Það er stutt stórra högga á milli. Deildarleikir gegn Leicester á fimmtudegi og Burnley á sunnudegi (14:00) áður en Ítalíumeistarar Inter eru sóttir heim á San Siro á miðvikudegi. Þrír leikir á einni viku takk fyrir, hver öðrum mikilvægari.
Liverpool spilaði loks aftur í Úrvalsdeildinni eftir vetrarfrí og tók á móti Leicester. Thiago var mættur aftur í byrjunarliðið og nýjasta viðbótin í liðinu Luis Diaz byrjaði sinn fyrsta leik fyrir félagið en hann var frammi með Roberto Firmino og Diogo Jota. Jordan Henderson var frá vegna smá meiðsla í baki og Mo Salah snéri aftur eftir Afríkukeppnina og var á bekknum.
Leikurinn byrjaði hratt og Liverpool var ógnandi strax frá fyrstu sekúndu með Luis Diaz í fararbroddi, þrátt fyrir læti í byrjun þá fór þetta þó aðeins að róast þegar leið á fyrri hálfleikinn. Liverpool var þó með meira og minna alla stjórn á leiknum og voru alltaf líklegra liðið þrátt fyrir kannski eina álitlega sókn hjá Leicester þar sem Alisson varði vel frá James Maddison.
Loksins náði Liverpool inn marki þegar Diogo Jota skoraði af stuttu færi eftir frákast. Trent tók hornspyrnu sem barst til Virgil van Dijk sem stangaði boltann að marki en Schmeichel í marki Leicester varði boltann beint fyrir fætur Jota sem gat ekki annað en skorað. Verðskuldað og gott mark.
Eftir markið kom smá kraftur aftur í Liverpool og áttu Jota og Firmino nokkrar fínar rispur fram að hálfleik en vantaði bara smiðshöggið til að koma inn öðru markinu fyrir hlé.
Seinni hálfleikur byrjaði ekki ósvipað eins og sá fyrri var heilt yfir. Liverpool stjórnaði og Leicester komst í sjálfu sér hvorki lönd né ströng. Liverpool ógnaði en gekk ekki að slútta færunum. Rétt fyrir 60. mínútu komu Harvey Elliott og Mo Salah inn á við mikil fagnaðarlæti. Þær skiptingar höfðu samt kannski ekki alveg þessi instant áhrif sem maður vonaðist eftir og á sama tíma gerði Leicester skiptingar. Leikurinn fór í svolítið ójafnvægi, Liverpool gekk illa að halda boltanum en Leicester gerði í sjálfu sér ekkert með hann.
Svo small þetta hjá Liverpool og Salah komst í þrígang frekar nálægt því að skora. Í eitt skiptið tók hann rispu nálægt endalínu í vítateig Leicester og átti skot úr þröngu færi sem Schmeichel varði, í annað skiptið átti hann skot utan teig sem söng í samskeytunum og í þriðja komst hann í gegn á móti Schmeichel eftir skyndisókn en sá danski varði glæsilega frá honum og í kjölfarið var Salah straujaður en ekkert var dæmt. Þá átti Diaz einnig gott tækifæri en skot hans var varið.
Á 87. mínútu átti Joel Matip geggjaða stungusendingu í gegnum klofið á varnarmanni Leicester beint á Diogo Jota sem auðvitað lúðraði honum í netið og skoraði sitt annað mark og innsiglaði sigurinn fyrir Liverpool. Shit, hann er svo geggjaður!
Joel Matip og Virgil van Dijk voru frábæri í vörninni, Robertson og Trent voru bara þeir sjálfir og þá fannst mér Robertson alveg sérstaklega góður í dag og náði hann að tengja mjög vel við Diaz á vinstri vængnum.
Miðjan var heilt yfir alveg geggjuð í kvöld og þá sérstaklega Fabinho og Thiago sem bara áttu miðjuna. Þeir voru frábærir í pressunni, stýrðu spilinu og voru bara heilt yfir ansi flottir. Það er frábært að sjá þá loksins aftur saman á miðjunni.
Er Luis Diaz ekki alveg örugglega bara nýkominn til liðsins og var að byrja sinn fyrsta deildarleik? Það var ekki að sjá í dag, hann spilaði leikinn mjög vel og var mjög ógnandi. Það var eins og hann hefði spilað fullt af leikjum þarna og ég get ekki beðið eftir að sjá meira af honum.
