Hull á morgun

Meistaradeildin að baki í bili og nú fer allur, og þá meina ég ALLUR, fókus á deildina. Spútnik lið Hull kemur sem sagt í heimsókn og það er ekki neinn vafi um það að það gæti orðið strembinn leikur fyrir okkar menn. Ég er engu að síður mjög bjartsýnn á hann. Af hverju? Jú, Hull hafa verið að reyna að spila fótbolta og skoruðu meðal annars 3 mörk á Old Trafford um daginn. Þeir eru sem sagt lítið fyrir það að parkera 10 mönnum fyrir framan markið sitt og vonast eftir 0-0 jafntefli. Sé sá gállinn á þeim, þá hentar það Liverpool yfirleitt afar vel. Við virðumst eiga í mestum vandræðum með lið sem sækja lítið sem ekkert og pakka í vörn. Við gætum því alveg átt von á skemmtilegum leik á morgun.

Ég ætla ekki að ræða Hull liðið neitt sérstaklega, verð bara að segja það að það er skemmtilegt að sjá svona lið gera gott mót þegar þau eru að koma beint upp um deild. Seinni hluti mótsins á eflaust eftir að verða þeim mun erfiðari og þeir byrja að síga niður töfluna, en þeir hafa nú þegar komið afar mikið á óvart og náð fram frábærum úrslitum gegn sterkum liðum.

Hvað okkar lið varðar þá voru drengirnir að spila mjög vel gegn PSV um daginn þar sem nokkrar kanónur voru hvíldar. Maður spyr sig því alltaf hvort eigi nokkuð að breyta liðinu sem spilaði svona vel? Nei, það er ekki hægt að skilja þá Alonso og Stevie G fyrir utan liðið í deildarleik, þeir eru okkur bara of mikilvægir til að það sé hægt. Engu að síður þá er afar erfitt að taka Lucas út úr liðinu eftir svona frábæran leik eins og hann sýndi gegn PSV. Þar sem þessi leikur er á Anfield þá hefði ég hreinlega viljað setja Javier á bekkinn og leyfa Lucas að spreyta sig áfram. Ég efast þó stórlega um að það verði raunin. Ég myndi líka vilja sjá Babel byrja þennan leik á hægri kantinum með sinn sprengikraft, en að sama skapi þá finnst mér ákaflega ólíklegt að Kuyt verði ekki í liðinu. Draumaliðið mitt væri sem sagt svona:

Reina

Arbeloa – Carragher – Agger – Dossena

Lucas – Alonso
Babel – Gerrard – Riera
Keane

En þar sem draumar verða alls ekki alltaf að veruleika, þá held ég að þetta lið sé raunhæf spá:

Reina

Arbeloa – Carragher – Agger – Dossena

Mascherano – Alonso
Benayoun – Gerrard – Riera
Kuyt

Bekkurinn: Cavalieri, Hyypia, Insúa, Lucas, Babel, Keane, Ngog.

Á þessum tímapunkti verðum við að taka öll þau stig sem í boði eru á heimavelli, ekki spurning. Við erum nú þegar búnir að tapa of mörgum stigum þar. Vonandi reyna Hull menn að spila fótbolta og það ætti að gefa okkur tækifæri á að spila okkar leik. Dossena held ég að haldi sæti sínu í liðinu og sama má segja um Agger. Agger bíður okkur upp á meiri möguleika þegar kemur að uppspili og það er nauðsynlegt þegar við erum að sækja á lið. Riera heldur svo sinni stöðu og ég reikna með að Stevie komi inn í holuna og þá fyrir aftan Kuyt. Ég held að annann deildarleikinn í röð byrji Robbie Keane á bekknum. Sigur, sigur, sigur takk fyrir og mér er nokk sama hversu lítill hann verður, bara fá þrjú stig í baráttuna. Auðvitað þægi ég alveg stóran sigur, en það væri bara plús fyrir mig. 2-0 og málið er dautt. Kuyt og Gerrard með mörkin.

45 Comments

  1. Samála nákvæmlega öllu í þessari upphitun nema að ég held að það verði sett upp með 4-4-2 í þessum leik.

                     Reina
    

    Arbeloa – Carra – Agger – Dossena
    Babel – Lucas – Alonso – Riera
    Gerrard
    Kuyt

    Held að Hull muni koma dýrvitlausir inní þennan leik og munu eiga hættulegt færi fyrstu 5 mínúturnar sem að ýtir við okkar mönnum og þessi leikur endar 3-1 fyrir okkar mönnum með mörkum Alonso, Riera og Kuyt. Hörku leikur framundan

    ManUManU kiss my ass! – Robbie Fowler

    YNWAL – Rafa will stay

  2. Ég held að Keane byrji, hann spilaði vel á moti PSV og ég held að rafa vilji að hann haldi því áfram með því að hafa hann áfram í byrjunarliðinu.

