Liverpool Bloggið

Verkefni morgundagsins er svona aðeins í erfiðari kantinum, Liverpool sem spilað hefur tvo leiki á einni viku svo SSteinn gæti nýtt vinnuferð sýna til Liverpool í botn mæta Manchester United sem hefur lítið gert annað í þessari viku heldur en að spila tölvuleiki og líklega gera grín að Gary Neville.

Gamli skarfurinn sem stjórnar þessum fulltrúum hins illa hefur verið með blaðamann á kantinum alla þessa viku og meðal annars hneykslast á FA fyrir að sleppa alltaf Gerrard við refsingu (þess má geta að það er ekkert gler eftir í glerhúsinu hans Ferguson) og eins var hann að tala um að stjóri Liverpool hefði þegar toppað með liðið þegar hann náði öðru sæti í fyrra. Eins og ég sagði þá er glesrhúsið hans tómt því það er hægt að benda á nokkur skipti þar sem Ferguson var talinn hafa toppað með sitt lið.

Old Trafford er stór völlur en þetta er eina svæðið sem eitthvað heyrist frá af viti

Leikurinn er á Old Trafford og miðað við hvernig þetta tímabil hefur spilast hjá þessum liðum er ekki hægt að ljúga því að maður sé neitt of bjartsýnn, hvað þá þegar Liverpool liðið kemur til með að mæta frekar lúið til leiks. Það sem þó vinnur með okkur er að við höfum verið að taka United undanfarið, G & T eru komnir aftur í sæmilegt form og liðið hefur verið að endurheimta flesta af þeim sem lent hafa í meiðslum í vetur og er þar af leiðandi farið að sýna brot af þeim fótbolta sem liðið getur spilað. T.a.m. spilaði Liverpool sinn fyrsta leik á mánudaginn síðasta er þeir fengu Pompey í heimsókn og nú er bara vona að þeir geti byggt ofan á það.

Að spá fyrir um byrjunarlið er svolítið erfitt og er þar sérstaklega hægt að þakka góðri frammistöðu Aquilani og Babel í vikunni. Þeir komu inn í liðið gegn Pompey sem gerði það að verkum að Benitez stillti upp því byrjunarliði sem ákaflega margir stuðningsmenn hafa óskað eftir í marga mánuði að fá að sjá. Pompey var ekki mikil fyrirstaða en það er ekki bara því að kenna að spilamennskan var mikið gáfulegri í þeim leik.

Svona tippa ég á að liðið verði:

Á bekknum: Cavalieri, Benayoun, Kyrgiakos, Ngog, Lucas, Maxi, Kelly.

Á heimasíðunni kemur það fram að Aquilani hafi mætt á æfingu í gær og hafi þar með náð sér af þessum tölvuvírus sem hann smitaðist af.  Þannig að með nokkuð rúmlegu magni af bjartsýni ætla ég að spá því að hann fái að byrja þennan leik gegn United og Lucas verði á tréverkinu. Aquaman er bara mikið gáfulegri á miðjunni heldur en Lucas og okkur vantar alveg grátlega mikið einhvern sem getur tekið leiki yfir og stjórnað spilinu frá miðjunni, það getur Aquilani, ekki Lucas. Brassinn hefur þó verið að spila vel gegn United undanfarið svo það væri ekkert heimsendir ef hann byrjar inná, en ég efa að það séu margir sem óski þess. Eins er það með hina stöðuna frá leiknum gegn Pompey. Eins rosalega mikið og mig langar að spá því að Kuyt verði á bekknum þá held ég að það komi í hlut Maxi að fara á bekkinn… en ég óttast að það verði Babel sem detti úr liðinu.

Eins er svolítið erfitt að spá fyrir um liðið í ljósi þess að nokkrir leikmenn hafa þegar spilað tvo leiki í þessari viku þannig að Benayoun, Herkúles og fleiri gætu alveg dottið inn í þennan leik líka.

Hvernig United stillur upp skiptir ekki máli, þeir eru í góðu formi og með Rooney í fáránlegu formi og meira að segja Berbatov í stuði. Við getum engu að síður klárlega alveg unnið þetta lið og vonandi skemmt okkur eins vel við það og í fyrra:

Spá: Eins og ég segi þá er ég ekki bjartsýnn fyrir þennan leik, set þó óskhyggjuspá upp á 1-2 sigur og Super Danny Murphy skorar bæði fyrir okkur.

Árið 2010. Evrópudeildin. 16-liða úrslit. Seinni leikur. Anfield. Andstæðingarnir eru Lille, liðið í þriðja sæti Ligue 1 og þeir hafa 1-0 forystu eftir fyrri leikinn. Leikurinn á morgun mun ráða úrslitum um það hvort liðið fer áfram í 8-liða úrslit.

Það sem mun ekki ráða úrslitum á morgun eru andstæðingarnir, hvernig þeir stilla upp eða leikform þeirra. Lille-liðið er gott, í titilbaráttu í Frakklandi og sýndu í fyrri leiknum að þeir meina hlutina. Þeirra hlutverk í leiknum annað kvöld verður hins vegar lítið annað en sviðsmynd fyrir það sem mun ráða úrslitum.

Það sem mun ráða úrslitum á morgun er einföld spurning: hversu mikið langar Liverpool-liðið í 8-liða úrslit í þessari keppni? Ef svarið er „mjög mikið“ eða eitthvað þaðan af jákvæðara, og stemningin á Anfield er eins og við eigum að venjast á Evrópukvöldum, þá mun Lille-liðið hafa lítið með úrslit leiksins að segja. Sé svarið „ekkert frekar“ eða eitthvað þaðan af neikvæðara munu Lille-menn fá 8-liða úrslitin upp í hendurnar nokkuð vandræðalaust.

Persónulega myndi ég helst vilja geta stillt upp nákvæmlega sama liði og spilaði besta leik okkar í margar vikur sl. mánudag. Það verður því miður ekki því mér sýnist á öllu að Rafa verði neyddur til a.m.k. tveggja breytinga; ég geri ráð fyrir að Dirk Kuyt komi inn fyrir Maxi Rodriguez sem er ólöglegur í þessari keppni eins og áður, og svo berast þær fregnir frá Melwood í dag að Alberto Aquilani sé með magakveisu og því tæpur fyrir leikinn á morgun, sem þýðir væntanlega að Lucas Leiva kemur einnig inn í liðið.

Maxi og Aquilani út, Kuyt og Lucas inn. Reynið að halda aftur af neikvæðninni.

Liðið ætti því að öllu óbreyttu að vera svona skipað:

MÍN SPÁ: Ég talaði um tvo möguleika hér að ofan og ég ætla að tippa á þann fyrri, þ.e. að okkar menn mæti grimmir til leiks vitandi það að þeir þurfa að skora mörk, og einnig að áhorfendur verði í góðum gír á Anfield. Torres datt í gang á mánudaginn og eins áttu menn eins og Babel, Gerrard og Mascherano toppleiki. Insúa og Johnson eru einnig sókndjarfir og ég á sterklega von á að okkar menn selji sig dýrt á morgun.

Leikurinn fer 2-0 fyrir okkar menn. Við komumst snemma tveimur mörkum yfir og lendum í að hanga á því undir lokin í einhverjum taugatitringi en það ætti að nægja okkur til að komast í næstu umferð.

Áfram Liverpool! Og mundu Jose …