Liverpool Bloggið

Þrír Liverpool menn léku fyrir Spán í kvöld. Torres var hvíldur en Reina, Arbeloa og Xabi Alonso voru allir í byrjunarliði Spánverja og þar af var Xabi Alonso fyrirliði. Ég sá ekki leikinn en ef menn vilja ræða frammistöðu þeirra, þá hvet ég alla til þess.

Þar með er það staðfest að Norðmaðurinn rauðhærði, John Arne Riise, hefur yfirgefið Liverpool og gengið til liðs við ítalska liðið AS Roma fyrir fé sem sagt er vera í kringum 4-5m punda.

Ég hef í raun ekki mikið um þetta að segja í bili. Við stálum Riise nánast frá Fulham fyrir sjö árum síðan, hann byrjaði ferilinn hjá Liverpool á því að skora gegn Bayern Munchen í Meistarakeppni Evrópu (Super Cup) og hefur síðan þá skorað allnokkur glæsimörk, verið lykilmaður í titlaliðum Rafa Benítez hingað til og í raun verið það lengi í bakverðinum að maður á erfitt með að ímynda sér liðið án hans.

Síðustu tvö árin hefur hins vegar verulega farið að halla undan fæti hjá honum og á nýafstöðnu tímabili var Riise aðeins skugginn af sínu fyrra sjálfi. Fyrir rúmu ári setti hann allt á annan endann í herbúðum liðsins með því að slást við Craig Bellamy, rétt áður en þeir skoruðu báðir í fræknum útisigri á Barcelona, og svo í vor skoraði hann skelfilegasta sjálfsmarkið í sögu Liverpool FC. Það var þó ekki það sem gerði útslagið, það var í raun orðið löngu ljóst að Riise ætti ekki framtíð hjá Liverpool-liði sem hafði þróast fram úr hans getustigi.

Ég vil þakka Riise fyrir góðu minningarnar um leið og ég ítreka að ég er spenntur fyrir þeim nýja kafla sem er að hefjast í sögu Liverpool. Andrea Dossena verður vonandi betrumbót á liðinu sem staðgengill Riise. En á meðan nýji bakvörðurinn okkar hefur ekki tækifæri til að ylja okkur með sínum eigin töktum getum við yljað okkur við sum af snilldarlegri mörkum Riise. Ég vona að hann slíti netin hjá andstæðingum sínum á Ítalíu a.m.k. nokkrum sinnum.

David Villa er spænskur og því þarf samkvæmt breskum lögum að orða hann við Liverpool. Guillem Balague, sem þekkir bæði vel til spænska boltans og til Rafa Benitez (Rafa hefur gefið honum lengstu og innihaldríkustu viðtölin sín), útilokar dregur mjög í efa þær sögusagnir að David Villa komi til Liverpool. Hann segir á blogginu sínu:

People keep talking about David Villa and a possible link to Liverpool. I have said it again, but I will repeat it. There has been NO CONTACT between Liverpool and David Villa’s representative, Jose Luis Tamargo. Someone made up a quote that the player did not say in the mixed zone. He is supposed to have hinted he would be interested in a move to Anfield. It is not true; he has not said such a thing. He has told me so in an exclusive interview with guillembalague.com.

His best friend in the national team is Pepe Reina, and Pepe has jokingly asked him to join Liverpool many times. But, believe me, that is as far as it has gone between David Villa and Liverpool. I will give you my prediction: David Villa IS NOT GOING TO LIVERPOOL. There has been interest from Juve, Inter, Real Madrid, Spurs and Barcelona and I have the impression he will end up going to one of those teams. Pep Guardiola is dreaming of playing Mario Gomez and David Villa together, but that is far from a reality yet.

Og hérna er viðtalið, sem að Balague vísar í við Villa. Þar segir David Villa:

I have heard that I am supposed to have said that I would prefer to go to Liverpool to play next season or that I want Chelsea to be my next team. Please, Guillem, make sure that people know that I have not said anything like that. My club insists I am not for sale and, believe me, I am totally focused on the European Championships. As far as I know, nobody from Liverpool has been in touch, but in any case my future is not something I have in my mind at the moment. I do not understand why people put words in my mouth.

Semsagt, eins dipló og Villa getur verið. Hann vill eflaust skiljanlega minnka slúður í tengslum við sig á meðan að EM stendur. Það kemur jú fram í viðtalinu að Pepe Reina sé besti vinur David Villa, en það þýðir ekki að þeir þurfi að enda hjá sama liðinu. Ætli líklegast sé ekki einsog Balague talar um að Villa endi hjá Barcelona.

