Allt að gerast, ekkert að frétta. Marveaux fór til Newcastle, allir bjóða í Adam, enginn vill kaupa Aquilani. Ræðið það sem ykkur sýnist hér á meðan ekkert stórt er að frétta.
Á meðan er svo hér myndband af Cristian Zapata hjá Udinese sem sagðist vera við það að semja við Liverpool í gær:
http://youtu.be/GPr0XDukuaA
Dirk Kuyt og Luis Suarez léku landsleik í kvöld. Viljiði giska hvernig fór?
http://youtu.be/rdH-RTDZQQw
Hér er líka annað myndband sem allir ættu að horfa á. Jordan Henderson, velkominn til Liverpool:
http://youtu.be/mBsk69cBhpM
Ég hef verið hrifinn af honum í allan vetur og er hæstánægður með að hann sé kominn til okkar. Hann þarf að skora meira eftir því sem hann eldist en þetta er gífurlega skapandi leikmaður. Arkitektúrinn hans í marki gegn Wigan (byrjar á 1:18 í myndbandinu) er bara rugl.
Annars er ALLT að frétta, of mikið til að maður nái að fylgja því eftir hér. Það er bara 8. júní og þessi gluggi hefur verið geðveiki hingað til. Henderson kominn, Phil Jones og að því er virðist Ashley Young hafa valið Manchester United fram yfir okkur og Arsenal, við erum skv. slúðrinu mjög nálægt því að landa Connor Wickham og Charlie Adam og höfum snúið okkur að Scott Dann fyrst Jones kom ekki, og svo ku Stewart Downing vera næstur á dagskrá … áður en menn snúa sér að Evrópu og versla 1-2 nöfn þaðan til að toppa sumarið. Það er, ef maður trúir slúðrinu. Sem er frekar varhugavert, að venju.
Þetta er Nuno Claro, markvörður CFR Cluj frá Rúmeníu (sem léku í Meistaradeildinni í fyrra) í deildarleik nýlega. Hann er skiljanlega alveg steinhissa á því að dómarinn skuli hafa séð nokkuð athugavert við þetta, enda var hann klárlega bara að reyna við boltann!
Þetta er föstudagsfyndið vikunnar, alveg klárlega (nema þú sért sóknarmaðurinn sem brotið var á). Hver segir svo að fótbolti sé ekki heiðarleg íþrótt? ;)
Voru ekki örugglega allir búnir að sjá þetta?
Mikil snilld.
Vinur minn sendi mér þetta á Facebook.
Hugsanlega besta lag allra tíma!
Eigum við ekki að hrinda þessari Wigan-færslu af toppi síðunnar? Ég nenni varla að hafa skrif um United-leik sem efsta mál á dagskrá mikið lengur.
Hér að neðan er ágætis myndband af tólfta manninum, gallhörðum Púllara sem er eiginlega nauðalíkur Einari Erni, að kenna Xabi Alonso hvernig á að skora framhjá Pepe Reina úr aukaspyrnu. Xabi og Pepe eru í nýju varabúningum okkar sem verða notaðir á næsta tímabili.
Fyrir þá sem ekki hafa séð er hægt að sjá myndir af nýja varabúningnum hér. Ég á tvö eintök af svörtu varatreyjunni frá því í fyrra en ég held svei mér þá að ég verði samt að kaupa þessa treyju líka, hún er svo flott.
Jæja, þá er lokið tveimur fyrri leikjum undanúrslita Meistaradeildarinnar vorið 2009. Þessir tveir leikir verða seint kallaðir frábær skemmtun.
Hér fyrir neðan er myndband af marki John O’Shea – eina markinu sem var skorað í tveimur leikjum þessa vikuna – gegn Arsenal í gær:
Þess má geta að Arsenal-liðið notar ekki svæðisvörn, sem útskýrir kannski hvers vegna allur fjærhelmingur vítateigsins var óvaldaður og heilir þrír United-menn voru þar aleinir með möguleika á að fá boltann og skora mikilvægt sigurmark. Og það var eftir að það voru þrír United-menn gegn einum Arsenal-manni hinum megin í teignum við upphaflegu fyrirgjöfina úr hornspyrnu. Með öðrum orðum, þá var meirihluti United-liðsins óvaldaður inní þessum vítateig.
