Langar að minna stuðningsmenn Liverpool FC á Íslandi sem stunda golf íþróttina á Liverpool Open 2011 sem haldið verður á Urriðavelli (Golfklúbburinn Oddur) þann 6. ágúst nk. Nánari upplýsingar hérna.
Category Archives: Auglýsingar
Miðar á Anfield fyrir 2011/2012 tímabilið
Liverpool Football Club er þessa dagana að breyta talsvert því fyrirkomulagi sem hefur verið á miðaúthlutun til stuðningsmannaklúbba um allan heim. Á komandi tímabili þá verður algjörlega hætt með pappírs miða á völlinn eins og tíðkast hefur alla tíð, í staðinn koma svokölluð Smartkort. Þetta þýðir einfaldlega að allir þeir sem ætla sér að fara í ferð í vetur (tímabilið 2011/2012) VERÐA að ganga í hinn opinbera stuðningsmannaklúbb Liverpool Football Club. En hvað fá meðlimir fyrir það að ganga í þann stóra klúbb.
Eftirfarandi fylgir í kaupunum:
3 mánaða frí reynsluáskrift að LFCTV á netinu
Rafrænt fréttabréf mánaðarlega sem inniheldur einkaviðtöl og efni sem kíkir á bakvið tjöldin hjá LFC
Upphitunarpóstur í tölvupósti fyrir alla heimaleiki í ensku úrvalsdeildinni
Gjafapakki sem inniheldur USB lykil með sérstöku Liverpool efni á, að auki silfraður LFC penni
10% afsláttur í Liverpool búðinni, hvort sem um ræðir í gegnum netið eða opinberri verslun LFC
40% afsláttur af áskrift að LFC Weekly tímaritinu
30% afsláttur af áskrift að LFC Programme tímaritinu
10% afsláttur af opinberum LFC bókum
20% afsláttur af öllum Legends Tours og Anfield Stadium Tour & Museum (http://www.liverpoolfc.tv/history/tour-and-museum)
10% afsláttur af Anfield Experience og Ultimate Anfield Experience (http://www.theanfieldexperience.com/)
10% afsláttur af mat í Boot Room Sports Cafe, Anfield
Afslættir og tilboð frá samstarfsaðilum og fleira
Sitt eigið Smartkort, sem verður virkjað sérstaklega þegar viðkomandi ætlar sér á völlinn og verður því miðinn inn
Verðið fyrir þetta er 18,99 pund, eða 3.600 krónur.
Það er gríðarlega mikilvægt fyrir Liverpoolklúbbinn á Íslandi í heild sinni, sem og alla meðlimi hans og þá sem hafa einhvern hug á því að fara á völlinn í vetur, að bregðast hratt við og ganga í alþjóða stuðningsmannaklúbbinn. Fjöldi íslenskra meðlima þar inni mun ákvarða þann fjölda miða sem klúbburinn fær úthlutað á leikina í vetur. Það er því mikið í húfi fyrir alla, bæði þá sem ætla sér á völlinn í vetur og eins þá sem hafa hug á því að gera það í nánustu framtíð.
Þeir sem gengu í All Red klúbbinn í fyrra, hafa væntanlega fengið boð um endurnýjun ganga bara frá henni eins og fram hefur komið í tölvupóstinum. Við viljum þó biðja viðkomandi aðila um að senda okkur upplýsingar um sig, númer á Fan Card og í raun upplýsingarnar sem beðið er um hér að neðan, svo auðveldara verði fyrir okkur að halda utan um þetta og ganga fá miðamálum þegar þar að kemur. Allir hinir, sem vilja ganga frá aðgangi geta gert það í gegnum Liverpoolklúbbinn á Íslandi. Það sem senda þarf er eftirfarandi:
Nafn
Kennitölu
Heimilisfang
Póstnúmer
Sveitarfélag
E-mail
GSM númer
Ástæðan fyrir því að félagið (LFC) vill fá E-mail og GSM númer er að viðkomandi aðili mun fá sendan tölvupóst eða sms sé hann búinn að fá sæti á leik. Þar kemur fram hvaða sæti og hvar það er staðsett. Endilega sendið okkur þessar upplýsingar á felagaskraning@liverpool.is og við göngum frá málunum fyrir ykkur. Skráningarfrestur er til 4. júlí nk. Greiðsluna er hægt að inna af hendi með því að leggja inn á eftirfarandi reikning:
0537-26-116662
kt: 460896-2319
Liverpool: The Complete Record – forpöntun lýkur í dag!
