Það er ljóst að Liverpool hefur áhuga á Neill sem og að hann hefur áhuga á að koma til félagsins. Spurningin er hvort Blackburn sleppi honum ódýrt eða láti hann spila samninginn sinn út leiktímabilið? Ennfremur ef fleiri lið sýna honum áhuga þá má vel vera að verðmiðinn muni hækka og áhugi Liverpool þá færast yfir á aðra leikmenn?

Hvað er raunvirði Lucas Neill? og hvað er raunhæft að greiða fyrir hann þegar samningurinn er að renna út eftir 6 mánuði?

Gravesen fór til Real Madrid á 2 milljónir punda frá Everton um árið. Ætli raunvirði hans þá hafi ekki verið í kringum 4-5 milljónir? Þá erum við að tala um ca. 50-60% verðlækkun á leikmanni sem er að verða samningslaus.

Ætli þá sé ekki raunhæft að ætla að 1-2 milljónir punda sé verðmiðinn á drengnum ef við gefum okkur að hann kosti 3-4 milljónir punda?

Svona setningar borga vel sko!

Nei, svona setningar geta orðið til þess að fæla burtu önnur lið. Þannig að nema menn meini þetta, þá er lítið vit í að lýsa þessu yfir, sérstaklega ef fleiri en eitt lið er á eftir leikmanninum einsog er í tilfelli Neill.