Heilt yfir er ég ekki hrifinn af því að spila Firmino og Jota saman en eðlilega hefur þurft að gera það undanfarna leiki en ég vona að við þurfum ekki að sjá mikið meira af þeim saman í byrjunarliðinu í þessu formi. Það hentar hvorugum þeirra finnst mér, þeir nýtast svolítið best á sama svæðinu og mér finnst ekki málið að færa Jota út á vængina því hann er svo yfirburða besti kosturinn í ,,níu-na”. Eins og mörkin hans í dag og hafa gert undanfarið þá á hann heima í svæðinu í og við miðjan teiginn og þar skal hann vera!
Á sunnudaginn mætir liðið Burnley og fær vonandi Sadio Mane og Jordan Henderson aftur í hópinn, sem er líklega sá sterkasti sem ég hef séð liðið mæta til leiks með í ansi langan tíma! Í miðri næstu viku fer svo Meistaradeildin aftur af stað en þar mun Liverpool fljúga til Mílanó og mæta Inter í fyrri leik liðana í 16-liða úrsltinunum.
Luiz Diaz byrjar byrjar í fyrsta skipti fyrir Liverpool og verður með Jota og Firmino frammi. Besti leikmaður í heimi er á bekknum og besti leikmaður Afríkukeppninnar er ekki í hóp (líkt og vitað var).
Jones er á miðjunni með Thiago sem er mættur aftur ásamt auðvitað Fabinho. Fyrirliðinn ekki með eftir smávægileg bakmeiðsli í vikunni.
Þrátt fyrir að það vanti Mane, Henderson og Origi þá er þetta líklega einn allra sterkasti leikmannahópur sem Liverpool hefur getað stillt upp í ansi langan tíma. Byrjunarliðið er öflugt og það eru ansi margir “game changer-ar” á bekknum.
? TEAM NEWS ?
Your Reds line-up to face @LCFC tonight, with @LuisFDiaz19 making his @PremierLeague debut! #LIVLEI
— Liverpool FC (@LFC) February 10, 2022
Hér er svo lið gestanna:
The #lcfc team news is in! ?#LivLei pic.twitter.com/VjtpVVQzmE
— Leicester City (@LCFC) February 10, 2022
Eftir langt hlé hjá okkar mönnum í deildinni tryggðum við okkur áfram í FA bikarnum um síðustu helgi en á morgun er loks deildarleikur hjá okkar mönnum þar sem Leicester mæta í heimsókn á Anfield klukkan 19:45. Okkar menn hafa oft mætt ryðgaðir tilbaka eftir pásur en vonandi mun það hjálpa að hafa spilað á nokkuð sterku liði gegn Cardiff í bikarnum og menn hafa hrist af sér slenið þar.
Vandræði hjá Rodgers?
Fyrrum stjóri okkar Brendan Rodgers er í brúnni hjá Leicester mönnum en eftir tæp þrjú ár í starfi er kominn smá hiti á hann. Hann hefur skilað þeim tvisvar í fimmta sæti deildarinnar og einum FA titli en í ár hefur gengið verið óstöðugt. Leicester sitja í ellefta sæti deildarinnar, þó aðeins búnir að spila 20 leiki, og hefur gengið illa að halda hreinu enda fengið á sig 37 mörk eða 1.85 í leik að meðaltali. Eftir niðurlægjandi tap í bikarnum gegn Nottingham Forest um helgina lét Rodgers svo leikmennina heyra það í viðtali eftir leik og talaði um að það vantaði hungur í leikmannahópinn. Í kjölfarið var Rodgers orðinn líklegastur hjá veðbönkum til að vera næsti stjóri í deildinni sem missir starf sitt. Á hálfu ári farinn úr því að vera orðaður við Manchester United og Tottenham í það að vera hársbreidd frá atvinnuleysi
Smá ljós í myrkrinu
Mikil meiðsli hafa herjað á Leicester liðið undanfarið á og vantar meðal annars mikið í vörnina hjá þeim eins og er þar sem Jonny Evans, Westley Fofana, Ryan Bertrand og Timothy Castagne eru allir frá en þeir virtust vera að fara úr öskunni í eldinn þegar Jamie Vardy meiddist en hinsvegar virðist Patson Daka vera að finna markaskónna og hefur skorað í síðustu tveimur deildarleikjum.
