10. apríl, 2007
Ef einhver hefur verið í vafa um það hver sterkasta deildarkeppni í heimi er, þá ætti sá hinn sami að horfa á leikina tvo í Meistaradeildinni í kvöld. Chelsea og manchester united
gjörsamlega yfirspiluðu andstæðinga sína - og nema að Liverpool takist að klúðra málunum sínum gjörsamlega þá verða að öllum líkindum 3 ensk félagslið í 4 liða úrslitum Meistaradeildarinnar.
Ég verð að játa það að ég settist niður klukkan korter í sjö með þá von í brjósti að ég myndi sjá Chelsea og manchester united
detta úr leik á einu og sama kvöldinu, en sá draumur breyttist fljótt í martröð. En það er alveg ljóst að bæði liðin áttu það fyllilega skilið að komast í undanúrslitin. Núna þurfa okkar menn að klára viðureignina við PSV og þá bíður okkar enn ein viðureignin við Chelsea.
Mig þyrsti reyndar í Valencia viðureign en ef sigur vinnst gegn Chelsea er það náttúrulega ansi sætt... 
