Marseille hafa áhuga á að fá Djibril Cisse til liðsins. [Gott hjá þeim](http://home.skysports.com/list.asp?HLID=327204&CPID=24&title=Marseille+hold+out+Cisse+hope&lid=2&channel=Football_Home&f=rss). Ég efast samt stórlega um að hann sé til sölu í janúar. Það myndi aðeins gerast að því gefnu að Rafa væri með einhvern virkilega sterkan framherja í pokahorninu. En það er ekki að fara að gerast.

næsta frétt!

Rafa segir að Dudek [sé ánægður hjá Liverpool](http://www.lfconline.com/news/loadnews.asp?cid=TMNW&id=252600) og sé ekki á leið frá liðinu. Þessi yfirlýsing kemur dálítið á óvart, sérstaklega þegar þessi umboðsmannabjáni hans Dudeks er búinn að vera að væla stanslaust undanfarnar vikur.

Ivan Helguera hefur neitað sögunum um að hann hafi talað við Rafa Benitez um að koma til Liverpool. Hann [segir](http://home.skysports.com/list.asp?HLID=317761&CPID=23&title=Ivan+rubbishes+Reds+rumour&lid=2&channel=Football_Home&f=rss):

>”This is not true,” he told the Spanish press.

>”I do not have any accord with The Reds and I have not spoken with Rafa Benitez on this subject.

>”But new contacts for renewing my contract do not exist.

>”This is what is true. The decision depends on Real Madrid.”

Mikið ofboðslega eru forráðamenn Marseille í takt við raunveruleikann. Það vita allir að Cissé langar einhvern tímann á ferlinum að spila fyrir þá – uppáhalds liðið sitt – og það hefur ekki farið framhjá neinum að hann er ósáttur við stöðu sína hjá Liverpool þessa dagana. Hins vegar ættu Marseille-menn að vita það nú þegar að það kemur ekki til greina, undir neinum kringumstæðum, að lána Djibril Cissé til annars liðs. Eini kosturinn sem kemur til greina væri að borga a.mk.k. 9-10m punda fyrir hann, sem við gætum þá notað til að kaupa staðgengil.

Ég meina, við neituðum 8m punda tilboði frá Tottenham í ágúst, þannig að það kemur ekki til greina að selja hann væntanlega nema við fáum hærra tilboð en 8m. Þannig að ég legg til að einhver í Marseille-borg taki að sér að slá þessa gæja utan undir og hrista duglega upp í þeim. Þeir eru í engum tengslum við raunveruleikann ef þeir halda að við lánum þeim Djib í janúar.

Æjá, og Nuri Sahin, sautján ára tyrkneskt “undrabarn” hjá Borussia Dortmund var í dag orðaður við Liverpool, Arsenal og Chelsea. Sem þýðir að Chelsea kaupa hann á 20m punda næsta sumar. Hann á víst samt að vera súper góður, þannig að menn geta látið sig dreyma.

Í framhaldi af góðum pistli Kristjáns í gær, þá eru flestir fjölmiðlar búnir að éta upp ummæli Djibril Cisse um stöðu sína hjá liðinu. Þar á meðal [BBC](http://news.bbc.co.uk/sport1/hi/football/teams/l/liverpool/4311034.stm). Eftir honum er haft:

> “I accept Rafa Benitez’s decisions and I’m patient. But I’m not going to stay on the bench all season.

>”At the moment it is only the start of the season but if the situation does not change, my thinking will be different in December.”

Semsagt, ef þetta lagast ekki þá vill hann (hugsanlega) fara í Desember. Er það furða?

Sky segja að Liverpool séu að bjóða 15 milljón evrur í [Simao Sabrosa](http://skysports.planetfootball.com/list.asp?hlid=302899&CPID=8&CLID=&lid=2&title=Reds+make+Simao+move&channel=football_home) hjá Benfica.

**Uppfært (EÖE):** Sabrosa er á leiðinni í [læknisskoðun á Melwood](http://news.bbc.co.uk/sport1/hi/football/4199286.stm)!!!

>Simao Sabrosa appears set to join Liverpool from Benfica after the Portuguese Football Federation gave permission for the forward to undergo a medical at Anfield.

Yes!!!

Viðbót (Kristján Atli): JÁÁÁÁÁ! Ég veit að 15m Evrur virðast mikill peningur fyrir þá sem hafa ekki séð Simao spila en ég gæti ekki verið ánægðari með þessi kaup! Eftir að hafa í allt sumar hlustað á umræður um þrítuga baráttukalla eins og Solano og Stelios, þá kemur þetta eins og þruma úr heiðskíru lofti!

Simao, svona til glöggvunar, var í byrjunarliði Portúgala á EM2004 í fyrra. Þar hóf hann keppnina sem fyrsti kostur á vinstri vænginn, með Pauleta frammi og Figo hægra megin í þriggja manna sókn. Eftir því sem leið á keppnina sló svo Cristiano Ronaldo í gegn vinstra megin og hirti stöðuna af Simao.

Simao þessi vann á sínum tíma titilinn með Barca ’99 (þá aðeins 19 ára) en það skemmtilega við það er að hann barðist þá við Bolo nokkurn Zenden um vinstri vængstöðuna (með Figo lykilmann hægra megin), þannig að þeir þekkjast þaðan. Nú, Simao fór á endanum aftur til heimalandsins og var fyrirliði Benfica-liðsins sem vann titilinn í Portúgal sl. vor, eftir áralanga einokun Porto-liðsins.

Þannig að þrátt fyrir að vera aðeins 26 ára gamall er Simao þegar búinn að leika á a.m.k. þremur stórmótum sem ég man eftir með portúgalska landsliðinu (EM 2000 og 2004, HM 2002) og vinna titla sem fyrirliði Benfica í Portúgal og sem byrjunarmaður Barcelona á Spáni.

Með öðrum orðum, miðað við aldur og ferilskrá þá eru þetta MJÖÖÖG GÓÐ KAUP!!!

Gæti ekki verið sáttari. Var farinn að örvænta yfir skorti á hægri vængmanni, en nú virðist þetta vera að reddast!

Samkvæmt BBC, þá er [hollenski landsliðsvarnamaðurinn Wilfred Bouma](http://news.bbc.co.uk/sport1/hi/football/eng_prem/4194370.stm) á leið til Englands til viðræðna við Liverpool og Aston Villa.

Ég hef ekki tíma til að uppfæra, en ef einhver veit eitthvað um þennan leikmann, þá væri það vel þegið.

Jæja, blaðamaður Independent er kominn á flug: [Liverpool ready for approach to rescue Owen
](http://sport.independent.co.uk/football/liverpool/article308209.ece)

Semsagt, samkvæmt greininni þá er þetta að fara að gerast.

1. Michael Owen kemur til Liverpool ef verðið er rétt frá Real Madrid. Rick Parry virðist vera hlynntur því að fá Owen og hann segir að hann og Rafa séu ekki ósammála um þau mál.
2. Djibril Cisse verður seldur eða lánaður. Einn möguleikinn er Lyon [samkvæmt Telegraph](http://www.telegraph.co.uk/sport/main.jhtml?xml=/sport/2005/08/26/sfnliv26.xml&sSheet=/sport/2005/08/26/ixfooty.html) (sem segja líka að Owen komi). Annar möguleikinn er Marseille og sá þriðji Monaco samkvæmt Independent.
3. Ef Monaco er málið, þá telja Independent menn að Patrice Evra, vinstri bakvörðurinn (já takk) komi á móti.

Ég held að það sé ágætt að við erum ekki að spila í deildinni á næstu dögum, því þessi leikmannaskipta-markaður og slúðrið í tengslum við hann verður skrautlegt á næstu dögum.

Kannski er þetta þvæla. Kannski ekki. Ég veit að ég er ekki mesti Djibril Cisse aðdáandi í þessum heimi, en samt finnst mér það slappt að gefa honum ekki einu sinni almennilegan sjens.

Það er greinilega byrjað að hitna vel í slúðrinu núna og uppá hvern einasta dag er nýr leikmaður sagður á leið til Liverpool. Núna síðast var það Daninn ungi, Daniel Agger. Rafa hefur margt oft sagt að hann þurfi að kaupa varnarmann og hægri kantmann og ég er þess fullviss að hann gerir það. Spurningin er bara hvaða leikmenn verða fyrir valinu. Eftir að við unnum í vor í Istanbul þá er Liverpool aftur eftirsótt félag fyrir heimsklassa leikmenn og þess vegna getur Rafa valið um ásamt því að hann hefur ekki botnlausa sjóði líkt sumir.

Rafa segir í dag á official síðunni [að hann sé að skoða nokkra varnarmenn](http://www.liverpoolfc.tv/news/drilldown/N149756050822-1451.htm) en vill ekki gefa það upp hverjir þeir eru. Nefndir til sögunnar hafa verið Fernando Meira hjá Stuttgart, Daniel Agger hjá Brøndby og Lukas Sinkiewicz hjá Köln.

Ennfremur [neitar](http://www.liverpoolfc.tv/news/drilldown/N149754050822-1421.htm) Rafa að útiloka möguleikan á því að Dirk Kuyt komi til félagsins. Ég er á því að Rafa segi þetta eingöngu til umræðan sé ekki of mikið alltaf á Owen. Hins vegar tel ég allar líkur á því að Owen komi til félagsins um leið og Baros er farinn til Aston Villa.

Hmmm. Svo virðist sem við gætum verið að fá miðvörð úr óvæntri átt, rétt fyrir lokun félagaskiptagluggans. Mirror Sport greina frá því nú á mánudegi að Rafa hafi boðið 4.5m punda í hinn danska, tvítuga miðvörð Daniel Agger hjá Bröndby.

Fréttin segir einnig að Agger, sem var víst í vörn Dana þegar þeir rústuðu Englendingum fyrir fjórum dögum, sé metinn á um 6m punda hjá Bröndby og að Everton og Wigan hafi einnig sýnt honum áhuga – en nú sé talið líklegt að Liverpool verði það lið sem hreppir hann þar sem Rafa hefur boðið 4.5m punda. Rafa gæti þurft að borga meira en það en þar sem hann er einnig að reyna að kaupa hægri vængmann og framherja sé hann að reyna að prútta verðið niður.

Hljómar svo sem vel, fyrir utan eitt: ég hef aldrei séð kappann spila. Ég hoppaði inn á Google og fann þessa mynd af honum þar, en annars veit ég ekki neitt! Þannig að nú spyr ég bloggarann okkar sem býr úti í Danmörku: Aggi, veist þú eitthvað meira um þennan kappa? Endilega, leyfðu okkur að heyra þitt álit ef ske kynni að þú hafir séð hann spila!

Þetta verða spennandi 10 dagar fram að 1. sept, það held ég að sé óhætt að segja…

Ég fór athugaði öll dönsku blöðin (á netinu) og ekkert þeirra ræðir um þetta þ.e. að Agger gæti verið á leið fá Brøndby. Sá í fréttum á TV2 að þeir minnast á að Liverpool hafi áhuga á Agger og vísa í The Sun.

Daniel Agger er 21 árs gamall varnarmaður eða fæddur 1984. Hann er búinn að spila með aðalliðinu í eitt ár og varð fastamaður í vörninni strax í fyrra. Hann er 1.89 cm á hæð og 80 kg. Hann spilar í miðju varnarinnar og þar sem hann er örvfættur þá hefur hann einnig verið notaður sem vinstri bakvörður.

Hann þykir tæknilega góður leikmaður en einnig harður í horn að taka og fastur fyrir. Skorar einnig reglulega bæði með skalla og vinstri fætinum. Ég hef sjálfur séð hann spila bæði “live” og í sjónvarpinu og hann er hörku varnarmaður. Það sem kom mér mest á óvart var hvað hann er ungur en spilar samt afslappað og með sjálfsöryggi.

Ég hugsa að þetta myndu verða mjög góð kaup. Deildin var að hefjast hérna í DK og Agger hefur spilað vel í vörninni hjá Brøndby. Hvort verðmiðinn myndi verða 4,5 mill. punda er líklega of lágt en hver veit.

Brøndby er búnir [neita þessum sögusögnum og segja þær skáldaðar uppúr engu](http://skysports.planetfootball.com/list.asp?hlid=300990&CPID=8&CLID=&lid=2&title=Danes+deny+Agger+talk&channel=football_home).

Ja hérna. Að undanförnu hefur verið fjallað talsvert um áhuga Man U á hægri bakverðinum brasilíska Cicinho. Demento hefur haft áhuga á honum í sumar og hann hefur m.a. komið til Manchester til að skoða aðstæður hjá liðinu.

Cicinho er hægri bakvörður og leikur með brasilíska landsliðinu í þeirri stöðu. Hann er þó líkt og Cafu og Roberto Carlos gríðarlega sókndjarfur. Flestir eru á því að Cicinho muni vera arftaki hægri bakvarðarstöðunnar hjá brasilíska landsliðinu og muni taka við því af Cafu, sem er orðinn 62 ára gamall.

Cicinho segir í [viðtali við Sky Sports](http://skysports.planetfootball.com/Article.asp?id=300603):

>”Manchester United are a great club that challenges for big trophies, but I have also heard Liverpool are now interested. “It’s a matter for my agents.

Ja hérna. Cicinho gæti verið virkilega góður kostur fyrir Rafa. Ég ætla ekki að þykjast fylgjast reglulega með brasilísku deildinni, en Cicinho var gríðarlega sterkur í Álfukeppninni í sumar og virkaði mjög vel á mig. Hann gæti bæði spilað í bakverðinum og líka á hægri kantinum vegna þess hversu sókndjarfur hann er. Reyndar hefur það talist hans helsti ókostur hversu sókndjarfur hann er, því hann á það til að gleyma varnarskyldunni. Cicinho er með ítalskt ríkisfang, þannig að það er ekki vandamál.

En samkeppnin um Cicinho verður auðvitað ekki auðveld. Juventus, AC Milan og Man U hafa öll verið orðuð við hann að undanförnu. En það verður virkilega spennandi að sjá hvort eitthvað gerist í þessu á næstu dögum.

Rafa [talar](http://www.liverpoolfc.tv/news/drilldown/N149724050819-1416.htm)

>”I read the Spanish press and I smile. They say we have made an offer for Michael Owen. We have not made an offer.

>”As I keep on saying, I want to sign a central defender and not a centre forward.”

Einnig sagðist hann ekki hafa áhuga á Nolberto Solano

Já, og svo er Rick Parry byrjaður að [skrifa vikulega pistla á LFC.tv](http://www.liverpoolfc.tv/news/drilldown/N149708050819-1238.htm). Það finnst mér einstök snilld.

Á meðan að Kristján Atli er að fá taugaáfall yfir því að [missa goðið sitt Djibril Cisse til Lyon](http://www.kop.is/gamalt/2005/08/18/00.58.59/), þá virðist Gerard Houllier hafa meiri áhuga á Milan Baros.

Chris Bascombe skrifar í Echo að [Lyon hafi boðið 8,5 milljónir punda í Milan Baros](http://icliverpool.icnetwork.co.uk/0500liverpoolfc/0100news/tm_objectid=15871067%26method=full%26siteid=50061%26headline=lyon%2ds%2d%2dpound%2d8%2d5m%2dbid%2dfor%2dbaros-name_page.html), sem er tveim milljónum meira en Aston Villa hefur boðið. Bascombe heldur því þó fram að Milan vilji heldur fara til Aston Villa.

Ef svo er, þá skil ég Milan ekki almennilega. Vill hann frekar fara til Aston Villa, sem munu ekki eiga sjens á Meistaradeildinni á næstu árum, eða til frönsku meistarana, sem leika í Meistaradeildinni á þessu ári og ábyggilega á næstu árum líka? Furðulegt mál ef rétt er.

Ókei, þannig að á morgun birtist eftirfarandi frétt í The Times: Benítez hreinsar út hjá sér til að rýma fyrir Michael Owen. Í fréttinni er því haldið fram að Liverpool hafi í kvöld boðið 12m punda í Michael Owen, með það í huga að borga 6m fyrirfram og restina á árlegum greiðslum. Þá er því einnig haldið fram að Rafa ætli sér að fjármagna þessi 12m punda kaup með sölunni á Milan Baros (sem virðist vera pottþétt núna) og Djibril Cissé.

Ég ætla að fara aðeins skipulega í þetta:

Matt Dickinson, sá er skrifar fréttina í The Times, er svokallaður ‘ghost writer’ fyrir Michael Owen. Þ.e.a.s., Owen skrifar reglulega í ákveðinn íþróttamannadálk í The Times, en í raun er það atvinnupenni sem fer yfir pistla Owens og stílfærir þá þannig að þeir séu prenthæfir. Eyðir út prentvillum og orðar hlutina betur og slíkt. Þetta er mjög algengt í dag, og því er fullljóst að Dickinson hefur sambönd við Michael Owen. Það gefur fréttinni um að Liverpool hafi boðið í M.O. talsvert vægi.

Michael Owen virðist vera á leiðinni til Anfield. Ég er þó svo var um mig að ég trúi því þegar ég sé það gerast, en það virðist nákvæmlega allt benda til þess að Michael Owen verði orðinn leikmaður Liverpool á næstu tveimur vikum. Ef svo er yrðu það bara góðar fréttir að mínu mati (já, ég skal fyrirgefa allt hið liðna) … eins lengi og það er ekki öllu umturnað fyrir hann.

Milan Baros er nánast örugglega farinn, en það er efni í annan pistil. Trúum þeim hluta fréttarinnar.

Djibril Cissé. Ókei, sko, ég skal trúa því sem spjallsíðurnar segja að Lyon hafi boðið í hann í kjölfar peninganna sem þeir eru að fá fyrir Mickael Essien. Við vitum að Houllier dýrkar Cissé og við vitum að þeir eiga peninga fyrir risaboði (risaboð: Houllier hlýtur að vita að LFC munu aldrei selja hann fyrir minna en við borguðum fyrir hann í fyrra). Hins vegar finnst mér ólíklegt að Lyon – sem eru í Meistaradeildinni – séu mjög áfjáðir í að fá Cissé þar sem hann hefur þegar spilað með okkur í forkeppninni og væri því “cup-tied”.

Þá er Rafa þekktur fyrir að vera framkvæmdarstjóri sem segir leikmönnum sínum hvað hann ætlast fyrir. Baros, miðað við ummælin um daginn, virðist vera með það á hreinu að dagar hans hjá Liverpool séu taldir. Cissé? Skoðið síðustu viðtöl við hann, eins og þetta hérna fyrir viku síðan. Finnst ykkur Cissé tala eins og leikmaður sem veit að hann verði mögulega seldur? Ég skal trúa því að Lyon bjóði í hann, ég skal trúa því að Houllier vilji fá hann, en að Rafa vilji selja hann til þess eins að fá annan leikmann með svipaða/sömu eiginleika? Það finnst mér fásinna.

Ég meina, með Owen vitum við hvað hann getur og hvað hann hefur fram að bjóða – og það er talsvert mikið, miðað við sögu hans. Hann getur boðið okkur frábæra kosti. En við eyddum 14m punda í Cissé sem hefur sagt og gert alla réttu hlutina eftir meiðslin sín. Cissé hefur verið sjóðheitur á undirbúningstímabilinu og ég verð hissa ef hann byrjar ekki inná og skorar fyrir okkur gegn Sunderland á laugardaginn. Þótt Rafa noti aðeins einn framherja á útivelli er ekki þar með sagt að hann geri slíkt hið sama heima, og Morientes og Cissé munu spila saman í framlínunni á laugardaginn n.k.

Ég veit að 99 af hverjum 100 Púllurum segja hiklaust JÁ við þeim möguleika að fá Michael Owen til baka. En ef sá böggull fylgdi skammrifi að Cissé þyrfti að víkja fyrir honum? Þá myndi ég hiklaust segja NEI … af því að þótt við vitum að Owen geti boðið okkur helling, þá vitum við ekkert hversu mikið Cissé getur boðið okkur, því það hefur ekki reynt á það fyllilega ennþá. Hann gæti orðið næsti Emile Heskey – valdið vonbrigðum – en hann gæti líka orðið okkar Thierry Henry. Owen fékk sinn tíma og kaus að fara, Cissé hefur einfaldlega unnið sér það inn að fá sinn tíma til að sanna sig.

Nú, hver veit … kannski var Dickinson þessi bara að leggja saman 2 og 2 og fá út 5 með þessari frétt. Kannski ætlar Rafa að selja Baros og kaupa Owen, en halda Cissé? Það þykir mér mikið líklegra … það kæmi mér allavega ekki á óvart þótt framlínan okkar samanstandi af Crouch, Morientes, Cissé og Owen eftir þrjár vikur (tveir langir, tveir snöggir = pottþétt blanda!)

Sjáum hvað setur. Það góða við þessa sápuóperu er að hún á bara 14 daga eftir ólifaða – eftir 2 vikur verður komin niðurstaða í þetta mál á einn eða annan veg. Og ég þori að veðja hægri fætinum að Cissé verður enn á Anfield eftir 2 vikur. :)

Liverpool er nú orðað sterklega við bosníska hægri kantmanninn hjá Bayern Munchen, Hasan Salihamidzic. Hann á tvö ár eftir af samningi sínum við Bayern og [Sky segja að Bayern gætu hugsanlega verið til í að selja hann til Liverpool](http://skysports.planetfootball.com/Article.asp?id=299304).

Hasan sjálfur segir aðspurður um þennan áhuga:

>”I have heard about interest from Liverpool and it is a great honour for me,”

>”But, of course, it is not up to me. It is up to the two clubs to decide.”

Þetta hljómar allavegana þokkalega jákvætt.

Ég verð að játa það að ég hef ekki fylgst með Hasan á síðasta ári, en mér hefur alltaf fundist hann virkilega góður leikmaður. Hann er núna á lang, lang, langbesta aldri (28!!!! – JEI! – ég á sko afmæli í dag) og ég held að hann ætti eftir að vera góður í ensku deildinni.

Allavegana í sömu frétt, þá orða Sky okkur einnig við Nolberto Solano. Sagan segir að Liverpool vilji fá hann sem hluta af kaupum Aston Villa á Milan Baros.

Í gær og í dag greina flest öll ensku blöðin frá því að Owen sé að koma aftur til Englands og það til Liverpool. The Times [segja](http://www.timesonline.co.uk/article/0,,428-1735787,00.html) m.a. frá því að Rick Parry muni hefja samningaviðræður við Real varðandi Owen og að kaupverðið sé um 12 milljónir punda.

Ég er persónulega á því að þótt hann kosti okkur aðeins meira en við seldum hann á fyrir ári síðan þá eigum við að fá hann aftur. Baros virðist 100% á leið frá okkur og þrátt fyrir að Rafa hafa ítrekað sagt að varnarmaður og hægri kantmaður séu aðalatriðið þá sleppir hann ekki möguleikanum á að fá Owen aftur.

Í gær var Owen sjálfur að spila gegn úrvalsliði Puskas í Ungverjalandi og að sjálfsögðu skoraði hann í 3-1 [sigri](http://news.bbc.co.uk/sport2/hi/football/europe/4151782.stm) Real Madrid.

**Uppfært (EÖE)**: Steven Gerrard er allavegana ekki í nokkrum vafa með það að hann vill sjá [Owen á Anfield](http://icliverpool.icnetwork.co.uk/0500liverpoolfc/0100news/tm_objectid=15859591%26method=full%26siteid=50061%26headline=missing%2dowen%2dwould%2dbe%2da%2dnightmare-name_page.html):

>”It goes without saying I would love Michael Owen back here and think everyone at the club would love him back,” Gerrard told the ECHO.

og

>”I’m waking up every morning, looking in the papers and hoping to read he’s on his way here. Could you imagine him coming back to Anfield and scoring against us for another club? It would be a nightmare.

>”Whoever signs him guarantees themselves 20 goals and, in my opinion, the best striker in the league.”

Þegar að Steven Gerrard kemur með svona yfirlýsingar, þá er **hlustað**. Það er nokkuð ljóst.

Times halda því fram að Liverpool [muni í næstu viku hefja tilraunir til þess að fá Michael Owen aftur til liðsins](http://www.timesonline.co.uk/article/0,,428-1733187,00.html).

>LIVERPOOL will make the first official moves towards re-signing Michael Owen next week after edging closer to the sale of Milan Baros

…

>The club’s top priorities, as spelt out by Benítez yesterday, are a centre half and a right winger but, after considerable encouragement from his board, the manager has clearly softened his stance over the forward he sold to Real for £8 million 12 months ago.

og

>But it is increasingly clear that Anfield is the forward’s most likely destination,

Jæja, þetta Owen mál fer að verða athyglisvert. Newcastle [hafa staðfest að þeir séu í viðræðum við Real Madrid um kaup á Michael Owen](http://news.bbc.co.uk/sport1/hi/football/default.stm).

Liverpool hefur forkaupsrétt á Owen, þannig að ef að Newcastle og Real koma sér saman um verð, þá verður Real að bjóða Liverpool að kaupa Owen á því verði áður en þeir geta selt Newcastle hann.

**Uppfært (EÖE)**: Real Madrid menn [hafa nú staðfest](http://soccernet.espn.go.com/headlinenews?id=338340&cc=5739) að Manchester United hafi líka haft samband við þá varðandi Owen.

Það er dálítið skrítið að þrátt fyrir að Rafa hafi viðurkennt að hann væri á eftir hægri kantmanni, þá hefur verið verulegur skortur á slúðri, sem hefur bendlað okkur við ákveðna leikmenn.

Jæja, Mail on Sunday (sjá [BBC Gossip](http://news.bbc.co.uk/sport1/hi/football/gossip_and_transfers/4128538.stm)) halda því fram að Liverpool muni í vikunni kaupa Stelios Giannakopoulos frá Bolton fyrir eina milljón punda.

Liverpool var auðvitað orðað við Stelios [fyrr í sumar](http://www.kop.is/gamalt/2005/06/26/13.40.04/), en ekkert varð úr þeim áhuga. Stelios viðurkenndi þó sjálfur fyrir nokkrum dögum að sá áhugi [frá Liverpool hefði verið raunverulegur](http://www.football365.com/news/story_158412.shtml). Stelios sagði:

> “I hope it will have a happy end so that I can relax. The stories about Liverpool were not speculation. It was a true situation. Liverpool wanted me and maybe they still want me. I have to know.”

>”The earlier you finish these situations the better it is for the player and for the fans. They keep asking ‘Is Stelios staying or going?’ and I don’t know the answer.

Bolton hafa enn áhyggjur af málefnum Stelios, þar sem hann á aðeins ár eftir af samningnum sínum við liðið og þeir hafa að sögn boðið honum tvöföld laun fyrir það að framlengja samninginn. Það verður allavegana spennandi að sjá hvort eitthvað meira gerist í þessu máli í vikunni.

Kannski er það bara ég, eeeeen…

Væri það ekki fyndið? Bara pínulítið fyndið að Michael Owen fór frá okkur í þeirri von að spila fyrir betra lið og vinna titla. 10 mánuðum eftir að hann fer frá okkur, þá vinnum við stærsta titil í heimi.

Og ári eftir að hann fer, þá yrði hann svo [seldur til Newcastle](http://news.bbc.co.uk/sport1/hi/football/teams/n/newcastle_united/4738361.stm).

Er þetta ekki pínu fyndið? Eða kannski bara sorglegt? Ég veit ekki.

Michael Owen á bara að vera í einum búningi. [Þessum hér](http://www.wldcup.com/pictures/2004_02/379_22503_0.jpg)

Já, og **EVERTON** hafa [áhuga á að kaupa Milan Baros](http://skysports.planetfootball.com/list.asp?hlid=296144&cpid=8&CLID=7&lid=&title=Toffees+join+Baros+hunt&channel=football_home). Has the world gone mad?

