvort það sé beintengt Philips, eða hvort borgin hafi fengið viðurnefnið áður vegna stórra eldspýtu verksmiðju sem var í borginni.

    Þegar tuttugasta öldin gekk í garð var Eindhoven orðin vaxandi iðnaðarborg, tengd við nágranna borgir jafnt með skipaskurðum og lestum. Í henni var fjöldinn allir af verksmiðjum og margir ungir menn sem þurftu eitthvað að gera þegar þeir voru ekki á vakt. Aðstæður voru fullkomnar fyrir stofnun fótboltaliðs.

    Liðið

    Faðir hollenskra knattspyrnu hér Pim Mulier, sem kynntist fótbolta í Ramsgate á Englandi. Þegar hann sneri aftur til heimalandsins stofnaði hann knattspyrnufélagið Haarlemsche Football Club, sem að vísu spilaði til að byrja með fótbolta sem líktist fremur rugbýi en knattspyrnu, en nokkru seinna breytti félagið yfir í að spila knattspyrnu með „ensku reglunum“ sem var það sem við myndum kalla fótbolta. Pim átti eftir langan feril sem íþróttafrumkvöðull í landinu, stofnaði meðal annars fyrsta tennisklúbb landsins og skautaði milli 11 borga á einum degi sem varð að sögufrægri keppni. En hans fyrsta verk var áðurnefnt fótboltafélag sem en starfar. Æ, já, eitt smáatriði. Hann stofnaði liðið 14 ára!

    Líkt og annars stað breiddist fótboltinn hratt út í Hollandi og árið 1910 stofnaði Philips verksmiðjan félagaði Philips Elftal. Völlur liðsins var á sama stað og heimavöllur PSV, en þetta félag var ekki langlíft. En strax 1913, þann 31. ágúst var Philips Sport Vereniging stofnað. Dagurinn varð fyrir valinu vegna fagnaðar tengdum aldarafmælis ósigurs Napóleons. Þremur árum seinna var nafni liðsins formlega breytt í það sem við þekkjum PSV Eindhoven.

    Næstu ár óks hróður félagsins jafnt og þétt og árið 1929 unnu þeir deildina í fyrsta sinn. Þetta var þó ekki hollenska deildin, sem var ekki stofnuð fyrir en  á sjötta áratugnum, heldur einskonar héraðsdeild og eftir það útsláttarkeppni á landsvísu. PSV átti eftir að ráða lögum og lofum í héraðsdeildinni framan af og var eitt af liðunum sem 1954 ákváðu að stofna atvinnumannadeildina Eredivisie. PSV er eitt að aðeins fjórum liðum sem hefur aldrei fallið úr deildinni.

    Árið 1955 hófst keppnin sem við köllum í dag Meistaradeildin og PSV voru fulltrúar Hollands. Þetta fyrsta ár voru liðin valin af franska fótboltablaðinu L‘Equipe og var ekki von á öðru en að sumt væri umdeilandlegt. PSV voru ekki hollenskir meistarar en Holland Sport (sem voru heldur ekki meistarar) afþökkuðu boðið. Í Skotlandi fengu meistarar Aberdeen ekki boðið heldur Hibernian og Englandsmeistarar Chelsea sögðu í fyrstu já, en enska deildinn setti pressu á þá að taka ekki á sig þessa óþarfa truflun. Þess má geta að í mörgum tilfellum þar sem meistarar viðkomandi landa fengu ekki sætið var það vegna skorts á flóðljósum á völlum þeirra.

    Þetta fyrsta ævintýri PSV í Evrópukeppni gekk ekki vel, skíttap fyrir liði Rapid Wien. Framundan var þó gullöld í hollenskum fótbolta. Deildin heima var orðin að atvinnumannadeild og Ajax var á barmi þess að þróa „total football“ kerfið sem tröllreið evrópskum fótbolta. Frá og með 1960 varð deildin það þriggja hesta kapphlaup sem við þekkjum í dag, þar sem Ajax, Feynoord og PSV skiptust á að vinna titilinn, með örfáum undantekningum á sirka tíu ára fresti. Síðast þegar annað lið en þessi þrjú unnu titilinn var árið 2010, þegar Twente með ungan, hálfbrjálaðan úrúgvæja, sem sinn mikilvægasta mann. Engin stig fyrir að giska hver sá bitvargur var.

