Í fyrsta skipti á ævinni hef ég tekið fantasy fótbolta alvarlega í vetur. Það gekk ágætlega til að byrja með og ég leiddi deild ristjóranna hérna á kop.is og var ágætlega staddur í hinum tveimur vina-deildunum, sem ég var í.

Eftir fjórar vikur var ég í góðri stöðu og það var ekki síst að þakka góðri frammistöðu framherjanna minna. Þeir voru þrír: Gyan, Rooney og Suarez – en þeir tveir síðastnefndu voru að skila mér inn ágætis stigafjölda. Gyan var hins vegar ómögulegur og því ákvað ég að skipta á honum og heitasta framherja deildarinnar, Dzeko, sem hafði í leikjunum þremur áður en ég keypt hann skorað 6 mörk. Hann hlyti að brillera áfram í mínu liði.

En niðurstaða næstu vikna var öðruvísi. Hérna eru framherjarnir í liðinu mínu og öll mörkin sem þeir skoruðu:

Vika 5 – Rooney, Suarez, Dzeko – 0 mark
Vika 6 – Suarez, Dzeko (Rooney á bekk) – 0 mark
Vika 7 – Suarez, Dzeko, Rooney – 0 mark
Vika 8 – Suarez, Rooney, Dzeko – 0 mark.

Þarna sá ég að þessi Dzeko tilraun hafði misheppnast. Hann var alltaf á bekknum hjá City svo ég seldi hann og keypti Adebayor frá Spurs. Dzeko, nýseldur úr mínu liði byrjar hins vegar að brillera, skorar tvö mörk í einum leik, svo eitt mark og svo aftur eitt. En mitt lið…

Vika 9 – Adebayour, Suarez, Rooney – 0 mark.

Ok, Adebayour tímabilið var skammlíft, því ég ákvað að það væri gáfulegt að hafa framherja frá Manchester City, sem er heitasta lið deildarinnar. Og þeirra heitasti framherji var Mario Balotelli, sem hafði skorað 5 mörk í fjórum síðustu leikjum. Með hann í liðinu hlyti þetta að koma…

Vika 10 – Balotelli, Surez, Rooney – 0 mark.

Ok þetta var smá klúður. Ég þurfti að skipta um varnarmann í þessari viku þannig að ég hélt tryggð við þessa miklu markaskorara. Þrátt fyrir að ég hafði lofað í podcasti að ég myndi selja Suarez, þá var ég tilneyddur til að halda framherjateyminu óbreyttu. Þetta hlyti samt að koma…

Vika 11 – Balotelli, Suarez, Rooney – 0 mark.

Núna er komin vika 12 og það er greinilegt að það hvíla óútskýranleg álög á liði mínu. Við sem fylgjumst með fótbolta af innlifun vitum auðvitað að okkar aðgerðir heima í stofu hafa gríðarleg áhrif á frammistöðu leikmanna á Englandi. Þessvegna pössum við okkur á því að vera í réttu treyjunni fyrir leik, að vera ekki of sigurvissir og svo framvegis. Allt slíkt getur haft áhrif.

Það að framherjarnir í mínu liði fái 0 stig er svo sem ekki það versta sem gæti gerst í þessum heimi. Það er jú ágætt að menn einsog Rooney skori engin mörk. En það sem er alvarlegra er að okkar maður Suarez hefur þurft að líða fyrir veru sína í þessu fantasy liði mínu. Hann hefur skorað einsog óður maður í leikjum þar sem ég fæ ekki fantasy stig fyrir, svo sem í deildarbikarnum og í landsleikjum með Úrúgvæ. En í deildinni hefur hann ekkert skorað.

Þess vegna ætla ég að gera róttækar breytingar á liði mínu fyrir næstu umferð og beita þessum álögum til góðs fyrir Liverpool. Ég ætla að selja Luis Suarez útúr liðinu. Og í stað hans ætla ég að kaupa Robin van Persie. Ekki nóg með það heldur ætla ég að kaupa van der Vaart á miðjuna. Með þessum breytingum mun ég ekki aðeins sjá til þess að Suarez mun byrja að skora í deildinni um helgina, heldur mun ég líka stoppa sigurhrinu Tottenham og Arsenal.

Verði ykkur að góðu.

Þá er komið að þriðju yfirferðinni sem tengist Fantasy-leik Úrvalsdeildarinnar og eins og áður þá einblínum við á þá þátttakendur sem stunda leikinn hér á kop.is, annað skiptir auðvitað engu máli!

