Category Archives: HM 2010

Hver er annars þessi Suarez?

Posted on by

Fyrir um þremur mánuðum fengum við nýja eigendur og losnuðum í leiðinni við eigendur og skuldir sem voru einfaldlega að keyra klúbbinn í kaf. Hann var þegar kominn í meðalmennsku hvað stigasöfnun varðar, hann var rúmlega í meðalmennsku hvað leikmannakaup varðar og hann var í botnbaráttu hvað metnað í þjálfararáðningum varðar.

Síðan þá hafa fleiri góðir hlutir gerst hjá félaginu heldur en slæmir og það eitt og sér er gríðarlegur viðsnúningur. Nýjir eigendur lofuðu afar litlu og gáfu ekki margar yfirlýsingar frá sér sem hægt var að búa til fyrirsagnir úr og sögðust í raun ekki vita svo mikið um fótbolta.

Fram að janúar gerðu þeir reyndar ekki mikið nema sanna að þeir vissu lítið um fótbolta enda hefði meira að segja Tom Hicks áttað sig á því að Roy Hodgson var vonlaus stjóri á þeim tíma sem það tók FSG. Þeir reyndar fengu til sín Damien Comolli sem er þekktur fyrir að vinna í anda þeirrar hugmyndastefnu sem nýjir eigendur Liverpool hafa náð góðum árangri með í hafnarboltanum, kaupa leikmenn áður en þeir verða ofurstjörnur (og selja þá áður en þeir brenna út). Enginn að mótmæla því meðal stuðningsmanna liðsins sem keypti Poulsen (30 ára), Konchesky (461 árs, lengri líftími þaðan sem hann kemur), Cole (29.ára) og Meireles (28.ára). Þ.e.a.s. liðsins sem fékk bara til sín leikmenn á niðurleið eða síðustu góðu árum ferilsins.

Næst stóðu þeir við orð sín og hlustuðu á aðdáendur félagsins, sem reyndar gátu ekki verið mikið skýrari er þeir bentu þeim á að losa okkur við Roy Hodgson og þá fá bara Kenny Dalglish inn í staðin ef leit að nýjum framkvæmdastjóra væri eitthvað vesen.

Þetta hefur skilað sér í 100% bættu hugarfari og andrúmslofti meðal allra sem hafa einhverjar taugar til Liverpool FC, spilamennska liðsins er stórbætt og við erum hættir að sjá fréttir sem orða okkur við Charlton Cole, Bobby Zamora eða álíka miðlungsgóða tréhesta sem eiga nákvæmlega ekkert erindi í Liverpool. Janúar hefur farið í LAAAAANGAR vangaveltur um kaup á Charlie Adam, einum heitasta bitanum á markaðnum í Englandi og Luis Suarez sóknarmanni Ajax sem hefur verið algjörlega frábær í Hollandi undanfarin ár og sló í gegn á HM í sumar.

Núna 28.janúar 2011 kom svo loksins fréttin sem við höfum í sameiningu misnotað fjölmarga F5 takka við að bíða eftir:

Þetta er semsagt ekki staðfest en gefið að hann nái að semja um kaup og kjör og fái grænt ljós hjá tannlækninum í læknisskoðuninni þá erum við einfaldlega að kaupa mest spennandi leikmann sem félagið hefur keypt síðan Fernando Torres kom til félagsins og það á svipaða upphæð og við fengum spánverjann á. En það er frekar óvenjulegt að kaupverðið sé gefið upp svona á heimasíðu félagsins en líklega er það til að sýna fram á að þessi orðrómur um að FSG hafi bara boðið 12.7 milljón Evrur hafi ekki verið alveg sannur.

En þá að spurningu dagsins sem ekki hefur verið mikið spáð í þennan mánuðinn, hver í helvítinu er Luis Suarez?

Kappinn heitir Luis Alberto Suárez Díaz og er fæddur og uppalinn í Salto, næststærstu borg Uruguay sem staðsett er við landamæri Argentínu og er helst þekkt fyrir fjölmarga heita náttúrulega potta sem hægt er að smella sér ofaní (t.d. eins og á Hveravöllum). Salto er tæpa 500 km frá höfuðborginni Montevido en í þeirri borg endar líklega landafræði kunnátta flestallra Íslendinga sem geta bent á hvar Uruguay er á korti (fyrir þá sem ekki geta staðsett heimaland Suarez á korti þá sýnir Homer Simpson ykkur það hérna).