    Frá 1960 til sirka 1990 var Evrópukeppnin töluvert jafnari en í dag og náði Eindhoven tvisvar að næla sér í Evrópugull. Fyrst var það í Evrópubikarnum, eins og hann hét þá, árið 1978 og svo aftur 1988 þegar liðið lagði Benfica í úrslitaleik Meistaradeildarinnar.

    Á tíunda áratugnum hóf Hollenska deildin að dala í samhengi við stóru deildirnar og þróaðist út í að vera deild þar sem ungir leikmenn frá öðrum álfum tóku sín fyrstu skref og Hollendingar hættu að geta haldið í sínar stærstu stjörnur. Þróunin var sama hjá Eindhoven og öðrum liðum hollenskum liðum, áherslan þróaðist yfir í að grípa unga og efnilega menn, þróa þá í stjörnur sem gátu farið til stærri liða. Fyrsta og frægasta dæmið hjá Eindhoven er Ruud Van Nistelroy, sem var keyptur fyrir met fé innanlands í Hollindi, 6,3 milljónir evra árið 1998 og eftir aðeins þrjú ár seldur á þrefalt það yfir til Englands. Sú viðskipti, bæði kaupin og salan, var hluti af ástæðunni fyrir að PSV náði að vinna deildina heima á hverju einasta ári frá 2000 til 2008. En listinn yfir frábæra leikmenn sem hafa byrjað eða stoppað við hjá PSV er ótrúlegur: Arjen Robben, brasilíski Ronaldo, Nistelroy, Götze, Wijnaldum, Depay, Perisic, Eiður Smári, Albert Guðmundsson svo fáeinir séu nefndir.

    Andstæðingurinn í dag.

    PSV eru ríkjandi Hollandsmeistarar og sitja eins og er í efsta sæti deildarinnar. Í Meistaradeildinni hefur árangurinn ekki verið alveg jafn glæstur, þeir eru með 11 stig í nítjánda sæti. Tæknilega geta 7 lið náð þeim, en 4 þeirra eiga leiki innbyrðis, þannig að til að þeir detti út annar af þeim leikjum að fara jafntefli, City þarf að vinna Club Brugge með litlum mun og svo þurfa Liverpool að vinna þá með einhverjum 5-6 mörkum þannig að markatalan þeirra fari í rúst. Fremur ólíklegt.

    Það eru þó ekki nema þrjú stig frá nítjánda upp sjöunda sæti, líklega er engin útfærsla þar sem þeir ná upp í sjöunda til áttunda, en þeir geta klárlega lyft sér upp þónokkuð með sigri. Þeir hafa því að nógu að keppa á morgun.

    Það munar um fyrir liðið að Ryan Flamingo er í banni í leiknum, eftir rautt spjald í síðasta leik og tveir af bandaríkjamönnum þeirra, Dest og Tillman eru meiddir. Kantmaðurinn Noa Lang var veikur um helgina svo hann er ekki öruggur og Ivan Peresic er ekki skráður í Evrópu hóp þeirra. Líklegasta byrjunarliðið þeirra er því eftirfarandi:

    (4-2-3-1): Benítez; Ledezma, Boscagli, Obispo, Mauro Júnior, Veerman, Schouten, Bakayoko, Til, Lang, de Jong.

    Ætla að vera opin með að ég er að styðja mig 100% við þessa grein. Fjöldi greina um Liverpool og greina sem fóru yfir andstæðinginn var ekki beint jafn í þetta sinn.

    Þjálfari liðsins er Peter Bosz, fyrrum þjálfari Dortmund, Ajax og Beyrn Leverkusen. Leikurinn fer fram á Philips vellinum sem tekur 35 þúsund manns í sæti.

