Máli gegn John Terry fyrirliða Enska landsliðs var í dag frestað til 9.júlí á þeim grundvelli að erfitt væri að fá vitni í málinu til að bera vitni fyrir dómi sökum anna og að sú dagsetning hentaði vel fyrir ákærða, hann var kærður fyrir nokkrum mánuðum fyrir einn alvarlegasta glæp sem hægt er að fremja á knattspyrnuvellinum, kynþáttaníð gagnvart svörtum leikmanni andstæðinganna.

Enska knattspyrnusambandið hefur sýnt það í verki svo um munar að það er engin þolinmæði fyrir slíku í enska boltanum og dæmdi m.a. leikmann Liverpool á dögunum í eitt lengsta bann sem Liverpool maður hefur fengið í seinni tíð plús peninga sekt. Það gerðu þeir án þess að sanna mál sitt á nálægt því nægjanlega góðan hátt til að hægt væri að taka fyrir innan dómskerfisins, raunar var sá dómur eingöngu byggður á því að snúa útur orðum hins ákærða (Suarez) eftir grunsamlegri hentisemi og taka öllu trúanlegu sem kærandinn (Evra) hélt fram. Jafnvel þó að hans framburður hafi upphaflega verið byggður á misskilningi sem hann samþykkti seinna. Eins var ekki orð dregið í efa í framburði Evra þrátt fyrir fyrri sögu hans hjá enska knattspyrnusambandinu sem árið 2008 lýsti honum sem ótrúverðugu vitni sem ýkti mál sitt töluvert.

Suarez viðurkenndi, sem eftir á að hyggja voru mistök, að hafa sagt á spænsku það sem á íslensku myndi útleggjast sem “Ahverju, Svarti?“ Þeir sem unnu málið fyrir enska knattspyrnusambandið heyrðu bara annað orðið og var þetta orð það eina sem þeir tóku trúanlega frá Suarez í öllum hans vitnisburði. Evra sakaði Suarez um að hafa kallað sig þessu orði yfir tíu sinnum og þá hélt hann því fram að orðið væri n****er. Hann breytti seinna framburði sínum í fimm sinnum þannig að eðlilega komst enska knattspyrnusambandið að því að Suarez hefði sjö sinnum sagt svarti við Evra í samhengi sem Evra einn “heyrði”! Magnað alveg.

Það er aðdáunarvert að skoða hvernig enska knattspyrnusambandinu með góðri hjálp enska fjölmiðla tókst að fara svona sitthvora leiðina með þessi ákaflega keimlíku mál. En maður fær óneitanlega æluna upp í háls við að sjá hversu rosalega öll málsmeðferð svo ekki sé nú talað um fjölmiðlaumfjöllun hefur fallið með fyrirliða enska landsliðsins. Mál Terry er ekki komið frá Anton Ferdinand, hann heyrði ekkert í umræddum leik og var jolly inni í klefa Chelsea manna eftir umræddan leik. Enska knattspyrnusambandið stóð því frammi fyrir því að þurfa að ákæra fyrirliða landsliðsins fyrir kynþáttaníð, ekki bara það heldur fyrir níð á bróður Rio Ferdinand sem lengi hefur staðið við hliðina á Terry í vörn enskra. Vandræðalegasta mál.

Continue reading →

Dalglish auðvitað eyðilagði fjör dagsins með ummælum sínum í gær en við hendum samt upp opnum þræði í tilefni dagsins.

Strax komu upp “samsæriskenningar” vegna ummæla kóngsins, þetta væri bara reykur sem væri verið að þyrla upp, ekki síst eftir að Mick McCarthy tjáði öllum að Wolves hefðu neitað LFC um að færa leik kvöldsins til. Liverpool hafði beðið um það til að eiga meiri tíma á síðasta degi gluggans.

En sjáum til hvernig dagurinn þróast, bætum hér inn ef eitthvað gerist hjá okkur en þráðurinn er opinn og fólk getur tjáð sig um gluggann og önnur lið að vild.

Miðað við lestur fyrirsagnanna undanfarna daga má vera ljóst að nú virðast leikmannaflutningar standa fyrir dyrum.

Gary Cahill kláraður til Chelsea í gær, þeir ákváðu að greiða 7 milljónir fyrir 5 mánaða tímabil, hefðu getað fengið hann frítt í sumar. Papiss Cissé kom svo til Newcastle staðfest í morgun og Norwich er að ganga frá einum besta leikmanni Championshipdeildarinnar, fyrirliða Leeds Jonny Howson.

Aðeins hefur komið upp umræða um þá leikmenn sem við höfum rætt um að gætu mögulega komið til Liverpool. Aston Villa tala um að fá a.m.k. það sem þeir greiddu fyrir Darren Bent ef á að selja hann (24 milljónir punda) því þeir þurfi engan að selja. Tottenham hefur sett verðmiðann á Jermaine Defoe upp á 20 milljónir, enda hann ekki að renna út á samningi og þeir að reyna að selja Pavlyuchenko. Svo er nú sagt að lágmarkstilboð sem þurfi að gera til að Lille selji Eden Hazard sé 35 milljónir, það hafi verið sett fram sem svar við fyrirspurn frá United og Chelsea í leikmanninn.

Hvað segir fólk, eigum við að punga út þessum upphæðum til að fá þessa leikmenn í liðið? Það eru spurningarnar sem stjórinn og co. þurfa að svara núna. Ég tel okkur þurfa leikmenn af háum klassa til að fara inn í þetta lið og myndi því alveg vilja sjá liðið skella út stórum slumpum fyrir alvöru leikmenn frekar en að finna menn á 3 – 7 milljónir. Þetta verður fróðlegt!

Fyrir einu ári síðan kom fréttatilkynning á opinbera heimasíðu Liverpool sem hófst svona:

Liverpool FC confirmed today that manager Roy Hodgson has left the club by mutual consent.

Þetta varð góður dagur (raunar einn besti fyrir stuðningsmenn Liverpool í ansi langan tíma) því eftirfarandi kom einnig í sömu tilkynningu:

Club legend Kenny Dalglish will assume control of team matters 

Það virkar stundum á mann eins og það sé lengra síðan þetta átti sér stað en svo er ekki.

Þetta var vondur dagur fyrir leikmenn eins og Charlton Cole, Ola Tivonen og fleiri sem fyrri stjóri vildi fá til að byggja upp nýtt og verra Stoke lið með en góður fyrir stuðningsmenn Liverpool sem fóru strax að heyra mun meira spennandi leikmenn orðaða við félagið eins og Luis Suarez og Charlie Adam (sem var funheitur í deildinni þá).