Nú er kominn ríflega fjórðungur af mótinu og línur teknar að skýrast hjá liðum og leikmönnum í Englandi, um leið þá færist meiri harka í keppni Kop-deildarinnar, nú er farið að ríða á að gleyma ekki að uppfæra liðið fyrir leikina, skipta út þeim sem eru að eiga lélegt mót og aðgæta vel leikina sem liggja fyrir leikmannahópnum sínum.

En hvað er ég að pípa, varla að ég geti nú kannski mikið verið að leiðbeina spilurum hér, er ekki bara best að byrja á að skoða stöðuna!

Continue reading →

Þá er tímabilinu lokið og þar með lauk leiknum okkar góða í Fantasy Premier League deildinni.

Úrvalsdeildin hefur komið sér upp fínu kerfi til að meta leikmennina, kerfi sem byggir á staðreyndum og tölfræði, nokkuð sem ég hef talið líklegra til að finna “bestu” leikmennina og liðsuppstillingarnar. Áður en við skoðum útkomuna úr leiknum okkar er því ekki úr vegi að rifja upp þeirra “verðlaun”.

Byrjum á liði ársins í PL samkvæmt leiknum:

Markmaður ársins

1. Joe Hart (Man City) – 175 stig

Liverpool Pepe Reina – 135 stig

Varnarmaður ársins

1. Leighton Baines (Everton) – 178 stig

Liverpool Martin Skrtel – 126 stig

Miðjumaður ársins

1. Nani (Manchester United) – 198 stig

Liverpool Dirk Kuyt – 177 stig

Sóknarmaður ársins

1. Carlos Teves (Man. City) – 185 stig

Liverpool Andy Carroll – 135 stig

Leikmaður ársins

1. Nani (Manchester United) – 198 stig

2. Charlie Adam (Blackpool) – 192 stig

3. Florent Malouda (Chelsea) – 186 stig

4. Carlos Tevez (Man City) – 185 stig

5. Leighton Baines (Everton) – 178 stig

Liverpoolleikmenn ársins

1. Dirk Kuut – 177 stig

2. Andy Carroll – 135 stig

2. Pepe Reina – 135 stig

4. Raul Meireles – 128 stig

5. Martin Skrtel – 126 stig

Vissulega ljóst að þetta er alls ekki fullkomin lógík, langt í frá og sérlega er líklegt að sókndjarfir miðjumenn vinni þessa keppni, en þó er að mínu mati líklegra að þetta val sé rétt heldur en huglægt val á Gareth Bale eða Scott Parker!!!

Kop – deildin

Eftir 38 vikna keppni er orðið ljóst hvar “Fantasyþjálfarastyrkleikinn” liggur. Held við séum ekki neitt að orðlengja þetta heldur bara sínum efstu fimm sætin í leiknum okkar.

1.sæti FC Malbik Tryggvi Páll Tryggvason (2204 stig)

2.sæti fatboys Kjartan Jónsson (2187 stig)

3.sæti Haga-Mel Gibson Leifur A. Skarphéðinsson (2144 stig)

4.sæti WannaB Arnar Jonason (2110 stig)

5.sæti Besta liðið Jóhann Bjarkason (2109 stig)

Til hamingju með þennan árangur drengir – að vera öflugust Fantasy þjálfarar á Kop.is er vissulega titill sem vert er að hampa!!!

Kop – pennar

Enn eitt árið er ljóst að einungis einn okkar getur gert tilkall til þess að nefna sig Fantasy-þjálfara. Annað árið í röð tökum við allir fimm ágætlega af stað en svo fer að draga hægt og rólega af öllum nema einum.

Ætla að sjálfsögðu ekki að mæra þann um of, hér kemur endanleg staða okkar félaganna á Kop.is:

53. sæti – 1.930 stig – Stoney’s Angels (SSteinn)

178. sæti – 1.773 stig – Fimleikafélag KAR (Kristján Atli)

276. sæti – 1.645 stig – Babu (Einar Matthias)

277. sæti – 1.644 stig – Hellissandur City FC (Maggi)

390. sæti- 1.431 stig – eoe-kop (Einar Örn)

Engar afsakanir, Steini er klárlega sigurvegarinn í hópnum, sá eini okkar í topp 100.

