Fyrst: Voru ekki allir búnir að lesa færslu SSteins um árshátíð Liverpool klúbbsins, og panta sér svo miða?

Meiðslafréttir: það er núna staðfest að Steven Gerrard er kominn í sumarfrí, en meiðslin sem tóku sig aftur upp fyrir síðustu helgi hjá honum munu halda honum frá út maí. Þá var Daniel Agger einnig kominn í sumarfrí eftir að hafa meiðst í liðböndum við hné gegn W.B.A. um síðustu helgi.

Glen Johnson og Martin Kelly verða frá í a.m.k. þrjár vikur áður en þeir geta spilað aftur og ég mæli með því að þeir fái að fara í sumarfrí líka. Það er ekki að miklu að keppa og fyrir mér er mikilvægara að þessir menn séu allir orðnir 100% á undirbúningstímabilinu í sumar heldur en að láta þá rembast út af engu núna.

Hvað segiði annars, væri ekki ágætt að hafa Insúa þessa dagana?

Samkvæmt opinberu vefsíðunni eru Daniel Agger og Javier Mascherano meiddir og verða ekki með gegn Trabzonspor á morgun.

Það merkilega við þessa frétt er samt þessi tilvitnun hér:

“..while Agger is still suffering from concussion after a ball to the face which has left him with no recollection of Sunday’s clash.”

Og hann kláraði leikinn! Það er alvöru harka!

Ég vona að þeir verði báðir orðnir heilir (og enn hjá klúbbnum) fyrir stórleikinn á mánudag gegn Man City. Við ættum að geta klárað Trabzonspor á Anfield án þeirra, það yrði verra ef þeir væru ekki með gegn Jóakim Aðalönd og félögum.

Fokkití fokk fokk. Continue reading →

Jæja, góðar fréttir: Fernando Torres mun líklega geta spilað gegn Atletico Madrid eftir tæpa viku.

Eftir sigur Tottenham í fyrradag þá er baráttan um fjórða sætið endanlega úti fyrir okkar menn (þótt að tölfræðilega sé enn örlítill möguleiki, en þá þurfa Man City og Tottenham að hrynja í síðustu umferðunum) – og því eru leikirnir gegn Atletico Madrid hið eina sem skiptir máli á þessu tímabili.

Það hafa vonandi flestir haft tíma til að melta vonbrigðin við því að ná ekki inní Meistaradeildina, en við megum ekki gleyma því að til dæmis Chelsea lék bara 8 leiki í Meistaradeildinni á þessu tímabili, þannig að það er ekki einsog næsta tímabil sé í ræsinu þótt við komumst þar ekki inn. Aston Villa geta reyndar komist upp fyrir okkur í sjötta sætið (þeir eiga ekki erfitt prógramm eftir fyrir utan útileik gegn Man City).

Ég er í raun ekki búinn að gera upp við mig hvort ég vilji að Liverpool komist í Europa League á næsta tímabili. Það hefur vissulega verið gaman að taka þátt í 32 liða úrslitum og uppúr, en ég er ekki alveg viss um að það sé spennandi að taka þátt í riðlakeppninni. Kannski er ágætt að liðið einbeiti sér á næsta tímabili bara að prógramminu á Englandi.

En allavegana, leikirnir gegn Atletico eru allavegana tækifæri til að enda þetta tímabil á góðum nótum. Hvað sem verður sagt um allt annað á þessu hræðilega tímabili þá væri tímabil sem endaði með sigri í Evrópudeildinni ekki afskrifað sem alveg afleitt. Það eru líkur á að við myndum eftir 10 ár bara muna eftir þeim sigri og hafa gleymt tímabilinu í deildinni.

Læknar eru á því að það sé mögulegt fyrir Torres að spila gegn West Ham á mánudaginn, en ég held að (sérstaklega ef að Tottenham og Man City tapa ekki bæði um helgina) Benitez muni gefa honum frí og freista þess að hann geti spilað í Madríd næsta fimmtudag. Það verður allavegana gleðilegt bæði fyrir Torres sjálfan og svo okkur aðdáendur.

Ég hef litlu að bæta við þetta. Torres og Gerrard eru meiddir. Torres verður frá í 6 vikur, Gerrard í 2 vikur. Já, og svo er Yossi líka meiddur og verður frá í 4 vikur. Og nei, þetta er ekki grín.

Góðu fréttirnar eru þær að í dag eru bara 115 dagar eftir af þessu tímabili.

16 vikur og 3 dagar. Ég er byrjaður að telja niður.

Rafa talar um meiðslalistann við LFC.tv.

* Agger – næstu dagar
* Yossi – 3-4 vikur
* Riera – 3-4 vikur
* Glenn Johnson – 1 vika
* Torres – 2-3 vikur
* Gerrard – á að vera í lagi.

Jammm

Jæja, er ekki ágætt að fá einhverjar gleðilegar fréttir hér efst á þessa síðu?

Daniel Agger spilaði í gær í 70 mínútur fyrir varaliðið. Að hans sögn gekk þetta allt vel og hann verður því vonandi í hópnum gegn Chelsea, þótt að það hljóti að teljast ólíklegt að hann verði í byrjunarliðinu þrátt fyrir erfiðleika í varnarleiknum að undanförnu.

Þetta eru afskaplega góðar fréttir!

Já, og umboðsmaður Xabi Alonso segir að sögur um samskipti við Juventus séu bull. Hann hafi ekkert við þá talað síðan síðasta sumar. Ef að Juventus gátu ekki borgað nógu hátt verð fyrir Alonso síðasta sumar, þá eru nákævmlega engar líkur á að þeir geti það núna þegar að virði Alonso hefur klárlega aukist gríðarlega á þessu tímabili nú þegar hann er orðinn fastamaður í spænska landsliðinu og hjá Liverpool.

Í dag bárust alls ekki góðar fréttir á opinberu heimasíðunni. Fréttirnar voru af meiðslum Steven Gerrard sem hann varð fyrir í leiknum gegn Everton í gær. Gerrard yfirgaf völlinn eftir 16. mínútur eftir að hann hafði beðið sjálfur um skiptingu. Menn tala um að hann verði frá næstu þrjár vikurnar vegna meiðsla í aftanverðu læri sem eru hroðalegar fréttir fyrir Liverpool.

” A club spokesman told Liverpoolfc.tv: “A scan today has confirmed a tear in the hamstring of Steven’s left leg. He will be out of action for about three weeks.”
“

Þar höfum við það. Hann mun því pottþétt missa af leikjum gegn Portsmouth (Ú), Manchester City (H), Real Madrid (Ú) og Middlesbrough (Ú). Svo er leikur við Sunderland 3. mars og Real Madrid heima 10. mars, sem er leikur sem hann VERÐUR að ná.

Fyrir mér hefur Gerrard verið okkar lang lang langbesti leikmaður á þessu tímabili og því hræðilegt fyrir liðið að njóta ekki krafta hans inn á vellinum næstu 3 vikurnar. En það er gott að Torres er orðinn góður og hann einfaldlega verður að haldast heill og fara að sýna sitt rétta andlit í næstu leikjum. En við sjáum hvað setur, engin ástæða til að panikka.

Jæja, þá er það staðfest: Keane var EKKI meiddur heldur ákvað Benitez einfaldlega að velja hann ekki í hópinn.

Ja hérna.

Á miðvikudaginn verður HEILL MÁNÐUR frá því að við unnum síðast leik í deildinni. Ef við vinnum ekki á miðvikudaginn mun ég eflaust skrifa einhverja leiðinlegustu leikskýrslu seinni tíma.

Staðfestar fréttir: Fokkití fokk fokk.

Fernando Torres tognaði á læri í gær og þarf að hvíla í 2-3 vikur áður en hann má byrja að æfa/spila aftur, á meðan Fabio Aurelio verður væntanlega ögn skemur frá eða í um tvær vikur. Þetta eru einfaldlega mjög slæmar fréttir.

Ég veit ekki hvor missirinn er verri, í fullri alvöru. Auðvitað er Torres einn af svona 3-4 mikilvægustu leikmönnum liðsins og missirinn af honum því að vissu leyti sárari, en Aurelio hefur í haust verið að spila ljósárum betur en Andrea Dossena í vinstri bakverðinum, auk þess sem hann hefur myndað miklu betra samband með Albert Riera á vinstri vængnum en sá ítalski, sem hefur yfirleitt skilað sér í betri frammistöðum hjá Riera þegar Aurelio er inná vellinum.

Ef þetta væri söguflétta í mafíósamynd væri í þessum töluðum orðum verið að leiða Robbie Keane og Dossena inn í illa upplýst herbergi. Þar í horninu, í gamaldags hægindastól, sæti Guðfaðirinn og segði einfaldlega: „Ég neyðist til að nota ykkur. Dirfist ekki að bregðast mér.“

En auðvitað sjá allir að Rafa myndi aldrei hegða sér svoleiðis. Hann myndi í staðinn sitja í skrifstofustólnum sínum við skrifborð. Boðskapurinn væri hins vegar sá sami; við getum ekki beðið eftir Keane og Dossena mikið lengur. Það er gífurlega mikilvægur leikjakafli framundan í deildinni og liðið þarf að hafa alla gíra í góðu lagi til að dragast ekki aftur úr.

**Einnig:** Þetta er 100% satt.

Úff, ekki getur maður haft þessa leikskýrslu sem efstu frétt mikið lengur. Upphitun fyrir Atletico Madrid leikinn kemur í dag, en þangað til er örstutt frétt um Fernando Torres, en Rafa segir ágætis líkur á að hann geti eitthvað verið með á morgun.