Það eru ekki alveg sömu læti núna en þó nokkuð líklegt að liðið verði eitthvað styrkt í janúar. Lítið sem ekkert lekur af viti í ITK (in the know) hetjur á twitter sem mark er takandi á og liðið vinnur sannarlega eftir gömlu gildunum, segja frá því þegar það er frá einhverju að segja. Leikmenn sem helst er orðað við okkur í dag eru Junior Hoilett og Scott Sinclair. Eins hef ég eitthvað séð um Chris Samba, Demba Ba og Jackson Martinez sóknarmann frá Kólembíu en ekkert af þessu er með nógu merkilegum heimildum að það taki því að linka á það.

Slúður um Darren Bent er ekki lengur in og virðist vera að deyja út.

Líklega er bara best að gera sér engar vonir fyrr en eftir fjögur 31.janúar en það virðist stundum vera eins og þessi gluggi sé bara opinn frá 16-17 þann dag.

En orðið er frjálst.

Lítið um ferskt leikmannaslúður – Coloccini neitar því að hann fari frá Newcastle í janúar en ýjar að því að Liverpool hafi spurt um sig.

Mark Lawraenson, sem kóngurinn Kenny skaut fast á í gær í viðtölum eftir leik, hefur látið orð falla um það að Darren Bent sé klárlega á leiðinni á Anfield – hann varð í þriðja sæti í kjöri á leikmanni ársins hjá Villa í fyrra. Spurning hvað mönnum finnst um það?

En svo má nú ekki gleyma því að hið óstjórnlega góða lið Scum United spilaði í kvöld í roki. Ferguson var búinn að afsaka sig fyrirfram að lið sitt ætti erfitt í roki. Enda var þeim snýtt, 3-0 af Newcastle-liði sem var yfirspilað á Anfield fyrir stuttu. Svo þar með hafa United fengið 0 stig út úr síðustu 2 leikjum, gegn liðum sem við höfum fengið 4 stig gegn stuttu áður. Svo að ef að allt er að hrynja hjá okkur virðist stutt í það sama hjá United.

En svo skuluði ekki halda að þessi opni þráður sé settur upp til að færa síðustu fyrirsögn neðar, bara alls ekki ;)

Gleðilegt ár öll, við treystum því að það boði hamingju okkur til handa.

Fréttir dagsins snúast auðvitað um 115 blaðsíðna dóm FA gegn Luis Suarez. Þar rökstyðja þeir dóm sinn og mér finnst bitastæðasti útdrátturinn á BBC – en þar er talað um að rifrildi Suarez og Evra hafi verið “í illu” og Suarez hafi notað orðið negro á niðrandi hátt gagnvart Evra en ummæli Evra um Suarez hafi ekki átt að særa hann. Þó Evra hafi byrjað rifrildið með að tala niður til systur Suarez á spænsku!

Þeir ákveða svo að Suarez hafi verið “ótrúverðugur” gegn því að Evra hafi virst “traustur” og til þess var horft í dómnum þegar Suarez var dæmdur í bannið, fyrir það að m.a. að “skaða ímynd enskrar knattspyrnu á heimsvísu”. Ekkert sem ég les segir annað en það sem Einar Örn hefur lýst fyrir okkur, mitt mat allavega ennþá…

Liverpool er búið að gefa út yfirlýsingu þar sem að það ætlar að fara yfir málið með lögfræðingum sínum og Suarez sjálfum. Ég hef trú á áfrýjun en þó er spurning hvernig félagið metur þá áfrýjun gagnvart aðdáendum sínum og hvort nafn klúbbsins hafi farið illa út úr þessu máli öllu. Sjáum til.

En svo er “Leikmannaglugginn” opnaður aftur og við erum strax búin að díla! Danny Wilson var í gær lánaður til Blackpool og er ætlunin að hann leiki þar til vors. Wilson var keyptur til liðsins árið 2009 sem efnilegasti miðvörður Bretlandseyja en hefur ekki náð sér á strik. Vonandi nær hann sér í sjálfstraust og leikreynslu hjá snillingnum Holloway og snýr aftur öflugur í vor.

En, þráðurinn er opinn elskurnar!

Stjórnendaumræðan má alveg halda áfram á þræðinum að neðan.

En það er satt að segja ákaflega lítið að frétta, okkar menn komust ómeiddir úr landsleikjum föstudagsins, U-18 ára liðið átti dapran dag í gær og tapaði fyrir Bolton 1-2 heima. Enska landsliðið varðist til sigurs í gær gegn daufum Spánverjum og fréttir úr herbúðunum þar segja að Capello sé nú að spá í að taka Joe Cole inn í hópinn næsta sumar þar sem Rooney auðvitað verður í slökun í riðlakeppninni.

En annars er þráðurinn galopinn!

Áfram landsleikjahlé!

Ef við rennum yfir Liverpoolblöðin til að afla okkur umræðuefna má fyrst benda á að varalið félagsins gerði markalaust jafntefli við Blackburn Rovers í gær. Liðið er í ár nær eingöngu skipað mönnum úr U-18 ára liðinu og þeim sem nýgengnir eru upp úr því, í leikmannahópi gærdagsins var enginn úr aðalliðshópnum.

Anfield Road tók sig til og stóð upp og klappaði Swansea City af velli um helgina. Þetta er nokkuð sem þekkist held ég ekki á öðrum völlum Englands og aðkomudrengirnir eru hrærðir yfir þessu hjá þeim sem þeir kalla nú “bestu aðdáendur í heimi”. Veit ekki með ykkur, en ég er stoltur af þessu framtaki.

Í Liverpool Daily Post greinir Mark Lawraenson frá því augljósa. Það að Liverpool FC á erfitt með að skora þrátt fyrir að leika betur úti á vellinum í fyrra og hann hefur áhyggjur af skorti á sjálfstrausti liðsins á Anfield ef það skorar ekki snemma. Fínn pistill sem ég er mjög sammála.

Í gær gekk svo fyrirliði bandaríska U-17 ára liðsins frá samningi við Liverpool. Þessi strákur heitir Marc Pelosi, spilar á miðjunni og þykir mikið efni. Yfirmaður yngriliðastarfsins, Frank McParland, er afskaplega glaður að okkur tókst að ná þessum dreng til okkar og reiknað er með að hann spili bæði með U-18 og varaliðinu okkar.