  3. Neib, Kuyt á kantinum og Babel uppi á toppnum.. Insúa í staðinn fyrir Dossena annars right on the money! Þ.a.s. með Lucas í byrjunarliðinu.. Loksins kemur markaleikur og við vinnum 5-0(1) Babel með 3, Lucas 1 oog Insúa setur hann í lokin!

  4. Ég vona að liðið verði:
    Reina
    Arbeloa Carra Agger Dossena

    Babel Gerrard Alondo Riera

             Kuyt             Keane
    
  5. Hull, skorað 24 mörk og fengið á sig 25 stikki? Ef þeir ætla að pakka í vörn þá verða Liv, að skjóta og skjóta, en ef þeir sækja þá verður þettað frekar auðvelt hjá okkar mönnum. Ég er ekki viss að Yosse B verði í byrjunarliðinu, en ef Kuyt verður frammi þá verðr Babel á kantinum, en ef Kuyt verður á kantinum þá verður Keane frammi. Allavegana tökum við þettað stórt, mín spá, 4 – 1 Koma svo LIVERPOOL

  6. Ef Hull ætla að sækja þá held ég að best væri að fá sem mestan hraða og leikni í sókn Liverpool og hann fæst með Gerrard, Riera, Babel og Keane sem fremstu mönnum. Ég vonast eftir góðum úrslitum og hörkuleik, en ég er skíthræddur við þetta Hull lið. Gaman að sjá lið koma upp úr 1.deildinni og standa sig svona svakalega vel, með hörku spilamennsku og engin liðsrúta inni í vítateignum 🙂

  7. Vona að þetta verði auðveld 3 stig hjá okkar mönnum um helgina, þar sem liðið á að geta tekið margt úr þessum leik með sér úr meistaradeildinni. En þar fannst mér margir minna á sig og að ganga ekki allir að sinni stöðu sem vísri því það eru menn á bekknum sem vilja fá sína sénsa.

    2-0 Spái því að Keane…..verði í liðinu

  8. Ef að hann ætlar að halda uppteknum hætti og spila varnarsinnað og ekki að þora að skipta sóknarlega inná að þá er þetta jafntefli eða tap. Menn eins og Kuyt þurfa ekki að spila svona leiki, sem hugsa meira um vörnina en sóknina. Vill þetta lið:

        Reina
    

    Arbeloa-Carra-Agger-Insua

    Babel-Alonso-Lucas-Riera
    Gerrard
    Keane

  9. Þetta verður góður sigur fyrir okkur. Kominn tími til að laga markahlutfallið! Keane verður frammi eftir góðann leik í Hollandi.

  10. það er talað um að við þurfum ekki varnarðsinnaðan mannskap eins og Kuyt, og menn vilja Keane frammi, en hvað er hann að gera, hristir bara hausinn og er ekki sáttur við sjálfan sig. Það getur vel verið að hann geri góða hluti á morgun, ef hann verður inná, eins og þegar að hann skoraði 2 mörk á móti að ég held WBA, og eru það einu mörkin sem hann hefur skorað í úrvalsdeildinni. En ef við viljum vinna þennan leik verður Kuyt eða Babel að vera frammi, vegna þess að ég treysti ekki Keane….

  11. Þessi leikur verður svona 3-1 Gerrard, Keane og Babel(annars Riera)
    Vona að Lucas fái að byrja og jafnvel N’gog.

  12. Reina
    Arbeloa-Carra-Agger-Dossena

    Gerrard-Alonso-Lucas-Riera
    Keane Babel

    prófa að hafa Gerrard á kantinum
    og Babel og Keane fammi
    2-0

  13. 23einsi kaldi
    þann 12.12.2008 kl. 01:09
    Eg aetladi ad fara ad kommenta um ad einfaldleikinn vaeri nu bara bestur og tetta yrdi tom steypa en tetta er alveg andskoti flott finnst mer. Stilhreint og kemur vel ut. Kvedjur fra Tekklandi, sa kaldi.?????? þettað sá ég á pistli um myndir frá Einari Erni. Kem með svar í næsta kommenti

