Chelsea bannað að kaupa leikmenn næsta árið!

Þar sem það er %&%$/ landsleikjahlé, lokaður leikmannagluggi og þ.a.l. gúrkutíð þá held ég að það sé ekki úr vegi að opna fyrir umræðu á þetta all sérstaka mál sem ætti að vera ágætis kjaftshögg á Chelsea.

Þannig er s.s. í stuttu máli að næsta árið verður þeim óheimilt að kaupa nýja leikmenn, m.ö.o. þá mega þeir skv. þessum dómi ekki kaupa neina leikmenn í janúar n.k. og ekki heldur næsta sumar.

Þeir eru sakaðir af Lens frá Frakklandi um að hafa hvatt ungling frá þeim til að rifta sínum samning árið 2007 og hafa nú verið dæmdir sekir. Þeirra hlið á málinu á eftir að koma í fjölmiðla en þar sem ég hef ekki heyrt um svona áður þá er ég nokkuð viss um að verið sé að gera fordæmi úr Chelsea.

Ég geri fastlega ráð fyrir að þeir komi til með að áfrýja þessum dómi, þanngað til ætla ég að reyna eins og ég get að vorkenna þeim og sannfæra sjálfan mig um að þeir eigi þessa meðferð ekki skilið…..já eða ekki 😉

Gaël Kakuta, leikmaðurinn sem um ræðir hefur verið í varaliði Chel$ki síðan 2007.

42 Comments

  1. Þetta er nú meira en stórfurðuleg hegning og ég trúi nú varla að æðri dómsstóll muni samþykkja þessa refsingu. Frekar að Chelski muni þurfa að greiða mun hærri sektir til Lens. Hvað sem því líður þá hefur Chelski ekki alltaf verið heiðarlegt á leikmannamarkaði, miðað við það sem maður les allavega. Þannig að ´´it serves them right´´ eins og einhver góður maður sagði.

  2. Ég sé þetta nú ekki fram ganga í æðri dómstólum þar sem þetta er mjög hörð refsing.

    Enn eitt dæmi um nornaveiðar?

  3. Roma voru dæmdir fyrir svipaðan hlut árið 2005, þeir áfrýjuðu og fengu bannið stytt um einn “glugga”. Þannig að fordæmin eru til staðar, bara spurning um hvort FIFA stytti þetta eitthvað.

  4. AHAHAHAHA! Karma is a bitch!

    Gat ekki komið á betri tíma, staðfesting á því hversu siðlaus klúbbur Chelsea FC er, tveimur dögum eftir að ég baunaði á þá vegna Mutu-málsins. Svo ekki sé minnst á Bosnich-reksturinn, eða kolólöglegar aðferðir þeirra við að tryggja sér Ashley Cole og John Obi Mikel. Og nú einhver unglingspjakkur sem þeir gátu ekki stillt sig um að brjóta reglurnar til að fá … og fá það svo margfalt í hausinn.

    Gott á þá. Mér er sama hvort þetta verður stytt um einn glugga eða ekki (vona þó ekki), þessir bjánar eiga skilið að fá refsingu.

    Góðu fréttir dagsins. 😉

  5. Arsenal kærði þá útaf Ashley Cole málinu og þá fengu þeir sekt og “skilorð”, þeir hafa væntanlega rofið það skilorð með þessu og því fengið svona harðan dóm. Kæmi mér samt ekki á óvart ef það gerist það sama og hjá Roma, bannið verði stytt í einn glugga við áfrýjun og þá skiptir þetta þá ekki miklu máli.

  6. Þetta er bullshit. Af hverju fengu þá MU ekkert bann fyrir Mikel-ruglið.
    Man. City útaf Lescott?

    Fabregas frá Barca til Arsenal á sínum tíma? Reyndar hefur þetta verið aðferð Wengers í mörg ár.

    Vægast sagt hörð refsing.