En annars er þráðurinn opinn í alla enda.

Myndin er tekin af www.ussoccer.com

Eftir leik kvöldsins munum við henda inn Kop-gjöri í fyrramálið og síðan styttist í podcast.

Er þetta því ekki upplagður dagur fyrir opinn þráð?

Heitast hjá okkar mönnum er að nú er beðið frétta af meiðslum fyrirliðans, kjaftasaga fór á twitter í gær með að hann yrði frá í 2 mánuði, en kóngurinn talaði um “smávægileg meiðsli” i kringum WBA leikinn.

Annars virðist nú helgin hafa leitt í ljós að Vilas-Boas karlinn sé núna í verkefni sem er ærið stórt fyrir hann, blöðin slá upp að allt hafi orðið vitlaust á æfingasvæði Chelsea á sunnudag og það er auðvitað klárt að tvö töp fyrir Lundúnaliðum í röð hjálpar ekki stjórnanda Chelsea-sirkussins.

En, hér er opinn þráður. Endilega nýtið ykkur.

Laaaaaaaaaaaaaaandsleikjahlé.

Helgin búin, nákvæmlega ekkert að frétta. Eigum við samt ekki að reyna að ræða eitthvað? Ef menn eru með góðar United-móðganir eða brandara, deilið þeim þá með okkur hinum í ummælunum. Það eru fimm dagar í orrustu, um að gera að hita sig aðeins upp.

Það er enn verið að ræða Everton-sigurinn í leikskýrslunni hér fyrir neðan, en hér er hægt að ræða allt annað sem menn langar til að ræða.

Vinsamlegast kynnið ykkur reglur Kop.is áður en þið takið þátt í umræðum á síðunni.

Styttist í Mersey-side derbyið, óða flugan á fullri ferð. Ýmislegt hægt að spá í, liðsskipanina, þá staðreynd að LFC virðist stundum eiga erfitt í hádegisleikjum og umdeilda úthlutun á dómara leiksins, sem er Martin Atkinson nokkur og hefur verið umdeildur síðustu ár.

Líka vert að líta á viðtalsbút við Steve Clarke þar sem hann fjallar um æfingarnar á Melwood, segir þar m.a. að hann, Keen og Dalglish séu “gamaldags” á þann hátt að þeir láti augað ráða því hver stóð sig á æfingunni og hver ekki, þó vissulega sé frábært að fá alla statistíkina frá vísindunum. Tiltekur svo Jordan Henderson sem þann sem lengst sé áfram að æfingu lokinni.

En – þetta er opinn þráður og í þeim má láta gamminn geysa um ýmislegt, þó innan ramma reglnanna á kop.is

Vinsamlegast kynnið ykkur reglur Kop.is áður en þið takið þátt í umræðum á síðunni.

Þetta er opinn þráður. Við erum enn að ræða leikinn gegn Wolves í leikskýrslunni hér fyrir neðan, en hér getið þið rætt allt annað sem þið viljið ræða. Go nuts!

Það er upphitun væntanleg á morgun geri ég ráð fyrir en þar til hún dettur inn er orðið frjálst með því skilyrði að við ræðum fótbolta.

Standið á hópnum er annars ágætt skv. King Kenny, Glen Johnson er sá eini sem er pottþétt ekki með um helgina, Gerrard er farinn að æfa á fullu og jafnvel verið að sjá fram á endurkomu hans í leiknum gegn Brighton. Meiðslapésarnir Martin Kelly og Fabio Aurelio eru síðan báðir farnir að æfa og nálgast endurkomu.

Uppfært: Leikurinn er auðvitað ekki fyrr en á sunnudaginn þannig að upphitun er væntanleg á morgun eða hinn. Allt eftir því hvað SSteinn er orðinn spenntur fyrir leiknum.

Það er nokkuð lífleg vika framundan hérna á kop.is frá og með þriðjudagskvöldi og því ágætt að smella inn einum opnum þræði núna. Það er svosem lítið að frétta, einhverjir leikmanna okkar fara í ALGJÖRLEGA ÚT-ÚR-KORTINU FÁRÁNLEGT landsleikjaprógram núna þrjár mínútur í mót þar sem m.a. má finna gríðarlega mikilvægan vináttuleik óvinaþjóðanna (í fótbolta) Englands og Hollands þar sem líklega hver einasti leikmaður verður með það markmið að meiðast ekki.

Joe Cole er ekki einn af þessum landsliðsmönnum okkar en hann ætti það samt skilið eftir þetta frumlega plank sem hann tók í síðasta leik:

Mynd tekin rétt eftir að hann náði þessu fullkomlega :)

Annars minnum við menn á að búa sér til lið í Fantasy leiknum og skrá sig í kop.is deildina. 

Þriðjudagur eftir verslunarmannahelgi og því kannski bara fínt að líta aðeins yfir sviðið í dag.

Kóngurinn búinn að tjá sig um leik gærdagsins, lofar öflugri æfingaviku þar sem áherslan verður lögð á vinnuna sem leggja þarf á sig til að verjast og ná boltanum. Það líst mér vel á! Hollendingurinn þindarlausi bendir okkur á að undirbúningstímabilið snúist um það að gera liðið tilbúið fyrir leikinn gegn Sunderland – annað sé aukaatriði.

Á laugardaginn verður “Generalprufa” á Anfield þegar Valencia mæta á svæðið. Væntanlega verður Lucas Leiva mættur í hópinn þann dag, sá mætti til æfinga á Melwood í gær skilst mér. Vonandi hélt strákur sér í standi á búgarðinum sínum í fríinu. Við þurfum hann tilbúinn 13.ágúst!

Annars er margt við sama horn heygarðs.

Alberto karlinn er á milli tanna blaðamanna. Nýjast er að AC Milan sýna honum áhuga, Gallardi varaforseti tjáir sig um strák. Segir hann hafa margt til að bera sem liðið sé að leita að. Væntanlega verður þetta áfram umræðan allt til 1.september eða þegar Aquilani fer til Ítalíu. Við höfum margfarið yfir þetta, en auðvitað er frjálst að ræða þetta áfram ef við viljum.

Önnur framhaldssaga er í gangi, sú er Milan Jovanovic sem nú hefur náð samkomulagi um að leika með Anderlecht. EN!!! Nú er umboðsmaður hans farinn til Liverpool þar sem hann mun reyna að semja um starfslokagreiðslu fyrir strákinn. Hann er að fá töluvert lægri laun í Belgíu en hjá okkur og nú er komið að því að við borgum honum fyrir að fara frá okkur. Verulega ömurlegt!

