Liverpool Bloggið

Það hefur verið all time low í fréttaflutningi af Liverpool FC undanfarið, einu fréttirnar eru meiðsli hjá Babel og svo þegar leikmenn okkar eru að hrósa hverjum öðrum á víxl. Núna virðist eitthvað vera að fara að gerast. Ég gæti vel trúað því að það sem eftir lifir vikunnar, þá geti hjólin snúist aðeins hraðar (ekki erfitt því þau hafa ekki verið á hreyfingu) og það talsvert hraðar:

Talað er um að Dossena díllinn sé að verða klár og að hann sé í læknisskoðun hjá Liverpool og gæti verið formlega keyptur til liðsins á morgun eða hinn á 7-8 milljónir punda. Vinstri bakvörður í stað John Arne Riise og bara jákvætt. Umboðsmaður hans sagði meðal annars þetta í nokkrum fjölmiðlum:

“Everything is confirmed and we have already exchanged all the documents via fax. The deal is practically done.”

Einnig slær Daily Mail í Liverpool því upp núna seinnipartinn að Rafa sé að hækka boð sitt í Gareth Barry og má því fastlega búast við því að það fari að færast í samkomulagsátt þar. Núna er talað um 15 milljóna díl, og þó svo að mér finnist það persónulega vera full mikið, þá er hún það ekki sé tekið mið af því hvað nágrannar okkar úr Manchester borg borguðu fyrir þá Carrick og Hargreaves. Sem sagt allt virðist vera að gerast þarna og ég er handviss um að Barry verður okkar leikmaður á næsta tímabili.

Það var talað um það í Daily Mail í Manchester í kvöld að Tom Hicks sé búinn að finna eftirmann Rick Parry sem Chief Executive hjá Liverpool FC. Sá mun gegna sama hlutverki hjá Manchester City og hefur verið óánægður með gang mála þar. Ég er algjörlega kominn á þá skoðun að Rick Parry sé kominn á algjöra endastöð í sínu starfi og gott væri að skipta um mann í þeirri stöðu. Ég veit reyndar akkúrat ekkert um þennan City mann, þannig að það er líklega nokk sama hver verður orðaður við þetta, maður á ekki eftir að þekkja viðkomandi mikið.

Síðasta fréttin er svo um Aaron Ramsey, efnilegan leikmann Cardiff City. Það hefur verið staðfest í dag að boð hafi borist í hann frá þremur toppklúbbum á Englandi. Jafnframt hefur Cardiff staðfest það að tveim þeirra hefur verið gefið leyfi til að ræða við guttann um kaup og kjör. Það hefur verið staðfest að Manchester United er annað þessara liða, en fréttir ganga á víxl með það hvert hitt félagið sé. Talað er um bæði Arsenal og Liverpool í því samhengi. Það verður spennandi að sjá hvort við séum þar á meðal. Held reyndar að oft sem áður þá eru heimamenn (á Bretlandi) ansi hreint yfir “hæpaðir”, en það getur vel verið að þetta sé svaðalegt efni.

Allt sem sagt fínar fréttir í mínum huga ef eftir ganga.

Þar sem að akkúrat EKKERT er að gerast í kringum boltann núna, þá fór ég að velta því fyrir mér hvaða bitar eru á markaðnum þegar kemur að framkvæmdastjórum. Bara að taka eitt fram áður en ég held áfram, ég vil ekki fyrir mitt litla líf skipta Rafa Benítez út, ekki séns. En það voru nokkrar raddir hérna í vor og enn fleiri í janúar, sem vildu skipta kappanum út. Ég er á því að það eigi aldrei að skipta til að skipta og það verður að vera eitthvað betra sem kemur í staðinn. Er eitthvað betra þarna úti núna? Nei er svarið mitt. Lítum á þá sem eru búnir að vera lausir, eða eru “orðaðir” við stöður:

Jose Motormouth: Þarf ekkert að ræða það mikið, ekki séns að hann komi og taki við Liverpool. Ég blæs líka á það að hann “kunni” að vinna ensku deildina, því hann kunni það ekki þegar hann kom til Chelsea og munurinn sem hann bjó við hét +350 milljónir punda í leikmannakaup.

Frank Rijkaard: Réttið upp hönd sem vilja skipta Rafa út fyrir hann. Búinn að vera algjörlega clueless með stjörnum prítt lið Barca síðustu tvö árin.

Roberto Mancini: Persónulega hef ekki ekki verið hrifinn af honum sem stjóra. Hann hefur náð árangri, en í skugga þess að Juve og AC Milan voru dæmd nánast úr leik. Hann sýndi að mínum dómi eindæmis karakterleysi þegar hann sagðist vera hættur og farinn eftir að Liverpool sló þá út úr Meistaradeildinni. Ekki góður kostur verð ég að segja.

