Ákvað að bíða með að klára upphitun þangað til að leikjum dagsins loknum. Dagurinn hefur skilað Chelsea í toppsætið og gamli Rauður lét dómarana auðvitað heyra það eins og alltaf þegar hann tapar, þó í þetta skiptið hafi nú mátt segja að þeir voru óvenju lítið búnir að átta sig á reglunum sem gilda á OT í dag….
Keppnin um 4.sætið harðnar stöðugt eftir sigur Aston Villa á Reebok, en Tottenham voru flengdir “on the beach” í Sunderland í dag, endaði reyndar bara 3-1 fyrir Sunderland sem áttu að vinna miklu stærra. Bíð ekki eftir Manchester City í Burnley, sjáum til hvað gerist þar. Okkar menn ættu nú samt að hafa fengið innblástur með frammistöðu og tapi Spurs í dag!
Mótherjar okkur á morgun eru “þrjóskuhundarnir” í Birmingham City. Það voru ekki margir sem töldu Birmingham eiga mikið erindi í Úrvalsdeildina en segja má að það sé spútniklið vetrarins. Sitja fyrir leikinn í 9.sæti deildarinnar og algerlega á lygnum sjó varðandi fall, en eiga lítinn möguleika á evrópusæti. Eilítið hikst hefur komið í vél þeirra í síðustu leikjum þar sem einungis hafa náðst 2 stig af 12 mögulegum.
Heimavöllur þeirra hefur skilað þeim gríðarlega góðum árangri. Einungis tvö töp í 16 heimaleikjum, bæði í september og þeir hafa náð stigi þar gegn Chelsea, Man.Utd., Tottenham og nú síðast Arsenal. Leikur þeirra gegn Arsenal um síðustu helgi lýsir þeim vel, hægt tempó, lágu til baka en reyna svo að sækja hratt á fljótum leikmönnum. Arsenal sótti án þess að nýta nema eitt færi, svo í uppbótartíma kom gamli jaxlinn Kevin Phillips og skoraði grísamark og tryggði þeim stig við gríðarlegan fögnuð!
Ef við skoðum líklega liðsskipan þeirra bláu myndi ég tippa á eftirfarandi uppstillingu:
Þarna erum við að tala um leikreynda varnarjaxla á miðju og í öftustu línu en öskufljóta sóknartengla og grimman framherja. Stjóri liðsins, Alex McLeish, er að mínu mati að ná verulega góðum árangri með þetta lið. Þeir eru afar yfirvegaðir, gefast aldrei upp og eru verulega skeinuhættir í skyndisóknum sínum. Á bekknum held ég að þeir geymi Chucho Benitez sem hefur hæfileikann í að koma inná og skipta sköpum.
Svo við erum að fara í alvöru verkefni í keppninni um CL sætið.
Okkar lið er að koma úr hörkuleik í Lissabon og ljóst að sá leikur gæti þýtt breytingar á byrjunarliðinu okkar. Það virðist vera eitthvað að hrjá Aquilani karlangann og allsendis óvíst hvort hann er leikhæfur. Ég er á því að ef að hann vantar verði Gerrard skellt niður á miðjuna og Maxi komi inn í byrjunarliðið aftur. Sem þýðir þá eftirfarandi uppstillingu:
Reina
Johnson – Carragher – Agger – Insua
Mascherano – Gerrard
Kuyt – Maxi – Babel
Torres
Bekkur: Cavalieri, Benayoun, Kyrgiakos, Ngog, Aquilani, El Zhar, Lucas.
Auðvitað gætum við séð Lucas inni og þá líklega Babel úti, en ég er á því að svona verði lagt upp.
Þessi leikur verður ekki fljótandi hraður fótbolti, heldur stöðubarátta á miðjunni og þar vinnst leikurinn og tapast. Bæði lið leggja upp á svipaðan hátt og það verður í fótum miðjumannanna að ná yfirhöndinni og þrýsta á vörn heimamanna.