Nýjasti eltingaleikurinn okkar er talinn vera við Ryan Shawcross hjá Stoke. Hins vegar gæti það orðið erfitt því eins og kemur fram í þessari grein á United ennþá rétt á þessum leikmanni, eiga “first refusal” og munu víst ekki láta Ryan karlinn eignast heimaslóðir á Anfield. Sjáum til.

Svo er hérna skemmtilegt video frá Sports Illustrated þar sem verið er að taka viðtal við fitnessstjórann okkar, Darren Burgess. Endilega líta á það…

Alla vega – um eitthvað að spjalla eftir þessa hressustu helgi ársins!

Það er Verslunarmannahelgi og lítið að gerast fram að næsta æfingaleik á mánudaginn kemur. Ræðið það sem ykkur sýnist þangað til en af gefnu tilefni vil ég minna menn á að fylgja reglum síðunnar þegar ummæli eru skrifuð! Reglurnar eru einfaldar: ekkert skítkast, engin uppnefni og sýnið hvert öðru virðingu. Þetta á ekki að vera flókið.

Það er mánudagur og lítið að frétta. Liðið lenti í Guangdong í Kína fyrr í dag og það er hægt að sjá alls konar myndir og vídjó frá ferðinni á LFC.tv. Mæli með því. Þá segir franska blaðið L’équipe frá því í dag að Hamburg SV sé að reyna að kaupa Joe Cole á 10.6m Evra, sem er án efa fyndnasta frétt ársins í boltanum.

Ræðið það sem ykkur sýnist. Að lokum, þá má ég til með að deila þessu með ykkur:

Þetta eru forráðamenn Napoli að afhjúpa nýjasta leikmann liðsins á fréttamannafundi í morgun. Það vissi enginn hver leikmaðurinn var fyrr en hann tók af sér ljónagrímuna og þá kom í ljós að þetta var Gökhan Inler frá Udinese.

Stórbrotið. Framvegis heimta ég að ný leikmannakaup Liverpool komi á blaðamannafundi í fuglabúningum og láti menn giska hver leikmaðurinn er.

Aston Villa hafa hafnað fyrsta boði Liverpool í Stewart Downing. Það var uppá 15 milljónir punda.

Annars er umræðan opin um leikmannakaup. Vinsamlegast virðið það að snúa ekki öllum umræðuþráðum uppí slúður-umræðu. En í þessum þræði er umræðan opin.

Charlie Adam… geisp.
Juan Mata…geisp.

Og svo framvegis. Ég er kominn með svo mikið ógeð af því að refresh-a Twitter að ég er alveg að gefast upp. Ég held að ég færi mig algjörlega yfir á Guardian svo ég haldi geðheilsunni það sem eftir er af sumri.

Gael Clichy virðist vera að fara til Manchester City og Albert Aqulani segist vera spenntur fyrir því að spila fyrir Liverpool á næsta tímabili. Hann segir:

“I return to Liverpool with great enthusiasm,” Aquilani said. This is not a problem. It’s not true that I didn’t want to return to England.”

Er það svo slæmt að fá ítalskan landsliðsmann aftur á Anfield? En Liverpool fara varla að kaupa Charlie Adam ef að Aquilani verði seldur. Ég hefði heldur viljað fá Adam, en Aquilani er auðvitað góður líka. Varla ætlum við að fara inní tímabilið með Henderson, Lucas, Gerrard, Adam, Meireles og Aquilani + svo Spearing og Jonjo. Það er sturlun.

En allavegana, ræðið það sem þið viljið hér.

Meðan við bíðum eftir einhverjum staðfestum fréttum af leikmannamarkaðinum er ágætt að vangavelta aðeins slúður helgarinnar.

* Charlie Adam á að vera koma í dag. Nýjustu fréttir af kaupverði eru 6 milljónir punda + Stephen Darby. Sumir twitterarnir tala um að Jonjo Shelvey fari að auki í lán í eitt ár á Bloomfield Road. Ansi löng þessi Adam-saga öll.

* Raul Meireles á að vera fúll þessa dagana. Í fyrrahaust fékk hann samning til eins árs upp á 30 þúsund pund tryggð og svo átti að tvöfalda samninginn nú í sumar ef aðilar væru sáttir við frammistöðu hans í fyrra. (Eilítið magnað að hans samningur var settur svona upp en ekki hinna snillinganna sem fyrrum stjóri fékk). Miðað við sögu FSG-manna er ekki sjálfgefið að þeir séu tilbúnir að hækka laun hans þrátt fyrir að óumdeilt sé að hann stóð sig mjög vel. “Laun samkvæmt frammistöðu” er lögmálið og ekki virðist á hreinu hvernig þetta fer.

* Juan Mata er nú kominn á radar Wenger, sagt að Arsenal, Liverpool og Manchester City horfi til hans. Persónulega þá er ég ekki viss um að við séum að eltast við Mata, hann vill spila aftan við senter, þó vissulega geti hann verið á kanti, og um þá stöðu eru margir að slást í LFC nú þegar. Ég sé þennan strák ekki sem kantmann í 4-4-2.

* Sex leikmenn unglingaliðs Liverpool FC eru komnir áfram með enska landsliðinu á HM U-17 í Mexíkó. Þegar Borell og Segura komu til starfa hjá LFC voru 5 leikmenn að spila með unglingalandsliðum, í dag eru þeir 25. Liverpool er það lið sem hefur flesta leikmenn í þessum U-17 hópi, þau nöfn sem mest er talað um eru Raheem Sterling á vængnum og strikerinn Adam Morgan.

* Stewart Downing þarf að biðja um sölu frá Aston Villa ef hann vill fara til Liverpool. Sumir tala um að með því þá gefi hann eftir upphæð þá sem hann ætti að fá við félagaskipti og þá muni Aston Villa samþykkja 18 milljón punda tilboð. Gerard Houllier skilur vel áhuga liða á þeim ágæta dreng.

* Slúðurmiðlar hafa talað um Aaron Lennon til Liverpool, ég held reyndar að þetta séu bara viðbrögð við því að Redknapp er búinn að lýsa því að hann þurfi að selja áður en hann fær að kaupa.