>”Fernando has been working really, really hard and doing good work with the physios.

>”He trained yesterday and will train again today and then we will see. I would say he has a 70 per cent chance of featuring in the game.

Þetta eru frábærar fréttir.

Þá er það komið á hreint að Fernando Torres verður frá næstu 2-3 vikurnar vegna meiðsla aftan í læri sem hann hlaut í leik gegn Aston Villa um helgina. Þetta þýðir að Torres verður ekki klár fyrr en í fyrsta lagi um miðjan september mánuð. Hann mun þá að öllum líkindum missa af stórleik gegn Manchester United þann 13. september og sennilega leiknum gegn Marseille í Meistaradeildinni nokkrum dögum síðar. Vonum að hann verði orðinn heill heilsu fyrir Stoke City þann 20.

Talsmaður Liverpool segir: “A scan this afternoon has confirmed a hamstring tear in Fernando’s right leg. He is expected to be out for between two and three weeks.”

Þessi meiðsli eru hreint ekki ný fyrir Torres þar sem hann meiddist einnig í fyrra aftan í læri og varð frá keppni í mjög svipaðan tíma eins og greint var hér frá á sínum tíma.

Það lítur út fyrir að þetta ætli að taka sig aftur og aftur upp hjá besta framherja heims sem eru ótrúleg vonbrigði. En bjarta hliðin á þessu máli er að þetta ætti að setja meiri ábyrgð á Robbie Keane sem verður væntanlega okkar fremsti maður í allavega næstu 2 leikjum. Mér hefur fundist vera stígandi í leik Keane og nú held ég að hann byrji að blómstra og fari að pota einu og einu!

En við vonum að Torres nái að hrista þetta almenninlega af sér sem fyrst, en verði samt ekki notaður of snemma eftir þessi meiðsli eins og gegn Arsenal í fyrra. En þetta skýrist nú allt á næstu vikum.

Rafa tilkynnti það eftir leikinn í kvöld að Steven Gerrard mun fara í aðgerð á nára og verður frá í 10-15 daga. Hann mun því væntanlega missa af leiknum gegn Aston Villa á útivelli – en gæti mögulega verið tilbúinn gegn Manchester United 13.september á Anfield (sem er eftir 17 daga).

Andskotans.

Nei, í alvöru. ANDSKOTANS!

Mér er ekki beint hlátur í huga þegar ég les fréttir af því að sá leikmaður sem ég hlakkaði mest til að sjá á EM, okkar eigin Ryan Babel, hafi rifið liðbönd í ökkla á æfingu í morgun og muni því missa af Evrópumótinu með öllu. Þá er ekki vitað hversu lengi Babel verður frá en það má slá því á fast að þetta mun allavega þýða að hann byrjar að æfa á fullu síðar en aðrir leikmenn Liverpool á komandi undirbúningstímabili.

Ég lenti reyndar sjálfur í svipuðum meiðslum í febrúar síðastliðnum. Þá skaddaði ég liðbönd, sem er ekki það sama og að rífa þau því þau tognuðu en rifnuðu ekki alveg. Ég þurfti að hvíla fótinn algjörlega í fjórar vikur áður en ég gat farið að spila/æfa aftur og nú, þremur mánuðum síðar, finn ég enn til þegar ég sparka með vinstri fætinum. Ef Babel hefur rifið liðbönd, sem er enn alvarlegra, get ég ímyndað mér að þetta sé minnst mánuður frá áður en hann má byrja að hreyfa sig aftur.

Vonum að þetta sé ekki alvarlegra en svo að hann geti byrjað að æfa í júlí. En djöfull, Evrópumótið er skyndilega orðið helmingi áhugaminna fyrir mér.

Nú lítur allt út fyrir að Steven Gerrard verði búinn að hrista af sér hálsmeiðsli fyrir leikinn mikilvæga á morgun. Allir fréttamiðlar eru uppfullir af því að Frank Lampard komi tilbaka, en fyrir mér skiptir það engu máli í samanburði við það hvort Stevie verði klár fyrir okkar menn. En Rafa kallinn er ekki alveg húmorslaus, mér fannst þessi setning hjá honum tær snilld:

“The other day, he wanted to play but he was only able to look to the right, so I told him he could play as a left winger! We’ll see if he can turn his head round and look the other way now.”

Ef Stevie verður orðinn klár í slaginn, þá ættum við að hafa alla okkar sterkustu menn tilbúna. Upphitun kemur í dag, en ég varð bara að byrja svona pre-upphitun. Þetta verður SVAÐALEGT.

Ekki góðar fréttir af Daniel Agger, en svosem eitthvað sem manni hefur grunað. [Hann þarf að fara í aðgerð á rist](http://www.liverpoolfc.tv/news/drilldown/N159183080314-1258.htm) og mun sennilega ekki spila meira á þessu tímabili. Vonandi að hann komi aftur enn betri leikmaður á næsta tímabili. Mikilvægi Skrtel hefur því aukist enn frekar.

Hvað gengur eiginlega í gangi hjá varnarmönnum okkar þessa dagana. Martin Skrtel meiddist á kálfa á æfingu og hefur það verið staðfest á opinberu síðunni.

Þetta eru verulega slæmar fréttir fyrir Liverpool því Hyypia og Agger eru báðir meiddir fyrir og því er spurning hvernig Rafa stillir upp varnarlínunni gegn Barnsley. Arbeloa er alltaf ágætis kostur í miðvörð en hann er líka að ná sér af meiðslum.

Talað er um að Mikel San Jose gæti fengið tækifæri um helgina en hann sat einmitt á bekknum gegn Chelsea.

En ljóst er að með 3 miðverði meidda erum við ekki beint í toppmálum.

Fínar fréttir rétt fyrir tvo bikarleiki gegn Barnsley og Inter.

**Fernando Torres**, Arbeloa, Aurelio og Hyypia æfðu allir með liðinu í gær, en þeir hafa verið frá vegna meiðsla. Það verður að teljast líklegt að þrír þeirra muni hvíla gegn Barnsley (Arbeloa, Hyypia og Torres) en svo spila vonandi gegn Inter. Við þurfum nauðsynlega á Torres að halda í framlínunni gegn Inter á Anfield.

Samkvæmt opinberu síðunni eru þeir Alvaro Arbeloa og Andriy Voronin meiddir. Arbeloa á við meiðsli í kvið að stríða og verður frá í 2-3 vikur en Voronin verður eitthvað styttra frá með ökklameiðsli. Báðir munu missa af leiknum gegn Havant & Waterlooville um helgina, sem ætti nú varla að koma að sök, en ég hef áhyggjur ef að Arbeloa ætlar að missa af mikið fleiri leikjum en það, þar sem Finnan hefur verið að missa úr svolítið vegna meiðsla undanfarnar vikur. Ef þeir yrðu einhvern tímann báðir meiddir gæti Rafa neyðst til að nota Carragher sem bakvörð, sem er ekki ákjósanlegt að mínu mati.

Af eigendamálum er hins vegar ekkert nýtt að frétta. Slúðrið segir tvennt; annað hvort eru þeir að missa klúbbinn í hendur Royal Bank og Scotland vegna skulda eða að þeir eru bara öööörfáum dögum frá því að ná að endurfjármagna lántöku sína og tryggja sér áframhaldandi eign yfir klúbbnum. Með öðrum orðum, þá veit enginn neitt.

Ég var að reka augun í frábærar fréttir fyrir okkur á opinberu heimasíðunni þar sem fullyrt er að Daninn geðþekki hann Daniel Agger muni leika með varaliðinu gegn Blackburn annað kvöld. Hann hefur verið frá keppni síðan 15. september og því er kærkomið að fá þennan sterka varnarmann aftur inn. Agger hefur verið að glíma við ekki svo alvarleg meiðsli í langan tíma og menn áttu von á honum mun fyrr en í byrjun janúar. Eftir að hann jafnaði sig á meiðslunum þá átti hann í vandræðum með að spila vegna óþæginda þegar hann klæddist ákveðnu skótauji, en önnur ástæða fyrir síðbúinni endurkomu er sú að Rafa Benítez vildi ekki taka neina óþarfa sénsa með Agger.

Þá er einnig talið líklegt að Steven Gerrard nái að hrista af sér meiðsl á kálfa en hann spilaði ekki gegn Luton vegna þessa. Hann verður hreinlega að vera orðinn klár fyrir Middlesbrough um helgina! Svo eru spanjólubakverðirnir okkar líka í vandræðum en það eru þeir Aurelio og Arbeloa. Sá síðarnefndi er nær endurkomu og vonandi nær hann útileiknum á Riverside.

En aðalatriðið er það að Agger er mjög nálægt endurkomu með aðalliðinu og það ætti að styrkja lið okkar enn frekar, svo ég tali nú ekki um ef að títtnefndur Skrtel kemur líka. Það væri eins og að fá 2 nýja miðverði á einu bretti, ekki slæmt það. En hvað segiði annars, eru ekki allir léttir í dag?

Mér datt í hug að líta aðeins fram á veginn, svona til að hjálpa mönnum að rífa sig upp úr pirringi gærdagsins.

Við erum að fara að spila við Chelsea á miðvikudag, á útivelli í 8-liða úrslitum Deildarbikarsins enska. Samkvæmt nýjustu fréttum meiddist John Terry í gær og verður frá í sex vikur, auk þess sem Didier Drogba fór nýverið í uppskurð og missir úr svipað langan tíma. Þá sýnist mér að Ricardo Carvalho, Florent Malouda og Michael Ballack séu allir fjarverandi líka, en BBC-fréttin segir reyndar að Ballack gæti komið óvænt inn í hópinn gegn okkur.

