Byrjunarlið

Gulacsi, Ngog, Pacheco, Kyrgiakos, Spearing, Poulsen, Flanagan.

Þessi leikur var eins og þessi Evrópudeild hefur verið í vetur.

Flatur, áhugalaus, hugmyndasnauður og hundleiðinlegur leikur. Reynt að sparka langt og þvælast í gegnum miðjan völlinn gegn liði sem liggur aftarlega og stendur allt af sér.

Ég ætla ekki að eyða miklum tíma í það að sætta mig við það að síðasti séns á gleði þennan vetur kláraðist í kvöld og við erum ekki að fara að horfa á úrslitaleik í Dublin, heldur einbeitum okkur bara að því að sjá hvaða leikmenn eiga það skilið að fá að vera áfram í búningnum eftir lélegasta tímabilið síðan Souness sagði bless.

Í kvöld voru nú ekki margir að vinna sér inn það að eiga það skilið. Það vantaði alla ákveðni og grimmd í leikmannahópinn okkar, við sköpuðum okkur varla færi og þegar við vorum komnir á síðasta þriðjung urðu arfaslakar sendingar okkur alltaf að falli. Maxi og Cole eiga að finna sér önnur lið í sumar takk. N’Gog er klárlega númeri of lítill og Wilson er ekki bakvörður í gæðaklassa.

Enn einu sinni sáum við vanda vetrarins.

Ekki nægileg gæði í okkar leikmannahóp og það þarf að taka til í sumar.

Með stórum, feitum og þungum kústi – ef ekki bara með OFURRYKSUGU!!!

Ég ætla ekki að ergja mig á að velja mann leiksins í kvöld.

Drátturinn þýðir það að nú er orðið ljóst að Bolton eða Stoke munu taka eitt sæti enskra í Europa League og bætast þar við lið Birmingham City í Evrópudeildinni á næsta ári.

Það þýðir bara eitt, að aðeins eitt deildarsæti í Englandi gefur þátttökurétt í þá keppni á næsta ári, það er 5.sætið í deildinni. Að auki fær svo sigurvegari keppninnar líka þátttökurétt, en þá skilst mér að það lið þurfi þá að fara í gegnum forkeppni, líkt og þegar við unnum CL forðum.

Ég viðurkenni fúslega að vera á báðum áttum með það hversu mikil áherslan á að vera á að keppa í Evrópudeildinni á næsta tímabili, hvað þá ef um forkeppni verður að ræða. Þátttaka liðsins í vetur hefur verið samsafn af leikjum gegn frekar slökum andstæðingum sem hafa undantekningalítið dregið okkur niður á sitt plan.

En það er allavega ljóst að töluverðar líkur eru á að ekki verði neitt Evrópuævintýri Liverpool Football Club á næsta ári. Það yrði í fyrsta sinn síðan 1999 – 2000.

Fyrir Krist var svæðið undir stjórn keltnesks ættbálks forfeðra Braga sem kallaður var Bracari. Rómverjar undir stjórn Ágústus náðu völdum á þessum slóðum rétt áður en Jesús Kr. Jósepsson fæddist. Þeir voru afar herskáir og náðu yfirráðum yfir svæði sem þeir kölluðu Gallíu Gallisíu (sjá umræður) og náðu völdum í öllum borgum og bæjum á gervöllu svæðinu … nema auðvitað í litlu þorpi við sjávarsíðuna sem þeir náðu aldrei, hjá frændum Braga, fyrirmyndum og fóstbræðrum í Gaulverjabæ. En glöggir menn sjá það auðveldlega að margt er líkt með þeim Ástríki og Braga Brynjars, bæði í útliti og að því leyti að þeir færast allir í aukana fái þeir töfraseyðið (fæst á Players í tilfelli Braga og hann fær það með sanngjörnum afslætti).

En í Gallíu Gallisíu var borgin Bracara Augusta (sambland af nöfnum Bracari fólksins og Ágústus) gerð að höfuðborg á þriðju öld og var það þar til Rómverjar misstu völdin og heimsveldi þeirra féll. Germanskir þjóðflokkar náðu um tíma völdum á Íberíuskaganum áður en Hispanía (í dag Portúgal og Spánn) var mynduð og latneskir þjóðflokkar náðu völdum.  Á 6. öld fluttu þeir erkibiskupsstól til borgarinnar og var borgin miðstöð kristnitöku á svæðinu og í gegnum söguna hafa fjölmargir frægir biskupar setið þar. Mikið er um merkilegar kirkjur og slíkt í Braga en það er ekki hægt að ljúga því að saga borgarinnar sé eitthvað voðalega krafsandi þrátt fyrir að hún sé afar löng, þá er ég t.d. að meina að það er ekkert eins og þeir hafi fundið upp pizzuna neitt.