  7. Með þessum rökum ætti að banna R.Madrid að kaupa leikmenn út öldina.

  8. Hvað hefur þú fyrir þér í þessu ÍR!. Er ekki annars eðlis að tala upp áhuga sinni í fjölmiðlum a la Lescott, eða að fara fram á það við leikmann að rifta samningi sínum við lið sitt. Allavega, þá var þetta greinilega kært af franska liðinu, Chelsea voru sekir og þeir dæmdir. Ég sé allavega ekki hvað þú ert að fara með þessum dæmum þínum, kannski þú upplýsir okkur frekar hvað þú ert að meina?

  9. Mér finnst fyndnast að þessi leikmaður sé einhver nobody sem enginn hefur heyrt minnst á fyrr en núna. Karma is a bitch muhaha 🙂

  10. eg storefa ad tessi domur haldist. I mesta lagi ta meiga teir ekki kaupa i januar naestkomandi og turfa frekar ad borga haerri sekt.

    og svo tetta med babel hvad er strakurinn ad rofla, menn sem syna ekki ad teir eiga verdskuldad ad vera i byrjunarlidi eiga ekkert ad vera tar. hann er bara alls ekki nogu godur fyrir okkur. Fint ad selja hann i januar, aetli vid getum ekki fengid einhverjar 7-10 millur fyrir hann, og fyrir tad kaupum vid einhvern flottan framliggjandi mann.

  11. jamm seljum hann bara a 7 milljónir og kaupum flottan framliggjandi miðjumann?

    viltu hafa hann þá fagran á velli eða geta eitthvað ég meina kevin doyle fór á 6,5 milljónir. Getið keypt mann á því kaliberi

  12. Þeir hafa áfrýjað, það á að refsa þeim en líklega er þetta ansi harður dómur.

    Varðandi Babel þá skil ég ekki af hverju Rafa selur hann ekki fyrst hann notar hann svona lítið. Hann hefur aldrei gefið honum run og hver man ekki eftir ummælum hans um að Babel spilaði ekki heilan leik þar sem hann væri ungur! Hér má finna samantekt um tölfræði Babel hjá Liverpool. Sláandi hvað hann hefur lítið spilað og fengið fá tækifæri til að sanna sig og festa sig í sessi.
    http://www.liverpool-kop.com/2009/09/ryan-babel-another-victim-of-benitez.html

  13. Babel hefur bara ekki nýtt þau tækifæri sem hann hefur fengið, svo einfalt er það. Hefur spilað einn frábæran leik fyrir félagið, það var á móti Bolton e-n tíman þar sem hann fór hrikalega illa með Grétar Rafn Steinsson.

  14. Málið var nákvæmlega það að Chel$ki er á skilorði eftir Cole og nú verður þeim refsað. Held þeir fái ekki bannið stytt, við skulum ekki gleyma því að þetta er ekki enska sambandið, heldur FIFA sem dæma.

    Er ensk lið þar í uppáhaldi? Nei, enda sýnt fádæma hroka undanfarin ár í að rífa burt unglinga án þess að borga fyrir þá og ljóst að bregðast á við slíku. Spurningin er auðvitað hvernig okkur reiðir af, held reyndar að við höfum ekki lent í svona málum, en þó var eitthvað vesen í kringum Bruna á sínum tíma.

    En Chel$ki eru í vondum málum.

    Ryan Babel er búinn að tapa samúðinni í mínum augum, og reyndar sýnist mér hjá flestum sem ég les um á spjallborðum um LFC. Vissulega eru einhverjir enn að reyna að klína frammistöðu hans á Rafa og tala um að “hann hafi þurft nokkra leiki í aðalliðinu í röð til að ná sér á strik”.

    Það er óásættanlegt að mínu mati fyrir lið af okkar kaliberi, og hefur að mínu viti t.d. þýtt laka frammistöðu Arsenal undanfarin ár. Diaby anyone!!!!

    Ryan Babel var arfaslakur leiknum gegn Tottenham í leik sem við töpuðum 1-2 og sýndi ekkert þegar hann kom inná í leik gegn Villa sem við töpuðum 1-3.