Suarez eða “El Pistolero” (byssumaðurinn?) eins og hann er kallaður í heimalandinu (sjáið fögnin hans vonandi fljótlega) er alinn upp af einstæðri móður sinni sem eignaðist í heildina 6 börn og er nokkuð greinilega kjarnakerling því tveir synir hennar hafa náð að gerast atvinnumenn í knattspyrnu. Paolo Suarez eldri bróðir Luis er að gera góða hluti með Isidro Metapán í heimalandinu.

Ferill Suarez var hinsvegar ekki langur í heimalandinu eins og venjan er hjá þeim leikmönnum frá Suður Ameríku sem virkilega geta eitthvað í fótbolta. Hann komst 17 ára í liðið hjá Nacional sem er staðsett í höfuðborginni Montevido og er langbesta lið Uruguay með 42 meistaratitla í gegnum tíðina. Einn þeirra kom árið 2006 er Suarez var leikmaður hjá þeim en þessi 18 ára leikmaður skoraði 12 mörk í 29 leikjum.

Í kjölfar þessa frábæra tímabils með Nacional var hann keyptur yfir til Evrópu þar sem hann endaði í Groningen í Hollandi sem borgaði heilar 800,000 evrur fyrir hann. Hann var þó ekki lengi í herbúðum Groningen sem þó ávaxtaði peningin vel er hann var seldur á 7.5 milljón evrur til Ajax. Þetta fyrsta tímabil í Hollandi skoraði hann 10 mörk í 29 leikjum og vakti áhuga mun fleiri liða heldur en bara Ajax sem þó fékk hann í byrjun ágúst 2007. Í Amsterdam átti hann að fylla í skarðið sem Ryan Babel (og Wesley Sneijder) skyldi eftir sig er hann fór til Liverpool. Engin kaldhæðni þar neitt.

Það kemur reyndar kannski ekki á óvart en þessi sala frá Groningen gekk ekkert auðveldlega og þurfti Suarez m.a. að fara fram það við Hollenska knattspyrnusambandið að fá að fara frá Groningen til Ajax, beiðni sem var hafnað af Hollenska knattspyrnusambandinu.

Ajax hinsvegar hækkaði boðið og sá líklega nákvæmlega ekkert eftir því eftir fyrstu leiki hans með liðinu. Í sínum fyrsta leik sem var í undankeppni meistaradeildarinnar gegn Slavia Prag fiskaði hann víti sem Klaas-Jan Huntelaar klúðraði. Í sínum fyrsta deildarleik skoraði Suarez síðan eitt mark, fiskaði aftur víti og lagði ekki upp nema þrjú mörk í 8-1 sigri á De Graafschap. Þess má einmitt geta að það er alveg tilvalið að byrja svona gegn Stoke á miðvikudaginn takk.

El Pistolero er baneitraður

Fyrsti leikur Suarez sem leikmaður Ajax á Amsterdam Arena var frekar rólegur hjá okkar manni sem skoraði bara 2 mörk gegn Heerenven. Rólegur á að byrja með látum maður!

Tímabilið endaði hann með 20 mörk í 40 leikjum og guð eða stákarnir á LFCHistory.net mega svo vita hvað hann var með margar stoðsendingar. Ajax liðið endaði hinsvegar í öðru sæti og féll út í áðurnefndu einvígi við Slavia Prag sem varð til þess að Ten Cate yfirgaf félagið (til Chelsea) áður en þeir náðu að reka hann.

Á sínu öðru tímabili með Ajax (nú undir stjórn Van Basten) skoraði Suarez 22 mörk í 31 leik og var töluvfert milli tannana á fólki fyrir hegðun innan vallar, hann afrekaði að næla sér í 7 gul spjöld sem er ágætt fyrir framherja en þó eitthvað í líkingu við striker sem við eigum fyrir hjá félaginu, þeir ættu að verða flottir saman og ákaflega vinsælir hjá dómurum.

Þetta tímabil var hann reyndar einnig með góðan meðspilara í sókninni, Klaas-Jan Huntelaar, en hann var seldur í janúar til Real Madríd sem var mjög umdeilt í Hollandi og Ajax náði einungis þriðja sæti það árið. Van Basten hætti um vorið og Martin Jol tók við.

Tímabilið 09/10 hafði Suarez sem nú var orðinn fyrirliði Ajax frekar hægt um sig og skoraði bara 35 mörk í deildinni, 49 mörk í öllum keppnum (þ.á.m. 6 mörk í 14-1 sigri á áhugamannaliði í bikarnum). Hann varð markakóngur Evrópu og mjög “óvænt” valinn knattpyrnumaður Hollands. Ajax sem tók rosalegan endasprett í deildinni var með markatöluna 106-20 eða 86 mörk í plús sem er töluvert betra en Twente sem þó vann deildina með einu stigi.