Echo halda því fram í dag að Sevilla hafi áhuga á [að kaupa Josemi til liðsins](http://icliverpool.icnetwork.co.uk/0500liverpoolfc/0100news/tm_objectid=15789579%26method=full%26siteid=50061%26headline=sevilla%2dpoised%2dto%2dmake%2dmove%2dto%2dsign%2djosemi-name_page.html).

Echo telja það möguleika að Liverpool reyni að nota Josemi sem beitu til að ná í Daniel Alves, hægri bakvörðinn hjá Sevilla. Alves er metinn á um 6 milljónir punda, en Josemi á tvær, þannig að Liverpool þyrfti að borga fjórar milljónir punda á milli.

Ég veit að lesendur þessarar síðu yrðu fegnir ef við fengjum poka fullan af boltum fyrir Josemi, þannig að það þýðir varla að spyrja hvort að menn yrðu sáttir við þessi skipti.

Já, og svo er [þessi frétt algjör snilld](http://icliverpool.icnetwork.co.uk/0500liverpoolfc/0100news/tm_objectid=15790759%26method=full%26siteid=50061%26headline=better%2dpecs%2dthan%2dbecks-name_page.html)

Sky Sports segja í dag að Schalke hafi boðið í Milan Baros og hugsi sér hann sem staðgengil fyrir hinn brasilíska Ailton, sem fór nýverið frá þeim til Besiktas í Tyrklandi.

Ég fékk heimildir fyrir þessu fyrir helgi og nú virðist það hafa verið staðfest. Ég verð að segja að þetta yrðu góð skipti fyrir Baros, þar sem Schalke er stórlið og í Meistaradeildinni, auk þess sem tékkneskum leikmönnum gengur jafnan vel í Þýskalandi. Baros gæti þarna verið #1, aðalmaðurinn í liðinu, sem myndi koma honum til góða fyrir HM 2006.

Það er eitthvað talað um möguleikann á að hann velji Aston Villa fram yfir Schalke, þar sem góðvinur hans Patrik Berger er þar á mála, en ég verð að segja að það kæmi mér óendanlega mikið á óvart ef Baros tæki miðlungslið sem er ekki í Evrópukeppni yfir höfuð, fram yfir lið sem er í titilbaráttu ár hvert í einni af sterkustu deildum Evrópu, og er í Meistaradeildinni. Og ekki einu sinni minnast á West Ham, ég held að jafnvel bjartsýnustu Hammarar myndu ekki reyna að ljúga því að sjálfum sér að Baros vilji spila fyrir nýliðana. Ekkert illa meint, en ef Baros býðst lið í Meistaradeildinni mun það ráða úrslitum fyrir hann.

Ég mun fylgjast spenntur með næstu daga/vikur. Ef Milan á að yfirgefa Liverpool vona ég að hann finni sér góðan klúbb, Schalke gæti vel orðið sá klúbbur.

Massimo Moratti, forseti Inter segir að liðið sé nálægt því að [tryggja sér bæði Luis Figo og Walter Samuel frá Real Madrid](http://sport.telegraph.co.uk/sport/main.jhtml?xml=/sport/2005/07/27/sfnliv27.xml&sSheet=/sport/2005/07/27/ixfooty.html).

Æ, ég nenni þessu ekki lengur. Setjum engar fleiri Figo fréttir hingað inn þangað til að hann skrifar undir hjá einhverju liði. Hljómar það ekki vel?

**Uppfært (EÖE) kl 18:59**: Jæja, Figo sjálfur hefur [talað](http://soccernet.espn.go.com/headlinenews?id=337728&cc=5739):

>’Things with Liverpool have stopped … but for me I’m happy that big clubs are interested in me. I just want to play football though,’

Ok, þá getum við lagt þetta mál til hliðar.

Jæja, ég kallaði þetta Figo mál ekki sápuóperu fyrir ekki neitt. Núna [segir Rick Parry að Figo sé enn möguleiki fyrir Liverpool](http://news.bbc.co.uk/sport1/hi/football/teams/l/liverpool/4717405.stm).

Blöð á Spáni halda því fram að þetta mál verði loksins klárað þegar að Figo kemur með Real Madrid frá Japan í þessari viku.

*Geisp!*

**Uppfært (EÖE)**: Sky segja [að það sé líklegast að Figo endi hjá Inter](http://skysports.planetfootball.com/list.asp?hlid=294354&cpid=21&CLID=&lid=2&title=Inter+lead+Figo+race&channel=football_home)

Aston Villa hafa boðið 5 milljónir punda í Milan Baros, en skilaboðin frá Liverpool eru [þau að Baros kosti 7 milljónir](http://icliverpool.icnetwork.co.uk/0500liverpoolfc/0100news/tm_objectid=15776701%26method=full%26siteid=50061%26headline=%2d7m%2dprice%2dtag%2don%2dbaros-name_page.html). Samkvæmt Echo hefur Rafa sagt Baros að hann megi fara.

Semsagt, Milan Baros og Peter Crouch eru jafnverðmætir í augum Liverpool manna. Djöfulsins andskotans kjaftæði. Liverpool á eftir að sjá eftir þessu, ég er 100% viss um það.

Ef að einhver er til, þá skal ég veðja að ef að Baros fer til Aston Villa, þá skorar hann fleiri mörk en okkar markahæsti maður á þessu tímabili. Ég hef einfaldlega bara svo miklu meiri trú á honum en Cisse, Morientes og Crouch. Þeim þremur er þó velkomið að sanna að ég hafi rangt fyrir mér.

**Uppfært (EÖE):** [Umboðsmaður Baros hefur nú sagt](http://news.bbc.co.uk/sport1/hi/football/teams/l/liverpool/4714053.stm) að Baros vilji vera áfram hjá liðinu og að hann verði áfram í að minnsta kosti fimm ár tvær vikur.

jæja, Milan Baros sirkusinn heldur áfram. Núna telja Echo menn að það sé möguleiki á því að Liverpool vilji [skipta við Deportivo La Coruna á Baros og portúgalska miðverðinum Jorge Andrade](http://icliverpool.icnetwork.co.uk/0500liverpoolfc/0100news/tm_objectid=15767168%26method=full%26siteid=50061%26headline=spaniards%2dmay%2dswap%2dandrade%2dfor%2dbaros-name_page.html).

Andrade er 27 ára gamall og spilar vanalega með Ricardo Carvalho í hjarta portúgölsku varnarinnar.

AS á Spáni halda því fram [að Sevilla hafi hafnað 6 milljón punda tilboði Liverpool](http://www.as.com/articulo.html?d_date=20050721&xref=20050721dasdaiftb_28&type=Tes&anchor=dasftb) í brasilíska bakvörðinn Daniel Alves. Sky Sports vitna í [frétt AS í sinni frétt um sama mál](http://skysports.planetfootball.com/Article.asp?id=293110).

Alves þessi á víst að hafa verið orðaður við Real Madrid og Juventus að undanförnu, en Sevilla er í ákveðnum vandræðum, þar sem liðið er með fjóra leikmenn, sem eru fæddir utan Evrópu, en mega bara nota þrjá. AS halda því fram að Sevilla búist við hærra tilboð frá Liverpool innan skamms. AS hefur þó ekki verið áreiðanlegasta blaðið hingað til.

YNWA halda því [fram á forsíðu](http://www.ynwa.tv/news/index.php?newsid=1951) að Luis Figo hafi skrifað undir samning við Liverpool og verði kynntur á mánudaginn.

YNWA setja ekki hluti á forsíðuna hjá sér nema að það sé frá *mjög* áreiðanlegum heimildum innan Anfield. En hins vegar þá hafa þeir líka klikkað. Ég ætla allavegana að bíða með að fagna þar til ég sé þetta á official síðunni.

**Uppfært (EÖE)**: YNWA hafa [viðurkennt](http://www.ynwa.tv/forum/index.php?showtopic=69439) að þetta hafi verið mistök hjá þeim. Ekkert hefur verið staðfest. Það verður þó að teljast líklegt að Figo komi til Liverpool, en hann er ennþá með Real Madrid í Bandaríkjunum. Vonandi að þetta skýrist snemma í næstu viku.

Sko, við erum búnir að kaupa fimm leikmenn nú þegar í sumar, og allt bendir til að Luis Figo verði sá sjötti. Við þetta bætist að vitað er að Rafa vill kaupa Gabriel Milito, og þá eru kaup sumarsins í nokkuð góðum málum. Þá er bara eftir að klára framherjamálin á einn eða annan hátt, og þá yrði ég sáttur við sumarið. Þegar ég segi klára framherjamálin, þá meina ég eftirfarandi:

1. Fernando Morientes og Djibril Cissé verða pottþétt áfram, og nokkuð örugglega líka a.m.k. tveir af þremur ungu leikmönnunum – Flo, TLT og Mellor.
2. Milan Baros á bara ár eftir af samningi sínum við Liverpool. Ef hann ætlar að vera áfram þarf hann að framlengja, svo við missum hann ekki frítt eftir HM næsta sumar.
3. Rafa hefur viðurkennt að vilja kaupa Peter Crouch, og er almennt talið að hann sé að bíða með að klára þau kaup áður en hann fer á fullt í að selja Milan Baros – hann vilji halda Baros þangað til hann fær manninn inn í staðinn, til að lenda ekki í sömu stöðu og í fyrra þar sem Michael Owen yfirgaf okkur þegar of lítill tími var eftir af leikmannaskiptaglugganum til að kaupa nýjan framherja í staðinn.

En í dag hafa áhugaverðar vangaveltur bæst við þetta, og sennilega frétt sem – ef sönn reynist – gæti haft áhrif á meira og minna allar áætlanir Rafael Benítez í framherjamálum: MICHAEL OWEN LANGAR HEIM, skv. Chris Bascombe hjá Liverpool Echo.

Bascombe er mjög áreiðanlegur, þannig að ef hann sér ástæðu til að slá þessu upp í ‘Exclusive’-frétt, þá er ljóst að það er eitthvað til í þessu. Spurningin er bara, hversu mikið?

Það hefur verið í gangi slúður undanfarið á spjallborðum og víðar, sem ég hef lesið en ekki viljað setja hér inn, þar sem það hefur eingöngu verið langsótt slúður hingað til. Einn spjallverjinn á YNWA.tv sagðist hafa séð Michael Owen og Rafa Benítez saman á veitingahúsi í Liverpool-borg, á meðan annar sagðist hafa heimildir fyrir því að Rafa væri að reyna að fá Owen að láni frá Real.

Og nú kemur fréttin sem breytir öllu. Skv. Bascombe er Owen – sem er mjög stoltur maður að eðlisfari og myndi aldrei viðurkenna fyrir opnum tjöldum að hann væri ósáttur við ákvörðun sína um að fara frá Liverpool – kominn með talsvert mikla heimþrá. Þá segir Bascombe einnig að í ljósi þess hversu spennandi tímar virðast vera í gangi á Anfield þessi síðustu misseri, og hversu björt framtíðin virðist, þá vilji Owen allt gera til að komast heim og taka þátt í ‘The Red Revival’.

Spurningarnar sem vakna í kjölfarið eru þrjár:

EITT: Vill Rafael Benítez fá Michael Owen aftur? Ef Rafa vill ekkert með hann hafa verður náttúrulega ekkert af þessu, en það slúður – sem nú hefur fengið aukið vægi – að þeir hafi sést að snæðingi saman í Liverpool-borg bendir til þess að Rafa sé allavega viljugur til að íhuga málin, og sjá hvað Michael hefur um málin að segja.

TVÖ: Peningar. M.ö.o., getum við keypt Michael Owen? Ég meina, ef 8 milljónir punda fyrir Crouch og/eða Kuyt er meira en Rafa er reiðubúinn að borga, og það er talið næsta víst að Real vilja fá meira en þær 8 milljónir sem þeir borguðu fyrir Owen, er þá nokkuð víst yfirhöfuð að við eigum nógan pening fyrir Owen? Bascombe minnist á möguleikann á lánssamningi í ár en segir það langsótt og ég er sammála því. Þannig að spurningin er, er Owen hreinlega ekki of dýr fyrir okkur eins og staðan er í dag?

ÞRJÚ: Peter Crouch. Segjum sem svo að Rafa fengi Owen, myndi það þýða að Crouch komi ekki eða myndi Rafa vilja fá bæði Owen og Crouch og láta Baros fara í staðinn?

Ég legg áherslu á það að þetta eru allt bara vangaveltur eins og er, og þangað til eitthvað meira kemur í ljós ætla ég ekki að tapa mér í draumórum. En ég held að það séu allir sammála mér í því að vilja sjá Owen koma heim á ný. Ég er ennþá reiður honum fyrir svikin í fyrra, og jú hann sveik okkur, en í kjölfar Gerrard-sápuóperunnar í síðustu viku hef ég endurskoðað málin. Leikmenn gera mistök, það er bara svo einfalt, og ef Owen sér eftir því að hafa farið frá Liverpool til Real finnst mér sjálfsagt að við fyrirgefum honum og bjóðum hann velkominn heim aftur eftir útlegð.

Morientes, Cissé, Baros, Owen … eða … Morientes, Cissé, Crouch, Owen? Mér væri í raun slétt sama hvor þeirra yrði hjá okkur – Crouch eða Baros – því að staðreyndin er sú að ef við myndum enda sumarinnkaupin árið 2005 með þeim Luis Figo og Michael Owen, þá væri ég orðinn yfirgengilega sáttur.

En ég endurtek: þetta er enn bara SLÚÐUR. Ég mun vona í leyni þangað til eitthvað meira heyrist, en þetta er bara slúður eins og er. Maður má samt alltaf láta sig dreyma um Morientes-Owen-Cissé framlínu gegn Chelsea! :)

Dave Usher á Liverpool Way [heldur því fram að John Welsh verði seldur](http://www.liverpoolway.co.uk/news/news16.htm) frá Liverpool ef ásættanlegt boð kemur í hann.

Talað er um að Liverpool vilji 1 milljón punda fyrir Welsh. Welsh var mjööög slappur í þeim leikjum, sem hann spilaði fyrir Liverpool og ég set stórt spurningamerki við það hvort hann sé nógu góður fyrir Úrvalsdeildina. Hann virðist allavegana ekki vera nógu góður fyrir Liverpool og með komu Sissoko, þá verða tækifærin fyrir hann sennilega mjög fá.

Athyglisverðir punktar í [grein í Echo í morgun](http://icliverpool.icnetwork.co.uk/0500liverpoolfc/0100news/tm_objectid=15722388%26method=full%26siteid=50061%26page=1%26headline=benitez%2dis%2dquick%2dto%2drule%2dout%2dtalk%2dof%2drift-name_page.html). Þar kemur í fyrsta lagi í ljós að Benitez er að íhuga að selja Antonio Nunez. Um það mál segir Rafa:

>”It depends on the offer. Vigo are one of the clubs that have been mentioned and we are trying to find a solution because he is a top-class player.”

Einnig segir blaðamaður í þessari grein:

>Benitez hopes to bring in three or four new players before the transfer window closes next month, but whether Luis Figo will be one of them is still unclear.

Bíddu, **þrír til fjórir**? Þannig að það hefur fjölgað í þessum hópi um einn. Þannig að nú ætlar Rafa sér að bæta við að minnsta kosti tveimur leikmönnum umfram Luis Figo. Gaman gaman!

Einsog [Stebbi](http://www.kop.is/gamalt/2005/07/09/17.02.24/#14971) minnist á í kommentum, þá heldur umboðsmaður William Gallas því fram við Sky Sports að [Liverpool hafi áhuga á að kaupa leikmanninn frá Chelsea](http://skysports.planetfootball.com/Article.asp?id=290640). Það er þó alveg óvíst hvort um mikinn áhuga sé að ræða. Umboðsmaðurinn segir eftirfarandi:

>”It’s true Liverpool and Barcelona have asked about William,”

>”But there is no concrete offer and Chelsea have not said they want to sell.”

Gallas væri auðvitað frábær kostur í miðvarðarstöðuna, en það er alveg óvíst hvort Chelsea vilji selja hann til liðs, sem það er að keppa við í ensku deildinni. Einnig ef ég á að vera alveg heiðarlegur, þá tel ég að Barcelona sé með lélegri miðverði en við, þannig að ef ég væri í sporum Gallas þá myndi mér lítast vel á Barca.

Einnig er athyglisvert að velta því fyrir sér ef áhugi Rafa á Gallas sé mikill, hvar hann sjái hann fyrir sér spila. Yrði hann valinn fram fyrir Hyypia? Eða myndi hann sjá fyrir sér að Hyypia gæti gagnast okkur betur í ákveðnum leikjum, þar sem að Gallas er til dæmis mun fljótari en Hyypia.

Sjáum hvað gerist.

Salif Diao er að fara frá Liverpool. Hann var ekki einu sinni á bekknum í leiknum í gær. Nú síðast [er hann orðaður við Sunderland](http://skysports.planetfootball.com/Article.asp?id=290663)

Skv. SkySports hafa Celta Vigo staðfest áhuga sinn á Antonio Núnez, og hafa einnig staðfest að þeir séu þegar komnir í viðræður við Liverpool um kaup og kjör á leikmanninum, sem virðist benda til þess að Rafa sé reiðubúinn að láta Núnez fara.

Ég persónulega yrði pínulítið svekktur yfir að missa hann strax í sumar. Mér fannst hann ávallt frekar harkalega gagnrýndur þegar hann hóf loks að leika fyrir okkur í vetur, fannst fólk aldrei taka nóg tillit til þess hvað meiðslin skemmdu mikið fyrir honum – nógu var erfitt að byrja í nýrri deild í nýju landi án þess að þurfa að byrja að spila sig í form í nóvember. Undir það síðasta fannst mér Núnez vera byrjaður að sýna hvað í honum bjó, hann átti t.d. góðan leik gegn Middlesbrough á heimavelli og eins gegn Chelsea í Meistaradeildinni, þar sem hann átti gríðarlega mikilvæga innkomu.

Annars verður maður bara að treysta Rafa. Núnez gæti orðið góður hjá okkur, en hann er enginn Luis Figo og ef Rafa er öruggur um að Figo komi til okkar er svo sem ekkert að því að leyfa Núnez að fara eitthvert þar sem hann fær að spila reglulega. García var jafnan fyrsti kostur í hægri kantinn hjá okkur á síðasta tímabili og nú eru komnir inn þeir Gonzalez og Zenden, sem geta báðir spilað á hægri kantinum ef þörf krefur. Ef Luis Figo bætist svo við þann pakka er auðvelt að sjá, af hverju Núnez væri betur staddur í minna liði í heimalandinu – eins og t.d. hjá nýliðum Celta Vigo – þar sem hann fengi að spila meira.

Oh jæja … ef Núnez fer og Figo kemur á næstu dögum verð ég sáttur við þau skipti, en ef Núnez fer og Figo-salan dettur upp fyrir fer ég að örvænta örlítið yfir skorti á hægri kantmönnum.

Sjáum hvað setur. Carra er allavega sammála mér með Figo… ;)

Það skrýtna við þetta Luis Figo mál er að ég finn ekkert á [Marca vefnum](http://www.marca.com) um þetta mál. Þeir eru vanalega fyrstir með Real Madrid fréttir og margir virðast vera að vitna í blaðið, en ég finn engar greinar. Er ég bara svona blindur?

Allavegana, á þessu flakki um Marca sá ég í þessari frétt [að Antonio Nunez](http://www.marca.com/edicion/noticia/0,2458,651251,00.html) er orðaður við Celta Vigo. Ef að Figo kemur til Liverpool, þá er sennilegt að Nunez fari frá liðinu. Ég er ekkert alltof æstur í að Nunez fari. Ég held að ef hann er sáttur við að sitja mikið á bekknum, að hann geti hjálpað okkur næsta vetur. Mér fannst hann oft á tíðum lofa góðu, þrátt fyrir að hann næði sér aldrei almennilega á strik í fyrra.

Allavegana, tvö af stóru blöðunum fjalla um þetta Figo mál í blöðunum á morgun.

Times: [Liverpool hit Real problem in bid for Figo](http://www.timesonline.co.uk/article/0,,27-1685951,00.html)
Independent: [Liverpool's Figo bid hits snag over £2m fee](http://sport.independent.co.uk/football/liverpool/article297598.ece).

Semsagt, inntakið er það sama. Það er að samkomulagið sem umboðsmaður Figo gerði við Madrid um að liðið léti hann frá sér ókeypis á semsagt *bara* að hafa gilt ef að hann færi til liðs, sem væri *ekki* að keppa við Real Madrid í Meistaradeildinni.

En það er ljóst að Figo vill fara til Liverpool og hann getur einfaldlega sagt við Real Madrid: “Annaðhvort leyfið mér að fara til L’Pool, eða ég þigg laun frá ykkur í eitt ár og held áfram að rífast við Luxemburgo.” Vonandi að þetta mál leysist á farsælan hátt.

Einnig er talað um Peter Crouch í Times greininni. Þar segir m.a.

>while the club are also expected to make an improved offer of £6.5 million to Southampton today (*föstudag*)for Peter Crouch. Harry Redknapp, the Southampton manager, is understood to have resigned himself to selling Crouch, but Rupert Lowe, the chairman, has insisted that the England forward will not leave for less than £8 million.

Ok, ég skal alveg reyna að segja sjálfum mér að Crouch geti verið góður kostur í vissum stöðum (hversu oft hefur Duncan fokking Ferguson ekki reddað Everton – Crouch gæti verið svipaður kostur af bekknum). En 8 milljónir punda? Þessir S’ton menn eru með eitthvað stórkoslegt mikilmennskubrjálæði. Jafnvel þótt að þetta verði “bara” 6,5 milljónir þá er alveg ljóst að Rafa hefur gríðarlega trú á Crouch. Við skulum vona að hann viti hvað hann er að gera. Eftir allt, þá gerði hann nú okkur að Evrópumeisturum, þannig að hann fær að njóta vafans.

Og svo segi ég bara Guði sé lof fyrir að El-Hadji Diouf er [ekki lengur okkar vandamál](http://news.bbc.co.uk/sport1/hi/football/africa/4661401.stm)

Jæja, ballið er byrjað. Independent, sem er nú virt blað [skrifar eftirfarandi](http://sport.independent.co.uk/football/liverpool/article297145.ece):

>After a turbulent day on Merseyside, Kenyon contacted Parry in an attempt to finalise a deal before Real Madrid enter a bidding war. But he may have to raise his offer to £35m before Liverpool consider parting with their prize asset. There is even the suggestion that Liverpool could demand a player as well as cash, with Damien Duff, William Gallas and Joe Cole possible targets.

Af þessum þrem, þá held ég að Joe Cole og William Gallas myndu gera mest gagn. Þeir tveir +25 milljónir væru að mínu mati nokkuð ásættanlegt verð fyrir Gerrard. Ég sé ekki jafnmikla þörf fyrir Duff, þar sem við erum nú þegar með Harry Kewell þarna á kantinum og Zenden og Riise geta leyst hann af. Hægri kanturinn er hins vegar veikari, með engan nema Garcia þar einsog stendur (nema að Figo komi seinna í vikunni). Gallas sér líka fram á að hann mun ekki fá jafnmörg tækifæri og í fyrra, þar sem að Chelsea hafa keypt Del Horno í vinstri bakvörðinn.

Annars grunar mig að Rafa renni frekar hýru auga til Juanfran og fleiri leikmanna hjá Real Madrid í skiptum fyrir Gerrard.

Rick Parry hefur [staðfest](http://news.bbc.co.uk/sport1/hi/football/teams/l/liverpool/4651003.stm) að Liverpool hafi hafnað 32 milljón punda tilboði í Steven Gerrard.

Í fyrsta lagi vilja Liverpool ekki selja. Og í öðru lagi, ef að Chelsea borguðu 26 milljónir fyrir Didier fokking Drogba, þá þurfa þeir að hækka þetta tilboð sitt.

Bara svona rétt undir lokin á þessum geðsjúka degi, þá hafa þeir hjá YNWA.tv birt tvær fréttir sem ég held að vert sé að taka mark á:

1. Steven Gerrard verður líklega kyrr hjá LFC. Skv. þessari frétt gekk neyðarfundur SG og þeirra Parry & Benítez á Melwood í kvöld vel og er búist við að umboðsmaður SG og/eða Rick Parry muni senda frá sér tilkynningu í fyrramálið þar sem tilkynnt verður að SG hafi framlengt samning sinn við LFC. Segir fréttin að Parry & Benítez hafi komið með samningstilboð að borðinu á fundinum áðan, þar sem fallist var á allar kröfur Gerrard, og því muni hann framlengja fullviss um að klúbburinn vilji allt gera til að halda honum.

2. Þeir 2-3 leikmenn sem LFC á eftir að kaupa áður en vikan er úti heita Gabriel MILITO, Peter CROUCH og Luis FIGO. Segir fréttin að Crouch og Milito séu frágengnir, og að samningar við Figo séu mjööög nálægt klárun og því hafi Rafa talað um 2-3 leikmenn í dag, þar sem Figo sé í 99% en ekki 100%.

Dagurinn í dag hefur verið martröð, annars vegar hörmung að sjá fréttir af brottför SG og hins vegar verið frábært að sjá Rafa tilkynna um fjóra keypta leikmenn. Ef annar vinnudagur vikunnar, þriðjudagur, hefst með því að SG framlengir samning sinn við Liverpool og vikunni síðan lýkur með því að Milito, Crouch og Figo skrifa undir hjá LFC … þá verð ég sáttur.

Tek það fram þó að þetta eru allt getgátur – þeir hjá YNWA.tv segjast hafa mjög áreiðanlegar heimildir fyrir báðum fréttum – og þangað til nokkuð fæst staðfest þá eru þetta bara getgátur.

Vonum samt hið besta. Roll on tomorrow!

Dave Usher, sem hefur nokkuð góð tengsl inná Anfield og skrifar aldrei neina vitleysu, [skrifar um Gerrard málið](http://forum.liverpoolway.co.uk/showthread.php?t=22829):

Þar segir m.a.

>He’s having a meeting with Parry and Benitez this afternoon. Basically, the club are trying to convince him that they desperately want him to stay, and they will agree to his contract demands.

>My feeling was that they wanted the money rather than him to stay, as from all that I’d heard it seemed to make sense. **However, it now seems that the biggest problem was complacency on Liverpool’s (Parry’s) behalf. They thought he wanted to stay, so there was no hurry.**

>Gerrard saw the delay as a sign they weren’t too keen on getting him tied down. Other things which happened suggested the same thing. All these things were used by certain people to make Gerrard think he was being forced out.

>**The ‘bust up’ with Benitez on Saturday never happened. SFX informed the papers it did.**

>There has been a lot of underhand things going on, from SFX (not Struan Marshall (*umboðsmaður Gerrard – innsk. EÖE*) though from what I’ve been told), Chelsea and Real Madrid, who have all manipulated this situation and twisted things which have or not happened to convince Gerrard that the club don’t want him.

>It is true that there is not much to spend, and if he stayed Rafa wouldn’t be able to get players he wanted, but Rafa and Parry are trying to convince him that he is their main priority.

>Gerrard himself is apparently all over the place. He’s being told so many different things from different people, that he doesn’t know what to think.

>Having heard some of the things that have gone on, I have to say I feel sorry for him as I can understand why he is so confused about it all.

>My stance on it all is that I really want him to stay, as I’m convinced deep down thats what he wants. It’d be a fucking crime if he left now, because this whole situation has been carefully manufactured by outside forces.

>I just hope Benitez and Parry can convince him that he’s being manipulated and that he belongs here.

Jammmm…

Megi skynsemin ráða ríkjum í þessu máli.

**Uppfært (EÖE) 18:51**: Jæja, Usher segir að fundurinn sé búinn og á sömu síðu skrifar hann þetta um fundinn.

>Apparently the meeting is over, and nothing has changed.

>He’s going to Chelsea unless there’s a dramatic turnaround (been here before haven’t we?).

og

>Chelsea have made a bid today, and he’s told some of his team-mates he’s going to London.

Ah for fecks sake!