Eigum við að telja hversu margar greinar hafa verið skrifaðar um varnaruppstillingu Arsenal í gær og bera það saman við greinarnar sem voru skrifaðar um svæðisvörn Liverpool eftir fyrri leikinn gegn Chelsea fyrir tæpum mánuði? Ég held við sleppum því bara.
Það gerist sárasjaldan að við fjöllum um önnur lið en okkar eigið á þessari síðu, en af gefnu tilefni þá ætla ég að gera undantekningu.
Stórlið Bayern Munich tapaði illa fyrir Wolfsburg í þýsku Bundesligunni um helgina, 5-1. Það sem er þó enn ótrúlegra en niðurstaða leiksins er fimmta mark Wolfsburg-manna. Þar er á ferðinni brasilíski framherjinn Grafite sem skorar eitthvert það ótrúlegasta einleiksmark sem ég man eftir að hafa séð gegn toppliði á evrópskan mælikvarða.
Og við sjáum myndband:
Hver segir svo að Brassarnir kunni þetta ekki? :)
GÞM benti í kommentum á þessa eftirhermu, sem er helvíti góð.
Jæja félagar, enn eitt derhúfuhléð í gangi. Þetta eru mest óþolandi vikur sem ég veit um, ekkert að gerast, og úrslit landsleikja eitthvað sem skiptir mig nákvæmlega engu máli. En mig langar aðeins að ræða málin hér við ykkur elskurnar mínar og stytta mér stundir og vonandi ykkur líka.
Í ljósi umræðna hér á blogginu um Dirk Kuyt þá vill byrja þennan pistil á að ræða sjómannssoninn frá Hollandi ögn betur. Þegar Kuyt var keyptur á sínum tíma frá Feyenoord þá er óhætt að segja að maður hafi átt von á rosalegum markahrók, 83 mörk í 122 leikjum með Feyenoord telst ekki slæmur árangur. Hann byrjaði vel með Liverpool í stöðu framherja, setti nokkrar lummur og virkaði nokkuð vel á stuðningsmennina. En það sem gerir Kuyt að þeim leikmanni sem hann er í dag er ekki markaskorun, þrátt fyrir að hann hafi raðað inn mörkum í Eredivise á sínum tíma. Það er vinnusemi hans sem gerir hann að fastamanni í Liverpool liðinu í dag. Ég viðurkenni það að sumt í leik hans fer í taugarnar á mér stundum. Til dæmis er ekkert um rosalega auðugan garð að gresja þegar kemur að hraða hjá honum, hann hefur ekki mjög góðar móttökur og tæknin mætti vera betri. Það verður því seint sagt um Kuyt að hann sé eitthvað sérstaklega upptekinn við að taka menn á, skora mörg mörk eða koma með skemmtilegar krúsidúllur eins og hinn dæmigerði kantmaður. En hann bætir það upp með öðrum kostum og í dag er hann að mínu mati mjög mikilvægur hlekkur í liðinu.
Rafa setti hann á hægri kantinn, stöðu sem hann lék áður með FC Utrecht í Hollandi og þar nýtir stjórinn helstu kosti hans sem leikmanns og nær því besta úr honum að mínu mati. Ég var mjög mótfallinn þessu hjá þeim spænska til að byrja með og hugsaði með sjálfum mér að nú myndi enn einn framherjinn týnast út á kanti og enda í ruglinu. Fyrst um sinn virkaði Kuyt engan veginn í þessari stöðu og pirringur stuðningsmanna leyndi sér ekki. Sá pirringur einhvern veginn festist á honum og mér finnst menn oft gleyma hvert hlutverk Kuyt er hjá Liverpool þegar þeir fara að gagnrýna hann. En undir lok síðasta tímabils og nú í upphafi nýs tímabils hefur þetta virkað mjög vel hjá Rafa og Kuyt að mínum dómi og vildi ég helst ekki missa hann af kantinum vegna þess að…
Sóknarlega: Hann skorar mjög mikilvæg mörk (þegar hann tekur upp á því að skora þ.e.a.s), hann leggur upp nokkur og á oft góð upphlaup með Arbeloa. Karakter hans og seigla kemur oft í ljós í stóru leikjunum þegar hann tekur sig til og skorar. Svo finnst mér hann líka gera oftast einfalda hluti, sem hann veit að hann ræður við og það er eitthvað sem margir leikmenn mættu taka sér til fyrirmyndar.