Núverandi tímabil hóf Suarez síðan á því að skora sitt 100.mark fyrir Ajax og var að spila eins og undanfarin ár þanngað til í nóvember er hann fékk sér smá bita af Otman Bakkal

Bakkal þessi er líklega friðaður eða eitthvað því þetta var voðalega illa séð í Hollandi. Ajax setti hann strax í tveggja leikja bann og skikkaði hann til að borga óuppgefna upphæð í góðgerðarmál sem refsingu. Hollenska knattspyrnusambandið tók þessu ennþá verr og setti hann í 7 leikja bann sem gerði það að verkum að hann hefur ekki verið löglegur með Ajax síðan þá verður það líklega ekki um helgina heldur þrátt fyrir að banninu sé nú lokið enda ekki leyfilegt að láta leikmenn Liverpool spila fyrir Ajax, nema semja um það sérstaklega :-)

Brandarinn hérna á kop.is undanfarið hefur auðvitað verið að við þurfum á leikmanni að halda sem getur aðeins bitið frá sér og Suarez eða, The Cannibal of Ajax eins og hollenska dagblaðið De Telegaaf kallaði hann ætti svo sannarlega að vera besti leikmaðurinn í heiminum til að uppfylla þau skilyrði.

Suarez er eins og áður segir fæddur í Uruguay og því ekki beint óvænt að hann eigi það til að fá spjald af og til og eins eiga það einstaka sinnum til að gæða sér á andstæðingnum. Suarez er auðvitað landsliðsmaður Uruguay og hefur verið frá árinu 2007 en hann afrekaði einmitt að fá rautt spjald í sínum fyrsta landsleik. Síðan þá hefur hann spilað 38 landsleiki, skorað 16 mörk og myndað hættulegan sóknardúett með Diego Forlan í liði sem hefur líka Edison Cavani til taks.

Það er einmitt sem landsliðsmann sem flestir utan Hollands þekkja Suarez best en hann var mjög fyrirferðarmikill í skemmtilegu liði Uruguay á HM í sumar, skoraði 3 mörk í 6 leikjum og gerði allt (bókstaflega) til að koma liðinu áfram í keppninni. Hann var ekki með í undanúrslitum og veikti það lið Uruguay gríðarlega að hafa hann ekki í leiknum sem vinir hans frá Hollandi unnu. Ástæaðan fyrir fjarveru hans í leiknum var auðvitað þessi og er óhætt að fullyrða að þessi ákvörðun hans hafi gert hann einn umdeildasta leikmann HM:

Svona í alvörunni, hver hefði ekki gert það nákvæmlega sama?

Suarez tryggði með þessu liði sínu jafntefli enda gerist þetta undir lok framlengingar í átta liða úrslitum. Uruguay vann Ganamenn í vítaspyrnukeppninni og okkar maður hélt háttvísinni áfram er það var orðið staðreynd:

Eins og aðrir hef ég ekki áhuga á að sjá kórdrengi spila fyrir Liverpool , það er ekki í anda Liverpool borgar að fýla kórdrengi og síðasti kórdrengur sem gat eitthvað hjá okkur er kominn á bekkinn hjá United og fær þar af og til klapp á bakið frá Alex Ferguson.

Ég held að ég geti lofað því að Suarez er enginn kórdrengur (með fullri virðingu fyrir drengjum sem syngja í kór) og mér lýst vel á þá staðreynd.

Hann varð 24 ára núna í vikunni og er því á frábærum aldri og fellur vel undir þá stefnu FSG að borga það sem þarf fyrir rétta leikmenn á réttum aldri. Hann virðist nú ekki vera alvitlaus því hann fullkomnaði árið 2009 með því að giftast æsku ást inni, henni Sofiu Balbi og eignuðust þau dóttur í ágúst sl.

Vel gert FSG

Meira svona takk.

Gaman væri svo ef einhver lesenda kop.is veit eitthvað um Hollensku deildina og ár Suarez þar því svona yfirgrip segir oftar en ekki bara hálfa söguna.

HM + spekingar

Posted on by

Það er afar sjaldgæft að þeim sem lýsa leikjum eða greina þá sem spekingar eftir leik er hrósað sérstaklega fyrir það. Oft eiga þessir menn gagnrýnina reyndar fyllilega skilið og jafnvel hryllilega eins og bresku spekingarnir sem fá heldur betur á baukinn í þessari frábæru grein (mæli líka með Football Weekly sem bent er á í þessari grein).

En eins ótrúlega og það hljómar langar mig svolítið að hrósa RÚV og opna á umræðu um þetta og þá sérstaklega hvernig RÚV tæklaði HM í ár.