    Hann spilaði ekki mínútu í 4-0 sigri á Stoke og 3-2 sigri á Bolton. Það er nú statistík sem segir eitthvað í mínu höfði allavega. Selja hann í janúar takk Rafa…

  15. Ad kenna benitez um Babbel vesenid er algjort bull. Tad er pressa a lidinu ad vinna hvern einasta leik og tar af leidandi verdur hver einasti leikmadur ad performa I hverjum einasta leik. Babbel hefur klarlega ekki gert tad. Eg held bara ad hann se mentally ekki nogu godur. Sama ma segja um Keane, hann var ekki nogu godur. Tetta er einfallt ef tu spilar vel ta heldurdu saetinu tinu, gott daemi er Johnson. Ef Babbel vill spila sama hvernig hann stendur sig ta getur hann farid til Wigan.

    • Tetta er einfallt ef tu spilar vel ta heldurdu saetinu tinu, gott daemi er Johnson. Ef Babbel vill spila sama hvernig hann stendur sig ta getur hann farid til Wigan.

    Babbel er löngu farinn

  16. Berið Babel og Benayoun saman. Annar þeirra var fastamaður í liðinu 2007/8, hinn bekkjavermir. Bekkjavermirinn skoraði meira, spilaði betur og vann sér réttilega inn stærri rullu tímabilið 2008/9. Sá maður var svo ljósið í myrkrinu í tapleiknum á White Hart Lane í ágúst og hefur síðan þá verðskuldað verið valinn fram yfir manninn sem hóf Liverpool-ferilinn einu sæti framar í goggunarröðinni.

    Babel hefur einfaldlega klúðrað sínum sénsum. Yossi hefur nýtt sína. Þess vegna er annar þeirra að væla og hinn orðinn að lykilmanni í augum flestra aðdáenda liðsins. Það að segja að Babel hafi ekki fengið næga sénsa er því algjört bull, því hann hefur fengið fleiri sénsa en Yossi, bara ekki nýtt þá jafn vel.

  17. Ég held að það búi meira í þessum dreng en það virðist vera komið eitthvert ´´Anelka´´ syndrome í manninn þar sem hann heldur að hann geti bara gengið inn í liðið án þess að hafa fyrir því. Sorglegt, eins og hann byrjaði vel þegar hann kom !!

  18. Babel hefur eflaust ekki nýtt tækifærin nægilega vel en samt finnst mér skrítið t.d. á fyrsta seasoni þ.s. hann skorar 11 mörk að í öllum tilvika nema einu fer hann á bekkinn í næsta leik. Hvaða skilaboð sendir það leikmanni? Sorry, mér finnst Rafa ekki hafa notað hann rétt og trítað hann svolítið einkennilega. Ef Rafa hefur ekki trú á kauða þá á hann bara að selja hann! Það er ekki flóknara en það.

  19. Þó að þetta sé auðvitað slæmt fyrir Chelsea þá einfaldlega þurfa þeir ekki að kaupa sér leikmenn, þeir eru með það massífan hóp. Ekki nema þeir lendi í meiðslavandræðum að við getum farið að sjá þetta hafa virkileg áhrif, þá hafa þeir verið duglegir við að styrkja sig ef þarf.

    Og sama hvernig maður horfir á þetta með Babel, þá á hann bara einfaldlega ekki skilið neitt betra en hann hefur fengið. Hann veldur nánast alltaf vonbrigðum þegar hann fær að spreyta sig og leikskilningur hans (eða skortur á) setur liðið vanalega í algjöran baklás þegar hann spilar.

    Og mikið er ég sammála kommenti nr 20, þannig standa hlutirnir bara svartir (Babel) á hvítu (Benayoun), þó maður hefði haldið að Hollendingur væri nú vanalega tekinn framyfir Ísraela þegar kæmi að fótbolta!

    Þannig er nú þannig

  20. Er ekki lágmark að hafa staðreyndir á hreinu áður en menn fara að setja eitthvað svona fram diddinn. Fór og skoðaði lfchistory.net og fyrir það fyrsta þá skoraði hann 10 mörk en ekki 11 á sinni fyrstu leiktíð. Förum yfir málið:

    Mark 1: Gegn Derby, var í byrjunarliðinu og var settur á bekkinn í næsta leik

    Mark 2 og 3: Gegn Besiktas (8-0) kom af bekknum og skoraði á ’78 og ’81 og var einnig á bekknum í næsta leik á eftir.