Villa og Torres saman í framlínu Liverpool er fallegur draumur, en verður sennilega áfram bara draumur.

David Bentley, sem við höfum verið orðaðir við nokkuð lengi hefur gefið út alveg skýra línu um það að hann vilji fara frá Blackburn, sama hver taki við af Mark Hughes hjá liðinu.

“I made it clear to the club what I wanted to do. The situation is I want to move on. I want to be playing Champions League football, or in Europe. I’ve been here for three years and I love the club and I love playing for them but I feel like I’ve done everything I can. I want a new challenge. I believe I have done as much as I can at the club and want to push on somewhere else.”

Þetta verður ekki mikið skýrara og því alveg ljóst að Blackburn mun selja Bentley í sumar. Hann hefur helst verið orðaður við Tottenham (sem mun ekki einu sinni spila í UEFA keppninni á næsta tímabili, hvað þá Meistaradeildinni) og Liverpool, sem virðist vera líklegasti áningastaður Bentley vilji hann spila í Meistaradeildinni á næsta tímabili.

Bentley hefur auðvitað verið í enska landsliðshópnum bæði undir stjórn McClaren og Capello þannig að mati enskra landsliðsþjálfara er hann allavegana betri en Jermaine Pennant og einnig nokkuð yngri. Ég er ekki enn viss um þessi kaup, en þetta ætti þó að styrkja hópinn og það er líka ljóst að Bentley mun bjóða uppá aðra vídd en Dirk Kuyt ef að Rafa ætlar sér að hafa þá bítast um þessa stöðu.

Jæja, þá er búið að birta leikjaprógram fyrir næsta tímabil. Liverpool byrjar 16.ágúst á útileik gegn Sunderland, svo heimaleik gegn Middlesboro og þá útileik gegn Aston Villa.

Í september er það svo heimaleikir gegn Manchester United og Stoke og útileikur gegn Everton.

Við mætum Chelsea fyrst úti 25.október og Arsenal fyrst úti 20.desember. Síðasti leikur tímabilsins verður svo heimaleikur gegn Tottenham. Yfir allt, þá lítur þetta ágætlega út. Þetta er ekki einsog fyrir tveimur árum þegar að erfiðir útileikir hrúguðust á fyrstu vikunum, heldur byrjar þetta svona þokkalega létt.

Eins og við auðvitað vitum eru sunnudagsblöðin bresku yfirleitt stútfull af alls konar slúðri og vert að kíkja aðeins á það helsta sem dettur upp í dag.

Fyrst skulum við kíkja á „update“ af sögum sem hafa verið lengi í gangi. Fyrst er hér frétt um að Newcastle hafi nú bæst í hóp liða sem vilja kaupa Crouch, talað er um að Portsmouth sé að fara að bjóða formlega í hann.

Svona smá útúrdúr frá mér. Er ekki bara málið að kaupa rússneska Crouchinn sem spilaði svo vel í gær, Roman Pavluchenko? Stór og áræðinn leikmaður sem myndi örugglega kosta svipað og það sem við fáum fyrir Peter. En Crouch er greinilega að fara og mér þykir það leitt.

Svo höfum við öll heyrt að búið sé að ganga frá sölu Alonso til Juventus, og verðið sé 14.2 millur. Þá er miðjupar Juve orðið Alonso og Sissoko. Mínar tilfinningar eru blendnar eins og hjá Crouch. Alonso var frábær fyrstu 2 tímabílin hjá liðinu en síðari 2 voru slakari og núna þegar Mascherano er pottþétt framar en hann í röðinni er alveg verjandi að selja hann fyrir þessa upphæð. Plessis og Lucas líta efnilega út og ef að við fáum alvöru „linkup“ senter með Torres fer Gerrard á miðjuna.

Svo er það auðvitað endalaust framhald, Gareth Barry málsins, í þessari frétt er talað um að Barry ætli sér að fórna „tryggðarbónus“ upp á sjö tölur breskra punda með því að krefjast sölu. Alveg ljóst að hann verður rauður á næsta ári og bara spurning um tölur. Ég er glaður, við erum að fá enskan landsliðsmann, sem leikur mjög vel margar stöður, sér í lagi með Gerrard og er algerlega heltekinn af því að spila með LFC. Fínt mál.