Þegar Adolf Inga var á einhvern ill skiljanlegan hátt kennt um jafntefli handboltalandsliðsins gegn Austurríki í upphafi árs voru uppi margar kaldhæðnisraddir og höfðu raunar verið mun lengur um að RÚV væru ömurlegur kostur og alls ekki með réttu mennina til að sjá um HM og þeir myndu jafnvel eyðileggja keppnina.

Núna eftir mánuð af nánast daglegum fótbolta og gríðarlega mikilli umfjöllun hefur maður varla heyrt gagnrýni á þessari umfjöllun og raunar þvert á móti og fyrir mitt leyti verð ég bara að hrósa RÚV fyrir þetta verkefni enda umfjöllunin góð og Vuvuzela var mun nær því að skemma mótið en nokkuð annað.

Fyrir þjóðhátíð í fyrra, mjög skömmu eftir að Michael Júdas Owen fór til helvítis sá ég Hjörvar Hafliðason í Herjólfi sem væri kannski ekki frásögu færandi fyrir utan það að fíflið var í United búning sem á stóð Owen. Góður húmor svosem enda Owen rétt nýbúinn að skrifa undir en líka ágætt dæmi um hversu mikill United maður hann er. Engu að síður er ekki hægt annað en hrósa honum og það á Liverpool blogginu enda bar hann af í sínu hlutverki í sumar líkt og í umfjöllun um íslenska boltann í fyrra (og ár) á sömu stöð. Hann er greinilega fótboltanörd, les sig til um þau lið sem á að fjalla um og segir greinilega nákvæmlega það sem honum finnst og er allavega enn sem komið er ekki kominn í gamlar klisjur sem jafnan er tuggið ofan í sjónvarpsáhorfendur. T.d.  það að Þýskaland hafi alltaf spilað vélmennafótbolta og fleira í þessum dúr. Ansi langt frá þeim Shearer og Townsend t.d. sem talað er um í greininni sem ég benti á í upphafi.

Það er kannski erfitt að koma með vitiborna gagnrýni á svona menn en ég er nokkuð viss um að við eigum eftir að sjá mikið meira af Hjörvari í framtíðinni og finnst hann áberandi bestur í svona leikgreiningum líkt og Gummi Ben er í lýsingum á 365. Raunar efa ég að árið verði búið þegar þeir verði orðnir samstarfsaðilar og þá er ég ekki að meina að Hjövar komi sem markmannsþjálfari á Selfoss.

Eins var ég ánægður með Pétur og Auðunn, báðir að verða gamlir jálkar í boltanum, báðir með fína reynslu úr boltanum og leikið sem atvinnumenn úti og komu jafnan með góða punkta. Þarna vorum við að fá inn menn sem við höfum ekki séð neitt voðalega oft áður í sjónvarpi og þetta kom fínt út hjá þeim.

Þorseinn Joð er síðan að mínu mati oft aðeins á mörkunum að vera pirrandi í svona hálfgerðu wannabe heimspekilegur en hann er góður stjórnandi á svona þætti og hélt þessu lifandi og líklega áhugaverðu fyrir stærri hóp en bara okkur ultra fótboltanörda. Enda staðreynd að þegar HM er á RÚV er ólíklegasta fólk að horfa á. Orðum þetta svona, ég sá ekki mínútu af þættinum hans Loga Bergmanns sem var held ég daglega og hef ekki heyrt neinn minnast einu orði á hann.

Hvað hina varðar þá voru föstu starfsmennirnir Hjörtur, EInar og Þorkell góðir og það var fínt hjá RÚV að hafa þá plús einhven speking úr boltanum á hverjum leik. Líklega hefur verið ákveðið að Adolf Ingi kæmi ekki að þessu móti enda umdeildur og því var bara nánst engin sjáanleg neikvæð umræða um spekingana.

Af þeim sem ég síðan man eftir þá held ég að Bjarni Guðjóns verði eitthvað í svona hlutverki áfram í framtíðinni og taki við af pabba sínum jafnvel. Hann kom oft með fína punkta og var góður í lýsingum. Eins er Tryggvi Guðmunds fínn í þessu þó hann sé ákaflega umdeildur sjálfur sem leikmaður.

En all in all þá er vert að hrósa því sem vel er gert því andskotann nóg förum við jafnan yfir það sem illa er gert. RÚV fær thumbs up frá mér allavega fyrir HM í sumar, væntingarnar voru litlar og þeir fóru framúr þeim.

