10. janúar, 2007
Ég bara verð að byrja daginn á að fá nýja færslu efst á síðuna. En allavega, við erum enn að fá fréttir af eftirmála leiksins í gær: Stephen Warnock kveinkaði sér í baki eftir árás Jeremie Aliadiere í gær en er heill heilsu í dag, á meðan hinir tveir, Luis García og Mark Gonzalez, fara í frekari skoðanir í dag þar sem ræðst hversu lengi þeir verða frá. En það verður víst talsvert lengi, úr því að Rafa á að hafa sagt í gær að Harry Kewell verði orðinn leikfær á undan þeim báðum.
Þótt Warnock sé heill er ekki víst að hann verði mikið lengur á Anfield, þar sem hann er víst orðinn bitbein Liverpool og Blackburn í kaupsamningnum um Lucas Neill. Upphaflega var talið að þetta væri að tefjast af því að Blackburn væru tregir til að þiggja Warnock í beinum skiptum við Neill, sem á fimm mánuði eftir af samningi sínum, en nú benda fregnir til þess að þetta sé að tefjast vegna þess að við séum að heimta Neill og 500,000 pund í stað Warnock. Skrýtið. Almennt held ég að Neill sé dýrari leikmaður en af því að hann á svo stutt eftir af samningi er Warnock sennilega metinn á meira í dag. Samt, ef það er það sem þarf til finnst mér að menn eigi að sleppa þessum 500kalli og þiggja bara bein skipti, við þurfum Neill inn í þetta lið og það eins og skot!
Svo erum við víst við það að kaupa ungan argentínumann, miðjumann að nafni Sebastián Eduardo Leto, frá klúbbnum Lanús. Ég veit ekkert um manninn né klúbbinn hans, en hann er tvítugur og metinn á 1.85m punda, þannig að kannski er eitthvað varið í hann. Eins og kom skýrt fram í gær þurfum við á talsvert betri ungliðum að halda til að þrýsta á aðalliðið, það gengur ekki að á meðan Arsenal getur kallað á menn eins og Walcott, Djorou og Denilson inn í sitt lið skuli okkar bjartasta von í dag vera Danny Guthrie, með fullri virðingu fyrir honum.
Einn leikmaður sem ég vona í laumi að við kaupum er Ashley Young frá Watford. Þeir eru víst búnir að ákveða að selja hann hæstbjóðanda í næstu viku, en sem stendur eru Tottenham að reyna að prútta við þá um leikmannaskipti auk þess sem Aston Villa hafa boðið meira en Liverpool, þannig að þetta er ekki líklegt eins og stendur. En það gæti þó breyst.
Sváfu menn ekki annars vel? 
Uppfært - 10:00 (KAR): Hinn ungi, argentínski Leto hefur staðfest komu sína til Liverpool. Hann fær að vera á láni hjá Lanús út tímabilið og kemur í sumar. Sjálfur segir hann um málið:
“I am calm. Liverpool is a club with a lot of history. I do not fear the challenge. I’ve not spoken with (Rafa) Benitez, although I’ve seen a lot of Premiership matches on television. I’m a winger who likes to counter-attack. I don’t anticipate struggling to adapt to life in England.”
Flott hjá honum. Fyrsti nýji leikmaður sumarsins er kominn í ljós, en eins og ég sagði hér að ofan er erfitt að vera spenntur fyrir leikmanni sem maður veit ekkert um. Við dæmum hann þegar hann er mættur og byrjaður að spila fyrir okkur.
Uppfært - 10:28 (KAR): Ókei, þetta gerist greinilega hratt í dag. Fyrir hálftíma bárust fréttir af því að við hefðum keypt ungan, argentínskan kantmann sem kemur til liðsins í sumar og nú hefur BBC fréttir af því að við séum búnir að fá lánaðan Daniele Padelli, 21s árs gamlan ítalskan markvörð Sampdoria. Sagt er að hann komi á láni fram á sumarið með möguleika á kaupum þá, þannig að væntanlega vill Rafa meta hann betur áður en hann ákveður sig endanlega. Ætli þetta þýði ekki að tími Dudeks sé endanlega liðinn? Ég get ímyndað mér að þessi Padelli, sem er markvörður ítalska U-21 landsliðsins, gæti fengið leiki fram yfir Dudek í deildinni í vor ef að Reina meiðist eða lendir í leikbanni.
Tveir ungir leikmenn til liðsins í dag. Við sáum stórt vandamál í uppbyggingu klúbbsins í gær og það er greinilegt að Rafa hefur séð það líka og er að vinna úr lausn vandans.
Uppfært - 16:36 (HÞH): Ákvað að reita Kristján ekkert til reiðis með nýrri færslu
Í það minnsta verður Luis Garcia frá út tímabilið vegna meiðsla. Þetta eru auðvitað skelfileg tíðindi fyrir okkur þar sem hann er mikilvægur hlekkur í liðinu og sérstaklega í Meistaradeildinni þar sem við eigum tvo stórleiki fyir höndum, þar sem Luis Garcia sýnir yfirleitt sýnar bestu hliðar.
Mark Gonzalez verður svo frá í þrjár vikur.
Það er því ljóst að Riise er ekkert að fara að missa byrjunarliðssæti sitt á næstunni. Hann og Aurelio verða væntanlega á vinstri kantinum næsta mánuðinn eða svo, þar til Gonzalez er tilbúinn að koma inn. Ég veit reyndar ekki nákvæmlega hvenær Kewell snýr aftur en það eru væntanlega nokkrar vikur í það.
Hvað gerir Rafa eiginlega eftir að hafa misst Garcia? Ætli hann vilji fá einhvern lánaðan út tímabilið, einhvern kantmann? Ég veit ekki… David Beckham er víst á lausu
En hann er ekkert að koma til Liverpool….
Við skulum vona að benites gangi betur að manna kjúklingaliðið sitt með kaupum sínum þó Leto þessi virðist kjúlli í eldri kantinum. Þá á ég við "betur" en kaupin inn í aðalliðið sem hafa verið ansi mistæk sum hver. Einu kaupin sem ég er verulega sáttur við hjá honum eru Alonso og Kátur framherji og svo á Agger eftir að verða góður. Ennþá hefur afar lítið komið út úr mönnum eins og Aurelio, Mark Gonzalez, Bellamy, Palletta o.s.frv. Bellamy er að vísu búin að skora ein 3 - 4 mörk á undanförnum vikum en sem framherji er hann ekki að skila því sem framherji, í liði eins og Liverpool vill vera, á að gera. Þetta segir mér það sem liggur í augum uppi aðbenites er ekki að gera neinar rósir á neinu sviði í enska boltanum. Því spyr ég. HVAÐ ER SVONA FRÁBÆRT VIÐ ÞENNAN MANN?????
Það veit sem er að öll kaup Wenger á ungliðum í gegnum tíðina hafa verið frábær og vel heppnuð, og að allir spruttu þeir fram fullskapaðir í fyrsta leik.