Fyrir tveimur vikum sögðum við frá nýrri bók þeirra Arngríms Baldurssonar og Guðmundar Magnússonar (snillingarnir á bak við LFC History-vefsíðuna). Við viljum minna áhugasama á að forpöntun lýkur í dag!
Með forpöntun fæst 20% afsláttur af verði bókarinnar en eftir það er samt sem áður hægt að panta bókina áfram út júní.
Bókin kemur í almenna sölu í haust en með forskráningu sleppa menn við að bíða. Smellið hér til að panta eintak af bókinni, og þið getið svo lesið ykkur meira til um bókina hér.
Árshátíð Liverpoolklúbbsins 2011
Árshátíð Liverpoolklúbbsins á Íslandi árið 2011 verður haldin hátíðleg þann 16. apríl nk. á heimavelli okkar, Players í Kópavogi. Að vanda verður mikið um dýrðir og ættu Poolarar svo sannarlega að geta komið saman og skemmt sér ærlega. Síðustu árin hefur alltaf verið uppselt á árshátíðina og því um að gera fyrir menn að vera snöggir að tryggja sér miða í tíma.
Staður: Players Kópavogi
Miðaverð: 4.500 krónur
Dagsetning: 16. apríl
Húsið opnar: 19:00
Veislustjóri: Sveinn Waage
Heiðursgestur: Alan Kennedy
Forréttur: Rjómalöguð aspassúpa
Aðalréttur: Grísasteik með portvínssósu, grænmeti, eplasalati og sykurbrúnum kartöflum
Það má búast við miklu fjöri, því auk heiðursgestsins Alan Kennedy, þá mæta allavega 4 af mestu söngpípum The Kop. Það er aldrei dauð stund í kringum þá!
Að vanda verður happdrættið góða í gangi og að sjálfsögðu er aðalvinningurinn að vanda ferð á Anfield. Inngangsmiðarnir eru númeraðir og gilda í happdrættinu. Það eru því góðar líkur á vinningum.
Fulltrúar frá Opus Events í Liverpool verða einnig á svæðinu og verða nokkrir “priceless” hlutir boðnir upp og verða því ekki “priceless” mikið lengur. Hlutir sem verða á uppboðinu eru meðal annars: Árituð Steven Gerrard treyja, árituð Jamie Carragher treyja, árituð Kevin Keegan treyja, árituð Ian Rush treyja, skór og treyja árituð af Robbie Fowler, VIP ferð á leik með Liverpool.
Undanfarin ár hafa færri komist að en vildu og því um að gera fyrir menn að hafa hraðar hendur og panta sér miða hið fyrsta. Eins þarf að greiða fyrir miðana sem fyrst, því þeir verða seldir þeim sem á biðlista verða, í síðasta lagi 3 dögum fyrir árshátíðina. Til að skrá sig geta menn sent póst á Braga Brynjarsson (bragi@liverpool.is) eða ef menn vilja hringja í hann í síma 820-9206 eftir klukkan 16:00 á virkum dögum.
Hægt er að greiða miðana með því að leggja inn á eftirfarandi reikning:
0537-26-116662, kennitala 460896-2319
En menn geta líka greitt með kredit korti í gegnum síma.
Auglýsingar: JJ Fjármál og Humarsalan
Þið afsakið vonandi truflunina á fótboltaspjallinu en ég vildi tilkynna áhugasömum að við erum búnir að selja í auglýsingaplássin okkar til lengri tíma. Það eru annars vegar JJ Fjármál sem verða með okkur út næsta tímabil frá og með deginum í dag, og hins vegar Humarsalan sem hafa verið með okkur frá áramótum og verða hjá okkur út árið.
Þannig að ef ykkur vantar aðstoð við skattaskýrsluna getið þið fengið faglega aðstoð hjá grjóthörðum Púllurum hjá JJ Fjármálum og fagnað svo skattaskilunum með stórhumri frá Hornafirði frá Humarsölunni!
Við þökkum þeim og öðrum áhugasömum fyrir frábær viðbrögð í dag og eiginlega bara síðan við byrjuðum auglýsingasöluna. :)
KOP QUIZ / BJÓRKVÖLD FÖS. 20:00
Á morgun gerist það, fyrsta Pub Quiz Liverpool bloggsins og þ.a.l. einstakt tækifæri fyrir lesendur síðunnar, vini þeirra og aðra púllara að athuga hvar þeir standa í Liverpool fræðunum gagnvart þeim allra hörðustu.