Samt, þá verður að teljast ólíklegt að Chelsea hafi bara vippað upp tilboði svona 1,2 og bingó. Það er það, sem mér finnst ekki passa í þessari frásögn Usher. Það tekur lengri tíma að klára svona mál.

Ég NEITA að skrifa pistil um Gerrard þangað til að ég sé eitthvað staðfest. En við getum orðað það svo að Stevie er ekki að vinna sér inn mörg stig hjá mér þessa dagana. Það að fara í fyrra var skiljanlegt. Það að fara núna yrðu verstu svik leikmanns við þetta félag í sögunni.

**Uppfært (EÖE) kl 22.01**: Einsig Kiddi [benti á í ummælunum](http://www.kop.is/gamalt/2005/07/04/18.40.41/#14742), þá hefur Usher tekið tilbaka þau ummæli, sem hann hafði um það að Gerrard væri á leið til Chelsea. Usher segir eftirfarandi á sama þræði:

>Sorry about this folks, but I’ve now heard that the talks may have actually been quite positive. Some of the information I got before (the stuff about telling people he was going to London) was from before the meeting.

>His agent is supposed to me making a statement in the morning.

Einnig (einsog Halldór benti á í kommentunum), þá hafa YNWA menn nú slegið því upp á forsíðunni að [GERRARD VERÐI ÁFRAM HJÁ LIVERPOOL](http://ynwa.tv/news/index.php?newsid=1938). Nota bene, YNWA menn slá mjöööög sjaldan upp fréttum á forsíðunni og þegar það gerist, þá er það vanalega vegna þess að einhverjir með góð tengsl inná Anfield hafa talað.

Vonum það besta

Ja hérna. Þetta Steven Gerrard mál ætlar aftur að verða að einni allsherjar sápuóperu.

Semsagt, þá hafa Sky Sports [talað við umboðsmann](http://skysports.planetfootball.com/ARTICLE.ASP?ID=289261) Steven Gerrard, Struan Marshall. Hann segir:

>”Talks with Liverpool have stalled over a new contract for Steven Gerrard and **are unlikely to be reopened**

Ja hérna. Blaðamannafundurinn til að kynna Zenden og Reina verður haldinn klukkan 11.30 að íslensku tíma og verður sýndur beint á Sky News.

Ok, mjög líklega er þetta til þess fallið að fá hærri laun fyrir Gerrard, en samt, þá er ekkert voðalega skemmtilegt að lesa svona hluti.

**Uppfært (EÖE)**: [BBC tala um sama mál](http://news.bbc.co.uk/sport1/hi/football/teams/l/liverpool/4646695.stm). þetta er svo fáránlegt að það er ekki fyndið:

>BBC Sport understands Liverpool are surprised at the rate at which talks have broken down and claim that money is not an issue.

>…

>It has been suggested the Reds skipper is unhappy because they did not open talks as quickly as he had hoped.

Þegar þetta er sett upp svona, þá sér maður hversu fáránlegt þetta er. Þetta snýst EKKI um peninga. Gerrard vill vera áfram, Liverpool vilja hafa hann áfram.

Málið snýst um að Liverpool hafi ekki boðið fram nýjan samning **nógu fljótt**. Það er allt vandamálið!!! Eru menn alveg búnir að tapa glórunni?

Uppfært (Kristján Atli): Rafa lagði sín orð í púkkið á blaðamannafundinum hans Zenden áðan. Og ef ég á að vera hreinskilinn, þá lykta þessi orð hans af mikilli örvæntingu, sem segir okkur kannski best hversu alvarleg staðan er orðin. Hann sagði meðal annars þetta:

>”I renew my deal with Liverpool in four or five years and when I do I would like Stevie to be my next coach, assistant manager and maybe even the next manager after me. He can even have the chief scout position if he wants it.

>I want him to stay with the club. We are trying to build a better team and a better squad and I want Stevie to be a major part of that.

>Last season I tried to get Stevie to sign a new deal three times. On each occasion he said wait, so we waited.”

Viltu ekki bara bjóða honum konuna þína líka? Nei, í alvöru, þá eru þetta frekar örvæntingarfull ummæli hjá Rafa og ljái honum það hver sem vill. Það er augljóst að klúbburinn vill allt gera til að halda í Gerrard – sama hvað umboðsmenn hans segja – en einhverra hluta vegna virðist fyrirliðinn hafa misst trúna á því að Rafa vilji halda honum.

Hvað getur maður sagt? Ég er í hálfgerðu losti yfir þessum fréttum núna á mánudegi – helmingurinn af mér nennir varla að standa í þessari sápuóperu annað sumarið í röð, en hinn helmingurinn er brjálaður yfir þessari framvindu mála. Ég hugsa að ég muni bara bíða og sjá hvað kemur út úr þessum málum næstu daga.

Annars sagði Rafa fleira. Hann sagðist vera búinn að kaupa FJÓRA leikmenn, og að það eigi um 2-3 leikmenn í viðbót eftir að koma áður en tímabilið hefst. Þeir leikmenn sem hann staðfesti að við værum þegar búnir að kaupa eru: Boudewijn Zenden (kynntur í dag), José Reina (stóðst læknisskoðun í dag), Mark Gonzalez (á láni) og hinn ungi Antonio Barragan.

Hvaða 2-3 eru eftir? Hver veit? Og verða fleiri en 2-3 keyptir, ef Gerrard fer? Hver veit?

Úff, þetta verður sem sagt rosalegt sumar…

**Uppfært (EÖE) kl. 13.10**: Nokkrir fleiri punktar af blaðamannafundinum, sem [BBC vitna í](http://news.bbc.co.uk/sport1/hi/football/teams/l/liverpool/4646695.stm). Rafa Benitez segir:

>”**For anyone to make an issue of a delay of just a few days makes no sense.** When we met on Wednesday, things were fine.

>”We have wanted to keep Steven all along. **There has never been any suggestion we wanted to sell him. Money is not an issue.** There are no financial concerns regarding Steven’s contract so any suggestion to the contrary is wrong.”

Hvað er þá fokking vandamálið? Ég skil ekki þetta upphlaup hjá umboðsmanni Gerrard. Djöfulsins fábjánar upptil hópa þessir umboðsmenn.

Rafa heldur svo áfram:

>”This year we have spoken about trophies and we now have the most important one.

>”We have talked about improving the squad and having the best players. Now we have signed Zenden, perhaps Middlesbrough’s best player.

>”We are signing the **best keeper in Spain** (Jose Reina), the best winger in Chile (Mark Gonzales) and a young full-back from Seville (Antonio Barragan).

Ég legg til að Gerrard taki hausinn útúr rassinum á umboðsmanni sínum og hætti þessari vitleysu. Eða þá að pabbi hans tali vit í hausinn á Stevie líkt og hann gerði í fyrra. Þetta er svo fáránlegt að það hálfa væri nóg.

Ef að okkar næstbesti leikmaður fer útaf einhverju svona kjaftæði, þá verð ég brjálaður. BRJÁLAÐUR!

Jæja, breska íþróttapressan fjallar aðeins um eitt í dag: Steven Gerrard. Í viðbót við það, sem við fjölluðum um [í gær](http://www.kop.is/gamalt/2005/07/03/18.01.29/) hafa bæst margar greinar. [The Mirror rekja það](http://www.mirror.co.uk/sport/football/tm_objectid=15695751%26method=full%26siteid=94762%26headline=gerrard%2d%2d58%2d%2dit%2ds%2dall%2dover-name_page.html), sem *þeir* segja að hafi gerst á æfingu hjá Liverpool á laugardag:

>The straw that broke the camel’s back came when Gerrard – who has two years left on the deal he signed last summer after turning his back on Chelsea at the 11th hour – arrived to train on his own at Melwood on Saturday afternoon.

>Benitez, who had conversations with Gerrard on both Wednesday and Thursday, gave him permission to come in for a private session following Jamie Carragher’s wedding 24 hours earlier.

>But when the pair spoke for a third time as Gerrard arrived to train they became locked in an angry exchange that left the player furious and determined to quit and Benitez complaining that he is being used as a scapegoat to make the midfielder look as if he is being forced out.

>Benitez’ assistant Paco Esteban put a terse and unhappy Gerrard through his paces, while the manager’s mood was described by friends as “pessimistic” as a result of the row.

>The Spaniard believes he is being set up by Gerrard and his advisers at the SFX group, in particular agent Struan Marshall, who held talks with Parry on Wednesday and Thursday.

>Privately, the Liverpool boss is understood to be frustrated that Parry chose to go on holiday before sorting the problem out and putting an acceptable deal on the table, maintaining that he is not responsible for slowing things down.

Mikið er þetta nú allt saman bjánalegt. Ef að Gerrard er að fara, þá þarf enginn að segja mér að ástæðan fyrir því sé sú að samningaviðræðurnar hafi ekki klárast á nokkrum dögum, einsog ensku blöðin vilja láta í veðri vaka. Ef hann er að fara, þá er það vegna peninga, og þessi sirkus er þá skipulagður af umboðsmönnum hans til að láta hann líta betur út.

Echo fjalla lauslega um þetta mál, en greinin þeirra bætir í raun engu við (þeir eru ekki alveg eins mikið að tapa sér í æsifréttamennskunni): [Fresh Gerrard doubts as contract talks stall](http://icliverpool.icnetwork.co.uk/0500liverpoolfc/0100news/tm_objectid=15696564%26method=full%26siteid=50061%26headline=fresh%2dgerrard%2ddoubts%2das%2dcontract%2dtalks%2dstall-name_page.html).

Rauði þráðurinn í umfjölluninni núna virðist vera sá að Rafa vilji hafa Gerrard áfram og hafi haft áhyggjur af því að samningaviðræðurnar væru ekki farnar af stað. Einnig að Gerrard hafi verið viljugur til að setjast niður strax, sérstaklega þar sem að samningamál við Didi Hamann hafi verið kláruð á nokkrum dögum.

En sökudólgurinn samkvæmt öllum blöðunum í dag er Rick Parry, sem fór í sumarfrí áður en hann tók upp samningamál við Gerrard. *Samkvæmt blöðunum*, þá finnst Gerrard einsog menn hafi tekið sig sem sjálfsagðan hlut eftir yfirlýsingarnar í Istanbúl og að honum hafi sárnað að samið hafi verið við Hamann strax eftir leikinn, en beðið með samninginn sinn (sem er náttúrulega fáránlegt, því Gerrard á tvö ár eftir af samningnum sínum, en Didi var samningslaus.

Það, sem mér þykir þó skipta mestu máli í þessu er að samkvæmt öllum þessum greinum þá er þetta algjörlega stormur í vatnsglasi. Þessi brjáluðu vandamál, sem blöðin eru að skrifa, eru EKKERT sem ekki væri hægt að laga ef að menn myndu gleypa stoltið í fimm mínútur, setjast niður og klára þessi mál. Samningaviðræður enda oft í rifrildum, þar sem allir sitja fastir á sínu, en oft þarf ekki nema að róa sig niður og byrja að hugsa skýrt til að menn átti sig á málinu og setjist aftur niður.

Sá vægir sem vitið hefur meira, og ég treysti því að Rafa og Rick Parry klári þetta mál í rólegheitunum og semji við fyrirliðann okkar.

Þannig stendur þetta því núna. Ólíkt því, sem gerðist í fyrra þá er enginn í fjölmiðlabanni og því megum við eiga von á að þetta mál skýrist mun fyrr heldur en var í fyrra. Það er blaðamannafundur í dag, þar sem að Zenden og hugsanlega Reina verða kynntir. Þar má bóka það að flestar spurningarnar muni snúast um Gerrad.

Það verður allavegana einhver að koma fram og tala um þetta mál, annaðhvort Rafa, Rick Parry eða Gerrard sjálfur. Það gengur hreinlega ekki að láta okkur Liverpool aðdáendur ganga í gegnum sama fjölmiðlasirkusinn annað árið í röð.

• 
• “Jæja, ég er orðinn Evrópumeistari. Hins vegar hefur það tekið meira en 3 daga að skrifa undir nýjan samning, þannig að ég ætla að fara til Chelsea. Það er jú eina leiðin til að enska pressan láti mig í friði”.

Á ég að skrifa grein um allt Gerrard kjaftæðið? Á ég að hneykslast á því að Vísir lepji þetta upp eftir bresku slúður-pressunni og birti á [forsíðu](http://www.visir.is/?PageID=91&NewsID=46803)?

Á ég að nenna að kommenta á upphaflegu [fréttina](http://www.newsoftheworld.co.uk/story_pages/sport/sport2.shtml), sem allir fréttamiðlar hafa gleypt án allrar gagnrýni?

Nei, ég nenni því ekki. Aðallega vegna þess að þetta er ekki tíma okkar virði.

Má ég þó benda á nokkra punkta:

1 – Viðræður við Gerrard hófust síðastliðinn þriðjudag. Væri það ekki hreinasta sturlun að gefast upp á viðræðunum eftir þrjá daga, en upphaflega fréttin birtist á föstudag? *Jú, auðvitað væri það geðveiki!*

2 – Rafa hefur sagt ítrekað í viðtölum að hann ætli að byggja þetta Liverpool lið í kringum Gerrard, Xabi, Carra og fleiri. Af hverju í ósköpunum ætti hann svo á bakvið tjöldin að vera statt og stöðugt að vinna að því að fæla Gerrard í burtu, einsog þessi ónefndi heimildamaður NOTW heldur fram? **Af hverju**? Getur einhver skýrt það út fyrir mér á skynsamlegan hátt? Nei, ég efast um það. Enda er þetta kjaftæði.

3 – Uppáhaldskvótið mitt í þessari grein hjá NOTW:

>”There seems to be a propaganda campaign aimed at showing that Stevie is greedy and disloyal. Nothing could be further from the truth.

Áróðursherferð til að sýna að Stevie sé gráðugur og ótrúr??? Í alvöru? Af hverju höfum við, sem lesum ALLAR Liverpool fréttir, ekkert orðið var við þessa herferð? Ég hef ekki lesið eina grein, þar sem því hefur verið haldið fram að Gerrard sé gráðugur!

Allir, sem hafa tekið þátt í samningaviðræðum og eru sæmilega heilir í kollinum vita að samningar taka tíma. Jafnvel þótt allir séu sammála um flesta hluti. Það tekur alltaf tíma að sníða af alla vankanta í ferlinu.

Þetta er hins vegar frábært dæmi um fáránlega óþolinmæði fjölmiðla. Ef að samningaviðræður ganga ekki upp á þrem dögum, þá bara *hlýtur* allt að vera brjálað á bakvið tjöldin.

—

Æ, ég ætlaði ekki að eyða orðum í þetta, en þetta er bara svo mikið kjaftæði og það er óþolandi að íslenskir fjölmiðlar skuli apa þetta eftir og birta hjá sér nánast einsog um staðreyndir eða ábyrgar fréttir væri að ræða.

**Gerrard er ekki að fara neitt**. Við erum Evrópumeistarar for crying out loud. Rafa [vill](http://news.bbc.co.uk/sport1/hi/football/teams/l/liverpool/4646695.stm) hafa hann áfram. Gerrard vill vera áfram. Liverpool eru tilbúin að gera hann að launahæsta leikmanni allra tíma hjá félaginu. Það eru engin vandamál.

**Uppfært (Einar Örn)**: Sjá í kommentunum vísanir á mánudagspressuna. [Ekki beint upplífgandi](http://www.kop.is/gamalt/2005/07/03/18.01.29/#14708).

Athyglisverðir punktar í [frétt hjá The Times](http://www.timesonline.co.uk/article/0,,27-1674558,00.html), sem er nú með virtari blöðum á Englandi og slær vanalega ekki upp neinni vitleysu.

>Rafael Benítez, the manager, has a strong interest in Juanfran, the young Real Madrid winger — and has not ruled out the prospect of a move for Luis Figo, his more celebrated team-mate — **but at least four new signings are expected at Anfield before next Wednesday’s registration deadline** for the Champions League first qualifying-round tie against Total Network Solutions, the Welsh champions. At least one of those deals, the £6 million signing of José Manuel Reina, the Villarreal goalkeeper, should be confirmed tomorrow, with Boudewijn Zenden likely to follow from Middlesbrough next week.

**Fjórir nýjir leikmenn fyrir næsta miðvikudag!**

Menn virðast vera pottþéttir á að Reina og Zenden séu orðnir öruggir. Ok!

En þá vantar tvo í viðbót. Hverjir skyldu það vera? Figo og Juanfran? Stelios og Figo? Juanfran og Kuyt? Luque, Milito… HVER?

Það er kannski dálítið skrítið, en ég var verulega feginn þegar ég las þessa frétt: [Madrid dismiss Owen exit rumours](http://news.bbc.co.uk/sport1/hi/football/europe/4636173.stm).

Arrigo Sacchi hefur neitað því að Michael Owen sé til sölu og segist ekki hafa fengið tilboð frá Chelsea. Þar sem það virtist vera nokkuð ljóst að Liverpool hafði ekki hug á að blanda sér í baráttuna um Owen, þá fannst mér það vera besta staðan að hann myndi halda áfram hjá Real Madrid.

Það er svona rétt þolanlegt að sjá Owen hjá Real (myndi náttúrulega frekar vilja hafa hann hjá Barca), en það yrði óbærilegt að sjá hann spila fyrir Chelsea, Man U eða Arsenal.

YNWA.tv menn [halda því fram](http://www.ynwa.tv/forum/index.php?showtopic=67767&st=0) að bæði Luis Figo og Zenden muni skrifa undir samning hjá Liverpool. Þeir segja að þetta sé staðfest, en þeir vilji fá staðfestingu frá öðrum aðila til að setja þetta sem frétt á forsíðuna.

jammmmmm…

Echo hefur nokkra [punkta eftir Rick Parry](http://icliverpool.icnetwork.co.uk/0500liverpoolfc/0100news/tm_objectid=15675100%26method=full%26siteid=50061%26headline=it%2ds%2dno%2dgo%2dfigo%2d%2d%2dreds-name_page.html) varðandi leikmannakaup:

Luis Figo: Möguleiki ef hann lækkar launakröfur
Dirk Kuyt: Of dýr
Peter Crouch: Of dýr
Sidney Govou: Mjög ólíklegt.
Jose Reina: Pottþétt.

Reyndar er greinin sambland af orðum Parry og blaðamanns, en þetta var meginmálið.

Umboðsmaður vinstri bakvarðarins Patrice Evra [hefur staðfest](http://skysports.planetfootball.com/list.asp?hlid=287582&cpid=24&CLID=14&lid=&title=Evra+set+to+stay&channel=premiership) að hann verði áfram hjá Monaco í það minnsta eitt tímabil.

Umboðsmaðurinn segir að Liverpool hafi boðið í leikmanninn peninga+leikmenn, en Monaco hafi ekki haft áhuga. Þá er spurningin hvort Rafa muni leita að öðrum vinstri bakverði, eða hvort hann sé sáttur við Riise/Traore.

Ég verð að játa að þrátt fyrir að þeir báðir hafi leikið vel á síðasta tímabili, þá held ég að þetta sé staða, sem við þurfum að styrkja fyrir næsta tímabil.

Jæja, þá er loksins eitthvað að frétta. Sky Sports [segja að Liverpool hafi boðið Bolton 1,2 milljón punda](http://skysports.planetfootball.com/Article.asp?id=287490) í kantmanninn Stelios Giannakopoulos.

Við höfum heyrt óljósar fregnir af áhuga Liverpool á þessum leikmanni, en núna herma fregnir frá Grikklandi víst að Liverpool hafi boðið í hann. Stelios á ár eftir af samningi sínum við Bolton.

Fyrir nokkrum vikum [hélt Stelios því fram](http://www.clubcall.com/vsite/vcontent/content/transnews/0,10869,5034-143501-19728-27811-174240-11681-5024-layout104-160717-news-item,00.html) að Liverpool hefðu áhuga á honum. Hann hefur þó lítið tjáð sig um áhuga liðsins, enda hefur ekkert fast legið á borðinu. Kannski þangað til núna.

Stelios var einn allra besti maður Bolton liðsins í fyrra og skoraði 7 mörk í ensku deildinni. Luis Garcia er eini miðjumaðurinn hjá Liverpool, sem skoraði fleiri mörk í deildinni en hinn þrítugi Grikki.

Stelios er alls ekkert risa nafn í boltanum, en eru þetta svo vitlaus kaup? Ég hef ekki séð nóg af Bolton í vetur til að dæma hann, en af þeim leikjum, sem ég sá með því liði þá var hann svo sannarlega einn besti maður liðsins. Það er spurning hvort það tímabil hafi verið einstakt hjá honum. Stelios hefur til að mynda ekki verið fastamaður í gríska landsliðinu.

Rúm milljón pund fyrir leikmann, sem hefur staðið sig vel í enska boltanum, er ekki svo mikill peningur. Ég held að Rafa hugsi Stelios alls ekki sem lykilmann í liðinu, en hann myndi sannarlega auka við breiddina í hópnum og hann myndi bjóða uppá nýja vídd þegar liðið þarf að sækja. Miðað við frammistöðu Stelios á síðasta tímabili hjá Bolton þá tel ég allavegana að hann sé muuuun betri kostur til að hafa á bekknum en til dæmis menn einsog Vladimir Smicer.

En það verður athyglisvert að fylgjast með því hvort eitthvað sé til í þessum sögum.

Skrýtnasta frétt ársins. Ekki spurning, og ef satt reynist þá gæti það orðið einhver skrýtnasti leikur í sögu Liverpool FC.

Um hvað er ég að tala? Jú, frétt á opinberu síðunni segir að Ian Rush GÆTI spilað með Total Network Solutions gegn Liverpool í forkeppni Meistaradeildarinnar!

Sagan er víst sú að framkvæmdarstjóri TNS og Rushie eru víst góðir vinir, og framkvæmdarstjórinn lét hafa eftir sér að hann ætlar að reyna að plata goðsögnina til að spila þennan leik. Það myndi hjálpa TNS að stórauka áhugann á þessum leikjum, sem myndi þýða meiri athygli og pening fyrir TNS. Einnig held ég að það hljóti að kitla bæði Rushie og alla Liverpool-stuðningsmenn að sjá þessa hetju stilla sér upp einu sinni enn á Anfield … þótt það sé gegn Liverpool.

Rushie er 43ja ára í dag, og það eru níu ár síðan hann lék síðast fyrir Liverpool (í úrslitaleik FA bikarsins á Wembley, þar sem Cantona vann okkur 1-0). Hann lék í einhver tvö-þrjú tímabil eftir það en hætti svo loks og hóf að snúa sér að þjálfun og slíkum málum. Í fyrra gekk hann til liðs við þjálfaralið Gérard Houllier hjá Liverpool í örvæntingarfullri tilraun til að kenna Emile Heskey að skora mörk á ný (í alvöru, ekkert djók) og svo tók hann við framkvæmdarstjórastarfinu hjá Chester City – liðinu sem hann hóf feril sinn sem leikmaður með. Það samstarf stóð þó stutt, hann sagði af sér á síðasta ári vegna ágreinings.

Nú, á vormánuðunum stóð meistari Jason McAteer fyrir góðgerðarleik fyrir fórnarlömb flóðbylgjunnar í Asíu á annan í jólum, og þar tók Rushie þátt ásamt mörgum öðrum stórstjörnum. Á meðan Kenny Dalglish var gamall og John Barnes þybbinn sást vel í þeim leik (sem menn geta sótt á eSeason á .tv-síðunni) að Rushie er enn í fantaformi og hafði greinilega litlu gleymt fyrir framan markið. Þannig að þótt hann sé 43ja ára gamall er ekkert svo langsótt að hann geti spilað a.m.k. 70 mínútur í leik, tvo leiki í viðbót.

Þetta væri náttúrulega aldrei spurning um að fá hann til að hjálpa TNS til að vinna Liverpool. Ég held að TNS-menn átti sig á því að þeir eiga lítinn sem engan séns gegn Evrópumeisturunum … þetta væri meira bara gaman að sjá Rushie spila gegn núverandi hetjum. Ég væri allavega til í að sjá Carra reyna að dekka Rushie í 90 mínútur. Það yrði, eins og ég sagði, eitthvert skrýtnasta kvöld í sögu Liverpool að horfa á tvær goðsagnir frá tveimur kynslóðum Liverpool-hetja takast á í Evrópukeppni Meistaraliða … :confused:

Fréttaþurrð síðustu þriggja vikna er búin að vera gjörsamlega fáránleg! Það þarf bara að líta á skrif okkar Einars í júní í fyrra til að bera saman og sjá, sem er, hversu ótrúlega lítið af leikmannaslúðri hefur verið í gangi það sem af er sumri.

Þannig að ég vona að þið skiljið að ég er orðinn örvæntingarfullur að finna eitthvað, bara eitthvað, sem gæti talist líklegt. Þannig að ég skellti mér á hollenska íþróttamiðla og – þar sem ég tala enga hollensku – fékk hjálp frænku minnar til að þýða það sem stóð í þessari frétt: Liverpool wil Kuijt voor 10 miljoen plus Dudek!

Þarna stendur í grunndráttum að Rick Parry sé búinn að hitta Dirk Kuijt og komast að samkomulagi við hann, auk þess sem búið sé að járna út flestalla hluti á milli liðanna tveggja, Feyenoord og Liverpool. Það eina sem er eftir, skv. þessari hollensku frétt, er að sættast á kaupverð. Feyenoord vilja víst fá 15m Evrur fyrir kappann en Liverpool eru bara tilbúnir að borga 10m.

Til að hjálpa samningunum í höfn eru Parry og Benítez hins vegar tilbúnir að láta Jerzy Dudek og a.m.k. einn ungan leikmann (líklegast Tony Le Tallec, mín ágiskun) fylgja með 10 millunum og vonast þeir til að Feyenoord samþykki það tilboð fyrir helgina, svo hægt sé að klára kaupin áður en Rafa og leikmennirnir hefja undirbúningstímabilið á mánudaginn n.k.

Þessi frétt er reyndar frá 17. júní sl., föstudeginum síðasta, og því ljóst að margt vatn hlýtur að hafa runnið til sjávar síðan þessar upplýsingar láku í hollenska fjölmiðla. Og auðvitað gæti maður táknað það að við höfum ekkert frekar heyrt, sem tákn um að illa hafi gengið að semja við Feyenoord. En við vonum það besta. :)

Hvað meira getur maður sagt? Það er fokið í flest skjól ef ég er farinn að redda þýðendum fyrir mig til að komast í meira slúður af Liverpool! :p

Ég vona hins vegar að af þessum kaupum verði – ef Reina er að koma í markið er líklega best að Dudek fái að fara hvort eð er – og þótt Le Tallec sé enn hörkuefnilegur þá held ég að Rafa hafi ekki fulla trú á honum og því sé kannski betra að hann fái að fara líka.

Mig langar bara í Dirk Kuijt (eða Kuyt, eftir því hvaða fréttamiðla maður les). Mig dreplangar að sjá þennan leikmann í Rauðu Treyjunni okkar, fallegasta búningi í heimi! Ég er sannfærður um að hann myndi reynast okkur miklu, miklu betri kostur en Peter Crouch!

Slúður, gjörið svo vel. Þetta er kannski langsótt, en þetta er þó eitthvað. Vonandi líður ekki önnur eins gúrkutíðarvika eins og sú síðasta hefur verið … ég mun sennilega fara yfirum og byrja að naga hnén á mér ef, næsta miðvikudag, við verðum ekki enn búnir að kaupa einn einasta helvítis leikmann!

p.s.
Annars las ég það eftir einum á spjallborði YNWA.tv að þegar væri búið að ganga frá kaupunum á Reina, Milito og Zenden og væri bara beðið þangað til í næstu viku, þegar æfingar hefjast og Milito er laus úr Álfukeppninni, með að halda fréttamannafund og kynna þá þrjá. Það yrði fín tilbreyting frá undanförnum vikum – þrír kynntir á einu bretti! :)

Uppfært (Kristján Atli): Var að finna aðra frétt FRÁ ÞVÍ Í DAG á sama miðli. Þessi segir að allt sé frágengið og Kuijt muni fara til Liverpool um leið og Feyenoord ákveða hvort þeir vilji 10 milljónir Evra + Dudek eða bara 10 milljónir Evra. Sem sagt, vantar þá markvörð eða ekki?