Hjá Liverpool er minna að frétta. Steve Finnan er enn í einhverju veseni og verður væntanlega ekki með á miðvikudag, auk þess sem Pennant er frá fram yfir áramót. Annars er þetta bara spurning með Xabi Alonso og Daniel Agger; Alonso byrjaði að æfa í síðustu viku eins og menn vissu og gæti því spilað á miðvikudag en mér finnst líklegra að Rafa spari hann aðeins og noti frekar Lucas og Sissoko í þennan leik, á meðan Agger er ekki orðinn heill fyrir þennan leik.

Sem sagt, liðið okkar eins og það hefur verið undanfarið gegn Chelsea án Carvalho, Terry og Drogba. Svei mér þá ef við eigum ekki séns á að vinna á Stamford Bridge á miðvikudag. :)

Það þarf ekkert að fjölyrða um það hversu fáránlega stór leikur er framundan í deildinni. Eins og Rafa og aðrir hafa bent á mun þessi eini leikdagur í miðjum desember (Chelsea og Arsenal mætast líka á sunnudag) ekki hafa úrslitaáhrif á það hvert enski titillinn fer í vor, en engu að síður sér hvert heilvita barn að þetta er fáááránlega mikilvægur leikur þegar eftirfarandi atriði eru höfð í huga:

• Þetta er manchester united. Á Anfield.
• Við höfum ekki unnið þá á Anfield síðan 2001. Það er minnst átta árum of langt!
• Ég pissa enn eilítið á mig í hvert sinn sem ég heyri minnst á John O’[ritskoðað]. Það lekur tár í brækur.
• Þetta er manchester united. Á Anfield.

Nú koma fréttir af meiðslapésum Liverpool, en samkvæmt opinberu síðunni er þessi leikur of snemma fyrir Daniel Agger, auk þess sem Steve Finnan missir væntanlega af þessum leik líka með sama hnjask og hrjáði hann á þriðjudag. Góðu fréttirnar eru hins vegar þær að Xabi Alonso er byrjaður að æfa. Við höfum saknað hans ógurlega á miðjunni, en það er ekki séns að mínu mati að Rafa láti hann byrja þennan leik og taki sénsinn á að missa hann í fleiri vikur. Hann fer á bekkinn.

Annars þýða þessar fréttir að vörnin hjá okkur á sunnudag verður nánast sjálfvalin. Ég myndi segja að eftirfarandi stöður séu öruggar; Reina – Arbeloa, Carragher, Hyypiä, Riise – Gerrard, Mascherano, Kewell – Torres.

Þá er bara eftir að skeggræða hver spilar hægri kant og hver verður með Nando frammi. Læt ykkur um að finna út úr því. :)

Jæja, það er þá komið í ljós að Fernando Torres verður frá [í þrjár vikur](http://www.liverpoolfc.tv/news/drilldown/N157487071029-1303.htm). Það þýðir að hann missir af tveimur deildarleikjum (Blackburn og Fulham) og gegn Besiktas í Meistaradeildinni. Það hefði getað verið verra.

Enn er óljóst með Xabi og Masche:

>”As for Xabi Alonso, an x-ray showed a fracture to the fourth metatarsal in his left foot. Xabi will be seen by a consultant tomorrow after which we will have a much better idea of the timescales involved.

>”With regards to Javier Mascherano, he had an x-ray which has showed no bone injury, but he will receive intensive treatment on extensive bruising in his foot.”

Vonandi reynist þetta ekki alvarlegt hjá þeim félögum.

Ég er nú hálf efins um að Rafa muni leyfa Torres að spila um næstu helgi, en það er allavega hughreystandi að sjá hversu ákveðinn hann er:

“I intend to be fit for Saturday. I don’t want to miss out on the derby against Everton. I’ve been told how special the game is and I need to be ready in time. I am very happy at Liverpool and I’ve learnt a lot – I love being at a big club like this. I have played in big derby matches before. I played for Atletico against Real Madrid and I’m looking forward to enjoying something similar in the Premier League.”

Torres er einn fárra nýliða hjá Liverpool sem þekkir af eigin raun þá grimmd sem fylgir leik eins og Liverpool v Everton, enda lék hann í mörgum slíkum leikjum fyrir Atletico gegn Real í Madrídarborg. Ég vona að hann geti leikið á laugardag, en eins og ég sagði efast ég um að Rafa taki sénsinn á honum, jafnvel þótt hann fái sig heilan í tæka tíð. Það er þó gaman að sjá hann svona ákveðinn.

… meiddur í tíu daga!

Góða helgi.

The Times greina frá því í dag að meiðslin sem Daniel Agger og Xabi Alonso hlutu um helgina og versnuðu á æfingu á mánudag gætu haft slæmar afleiðingar, því þeir gætu verið frá í einhvern tíma. Ef það gerist verður áhugavert að fylgjast með liðinu í næstu leikjum, því að mínu mati söknuðum við bæði yfirvegunar Aggers og yfirsýnar Alonso í gær. Sá síðarnefndi hefði að mínu mati bjargað liðinu út úr mörgum klemmum í gær, en í staðinn sáum við annars þá frábæru Javier Mascherano og Steven Gerrard ströggla við að stjórna auðveldustu boltum, hvað þá að ná að senda þá frá sér.

Eins og greinin nefnir erum við svo sem ágætlega í stakk búnir fyrir fjarveru Alonso; með Gerrard, Mascherano, Momo Sissoko, Lucas Leiva og jafnvel Yossi Benayoun færa um að spila á miðjunni verðum við vart uppiskroppa með menn í þá stöðu. Hins vegar þýða meiðsli Agger að aðeins þeir Jamie Carragher og Sami Hyypiä eru heilir í stöðu miðvarðar. Þannig að það gæti opnast leið fyrir einhvern eins og Jack Hobbs inn í hópinn, og jafnvel liðið í einhverjum leikjum, auk þess sem endurkoma Fabio Aurelio í liðið í gærkvöldi gæti þýtt að Alvaro Arbeloa og/eða John Arne Riise gætu tekið einhverja leiki í miðverði. Sjáum hvað setur.

Skv. official heimasíðunni er Carragher á góðri leið eftir meiðslin og gæti verið með gegn Portsmouth um næstu helgi.
Rafa segir:

“He is running again and he will do more training and then maybe we can see if he has a chance to play at the weekend. At this moment, it’s still too early to say.”

Hvað varðar landsleikina þá er ljóst að enginn af landsliðsmönnum Liverpool meiddist í leikjunm helgarinnar:

Continue reading →

Svo gæti verið að sigurinn gegn Sunderland hafi verið Pyrrosarsigur þar sem bæði Carragher og Hyypia meiddust í þeim leik og verða næstum örugglega ekki með gegn Toulouse á þriðjudaginn. Hyypia mun hafa nefbrotnað og misst sjónina tímabundið á vinstra auga og talið að Carra hafi rifbeinsbrotnað. Þetta þýðir að við erum tæpir í miðri vörninni og Arbeloa mun vera með Agger þar. Þetta er skýrt dæmi um stöðu þar sem við erum ekki með nægilega gott “back up”. Ég von á því að miðvörður komi fyrir lok mánaðarins.

Á jákvæðum nótum þá er Aurelio víst að koma til og mun snúa til æfinga á fullu á næstunni eftir að hafa rifið hásin á síðasta tímabili.

Það er orðið ljóst að Steven Gerrard [verður ekki með gegn Roy Keane og co í Sunderland](http://www.skysports.com/story/0,19528,11095_2680706,00.html). Einnig er talið að hann muni missa af leiknum gegn Toulouse næsta þriðjudag.

Núna kemur sér vel að vera með Javier Mascherano, Momo Sissoko og Lucas Leiva til vara.

Steven Gerrard gengur ekki heill til skógar eftir leikinn gegn Toulouse í gær. Nú hefur verið staðfest að hann brákaði tá í leiknum en menn búast þó fastlega við því að hann muni þrátt fyrir það, spila gegn Chelsea á sunnudaginn og þó sé ekki verið að taka neina áhættu með hann. Hann mun þó þurfa 1-2 vikna hvíld eftir leikinn til að fá sig góðan af meiðslunum. Það góða við þetta er að það er einmitt landsleikjahlé eftir leikinn um helgina, og því ætti hann ekki að þurfa að missa af neinum leikjum með Liverpool. Þetta er því kannski bara lán í óláni eftir allt saman.

Rafa staðfestir þetta á official síðunni í dag

Jæja, góðar fréttir af meiðslamálum: Rafa segir að [Harry Kewell geti hugsanlega](http://home.skysports.com/list.aspx?hlid=459523&CPID=8&clid=14&lid=&title=Kewell+lined+up+for+Latics&channel=&) spilað gegn Wigan eftir tvær vikur!

>”He’s back in training. But when you’ve been injured for a long time and you start working hard you get tired and need rest.

>”He’s close but how close? We’ll need to see him playing in some small games first.

>”Then after that we’ll need to see him play eleven-a-sides. He will play again this season, though. Maybe in two weeks’ time.”

Frábært!

—

Nenni ekki að búa til nýja færslu, en hérna er [fín grein um Rafa](http://sport.independent.co.uk/football/european/article2432383.ece). Finnst besta kvótið koma frá Mista, sem spilaði undir stjórn Rafa hjá Valencia:

>”Benitez prepares for matches like no one else. **Sometimes it would shock you just how often the opposition did precisely what he said they would do.”**

Magnað.

