ég er ekki alveg að fatta þetta, eru ekki FIFA búnir að segja að hann geti ekki spilað ef hann semur við Liverpool en samt segir Rafa að hann geti spilað, ætti ekki FIFA að vita hvað þeir eru að tala um frekar en Rafa þó Rafa sé mikill snillingur, það er ekki spurning og svo var ég að sjá á Soccernet að aðeins Fabrecas verður í banni á morgun, ekki Van Persie líka eins og mbl.is hélt fram í morgun.

Jæja jómfrúarummæli mín á þessari frábæru síðu sem ég hef lesið í laumi hingað til. Mér líst vel á Mascherano, en er þetta ekki ávísun á Gerrard á hægri kantinum sem er eitthvað sem margir eru ekki sáttir með? En hver er annars tilgangurinn með því að hafa einhverja reglu og vera svo stöðugt að veita einhverjar undanþágur frá henni? Spyr sá sem ekki veit.
LeBig

Og svo samkvæmt þeim fréttum sem maður heyrir þá eru Fifa duglegir við að veita undanþágu frá þessari reglu, þannig að hún er nákvæmlega ekki til neins.

Fyrirgefið, en afhverju eru allir svona spenntir? Er mest spennandi fréttin í glugganum þess eðlis að við séum mögulega að bæta við fjórða/fimmta miðjumanninum? Nenni ekki að ræða kosti hans, en leikmaðurinn var í liði Argentínu en kemst svo ekki í lið West Ham svo maður skilur ekki neitt. Jú, hann gæti orðið svakalegur og fínt að fá hann - en rosalega er þetta óspennandi sem aðalfréttin.

Óska þess að við bætum við alvöru framherja eða kantmanni. Erum í ágætis málum annars staðar (ágætt að fá Neill í backup). Hver er svo staðan á Dubai yfirtökunni. Vinnur Parry bara tvo daga í viku, gerist allt lúshægt í kringum hann - líka leikmannakaup. Það verður hrikalegt ef yfirtakan klikkar, liðið fór fyrst að leika vel þegar þessi mál komust á eitthvað skrið - það ER tenging þarna á milli. Alvöru leikmenn í dag hafa ekki áhuga að vinna fyrir fjölskyldufyrirtæki sem er rekið með úreltum aðferðum.

Óska eftir pistli um kaup á Henry! Hversu fáranlega óraunhæf væri það en jafnframt hrikalega frábært?

Seðill sagði:

Er mest spennandi fréttin í glugganum þess eðlis að við séum mögulega að bæta við fjórða/fimmta miðjumanninum?

..liðið fór fyrst að leika vel þegar þessi mál komust á eitthvað skrið - það ER tenging þarna á milli.

Óska eftir pistli um kaup á Henry!

Það væri samt gaman að sýna honum almennilega í dag hvað hann er að fara á mis við með því að vera ekki í Liverpool!

hehe..ég ætlaði bara að svara honum kurteisislega, þið sýnið honum minni miskunn!

Ekki skil ég alveg Einar og SStein. Þeir eru að leggja orð í munn Seðils. Bottom lineið hjá honum er klárlega það að það sé ótrúlegt að aðalkaupin séu miðjumaður en ekki hægri kantmaður og framherji sem liðið vantar sárlega, eða hreinlega vinstri kantmaður. Hann segir aldrei að þetta sé slæmur leikmaður heldur skilur hann ekki af hverju það er verið aðalfréttin og aðalkaupin í þessum glugga sé í stöðu sem er nú tiltölulega vel mönnuð miðað við aðrar (framherjastöðuna og hægri kant). Einnig veit ég og skil að miðjumenn okkar s.e. Sissoko sé meiddur, en hann verður bara frá í einn mánuð til viðbótar - hægri kantmannsstaðan verður frá allt þetta tímabil.

Enn einu sinni þegar menn eru ósammála stjórnendum þessarar síðu er þeim svarað um leið með hálfgerðum leiðindum, kallaðir fullir o.s.frv. Ekki taka þetta þó þannig að ég sé ósáttur með þessa síðu, hún er hreint frábær - skil bara ekki svona svaranir alltaf hreint við þá sem eru ósammála.