Semsagt, enn bíðum við staðfestinga á málum, en þó eru drengirnir Dalglish, Clarke og Comolli komnir til starfa eftir sumarfrí og viðbúið að eitthvað fari að gerast…

Myndin af Raul Meireles er sótt á snilldarsíðuna www.liverpool.is

Það er mánudagur og það er ekkert að frétta … ennþá. Látum okkur leiðast saman, ræðið það sem ykkur sýnist hérna.

Það er víst risaleikur í heimsknattspyrnunni í kvöld: úrslitaleikur Meistaradeildar Evrópu veturinn 2010/11. Í úrslitum mætast Spánarmeistarar Barcelona og Englandsmeistarar Manchester United. Ég tel það víst að þessi leikur verði ræddur á síðunni og því er um að gera að hafa opinn þráð þar sem menn geta týnt sér í hasarnum.

Vonandi verður þetta góður og spennandi leikur. Það þarf enginn að taka fram með hverjum ég og flestir lesendur þessarar síðu halda í kvöld, en megi betra liðið vinna.

Mánudagur. Tímabilið búið, sumarið hafið. Við munum að sjálfsögðu uppfæra Kop.is um leið og það er eitthvað ábyggilegt að frétta en þangað til mæli ég eindregið með að menn drífi sig yfir á Twitter, skrái sig þar og fylgist með slúðrinu í beinni þar. Þið getið skráð ykkur, sett okkur á Follow-listann ykkar og eins skoðað hverjir eru á Follow-listunum okkar fyrir mjög góðar heimildir:

* Bloggið sjálft á Twitter
* Kristján Atli á Twitter
* Einar Örn á Twitter
* Babú á Twitter
* Maggi á Twitter
* SSteinn á Twitter

Munurinn á fréttamiðlum eða Kop.is annars vegar og Twitter hins vegar er að hlutirnir gerast nánast í beinni útsendingu á Twitter, áður en það er skrifað um þá á fréttamiðlum (og hérna inni). Þannig að ef menn vilja vera með á nótunum skrá menn sig á Twitter og sækja Twitter-forrit í símann sinn og eru þannig tengdir við slúðrið í allt sumar.

Let the games begin!

Hvað segiði, er einhver leikur í einhverri keppni í kvöld? Einhvers konar … Meistara … deild?

Hversu mikið stendur mér á sama? Við skulum kíkja á mælirinn:

Enginn biturleiki hér á ferð. Sakna undanúrslita ECL ekkert. Neinei.

Fréttamiðlar eru helst uppfullir af því þessa stundina að FSG sé byrjað að ræða við Dalglish um nýjan samning en þeir segja okkur líklega bara frá því sjálfir þegar frá einhverju er að segja. Eins er tímabilið hans Sigvalda (Silly Season) að fara hefjast og nokkuð ljóst að í þetta sinn verður það eitt það lengsta síðan núverandi kerfi var tekið upp.

Norðmenn í lesendahópi kop.is geta síðan glaðst yfir því að núna er búið að ákveða að fara til Noregs í sumar og spila æfingaleik við Valerenga en ef ég man rétt fer klúbburinn líka til Asíu í sumar.

Upphitun fyrir leikinn gegn City er svosem klár og kemur líklega inn í kvöld, en höfum þetta bara opinn þráð á meðan þessa afar óspennandi umferð í enska boltanum í dag er spiluð.

Jæja, umræðan við síðustu færslu entist í um 10 komment áður en hún fór útí einhverja aðra sálma.

Þannig að ég set inn opna umræðu hérna. Times segja frá því (greinin er lokuð – en hérna er tvít frá blaðamanni Times) að helstu skotmörk Liverpool í sumar verði Ashley Young, Gary Cahill, Matt Jarvis og Charlie Adam. Þetta er ótrúlega breskur listi. Mér líst mjög vel á Young og Cahill, en ég hef efasemdir um Jarvis (sem ég hef einfaldlega ekki séð nóg af) og Adam.

Dani Pacheco og Brad Jones hafa báðir verið lánaðir út tímabilið.

Lítið bitastætt að frétta eftir góða helgi og því um að gera að hafa bara opinn þráð sem hægt er þá að nýta t.d. í að ræða stórleiki kvöldsins í meistaradeildinni, stemminguna á öldurhúsum víða um heim rétt eftir hádegi á sunnudaginn eða hvort þessi gula úlpa sé málið.

Uppfært - bætum inn léttri könnun til gamans:

 Loading ...

Uppfært (KAR): Það var óvænt að losna auglýsingapláss hér á síðunni. Plássið er á besta stað, hér fyrir ofan valmyndina hægra megin við megintexta síðunnar. Ef þið hafið áhuga á að auglýsa á síðunni getið þið séð allar frekari upplýsingar hér eða sent mér tölvupóst á kristjanatli (hjá) gmail.com.

Upprunalega færslan er hér fyrir neðan.

Það er þriðjudagur og ekki leikur fyrr en eftir fimm daga: skellum í opinn þráð. Þið getið rætt það sem þið viljið hér.

Einn lesenda síðunnar, Valur Helgason, sendi mér fyrir helgina flott PDF-skjal með textanum við You’ll Never Walk Alone í fallegri uppsetningu. Þetta er tilvalið fyrir þá sem vilja prenta þetta út á gæðapappír og ramma inn á vinnustaðinn eða heimilið. Við kunnum Vali bestu þakkir fyrir þetta.

Þið getið nálgast skjalið hér.

Mikið var þetta leiðinlegur leikur í gær, annar leiðinlegi leikur okkar í röð. Það er heil vika í næsta leik okkar manna, fáum frí um helgina vegna „velgengni“ í bikarkeppnum innanlands, þannig að við gefum orðið laust þangað til eitthvað markvert gerist.

Hér er smá föstudagsfyndið: finnið Cristiano Ronaldo á meðfylgjandi mynd:

Tekið hér af Twitter. :)

Leikur helgarinnar minnti óneitanlega á “the good old days” hvað kop.is varðar. Umræða eftir leik litlausari en oft áður, lengra milli ummæla, lítil sem engin rifrildi og allt í blóma þar til á endanum það gerðist, einhver fór að tala um að hann saknaði Josemi. Ef það eitt og sér öskrar ekki á nýjan þráð þá gerir það ekkert.

En það er ljóst að áhrif Dalglish eru að umbreyta klúbbnum á undraverðum tíma og núna fyrst er maður farinn að trúa þeim jákvæðu fréttum sem koma á opinberu síðu félagsins og frá leikmönnum liðsins. Ég get svo svarið það, ef ég sé einhvern brosandi í gulu vesti á æfingasvæðinu að misnota stóran plastbolta skal ég trúa því núna að hann er í alvörunni ánægður.