Momo talar við [opinberu heimasíðuna](http://www.liverpoolfc.tv/news/drilldown/N155374070323-1024.htm) og segist enn eiga í vandræðum með augun á sér. Meðal annars útskýrir hann atvik í Man U leiknum, sem margir (ég þar á meðal) notaði til að byggja upp þá kenningu að honum væri fyrirmunað að gefa á samherja.

>”My eye is okay, but it’s not like before,” said Sissoko. “I still have a problem, particularly when there is a lot of sunshine.

>”Sometimes I get pain and I can’t see properly so I have to make sure I wear sunglasses when it is sunny.

>”There was a moment against Manchester United when I was stood outside their penalty area waiting for the ball.

>”It had been kicked high up in the air and as it came down, the sun caught my eye and I couldn’t see the ball properly.

Athyglisvert.

Jæja, það hefur verið staðfest að [Alex mun missa af báðum leikjunum](http://www.liverpoolfc.tv/news/drilldown/N155284070314-0953.htm) gegn Liverpool.

Peter Crouch [nefbrotnaði í leiknum í dag](http://home.skysports.com/list.aspx?hlid=450539&CPID=8&clid=14&lid=2&title=Broken+nose+for+Crouch) gegn Sheff. Utd en ólíklegt er talið að hann missi af næsta leik gegn Man U eftir viku.

Þetta hafði Rafa um málið að segja eftir leikinn:

“Crouch has a broken nose and needed stitches, but it’s not serious. He is okay and I was talking to him after the game.”

Ég skýt á að Crouch starti gegn Man U og skori sigurmarkið með skoti fyrir utan teig :)

Svo gæti farið að bæði [Zenden og Sissoko verði klárir fyrir leikinn gegn Everton](http://home.skysports.com/list.aspx?hlid=444821&CPID=8&clid=14&lid=2&title=Double+boost+for+Reds&channel=football_home&) um helgina en þeir eru báðir byrjaðir að æfa á fullu. Þeir eru báðir búnir að vera frá síðan í nóvember og hugsa ég að Sissoko verði örugglega í hópnum um helgina. Þá eru það bara Kewell og Garcia sem eru ennþá frá vegna meiðsla. Vonandi kemur Kewell inn í febrúar en ljóst er að Garcia verður ekki meira með á þessu tímabili.

Jæja, það er ekkert gaman að hafa leiðinlega leikskýrslu efsta á síðunni endalaust. Er ekki sniðugt að skipta henni út fyrir fréttir [af því að fyrirliðinn okkar er meiddur](http://news.bbc.co.uk/sport2/hi/football/europe/6050902.stm) og spilar ekki með á móti Bordeaux.

Það verður athyglisvert að sjá hvernig liðið bregst við.

Eitt, sem ég hugsaði dálítið um eftir leikinn við Blackburn var það hvort að það ætti að gefa Zenden sjens á miðjunni, allavegana 1-2 leiki. Hluti af mér segir manni að það þurfi að gefa Gerrard og Alonso tækifæri til að spila sig í gang, en annar hluti segir að það væri gaman að sjá þá fá pásu. Núna fær Gerrard allavegana pásu og það verður gaman að sjá hvernig miðjuspilið verður.

Rafa hefur ákveðið í samráði við lækna liðsins að [hvíla Kuyt um helgina](http://home.skysports.com/list.aspx?hlid=421873&CPID=8&clid=14&lid=2&title=Kuyt+kept+under+wraps) gegn Blackburn. Meiðslin hans munu ekki vera eins alvarlega og talið var í fyrstu og mun líklega vera leikfær gegn Bordeaux í meistaradeildinni eða Man U eftir rúma viku.

HIns vegar eru Agger, Fowler og Momo allir í hópnum og munu líklega koma við sögu í leiknum gegn Blackburn. Verður gaman að sjá Fowler eftir langa fjarveru frá aðalliðinu. En hver svo sem spilar þá VERÐUM við að sigra í þessum leik.

Jæja, ekki er á bætandi á þetta landsleikjaþunglyndi hérna á síðunni, en [Daniel Agger meiddist í landsleik með Dönum](http://home.skysports.com/list.aspx?hlid=421525&CPID=8&clid=14&lid=2&title=Agger+handed+injury+blow) og verður að öllum líkindum frá í 5 vikur.

Verulega slæmt mál!

—

Svo er þetta athyglisvert [sjónarmið, sem vert er að ræða](http://www.thefootie.com/is-sissoko-stifling-liverpools-midfield-as-well-as-the-opposition/) – það er hvort að Momo Sissoko sé að einhverju leyti ástæðan fyrir vandamálum undanfarinna vikna.

Ég hef verið því fylgjandi að taka Sissoko út úr liðinu í smá tíma og leyfa Gerrard og Alonso að spreyta sig á miðjunni, en ég veit að menn eru ekki á eitt sáttir um það.

Jæja, meiðslin hans Momo virðast ekki hafa verið svo alvarleg, því hann verður bara frá í tvær vikur. Það þýðir að hann missir af leiknum gegn West Ham á laugardaginn, en gæti svo verið orðinn heill fyrir útileikinn gegn Everton 9. september.

Ástæðan er náttúrulega landsleikjahlé, sem byrjar á mánudaginn. En það er ekki einsog það sé sérstakur skortur á miðjumönnum því Rafa byrjar þá væntanleg með Gerrard og Xabi á miðjunni og Pennant á hægri kantinum gegn West Ham. Hljómar ágætlega í mínum eyrum. :-)

Læknar Liverpool hafa [staðfest að Harry Kewell verði frá í 6 vikur](http://www.liverpoolfc.tv/news/drilldown/N152844060707-1307.htm) vegna fótasýkingar, sem hann fékk á HM. Sýkingin er þó af öðrum toga en upphaflega var greint frá. Hann missir því væntanlega af fyrstu leikjunum í ensku deildinni.

**Uppfært (KAR):** Rétt í þessu var að birtast opinber frétt þar sem yfirlæknir Liverpool FC segir að aðgerðin hafi tekist fullkomlega, brot Cissé sé ekki jafn alvarlegt í þetta skiptið og síðast, og að hann búist við að Cissé geti farið að spila knattspyrnu aftur í **nóvember!** Það eru vissulega frábærar fréttir ef rétt reynist, því þá nýtist hann okkur lengur en menn óttuðust fyrst í gærkvöldi og að ef Rafa vill enn selja hann gæti verið möguleiki á því í janúar. Hvað sem verður með það þá eru þetta góðar fréttir!

Jæja, það er fimmtudagur og Djibril Cissé liggur sennilega á sjúkrahúsinu í St Etienne að jafna sig eftir aðgerð. Get ekki ímyndað mér hvernig honum líður í dag, en hann á samúð mína alla. Rafael Benítez tjáði sig í samtali við Chris Bascombe hjá Liverpool Echo í morgun, en í grein Bascombe segir m.a. þetta:

1. Cissé verður væntanlega frá a.m.k. fram að jólum.
2. Til að setja ekki allar sínar áætlanir um sumarkaup úr skorðum gæti Rafa nú þurft að íhuga að selja aðra leikmenn, til að fá þessar átta milljónir punda sem hann hefði fengið frá sölu Cissé.
3. Daniel Alvés og Dirk Kuyt eru efstir á óskalista Rafa, og svo ef peningurinn leyfir þá líka annan framherja til, líklega Darren Bent eða Craig Bellamy.

Ef hann hefur einhverjar heimildir fyrir þessu er þetta talsvert afhjúpandi grein. Kuyt, Alvés og Defoe? Gæti alveg sætt mig við það. En auðvitað setur þessi sorgaratburður Cissé allt úr skorðum, og nú er alls ekkert víst að við getum keypt þessa leikmenn. Sem vekur upp aðra spurningu í mínum huga; á klúbburinn ekki krónu fyrir rassgatið á sér? Ef við verðum að selja leikmenn til að geta keypt fyrir einhverjar 10-15m punda er klúbburinn ekki nærri því eins ríkur og hann vill vera láta.

En allavega, Rafa tjáir sig um atvik gærkvöldsins:

>”There are two issues here.

>Firstly, from the players point of view I’m really sorry for Djibril. That’s important. It’s really unfortunate for him. But it’s true it’s now impossible for him to be sold.

>We were expecting to sell him to Marseille or Lyon and planned using the money for other players. We were talking to both clubs. Now we won’t have this money. We won’t expect him to play again until November or December.”

Rafa tjáir sig einnig um framtíðarhorfur Cissé hjá Liverpool og þá staðreynd að Cissé átti að vera seldur í sumar:

>”It was a professional decision and we were honest with Djibril. There will be no problem when he comes back.”

Með öðrum orðum: hvaða áhrif sem meiðsli Cissé hafa á kaup og sölur í sumar þá er það ljóst að hann er ennþá Liverpool-leikmaður og verður það á næsta tímabili. Og þegar hann jafnar sig af meiðslunum fær hann sömu tækifæri og aðrir á að vinna sér inn sæti í liði Rafa Benítez, sem er kannski harður húsbóndi en engu að síður sanngjarn. Cissé getur vonandi huggað sig við þessi orð stjórans.

Annars lítið í fréttum hjá okkar mönnum í dag. Steven Gerrard er ekki viss hvort hann verði orðinn heill fyrir leikinn gegn Paragvæ á laugardag, og franski landsliðsþjálfarinn Raymond Domenech hefur kallað á Sydney Govou, framherja Lyon, í landsliðshópinn í stað Cissé. Það þykir óvænt val, því almennt var talið að annaðhvort Nicolas Anelka eða Ludovic Giuly fengju kallið.