Okkar menn
Hver er staðan á Salah og Mane
Eftir að hafa verið í tapliði í úrslitaleiknum á Afcon er Salah mættur til æfinga og segist vera tilbúinn í slaginn og líklegt að hann verði í byrjunarliðinu á morgun, nema ef Klopp vilji hvíla hann aðeins eftir að hafa spilað fjóru sinnum 120 mínútur á síðustu tveim vikum en það kæmi mér á óvart ef hann myndi ekki byrja.
Sadio Mane fékk hinsvegar aðeins lengra frí og skellti sér heim til Senegal þar sem var sigurhátið. Hann fékk æðstu orðu Senegala ljónaorðuna. Hann er þó kominn aftur til Liverpool og gæti mögulega verið á bekk á morgun þó það sé líklegra að við sjáum hann fyrst gegn Burnley um helgina.
Aðrir ansi klárir
Við sáum Harvey Elliott minna hressilega á sig eftir meiðslin í síðasta leik gegn Cardiff og það virðast flestir vera heilir fyrir leikinn á morgun. Gomez og Chamberlain misstu af síðasta leik vegna Covid en eru mættir aftur á æfingar, það sama á við um Origi sem er búinn að vera frá í nokkrar vikur og missti af flestum þeim tækifærum sem hann færi í vetur. Eina sem er í raun að frétta er að Jordan Henderson fékk högg á bakið í bikarleiknum og æfði ekki á þriðjudaginn og verður tekinn staðan á því á morgun.
Set þetta upp sem líklegt byrjunarlið en það er erfitt að segja til um það hver tæki stöðuna ef Henderson byrjar ekki. Elliott kom vel inn um helgina en óviss um hvort hann sé klár í heilan leik, Chamberlain hefur stigið ágætlega upp í síðustu leikjum en misjafnt hvernig menn hafa komið tilbaka eftir veikindi, Keita, Jones og Milner eiga svo allir möguleika þó ég telji að þessir fyrstu tveir væru líklegastir.
Spá
Mo Salah mætir aftur til Liverpool í miklum hefndarhug eftir að hafa misst af Afcon titli og klúðrað víti í fyrri leik liðanna og setur tvö í 3-0 sigri á lánlausum Leicester mönnum þar sem Trent setur þriðja.
Luis Diaz stimplaði sinn inn í fyrsta skipti, Harvey Elliott mætti aftur og minnti rækilega á sig og Thiago er kominn aftur á ról. Afríkukeppninni lauk með einvígi Salah og Mané og Klopp því kominn með allt að því fullskipað lið fyrir átök næstu vikna. Leicester og Burnley bíða í þessari viku en Meistaradeildin fer svo aftur af stað í þeirri næstu.
Stjórnandi: Einar Matthías
Viðmælendur: Maggi og Sveinn Waage
MP3: Þáttur 367
Þessi sunnudagsleikur á Anfield fer kannski ekki í sögubækurnar, en hann verður ansi eftirminnilegur fyrir nokkra aðila. Cardiff mætti á Anfield með drauma um að slá út Liverpool en fóru heim með skottið á milli lappanna.
Fyrri hálfleikur.
Okkar menn voru snöggir af stað og náðu að skapa sér tvö ágætis færi í upphafi leiks. Keita sendi frábæra sendingu á Jota í miðjum teignum snemma leiks, portúgalinn fíflaði varnarmanninn gjörsamlega upp úr skónum en negldi svo boltanum beint á markmanninn. Skömmu seinna náðu okkar menn ágætis spili sín á milli sem endaði á að Minamino skaut í markið, en rangstaða var dæmd á Tsimikas.
Þessir flugeldar í byrjun gáfu falska von um að okkar menn myndu bara sópa Cardiff frá. Það sem eftir lifði hálfleiks var eiginlega bara svæfandi. Eina stóra atvikið var á átjándu mínútu þegar Cardiff voru alveg við að komast í stórhættulegt færi. Konate fór í sóknarmanninn sem var þegar lagður af stað niður í grasið. Cardiff liðar vildu fá víti og ég get ekki sagt að ég hefði verið brjálaður ef það hefði verið dæmt en svo var ekki. Það sem eftir lifði hálfleiks voru okkar menn miklu meira með boltan, náðu öðru hverju að skapa smá hættu en það vantaði eitthvað aðeins upp á síðustu sendinguna og staðan 0-0 í hálfleik.
Seinni hálfleikur.
