Kristján Atli
Salif Diao er kominn í [viðræður við Portsmouth](http://icliverpool.icnetwork.co.uk/0500liverpoolfc/0100news/tm_objectid=14424806%26method=full%26siteid=50061%26headline=diao%2din%2dtalks%2dover%2dpompey%2dswitch-name_page.html). Liverpool hafa gefið honum leyfi til að tala við Harry Redknapp. Diouf er hins vegar ekki með í þessum viðræðum, enda virðist svo vera sem fleiri lið hafi áhuga á honum.
UPPFÆRT (Kristján Atli): Skv. opinberu síðunni Er Diao ekki að fara neitt … sem hlýtur að leiða líkum að því að hann sé inni í framtíðarplöunum Liverpool FC. Ekki hafa þeir verið að neita sögusögnum um neina aðra menn sem orðaðir eru við brottför frá félaginu; Traoré, Diouf, Babbel og fleiri. En þeir taka sér tíma til að neita að Diao sé á förum.
Hlýtur að þýða að hann eigi sér framtíð hjá Liverpool. Kannski verður hann staðgengill Hamann á næstu misserum undir stjórn Benítez? Ég skal ekki segja…
Þar að auki á Benítez að vera sáttur við hópinn sem hann hefur núna, þannig að kannski verður bara ekkert meira keypt, allavega í sumar? Kannski vill hann láta slag standa með þann hóp sem fyrir er og sjá svo til á fyrsta tímabilinu sínu hverjir standa sig og hverjir ekki?
Spennandi. Eins og ég hef áður sagt – þegar nýr þjálfari tekur við er engin leið að segja til um hvernig hann stillir liðinu upp. Við erum allir að skjóta út í myrkrið hérna … en það verður spennandi í næstu viku þegar æfingaleikirnir hefjast, þá kannski fær maður smá vísbendingar um það hvað Benítez er að pæla!
Mig grunar að Diao eigi eftir að verða ágætur leikmaður í miðlungsliði í EPL, þó svo að hann sé ekki á þeim standard sem við viljum hafa leikmenn Liverpool. Ég vona að honum eigi eftir að ganga vel hjá Portsmouth.