Það er auðvitað jafn líklegt að allir séu sammála um þetta og að SSteinn fari aftur holu í höggi í sumar en þetta er allavega mitt mat, RÚV fékk mikla (og oft ósanngjarna) gagnrýni yfir handboltanum í janúar. Eina sem maður saknaði var að hefði mótið verið á 365 væri smá séns að Silja Úlfars hefði lýst leik, þó það eigi ekki alltaf við þá er ekki annað hægt en að hafa lúmskt gaman af svona stöðugum kjánahrolli og maður fær er hún færir manni íþróttafréttir um aðrar íþróttir en frjálsar, t.d. hvað Kobe Bryant skoraði mörg mörk og svona. Svona án þess að ég vilji alveg ausa yfir stelpu greyið sem er nú nýliði í faginu þá væri ég mikið til í að sjá upptöku af atvinnuviðtalinu hennar á 365!!

Núna er stutt í að enski boltinn byrji aftur og Stöð 2 Sport hefur fengið smá samkeppni sem þeir verða eflaust eitthvað miðaðir við í uppphafi tímabilsins. Eins gæti ég trúað því að þeir hafi fengið einhverjar hugmyndir um nýja starfsmenn/spekinga fyrir næsta vetur. Ekki samt taka þetta samt sem diss á Stöð 2 Sport, þeir hafa þjónustað enska boltann gríðarlega vel plús aðrar deildir og íþróttir sem þeir fjalla um og stöðin er hreinlega á heimsmælikvarða fyrir þá sem hafa efni á henni.

En svo við vindum okkar kvæði alveg í kross og snúum okkur aðeins að sjálfu mótinu þá er ekki annað hægt en að hafa gaman af besta varamarkverði í heiminum enda líklega allramanna skemmtilegastur í spænska landsliðinu

Þetta er svo mikil perla að það er æðislegt

Þetta var hið fínasta HM annars enda erfitt að hafa ekki gaman af eins mánaðar stórmóti í fótbolta á þeim tíma sem vanalega fer í bið og endalausar vangaveltur um leikmannamál. Reyndar gæti mér ekki verið mikið meira sama um landsliðafótbolta þannig og í úrslitaleiknum vonaðist ég helst að öllu eftir því að Fernando Torres myndi ekki meiðast!!

Afríka fannst mér ekki beint vænlegasti kosturinn fyrir svona mót en það var í fínu tímabelti fyrir okkur íslendinga og því kvartar maður ekki. FIFA fær reyndar alveg sérstkat hrós fyrir að gera sitt besta til að eyðileggja stemminguna með því að banna ekki hinn óþolandi Vuvuzela lúður sem drepur alla stemmingu á vellinum og þarf líklega að fara kveikja á heyrnartækinu hjá þessum bjánum enda var þetta vandamál vitað ári fyrir mót og var alveg jafn óþolandi og óttast var. Eins er það mögnuð tímasetning að byrja að nota nýjan og byltingarkendan bolta á stærsta móti í veröldinni!

En ef ég enda þetta á nokkrum tilnefningum (sem þið mættuð heimfæra á ykkur í ummælum):

Besta lið: Spánn, augljóslega

Leiðinlegasta lið: Spánn, leyfðu hinum ekki að vera með!

Skemmtilegasta lið: Þýskaland, hver hefði trúað því fyrir mót.

Besti leikmaður: Iniesta og Xavi, þetta er einn maður.

Maður mótsins: Maradonna by far

Mest pirrandi við mótið: Stemmingin í áhorfendum var drepin.

Núna er komið að enska boltanum, loksins.

Babú

Spánverjar heimsmeistarar!!!

Posted on by


Í kvöld lauk HM 2010 í Suður Afríku með því að Spánverjar urðu sjöunda þjóð heims til að verða krýnd heimsmeistarar í knattspyrnu!

Leikurinn í kvöld var eins og við var að búast, Hollendingar lágu aftarlega, helskipulagðir spilandi 4231 með tvo varnarmiðjumenn og treystu á fá sóknarmenn sem skapa áttu hættu með skyndisóknum. Viðurkenni alveg að á meðan ég horfði á Hollendingana fattaði ég að þessa leikstíls mun ég nú ekki sakna eftir þessa keppni eða hjá ákveðnu uppáhaldsliðinu mínu. Þeir spiluðu fast, stundum gróft en voru nálægt því að skora úr skyndisóknunum sínum. Hinn umdeildi Arjen Robben fékk þau bestu.

Spánverjar héldu áfram sínum stíl, spiluðu boltanum í drep og héldu ró sinni aðdáunarvert að mörgu leyti, fengu alveg sín færi í venjulegum leiktíma. Howard Webb hafði í nógu að snúast í 90 mínútunum, átti nú sennilega að rífa upp minnst eitt rautt spjald á hvort lið (De Jong og Puyol) en svo lauk leiknum með 0-0 og framlenging.