Eins og alltaf hjá öllum liðum hlýtur takmarkið að vera að gera betur en síðast, í mínu tilviki að komast upp fyrir Babú!

En takk fyrir skemmtilegan leik í vetur öll, að sjálfsögðu mun leikurinn birtast aftur í haust, jafnhress og alltaf!

Satt best að segja hefur svo margt gengið á síðustu mánuði að einhvern veginn hefur það dottið aftarlega í forgangsröðina að finna út hvernig okkur hefur gengið öllum hér að giska á gæðaleikmenn í Draumaliðsleiknum og deildinni okkar góðu hér á Kop.is.

Nú er semsagt komið að því að skoða aðeins stöðuna í þeirri deild…

Frammistaða leikmanna

Fyrst langar mig til að benda fólki á hvernig staðan er hjá raunleikmönnum þessarar deildar og þar er best að birta einfaldlega Draumalið deildarinnar, þ.e. þá 11 leikmenn sem best hafa staðið sig þegar litið er til þeirra þátta sem gefa þeim stig:

Þetta eru semsagt þeir 11 leikmenn sem flestum stigum hafa skilað í hús. Kannski segir það eitthvað um hversu gáfulegur ég er í þessu öllu að ég á engan þessara leikmanna í mínu liði!

Af leikmönnum Liverpool hefur Andy Carroll náð sér í flest stig, 113 en af þeim sem hafa actually spilað fyrir okkur er Reina með 95 stig og Meireles með 94.

Staðan í Kop-deildinni

Eftir leik kvöldsins eru þessi lið í 5 efstu sætum deildarinnar okkar:

1. FC Malbik Tryggvi Páll Tryggvason með 1563 stig

2. fatboys Kjartan Jónsson með 1516 stig

3. Haga-Mel Gibson Leifur A. Skarphéðinsson með 1509 stig

4. WannaB Arnar Jónasson með 1498 stig

5. SoccerMonkeys Valdimar K. Sigurðsson með 1480 stig.

Efsta liðið hefur verið þaulsætt í vetur í leiknum en lið Kjartans í 2.sæti hefur komið sterkt inn að undanförnu. Í liðunum í þremur efstu sætunum er enginn leikmaður Liverpool FC, en í WannaB er Martin Kelly og í SoccerMonkeys líka auk Meireles.

Pennarnir

Blístrað rólega….

Verðum við ??? Jæja þá, helst auðvitað fyrir Steina! Liðið hans, Stoney’s Angels situr efst okkar liða – EN – í 15 manna leikmannahóp þess lið er……..EINN leikmaður LFC í dag. Má það!!! En ég held nú samt að best sé bara að raða þessu upp og vonast til þess að eitthvað beygjum við flestir í hærri áttir.

En pressan er á Steina að vinna okkur héðan af, það er ljóst!

56.sæti – Stoney’s Angels (SSteinn) 1331 stig

168.sæti – Fimleikafélag KAR (Kristján Atli) 1234 stig

228.sæti – Hellissandur City FC (Maggi) 1185 stig

255.sæti – Babu (Babu frumlegi:) ) 1168 stig

420.sæti – eoe-kop (Einar Örn) 926 stig.

Þá hafiði það, vill taka það skýrt fram að vanalega á ég góða endaspretti…

Jæja, nýtt tímabil og ný Fantasy deild. Við höfum verið með deild síðustu ár og árangur okkar sem skrifum á þessa síðu hefur verið afskaplega misjafn. Ég hef nánast undantekningalaust verið á botninum eða við hann.

Allavegana, hérna er deildin okkar í ár og það á að nota kóðann 485515-118014 til að taka þátt í deildinni. Við hvetjum auðvitað alla til að taka þátt. Verðlaunin verða 10 gjafabréf á hinn ljómandi skemmtilega mexíkóska skyndibitastað Serrano (hvert bréf er fyrir 1 stk burrito eða quesadilla).

Núna þegar deildin er búinn þarf víst að gera upp Draumaliðsleikinn en þar sem ég vann ekki þá hef ég engann áhuga á því :)! En úrslitin eru ljós og sá sem var hlutskarpastur var Reynir Berg Þorvaldsson með liði Lens? og fékk hann heil 2222 stig í keppninni. Hann var tæplega 200 stigum á undan næsta mannig og því vel að sigrinum kominn.