Biskuparnir voru þó ávallt með völdin í borginni og á 16.öld fór frændi Braga, erkibiskupinn Diogo de Sousa fremstur í flokki við mikla nútímavæðingu á borginni, breikkaði götur, lét reisa kirkjur og fleira í þeim dúr. Framkvæmdir sem ennþá má sjá ummerki um enn þann dag í dag.

Síðustu aldir hafa verið misgóðar fyrir Braga, á 18. öld var hún byggð mikið upp að nýju, á 19. öld mætti her Napoleons Bónaparte sem náði yfirráðum um tíma á svæðinu og á 20. öld fóru brasilískir innflytjendur að hafa áhrif á menningu og arkitektúr borgarinnar.

Þessi hrærigrautur hefur skilað af sér borg sem í dag er stundum talað um sem hina portúgölsku Róm vegna trúarlegs arkitektúrs ef svo má segja og er ein fallegasta borg Portúgal í dag og miðstöð viðskipta og menningar í norðurhluta landsins. Það er allt morandi í kirkjum og byggingum sem tengjast trúmálum á einhvern hátt í Braga og borgaryfirvöldum er mjög umhugað að viðhalda arkitektúr borgarinnar og hafa t.a.m. bannað byggingu háhýsa.

Arco da Porta Nova var eitt sinn hliðið inn í borgina

En eins og lesa má milli línanna þá er saga Braga drepleiðinleg með alla sína biskupa og kaffilepjandi arkitekta og því þurftu þeir að gera eitthvað skemmtilegt. Forfeður Braga voru þó ekkert að stressa sig á hlutunum og stofnuðu ekki fótboltalið fyrr en árið 1921. Reyndar ekki alveg við Braga greyið einan að sakast því eiginleg deildarkeppni í Portúgal hófst ekki af viti fyrr en 1938.

Búningar félagsins voru auðvitað grænir til að byrja með enda Blikinn Bragi með þetta allt á hreinu og hugsunin í kringum félagið var svo falleg að í merki félagsins má sjá bæði Maríu Mey og Jesúbarnið. Nafn félagsins er Sporting Clube De Braga en það fengu þeir frá öllu þekktari keppinautum sínum í Sporting frá höfuðborginni Lissabon sem þeir eru nefndir eftir.

Saga félagsins er þó ekki alveg óflekkuð því ótrúlegt en satt þá heilluðust forráðamenn félagsins mikið af Arsenal og þá sérstaklega búningum þeirra. Rétt eins og var upp á teningnum hjá Sparta Prag sem við fórum yfir fyrir stuttu. Þeir voru þó öllu seinna á ferðinni í London og búningunum var ekki breytt í rauða fyrr en 1946 og hafa verið þannig síðan. Þá erum við að tala um rauða og hvíta eins og Arsenal hefur verið þekkt fyrir að spila í en ekki þessa vínrauðu sem Sparta Prag ílengdist í.

Líklega hafa Bragi og hans fólk eitthvað misst tökin á fótboltaliðinu um tíma því enn þann dag í dag er liðið þekkt undir viðurnefnum eins og Arsenal do Minho (Borgin Braga er í Minho) eða Os Arsenalistas þar sem þeir spila í samskonar búningum og Arsenal. Að auki hafa þeir verið þekkir undir viðurnefninu Os Arcebispos sem er líklega meira viðeigandi enda merkir það auðvitað erkibiskuparnir sem er beintengt við biskupsstólinn sem hefur verið í borginni í margar aldir. Þriðja viðurnefni félagsins og einn eitt sem tengt er sögu borgarinnar er Bracarenses sem er dregið Bracari þjóðflokknum sem myndaði borgina Bracara Augusta sem eins við vitum nú að varð seinna Braga.

Saga félagsins verður seint talin sú merkilegasta í Portúgal þó liðinu hafi stöðugt verið að fara fram og er liðið í dag þekkt sem besta liðið í Portúgal fyrir utan þessi stóru þrjú, Sporting, Porto og Benfica (sem við höfum líka farið yfir).

Braga komst fyrst upp í efstu deild árið 1947, þá nýkomnir í Arsenal búningana, og hafa verið þar að mestu síðan. Þeirra glæstasta stund kom árið 1966 er þeir urðu bikarmeistarar heima fyrir og það sem næst hefur komist þeim áfanga var líklega árið 2008 er þeir unnu síðustu InterToto keppnina sem var haldin. Tímabilið 09/10 enduðu þeir síðan í öðru sæti í deildinni sem er þeirra besti árangur í deild.