**Uppfært (Kristján Atli):** Það hefur núna komið í ljós að Cissé braut bein í hægri fæti í kvöld gegn Kína. Hann gekkst strax undir aðgerð á fætinum og þar var þetta staðfest. Raymond Domenech, landsliðsþjálfari Frakka, staðfesti að Cissé væri fótbrotinn og úr leik á HM. Skv. fréttum mun hann eyða næstu mánuðum í að jafna sig og reyna svo að snúa aftur einhvern tímann á næsta tímabili, en við verðum að bíða aðeins lengur eftir nákvæmari spá varðandi það *hvenær* hann snýr til baka.

Fréttin sem ég skrifaði áðan er hér fyrir neðan.

**Smellið á myndina til að sjá stærri útgáfu!**

Skv. fréttum FÓTBROTNAÐI DJIBRIL CISSÉ í kvöld í æfingaleik Frakka og Kínverja. Samkvæmt frétt BBC brotnaði hann rétt fyrir ofan ökkla á hægri fætinum og var borinn af velli á 10. mínútunni. Eins og allir muna fótbrotnaði Cissé illa á VINSTRI fæti í október 2004, eða fyrir tæpum 20 mánuðum síðan.

Samkvæmt lýsingunum var hann á spretti eftir boltanum niður hægri kantinn á 10. mínútu, og lenti í léttu samstuði við andstæðing. Við það missti hann jafnvægið og datt, og hægri löppin varð undir honum með þeim afleiðingum að ökklinn beyglaðist undir fótinn og hann leggbrotnaði.

Þið getið séð myndband af þessu hjá Fótbolta.net. Eins og sést á endursýningunni í lok myndbandsins er þetta mjög slæmt brot, en fóturinn bognar á ekki ósvipaðan hátt og sá vinstri gerði gegn Blackurn fyrir 20 mánuðum!

Þetta eru náttúrulega skelfilegar fréttir fyrir alla aðila. Þetta þýðir beisiklí eftirfarandi:

1. Cissé greyið, sem virtist loksins vera búinn að vinna sér inn sæti í aðalliði Frakka, missir af HM sem hefst eftir innan við viku. Innan við viku! Og öll þessi vinna hans síðan hann hóf að leika aftur eftir fyrra fótbrotið er til einskis. Þar að auki munið þið að hann missti af EM 2004 vegna leikbanns sem hann fékk í U21-landsleik Frakka, þannig að þetta er annað stórmótið í röð sem hann missir af með sínu landsliði. Þið getið rétt ímyndað ykkur hversu fáránlega illa Djib hlýtur að líða núna.

2. Cissé er ekki að fara frá Liverpool í sumar. Það kaupir hann enginn á meðan hann er frá í einhverja mánuði vegna fótbrots. Þetta hefur skelfilegar afleiðingar, bæði fyrir hann sjálfan og fyrir klúbbinn. Hann sjálfur á erfiðar stundir framundan, þar sem hann þarf að komast til heilsu fyrst og verða leikfær, og jafnvel þá er ekki líklegt að Rafa vilji nota hann mikið hjá Liverpool. Og fyrir Rafa eru þetta líka slæmar fréttir, af því að hann er hvorki með leikmanninn Cissé sem hann getur notað í haust, né peninginn fyrir söluna á leikmanninum Cissé. Með öðrum orðum, skyndilega er líklegt að við kaupum aðeins einn framherja í sumar, nema að Rafa lumi á meiri peningum en við höldum.

3. Marseille-menn *flugu til Liverpool í dag* til að semja um kaupin á Cissé. Þeir eru að setja miklar vonir undir að fá hann til sín, en það er ljóst að það er orðið að engu og þeir þurfa að endurskipuleggja sumarkaup sín.

En það er eiginlega sama hversu slæmar fréttir þetta er fyrir Marseille og Liverpool, þá verður það að segjast að þetta er algjörlega skítt fyrir Djib sjálfan. Í stað þess að vera að fara að spila sem byrjunarmaður með Frökkum í sumar, við hlið Thierry Henry, í baráttunni um Heimsmeistaratitilinn í knattspyrnu, og fara svo annað hvort til Frakklandsmeistara Lyon og hefja þar langþráð samstarf við Gérard Houllier, eða fara til uppáhalds klúbbsins síns, Marseille, þarf hann nú aftur að bíða þolinmóður eftir að ná heilsu og svo reyna að vinna sig inn í plön Rafa enn á nýjan leik.

Ég get ekki annað en vorkennt honum núna, umfram allt. Hvað þetta þýðir fyrir Liverpool kemur í ljós, býst við að við fáum einhverjar tilvitnanir frá Rafa um málið strax í kvöld eða á morgun, en akkúrrat núna er minn hugur hjá Djibril Cissé. Hvað sem verður er hann ennþá Liverpool-leikmaður og verður það um einhverja nánustu framtíð. **Djib, gangi þér vel á bataveginum! Við munum klappa fyrir þér þegar þú spilar næst fyrir Liverpool!**

Hér með tilkynnist það að ég er núna “officially” orðinn þreyttur á fréttum af Wayne Rooney.

Liverpool hafa staðfest að Harry Kewell [hafi tognað á nára](http://www.liverpoolfc.tv/news/drilldown/N152353060514-1526.htm) í leiknum gegn West Ham í gær, en að hann verði orðinn heill eftir 2-3 vikur og geti því spilað með Áströlum á HM í sumar.

Ég vorkenndi Kewell afskaplega mikið í gær. Hann hafði talað mikið um hversu spenntur hann væri fyrir því að ná að sanna sig í úrslitaleik, en hann fór meiddur af velli í deildarbikarnum gegn Chelsea og svo í Istanbúl. Núna var hann loksins búinn að ná sér á strik og hann var auðvitað algjörlega frábær gegn Chelsea í undanúrslitunum.

En Kewell meiddist gegn West Ham og þurfti að fara útaf rétt eftir hálfleik. Nokkrir aðdáendur og þeir, sem hafa sambönd innan liðsins hafa sagt að Kewell hafi verið algjörlega miður sín útaf þessu og hafi grátið eftir að hann fór niður göngin og inní klefa.

En það er vonandi að hann nái sér fyrir HM og komi ennþá sterkari til leiks á næsta tímabili. Framfarir Kewell hafa verið ánægjulegar og það hefur verið gaman, sérstaklega fyrir okkur sem hafa varið hann í gegnum alla mánuðina sem hann lék illa fyrir Liverpool.

Liverpool hafa tilkynnt það að Bolo Zenden þurfi að [fara í hné-aðgerð](http://www.liverpoolfc.tv/news/drilldown/N150795051209-1511.htm) í Bandaríkjunum og að hann muni líklega ekki spila meira það sem eftir lifir af þessu tímabili.

Þetta eru virkilega slæmar fréttir fyrir Liverpool. Zenden var farinn að finna sig hjá liðinu og þrátt fyrir að hann væri kannski ekki alltaf í byrjunarliðinu, þá bauð hann uppá ýmsa kosti, þar sem hann getur spilað á köntunum og hann væri sennilega fimmti miðjumaðurinn hjá okkur á eftir Xabi, Stevie, Momo og Didi.

En allavegana, við vonum öll að aðgerðin gangi vel og að Zenden nái sér aftur sem fyrst. YNWA

Bolo Zenden meiddist á hné gegn Real Betis [og verður frá í þrjár vikur](http://www.liverpoolfc.tv/news/drilldown/N150677051126-1417.htm).

Slæmt mál, þar sem að Zenden var farinn að finna sig hjá liðinu. En þetta gefur væntanlega Ástralanum okkar tækifæri til að stimpla sig rækilega inní þetta lið. Áfram Harry!

Samkvæmt Echo, þá er enn óvíst [hvort að Xabi getur leikið með á miðvikudaginn](http://icliverpool.icnetwork.co.uk/0500liverpoolfc/0100news/tm_objectid=16394623%26method=full%26siteid=50061%26headline=anxious%2dwait%2don%2dalonso%2dfitness-name_page.html). Það mun sennilega koma í ljós á morgun.

En Luis Garcia er allavegana heill. Þannig að miðjan gæti hugsanlega litið eins út og í byrjun leiksins gegn Portsmouth.

Jæja, þá höfum við fengið skýringu á því af hverju Josemi var í liðinu á móti Anderlecht, Steve Finnan [er lítillega meiddur](http://www.liverpoolfc.tv/news/drilldown/N150327051021-1357.htm) og missir af leiknum gegn Fullham á morgun.

Hann á þó aðeins að vera frá í viku í viðbót.

[Stevie G er hins vegar heill](http://icliverpool.icnetwork.co.uk/0500liverpoolfc/0100news/tm_objectid=16277189%26method=full%26siteid=50061%26headline=gerrard%2dfit%2denough%2dfor%2dfulham%2dtrip-name_page.html).

Nú er ljóst að Gerrard [mun líklega ná leiknum gegn Fulham](http://www.liverpoolfc.tv/news/drilldown/N150227051010-1306.htm) þann 22.okt þannig að meiðslin eru ekki jafn alvarleg og í fyrstu var talið.

Harry Kewell [er á góðum batavegi](http://www.liverpoolfc.tv/news/drilldown/N150228051011-0830.htm) og vonast þjálfari Ástralíu, Gus Hiddink, að hann verði kominn í góða æfingu þegar Ástralía spilar fyrri leikinn um hvort landið komist á HM.

Antonio Barragan hefur spilað einkar vel með varaliðinu á hægri kantinum og skorað nokkur mörk reif liðþófa og fór í aðgerð í vikunni. Hann verður frá næstu 5-6 vikurnar. Hann spilaði sinn fyrsta alvöru leik fyrir LFC gegn CSKA Sofia í haust.