    Okkar menn

    Það er afar erfitt að lesa í hvernig er best að nálgast þennan leik. Eftir að Barcelona komu til baka gegn Benfica í síðustu viku varð ljóst Liverpool þarf stig hér til að vera öruggt um að  vinna Meistaradeildar-deildina. Það munar einhverjum milljónum í verðlaunafé að vera efstir, það er kúl að hafa verið fyrstur til að vinna þessa útgáfu af keppninni og hugmyndin er að þú fáir aðeins veikari andstæðinga ef þú ert efstur. Eins og deildin hefur spilast gæti þó sá andstæðingur verið PSG eða Manchester City.

    Það er líka stór útileikur á laugardaginn við Bournemouth, sem þarf að hafa í huga. Ég held þó að Slot haldi breytingum í lágmarki og treysti frekar á að hvíla menn eftir viku gegn Spurs. Eins og stendur eru ekki nema tveir leikmenn frá vegna meiðsla, Jota og Jones. Verður þó að teljast ólíklegt að Gomez spili miðað við að vera með eina æfingu á bakinu síðustu viku. Spurningin í hafsentinum verður því Quansah eða Konate? Þó Konate sé klárlega betri hafsent, þá finnst mér stórhættulegt að láta hann spila þrjá leiki á átta dögum og spái frekar unga manninum. Ég held líka að Slot treysti Robbo og Trent í bakvörðunum, þó ég hefði ekkert á móti því að sjá Tsimikas eða Bradley byrja.

    Gravenberch er væntanlega fyrsti maður á blað og ég held að Szoboszlai og MacAllister verði með honum. Salah verður svo á sínum stað, en ég held að Nunez fái að byrja upp á topp. Svo væri bara ljótt að hafa Gakpo ekki í liðinu gegn sínum gamla klúbb.

    Þetta hörkusterka lið ætti að geta unnið þennan leik og tryggt okkar mönnum fyrsta sætið. Ég gæti þó verið vel út á þekju með þetta því hvorki meira né minna en 12 leikmenn úr yngri liðunum tóku þátt í æfingunni í dag.

     

    Spá.

    Leikurinn fer hægt af stað en okkar menn taka öll völd um miðbik fyrri hálfleiks og enda á að vinna 3-0, þar sem öll framlínan skorar eitt.

     

  • Liverpool 4 – 1 Ipswich

    32 Comments

    Okkar menn kræktu í frekar þægileg 3 stig með sigri á Ipswich í dag. Kop.is hópurinn væntanlega séð til þess.

    Mörkin

    1-0 Szoboszlai (11. mín)
    2-0 Salah (35. mín)
    3-0 Gakpo (44. mín)
    4-0 Gakpo (66. mín)
    4-1 Greaves (90. mín)

    Hvað gerðist markvert í leiknum?

    Þetta spilaðist í raun bara alveg eins og maður átti von á, þ.e. að okkar menn voru með völdin í leiknum og stýrðu honum nánast frá A til Ö. Fyrstu mínúturnar gengu frekar rólega fyrir sig, en eftir um 10 mínútna leik fann Konate Szoboszlai í smá opnu svæði fyrir framan teiginn, Ungverjinn tók eina hreyfingu til að færa boltann yfir á vinstri, og smurði honum svo í hornið niðri nær. Ipswich misstu svo mann af velli sem líklega sleit liðbönd í tæklingu, þetta hægði talsvert á leiknum og gerði það að verkum að uppbótartíminn varð talsverður í lok hálfleiksins. Eftir rúmlega hálftíma leik fékk svo Salah góða sendingu frá Gakpo inn á markteiginn hægra megin og skoraði þar úr færi sem ekkert mjög margir myndu skora úr. Gakpo bætti svo við þriðja markinu skömmu fyrir hlé, Grav fann Szoboszlai í auðu svæði hægra megin í teignum, skotið frá honum var varið en barst til Gakpo sem potaði inn. Þarna voru úrslitin nokkurn veginn ráðin. Í síðari hálfleik kom svo fjórða markið þegar Trent átti klassíska Trent-esque sendingu inn á teig rétt fyrir innan vítapunktinn þar sem Gakpo var á auðum sjó og skallaði í netið. Gakpo var svo tekinn af velli ásamt Szoboszlai og Gravenberch, inná komu Endo, Elliott og Nunez. Nokkru síðar fékk Danns að koma inná fyrir MacAllister, og að lokum kom Chiesa inná fyrir Díaz. Enginn þeirra náði að setja mark sitt á leikinn en Endo var þeirra sýnu öflugastur og ljót tækling á honum hefði nú líklega átt að skila sér í rauðu spjaldi á einn Ipswich leikmann en varð á endanum bara gult. Nunez var líka duglegur að koma til baka og vinna boltann, ein af hans sterkustu hliðum núorðið.
    Þegar venjulegur leiktími var að líða út fengu Ipswich hornspyrnu og skoruðu úr henni, Elliott sofnaði líklega aðeins á verðinum þar og ég hugsa að bæði van Dijk og Slot verði ósáttir við að hafa ekki haldið hreinu. En 4-1 sigur staðreynd, þægilegt og 3 stig í höfn.