Braga á engu að síður afar trygga stuðningsmenn sem styðja liðið í gegnum súrt og sætt. Hápunktur tímabilsins hjá þeim er þegar nágrannar Braga í Vitória de Guimaraes koma í heimsókn í Minho nágrannaslaginn. Vera má að við höfum ekki heyrt mikið um þennan slag hér heima á fróni en þetta er engu að síður slagur sem á sér lengri sögu en hægt er að ímynda sér og rígurinn milli liða nær langt út fyrir fótboltann og er óhætt að segja að þeir eru alveg djöfulli langræknir þarna í norður Portúgal. Málið er nefninlega að milli þessara svæða hefur verið rígur síðan Braga var höfuðborg Gallíu og Guimaraes varð fyrsta höfuðborg Konungsríkisins Portúgal. Þeir taka þetta ennþá svo alvarlega að börnum undir 13 ára er meinaður aðgangur að þessum leikjum nema í fylgd fullorðinna.

Hér má sjá nokkra eldheita stuðningsmenn Braga sem flestir þyrftu að vera í fylgd fullorðinna.

Undanfarin ár hefur Braga verið að komast í auknum mæli í Evrópukeppni félagsliða með misjöfum árangri og á síðasta tímabili náðu þeir sínum besta árangri er þeir komust í Meistaradeild Evrópu. Þeir rúlluðu yfir Celtic 3-0 í sínum fyrsta leik í Meistaradeildinni og unnu þá samanlagt 4-2. Í næstu umferð unnu þeir Sevilla heima og heiman og komust þannig í riðlakeppnina. Þar lentu þeir m.a. í riðli með Arsenal sem rúllaði yfir þá 6-0 í fyrri umferðinni en unnu þá 2-0 í Portúgal og áttu séns að komast áfram á þeirra kostnað allt fram í síðustu umferð. Það gerðist þó ekki og hvorugt þessara liða var hvort eð er að fara framhjá Barcelona í þessari keppni, eins og Arsenal komst að í kvöld.

Braga hefur engu að síður verið á fínu róli í Evrópukeppninni undanfarið og hefur unnið síðustu þrjá heimaleiki sína og það alla með markatölunni 2-0, fyrst gegn Arsenal, svo FK Partizan og svo gegn Lech Poznan í 32-liða úrslitum Evrópudeildarinnar.

Braga vann Arsenal 2-0 á heimavelli en eins og sjá má er við fyrstu sýn erfitt að greina hvort er Arsenal og hvort er Braga.

Næsta mark sem Braga skorar í Evrópu verður þeirra hundraðasta mark frá upphafi en það mun hvorki koma í 73. né í 74. leiknum sem þeir koma til með að spila í Evrópukeppni. Glöggir lesendur sjá það út með þessu að Jamie Carragher með sína 137 Evrópuleiki er næstum helmingi leikreyndari í Evrópukeppnum en Braga-liðið frá upphafi.

Liðið í dag inniheldur ekki mjög þekkt andlit hér í norðurhluta Evrópu en það sem hvað mest stingur í stúf er að það virðast vera fleiri Brasilíumenn í liðinu heldur en Portúgalar, n.t.t. sautján Brassar og auk þeirra eru ennþá fleiri Suður Ameríkumenn á skrá hjá þeim.

Í þeirra bókum má þó sjá Hugo nokkurn Viana sem er líklega það nafn sem við könnumst hvað mest við en hann hefur m.a. spilað einu sinni gegn Liverpool, með Newcastle árið 2002 í leik sem fór 2-2 fyrir Newcastle. Auk hans eru þrír Brassar í sókninni sem hafa þarf gætur á.

Raul Meireles þekkir auðvitað vel til Braga-liðsins eftir að hafa mætt þeim ellefu sinnum sem leikmaður Porto. Hann spilaði líka með þeim Helder Barbosa (frændi skipstjórans í Pirates of the Caribbean) og Brasilíumanninum Alan hjá Porto á árunum 2005 – 2008. Að auki spilaði Meireles með þeim Miguel Garcia, Custódio og Viana í unglingalandsliðum Portúgal.

Þessi knái fyrrum leikmaður Newcastle sló í gegn hjá leikmönnum Inter Milan er hann spilaði með Valencia (þetta var flókinn texti).

Liðið hefur verið í þó nokkurri sókn undanfarin áratug og líklega á sú breyting sem varð á aðstöðu félagsins einhvern þátt í því . Árið 2004 var haldið Evrópumót landsliða í Portúgal sem varð til þess að byggðir voru knattspyrnuvellir út um allt land. Einn þeirra, Estádio Municipal de Braga Brynjars var tekinn í notkun árið 2003 og fengu heimenn auðvitað að leigja herlegheitin undir fótboltaleiki sinna manna.

Arkitekitinn var alveg með sögu Braga á hreinu og skilaði að sjálfsögðu einum glæsilegasta velli í heiminum.