Fernando Torres verður eins og áður í lykilhlutverki. Varnarmenn Birmingham verða seint kallaðir klókir, hægir og eru klaufar í fótunum og því verður lykilatriði að fara á þá á fullri ferð. Sérstaklega vona ég að við sjáum Babel fara á Carr gamla í bónusgírnum! En ef við ætlum að fara að negla eitthvað háum boltum eða löngum stunguboltum munu þeir hafa það gott.
Liverpool hafa ekki haft það gott á útivöllum vetrarins, í raun er alveg ástæða til að hafa töluverðar áhyggjur af þessum leik eftir töluvert álag á fimmtudaginn og þá staðreynd að við höfum ekki unnið á útivelli á árinu 2010. Síðasti útisigur var í Birmingham, á Villa Park 29.desember!
En okkar lið hefur verið að sýna töluverð batamerki að undanförnu og ég hef fulla trú á því að við náum að hirða þrjú stig með 0-1 eða 1-2 sigri í hörkuleik.
Í kvöld, á skírdag, spilaði Liverpool gegn Benfica á Estádio da Luz í Evrópudeildinni og fyrir leikinn þá skal ég viðurkenna að ég var meira með hugann við leikinn gegn Birmingham á Páskasunnudaginn en þennan leik. Fyrir leikinn hefði ég sætt mig við 1-2 tap svo framarlega ef enginn myndi meiðast ergo ég er sáttur. En áður en við förum út í leikinn þá skulum við fara yfir basicið, byrjunarliðið:
Reina
Johnson – Carra – Agger – Insua
Mascherano – Lucas
Kuyt – Gerrard – Babel
Torres
Bekkur: Cavalieri, Benayoun, Kyrgiakos, Ngog, Plessis, El Zhar, Pacheco.
Liverpool byrjaði leikinn vel og voru ekki liðnar nema 9. mínútur þegar danska dýnamítið skoraði með glæsilegri hælspyrnu 1-0 fyrir okkur og þetta leit vel út. Ég var frekar sáttur við þetta upphaf og sá fyrir mér í nokkuð klassískan 1-0 útisigur í Evrópu. Þetta breyttist allt saman snögglega þegar Torres er felldur aftan frá af Lusiao fyrirliða Benfica. Hollendingurinn ungi, Ryan Babel, ákvað að skipta sér full mikið af málunum og endaði með því að fá reisupassann. Mér fannst hann ekki eiga skilið að vera rekinn út af en samt fáránlegt hjá honum að tuða svona mikið yfir þessu, niðurstaða: klukkustund eftir af leiknum, við erum 10 inná og samt 1-0 yfir. Það var klárt mál að okkar hlutskipti væri að verjast og heimaliðsins að sækja.
Við vörðumst vel og vorum áfram ógnandi fram á við með Torres fremstan í flokki. Staðan í hálfleik var 1-0 fyrir okkur.
Í seinni hálfleik fékk Benfica vítaspyrnu á 59 mín. og skoraði Cordoza örugglega úr henni. Líklegast var þetta réttdæmt víti og ekkert um það að raula né tauta. 1-1 og hálftími til leiksloka en langar 30 mínútur. Við sóttum samt ávallt og vorum ekkert að pakka í vörn sem var vel gert en hins vegar er næstum ógerningur að spila einum færri svona lengi án þess að mistök eigi sér stað, spurningin er frekar hvort andstæðingurinn nái að nýta sér þau. Á 79 mín. var skotið í höndina á Carra (eða hann varði A La Henchoz) og vítaspyrna dæmt aftur þar sem Cordoza skoraði örugglega aftur, 1-2 og ca. 10 mínútur eftir. Torres fékk algjört dauðafæri til að jafna leikinn en geigaði. Leikurinn endaði með sigri heimamanna en þrátt fyrir allt er þetta alls ekki alslæm staða til að fara með á Anfield eftir viku.
Það sem pirrar mig mikið er dómgæsla Svíans í leiknum og eru hérna nokkur atriði:
- Rauða spjaldið sem Babel fékk. Var það sanngjarnt?