Það þurfti ekki að bíða lengi eftir risaatviki í seinni hálfleik. Cardiff náðu að vinna boltann á hættulegum stað og sendu sendingu upp völlinn, þar sem Kelleher kom vaðandi til að hreinsa. Hann missti af boltanum og tók út manninn. Hann var stál heppinn að dómarinn mat svo að Konate væri bakvið að dekka svo ekki var um marktækifæri, fékk gult spjald en ekki rautt, sem var réttur dómur.
Skömmu seinna náðu okkar menn að brjóta ísinn. Aukaspyrna var dæmd á hægri kantinum. Trent Alexander-Arnold þrumaði lágum og föstum bolta inn í teig, sem Diego Markanefur Jota þurfti bara rétt að koma við til að skila í markið. Staðan orðin eitt núll og okkar menn sannanlega með vindinn í bakið!
https://twitter.com/OptaJoe/status/1490316911992791043?s=20&t=iTICgXMhuAIpR1AuVTqYfA
Þegar klukkutími var liðin af leiknum fór svo straumur um Anfield þegar tveir af leikmönnum okkar áttu stund sem þeir munu muna lengi. Harvey Elliot kom inn á völlinn í fyrsta sinn síðan öklinn á honum var mölbrotinn í september og Luis Diaz hljóp inn á grasið á Anfield í fyrsta sinn sem leikmaður Liverpool. Hann báðir munu koma mikið við sögu næstu árin. Með þá tvo, Konate og Jota inn á gat maður ekki annað en hugsað að þarna væri komin stór hluti af næstu kynslóð Liverpool.
Kólumbíumaðurinn var ekki lengi að setja mark sitt á leikinn. Varnarmaðurinn Ng kom sér í hellings vandræði í teig Cardiff, Diaz pressaði hann eins og sannur Klopp leikmaður og eftir að hann lék smá listir við endalínuna gaf hann á landa sinn Jota sem náði ekki stjórn á boltanum og missti hann í teiginn þar sem Taki Minamino kom askvaðandi og skoraði mark! Ekki ónýtt að halda svona upp á fimmtugasta leikinn í rauðu treyjunni!
Korteri síðar var komið að stærstu stund dagsins. Sending af vinstri kantinum fann Harvey Elliot, sem tók eina snertingu til að opna sig á þrumaði svo í markið. Hans fyrsta mark af svona fjörtíu fyrir framan Kop stúkuna og það vantaði ekki að hann fagnaði!
Cardiff náði sér svo í sárabótarmark en úrslitin voru ráðin. Liverpool komið í sextán-liða úrslit bikarsins fræga og fá þá Norwich í heimsókn. Leikurinn fer fram í kringum 28. febrúar.
Maður leiksins.
Vel hér með hjartanu ekki höfðinu, Harvey Elliot. Sá leikmaður sem þessi drengur er að verða.
Umræðupunktar eftir leik
Næst á dagskrá.
Á fimmtudaginn mætum við Leicester, Burnley um næstu helgi og svo er það mál málanna, Inter í Meistaradeildinni!
Eftir rétt rúman klukkutíma hefjast leikar á Anfiel gegn Velsku strákunum í Cardiff. Klopp hefur ákveðið að stilla upp ágætis blöndu af reynslu og mönnum sem vantar mínútur í dag:
? #LIVCAR ???? ???? ?
Here’s how we line-up for the #EmiratesFACup fourth round ?
— Liverpool FC (@LFC) February 6, 2022
Ékki oft sem maður er spenntastur að sjá sjá leikmenn sem eru á bekknum. Elliot kemst á bekk í fyrsta sinn í marga mánuði, Thiago komin aftur og svo er þarna ákveðin portúgali sem maður eru afar spenntur að sjá. Hljótum að sjá allavega tvo af þessum þrem í dag.
Hvernig er fólkið peppað svona í morgunsárið?
Eftir þetta 783 ára langa vetrarfrí (tíminn er afstæður sjáið til) er loksins komið að því að við sjáum okkar ástkæra lið aftur á Anfield. Reyndar á afskaplega ókristilegum tíma, því það verður flautað til leiks kl. 12 á hádegi. Vonum bara að strákarnir okkar vakni nú í tæka tíð.
Andstæðingurinn er lið Cardiff, og þetta er leikur í 32ja liða úrslitum FA bikarsins.