Varnarlega: Ótrúleg vinnusemi, fljótur að bakka, góður að loka á sendingar, sterkur líkamlega og gríðarlega öflugur í að vinna skallabolta. Sumsé lokar oft umferð upp vinstri kant andstæðinganna, myndi Quaresma eða Ronaldo gera það?
Þegar Kuyt er ekki á kantinum þá finnst mér leikur Liverpool vera opnari. Hann kemur með ákveðna festu sem ég tel vera mjög mikilvæga og vera svolítið einkennandi fyrir varnarleik okkar manna. Rosalega taktískt hjá Rafa að setja Kuyt á kantinn og í raun snilldarlausn. Það er ótrúlegt ef maður fer að hugsa út í það að kantmaður í 4-2-3-1 kerfi geti haft svona mikil áhrif varnarlega, en með því sýnir Kuyt hversu sérstakur leikmaður hann er. Rafa er greinilega mjög ánægður með Kuyt og tjáir sig um þann hollenska í stuttu og skemmtilegu viðtali á opinberu síðunni sem menn ættu að skoða nánar.
Til að draga þessar pælingar saman þá er ég á þeirri skoðun að smalahundurinn sé að virka vel á hægri kantinum og að þetta sé mjög taktíkst og vel gert hjá Rafa.
En eins og áður segir þá eru þessi derhúfuhlé átakanleg og því ætla ég að koma með nokkur hressandi video sem ættu að stytta mönnum stundir og fríska svolítið upp á menn fyrir helgina.
Guð – Owen – Babel – Torres – Gerrard – Stevie G
Svo er bara að bíða eftir leiknum á móti Wigan sem fer fram á Anfield á laugardaginn :)
Ég veit ekki með ykkur, en ég brosti:
Þegar ég vaknaði í gær fann ég fyrir mjög mikilli spennu, skrýtin tilfinning í maganum. Ég vissi strax hvað þetta var. Þetta var ekki spenningur fyrir leikinn gegn Birmingham. Þetta var ekki spenningur fyrir því að sjá Voronin og Riise spila fótbolta saman og ég var ekki á túr. Þetta er spenningur sem fer stigvaxandi dag frá degi, mér fer að verða mjög illt í maganum og ég veit ekki hvað skal taka til bragðs. Ég held það sé best að leggja sig þangað til á miðvikudagskvöldið þegar að einn alstærsti leikur Liverpool á tímabilinu fer fram á Stamford Bridge. Ég hef sjaldan verið jafn spenntur fyrir leik!! Ég eyði vanalega miklum tíma á degi hverjum til að lesa fréttir og sjúga í mig allt sem er að gerast í knattspyrnuheiminum. Það er ekki heppilegt þessa dagana því stressið og spennan eru að éta mig upp lifandi. Því hef ég verið að dreifa huganum og einbeita mér að öðru en þessum leik.
Mig langar að byrja á að fjalla um fallbaráttuna í Premier League. Það eru tvær umferðir eftir, 6 stig í pottinum, eitt lið er fallið en hin tvö fallsætin eru óráðin ennþá. Ótrúleg úrslit helgarinnar hafa sett gríðarlega spennu á botninn og ljóst er að síðustu tvær umferðirnar verða magnaðar.
Um helgina var mikil dramantík á botninum þar sem Sunderland bjargaði sér frá falli í ótrúlegum leik.
Fulham komu svo til baka gegn Man. City í fáránlegum leik og hrepptu öll stigin.