- Fékk Lusiao tvisvar sinnum gula spjaldið?
- Vítaspyrnudómarnir? Líklegast pirrar það mig alltaf þegar víti er dæmt á LFC.
- Gula spjaldið sem Insúa fékk, rugl!
- Sænski dómarinn, úff! (EÖE er kominn með eineltisverkefni!)
Heilt yfir þá er þetta alls ekki neinn dauðadómur og ég er 100% viss um að við munum vinna Benfica heima eftir viku og þar með komnir áfram í undanúrslit Evrópubikarsins.
Já og maður leiksins: Daniel Agger fyrir flott mark.
Fátt sem kemur á óvart. Maxi er ekki löglegur í þessari keppni og fer út fyrir Lucas. Babel er áfram í liðinu á kostnað Benayoun sem er á bekknum með Hercules og nokkrum ungum pjökkum.
Reina
Johnson – Carra – Agger – Insua
Mascherano – Lucas
Kuyt – Gerrard – Babel
Torres
Bekkur: Cavalieri, Benayoun, Kyrgiakos, Ngog, Plessis, El Zhar, Pacheco.
Árið 2006 var Liverpool F.C. ríkjandi evrópumeistarar, sem slíkir komumst við bakdyramegin í meistaradeildina þrátt fyrir að hafa lent í 5.sæti í deildinni 2005 en þurftum að byrja titilvörnina um sumarið í fyrstu umferð gegn stórliði TNS frá Wales. Hægt og rólega vann Liverpool sig áfram í keppninni og rúllaði t.a.m riðlinum sínum upp sannfærandi og voru heppnir þegar dregið var í 16.liða úrslitum. Við fengum Benfica.
Það þarf líklega ekki að minna marga á að Benfica vann sinn heimaleik 1-0 með marki sex mínútum fyrir leikslok og vann síðan líka leikinn á Anfield 0-2. Þeir semsagt SLÓGU okkur út, bókstaflega. Bölvaðir. Í fyrri leiknum fékk Sissoko spark í smettið sem varð til þess að óttast var að hann myndi tapa sjón á öðru auganu.
Að vanda ætla ég ekki að einbeita mér um of af okkar mönnum í upphitun fyrir þennan leik heldur andstæðingunum, enda ekki of oft sem við mætum liðum á borð við þau sem við höfum mætt í Europa League.
Benfica er þó auðvitað töluvert þekktari klúbbur heldur en fyrri andstæðingar okkar í t.d. Debreceni og Unirea Urziceni og hefur Liverpool t.a.m. fjórum sinnum áður í sögunni spilað við Benfica í Evrópukeppni.
Sport Lisboa e Benfica kemur eins og nafnið gefur til kynna frá stærstu borg Portúgal, höfuðborginni Lissabon. Félagið var stofnað árið 1904 og er síður en svo eingöngu í fótbolta, þeir eru líka með lið í íþróttum eins og körfu, futsal, blaki, handbolta, sundknattleik, ruðning, hjólreiðum og bara name it, ekki ósvipað og mörg lið hér heima eru að eyða óþarfa orku í. Á fyrri hluta síðustu aldar var Benfica t.a.m. mest þekkt sem gott hjólreiðalið.
Knattspyrnuliðið er þó að sjálfsögðu aðalatriðið hjá Benfica líkt og öllum öðrum liðum sem eitthvað vit er í og er liðið talið vera það vinsælasta í Portúgal og raunar eitt vinsælasta lið Evrópu ef út í það er farið. Þeir tilheyra “Topp 3″ grúppunni í heimalandinu með nágrönnum sínum í Sporting Lissabon og erkifjendunum í Porto og hafa unnið bæði titil og bikar leiðinlega oft, deildina í 31 skipti og bikarinn í 24 skipti. Ekki nóg með að saga Benfica sé svona afgerandi sigursæl þá er þetta ennþá magnaðara í ljósi þess að deildarkeppnin í Portúgal hófst ekki fyrr en uppúr 1930. Þeir hafa síðan unnið meistaradeildina tvisvar sinnum sem er t.d. tvisvar sinnum oftar en t.a.m. Chelsea, Arsenal og Tottenham til samans.