    Mark 4: Gegn Newcastle og var settur í byrjunarliðið í næsta leik á eftir.

    Mark 5: Gegn Bolton, byrjaði á bekknum og skoraði á ’85 og var á bekknum aftur í leiknum á eftir.

    Mark 6: Gegn Marseille, byrjaði á bekknum og skoraði á ’90 og var aftur á bekknum í leiknum á eftir.

    Mark 7: Gegn Luton, var í byrjunarliði og var á bekknum í næsta leik á eftir

    Mark 8: Gegn Bolton, var í byrjunarliðinu og var aftur í byrjunarliði í leiknum á eftir

    Mark 9: Gegn Arsenal, kom inn af bekknum og skoraði á ’90 og fór svo í byrjunarliðið í leiknum á eftir.

    Mark 10: Gegn Chelsea, kom inn af bekknum og skoraði á ‘117 og fór svo í byrjunarliðið í leiknum á eftir.

    Það var sem sagt tvisvar sem hann skoraði, var í byrjunarliði og settur á bekkinn í leiknum á eftir. Annar var heimaleikur gegn Luton í deildarbikarnum.

    Hann skoraði einu sinni þar sem hann var í byrjunarliði og hélt sæti sínu í byrjunarliðinu í leiknum á eftir.

    Í 3 leikjum kom hann inn af bekknum, skoraði seint í leiknum og var aftur á bekknum í leiknum á eftir, stórsigrar í öllum tilvikum og leikurinn búinn. Sýndi Supersub hæfileika þar og nýttur sem slíkur.

    Í þrem leikjum skoraði hann þegar hann kom inn af bekknum og var verðlaunaður með byrjunarliðssæti í leiknum á eftir.

    Þessi fullyrðing þín er því algjör þvæla og þetta er týpísk “röksemd” þar sem verið er að reyna að klína getuleysi Babel á Rafa.

  21. Ummæli ársins, SSteinn. Maður er búinn að þurfa að hlusta á þetta “Rafa fór illa með Babel” kjaftæði í tvö ár núna … af hverju var einhver okkar ekki löngu búinn að fletta þessu upp og rústa þessari goðsögn um að Babel fari alltaf aftur á bekkinn þegar hann spilar vel?

    Allavega, snilld.

  22. Já Babel er bara hundlatur og ekki með hjartað á réttum stað..
    Í vindmilluna með hann…

    áfram Liverpool…

  23. Finnst einhverjum Babel hafa bætt sig síðan hann kom til Liverpool? Hefur hann bætt einhverju við sinn leik? Hann hefur ekki bætt sína veikleika nema að litlu leyti á sama tíma. Ég er voðalega hræddur um að hann vinni illa gegn mótlætinu

  24. Babel fer nú oftast aftur á bekkinn fljótlega eftir að hann spilar leik, þarf ekkert að reikna það mikið út 😉

    Annars hef ég alltaf viljað sjá hann fá tækifæri í einu stöðunni sem hann gæti hugsanlega virkað í miðað við hvernig Liverpool spilar, upp á topp. Hann er handónýtur sem vinstri kanntur a la Riera, hreint ótrúlegt hvað þetta liggur ekki fyrir honum því hann hefur sannarlega hæfileikana.

    En þegar Torres meiddist (oft í fyrra t.d.) og við áttum ekkert gáfulegra en Kuyt upp á topp þá var ég ansi oft pirraður. Babel virtist liggja beint við sem varamaður Torres enda með svipaðan hraða, ágætis boltatækni og er jafnframt þræl skotviss. Hann hefur aldrei fengið almennilegt tækifæri þarna frammi og ef menn vilja taka Kuyt sem dæmi þá mættu sömu menn hafa í huga að hann fékk endalaust af tækifærum…og við gerðum endalaust af jafnteflum.

    Ég er ennþá á þeirri skoðun að þegar Torres er ekki þá vill ég frekar sjá Babel einan upp á topp heldur en nokkurntíma Kuyt, já eða Voronin (og sama átti við um Keane).