Fyrir þá sem þurfa afsökun fyrir slæmu (eða góðu) gengi þá er Liverpool klúbburinn með bjórkvöld á sama tíma og á sama stað sem er ótrúleg tilviljun og kostar vökvinn hjá þeim svipað mikið og hann kostaði það herrans ár 2007 eða þar um bil.
Ef við setjum dæmið upp á svo einfaldan hátt að jafnvel SSteinn skilur það:
Hvar: Players Kópavogi, heimavelli okkar hér á landi.
Hvenær: Flöskudaginn 12.nóv (á morgun)
Bjórkvöld hefst klukkan 20:00
Kop Quiz hefst 21:00 (21:00 er teygjanlegt hugtak).
Verð: Frítt á Bjórkvöld og Quiz (sem er mjög gott verð), bjórinn kostar rétt rúmlega einn rauðan (sem er líka fínt verð).
Eftir Bjórkvöld/Quiz: Það er hið óviðjafnanlega Júlla diskó, sem trekkti ekki færri en 600 manns að síðast. Mikið betra geim en nafnið gefur kannski til kynna. Þar er líka frítt inn og bara hundar og læti.
Hvað er Pub Quiz: Fyrir þá sem ekki vita hvað Pub Quiz er þá er þetta ótrúlega einfaldur spurningaleikur og hreint frábær afsökun til að fá sér bjór, sérstaklega þegar viðfangsefnið er Liverpool FC. Það er ekkert betra viðfangsefni til þegar kemur að pub quiz og ég fullyrði aldrei betra tækifæri fyrir mjög marga sem kíkja reglulega hingað inn til að líta út fyrir að vera gáfaðir. Pub Quiz bara með Liverpool spurningum er eins og draumur þegar kemur að spurningaleikjum. Þetta er samt blanda af nokkuð þungum og léttum spurningum og ekkert endilega víst að “proffarnir” rústi þessu og ætti klárlega að vera við ALLRA hæfi :-)
Þetta virkar þannig að það eru tveir saman í liði og þeir eiga að reyna að svara eins mikið af spurningum og þeir geta. Það er ekki leyfilegt að vera þrír saman í liði en hafi menn engan partner er auðvitað guðvelkomið að spila einn eða sjá hvort ekki sé einhver stakur á Players sem hægt er að spila með. Spurningarnar koma allar til með að snúast um Liverpool FC en viðfangsefnum er skipt í 6 flokka og eru sex spurningar í hverjum þeirra.
Sem dæmi þá kemur einn flokkurinn til með að leggja aðeins áherslu á síðuna okkar, kop.is þannig að ekki væri úr vegi fyrir menn að vita eitthvað um hana, þó spurningarnar séu auðvitað aðallega um Liverpool í þeim flokki líka. Einn flokkurinn er síðan bara bland í poka þannig að til að vera hann á hreinu þarftu að vita ALLT um Liverpool. Hinir flokkarnir fjórir fjalla svo bara um klúbbinn á hefðbundinn hátt og verður ekkert gefið upp um viðfangsefnið í þeim flokkum. Þó skal tekið fram að við tökum mjög vel í allar tegundir af mútum.
Ekki missa af þessu, það er ekki Pub Quiz um Liverpool á hverju ári, það er ekki bjórkvöld hjá Liverpool klúbbnum í hverjum mánuði og það er ekki á hverjum áratug sem þér lesandi góður gefst tækifæri til að sjá Magga með berum augum. Hvað þá að sjá eftir Quiz-ið manninn sem er allra manna fróðastur um Liverpool hér á landi…eða jafnvel vera sá maður.
Þeir meðlimir kop.is sem eru á landinu mæta ferskir
Kveðja
Aðstandendur kop.is og Liverpool klúbbsins.
BlackBerry Curve 8520 (seldur!)
Auglýsingar og ummæli
Það eru tvö mál tengd síðunni sem ég vil nefna stuttlega á þessum föstudegi.
Í fyrsta lagi vil ég þakka frábær viðbrögð við tilkynningu okkar um auglýsingar á síðunni. Við höfum fengið fjölda fyrirspurna og erum búnir að selja auglýsingar fyrir þó nokkra mánuði af næsta árinu.
Þó vil ég benda áhugasömum á að **desember, janúar og febrúar eru ennþá á lausu** þannig að ef einhver er enn að velta fyrir sér að taka slaginn þá er ekki seinna vænna. Til að fá frekari upplýsingar getið þið haft samband við mig á kristjanatli@gmail.com.