Hvað varðar okkur sem skrifum á þessa síðu þá urðu úrslitin þessi:
SSteinn varð í 38 sæti með 1878 stig.
Magnús Þór varð í 45 sæti með 1865 stig.
Undirritaður varð í 65 sæti með 1824 stig.
EÖE varð í 202 sæti með 1558 stig.
Olli varð í 215 sæti með 1515 stig.
Babu varð í 230 sæti með 1459 stig.

Ótrúlegt en satt þá varð SSteinn efstur okkar en það sem er minna ótrúlegt er að Babu varð neðstur :)

Keppnin er hörð í hinni fjölmennu KOP.IS deild í fantasy leiknum góða. Á toppnum trónir lið sem gæti ekki borið meira sófa-fótbolta-áhugamanna nafn, hið sterka fatboys undir stjórn Kjartans Jónssonar. Blueberry undir stjórn Valgeirs Ómarssonar fylgir þar fast á eftir og aðeins á eftir þeim í þriðja sæti er svo GZA. 

Af síðustjórnendum er það að frétta að Aggi er að spila langt yfir getu í þessu og liggur nú í 12.sæti. SSteinn er í 62.sæti sem er einnig vel yfir getu, sjálfur er ég í 112.sæti sökum tíðra félagsskipta og dómaraskandala, Maggi plantar sér í 141.sæti og er nokkuð lukkulegur með það, Olli er í 177.sæti, Einar Örn er í 202.sæti…. og Fowler má vita hvar KAR er.

Stöðu 15 efstu má sjá hérna:

Continue reading →

Eftir tvær umferðir af Fantasy leiknum þá eru Fatboys (Kjartan Jónsson) efstir með 122 stig, einu stigi meira en Liver in Pool (Gunnar Hrafnsson) sem eru í öðru sæti.

Líkt og Einar Örn kom inná um daginn þá hefur hann útvegað verðlaun fyrir þann sem vinnur þessa gríðarlega spennandi keppni, burt séð frá heiðrinum að vinna keppnina.

Við pistlahöfundar erum ekki að dansa í þessari keppni:
Ég er nr. 56, SSteinn er númer 64, Babu nr. 95 og aðrir í tómu rugli.

Jæja…

.
.
.
.
.
.
.
.
.
.
.
.
.
.
.
.
.

Menn voru víst æstir í að fá þessa mynd af hinum ástkæra El-Hadji Diouf efst af forsíðunni, þannig að ég ætla að redda því.

Núna hafa um 180 manns skráð sig í Fantasy deildina okkar sem að Aggi setti upp í síðustu viku.

Ég vildi bara koma því að að við ætlum að veita verðlaun fyrir þann sem að vinnur deildina. Verðlaunin koma kannski ekki úr mjög óvæntri átt. En þau eru: 10 gjafabréf á Serrano (burrito/quesadilla+gos).

Við hvetjum alla til að skrá sig og vera með. Við munum kannski gera aðeins betur í því að fjalla um deildina hérna á blogginu í vetur en við gerðum síðast. Upplýsingar um skráningu er að finna hér.

Í fyrra settum við upp smá leik um það hver væri besti stjórinn og þótt ég muni ekki hver hafi unnið þá var það ekki einn af okkur sem skrifum á síðuna. Skv. Svenna voru það Letistrumpar FC tóku þessa deild í fyrra með 2252 stigum. Ég fékk einungis 1798 stig!

Uppfært (Aggi) 18. ágúst: Það eru nú þegar 154 stjórar búnir að skrá sig til leiks og er IceAirFC (Lolli Ásmundsson) í efsta sæti eftir fyrstu umferðina með 72 stig.

Continue reading →

Flest teljum við okkur vita betur en Stjórinn hvernig liðið eigi að spila og hverja eigi að kaupa. Margir fá útrás í allskonar tölvuleikjum aðrir fara í heitu pottana og ræða málin. Svo eru sumir sem einfaldlega skrá sig í draumaliðsleik á netinu og velja sitt eigið lið og keppa við vini sína. Við félagarnir hérna á síðunni höfum einmitt gert það og ákváðum að gaman væri að leyfa þeim lesendum sem hafa áhuga að taka einnig þátt.

Slóðinn er þessi: http://fantasy.premierleague.com/ og það kostar ekkert að taka þátt. Þegar búið er að stofna liðið og velja leikmenn þá getið þið gengið í deildina, Liverpoolbloggið. Það þarf að skrifa inn þennan kóða: 306803-88262 til að fá aðgang og þá er allt klárt.