Uppúr 1940 varð fótbolti aðalmálið hjá Benfica og liðið eitt það allra allra besta í landinu ásamt nágrönnum sínum í Sporting. Vinsældirnar urðu svo miklar að árið 1954 var byggt hið sögufræga vígi Estádio da Luz. Sá völlur sem var fjölnota íþróttavöllur tók aðeins 40.þúsund manns til að byrja með en var fljótt stækkaður til að fleiri gætu borðið goðsagnir eins og Eusébio augum og tók þegar mest var um 125.þúsund manns, og það nánast engann í sæti. Árið 1987 er talið að um 135.þúsund manns hafi séð leik Benfica og Porto sem er það mesta sem selt hefur verið á leik hjá Benfica, og raunar bara í Evrópu.
Upp úr 1990 var farið að skylda lið til að hafa alla vallargesti í sætum og því tók völlurinn “bara” 78.þúsund manns eftir þær aðgerðir. Þessi sögufrægi völlur var síðan rifinn upp úr aldarmótum og í staðin var byggður nýr og glæsilegur 65.þúsund manna völlur með sama nafni sem m.a. hýsti lokaleik EM 2004.
Þakið á vellinum er hannað þannig að hann hleypir betur inn birtu og er þar af leiðandi sannarlega Leikvangur Ljósins (Estádio da Luz). Gamli völlurinn var hinsvegar skírður eftir hverfnu sem hann var byggður í.
En nóg um völlinn, gullöld Benfica var uppúr 1960. Liðið varð Evrópumeistari 1961 og 1962 og tapaði síðan þrisvar í úrslitum á þessum áratug. M.ö.o. liðið fór fimm sinnum í úrslit á sama áratugnum sem sýnir sæmilega hvað Eusébio og co voru ógeðslega góðir. Þeir meira að segja náðu að laða 18.þúsund manns á Laugardalsvöllinn þrátt fyrir að Valur væri að spila árið 1968. Þetta ár var Benfica valið besta lið Evrópu (af France Football) þrátt fyrir að hafa tapað úrslitaleiknum gegn einhverju ensku liði. Við tökum auðvitað frekar mark á frökkunum.
Eusébio og co unnu síðan auðvitað nánast alltaf titilinn heimafyrir á þessum tíma. Þetta lið er ástæðan fyrir því að Benfica er svona þekkt worldwide enn þann dag í dag, það fullyrði ég.
Frá 1994-2004 voru myrkustu ár Benfica, þeir unnu bara einn titil og lentu eitt árið í alveg sjötta sæti í deildinni!! Liðið var í miklum fjárhagsörðugleikum og tómu veseni. Undanfarin ár hafa þeir síðan verið að koma sterkir til baka og eru enn á ný eitt af topp liðunum í Portúgal og líta alls ekki illa út í Evrópu heldur.
Sem stendur er Benfica á toppnum í Portúgal sex stigum á undan Braga sem þeir unnu einmitt um helgina 1-0. Í fyrra komst liðið ekki í meistaradeildina og er ferðalag þeirra fram að leiknum gegn Liverpool því svona:
Undankeppni – Vorskla Poltava 4-0 (h), 1-2 (ú)
Riðlakeppni –
BATE Borisov 2-0 (h), 2-1 (ú)
AEK 0-1 (ú), 2-1 (h)
Everton 5-0 (h), 2-0 (ú)
32 liða úrslit – Hertha Berlin 1-1 (ú), 4-0 (h)
16 liða úrslit –Marseille 1-1 (h), 2-1 (ú)
Eins og sjá má á þessu erum við að tala um ágætis lið sem þeir hafa verið að spila við og var ég t.a.m. búinn að gleyma þeirri ánægjulegu en þó smá ógnvænlegu staðreynt að Benfica flengdi Everton með písk 5-0 á þessum fáránlega sterka heimavelli sínum.