Cardiff er lið sem komst upp í efstu deild í fyrsta skipti fyrir ekkert svo mörgum árum, og hefur náð heilum tveim tímabilum í efstu deild síðan þá. Í ljósi þessa þarf ekki að koma á óvart að liðin hafa ekki mæst neitt mjög oft á síðustu árum, eða sex sinnum á síðustu 15 árum. Leikur liðanna í deildarbikarnum 2007 (sem Liverpool vann 2-1) var sá fyrsti síðan 1959. Eftir það hafa liðin mæst fjórum sinnum í deildinni (þessi tvö tímabil sem Cardiff hefur verið í úrvalsdeild), og svo í úrslitaleik deildarbikarsins 2012 þegar okkar menn unnu í vítaspyrnukeppni. Þá var það enginn annar en Gerrard sem klúðraði víti fyrir sína menn, þ.e. Anthony Gerrard, frændi Steven. Deildarleikirnir enduðu allir með sigri Liverpool, þar á meðal 3-6 leikur þar sem Skrtel skoraði 2 og Sturridge lagði upp mark fyrir Suarez með hælspyrnu (þið munið, tímabilið þegar Liverpool var með hripleka vörn en skoraði á móti bara fleiri mörk en andstæðingurinn – svona langoftast). Það var góðkunningi okkar Ole Gunnar Solskjaer sem stýrði þeim tímabilið 2013 – 2014, og svo annar góðkunningi – Neil Warnock – sem stýrði þeim gegn Liverpool í tveim leikjum tímabilið 2018 – 2019.
Lið Cardiff leikur sem stendur í næstefstu deild, og verður nú ekki sakað um að vera að gera neina atlögu að því að komast í deild þeirra bestu, allavega ekki um þessar mundir. Sem stendur er liðið í 20. sæti af 24. Sá sem mun stýra þeim á sunnudaginn heitir Steve Morison, og tók við þeim í nóvember sl. Í ljósi stöðunnar í deildinni er kannski ekki skrýtið að þar á bæ hafi verið ákveðið að skipta um mann í brúnni, en téður Steve er vissulega með yngri mönnum í þessari stöðu. Hann er fæddur 1983, lagði skóna á hilluna árið 2019 og fór að þjálfa, en þetta er fyrsta aðalliðið sem hann stýrir. Semsagt, kornungur (ok, hann er jafngamall Pep Lijnders, svo við skulum ekki dæma hann út frá aldrinum svona strax a.m.k). Annars ætlar pistlahöfundur bara alls ekki að þykjast þekkja nokkurn einasta leikmann liðsins, en upptalning á ferli næstum allra leikmanna myndi sóma sér vel í hópnum “Algjörlega óáhugaverðar fótboltaupplýsingar”.
En þeir verða nú samt alveg örugglega sýnd veiði en ekki gefin á sunnudaginn. Þetta er jú bikarleikur.
Okkar menn munu að sjálfsögðu gera sitt besta til að endurtaka leikinn frá síðasta bikarleik gegn Cardiff, það er að vísu ekki bikarinn sjálfur í boði á sunnudaginn, heldur sæti í 16 liða úrslitum (með tilheyrandi auknu leikjaálagi í byrjun mars hið minnsta). Hópurinn sem Klopp hefur yfir að ráða er bara með albreiðasta móti. Tveir ansi mikilvægir leikmenn eru vissulega enn í Afríkukeppninni, og munu einmitt mætast í úrslitaleik á sunnudagskvöldið. En svo koma þeir aftur, og gætu mögulega náð Leicester leiknum sem er á fimmtudagskvöldið (tæpt, en ekki útilokað). Tveir aðrir yfirgáfu hópinn tímabundið: Nat Phillips og Neco Williams, sem munu reyndar etja kappi þann 23. apríl nk. þegar Fulham og Bournemouth mætast í leik sem gæti vel orðið toppslagur í deildinni. En svo hafa menn verið að tínast inn á æfingasvæðið eftir meiðsli: Divock Origi er mættur, Thiago sömuleiðis (veiktist reyndar eitthvað í vikunni en verður líklega í hóp), nú og svo er búið að staðfesta að Harvey Elliott verður í hóp á sunnudaginn. Byrjar hann? Ekki hugmynd.