Sven Goran Erikson: Líklega skásti kosturinn af þeim sem hafa verið á lausu, en engu að síður missti ég talsvert álit á honum þegar hann var með enska landsliðið, því þar fannst mér hann oft á tíðum algjörlega lost þegar kom að skipulagi og að rýna í mótherjana (sem nægur tími er til þegar um landslið er að ræða).

Mark Hughes: Hefur náð ágætis árangri með litla resourca hjá Blackburn, en engu að síður stórt spurningamerki í mínum huga. Man.Utd maður í þokkabót

Auðvitað er hægt að tala um fleiri en hér að ofan, menn sem eru farnir að einblína á landslið svona þegar þeir vilja hafa það rólegra á eldri árum, Lippi, Solari og Hiddink svo dæmi séu tekin. Barcelona eru nýbúnir að ráða mann í brúnna hjá sér og það var algjörlega óreyndur stjóri, Pepe Guardiola. Nei, bitarnir á markanum eru ekki stórir, og að mínum dómi ekkert sérlega góðir. Þökk fyrir Rafa Benítez og vonandi fær hann það backup sem þann þyrfti núna í leikmannakaupum. Ef hann fær það, þá er ég handviss um að við munum þrýsta vel inn í titilbaráttuna.

Andskotans.

Nei, í alvöru. ANDSKOTANS!

Mér er ekki beint hlátur í huga þegar ég les fréttir af því að sá leikmaður sem ég hlakkaði mest til að sjá á EM, okkar eigin Ryan Babel, hafi rifið liðbönd í ökkla á æfingu í morgun og muni því missa af Evrópumótinu með öllu. Þá er ekki vitað hversu lengi Babel verður frá en það má slá því á fast að þetta mun allavega þýða að hann byrjar að æfa á fullu síðar en aðrir leikmenn Liverpool á komandi undirbúningstímabili.

Ég lenti reyndar sjálfur í svipuðum meiðslum í febrúar síðastliðnum. Þá skaddaði ég liðbönd, sem er ekki það sama og að rífa þau því þau tognuðu en rifnuðu ekki alveg. Ég þurfti að hvíla fótinn algjörlega í fjórar vikur áður en ég gat farið að spila/æfa aftur og nú, þremur mánuðum síðar, finn ég enn til þegar ég sparka með vinstri fætinum. Ef Babel hefur rifið liðbönd, sem er enn alvarlegra, get ég ímyndað mér að þetta sé minnst mánuður frá áður en hann má byrja að hreyfa sig aftur.

Vonum að þetta sé ekki alvarlegra en svo að hann geti byrjað að æfa í júlí. En djöfull, Evrópumótið er skyndilega orðið helmingi áhugaminna fyrir mér.

Ég veit ekki með ykkur, en ég brosti:

Steven Gerrard opinberar við BBC þá heitu ósk sína að fá Gareth Barry til Liverpool:

“I want Gareth Barry to become a Liverpool player. I am desperate for us to sign him” “He’s a good player. I want Liverpool to be as strong as possible and Gareth Barry will certainly make us stronger.”

Og áfram heldur hann:

“You talk about improving the team, the starting XI and the squad, and Gareth will certainly help Liverpool to become a better team.

“It is easy to play with good players. I’ve been asked a lot of questions this season about Fernando Torres and the simple answer is ‘it’s easier playing with quality players’ – and Gareth comes into that category.”

Martin O’Neill mun ekki bjóða Steven Gerrard í mat á næstunni.

FIFA er búið að kjósa um 6 plús 5 regluna og er yfirgnæfandi meirihluti FIFA meðlima sem vill fá þá reglu hins vegar er Evrópusambandið ekki á sama máli og segir þessa tillögu fá rauða spjaldið.

Ég er sjálfur alls ekki hlynntur þessum hugmynd og vil heldur færri lög og reglur en fleiri.

Þeir sem vilja lesa nánar um þetta mál bendi ég á þessar greinar:
FIFA.com: Unanimous support for 6+5, FIFA Club World Cup hosts revealed
The Guardian: FIFA congress backs Blatter over foreign quotas
Times online: Fifa vote for limit on foreign players
SkySports: Fifa vote for ’six-plus-five’