Þetta er hressandi engu að síður
Það eru nokkur vel þekkt nöfn í þessu Benfica liði og eru t.a.m. markahæstu menn í Evrópukeppninni þetta árið sóknarmennirnir Cardozo (7), Saviola litli (6) og undrabarnið Ángel Di María (4).
Líklegt byrjunarlið hjá þeim gæti hljómað einhvernvegin svona:
Quim
Pereira – Luisao – Luiz – Conetrao
Garcia – Ramires
Aimar – Saviola – Di Maria
Cardozo
Quim er fyrrum landsliðsmarkmaður Portúgala með 32 landsleiki. Pereira er sókndjarfur bakvörður frá Uruguay og fastamaður í landsliðinu, Luisao og Luiz eru traustir og öflugir miðverðir sem báðir eru fastamenn í landsliði Braselíu. Þeir hafa bara spilað með Benfica í evrópu en eru eftirsóttir mjög. Coentrao er ungur bakvörður sem hefur verið mikið á láni undanfarin tímabil. Hann er þó kominn í liðið núna og á einn landsleik fyrir Portúgal þú þegar.
Javi Garcia er spænskur miðjumaður ættaður úr Real Madríd og hefur spilað með öllum yngri landsliðum Spánar. (svekkjandi kannski að vera uppi á sama tíma og Alonso, Iniesta, Fabregas, Silva, Xavi og co.). Ramires er enn einn Brassinn sem þeir hafa keypt ungan frá heimalandinu. Portúgalska er móðurmál Brassa og því kjörið fyrir þá að byrja í Portúgal þegar þeir stökkva yfir til Evrópu. Ramires hefur spilað 10 landsleiki fyrir Braselíu og er bara ´87 módel.
Argentínumennina þrjá höfum við síðan alla heyrt mjög mikið um, Aimar er legend í Valencia og sá leikmaður sem Benitez byggði lið Valencia upp í kringum, með fínum árangri. Ég skil ekki enn afhverju við keyptum hann aldrei til Liverpool en kemst vonandi af því á morgun.
Saviola er síðan einn mesti næstum því leikmaður sögunnar en hann náði aldrei að festa sig í sessi hjá þeim liðum sem hann var í… sem reyndar hafa oft verið allra stærstu klúbbar heims. Hann ætti að vera nokkuð stórt nafn í þessu Benfica liði engu að síður og er auðvitað stórhættulegur.
Þriðji samlandi Mascherano er síðan Angel Di María, eitt allra mesta efni Evrópu í dag og leikmaður sem óttast er að fari til Helvítis, 40km frá Liverpool.
Frammi er síðan Paragvæinn Oscar Cardozo, hann er maðurinn í heimalandinu og hefur verið sterkur í Benfica, sem er eini evrópski klúbburinn sem hann hefur spilað fyrir.
Fyrirliði liðsins er síðan Nuno nokkur Gomes fyrrum vonarstjarna Portúgal og bjáni sem sagðist ekki vilja fara til Liverpool á sínum tíma.
Þjálfari Benfica er síðan Jesús (oft kallaður Jorge Fernando Pinheiro de Jesus) en hann tók við liðinu sumarið 2009 og var áður stjóri hjá Beleneses og Braga og stýrði þeim liðum báðum í evrópukeppni.
Saviola hress
Ef við skoðum síðan önnur afrek Benfica er gaman að geta þess að þeir rétt svo merja SStein og félaga í Liverpool klúbbnum á Íslandi hvað varðar fjölda klúbbmeðlima. Það eru nú yfir 200.þúsund borgandi meðlimir í aðdáendaklúbbi Benfica sem er talið vera það mesta sem gerist í þessum fræðum í Evrópu, en það eru um 3.þúsund í Liverpool klúbbnum á Íslandi sem er þó á rjúkandi uppleið og nær þeim líklega um áramótin.