Það er allavega ljóst að Dalglish og Clarke eru búnir að snúa æfingaprógramminu við og nokkuð athyglivert að sjá leikmenn gagnrýna fyrrverandi knattspyrnustjóra óbeint á opinberu síðunni líkt og Dirk Kuyt gerði er hann sagði:

“It comes close to the Dutch style. ­Playing with early pressure on the opponents and a passing game with the ball low on the ground. Not all those long balls anymore“.

Afar ánægjulegt að heyra þetta og Poulsen tekur undir þetta í dag er hann segir að Dalglish vill láta okkur spila. 

Þetta er auðvitað nákvæmlega það sem við höfum séð frá liðinu í undanförnum leikjum, en það er samt gaman að heyra leikmenn tala opinskátt um þetta.

Það er ekki leikur aftur fyrr en um næstu helgi og lítið af eigenda-, þjálfara- og öðrum málum að frétta hjá Liverpool, þannig að það er tilvalið að henda upp einum opnum þræði þar sem menn geta rætt það sem þeim sýnist.

Miðað við óstaðfestar fregnir frá Liverpool verður einna helst eitthvað að frétta af leikmannakaupum þessa vikuna. Við getum fylgst með því hér.

Til þess að komast hjá því að Blackpool leikskýrslan sé efsta á síðunni, þá býð hér uppá eitthvað skemmtilegra.

Hér er köttur að hlaupa.

Er þetta ekki róandi? Eru ekki allir búnir að gleyma leiknum í gær?

…

…

…

Ha?

…

…

Allavegana, mönnum er frjálst að ræða um hvað sem er hér. Erum við að kaupa Charlie Adam eða Luis Suarez til dæmis? Ef sá seinni kemur, þarf ég þá að éta orð mín frá því í sumar um hverslags skíthæll Suarez sé?

Jæja, umræðan við þumlapistilinn er komin útí skemmtilegri málefni, það er fótbolta.

Upphitun fyrir Blackburn kemur seinna í dag, en ef menn vilja ræða um leikmanna- eða þjálfaraslúður, þá er hægt að gera það hér. Hérna eru nokkrar fréttir, sem hægt er að ræða

• Guardian: Borussia Dortmund manager Jürgen Klopp denies approach from Liverpool
• Telegraph: Liverpool manager Roy Hodgson could be replaced by Ralf Rangnick, the former manager of Hoffenheim
  
• Og smá leikmannaslúður: Liverpool target Hamburg’s Eljero Elia to support Fernando Torres at Anfield

Spennandi.

Eftir tæpan hálftíma munu John Henry, Tom Werner og jafnvel fleiri frá NESV sitja fyrir svörum í beinni útsendingu hjá LFC TV. Spurningaflóðið hefst kl. 17 og mun áhangendum gefast færi á að hringja inn og spyrja spurninga í beinni útsendingu.

Það er nær öruggt að framtíð Roy Hodgson verður rædd í þessum spurningatíma og það bíða margir spenntir eftir að heyra hvað Henry, Werner & co. hafa um þjálfaramálin að segja. Styðja þeir Hodgson heilshugar? Eru þeir sáttir við frammistöðu liðsins? Telja þeir þetta vera öðru en þjálfaranum um að kenna? Fær hann tíma til að byggja liðið upp eða er hann að berjast fyrir stöðu sinni í næsta leik?

Vonandi fáum við svör við þessu og fleiri spurningum í þessum þætti á LFC TV. Lesendum Kop.is gefst kostur á að ræða þennan spurningatíma og uppfæra með fregnum af spurningum og svörum í ummælum við þennan þráð. Við uppfærum þráðinn svo með nýjustu fréttum ef Henry eða Werner segja eitthvað bitastætt.

Þar til upphitun kemur á morgun er ekki úr vegi að hafa bara opna umræðu og nýta tækifærið til að minna á að taka föstudaginn næsta frá fyrir fyrsta Pub Quiz Liverpool bloggsins og bjórkvölds Liverpool klúbbsins. Við auglýsum þetta betur alveg á næstunni en bendum áhugasömum á að þeir þurfa sannarlega að fara lesa sig til um klúbbinn til að vera með hlutina á hreinu á Players á föstudaginn :-)

Svo virðist sem Roy Hodgson hafi (því miður) náð að kaupa sér a.m.k. viku í viðbót með sannfærandi leik liðsins gegn Blackburn. Eins sleppur Poulsen ágætlega enda átti hann sinn besta leik fyrir liðið gegn Blackburn og því er umræðan að því er virðist að færast í nokkuð eðlilegt horf aftur eftir nokkra mánuði af eigenda og/eða þjálfara umræðu. Jú það ernefninlega byrjað að orða flesta leikmenn sem hugsanlega gætu verið fáanlegir í janúar við liðið og eins eru af og til að poppa upp fáránlegir orðrómar um að okkar bestu leikmenn séu á leið í burtu og það sem ótrúlegast er af öllu, til United!!

En meðan ekkert er að gerast þá höfum við hér opna umræðu þar sem hægt að er að velta þessum leikmannamálum og slúðri fyrir sér, en í guðana bænum reynum að halda aðeins takti við raunveruleikann.

Ákvað að búa til nýjan link á þessum örlagaríka degi.

Samkvæmt fréttum Sky Sports í gær er orðið ljóst að Hicks hafði ekki leyfi til að reka Broughton, Purslow og Ayre því klásúlan um það að Broughton einn geti rekið og ráðið stjórnarmenn standi. Það auðvitað styrkir málatilbúnað félagsins gagnvart málaferlum dagsins.

Mér sýnist því málaferlin snúast um það hvort viðkomandi klásúla standist lög og stjórnin geti tekið ákvarðanir þvert gegn vilja eigendanna. Þeir RBS-menn munu sveifla samningnum frá því í vor þar sem frestur var gefinn á endurgreiðslu lánanna í stað umræddar klásúlu. Því sýnist mér að mál RBS gegn Hicks verði það sem ræður úrslitum og væntanlega gera mál Hicks gegn Liverpool bara töf á lokapunktinum. Þar er hann væntanlega að reyna að snúa ákvörðun stjórnar Liverpool að taka tilboði NESV.