Eins og glöggir hafa séð er fyrsti auglýsandinn kominn á síðuna. Það var klippistofan Rebel sem reið á vaðið og sést auglýsing þeirra hérna hægra megin á síðunni. Þá geta menn vingast við þá á Facebook-síðunni þeirra og að sjálfsögðu skellt sér í klippingu án þess að þurfa að panta sér tíma. Miðað við aðstöðuna þarna held ég að við getum fullyrt að þetta sé eitthvað fyrir lesendur þessarar síðu (hver vill ekki taka í kjuðann á meðan beðið er eftir að stóllinn losni?) og myndi ég eflaust gera það sjálfur, ef ég hefði hár. ;)
Seinna atriðið sem ég vil minnast á eru **þið, lesendur síðunnar**. Eins og hefur (því miður) ekki farið framhjá okkur hefur liðið okkar lent í áður óséðri lægð síðustu vikurnar. Síðasti einn og hálfi mánuðurinn hefur verið skelfilegur og hafa umræðurnar á síðunni verið eftir því, mjög hitaðar og skoðanaskiptar. Ef við tökum síðustu tíu færslur á síðunni hafa alls verið skráð 742 ummæli þegar þetta er skrifað eða 74,2 ummæli að meðaltali á færslu! Þetta er að ég held mesta magn ummæla sem hefur komið inn á síðuna á svo stuttum tíma og sýnir kannski bæði að síðan er enn að auka við sig í vinsældum og það að fólk er farið að taka meiri þátt í umræðunum.
Það sem er hins vegar undarlegt við þennan ummælafjölda er hversu fá ummæli við Einar Örn höfum þurft að ritskoða eða fjarlægja. Yfirleitt þegar liðið tapar leik höfum við farið á svokallaða sjálfsmorðsvakt hér inni, því oft höfum við þurft að henda út frekar mörgum ummælum þegar illa gengur. Í haust hefur hins vegar orðið merkjanleg breyting á þessu og ég hugsa að það séu varla tíu ummæli sem við þurftum að henda út í öllum októbermánuði. Það er stórkostlegt miðað við þann fjölda ummæla sem koma hér inn nú orðið að svo lítill hluti þeirra sé fyrir neðan tilgefna staðla.
Þannig að mig langar til að nota tækifærið og þakka YKKUR, lesendum síðunnar, fyrir að vera frábærir. Við sem skrifum á síðuna erum aðeins hluti þess sem gerir hana góða, það eru þessi fjölmörgu, frábæru ummæli ykkar sem gera hana að því sem hún er í dag. Þakka ykkur öllum fyrir!
Auglýsingar á Kop.is
Það hefur verið frekar langur aðdragandi að þessu en nú er komið að því að við ætlum loksins að byrja að selja auglýsingar á Kop.is.
Eins og ég sagði hefur þetta verið frekar lengi í bígerð hjá okkur eigendum síðunnar. Í upphafi ætluðum við að keyra þetta af stað strax en svo hefur þetta frestast tvisvar. Fyrst vegna annríkis hjá okkur félögunum og svo í seinna skiptið, og þá talsvert löng frestun, vegna bankahrunsins í fyrra. Þeir möguleikar sem voru uppi á borðinu við bankahrunið einfaldlega hurfu og það var ljóst í okkar huga að við yrðum að leyfa þjóðfélaginu aðeins að jafna sig áður en við settum þetta mál aftur á dagskrá.
Nú er hins vegar komið að því. Eins og kemur fram á upplýsingasíðu fyrir auglýsingar á Kop.is (sjá hér til hægri) eru skrifaðar að meðaltali tvær færslur á þessa síðu á dag og fær hún um 2.400 heimsóknir daglega, sem gerir hana að einni vinsælustu og víðlesnustu bloggsíðu landsins. Af þessu erum við gífurlega stoltir og sjáum því ekkert til fyrirstöðu að það ætti að vera gott tækifæri fyrir auglýsendur að nýta sér þessa stöðu okkar á meðal íslenskra bloggara.
Við eigendurnir höfum aldrei rekið þessa síðu til að græða á henni. Síðan er rúmlega fimm ára gömul og höfum við allan tímann lagt út fyrir kostnaði reksturs síðunnar úr eigin vasa. Okkar helsta markmið með því að selja auglýsingar á síðuna er einfaldlega það að ná inn fyrir kostnaði svo að síðan geti „rekið sig sjálf“ eins og sagt er. Þetta teljum við að sé raunhæfur möguleiki með því einu að bjóða upp á mjög ódýran og sanngjarnan birtingarkost fyrir auglýsendur.