Það hefur verið þrálátur orðrómur þess efnis að Alonso muni fara í sumar frá Liverpool og mér finnst sá orðrómur alls ekki hafa minnkað. Núna virðist svo vera sem Liverpool sé í viðræðum við Juventus um að selja Alonso þangað og er kaupverðið talið frá 12-16 milljónir punda. Ef þetta gengi eftir þá myndi Alonso hitta þar fyrir Sissoko en þeir mynduðu um tíma miðjuna sem vann bæði Meistaradeildina og FA Cup. Ég tel alveg ljóst að eina ástæðan fyrir því að ef Alonso verður seldur er að Rafa sé að búa til pláss fyrir Gareth Barry sem er einmitt einnig metinn á ca. 12 milljónir punda. Barry sjálfur er loðinn í svörum eftir landsleik Englands og USA í gær og segir m.a.:

“Any sort of interest by a big club is flattering but I am still an Aston Villa player, I’ve got two years left of my contract and until some sort of bid is accepted, or the manager tells me otherwise, there is no decision to make. No decision has been made because no bid has been accepted.”

Ef maður les á milli línanna þá er Barry í raun að segja að hann muni fara því hann neitar því ekki og þegar þú ert fyrirliði þá segir þú af eða á (ef þú vilt ekki fara).

Ég held að Rafa vilji einfaldlega fá Barry í stað Alonso þar sem Barry er enskur og ef þessi kvóti fer í gang með Meistaradeildina þá þarf að hugsa útí það.

Nú er liðinn frestur landsliðsþjálfara til að gefa upp nöfn leikmanna í 23 manna hópum þeirra fyrir Evrópumótið í knattspyrnu í sumar. Liverpool á þar (í dag) sjö fulltrúa: Philipp Degen verður í landsliðshópi Sviss, þrátt fyrir nýleg meiðsli, og verður að vísu ekki formlega leikmaður Liverpool fyrr en í sumar. Dirk Kuyt og Ryan Babel verða ferskir í hollenska landsliðinu. Fernando Torres, Xabi Alonso, Alvaro Arbeloa og Pepe Reina verða í landsliðshópi Spánverja – en það er þá spurning hvort Alonso verði enn Liverpool maður þegar mótið hefst, hmm?

LIVERPOOL BESTIR Í EVRÓPU!! Frétt frá Liverpool Echo greinir frá því í dag, að Liverpool mun hefja næsta tímabil sem besta lið Evrópu! Auðvitað … hvað annað??? Þetta er byggt á lista frá UEFA og er árangri síðustu 5 ára að þakka. Chelsea er í þriðja sæti, Arsenal í sjötta sæti og núverandi Evrópumeistarar í sjöunda sæti. Já, gullöld enskra liða sannarlega: fjögur af sjö bestu liðum Evrópu!

Það er akkúrat ekkert að gerast núna, meira að segja er slúðrið svo dapurt að það er varla frétt þarna úti sem hægt er að ylja sér yfir. Aðal fréttirnar snúast um Torres og þeim sjálfsagða hlut að forsvarsmenn Liverpool FC hlægja hreinlega að þeim sögusögnum, sem og Torres sjálfur.

Æj hvað ég væri til í að geta trúað því almennilega að það sé eitthvað mikið að gerast á bakvið tjöldin, ég er samt sem áður ekkert með ofurtrú á því og held að þessi eigendakrísa sé að hafa talsverð áhrif. Það segir sig sjálft að þegar við erum með tvo eigendur, sem eiga hvor um sig 50% í félaginu, og geta ekki talað saman, þá geta hlutirnir ekki verið að ganga eins og best verður á kosið þegar kemur að available peningum til leikmannakaupa.

Reyndar hef ég áður talað um það að mér finnst ekki líklegt að leikmenn sem eru að undirbúa sig fyrir Evrópumótið séu mikið inni í samningaviðræðum. Þeim fer allavega að fækka dögunum sem þeir hafa í það, því það verður að teljast ólíklegt að þeir verði að spá í slíkum málum þegar mótið er hafið.

En hvað um það, verður maður ekki að vera bjartsýnn? Það var ekkert margt sem benti til Torres og Babel kaupa á sama tíma fyrir ári síðan.

Við sögðum á sínum tíma frá því þegar José Mourinho hætti hjá Chelsea, og því er við hæfi að við segjum frá þessu líka fyrir þá sem vilja ræða þetta: Avram Grant hefur verið sagt upp störfum hjá Chelsea FC og er þá annar þjálfarinn á innan við ári sem Roman Abramovich rekur. Búist er við að nú hefjist ítarleg leit að fjórða framkvæmdarstjóranum í eignartíð Amrabovich.

Það hittir kannski skemmtilega á, en nú er fastlega búist við því að José Mourinho taki við Internazionale og verði kynntur þar sem arftaki Roberto Mancini strax í næstu viku.

Hvað segja menn? Er brotthvarf Grant rétt ákvörðun hjá Abramovich? Hver er líklegur til að taka við Lundúnarsirkusnum?