29. desember, 2006
Jæja, jólatörnin heldur áfram og næst er það Tottenham, á útivelli. Fyrir leikinn erum við í sjötta sæti með 34 stig, Tottenham er í næsta sæti þar á eftir með þremur stigum minna.
Málið er nokkuð einfalt, við verðum að nýta færin okkar betur en við gerðum gegn Blackburn. Ef við gerum það, þá vinnum við þennan leik. Engin stórkostleg speki kannski 
Ég er nokkuð hrifinn af þessu Tottenham liði. Þeir eru með góðan mannskap, menn eins og Paul Robinsson, Ledley King, Tom Huddlestone, hinn skemmtilega Aaron Lennon og framherjana Jermaine Defoe og Dimitar Berbatov.
Sá síðarnefni var maður sem ég vildi fá til Liverpool á sínum tíma, og reyndar Defoe líka. Þeir hafa verið að spila mikið saman að undanförnu og eru þar af leiðandi að ná betur og betur saman. Defoe skoraði til að mynda tvo í síðasta leik þeirra og það var Berbatov sem lagði upp bæði mörkin. Defoe hefur skorað ellefu mörk í síðustu tíu leikjum sem hann hefur byrjað hjá Tottenham.
Berbatov er magnaður framherji. Hann klárar færin sín ótrúlega vel og er að mínu mati hættulegasti leikmaður þeirra. Defoe er hættulegur líka, hann hefur mikinn hraða, og því myndi ég ætla að Hyypia fari á bekkinn núna. Huddlestone hefur svo leyst skarðið sem Michael Carrick skyldi eftir sig með miklum sóma.
Ég held að þetta verði frábær leikur. Okkur hefur verið að vegna betur og betur á útvöllum en misstigum okkur gegn Blackburn. Tottenham hefur unnið síðustu átta af tíu heimaleikjum og okkur hefur ekki gengið neitt stórkostlega á White Hart Lane undanfarin ár ef ég man rétt.
Ég er að horfa til þess að við nýtum okkur helsta veikleika þeirra, sem er vinstri vængurinn. Þessi Lee þarna, sem var góður með Suður-Kóreu og PSV, er ekkert spes og þeir hafa verið að nota Benoit Assou-Ekotto, sem ég kann ekki mikil deili á, en samkvæmt því sem ég hef séð og heyrt er hann ekki sá besti. Ég vona að Pennant nýti tækifærið og haldi áfram því fína formi sem hann hefur sýnt undanfarið.
Ég vona líka að Aurelio komi inn í vinstri bakvörðinn og að Benítez spili bara 4-4-2 með Kuyt og Bellamy frammi. Crouch kom sér í fín færi í síðasta leik en það var lélegt hjá honum að skora ekki, það er bara staðreynd. Auðvitað er mikið að gera um jólin og það er spurning hvernig Benítez spilar þetta, það eru síðan bara tveir dagar í leikinn gegn Bolton.
Að mínu mati gerði Benítez mistök (sem maður hefði kannski kallað snilld ef við hefðum unnið Blackburn 3-0 eins og við áttum að gera) með þessu kerfi sem hann stillti upp. Finnan er ekki þessi týpíski wingback til dæmis, og Gonzalez á bara heima á kantinum.
Ég held að Kuyt komi aftur inn í byrjunarliðið og ég vona að Bellamy verði með honum. Crouch gæti samt alveg eins fengið tækifærið áfram en Fowler kallinn bíður líklega enn. Pennant held ég að komi aftur inn sem og Garcia.
Byrjunarliðið á morgun gæti því litið svona út:
Reina
Finnan - Carragher - Agger - Aurelio
Pennant - Gerrard - Alonso - Luis García
Crouch - Kuyt
Á bekknum: Dudek, Hyypiä, Riise, Gonzalez, Bellamy.
Hefðbundið og gott…. Eins og ég sagði áðan, þá þarf Pennant að notfæra sér það að vinstri kanturinn er líklega þeirra veikleiki og svo er bara að nýta þessi færi! Ég held að Kuyt verði annars í strangri gæslu enda er Martin Jol hrifnn af landa sínum.
Mín spá: Það er ekki nokkur spurning að þetta verður erfiður leikur. Ég held líka að hann verði skemmtilegur á að horfa og ég ætla að spá honum 2-2 jafntefli. Gerrard og Luis Garcia skora fyrir okkur, þeir jafna tvívegis.
En hvað segið þið?
Eftir frammistöðu okkar manna og uppstillingu Benítez á liðinu í síðasta leik þá má reikna með að við töpum þessum leik stórt. Hann leggst svo illa í mig að eg þori ekki einu sinni að spá 
Ég hélt að ritskoðun síðunnar miðaðist við sóðalegt orðbragð og persónulegt skítkast. En viðhorf og ritháttur sem ekki er í þeim stíl mætti standa????? Sérkennilegt en ef til vill lýsandi. 