    Ég efast samt um að Babel sé að fara afreka margt hjá Liverpool úr þessu. Benitez vill að allir leikmenn liðsins geti varist og allir geti sótt, Babel getur þetta ekki nógu vel og virðist ekki alveg hafa hugarfarið sem þrýfst undir Benitez. Guð minn góður hvað hann mætti vera með sama hugarfar og t.d. áðurnefndur Kuyt. Kuyt virkaði ekki frammi, var settur aftar og er að blómstra þar. Þessu væri ég til í að sjá öfugt farið með Babel, en býst ekki við því.

    Held að hann þurfi að fara leita annað mjög fljótlega og efa ekki að hann geti nýst öðru liði mjög vel þar sem hann fær meira að njóta sín.

    En ég set þó ennþá fyrirvara á þessi ummæli sem hann á að hafa látið út úr sér.

  25. Ssteinn #24 Varðandi stats hjá Babel þá setti ég þetta aðeins vitlaust fram og biðst forláts á því! Ég var að vitna í eftirfarandi grein um Babel:
    http://www.liverpool-kop.com/2009/09/ryan-babel-another-victim-of-benitez.html
    Þar stendur m.a. “Given the fact that in his first season, he was dropped to the bench TEN TIMES after scoring goals, has he been treated fairly in this respect?”

    Ég er svo sammála Babu #29 varðandi að Babel spili frammi en ekki á kantinum.

  26. Ég hef verið pirraður á Babel í talsvert langan tíma. Hann er svo rosalega auðlesinn. Er einhver hérna inni sem sér ekki strax hvað hann er að fara að gera þegar hann fær boltann? Allavega sjá varnarmennirnir það og stöðva hann samstundis. Hann fékk alveg sömu tækifæri og Yossi, en hann bara nýtti þau ekki og hefur ekkert vaxið sem leikmaður.
    Aftur á móti er Yossi orðinn að algjörum lykilmanni í liðinu. Sama má segja um meistara Dirk. Hann var ekki alveg að virka frammi og var þá settur á kantinn. Hann þakkaði fyrir tækifærið með því að vera besti hægri kanturinn í deildinni í fyrra. Ef Babel hefði slikt hugarfar þá stæðu stuðningsmennirnir við bakið á honum!

    Það er líka orðið ótrúlega þreytt að halda því fram að það sé Benitez að kenna að Babel er ekki betri en raun ber vitni. Ef eitthvað er þá hefur hann fengið allt of mikið af tækifærum miðað við frammistöðu. Ég er allavega oft hundpirraður á því að hann sé tekinn framyfir Yossi, Riera, N’gog og fleiri þegar þarf að huga að skiptingum. Staðreyndin er sú að mjög margir leikmenn hafa vaxið gríðarlega undir stjórn Benitez, Babel er bara ekki einn af þeim og því þurfum við bara að losa okkur við hann.

    Ég er miklu frekar til í að gefa Pacheco tækifæri þarna á vinstri kantinum, heldur en að vera að púkka upp á Babel húðlatan og fúlan.

  27. Muniði hvað gerðist þegar Henry var keyptur til Arsenal frá Juventus þar sem hann var notaður á kantinum?

    kv, einn sem hefur enn trú á Babel þrátt fyrir mikil og síendurtekin vonbrigði með frammistöður hans.

  28. Flottur Steini, og diddinn, sú síða sem þú vitnar í er skrýtnasta Liverpoolsíða sem ég veit um.

    Þar er allt notað sem hægt er til að draga niður Liverpool og sérstaklega Rafael Benitez. Beinlínis hjákátleg og full af staðreyndavillum og í þínum sporum myndi ég ekki taka mikið mark á henni. Ég las hana lengi vel en er löngu hættur því nema til að hrista hausinn.

    Og ég er ósammála Babu að Babel eigi að vera uppi á topp, hann er með vont fyrsta touch, arfaslakur með bakið í markið og ekki mikill skallamaður. Mun ekki ráða við að vera “lone center”.