Svo skyndilega er Singapúrinn Lim búinn að dreifa sínum hugmyndum um félagið, hann ætlar að kaupa það á 320 milljónir og setja strax 40 milljónir í leikmannakaup í janúar. Ég held ennþá að þarna sé nýr Kirdi á ferð, sem þjónar engum tilgangi að fá.

En þeir sem vilja hafa nákvæmar upplýsingar af deginum geta best sýnist mér farið á This is Anfield sem ætla sér að birta fréttir jafnóðum.

Ég ætla núna að reyna að halda áfram að vinna!

Uppfært

Hicks og Gillett VIÐURKENNA að hafa brotið á klásúlu í samningi sínum við bankann þegar þeir reyndu að reka P & A, en segja það hafa verið því ekki hefði þurft að taka viðkomandi tilboði svo snemma. Ekkert hefði legið á!!!

Bankinn minnti þá lauslega á að næsta föstudag þarf að greiða lán upp á rúmar 200 milljónir.

Flott blogg úr réttarsalnum í Guardian í dag sem hægt er að skoða líka!

Uppfært x2

Í ljós er komið að þeir félagar H & G eru fyrst og síðast að tala um að félagið hafi tekið slakara tilboði en möguleiki var á. Síðastliðinn fimmtudag vildu þær að félagið talaði við Mill Financial (sem hafa verið að lána Gillett) um kaup þeirra á félaginu sem þeir segja að hafi ætlað að kaupa félagið OG leggja 100 milljónir punda strax í völlinn en Broughton á að hafa neitað.

Fulltrúar þeirra segja líka að verið sé að draga upp dökka mynd af þeim félögum, þeir vilji alls ekki setja klúbbinn í “administration” og skilji að þeirra tími hjá liðinu sé liðinn.

En stjórnin hafi ákveðið að taka kolröngu og of lágu tilboði án þess svo mikið að kalla til almennilegs stjórnarfundar um söluna til NESV.

Svo eins og SSteinn benti á áðan má telja líklegt að dómarinn vilji borða áður en lengra verður haldið! Ekki reikna með úrskurði fyrr en eftir kl. 13.

Eftir því sem líður á daginn finnst mér ólíklegra að liðið endi í stigasviptingu og svoleiðis vanda, málið snúist um ágreining um hver á að fá að kaupa klúbbinn!

Uppfært x3

Hicks sendi bréf til réttarins, þar sem hann talar um það að “heimaliðið” í stjórninni hafi unnið gegn upprunalega sölusamningnum við RBS með því að taka einungis eitt tilboð til almennilegrar skoðunar og hann hafi viljað reka Ayre og Purslow þess vegna og ganga til viðræðna við þrjá aðila með það fyrir augum að fá “besta mögulega tilboðið fyrir klúbbinn”.

Nú er orðið klárt hverjir þessir þrír aðilar eru:

NESV

Þeir sem fengu tilboð sitt samþykkt af stjórn, kaupa klúbbinn á 300 milljónir þar sem ekki penní verður veðsett í klúbbnum og án nokkurra fyrirheita annarra en að fara vandlega yfir allt í kringum félagið og loforð um að skuldir verði ekki settar á félagið.

Meriton

Þetta félag er í eigu singapúrska (orðskrípið maður) bareigandans Lim, sem hefur auðgast á að setja upp Manchester United – bari (já takk fyrir!) í Asíu. Hann tjáir sig fjálglega í dag, segist hafa ætlað að borga 320 milljónir fyrir félagið og setja 40 milljónir í leikmannakaup í janúar, nefnir ekki völlinn og/eða hvernig hann hyggst fjármagna. Allt bendir til lána með veðsetningu í félaginu. Broughton á að hafa talað við hann og valið NESV.

Mill Financial

Vogunarsjóður sem ræður nú yfir hlut Gillett í félaginu, svo virðist sem H & G hafi viljað taka tilboði þeirra upp á X milljónir fyrir félagið og tafarlausa skuldbindingu upp á 100 milljónir í völlinn. Broughton á að hafa neitað að ræða við þennan sjóð, nokkuð sem bendir til þess að um hafi verið að ræða skuldsetningu félagsins á móti. Talið er að sjóðurinn sé að stærsta

Enn er ekkert komið um hvort dæmt verður í dag eða hvort málið dregst á langinn. Meistari SSteinn bendir svo á í athugasemdum hér að neðan að boðað hefur verið til stjórnarfundar félagsins í kvöld, væntanlega til að fara yfir mál dagsins, hver veit nema að málið verði útkljáð þar!!!

Annars, mynd tekin utan við dómsalinn nú í hádeginu!

2wzlje+

Lögfræðingur Gillett og Hicks segir nú að í gildi sé samkomulag milli H & G og RBS um að frestur til sölunnar á félaginu sé í raun til 1.nóvember. RBS leggja svo til að H & G samþykki söluna nú þegar en fari svo í skaðabótaviðræður við bankann og Liverpool ef þeir telji á sér brotið með vali á kaupendum. Jafnframt er ljóst að Hicks yngri hefur unnið sem stjórnarmaður í stað föður síns, án samþykkis annarra stjórnarmanna!

Uppfært x4

Dómarinn telur það “frekar mikla bjartsýni” að telja málinu geta verið lokið á föstudag. RBS benda strax á að þeir eigi að fá rúmlega 200 milljónir greiddar þann dag og þrýsta á lausn málsins.

RBS tala um að hafa verið tilbúnir til afskrifa tugmilljónagreiðslur til að auðvelda sölu klúbbsins.

Umræðan nú í lok dags er að staðfesta þurfi bann við því að H & G reki stjórnarmenn, því annars verði klúbburinn ekki starfhæfur!

Enn eru engar staðfestar fréttir, bara slúður, um stjórnarfund kvöldsins. Búast má við að vel verði farið yfir málið þar og ég spái því að Broughton muni sveifla einhverjum karamellum frá RBS í andlit Kananna því mikil pressa er að klára málið fyrir helgi!

Lokauppfærsla

Samkvæmt vef Guardian verður dómur í málinu kveðinn upp kl. 09:30 að íslenskum tíma, þá er verið að tala um hvort RBS var í rétti með að koma í veg fyrir brottrekstur Purslow og Ayre og svo það að salan á NESV standi.