Hollendingarnir voru augljóslega orðnir þreyttir á meðan að krumla Spánverjanna hertist stöðugt. Þungir varnarmenn Hollendinganna urðu enn þyngri og loks kom rautt spjald á 110.mínútu þegar blámaðurinn Evertonmaðurinn dapri, Heitinga, fékk sitt annað gula spjald. Eftir það var bara spurningin hvort þeir héldu út 120 mínútur.

Sem þeir gerðu ekki. Á 116. mínútu reyndi Torres sendingu inn í teig sem var hálfhreinsuð á Fabregas. Hann vippaði boltanum inn á réttstæðan Iniesta sem klíndi föstum bolta í fjær. 1-0 og Spánverjar komnir í óskastöðuna sína. Lokuðu búðinni eins og þeir best geta, með hápressu fram um völlinn, sem þó varð erfiðari þegar Torres, sem augljóslega spilaði meiddur, tognaði að því er virtist aftan í læri. Meira væntanlega af því síðar….

Við lokaflautið brutust út mikil fagnaðarlæti auðvitað á meðal Spánverjanna sem voru vafalaust sterkasta lið keppninnar, þó ekki það skemmtilegasta að mínu mati, og þriðja tap Hollands í úrslitaleik HM staðreynd. Ljóst að enn sveiflast pendúll fótboltans í átt til Íberíuskagans og satt að segja held ég að þessi úrslit hafi kveikt heimþrá í einhverjum sigurvegaranna.

HM lokið, við spjöllum nú kannski meira um það í samantektarpistlum, með sigri Spánar. Eftir fyrsta leik þeirra í mótinu voru einhverjir sem afskrifuðu þá, m.a. skemmtileg athugasemd hér á kop.is, en vélrænt öruggur og yfirvegaður fótbolti skilaði þeim sínum fyrsta heimsmeistaratitli. Sérstaklega gleðjumst við með Torres og Reina, sem eru fyrstu ríkjandi heimsmeistarar Liverpool FC ansi lengi.

Spánverjarnir munu því spila með eina heimsmeistarastjörnu í brjóstinu héðan frá, hún sást í fyrsta sinn í verðlaunaafhendingunni.

Felicidades amigos espanoles!!!

HM 2010: Úrslitin ráðast

Posted on by

Eftir fjórar vikur og 63 leiki er komið að því: úrslitaleikur HM fer fram í dag og það verða Holland og Spánn sem leika til úrslita. Þessar tvær þjóðir hafa löngum verið taldar þær bestu sem hafa aldrei unnið HM og því verður ljóst að ein þjóð mun fagna því á morgun að vera loks orðin fullgildur meðlimur elítunnar, á meðan hin þjóðin þarf að horfa upp á minnst fjögurra ára kvöl í viðbót.

Í gær unnu Þjóðverjar Úrúgvæa 3-2 í einum skemmtilegasta leik mótsins og tryggðu sér því þriðja sætið. Ég vil meina að það sé rétt niðurstaða hjá þýska liðinu í þessu móti, þeir voru eitt besta og skemmtilegasta liðið en ekki alveg nógu góðir til að komast í úrslitaleikinn.

Við gefum orðið laust ef menn vilja ræða HM og úrslit mótsins hér í dag. Umfjöllun um Liverpool hefur verið upp og ofan síðustu fjórar vikurnar á meðan menn einbeittu sér að HM og leyfðu Roy Hodgson að koma sér fyrir en við lofum því að það verður allt sett á fullt í spekúleringum og upphitunum fyrir tímabilið sem framundan er þegar HM er lokið.

Og svo það sé á hreinu, þá spái ég 2-1 sigri Spánverja í úrslitaleiknum. Ég á erfitt með að spá því þetta eru einu tvö liðin sem ég hef einhverjar tilfinningar til og vill helst sjá hvorugt þeirra tapa, en ég held að geta Spánverja til að einoka boltann og stjórna algjörlega tempóinu í leikjum muni gera gæfumuninn að endingu. Ég myndi þó ekki beint gráta það ef Hollendingar ynnu.

Kuyt vs Torres. Pepe vs Babel í bekkjarsetu. Úrslitin ráðast í dag. Svo snúum við okkur alfarið að Liverpool aftur. Ég get ekki beðið. :)

Opinn þráður – HM og Benayoun farinn

Posted on by

Ég er tveimur tímum of seinn með þetta, en 8-liða úrslit HM hefjast í dag og því tilvalið að hafa eitt stykki opinn þráð yfir helgina svo menn geti skeggrætt þetta.