Verð á auglýsingu á Kop.is er **krónur 10.000 á mánuði**, en þó bjóðum við upp á afslátt ef teknir eru fleiri en einn mánuður í einu. Þeir sem vilja hafa samband og ræða mögulegt samstarf eða fá frekari upplýsingar geta haft samband við Kristján Atla á netfanginu kristjanatli@gmail.com.
Með kveðju,
Einar Örn Einarsson og Kristján Atli Ragnarsson
stofnendur, eigendur og ritstjórar Kop.is.
Fótbolta pub quiz
Við vorum beðnir um að koma eftirfarandi á framfæri:
Fótbolta Pub Quiz Sammarans
Hefurðu einhvern tímann velt því fyrir þér hvort þú vitir meira um fótbolta en aðrir? Nú geturðu fengið svarið.
Pub Quiz Sammarans fer fram í fyrsta skipti mánudagskvöldið 8. júní kl 20:00 á Enska Barnum. Það eru strákarnir á sammarinn.com sem standa fyrir viðburðinum og eins og einhver hefur eflaust getað sér til um tengjast allar spurningarnar fótbolta.
Formið er hefðbundið þar sem tveir eru saman í liði og hafa nú þegar nokkur sigurviss tvíeyki búin að boða komu sína á viðburðinn. Sammarinn reiknar með að halda keppnirnar á nokkurra vikna fresti hér eftir.
Efstu þrjú liðin hljóta í verðlaun 1 metra af bjór en auk þess verður bjórspurningin á sínum stað.
Hvað: Fótbolta Pub Quiz Sammarans
Hvar: Enski Barinn, Austurstræti 12
Hvenær: Mánudagskvöldið 8. júní kl 20
Hvers vegna: 1 metri af bjór og fyrsta flokks félagsskapur
Frekari upplýsingar: tumi@sammarinn.com
Liverpool í Stokkhólmi
Jæja, ég ætla aðeins að misnota aðstöðu mína hérna…
Ég er í vandræðum þar sem ég er í Stokkhólmi og mér sýnist leikurinn í kvöld hvergi vera sýndur. O’Learys, sem að flestir mæla með, sýnir Chelsea-Hull og Arsenal-Tottenham (svo sem skiljanlegt val). En veit einhver hvort að það sé til bar, sem er sérstaklega líklegur til að sýna Liverpool leiki í þessari borg (kannski þar sem að LFC aðdáendaklúbbur er með aðsetur eða eitthvað slíkt?)
Ef ekki, er hægt að horfa á þetta einhvers staðar á netinu í þolanlegum gæðum (helst á Mac)?
Liverpool menn í Borgarnesi
Ég var beðinn um að koma þessari tilkynningu til skila til þeirra sem vilja fylgjast með Liverpool í Borgarnesi. Þessi tilkynning barst reyndar fyrir nokkru síðan, en það breytir varla miklu.
Fifa 08 neyðarástand
Þetta er áríðandi tilkynning.
Málið er að FIFA 08 leikurinn, sem að ég á, er bilaður (það kemur upp einhver melding að hann sé rispaður). Þetta var mikið áfall þegar að ég flutti í ný heimkynni með tveim vinum mínum. Þar sem að FIFA 09 kemur ekki út fyrr en í október, þá hefur skapast hálfgert neyðarástand á heimilinu.
Ég spyr því, á einhver eintak af FIFA 08 fyrir Xbox 360 og er til í að lána okkur þangað til að FIFA 09 kemur út? Ef svo er, endilega sendið mér póst á einarorn@gmail.com.
Takk!
Smá tilkynning
Ég má til með að misnota aðeins aðstöðu mína og benda á smá uppboð sem ég er með í gangi á blogginu mínu. Ég er að selja þar annars vegar myndavél, linsu og sjónvarp – og svo hins vegar eitthvað af DVD diskum, xBox 360 leikjum og geisladiskum.
Það sem ég fæ fyrir þetta mun fara í eitthvað gott málefni.
Serrano á Bíldshöfða opnar
Ég ætla að troða hérna inn smá auglýsingu.
Málið er að Serrano opnar nýjan stað á Bíldshöfða á morgun, þriðjudag. Staðurinn er á nýju N1 þjónustustöðinni (hinum megin við götuna við N1 Ártúnshöfða). Við opnum klukkan 10 og á morgun verður 2 fyrir 1 tilboð á öllum burritos og quesadillas.
Staðurinn verður opinn alla daga frá 10-23.30.