Ef við snúum okkur að okkar mönnum er ekki nokkur lifandis leið að átta sig á því við hverju við megum búast, liðið hefur aðeins verið á uppleið undanfarið með endurkomu manna úr meiðslum og sigurinn á Sunderland var sá besti á leiktíðinni, hvað spilamennsku varðar. Raunar var það líka bara annar leikur hins sanna Liverpool á árinu.
Eins og staðan er núna er þó ekkert sem ætti að koma á óvart í okkar liði, Skrtel og Aurelio eru meiddir og Maxi í banni, aðrir ættu að vera heilir. Þetta Benfica lið er mjög léttleikandi og því býst ég við að vinsælasti leikmaður Liverpool um þessar mundir, Lucas Leiva komi aftur á miðjuna við hlið Mascherano.
Svona spái ég allavega byrjunarliðinu:
Reina
Johnson – Carra – Agger – Insua
Mascherano – Lucas
Kuyt – Gerrard – Babel
Torres
Svona “óttast” ég að liðið verði, semsagt Lucas inn fyrir Maxi Rodriguez sem er ólöglegur, annars sama lið og lék gegn Sunderland.
Spá: Vonum það besta, við eigum harma að hefna gegn þessu liði og við vinnum þá á eðlilegum degi. Ég segi 1-1 í þessum leik sem væru ágætis úrslit enda ekkert venjulega góður heimavöllur.
Okkar menn í Liverpool héldu skotæfingu á Anfield í dag gegn stórliðinu Sunderland og unnu **3-0 sigur** í leik sem hefði getað orðið miklu, miklu neyðarlegri fyrir gestina.
**BEKKUR:** Cavalieri, Kyrgiakos, Lucas, Aquilani (inn f. Kuyt), Benayoun, El Zhar (inn f. Gerrard), Ngog (inn f. Torres).
Fyrri hálfleikurinn var sennilega besti hálfleikur Liverpool-liðsins í vetur. Nær linnulaus sókn að marki andstæðinganna og hreinlega ótrúlegt að staðan hafi verið aðeins 2-0 í hálfleik. Daniel Agger hefði getað skorað þrennu í fyrri hálfleik, hvað þá sóknarmenn liðsins, svo miklir voru yfirburðirnir. Um miðjan hálfleikinn hafði fínn þulur leiksins, Guðmundur Benediktsson, á orði að ef Liverpool hefði spilað svona í allan vetur væru þeir ekkert í neinni keppni um 4. sætið í þessari deild og var það hverju orði sannara.
Mörkin tvö voru glæsileg. Strax á þriðju mínútu skoraði **Fernando Torres** eitt af mörkum tímabilsins þegar hann sólaði tvo Sunderland-menn frá vinstri vængnum, lék inn á teiginn og gjörsamlega smurði tuðrunni upp í Samúel fjær, óverjandi fyrir Gordon í markinu. Um miðjan hálfleikinn fékk svo **Glenda Johnson** boltann fyrir utan teig, lék á einn Sunderland-mann og skaut í lærið á Michael Turner og svo í nærhornið, líka óverjandi.
Eftir um fimmtán mínútna leik í seinni hálfleik kom svo góð sókn (ein af mýmörgum í þessum leik) sem lauk með því að Maxi skallaði háan bolta niður fyrir Johnson sem lagði hann á **Torres** sem lét markvörðinn leggjast og snúllaði boltanum svo laflaust í hornið. 3-0, Game Over Tóti Tölvukall.
Það var frábært að sjá Liverpool-liðið í þessum leik. Það hafði algjöra stjórn á leiknum frá fyrstu mínútu og mörkin hefðu með réttu átt að vera miklu fleiri en þrjú í dag. Það skiptir þó ekki öllu í dagslok því við unnum auðveldan sigur og gátum m.a. leyft okkur að hvíla Torres og Gerrard í 15-20 mínútur undir lokin.