Og núna styttist í að Neil Mellor komi tilbaka en hann hefur verið frá vegna uppskurðar sem hann fór í vegna krossbandaslita í mars. Mellor [segir í viðtali](http://www.liverpoolfc.tv/news/drilldown/N150224051010-1254.htm) við official síðuna að hann sé ca. 5 vikur frá því að komast á fullt. Vonandi að hann komi aftur jafnmikið á óvart og í fyrra.

Helvítis landsleikir.

Helvítis, djöfulsins, andskotans, fokking landsleikir!!!

Sem sagt, Stevie Gerrard er meiddur eftir leikinn í gær og verður frá í a.m.k. 2-3 vikur. Og þar sem reglan er sú að Liverpool fá engar bætur fyrir að missa leikmanninn, þá vona ég að Sven Göran sendi Rafa allavega kort þar sem á stendur, “sorry, my bad.”

Þetta er náttúrulega ekkert mál fyrir okkur. Það eru svo margir aðrir sem geta gert allt það sem Steven Gerrard geta gert, þannig að auðvitað er enska landsliðið í fullum rétti hérna. Auðvitað! Brosa!

Ég horfði á þennan leik í gær. Hann var frekar slappur. Peter Crouch lagði upp dauðafæri fyrir Owen, það var brotið á honum og Frank Lampard skoraði úr vítinu. 1-0 sigur, að miklu leyti til Crouchy að þakka. Annars virtist Crouch leggja upp flest öll dauðafæri Englendinga, og ef ekki hann þá Joe Cole, og Crouchy fékk sjálfur nokkur góð færi og hefði átt að skora. Spilaði allar 90 mínúturnar, efast samt um að Sven Göran velji hann fram yfir Wayne Rooney á miðvikudag. Sem er fínt, ein meiðsli vegna Englands er alveg nóg…

Svo horfði ég á Frakkana gera 1-1 jafntefli við Sviss. Stilltu upp svona 4-6-0 leikkerfi, með Wiltord “fremstan” (var samt alltaf úti á kanti) og greinilega skíthræddir um að tapa fyrir Sviss á útivelli. Svo kom innáskipting í hálfleik, eftir drulluslappan fyrri hálfleik. Vikash Dhorasoo fór útaf og Djibril Cissé kom inná. Sjö mínútum síðar var Cissé búinn að skora. Bjó það bara til fyrir sjálfan sig.

Bottom line: Cissé hefur sína galla eins og allir leikmenn, en ef hann fær að spila þá skorar hann alltaf! Svona eins og betri útgáfa af Neil Mellor. Af hverju er þessi maður ekki í liðinu hjá okkur?

Rafa hefur svarið: Squad Rotation! Jamm, hann róterar öllum hópnum og leyfir mönnum að spila jafnt. Enda sjá það allir að Cissé hefur í raun fengið að spila alveg jafn mikið og Crouch, Morientes og Pongolle í haust…

Já, ég er í vondu skapi í dag. Helvítis landsleikir. Þetta er búin að vera löng vika, og það er enn önnur vika til þangað til okkar menn mæta Blackburn í deildinni! Einar Örn verður á vellinum þá, þannig að það er eins gott að okkar menn skori nokkur mörk.

Helvítis landsleikjahlé.

Fyrirliðinn okkar [meiddist í leiknum](http://www.liverpoolfc.tv/news/drilldown/N150220051009-1224.htm) gegn Austurríki í gær og verður frá í 2-3 vikur. Er þetta hafið?

Jæja, er [þetta](http://www.football365.com/news/story_164666.shtml) ekki ágætis dæmi um það að breiddin í varnarleiknum er ekki nógu góð:

>Hyypia had spent 24 hours in his sickbed and had not eaten all weekend before having to step out against Drogba and his unbeaten Chelsea team-mates at Anfield yesterday.

…

>”When I came off the pitch I went straight to the toilet to throw up, I had been unwell for a couple of days. My whole family had been sick.

Magnað! Af hverju er maðurinn látinn spila þegar ástandið er svona?

Rafa Benítez staðfesti í dag að Mohammed Sissoko og Fernando Morientes hafa náð sér af meiðslum sínum og eru byrjaðir að æfa með liðinu á fullu. Þeir koma til greina fyrir liðið á sunnudaginn, sem er mikill styrkur fyrir stórleikinn sem er framundan.

Hlakka til að sjá Sissoko koma sterkan inn gegn Chelsea, jafnvel beint í byrjunarliðið. Spurningin er hins vegar, hvar ætlar Rafa að koma Morientes fyrir? Ef hann fer á bekkinn er ljóst að það er ekki pláss fyrir bæði hann og Sinama-Pongolle þar, ef hann fer í liðið er ljóst að það er ekki pláss fyrir bæði Cissé og Sinama-Pongolle á bekknum.

Það verða einhverjir leikmenn svekktir með að vera skildir útundan á sunnudaginn, svo mikið er víst. En þetta styrkir liðið samt til muna, öll samkeppni er af hinu góða … og við höfum nú mikla samkeppni um stöður á miðjunni, í framlínunni og í bakvörðunum. Bráðum kemur Dudek heill inn til að setja meiri pressu á Reina, og þá má eiginlega segja að þeir einu sem séu öruggir með sæti sitt í liðinu séu miðverðirnir, Carra og Sami.

Jæja, smá fréttir fyrir leikinn á morgun. Því miður mun Momo Sissoko, besti maður okkar það sem af er tímabils að mínu mati, missa af leiknum á morgun þar sem hann er með meiðsli í vöðva. Rafa talar um að hann sé ekki alvarlega meiddur en að þeir vilji ekki taka neina sénsa með hann, þannig að mér sýnist á öllu að það sé verið að leggja ofurkapp á að hafa hann heilann fyrir leikina tvo gegn Chelsea í næstu viku.

Líst ágætlega á það, verður gaman að sjá Sissoko berja á Lampard og félögum … en að sama skapi er þetta blóðtaka fyrir morgundaginn. Þessi strákur er búinn að vera stórgóður það sem af er tímabili.

Á hinn bóginn er nú talið líklegt að Fernando Morientes geti hugsanlega verið með á morgun. Hann hefur æft með liðinu undanfarna tvo daga og mun fara í læknisskoðun í kvöld, þar sem ákveðið verður hvort hann fer með til Birmingham eður ei. Ef hann verður í hópnum er ljóst að róður Djibril Cissé þyngist eilítið meir, ég efast um að það sé pláss fyrir bæði hann og Morientes á fimm manna varabekk Liverpool – þannig að ef Cissé fær ekki að byrja inná á morgun við hliðina á Crouch gæti ég vel ímyndað mér að hann verði ekki einu sinni í hópnum. Skrýtið, en satt.

Hvað Morientes varðar hlakka ég til að sjá hann koma aftur. Hann hefur væntanlega (vonandi) tekið smá stöðutékk á hlutunum þessar þrjár vikur sem hann var frá, og skoðað leik sinn aðeins, hvað má betur fara og slíkt. Ég vona allavega að hann snúi aftur hungraður í að sýna sig og sanna, því við þurfum á sterkum Morientes að halda í þessari baráttu sem er framundan í vetur.

Sem sagt, einar neikvæðar fréttir og aðrar sem eru vonandi jákvæðar (ef hann er heill, þ.e.a.s.) … leikurinn á morgun verður forvitnilegur.

Uppfært: (Aggi) Vonandi að þetta sé ekkert alvarlegt hjá Sissoko og að hann verði klár gegn Chelsea. Hvað varðar Morientes þá eru þetta góðar fréttir og hlýtur að ýta við Rafa að hætta að spila 4-5-1 og fara í 4-4-2. Byrja með Crouch og Cisse inná og síðan smella Moro inná fyrir Crouch í þeim síðari. Núna bíður maður bara spenntur hvernig Kewell kemur tilbaka eftir meiðslin… spurning hvort Rafa gefi honum ekki góðan tíma áður en honum er skellt í aðalliðið?

Fréttir þess efnis að Morientes verði frá í nokkra vikur vegna meiðsla er ein af ástæðunum sem ég þoli ekki landsleiki, hin því þá er enginn enskur bolti. [Skv. síðustu uppl. þá tognaði Moro aftan á læri](http://skysports.planetfootball.com/list.asp?hlid=305173&CPID=4&CLID=&lid=2&title=Morientes+injury+worry&channel=football_home) á æfingu með spænska landsliðinu í dag. Andskotans djö…. þetta var einmitt það sem Moro mátti ekki við eftir að hafa átt erfitt uppdráttar í fyrstu leikjunum. AAARRRGGGG

Jæja, Liverpool hafa staðfest að [Jerzy Dudek verður frá í þrjá mánuði](http://www.liverpoolfc.tv/news/drilldown/N149592050808-1524.htm) eftir slys á æfingu í dag. Það er því ljóst að hann verður ekki seldur fyrr en í fyrsta lagi í janúar.

Carl Medjani, fyrirliði franska U21 árs liðsins hefur verið [lánaður til Metz](http://www.liverpoolfc.tv/news/drilldown/N149595050808-1729.htm) út þetta ár.

Jæja, [Djimi Traore er meiddur](http://skysports.planetfootball.com/Article.asp?id=297562) og mun verða frá í mánuð. Því er hann kominn á lista með Flo-Po, Peter Crouch og Harry Kewell, sem munu ekki spila fyrsta mánuðinn í ensku deildinni.

Chris Bascombe heldur því fram að Milan Baros [sé á leið til Lyon eða Monaco](http://icliverpool.icnetwork.co.uk/0500liverpoolfc/0100news/tm_objectid=15833400%26method=full%26siteid=50061%26headline=lyon%2dback%2din%2dfor%2dbaros-name_page.html) og að hann hafi verið dreginn útúr hópnum, sem ferðast til Búlgaríu.