Á síðustu dögum hafa svo verið að berast fréttir af öðrum enskum sem vill ólmur koma. Hér er ein fréttanna um James Milner biðli til Newcastle, um að fá að fara á Anfield. James Milner hefur í dag, 22ja ára gamall leikið 165 leiki í úrvalsdeildinni, er næstyngstur allra til að hefja leik þar og sá yngsti sem hefur skorað. Hann lék vel með Leeds en hefur ekki alltaf náð sér á strik með Newcastle. Talað er um 7 milljónir punda sem er sanngjarn verðmiði held ég.

Í dag eru svo auðvitað að koma safaríkari fréttir. Enn einu sinni talar Thierry Henry um hið ótrúlega andrúmsloft á Anfield og þá fara auðvitað af stað kjaftasögur.

Markahæsti leikmaður EM, David Villa, er farinn að daðra við England ensk lið og minnist sérstaklega á Rafa Benitez sem margir telja sterka vísbendingu um að til hans vilji hann fara. Sáuð þið hver var fyrstur að fagna markinu hans í gær. Besti vinurinn, Pepe Reina. Með hann fyrir aftan Torres og Gerrard á miðju með Masch??? Til í það!!! Myndin sem hér fylgir er frá 4thegame.com.

Ef menn vilja kíkja á fleira er á News Now tenglar um möguleg skipti á Crouch og Lassana Diarra, og slagur upp á 35 milljónir punda við United um Ramos. Hvorugt tel ég sennilegt og læt það því ekki fylgja.

Eitt er vert að minnast á. Á flestum síðum sem fjalla um EM er reiknað með að Philip Degen hefji leik fyrir Sviss gegn Portúgal í kvöld, þar sjáum við hann í fyrsta skipti sem Liverpool leikmann og ég allavega ætla að horfa á þann merkingarlitla leik, því þar verða væntanlega Degen og annar leikmaður sem ég vona að við séum að eltast við, Quaresma.

En gleðilegan fótboltadag öll!

Viðbót höfundar:

Hérna set ég inn slóð um hugmyndir Sepp Blatter of Fifa. Þarna kemur fram að í árslok 2010 eigi að verða fjórir heimamenn í hverju liði, tímabilið 2011 – 2012 fimm og frá hausti 2012 verði þeir sex.

Sepp Blatter hefur mikinn hljómgrunn í fótboltaheiminum og ég spái því að þessar reglur verði settar fram, það verður svo Evrópusambandsins að fara í málaferli út af þeim. Sem getur tekið talsverðan tíma og verður spurning um rétt íþróttasambanda að setja reglur um keppnir sínar. Liðum verður ekki bannað að vera með marga útlendinga á samningi. Þar gæti legið grundvallarmunur?!?!?

Út frá því held ég að svona mikið sé verið að ræða um Englendinga í liðunum……

Jæja, ég ákvað að henda inn stuttri færslu fyrir Spánar leikinn þar sem ábyggilega einhverjir vilja tala um þann leik.

Mér sýnist Spánn stilla upp sama liði og gegn Rússlandi. Það þýðir að Torres er frammi með David Villa. Reina, Arbeloa og Alonso eru allir á bekknum hjá Spáni.

Jæja, okkar maður Dirk Kuyt er í byrjunarliði Hollendinga, sem mér sýnist vera óbreytt frá stórkostlegum leik gegn Ítalíu.

Við báðir ritstjórar Kop.is erum auðvitað miklir Hollands-aðdáendur og því fáránlegt að við skulum ekkert hafa bloggað um frammistöðu Kuyt (ég var reyndar mikill gagnrýnandi Kuyt alveg þangað til að sirka 2 mánuðir voru eftir af síðasta tímabili), því hann var frábær gegn Ítalíu og lagði upp tvö mörk.

Dirk Kuyt heldur því mönnum einsog Arjen Robben og Robin van Persie fyrir utan liðið og er í þriggja manna sóknarmiðjulínu með Van der Vaart og Wesley Sneijder með van Nilsteroy einan fyrir framan þá. Þetta er auðvitað nákvæmlega sama uppstilling og Rafa spilaði með seinni part síðasta tímabils og Kuyt blómstraði í hlutverkinu hægra megin, sérstaklega í allra stærstu leikjunum í Meistaradeildinni.

Við vonum að hann spili álíka vel í dag og gegn Ítalíu. Hjá Frakklandi vekur það athygli að Henry er komin inn fyrir Anelka (sem var ólýsanlega lélegur gegn Rúmeníu). Benzema dettur einnig á bekkinn. Þetta verður fróðlegt.