Völlurinn er byggður í sári gamallar námu og er oft kallaður Náman meðal heimamanna en eins gengur hann um þessar mundir undir nafninu AXA völlurinn í höfuðið á franska tryggingafélaginu AXA sem er styrktaraðili Braga (ásamt Players í Kópavogi).

Fyrir aftan annað markið er steinveggur gömlu Monte Castro námunnar og fyrir aftan hitt markið er útsýni yfir borgina. Stúkurnar eru síðan tengdar saman ofanjarðar með stálvírum sem eiga að minna á gamlar býr Inka í Suður Ameríku. Neðanjarðar eru stúkurnar síðan tengdar saman með 5000 fm torgi sem er undir vellinum.

Völlurinn tekur rúmlega 30 þúsund manns í sæti og það er ljóst að það verður uppselt á þennan leik, gott ef Bragi Brynjars láti ekki sjá sig þarna.

Knattspyrnustjóri Braga heitir Domingos José Paciencia Oliveira. Hann er fyrrum leikmaður Porto og var mikil markamaskína sem leikmaður og spilaði 35 landsleiki fyrir Portúgal, Hann tók við Braga-liðinu árið 2009 og hefur eins og áður hefur komið fram náð mjög góðum árangri; skilaði þeim sínu besta tímabili í deildinni í fyrra er Braga leiddi lengi vel og endaði að lokum í öðru sæti og á þessu tímabili hafa þeir náð sínum besta árangri í Evrópukeppninni enda liðið aldrei komist í Meistaradeildina áður.

Braga liðið er í dag í 6. sæti í portúgölsku deildinni með 31 stig eftir 22 leiki, einu stigi á eftir nágrönnum sínum í Guimaraes. Á toppnum trónir Porto með 62 stig eftir 22 leiki (20 sigrar, 2 jafntefli) sem er gjörsamlega fáránlegt og segir allt sem segja þarf um það hvað þessi deild er „skemmtileg“. Meistararnir í Benfica eru í öðru sæti í deildinni en Braga vann þá 2-1 í síðasta leik. Það eru reyndar langbestu úrslit Braga í smá tíma en gengi þeirra undanfarið má sjá hérna.

En snúum okkur þá að okkar mönnum sem eru að fara mæta portúgölsku liði í 17. skipti á fimmtudaginn. Átta þessara leikja hafa unnist og fjórir tapast en á útivelli höfum við bara tvisvar unnið og þrisvar tapað í Portúgal. Raunar hefur Liverpool ekki unnið leik í Portúgal í síðustu sex tilraunum eða síðan við unnum Benfica 4-1 árið 1984.

Bragi heldur sko með báðum liðum.

Liverpool er reyndar líka á sæmilegu róli í þessari keppni enda samkeppnin oft á tíðum á mörkum þess að vera boðleg. Liðið hefur ekki tapað leik í Evrópu í síðustu 13 leikjum og við höfum haldið hreinu í síðustu þremur leikjum. Á móti hafa 4 leikir af síðustu 7 endað 0-0 og verið á mörkum þess að vera boðlegir fyrir nokkurn mann sökum leiðinda.

Ef við klárum svo að ArnarBjörnssona yfir okkur þá þarf ekki að taka það fram að Liverpool hefur ekki bara unnið Meistaradeild Evrpóu oftast allra enskra liða heldur líka þessa ágætu keppni. Þeir sigrar komu 1973, 1976 og síðast 2001 í Dortmund. Liverpool er því auðvitað sigursælasta liðið sem ennþá er í þessari keppni í ár þó að PSV Eindhoven (1978), Bayer 04 Leverkusen (1988), AFC Ajax (1992), FC Porto (2003), CSKA Moskva (2005) og FC Zenit St Petersburg (2008) hafi öll unnið þetta líka. (UEFA.com)

Sagan er engu að síður ekkert að fara hjálpa okkur í þessum leik og alveg morgunljóst að við þurfum að vera nær því að spila eins og liðið sem mætti Manchester United um helgina til að klára spræka Braga menn og liðið má alls ekki vera líkt þeim viðvaningum sem fengu það verkefni að spila við Sparta Prag (tvisvar), Wigan og West Ham.

Auðvitað verðum við án okkar besta leikmanns í síðasta leik (sorry Kuyt), Luis Suarez sem má ekki spila með okkur í þessari deild í ár. Gerrard og Meireles eru síðan líklega tæpir líka fyrir þennan leik enda báðir sprautaðir fyrir United-leikinn (held ég). Við erum þunnskipaðir í bakvarðarstöðunum þar sem Kelly er ennþá meiddur og Aurelio er að sjálfsögðu kominn á meiðslalistann enn á ný. Yfirlæknir Liverpool, hinn virti Ástrali Peter Bruckner fór aðeins yfir þessi meiðsli hans á opinberu síðu Liverpool og sagði m.a.:

“He’s got a significant hamstring injury. Unfortunately his body lets him down. He always play well when he’s fit. We’ve been managing him carefully because he’s not been playing twice in a week, but this just came out of the blue.”