En allavega … skv. hollenskum fjölmiðlum virðist vera orðið déskoti líklegt að Kuijt verði orðinn Liverpool-leikmaður áður en júnímánuður er úti. Hversu mikil snilld yrði það?!?!?

Ólafur Teitur (Liverpool maður), sem vinnur við að gagnrýna íslenska fjölmiðla í Viðskiptablaðinu, gæti eflaust skrifað 20 pistla á dag um marklaust slúður í enskum og spænskum fjölmiðlum. Það er hreinlega með ólíkindum að fara í gegnum þessa fjölmiðla þegar lítið er að gerast, því menn hika ekki við að skálda alls konar vitleysu.

Sunday Times eru með ágætis grein í dag: [The top 10 footballers and their holidays from hell](http://www.timesonline.co.uk/article/0,,2094-1659981,00.html). Getiði hver er þar efstur á lista. Jú, auðvitað Steven Gerrard.

Eftir að hafa lyft stærstu verðlaunum í evrópskum fótbolta, þá kom Gerrard fram í blöðum og sjónvarpi og [sagðist ekki getað hugsað sér að fara frá Liverpool](http://www.liverpoolfc.tv/news/drilldown/N149092050613-1442.htm).

Gerrard fer svo í verðskuldað frí til Ibiza. Þegar hann labbar á ströndinni hittir hann Guti, leikmann Real Madrid. Á þessari sömu stundu er verið að taka viðtal við Guti. Blaðamaður biður þá um að pósa saman á mynd og Gerrard nennir ekki að vera með leiðindi, svo hann gerir það. Næsta dag er þessi mynd svo birt á forsíðu Marca með fyrirsögninni “Gerrard, te vienes?” eða Gerrard, ertu að koma – og svo í framhaldinu verða spænskir fjölmiðlar alveg kolbilaðir af allskyns sögusögnum, sem ENGINN hefur staðfest.

Það er aðalástæðan fyrir því að við Kristján höfum ekki nennt að fjalla um þetta. Það, sem skiptir máli í þessu er að Gerrard VILL vera áfram hjá Liverpool og Liverpool HAFA SAGT að þeir vilji semja við hann. Hitt er bara leikur hjá spænskum blöðum til að selja fleiri blöð.

Svo koma svona gimp einsog Koptalk fíflið og beinlínis ljúga að fólki. Sjá til dæmis þessa fyrirsögn, sem er með þeim vinsælustu á NewsNow: [Gerrard to Real Madrid a done thing claim Spanish media](http://www.koptalk.org/forums/showflat.php/Cat/0/Number/483085/page/0/view/collapsed/sb/5/o/all/fpart/1). Þar segir:

>Diario AS are even claiming that Liverpool have agreed a fee of 45million Euros (£30million) plus three Real Madrid reservists – central defender Alvaro Arbeloa, midfielder Javi Garcia and forward Ruben de la Red.

Þetta er LYGI!

Það þarf ekki annað en að fara og finna upphaflegu greinina á vegnum hjá AS. Hún heitir einfaldlega: [EL MADRID SE TOMA A BROMA LOS 45 MILLONES](http://www.as.com/articulo.html?d_date=&xref=20050619dasdaiftb_18&type=Tes&anchor=dasftbA00). Fyrir þá, sem kunna ekki spænsku þá þýðir fyrirsögnin: “Madrid finnst 45 milljónir vera brandari”. Undirfyrirsögnin er svo að þeir telji að allir ungu leikmennirnir þrír séu það efnilegir að Real Madrid telji að hver og einn hafi möguleika á að verða jafnvel enn betri en Steven Gerrard í framtíðinni.

Svo kemur það fram sem svona smá neðanmál í greinni að það er actually vitnað í Rafa Benitez. Hvað *segir Rafa Benitez, framkvæmdastjóri Liverpool og sá sem ræður málum*? Jú:

>No soy partidario de venderlo y estamos haciendo un gran equipo en torno a él porque queremos que sea el capitán más laureado de la historia del Liverpool. Y sé que él tiene el mismo deseo porque lo hemos hablado. Gerrard es una pieza clave para nosotros y por eso no nos hemos planteado desprendernos de

Lauslega þýtt: “Ég er EKKI hlynntur því að selja hann (Gerrard). Við erum að búa til frábært lið í kringum hann því við viljum að hann verði mest verðlaunaði fyrirliði Liverpool í sögu liðsins. Og ÉG VEIT að hann er á sömu skoðun vegna þess að ÉG HEF TALAÐ VIÐ HANN. Gerrard er lykilmaður fyrir okkur og því höfum við EKKI hugsað okkur að selja hann”.

(hástafir mínir)

Þurfum við því að ræða þetta eitthvað frekar? Heldur einhver virkilega að Rafa Benitez komi fram í spænskum fjölmiðlum með svona yfirlýsingar en sé á meðan að faxa einhvern óskalista til Real Madrid með þeim mönnum, sem hann vilji sjá í skiptum fyrir Gerrard? Þetta er svo mikil vitleysa að það er ekki einu sinni fyndið.

Til að sýna svo betur alla geðveikina á bakvið þessa blessuðu mynd, þá hafa menn líka nýtt sér hana til að skapa aðrar sögur. Ég veit að þetta er nú ekki ábyrgasti fréttamiðillinn á netinu, en LFC Online birtir þessa frétt: [Guti wants to play alongside Gerrard](http://www.lfconline.com/news/loadnews.asp?cid=TMNW&id=226620)

Frábært!

Neeeeema að Guti hefur ALDREI sagst vilja spila með Gerrard hjá Liverpool. Það eina, sem menn hafa fyrir sér í þessu er að þeir tveir heilsuðust á Ibiza. *Hins vegar*, þá hefur Guti haldið því fram að [hann vilji spila í enska boltanum](http://news.bbc.co.uk/sport1/hi/football/europe/4102830.stm). BBC hefur þar eftir honum:

>There is nothing concrete, but I have always said that if I left Madrid, I would like to play in England. The English league is ideal.

Þegar hann er svo spurður um áhuga Liverpool, AC Milan og Arsenal, þá segir hann:

>”I am proud that clubs like that, all of them big clubs, could be thinking about me”

Þarna kemur hins vegar ekkert fram hvort hann vilji spila fyrir þessa klúbba, heldur einungis að hann sé stoltur að vera orðaður við þessi lið. Eina sérstaka tenginin, sem Guti hefur við Liverpool er einmitt þetta handaband á Ibiza.

Það að heilsa manni á Ibiza segir bara ekki nokkurn skapaðan hlut. Kristján Atli [heilsaði einu sinni Luis Figo](http://www.kop.is/gamalt/2005/04/28/11.07.06/), en það þýðir EKKI, *ég endurtek* **EKKI** að Figo muni spila með FH á næsta tímabili.

Greyið umboðsmaður Jose Reina. Hann rembist við að [koma í viðtöl í fjölmiðlum](http://skysports.planetfootball.com/list.asp?hlid=284825&CPID=8&CLID=14&lid=&title=Gunners+in+Reina+frame&channel=Premiership) til að reyna að halda því fram að framtíð Reina sé óviss og að mörg lið komi til greina.

Það kann vel að vera að mörg lið vilji fá Reina, en það er alveg ljóst hvert Reina langar á næsta tímabili. Hann var einmitt í [viðtali á Sky](http://skysports.planetfootball.com/Article.asp?id=285236). Þar segir hann m.a.

>”I know British stadiums from my time with Barcelona and Villarreal. The atmospheres are phenomenal and incredible. My first match at Anfield will be very emotional.

>”Benitez is an excellent coach and I’m convinced that the club’s Spanish players do not get special privileges. It will be terrific to play alongside Xabi Alonso and Luis Garcia.”

Jájá, umboðsmaður Reina má tala eins mikið og hann vill. Það er þó alveg ljóst hvar hugur Jose liggur. Enda hefur hann greinilega góðan smekk

Svo virðist sem ein fyrstu “kaup” sumarsins muni ganga í gegn fljótlega. Hins vegar, þá er útlit fyrir að það verði ekki José Reina, markvörður Villareal, þar sem Arsenal ætla að berjast við okkur um undirskrift kauða. Því er talið líklegt að fyrstu kaup sumarsins verði tvítugur kantmaður frá Chile. Sá heitir Mark Gonzalez Hoffman (flott nafn) og spilar fyrir Albacete á Spáni. Hann er víst hægri kantmaður, en þó virðast menn ekki alveg vera vissir.

Ég hef horft svona tvisvar á leik með Albacete í vetur (gegn Real og Barca) og ég tók ekkert eftir þessum strák. Í fyrra skiptið, gegn Real, fór hann alveg framhjá mér, og í seinna skiptið – gegn Barca í lokaumferðunum – ætlaði ég að fylgjast með honum, þar sem þá var búið að orða hann við okkur, en þá var hann orðinn meiddur.

Fregnir herma að Rafa hafi verið búinn að semja um allt sem varðar þennan strák – kaupverð, laun, o.sv.frv. – og hafi bara átt eftir að skrifa undir þegar hann meiddist í 4. síðustu umferð deildarinnar. Hann meiddist á hné, ekkert ósvipað Flo-Po gegn Watford skilst mér, og var talið að hann yrði frá út árið 2005. Því virtist um tíma sem þessi kaup hefðu gengið fyrir ofan garð og neðan.

Nú hefur hins vegar annað komið á daginn. Í anda Djibril Cissé hefur kauði þegar jafnað sig framar vonum, og er nú talið að hann geti verið orðinn leikfær aftur í október á þessu ári, a.m.k. tveimur mánuðum á undan áætlun. Og Rafa virðist hafa brennandi áhuga á kauða, þar sem nú er verið að tala um að hann ætli samt að kaupa hann – en með aðeins breyttum forsendum.

Liverpool Echo töluðu um þennan díl undir lokin á frétt um Figo um síðustu helgi:

>The deals nearest completion so far are the much publicised swoop for Villarreal keeper Jose Reina for £6m, and the purchase of Albacete’s 20-year-old winger Mark Gonzalez, most likely on an initial year loan while he recovers from cruciate knee surgery.

Þetta virðist nú vera mjög líkleg niðurstaða í þessu máli; að Gonzalez verði lánaður til okkar í ár á meðan hann nær sér af meiðslunum og sannar sig fyrir Rafa. Ef það tekst munum við nýta okkur klausu í lánssamningnum og kaupa hann á fyrirfram ákveðnu verði, sem þýðir að verðið er ákveðið nú þegar og þeir geta ekki beðið um meira fyrir hann þótt hann reynist vera næsti Ronaldinho í vetur hjá Liverpool.

Hins vegar, þá munum við geta einfaldlega skilað honum án endurgjalds ef hann finnur sig engan veginn fyrir Liverpool. Þannig að mér líst vel á þennan samning, þótt hann sé meiddur þá er hann tvítugur landsliðsmaður og Rafa virðist hafa trú á honum. Eins og ég sagði, þá hef ég ekki séð hann spila og veit því ekkert um getu kauða, en mér skilst að hann sé álíka fljótur og Cissé, sem getur ekki mögulega verið slæmt. ;)

Að lokum, þá langar mig að hylla einn uppáhalds Liverpool-leikmanninn minn: Jamie Redknapp! Þessi mikli snillingur, sem var sennilega besti miðjumaður í Englandi á tímabili um miðjan síðasta áratug – áður en meiðsli settu varanlegt strik í reikninginn – er sagður vera við það að leggja skóna á hilluna, enda sennilega orðinn frekar þreyttur á að ná aldrei að spila nema 4-5 leiki í röð áður en hann meiðist aftur.

Mér finnst ávallt sorglegt að hugsa til þess hvað Redknapp hefði getað orðið svakalega góður. Eins góður og hann var upp á sitt besta, og hann var virkilega súpergóður – fyrirliði Liverpool og leiðtogi á velli – þá hefðu sennilega engin bönd haldið honum ef ekki hefði verið fyrir meiðslin. Ég man eftir að sjá hann spila gegn Man U á Anfield í desember ’97, þegar David Beckham-æðið var að brjótast út, og ég man að ég hugsaði með mér að Redknapp væri ljósárum fremri en Beckham á knattspyrnuvellinum. En alas! … einn þeirra var í gullaldarliði síns klúbbs, hinn hefur meiðst svona 45 sinnum síðan, og því hafa örlög þessara tveggja leikmanna verið ólík.

Þið sem munið ekki eftir Redknapp, eða sáuð hann ekki upp á sitt besta fyrir Liverpool, gæti hjálpað að hugsa um Xabi Alonso að mata menn eins og Ian Rush og Robbie Fowler á sendingum. Það var ósjaldan sem maður sá Redknapp vinna boltann af vængmanni andstæðinganna, sem nánast auka-bakvörður, standa upp með hann og rekja hann áfram 10 metrana áður en hann lét eina 60-metra sendingu fljúga þvert yfir völlinn þar sem einhver eins og Steve McManaman eða Rob Jones kom fljúgandi upp vænginn.

Þá var Jamie mikill skotmaður og skoraði ófá glæsimörkin í sína tíð fyrir Liverpool – sumar neglurnar hans eru með því flottasta sem undirritaður hefur séð skorað á Anfield – en sennilega verður hans helst minnst fyrir markið sem hann skoraði gegn Blackburn vorið ’95, á sama augnabliki og Blackburn-menn tryggðu sér meistaratitilinn, og einnig fyrir að hafa átt langskotið sem Rene Higuita, markvörður Kólumbíu, varði með bakfalls-hælspyrnu sem síðan hefur orðið fræg undir nafninu “Sporðdrekinn.”

Já, fyrirliðinn okkar hann Jamie Redknapp var stórkostlegur leikmaður! Far vel Jamie, takk fyrir minningarnar, og ekki njóta þín of mikið á eftirlaunum. Jafnvel þó að þessi kona sé eiginkona þín! ;)

Jæja, El-Hadji Diouf, stórvinur okkar allra, er við það að [skrifa undir 4 ára samning við Bolton](http://soccernet.espn.go.com/headlinenews?id=335535&cc=5739). Það fylgir þó ekki sögunni hvort Liverpool og Bolton hafi komist að samkomulagi um verð.

Talandi um afríska knattspyrnumenn, þá er umboðsmaður Michael Essien mjög svo málglaður. Essien var einn besti leikmaðurinn í Meistaradeildinni og hefur vakið upp áhuga margra stórliða. Ég hef þó ekki séð hann spila nóg til að mynda mér skoðun.

Allavegana, umboðsmaðurinn segir eftirfarandi:

>”If possible he would prefer to come to England. He speaks English, he likes English football.”
“Chelsea, Liverpool, Manchester United and Arsenal would interest him.”

Jamm og jæja.

Ekki nóg með það, heldur býður hann Liverpool uppá leið til að kaupa hann:

>”For Liverpool there could be a solution because Lyon want Milan Baros and it may be possible to organise for Baros to go to Lyon and Michael to go to Liverpool – and the same for Chelsea with Didier Drogba.”

Kannski væri það ágætis lausn á Milan Baros málunum að nota hann að hluta til uppí kaupverðið á Essien. Miðað við það, sem maður hefur lesið um hann, þá yrði hann vel virði peninganna. En einsog ég sagði, þá hef ég ekki séð nóg. Hann var þó valinn leikmaður ársins í Frakklandi, þannig að maður veit aldrei.

Þjálfari Lyon er svo auðvitað hinn makalausi Gerard Houllier, og hann talar enn um Liverpool sem “við”, þannig að hann vill ábyggilega hjálpa sínum gamla klúbb með því að selja besta leikmann nýja klúbbsins til síns gamla.

Chris Bascombe greinir frá því í dag að Liverpool séu alvarlega að spá í að [fá Luis Figo til liðsins](http://icliverpool.icnetwork.co.uk/0500liverpoolfc/0100news/tm_objectid=15625605%26method=full%26siteid=50061%26headline=figo%2d%2di%2dwant%2dreds%2dmove-name_page.html).

Greinin vitnar reyndar í vikugömul ummæli Figo (sem við höfum [fjallað um áður](http://www.kop.is/gamalt/2005/06/02/09.28.59/)), þar sem hann segist geta hugsað sér að spila fyrir Liverpool.

Bascombe segir að aðalhindrunin sé sú að Rafa Benitez sé ekki 100% viss. Bæði það að launakröfurnar yrðu sennilega miklar og svo er Rafa (einsog margir Liverpool aðdáendur) ekki vissir um hversu hungraður Luis Figo sé.

Ég held því áfram fram að Figo yrði góð viðbót við þennan hóp. Það er þó langt frá því að vera 100% öruggt. Kannski vill hann bara fín laun og taka því rólega síðustu árin í boltanum. Eeeen, hann getur líka verið ákveðinn í því að sýna Real Madrid mönnum og öðrum að hann sé langt frá því að vera búinn í fótbolta. Frábærir knattspyrnumenn einsog Luis Figo gleyma því ekki skyndilega hvernig á að spila knattspyrnu, þannig að þrátt fyrir slappt tímabil þá er ég sannfærður um að Figo geti verið góð viðbót við þennan hóp.

Við skulum líka ekki gleyma því að það er ekki einsog Figo sé orðinn fertugur. Nei, hann er 32 ára gamall. Nákvæmlega jafngamall og Didi Hamann og Sami Hyypia. Ég vil sjá Figo hjá Liverpool.

Já, og það er merki um breytta tíma að maður kippir sér vart upp við að lesa svona yndislegar fyrirsagnir:

[GERRARD: OF COURSE I WANT TO STAY](http://www.liverpoolfc.tv/news/drilldown/N149092050613-1442.htm).

Jamm, það er gaman að vera Liverpool stuðningsmaður þessa dagana

Michael Owen hefur nú breytt um tón og segir að það sé hugsanlegt að hann muni [snúa aftur til Englands í sumar](http://news.bbc.co.uk/sport1/hi/football/europe/4086568.stm). Breytingar hjá Real Madrid kunni að neyða hann til að finna sér nýtt félag.

BBC segja að Arsenal, Chelsea, Man U og Liverpool hafi öll verið orðuð við Owen. Ég á eftir að brjálast ef að Owen fer til annars liðs en Liverpool. Það var nógu slæmt að hann hefði farið frá okkur í fyrra, en a.m.k. fór hann til liðs á Spáni en ekki á Englandi. Ég bara gæti ekki höndlað að sjá hann spila fyrir Arsenal eða Man U

Ok, ég ætla að beita allri hugarorku minni næstu mínúturnar í að senda þessi skilaboð til Rafa Benitez:

HÆTTU VIÐ PETER CROUCH.
KAUPTU DIRK KUYT!!!

Sjáiði bara þessa frétt: [Kuyt admits Reds desire](http://skysports.planetfootball.com/list.asp?hlid=283475&cpid=8&CLID=&lid=2&title=Kuyt+admits+Reds+desire&channel=Football_Home)

Dirk segir:

>”Liverpool have contacted Feyenoord but no bid has been made yet by Liverpool.”

>”I would really want to go to Liverpool. **It’s a great club and I hope I can play for them.”**

Þarf eitthvað meira?

Ok, þetta er útrætt mál af okkar hálfu hér á Liverpool blogginu. Kaupum Dirk strax! Ekki bara að hann sé frábær framherji, heldur þá hefðum við Kristján loksins tækifæri á að hafa leikmann, sem spilaði bæði fyrir okkar uppáhaldsfélagslið og uppáhaldslandslið. Semsagt, Hollending, sem spilar fyrir Liverpool.

Nennirðu að drífa í þessu og klára þetta mál, Rafa minn. Ok?

Hvaða leikmann langar ykkur mest til að sjá í Liverpool treyju? Af öllum leikmönnum í heiminum? Ég veit ekki með ykkur, en leikmaður #1 á mínum óskalista er pottþétt Joaquín, hægri kantmaðurinn frábæri hjá Real Betís á Spáni.

Hafa menn séð þennan gaur spila? Ég hef horft oft á hann, síðustu þrjú árin, og hef m.a. séð hann jarða Barcelona (tvisvar) og Real Madríd (þrisvar) á síðustu tveimur tímabilum, upp á sitt einsdæmi. Hann og Vicénte voru einu ljósu punktar spænska landsliðsins á EM í fyrrasumar, og hann er einfaldlega búinn að vaxa gríðarlega mikið í vetur – svo mikið að hann er að mínu mati ekki lengur einn besti vængmaður heims, heldur einfaldlega besti vængmaður heims. Ef þið haldið að Arjen Robben, Ryan Giggs (upp á sitt besta), Vicénte, David Beckham (upp á sitt besta), Harry Kewell (upp á sitt besta), Marc Overmars eða einhver annar frábær kantmaður sem ykkur dettur í hug, séu eitthvað spes … bíðið þá bara þangað til þið sjáið hann spila. Hann er yndislega góður leikmaður!

Spurningin er bara: hvar spilar hann á næstu leiktíð?

Þetta virðist vera óljóst. Ruiz de Lopera, forseti Betís, virðist vera að spila alls konar leiki í spænskum fjölmiðlum til að halda í guttann. En ég hef þó eftirfarandi staðreyndir eftir áreiðanlegum heimildarmanni, þeim sama og hefur skúbbað fréttum á borð við Owen-söluna, Morientes-kaupin og Reina-kaupin:

1. Ruiz de Lopera, forseti Real Betís, vill ólmur halda í Joaquín í eitt ár í viðbót. Talið er að þetta sé raunhæf ósk hjá honum, þar sem Betís fara í Meistaradeildina í haust og því gæti Joaquín viljað láta reyna á eitt ár í Meistaradeildinni með heimaliðinu sínu áður en hann fer til stærra liðs. Hann er enn ungur, og með öruggt sæti í byrjunarliði Spánar hvort eð er, þannig að hann munar ekkert um að spila toppbaráttu og Meistaradeild með Betís eitt ár í viðbót.

2. Hins vegar… þá hafa boðist fjögur boð í kappann nú þegar. Hæsta boðið er upp á einhverjar 40 milljónir Evra, sem eru um 28 milljónir punda, en Ruiz de Lopera vill ekki gefa upp hver af fjórum bjóðendum eiga þetta hæsta tilboð. Hann segir líka að hæsta tilboði verði tekið, ef Joaquín biður um að fá að fara, en ef hann vilji vera kyrr í ár til viðbótar muni félagið neita öllum boðum, sama hversu há þau eru.

3. Betís eru í sterkri samningastöðu, þar sem þeir græddu á því að komast í Meistaradeildina og þurfa því ekki nauðsynlega peningana af sölunni. Þá munar ekkert um það hvort þeir þiggja 40m Evrur fyrir kauða í ár, eða eftir 12 mánuði, þar sem hann er með samning til 2010 við Betís, og verður því alveg jafn dýr eftir ár.

4. Þau lið sem Ruiz de Lopera segir að hafi boðið í Joaquín eru: Real Madríd, Barcelona, Chelsea og Liverpool.

Sem sagt, ef maður miðar við þessar fréttir og orð forsetans, þá tel ég frekar litlar líkur á að við sjáum Joaquín spila í rauðu treyjunni. Af hverju? Jú, fyrir það fyrsta þá er hann uppalinn Real Madríd-aðdáandi, og í öðru lagi þá vitum við sem er að öll hin þrjú liðin geta boðið hærra en Liverpool. Ef peningar eru málið, þá einfaldlega bjóða Chelsea hærra en öll hin liðin, en ef Joaquín fengi að ráða þætti mér líklegt að hann myndi sjálfur velja Real Madríd, þar sem hann er uppalinn aðdáandi þeirra.

Í ljósi þess hverjir keppinautarnir um hæfileika þessa unga leikmanns eru, þá held ég að okkur sé óhætt að hætta að láta okkur dreyma um að sjá Joaquín spila fyrir Liverpool. Því miður, því mér þætti ekkert jafn skemmtilegt og að sjá hann á hægri kantinum hjá okkur í haust.

Þetta líst mér öllu betur á! Maður vaknar í dag, og fyrsta fréttin sem maður sér er frá SkySports: Reds move in for Luque!

Alberto Luque er vinstrisinnaður, örfættur sóknarmaður hjá Deportivo la Coruna í spænsku La Liga deildinni. Við mættum honum tvisvar í Meistaradeildinni í haust. Luque er að mínu mati einn besti sóknarmaður Spánar um þessar mundir, og væri fullkominn sem afturliggjandi framherji við hliðina á Morientes og/eða Cissé, að mínu mati.

Sjálfur hefur hann tjáð sig um mögulega sölu til Liverpool. Hann segir m.a. þetta:

>”At Liverpool I have friends like Luis Garcia, and goalkeeper Jose Reina, who will arrive soon.

>English football is excellent and I have no doubt that I could play in the Premiership.

>I am a striker and the Premiership is the best place for attack.”

Jahá. Strákurinn er til í að fara, og það virðast allir vera búnir að staðfesta kaupin á Reina nema klúbburinn sjálfur.

Líst vel á þetta – sleppum Crouch og kaupum bara Luque í staðinn! ;)

Jæja, þetta eru svo sem ekki gríðarlega miklar fréttir … en miðað við gúrkutíðina undanfarna daga, þá er þetta bara nokkuð stór frétt. :)

Allavega, Villareal voru að kaupa markvörð, sá heitir Mariano Barbosa, er tvítugur að aldri og kemur frá liðinu Banfield í heimalandi sínu, Argentínu.

Hvað kemur þetta Liverpool við? Jú, honum er ætlað að fylla í skarðið sem José Reina mun skilja eftir sig hjá Villareal. Með öðrum orðum, þá er Reina núna greinilega frjálst að yfirgefa Villareal, úr því að þeir hafa þegar tryggt sér staðgengil, og því ætti ekki að vera langt að bíða eftir því að tilkynnt verði um kaupin á honum. Ég geri ráð fyrir að samningar verði kláraðir og undirritaðir þegar Parry og Rafa koma úr fríi, einhvern tímann fyrir helgina skilst mér.

Í öðrum fréttum þá er það helst að á föstudaginn verður víst loks haldinn þessi blessaði símafundur hjá UEFA, þar sem ákveðið verður um mögulega aðild Liverpool að Meistaradeildinni næsta haust. Aldrei hef ég heyrt eitt símtal þurfa jafn langan undirbúning, en svona er þetta bara hjá UEFA. Fáum vonandi góðar fréttir á föstudag. :)

Það virðist vera orðið nokkuð ljóst að Milan Baros má leita sér að nýju liði fyrir næsta tímabil. Þar með virðist vera komin regla á að selja uppáhaldsframherjann minn hjá Liverpool á hverju sumri.

Allavegana, Gerard Houllier og Lyon vilja [fá Baros til sín](http://news.bbc.co.uk/sport1/hi/football/teams/l/liverpool/4613533.stm) og hefur forseti Lyon staðfest það:

>”I can confirm that Baros is definitely one of our objectives.

>”Our sporting director Bernard Lacombe and Gerard will watch the Czech Republic against Macedonia this week.”

Þetta verður ekki mikið skýrara. Vanalega þegar svona yfirlýsingar koma, þá myndi koma yfirlýsing frá Liverpool um að viðkomandi leikmaður sé ekki til sölu. En hingað til hefur ekkert heyrst frá Liverpool.

Ég er með mjög virkt ímyndunarafl. Mér þykir gott að loka augunum, því þá get ég séð sjálfan mig sem mikilvægasta mann í heimi. Ég er fallegastur, bestur, mestur og frábærastur og á 50 eiginkonur, sem eru einmitt 50 fallegustu konur í heimi!

Já, það er gott að láta sig dreyma. Þess vegna líkar mér illa fólk sem að virðist gera sitt besta til að eyðileggja draumóra mína.