Miðar í boði
Jæja, ég ætla mér að halda áfram að láta ykkur lesendur góðir vita þegar ég fæ fregnir af miðum í boði á Liverpool leiki. Þeir vaxa hreinlega ekki á trjánum og ef einhverjir vilja nýta sér þetta þá er það sami háttur á og áður, menn senda bara á mig e-mail og fyrstir koma fyrstir fá. Núna er ég með tvo pakka sem félagi minn í Liverpool er að bjóða mönnum. Þetta eru tveir stórleikir í deildinni, annar á útivelli og hinn heima. Munið bara að senda á e-mailið mitt ssteinn@liverpool.is ef þið hafið áhuga:
Liverpool – Everton: Í boði eru 10 miðar og innifalið í þeim eru gisting í tvær nætur (föstudag og laugardag) á Radisson SAS í Liverpool og kostar pakkinn samtals (miði og gistingin í þessar tvær nætur) 350 pund á stykkið. Ekki er í boði hérna miðarnir eingöngu.
Arsenal – Liverpool: ATH Þetta er Deildarleikurinn á Emirates. Í boði eru 10 miðar og að sjálfsögðu eru þeir allir á meðal away stuðningsmannanna. Verð fyrir miðann í þessum pakka er 175 pund stykkið.
Sem fyrr þá er ég eingöngu að miðla upplýsingum hérna og allar umræður um verð á þessu er eitthvað sem ég ætla ekki að blanda mér í enda eins og áður hefur komið fram, þá verður ekki eitt pund af þessu eftir hér á Íslandi.
Miðar á Man.Utd – Liverpool
Já, maður er nokkuð sáttur bara þessa dagana við liðið okkar og gengi þess. Ég fékk símhringingu í dag þar sem að mér voru boðnir 8 miðar í “away end” á leik Manchester United og Liverpool sem fram fer þann 23. mars. Miðarnir eru allir í röð og kosta 250 pund stykkið. Ef einhverjir eru áhugasamir, þá geta þeir sent mér póst og ég mun koma þeim í beint samband við aðilann sem er að bjóða miðana.
Þetta er öruggt dæmi, og dýrt, en það er ekki verið að bjóða þetta hérna til að græða á því, það fer ekki króna í okkar vasa. e-mailið mitt er ssteinn@liverpool.is. Sem sagt aðeins 8 miðar í boði, og þeir vita það sem hafa reynt það að vera í “away end” á leikjum er mergjað.
Ferð til sölu: Liverpool – Reading (15. mars)
Má bjóða einhverjum á leik?
Frændi minn er að selja ferð á leik með Liverpool. Hér eru allar upplýsingar um ferðina:
**Leikur:** Liverpool – Reading á Anfield, í Úrvalsdeildinni laugardaginn 15. mars kl. 15:00.
**Flug:** Flogið út til Manchester föstudaginn 14. mars og heim frá Manchester mánudaginn 17. mars. Gist í þrjár nætur á **Premier Travel Inn**-hótelinu í hjarta Liverpool-borgar. Flogið er með IcelandAir.
Innifalið í ferðinni er sem sagt flug út og heim aftur, gisting í þrjár nætur á frábæru hóteli og miði á Anfield fyrir leik í Úrvalsdeildinni.
Þessi ferð er metin á 86.700 krónur en seljandinn óskar eftir tilboði og er opinn til samninga fyrir lægra verð. Áhugasamir hafi samband við Sigríði í síma **864-1605**.
Langar þig á Liverpool – Inter?
Það er hægara sagt en gert að verða sér úti um miða á leiki Liverpool þessa dagana. Öflugt atburðafyrirtæki í Liverpool sem hefur sérhæft sig í fyrirtækjaferðum á leiki liðsins, býður nú áhugasömum upp á miða + hótel á leik Liverpool og Inter Mílanó sem fram fer þann 19. febrúar nk. Þessi pakki inniheldur:
- Gisting í 3 nætur á besta hótelinu í borginni, Crowne Plaza
- Miði á góðum stað á vellinum
- Verðið fyrir þennann pakka er GBP 600 á manninn, miðað við tvo í herbergi
- ATH að flugfar er ekki innifalið í pakkanum
Þeir sem hafa upplifað alvöru Evrópukvöld á Anfield vita að það er fátt sem jafnast á við það. Nú er tækifærið í gegnum fyrirtækið NW Corporate og geta áhugasamir pantað þennann pakka með því að senda e-mail á Lee McPartland: info@nwcorporate.co.uk. Athugið að miðaframboð er takmarkað.