Aðalkostur þessarar síðu og meginástæðan fyrir því að ég kíki hérna inn á hverjum degi er að hérna eru bæði mjög málefnalegar umræður og líka hressandi gamaldags rifrildi án þess að menn detti í sandkassa og skítkast gírinn. Endilega ekki hætta því.

Varðandi ofangreinda umræðu er ljóst að ef af verður að fyrirliði argentínu kemur á Anfield fyrir tiltölulega lága fjárhæð er ekki hægt annað en að fyllast smá spenningi. Hvort hann komi síðan til með að standa sig kemur tíminn síðan til með að leiða í ljós.

Ég er reyndar þeirrar skoðunar eins og hér hefur áður komið fram að hópurinn okkar sé bara nokkuð sterkur eins og er og ekki sé þörf á einhverjum stórkostlegum kaupum nú í janúar. Væri gott að fá cover i hægri fullback jú jú en annars erum við nokkuð góðir að mínu mati.

Ef aftur á móti dettur inná borð eitthvað jafn fáránlegt og að fyrirliði argentíska landsliðsins standi til boða fyrir lítin pening þá á að sjálfsögðu að skoða það með jákvæðu hugarfari.

En endilega ekki hætta að rífast og vera ósammála því þá nenni ég ekki að fylgjast með þessari frábæru síðu lengur.

Sá fyrst núna að innlegg mitt hefur komið af stað miklum tilfinningum. Ætla ekki að svara þeim enda tel ég þau dæma sig flest sjálf. Vil eingöngu ítreka það sem ég var að segja, vegna þess að hér voru mér lögð orð í munn.

Í fyrsta lagi tel ég komu Mascherano ÓSPENNANDI, ekki að ég vilji hann ekki. Það er enginn annar að eltast við hann og ekki einn heldur tveir stjórar West Ham hafa ekki getað notað hann. Aðalpunkturinn er samt að þessi staða er frábærlega mönnuð hjá okkur og því finnst mér ekki spennandi að fá mann þar (ég er mótfallinn því bara ekki spenntur (excited)). Kemur alveg skýrt fram hjá mér.

Í öðru lagi óska ég þess að keyptur væri framherji eða kantmaður sem teldist fyrsta flokks - þ.e. byrjunarliðsmaður sem væri "betri" en þeir sem fyrir eru. Ekkert óeðlilegt við það og skil ekki afhverju það veldur æsingi. Ég tel það ekki óraunhæft miðað við að nýjir eigendur kæmu inn, tala nú ekki um ef þeir væru olíufurstar. Í því samhengi pirra ég mig á hversu hægt allt gengur með yfirtökuna, sem byggir á pirring yfir öllum aðgerðum sem ég tel Moore/Parry tengjast, s.s. leikmannakaup sem falla á tíma eða gerast korteri fyrir lokun. Auðvitað vinnur Parry fullan vinnudag, fyrirgefðu SSteinn og allir hinir sem tóku það bókstaflega hjá mér. Og SSteinn, þá veit ég allt um hvernig svona hlutir ganga fyrir sig og veit því að þeir þurfa ekki (og eiga ekki) að gerast svona hægt eftir að þeir hafa komið fyrir almannasjónir. Sem þýðir einnig að ég tel að þessi yfirtaka hafi verið komin í gang löngu áður en við heyrðum af henni og að Gerrard sem fyrirliði hafi verið viðriðin hana. Það er svo mín skoðun að það hafi létt hann í lundu og valdið því að hann fór að spila mun betur. Fullyrði ekkert um rekstur Liverpool, enda eru þeirra gögn ekki opinber sökum þess að um einkafyrirtæki er að ræða en menn geta skoðað reikninga nokkurra annarra klúbba ef þeir hafa áhuga. En ef það er rekið illa þá hefur það að sjálfsögðu áhrif á starfsmenn. Er persónulega farinn að telja að svo gæti verið, svipað og aðrir telja að sígaunar hafi lagt álög á Anfield. Öllum frjálst að hafa sína skoðun og hef ég mikin áhuga á að ræða þetta og lagði þetta því til hér. Ef það er ekki áhugi á því þá allt í lagi.

Í þriðja lagi, kom ekki skýrt fram hjá mér að það er fáranlega óraunhæft að Henry komi til Liverpool? Hélt það. En rosalega er gaman hversu mikið það fer í taugarnar á Arsenal mönnum, kemur á óvart að það fer líka í taugarnar á Liverpool mönnum.