Eins og Raúl Gonzalez. Hann er ekki á leiðinni til Liverpool. Þar fóru þeir draumórar, og mér líkar því illa við Raúl…

Ojæja. Snúum okkur aftur að Peter Crouch, býst ég við.

Ok, þetta er slúður byggt á litlu nema getgátum. En BBC birta þetta, svo við gerum það líka. Einfaldlega af því að þetta yrðu tíðindi sumarsins: [Raul quit hint alerts Liverpool](http://news.bbc.co.uk/sport1/hi/football/europe/4609389.stm).

Ok, aðalfréttinni var semsagt slegið upp af Mirror: [Kop Go For Raúl](http://www.mirror.co.uk/sport/football/tm_objectid=15590943&method=full&siteid=94762&headline=exclusive–kop-go-for-raul-name_page.html).

Samkvæmt fréttinni þá eru Raúl og Florentino Perez, forseti Real Madrid, alls ekki góðir vinir. Raúl er sagður vera enn bitur yfir því þegar Perez rak Vicente Del Bosque og lét leikmenn einsog Fernando Hierro fara mjög stuttu eftir að Real Madrid unnu spænska meistaratitilinn.

Þetta tímabil hefur ekki verið gott fyrir Raul. Hann skoraði bara 9 mörk í deildinni á meðan Ronaldo skoraði 21 og Owen 13. Þetta hefur valdið því að margir Real Madrid aðdáendur hafa gefist uppá Raúl (þeir eru kreizí!) og það hafa meðal annars komið skoðanakannanir í blöðum, þar sem stór hluti aðdáenda vill að Raúl fari frá liðinu! Það er náttúrulega eðlilegt að Raúl sárni slík meðferð enda hefur hann spilað nær óaðfinnanlega fyrir Real Madrid undanfarin ár og verið gríðarlega trúr liðinu.

En núna er þetta eitthvað að breytast og Raúl kunn hafa komið nokkrum sinnum til Liverpool í vetur, þá til að hitta Fernando Morientes, en þeir eru gríðarlega góðir vinir og það má segja að þeir báðir hafi aldrei verið eins góðir og þegar þeir fengu að spila saman í framlínu Real Madrid.

Þetta slúður er svo byggt á þessum kommentum frá Raúl sjálfum:

>After 11 years here I want what’s best for the club. If at some time I have to sacrifice myself in order for the team to progress, then I will do.

>”If the club calls you up and says you have to go, then as a player you have to be prepared to look for a way out that benefits everyone.

>”If I listen to the polls in some papers, it looks as though I should leave now. I still feel useful to the club and believe I haven’t reached my peak, but I don’t want to be in the way. All I want is for the club to be clear with me.”

Ég ætla alls ekki að tapa mér í þessu. Þetta væri ææææææðislegt ef þetta gerðist, en líkt og með Joaquin slúðrið ætla ég alveg að sitja rólegur þangað til að eitthvað gerist. Það er samt gaman að láta sig dreyma.

Við létum gulldrenginn okkar fara til Real Madrid í fyrra. Þeir skulda okkur einn gulldreng tilbaka!

Jose Reina er svo gott sem [búinn að staðfesta](http://news.bbc.co.uk/sport1/hi/football/teams/l/liverpool/4605641.stm) það að hann komi til Liverpool innan tíðar.

Ég verð samt að játa það að ég hafði ekki hugmynd um það að [Jose Ochotorena](http://www.liverpoolfc.tv/team/squad/ochotorena/), markvarðaþjálfari Liverpool er líka markvarðaþjálfari spænska landsliðsins. Hann þekkir því væntanlega mjög vel til Reina. Reina [segir hins vegar í viðtali](http://www.marca.com/edicion/noticia/0,2458,638008,00.html) að hann hafi ekki talað um Liverpool við Ochotorena, heldur einungis um verkefnin framundan hjá spænska landsliðinu.

Jerzy Dudek segist hins vegar [ekki geta hugsað](http://skysports.planetfootball.com/list.asp?hlid=282203&cpid=8&CLID=14&lid=&title=Dudek+set+for+Reina+fight&channel=Premiership) sér að fara frá Liverpool í sumar.

Þetta verður athyglisvert. Jose Ochotorena veit greinilega allt um Jose Reina og það væri ólíklegt að Benitez væri að kaupa hann nema til að hafa Reina sem okkar aðalmarkvörð á næsta tímabili. Því er spurningin hvað gert verður við hina markverðina þrjá. Þetta er mín tillaga: Selja Dudek til Feyenoord. Lána Kirkland til einhvers liðs í Úrvalsdeildinni, svo hann geti sannað sig (ef við myndum selja hann í dag fengjum við ekki krónu fyrir hann). Halda svo Scott Carson og Jose Reina.

Ég held að Benitez gæti verið sammála mér.+

**Viðbót (EÖE)**: Hérna eru nokker komment [frá Reina á official síðunni](http://www.liverpoolfc.tv/news/drilldown/N149026050603-0951.htm).

Slúðrið um Zenden virðist vera að fara á flug. Pabbi hans [var í viðtali við Sky Sports](http://skysports.planetfootball.com/list.asp?hlid=282096&CPID=8&CLID=&lid=2&title=Reds+make+Zenden+contact&channel=Football_Home):

>”Someone from Liverpool has talked to Middlesbrough. Liverpool did a wonderful job in the Champions League final and they have a Spanish manager who Bolo knows very well from his time in Spain.

>”He likes Middlesbrough very much, the fans voted him player of the year and Steve McClaren is a nice trainer, but he wants to play as high as possible.”

Síðustu setninguna má endurskrifa svona: “Hann *kunni* ágætlega við sig hjá Boro, en honum langar núna til að spila fyrir Liverpool. Kannski er það ekki svo galið að fá Zenden til Liverpool. Mér fannst hann einu sinni vera fantagóður leikmaður og hélt uppá hann þegar hann var hjá Barca. Ég hélt þó að honum hefði farið mikið aftur hjá Boro.

En hann virðist hafa verið að spila ágætlega á síðasta tímabili og var nú valinn maður tímabilsins hjá Boro, þannig að eitthvað er hann að gera rétt. Svo myndi hann auðvitað ekki kosta krónu!

Einar Örn: OK, dragið djúpt andann.

Og aftur.

Og segið svo við ykkur 10 sinnum:

Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum
Rafa gerði okkur að Evrópumeisturum

Þá ættu allir að vera vel undirbúnir til að [lesa þessa frétt](http://icliverpool.icnetwork.co.uk/0500liverpoolfc/0100news/tm_objectid=15584838%26method=full%26siteid=50061%26headline=rafa%2deyes%2dbig%2dman-name_page.html)

Kristján Atli: Ef einhver hefði spurt mig eftir síðustu umferðina í Úrvalsdeildinni í vor, hvaða enska leikmann mig langaði minnst af öllum að sjá Rafael Benítez kaupa, þá hefði ég getað svarað án þess að hugsa mig um: Peter Crouch hjá Southampton!

Peter Crouch. Úff, þessi hávaxnasti útispilari deildarinnar (held að bara markvörður Portsmouth sé stærri) gæti verið á leið til Liverpool. Chris Bascombe, sem skrifar fyrir Liverpool Echo og hefur eins mikil innherjasamtök innan klúbbsins og nokkur fréttamaður gæti haft, skrifar í dag grein í Echo: Rafa eyes big man!

Þarna segir Bascombe að Peter Crouch muni ræða við Harry Redknapp í þessari viku, og að Redknapp-pabbinn ætli að reyna í síðasta sinn að fá “Crouchy” til að vera um kyrrt hjá Southampton. Ef tekið er tillit til þess að við fallið minnkuðu vikulaunin hans um 50% – úr 8,000 pundum niður í skitin 4,000 pund – og þess að Crouchy er nýbúinn að brjótast í enska landsliðið og veit að hann heldur sér ekki þar með spilamennsku í neðri deildunum, þá finnst mér gríðarlega líklegt að sá stóri segi Harrý að hann vilji fara.

Sem þýðir, skv. Bascombe, að Rafa Benítez muni stökkva til og bjóða fimm milljónir punda í þennan asnalegasta leikmann Úrvalsdeildarinnar!

En af hverju endilega Crouchy? Af hverju er hann svona spes, þess verður að spila fyrir Liverpool FC? Ég var svo hissa og reiður þegar ég frétti þetta fyrst, en svo fór ég að spá. Ég veit að Rafael Benítez hefur miklu meira vit á þessu en ég, og ég veit að Sven Göran Eriksson valdi þennan strák ekki í landsliðið að ástæðulausu. Og ég sá hann leggja upp mark fyrir Michael Owen gegn Kólumbíu á þriðjudaginn, mjög vel gert. Þannig að ég hef síðan ég frétti þetta spurt mig: Er eitthvað að fara framhjá mér? Hef ég verið of dómharður á Crouchy, bara vegna þess að hann er slánalegur og asnalegur á að líta á knattspyrnuvellinum?

Maður verður að kunna að viðurkenna þegar maður hefur rangt fyrir sér. En vandinn er bara sá að ég hef séð Crouchy spila oft, með Portsmouth og svo Aston Villa – einhver lélegustu kaup í sögu þess klúbbs – og svo loks með Southampton, þar sem hann virtist loksins sýna af hverju hann var í yngri landsliðum Englendinga. En engu að síður, þótt hann hafi skorað nokkur með Southampton og leikið sérstaklega vel gegn Everton – í leiknum sem ég horfði á á sportbar í miðbæ Liverpool-borgar í febrúar – þá er ég samt engu nær um það af hverju hann gæti verið nógu góður fyrir Liverpool FC.

Þannig að ég kíkti aðeins á tölfræðina hans og þetta leiddi hún í ljós:

Tímabilið 2004/5 byrjaði Peter Crouch 18 sinnum inná í 38 deildarleikjum Southampton. Í þeim leikjum skoraði hann 12 mörk, átti 7 stoðsendingar, var dæmdur rangstæður 15 sinnum, fékk eitt gult og eitt rautt spjald.

Hann hóf tímabilið sem varamaður í varaliði Aston Villa en eftir að hann kom til Southampton blómstraði hann og var í raun frábær, allavega miklu betri en ég hélt að hefði getu til, og verðlaunin voru þau að þrátt fyrir fall liðsins síns í vor spilaði hann sinn fyrsta landsleik fyrir tveimur dögum, við hlið Michael Owen gegn Kólumbíu. Þar átti hann eina stoðsendingu.

Hvað finnst mönnum? Ef Dirk Kuyt-sögurnar reynast rangar, Milan Baros fer frá Liverpool og Peter Crouch kemur í staðinn, munu menn þá tapa sér í svartsýni eða verða menn bara nokkuð sáttir við þá “styrkingu” á leikmannahópnum?

Ég er algjörlega á móti því. Mín skoðun er sú að það sé skandall að þykjast ætla að styrkja liðið með því að láta Milan Baros fara og fá Peter Crouch í staðinn. EN… eins og ég sagði, þá efast ég ekki á nokkurn hátt um þá staðreynd að Rafael Benítez veit þetta allt miklu, miklu, miklu, miiiiklu betur en ég! Og því mun ég í raun búa mig undir báða möguleikana ef af þessum kaupum verður:

1. Peter Crouch rennur á rassinn og spilar svo illa fyrir Liverpool að maður saknar þess að hafa Emile Heskey þarna frammi!

2. Ég þarf að éta orð mín strax í október þegar Crouchy skorar sitt 10. mark í deildinni á aðeins þremur mánuðum fyrir Liverpool.

Hvor kosturinn er sennilegri?

Luis Figo [segir](http://www.thisislondon.co.uk/sport/football/articles/19041111?source=Daily):

>’I've been linked with Liverpool and Manchester United and both clubs are fantastic. Almost every player would like to play for either of those teams.

>’Cristiano Ronaldo has talked to me about life at United and some of the Spanish players at Liverpool have given me references about how good it is at Anfield, too. But, in truth, I don’t know if I figure in their plans.’

Ensku blöðin halda því fram að launakröfur Figo haf orðið til þess að áhugi bæði Liverpool og Man U hafi minnkað eitthvað. Þetta verður fróðlegt.

[Eru](http://skysports.planetfootball.com/Article.asp?id=281835) menn ekki að [grínast](http://skysports.planetfootball.com/list.asp?hlid=281905&cpid=8&CLID=14&lid=&title=ZENDEN+QUIET+ON+REDS+LINK&channel=Premiership)?

Milan Baros aftur undir stjórn Gerard Houllier og Zenden til Liverpool? Has the world gone mad?

Uppfært: Chris Bascombe hjá Echo er með athyglisverða [punkta](http://icliverpool.icnetwork.co.uk/0500liverpoolfc/0100news/tm_objectid=15579838%26method=full%26siteid=50061%26headline=traore%2dset%2dto%2dsign%2dnew%2ddeal-name_page.html):

* Djimi Traore er við það að skrifa undir 4-ára samning
* Didi Hamann og Jamie Carragher eru einnig við það að skrifa undir samninga. Hamann til eins árs.
* Pellegrino verður ekki boðinn samningur og mun því fara frá liðinu

Jæja jæja, þá byrjar það aftur: [Aimar: I’d Like To Join Liverpool](http://www.goal.com/NewsDetail.aspx?idNews=64713).

Pablo Aimar lét hafa eftir sér eftirfarandi:

>”Benitez is an excellent coach who knows me well and Liverpool would be an ideal place to go if I can’t sort out my future here,” said the Argentine.

>”English football is the best in Europe next to Spain and I do not think I’d have a problem adapting to the Premiership.”

Hver man ekki eftir [öllu dramanu í desember](http://www.kop.is/gamalt/2004/12/28/06.34.53)? Þá sagðist Aimar vilja koma en dró það svo tilbaka stuttu seinna. Núna verður spennandi að sjá hvort eitthvað meira komi útúr þessu tali.

Jæja, þá er spennandi að sjá hvað gerist á næstu dögum, því [Real Madrid hafa leyst Luis Figo](http://news.bbc.co.uk/sport1/hi/football/europe/4599111.stm) undan samningnum sínum. Þannig að honum er frjálst að skipta um lið.

Figo hefur áður sagt að [hann vilji spila í Úrvalsdeildinni](http://news.bbc.co.uk/sport1/hi/football/europe/4235299.stm) og við fjölluðum ítarlega um það þegar hann var orðaður við [okkur fyrir rétt rúmum mánuði](http://www.kop.is/gamalt/2005/04/28/11.07.06/). Ætli það sé svo galið að ímynda sér Luis Figo með Liverpool á næsta ári?

Jæja, þá er komið að því. Á morgun er hinn eini, sanni, fyrsti júní og það þýðir aðeins eitt: liðin í ensku Úrvalsdeildinni mega kaupa og selja leikmenn á nýjan leik!

En það eru tvær hliðar á þessum annars dásamlega degi, þegar liðið okkar má löglega kaupa leikmenn á ný og styrkja leikmannahópinn. Neikvæða hliðin er sú að fyrir hvern einn leikmann sem liðið kaupir á endanum eru svona tíu aðrir orðaðir við félagið. Sem gerir það að verkum að maður er jafnan frekar ringlaður hvað varðar framtíð Liverpool FC á sumrin. Það er engin furða að Bretarnir kalla sumarið ‘silly season’ … ;)

Ég hef tekið saman þau nöfn sem hafa þegar verið orðuð við okkur, hér koma þau og mitt álit á því hversu líklegt er að verði af þessum kaupum. Hafið í huga að þetta er aðeins mitt álit, og því allt eins líklegt að ég hafi rangt fyrir mér og rétt. En hér kemur listinn, hann skiptist í mark, vörn, miðju og sókn:

MARK: José Reina (Villareal)
Þarf í rauninni ekkert að tjá mig um þetta. Fjölmiðlar töldu hann flestir vera besta markvörð spænsku La Liga á nýafstöðnu tímabili, hann hefur alltaf verið pottþéttur þegar ég sé hann spila, og ég verð hissa ef það er ekki búið að tilkynna um kaupin á honum áður en næsta helgi rennur í hlað. Þetta er pottþétt mál, því miður Dudek!

VÖRN:

GABRIEL MILITO (Real Zaragoza)
Það er talað um kaupverð á bilinu 6-8m punda, sem er raunhæft miðað við að hann er 24ra ára miðvörður sem er fastamaður í argentínska landsliðinu. Ég væri ekkert á móti þessu, hef mikið álit á Milito, og finnst þetta í raun frekar líklegt þar sem hann er akkúrrat sú týpa sem ég sé Rafa fyrir mér vilja kaupa.

MATTHEW UPSON (Birmingham)
Ég hefði ekkert á móti þessu heldur, ungur og metnaðarfullur enskur miðvörður sem hefur reynslu í Úrvalsdeildinni og hefur spilað gegn öllum þessum liðum sem við mætum á hverju ári. Finnst þetta samt ólíklegt, ef ekki nema bara vegna þess að mér finnst ólíklegt að Birmingham láti hann fara án mikillar barátu.

JOHN O’SHEA (Manchester United)
Sko, þegar ég heyrði þennan orðróm fyrst hló ég. En svo fattaði ég eitt: John O’Shea er uppalinn Púllari. Ef þið væruð uppaldir Púllarar og fengjuð tækifæri til að spila atvinnubolta fyrir Man U – mynduð þið segja nei? Ekki ég heldur. Hins vegar sé ég því miður ekki hvað hann getur boðið okkur sem Djimi Traoré getur ekki gert betur, og yrði frekar hissa ef Rafa færi að eyða einhverjum pening í hann. Við þetta bætist sú staðreynd að enginn leikmaður hefur farið frá United til Liverpool í nærri því hálfa öld, og því finnst mér þetta vera mjööög ólíklegt.

PATRICE EVRA
Já takk! Ungur, franskur landsliðsmaður sem hefur ávallt vakið athygli mína í vinstri bakverðinum hjá Mónakó! Mér myndi finnast þetta pottþétt kaup hjá Rafa og vona að af þessu verði – og það er nú bara déskoti líklegt ef mið er tekið af því að Mónakó eru víst að eltast við Bruno Cheyrou, sem við eigum. Gætum látið hann og pening í skiptum fyrir Evra? Plís?

CÉSAR (Deportivo La Coruna)
Var orðaður við okkur í janúar-glugganum en lítið heyrst síðan, svo ég hlýt að áætla að Rafa hafi snúið sér annað. Er heldur ekkert spenntur fyrir honum eftir að hafa horft á Baros og Biscan fífla hann í útileiknum í haust – ég væri þá öllu spenntari fyrir næsta nafni…

SÉRGIO RAMOS (Sevilla)
Nítján ára, örfættur miðvörður sem er jafn hár og Sami Hyypiä, jafn fljótur og William Gallas og frábær skotmaður? JÁ TAKK!!! En … þangað til annað kemur í ljós verður þetta að teljast draumur í dós og lítið annað, einfaldlega af því að hann er svo efnilegur að við hljótum að fá samkeppni frá stóru liðunum á Spáni. En ég held í vonina…

MIÐJAN:

LUIS FIGO (Real Madríd)
Hann er 33ja ára gamall, situr á bekknum hjá Real og langar til að sanna sig í nýju landi? Eða … hann er 33ja ára gamall og langar til að fá vel borgað í hinsta sinn. Ég veit það ekki, ef hann er í einhverjum Rivaldo-pælingum þá vill ég alls ekki sjá hann. En ef hann er hungraður í að sanna sig og láta að sér kveða í nýju landi, þó ekki sé nema í tvö tímabil eða svo, þá er ég mikið meira en til. Muniði eftir Gary McAllister? Hann átti að vera útbrunninn, sjáið hvað gerðist þar! Figo gæti orðið stórkostlegur liðsauki fyrir okkur, eins lengi og hann kemur með rétta hugarfarið. Ég mun fylgjast náið með fréttum af þessu…

MIÐJUMENN HJÁ VALENCIA
Pablo Aimar, Vicénte, Ruben Baraja, Mohammed Sissoko. Alls fjórir miðjumenn Valencia sem ég hef heyrt orðaða aftur og aftur við Liverpool. Í ljósi þess að Valencia skitu á sig í deildinni í vetur og þurfa að fara í Intertoto-keppnina til að komast í Evrópu í haust, þá er ég nokkuð viss um að Rafa mun í það minnsta reyna að fá leikmenn frá sínu gamla félagi. Spurningin er bara: hvaða leikmann??? Væri til í að sjá þá alla, en myndi alveg sætta mig við Vicénte. :)

LUCIANO GALLETTI (Real Zaragoza)
Fyrirliði Real Zaragoza, 25 ára gamall fjölhæfur sóknar-miðjumaður sem getur spilað á báðum köntum og í holunni. Mmmmm, Luis García einhver? Ef þessi gæji gæti skilað einhverju á borð við það sem hinn fjölhæfi García hefur gert, þá gætu það verið stórkostleg kaup. Þetta er líka reyndur gæji, spilar á báðum köntunum fyrir Zaragoza og frammi fyrir Argentínu. Já takk!

SHAUN WRIGHT-PHILLIPS (Manchester City)
Fréttir síðastliðinnar helgar segja að við höfum þegar boðið 15 milljónir punda í hann, og vona ég að það sé satt, en satt best að segja þá held ég að það sé ólíklegt að hann komi til okkar, hvort sem að við bjóðum nóg í hann eða ekki. Af hverju? Út af því að fósturpabbi hans er Ian Wright, sem vill örugglega sjá strákinn spila í Arsenal-treyju, og einnig af því að José Mourinho hjá Chelsea ku hafa mikinn áhuga á honum. Og með þá samkeppni til hliðsjónar þá held ég að það sé best að maður æsi sig varlega þangað til annað kemur í ljós. Yrði samt snilld að sjá hann í rauðu treyjunni í ágúst!

DAVID PRUTTON (Southampton)
Öööö, þeir féllu og hann er 22ja ára miðjumaður sem komst ekki í liðið hjá þeim nema í nokkrum leikjum í vetur. Sem varaskeifa fyrir hina, uppá breiddina? Kannski. Sem lykilmaður í framtíðarsýn Rafa? Getoutoftown! Mjööög ólíklegt.

TOM SOARES & WAYNE ROUTLEDGE (Crystal Palace)
Palace féllu í vor og því er viðbúið að einhver reyni að næla í þessa tvo ungu, sókndjörfu, 19-ára-gömlu miðjumenn þeirra. Og þeir eru báðir hörku efnilegir, það er ekki spurning. Ef Rafa ákveður að ná í annan þeirra eða báða, þá sé ég ekkert því til fyrirstöðu að þeir komi þar sem Palace geta varla haldið þeim í deildinni fyrir neðan. Þetta veltur allt á Rafa, en mér litist ekkert illa á annan eða báða þeirra.

OWEN HARGREAVES (Bayern München)
Hann talaði um áhuga Liverpool fyrir ári síðan, og tveimur árum síðan, og enn og aftur í síðustu viku. Mér finnst alltaf jafn líklegt að hann komi, en það virðist alltaf koma á daginn að áhuginn sé eingöngu hans megin. Nú í gær sagði Rumenigge, aðalkálfurinn hjá Bayern München, að Hargreaves yrði refsað fyrir að ‘daðra við’ Liverpool, og því held ég að þetta sé ólíklegt. Væri samt til í að fá hann.

KEVIN NOLAN (Bolton Wanderers)
Það hefur verið talað um að hann komi til okkar í skiptum fyrir El-Hadji Diouf, og í sannleika sagt er það eina leiðin til að Sam Allardyce fengist til að láta hann af hendi, en mér finnst það samt ólíklegt. Held að hann sé bara ekki sú týpa sem Rafa er að leita að á miðjunni, þótt góður sé.

JOAQUÍN (Real Betís)
Það er gott að láta sig dreyma… mig langar líka í Adriano, Ronaldinho og Andriy Schevchenko! Ef Rafa léti af þessu verða þá væri það vottur um stórkostlegt aðdráttarafl hans öðru fremur, en þetta er með því ólíklegra sem ég hef heyrt. Því miður, hann er #1 á óskalistanum mínum en það eru ,9% líkur á að við fáum hann!

GARY O’NEIL (Portsmouth)
Ungur, varnarsinnaður baráttuseggur á miðjuna. Af hverju ekki? Vildi óska þess að ég myndi eitthvað eftir honum, sem segir kannski margt um getu hans miðað við að ég hef horft á þó nokkra leiki með Portsmouth…

MARK GONZALEZ (Albacete)
Albacete féllu úr La Liga í vor og því var víst nánast búið að ganga frá kaupum á þessum gaur, sem ég hef aldrei séð spila og hef því enga skoðun á, þegar hann meiddist illa í maíbyrjun. Hann verður víst frá í rúmlega hálft ár og því verður ekkert af kaupunum á honum. Samt athyglisvert að gefa honum gaum, þar sem sögurnar segja að Rafa hafi verið búinn að klára þessi kaup og aðeins átt eftir að skrifa undir þegar kauði meiddist svona illa.

MODESTO M’BAMI (Paris St Germain)
Ég hef aðeins séð hann leika einu sinni, í haust þegar Chelsea rústuðu PSG 0-3 í París í Meistaradeildinni. Hann var hræðilegur og miðað við þann leik þá eigum við að forðast hann með öllum ráðum. Ég verð stressaður þegar leikmenn sem Lampard hefur rassskellt eru orðaðir við okkur, sem ætlum okkur að rassskella Lampard á næsta tímabili…

GUTI (Real Madríd)
Það er frekar langsóttur orðrómur í gangi um að Guti muni fara frá Real Madríd í sumar, jafnvel á frjálsri sölu, þar sem hann á ekki fast sæti í byrjunarliðinu. Þessi gaur er náttúrulega mjög góður leikmaður, en er hann í heimsklassa? Gæti hann slegið Hamann, Alonso eða Gerrard út úr liðinu hjá okkur? Ég held ekki, og því held ég að hann komi aldrei til okkar, þar sem hann vill fá að spila reglulega. Væri samt ekkert á móti því að fá hann, upp á breiddina… :)

MAREK MINTAL (Nürnberg)
Var þrálátlega orðaður við okkur framan af vorinu, endaði sem þriðji markahæsti leikmaður Evrópu í vetur (og hann er miðjumaður) og spilar fyrir lið sem rétt slapp við fall í Bundesligunni í vetur. Ef við viljum hann, þá er hann okkar. En eitthvað hefur hægst á slúðrinu undanfarið, eins og Rafa hafi snúið sér annað þegar ljóst var að hann átti pening til að kaupa betri miðjumann en Mintal. Ég veit það ekki, þetta gæti alveg orðið að veruleika en maður bíður frekari frétta. Hef aðeins einu sinni séð hann spila og hann var góður þá, skoraði tvö mörk og minnti mig nokkuð á Frederik Ljungberg, eða jafnvel Paul Scholes.

SÓKNIN:

DIRK KUYT (Feyenoord)
Já takk! Þessi gaur er frábær, eða hefur allavega verið það í þau skipti sem ég hef séð hann. Hann er líkamlega sterkur, grimmur og áræðinn og mjög góður skotmaður, með báðum fótum og höfðinu. Hann var markakóngur hollensku deildarinnar í ár og næst markahæstur í fyrra á eftir Kezman, og ég held að hann myndi fitta inn í liðið okkar. Þá væri Morientes stóri, klóki refurinn í boxinu og skallasérfræðingurinn, Djib væri sprengjan í holunni, Flo-Po væri léttleikandi senterinn og Kuyt væri grimmi og gráðugi potarinn. Það eina sem gæti staðið í vegi fyrir þessum kaupum er sú staðreynd að Feyenoord eru víst að heimta himinhátt verð fyrir hann, en við eigum svo sem alveg pening fyrir honum eftir velgengnina í Evrópu. ;)

ANDY JOHNSON (Crystal Palace)
Hann var frábær í vetur en samt er eitthvað aftast í höfðinu á mér sem minnir mig á Marcus Stewart hjá Ipswich og Kevin Phillips hjá Southampton. Bara af því að maður á gott tímabil og skorar helling fyrir lakara lið sem treystir eingöngu á mann, þá er ekkert sem segir að sami maður geti blómstrað í liði þar sem hann er bara einn af mörgum hetjum, og þar sem kröfurnar eru miklu, miklu meiri. Ég er í raun hvorki jákvæður né neikvæður í garð AJ – ef hann kemur þá myndi ég bara mynda mér álit byggt á því hvernig hann spilar fyrir Liverpool í framtíðinni. Telst líkleg kaup eins og staðan er í dag.