  14. 40einsi kaldi
    þann 12.12.2008 kl. 23:48
    Ummæli # 24 , ég skil ekki hver er að blogga með sama nafni og ég, ég er á íslandi en ekki í tékklandi. Ef einhver er að grýnast þá á hinn sami að gera grýn að sjálfum sér en ekki að ljúga hér á blogginu. Ég vona að þeir sem sjái um þessa síðu, sjái hver þettað er, ég er ekki sáttur með þettað, og ef stjórnendur sjá að þettað er vittleysa þá eiga þeir að sjálfsögðu að eyða þessum ummælum….P:S ,Akvað að skoða pistilinn frá Einari Erni hvernig þettað kæmi út með mynd, og sá þá þessi ummæli frá ” 23 og 24 sem ég kannast alls ekki við. Ég færi aldrei svo niður að skrifa undir öðru nafni, og ég vona að sannleikurinn komi í ljós….. Bestu kveðjur einsi kaldisá eini og rétti

  15. “The problem Babel has is the form of Albert Riera. If it was the other way around, Riera would have a problem. But that is what it is like at the very top.” – Benitez.

    Babel verður á bekknum á morgun, það er morgunljóst. Afleitt að maðurinn fái ekki að spreyta sig sem fremsti maður. Kuyt, Keane, Riera og Youssi á undan inn … Nú græt ég mig í svefn. Kjökra eins og smástelpa, naga náttborð og nærhöld. …Nei, nei, en blóðug eru örlög þess hollenska.

  16. Já! af hverju er Babel sá sem leysir Riera af og af hverju er hann ekki notaður frammi ef það vantar framherja? Það þarf að yfirheira Rafa betur og telja honum í trú um það, að Babel er ekki kantari..Þettað er ekki sangjarnt að Babel sé bara notaður á kantinn og hvergi annarstaðar. Og ofan á allt er hann að keppa við vinstrifótar mann ??????

  17. Ég legg til að ekki einungis verði Rafa yfirheyrður, heldur verði hann teiseraður niður og waterboardaður þar til þetta er komið á hreint. Einsi kaldi, tekuru þetta ekki bara að þér?
    Jón talar um að ef Rafa ætli að halda uppteknum hætti þá verði þetta jafntefli eða tap, er þá átt við háttinn sem er að baki efsta sætinu?

  18. Heimaleikur …. gegn “minni spámönnum” …. það boðar bara eitt, síðdegisblundur yfir 0-0 úrslitum.

  19. Það er kominn tími á það að við séum jafn góðir á heimavelli og við erum á útivelli.. Bara sigur og ekkert annað. Að ég taki Rafa í gegn, Tja Ja, hann er ekki svo slæmur stjórnandi og LIVERPOOL er á toppnum, en það er kanski bara gott að þjálfa menn í það að spila fleiri stöður en eina. T D Gerrard er fjandi góður á miðjuni, en hann getur spilað kantinn og jafnvel verið framherji. Ég held að Kuyt hafi ekki spilað á kanntinum fyrr en með Liv, og hann er núna notaður þar í landsliðinu, þannig að það er um að gera að láta menn spila sem flestar stöður, það gerir þá bara enn þá hættulegri og hækkar verðið á þeim, eða er það ekki bara rétt. Tökum þettað 4-1 og ekkert kjaf”!#$%&/ eða þannig.

  20. Strákar, nenna menn að halda þessari umræðu til streitu? Í september voru allir sammála um að Agger ætti ekki að koma inn í byrjunarliðið þar sem liðið væri á toppi deildarinnar og Skrtel hefði unnið sér það inn að fá að vera þar áfram. Af hverju heimta menn þá endilega núna að Babel fái að ryðja einhverjum þeirra Riera, Kuyt og Keane úr liðinu þegar það er enn á sigurbraut og enn á toppnum? Hættið þessari Babel-dýrkun og styðjið LIÐIÐ ykkar.

    Annars vona ég að við gerum ekki þriðja markalausa jafnteflið í röð á Anfield í deildinni. 3-0 sigur frekar bjartsýnt hjá sumum þykir mér þar sem þetta Hull-lið kann alveg að spila. Ég væri til í svona 4-2 sigur í skemmtilegum leik.

  21. Mér er sama um þessa Babel-umræðu en er KAR að gefa í skyn að þeir sem vilji fá Babel í byrjunarliðið styðji ekki LIÐIÐ sitt?