**MAÐUR LEIKSINS:** Fernando Torres. Hann er núna með 18 deildarmörk í 21 deildarleik og hefur sennilega notað svona helminginn af þessum deildarleikjum sínum í að spila sig í form. Er einhver efins um það að hann væri kominn í 35-40 mörk í öllum keppnum ef hann hefði verið heill í allan vetur?
Næsti leikur: Benfica á fimmtudag, í Lissabon. Meira af því sama þar, takk.
Þessi upphitun kemur svo sannarlega seint og illa og er þar um að kenna almennu fermingarveislu tertuáti fram úr hófi. En það breytir ekki þeirri staðreynd að það er mikilvægur leikur hjá okkar mönnum á morgun. Úrslit dagsins voru nokkurn veginn eftir bókinni, nema hvað ég held að enginn hafi búist við svona stórum sigri hjá Chelsea á Villa, en ekkert óvænt við sigur Spurs á Portsmouth, það var kannski helst sem kom á óvart var óvænt jafntefli hjá bláu horbjóðunum gegn Wolves. Það var svo sem ekki við því að búast að mikið myndi breytast í baráttunni um fjórða sætið í þessari umferð. Þetta mun fyrst og síðast byggjast á því að okkar menn skakklappist til að spila eins og menn út þetta tímabil. Þetta er ekki flókið, við munum taka þetta 4 sæti ef við vinnum rest, en við vitum líka að lífið er ekki neitt voðalega einfalt, hvað þá fótboltinn.
En Sunderland eru búnir að vera á ágætis róli, allavega aðeins tapað einum leik af síðustu 9 leikjum, en reyndar aðeins unnið 2 af þeim, báða á heimavelli. Við eigum að SJÁLFSÖGÐU að vinna þennan leik ef allt væri eðlilegt. Ég hef verið nokkuð ánægður með liðið undanfarið, þ.e. hef sé mikil batamerki á liðinu. T.d. áður en vítið var dæmt gegn ManYoo the other day, þá fannst mér við hreinlega vera að fara að sýna svipaða greddu eins og við sáum á síðasta tímabili. Það er auðvitað áfall að hafa tapað leiknum, en ég hef þá trú að menn haldi áfram þar sem frá var horfið og nú skal enginn fokking sundbolti tryggja Sunderland sigurinn.
Óvenju fáir eru á sjúkralistanum fræga, Fabio er þar að vanda og Martin er að hjóla með honum í gymminu. Svo er Riera tognaður á heila og mun væntanlega ekki spila meira fyrir Liverpool FC. Aðrir eru nokkurn veginn heilir. Ég geri mér vonir um að sjá svipað approach hjá Rafa eins og í leiknum gegn Portsmouth á dögunum. Ég fór vel yfir þetta með honum fyrir þann leik og við vorum sammála um þá uppstillingu, vonandi verður það sama uppi á teningnum núna, eða allavega svipað. Ég ætla að spá því að Insúa verði vinstra megin (hörku samkeppni þar um stöðuna), Pepe verður í marki, Johnson hægra megin og CarrAgger í miðvarðarstöðunum. Maxi verður hægra megin og Yossi vinstra megin, Javier og Alberto á miðjunni, Stevie þar fyrir framan og svo Fernando fremstur. Málið látið.
Bekkurinn: Cavalieri, Kyrgiakos, Lucas, Kuyt, Babel, El Zhar og Ngog
Sókndjarft lið og sókndjarfur bekkur. Kannski lifir maður í draumaheimi, en ég ætla þá bara að lifa þar, enda gott að búa á þeim stað. Við þurfum 3 stig, ekkert meira (enda ekki í boði) og alls ekkert minna. Við megum ekki við neinum skakkaföllum, heldur þurfum við að raka inn stigunum og fylgjast svo spenntir með hvað gerist hjá keppinautum okkar. Þetta er algjörlega hægt, en til þess að þetta sé hægt þá verða allir að hafa trú á verkefninu, leikmenn þurfa að hafa trú, þjálfarar þurfa að hafa trú og við stuðningsmenn þurfum að hafa trú. Hafið þið heyrt af því að trúin flytur fjöll? Mér skilst meira að segja að þetta eldgos okkar hafi bara komið vegna þess að einhver hafði ofurtrú á að eitthvað slíkt gæti eflt ferðamannastraum til landsins. Segið síðan að þetta virki ekki.