PETER CROUCH (Southampton)
Ef Rafael Benítez kaupir Peter Crouch heimta ég að hann verði rekinn. Já, ég þori að segja þessi orð! Ég vill ekki sjá hann hjá Liverpool… leiðinlegasti, asnalegasti og gagnslausasti leikmaður Englands í dag! Oj bara!

FERNANDO TORRES (Atlético Madrid)
Sjá Joaquín að ofan. Maður getur aðeins látið sig dreyma, en þetta mun aldrei gerast, sama hversu mikið hann er orðaður við okkur.

Og þar með er það komið. Rétt um þrjátíu leikmenn sem hafa verið orðaðir við Liverpool, og enn er sólarhringur í að leikmannamarkaðurinn opni. Ef við leikum okkur að getgátum þá gæti sumarið hæglega litið einhvern veginn svona út:

ÚT: Jerzy Dudek, Gregory Vignal, Bruno Cheyrou, Salif Diao, El-Hadji Diouf, Igor Biscan, Vladimir Smicer, Milan Baros.

INN: José Reina, Gabriel Milito, Patrice Evra, Luciano Galletti, Luis Figo, Gary O’Neil, Andy Johnson.

Átta leikmenn út, sjö leikmenn inn? Hver veit … rússíbanaferðin hefst á morgun, og ég veit að þetta verður svakalegt sumar! :)

In Rafa we trust…

Jæja, í gær réðust úrslitin í Serie A, þegar AC Milan gerðu jafntefli við Palermo, sem þýðir að Juventus eru orðnir meistarar. En það er ekki það sem kemur okkur hvað mest við, sjáið bara hvernig Ancelotti stillti upp byrjunarliðinu í gær:

Svona til glöggvunar, þá er sterkasta lið AC Milan eftirfarandi:

Þar sem Inzaghi er orðinn heill að nýju virðist sem Crespo sé orðinn varaskeifa fyrir hann og Shevchenko, þannig að ljóst er að í gær spiluðu AC Milan deildarleik með engan leikmann sem líklegur er til að byrja leikinn gegn Liverpool. Með öðrum orðum, Ancelotti fórnaði deildinni til að geta hvílt liðið eins og það leggur sig fyrir leikinn gegn okkur!¨

Forvitnilegt.

Annars er það helst í fréttum í dag að Liverpool eru sagðir vera við það að landa Owen Hargreaves. Hargreaves, sem er enskur ríkisborgari en fæddur í Kanada og uppalinn í Þýskalandi, hafði þetta um málið að segja í gær:

>”Liverpool are a very interesting club.”

>”They are a very strong team and it is clear they have a bright future under Rafael Benítez. But, really, I don’t want to say any more until the cup final against Schalke is out of the way.”

Talað er um að kaupverðið sé um 2.5 milljónir punda og að Hargreaves fái 45,000 pund í laun á viku, sem er það sem hann hefur í dag hjá Bayern. Líst einhverjum illa á þann díl? Nefnið mér hvar annars staðar við gætum fengið leikmann sem hefur unnið alla titla með sínu félagsliði, hefur unnið Meistaradeildina og er fastamaður í enska landsliðinu, fyrir aðeins 2,5 millur. Ef hann væri að spila fyrir enskt lið myndi hann ekki kosta undir 6-8 milljónir punda, þótt hann eigi bara ár eftir af samningi.

Að lokum: Milan Baros er að fara frá Liverpool. Í frétt á opinberu síðunni reynir hann ákaft að neita því að hafa gagnrýnt Rafael Benítez fyrir að taka sig alltaf útaf í leikjum (úps! Milan) … en það tókst ekki betur til en svo að hann nánast talaði af sér hvað varðar framtíð sína hjá félaginu. Þetta eru hans orð, orðrétt af opinberu síðunni, en takið eftir feitletrun minni:

>”First of all I would like to say the English newspaper translated this. I never said anything like that about Benitez because I am not in the position to criticise him.

>”But I am focused on Liverpool and I have still got a contract here for one month, so we’ll sort it out after the final. I do not want to speak about that now, I want to speak about the final.

>”This is going to be one of the biggest games of my life, so everybody wants to play. But as I say it is up to the gaffer and it is up to me, I am working hard in training and we’ll see.”

Úps, Milan! Úúúps!

Svo virðist sem hann sé á förum frá Liverpool í sumar, og að það sé þegar búið að segja honum frá því. Ég ætla að nota þetta tækifæri og ráðleggja sjálfum mér, og Einari líka, að byrja að sætta okkur strax við orðinn hlut. Brottför Milan Baros frá Liverpool verður okkur sennilega erfiðari en flestum Púllurum, þar sem við höfum haldið mikið upp á hann – eins og þessi síða hefur sýnt greinilega.

Vonandi kveður hann bara með stæl – sigurmark á miðvikudag, takk! ;)

Athyglisvert [frá Chris Bascombe í The Echo](http://icliverpool.icnetwork.co.uk/0500liverpoolfc/0100news/tm_objectid=15530862%26method=full%26siteid=50061%26headline=jinx%2dstrikes%2dreds%2dtarget-name_page.html):

>Benitez has an extensive list of targets, but much of his recruitment depends on sales.

>Real Zaragoza’s £6mrated Argentinian centre-half Gabriel Milito, 24, and Feyenoord striker Dirk Kuyt also top Benitez’s priority list, demonstrating the manager’s view a centre-half and more forward power is required.

>Kuyt, also 24, was the alternative target to Fernando Morientes last January, but at £10m is currently beyond Liverpool’s valuation.

>Goalkeeper Jose Reina will sign from Villarreal for £6m this summer.

>Benitez wants two wingers and another centre-midfielder when an extensive rebuilding programme gets underway, regardless of the outcome of the Champions League Final

Einnig í þessari frétt er það að Benitez hafi verið ákveðinn í að kaupa Mark Gonzales, kantmann frá Chile. En um leið og hann var orðaður við Liverpool meiddist hann. Í raun gekk hann skrefinu lengra en Antonio Nunez og ákvað að meiðast *áður* en hann skrifaði undir. Magnað!

Jæja, núna er sumarslúðrið komið á fleygiferð.

Athyglisverðasta slúðrið og það, sem er líklegast til að vera byggt á einhverju almennilegu er það að Rafa sé á eftir argentíska [varnarmanninum Gabriel Milito](http://icliverpool.icnetwork.co.uk/0500liverpoolfc/0100news/tm_objectid=15529761%26method=full%26siteid=50061%26headline=benitez%2dready%2dto%2dopen%2dtalks%2dover%2d%2dpound%2d6m%2dmilito-name_page.html). Gabriel talar bæði spænsku og spilar í spænsku deildinni, þannig að það var óumflýjanlegt að hann yrði orðaður við okkur.

En Milito er að sögn frábær varnarmaður og hafa Man U og Barcelona verið á eftir honum í einhvern tíma, auk þess sem hann skrifaði næstum því undir samning við Real Madrid fyrir tveim árum.

Í sömu frétt Echo er Liverpool svo orðað við Dirk Kuijt, sem var [markahæsti](http://soccernet.espn.go.com/stats/topscorers?league=NED.1&year=2004&cc=5739) leikmaður hollensku deildarinnar í fyrra, en hann leikur með Feyenord. Hann er metinn á 10 milljónir punda en Echo segja það mögulegt að Liverpool muni skila Jerzy Dudek aftur til Feyenord sem hluta af kaupverðinu.

Þá er bara spurningin, hefur einhver séð Kuijt eða Milito spila? Eru þetta spennandi kostir?

**Uppfært (Einar Örn)**: Bæði Milito og Real Zaragoza [neita því að Liverpool hafi haft samband](http://skysports.planetfootball.com/list.asp?hlid=277381&CPID=23&CLID=&lid=2&title=Reds+Milito+talk+played+down&channel=Football_Home) og Milito segist vera ánægður hjá Zaragoza. Við sjáum hvað gerist á næstu dögum.

Sumarslúðrið virðist vera byrjað á fullu og Liverpool eru nú orðaðiðr við fjölmarga menn. Maður á erfitt að gera sér grein fyrir því hversu aktívur Rafa sé þessa dagana. Hann hefur lýst því yfir að hann sé byrjaður að fylgjast með mönnum, en undirbúningurinn fyrir úrslitaleikinn hefur eflaust áhrif á þau áform.

Allavegana, í dag fimmtudag, hef ég lesið greinar þar sem Liverpool hafa verið orðaðir við eftirfarandi leikmenn:

[Edu hjá Arsenal](http://www.talklfc.com/forums/index.php?showtopic=10882)

[Evra hjá Monaco](http://skysports.planetfootball.com/list.asp?hlid=276068&CPID=8&CLID=14&lid=&title=Reds+ready+with+Evra+offer&channel=Premiership)

[Marek Mintal hjá Nurnberg](http://www.koptalk.org/forums/showflat.php/Cat/0/Number/457268/page/0/view/collapsed/sb/5/o/all/fpart/1)

[Joaquin hjá Real betis](http://lfc-forum.co.uk/f1/viewtopic.php?p=17342)

Það nýja í þessu er að Liverpool er orðað við Patrice Evra, vinstri bakvörð Monaco. Talið er að Evra, sem er 24 ára gamall, muni fara frá Monaco í sumar. Hann hefur verið orðaður við fullt af liðum, þar á meðal Real Madrid, Barcelona, Inter og Juventus, þannig að það er augljóst að það verður samkeppni um hann.

Sky halda því fram að Liverpool sé tilbúið til að láta einhvern Frakka í staðinn og þar komi Djimi Traore, Alou Diarra og Bruno Cheyrou til greina.

Það athyglisverða við þessar vangaveltur er að reyna að spá í því hvort Rafa hafi yfir höfuð áhuga á nýjum vinstri bakverði. Ég gæti nefnilega alveg trúað því. Djimi Traore hefur virkað vel sem vinstri bakvörður, en hann er hins vegar ekki nógu flinkur fram á við, þótt hann skili varnarvinnunni nær óaðfinnanlega. Hins vegar þurfa topplið einfaldlega bakverði, sem geta bæði varist og sótt. Djimi er fyrst og fremst miðvörður að upplagi, þannig að ég hefði haldið að hann væri betra “cover” þar en í bakverðinum.

Þrátt fyrir að Riise hafi spilað ágætlega í kantinum í vetur, þá er ég ekki sannfærður um að hann sé nógu góður til þess að spila sem aðalbakvörður hjá okkur og ég er fullkomlega sannfærður um að Rafa fer ekki inn í nýtt tímabil með Riise sem aðalkantmann.

Einnig er inní þessum slúðurpakka frétt, þar sem Liverpool er orðað við Joaquin, hægri kantmann Real Betis og spænska landsliðsins. Joaquin fellur náttúrulega í flokk þeirra manna, sem ég myndi gera ansi margt til að sjá í Liverpool treyju. Hann er einfaldlega frábær leikmaður.

Hann hefur hins vegar orðaður við Chelsea (Mourinho hefur þó ekki sagst hafa áhuga á að kaupa kantmann, þannig að við ættum að geta útilokað það), Real Madrid (sem eru með Solari og Beckham á kantinum – Luxemburgo segist þó [vera hrifinn af Joaquin](http://sport.scotsman.com/latest.cfm?id=4545588)) og fleiri lið.

En ég spyr, af hverju ekki Liverpool?

Í fyrra þá þorðum við aðeins að láta okkur dreyma um Xabi Alonso. Þarna var einn besti og efnilegasti leikmaðurinn í spænsku deildinni orðaður við Liverpool og áður en maður sá hann í Liverpool búningi, þá bjóst ég alltaf við því að Real Madrid eða einhverjir aðrir myndu komast á milli. En Rafa tókst að sannfæra Xabi um að hans framtíð væri hjá Liverpool. Núna þekkir Joaquin eflaust Xabi, Luis Garcia og Morientes úr spænska landsliðinu og hann hefur séð hvað Rafa hefur gert í Meistaradeildinni með *þetta* Liverpool lið. Þannig að er svo galið að ímynda sér að Joaquin vildi koma til Liverpool?

Forseti Real Betis, Lopera hefur gefið í skyn að Liverpool hefði áhuga. Skemmtilegt [kvót](http://liverpool.rivals.net/default.asp?sid=890&p=2&stid=8380275):

> “There is an English club, with a great Spanish coach. He has just taken his team to the final of the Champions League and knows our market very well and he wants to ensure that Joaquin does not go to Chelsea or Madrid.”

>”It is not always possible to turn down offers and here at Betis we are not going to say that he is not for sale and then go and sell him.”

Liverpool sýndu það með kaupunum á Xabi Alonso og Djibril Cisse að þegar réttur maður vill koma til Liverpool, þá finna menn peningana til kaupanna. Er það svo fjarlægur draumur að láta sig dreyma um miðjuhóp, sem innihéldi Gerrard, Alonso, Garcia, Kewell og Joaquin. Það væri hreint ekki slæmur hópur!

Það hefur orðið svona ákveðið spennufall hjá manni eftir að það varð ljóst að við myndum ekki ná fjórða sætinu. Þetta fjórða sæti tapaðist náttúrulega ekki gegn Arsenal heldur í öllum þessum ömurlegu útileikjum á þessu ári.

En allavegana, Lennart Johanson hefur gefið það sterklega í skyn að Liverpool muni fá sæti í Meistaradeildinni ef við vinnum dolluna í Istanbúl. [Hann segir](http://icliverpool.icnetwork.co.uk/0500liverpoolfc/0100news/tm_objectid=15500123%26method=full%26siteid=50061%26headline=reds%2dgiven%2deuro%2dboost-name_page.html) að enska sambandið eigi að leggja inn beiðni um auka sæti ef Liverpool vinni og að sú umsókn fái góðar viðtökur hjá þeim. Þetta væru hálf bjánalegar yfirlýsingar ef að UEFA menn haldi ekki að Liverpool fái sæti ef þeir vinni. Þannig að það er enn nokkuð góð von ef við vinnum.

Það hefur verið fjallað talsvert um Didi Hamann undanfarna daga og hann gaf frá sér [yfirlýsingu](http://skysports.planetfootball.com/list.asp?hlid=275891&cpid=8&CLID=30&lid=&title=Hamann+puts+off+future+decision&channel=Premiership), þar sem hann segir að úrslitaleikurinn í Meistaradeildinni sé mun mikilvægari en framtíð sín, svo hann vilji salta allt slíkt tal þar til eftir leikinn. Samningurinn hans rennur út í sumar og ég hef blendnar tilfinningar um það hvort hann eigi að vera áfram. Ef Rafa lætur hann fara, þá er augljóst að hann mun fá einhvern í staðinn, þannig að maður getur ekki dæmt það fyrr en maður sér staðgengil Hamann. En Rafa hefur treyst Didi, þannig að ég býst við að hann verði áfram hjá okkur 1 eða 2 tímabil.

Rafael van der Vaart, sem hefur verið orðaður við Liverpool sirka 2000 sinnum, hefur [farið fram á sölu frá Ajax](http://www.talklfc.com/forums/index.php?showtopic=10815), en það er ólíklegt að nafni hans Benitez hafi áhuga, þar sem Van der Vaart hefur ekki verið að sýna mikið að undanförnu.

LUÍS FIGO IN ANFIELD TALKS|

Ja hérna! Samkvæmt fréttum á YNWA.tv, sem eins og við Einar höfum oft sagt áður birta aldrei fréttir af fyrirhuguðum leikmannakaupum nema að þeir séu búnir að fá staðfestar, skotheldar sannanir fyrir því að einhver fótur sé fyrir fréttinni (þeir skúbbuðu á sínum tíma sölunni á Michael Owen og einnig kaupunum á Morientes á sínum tíma (sjá sömu frétt)) þá get ekki annað en tekið það alvarlega þegar þeir segja…

…að Luís Figo sé alvarlega að spá í því að koma til Liverpool í sumar, á frjálsri sölu frá Real Madríd! Vááááá!

Það er aðeins eitt í þessu sem við vitum með fullri vissu: Figo fer frá Madríd í sumar, Florentino Perez forseti og Vanderlei Luxemburgo þjálfari Madríd hafa báðir staðfest það. Þannig að hann er að fara frá liðinu – spurningin er bara hvert?

Auðvitað þykir ekkert ólíklegt að hann velji Liverpool, ef menn pæla í því. Hann hefur margsinnis á síðustu árum sagst vilja spila í Englandi og enda ferilinn þar, hjá Liverpool er þjálfari sem Figo hefur séð árangurinn hjá í La Liga og nokkrir vel þekktir og virtir leikmenn frá Spáni eins og Luis García, Antonio Núnez (sem var í Madríd), Mauricio Pellegrino og Xabi Alonso.

Já, og Fernando Morientes … góðvinur Figo frá Madrídarárunum. :)

Mér finnst þetta bara líklegt, ef ég á að segja ykkur eins og er. Figo er 32ja ára, verður 33ja fyrir áramót held ég, og er einn af reyndari og frægari knattspyrnumönnum í heiminum. Þetta væri vissulega ekki kaup til framtíðar, þannig séð, en ég gæti alveg séð okkur fyrir mér bjóða Figo tveggja ára samning á góðum launum – gleymum því ekki að hann kemur væntanlega frítt ef af þessu verður.

Spurningin er bara – viljum við fá Luis Figo til Liverpool? Ég segi: af hverju ekki? Ég veit að það fer orð af honum að vera svolítill töffari, egóisti og jafnvel hrokagikkur en ég ætla að segja ykkur sögu sem gæti breytt þeirri skoðun.

Árið 1998 var ég staddur í æfingabúðum með FH-liðinu mínu (þá 18 ára í öðrum flokki) útí Portúgal. Við æfðum á hverjum degi á vellinum í Albufeira en það vildi svo til að portúgalska landsliðið notaði sama völl til æfinga og við (þetta var um vorið) … þannig að maður fékk að hitta allar portúgölsku stjörnurnar (Fernando Couto er snillingur! Vitor Baia er asni! ) og auðvitað var maður mest spenntur fyrir því að hitta Figo, þar sem hann var fyrirliði Barcelona á þessum tíma og ég var mikill Barca-maður.

Eitthvert kvöldið vorum við á djamminu í gamla miðbæ Albufeira, inná einhverjum karaókí-bar nokkrir strákar þegar Figo og nokkrir félagar koma inn á staðinn. Við gefum okkur á tal og Figo var hinn almennilegasti, spurði hvaðan við vorum (á góðri ensku, nota bene) og spjallaði við okkur í smá tíma. Hann áritaði allt sem við báðum hann um, leyfði einum af félögum mínum að bjóða sér upp á drykk og í þakklætisskyni gaf hann félaga mínum jakkann sinn. Það fannst mér mikið örlæti, þótt þetta væri bara léttur blazer-jakki og sennilega bara skiptimynt í augum Figo þá fannst mér þetta samt frábært hjá honum.

Seinna sama kvöld lenti ég í leigubíl með Figo frá gamla miðbænum yfir á ‘Laugarveginn’, eins og Íslendingarnir á svæðinu kalla verslunargötuna í Albufeira sem liggur niður að strönd. Þegar kom að leigubílaferðinni voru allir orðnir vel ölvaðir, við vorum fjórir í bílnum – ég og félagi minn og Figo og félagi hans og við hlógum mestalla leiðina að því að vinur minn var í Real Madríd bol (ó, kaldhæðnin! ) og virtist fyrir vikið hræddur um að Figo myndi skamma hann. En allavega, svo bauðst hann til að borga leigubílinn og hélt svo niður í bæ til að djamma með félaga sínum, á meðan við gengum uppeftir á eitthvað diskótek.

Þannig að til að gera langa sögu stutta, þá er Figo sennilega frægasti knattspyrnumaður sem ég hef nokkurn tímann hitt, að Pelé sjálfum frátöldum sem ég hitti á Íslandi fyrir 15 árum eða svo, og hann reyndist vera algjör öðlingur, örlátur á bæði tíma og athygli og virtist líða vel í góðra vina hópi.

Þannig að þótt ég hafi sem Barca-aðdáandi orðið sár á sínum tíma þegar hann skipti yfir til Madríd, þá hef ég aldrei getað tekið undir það hatur sem hefur fylgt í kjölfarið – og ég þverneita öllum sögusögnum af því að hann sé einhver prímadonna sem láti sér ekki annt um aðdáendur sína, því ég veit betur. Sögu lýkur.

Þannig að nú er spurningin – hvað finnst ykkur um Figo? Væri gaman að fá hann til Liverpool? Á hann, 32ja ára gamall, erindi í ensku knattspyrnuna? Fyrir mig er svarið hiklaust, hell yeah baby!!!, en ég vill vita hvað ykkur finnst. :)

Marca birtir í dag [athyglisverða frétt](http://www.marca.com/edicion/noticia/0,2458,621384,00.html) (spænska – laus þýðing [hér](http://translate.google.com/translate?u=http%3A%2F%2Fwww.marca.com%2Fedicion%2Fnoticia%2F0%2C2458%2C621384%2C00.html&langpair=es%7Cen&hl=en&ie=UTF-8&oe=UTF-8&prev=%2Flanguage_tools)) um Argentínumanninn Pablo Aimar.

Samkvæmt fréttinni eru Valencia menn orðnir fullsaddir á veseninu í kringum Aimar. Hann hefur verið mikið meiddur að undanförnu og virðist vera með það, sem ég leyfi mér að kalla “Harry Kewell syndrome”, það er að hann virðist aldrei ná sér af meiðslum. Hann spilar einn leik en sleppir þeim næsta. Líkt og Rafa með Kewell, þá eru Valencia menn farnir að gruna Aimar um að vera að gera sér upp meiðslin vegna þess hve óánægður hann sé hjá liðinu.

Um helgina ferðaðist Aimar með Valencia til Mallorca en 10 mínútum fyrir leik tilkynnti hann Ranieri að hann gæti ekki spilað vegna meiðsla. Núna segja Marca menn að stjórnendur Valencia hafi fengið nóg og vilji íhuga að selja Aimar.

Marca menn segja að Valencia meti það svo að það þurfi að fara fram róttækar breytingar á liðinu í sumar og Aimar sé verðmætur leikmaður, svo að brottför hans gæti gefið þeim peninga til að byggja liðið upp á nýtt.

Það skal tekið fram að ekkert er minnst á Liverpool í fréttinni. Hins vegar hafa [sumir](http://www.tribalfootball.com/april/spanishnews1210405.html) vefmiðlar bendlað Liverpool strax við leikmanninn. Það er alveg ljóst að Rafa metur Aimar mikils og við höfum verið orðaðir við hann ítrekað. Eflaust er öllum í fersku minni allt [slúðrið frá því desember um Aimar](http://www.kop.is/gamalt/2004/12/28/06.34.53/).

Þá er spurningin hvað Rafa gerir? Tekur hann áhættuna og býður í Aimar? Gerist það kannski bara ef að Gerrard fer? Það verður spennandi að sjá.

Ég hefði allavegana ekkert á móti því að sjá hinn 25 ára gamla Argentínumann í rauðri Liverpool treyju á næsta tímabili.

Jæja, smá góðar fréttir í tilefni páskanna. Landsliðsþjálfari Spánar er greinilega ósammála mörgum lesendum þessarar síðu því Luis Garcia kom inná sem varamaður í gær í [vináttuleik](http://www.liverpoolfc.tv/news/drilldown/N148284050327-1311.htm).

Þetta þýðir tvennt. Í fyrsta lagi var þetta fyrsti landsleikur Garcia og hann var víst nálægt því að skora mark. Svo þýðir þetta líka að hann er orðinn heill af meiðslunum, sem hrjáðu hann gegn Everton. Það er nokkuð ljóst að Luis Garcia verður einn allra mikilvægasti leikmaðurinn okkar á næstu vikum því það er nokkurn veginn undir honum komið að halda sóknarleiknum okkar uppi í næstu leikjum.

Dudek, Hyypia, Baros (sem skoraði mark!), Gerrard, Carson, Welsh og Finnan spiluðu einnig landsleiki í gær.

Já, og svo smá óábyrgt slúður í tilefni páskanna. Ítölsk blöð halda því fram að [Liverpool eigi í viðræðum við Inter](http://www.goal.com/NewsDetail.aspx?idNews=53677&progr=0) til að fá Christian Vieri til Liverpool. Vieri hefur fallið í skuggan af Adriano í ár og hann á aðeins eitt ár eftir af samningi sínum við Inter. Vieri er 32 ára gamall. Það er alveg ljóst að ef við eigum að trúa þessu þá mun Milan Baros fara, því það verður að teljast ólíklegt að Benitez losi sig við Morientes, Cisse eða Pongolle.

Einnig er Harry Kewell orðaður við sölu frá liðinu í sumar. Í síðustu viku orðuðu [Mirror hann við](http://www.sundaymirror.co.uk/sport/tm_objectid=15313097%26method=full%26siteid=106694%26headline=kewell%2ds%2da%2dtarget%2dfor%2dspurs-name_page.html) Tottenham, Southampton og Man City og í þessari viku þá orðar sama blað hann við [Bayern Munchen](http://www.mirror.co.uk/sport/sporttop/tm_objectid=15335030%26method=full%26siteid=50143%26headline=herr%2dy%2dkewell-name_page.html).

Þrátt fyrir að Kewell hafi verið verulega slappur í ár, þá væri sumarið HRÆÐILEGUR tími til að selja hann, því hann myndi pottþétt fara fyrir lítinn pening. Að mínu mati verðum við að gefa Kewell tækifæri annan vetur. Þessi vetur er búinn að vera grín, því hann hefur verið meiddur nánast allt tímabilið. Hann hlýtur að vera æstur í að sýna hvað í sér býr fyrir uppáhaldsliðið sitt! Ég hreinlega trúi ekki öðru.

Annars langaði mig að tala aðeins um leikmannakaup. Nú er komið fram í miðjan mars, tímabilinu lýkur eftir tvo mánuði og í kjölfarið eru menn farnir að velta fyrir sér mögulegum hreyfingum á markaðnum í sumar. Auðvitað er, eins og venjulega, 90% af því sem maður heyrir algjört slúður og tilbúningur (eins og t.d. sagan um að Rafa ætli til Real Madríd í sumar, menn þurfa að vera óðir til að trúa því!) en þó eru alltaf tvær eða þrjár sögur sem virðast vera þráleitari en aðrar, og því er kannski rétt að maður gefi þeim gaum.

Og nei, ég er ekki að tala um SG. Nenni því ekki núna.

Eitt mest nefnda nafnið í slúðri um leikmannakaup Liverpool þessa dagana virðist vera MAREK MINTAL, sem er miðjumaður hjá Nürnberg í Þýskalandi. Nürnberg-liðið á í fallbaráttu í ár en Mintal, sem er miðjumaður, er víst markahæstur í deildinni með einhver 18 mörk. Sem er alls ekki slæmt fyrir miðjumann. Ég verð þó að viðurkenna að ég hef aldrei séð hann spila og gengur illa að finna nánari upplýsingar um hann á netinu – minnir að hann sé 27 ára Slóvaki eða Slóveni og hafi skorað grimmt í heimalandinu áður en hann fór til Nürnberg í fyrra. Ef einhver getur bent á heimildir um hann væri það vel þegið.