  22. Skammastu þín bara Kristján Atli fyrir að segja menn ekki styðja liðið þó þeir vilji Babel inn. Menn vilja Babel inn afþví þeim finnst hann hafa eitthvað fram að færa og geti bætt liðið. Stundum held ég að menn eins og þú og fleirri styðjið Rafa meira en liðið.

    Munurinn á Agger dæminu og Babel dæminu er að vörnin var að spila vel og því í raun engin ástæða til að setja Agger inn. Nú er sóknarleikurinn ekki beint búinn að vera virka og því mjög eðlilegt að menn vilji breytingar til hins betra.

  23. Þeir sem halda að það sé einhver lausn að láta Babel spila alla leiki í framlínunni eru á villigötum held ég. Reyndar er ég mjög hræddur um að Babel sé í rauninni bara staðnaður, hefur hann tekið einhverjum framförum eftir að hann kom til Liverpool? Ég veit hann er ungur en hann er langt frá því að vera einhver reynslulaus krakki.

  24. Kjartan og Benni Jón, þið fyrirgefið en mér sýnist menn sem koma hér inn, jafnvel eftir sigurleiki, til þess eins að kvarta yfir því að Babel hafi ekki fengið að spila nóg, séu aðeins uppteknari af þróun hans persónulega sem knattspyrnumanns en gengi liðsins.

    Ef það hljómar illa, þá verður bara svo að vera. Ég er að sjálfsögðu ekki að gefa í skyn að þið séuð Babel-aðdáendur frekar en Liverpool-aðdáendur, bara að ykkar stuðningur sé mögulega á villigötum þessa dagana. Það er bara mín skoðun.

  25. Og ef þú heldur að við sem verjum Rafa í Babel-málinu ægilega séum Rafa-aðdáendur frekar en Liverpool-aðdáendur þarftu ekki að leita langt aftur í tímann til að finna greinar eftir okkur flesta þar sem Rafa er gagnrýndur. Við gagnrýnum hann eins og aðra þegar tilefni gefst til. Það er hins vegar ekkert tilefni til þess þegar Babel er annars vegar þessa dagana. 😉

  26. Þar verðum við bara að vera virkilega ósammála. Báglegur sóknarleikur okkar verður að batna. Rafa virðist ekki hafa nein svör, hann hefur allavega ekki ennþá komið með þau. Samt á hann Babel sem hann neitar að nota sem heitið getur og virðist vera kerfisbundið að reyna skemma hann sem leikmann.

    Málið er ekkert að maður sé svo agalegur Babel aðdáandi, heldur að við erum að spila hrikalega lélegan sóknarleik aftur og aftur og Rafa neitar að nota feykilega góðan sóknarleikmann. Þetta hefur ekkert mað Babel að gera, heldur viljum við fá betra lið, betri sóknarleik.

    Og þetta með Rafa stuðningin, þá var ég ekkert bara að tala um núna í þessu Babel dæmi. Bara í gegnum tíðina virðist aldrei meiga gagnrýna hann og þið verjið hann alveg útí eitt yfirleitt. Ég persónulega vill betra Liverpool lið, hvort sem það verður með Babel og/eða Rafa innanborðs er mér alveg sama um.

  27. Rafa er búinn að nota Keane, og það virkar ekki, þess vegna spyr maður???? af hverju ekki að nota Babel, það hlýtur að vera betra að prufa hann en að þrjóskast með Keane. Hvað eigum við að gefa honum marga sjensa, og þessi api sem var á bakinu á honum er ef laust komin á hausinn á honum. Ég vona að Keane fari að sýna sitt rétta andlit og fari að skor MÖRK en ekki bara að hrista hausinn. Í einu skiftin sem hann sést í mynd, er þegar að hann fer útaf eða þegar að hann er fúll og hristir hausinn. Keane má alveg byrja inná, en ef hann gerir ekkert í fyrri hálfleik þá á hann að fara útaf strax í seinni hálfleik, en ekki á 70 mín,. Koma svo LIVERPOOOOOOOOOOOOL

  28. Hann mun setja N’Gog í framlínuna. Keane hefur einfaldlega ekki verið að virka í senternum meðan N’Gog fékk smjörþefinn á þriðjudaginn. Sannið þið til.

  29. Málið er bara að þegar Babel er settur í liðið þá er hann bara ekki að sýna neitt sem segir að hann eigi þessa stöðu skilið frekar en einhver hinna.

    Það er bara svo einfalt.

  30. Eitthvad ad fretta af byrjunarlidinu i dag?, tad verdur gaman ad sja hvernig rafa stillir tessu upp. Eg spai 3-0 fyrir okkur. Keane, gerrard og babel setur eitt a 90 minutu.