Fyrsti leikurinn er búinn, þjóð fótboltans er úr leik og þessi maður er kominn í undanúrslit…

Get ekki kvartað yfir því. Dirk Kuyt er maðurinn! :)

STAÐFEST FRÉTT: Yossi Benayoun er farinn til Chelsea. Athyglisvert.

HM dagur 12 (3. umferðin hefst)

Posted on by

Kl. 14:00: S-Afríka – Frakkland og Úrúgvæ – Mexíkó. Domenech hagar sér loks eins og þjálfari og hendir Evra, Abidal, Gouvou og Malouda út úr liðinu. Setur Djibril Cissé og co. inn í staðinn. Treystir á einingu með því að fjarlægja vandræðagemsana.

Kl. 18:30: Argentína – Grikkland og Nígería – S-Kórea. Argentínumenn munu hvíla leikmenn en Grikkir og Kóreumenn berjast um annað sæti riðilsins. Nígería, eins og flestar Afríkuþjóðir, valda vonbrigðum og eru á leið heim.

Úrslitastundirnar hefjast í dag. Héðan í frá er hver leikur einfaldur: Win or go home.

HM rúllar áfram – Dagur 10

Posted on by

Það er ekkert að frétta af Liverpool. Ekki enn. Vonandi skýrast þjálfaramálin í næstu viku.

Tveir leikir búnir í dag, Paragvæ vann Skrtel og co. í Slóvakíu og Ný-Sjálendingar héldu jöfnu gegn Ítalíu. Ótrúleg úrslit og Ítalir verða að vinna lokaleikinn til að komast áfram. Það að Nýja-Sjáland eigi séns eftir tvær umferðir er óvæntast í þessu móti hingað til.

En hey, Ítalir, ekki örvænta. Gæti verið verra. Þið gætuð verið franska landsliðið sem er að valda álíka miklu uppnámi í sínu heimalandi og Eyjafjallajökull í þriðja veldi. Magnað hvað egó getur gert út af við heilt landslið. Egó í allar áttir. Evra að slást við sjúkraþjálfarann, Anelka að rífa kjaft við Domenech og svo endalaust fyndið áfram. Ég er viss um að Írar skemmta sér konunglega yfir gengi Frakka í sumar.

Já, og Englendingar halda víst krísufund í kvöld. Hún er víða örvæntingin. Í kvöld er svo stórleikur Brasilíu og Fílabeinsstrandarinnar, einn fyrsti risaslagur mótsins. Þeir verða fleiri áður en yfir lýkur.

HM dagur 6 (fyrsta umferð búin)

Posted on by

Leikdagur 6 á HM í knattspyrnu stendur nú yfir og þegar þetta er skrifað eru öll lið búin að spila einu sinni í mótinu. Eftir örfáar mínútur hefst svo síðasti leikur dagsins þar sem Suður-Afríka og Úrúgvæ hefja aðra umferðina með leik sínum.

Það eru öll lið búin að spila einu sinni. Brasilíumenn, Hollendingar, Argentínumenn og Þjóðverjar hafa staðið undir væntingum og unnið sínar viðureignir, á meðan heimsmeistarar Ítala og Englendingar hafa lent í vandræðum og gert jafntefli. Fyrr í dag komu svo fyrstu virkilega óvæntu úrslit keppninnar þegar Svisslendingar skelltu Evrópumeisturum Spánar 1-0. Það verður fróðlegt að sjá hvernig Spánverjar taka á þessum vonbrigðum.

Ætli Þýskaland sé ekki búið að leika best og geti talist lið fyrstu umferðarinnar. Portúgal, Ítalía, Frakkland og Fílabeinsströndin eru vonbrigði umferðarinnar, léku öll drepleiðinlega knattspyrnu sem gæti fælt jafnvel hörðustu aðdáendur frá íþróttinni. Spánverjar eru svo neikvæðasta sörpræsið og ætli Suður-Kóreumenn séu ekki jákvæðasta sörpræsið enn sem komið er. Sem og Sviss, að sjálfsögðu.

Hvað finnst mönnum? Hefur þessi fyrsta umferð skerpt línurnar eitthvað frekar eða er lítið að marka þetta? Eru menn ánægðir með mótið hingað til eða ekki? Sjálfur er ég frekar ósáttur, finnst svona fjórði hver leikur hafa verið skemmtilegur eða rétt það. Of mikið af varnartaktík og hugmyndaleysi, of mikið af liðum sem reyna að hanga á jafnteflum gegn sterkari liðum, og lítið af mörkum. Og þessir blessuðu lúðrar eru ekki að bæta stemninguna heima í stofu, því miður, það er bara svoleiðis.