Jæja, svona leit þetta út á sunnudaginn eftir Man U leikinn.
Svona mörgum stigum höfðu liðin tapað:
Man City – 34
Tottenham – 35
Aston Villa – 37
Liverpool – 42
Eftir leiki kvöldsins lítur þetta aðeins betur út – þar sem að Everton unnu Man City (á heimavelli Man City, takk fyrir) og Aston Villa töpuðu líka stigum á heimavelli gegn Sunderland. Gott kvöld fyrir okkur.
Tottenham – 35
Man City – 37
Aston Villa – 39
Liverpool – 42
Semsagt, munurinn á okkur og Villa er kominn niður í 3 stig og í City niður í 5 stig. Tottenham er einsog áður í bestu stöðunni. Fyrirfram hefði ég búist við því að Villa og City hefðu klárað þessa heimaleiki, þannig að þetta er ánægjulegt.
Þá er komið að uppáhalds tíma sumra Púllara á hverju ári, eða vormánuðunum þar sem myndir af væntanlegum Liverpool-búningum leka á netið.
Fyrsti lekinn varð í síðustu viku þegar Empire of the Kop birti myndir af þremur treyjum sem þykja líklegar sem búningar næsta tímabils:
Vandamálið við þennan leka er að í gær láku svo myndir af búning sem virðist vera enn meira ekta (er með ClimaCool-merki Adidas sem hinir hafa ekki) og gæti þá verið nýja varatreyjan:
Spurningin er, hvað af þessu er rétt? Ef fyrri þrjár myndirnar eru réttar er ég ekki alveg sannfærður um ágæti rauðu treyjunnar, græn/hvíta treyjan er algjör hryllingur, en ég mun versla gylltu treyjuna daginn sem hún kemur út. Hvíta treyjan sem lak í gær er svo bara nokkuð flott.
Hvað segir sérlegur tískuráðgjafi Kop.is? Einar Örn?
**Uppfært (EÖE)** Empire of the Kop birta nú nýja útgáfu af búningnum, sem mér finnst svona sirka 1800 sinnum flottari:
Ég ætla innilega að vona að þetta sé nær lagi en sá hroðbjóður sem birtist hér að ofan.
Samkvæmt Guardian og einhverjum fleiri miðlum er Liverpool víst búið að taka 6m punda tilboði CSKA Moskva í Albert Riera. Riera, sem er í ónáð eftir að hafa gagnrýnt Rafa og liðið í síðustu viku, á rússneska eiginkonu og hefur því sýnt áhuga á að fara til Rússlands til að bjarga landsliðsmöguleikum sínum fyrir HM í sumar.
Leikmannaglugginn í Rússlandi er enn opinn þannig að hann gæti skipt strax yfir ef af þessu verður.
Ég ætti víst að segja eitthvað um þessi viðskipti og kveðja þennan leikmann Liverpool á þann hátt sem hann á skilið. Þannig að ég ætla núna að yppa öxlum og segja, eh, lokaðu á eftir þér Albert.
Í heldur betri fréttum, þá er sagt frá því í Liverpool Echo í dag að stutt sé í að Javier Mascherano skrifi undir framlengingu á samningi sínum við Liverpool. Það eru makalaust góðar fréttir eftir að menn voru farnir að óttast mjög að hann færi til Spánar í sumar. Það er einnig vert að gefa því gaum að nú hafa tveir af helstu stuðningsmönnum Rafa innan liðsins – Pepe Reina og Mascherano – framlengt samninga sína á stuttum tíma. Bendir það til þess að Rafa verði áfram með liðið á næstu leiktíð? Kemur í ljós.
Samkvæmt 