Eina fréttin þarna er auðvitað að meiðsli hjá Aurelio hafi komið lækni Liverpool á óvart. Hann fór einnig aðeins yfir stöðuna á Agger og svo gott sem tilkynnti að hann yrði ekki með í þessum leik:

“Daniel had a nasty kick on a joint to the side of his knee. It’s an unusual spot to get an injury. They take time and he’s a bit of a slow healer. He’s still not 100 per cent so we’ll have to see if he’s fit for the game this week. But it’s more likely to be the following week.”

Að lokum sagði hann frá því að Kelly hefði hlotið svipuð meiðsli og Aurelio en væri farinn að skokka að nýju og eins var hann ánægður með endurhæfingu Shelvey sem þó verður ekki meira með í ár.

Kunnuleg sjón.

Þannig að ekki láta ykkur bregða ef einhver af þessum kjúklingum sem fór með til Prag fái aftur að ferðast með liðinu og jafnvel komast í hóp. Þetta Braga-lið má samt alls ekki vanmeta og mikið vona ég nú að Dalglish fari ekki með það markmið til Portúgals að ná DREPLEIÐINLEGU 0-0 jafntefli og treysta á að klára dæmið á Anfield.

Tippa á að Carroll komi inn í byrjunarliðið í þessum leik (og spili í svona 60-70 mín.) við hliðina á Kuyt. Eins set ég Meireles og Gerrard í þetta lið þó ég sé ekki alveg 100% með þá. Við eigum ekki leik aftur fyrr en viku seinna er við fá Braga í heimsókn og því notar Dalglish bara allt sem í boði er og reynir að koma okkur í eins góða stöðu og hægt er.

Set þetta upp svona:

Ef Joe Cole er heill heilsu þá er þetta tilvalinn leikur fyrir hann og eins set ég Wilson í vinstri bakvörðinn, aðallega vegna þess að ég þoli ekki marga fleiri leiki með Carragher í hægri bakverðinum. Leikkerfið er síðan ekkert aðalatriði því líklega yrði þetta alveg nær því að vera 4-4-2.

Upphitun kemur frekar snemma inn og því ekki víst hverjir fljúga út og ég hef ekkert heyrt um það hvernig Dalglish er líklegur til að stilla þessu upp og því er þetta frekar mikið skot út í loftið.

En það er alveg sama hverjir fá að hefja leik fyrir Liverpool FC, við heimtum ásættanleg úrslit í þessum leik og allt annað en sigur gegn Braga er óásættanlegt, þetta vita allir sem hafa séð Braga (Brynjars) spila fótbolta.

Spá: Við vinnum þennan leik 0-1 í enn einum mökk leiðinlegum Evrópudeildarleiknum.

Að lokum má geta þess að hugsanlega hafi sannleikanum verið hliðrað til á örfáum stöðum í þessari upphitun. :)

Drátturinn fyrir Evrópudeildina skiptist að venju í tvo potta, annars vegar þá sem unnu riðla sína eða lentu í þriðja sæti í sínum riðli í Meistaradeildinni og með betri árangur en þau í Potti 2 og hins vegar þá sem lentu í öðru sæti í sínum riðlum eða þriðja sæti í Meistaradeildinni en með lakari árangur en þau í Potti 1.

POTTUR 1: Manchester City, Bayer Leverkusen, Sporting Lisbon, Villareal, Dynamo Kiev, CSKA Moskva, Paris St Germain, LIVERPOOL, Porto, Zenit St Petersburg, Stuttgart, PSV Eindhoven, Spartak Moskva, SC Braga, Ajax, FC Twente.

POTTUR 2: Lech Poznan, Aris Thessaloniki, Lille, PAOK, BATE Borisov, Sparta Prag, Anderlecht, Young Boys, FC Metalist, Sevilla, Napoli, Besiktas, Rubin Kazan, Basel, Glasgow Rangers, Benfica.

Við getum ekki mætt hinum liðunum í Potti 1 og ekki heldur Napoli sem voru með okkur í riðli í haust. Ef við skoðum Pott 2 eru nokkur nöfn sem við viljum forðast, t.a.m. Lille, Sevilla, Rangers og Benfica og eins væri æskilegt að þurfa ekki að ferðast of langt. Eigum við ekki að segja að það væri draumur að fá Basel? Stutt ferðalag og við skuldum þeim enn fyrir að eyðileggja Meistaradeildina fyrir okkur haustið 2003.

