Miðar á Anfield

Kop.is er með gott aðgengi að opinberum miðum á Anfield Road á alla heimaleiki í samstarfi við norska aðila.  Þeir sem hyggjast nota norska vinasíðu kop.is, https://www.norwegiansportstravel.no/ ættu að líta á eftirfarandi leiðarvísi.

Norwegian Sports Travel eru með miða á alla heimaleiki Liverpool í hvaða keppni sem er.  Miðarnir eru í Kenny Dalglish Stand (og Anfield Road End á Evrópuleikjum).  NST eru opinberir söluaðilar Liverpool og því engir milliliðir á ferðinni, allt pappírsmiðar sem annað hvort eru sendir heim eða afhentir á hóteli.

ATH!

Hægt er að festa sér miða á alla leiki núna, óháð því hvort leikdagar færast.  Þegar endanleg dag- og tímasetning leiks er komin klára Norðmennirnir bókunina sem miðar þá að gistingu út frá leikdegi.  Því er hægt að byrja á að kaupa pakkann hjá Norðmönnunum, áður en farið er í að kaupa flug.

Pakkarnir innihalda tvær gistinætur á góðu hóteli frábærlega staðsettu í miðborg Liverpool.  Hægt er að kaupa fleiri nætur á sama hóteli á síðunni þeirra, auk þess sem hægt er að „upgrade-a“ gistingu úr herberjum upp í íbúð.  Leiðarvísir um síðuna:

Skref 1:  Skrá sig á síðuna:

Slóðin er semsagt https://www.norwegiansportstravel.com. Þegar síðan opnast er efst í vinstra horninu þessi flipi:

Þá opnast síða þar sem þarf að skrá inn allar sínar upplýsingar, þ.á.m. leyniorð.  Athugið að velja þarf Ísland sem heimaland til að fylgja þeim skrefum sem á eftir koma.

Þegar skráningu er lokið er svo farið i það að velja sér leik og pakka:

Til að sjá hvaða leikir eru í boði þarf að fara neðst á síðuna og smella þar á valinn leik.

Innifalið í þessum miða eru miðar á Reds Bar Hospitality barinn á Anfield sem opnar 2,5 klukkustundum fyrir leik og er opinn þar til 1 klukkustund eftir leik.  Matur og drykkur ekki innifalið.

Þá er að velja sér leik.  Þá er smellt á viðkomandi leik neðst á síðunni og þá opnast þessi gluggi hér:

Hér á að slá inn kopis í einu orði og án nokkurs annars.  Þar með kemur inn afsláttur en verður líka til þess að ekki er gerð nein krafa um flug með í pakkann eða tilboð þar um (enda öll frá Noregi).

Næst er að smella á „Next“ og lesa yfir að upplýsingar séu réttar athugið að póstnúmer þarf að vera a.m.k. 5 tölur og því þarf að setja „00“ á undan sínu póstnúmeri.

Að því loknu er að smella aftur á Next og upp kemur skref 2.  Þar á að velja „Free delivery“ sem valkost og halda áfram að smella á Next.

Skref númer þrjú kemur með spurningu hvort óskað er eftir reikning (faktura) eða hvort að bókunarnúmer (Vipps nummer) dugar.  Eilítill kostnaður leggst á og þá er að smella á „next“.

Afhending miða:

Um tvo kosti er að ræða.  Sendur er e-mail miði á póstfang kaupanda.  Þann miða er farið með í tilgreindan inngang á Anfield þar sem armband fæst í með því að sýna hann.  Armbandið veitir aðgang á Reds Bar og á miðanum sést sætið.

Þegar fyrirvarinn er styttri (og einnig í einhverjum „stærri“ leikjum) eru fulltrúar ferðaskrifstofunnar í Liverpool og sjá um að afhenda miða á leikdag.

Til að breyta standard pakkanum.

Það er gert áður en keypt er og er einfalt, snýst um að bæta við ofan á þann pakka sem að er grunnur.

Smellt er á valinn leik og hakað í flipana áður en smellt er á „buy“

Þegar búið er að raða saman óskuðum pakka fyrir viðkomandi ferð er að smella á „Buy“ og fylgja fyrrgefnum leiðbeiningum varðandi greiðsluform.

Ef frekari upplýsinga er óskað er langbest að senda sér erindi á drengina í tölvupósti bestilling@norwegiansportstravel.no eða hringja í þá beint í síma +47 45 28 61 54.

Við á kop.is bindum miklar vonir við vinasamstarf við Norwegian Sports Travel.  Ekki væri úr vegi að smella á okkur tölvupósti á kop2016@gmail.com og veita okkur umsögn um þjónustu ferðaskrifstofunnar, bæði ánægjuleg sem og ef eitthvað mætti betur fara.

_______________________________________________________________________

Að auki stefnum við félagarnir á að vera með hópferðir á Anfield sem við auglýsum nánar á síðunni þegar að þeim ferðum kemur.

Ferðasögur úr fyrri ferðum:
Everton í maí 2013
Crystal Palace í október 2013
Swansea í febrúar 2014
West Brom í október 2014
QPR í maí 2015
Man Utd í janúar 2016
Sunderland í nóvember 2016
Swansea í janúar 2017