Áfram Dirk Kuyt!

Ok, ég veit að breska pressan er í vandræðum með slúður þessa dagana, en þetta Torres slúður er einfaldlega fráleitt. Ef að Fernando Torres yrði seldur þá myndi einhver geðsjúkur Liverpool aðdáandi myrða Gillett og Hicks í næstu heimsókn þeirra á Anfield. Það hljóta þeir að vita og Rick Parry gerir sitt besta til að klára þetta slúður í eitt skipti fyrir öll í samtali við BBC:

“It is as simple as that, really – he is not going anywhere.”

Einfalt. Torres.ER.EKKI.TIL.SÖLU. Capiche?

Einnig halda BBC því fram að Liverpool muni hækka tilboð sitt í Gareth Barry. BBC halda því fram að tilboðinu sem var hafnað hafi verið uppá 13 milljónir punda, en ekki 15 einsog Kristján skrifaði um í síðustu færslu. Talið er að Aston Villa vilji um 18 milljónir punda. Ætli þetta endi ekki í 15-16 milljónum punda.

Martin O’Neill er auðvitað búinn að viðurkenna að Barry vilji fara til Liverpool.

Þetta flokkast ekki undir slúður, þar sem eftirfarandi tilkynning birtist á opinberu síðu Aston Villa F.C.:

Liverpool’s latest attempt to prise club captain Gareth Barry away from Villa Park has failed.

A new bid was received late last night but was rejected.

A club spokesman said: “The offer was a slight improvement on a previous bid but our position on the issue remains unchanged and Liverpool have been informed.”

Það er aldeilis að menn ætla að vera harðir. Fyrir þá sem ekki skilja ensku, þá er þetta tilkynning þess eðlis að Liverpool hafi gert endurnýjað tilboð í Barry seint í gærkvöldi (sem Sky segja að hafi verið upp á 15m punda) og að því hafi verið samstundis hafnað.

Samkvæmt þeim áreiðanlegu fregnum sem við höfum er þetta s.s. annað formlega tilboðið okkar. Martin O’Neil sagði í miðjum maí að Liverpool hefðu boðið 10m plús leikmann/leikmenn og því verið hafnað. Svo á klúbburinn að hafa spurst fyrir um 12m en það einnig verið hundsað og nú bjóðum við 15m í reiðufé en því er einnig hafnað. Þetta allt þrátt fyrir að Gareth Barry sé búinn að biðja Martin O’Neil um að fá að fara til Liverpool.

Ég skil Villa-menn svo sem. Ef ég væri Villa-aðdáandi væri ég hæstánægður með O’Neil. Við myndum ekki vilja missa Torres til annars félags á Englandi og ef það gerðist að hann bæði um að fá að fara myndum við vilja sjá Rafa berjast fyrir því að fá toppverð fyrir hann, þannig að O’Neil er að mínu mati að vinna góða vinnu hér. Hins vegar get ég ekki annað en spurt hvort hann sé ekki einnig að tefla eilítið djarft. Hvað gerist ef Liverpool ákveða að ganga frá borðinu í stað þess að hækka boðið enn meira, og O’Neil situr eftir með mann sem var búinn að biðja um að fá að fara til klúbbs sem var búinn að bjóða stóra upphæð í hann.

Að mínu mati eru 15m punda langt yfir markaðsverði, en ég sagði það svo sem líka um Michael Carrick sem hefur heldur betur reynst United vel. Ef Rafa vill fá Barry ætla ég ekki að mótmæla því, en það verður athyglisvert að sjá hvort hann hættir við þetta núna og leitar annað, eða hvort þetta þýði að Alonso verði kyrr hjá okkur eftir allt saman. Persónulega styð ég Rafa í því sem hann vill og vona að það komi okkur til góða á vellinum (hann verður aldrei gagnrýndur fyrr en eftir að það hefur komið í ljós hvort Alonso út / Barry inn bæti liðið eða ekki) en ef ég mætti ráða myndi ég ALDREI í lífinu selja Alonso fyrir 12-14m og borga svo 16-20m fyrir Barry. Að skipta Alonso út fyrir Gareth Barry og borga 4-6m punda með þeim skiptum er að mínu mati algjört glapræði.

Við sjáum hvað gerist á næstu dögum. Þetta verður athyglisvert. Hvaða aðra toppmiðjumenn getum við keypt á 15m punda? Dettur einhverjum eitthvað í hug? Svör sendist á rick.parry@liverpoolfc.tv …