Þá verður einnig dregið í 16-liða úrslitin þannig að við fáum að vita hvaða tveimur liðum við getum mætt ef við komumst í gegnum 32-liða úrslitin. Þar sem Liverpool er í Potti 1 munum við spila seinni leikinn heima í 32-liða úrslitum en það er allt opið með leikjaröðun í 16-liða úrslitum.

Herlegheitin verða í beinni á UEFA.com að venju og við munum fylgjast með þessu hér.

Eiga menn sér einhverja óskamótherja?

Aðal barattan í þessum leik og það er ekki í fyrsta skipti var að halda sér vakandi yfir leiknum, okkar menn vita ekkert hvernig þeir ætla sér upp völlinn og litlu minna vita þeir um það hvernig verjast á sóknaraðgerðum andstæðinganna og úr verður leikur þar sem maður hefur svo gott sem enga trú á sínum mönnum, skiptir þar litlu hvort við séum að tala um leik gegn United, Northamton eða Utrecht.

Ég er samt ekki alveg að segja að ég hafi enga trú á Liverpool í ár, ég held að við getum ekki annað en bætt okkur og það tekur vanalega tíma fyrir Hodgson að koma sínum hugmyndum inn í kollinn á leikmönnum. Liðið hlítur að fara ná að skora af og til bráðum og vinna einhverja leiki. En ég er engu að síður nú þegar alveg við það að gefast upp á að fela fýla mína með þá staðreynd að Roy Hodgson sé stjóri Liverpool FC. Þetta er fínn kall það vantar ekki en ég hef ekki ennþá séð að hann sé nærri því nógu góður til að stýra liðinu og jafnvel þó hann fengi tíma til að koma öllum sínum hugmyndum að og hans upplegi verði fylgt út í hið óendanlega þá held ég að við myndum samt ekki verða sátt við hann enda um að ræða hundleiðinlegan bolta. Hvað þá meðan staða klúbbsins er eins og hún er núna og hópurinn alls ekki sá besti sem boðið hefur verið uppá í sögu Liverpool.

Ein mýtan segir að það taki Hodgson yfirleitt langan tíma að koma sínum hugmyndum að en þegar það er komið séu hans lið afar erfið viðureignar og fáir fara að neita því. En eins og Liverpool núna þá spila þessi lið vörn, ekki svona lélega vörn reyndar en varnarbolta og bíða átekta og láta andstæðingin koma á sig. Ef við gefum okkur að svona típísk Hodgson aðlögun taki um 6-9 mánuði þá er það bara allt of langur tíma enda Hodgson yfirleitt búinn að yfirgefa svæðið eða láta reka sig eftir 2-3 ár á hverjum stað.

Það var talað um að fá Hodgson til að rétta skipið af, það er ALLS EKKI að gerast, skipið var þar fyrir utan ekkert svo skakkt, bara í smá brælu. Síðan í fyrra hefur liðið versnað alveg skelfilega og með hverjum svona leiknum á fætur öðrum missir maður trúna og áhugann á þessu. Það þurfti að bæta liðið frá því í fyrra enda óánægja töluverð, hvernig þetta á að gera með því að ráða varnarstjóra sem ekkert hefur unnið og er með mikið mun minna profile heldur en stjórinn sem hann tók við af veit ég ekki. Hvað þá þegar við seljum eða lánum háklassa miðjumenn og fáum í staðin skapvondan dana sem hefur verið varamaður sl. ár á ítalíu til að spila með Lucas.

Liverpool mun hrökkva í gang bráðum, í þeim skilningi að við förum að hala inn stig og vonandi skora smá. En því fyrr sem við kveðjum þetta Hodgson era því betra er ég hræddur um. Honum er því guðvelkomið að reka þetta ofan í mig.

Liðið í dag var með því sterkara sem við leggjum upp með fyrir tímabilið, aftur var það bara á einum vinstri bakverði sem er jafnvel verri en sá sem við áttum fyrir (Aurelio er auðvitað ekki talinn með). Núna er þessi bakvörður meiddur og þá þurfum við að nota efnilegan miðvörð sem getur spilað hægri bak í vinstri bakverði!!! Það er ekki annað hægt en að spyrja, var svona mikilvægt að lána Insúa?
Eins þá spilum við á þremur nýjum miðjumönnum með Lucas sem var nú ekki að gera sig fyrir! Enginn þeirra hefur getað nokkurn skapaðan hlut það sem af er og í dag hefði alveg verið ágætt að geta hent Aquilani inná fyrir Joe Cole, Meireles eða Poulsen. Raunar hefðum við líklega verið betri með 10 manns inná heldur en Poulsen eins og hann var í dag.