En allavega, þar sem ég hef aldrei séð kauða spila er kannski erfitt að vera eitthvað spenntur fyrir þessum kaupum, þótt maður segi svo sem aldrei nei við miðjumanni sem getur skorað 20+ mörk á tímabili :)

Önnur nöfn sem hafa verið orðuð nokkuð sterklega og víða við okkur fyrir næsta sumar eru menn á borð við Shaun Wright-Phillips, Andy Johnson, Matthew Upson og Sergio Ramos hjá Sevilla. Ég hefði ekkert á móti því að fá þá alla en held samt að mikið af þessu sé slúður. Wright-Phillips verður örugglega mikið á milli tannanna á fólki eftir að Keegan hætti hjá City, AJ fer nærri því örugglega í sumar ef Crystal Palace falla (sem virðist líklegt í dag), Matthew Upson verður samningslaus í sumar og Sergio Ramos var að framlengja samning sinn við Sevilla um áramótin. Þannig að þeir eru í raun allir í aðstöðu sem býður upp á slúður, nema kannski Ramos.

Ég veit það ekki, þangað til maður heyrir eitthvað öflugra þá tekur maður slúðrið ekki of alvarlega en af þessum fjórum þá kæmi mér ekkert á óvart ef AJ yrði okkar leikmaður í sumar – ef Baros færi. Annars ekki.

Verður samt spennandi að fylgjast með Mintal-málinu. Hefur einhver séð hann spila? Getur þessi gæji eitthvað???

Úff…

Eins og það sé ekki nóg að við skyldum tapa þessum skaðræðis úrslitaleik á sunnudaginn, þá virðist vera sem það sé einhver sannleikur í versta slúðri helgarinnar, því sem ég óttaðist mest. Strax á laugardag birtist þessi spjallþráður á RAWK þar sem einhver gaur sagðist hafa fengið símtal frá föður sínum sem var staddur í Cardiff. Sá sagði að aðalslúðrið í Cardiff það kvöldið væri það að Milan Baros hefði stormað út af hóteli liðsins eftir fundinn þar sem Rafa tilkynnti leikmönnunum byrjunarliðið fyrir sunnudaginn. Þessum gaur var ekki trúað á þessum spjallþræði, en þeir sem lásu hann svitnuðu eflaust þegar sunnudagurinn rann upp og í ljós kom að kauði hafði rétt fyrir sér með liðsuppstillinguna. 4-5-1 skyldi það vera, Baros á bekknum og gaurinn hafði spáð fyrir um hárréttan leikmann í hverri einustu stöðu.

Nú, í leiknum sjálfum þá setti Rafa Igor og Antonio inn áður en hann setti Baros inn, sem mér fannst skrýtið þar sem það var farið að draga verulega af Morientes eftir 50 mínútna leik, en hann hékk inná þangað til á 75. mínútu og var þá orðinn örþreyttur. Baros kemur inná og byrjar nærri því strax að hengja haus, að mínu mati. Það var bara eitthvað við hann, sérstaklega eftir að Chelsea komust yfir, sem sýndi að hann vildi ekkert berjast fyrir þessu.

Nú, eftir leik hafa þessar óstaðfestu fregnir af meintu rifrildi milli Baros og Benítez fengið aukinn mótbyr og nú í dag birtist grein í Daily Mirror um málið, þar sem fullyrt er að Baros sé alvarlega að spá í að yfirgefa Liverpool í sumar, sé orðinn fullsaddur á þessu. Gef ekki mikið fyrir þessa fullyrðingu, en ljóst er að eitthvað er til í þessum orðrómi ef marka má gaurinn á RAWK-spjallþræðinum strax á laugardagskvöldið.

Það er öllum lesendum þessarar síðu fullljóst að við Einar erum gríðarlegir Baros-aðdáendur. Það gengur svo langt að við héldum því báðir fram að hann ætti jafnvel að vera framherji #1 síðasta sumar, áður en Owen fór og Cissé meiddist, sem gerði hann sjálfkrafa að bjargvættinum í framlínunni okkar. Nú, síðan þá hefur Baros farið mikinn og var fyrir jól þegar kominn með 11 mörk í öllum keppnum, í innan við 20 leikjum ef ég man rétt. En í janúar breyttust framherjamálin talsvert með tilkomu stórmeistarans Fernando Morientes. Það gefur augaleið að Morientes er framherji #1 í augum Benítez, þar sem hann hentar langbest af framherjum okkar í leikkerfi því sem Rafa aðhyllist. Þá verðum við, aðdáendurnir, að kyngja því fyrir hönd Baros að vissulega er Morientes honum fremri, bæði hvað varðar reynslu og það að vinna vel fyrir liðið. Hvað einstaklingsgetu varðar er Baros að mínu mati langnæstbesti framherjinn í Úrvalsdeildinni í dag – aðeins Thierry Henry er hæfileikaríkari. Cissé væri þó fyllilega í þeim hópi ef hann væri heill.

En allavega, hvað finnst okkur Einari um þetta mál? Einar bætir örugglega sínum skoðunum við þessa frétt, en að mínu mati þá verð ég að segja að ég skil Milan rosalega vel! Ef hann væri “bara” einn af okkar fjölmörgu leikmönnum þá hefði það verið fyllilega eðlilegt að hann væri á bekknum. En hann er það ekki:

1. Hann er okkar markahæsti maður í vetur og án hans værum við ekki einu sinni í 5. sætinu. Hann hefur aðeins skorað 1 mark síðan Moro kom inní liðið, sem veldur mér áhyggjum því ég vill að þeir nái að vinna vel saman, en er engu að síður okkar helsti markaskorari þangað til annað kemur í ljós.

2. Hann tjáði sig mikið um það í síðustu viku hversu erfitt það var fyrir hann að vera “niðurlægður” af Houllier í síðasta bikarúrslitaleik sínum fyrir 2 árum síðan. Að setja hann óvænt á bekkinn eftir þessi ummæli hans voru í raun önnur niðurlæging fyrir hann.

3. Hann hefur unnið baki brotnu fyrir þetta lið, bæði undir stjórn Houllier og síðan í vetur. Ég er handviss um að það hefur enginn hlaupið og djöflast jafn mikið inná fótboltavelli fyrir Liverpool í vetur og Milan og mörk hans hafa jafnan verið það sem skildi á milli sigurs og jafnteflis/taps.

Þannig að ég er algjörlega sammála Milan í því að það var gríðarlega ósanngjarnt af Rafa að setja hann á bekkinn fyrir þennan stórleik. Hann átti stóran þátt í að koma okkur þangað (2 mörk gegn Millwall, lagði upp sigurmarkið gegn Watford) og átti einfaldlega skilið að fá að leiða línuna gegn Chelsea. Við þetta bætist svo að í hans stað valdi Rafa Harry Kewell, sem hefur verið slappur í mestallan vetur og meiddur síðustu 2-3 mánuðina og þar af leiðandi í litlu sem engu leikformi, fram yfir Milan í byrjunarliðið.

En skoðum aðeins hvaða rök Rafa hefur í þessu máli:

1. Hann hefur eins og staðan er í dag aðeins úr tveimur toppframherjum að ráða. Morientes má ekki spila í Meistaradeildinni og því er Milan sjálfvalinn til að leiða sóknir liðsins í þeim leikjum. Því er eðlilegt að Rafa noti Moro meira í leikjum heima fyrir, til að reyna að halda þeim báðum ferskum (og heilum) fyrir þá mikilvægu leiki sem eru eftir, bæði í Evrópukeppni og í ensku keppnunum.

2. 4-5-1 var þrátt fyrir allt þetta hárrétt uppstilling gegn Chelsea. Án þriðja miðjumannsins hefðu Lampard, Makelele og Jarosik vaðið yfir okkur, það efast ég ekki um. Við þurftum þriðja miðjumanninn, á því lék enginn vafi.

3. Milan klúðraði tveimur ótrúlegum dauðafærum gegn Leverkusen í síðustu viku og, eins og ég sagði, hefur ekki verið í neinu sérstöku stuði síðustu tvo mánuðina – aðeins eitt mark það sem af er á árinu 2005.

Þannig að það er ljóst að Rafa var í erfiðri aðstöðu á hvorn veginn sem er. Það er að mínu mati fyllilega réttlætanlegt af Rafa að hafa stillt liðinu upp eins og hann gerði, en á sama tíma var það gríðarlega ósanngjarnt í garð Milan Baros að þurfa að byrja þennan leik á bekknum.

Ég vona bara að þetta reynist vera lítið annað en það er í dag – slúður – en það virðist bara allt benda til þess að þetta sé satt. Ég væri hreinlega hissa ef í ljós kæmi að Baros hefði ekki orðið brjálaður yfir því að vera á bekknum.

Æji ég veit það ekki. Maður er nánast búinn að venja sig á tilhugsunina um að Gerrard fari í sumar og ég tel mig nokkuð tilbúinn til að kyngja því – en ef Baros fer líka þá verð ég örugglega aðeins daprari en flestir aðdáendur Liverpool. Mér fannst fínt að Heskey skyldi fara, sárt að missa Owen en ég yrði gjörsamlega eyðilagður ef Milan færi. Hann, öðrum framherjum fremur, átti alltaf að vera framtíð þessa félagags næstu 10 árin.

Hvað finnst ykkur hinum? EF Baros fer í sumar … og við fengjum þá væntanlega annan framherja í staðinn … myndi það veikja liðið, þar sem hann er ótrúlega góður leikmaður, eða styrkja það, þar sem við fengjum væntanlega inn mann sem ætti auðveldara með að falla inn að leikskipulagi Rafa Benítez?

UPPFÆRT (Kristján Atli): Ókei, Sky Sports eru búnir að birta frétt þar sem Baros blæs á allar sögur um ósætti og segist ekkert vera að íhuga brottför í sumar. Það var nú gott. :D Ég hefði átt afskaplega erfiða mánuði framundan ef hann hefði verið á förum frá félaginu…

Ok, þetta er slúður, en ég hefði viljað heyra skoðanir manna á þessu:

[Craig Bellamy orðaður við Liverpool fyrir 4 milljónir punda](http://soccernet.espn.go.com/headlinenews?id=322967&cc=5739)

Viljum við Bellamy á Anfield?

**Uppfært (Einar Örn)** Liverpool hafa gefið upp að [Bellamy sé EKKI á leið til Liverpool](http://www.liverpoolfc.tv/news/drilldown/N147632050126-1239.htm). Svo einfalt er það.

• 
• Múhahahhahaha, ég ætla sko til Liverpool næsta sumar, enda er Rafa svo mikil dúlla!.

Jæja, þá er Santiago Solari fréttin, sem ég [birti um helgina](http://www.kop.is/gamalt/2005/01/23/10.37.20/) farin að verða athyglisverð.

Þeir miðlar, sem fréttin birtist í um helgina, voru þó ekkert alltof áreiðanlegir, en þrátt fyrir það ákvað ég að taka slaginn og skella þessu inn, þar sem mér þótti þetta ekki vera svo vitlaus hugmynd.

Jæja, núna eru áreiðanlegri miðlar farnir að tala um Santiago Solari og Liverpool.

Chris Bascombe [heldur því nefnilega fram í Liverpool Echo](http://icliverpool.icnetwork.co.uk/0100news/0100regionalnews/tm_objectid=15110873%26method=full%26siteid=50061%26page=1%26headline=benitez%2dsets%2dsights%2don%2dsolari-name_page.html) að Solari sé efstur á óskalista Rafa Benitez í sumar. Bascombe er ekki vanur að skrifa einhverja vitleysu!

Bascombe skrifar:

>RAFA BENITEZ has made Real Madrid midfielder Santiago Solari a prime transfer target as he prepares a radical rebuilding of his squad this summer. The Liverpool boss will return to Spain in an attempt to lure the Argentinian winger to Merseyside on a free Bosman transfer, although he faces competition from Manchester United and Inter Milan for his signature.

>Benitez hopes the Spanish influence which helped entice Fernando Morientes to Anfield will prove successful again. Solari, 28, is free to sign a pre-contract agreement with clubs now before completing a move on July 1, 2005. He’s made over 200 appearances for Real Madrid, but had limited opportunities this season.

>Benitez is under no illiusions about the scale of restructuring needed to make Liverpool challengers again.

>Although his squad has been decimated with injuries in recent weeks, he’s seen enough to know the squad he inherited is well below the necessary standard.

Sá einhver markið, sem Solari skoraði um helgina fyrir Real Madrid??? VÁ!

Vorum við Kristján ekki að tala um að okkur vantaði kantmenn? Þetta sannar enn einu sinni að Rafa Benitez les þessa síðu

Maður er orðinn hálf desperate eftir einhverjum góðum fréttum af Liverpool eftir þessa hræðilegu viku. Ensku slúðurblöðin slá því upp á baksíðum (einsog eftir hvern einasta tapleik) að nú vilji Gerrard fara frá Liverpool. Ég nenni ekki að skrifa um þetta. Mörg blöð eru þó að orða Kaka við Chelsea í sumar og segja að hann sé aðalskotmark Mourinho, EKKI Gerrard.

En Daily Star er þó með athyglisverða frétt. Daily Star er ekki með vefsíðu, en aðrir miðlar svo sem [Sporting Life endursegja fréttina þeirra](http://www.sportinglife.com/story_get.dor?STORY_NAME=Sporting_Life/05/01/23/manual_083207.html). Samningur Solari við Real Madrid rennur út nú í sumar og hann hefur lýst því yfir að hann vilj fara frá Real Madrid. En þetta er svosem bara slúður.

Allavegana, varðandi Solari þá var hann í lok 2004 orðaður [við Barcelona](http://edition.cnn.com/2004/SPORT/football/12/31/spain.solari/) en hann neitaði þeim sögusögnum. Enda ekki sniðugt að vera í opinberum viðræðum við Barca þegar þú ert leikmaður Real Madrid.

Síðan þá hefur hann verið orðaður sterklega við Man U, AC Milan og Internazionale, en menn halda því fram að hann vilji helst fara í enska boltann. Núna eru Daily Star semsagt að halda því fram að Solari vilji helst fara til Liverpool vegna spænskra áhrifa þar (Solari er Argentínumaður). Hann gæti því samið við Liverpool strax en myndi koma í sumar, nema að Liverpool væru til í að borga eitthvað fyrir hann.

Solari er 28 ára gamall vinstri kantmaður, hann hefur átt erfitt með að slá Luis Figo útúr liðinu í ár. Hann er fastur maður í argentíska landsliðinu, þrátt fyrir að hann hafi dottið útúr hópnum á HM 2002.

Yes!!!

Skv. öllum helstu fréttamiðlum gæti Salif Diao verið á leið til Birmingham á næstu dögum, þar sem Liverpool hafa tekið tilboði þeirra um að fá hann að láni út tímabilið. Nú á Diao bara eftir að samþykkja kaup og kjör … og þá er þetta gengið í gegn og Diao gæti verið orðinn Birmingham-leikmaður um næstu helgi, for all we know.

Ef þetta gengur eftir er Diao komin í hóp með mönnum á borð við Cheyrou, Diouf, Vignal, Medjani og jafnvel Diarra sem að ég tel að muni líklega fæstir, ef nokkrir, spila aftur fyrir Liverpool FC.

Og maður verður því miður bara að segja: farið hefur fé betra. Don’t let the door hitcha on the way out og allt það… Diao er einfaldlega ekki nógu góður fyrir Liverpool og ég er búinn að bíða lengi eftir fréttum af brottför hans – eins slæmt og það kann að hljóma.

Þessi maður á bara ekkert erindi í Liverpool-liðið í dag og því er best fyrir alla að hann sé að sendur í burtu frá okkur.

Góðar fréttir svona í upphafi langrar viku. ;)

Jæja, [Marca](http://www.marca.com/edicion/noticia/0,2458,579831,00.html) og síðar [Sky Sports](http://skysports.planetfootball.com/Article.asp?id=248740) segja nú að Real Madrid hafi í raun ekki enn tekið tilboðinu, en liðið hefur ekki heldur hafnað því. Kemur væntanlega í ljós á morgun.

Annars er annað, sem er komið inná í þessum fréttum og það er að Rafa vill aðeins bjóða Cesar 6 mánaða samning, en Cesar vill ekki flytja nema hann fái nokkra ára samning. Samkvæmt fréttinni hefur Rafa það mikið traust á Kirkland að hann sjái Cesar aðeins sem tímabundna lausn. Viðræður eru þó enn í gangi.

[Teamtalk eru svo með skemmtilegt slúður](http://www.teamtalk.com/teamtalk/News/Story_Page/0,7760,1776_249232,00.html). Teamtalk orðar Liverpool við kaup á Andy Johnson hjá Crystal Palace. Segir fréttin að Benitez hafi boðið Salif Diao, Stephane Henchoz og peninga í skiptum fyrir Johnson.

Í sömu frétt er Jermaine Pennant, leikmaður Arsenal orðaður við Liverpool.

Meira sunnudagsslúður. Koptalk segj að [Liverpool hafi áhuga á að fá Edu til liðsins](http://www.koptalk.org/forums/showflat.php/Cat/0/Number/387407/page/0/view/collapsed/sb/5/o/all/fpart/1). Samningur Edu við Arsenal rennur út í sumar og samkvæmt Koptalk (sem er EKKI áreiðanlegur miðill), þá var Edu stuðningsmaður Liverpool þegar hann var lítill.

Benitez er að leita að [reyndum markmanni](http://news.bbc.co.uk/sport1/hi/football/teams/l/liverpool/4152179.stm) núna í janúar.

Einn besti markvörðurinn í ensku úrvalsdeildinni, Carlo Cudicini, situr á bekknum hjá Chelsea og á ekki sjens á að komast í liðið nema að Peter Chech meiðist.

Hvað gerist næst?

**BAMM!**

[Cudicini linked](http://liverpool.rivals.net/default.asp?sid=890&p=2&stid=8369770). Hverjum hefði dottið þetta í hug? Umboðsmaður Carlo segir víst í viðtali:

>”In England there could be some clubs interested. Liverpool could be interested in Carlo but other clubs also.”

>”I’m waiting to have a meeting with Chelsea to speak about the situation. But Carlo is very relaxed about it.”

Carlo á Anfield, STRAX! Vandamálið er reyndar að hann hefur líka verið orðaður við Arsenal og Man U – en hverjum er svo sem ekki nákvæmlega sama um þau lið?

LFC Online [halda því fram](http://www.liverpool-mad.co.uk/news/loadnews.asp?cid=TMNW&id=197518) að Fernando Morientes hafi verið ásamt umboðsmanni sínum í Liverpool í vikunni. Þó mjög óáreiðanlega fregnir.

Annars berast þær athyglisverðu fréttir frá Spáni að Marca menn halda því fram að Luxemburgo [muni stilla upp Ronaldo og títtnefndum Morientes gegn Real Socidead í kvöld](http://www.marca.com/edicion/noticia/0,2458,578750,00.html). Leikurinn í kvöld er einmitt restin af leiknum sem var frestað vegna sprengjuhótunnar fyrir nokkrum vikum. Því verða aðeins leiknar 6 mínútur en þetta sendir samt ákveðin skilaboð um það hvað Luxemburgo ætlar sér í framherjamálum hjá Madrid.

Uppfært (Kristján Atli): Ókei, þannig að Real Madríd unnu “7 mínútna leikinn” í kvöld, eða mínúturnar sem voru eftir af leik þeirra við Real Sociedad á Bernabeau þegar leikurinn var flautaður af vegna sprengjuhótunar fyrir mánuði.

Og það sem meira er, FERNANDO MORIENTES VAR Í BYRJUNARLIÐINU, sem þýðir væntanlega að (a) hann er ekki í Liverpool-borg þessa dagana að ganga frá félagaskiptum, (b) kaupin á honum voru ekki orðin klöppuð og klár fyrir opnun gluggans eins og sumar vefsíður gáfu til kynna og loks, (c) Luxemburgo þjálfari Real er að senda honum skýr skilaboð um að hann vilji hafa hann áfram sem hluta af sínum hópi.

Þannig að Morientes er aftur vel inní myndinni hjá Real? Flott fyrir hann, kominn tími á að hann fengi þann séns sem hann verðskuldar. En … hvað með okkur?

Anelka?

Úff … þetta verða slúðurríkir dagar á næstunni…

Fyrirgefið orðbragðið, en El-Hadji Diouf er [fokking hálfviti](http://www.boltonwanderers-mad.co.uk/news/loadnews.asp?cid=TMNW&id=197436)!

Úrslitin í kvöld voru okkur nokkuð hagstæð fyrir utan það að Everton náði að kreista fram sigur á síðustu mínútu gegn Portsmouth. Annars gerðu Arsenal, Man U og Tottenham öll jafntefli, og Middlesboro tapaði. Núna í byrjun þessa hlés erum við í 5. sæti, 6 stigum á eftir Everton og 7 stigum á eftir Manchester United. Ef við vinnum þá í næsta leik á Anfield, þá verðum við aðeins 4 stigum á eftir Man U. Ég segi það að við eigum að stefna á þriðja sætið, það er enn góður möguleiki.

Annars þá eru veðbankarnir að taka veðmál á að Chelsea vinni **fernu** pg eru líkurnar 16/1, sem er alveg fáránlega lágt! Er fólk alveg búið að gleyma því að það hefur ekki verið spilaðir einn leikur í bikarnum og að þeir eiga ennþá eftir að spila við þarna lið frá Spáni í Meistaradeildinni. Hvað heitir það aftur?? Ha? Já, [**Barcelona**](http://galeon.hispavista.com/forcabarca/img/RONALDINHO%20GAUCHO.jpg).

Annars byrjar slúðrið rólega fyrir utan Pellegrino, sem virðist klappað og klárt. Við erum jú orðaðir við einhvern markmann frá [Oman, sem heitir Al-Habsi](http://skysports.planetfootball.com/list.asp?hlid=247819&cpid=8&CLID=14&lid=&title=Lyn+claims+Reds+offer&channel=Premiership) og Kraptalk segja að Chris Kirkland [sé til sölu fyrir 4 milljónir punda](http://www.koptalk.org/forums/showflat.php/Cat/0/Number/383646/page/0/view/collapsed/sb/5/o/all/fpart/1) og svo er Tony Le Tallec [orðaður við lán hjá Norwich](http://norwichcity.rivals.net/default.asp?sid=918&p=2&stid=8369588), sem mér finnst vera verulega sniðug hugmynd.

Jæja, það er augljóst að það er stutt í að leikmannagluginn opni aftur. Mikið líf er að færast í slúðurdálka í tengslum við Liverpool. Í dag hefur fókusinn verið á þremur leikmönnum.

Í fyrsta lagi virðist það staðfest að Liverpool er að reyna [að kaupa Scott Carson](http://liverpool.rivals.net/default.asp?sid=890&p=2&stid=8369054), 19 ára gamlan markvörð Leeds. Nokkrar vefsíður halda því fram að Leeds hafi hafnað tilboði frá Liverpool uppá 250.000 pund. Chelsea hefur einnig áhuga.

Í öðru lagi er það Argentínumaðurinn [Maurico Pellegrino](http://www.destinationfootball.net/mainsite/playerDetail.aspx?playerCode=51833&country=&club=52268&sectionID=10011), sem er núna með [lausan samning](http://liverpool.soccer24-7.com/general/3433) og er einsog allir aðrir Valencia leikmenn orðaðir við Liverpool. Maurivio er stór og sterkur argentískur varnarmaður, sem Rafa hafði mikið dálæti á, en Ranieri hefur ekki notað. Ef hann kemur ókeypis, þá er hann frábært cover í vörnina hjá okkur. Pellegrino er 33 ára gamall.

Svo er það vinur okkar, Pablo Aimar, slúðursíður halda því nú fram að Liverpool hafi gert [Valencia tilboð uppá 8 milljónir punda](http://www.liverpool-mad.co.uk/news/loadnews.asp?cid=TMNW&id=195981). Þetta er þó frá frekar óáreiðanlegum heimildum, en það vekur þó athygli að Valencia hafa verið með allskonar yfirlýsingar um að ef Aimar verði seldur, þá verði það fyrir mikinn pening, þannig að það virðist vel vera inní myndinni að hann fari frá Valencia.

Valencia menn segja í Marca að þeir [selji Aimar ekki fyrir minni pening en þeir borguðu River Plate fyrir 4 árum](http://www.infobae.com/notas/nota.php?Idx=158815&IdxSeccion=100689). Það er 16 milljónir punda.

**Uppfært (Einar Örn)** Ja hérna, ég var varla búinn að setja þessa frétt inn þegar ég sé þessa frétt á Marca.com: [Aimar neitar því að hann vilji fara frá Valencia](http://www.marca.com/edicion/noticia/0,2458,576998,00.html). Þeir vísa þar í [yfirlýsingu, sem birtist á official Valencia vefnum](http://www.valenciacf.es/noticias/prelimin.asp?idnoticia=7195&idioma=1&IdBanner=Aleatorio), sem hljómar nokkurn veginn svona:

>Valencia hefur sett sig í samband við Pablo Aimar, sem hefur staðfest að hann hafi ekki verið með neinar yfirlýsingar né veitt nein viðtöl við enska fjölmiðla undanfarna daga.

>Einnig vill Valencia koma því á framfæri að upplýsingar á heimasíðu Liverpool (*væntanlega [þessi frétt](http://www.liverpoolfc.tv/mediawatch/drilldown/MW7371041229-0841.htm) – innsk. Einar Örn*), sem staðfestir tilboð Liverpool í leikmann okkar, Pablo Aimar, er með öllu ósönn.

>Í sömu frétt er vitnað í Agustin Morera, talsmann Valencia, sem hefur aldrei talað við enska fjölmiðla. Raunveruleg skýring á þessum ummælum Morera er “platfrétt”, sem var sett inná vefinn [foroche.com](http://foroche.com/) þann 28.desember, sem er einmitt “dia de los inocentes” (*1. apríl þeirra Spánverja – innskot Einar Örn*) og var sett inn sem gabb.

Ok, núna er Liverpool bloggið búið að skúbba alla ensku fjölmiðlana

Englendingarnir féllu semsagt fyrir spænsku aprílgabbi varðandi tilboð Liverpool. Magnað. Við eigum þó ábyggilega eftir að heyra meira af þessu máli.

Ekki slúður. Ekki slúður. Ekki slúður…

Ég talaði um það í færslu í gær að fréttir hefðu borist frá Argentínu, heimalandi snillingsins Pablo Aimar hjá Valencia, þess eðlis að Liverpool hefðu spurst fyrir um hvort hann væri til sölu. Skv. þeirri frétt áttu Valencia og Ranieri að hafa þverneitað að selja kauða og því lagði ég mikla áherslu á það í þeirri færslu að þetta væri bara slúður.

En neinei. Í dag vaknar maður, skellir sér á BBC og hvað er það fyrsta sem maður sér?

PABLO AIMAR PLEADS FOR LIVERPOOL SWITCH!

Lesist: Pablo Aimar grátbiður um að fá að fara til Liverpool og Rafa Benítez, þar sem hann sé ekki ánægður hjá Valencia.

Sko, í fyrsta lagi þá ætti það að gleðja Steven nokkurn Gerrard umtalsvert að sjá að menn á borð við Morientes, Anelka og Aimar eru beinlínis æstir í að fá að spila með Liverpool. Það hlýtur að sannfæra hann um það hversu virtur klúbbur þetta er og að menn sem eru fyrir utan klúbinn og spila hjá öðrum liðum hafa mikla trú á því sem Benítez er að gera.

En hvað um það, stóru fréttirnar í þessu eru náttúrulega þær að sögusagnirnar um Aimar eru skyndilega ekki lengur slúður! Já, ótrúlegt en satt þá er núna búið að staðfesta að Liverpool hafi spurst fyrir um hann, og síðan er hann búinn að staðfesta sjálfur að hann vilji fara.

Hann sagði meðal annars þetta:

>”This season I’m not happy at Valencia.”

>”Rafa Benitez is an excellent coach who knows me very well and Liverpool would be an ideal place to go if I cannot sort out my future here.”