En svona er HM. Dramatík, vonbrigði, eitthvað óvænt og svo býst maður við að stóru liðin fari á flug á næstu dögum. Get ekki kvartað.

Opinn þráður – HM dagur 4

Posted on by

Það er opinber stefna okkar sem rekum þessa síðu að allir sem að henni koma verði að halda með Hollandi á stóru mótunum. Þeir eru bestastir.

Dagurinn byrjar á leik Hollendinga og Dana og lýkur á því að meistarar Ítala hefja titilvörnina. Good times.

Mynd dagsins og HM í dag- Dagur 3

Posted on by

Að vanda er ekki mikið að frétta af okkar mönnum, reyndar sunnudagur og því ekki von á mjög merkilegum fréttum á þessum tíma árs reyndar. Þannig að meðan klúbburinn er ennþá stjóralaus, peningalaus og í mikilli óvissu er um að gera að einbeita sér að einhverju örðu, eins og t.d. einhverju sem er jafnvel ennþá leiðinlegra en staða Liverpool undanfarið, þessum blessaða lúðri:

Hvernig stjórnendur FIFA áttuðu sig ekki á því að þetta yrði nákvæmlega svona er ofar mínum skilning gjörsamlega og nú vonar maður bara til guðs að einhver hendi þessum lúðri inn á völlinn eða fari að slást með þessu!

En HM heldur auðvitað áfram í dag og er lítið um okkar menn í action! Alsír og Slóvenía sem eru með Englandi í riðli var að klárast og endaði með sigri Slóveníu og svipuðu klúrði og í Englands leiknum í gær!! Þó það hafi ekki verið afsökun í tilviki Green þá setur maður smá spurningarmarki við þennan blöðrubolta sem er notaður í keppninni. Það var allavega talað um það fyrir mót að hann myndi láta markmenn líta út eins og kjána…og markmenn hafa sannarlega litið út eins og kjánar í þessum riðli. Þó það sé kannski ekki hægt að kenna boltanum um það?

Núna er svo að hefjast leikur Serbíu og Gana sem endar 1-1 og seinasti leikur dagsins er svo milli verðandi heimsmeistara Þjóðverja og Ástrala sem endar solid 1-0 fyrir Þjóðverja.

HM – Dagur 2 – Soto, Maxi, Masche, Gerrard, Johnson og Carra

Posted on by

6 Liverpool leikmenn áttu möguleika á að spila leik á HM í dag. Í fyrsta leiknum í dag kom þó Sotirios Kyrgiakos ekkert inná fyrir Grikkland, sem tapaði fyrir Suður-Kóreu. Núna áðan spiluðu báðir Argentínumennirnir okkar með í sigurleik gegn Nígeríu. Mascherano var fyrirliði Argentínu og spilaði allan leikinn og Maxi kom inná sem varamaður og var nokkuð líflegur.

Núna á eftir eru svo þrír Liverpool menn í enska hópnum þegar að England mætir Bandaríkjunum. Gerrard og Johnson munu að öllum líkindum byrja inná með Gerrard sem fyrirliða og Carra verður á bekknum.

Opinn þráður – HM fyrsta helgin

Posted on by

Jæja þá er komið að því. Fyrstu leikirnir á HM eru í dag. Suður-Afríka og Mexíkó mætast kl. 14 og svo kl. 18.30 í kvöld mætast Úrúgvæ og Frakkland. Þið getið rætt um leikina og/eða hvað annað sem mönnum dettur í hug hér.

Ég ætla að setja í loftið mína opinberu spá hér og nú: Spánn vinnur annað hvort Argentínu eða Brasilíu í úrslitum og hampar titlinum. David Villa verður markakóngur en Fernando Torres, sem spilar ekki alla leikina, verður sá sem tryggir þeim sigur í úrslitunum (rétt eins og á EM ’08).

Og hana nú!

Liverpool menn á HM

Posted on by

Áður en að menn byrja að stökkva fram af húsþökum vegna ástandsins hjá Liverpool, þá er hérna ágætis mynd, sem ég rakst á í Svenska Dagbladet í morgun. Þetta er listi yfir þau félagslið, sem eru með flesta leikmenn á HM.

Semsagt, það eru bara tvö lið á þessari plánetu sem að senda fleiri leikmenn á HM en Liverpool, það er Barcelona og Chelsea. Þetta er kannski ágætt til að hjálpa mönnum að muna að þrátt fyrir eigendavesen og þrátt fyrir að menn hafi spilað einsog fábjánar á síðasta tímabili, þá eru ennþá á samningi hjá Liverpool 12 leikmenn í HM hópum sinna landa.