Liverpool var annars að ströggla það illa í þessum leik að Hodgson gerði skiptingu mjög snemma í leiknum, þó ekki sé útilokað að meiðsli hafi spilað þarna inn í! Enda voru heilar 8 mínútur eftir þegar fyrsta skipting kom og eins og liðið spilaði allann leikinn var auðvitað ekki neinn tilgangur í að brjóta leik liðsins upp!!

Ég nenni ekki að röfla yfir þessu meira eins og er, geri mér fullkomlega grein fyrir því að staðan er fín ennþá í UFEA Cup og jafntefli þarna er alls engin heimsendir, en það er frammistaðan, uppleggið og allir leikir okkar það sem af er sem eru að gera mig alveg snar.

Við verðum í K-riðli og uppröðunin þar varð eftirfarandi:

Liverpool (Englandi)

Steua Búkarest (Rúmenía)

Napoli (Ítalía)

Utrecht (Holland)

Verður gaman að spila við Andrea Dossena og félaga og ferðalögin ættu ekki að verða of löng eða ströng.

Fimmtudagskvöld í október og nóvember verða leikdagarnir og miðað við þessa mótherja ættu þarna að verða nokkrir leikir sem hægt verður að nýta til að spila fleirum inn í skipulagið í alvöru keppni.

Hópurinn er:

Cavalieri, Aquilani, Agger, Jovanovic, Kyrgiakos, Lucas, Wilson, Ngog, Spearing, Darby, Shelvey, Kelly, Skrtel, Eccleston, Ayala, Hansen, Gulacsi, Amoo, Dalla Valle, Ince.

Unglingar og varaliðsmenn að mestu leyti, þó manni sýnist verða ágætis bein í gegnum liðið, þ.e. Cavalieri í markinu, Agger, Skrtel og Kyrgiakos í hafsentunum, Lucas og Spearing á miðjunni og N’Gog uppi á topp.

Þetta eru 20 leikmenn og ég spái því að það séu fimm stór nöfn á listanum fyrir seinni leikinn.

Sjáum til…..l

Bekkur: Cavalieri, Benayoun, Kyrgiakos, Ngog, Plessis, El Zhar, Pacheco.

Liverpool byrjaði leikinn vel og voru ekki liðnar nema 9. mínútur þegar danska dýnamítið skoraði með glæsilegri hælspyrnu 1-0 fyrir okkur og þetta leit vel út. Ég var frekar sáttur við þetta upphaf og sá fyrir mér í nokkuð klassískan 1-0 útisigur í Evrópu. Þetta breyttist allt saman snögglega þegar Torres er felldur aftan frá af Lusiao fyrirliða Benfica. Hollendingurinn ungi, Ryan Babel, ákvað að skipta sér full mikið af málunum og endaði með því að fá reisupassann. Mér fannst hann ekki eiga skilið að vera rekinn út af en samt fáránlegt hjá honum að tuða svona mikið yfir þessu, niðurstaða: klukkustund eftir af leiknum, við erum 10 inná og samt 1-0 yfir. Það var klárt mál að okkar hlutskipti væri að verjast og heimaliðsins að sækja.

Við vörðumst vel og vorum áfram ógnandi fram á við með Torres fremstan í flokki. Staðan í hálfleik var 1-0 fyrir okkur.

Í seinni hálfleik fékk Benfica vítaspyrnu á 59 mín. og skoraði Cordoza örugglega úr henni. Líklegast var þetta réttdæmt víti og ekkert um það að raula né tauta. 1-1 og hálftími til leiksloka en langar 30 mínútur. Við sóttum samt ávallt og vorum ekkert að pakka í vörn sem var vel gert en hins vegar er næstum ógerningur að spila einum færri svona lengi án þess að mistök eigi sér stað, spurningin er frekar hvort andstæðingurinn nái að nýta sér þau. Á 79 mín. var skotið í höndina á Carra (eða hann varði A La Henchoz) og vítaspyrna dæmt aftur þar sem Cordoza skoraði örugglega aftur, 1-2 og ca. 10 mínútur eftir. Torres fékk algjört dauðafæri til að jafna leikinn en geigaði. Leikurinn endaði með sigri heimamanna en þrátt fyrir allt er þetta alls ekki alslæm staða til að fara með á Anfield eftir viku.

Það sem pirrar mig mikið er dómgæsla Svíans í leiknum og eru hérna nokkur atriði:

- Rauða spjaldið sem Babel fékk. Var það sanngjarnt?
- Fékk Lusiao tvisvar sinnum gula spjaldið?
- Vítaspyrnudómarnir? Líklegast pirrar það mig alltaf þegar víti er dæmt á LFC.
- Gula spjaldið sem Insúa fékk, rugl!
- Sænski dómarinn, úff! (EÖE er kominn með eineltisverkefni!)