    Hverjir stóðu sig vel?

    Szoboszlai var mjög öflugur þann tíma sem hann var inná, og það er nú ekki hægt að sleppa því að minnast á Gakpo í ljósi þess að hann skoraði tvö og lagði upp eitt. Hlustendur geta valið hvor þeirra hlýtur titilinn, þeir eiga báðir gott tilkall. Grav var líka öflugur, en hann fer fljótlega að skríða inn í sama flokk og Salah og Virgil, þ.e. að maður gerir ráð fyrir að hann eigi heimsklassaleik og verður pínku fúll ef hann er ekki að sýna algjöran stjörnuleik. Konate var líka öflugur, t.a.m. með stoðsendingu, og MacAllister er gríðarlega mikilvægur í miðjuspilinu. Alisson hafði lítið að gera í 85 mínútur, en þurfti þá að verja einn stórhættulegan skalla og gerði það vel, en gat svo lítið gert í markinu. Trent og Robbo voru nokkurnveginn á pari eða kannski rúmlega það, Díaz hefur alveg átt betri daga en var ekkert slæmur. Mætti alveg fara að detta í sama gírinn og hann var í í haust samt.

    Hvað hefði mátt betur fara?

    Elliott hefði alveg mátt nýta þetta tækifæri betur, hann hefur átt góðar innkomur upp á síðkastið en oft verið betri en í dag. Smá áhyggjuefni í ljósi þess hve það eru í raun fáir miðjumenn sem geta komið inn fyrir Grav/Dom/Mac þrenninguna okkar, svo hann má ekkert eiga einhverja slaka leiki þegar til kasta hans kemur.

    Umræðan eftir leik

    Þetta var í fjórða sinn í vetur sem liðið skoraði 3 mörk í fyrri hálfleik. Öll hin liðin í deildinni hafa náð að gera þetta 16 sinnum á sama tíma. Samtals.

    Baráttan á toppnum er svipuð eftir daginn eins og fyrir hann, þ.e. Arsenal vann sinn leik þrátt fyrir að hafa misst mann af velli í fyrri hálfleik. Hins vegar rúlluðu Bournemouth yfir Forest 5-0, og því ljóst að þeir verða ekkert lamb að leika við á þeirra heimavelli um næstu helgi. En okkar menn eru enn með 6 stiga forystu, með leik til góða á næstu lið, og núna eiga næstu lið einum leik minna til að vinna upp þetta forskot. Myndi okkur líða betur með meira forskot? Alveg klárlega, en svona er deildin einfaldlega.

    Næstu verkefni

    PSV á útivelli í meistaradeildinni á miðvikudaginn. Liðið þarf í raun bara eitt stig til að tryggja efsta sætið, en Slot vill örugglega vinna þennan leik. Virðist svosem litlu breyta hvort liðið lendir í 1. eða 2. sæti í þessari deild, það er a.m.k. klárt að liðið sleppur við umspilsleikina sem liðin í 9. – 24. sæti þurfa að fara í gegnum. Í öllu falli vill maður að hópurinn verði notaður svolítið í miðri viku, því það býður erfiður leikur gegn Bournemouth um næstu helgi þar sem suðurstrendingarnir eru heldur betur á siglingu og verða engin lömb að leika sér við.

    En fögnum úrslitunum í dag, og njótum stöðunnar sem liðið er í!

Load More
Congratulations. You've reached the end of the internet.

© 2019 KOP.is

Back to Top
Close