Svo er það nýji leikmaðurinn. Luis Díaz. Hann mætti á æfingasvæðið og æfði aðeins í einrúmi, en er enn að venjast tímamismuninum og ferðalaginu. Klopp vildi þó ekki útiloka að við fengjum að sjá kappann á vellinum, sem bendir til þess að það sé búið að græja alla pappíra sem þarf. En það hefur margoft komið fram að Klopp er lítið í því að henda mönnum út í djúpu laugina, og vill að nýir menn fái góðan tíma til að aðlagast borginni, leikmönnum, æfingasvæðinu, leikkerfinu og öðru (sjá Fabinho, Robertson, Tsimikas o.fl.). Það er því ákaflega hæpið að við sjáum kappann byrja, en ég hef lúmskan grun um að hann verði á bekk og fái jafnvel einhverjar mínútur í lokin ef staðan í leiknum býður upp á það. Ætli það verði ekki tekin endanleg ákvörðun á æfingu á laugardeginum.
Klopp vill örugglega spila sínu besta liði í gang eftir vetrarfríið, engin ástæða til að hvíla neitt á þessum tímapunkti. Það eru alls konar smáatriði sem spila inn í, fyrst og fremst þá hvernig er leikformið á þeim sem voru að koma til baka.
En prófum að stilla þessu upp svona:
Trent – Matip – Virgil – Robbo
Hendo – Fab – Thiago
Ox – Firmino – Jota
Hér er ég að gefa mér að Alisson fái þessa keppni, en satt að segja held ég að það skipti ekki öllu máli þó Kelleher verði þarna í staðinn. Hugsanlega fær Konate sénsinn við hliðina á Virgil í vörninni. Miðjan er meira spurningamerki: verður Harvey hent beint í byrjunarliðið? Kannski þykir hann ekki klár í þann slag alveg strax, ég er frekar að veðja á það. Það er svosem ekkert víst að Thiago sé klár heldur, og þá gæti Jones komið inn, nú eða Keita. Þarna þarf að meta stöðuna á æfingasvæðinu, og ég er ekki ennþá kominn með passa þangað (sjálfsagt bara tafist í pósti). Framlínan er líka ekki alveg geirnegld, ég geri ráð fyrir að Ox verði verðlaunaður fyrir að vera með stabílli mönnum síðustu mánuði, en svo gætu Origi eða Minamino alveg dottið þarna inn sömuleiðis.
Og spáin? Hún er ekki góð, það eru jafnvel líkur á rauðri viðvörun á mánudagsmorguninn. Ég held að sunnudagurinn verði líka rauður, bara öðruvísi rauður. Enda á Liverpool alltaf að vinna Cardiff, og reyndar hvaða lið sem er sem er í neðri hlutanum á næstefstu deild.
Spáum 3-0 og málið dautt.
KOMA SVO!!!
Luis Fernando Díaz Marulanda eða Luis Diaz er mættur á svæðið og að sjálfsögðu fær hann Klopp faðmlag.
Þetta er falleg stund og er þetta líklega ekki síðasta faðmlag sem hann fær frá Klopp.
Hverjar eru þínar væntingar til Luis Diaz fyrir þetta tímabil og svo framtíðina? Verður þetta kaup sem við munum tala um eins og Salah, Mane, Firmino og Jota eða fer þetta í Benteke, Downing og R.Keane söguna?
Við erum að minnsta kosti spenntir hér á Kop.is og höfum bullandi trú á stráknum.
YNWA – Vertu velkominn strákur
Tökum léttan snúning á helstu breytingum á leikmannahópum úrvalsdeildarliðanna, hvaða lið voru að bæta sig mest o.þ.h.
Luis Diaz var skemmtilega óvænt viðbót við sóknarlínu Liverpool sem hefur aldrei verið eins vel mönnuð í ensku úrvalsdeildinni. Klopp hafði fyrir úr alveg nægum mannskap að velja en Luis Diaz kemur með gæði sem ógnar töluvert byrjunarliðssæti Sadio Mané og fara kaupin á honum algjörlega í flokk með kaupunum á Salah, Mané, Jota og jafnvel Firmino. Það er auðvitað ekkert lögmál að hann standi sig eins vel og þeir hjá Liverpool en hann fær öll tækifæri til þess, er í sama verðflokki og með sambærilega tölfræði auk þess sem hann ætti að henta leikstíl Liverpool fullkomlega.
Þegar Salah og Mané skila sér frá Kamerún verða Origi og Minamino sjötti og sjöundi maður í frammlínuna hjá Liverpool svo lengi sem Ox, Elliott eða Gordon byrja ekki á undan þeim!
(more…)
Eyþór Guðjónsson
Ólafur Haukur
Einar Matthías
Hannes Daði Haraldsson
Ingimar Bjarni Sverrisson
Daníel Sigurgeirsson
Siguður Einar Einarsson