Eeeeeen, official síðan [heldur því fram að](http://www.liverpoolfc.tv/news/drilldown/N149588050808-1420.htm) bæði Milan Baros og hinn ungi Antonio Barragan séu í hópnum. Barragan er bara 17 ára gamall.

Bolo Zenden fer hins vegar ekki með, þar sem hann er *meiddur* á mjöðm. Rafa telur þó að Zenden verði klár gegn Boro á laugardaginn.

**Uppfært (EÖE)**: Einsog SSteinn bendir á í kommentunum, þá var [Jerzy Dudek keyrður uppá spítala](http://www.liverpoolfc.tv/news/drilldown/N149592050808-1524.htm) á miðri æfingu í dag. Það er einsog síðasta tímabil hafi aldrei endað.

Ekki byrjar þetta tímabil vel, hvað varðar meiðsli. Peter Crouch áttaði sig á því að hann var orðinn *framherji hjá Liverpool* og því ákvað hann [umsvifalaust að togna](http://www.liverpoolfc.tv/news/drilldown/N149554050803-1522.htm). Hann verður frá í þrjár vikur.

Í alvöru, hvað er málið með það að vera framherji hjá Liverpool? Það hljóta að fylgja þessu einhver álög. Michael Owen hefur t.a.m. alveg hætt að meiðast eftir að hann fór til Real Madrid.

Þannig að núna erum við bara með tvo alvöruframherja í liðinu víst að Le Tallec er farinn til Sunderland og Pongolle er meiddur. Þeir einu, sem eru eftir eru Morientes og Cisse. Já, og Milan Baros. Ætli þetta muni breyta einhverju um plönin hjá Rafa?

Tengt þessu, þá hafa BBC það eftir Michael Owen að hann hafi [talað við 3-4 lið í ensku deildinni](http://news.bbc.co.uk/sport1/hi/football/eng_prem/4741707.stm). Í fyrsta lagi, þá er hvergi í fréttinni neitt kvót frá Owen, þar sem hann segir þetta. Bara í upphafi fréttarinnar, þá láta BBC menn einsog þetta sé beint kvót frá honum.

Ef þetta væri beint kvót, hvað meinar hann þá með 3-4 klúbbum? Kann drengurinn ekki að telja? Annaðhvort hefur hann talað við 3 eða 4 lið. Það er ekkert flóknara en svo.

Arsenal neita að hafa talað við hann, og Chelsea líka. Ok, gefum okkur þá að tvö liðanna séu Newcastle og Manchester United. Hver geta þá lið númer 3 og 4 verið? Liverpool kannski? Það koma ekki mörg önnur ensk lið til greina.

Jæja, fyrstu slæmu meiðslafréttir tímabilsins eru þá komnar: [Harry Kewell verður frá í 6 vikur vegna kviðslits](http://www.liverpool.is/frettir/frett.asp?id=6990).

Að mínu mati ferlegar fréttir, en koma Zenden mun þó gera þetta öllu bærilegra og hann fær væntanlega gott tækifæri til að sanna sig. En það er vonandi að Kewell nái sér vel af þessu. Ég er ennþá sannfærður um að Harry Kewell muni virkilega sanna sig á þessu tímabili og vera mikilvægur fyrir Liverpool.

Það er því ljóst að hann og Sinama-Pongolle munu missa af byrjun þessa tímabils.

Góðar fréttir fyrir leikinn á morgun. Bæði Harry Kewell og Milan Baros [verða í hópnum á móti Chelsea](http://news.bbc.co.uk/sport1/hi/football/europe/4484849.stm). Það, sem kemur okkur auðvitað skemmtilega á óvart er að Kewell skuli vera þarna. Hann hefur aðeins spilað tvo leiki á þessu ári.

Mikið væri nú ánægjulegt að sjá Harry Kewell spila seinni hálfleikinn á morgun. Við vitum öll hvað hann getur þegar hann er uppá sitt besta. Það væri svo sannarlega frábær lyftistöng fyrir Liverpool ef að við fengjum að sjá hinn raunverulega Harry Kewell spila á morgun!

Viðbót (Kristján Atli): Þetta eru náttúrulega frábærar fréttir. Fyrst, þá er gott að Baros geti verið með því ég efast um að Cissé geti spilað heilar 90 mínútur ennþá og því hefðum við verið í vandræðum án Baros. Hvað Kewell varðar, þá verð ég að segja að ég átti ekki von á að sjá hann aftur fyrr en bara næsta haust, og því kemur það á óvart að sjá hann í hópnum núna.

Spurningin er bara hvort hann er virkilega búinn að jafna sig almennilega eftir meiðslin eða hvort það er enn og aftur verið að biðja hann um að ‘harka af sér’ fyrir liðið. Það eru kannski einhverjir ósammála mér en ég er enn á þeirri skoðun að fullfrískur og ómeiddur Harry Kewell í toppformi er með betri sóknarmönnum Úrvalsdeildarinnar (hugsið til baka hvað menn voru glaðir þegar hann gekk til liðs við okkur? ) og því væru það vissulega frábær tíðindi ef hann gæti spilað af einhverjum krafti í 20-30 mínútur á morgun, ef við þyrftum á honum að halda.

Hins vegar, ef hann er enn ekki orðinn heill af meiðslunum þá myndi ég frekar vilja skilja hann eftir heima. Hann verður að jafna sig almennilega áður en hann snýr aftur, og því vona ég að hann sé búinn að yfirstíga sín meiðsli núna fyrst hann segist heill og Rafa virðist ætla að nota hann.

Samt, skemmtileg tilhugsun fyrir morgundaginn að ef við skyldum lenda undir þá getur karlinn sett Cissé og Kewell inní liðið til að styrkja sóknina. Það er laaangt síðan við höfum haft jafn virt nöfn á bekknum til að koma inní leiki :)

Jæja, nú á Kristján Atli eftir að flippa út, því [Djibril Cisse verður á bekknum á móti Juve](http://www.liverpoolfc.tv/news/drilldown/N148449050412-0942.htm). Rafa hefur gefið það út að ef að Liverpool þurfa nauðsynlega að skora þegar stutt er til leiksloka, þá komi til greina að henda Cisse inná!

Snilld!

Einar, ég veit þú varst að enda við að gefa skít í þessa helgi í síðustu færslu … en ég má bara til með að gera þig enn kátari:

LIVERPOOL VERÐUR LÍKLEGA ÁN STEVEN GERRARD GEGN JUVENTUS!

Má ég koma með uppástungu að byrjunarliði, ef við spilum án Gerrard?

Hmmm? Auðvitað veikir það okkur fáránlega mikið að missa Gerrard og fá Welsh inn í staðinn (og kannski verður Alonso nógu heill til að byrja, þótt ég efi það) en eins og staðan er í dag þurfum við að passa okkur að tapa ekki.

Ef Gerrard er ekki með og Alonso er ekki nógu heill til að byrja, er ekki bara spurning um að vera raunsæir og pakka í fokking vörn? Skilja García og Baros eftir á toppnum til að reyna að stela einhverjum aukaspyrnum eða marktækifærum, annars bara leggja ofurkapp á að halda hreinu?

Það er ljót knattspyrna þegar maður þarf að horfa á annað liðið liggja í vörn, og mér finnst það aldrei skemmtilegt, sama hvaða lið á í hlut. En í þessu tilfelli, er þetta ekki bara spurning um að vera raunsær?

Veitiggi, við sjáum til hvort Gerrard & Alonso geta spilað og síðan kannski metur maður þetta betur. En ef þeir geta hvorugur byrjað inná þá viðurkenni ég fúslega að mig langar bara að setja Welsh og Núnez (líkamlega sterkari en García) inn, jafnvel bara Warnock líka á miðjuna eða eitthvað, og segja þeim að tudda Ítalina til andskotans! Bara halda hreinu, sama hvað það fokking kostar…

Gleðilegan mánudag, everybody!

**Uppfært (Einar Örn)**: Einsog einhverjir hafa bent á í kommentum við þessa færslu, þá hafa Liverpool menn staðfest það að [Gerrard verður **EKKI** með í Tórínó](http://www.liverpoolfc.tv/news/drilldown/N148441050411-1308.htm). Einsog ég sagði, síðasta vika var alltof góð. Það hlaut einfaldlega eitthvað að koma uppá.

En núna er tækifærið, líkt og á móti Leverkusen á heimavelli, fyrir hina leikmennina að sanna aftur að þetta lið snýst ekki um Steven Gerrard, heldur liðsheildina!!!

Ég er svo ánægður að ég meika það varla. DJIBRIL CISSÉ ER AÐ KOMA AFTUR! Hann mun spila fyrir varaliðið innan 10 daga og eftir það er þetta bara spurning um hvenær Rafa vill nota hann fyrir aðalliðið. Það eru náttúrulega stórkostleg tíðindi fyrir Liverpool FC … ef við komumst í undanúrslit í Meistaradeildinni gæti Cissé fengið að spila í þeim leikjum. Hugsið ykkur!?!?!?

Snilld. Hreinasta snilld. Það verður yndislegt að sjá hann aftur og ég spái því hér með að Cissé eigi eftir að skora a.m.k. eitt mark áður en tímabilið er úti! :D

Guess who’s back!