    Hans staða er úti á kanti til að nýta hraða hans, en sannleikurinn er sá að manni sýnist hann hafa bara hraðann, því ef hann reynir að gabba menn tapar hann boltanum í langflestum tilvikum. Því miður, því ég var gríðarlega glaður að fá hann til okkar.

  29. Hvað með Babel á hægri kant? Er það alveg út í hött?
    Vinstra megin þá fer hann alltaf beint inn á miðjuna í pakkann en á hægri gæti hann komið sér upp að endamörkum og komið boltanum fyrir?

  30. ég segji bar gott á chel$ki þetta er einfaldlega svindl!!!

  31. Þetta er að gerast út um allt í boltanum og er ég viss um að þetta hafi gerst hjá okkur alveg eins og Chelsea. Liðin hafa bara þagað þangað til núna eða sætt sig við peninginn sem þeim var sýndur fyrir að þaga. En flott mál að verið sé að ganga í þessi mál.

  32. En þrátt fyrir kosti og galla Babel get ég ómögulega séð að við megum við því að lána hann. Hópurinn er einfaldlega of þunnskipaður.

  33. M U er víst að fá sömu meðferð og Che”#$#” eða þannig.

  34. Hlutirnir virðast bara ekki ganga hjá Babel og er maður því miður löngu búin að sætta sif við það. Klárlega efnilegur fótboltamaður en það er eins og það vanti ALLT sjálfstraust í manninn og svo virðist hann bara engan veginn vera að höndla enska boltann. Held að hann gæti plummað sig á spáni eða bara aftur til Hollands…

  35. fyrst að Babel er orðinn að umræðuefni þá tel ég útí hött að fara lána hann. Þetta er fínn squad player og án hans myndi liðið veikjast talsvert. Skil hins vegar að hann er óþolinmóður, HM á næsta ári og hann vill eflaust fá að spila reglulega til þess að komast í hollenska hópinn. Sammála að mætti fá tækifæri uppi á toppi þegar Torres hvílir eða er meiddur. Þetta er leikmaður sem maður batt miklar vonir við en því miður hefur hann ekki staðið undir væntingum. Menn mega vissulega kenna Benitez um það, en ég tel hinsvegar að það sé við sjálfan Babel að sakast þar sem hann hefur verið nægjanlega góður til þess að vinna sér fastan sess í byrjunarliðinu.

    En að Chelsea, þá tel ég þá líklegasta til þess að hampa titlinum í ár. Þeir virðast feiknar skipulagðir og massívir hvar sem á völlinn er litið. Erfitt er að finna veika hlekki í liðinu og liðið er fullt af sjálfstrausti. Þó svo að þeim yrði bannað að kaupa tel ég að liðið sé nægjanlega sterkt næstu árin til þess að berjast um alla titla. Þetta bann gæti hreinlega verið þeim til góðs þar sem að þeir menn sem fyrir eru ná að stilla saman strengi sína enn betur en nú er.

  36. Hræddur um að við megum ekki við því að lána hann út. En ef hann fær minnkandi tækifæri og verður ósáttur eftir tímabilið þá held ég að það ætti að skoða að lána hann út ef gott tilboð berst. Eins og staðan er núna erum við með fjóra kantmenn sem deila með sér kantstöðunum. Þeim má alls ekki fækka.

    Mér finnst Babel vera hættulegastur sem útherji í hollenska 4-3-3. Hann virðist ekki hafa góða aðlögunarhæfni, svo að það hentar honum illa að henta honum frá einni stöðu í aðra. Ennfremur finnst mér hann koma best út hjá Liverpool þegar hann tekur einmitt hlaupin frá vinstri kantinum á miðjuna, en það er bæði einhæft og fyrirsjáanlegt. Hann er afskaplega óskapandi leikmaður sem gefur boltann ekki mikið. Mér finnst hann ekki henta leikstíl Liverpool nægilega vel og jafnvel ekki enska boltanum. Hef áhyggjur af því að hann muni ekki bæta sig, en upp á sjálfstraustið hjá honum þarf hann virkilega á marki að halda sem fyrst.

Nornaveiðar

Sunnudagur eftir landsleikjalaugardag.