Uppboð
Þriðja árið í röð stend ég fyrir uppboði á heimasíðu minni, þar sem ég sel hluti til styrktar góðgerðarstarfi Oxfam í Mið-Ameríku. Á næstu dögum mun ég bjóða upp sjónvörp, síma, dvd diska, xbox leiki, vínflöskur, kaffivélar, geisladiska og fleira. Endilega kíkið á þetta og bjóðið í hlutina. Allur ágóðinn fer til Oxfam, sem eru frábær hjálparsamtök.
Hérna er yfirlitssíða yfir uppboðið. Þessa stundina er hægt að bjóða í notaða síma, sjónvörp, ipod ásamt xbox 360 leikjum og dvd diskum. Fleiri hlutir munu svo bætast inn á hverjum degi. Allur stuðningur er mjög vel þegin.
Og ef þið getið, þá megið þið endilega kynna þetta sem víðast. Takk takk! :-)
Bragðpróf
Hæ, mig vantar smá hjálp frá ykkur. Málið er að við á Serrano erum að skoða smá breytingar á matnum okkar og þurfum að fá fólk í bragðpróf.
Við þurfum að fá í kringum 20 manns í bragðpróf í Smáralind á mánudaginn kl 16. Þar munu viðkomandi fá að prófa tvær tegundir af burrito-um. Þetta á ekki að taka meira en 15 mínútur og fyrir þetta fær fólk 2 gjafabréf fyrir mat+gos á Serrano. Ef þið getið gert þetta, endilega sendið mér póst á einar@serrano.is. Semsagt, viðkomandi þurfa að mæta tímanlega kl 16 á mánudag í Smáralind og vera þar í 10-20 mínútur.
Auglýsing!
Hæ, Þetta er auglýsing. Kvartanir vinsamlegast afþakkaðar.
En í tilefni dagsins, þá vil ég endilega benda fólki á [að lesa þetta](http://serrano.is/smaralind/) og endilega segja sem flestum frá. Takk takk :-)
Smá plögg: Síam
Jæja, þar sem það er voðalega lítið að gerast í Liverpool fréttum (upphitunin fyrir Reading leikinn er [hér](http://www.kop.is/gamalt/2007/09/24/13.59.39/)) og hinir Liverpool bloggararnir eru allir í fríi, þá langaði mig aðeins að plögga.
Einsog margir sem lesa þessa síðu vita, þá á ég og rek með vini mínum veitingastaðina Serrano. Í dag rekum við tvo staði, Í Kringlu og á N1 á Hringbraut og auk þess áætlum við að opna í Smáralind í byrjun nóvember.
En auk þess þá keyptum við fyrir um mánuði taílenska veitingastaðinn Síam, sem er í Dalshrauni 11 Hafnarfirði. Þessi staður hefur verið rekinn af hjónum í mörg ár og hefur á þeim tíma boðið uppá (að mínu mati og margra annarra) besta taílenska matinn á Íslandi. Við keyptum staðinn af þeim hjónum og höfum eytt hálfu sumrinu í það að læra allar eldhúskúnstirnar af þeim. Við tókum svo við rekstrinum þann 1.september.
Frá og með deginum í dag erum við að lengja opnunartímann umtalsvert (var bara opið frá 18-21, sex daga vikunnar) og er núna opið á staðnum alla daga vikunnar frá 11.30-21.30 (með tilboðum í hádeginu). Á staðnum er mjög huggulegur salur með sætum fyrir 40 manns, en auk þess er mjög vinsælt að taka matinn með sér. Hægt er að skoða matseðilinn hér.
Allavegana, ég hvet alla til að prófa staðinn. Hægt er að panta sér mat í síma 555-4435 og sækja svo matinn eða þá bara að mæta á staðinn og borða þar.
Auglýsing: Salöt á Serrano
Við á Serrano erum byrjuð að selja nýja línu af salötum. Þetta eru fjórar tegundir af fjölbreyttum og ljúffengum hágæða salötum. Ólíkt öðrum skyndibitastöðum þá er þetta ekki bara iceberg kál með kjúklingabitum, heldur er þetta blanda af fjórum salat tegundum (rauðlaufssalat, Klettasalat, Iceberg og Frisée), pico de gallo salsa, sem og úrvali af grænmeti og kjúklingi.
Allar sósurnar sem við bjóðum með salötunum eru búnar til á Serrano. Tegundirnar eru semsagt fjórar:
Verano Salat: Rauðlaufssalat, Klettasalat, Iceberg, Frisée, Fersk Salsa, Kjúklingur, Feta Ostur, Ristuð Graskersfræ, Vinaigrette Lime dressing
Classico Salat: Rauðlaufssalat, Klettasalat, Iceberg, Frisée, Fersk Salsa, Kjúklingur, Nachos Flögur, Jalapenos, Maís, Mangó sýrður rjómi.