Heilt yfir þá er þetta alls ekki neinn dauðadómur og ég er 100% viss um að við munum vinna Benfica heima eftir viku og þar með komnir áfram í undanúrslit Evrópubikarsins.

Já og maður leiksins: Daniel Agger fyrir flott mark.

Drátturinn í heild sinni er sem hér segir:

• Fulham – Wolfsburg
• Hamburg – Standard Liege
• Valencia – Atletico Madrid
• Benfica – Liverpool FC

Sigurvegarinn úr viðureign okkar mætir sigurvegaranum úr viðureign Valencia og Atletico Madrid í undanúrslitum, og komist okkar menn þangað fer seinni leikurinn þar einnig fram á Anfield.

Líst vel á þetta. Benfica og svo mögulega Valencia eða Atleti. Bring it on!

(upphaflega færslan er hér fyrir neðan)

Dregið verður í 8-liða úrslit Evrópudeildarinnar í dag. Drátturinn verður sýndur í beinni á UEFA.com og Vísi.is (og eflaust víðar) og mun eiga sér stað kl. 11:00 að íslenskum tíma og verður dregið í Evrópudeildinni um leið og búið er að draga í upphitunardeildina. ;)

Það getur vel verið að þetta sé keppni nr. 2 í Evrópu en þegar við skoðum liðin sem eru í pottinum fyrir þennan drátt verður ljóst að þetta er samt engin smá keppni:

• Atletico Madrid
• Benfica
• Fulham
• Hamburger SV
• Liverpool
• Standard Liege
• Valencia
• Wolfsburg

Fulham eru klárlega spútnikliðið í þessum hópi en þess utan eru bara stórnöfn og frábær lið í þessum pakka. Ætli Standard Liege sé ekki slappasta liðið á pappírnum auk Fulham en það væri líka gaman að mæta liðum eins og Benfica, Valencia eða Atletico.

Ég uppfæri þessa færslu í hádeginu um leið og drátturinn liggur fyrir. Hverjir eru óskamótherjarnir?

En byrjunarliðið var eftifarandi:

Á bekknum: Cavalieri, Benayoun, Kyrgiakos, Ngog, Degen, El Zhar, Kelly.

Mér fannst við miklu betri en Lille fyrsta stundafjórðunginn en það dró til á 8 mínútu þegar Lucas fékk dæmda vítaspyrnu sem Gerrard skoraði örugglega út. Mikilvægt að fá mark snemma í leiknum og núna var einvígið jafnt. Við markið komust Lille aðeins betur inní leikinn en við héldum áfram að fá nokkur hálffæri ma. Glen Johnson en hann gerði allt rétt nema þetta síðasta! Stuttu síðar fékk Lille sitt besta færi þegar táningurinn Hazards prjónaði sig í gegnum vörnina en Reina varði vel með kálinu. Bæði sýndu tilburði til að sækja án þess að fá dauðafæri.

Mér leið vel eftir fyrri hálfleikinn og fannst þetta bara vera spurning hvenær annað markið kæmi og þá myndi leikurinn verða okkar. Seinni hálfleikurinn var nýhafinn þegar Torres skoraði þetta mikilvæga mark og kom okkur í forystu í einvíginu 2-0. Leikurin þróðist síðan svipað og sá fyrri, bæði lið sóttu án dauðafæra en stundum fannst mér Carra/Agger vera svolítið tæpir án þess að lenda í miklum vandræðum.

Á endanum var það svo Torres sem lokaði leiknum í blá lokinn þegar hann fékk boltann til sín eftir gott skot Gerrard og lyftinum boltanum snyrtilega yfir markmanninn, 3-0 og sigurinn endanlega tryggður.

Heilt yfir var þetta solid frammistaða okkar manna, ekkert ósvipað leiknum gegn Portsmouth þe. við vorum betri en samt ekkert að yfirspila andstæðinginn, gerðum það sem þurfti (og kannski aðeins betur). Liðið var að spila vel og er alveg á tæru að sjálfstraustið ætti að vera betra eftir tvo góða sigra í vikunni þegar við mætum Manchester United á sunnudaginn.

Við erum núna komnir í 8 liða úrslit og verður dregið á morgun. Ég segi að við eigum skýlaust að stefna á þessa dollu og síðan bjarga andlitinu með því að vinna nokkra eftirminnilega sigra núna á vormánuðum. Er þá ekki tilvalið að byrja á næsta leik?

Maður leiksins: Torres, skoraði tvö mörk og virðist vera að stíga upp.

ps. Gaman að Höddi Magg. skyldi lýsa leiknum (var hann ekki hættur að lýsa LFC leikjum).