**Xabi Alonso** spilaði seinni hálfleikinn með varaliðinu gegn [Leeds í kvöld](http://www.liverpoolfc.tv/news/drilldown/N148399050406-2248.htm) og komst í gegnum það án áfalla. Hann ætti því að vera á bekknum gegn Man City og hugsanlega í byrjunarliðinu gegn Juve á Delle Alpi. Alonso hefur ekki spilað síðan að Frank Lampard [fótbraut](http://www.telegraph.co.uk/sport/graphics/2005/01/05/ualonso.jpg) hann.

Yndislegt alveg hreint!

Jæja, veðrið gott. Kominn föstudagur og Liverpool leikur á morgun.

Hvað getum við beðið um meira? Jú, [Fernando er heill og mun spila gegn Bolton](http://www.liverpoolfc.tv/news/drilldown/N148332050401-1400.htm).

Sökum þess hversu yndislegar fréttir þetta eru og hversu góðu skapi ég er í þá ætla ég að deila þessu yndislega lagi með ykkur. Þið getið svo hlustað á þetta í dag og í kvöld.

[Fernando!](http://www.kop.is/fernando.mp3) – MP3 innlent niðurhal.

Koma svo, allir syngja með!!! :-)

Ja hérna!!

Núna berast jákvæðar meiðslafréttir af Liverpool TVO daga í röð. Það hreinlega hlýtur eitthvað slæmt að fara að gerast.

En allavegana, þetta var það síðasta, sem ég átti von á að heyra:

[Rafa: Cisse may be back this season](http://www.liverpoolfc.tv/news/drilldown/N148317050331-1226.htm)!!!!!

>”Cisse is now training again with the team. He is doing all the warm-ups and he’s kicking the ball again,” said Benitez.

>”I’m very happy with him. He’s running well and doing a lot of hard work with the physios with the ball. Yesterday, he completed a full warm-up.

>”After talking with my assistant Paco Ayesteran, who controls the fitness coaching, we no longer believe it’s impossible he’ll play this season.

>”We have to listen carefully to the doctors. We know how much Cisse wants to play, but they will decide for us. But because there are still two months of the season left, we think there is enough time for him.

Hversu yndislegt væri það ef allt færi að óskum og bæði Djib og Xabi myndu spila aftur fyrir okkur á þessu tímabili!

… The stars were bright, Fernando!

Má. Ekki. Verða. Of. [Bjartsýnn](http://icliverpool.icnetwork.co.uk/0500liverpoolfc/0100news/tm_objectid=15348446%26method=full%26siteid=50061%26headline=nando%2d%2di%2dcan%2dbe%2dfit%2dfor%2dbolton-name_page.html)!

Athyglisverður [moli í þessari Echo frétt](http://icliverpool.icnetwork.co.uk/0500liverpoolfc/0100news/tm_objectid=15347114%26method=full%26siteid=50061%26page=2%26headline=kewell%2dcan%2dt%2dhelp%2dout%2din%2dstriker%2dcrisis-name_page.html):

>Anthony Le Tallec was also in action last night – contrary to weekend reports he could be out for six weeks with a thigh injury.

>The French forward played in a European Under-21 Championship qualifier in Israel and could be in the frame for a substitute’s role against Sam Allardyce’s side at Anfield.

Þannig að sögusagnirnar um meiðslu Le Tallec, sem Kristján [skrifaði um](http://www.kop.is/gamalt/2005/03/27/12.57.27/) voru bara bull.

ATH: Framherji óskast!!!

Þetta er náttúrulega orðið fáránlegt: Nú er Anthony Le Tallec líka meiddur, maðurinn sem margir héldu að myndi leiða línuna í næsta leik!

Ég veit ekki hvað er til ráða … á liðið kannski bara að gefast upp? Leggja árar í bát og biðja sér vægðar? Nú er enginn framherji eftir í liðinu, það næsta sem við komumst að eiga framherja eru García og Smicer.

Hvernig verður liðið þá eftir 6 daga, gegn Bolton??? Ég ætla að giska á…

…nema hvað, ég er skíthræddur við að láta tvo miðjumenn spila frammi! Þetta er náttúrulega ótrúlegt.

Já, Le Tallec reif vöðva og verður frá í sex vikur, eða þangað til í maí! Hvað gerðum við af okkur í fyrra lífi???

Ég lýsi því hér með yfir að ef að einhver Liverpool leikmaður, sérstaklega Luis Garcia eða Steven Gerrard, meiðist í þessari landsleikjahrinu, þá mun ég ganga berserksgang um Vesturbæinn.

Núna er það semsagt opinbert að Didi Hamann verður frá í [einn mánuð](http://news.bbc.co.uk/sport1/hi/football/teams/l/liverpool/4379787.stm). Hann mun því missa af báðum leikjunum gegn Juve. Það gæti þó gerst að Xabi Alonso yrði heill fyrir seinni leikinn og það myndi bjarga ansi miklu.

Það er spurning hvernig í ósköpunum Benitez mun stilla upp 5 manna miðju þegar Didi er meiddur. Biscan og Gerrard velja sig sjálfir, en hver verður 5. maðurinn? Ha? John Welsh? Le Tallec? Einhver? Finnst einhverjum þessi meiðslamál vera sniðug?

Jæja, þá er það staðfest, við verðum ekki með neina framherja gegn Bolton og sennilega ekki heldur gegn Man City. [Trio facing three weeks out](http://www.liverpoolfc.tv/news/drilldown/N148236050322-1136.htm).

>The Reds may have celebrated victory over their city rivals, but the success came at a cost with Fernando Morientes, Dietmar Hamann and Stephen Warnock all ruled out of our next game with Bolton Wanderers in a fortnight and possibly the Premiership clash with Manchester City on April 9.

>Hamann and Warnock are also doubtful for the first leg of the Champions League quarter final with Juventus at Anfield – a game Morientes is ineligible for anyway.

Ok! Ætli við sjáum Le Tallec í framlínunni á móti Bolton?

Gætum við beðið um betri fréttir?

[Alonso could make surprise return](http://news.bbc.co.uk/sport1/hi/football/teams/l/liverpool/4349097.stm)

Rafa segir:

>”If everything continues OK, I hope Xabi will be in full training by the last week of March. He will be like a new, very important player for us.”

>”Maybe Xabi will be available for the second game of the quarter-final which will be on 12 or 13 April.

FRÁBÆRT!

Mark Waller, læknir Liverpool er í [athyglisverðu viðtali á official heimasíðunni](http://www.liverpoolfc.tv/news/drilldown/N148032050307-1254.htm) þar sem hann tjáir sig um þessi fáránlegu meiðslavandræði, sem Liverpool hefur lent í.

9, já NÍU leikmenn hafa farið í aðgerð á þessu tímabili. Það þrátt fyrir að við höfum selt Michael Owen síðasta sumar.

Uppfært (Kristján Atli): Sem betur fer er eitthvað af þessum gaukum að snúa aftur. Eins og staðan var gegn Newcastle voru eftirfarandi meiddir:

GK – Jerzy Dudek, Chris Kirkland, Patrize Luzi
DEF – Josemi, Djimi Traoré
MID – Xabi Alonso, Dietmar Hamann, Harry Kewell
ATT – Djibril Cissé, Florent Sinama-Pongolle, Fernando Morientes, Neil Mellor

Er það að furða að við skyldum vera slappir fram á við á laugardag? Einn framherji heill og þeir fimm miðjumenn sem byrjuðu inná hjá okkur höfðu aldrei spilað saman áður sem miðjuheild. Þannig að auðvitað hlaut, eftir á að hyggja, eitthvað að vera meira en mikið að sóknarleik okkar í þessum leik. Rafa einfaldlega hafði ekki aðra valkosti en að setja þessa fimm menn inná…

En nú horfir aðeins til bjartari tíðar. Á miðvikudag munu þrír leikmenn snúa aftur, þeir Didi Hamann, Jerzy Dudek og Harry Kewell. Fernando Morientes verður síðan orðinn heill fyrir Blackburn-leikinn á laugardaginn.

Þá skilst mér að það sé mjög stutt í að Josemi og Traoré komi aftur, á meðan Kirkland, Luzi, Pongolle, Cissé, Mellor og líklega (vonandi ekki samt) Alonso verði frá út tímabilið. Fáránlega margir, en við reynum að gleðjast yfir þeim sem ná þó að snúa aftur á næstunni…

Einhverra hluta vegna er ég ekki alveg jafn svartsýnn fyrir Leverkusen-leikinn nú og ég var strax eftir leik á laugardag. ;)

Það er merki um hversu mikið hlutirnir hafa breyst undir stjórn Rafa að mann finnst það nú vera hræðileg tíðindi að [Djimi Traore skulu vera meiddur](http://www.liverpoolfc.tv/news/drilldown/N148024050304-1258.htm). Hann spilar ekki með gegn Newcastle.

Nú er spurning hvort Benitez setur Riise í bakvörðinn gegn Newcastle eða hvort Carra fari í bakvörðinn og Pellegrino í miðvörðinn. Newcastle er gríðarlega sterkt sóknarlega, þannig að það eru slæmar fréttir að þurfa að breyta vörninni fyrir þennan leik.

Varnarmenn Úrvalsdeildarinnar og Evrópu – varið ykkur…..

DJIBRIL CISSÉ er BYRJAÐUR AÐ ÆFA á nýjan leik!!!

:D

Bæði Harry Kewell og Josemi spiluðu með [varaliðinu í gær](http://skysports.planetfootball.com/list.asp?hlid=256105&cpid=8&CLID=14&lid=&title=Kewell+makes+successful+return&channel=Premiership) og er vonast til að báðir geti verið með í hópnum gegn Leverkusen.

Það er alveg ljóst að við munum þurfa á Kewell að halda, þar sem að Gerrard verður í banni og Milan Baros verður eini framherjinn.