Botninn lítur svona út eftir helgina:
Bolton – 33 stig…
Reading – 33 stig…
Birmingham – 32 stig…
Fulham – 30 stig…
Derby – 11 stig…
Um næstu helgi leika þessi lið eftirfarandi leiki:
Fulham – Birmingham…
Reading – Tottenham…
Bolton – Sunderland…
Ræða þetta eitthvað?
Mér þykir oftar en ekki frábær skemmtun að horfa á þessa fallslagi því það er bókstaflega allt undir. Þetta er ekki falleg knattspyrna en þvílík barátta, dramantík og læti. Þessir leikir fara sjaldan eins og menn spá fyrir um og ef fólk nennir ekki að horfa á 90 mínútur af þessum leikjum þá bendi ég þeim á að uppbótartíminn er frábær skemmtun og háspenna lífshætta, jafnvel þótt maður haldi ekki með þessum liðum. Þetta verða oft eins og bikarleikir og að mínu mati er þetta svo stór og fallegur partur af enska boltanum, þessir brútal fallslagir þar sem allt er gert til að sigra, algjörlega enskt.
Eins og ég sagði áðan þá er ekki möguleiki að spá í þetta en ég ætla að reyna. Ef spáin reynist rétt þá fer ég fram á hvorki meira né minna en dans við SStein. Derby eru náttúrlega fallnir en mín tilfinning er sú að Birmingham og Reading fylgi þeim niður í 1. deild. Fulham eru með byr í seglum eftir magnaðan útisigur um helgina svo ég held að þeir nái að bjarga sér og Bolton eru að mínu mati besta liðið þarna og ég hef litla trú á að þeir falli.
Yfir í annað. Er ég sá eini sem er kominn með nóg af þessu skollans tuði í Ferguson? Það er ótrúlegt hvað hann er harðorður og kemst upp með mikið þegar kemur að gagnrýni hans til dómara. Það var kjánalegt að sjá til United manna í gær eftir leik í slagsmálum við vallarstarfsmenn Stamford Bridge og í kjölfarið heyra viðtalið við Ferguson þar sem hann fer í saumana á því þegar hann var 11 ára og fékk ekki dæmt víti í frímínútum í grunnskólanum sínum, þetta er orðið svo lúið þetta væl. Hann virðist ekki mega tapa stigum þá verður hann brjálaður út í dómarana og sá hefur ekki verið að spara það í viðtölum eftir leiki. Svo verður það athyglivert að sjá hvernig FA mun taka á þessum sandkassaleik leikmanna United eftir leik. Ótrúlegt, ég myndi allavega skammast mín ef ég myndi sjá leikmenn Liverpool í svona rugli eftir tapleik. En jæja jæja.
Ég fór svo aftur að hugsa um mitt lið og datt í draumaheima. Mér finnst við hæfi að enda þessa færslu á tveimur skemmtilegum video-um sem ég fann á youtube. Annað þeirra sýnir
samleik og snilli tveggja leikmanna í Liverpool sem hafa skorað samtals 51 mark á tímabilinu. Hitt sýnir að karlmannleg ást er hluti af þessu líka.
Menn geta horft á þetta og látið sig dreyma um góð úrslit á miðvikudagskvöldið, þangað til, lifið heil.
Tímabilið er alveg að verða búið og það er kannski fullsnemmt hjá mér að taka saman þennan lista, en mér leiddist í kvöld og ég ákvað að YouTúba aðeins og fara yfir öll mörk tímabilsins. Ég hef tínt til þau fjórtán mörk sem mér þykja standa uppúr eftir tímabilið í ár. Vonandi bætist það fimmtánda og jafnvel sextánda við í síðustu tveimur leikjunum, en þetta eru allavega fjórtán bestu mörk tímabilsins 2006/07.
Aaaaah, good times
Via [Guardian](http://blogs.guardian.co.uk/sport/2007/01/25/youtube_for_thurs.html).
Í tilefni leiksins á eftir, þá býð ég uppá þetta:
(uppfært – ég setti inn vitlausa auglýsingu fyrst, en sú rétta er núna komin)
24 sendingar og besta mark HM. Algjörlega ótrúlegt
Hérna eru mörkin þrjú, sem Crouch skoraði gegn Jamaíka