>”I do not understand why I have not been playing. Ranieri has not told me the reasons but I am obviously not part of his plans.”

>”From what I can see, English football is the best in Europe next to Spain and I do not think I would have a problem adapting to the Premiership.”

Það verður ekki mikið skýrara, eða hvað? Auðvitað eru enn yfirgnæfandi líkur á því að Ranieri tali strákinn til, rói hann niður og allt það … en það er ljóst að Liverpool-menn munu fylgjast náið með framvindu mála á Spáni.

Og höfum í huga að Ranieri hefur orð á sér fyrir að vilja ekki spila með “leikstjórnendur”, eða þessar litlu, teknísku týpur. Hann notaði t.d. Damien Duff og Joe Cole nánast ekki neitt hjá Chelsea í fyrra og þar áður var hann alltaf frekar tregur til að nota menn eins og Diego Simeone hjá Atlético Madrid og Massa Cappellini hjá Cagliari – en þessir leikmenn eru allir svokallaðir “leikstjórnendur” á vellinum.

Ég veit ekki með ykkur en ég er ótrúlega spenntur við tilhugsunina um Pablo Aimar í rauðri treyju sumarið 2005. Finnst engum öðrum það vera góð tilhugsun?

Þetta er slúður. Þetta er slúður. Þetta er slúður. Þetta er slúður. Þetta er slúður…

…ég verð að halda áfram að endurtaka þetta, svo að ég bilist ekki úr eftirvæntingu…

…Þetta er slúður. Þetta er slúður. Þetta er slúður. Þetta er slúður. Þetta er slúður…

Jæja, þá virðist fjör vera farið að færast í þessi hugsanlegu framherjakaup. Real Madrid [hafa nú viðurkennt](http://icliverpool.icnetwork.co.uk/0500liverpoolfc/0100news/tm_objectid=14984359%26method=full%26siteid=50061%26headline=price%2dmust%2dbe%2dright%2dto%2dland%2dmorientes%2ddeal-name_page.html) að þeir séu tilbúnir í að selja Morientes, sem er ósáttur við veru sína hjá liðinu. Echo segja að Madrid vilji kaupa Adriano í sumar og því ljóst að það er lítið pláss fyrir Morientes hjá liðinu.

Einsog menn vita hefur Morientes viljað fara aftur til Monaco, en Madrid vill ekki lána hann, heldur selja hann og Monaco á litla peninga, auk þess sem Deschamps segist ekki vilja fá Morientes aftur.

Þannig að Liverpool er möguleiki, en það veltur þó á kaupverðinu. Það sama má í raun segja um Anelka. City menn eru jafnvel tilbúnir að lána hann út tímabilið með kauprétti, vegna slæmrar fjárhagsstöðu liðsins. Nú er það bara spurning hvort þeirra mun klæðast rauðu treyjunni í janúar. Anelka hefur þann kost að hann getur spilað í Meistaradeildinni og hefur spilað í enska boltanum, en auðvitað er Morientes líka frábær framherji.

Jæja … tærnar á manni eru loksins farnar að snerta jörðina eftir einhvern svakalegasta og stórkostlegasta Liverpool-leik sem ég hef séð í sjónvarpi. Þetta er svona smám saman að sökkva inn, við erum komnir í 16-liða úrslitin í Meistaradeildinni, undanúrslitin í Deildarbikarnum, virðumst vera að komast á flug í deildinni og Milan Baros, Steven Gerrard og Antonio Núnez eru loksins byrjaðir að spila aftur eftir meiðsli sem hafa verið okkur dýrkeypt. Þá er Harry Kewell farinn að finna fjölina sína eftir erfitt haust, hann var alveg hreint frábær gegn Olympiakos.

Eitt er þó það sem er kannski mikilvægast í kjölfar sigursins á þeim grísku, og það eru fjármálin. Eða nánar tiltekið, fjármagn til að kaupa framherja. Við höfum vitað alveg síðan Owen fór og Cissé fótbrotnaði að Rafa Benítez myndi alveg 100% örugglega versla nýjan framherja strax í janúar. Spurningin hefur bara verið: hver er maðurinn?

Nú virðist sem svar við þeirri spurningu gæti fengist fljótlega … mjög fljótlega. En þangað til höfum við allavega sterkar vísbendingar um nafn framherjans sem um ræðir, og það besta við það er að hann hefur leikið áður fyrir Liverpool FC:
Continue reading →

Frétt Sunday Mirror: KEWELL REKINN FRÁ LIVERPOOL Í JANÚAR!!!!!

Í alvöru … stundum verður maður bara að elska ensku pressuna. Einmitt þegar ég þurfti á því að halda að hlæja hressilega…

Það er alveg ljómandi skemmtilegt að fylgjast með Morientes málum í dag.

Fyrir það fyrsta, þá hefur Real Madrid [lýst því yfir að Morientes sé ekki til sölu](http://www.realmadrid.com/web_realmadrid/templates/noticias/detallenoticia.jsp?idnoticia=43155&sec=1&subsec=0&esp=2). Þetta gerðu þeir á sinni Official heimasíðu og lýsa því yfir að hann sé mjög mikilvægur fyrir liðið og bla bla. Við höfum fyrir löngu lært að forsvarsmenn Real Madrid ljúga nánast öllu, sem þeir geta logið um.

Ok, gott og vel. En Marca, sem eru stærsta íþróttablað Spánar og hafa oftast góðar heimildir, eru hins vegar með mjög athyglisverða frétt, þar sem þeir halda því fram að [fulltrúar Morientes eigi nú viðræður við Liverpool](http://www.marca.com/edicion/noticia/0,2458,549930,00.html).

Fréttin er á spænsku, en ég skal reyna að endursegja megin inntak hennar. Samkvæmt greininni, þá hitti umboðsmaður Morientes, Ginés Carvajal, Rafael Benitez á Melwood í gær. Carvajal mætti þar um hádegisbilið og fór þaðan tveimur og hálfum tíma síðar. Marca var eina spænska blaðið, sem náði að “grípa” Carvajal þarna í “casa de Rafa Benitez” einsog þeir kalla það.

Á þessum tíma heilsaði Carvajal uppá spænsku leikmennina og hann horfði á hluta af æfingu. Mestallur tíminn fór hinsvegar í fund með Benitez. Á þeim fundi nánast kláruðu þeir öll mál, sem snúast að félagaskiptum Morientes. Það eina, sem vanti er endanlegt samþykki Real Madrid.

Eftir fundinn sagði Carvajal við Marca: “Það er ekkert klárað. Mér var boðið hingað til að horfa á leik (Liverpool-Deportivo) og til að skoða aðstæður hjá liðinu. Einnig hef ég heilsað uppá leikmenn Liverpool, Paco Herrera (þjálfara Liverpool) og Ochotorena (markvarðaþjálfari Liverpool, sem Carvajal var umboðsmaður fyrir). Marca taka það svo fram að það sé skiljanlegt að þeir vilji ekkert segja, þar sem þetta mál sé á mjög viðkvæmu stigi.

Marca taka líka af allan vafa um lögmæti félagaskiptana í janúar, sem sumir hafa verið að velta sér fyrir. Menn, sem eru nálægt Morientes, halda því fram að Morientes geti skipt um félag í janúar.

Það gilda í FIFA reglur um að menn geti ekki skipt um félagslið tvisvar á sama árinu. Mál Morientes er hins vegar ögn flóknara. Þannig er að Morientes var að láni frá Madrid hjá Monaco. Þegar hann fór aftur til Madrid frá Monaco, þá voru það **ekki** venjuleg félagaskipti, þar sem hann var í raun eign Real Madrid fyrir.

Semsagt, þar sem Morientes var í raun “eign” Real Madrid fyrir, þá eru skipti hans frá Monaco til Real Madrid ekki raunveruleg félagaskipti. Þess vegna geti hann auðveldlega farið til nýs liðs í janúar.

Að lokum tekur blaðamaður fram að Real Madrid eigi nú von á að heyra frá Carvajal varðandi hvað hafi gerst í Liverpool. Það sé hins vegar ljóst að lokaorðið í þessum málum mun vera frá Real Madrid.

En ljóst er allavega að Benítez er að íhuga alvarlega að styrkja framlínuna hjá sér, og finnst mér það alveg sjálfsagt. Baros, Cissé og Pongolle eru allir frábærir leikmenn en þeir eru hins vegar allir mjög ungir. Því held ég að þeir hefðu gott af að eyða einni eða tveimur leiktíðum með manni eins og Morientes, sem hefur upplifað þetta allt saman mörgum sinnum áður og veit hvað þarf til að komast á toppinn.

Spurningin er bara hvor þeirra sé að koma? Miðað við fréttirnar núna fær maður á tilfinninguna að Benítez vilji frekar fá Morientes en Mista, en að sama skapi sé Mista mjög góður kostur í hans augum? Þannig að maður á kannski bara að gera ráð fyrir því að Morientes komi í janúar, og ef það tekst ekki þá sé Mista kostur #2?

Ég veit það ekki, en miðað við þetta stefnir allt í það að Benítez bæti sóknarmanni við liðið í janúar. Það verður spennandi að sjá hvað sá sóknarmaður heitir. :)

Af BBC: [Morientes targets Liverpool move](http://news.bbc.co.uk/sport1/hi/football/teams/l/liverpool/3749022.stm)

Fernando Morientes hefur semsagt mikinn áhuga á að koma til Liverpool í janúar. En ekki hlusta bara á mig, gefum Morientes orðið:

>”Liverpool could be a great option for January. I have always liked the Premier League and I know Rafa Benitez was interested in me when he was at Valencia.”

>”My situation at Real is not pleasant. If things continue like this I will have to think about leaving. I am tired of sitting on the bench.

>”Liverpool is a club where any player would be happy to play. It is a club with a history of having great supporters, a good coach and now Spanish players.”

Einsog var talað um í öllu Owen veseninu, þá [vildi Benitez fá Morientes](http://www.kop.is/gamalt/2004/08/10/00.56.56/) í skiptum fyrir Owen. Það gekk hins vegar ekki eftir, hvort sem það var vegna kröfu Madrid eða Morientes.

Morientes er hins vegar núna orðinn þreyttur á ástandinu í Madrid og vill fara. Rafa Benitez sagði þetta um ummæli Morientes:

> “It was good to hear, because when a good player talks about a good club, it is good for us.”

Já, hann Rafa okkar verður sennilega aldrei talinn yfirlýsingaglaður. En ég held að það sé nokkuð pottþétt að Benitez vilji kaupa annan framherja í stað Owen í janúar. Morientes yrði þá fimmti Spánverjinn, sem Benitez kaupir.

Mér lýst alveg frábærlega á að fá Morientes. Hann er frábær leikmaður og það er eitthvað, sem segir manni að hann yrði góður í ensku deildinni. Ef að við komumst uppúr riðlinum í Meistaradeildinni, þá mætti hann reyndar ekki spila með okkur þar.

Ég held að við getum bókað að janúar verður spennandi mánuður

Smá slúður virðist hafa skotið upp kollinum í landsleikjahléinu, og ef við eigum að trúa þessum sögusögnum þá virðist allt benda til þess að Rafa ætli að styrkja miðjuna enn frekar í janúarglugganum.

Í fyrsta lagi er talað um að Rafa hafi áhuga á að kaupa Víctor, hægri kantmann hjá Deportivo la Coruna sem hefur brotið sér leið inn í spænska landsliðið undanfarið. Fréttamiðlarnir vilja meina að með Antonio Nunez meiddan (næstu þrjár vikur, ekki meira en það) þá vilji Rafa endilega kaupa einhvern á hægri kantinn svo að Steve Finnan þurfi ekki að kóvera þá stöðu lengur.

Hafa ber í huga að Nunez er væntanlegur aftur um miðjan nóvember, eins og Steven Gerrard, þannig að hann gæti verið búinn að spila með liðinu í hátt í tvo mánuði þegar möguleg verslun á Victor gæti átt sér stað. Þannig að ég tek þessu slúðri með talsverðum fyrirvara – þótt maður viti aldrei.

Hin frétt dagsins er sú að Rafa ætli sér að kaupa Barry Ferguson, fyrirliða Blackburn og skoska landsliðsins. Barry er vissulega frábær miðjumaður og minnir stundum óhugnalega mikið á Roy Keane sem miðjumaður, en þar sem þessi frétt er komin frá umboðsmanni Barry Ferguson þá tek ég henni einnig með ofsamiklum fyrirvara.

Oft er það þannig að þegar liði gengur illa sér umboðsmaðurinn sér leik á borði, að búa til smá slúður og vona að það hreyfi við forráðamönnum annarra liða, sem gætu freistast til að nýta sér slæmt gengi andstæðinganna til að lokka frá þeim bestu leikmennina.

Blackburn hafa misst þjálfarann sinn og gengið svona upp og ofan í vetur og því gæti umboðsmaður Ferguson verið að leitast við að koma sínum manni frá félaginu – sem myndi eflaust gefa sér vel í aðra hönd fyrir téðan umboðsmann. Hafa ber þó í huga að nýráðinn stjóri Blackburn, Mark Hughes, er maður sem þeir virðast hafa mikla trú á og nýtur mikillar virðingar. Þannig að þótt á móti hafi blásið undanfarið stórefast ég um að Ferguson liggi á að komast þaðan í burtu, nú þegar uppbyggingarstarfið undir handleiðslu Mark Hughes fer að hefjast.

Segjum hins vegar, í draumalandinu, að þessi tvö kaup verði að veruleika í janúar? Yrði miðjan okkar þá svona?

Victor/Nunez … Alonso/Ferguson … Gerrard/Hamann … Kewell/García

Það væri allavega ágætis breidd í þessari miðju … en þetta eru augljóslega draumórar umboðsmanna og/eða fréttasnápa þarna úti. :D

Slúðrið virðist vera að magnast og í raun og veru er hægt að segja að það bendi allar örvar í sömu átt: Miguel Mista gæti verið á leiðinni í janúar!

Þetta á sér margvíslegar ástæður, en bara svo það sé á hreinu er ég búinn að sjá þetta of víða undanfarnar tvær vikur eða svo til að þetta teljist bara slúður. Spænsku netmiðlarnir eru farnir að segja frá þessu og Liverpool-síðurnar eru nánast farnar að tala um þetta sem vitað mál … svipað og það var vitað mál síðasta vetur að Djibril Cissé myndi koma til okkar.

En ástæðurnar fyrir því að þetta er svona déskoti líklegt eru:

*Mista á aðeins 9 mánuði eftir af samningi sínum við Valencia.
*Mista hefur hingað til neitað að skrifa undir nýjan samning við Valencia, sem hefur gert það að verkum að Claudio Ranieri þjálfari hefur hent honum út úr liðinu.
*Mista var ekki einu sinni í hópnum þegar Valencia vann Anderlecht í sínum fyrsta Evrópuleik fyrir tveimur vikum. Það er spennandi að sjá hvort hann verður í hópnum gegn Werder Bremen á miðvikudaginn. Ef hann spilar ekki í Evrópukeppni með Valencia fyrir áramót er hann vænlegri kostur fyrir okkur í janúar, auk þess sem Valencia gætu fengið aðeins meiri pening fyrir hann ef hann er ekki cup-tied.
*Miguel Mista spilaði fyrir Rafael Benítez bæði hjá Tenerife og Valencia. Segja mætti að þar sem Benítez er, þar sé Mista jafnan líka.

Og þannig er nú það. Eftir að Ranieri tók við hjá Valencia í sumar er Marco Di Vaio orðinn fyrsti kostur í framherjastöðuna og Bernardo Corradi er annar valkostur. Hingað til hefur Mista annað hvort setið á bekknum eða verið fyrir utan hópinn. Hann hefur aðeins spilað 18 mínútur í deildinni hingað til og ekkert í Evrópukeppni. Hann fékk að koma inná undir lokin gegn Real Sociedad fyrir rúmri viku síðan … og skoraði mark eftir að hafa verið inná í 3 mínútur. Hefur ekkert fengið að spila síðan þá.

Ég er spenntur fyrir Mista, held að hann væri frábær kostur hjá okkur og myndi eflaust létta mikið af því álagi sem er núna á Cissé og Baros, sem eru báðir frekar ungir og óreyndari en Mista. Mista er örfættur sem myndi bæta enn nýrri vídd við framlínuna okkar, hann er frábær skallamaður og sterkari en bæði Cissé og Baros í loftinu, auk þess sem hann er sérfræðingur í vítaspyrnum, sem virðist vera eitthvað sem Liverpool sárvantar í ár.

Hann er ekki sá fljótasti, en það er Alan Shearer ekki heldur. Mista er algjör refur, virðist alltaf vera á réttum stað til að skalla fyrirgjafirnar inn eða pota boltanum yfir línuna, auk þess sem hann er eins og áður sagði með mjög öflugan vinstri fót. Þá hefur hann síðustu tvö tímabil virkað mjög vel í framlínu Valencía einmitt af því að hann nær rosalega góðu sambandi við leikmennina í kringum sig. Í fyrra var ekkert óeðlilegt að sjá hann senda Baraja eða Vicénte innfyrir með góðum sendingum.

Sem sagt, ef maður á að trúa þessu þá vilja Valencia spara hann í Evrópukeppnum svo að þeir geti selt hann í janúar, frekar en að missa hann frítt næsta sumar. Hann verður 26 ára núna í nóvember og er því enn á besta aldri, þannig að ég get ekki séð neitt því til fyrirstöðu að þetta gætu orðið næstu frábæru kaup Rafa Benítez. Og miðað við þá reynslu sem við höfum hingað til af Josemi, Luis García og Xabi Alonso er engin ástæða til að ætla annað en að hann yrði fljótur að aðlagast enska boltanum. ;)

Miguel Mista – rauður í janúar? Ég vona það eiginlega. Jájá, eigum við ekki að segja það bara? :)

**Uppfært (Einar Örn)**: Það er kannski ekki úr vegi að benda á aðrar fréttir, þar sem fréttin, sem Kristján benti á, var ekki mjög ítarleg:

[RED MISTA HITS RANIERI](http://www.sportinglife.com/football/overseas/spain/news/story_get.dor?STORY_NAME=international_feed/04/09/15/SOCCER_Spa-Valencia.html&TEAMHD=spain)
[Canizares urges Mista solution](http://wwiii.sbs.com.au/home/index.php3?id=50110)
[Valencia's Mista won't "close door" to Liverpool](http://www.tribalfootball.com/september/spanishnews1100904.html)

Jæja, eru menn búnir að jafna sig eftir gærdaginn? Það eru bara þrír dagar í næsta leik hjá okkar mönnum en það er jú eins og svo oft hefur komið fram áður gegn Mónakó í Meistaradeildinni. Ég get ekki beðið.

Hins vegar er svo sem ekki skortur á slúðri í dag. Það eru helst tvær greinar sem maður þyrfti að tjá sig um. Í fyrsta lagi, þá er talað um að Benítez ætli að versla hjá Valencia í janúarglugganum, en þar sem hann er loksins búinn að ná sáttum í peningadeilunni við sinn fyrrverandi klúbb gæti leiðin loksins verið greið til að ná í eitthvað af leikmönnum þaðan.

Í þessu sambandi eru þeir helst nefndir Roberto Ayala og Miguel Mista, þar sem við þurfum í raun einna helst á að halda að fá góðan miðvörð til að kóvera fyrir Carragher og Hyypiä … og framherja, í staðinn fyrir Owen. Ég verð að viðurkenna að ég væri alls ekki á móti því að fá þessa tvo leikmenn, hins vegar myndi ég ekki vilja borga of mikið fyrir Ayala sem er nú orðinn 32 ára gamall.

Við sjáum til í janúar. Þangað til er til lítils að pæla í þessu.

Gvöð minn góður. Hann svaraði þessu fljótt í vikunni, sagðist ekki vera að fara. Benítez sagði að hann væri ekki til sölu og ef liðið spilar jafn vel á næstu mánuðum og það gerði í gær dettur mér ekki í hug að Stevie G vilji yfirgefa liðið og vængbrjóta það á miðju tímabili. En það stöðvar því miður ekki hrægammana í ensku pressunni, þeir eeelska bara að búa til eitthvað safaríkt um fyrirliðann okkar.

Aldrei. Og af hverju? Jú, af því að hann er ekki fyrr farinn á láni til Bolton að hann gagnrýnir KLÚBBINN, leikmennina, Houllier og bara ALLT sem tengist Liverpool FC.

Eins og góður maður sagði við mig á Players í gær: sá snefilsvottur af virðingu sem maður bar fyrir Diouf hvarf þegar maður las þessi ummæli hans.

Glöggir menn hafa eflaust séð að undanfarna mánuði höfum við Einar talað mikið um það hversu mjög það hryggir okkur að sjá Diouf fara frá Liverpool. Og það var af einni ástæðu: hæfileikar. Það efast enginn um það að hann hefur vissulega hæfileikana til að verða einn af bestu leikmönnum heims og hann sýndi okkur þá hæfileika stöku sinnum í Rauðu Treyjunni.

Hins vegar var ljóst að það var eitthvað vesen á honum utan vallar, það var engu líkara en að forráðamönnum Liverpool líkaði ekki sá persónuleiki sem Dioufy er utan vallar, því þeir virtust staðráðnir í að losa sig við hann.

Þetta áttum við Einar erfitt með að skilja, en eftir þessi ummæli þá verð ég að segja að ég er bara sár. Og reiður. Af því að ég er búinn að vera að verja þetta gerpi með kjafti og klóm á þessari vefsíðu undanfarið, hef lýst yfir undrun minni með það að hann sé á förum og égveitekkihvað.

Og hann er ekki fyrr búin að skella hurðinni á eftir sér að hann snýr sér við og gefur skít í klúbbinn, leikmennina, Houllier sem á það virkilega ekki skilið (maðurinn sýndi meiri tryggð við Dioufy en flestir aðrir hefðu gert) og bara allt sem tengist Liverpool. Hann gengur svo langt að kalla síðustu tvö ár á ferli sínum “the Liverpool nightmare“, hvorki meira né minna.

Ég ætla ekki að fjölyrða um það hvað hann sagði. Þið getið lesið fréttina sjálf og allt það. Ég ætla ekki að svara þessum ásökunum hans því þær eru ekki svaraverðar, að mínu mati. Það sást greinilega í leiknum í gær að það er góður liðsandi í liðinu – er það kannski tilviljun að það gerist þegar Dioufy er farinn?

Virðing mín fyrir Diouf er engin. Þetta er engu betra en þegar Terry McDermott, meðlimur í gullliði Liverpool, ræðst hvað eftir annað að liðinu og gagnrýnir allt sem hreyfist harkalega í bresku sjónvarpi þessa dagana. Stundum geta svikin verið slæm, sérstaklega þegar þau koma frá mönnum sem maður hélt svo mikið uppá hér í þátíð.

En ekki lengur. McDermott er ómerkilegur að mínu mati og nú hefur Dioufy bæst á þann lista. Ekki sjáið þið Fowler ráðast svona harkalega að klúbbnum og/eða Houllier? Ekki sjáið þið Cheyrou eða Heskey gagnrýna klúbbinn og fyrrverandi liðsfélaga sína svona rosalega? Nei, af því að þeir eru heiðvirðir menn sem hafa virðingu fyrir Liverpool.

Diouf á það ekki skilið að vera nefndur í sama flokki “fyrrverandi leikmanna Liverpool” og þeir Fowler, Cheyrou eða Heskey. Ekkert frekar en að McDermott á skilið að vera nefndur í sömu andrá og Keegan, Dalglish eða Molby.

Og þar með er það mál útrætt. Ég veit ekki hvort Einar vill bæta einhverju við þetta þegar hann kemur heim í næstu viku, þar sem hann varði Dioufy jafn mikið og ég (ef ekki meira) og er eflaust jafn reiður og ég. En að öðrum kosti þá munið þið ekki sjá okkur verja Diouf meira á þessari síðu.

Aldrei aftur.

Chris Bascombe skrifar um [viðræður Liverpool og Real Socided](http://icliverpool.icnetwork.co.uk/0500liverpoolfc/0100news/tm_objectid=14520154%26method=full%26siteid=50061%26headline=rafa%2deyes%2dup%2dalonso-name_page.html) um Xabi Alonso.

Eftir því, sem ég hef lesið í morgun, þá buðu Liverpool 8 milljónir punda í Xabi Alonso. Sociedad verðleggja hann á 12 milljónir, en eru sennilega tilbúnir til mæta Liverpool í miðjunni og selja Xabi á 10 milljónir.

Bascombe endar svo á þessum orðum:

>In what promises to be a busy week in the transfer market, Liverpool are also believed to be close to further new signings to parade alongside Alonso.

>Barcelona’s Luis Garcia is a target for Benitez. It’s also thought Shaun Wright-Phillips is on list of potential recruits.

Jammm, þetta verður svo sannarlega spennandi vika

Ja hérna! Slúðrið sem Einar setti hér inn í gær um að Michael Owen gæti verið á förum frá Liverpool reyndist vera á stoðum byggt, og kom frá sama manni og skúbbaði kaupunum á Josemi og sölunni á Danny Murphy.

Nú, í kvöld, kom sami maður með enn eina fréttina inn á spjallborð YNWA.tv. Ástæðan fyrir því að hann setur fréttina inn á spjallborðið en ekki á fréttasíðuna (hann setti Owen-fréttina líka inn á spjallborðið í gærkvöld og beið þangað til síðdegis í dag, þegar búið var að staðfesta hana frá minnst 2 heimildum, með að setja hana á fréttasíðuna) er sú að hann er ekki enn búinn að fá staðfestingu frá a.m.k. tveimur heimildum, sem hann segir að sé stefna hjá þeim. Þeir setja ekki skúbb inn sem frétt fyrr en það eru a.m.k. tveir góðir heimildarmenn búnir að staðfesta hana.

Þangað til er hún slúður. Murphy: slúður sem varð að frétt. Josemi: slúður sem varð að frétt. Owen: slúður sem varð að frétt. Og nú í kvöld var þessi sami maður að setja inn aðra ‘frétt’, sem hann segist vonast eftir að verði staðfest af seinni heimildarmanni sínum í kvöld eða á morgun. Því fannst mér alveg sjálfsagt að setja þessa ‘frétt’ hér inn, þótt hún sé ekki orðin endanlega staðfest, þar sem þessi gaur hefur hitt naglann á höfuðið nokkuð oft undanfarnar tvær-þrjár vikur.

Fréttin hljóðar nokkurn veginn svona: Fernando Morientes er búinn að samþykkja samning við Liverpool og mun koma til liðsins í skiptum fyrir Michael Owen.

Ekki öskra. Þegar í dag er búið að tala um Beckham, Xabi Alonso, Shaun Wright-Phillips og égveitekkihvaðfleira. Þannig að maður er orðinn öllu vanur, þetta hefur verið einhver svakalegasti slúður-dagur sem ég man eftir.

Annað hvort er hið svokallaða ‘silly season’ að slá öll met í ár … eða þá að það er virkilega eitthvað stóóóóórt á leiðinni á næstu dögum. Ég veit það ekki, en það er allavega gaman að vakna á morgnana og hugsa með sér: hvaða fréttir fær maður í dag? Hvernig í ósköpunum er hægt að toppa gærdaginn?!?

Á morgun er að sjálfsögðu leikurinn gegn Grazer AK í Austurríki og munum við Einar fylgjast náið með niðurtalningunni að leiknum, sem og öllum fréttum (og slúðri) um leið og þær berast. En fyrst, þá bara verð ég að reyna að ná að sofa í nokkra klukkutíma. Það tekur á að reyna að hafa yfirsýn yfir allt það sem hefur gengið á í dag.

Góða nótt Liverpool-aðdáendur, og vonum að næstu dagar skýri þessi mál enn frekar. Auðvitað fáum við strax svör annað kvöld, þegar Owen annað hvort spilar fyrir Liverpool í Meistaradeildinni eða ekki. Úff … þetta verður sva ka legt!