  31. Ekki Stefán? Hann hefur byrjað síðustu tvo leiki, skorað eitt mark og verið valinn maður leiksins í öðrum þeirra. Liðið hefur skorað 6 mörk í þessum leikjum. Stórt skref frammávið miðað við það sem á undan er gengið. Hann er búinn að eiga nokkrar góðar innkomur, t.d. þegar hann kláraði Man Utd fyrir okkar. Hann hefur líka komið inn og ekki nýtt það, en er hægt að búast við mjög miklu þegar hann fær örfáar mínútur hér og þar? Hann var frábær í síðasta leik og á auðvitað að vera í liðinu í dag. Helst vil ég sjá hann frammi með Gerrard fyrir aftan sig og Keane á bekknum

  32. Rafa hreinlega verður að hafa bæði Lucas og Babel í byrjunarliðinu í dag, ef hann skellir þeim á bekkinn er hann að senda þeim ansi skrýtin skilaboð. Ungir leikmenn, öðrum fremur, þurfa á sjálfstrausti og trausti stjórans að halda til að standa sig vel, hverfi annað er hitt fljótt að fara líka og þá er voðinn vís fyrir þessa blessuðu “krakka”.

    Benitez er búinn að keppast við undanfarið að hrósa Lucas og gefur honum svo heilan leik á útivelli í meistaradeildinni þar sem hann stendur sig alveg stórvel, sjálfstraustið er sennilega í botni hjá honum núna og það þarf að nýta með því að láta hann spila. Ef Rafa kippir honum úr liðinu á móti nýliðum á heimavelli er ég ansi hræddur um að Lucas klóri sér í kollinum, spyrji sjálfan sig hvern andskotinn hann hafi gert vitlaust og fari að efast um eigið ágæti.

    Svipað má segja um Babel, Ajax bað um að fá hann að láni, Rafa neitaði og sagði Babel að hann fengi sín tækifæri og að hann hefði trú á honum, skellti honum svo inn í næsta leik þar sem hann spilaði sennilega sinn besta leik á tímabilinu (fullur sjálfstraust eftir að stjórinn hrósaði honum) og því væri það glapræði að henda honum beint á bekkinn aftur og drepa þar með niður sjálfstraustið sem hann virðist loksins vera að finna.

    Af þessum ástæðum öðrum fremur kalla ég eftir Lucas og Babel í liðið í dag, sama hver svo skoðun mín er á þeim mönnum sem þurfa að víkja í staðinn.

  33. Stefán Páll,, hvaða stöðu? Á kantinum? ég er alveg sammála þér að hann virkar ekki sem best á kantinum, en hann hefur varla fengið tækifæri sem senter, og þar viljum við sjá’ann, pruf´ann, skoð´ann. taka þettað 4-1 eða 4- 0

  34. The Liverpool team in full: Reina, Dossena, Hyypia, Carragher, Arbeloa, Riera, Alonso, Mascherano, Benayoun, Gerrard, Kuyt.
    Subs: Cavalieri, Agger, Keane, Babel, Lucas, Ngog, El Zhar.

    Hefði viljað sjá Agger þarna í stað Hyypia og jafnvel Masch út (nýtist venjulega ekki vel í svona leikjum), Gerrard á miðjuna og Keane fram með Kuyt.

  35. Sælir félagar
    Hvenær kemur liðið eins og það verður. Eða maður bíður bara rólegur eftir leiknum. Atla það eeki bara.
    Það er nú þannig

    YNWA

  36. og hver á þá að víkja á miðjunni?
    Ég hef ekkert á móti Babel, en hann er bara ekki að spila á sama leveli og margir aðrir. Við vitum öll að hann getur mikið betur en hann er bara ekki að sýna það.
    Ég persónulega hef ekki trú á Babel sem miðjumanni, ekki þegar við erum með þær stöður ,,coveraðar´´

  37. Hann spilaði á hægri kanti í síðasta leik, skoraði mark og var valinn maður leiksins….en neineinei, á bekkinn með hann.

    • og hver á þá að víkja á miðjunni?

    Enginn, miðað við liðið í dag mætti hann fyrir mer koma inn fyrir Kuyt eða Benayoun. Hann var á hægri lengi vel í síðasta leik og bara svínvirkaði.

  38. reyndar er ég sammála að það mætti alveg reyna hann á hægri kant.

Sókn er besta vörnin?

Liðið gegn Hull