Meira á morgun…

Meðan lítið er að frétta er ekki úr vegi að koma af stað opinni umræðu og til að gera það læt ég fylgja með góð skilaboð stuðningsmanna Liverpool til “eigenda” liðsins (sem impz benti á):

Ef ykkur finnst mótmælin vera við það að fara úr böndunum á Austurvelli væri fróðlegt að sjá hvernig þetta yrði núna ef þessir bjánar létu sjá sig á Anfield, eða bara í Liverpool borg.

Það er erfitt að fá staðfestar fréttir af því sem er að gerast með þessi blessuðu lán þeirra, en 15.október (ekki á morgun semsagt) hefur verið talað um að komið sé að endurfjármögnun á þessum lánum og eins og staðan og pressan á bankanum er núna er afar ólíklegt að þeir fái frekari frest.  Frekari frestur mun þýða að þolinmæði stuðningmanna brestur endanlega og bankanum hefur verið hótað að hann myndi missa afar marga viðskiptavini.

Þannig að ekki nóg með að við þurfum að sjá klúbbinn á botninum í tvær vikur og erum með óhæfan þjálfara fyrir þennan klúbb þá hefur framtíð klúbbsins í heild aldrei nokkurntíma verið í meiri óvissu. Það er alveg ljóst að ég hef móðgað einhvern rangan fótboltaguð allsvakalega senmma árs 2010 enda einn harðasti stuðningsmaður Selfoss líka.

En höfum hugfast að alvöru stuðningsmenn styðja sitt lið í gegnum súrt og sætt…núna er svo sannarlega súrt.

Ein besta ljósmynd sem hefur verið tekin af þjálfarateymi á Anfield, það þori ég að fullyrða.

Það er mánudagur, tími til að ræða framtíðina eftir ömurlega síðustu viku. Hvað er í fréttum?

Jæja, landsleikjavikan er á fullu og við erum latir við að setja inn nýtt efni á þessa síðu, þannig að ég hendi inn opnum þráð, þar sem menn geta rætt hvað sem er.

Jæja, glugginn er lokaður og ég menn vilja kannski ræða aðeins betur heildarmyndina varðandi það sem gerðist í gær. Ég held að Kristján eða Maggi muni setja inn pistil um okkar skoðun á þessu öllu, en þangað til geta menn rætt um vonbrigði og það sem mönnum líkaði varðandi leikmannakaup og sölur okkar manna þetta sumarið. Ég byrja örstutt með mínum skoðunum.

Nú er farið að styttast í mót og svosem nóg í pípunum virðist vera í bakherbergjum Anfield. Fréttir hafa verið frekar óljósar af sölu klúbbsins og menn bíða ennþá bara spenntir. Sama má segja um sölu og kaup á leikmönnum.

Við hendum inn spá fyrir tímabilið von bráðar og auðvitað styttist í fyrstu upphitun fyrir deildarleik, en hér er orðið alllavega að mestu frjálst.

Jæja, innan við vika í leik og við virðumst vera orðaðir við slatta af leikmönnum, þar á meðal Christian Poulsen sem virðist skv. Echo vera nokkuð örugglega að koma.

Einnig virðumst við vera að kaupa Brad Jones frá Middlesboro. Svo er allt á fullu í þessum eigendamálum, sem ég nenni lítið að spá í fyrr en eitthvað öruggt er á borði.

En allavegana, ykkur er frjálst að ræða um hvað sem er.

Uppfært 15:50 (Babu)

Hér líka tilvalið að ræða stórfrétt dagsins, uppsögn Martin O´Neill frá Aston Villa korteri fyrir mót! Þetta er ansi mögnuð frétt enda Villa stórt lið og þarna klárlega einn besti stjórinn í Englandi á lausu og verður orðaður við öll stóru liðin sem lenda í veseni í vetur og hyggjast reka stjórann sinn!

Hann hefur sýnt það áður að hann er mjög þrjóskur og trúr sinni sannfæringu og þetta Milner dæmi er líklega að fylla mælinn hjá honum, enda Villa greinilega ekki með áhuga á að ná lengra en þeir hafa verið að ná.

Það er rólegasta silly season í sögunni í gangi núna, liðið er ekki með neinn stjóra og ennþá með sömu eigendur þannig að það er ekki mikið um að vera þannig. HM reyndar búið hjá Englandi sem gæti gert það að verkum að staða manna eins og fyrirliðans okkar og t.d. Joe Cole fari að komast á hreint, en frændi afa mágkonu Agga sagði honum að hann væri svo gott sem kominn til Liverpool, skv. Twitter.

Eins er Roy Hodgson líklega að fljúga heim núna ef hann er ekki þegar kominn og mun hann vonandi staðfesta ódauðlega ást sína á Fulham og skrifa undir nýjan samning hjá þeim.

En orðið er frjálst…

Tveir dagar í HM. Virðis vera búið að þrengja hringinn niður í Dalglish og Hodgson. Rafa farinn til Inter og tekur þjálfarana með sér. Íslenskir dómarar ofsækja FH-liðið. ;)

Orðið er ykkar.

Það er lítið sem ekkert að frétta af Liverpool þessa dagana, enda allir að hugsa um HM.

Guardian fjalla aðeins meira um Yossi og mögulega sölu til Chelsea. Annað var það ekki. Ef þið hafið eitthvað skemmtilegt að spjalla um, þá er gólfið ykkar.

Það er ekkert að frétta, alveg eins gott að gefa orðið laust.

Kann einhver brandara?

Jæja, tímabilið er búið og við hérna á Kop.is erum að vinna í að gera það upp.

Við munum setja inn eitthvað af pistlum um þetta hræðilega tímabil og reyna að gera okkar besta til að skilja hvað fór úrskeiðis.

En þangað til er ekki úr vegi að henda inn opnum þráð hérna, þar sem að menn geta rætt um hvað sem er. Það er ekki mikið hægt að ræða um þennan Hull leik, þannig að sviðið er ykkar.

…

Eins og einhverjir hafa tekið eftir höfum við tekið ummælin aðeins fastari tökum undanfarið. Við höfum hent út ummælum sem ekki halda sig við umræðuna og reynt að hindra það að fólk ræni þræðinum.

Á móti ætlum við að koma til móts við fólk með að setja inn svona þræði af og til. Leikskýrslan frá því í gær er enn í fullu fjöri og menn geta rætt leikinn þar, og svo kemur væntanlega upphitun fyrir næst síðasta leik tímabilsins á morgun, en á meðan geta menn rætt hvað sem þeir vilja hér.

Opinn þráður – ræðið það sem þið viljið. Það er jú einu sinni föstudagur. ;)