Fresco Salat: Rauðlaufssalat, Klettasalat, Iceberg, Frisée, Fersk Salsa, Kjúklingur, Maís, Pinto Baunir, Svartar Baunir, Hunangs Dijon Dressing.
Pepino Salat: Rauðlaufssalat, Klettasalat, Iceberg, Frisée, Fersk Salsa, Kjúklingur, Parmesan Ostur, Agúrka, Svartur Pipar, Balsamic Dressing.
Ég fullyrði það hér með að betri salöt fást ekki á skyndibitastað á Íslandi. Endilega kíkið við og smakkið :-)
Auglýsing: Diagon á netinu!
Jæja, þá er komið að því að ég misnoti þessa síðu eins og einu sinni. Þetta verður stutt og vonandi sársaukalaust, enda ekki mikið LFC-tengt um að vera í dag.
Íslenska rokksveitin Diagon hefur ákveðið að setja nýja plötu sína á netið. Platan ber heitið The Volumes of Misconception og er fyrsta plata sveitarinnar. Hún er sett á netið í þeim tilgangi að vekja athygli á hljómsveitinni, sem er þegar byrjuð að vinna að efni fyrir væntanlega aðra plötu sína.
Ég set þetta hér inn því þetta er mér hjartans mál, og einnig af því að allmargir lesa þessa síðu sem myndu ekki frétta af þessu af umfjöllun á minni eigin síðu. Sveit Diagon er skipuð þremur ungum drengjum; Baldur syngur, Jón Mar trommar og bróðir minn, Haukur Ísfeld, spilar á gítar, píanó, syngur bakraddir og semur öll lög og alla texta. Þar með vitið þið það.
En allavega, endilega þau ykkar sem hafið áhuga á góðri íslenskri tónlist, tékkið á þessu. Þið getið hlustað á fjögur lög af plötunni á MySpace-síðu sveitarinnar og svo getið þið sótt plötuna á Diagon-Music.com, eða með því að smella á myndina hér að ofan. Þetta er frítt, tekur ekki mikinn tíma og ég lofa að fólk verður ekki fyrir vonbrigðum!
Þar með lýkur plöggi vikunnar. ;)
Nýr Serrano
Einsog margir lesendur ættu að vita er ég annar eigandi [veitingastaðarins Serrano](http://www.serrano.is).
Allavegana, við á Serrano erum að opna nýjan og glæsilegan veitingastað á laugardaginn, klukkan 10. Þessi staður er á nýrri ESSO stöð við Hringbraut, við hliðiná BSÍ.
Ég hvet alla til að koma og prófa matinn. Við verðum með 2 fyrir 1 á burritos og quesadillas bæði laugardag og sunnudag. Á Serrano seljum við hollan og góðan skyndibita með mexíkósku ívafi.
Endilega kíkið við á nýja staðinn. :-)
Ferð frá Akureyri
Ég var beðinn um að setja þessa tilkynningu hérna inn:
Þá er hópferð Norðanmanna á leik Liverpool-Blacburn orðin að veruleika, flogið er í beinu flugi frá Akureyri, lágmarksþátttaka í ferðina er 25 manns og við nálgumst þá tölu en betur má ef duga skal, því eru allir sem hafa áhuga á ferðinni eru beðnir um að skrá sig [á netinu](http://www.expressferdir.is/viewtrip.php?idt=351&idcat=15 ) (þar eru líka nánari upplýsingar um ferðina) eða hafa samband við Express-ferðir og greiða staðfestingargjaldið. Það stefnir í 4 daga fótboltaveislu fyrir okkur Liverpool-menn og hægt er að lofa því að þetta verður ferð sem aldrei mun gleymast.! Einn ferðalangurinn sagði að það yrði bara farið í eina búð í þessari ferð, Liverpool-búðina.!!!!
Atvinna
Við á Serrano erum að leita okkur að starfsfólki í afgreiðslu í vetur. Þetta er semsagt dagvinna. Vaktaálag er sveigjanlegt og laun eru góð.
Ef þið hafið áhuga, eða vitið um einhvern, sem hefur áhuga – endilega sendið mér póst á einarorn@gmail.com – eða hafið samband uppá stað í síma 551-1754.
Smellið á auglýsinguna til að sjá stærri útgáfu
